ᠣᠳᠣᠬᠠᠨᠳᠤ᠂ ᠮᠠᠨᠤ ᠤᠯᠤᠰ ᠶᠠᠭ 《ᠲᠤᠯᠤᠭ᠋ᠠᠨ ᠰᠠᠷᠠ ᠵᠢᠨ ᠰᠡᠭᠦᠯᠴᠢ ᠨᠠᠢ᠍ᠮᠠᠨ ᠰᠠᠷᠠ ᠵᠢᠨ ᠡᠬᠢᠨ》ᠤ ᠦᠶᠡᠷᠢ ᠰᠡᠷᠭᠡᠶ᠋ᠢᠯᠡᠬᠦ ᠵᠠᠩᠭᠢᠯᠠᠭᠠ ᠵᠢᠨ ᠬᠤᠭᠤᠴᠠᠭ᠋ᠠᠨᠳᠤ ᠪᠠᠶ᠋ᠢᠵᠤ᠂ ᠴᠢᠩᠭᠠ ᠰᠣᠯᠢᠭ ᠤᠷᠤᠰᠬᠠᠯ᠂ ᠰᠢᠷᠦᠭᠦᠨ ᠪᠣᠷᠣᠭ᠋ᠠᠨ᠂ ᠲᠠᠶ᠋ᠢᠹᠧᠩ ᠰᠠᠯᠬᠢ ᠵᠡᠷᠭᠡ ᠣᠨᠴᠠᠭ᠋ᠠᠶ ᠴᠠᠭ ᠠᠭᠤᠷ ᠣᠯᠠᠨ ᠡᠭᠦᠰᠴᠦ᠂ ᠡᠷᠬᠡᠪᠰᠢ ᠣᠨᠴᠠᠭ᠋ᠠᠶ ᠴᠠᠭ ᠠᠭᠤᠷᠤᠨ ᠡᠭᠦᠰᠦᠮᠡᠯ ᠭᠠᠮᠰᠢᠭᠢ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢᠪᠠᠷ ᠰᠡᠷᠭᠡᠶ᠋ᠢᠯᠡᠬᠦ ᠬᠡᠷᠡᠭᠲᠡᠶ᠃
《ᠲᠠᠶ᠋ᠢᠹᠧᠩ ᠰᠠᠯᠬᠢ᠂ ᠰᠢᠷᠦᠭᠦᠨ ᠪᠣᠷᠣᠭ᠋ᠠᠨᠠᠴᠠ ᠪᠣᠯᠤᠭᠰᠠᠨ ᠡᠭᠦᠰᠦᠮᠡᠯ ᠭᠠᠮᠰᠢᠭᠲᠤ ᠭᠣᠣᠯᠳᠠᠭᠤ ᠠᠭᠤᠯᠠᠨ ᠦᠶᠡᠷ᠂ ᠠᠭᠤᠯᠠᠨ ᠭᠤᠯᠭᠤᠭᠠ ᠪᠡᠯ᠂ ᠰᠢᠪᠠᠷ ᠴᠢᠯᠠᠭᠤᠨ ᠤᠷᠤᠰᠬᠠᠯ ᠵᠡᠷᠭᠡ ᠪᠠᠭᠲᠠᠨᠠ》 ᠭᠡᠵᠦ ᠲᠥᠪᠤᠨ ᠴᠠᠭ ᠠᠭᠤᠷᠤᠨ ᠬᠣᠷᠢᠶᠠᠨᠤ ᠳᠡᠭᠡᠳᠦ ᠵᠡᠷᠭᠡ ᠵᠢᠨ ᠢᠨᠵᠧᠨᠧᠷ ᠴᠦᠨ ᠢ ᠵᠢᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠵᠶ᠋ᠠᠷ᠂ ᠭᠠᠵᠠᠷ ᠰᠢᠨᠵᠢᠯᠡᠭᠡᠨᠤ ᠪᠠᠶ᠋ᠢᠳᠠᠯᠨᠢ ᠨᠡᠯᠢᠶᠡᠳ ᠬᠡᠪᠡᠷᠡᠭ ᠭᠠᠵᠠᠷ ᠣᠷᠣᠨᠳᠤ ᠣᠨᠴᠠ ᠶᠡᠬᠡ ᠰᠢᠷᠦᠭᠦᠨ ᠪᠣᠷᠣᠭ᠋ᠠᠨᠨᠢ ᠰᠠᠯᠬᠢ ᠰᠥᠷᠬᠦ ᠬᠥᠲᠥᠯ ᠳᠡᠭᠡᠷᠡ ᠠᠭᠤᠯᠠ ᠶᠡᠭᠦᠷᠡᠬᠦ ᠵᠢ ᠰᠢᠷᠦᠭᠦᠰᠦᠭᠦᠯᠵᠦ᠂ ᠰᠢᠪᠠᠷ ᠴᠢᠯᠠᠭᠤᠨ ᠤᠷᠤᠰᠬᠠᠯ ᠡᠭᠦᠰᠬᠦ ᠠᠶᠤᠯ ᠲᠦᠭᠰᠢᠭᠦᠷᠢ ᠵᠢ ᠬᠡᠴᠡᠭᠦᠳᠡᠭᠦᠯᠪᠡ᠃ ᠡᠭᠦᠨᠠᠴᠠ ᠭᠠᠳᠠᠨᠠ᠂ ᠬᠡᠷ ᠪᠠᠶ᠋ᠢᠰᠢᠩ᠂ ᠬᠥᠭᠦᠷᠭᠡ᠂ ᠠᠭᠤᠯᠠ ᠵᠡᠷᠭᠡ ᠦᠶᠡᠷᠤᠨ ᠤᠰᠤᠨᠳᠤ ᠤᠷᠤᠰᠬᠠᠭᠳᠠᠨ ᠤᠷᠤᠰᠴᠤ᠂ ᠨᠡᠪᠴᠢᠬᠦᠳᠤ ᠠᠮᠠᠷᠬᠠᠨ ᠨᠤᠷᠠᠵᠤ᠂ ᠳᠡᠭᠡᠳᠦ ᠬᠡᠮᠵᠢᠶᠡᠨᠤ ᠰᠣᠨᠣᠷ ᠰᠡᠷᠡᠮᠵᠢᠲᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠲᠡᠶ ᠭᠡᠪᠡ᠃
ᠡᠳᠡᠭᠡᠷ ᠡᠭᠦᠰᠦᠮᠡᠯ ᠭᠠᠮᠰᠢᠭᠤᠨ ᠡᠮᠦᠨᠡ ᠬᠡᠷᠬᠢᠨ ᠰᠡᠷᠭᠡᠶ᠋ᠢᠯᠡᠬᠦ ᠪᠤᠢ？
ᠪᠠᠴᠢᠮ ᠪᠠᠶ᠋ᠢᠳᠠᠯᠢ ᠠᠷᠭ᠋ᠠᠴᠠᠭ᠋ᠠᠬᠤ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠶᠠᠮᠤᠨᠤ ᠤᠯᠤᠰᠤᠨ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠭᠠᠮᠰᠢᠭᠢ ᠰᠡᠷᠭᠡᠶ᠋ᠢᠯᠡᠨ ᠵᠠᠰᠠᠬᠤ ᠰᠤᠳᠤᠯᠭ᠋ᠠᠨᠤ ᠬᠦᠷᠢᠶᠡᠯᠡᠩᠤᠨ ᠰᠤᠳᠤᠯᠤᠭᠴᠢ ᠰᠢᠤᠢ ᠴᠥᠩ ᠲᠠᠨᠢᠯᠴᠠᠭᠤᠯᠬᠤᠳᠠᠭᠠᠨ᠂ ᠡᠩ ᠲᠡᠷᠢᠭᠦᠨᠳᠤ ᠴᠠᠭ ᠠᠭᠤᠷᠤᠨ ᠤᠷᠢᠳᠴᠢᠯᠠᠭᠰᠠᠨ ᠮᠡᠳᠡᠭᠡ ᠪᠠ ᠠᠯᠪᠠᠨᠤ ᠲᠠᠯᠠ ᠵᠢᠨ ᠨᠡᠶ᠋ᠢᠲᠡᠯᠡᠭᠰᠡᠨ ᠲᠠᠢ᠌ᠹᠸᠩ ᠰᠢᠷᠦᠭᠦᠨ ᠪᠣᠷᠣᠭ᠋ᠠᠨᠤ ᠰᠡᠷᠡᠮᠵᠢ ᠵᠢᠨ ᠮᠡᠳᠡᠭᠡ ᠵᠠᠩᠭᠢ ᠵᠢ ᠨᠢᠭᠲᠠ ᠠᠩᠬᠠᠷᠴᠤ᠂ ᠠᠶᠤᠯ ᠲᠦᠭᠰᠢᠭᠦᠷᠢᠲᠠᠢ ᠣᠷᠣᠨ ᠪᠦᠰᠡ ᠪᠠ ᠠᠶᠤᠯᠠᠴᠠ ᠵᠠᠶ᠋ᠢᠯᠠᠬᠤ ᠠᠷᠭᠠ ᠬᠡᠮᠵᠢᠶᠡ ᠵᠢ ᠣᠶ᠋ᠢᠯᠠᠭ᠋ᠠᠬᠤ ᠬᠡᠷᠡᠭᠲᠡᠶ᠃ ᠲᠠᠶ᠋ᠢᠹᠧᠩ ᠰᠠᠯᠬᠢ ᠪᠠ ᠰᠢᠷᠦᠭᠦᠨ ᠪᠣᠷᠣᠭ᠋ᠠᠨ ᠢᠷᠡᠬᠦᠠᠴᠠ ᠡᠮᠦᠨᠡ᠂ ᠭᠦᠢ᠍ᠴᠡᠳ ᠪᠡᠯᠡᠳᠬᠡᠯ ᠬᠢᠵᠦ᠂ ᠡᠭᠦᠨᠳᠤ ᠢᠳᠡᠭᠡᠨ᠂ ᠤᠰᠤ᠂ ᠭᠠᠷ ᠳ᠋ᠸᠩ᠂ ᠪᠡᠯᠡᠳᠬᠡᠯ ᠳ᠋ᠢᠶᠠᠨ ᡂᠢ᠂ ᠲᠦᠷᠭᠡᠨ ᠠᠪᠤᠷᠠᠯᠲᠠ ᠵᠢᠨ ᠪᠣᠭᠴᠣ᠂ ᠪᠣᠷᠣᠭ᠋ᠠᠨᠠᠴᠠ ᠰᠡᠷᠭᠡᠶ᠋ᠢᠯᠡᠬᠦ ᠬᠡᠷᠡᠭᠰᠡᠯ ᠵᠢᠴᠢ ᠴᠢᠬᠤᠯᠠ ᠪᠦᠬᠦᠢ ᠴᠢᠮᠡᠭᠡ ᠬᠤᠯᠪᠣᠭ᠋ᠠᠨᠤ ᠲᠥᠬᠦᠭᠡᠷᠦᠮᠵᠢ ᠵᠡᠷᠭᠡ ᠵᠢ ᠪᠠᠭᠲᠠᠭ᠋ᠠᠨᠠ᠃
《ᠠᠭᠤᠯᠠ ᠶᠡᠭᠦᠷᠡᠬᠦ᠂ ᠰᠢᠪᠠᠷ ᠴᠢᠯᠠᠭᠤᠨ ᠤᠷᠤᠰᠬᠠᠯ᠂ ᠠᠭᠤᠯᠠᠨ ᠦᠶᠡᠷᠤᠨ ᠡᠮᠦᠨᠡ ᠠᠳᠠᠯᠢ ᠪᠤᠰᠤ ᠠᠮᠢ ᠵᠢᠭᠤᠲᠠᠬᠤ ᠠᠷᠭᠠ ᠪᠣᠳᠣᠯᠭᠠᠲᠠᠢ᠂ ᠤᠷᠢᠳᠠᠪᠠᠷ ᠪᠠᠶ᠋ᠢᠳᠠᠯᠢ ᠠᠵᠢᠭᠯᠠᠵᠤ᠂ ᠠᠮᠢ ᠵᠢᠭᠤᠲᠠᠬᠤ ᠵᠠᠮ ᠱᠤᠭᠤᠮ ᠵᠶ᠋ᠠᠨ ᠲᠣᠳᠣᠷᠬᠠᠶ᠋ᠢᠯᠠᠪᠠᠯ ᠰᠠᠶᠢ ᠠᠮᠤᠷ ᠲᠦᠪᠰᠢᠨ ᠵᠶ᠋ᠠᠷ ᠠᠶᠤᠯᠠᠴᠠ ᠵᠠᠶ᠋ᠢᠯᠠᠵᠤ ᠴᠢᠳᠠᠨᠠ》 ᠭᠡᠵᠦ ᠰᠢᠦᠢ ᠴᠦᠩ ᠬᠡᠯᠡᠪᠡ᠃
ᠠᠭᠤᠯᠠ ᠶᠡᠭᠦᠷᠡᠬᠦᠠᠴᠠ ᠡᠮᠦᠨᠡ ᠦᠷᠭᠦᠯᠵᠢ ᠪᠡᠯᠭᠡᠳᠡᠯᠤᠨ ᠰᠢᠨᠵᠢ ᠲᠡᠮᠳᠡᠭᠲᠠᠢ ᠪᠠᠶ᠋ᠢᠳᠠᠭ᠂ ᠵᠢᠱ᠌ᠢᠶᠡᠯᠡᠪᠡᠯ᠂ ᠤᠷᠤᠰᠬᠠᠯ ᠲᠠᠰᠤᠷᠠᠭᠰᠠᠨ ᠣᠯᠠᠨ ᠵᠢᠯᠤᠨ ᠪᠤᠯᠠᠭᠤᠨ ᠤᠰᠤ ᠭᠡᠨᠡᠳᠲᠡ ᠳᠠᠬᠢᠨ ᠤᠷᠤᠰᠴᠤ᠂ ᠪᠤᠯᠠᠭᠤᠨ ᠤᠰᠤ ᠭᠡᠨᠡᠳᠲᠡ ᠬᠠᠲᠠᠨ ᠰᠢᠷᠭᠢᠬᠦ᠂ ᠴᠢᠯᠠᠭᠤᠯᠢᠭᠤᠨ ᠠᠩ ᠭᠠᠷᠬᠤ ᠪᠤᠶᠤ ᠬᠠᠢ᠌ᠴᠢᠯᠠᠭᠳᠠᠨ ᠰᠢᠬᠠᠭᠳᠠᠭᠰᠠᠨ ᠳᠠᠭᠤ᠂ ᠠᠮᠢᠲᠠᠨ ᠤᠷᠭᠤᠮᠠᠯ ᠬᠡᠪᠤᠨ ᠪᠤᠰᠤ ᠪᠠᠶ᠋ᠢᠳᠠᠯ ᠭᠠᠷᠬᠤ ᠵᠡᠷᠭᠡ ᠪᠠᠶ᠋ᠢᠳᠠᠭ᠃ ᠠᠭᠤᠯᠠ ᠶᠡᠭᠦᠷᠡᠬᠦ ᠦᠶᠡᠰᠲᠤᠪᠠᠨ᠂ ᠨᠠᠯᠠᠤ ᠴᠢᠭᠯᠡᠯᠤᠨ ᠬᠣᠶᠠᠷ ᠬᠠᠵᠠᠭᠤᠠᠴᠠ ᠡᠭᠴᠡ ᠲᠦᠷᠭᠡᠨ ᠳᠤᠲᠠᠭ᠋ᠠᠯᠭ᠋ᠠᠬᠤ ᠶᠣᠰᠣᠲᠠᠢ᠂ ᠤᠷᠤᠭᠤᠳᠠᠬᠤ ᠨᠠᠯᠠᠤ ᠭᠠᠵᠠᠷ ᠵᠶ᠋ᠠᠨ ᠳᠠᠭ᠋ᠠᠵᠤ ᠳᠡᠭᠡᠳᠦ ᠤᠷᠤᠰᠬᠠᠯ ᠪᠤᠶᠤ ᠳᠣᠣᠷᠠᠲᠤ ᠤᠷᠤᠰᠬᠠᠯ ᠵᠶ᠋ᠠᠷ ᠶᠠᠪᠤᠬᠤ ᠵᠢ ᠡᠷᠡᠰ ᠴᠡᠭᠡᠷᠯᠡᠨᠡ᠃
ᠬᠡᠷᠪᠡ ᠭᠤᠯᠭᠤᠭᠰᠠᠨ ᠨᠠᠯᠠᠤᠴᠠ ᠵᠢᠨ ᠳᠤᠮᠳᠠ ᠬᠡᠰᠡᠭᠠᠴᠠ ᠳᠤᠲᠠᠭ᠋ᠠᠨ ᠶᠠᠪᠤᠬᠤ ᠵᠢᠨ ᠠᠷᠭᠠ ᠦᠭᠡᠢ ᠪᠣᠯ᠂ ᠨᠢᠭᠡ ᠨᠠᠯᠠᠤ ᠭᠠᠵᠠᠷᠲᠤ ᠵᠣᠭᠰᠣᠬᠤ ᠪᠤᠶᠤ ᠲᠣᠮᠣ ᠮᠣᠳᠣ ᠵᠢ ᠲᠡᠪᠡᠷᠢᠬᠦ ᠵᠡᠷᠭᠡ ᠲᠣᠭᠲᠠᠮᠠᠯ ᠪᠣᠳᠠᠰᠢ ᠡᠷᠢᠬᠦ ᠬᠡᠷᠡᠭᠲᠡᠢ》᠂ ᠰᠢᠦᠢ ᠴᠦᠩ ᠰᠠᠨᠠᠭᠤᠯᠤᠭᠰᠠᠨᠨᠢ᠂ ᠪᠠᠶ᠋ᠢᠰᠢᠩ᠂ ᠬᠡᠷᠡᠮ᠂ ᠴᠠᠬᠢᠯᠭ᠋ᠠᠨ ᠤᠲᠠᠰᠤᠨᠤ ᠪᠠᠭ᠋ᠠᠨᠠ ᠵᠡᠷᠭᠡ ᠨᠤᠷᠠᠵᠤ ᠶᠡᠭᠦᠷᠡᠬᠦ ᠪᠤᠶᠤ ᠴᠠᠬᠢᠯᠭ᠋ᠠᠨᠲᠠᠢ ᠪᠣᠳᠠᠰᠲᠠᠢ ᠭᠠᠵᠠᠷᠠᠴᠠ ᠬᠤᠯᠠ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃ ᠤᠷᠤᠭᠤᠳᠠᠨ ᠵᠣᠭᠰᠣᠭᠰᠠᠨᠤ ᠳᠠᠷᠠᠭᠠ ᠪᠠᠰᠠ ᠳᠣᠣᠷᠠᠨᠢ ᠪᠤᠴᠠᠵᠤ ᠪᠣᠯᠬᠤ ᠦᠭᠡᠢ᠂ ᠬᠤᠶᠠᠳᠡᠬᠢ ᠤᠳᠠᠭᠠ ᠤᠷᠤᠭᠤᠲᠠᠬᠤᠠᠴᠠ ᠵᠠᠶ᠋ᠢᠯᠠᠰᠬᠢᠬᠦ ᠬᠡᠷᠡᠭᠲᠡᠢ᠃
ᠬᠡᠷᠪᠡ ᠭᠤᠣᠯ （ᠭᠤᠤ）ᠤᠨ ᠣᠷᠣᠨ ᠳᠣᠲᠣᠷᠠ ᠬᠡᠪᠤᠨ ᠤᠷᠤᠰᠬᠠᠯ ᠤᠰᠤ ᠭᠡᠨᠡᠳᠲᠡ ᠲᠠᠰᠤᠷᠠᠭᠰᠠᠨᠢ ᠠᠵᠢᠭᠯᠠᠪᠠᠯ᠂ ᠦᠶᠡᠷᠤᠨ ᠤᠰᠤ ᠭᠡᠨᠡᠳᠲᠡ ᠶᠡᠬᠡᠰᠬᠦ ᠵᠢᠨ ᠬᠠᠮᠲᠤ ᠲᠦᠯᠡᠭᠡ ᠡᠪᠡᠰᠦ ᠮᠣᠳᠣ ᠳᠠᠭ᠋ᠠᠯᠳᠤᠬᠤ ᠦᠶᠡᠳᠤ᠂ ᠡᠰᠡᠬᠦᠯᠡ ᠭᠠᠯᠲᠤ ᠲᠡᠷᠭᠡᠨᠤ ᠱᠤᠤᠭᠢᠬᠤ᠂ ᠠᠶᠤᠩᠭᠠ ᠵᠢᠨ ᠳᠠᠭᠤᠨᠢ ᠣᠯᠵᠤ ᠰᠤᠨᠤᠰᠪᠠᠯ᠂ ᠰᠢᠪᠠᠷ ᠴᠢᠯᠠᠭᠤᠨᠤ ᠤᠷᠤᠰᠬᠠᠯ ᠤᠳᠠᠯ ᠦᠭᠡᠢ ᠡᠭᠦᠰᠬᠦ ᠪᠣᠯᠣᠯᠴᠠᠭᠠᠲᠠᠢ᠃
ᠠᠮᠤᠷ ᠲᠦᠪᠰᠢᠨ ᠵᠶ᠋ᠠᠷ ᠠᠮᠢ ᠵᠢᠭᠤᠲᠠᠬᠤ ᠰᠢᠪᠠᠷ ᠴᠢᠯᠠᠭᠤᠨ ᠤᠷᠤᠰᠬᠠᠯᠤᠨ ᠴᠢᠭᠯᠡᠯᠤᠨ ᠬᠣᠶᠠᠷ ᠬᠠᠵᠠᠭᠤ ᠵᠢᠨ ᠠᠭᠤᠯᠠᠨ ᠬᠥᠲᠥᠯ ᠵᠦᠭ ᠭᠦᠶᠦᠪᠡᠯ ᠵᠣᠬᠢᠨᠠ᠂ ᠰᠢᠪᠠᠷ ᠴᠢᠯᠠᠭᠤᠨ ᠤᠷᠤᠰᠬᠠᠯᠲᠠᠢ ᠡᠭᠴᠡ ᠴᠢᠭᠯᠡᠯᠤᠨ ᠬᠣᠶᠠᠷ ᠬᠠᠵᠠᠭᠤ ᠵᠢᠨ ᠠᠭᠤᠯᠠᠨ ᠬᠥᠲᠥᠯ ᠤᠷᠤᠭᠤ ᠠᠪᠠᠷᠢᠵᠤ ᠭᠠᠷᠤᠭ᠋ᠠᠳ ᠬᠡᠳᠦᠢ ᠥᠨᠳᠥᠷ ᠪᠣᠯ ᠲᠡᠳᠦᠢ ᠰᠠᠢ᠌ᠨ᠃ ᠡᠭᠦᠨᠤ ᠬᠠᠮᠲᠤ ᠭᠤᠣᠯᠤᠨ ᠵᠠᠮᠤᠨ ᠮᠤᠷᠤᠶ᠋ᠢᠯᠲᠠ ᠵᠢᠨ ᠬᠤᠲᠣᠭᠤᠷᠠᠴᠠ ᠵᠠᠶ᠋ᠢᠯᠠᠬᠤ ᠵᠢ ᠠᠩᠬᠠᠷᠴᠤ᠂ ᠭᠠᠵᠠᠷᠤᠨ ᠪᠠᠶ᠋ᠢᠴᠠ ᠠᠭᠤᠢ᠂ ᠤᠢ ᠮᠣᠳᠣ ᠰᠡᠶ᠋ᠢᠷᠡᠭ ᠭᠠᠵᠠᠷ ᠠᠮᠢ ᠵᠢᠭᠤᠲᠠᠬᠤ ᠦᠭᠡᠢ᠂ ᠣᠶ᠋ᠢᠷᠠ ᠬᠠᠪᠢᠳᠠᠭᠠᠨ ᠤᠢ ᠮᠣᠳᠣ ᠢᠭᠴᠤ ᠰᠠᠬᠤᠯᠢᠭ ᠭᠠᠵᠠᠷᠢ ᠰᠣᠩᠭᠤᠨ ᠠᠮᠢ ᠵᠢᠭᠤᠲᠠᠬᠤ ᠬᠡᠷᠡᠭᠲᠡᠢ᠂ ᠭᠡᠪᠡᠴᠦ ᠮᠣᠳᠣᠨ ᠳᠡᠭᠡᠷᠡ ᠭᠠᠷᠴᠤ ᠪᠣᠯᠬᠤ ᠦᠭᠡᠢ᠃
《ᠬᠡᠷᠪᠡ ᠮᠠᠰᠢᠨ ᠲᠡᠷᠭᠡ ᠪᠤᠶᠤ ᠭᠠᠯᠲᠤ ᠲᠡᠷᠭᠡᠨᠳᠤ ᠰᠢᠪᠠᠷ ᠴᠢᠯᠠᠭᠤᠨᠤ ᠤᠷᠤᠰᠬᠠᠯ ᠲᠣᠬᠢᠶᠠᠯᠳᠤᠪᠠᠯ ᠡᠷᠡᠰ ᠰᠢᠭᠤᠷᠬᠠᠢ ᠲᠡᠷᠭᠡᠪᠠᠨ ᠬᠠᠶᠠᠵᠤ ᠠᠮᠢ ᠵᠢᠭᠤᠲᠠᠬᠤ ᠬᠡᠷᠡᠭᠲᠡᠢ》 ᠭᠡᠪᠡ᠃ ᠡᠶ᠋ᠢᠮᠦᠠᠴᠠ ᠠᠶᠤᠯᠳᠤ ᠲᠤᠯᠭ᠋ᠠᠷᠠᠪᠠᠯ ᠳᠠᠷᠤᠶ᠋ᠢᠬᠠᠨ ᠬᠦᠨᠳᠦ ᠨᠦᠰᠡᠷ ᠵᠢᠭᠤᠯᠴᠢᠯᠠᠯᠤᠨ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠪᠣᠯᠤᠨ ᠠᠴᠢᠶᠠ ᠵᠡᠷᠭᠡᠪᠠᠨ ᠭᠡᠭᠡᠪᠡᠯ ᠵᠣᠬᠢᠨᠡ᠂ ᠭᠡᠪᠡᠴᠦ ᠬᠣᠯᠪᠣᠭ᠋ᠠᠨᠤ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯ ᠵᠶ᠋ᠠᠨ ᠠᠪᠴᠤ᠂ ᠭᠠᠳᠠᠭ᠋ᠠᠳᠤᠲᠠᠢ ᠬᠠᠷᠢᠯᠴᠠᠵᠤ ᠲᠤᠰᠠᠯᠠᠮᠵᠢ ᠭᠤᠶᠤᠬᠤ ᠴᠢᠬᠤᠯᠠᠲᠠᠢ ᠪᠠᠢ᠌ᠳᠠᠭ᠃
ᠠᠭᠤᠯᠠᠨ ᠦᠶᠡᠷᠢ ᠰᠡᠷᠭᠡᠶ᠋ᠢᠯᠡᠬᠦᠳᠤ ᠴᠠᠭ ᠠᠭᠤᠷᠤᠨ ᠤᠷᠢᠳᠴᠢᠯᠠᠭᠰᠠᠨ ᠮᠡᠳᠡᠭᠡ ᠵᠢ ᠴᠠᠭ ᠢᠮᠠᠭᠲᠠ ᠠᠩᠬᠠᠷᠴᠤ᠂ ᠢᠯᠠᠩᠭᠤᠶᠠ ᠦᠶᠡᠷᠤᠨ ᠤᠰᠤ ᠵᠢ ᠤᠷᠢᠳᠴᠢᠯᠠᠨ ᠰᠡᠷᠡᠮᠵᠢᠯᠡᠭᠦᠯᠬᠦ ᠮᠡᠳᠡᠭᠡ ᠵᠠᠩᠭᠢ ᠵᠢ ᠤᠷᠢᠳᠴᠢᠯᠠᠨ ᠠᠩᠬᠠᠷᠴᠤ᠂ ᠤᠬᠤᠷᠢᠨ ᠭᠠᠷᠬᠤ ᠪᠡᠯᠡᠳᠬᠡᠯᠢ ᠤᠷᠢᠳᠴᠢᠯᠠᠨ ᠰᠠᠶ᠋ᠢᠲᠤᠷ ᠬᠢᠬᠦ ᠬᠡᠷᠡᠭᠲᠡᠶ᠃ ᠠᠮᠢ ᠵᠢᠭᠤᠲᠠᠬᠤ ᠦᠶᠡᠳᠤ ᠭᠤᠤ ᠵᠢᠨ ᠬᠤᠶᠠᠷ ᠲᠠᠯᠠ ᠵᠢᠨ ᠥᠨᠳᠦᠷᠯᠢᠭ ᠭᠠᠵᠠᠷ ᠵᠦᠭ ᠰᠢᠯᠵᠢᠵᠤ᠂ ᠭᠤᠤ ᠵᠠᠮ ᠵᠶ᠋ᠠᠷ ᠠᠮᠢ ᠭᠠᠷᠴᠤ ᠶᠠᠭ᠋ᠠᠬᠢᠭᠰᠠᠨ ᠴᠤ᠌ ᠪᠣᠯᠬᠤ ᠦᠭᠡᠢ᠃ ᠬᠡᠷᠪᠡ ᠨᠢᠭᠡᠨᠲᠡ ᠦᠶᠡᠷᠲᠤ ᠬᠦᠷᠢᠶᠡᠯᠡᠭᠳᠡᠪᠡᠯ᠂ ᠭᠠᠯ ᠤᠨᠲᠠᠷᠠᠭ᠋ᠠᠬᠤ᠂ ᠳᠣᠲᠣᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠬᠤ ᠵᠡᠷᠭᠡ ᠰᠠᠯᠠᠭᠠ ᠮᠥᠴᠢᠷᠲᠠᠢ ᠲᠦᠷᠭᠡᠬᠡᠨ ᠬᠠᠷᠢᠯᠴᠠᠵᠤ᠂ ᠥᠪᠡᠷᠤᠨ ᠴᠢᠭᠯᠡᠯ ᠪᠠ ᠲᠦᠭᠰᠢᠭᠦᠷᠢᠲᠦ ᠪᠠᠶ᠋ᠢᠳᠠᠯ ᠵᠶ᠋ᠠᠨ ᠮᠡᠳᠡᠭᠦᠯᠬᠦ ᠬᠡᠷᠡᠭᠲᠡᠶ； ᠭᠠᠳᠠᠭ᠋ᠠᠳᠤ ᠲᠠᠯᠠ ᠵᠢᠨ ᠠᠪᠤᠷᠠᠨ ᠲᠤᠰᠠᠯᠠᠯᠲᠠ ᠵᠢ ᠬᠦᠯᠢᠶᠡᠬᠦ ᠶᠠᠪᠤᠴᠠᠳᠤ ᠪᠠᠰᠠ ᠰᠠᠨᠠᠭ᠋ᠠᠴᠢᠯᠠᠭᠠᠠᠴᠠᠪᠠᠨ ᠠᠪᠤᠷᠠᠯᠲᠠ ᠬᠢᠬᠦ ᠳᠣᠬᠢᠶᠠ ᠵᠢ ᠢᠳᠡᠪᠬᠢᠲᠡᠢ ᠭᠠᠷᠭ᠋ᠠᠬᠤ ᠬᠡᠷᠡᠭᠲᠡᠢ᠃
《ᠬᠡᠷᠪᠡ ᠦᠶᠡᠷᠤᠨ ᠤᠰᠤᠨᠳᠤ ᠲᠠᠲᠠᠭᠳᠠᠨ ᠣᠷᠣᠭᠰᠠᠨ ᠪᠠᠢ᠌ᠪᠠᠯ᠂ ᠡᠭᠦᠳᠡᠨ ᠬᠠᠪᠲᠠᠰᠤ᠂ ᠮᠣᠳᠣᠨ ᠣᠷᠣ᠂ ᠲᠣᠮᠣ ᠬᠥᠭᠡᠰᠦ ᠵᠡᠷᠭᠡ ᠵᠢ ᠠᠯᠢ ᠴᠢᠳᠠᠬᠤᠪᠠᠷ ᠠᠳᠬᠤᠵᠤ ᠪᠠᠢ᠌ᠭ᠋ᠠᠳ ᠠᠮᠢ ᠵᠢᠭᠤᠲᠠᠬᠤ ᠲᠣᠬᠢᠶᠠᠯ ᠡᠷᠢᠵᠦ ᠠᠮᠢ ᠵᠢᠭᠤᠲᠠᠬᠤ ᠬᠡᠷᠡᠭᠲᠡᠢ》 ᠭᠡᠵᠦ ᠰᠢᠦᠢ ᠴᠥᠩ ᠰᠠᠨᠠᠭᠤᠯᠪᠠ᠃
