ᠥᠷᠭᠡᠨ ᠣᠯᠠᠨ ᠬᠡᠦᠬᠡᠳ ᠵᠠᠯᠠᠭᠤᠴᠤᠳ ᠪᠠᠭ᠋ᠠᠴᠤᠳᠢ ᠬᠥᠲᠥᠯᠥᠨ ᠵᠢᠯᠣᠭᠣᠳᠴᠤ᠂ ᠡᠨᠡ ᠵᠢᠯᠤᠨ ᠡᠪᠦᠯᠤᠨ ᠠᠮᠠᠷᠠᠯᠲᠠ ᠵᠢᠨ ᠬᠤᠭᠤᠴᠠᠭ᠋ᠠᠨᠳᠤ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢᠪᠠᠷ ᠨᠢᠳᠦ ᠪᠠᠨ ᠬᠡᠷᠡᠭᠯᠡᠵᠦ᠂ ᠵᠢᠮᠡ ᠶᠣᠰᠣᠲᠠᠢ ᠠᠮᠠᠷᠠᠵᠤ᠂ ᠣᠶ᠋ᠢᠷᠠ ᠬᠠᠷᠠᠭᠠ ᠵᠢ ᠰᠠᠨᠠᠭ᠋ᠠᠴᠢᠯᠠᠭᠠᠠᠴᠠᠪᠠᠨ ᠤᠷᠢᠳᠴᠢᠯᠠᠨ ᠰᠡᠷᠭᠡᠶ᠋ᠢᠯᠡᠬᠦ ᠵᠢᠨ ᠲᠥᠯᠥᠭᠡ᠂ ᠪᠦᠬᠦ ᠤᠯᠤᠰᠤᠨ ᠬᠡᠦᠬᠡᠳ ᠵᠠᠯᠠᠭᠤᠴᠤᠳ ᠪᠠᠭ᠋ᠠᠴᠤᠳᠤᠨ ᠣᠶ᠋ᠢᠷᠠ ᠬᠠᠷᠠᠭᠠ ᠵᠢ ᠶᠡᠷᠦᠩᠬᠡᠶ᠋ᠢᠯᠡᠨ ᠰᠡᠷᠭᠡᠶ᠋ᠢᠯᠡᠨ ᠡᠵᠡᠮᠳᠡᠬᠦ ᠵᠢ ᠤᠬᠠᠭᠤᠯᠤᠨ ᠲᠠᠶ᠋ᠢᠯᠪᠤᠷᠢᠯᠠᠬᠤ ᠪᠦᠯᠬᠦᠮ ᠡᠮᠦᠨᠡᠬᠢ ᠬᠤᠭᠤᠴᠠᠭ᠋ᠠᠨᠤ ᠠᠵᠢᠯᠤᠨ ᠰᠠᠭᠤᠷᠢᠨ ᠳᠡᠭᠡᠷᠡ᠂ 2025 ᠣᠨᠤ ᠡᠪᠦᠯᠤᠨ ᠠᠮᠠᠷᠠᠯᠲᠠ ᠵᠢᠨ ᠣᠶ᠋ᠢᠷᠠ ᠬᠠᠷᠠᠭᠠ ᠵᠢ ᠰᠡᠷᠭᠡᠶ᠋ᠢᠯᠡᠨ ᠡᠵᠡᠮᠳᠡᠬᠦ 20 ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠲᠠᠳᠤ ᠵᠠᠰᠠᠪᠤᠷᠢ ᠣᠷᠣᠭᠤᠯᠵᠤ᠂ ᠥᠷᠭᠡᠨ ᠣᠯᠠᠨ ᠬᠡᠦᠬᠡᠳ ᠵᠠᠯᠠᠭᠤᠴᠤᠳ ᠪᠠᠭ᠋ᠠᠴᠤᠳ ᠪᠠ ᠭᠡᠷᠤᠨ ᠠᠬᠠᠮᠠᠳᠤᠨ ᠮᠠᠳᠠᠭᠢ ᠲᠠᠢ᠌ᠯᠵᠤ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢᠪᠠᠷ ᠬᠥᠲᠥᠯᠦᠨ ᠵᠢᠯᠣᠭᠣᠳᠪᠠ᠃
07. ᠵᠠᠰᠠᠯᠭᠠ ᠬᠢᠬᠦ᠄ ᠠᠬᠢᠴᠠ ᠵᠢ ᠡᠵᠡᠮᠳᠡᠵᠦ᠂ ᠦᠷᠭᠦᠯᠵᠢ ᠪᠠᠢ᠌ᠴᠠᠭ᠋ᠠᠯᠲᠠ ᠬᠢᠬᠦ
17. ᠣᠶ᠋ᠢᠷᠠ ᠬᠠᠷᠠᠭᠠ ᠵᠢ ᠣᠯᠵᠤ ᠮᠡᠳᠡᠪᠡᠯ ᠵᠠᠪᠠᠯ ᠨᠢᠳᠦᠨ ᠰᠢᠯ ᠲᠠᠭ᠋ᠠᠷᠠᠭᠤᠯᠬᠤ ᠤᠤ？
ᠬᠠᠷᠢᠭᠤᠯᠲᠠ᠄ ᠣᠶ᠋ᠢᠷᠠ ᠬᠠᠷᠠᠭᠠ ᠵᠢ ᠣᠯᠵᠤ ᠮᠡᠳᠡᠪᠡᠯ᠂ ᠵᠢᠩᠬᠢᠨᠢ ᠨᠢᠳᠦᠨ ᠰᠠᠯᠠᠭ᠋ᠠᠨᠤ ᠡᠮᠴᠢᠯᠡᠭᠡᠨᠤ ᠪᠠᠶ᠋ᠢᠭᠤᠯᠤᠮᠵᠢᠳᠤ ᠬᠦᠷᠴᠦ ᠪᠠᠢ᠌ᠴᠠᠭ᠋ᠠᠯᠭ᠋ᠠᠬᠤ ᠬᠡᠷᠡᠭᠲᠡᠢ᠃ ᠡᠮᠴᠢ ᠵᠢᠨ ᠰᠠᠨᠠᠭᠤᠯᠭᠠ ᠵᠢ ᠦᠨᠳᠦᠰᠦᠯᠡᠨ᠂ ᠬᠡᠦᠬᠡᠨ ᠬᠠᠷᠠᠭᠠ ᠵᠢᠨ ᠰᠠᠷᠨᠢᠯᠲᠠ ᠵᠢ ᠰᠢᠯᠭ᠋ᠠᠬᠤ ᠪᠤᠶᠤ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢ ᠵᠠᠰᠠᠯᠭᠠ ᠬᠢᠨᠡ᠃ ᠨᠢᠳᠦᠨ ᠰᠢᠯ ᠲᠠᠭ᠋ᠠᠷᠠᠭᠤᠯᠵᠤ ᠣᠶ᠋ᠢᠷᠠ ᠬᠠᠷᠠᠭᠠ ᠵᠢ ᠡᠵᠡᠮᠳᠡᠬᠦ ᠲᠠᠯᠠᠪᠠᠷ ᠭᠣᠣᠯᠳᠠᠭᠤ ᠬᠦᠷᠢᠶᠡᠲᠠᠢ ᠨᠢᠳᠦᠨ ᠰᠢᠯ ᠵᠡᠭᠦᠬᠦ ᠪᠤᠶᠤ ᠡᠪᠡᠷᠯᠢᠭ ᠪᠦᠷᠬᠦᠪᠴᠢᠳᠤ ᠬᠦᠷᠦᠯᠴᠡᠬᠦ ᠨᠢᠳᠦᠨ ᠰᠢᠯ ᠵᠡᠭᠦᠨᠡ᠃ ᠬᠦᠷᠢᠶᠡᠲᠠᠢ ᠨᠢᠳᠦᠨ ᠰᠢᠯ ᠪᠣᠯ ᠬᠠᠮᠤᠭᠤᠨ ᠳᠥᠭᠥᠮ᠂ ᠠᠮᠤᠷ ᠲᠦᠪᠰᠢᠨ ᠵᠠᠰᠠᠯᠭᠠ ᠬᠢᠬᠦ ᠪᠠᠭ᠋ᠠᠵᠢ ᠮᠥᠨ᠂ ᠣᠶ᠋ᠢᠷᠠ ᠵᠢᠨ ᠵᠢᠯ ᠣᠨᠴᠠᠭ᠋ᠠᠢ ᠭᠡᠷᠡᠯᠤᠨ ᠤᠬᠠᠭ᠋ᠠᠨ ᠵᠶ᠋ᠠᠷ ᠲᠥᠯᠦᠪᠯᠡᠵᠦ ᠭᠠᠷᠭ᠋ᠠᠭᠰᠠᠨ ᠬᠦᠷᠢᠶᠡᠲᠠᠢ ᠨᠢᠳᠦᠨ ᠰᠢᠯ᠂ ᠲᠤᠬᠠᠢ᠌ᠯᠠᠪᠠᠯ᠂ ᠴᠢᠳᠠᠮᠵᠢᠲᠤ ᠨᠢᠳᠦᠨ ᠰᠢᠯᠨᠢ ᠰᠣᠩᠭᠣᠵᠤ ᠪᠣᠯᠬᠤᠢ᠌ᠴᠠ ᠣᠶ᠋ᠢᠷᠠ ᠬᠠᠷᠠᠭᠠ ᠵᠢ ᠵᠠᠰᠠᠬᠤ ᠠᠷᠭᠠ ᠵᠢᠨ ᠨᠢᠭᠡ ᠪᠣᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠡᠪᠡᠷᠯᠢᠭ ᠪᠦᠷᠬᠦᠪᠴᠢᠳᠤ ᠬᠦᠷᠦᠯᠴᠡᠬᠦ ᠨᠢᠳᠦᠨ ᠰᠢᠯᠳᠤ ᠵᠦᠭᠡᠯᠡᠨ ᠴᠢᠨᠠᠷᠲᠠᠢ ᠬᠦᠷᠦᠯᠴᠡᠬᠦ ᠨᠢᠳᠦᠨ ᠰᠢᠯ᠂ ᠬᠠᠲᠠᠭᠤ ᠴᠢᠨᠠᠷᠲᠠᠢ ᠠᠭ᠋ᠠᠷ ᠨᠡᠪᠲᠡᠷᠡᠬᠦ ᠬᠦᠷᠦᠯᠴᠡᠬᠦ ᠨᠢᠳᠦᠨ ᠰᠢᠯ ᠪᠣᠯᠤᠨ ᠡᠪᠡᠷᠯᠢᠭ ᠪᠥᠷᠬᠦᠪᠴᠢ ᠵᠢᠨ ᠬᠡᠪᠰᠢᠮᠡᠭᠡᠢ ᠨᠢᠳᠦᠨ ᠰᠢᠯ （OK ᠨᠢᠳᠦᠨ ᠰᠢᠯ） ᠵᠡᠷᠭᠡ ᠵᠢ ᠪᠠᠭᠲᠠᠭ᠋ᠠᠵᠤ᠂ ᠬᠦᠷᠦᠯᠴᠡᠬᠦ ᠨᠢᠳᠦᠨ ᠰᠢᠯᠢ ᠵᠡᠭᠦᠬᠦᠳᠤ ᠭᠡᠷᠤᠨ ᠠᠬᠠᠮᠠᠳ ᠬᠠᠷᠠᠭ᠋ᠠᠯᠵᠠᠨ ᠬᠠᠮᠠᠭ᠋ᠠᠯᠠᠬᠤ ᠴᠢᠬᠤᠯᠠᠲᠠᠢ᠂ ᠲᠣᠭᠲᠠᠭᠰᠠᠨ ᠬᠤᠭᠤᠴᠠᠭᠠᠲᠠᠢ ᠳᠠᠬᠢᠨ ᠪᠠᠢ᠌ᠴᠠᠭ᠋ᠠᠯᠭ᠋ᠠᠵᠤ᠂ ᠥᠷᠪᠢᠰᠬᠦ ᠠᠴᠠ ᠰᠡᠷᠭᠡᠶ᠋ᠢᠯᠡᠬᠦ ᠬᠡᠷᠡᠭᠲᠡᠢ᠃
18. ᠡᠮᠤᠨ ᠵᠦᠢ᠍ᠯ ᠣᠶ᠋ᠢᠷᠠ ᠬᠠᠷᠠᠭ᠋ᠠᠨᠤ ᠠᠬᠢᠴᠠ ᠵᠢ ᠡᠵᠡᠮᠳᠡᠵᠦ ᠴᠢᠳᠠᠨᠠ ᠤᠤ？
ᠬᠠᠷᠢᠭᠤᠯᠲᠠ᠄ ᠣᠳᠣᠬᠠᠨᠳᠤ᠂ ᠳᠣᠣᠷᠠ ᠥᠳᠭᠡᠴᠡᠲᠠᠢ ᠠ ᠲᠦᠸᠧ ᠫᠢᠨ ᠨᠢᠳᠦᠨ ᠳᠤ ᠳᠤᠰᠤᠭ᠋ᠠᠬᠤ ᠰᠢᠩᠭᠡᠨ ᠡᠮ ᠪᠣᠯ ᠭᠡᠷᠡᠴᠢ ᠵᠢᠷᠤᠮᠯᠠᠬᠤ ᠠᠨᠠᠭ᠋ᠠᠬᠤ ᠤᠬᠠᠭ᠋ᠠᠨᠤ ᠰᠢᠯᠭ᠋ᠠᠨ ᠪᠠᠲᠤᠯᠠᠯᠲᠠ ᠵᠢ ᠳᠠᠮᠵᠢᠭᠰᠠᠨ ᠣᠶ᠋ᠢᠷᠠ ᠬᠠᠷᠠᠭ᠋ᠠᠨᠤ ᠠᠬᠢᠴᠠ ᠵᠢ ᠪᠦᠲᠦᠮᠵᠢᠲᠡᠢ ᠬᠣᠷᠢᠭᠯᠠᠬᠤ ᠡᠮ ᠮᠥᠨ᠂ ᠡᠯᠡ ᠵᠦᠢ᠍ᠯᠤᠨ ᠣᠨᠴᠠᠭ᠋ᠠᠢ ᠲᠥᠯᠦᠪᠯᠡᠭᠰᠡᠨ ᠨᠢᠳᠦᠨ ᠰᠢᠯ ᠵᠢᠴᠢ ᠬᠦᠷᠦᠯᠴᠡᠬᠦ ᠨᠢᠳᠦᠨ ᠰᠢᠯᠲᠠᠢ ᠬᠠᠮᠲᠤ ᠬᠡᠷᠡᠭᠯᠡᠪᠡᠯ ᠣᠶ᠋ᠢᠷᠠ ᠬᠠᠷᠠᠭᠠ ᠵᠢ ᠡᠵᠡᠮᠳᠡᠬᠦ ᠦᠢ᠍ᠯᠡᠳᠦᠯᠢ ᠳᠡᠭᠡᠭᠰᠢᠯᠡᠭᠦᠯᠦᠨᠡ᠃ ᠳᠣᠣᠷᠠ ᠥᠳᠭᠡᠴᠡᠲᠠᠢ ᠠ ᠲᠦᠸᠧ ᠫᠢᠨ ᠨᠢᠳᠦᠨᠳᠤ ᠳᠤᠰᠤᠭ᠋ᠠᠬᠤ ᠰᠢᠩᠭᠡᠨ ᠡᠮᠢ ᠳᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠡᠮᠴᠢ ᠵᠢᠨ ᠵᠢᠯᠣᠭᠣᠳᠣᠯᠭᠠᠪᠠᠷ ᠵᠢᠷᠤᠮᠵᠢᠭᠤᠯᠤᠨ ᠬᠡᠷᠡᠭᠯᠡᠵᠦ᠂ ᠡᠮᠴᠢ ᠵᠢᠨ ᠵᠢᠭ᠋ᠠᠪᠤᠷᠢ ᠵᠢ ᠳᠠᠭ᠋ᠠᠬᠤ ᠬᠡᠷᠡᠭᠲᠡᠢ᠃
19. ᠶᠠᠭᠤᠨᠳᠤ ᠣᠶ᠋ᠢᠷᠠ ᠬᠠᠷᠠᠭᠠ ᠵᠢᠨ ᠠᠬᠢᠴᠠ ᠵᠢ ᠡᠵᠡᠮᠳᠡᠵᠦ᠂ ᠬᠡᠲᠦ ᠣᠶ᠋ᠢᠷᠠ ᠬᠠᠷᠠᠭᠠᠲᠠᠢ ᠪᠣᠯᠬᠤ ᠵᠢ ᠰᠡᠷᠭᠡᠶ᠋ᠢᠯᠡᠬᠦ ᠪᠤᠢ？
ᠬᠠᠷᠢᠭᠤᠯᠲᠠ᠄ ᠬᠡᠲᠦ ᠣᠶ᠋ᠢᠷᠠ ᠬᠠᠷᠠᠭᠠ ᠪᠣᠯ ᠣᠢ᠌ᠷᠠ ᠬᠠᠷᠠᠭ᠋ᠠᠨᠤ ᠭ᠋ᠷᠠᠳᠦ᠋ᠰᠤᠨ ᠲᠣᠭᠠ 600 ᠭ᠋ᠷᠠᠳᠦ᠋ᠰᠠᠴᠠ ᠶᠡᠬᠡ ᠪᠠᠶ᠋ᠢᠳᠠᠯᠢ ᠵᠢᠭ᠋ᠠᠨᠠ᠃ ᠬᠡᠲᠦ ᠣᠶ᠋ᠢᠷᠠ ᠬᠠᠷᠠᠭ᠋ᠠᠨᠤ ᠬᠣᠣᠷ ᠬᠥᠨᠥᠭᠡᠯ ᠶᠡᠬᠡ᠂ ᠬᠡᠷᠪᠡ ᠳᠠᠷᠤᠢᠳᠤᠨᠢ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢᠪᠠᠷ ᠵᠠᠰᠠᠬᠤ ᠦᠭᠡᠢ ᠪᠣᠯ ᠨᠢᠳᠦᠨ ᠴᠡᠴᠡᠬᠡᠢ ᠭᠦᠳᠦᠢ᠌ᠨ ᠭᠠᠷᠴᠤ ᠮᠠᠭᠤᠬᠠᠢ ᠬᠠᠷᠠᠭᠳᠠᠨᠠ᠂ ᠪᠠᠰᠠ ᠨᠢᠳᠦᠨ ᠴᠡᠴᠡᠭᠡᠢ ᠵᠢᠨ ᠬᠠᠨᠠ ᠨᠢᠮᠭᠡᠷᠡᠵᠦ᠂ ᠨᠢᠳᠦᠨ ᠴᠡᠴᠡᠭᠡᠢ ᠵᠢᠨ ᠪᠦᠲᠦᠴᠡᠳᠤ ᠡᠪᠡᠳᠴᠢᠨᠤ ᠬᠤᠪᠢᠷᠠᠯᠲᠠ ᠭᠠᠷᠳᠠᠭ᠃ ᠬᠡᠲᠦ ᠣᠢ᠌ᠷᠠ ᠬᠠᠷᠠᠭᠠᠲᠠᠢ ᠪᠣᠯᠬᠤ ᠵᠢ ᠳᠠᠭ᠋ᠠᠯᠳᠤᠨ ᠦᠷᠭᠦᠯᠵᠢ ᠬᠠᠮᠢᠶᠠ ᠪᠥᠬᠦᠢ ᠳᠠᠪᠬᠤᠴᠠᠭᠰᠠᠨ ᠡᠪᠡᠳᠴᠢᠨ ᠡᠭᠦᠰᠳᠡᠭ᠂ ᠲᠤᠬᠠᠢ᠌ᠯᠠᠪᠠᠯ᠂ ᠡᠪᠡᠳᠴᠢᠨᠤ ᠵᠦᠢ ᠵᠢᠨ ᠴᠢᠨᠠᠷᠲᠠᠢ ᠣᠢ᠌ᠷᠠ ᠬᠠᠷᠠᠭᠠ᠂ ᠭᠣᠣᠯᠳᠠᠭᠤ ᠬᠠᠷᠠᠭᠠ ᠮᠠᠭᠤᠲᠠᠬᠤ ᠪᠤᠶᠤ ᠰᠣᠬᠣᠷᠠᠬᠤ ᠢᠯᠡᠷᠡᠯᠲᠠᠢ᠃ ᠬᠡᠲᠦ ᠣᠢ᠌ᠷᠠ ᠬᠠᠷᠠᠭᠠᠲᠠᠢ ᠬᠥᠮᠦᠰ ᠰᠢᠷᠦᠭᠦᠨ ᠮᠥᠷᠭᠦᠯᠲᠡᠠᠴᠠ ᠬᠢᠴᠢᠶᠡᠬᠦ ᠬᠡᠷᠡᠭᠲᠡᠢ᠂ ᠦᠰᠦᠷᠬᠦ᠂ ᠤᠰᠤᠨᠳᠤ ᠬᠠᠷᠠᠶ᠋ᠢᠬᠤ᠂ ᠤᠰᠤᠨᠳᠤ ᠤᠮᠪᠠᠬᠤ ᠵᠡᠷᠭᠡ ᠬᠥᠳᠡᠯᠭᠡᠭᠡᠨᠳᠤ ᠣᠷᠣᠯᠴᠠᠵᠤ ᠪᠣᠯᠬᠤ ᠦᠭᠡᠢ᠃
20. ᠯᠠᠶ᠋ᠢᠰᠧᠷ ᠮᠡᠰᠡ ᠵᠠᠰᠠᠯ ᠣᠶ᠋ᠢᠷᠠ ᠬᠠᠷᠠᠭᠠ ᠵᠢ ᠵᠠᠰᠠᠵᠤ ᠳᠡᠢ᠌ᠯᠦᠨᠡ ᠤᠤ？
ᠬᠠᠷᠢᠭᠤᠯᠲᠠ᠄ ᠯᠠᠶ᠋ᠢᠰᠧᠷ ᠮᠡᠰᠡ ᠵᠠᠰᠠᠯ ᠪᠣᠯ ᠣᠶ᠋ᠢᠷᠠ ᠬᠠᠷᠠᠭᠠᠳᠤ ᠴᠢᠭᠯᠡᠭᠦᠯᠦᠭᠰᠡᠨ ᠭᠡᠷᠡᠯ ᠨᠤᠭᠤᠷᠠᠯᠲᠠ ᠵᠢᠨ ᠮᠡᠰᠡ ᠵᠠᠰᠠᠯ ᠪᠣᠯᠤᠨᠠ᠂ ᠺᠣᠮᠫᠢᠦ᠋ᠲ᠋ᠧᠷ ᠨᠠᠷᠢᠯᠢᠭ ᠣᠨᠣᠴᠠᠲᠠᠢ ᠡᠵᠡᠮᠳᠡᠭᠰᠡᠨ ᠯᠠᠶ᠋ᠢᠰᠧᠷ ᠪᠠᠭᠴᠠ ᠵᠢ ᠬᠡᠷᠡᠭᠯᠡᠨ ᠡᠪᠡᠷᠯᠢᠭ ᠪᠥᠷᠬᠦᠪᠴᠢᠳᠤ ᠨᠢᠭᠡ ᠲᠣᠬᠢᠷᠠᠮᠵᠢᠲᠠᠢ ᠬᠥᠩᠬᠥᠷ ᠮᠡᠰᠢᠯᠢ ᠵᠦᠰᠦᠵᠦ᠂ ᠭᠠᠳᠠᠨᠠᠬᠢ ᠭᠡᠷᠡᠯᠤᠨ ᠱᠤᠭᠤᠮᠢ ᠨᠢᠳᠦᠨᠤ ᠲᠣᠣᠷᠯᠢᠭ ᠪᠦᠷᠬᠦᠪᠴᠢ ᠳᠡᠭᠡᠷᠡ ᠣᠨᠣᠪᠴᠢᠲᠠᠢ ᠲᠥᠪᠯᠡᠷᠡᠭᠦᠯᠦᠨ᠂ ᠵᠠᠰᠠᠬᠤ ᠵᠣᠷᠢᠯᠭᠠᠳᠤᠪᠠᠨ ᠬᠦᠷᠳᠡᠭ᠃ ᠡᠪᠦᠯᠤᠨ ᠠᠮᠠᠷᠠᠯᠲᠠ ᠵᠢᠨ ᠬᠤᠭᠤᠴᠠᠭ᠋ᠠᠨᠳᠤ᠂ ᠪᠦᠬᠦᠯᠢ 18 ᠨᠠᠰᠤ ᠬᠦᠷᠦᠭᠰᠡᠨ ᠬᠡᠰᠡᠭ ᠰᠤᠷᠤᠭᠴᠢ ᠯᠠᠶ᠋ᠢᠰᠧᠷ ᠮᠡᠰᠡ ᠵᠠᠰᠠᠯ ᠵᠶ᠋ᠠᠷ 《ᠨᠢᠳᠦᠨ ᠰᠢᠯ ᠵᠶ᠋ᠡᠨ ᠠᠪᠴᠤ ᠬᠠᠶᠠᠬᠤ》 ᠮᠠᠭ᠋ᠠᠳ ᠦᠭᠡᠢ᠃ ᠯᠠᠶ᠋ᠢᠰᠧᠷ ᠮᠡᠰᠡ ᠵᠠᠰᠠᠯ ᠬᠢᠬᠦᠳᠤ ᠲᠣᠬᠢᠷᠠᠬᠤ ᠡᠪᠡᠳᠴᠢᠨ ᠪᠠ ᠴᠡᠭᠡᠷᠯᠡᠬᠦ ᠡᠪᠡᠳᠴᠢᠨ ᠪᠠᠶ᠋ᠢᠵᠤ᠂ ᠵᠢᠩᠬᠢᠨᠢ ᠨᠢᠳᠦᠨ ᠰᠠᠯᠠᠭ᠋ᠠᠨᠤ ᠡᠮᠴᠢᠯᠡᠭᠡᠨᠤ ᠪᠠᠶ᠋ᠢᠭᠤᠯᠤᠮᠵᠢᠳᠤ ᠬᠦᠷᠴᠦ ᠪᠠᠢ᠌ᠴᠠᠭ᠋ᠠᠯᠭ᠋ᠠᠬᠤᠪᠠᠷ ᠳᠠᠮᠵᠢᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢᠪᠠᠷ ᠦᠨᠡᠯᠡᠨ ᠵᠢᠱ᠌ᠢᠬᠦ ᠴᠢᠬᠤᠯᠠᠲᠠᠢ᠃ ᠯᠠᠶ᠋ᠢᠰᠧᠷ ᠮᠡᠰᠡ ᠵᠠᠰᠠᠯ ᠣᠶ᠋ᠢᠷᠠ ᠬᠠᠷᠠᠭᠠᠠᠴᠠ ᠪᠣᠯᠤᠭᠰᠠᠨ ᠬᠠᠷᠠᠭ᠋ᠠᠨᠤ ᠠᠰᠠᠭᠤᠳᠠᠯᠢ ᠰᠢᠢ᠍ᠳᠪᠦᠷᠢᠯᠡᠬᠦ ᠪᠣᠯᠪᠠᠴᠤ ᠣᠶ᠋ᠢᠷᠠ ᠬᠠᠷᠠᠭᠠᠠᠴᠠ ᠪᠣᠯᠤᠭᠰᠠᠨ ᠨᠢᠳᠦᠨ ᠴᠡᠴᠡᠭᠡᠢ ᠵᠢᠨ ᠪᠥᠲᠦᠴᠡ ᠵᠢᠨ ᠬᠤᠪᠢᠷᠠᠯᠲᠠ ᠣᠨᠴᠠᠭ᠋ᠠᠢ᠌ᠯᠠᠨ ᠨᠢᠳᠦᠨ ᠢᠷᠤᠭ᠋ᠠᠷᠤᠨ ᠬᠤᠪᠢᠷᠠᠯᠲᠠ ᠵᠢ ᠵᠠᠰᠠᠵᠤ ᠳᠡᠢ᠌ᠯᠬᠦ ᠦᠭᠡᠢ᠃ ᠣᠶ᠋ᠢᠷᠠ ᠬᠠᠷᠠᠭᠠᠨᠢ ᠬᠦᠨᠳᠦᠷᠡᠵᠦ ᠪᠠᠢ᠌ᠭᠠ ᠵᠠᠯᠠᠭᠤᠴᠤᠳ ᠪᠠᠭ᠋ᠠᠴᠤᠳ ᠯᠠᠶ᠋ᠢᠰᠧᠷ ᠮᠡᠰᠡ ᠵᠠᠰᠠᠯ ᠬᠢᠵᠦ ᠪᠣᠯᠬᠤ ᠦᠭᠡᠢ᠃ ᠬᠡᠷᠪᠡ ᠯᠠᠶ᠋ᠢᠰᠧᠷ ᠮᠡᠰᠡ ᠵᠠᠰᠠᠯ ᠬᠢᠬᠦᠳᠤ ᠬᠦᠷᠪᠡᠯ᠂ ᠮᠡᠰᠡ ᠵᠠᠰᠠᠯᠤᠨ ᠳᠠᠷᠠᠭᠠ ᠮᠥᠨ ᠯᠡ ᠨᠢᠳᠦ ᠬᠡᠷᠡᠭᠯᠡᠬᠦ ᠠᠷᠢᠭᠤᠨ ᠴᠡᠪᠡᠷ ᠪᠠ ᠳᠠᠳᠬᠠᠯᠢ ᠠᠩᠬᠠᠷᠴᠤ᠂ ᠣᠢ᠌ᠷᠠ ᠵᠠᠢᠠᠴᠠ ᠨᠢᠳᠦ ᠬᠡᠷᠡᠭᠯᠡᠬᠦ ᠵᠢ ᠪᠠᠭ᠋ᠠᠰᠬᠠᠨ᠂ ᠬᠠᠷᠠᠭᠠ ᠵᠢ ᠶᠠᠳᠠᠷᠠᠭᠤᠯᠬᠤᠠᠴᠠ ᠵᠠᠶ᠋ᠢᠯᠠᠰᠬᠢᠵᠦ᠂ ᠬᠠᠷᠠᠭ᠋ᠠᠨᠤ ᠪᠠᠶ᠋ᠢᠳᠠᠯ ᠵᠶ᠋ᠠᠨ ᠠᠩᠬᠠᠷᠴᠤ᠂ ᠲᠣᠭᠲᠠᠭᠰᠠᠨ ᠬᠤᠭᠤᠴᠠᠭᠠᠲᠠᠢ ᠪᠠᠢ᠌ᠴᠠᠭ᠋ᠠᠯᠭ᠋ᠠᠬᠤ ᠬᠡᠷᠡᠭᠲᠡᠢ᠃