ᠡᠪᠦᠯᠤᠨ ᠠᠮᠠᠷᠠᠯᠲᠠ ᠰᠡᠭᠦᠯ ᠰᠢᠪᠲᠤᠷᠠᠵᠤ᠂ ᠰᠤᠷᠭ᠋ᠠᠭᠤᠯᠢ ᠡᠬᠢᠯᠡᠬᠦᠠᠴᠠ ᠡᠮᠦᠨᠡᠬᠢ ᠪᠡᠯᠡᠳᠬᠡᠯᠢ ᠰᠠᠢ᠌ᠲᠤᠷ ᠬᠢᠬᠦ ᠴᠠᠭ ᠬᠦᠷᠴᠦ ᠢᠷᠡᠪᠡ᠃ ᠡᠯᠡ ᠲᠠᠯᠠ ᠵᠢᠨ ᠪᠡᠯᠡᠳᠬᠡᠯᠢ ᠭᠦᠢ᠍ᠴᠡᠳ ᠬᠢᠵᠦ᠂ ᠰᠢᠨᠡ ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭᠠ ᠵᠢ ᠰᠠᠢ᠌ᠬᠠᠨ ᠡᠬᠢᠯᠡᠭᠦᠯᠵᠦ᠂ ᠬᠡᠦᠬᠡᠳᠢ ᠬᠠᠪᠰᠤᠷᠤᠨ ᠨᠡᠩ ᠬᠤᠷᠳᠤᠨ ᠵᠶ᠋ᠠᠷ ᠰᠤᠷᠤᠯᠴᠠᠬᠤ ᠣᠷᠴᠢᠨᠳᠤᠨᠢ ᠳᠠᠰᠬᠠᠬᠤ ᠬᠡᠷᠡᠭᠲᠡᠢ᠃ ᠲᠡᠭᠡᠪᠡᠯ ᠬᠡᠦᠬᠡᠳ ᠰᠤᠷᠭ᠋ᠠᠭᠤᠯᠢ ᠡᠬᠢᠯᠡᠬᠦᠠᠴᠠ ᠡᠮᠦᠨᠡ ᠶᠠᠮᠠᠷ ᠶᠠᠮᠠᠷ ᠪᠡᠯᠡᠳᠬᠡᠯᠢ ᠬᠢᠬᠦ ᠴᠢᠬᠤᠯᠠᠲᠠᠢ ᠪᠣᠢ？ ᠬᠠᠮᠤᠭᠤᠨ ᠪᠦᠷᠢᠨ ᠰᠤᠷᠭ᠋ᠠᠭᠤᠯᠢ ᠡᠬᠢᠯᠡᠬᠦ ᠪᠡᠯᠡᠳᠬᠡᠯᠢ ᠡᠨᠳᠡ ᠲᠠᠨᠢᠯᠴᠠᠭᠤᠯᠤᠶᠠ！
ᠡᠳ᠋ ᠪᠣᠳᠠᠰᠤᠨ ᠪᠡᠯᠡᠳᠬᠡᠯ
ᠪᠢᠴᠢᠭᠤᠨ ᠪᠣᠭᠴᠣ᠃ A4 ᠴᠠᠭ᠋ᠠᠰᠤ ᠵᠢ ᠪᠠᠭᠲᠠᠭ᠋ᠠᠵᠤ ᠳᠡᠢ᠌ᠯᠬᠦ ᠪᠢᠴᠢᠭᠤᠨ ᠪᠣᠭᠴᠣ᠂ ᠪᠢᠴᠢᠭᠤᠨ ᠪᠣᠭᠴᠣ ᠵᠢ ᠰᠣᠩᠭᠤᠬᠤᠳᠤᠪᠠᠨ ᠪᠣᠭᠴᠤᠨᠤ ᠶᠡᠬᠡ ᠪᠠᠭᠠᠠᠴᠠ ᠭᠠᠳᠠᠨᠠ ᠪᠣᠭᠴᠤᠨᠤ ᠬᠦᠨᠳᠦ ᠵᠢ ᠪᠣᠳᠣᠯᠬᠢᠯᠠᠵᠤ᠂ ᠪᠣᠭᠴᠣ ᠳᠡᠩᠳᠡᠭᠦᠦ ᠬᠦᠨᠳᠦ ᠪᠣᠯᠪᠠᠯ ᠬᠡᠦᠬᠡᠳᠤᠨ ᠵᠣᠭᠰᠣᠬᠤ ᠬᠡᠯᠪᠡᠷᠢ ᠵᠢ ᠨᠥᠯᠥᠭᠡᠯᠡᠳᠡᠭ᠃
ᠠᠯᠢ ᠴᠢᠳᠠᠬᠤᠪᠠᠷ ᠡᠭᠦᠷᠬᠦᠳᠤ ᠲᠠᠭ᠋ᠠᠲᠠᠢ᠂ ᠬᠡᠦᠬᠡᠳᠤᠨ ᠮᠥᠷᠥᠨᠤ ᠥᠷᠭᠡᠨᠳᠤ ᠲᠣᠬᠢᠷᠠᠬᠤ᠂ ᠮᠥᠷᠦᠪᠴᠢᠨᠢ ᠲᠣᠬᠢᠷᠠᠭᠤᠯᠵᠤ ᠪᠣᠯᠬᠤ ᠪᠢᠴᠢᠭᠤᠨ ᠪᠣᠭᠴᠣ ᠵᠢ ᠰᠣᠩᠭᠤᠨᠠ᠃ ᠮᠠᠲ᠋ᠧᠷᠢᠶᠠᠯᠤᠨ ᠴᠢᠨᠠᠷ ᠬᠠᠲᠠᠭᠤᠪᠲᠤᠷᠢ ᠰᠣᠩᠭᠤᠪᠠᠯ ᠬᠢᠴᠢᠶᠡᠯᠤᠨ ᠨᠣᠮ ᠨᠤᠬᠤᠴᠢᠭᠳᠠᠬᠤ ᠵᠢ ᠰᠡᠷᠭᠡᠢ᠌ᠯᠡᠵᠦ ᠳᠡᠢ᠌ᠯᠦᠨᠡ᠃
ᠬᠡᠲᠦ ᠬᠤᠷᠴᠠ ᠥᠩᠭᠡᠲᠠᠢ ᠵᠢ ᠰᠣᠩᠭᠤᠬᠤ ᠦᠭᠡᠢ᠂ ᠬᠡᠦᠬᠡᠳ ᠬᠢᠴᠢᠶᠡᠯ ᠳᠡᠭᠡᠷᠡ ᠠᠩᠬᠠᠷᠤᠯ ᠲᠥᠪᠯᠡᠷᠡᠭᠦᠯᠦᠨ ᠰᠤᠨᠤᠰᠬᠤ ᠵᠢ ᠨᠥᠯᠦᠭᠡᠯᠡᠨᠡ᠂ ᠳᠥᠭᠦᠮ ᠮᠥᠷᠲᠡᠭᠡᠨ ᠬᠠᠪᠤᠯᠢᠭ ᠪᠣᠯ ᠪᠣᠯᠴᠢᠬᠠᠨᠠ᠃
ᠪᠢᠷᠤᠨ ᠤᠭᠤᠲᠠ᠃ ᠬᠡᠦᠬᠡᠳᠲᠤ ᠪᠦᠰ ᠪᠤᠶᠤ ᠵᠥᠭᠡᠯᠡᠨ ᠰᠦᠯᠢᠶᠣᠣᠪᠠᠷ ᠬᠢᠭᠰᠡᠨ ᠪᠢᠷᠤᠨ ᠤᠭᠤᠲᠠ ᠵᠢ ᠤᠷᠢᠳᠴᠢᠯᠠᠨ ᠪᠡᠯᠡᠳᠬᠡᠵᠦ᠂ ᠬᠡᠲᠦ ᠢᠯᠡ ᠥᠩᠭᠡᠲᠠᠢ ᠵᠢ ᠰᠣᠩᠭᠤᠬᠤ ᠦᠭᠡᠢ᠂ ᠬᠡᠯᠪᠡᠷᠢ ᠳᠥᠬᠥᠮ ᠮᠥᠷᠲᠡᠭᠡᠨ ᠬᠠᠪᠤᠯᠢᠭ ᠪᠠᠢ᠌ᠵᠤ᠂ ᠬᠡᠦᠬᠡᠳ ᠬᠢᠴᠢᠶᠡᠯ ᠳᠡᠭᠡᠷᠡ ᠠᠩᠬᠠᠷᠤᠯ ᠲᠥᠪᠯᠡᠷᠡᠭᠦᠯᠦᠨ ᠰᠣᠨᠣᠰᠬᠤ ᠦᠭᠡᠢᠠᠴᠠ ᠰᠡᠷᠭᠡᠢ᠌ᠯᠡᠨᠡ᠃
ᠪᠢᠷᠤᠨ ᠤᠭᠤᠲᠠ ᠵᠢᠨ ᠶᠡᠬᠡ ᠪᠠᠭᠠ ᠵᠢ ᠠᠩᠬᠠᠷᠴᠤ᠂ ᠬᠠᠮᠤᠭᠤᠨ ᠪᠠᠭᠠᠳᠤᠪᠠᠨ 4 - 6 ᠬᠠᠷᠠᠨᠳᠠ᠂ ᠨᠢᠭᠡ ᠰᠢᠯᠤᠭᠤᠨ ᠱᠤᠭᠤᠮ᠂ ᠬᠣᠶᠠᠷ ᠬᠡᠰᠡᠭ ᠪᠠᠯᠠᠯᠤᠭᠤᠷ᠂ ᠡᠷᠭᠢᠭᠦᠯᠭᠡᠨ ᠵᠣᠷᠭᠣᠭᠤᠯ᠂ ᠬᠢᠴᠢᠶᠡᠯᠤᠨ ᠬᠦᠰᠦᠨᠦᠭᠲᠦ ᠵᠡᠷᠭᠡ ᠵᠢ ᠪᠠᠭᠲᠠᠭ᠋ᠠᠬᠤ ᠬᠡᠷᠡᠭᠲᠡᠢ᠃
ᠬᠠᠷᠠᠨᠳᠠ᠃ HB ᠬᠠᠷᠠᠨᠳᠠ᠂ ᠡᠳᠦᠷ ᠪᠦᠷᠢ ᠬᠡᠲᠦ ᠵᠢ ᠵᠣᠷᠭ᠋ᠠᠵᠤ ᠪᠡᠯᠡᠳᠭᠡᠨᠡ᠃ ᠵᠢᠷᠭᠤᠭ᠋ᠠᠨ ᠢᠷᠮᠡᠭᠲᠦ ᠪᠤᠶᠤ ᠭᠤᠷᠪᠠᠨ ᠥᠨᠴᠥᠭᠲᠦ ᠳ᠋ᠦᠩ ᠳ᠋ᠦᠩ ᠪᠢᠷᠢ ᠰᠣᠩᠭᠣᠵᠤ ᠪᠣᠯᠤᠨᠠ᠂ ᠱᠠᠭ᠋ᠠᠷᠳᠠᠯᠭᠠᠲᠠᠢ ᠪᠣᠯ ᠪᠢᠷ ᠪᠠᠷᠢᠬᠤ ᠬᠡᠷᠡᠭᠰᠡᠯᠢ ᠠᠪᠴᠤ᠂ ᠬᠡᠦᠬᠡᠳᠢ ᠬᠠᠪᠰᠤᠷᠤᠨ ᠪᠢᠷ ᠪᠠᠷᠢᠬᠤ ᠵᠢ ᠡᠵᠡᠮᠰᠢᠭᠦᠯᠦᠨᠡ᠃
ᠱᠤᠭᠤᠮ᠃ ᠠᠷᠪᠠᠨ ᠲᠠᠪᠤᠨ ᠰᠡᠨᠲ᠋ᠢᠮᠧᠲᠷ ᠤᠷᠲᠤ ᠪᠣᠯ ᠪᠣᠯᠴᠢᠬᠠᠨᠠ᠂ ᠬᠡᠲᠦ ᠤᠷᠲᠤ ᠪᠣᠯ ᠬᠡᠦᠬᠡᠳ ᠰᠠᠢ᠌ᠬᠠᠨ ᠪᠠᠷᠢᠵᠤ ᠴᠢᠳᠠᠬᠤ ᠦᠭᠡᠢ᠂ ᠪᠢᠷᠤᠨ ᠤᠭᠤᠲᠠᠨᠳᠤ ᠭᠢᠯᠪᠡᠷ ᠪᠠᠭᠲᠠᠬᠤ ᠦᠭᠡᠢ᠃ ᠬᠤᠭᠤᠯᠬᠤᠠᠴᠠ ᠰᠡᠷᠭᠡᠶ᠋ᠢᠯᠡᠬᠦ ᠵᠢᠨ ᠲᠥᠯᠥᠭᠡ᠂ ᠵᠥᠭᠡᠯᠡᠨ ᠱᠤᠭᠤᠮ᠂ ᠲᠤᠬᠠᠢ᠌ᠯᠠᠪᠠᠯ᠂ ᠶᠠᠭ᠋ᠠᠬᠢᠵᠤ ᠨᠤᠭᠤᠯᠪᠠᠴᠤ ᠬᠤᠭᠤᠷᠠᠬᠤ ᠦᠭᠡᠢ ᠵᠢ ᠰᠣᠩᠭᠤᠨᠠ᠃
ᠪᠠᠯᠠᠯᠤᠭᠤᠷ᠃ ᠣᠯᠠᠩᠬᠢ ᠬᠡᠦᠬᠡᠳ ᠪᠠᠯᠠᠯᠤᠭᠤᠷ ᠵᠶ᠋ᠠᠨ ᠠᠮᠠᠷᠬᠠᠨ ᠭᠡᠭᠡᠳᠡᠭ ᠪᠣᠯᠬᠣᠷ ᠵᠢᠵᠢᠭᠬᠡᠨ ᠪᠠᠯᠠᠯᠤᠭᠤᠷᠢ ᠢᠯᠡᠭᠦᠦ ᠬᠡᠳᠦᠨ ᠬᠡᠰᠡᠭ ᠬᠤᠳᠠᠯᠳᠤᠨ ᠠᠪᠴᠤ ᠪᠡᠯᠡᠳᠭᠡᠬᠦ ᠵᠢ ᠰᠠᠨᠠᠭᠤᠯᠤᠶᠠ᠃
ᠵᠣᠷᠭᠣᠭᠤᠯ᠃ ᠨᠢᠭᠡ ᠲᠣᠮᠣ ᠵᠣᠷᠭᠣᠭᠤᠯ ᠬᠤᠳᠠᠯᠳᠤᠨ ᠠᠪᠴᠤ᠂ ᠭᠡᠷᠲᠤᠪᠠᠨ ᠲᠠᠯᠪᠢᠨᠠ᠂ ᠪᠠᠰᠠ ᠨᠢᠭᠡ ᠵᠢᠵᠢᠭ ᠵᠣᠷᠭᠣᠭᠤᠯ ᠬᠤᠳᠠᠯᠳᠤᠨ ᠠᠪᠴᠤ ᠪᠢᠷᠤᠨ ᠤᠭᠤᠲᠠᠨᠳᠤᠪᠠᠨ ᠠᠪᠴᠤ ᠶᠠᠪᠤᠨᠠ᠃ ᠬᠡᠦᠬᠡᠳᠲᠤ ᠶᠠᠭ᠋ᠠᠬᠢᠵᠤ ᠵᠣᠷᠭᠣᠬᠤ ᠵᠢ ᠵᠢᠭ᠋ᠠᠬᠤ ᠵᠢᠨ ᠬᠠᠮᠲᠤ ᠡᠳᠦᠷ ᠪᠦᠷᠢ ᠬᠠᠷᠠᠨᠳᠠᠪᠠᠨ ᠪᠠᠶ᠋ᠢᠴᠠᠭ᠋ᠠᠵᠤ ᠦᠵᠡᠨ᠂ ᠳᠠᠷᠠᠭᠠ ᠡᠳᠦᠷᠤᠨ ᠪᠡᠯᠡᠳᠬᠡᠯ ᠬᠢᠬᠦ ᠳᠠᠳᠬᠠᠯᠲᠠᠢ ᠪᠣᠯᠭ᠋ᠠᠨᠠ᠃
ᠤᠰᠤᠨ ᠴᠣᠮᠤ᠃ ᠤᠰᠤᠨ ᠴᠣᠮᠣ ᠵᠢ ᠪᠢᠲᠡᠭᠦᠮᠵᠢᠲᠦ ᠴᠢᠨᠠᠷ ᠰᠠᠢ᠌ᠨ᠂ ᠠᠮᠠᠰᠠᠷ ᠶᠡᠬᠡ ᠵᠢ ᠰᠣᠩᠭᠤᠪᠠᠯ᠂ ᠬᠡᠦᠬᠡᠳ ᠰᠤᠷᠭ᠋ᠠᠭᠤᠯᠢᠳᠤᠪᠠᠨ ᠤᠰᠤ ᠬᠢᠵᠦ ᠠᠪᠬᠤᠳᠤ ᠳᠥᠭᠦᠮ ᠶᠤᠮ᠃ ᠰᠤᠷᠭ᠋ᠠᠭᠤᠯᠢᠳᠤ ᠬᠡᠵᠢᠶᠡᠳᠡ ᠪᠡᠯᠡᠨ ᠤᠰᠤ ᠪᠠᠢ᠌ᠳᠠᠭ ᠪᠣᠯᠬᠤᠷ ᠲᠣᠮᠤ ᠤᠰᠤᠨ ᠴᠣᠮᠣ ᠬᠡᠷᠡᠭ ᠦᠭᠡᠢ᠂ 350 mlᠤᠨᠬᠢ ᠪᠣᠯ ᠪᠣᠯᠴᠢᠬᠠᠨᠠ᠃
ᠬᠡᠦᠬᠡᠳᠲᠤᠪᠠᠨ ᠤᠰᠤᠨ ᠴᠣᠮᠣᠨᠤ ᠠᠮᠠᠰᠠᠷᠢ ᠶᠠᠭ᠋ᠠᠬᠢᠵᠤ ᠴᠢᠩᠭᠠ ᠡᠷᠭᠢᠭᠦᠯᠬᠦ ᠵᠢ ᠵᠢᠭ᠋ᠠᠵᠤ᠂ ᠭᠡᠷᠲᠤᠪᠠᠨ ᠤᠷᠢᠳ ᠵᠶ᠋ᠠᠷ ᠪᠣᠯᠪᠠᠰᠤᠷᠠᠭᠤᠯᠤᠨᠠ᠃
ᠳᠠᠰᠬᠠᠯᠤᠨ ᠳᠡᠪᠲᠡᠷ᠃ ᠰᠤᠷᠭ᠋ᠠᠭᠤᠯᠢ ᠡᠬᠢᠯᠡᠭᠰᠡᠨᠤ ᠳᠠᠷᠠᠭᠠ᠂ ᠪᠠᠭᠰᠢ ᠳᠠᠰᠬᠠᠯᠤᠨ ᠳᠡᠪᠲᠡᠷᠤᠨ ᠱᠠᠭ᠋ᠠᠷᠳᠠᠯᠭᠠ ᠪᠠ ᠲᠣᠭᠠ ᠵᠢ ᠲᠣᠳᠤᠷᠬᠠᠢ ᠬᠡᠯᠡᠵᠦ ᠥᠭᠭᠦᠨᠡ᠂ ᠱᠠᠭ᠋ᠠᠷᠳᠠᠯᠭᠠ ᠶᠣᠰᠣᠭ᠋ᠠᠷ ᠬᠤᠳᠠᠯᠳᠤᠨ ᠠᠪᠤᠪᠠᠯ ᠪᠣᠯᠴᠢᠬᠠᠨᠠ᠃ ᠰᠤᠷᠭ᠋ᠠᠭᠤᠯᠢ ᠪᠠ ᠠᠩᠭᠢᠳᠤ ᠪᠡᠯᠡᠳᠭᠡᠭᠰᠡᠨ ᠪᠣᠯ ᠳᠠᠬᠢᠨ ᠢᠯᠡᠭᠦᠦ ᠬᠤᠳᠠᠯᠳᠤᠨ ᠠᠪᠬᠤ ᠴᠢᠬᠤᠯᠠ ᠦᠭᠡᠢ᠃
ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯᠤᠨ ᠤᠭᠤᠲᠠ᠃ ᠠᠳᠠᠯᠢ ᠪᠤᠰᠤ ᠥᠩᠭᠡ ᠵᠢᠨ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯᠤᠨ ᠤᠭᠤᠲᠠ ᠪᠡᠯᠡᠳᠭᠡᠬᠦ ᠵᠢ ᠰᠠᠨᠠᠭᠤᠯᠤᠶᠠ᠂ ᠤᠭᠤᠲᠠᠨ ᠳᠡᠭᠡᠷᠡ ᠬᠢᠴᠢᠶᠡᠯ ᠲᠥᠷᠥᠯᠤᠨ ᠲᠡᠮᠳᠡᠭ ᠨᠠᠭ᠋ᠠᠵᠤ᠂ ᠬᠡᠦᠬᠡᠳᠤᠨ ᠰᠢᠯᠭ᠋ᠠᠯᠲᠠ ᠵᠢᠨ ᠬᠠᠭᠤᠳᠠᠰᠤ ᠪᠠ ᠪᠠᠭᠰᠢ ᠵᠢᠨ ᠶᠠᠪᠤᠭᠤᠯᠤᠭᠰᠠᠨ ᠡᠯᠡ ᠵᠦᠢ᠍ᠯᠤᠨ ᠮᠡᠳᠡᠭᠳᠡᠯ᠂ ᠭᠡᠷᠤᠨ ᠠᠬᠠᠮᠠᠳᠤᠨ ᠵᠠᠬᠢᠳᠠᠯᠢ ᠬᠢᠬᠦᠳᠤ ᠬᠡᠷᠡᠭᠯᠡᠨᠡ᠃
ᠤᠷᠠᠨ ᠵᠢᠷᠤᠭᠤᠨ ᠬᠡᠷᠡᠭᠰᠡᠯ᠃ ᠪᠠᠭᠰᠢ ᠵᠢᠨ ᠱᠠᠭ᠋ᠠᠷᠳᠠᠯᠭᠠ ᠶᠣᠰᠣᠭ᠋ᠠᠷ 12 ᠥᠩᠭᠡ ᠪᠤᠶᠤ 24 ᠥᠩᠭᠡ ᠵᠢᠨ ᠤᠰᠤᠨ ᠪᠤᠳᠤᠭᠤᠨ ᠪᠢᠷ ᠪᠤᠶᠤ ᠯᠠ ᠪᠢᠷ᠂ ᠵᠢᠷᠤᠭᠤᠨ ᠳᠡᠪᠲᠡᠷ᠂ ᠲᠣᠢ᠌ᠮᠤᠯᠠᠨ ᠵᠢᠷᠤᠬᠤ ᠪᠢᠷ ᠵᠡᠷᠭᠡ ᠤᠷᠠᠨ ᠵᠢᠷᠤᠭᠤᠨ ᠬᠡᠷᠡᠭᠰᠡᠯᠢ ᠬᠤᠳᠠᠯᠳᠤᠨ ᠠᠪᠤᠨᠠ᠃