ᠣᠷᠳᠣ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶ᠋ᠢᠨ ᠳᠠᠭᠠᠳᠭᠠᠯᠢ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠴᠢᠳᠠᠪᠤᠷᠢᠪᠠᠨ ᠠᠯᠳᠠᠵᠤ ᠣᠶᠤᠨ ᠤᠬᠠᠭᠠᠨᠢᠶᠠᠨ ᠠᠯᠳᠠᠭ᠍ᠰᠠᠨ ᠨᠠᠰᠤᠲᠠᠢᠴᠤᠳᠢ ᠬᠠᠷᠠᠭᠠᠯᠵᠠᠨ ᠠᠰᠠᠷᠠᠬᠤ ᠱᠢᠰᠲ᠋ᠧᠮᠢ ᠪᠦᠷᠢᠨᠱᠢᠭᠦᠯᠵᠦ᠍᠂ ᠡᠷᠡᠭᠦᠯᠵᠢᠯ ᠰᠤᠪᠢᠯᠠᠯᠲᠠ᠂ ᠠᠮᠤᠷ ᠵᠢᠮᠤᠷ ᠡᠮᠨᠡᠨ ᠰᠤᠪᠢᠯᠠᠬᠤ ᠦᠢᠯᠡᠴᠢᠯᠡᠭᠡᠨᠤ ᠬᠠᠩᠭᠠᠯᠭᠠᠶ᠋ᠢ ᠥᠷᠭᠡᠳᠭᠡᠨᠡ᠃ —《ᠠᠷᠪᠠᠨ ᠲᠠᠪᠤᠳᠤᠭᠠᠷ ᠲᠠᠪᠤᠨ ᠵᠢᠯ》 ᠤᠨ ᠲᠥᠯᠥᠪᠵᠢᠭᠦᠯᠭᠡᠶ᠋ᠢᠨ ᠰᠠᠨᠠᠭᠤᠯᠭᠠᠠᠴᠠ ᠠᠪᠤᠪᠠ
ᠪᠠᠷᠠᠭᠤᠨ ᠬᠥᠯᠢᠶᠡᠷᠢᠶᠡᠨ ᠦᠰᠦᠨ ᠪᠢᠷᠢᠶᠡᠨ ᠪᠣᠯᠪᠠᠰᠤᠷᠠᠩᠭᠤᠢ ᠬᠠᠪᠴᠢᠵᠤ᠂ ᠪᠡᠬᠡᠶᠢᠨ ᠰᠢᠩᠭᠡᠨᠳᠦ ᠳᠦᠷᠦᠵᠦ᠂ ᠴᠠᠭᠠᠰᠤᠨ ᠳᠡᠭᠡᠷᠡ ᠥᠩᠭᠡ ᠦᠵᠡᠮᠵᠢᠶᠢ ᠵᠢᠷᠤᠭᠠᠳ᠂ ᠮᠠᠰᠢ ᠲᠦᠷᠭᠡᠨᠢᠶᠡᠷ ᠠᠭᠤᠯᠠ ᠤᠰᠤᠨᠤ ᠪᠡᠬᠡᠨ ᠵᠢᠷᠤᠭᠢ ᠵᠢᠷᠤᠴᠢᠬᠠᠳᠠᠭ᠃ ᠵᠧᠵᠢᠶᠠᠩᠤᠨ ᠨᠢᠩᠪᠦ᠋ᠸᠧᠶ᠋ᠢᠨ ᠬᠡᠷᠲᠤ᠂ ᠴᠢᠳᠠᠪᠤᠷᠢᠪᠠᠨ ᠬᠦᠨᠳᠦ ᠠᠯᠳᠠᠭ᠍ᠰᠠᠨ ᠦ᠋ ᠬᠤᠤ ᠯᠢᠶᠠᠩ ᠨᠠᠷᠢᠨ ᠬᠢᠨᠠᠮᠠᠭᠠᠶ ᠵᠣᠬᠢᠶᠠᠨ ᠪᠦᠲᠦᠭᠡᠵᠦ᠍ ᠪᠠᠢ᠌ᠯᠠ᠃ ᠲᠦᠷᠦᠭᠦᠬᠡᠨ᠂ ᠲᠡᠷᠡ ᠨᠢᠭᠡᠨ ᠬᠤᠪᠢ ᠬᠥᠮᠦᠨᠦ᠌ ᠵᠢᠷᠤᠭᠤ᠋ᠨ ᠦᠵᠡᠰᠭᠦᠯᠡᠩ ᠡᠷᠬᠢᠯᠡᠵᠦ᠍᠂ 200 ᠭᠠᠷᠤᠢ ᠪᠦᠲᠦᠭᠡᠯ ᠢ᠋ ᠴᠥᠮ ᠪᠠᠷᠠᠭᠤᠨ ᠬᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠦᠲᠦᠭᠡᠭᠰᠡᠨ ᠨᠢ ᠬᠥᠮᠥᠰ ᠢ᠋ ᠭᠠᠢᠬᠠᠰᠢ ᠠᠯᠳᠠᠭᠤᠯᠤᠨᠠ᠃
ᠬᠡᠳᠦᠨ ᠵᠢᠯᠦᠨ ᠡᠮᠦᠨᠡ᠂ ᠦ᠋ ᠬᠤᠤ ᠯᠢᠶᠠᠩ ᠥᠪᠡᠷᠢᠶᠡᠨ ᠴᠦ᠍ ᠠᠯᠢ ᠨᠢᠭᠡᠨ ᠡᠳᠦᠷ ᠵᠢᠷᠤᠭᠤᠨ ᠦᠵᠡᠰᠬᠦᠯᠡᠩ ᠭᠠᠷᠭᠠᠨᠠ ᠭᠡᠵᠦ ᠢᠲᠡᠭᠡᠬᠦ ᠦᠭᠡᠢ ᠪᠠᠢᠯᠠ᠃ ᠠᠮᠵᠢᠯᠲᠠ ᠣᠯᠣᠭᠰᠠᠨᠤ ᠠᠷᠤᠳᠤ᠂ ᠭᠡᠷᠦᠨ ᠬᠥᠮᠥᠰᠦᠨ ᠬᠢᠨ ᠨᠠᠷᠢᠨ ᠨᠢᠮᠪᠠᠢ ᠬᠠᠷᠠᠭᠠᠯᠵᠠᠯ ᠠ᠋ᠴᠠ ᠭᠠᠳᠠᠨᠠ᠂ ᠨᠠᠩ ᠴᠤ᠌ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠬᠠᠯ （ᠳᠣᠷᠣᠭ᠍ᠰᠢ 《 ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠬᠠᠯ 》 ᠭᠡᠵᠦ ᠲᠤᠪᠴᠢᠯᠠᠪᠠ） ᠠ᠋ᠴᠠ ᠪᠣᠯᠤᠭᠰᠠᠨ ᠦᠨᠳᠦᠰᠦᠨ ᠵᠦᠢᠯ ᠢ᠋ ᠪᠠᠲᠤᠯᠠᠬᠤ ᠪᠠᠲᠤᠯᠠᠭᠠᠲᠠᠢ ᠪᠠᠢᠳᠠᠭ ᠃
ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠬᠠᠯ ᠭᠡᠵᠦ ᠶᠠᠭᠤ ᠪᠣᠶ ？ ᠡᠨᠡ ᠪᠣᠯ ᠮᠠᠨᠤ ᠤᠯᠤᠰᠤᠨ ᠬᠥᠮᠥᠨ ᠠᠮᠠ ᠶ᠋ᠢᠨ ᠨᠠᠰᠤᠵᠢᠯᠲᠠ ᠶ᠋ᠢ ᠠᠷᠭ᠋ᠠᠴᠠᠭ᠋ᠠᠬᠤ᠂ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠ ᠶ᠋ᠢᠨ ᠰᠢᠰᠲᠧᠮ ᠢ᠋ ᠲᠡᠭᠦᠯᠳᠡᠷᠵᠢᠭᠦᠯᠬᠦ ᠴᠢᠬᠤᠯᠠ ᠪᠠᠢᠷᠢᠯᠠᠭᠤᠯᠤᠯᠲᠠ ᠮᠥᠨ᠂ ᠨᠠᠰᠤ ᠠᠬᠠᠰᠢᠷᠠᠭᠰᠠᠨ᠂ ᠡᠪᠡᠳᠴᠢᠯᠡᠭᠰᠡᠨ ᠪᠤᠶᠤ ᠵᠡᠮᠳᠡᠭ ᠪᠣᠯᠤᠭᠰᠠᠨᠤ ᠬᠠᠷᠠᠭᠠᠪᠠᠷ ᠠᠮᠢᠳᠤᠷᠠᠯᠢᠶᠠᠨ ᠠᠷᠭ᠋ᠠᠴᠠᠭ᠋ᠠᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠵᠢᠴᠢ ᠳᠠᠭᠠᠳᠬᠠᠯᠳᠤ ᠣᠷᠣᠯᠴᠠᠭᠰᠠᠳᠲᠤ ᠰᠤᠪᠢᠯᠠᠯᠲᠠ ᠶ᠋ᠢᠨ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠬᠤ ᠨᠢᠭᠡ ᠵᠦᠢᠯᠦᠨ ᠨᠡᠢᠭᠡᠮᠦᠨ ᠳᠠᠭᠠᠳᠬᠠᠯᠤᠨ ᠳᠦᠷᠢᠮ ᠮᠥᠨ᠂ ᠡᠭᠦᠨ ᠢ᠋ 《 ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢ᠂ ᠡᠮ ᠡᠮᠨᠡᠯᠭᠡ᠂ ᠠᠵᠢᠯ ᠠᠯᠳᠠᠭᠰᠠᠨ᠂ ᠠᠵᠢᠯᠤᠨ ᠬᠠᠷᠠᠭᠠᠪᠠᠷ ᠭᠡᠮᠲᠦᠭᠰᠡᠨ᠂ ᠬᠡᠦᠬᠡᠳ ᠠᠪᠤᠭᠰᠠᠨ 》 ᠲᠠᠪᠤᠨ ᠶᠡᠬᠡ ᠨᠡᠢᠭᠡᠮᠦᠨ ᠳᠠᠭᠠᠳᠬᠠᠯᠤᠨ ᠳᠠᠷᠠᠭᠠᠬᠢ 《 ᠵᠢᠷᠭᠤᠳᠤᠭᠠᠷ ᠳᠠᠭᠠᠳᠬᠠᠯ 》 ᠭᠡᠳᠡᠭ᠃ ᠨᠥᠬᠦᠴᠡᠯᠳᠤ ᠨᠡᠢᠴᠡᠬᠦ᠌ ᠴᠢᠳᠠᠪᠤᠷᠢᠪᠠᠨ ᠠᠯᠳᠠᠭ᠍ᠰᠠᠨ ᠬᠥᠮᠦᠰ ᠴᠡᠭ ᠲᠤᠭᠲᠠᠭ᠋ᠠᠭᠰᠠᠨ ᠦᠢᠯᠡᠴᠢᠯᠡᠭᠡᠨᠤ ᠪᠠᠢᠭᠤᠯᠤᠮᠵᠢᠳᠤ ᠰᠣᠩᠭᠤᠨ ᠰᠤᠪᠢᠯᠠᠬᠤ ᠦᠢᠯᠡᠴᠢᠯᠡᠭᠡ ᠬᠦᠷᠲᠡᠭᠡᠬᠦ᠌ ᠪᠤᠶᠤ ᠴᠡᠭ ᠲᠤᠭᠲᠠᠭ᠋ᠠᠭᠰᠠᠨ ᠦᠢᠯᠡᠴᠢᠯᠡᠭᠡᠨᠤ ᠪᠠᠢᠭᠤᠯᠤᠮᠵᠢᠠᠴᠠ ᠭᠡᠷᠲᠤ ᠨᠢ ᠬᠦᠷᠴᠦ ᠠᠰᠠᠷᠠᠨ ᠰᠤᠪᠢᠯᠠᠬᠤ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠵᠤ ᠪᠣᠯᠤᠨᠠ᠃
ᠠᠩᠬᠠᠨᠤ ᠪᠦᠯᠦᠭᠦᠨ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠬᠠᠯᠤᠨ ᠳᠦᠷᠢᠮᠦᠨ ᠲᠤᠷᠰᠢᠯᠲᠠᠶᠢᠨ ᠬᠣᠲᠠ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠠᠯᠢ ᠡᠷᠲᠡ 2017 ᠣᠨᠳᠤ ᠨᠢᠩᠪᠦ᠋ᠸᠧᠡᠴᠡ ᠳᠠᠷᠤᠢ ᠯᠠᠪᠳᠠᠭᠤᠨ ᠪᠣᠯᠭᠣᠮᠵᠢᠲᠠᠢ ᠡᠮᠬᠢ ᠵᠢᠷᠤᠮᠲᠠᠢ ᠲᠤᠷᠰᠢᠯᠲᠠᠶᠢᠨ ᠴᠡᠭᠢ ᠡᠬᠢᠯᠡᠭᠦᠯᠦᠭᠰᠡᠨ ᠶᠤᠮ᠃ 2023 ᠣᠨᠳᠤ᠂ ᠨᠢᠩᠪᠦ᠋ᠸᠧ ᠲᠤᠷᠰᠢᠯᠲᠠᠶᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠭᠦᠨᠵᠡᠭᠡᠢᠷᠡᠭᠦᠯᠵᠦ᠂ ᠪᠥᠬᠥ ᠬᠣᠲᠠᠶᠢᠨ ᠪᠥᠬᠥ ᠨᠠᠰᠤᠨᠤ ᠱᠠᠲᠤᠨᠤ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠬᠠᠯᠳᠤ ᠣᠷᠣᠯᠴᠠᠭᠰᠠᠳᠢ ᠴᠥᠮ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠬᠠᠯᠤᠨ ᠪᠠᠲᠤᠯᠠᠭᠠᠶᠢᠨ ᠬᠡᠪᠴᠢᠶᠡᠨᠳᠦ ᠣᠷᠣᠭᠤᠯᠵᠤ᠂ ᠣᠷᠳᠣ᠌ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠬᠠᠯᠤᠨ ᠳᠦᠷᠢᠮᠦᠨ ᠪᠡᠯᠡ ᠮᠥᠩᠭᠥ ᠴᠤᠭᠯᠠᠭᠤᠯᠬᠤ᠂ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠶᠢ ᠦᠨᠡᠯᠡᠨ ᠵᠢᠱ᠌ᠢᠬᠦ᠂ ᠬᠠᠷᠠᠭᠠᠯᠵᠠᠯ ᠣᠯᠭᠣᠬᠤ᠂ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠬᠤ᠂ ᠭᠠᠷᠲᠠᠨ ᠭᠦᠢᠴᠡᠳᠬᠡᠬᠦ ᠬᠠᠮᠢᠶᠠᠷᠤᠯᠲᠠ ᠵᠡᠷᠭᠡ 《 ᠲᠠᠪᠤᠨ ᠶᠡᠬᠡ ᠰᠢᠰᠲᠧᠮ 》ᠢ ᠪᠠᠢᠭᠤᠯᠪᠠ᠃
2023 ᠣᠨᠤ 6 ᠳ᠋ᠤᠭ᠋ᠠᠷ ᠰᠠᠷᠠᠳᠤ᠂ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤᠨ ᠰᠠᠯᠠᠭᠠ ᠮᠥᠴᠢᠷᠤᠨ ᠵᠢᠯᠣᠭᠤᠳᠣᠯᠭᠠ ᠬᠠᠪᠰᠤᠷᠤᠯᠭᠠ ᠳᠣᠤᠷᠠ᠂ ᠦ᠋ ᠬᠤᠤ ᠯᠢᠶᠠᠩ ᠦᠨᠡᠯᠡᠨ ᠵᠢᠱ᠌ᠢᠬᠦ᠌ᠪᠠᠷ ᠳᠡᠮᠵᠢᠨ ᠴᠢᠳᠠᠪᠤᠷᠢᠪᠠᠨ ᠬᠦᠨᠳᠦ ᠠᠯᠳᠠᠭ᠍ᠰᠠᠨᠢᠶᠠᠷ ᠲᠣᠭ᠍ᠲᠠᠭᠠᠭ᠍ᠳᠠᠵᠤ᠂ ᠲᠡᠷᠡ ᠨᠢᠭᠡ ᠵᠢᠯᠳᠤ ᠵᠥᠪᠬᠡᠨ 30 ᠲᠥᠭᠦᠷᠢᠭ ᠲᠤᠱᠢᠶᠠᠪᠠᠯ ᠳᠠᠷᠤᠶ ᠰᠠᠷᠠ ᠪᠦᠷᠢ 20 ᠴᠠᠭᠤᠨ ᠬᠡᠷᠲᠤᠨᠢ ᠬᠦᠷᠴᠦ᠍ ᠰᠤᠪᠢᠯᠠᠬᠤ ᠦᠢᠯᠡᠴᠢᠯᠡᠭᠡᠶ᠋ᠢ ᠭᠥᠷᠳᠡᠵᠦ᠍ ᠪᠣᠯᠤᠨᠠ᠃
《ᠪᠢ ᠡᠮᠦᠨᠡ ᠨᠢ ᠵᠢᠷᠤᠭ ᠵᠢᠷᠤᠬᠤᠳᠤ ᠲᠦᠰᠢᠭᠯᠡᠨ ᠠᠮᠢᠳᠤᠷᠠᠬᠤ ᠬᠦᠰᠡᠯ ᠡᠷᠡᠮᠡᠯᠵᠡᠯᠢᠶᠡᠨ ᠡᠷᠢᠵᠦ ᠣᠯᠵᠠᠢ᠂ ᠭᠡᠪᠡᠴᠦ ᠬᠣᠶᠠᠷ ᠵᠢᠯᠦᠨ ᠡᠮᠦᠨᠡ ᠡᠪᠡᠳᠴᠢᠨ ᠭᠡᠨᠡᠳᠲᠡ ᠬᠦᠨᠳᠦᠷᠡᠵᠦ᠂ ᠬᠣᠶᠠᠷ ᠬᠥᠯ ᠮᠢᠨᠴᠦᠭᠦᠷᠡᠵᠦ᠂ ᠰᠠᠨᠠᠭᠠᠪᠠᠷ ᠪᠣᠯᠬᠤ ᠦᠭᠡᠢ ᠪᠣᠯᠪᠠ᠂ ᠡᠨᠡ ᠨᠢᠭᠡ ᠦᠶᠡ ᠨᠠᠮᠠᠶ᠋ᠢ ᠮᠤᠬᠤᠷᠳᠠᠯᠳᠤ ᠣᠷᠣᠭᠤᠯᠵᠠᠢ》᠃ ᠦ᠋ ᠬᠤᠤ ᠯᠢᠶᠠᠩᠤᠨ ᠡᠷᠭᠢᠴᠡᠭᠦᠯᠬᠦᠪᠡᠷ᠂ ᠥᠪᠡᠷᠦᠨ ᠤᠷᠳᠤ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠬᠠᠯᠤᠨ ᠪᠠᠲᠤᠯᠠᠪᠤᠷᠢᠶᠢᠨ ᠬᠡᠪᠴᠢᠶᠡᠨᠳᠦ ᠣᠷᠣᠬᠤᠶᠢ ᠳᠠᠭᠠᠯᠳᠤᠨ᠂ ᠠᠮᠢᠳᠤᠷᠠᠯᠳᠤ ᠰᠢᠨᠡ ᠬᠤᠪᠢᠷᠠᠯᠲᠠ ᠭᠠᠷᠴᠠᠢ᠃
ᠳᠠᠷᠠᠭᠠ ᠰᠠᠷᠠᠳᠤ᠂ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠰᠤᠪᠢᠯᠠᠯᠲᠠᠶ᠋ᠢᠨ ᠪᠠᠢᠭᠤᠯᠤᠮᠵᠢ ᠦ᠋ ᠬᠤᠤ ᠯᠢᠶᠠᠩᠳᠤ ᠨᠢᠭᠡᠨ ᠰᠤᠪᠢᠯᠠᠭᠴᠢ ᠲᠣᠬᠢᠷᠠᠭᠤᠯᠵᠤ — ᠳ᠋ᠠᠢ ᠰᠢᠩ ᠳ᠋ᠢ ᠭᠡᠳᠡᠭ᠃ ᠠᠰᠠᠷᠠᠭ᠍ᠴᠢᠠᠴᠠ ᠠᠳᠠᠯᠢ ᠦᠭᠡᠶ ᠲᠠᠯᠠ ᠭᠡᠪᠡᠯ᠂ ᠰᠤᠪᠢᠯᠠᠭᠴᠢ ᠡᠷᠬᠡᠪᠰᠢ ᠲᠤᠰᠭᠠᠶ ᠮᠡᠷᠭᠡᠵᠢᠯᠦᠨ ᠪᠣᠯᠪᠠᠰᠤᠷᠠᠯ ᠬᠦᠷᠲᠡᠵᠦ᠍᠂ ᠤᠯᠤᠰᠠᠴᠠ ᠵᠥᠪᠱᠢᠶᠡᠷᠡᠭ᠌ᠰᠡᠨ ᠬᠢᠷᠢ ᠭᠡᠮᠦᠨ ᠦᠨᠡᠮᠯᠡᠯ ᠢ ᠣᠯᠤᠭ᠍ᠰᠠᠨᠤ ᠳᠠᠷᠠᠭᠠ ᠰᠠᠶᠢ ᠦᠢᠯᠡᠴᠢᠯᠡᠭᠡᠨ ᠥᠷᠨᠢᠭᠦᠯᠵᠦ᠍ ᠪᠣᠯᠤᠨᠠ᠂ 《ᠲᠤᠰᠭᠠᠶ ᠮᠡᠷᠭᠡᠵᠢᠯ》 ᠪᠣᠯ ᠲᠡᠳᠡᠨᠦ ᠬᠠᠮᠤᠭᠤᠨ ᠲᠣᠪᠣᠢᠮᠠ ᠣᠨᠴᠠᠯᠢᠭ ᠪᠣᠯᠤᠨᠠ᠃
ᠠᠩᠬᠠ ᠤᠳᠠᠭᠠ ᠦ᠋ ᠬᠤᠤ ᠯᠢᠶᠠᠩᠢ ᠦᠵᠡᠵᠦ᠂ ᠳ᠋ᠠᠢ ᠰᠢᠩ ᠳ᠋ᠢᠶᠢᠨ ᠰᠡᠳᠬᠢᠯ ᠨᠢ ᠴᠤᠴᠠᠰᠬᠢᠵᠦ᠄ 《ᠦ᠋ ᠬᠤᠤ ᠯᠢᠶᠠᠩᠤᠨ ᠪᠡᠶᠡ ᠨᠢ ᠡᠴᠡᠩᠬᠡᠢ᠂ ᠨᠢᠳᠦ ᠨᠢ ᠴᠤᠭ ᠰᠦᠯᠳᠡ ᠦᠭᠡᠢ ᠪᠠᠢᠵᠤ᠂ ᠰᠠᠨᠳᠠᠯᠢ ᠳᠡᠭᠡᠷᠡ ᠲᠠᠮᠪᠠᠷᠠᠨ ᠰᠠᠭᠤᠪᠠ᠃ ᠪᠠᠷᠤᠭ ᠵᠢᠯ ᠲᠤᠷᠰᠢ ᠭᠠᠳᠠᠭ᠍ᠰᠢ ᠭᠠᠷᠬᠤ ᠦᠭᠡᠢ᠂ ᠭᠠᠳᠠᠨᠠᠬᠢ ᠬᠥᠮᠥᠨᠲᠠᠢ ᠠᠭᠤᠯᠵᠠᠬᠤ ᠦᠭᠡᠢ᠂ ᠴᠢᠨᠠᠭᠰᠢᠯᠠᠨ ᠲᠡᠷᠡ ᠨᠠᠳᠠᠶᠢ ᠲᠤᠭᠤᠬᠤ ᠦᠭᠡᠢ ᠪᠠᠢᠭᠰᠠᠨ ᠪᠣᠯᠤᠯᠲᠠᠶ 》᠃ ᠳ᠋ᠠᠢ ᠱᠢᠩ ᠳ᠋ᠢ ᠠᠰᠠᠷᠠᠨ ᠰᠤᠪᠢᠯᠠᠬᠤ ᠡᠯᠪᠡᠭ ᠪᠠᠶᠠᠯᠢᠭ ᠲᠤᠷᠱᠢᠯᠭᠠᠲᠠᠢ ᠪᠠᠢᠵᠤ᠂ ᠲᠡᠷᠡ ᠦ᠋ ᠬᠤᠤ ᠯᠢᠶᠠᠩᠤᠨ ᠠᠮᠢᠳᠤᠷᠠᠯᠳᠤ ᠶᠠᠭᠠᠷᠠᠨ ᠤᠷᠤᠭ᠍ᠰᠠᠨ ᠦᠭᠡᠢ᠂ ᠬᠠᠷᠢᠨ ᠤᠷᠢᠳᠢᠶᠠᠷ ᠲᠣᠯᠣᠭᠠᠢ ᠤᠬᠢᠶᠠᠬᠤ᠂ ᠬᠢᠮᠤᠰᠤ ᠬᠠᠢᠴᠢᠯᠠᠬᠤ᠂ ᠬᠤᠭᠤᠯᠠ ᠢᠳᠡᠭᠦᠯᠬᠦ ᠵᠡᠷᠭᠡ ᠡᠳᠦᠷ ᠲᠤᠳᠤᠮᠤᠨ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠬᠤᠠᠴᠠ ᠡᠬᠢᠯᠡᠵᠦ᠍᠂ ᠲᠠᠬᠢᠨ ᠰᠣᠯᠢᠯᠴᠠᠭᠠᠨᠤ ᠭᠠᠳᠠᠨᠠᠬᠢ ᠶᠢᠷᠲᠢᠨᠴᠦ᠍ᠳᠤ ᠬᠦᠷᠴᠦ᠍᠂ ᠦ᠋ ᠬᠤᠤ ᠯᠢᠶᠠᠩᠤᠨ ᠰᠡᠳᠭᠢᠯ ᠠᠭᠠᠵᠢᠮᠢᠶᠠᠷ ᠨᠡᠬᠡᠬᠡᠭᠳᠡᠭᠰᠡᠨ ᠪᠠᠢ᠌ᠨᠠ᠃
ᠳ᠋ᠠᠢ ᠰᠢᠩ ᠳᠢ ᠳᠠᠬᠢᠨ ᠨᠢᠭᠡ ᠠᠯᠬᠤᠮ ᠤᠷᠤᠭᠰᠢᠯᠠᠬᠤᠪᠠᠷ ᠲᠣᠭᠲᠠᠵᠤ᠂ ᠡᠷᠡᠭᠦᠯᠵᠢᠭᠦᠯᠬᠦ ᠪᠠᠭᠠᠵᠢ ᠬᠡᠷᠡᠭᠰᠡᠯᠢᠶᠡᠷ ᠦ᠋ ᠬᠤᠤ ᠯᠢᠶᠠᠩᠢ ᠢᠯᠢᠵᠦ ᠨᠤᠬᠤᠯᠠᠵᠤ᠂ ᠡᠷᠡᠭᠦᠯᠵᠢᠭᠦᠯᠬᠦ ᠪᠣᠯᠪᠠᠰᠤᠷᠠᠯ ᠬᠢᠬᠦᠶᠢ ᠨᠢ ᠵᠣᠷᠢᠭ᠍ᠵᠢᠭᠤᠯᠬᠤᠪᠠᠷ ᠪᠣᠯᠪᠠ᠃ ᠬᠥᠳᠡᠯᠭᠡᠭᠡᠨ ᠨᠢ ᠬᠡᠳᠦᠢᠪᠡᠷ ᠬᠦᠴᠢᠷᠲᠡᠢ ᠪᠠᠢᠭᠰᠠᠨ ᠴᠤ᠌ ᠦ᠋ ᠬᠤᠤ ᠯᠢᠶᠠᠩ ᠳᠤᠷᠠᠲᠠᠶᠠ ᠲᠤᠷᠰᠢᠵᠤ ᠦᠵᠡᠨᠡ᠃
ᠡᠷᠡᠭᠦᠯᠵᠢᠯᠤᠨ ᠪᠣᠯᠪᠠᠰᠤᠷᠠᠯᠢ ᠠᠩᠬᠠ ᠤᠳᠠᠭᠠ 10 ᠮᠢᠨᠦ᠋ᠲ ᠪᠠᠢᠭ᠍ᠰᠠᠨᠠᠴᠠ 30 ᠮᠢᠨᠦ᠋ᠲ ᠪᠣᠯᠭᠠᠨ ᠤᠷᠲᠤᠳᠭᠠᠵᠤ᠂ ᠦ᠋ ᠬᠤᠤ ᠯᠢᠶᠠᠩᠤᠨ ᠲᠠᠪᠱᠢᠯᠳᠠᠨᠢ ᠨᠢᠭᠡ ᠬᠡᠷᠤᠨ ᠬᠥᠮᠦᠰᠢ ᠪᠠᠶᠠᠷᠯᠠᠭᠤᠯᠵᠠᠶ᠃ ᠠᠬᠠ ᠨᠢ ᠪᠣᠯᠬᠤ ᠡᠦ ᠬᠤᠤ ᠴᠢᠶᠠᠨᠤ ᠦᠵᠡᠬᠦ᠌ᠪᠠᠷ᠂ ᠠᠰᠠᠷᠠᠭ᠍ᠴᠢ ᠪᠣᠯᠣᠨ ᠭᠡᠷᠦᠨ ᠬᠥᠮᠥᠰᠦᠨ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠬᠤᠶᠢᠨ ᠢᠯᠭᠠᠭᠠ ᠨᠢ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠴᠢᠨᠠᠷᠲᠤ ᠪᠠᠢᠳᠠᠭ᠂ 《ᠳ᠋ᠠᠢ ᠡᠭᠡᠴᠢ ᠬᠠᠢᠷᠠ ᠬᠠᠯᠠᠮᠵᠢ ᠪᠠ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢᠲᠠᠢ ᠪᠠᠢᠵᠤ᠂ ᠳᠡᠭᠦᠦᠶᠢᠨ ᠰᠡᠳᠬᠢᠴᠡᠶᠢᠨ ᠡᠷᠡᠭᠦᠯ ᠮᠡᠨᠳᠦᠶᠢ ᠬᠠᠮᠠᠭᠠᠯᠠᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠤ᠌ ᠲᠤᠰᠬᠠᠢ ᠰᠤᠪᠢᠯᠠᠬᠤ ᠮᠡᠳᠡᠯᠭᠡᠲᠠᠢ ᠪᠠᠢᠵᠤ᠂ ᠡᠷᠡᠭᠦᠯᠵᠢᠭᠦᠯᠬᠦ ᠪᠣᠯᠪᠠᠰᠤᠷᠠᠯᠳᠤ ᠶᠠᠭᠠᠬᠢᠵᠤ ᠬᠠᠪᠰᠤᠷᠬᠤᠶᠢ ᠮᠡᠳᠡᠳᠡᠭ 》 ᠪᠠᠢ᠌ᠨᠠ ᠭᠡᠪᠡ᠃
ᠨᠢᠩᠪᠦ᠋ᠸᠸ ᠬᠣᠲᠠᠶᠢᠨ ᠡᠮᠴᠢᠯᠡᠭᠡᠨᠦ ᠳᠠᠭᠠᠳᠭᠠᠯᠤ᠋ᠨ ᠲᠣᠪᠴᠢᠶᠠᠨᠤ᠋ ᠤᠷᠲᠤ ᠬᠤᠭᠤᠴᠠᠭᠠᠨᠤ᠋ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠭᠠᠵᠠᠷᠤ᠋ᠨ ᠬᠠᠷᠢᠭᠤᠴᠠᠯᠭᠠᠲᠠᠨᠤ᠋ ᠲᠠᠨᠢᠯᠴᠠᠭᠤᠯᠤᠭ᠍ᠰᠠᠨᠢᠶᠠᠷ᠂ ᠤᠷᠲᠤ ᠬᠤᠭᠤᠴᠠᠭᠠᠨᠤ᠋ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠬᠠᠮᠤᠷᠬᠤ ᠬᠡᠪᠴᠢᠶᠡ ᠨᠡᠯᠢᠶᠡᠳ ᠥᠷᠭᠡᠨ᠂ ᠲᠦᠭᠡᠮᠡᠯ ᠬᠠᠷᠠᠭᠠᠯᠵᠠᠯᠤ᠋ᠨ ᠦᠨᠳᠦᠰᠦᠨ ᠪᠠᠲᠤᠯᠠᠭᠠᠶᠢᠨ ᠣᠨᠴᠠᠯᠢᠭᠲᠠᠢ᠃ ᠪᠦᠷᠢᠳᠭᠡᠯᠢ᠋ ᠦᠨᠳᠦᠰᠦᠯᠡᠪᠡᠯ᠂ ᠨᠢᠩᠪᠦ᠋ᠸᠸ ᠪᠦᠬᠦ᠌ ᠬᠣᠲᠠᠳ᠋ᠤ ᠨᠢᠭᠡᠨᠲᠡ 4.7 ᠲᠦᠮᠡᠨ ᠬᠥᠮᠦᠨ ᠤᠷᠲᠤ ᠬᠤᠭᠤᠴᠠᠭᠠᠨᠤ᠋ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯᠤ᠋ᠨ ᠣᠯᠭᠣᠮᠵᠢ ᠬᠠᠷᠠᠭᠠᠯᠵᠠᠯ᠂ ᠦ᠋ ᠬᠣᠣ ᠯᠢᠶᠠᠩ ᠠᠳᠠᠯᠢ ᠡᠢᠮᠦ᠍ 60 ᠨᠠᠰᠤᠨᠠ᠋ᠴᠠ ᠳᠣᠷᠣᠭ᠍ᠱᠢᠬᠢ ᠬᠦᠨᠳᠦ ᠨᠣᠴᠢᠲᠠᠢ ᠴᠢᠳᠠᠪᠤᠷᠢᠪᠠᠨ ᠠᠯᠳᠠᠭ᠍ᠰᠠᠨ ᠬᠥᠮᠦᠰᠦ᠋ᠨ ᠬᠠᠷᠢᠴᠠᠯ 6% ᠶᠢ ᠳᠠᠪᠠᠭ᠍ᠰᠠᠨ ᠪᠠᠢᠨᠠ᠃ 《ᠤᠷᠲᠤ ᠬᠤᠭᠤᠴᠠᠭᠠᠨᠤ᠋ ᠰᠤᠪᠢᠯᠠᠯᠲᠠᠶᠢᠨ ᠳᠠᠭᠠᠳᠭᠠᠯ ᠨᠢ ᠨᠠᠳᠠᠲᠠᠢ ᠠᠳᠠᠯᠢᠪᠠᠷ ᠴᠢᠳᠠᠪᠤᠷᠢᠪᠠᠨ ᠠᠯᠳᠠᠭ᠍ᠰᠠᠨ ᠬᠥᠮᠥᠰᠲᠤ ᠲᠤᠰᠭᠠᠢ ᠮᠡᠷᠭᠡᠵᠢᠯᠤᠨ ᠪᠠᠲᠤᠯᠠᠭᠠᠲᠠᠢ ᠪᠣᠯᠭᠠᠵᠤ᠂ ᠠᠮᠢᠳᠤᠷᠠᠯᠤᠨ ᠲᠤᠬᠠᠢ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠴᠦ᠍ ᠨᠡᠮᠡᠭ᠌ᠳᠡᠭ᠌ᠰᠡᠨ ᠪᠠᠢᠨᠠ》 ᠭᠡᠵᠦ᠍ ᠡᠦ ᠬᠤᠤ ᠯᠢᠶᠠᠩ ᠬᠡᠯᠡᠪᠡ᠃
ᠢᠯᠡᠭᠦᠦ ᠨᠢᠭᠡ ᠬᠤᠪᠢ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ᠂ ᠢᠯᠡᠭᠦᠦ ᠨᠢᠭᠡ ᠬᠤᠪᠢ ᠬᠦᠰᠡᠯ ᠡᠷᠡᠮᠡᠯᠵᠡᠯ （ ᠨᠠᠢᠷᠠᠭᠤᠯᠤᠭ᠍ᠴᠢᠶᠢᠨ ᠲᠡᠮᠳᠡᠭᠯᠡᠯ ）
ᠰᠢᠦᠢ ᠶᠠᠩ
《ᠨᠢᠭᠡ ᠬᠥᠮᠥᠨ ᠴᠢᠳᠠᠪᠤᠷᠢᠪᠠᠨ ᠠᠯᠳᠠᠪᠠᠯ᠂ ᠪᠥᠬᠥ ᠭᠡᠷᠢᠶᠡᠷᠢᠶᠡᠨ ᠲᠡᠩᠴᠡᠭᠦᠷᠢᠪᠡᠨ ᠠᠯᠳᠠᠬᠤ 》 ᠪᠣᠯ ᠥᠩᠭᠡᠷᠡᠭᠰᠡᠨᠳᠦ ᠵᠠᠷᠢᠮ ᠭᠡᠷ ᠪᠦᠯᠢᠳᠦ ᠲᠤᠯᠭᠠᠷᠠᠵᠤ ᠪᠠᠢᠭᠰᠠᠨ ᠪᠣᠳᠠᠲᠠᠢ ᠬᠦᠴᠢᠷᠳᠡᠯ ᠪᠣᠯᠣᠨᠠ᠃ ᠴᠢᠳᠠᠪᠤᠷᠢᠪᠠᠨ ᠠᠯᠳᠠᠭᠰᠠᠨ ᠣᠶᠤᠨᠢᠶᠠᠨ ᠠᠯᠳᠠᠭᠰᠠᠨ ᠨᠠᠰᠤᠲᠠᠨᠢᠶᠠᠷ ᠵᠢᠱ᠌ᠢᠶᠡᠯᠡᠪᠡᠯ᠂ ᠤᠯᠤᠰᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠡᠷᠡᠭᠦᠯ ᠮᠡᠨᠳᠦᠶᠢᠨ ᠵᠥᠪᠯᠡᠯᠦᠨ ᠲᠣᠭᠠ ᠪᠠᠷᠢᠮᠲᠠᠳᠤ ᠢᠯᠡᠷᠡᠭᠦᠯᠦᠭᠰᠡᠨᠢᠶᠡᠷ᠂ ᠮᠠᠨᠤ ᠤᠯᠤᠰᠤᠨ ᠴᠢᠳᠠᠪᠤᠷᠢᠪᠠᠨ ᠠᠯᠳᠠᠭᠰᠠᠨ ᠣᠶᠤᠨᠢᠶᠠᠨ ᠠᠯᠳᠠᠭᠰᠠᠨ ᠨᠠᠰᠤᠲᠠᠨ ᠨᠢᠭᠡᠨᠲᠡ 4500 ᠲᠦᠮᠡᠶᠢ ᠳᠠᠪᠠᠵᠤ᠂ ᠳᠤᠮᠳᠠᠴᠢᠪᠠᠷ 6 ᠨᠠᠰᠤᠲᠠᠨ ᠨᠢᠭᠡᠪᠦᠷᠢᠶᠢᠨ ᠳᠣᠲᠣᠷᠠᠠᠴᠠ 1 ᠨᠠᠰᠤᠲᠠᠨᠢ ᠣᠷᠳᠣ᠌ ᠬᠤᠭᠤᠴᠠᠭᠠᠪᠠᠷ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠬᠤ ᠴᠢᠬᠤᠯᠠᠲᠠᠢ ᠪᠠᠢᠨᠠ ᠃
ᠣᠢᠷᠠᠶ᠋ᠢᠨ ᠵᠢᠯᠤᠳᠲᠤ᠌᠂ ᠣᠷᠳᠣ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶ᠋ᠢᠨ ᠳᠠᠭᠠᠳᠭᠠᠯ ᠪᠠ ᠳᠠᠭᠠᠳᠭᠠᠯᠤᠨ ᠲᠦᠷᠢᠮᠤᠨ ᠲᠤᠷᠱᠢᠯᠲᠠᠶ᠋ᠢᠨ ᠴᠡᠭᠠᠴᠠ ᠥᠷᠭᠡᠨ ᠳᠡᠯᠭᠡᠷ ᠦᠶ᠋ᠯᠡᠳᠦᠯᠭᠡ ᠲᠡᠢ᠌ᠰᠢ ᠱᠢᠯᠵᠢᠬᠦ᠌ᠶ᠋ᠢ ᠳᠠᠭᠠᠯᠳᠤᠨ᠂ ᠤᠯᠠᠮᠠᠴᠠ ᠤᠯᠠᠮ ᠣᠯᠠᠨ ᠴᠢᠳᠠᠯ ᠲᠡᠩᠬᠡᠭᠡᠪᠠᠨ ᠠᠯᠳᠠᠭ᠍ᠰᠠᠨ ᠬᠥᠮᠦᠰ ᠬᠡᠷᠤᠨ ᠡᠭᠦᠳᠡᠨᠳᠤᠪᠠᠨ ᠡᠯᠡ ᠲᠥᠷᠥᠯᠤᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠤᠨ ᠬᠠᠷᠠᠭᠠᠯᠵᠠᠨ ᠠᠰᠠᠷᠠᠬᠤ ᠦᠶ᠋ᠯᠡᠴᠢᠯᠡᠭᠡᠶ᠋ᠢ ᠲᠥᠬᠦᠮ ᠳᠥᠲᠡᠪᠠᠷ ᠭᠥᠷᠳᠡᠪᠡ᠃ ᠢᠳᠡᠭᠡᠨ ᠤᠮᠳᠠᠭᠠᠨᠤ ᠰᠤᠪᠢᠯᠠᠯᠲᠠ᠂ ᠠᠮᠢ ᠨᠠᠰᠤᠨᠤ ᠪᠡᠶᠡᠶᠢᠨ ᠢᠯᠡᠷᠡᠯᠦᠨ ᠬᠢᠨᠠᠨ ᠬᠡᠮᠵᠢᠯᠲᠡ᠂ ᠡᠷᠡᠭᠦᠯᠵᠢᠯᠦᠨ ᠪᠣᠯᠪᠠᠰᠤᠷᠠᠯ ᠁ ᠬᠦᠰᠡᠯ ᠡᠷᠡᠮᠡᠯᠵᠡᠯᠢᠶᠡᠨ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ 《ᠠᠮᠤᠷ ᠲᠦᠪᠰᠢᠨᠦ ᠲᠣᠣᠷ》 ᠶᠠᠪᠤᠬᠤ ᠳᠤᠳᠤᠮ ᠨᠢᠭ᠍ᠲᠠ ᠪᠣᠯᠵᠤ ᠪᠠᠢᠨᠠ᠃ ᠥᠩᠭᠡᠷᠡᠭᠰᠡᠨᠳᠦ ᠭᠡᠷ ᠪᠦᠯᠢᠶᠢᠨ ᠡᠭᠦᠷᠭᠡᠯᠡᠬᠦ ᠴᠢᠬᠤᠯᠠᠲᠠᠢ ᠪᠠᠢᠭᠰᠠᠨ ᠶᠡᠬᠡ ᠲᠣᠭᠠᠨᠤ ᠰᠤᠪᠢᠯᠠᠯᠲᠠᠶᠢᠨ ᠵᠠᠷᠤᠳᠠᠯᠳᠤ ᠣᠲᠣ᠌ ᠪᠠᠰᠠ ᠳᠠᠭᠠᠳᠬᠠᠯᠤᠨ ᠰᠠᠭᠤᠷᠢ ᠮᠥᠩᠭᠥᠶᠢᠨ 《 ᠦᠨᠳᠦᠰᠦᠨ ᠵᠦᠢᠯᠢ ᠪᠠᠲᠤᠯᠠᠬᠤ 》 ᠪᠠᠢᠳᠠᠯ ᠢᠯᠡᠷᠡᠵᠦ᠂ ᠭᠡᠷ ᠪᠦᠯᠢᠶᠢᠨ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠬᠤ ᠪᠠ ᠠᠵᠤ ᠠᠬᠤᠢᠶᠢᠨ ᠵᠠᠷᠤᠯᠭᠠᠶᠢᠨ ᠳᠠᠪᠬᠤᠷ ᠳᠠᠷᠤᠯᠲᠠᠶᠢ ᠪᠦᠲᠦᠮᠵᠢᠲᠡᠶ ᠬᠥᠩᠭᠡᠷᠡᠭᠦᠯᠦᠭᠰᠡᠨ ᠪᠠᠢᠨᠠ᠃
ᠣᠷᠳᠣ ᠬᠤᠭᠤᠴᠠᠭᠠᠨᠤ ᠰᠤᠪᠢᠯᠠᠯᠲᠠᠶ᠋ᠢᠨ ᠳᠠᠭᠠᠳᠭᠠᠯᠤᠨ ᠳᠦᠷᠢᠮᠤᠨ ᠪᠠᠢᠭᠤᠯᠤᠯᠲᠠᠨᠢ ᠣᠯᠠᠨ ᠴᠢᠳᠠᠪᠤᠷᠢᠪᠠᠨ ᠠᠯᠳᠠᠭ᠍ᠰᠠᠨ ᠬᠥᠮᠥᠰᠤᠨ ᠠᠱᠢᠭ ᠲᠤᠰᠠᠲᠠᠢ ᠬᠤᠯᠪᠣᠭ᠍ᠳᠠᠬᠤ ᠶᠠᠪᠤᠳᠠᠯ ᠪᠣᠯᠣᠨᠠ᠂ ᠠᠷᠠᠳᠤᠨ ᠠᠮᠢᠳᠤᠷᠠᠯᠤᠨ ᠢᠨᠵᠧᠨᠧᠷᠢᠩ᠂ ᠠᠷᠠᠳᠤᠨ ᠰᠡᠳᠭᠢᠯᠤᠨ ᠢᠨᠵᠧᠨᠧᠷᠢᠩ ᠪᠣᠯᠣᠨᠠ᠃ ᠲᠦᠷᠢᠮᠤᠨ ᠵᠢᠷᠤᠭ ᠲᠥᠯᠥᠪᠯᠡᠭᠡᠶ᠋ᠢᠨ ᠲᠠᠰᠤᠷᠠᠯᠲᠠ ᠥᠬᠡᠶ ᠲᠡᠭᠦᠯᠳᠡᠷᠵᠢᠬᠦ᠌ᠶ᠋ᠢ ᠳᠠᠭᠠᠯᠳᠤᠨ᠂ ᠨᠠᠩ ᠣᠯᠠᠨ ᠬᠡᠷ ᠪᠦᠯᠢ ᠬᠠᠷᠠᠭᠠᠯᠵᠠᠨ ᠠᠰᠠᠷᠠᠬᠤ ᠬᠦᠨᠳᠦ ᠳᠠᠷᠤᠭᠠᠰᠤᠶ᠋ᠢ ᠬᠥᠩᠭᠡᠷᠡᠭᠦᠯᠵᠦ᠍᠂ ᠨᠠᠩ ᠣᠯᠠᠨ ᠴᠢᠳᠠᠪᠤᠷᠢᠪᠠᠨ ᠠᠯᠳᠠᠭ᠍ᠰᠠᠨ ᠬᠥᠮᠦᠰᠤᠨ ᠨᠡᠷᠡ ᠬᠦᠨᠳᠦ᠍ᠲᠠᠢ᠂ ᠴᠢᠨᠠᠷ ᠴᠢᠨᠰᠠᠭᠠᠲᠠᠢ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠬᠤ ᠳᠤᠮᠳᠠ᠂ ᠨᠢᠭᠡ ᠬᠤᠪᠢ ᠢᠷᠡᠭᠡᠳᠦᠶᠶ᠋ᠢᠨ ᠬᠦᠰᠡᠯ ᠡᠷᠡᠮᠡᠯᠵᠡᠯᠢ ᠨᠡᠮᠡᠭ᠌ᠳᠡᠭᠦᠯᠵᠦ᠍ ᠴᠢᠳᠠᠨᠠ ᠭᠡᠳᠡᠭᠢ ᠢᠲᠡᠭᠡᠵᠦ᠍ ᠪᠠᠢᠨᠠ᠃