ᠬᠤᠩ ᠮᠸᠢ
ᠰᠢᠨᠡ ᠬᠢᠴᠢᠶᠡᠯᠯᠡᠭᠡ ᠵᠢᠨ ᠥᠭᠡᠷᠡᠴᠢᠯᠡᠯᠲᠡᠨᠢ ᠰᠤᠷᠤᠭᠴᠢᠳᠤᠨ ᠡᠵᠡᠨ ᠮᠡᠳᠡᠨ ᠰᠣᠷᠤᠯᠴᠠᠭ᠍ᠤ᠂ ᠰᠦᠪᠡᠭᠴᠢᠯᠡᠨ ᠰᠣᠷᠤᠯᠴᠠᠭ᠍ᠤ᠂ ᠬᠠᠮᠲᠤᠷᠠᠨ ᠰᠤᠷᠤᠯᠴᠠᠭ᠍ᠤ ᠵᠢ ᠰᠠᠨᠠᠭ᠋ᠠᠴᠢᠯᠠᠭ᠍ᠤ ᠵᠢᠨ ᠬᠠᠮᠲᠤ ᠪᠠᠰᠠ ᠪᠠᠭᠰᠢ ᠨᠠᠷᠤᠨ ᠬᠠᠮᠲᠤᠷᠠᠨ ᠬᠠᠶ᠋ᠢᠨ ᠰᠦᠪᠡᠭᠴᠢᠯᠡᠵᠦ᠂ ᠰᠤᠳᠤᠯᠤᠨ ᠶᠠᠷᠢᠯᠴᠠᠭ᠍ᠤ ᠠᠭᠤᠷ ᠠᠮᠢᠰᠬᠤᠯᠢ ᠪᠤᠢ ᠪᠣᠯᠭ᠋ᠠᠵᠤ᠂ ᠬᠠᠮᠲᠤ ᠵᠢᠨ ᠣᠶᠤᠨ ᠤᠬᠠᠭ᠋ᠠᠨᠤ ᠳᠠᠪᠠᠭᠤᠯᠢᠭᠢ ᠪᠠᠳᠠᠷᠠᠭᠤᠯᠬᠤ ᠵᠢ ᠱᠠᠭ᠋ᠠᠷᠳᠠᠵᠠᠢ᠃ ᠠ᠋ᠶ᠋ᠢᠮᠦᠠᠴᠠ ᠬᠠᠮᠲᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠠᠵᠢᠯᠯᠠᠭᠠ ᠵᠢ ᠴᠣᠬᠤᠮ ᠬᠡᠷᠬᠢᠨ ᠦᠷᠨᠢᠭᠦᠯᠪᠡᠯ ᠰᠠᠶᠢ ᠦᠨᠡᠨ ᠪᠤᠳᠡᠳᠡᠢ ᠮᠦᠷᠳᠡᠬᠡᠨ ᠦᠨᠳᠦᠷ ᠦᠷᠡ ᠠᠰᠢᠭ ᠤᠯᠵᠣ ᠴᠢᠳᠠᠭ᠍ᠣ ᠪᠤᠢ？ ᠬᠡᠳᠡᠭ ᠠᠰᠠᠭᠤᠯᠳᠠ ᠵᠢ ᠪᠠᠭᠰᠢ ᠪᠣᠯᠤᠭᠰᠠᠳ ᠨᠠᠷᠢᠨ ᠲᠤᠩᠭ᠋ᠠᠵᠤ ᠨᠢᠮᠪᠡᠢ ᠰᠡᠳᠬᠢᠬᠦ ᠴᠢᠬᠤᠯᠠᠲᠠᠢ ᠪᠠᠶ᠋ᠢᠨᠠ᠃ ᠴᠠᠭ ᠠ᠋ᠷᠢᠨᠤ ᠰᠢᠬᠠᠯᠳᠠ ᠪᠢᠳᠠᠨᠤ ᠭᠦᠭᠵᠢᠯᠳᠡ ᠵᠢ ᠤᠷᠠᠶ᠋ᠢᠯᠠᠵᠤ ᠪᠠᠶ᠋ᠢᠨᠠ᠃ ᠪᠢᠳᠠ ᠰᠢᠬᠠᠭᠳᠠᠵᠤ ᠪᠠᠶ᠋ᠢᠭ᠋ᠠᠳ ᠯᠠ ᠭᠦᠭᠵᠢᠨᠡ᠃ ᠭᠦᠭᠵᠢᠬᠦ ᠦᠭᠡᠢ ᠪᠤᠯ ᠭᠦᠮᠦᠨᠠᠴᠠ ᠬᠤᠴᠤᠷᠴᠤ᠂ ᠲᠡᠤᠭᠡᠨ ᠠ᠋ᠷᠭᠢᠯᠳᠡᠳᠤ ᠬᠠᠶᠠᠭᠳᠠᠨᠠ᠃ ᠮᠠᠨᠤ ᠲᠡᠭᠡᠳᠦ ᠲᠤᠮᠳᠠᠳᠤ ᠵᠢᠨ ᠪᠠᠭᠰᠢ ᠨᠠᠷᠤᠨ ᠤᠷᠤᠯᠳᠤᠯᠭᠠ ᠨᠡᠩ ᠴᠢᠬᠤᠯᠠᠠᠴᠠ ᠴᠢᠬᠤᠯᠠ᠃ ᠪᠢᠳᠠ ᠲᠠᠭ᠋ᠠᠭᠤᠯᠬᠤ ᠦᠢ᠍ᠯᠡᠳᠦᠯ ᠭᠠᠷᠭ᠋ᠠᠵᠤ᠂ ᠤᠯᠠᠨᠳᠤ ᠦᠯᠢᠭᠡᠷ ᠵᠢᠱ᠌ᠢᠶᠠ ᠪᠤᠯᠬᠤᠪᠠᠷ ᠴᠢᠷᠮᠠᠶ᠋ᠢᠬᠤ ᠭᠡᠷᠡᠭᠳᠡᠢ ᠪᠠᠶ᠋ᠢᠨᠠ᠃
ᠨᠢᠭᠡ᠂ ᠬᠠᠮᠳᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠵᠢᠨ ᠰᠢᠯᠳᠠᠭ᠋ᠠᠨ
ᠰᠢᠨᠡ ᠴᠠᠭ ᠦᠶᠡ ᠵᠢᠨ ᠪᠠᠭᠰᠢ ᠵᠢᠨ ᠠ᠋ᠩᠨᠡᠭᠡᠨᠤ ᠪᠦᠳᠦᠭᠡᠨ ᠪᠠᠶ᠋ᠢᠭᠤᠯᠤᠯᠳᠠ ᠵᠢ ᠴᠢᠩᠭ᠋ᠠᠳᠬᠠᠨ᠂ ᠰᠢᠨᠡ ᠬᠢᠴᠢᠶᠡᠯᠤᠨ ᠪᠠᠷᠢᠮᠵᠢᠶᠠᠨᠤ ᠱᠠᠭ᠋ᠠᠷᠳᠠᠯᠭᠠ᠂ ᠡ᠊ᠩᠤᠨ ᠲᠠᠭᠡᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠤᠭᠴᠢ ᠠ᠋ᠯᠰᠠᠭᠦ ᠪᠦᠭᠦ ᠤᠯᠤᠰᠤᠨ ᠨᠢᠭᠡᠳᠤᠯᠳᠠᠢ ᠰᠢᠯᠭ᠋ᠠᠯᠳᠠ ᠵᠢᠨ ᠦᠭᠡᠷᠡᠴᠢᠯᠡᠯᠳᠡᠳᠤ ᠵᠤᠬᠢᠴᠠᠭᠤᠯᠤᠨ᠂ ᠬᠠᠮᠳᠤ ᠨᠡᠶ᠋ᠢᠳᠡ ᠵᠢᠨ ᠵᠢᠭ᠋ᠠᠬᠤ ᠵᠢ ᠰᠤᠳᠤᠯᠬᠤ ᠦᠢ᠍ᠯᠡᠳᠦᠯᠢ ᠭᠦᠢ᠍ᠴᠡᠳ ᠪᠠᠳᠠᠷᠠᠭᠤᠯᠤᠨ᠂ ᠪᠠᠭᠰᠢ ᠵᠢᠨ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ᠂ ᠬᠢᠴᠢᠶᠡᠯ ᠤᠷᠤᠬᠤ ᠬᠢᠷᠢ ᠬᠡᠮᠵᠢᠶᠡ ᠵᠢ ᠠᠯᠢ ᠲᠦᠷᠭᠡᠨ ᠵᠶ᠋ᠠᠷ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠶᠠᠰᠤ ᠴᠢᠨᠠᠷᠢ ᠶᠡᠭᠡ ᠬᠡᠪᠴᠢᠶᠡᠪᠠᠷ ᠳᠡᠭᠡᠭᠰᠢᠯᠡᠬᠦᠯᠬᠦ ᠵᠢᠨ ᠲᠦᠯᠦᠭᠡ᠂ ᠬᠠᠮᠳᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠠᠵᠢᠯᠯᠠᠭ᠋ᠠᠨᠢ ᠦᠨᠳᠦᠷ ᠦᠷᠡ ᠠᠰᠢᠭᠲᠠᠢ ᠮᠦᠷᠳᠡᠭᠡᠨ ᠦᠨᠡᠨ ᠪᠤᠳᠠᠳᠠᠢ ᠦᠷᠨᠢᠭᠦᠯᠬᠦ ᠶᠠᠪᠤᠳᠠᠯ ᠪᠠᠴᠢᠮ ᠲᠤᠯᠭ᠋ᠠᠮ ᠱᠠᠭ᠋ᠠᠷᠳᠠᠭᠳᠠᠵᠤ ᠪᠠᠶ᠋ᠢᠨᠠ᠃
ᠬᠤᠶᠠᠷ᠂ ᠬᠠᠮᠳᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠶᠠᠪᠤᠴᠠ
ᠬᠠᠮᠲᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠶᠠᠪᠤᠴᠠᠳᠤ ᠬᠤᠪᠢ ᠬᠦᠮᠦᠨ ᠭᠤᠤᠯᠯᠠᠨ ᠪᠡᠯᠡᠳᠬᠡᠬᠦ᠂ ᠬᠠᠮᠲᠤᠪᠠᠷ ᠰᠤᠳᠤᠯᠤᠨ ᠶᠠᠷᠢᠯᠴᠠᠭ᠍ᠤ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠲᠦᠰᠦᠪᠲᠤ ᠵᠠᠰᠠᠪᠤᠷᠢ ᠣᠷᠣᠭᠤᠯᠬᠤ᠂ ᠪᠡᠯᠡᠳᠬᠡᠭᠴᠢ ᠬᠢᠴᠢᠶᠡᠯᠯᠡᠭᠡ ᠬᠢᠵᠦ ᠬᠠᠮᠳᠤᠪᠠᠷ ᠰᠤᠨᠤᠰᠬᠤ᠂ ᠬᠢᠴᠢᠶᠡᠯᠤᠨ ᠳᠠᠷᠠᠭᠠ ᠰᠣᠯᠢᠯᠴᠠᠭ᠍ᠤ ᠵᠡᠷᠭᠡ ᠳᠠᠪᠤᠨ ᠠᠯᠬᠤᠮ ᠪᠠᠭᠳᠠᠨᠠ᠃
（ᠨᠢᠭᠡ） ᠬᠤᠪᠢ ᠬᠦᠮᠦᠨ ᠭᠤᠤᠯᠯᠠᠨ ᠪᠡᠯᠡᠳᠬᠡᠬᠦ
ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠳᠤᠭᠤᠶ᠋ᠢᠯᠠᠩᠤᠨ ᠳᠠᠷᠤᠭᠠᠠᠴᠠ ᠭᠠᠷᠠᠭᠤᠨ ᠠ᠋ᠮᠦᠨᠡ ᠪᠡᠯᠡᠳᠬᠡᠯ ᠠᠵᠢᠯ ᠵᠶ᠋ᠠᠨ ᠭᠠᠷᠳᠠᠨ ᠬᠢᠨᠡ᠃
1. ᠭᠤᠤᠯᠯᠠᠨ ᠪᠡᠯᠡᠳᠬᠡᠬᠦ ᠬᠤᠪᠢ ᠬᠦᠮᠦᠨᠢ ᠳᠤᠭᠳᠠᠭ᠋ᠠᠬᠤ
（1） ᠰᠢᠪᠠᠭᠠ ᠰᠤᠭᠤᠯᠬᠤ ᠬᠡᠯᠪᠡᠷᠢᠪᠠᠷ ᠭᠤᠤᠯᠯᠠᠨ ᠪᠡᠯᠡᠳᠬᠡᠬᠦ ᠬᠤᠪᠢ ᠬᠦᠮᠦᠨ ᠢ ᠳᠤᠭᠳᠠᠭ᠋ᠠᠵᠤ ᠪᠤᠯᠤᠨᠠ᠃ ᠢᠩᠬᠢᠵᠦ ᠳᠤᠭᠳᠠᠭ᠋ᠠᠬᠤᠨᠢ ᠠᠵᠢᠯᠳᠤ ᠳᠦᠭᠦᠮ ᠴᠦ᠍ ᠪᠠᠰᠠ ᠵᠠᠷᠢᠮ ᠦᠶᠡᠳᠤ ᠲᠤᠬᠢᠷᠠᠮᠵᠢ ᠦᠭᠡᠢ ᠪᠠᠶ᠋ᠢᠳᠠᠭ᠂ ᠵᠢᠱ᠌ᠢᠶᠡᠯᠡᠪᠡᠯ᠂ ᠠᠩᠬᠠ ᠠᠵᠢᠯᠤᠨ ᠭᠠᠷᠤᠭᠠᠪᠠᠨ ᠠᠪᠴᠤ ᠪᠠᠶ᠋ᠢᠭᠠ ᠰᠢᠨᠡ ᠪᠠᠭᠰᠢ ᠬᠠᠮᠤᠭᠤᠨ ᠤᠷᠢᠳ ᠵᠶ᠋ᠠᠷ ᠳᠠᠭ᠋ᠠᠷᠠᠪᠠᠯ᠂ ᠲᠤᠷᠰᠢᠯᠭᠠ ᠳᠤᠳᠠᠮᠠᠭᠠᠴᠠ ᠪᠤᠯᠵᠤ ᠠᠩᠬᠠᠨᠤ ᠪᠡᠯᠡᠳᠬᠡᠯᠤᠨ ᠴᠢᠨᠠᠷᠢ ᠪᠠᠳᠤᠯᠠᠭ᠍ᠤᠳᠤ ᠬᠦᠴᠢᠷᠳᠡᠨᠡ᠃
（2） ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠳᠤᠭᠤᠶ᠋ᠢᠯᠠᠩᠤᠨ ᠳᠠᠷᠤᠭᠠᠠᠴᠠ ᠨᠠᠷᠢᠯᠢᠬ ᠲᠤᠩᠭ᠋ᠠᠨ ᠨᠢᠮᠪᠠᠢ ᠰᠡᠳᠬᠢᠭᠡᠳ ᠰᠢᠭᠤᠳ ᠳᠤᠭᠳᠠᠭ᠋ᠠᠨᠠ᠃ ᠢᠩᠬᠢᠵᠦ ᠳᠤᠭᠳᠠᠭ᠋ᠠᠬᠤᠨᠢ ᠵᠤᠬᠢᠬᠤ ᠬᠡᠮᠵᠢᠶᠡᠨᠤ ᠬᠢᠵᠠᠭ᠋ᠠᠷᠳᠠᠮᠠᠯ ᠴᠢᠨᠠᠷᠲᠠᠢ ᠪᠠᠶ᠋ᠢᠳᠠᠭ᠃ ᠳᠤᠭᠤᠶ᠋ᠢᠯᠠᠩᠤᠨ ᠳᠠᠷᠤᠭᠠ ᠵᠢᠨ ᠬᠤᠪᠢ ᠬᠦᠮᠦᠨᠤ ᠤᠶᠤᠨ ᠤᠬᠠᠭ᠋ᠠᠨᠳᠤ ᠳᠦᠰᠢᠭᠯᠡᠬᠦ ᠲᠤᠯᠠ᠂ ᠬᠦᠮᠦᠨ ᠪᠦᠬᠦᠨᠳᠤ ᠵᠤᠬᠢᠴᠠᠵᠤ ᠳᠡᠶ᠋ᠢᠯᠬᠦ ᠦᠭᠡᠢ᠂ ᠰᠠᠨᠠᠯᠲᠠᠢ ᠨᠢᠭᠡᠨᠢ ᠢᠳᠡᠪᠬᠢᠯᠡᠨ ᠤᠷᠤᠯᠴᠠᠭ᠍ᠤ ᠦᠭᠡᠢᠠᠴᠠ ᠪᠤᠯᠵᠤ ᠬᠠᠮᠳᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠴᠢᠨᠠᠷ ᠴᠢᠨᠰᠠᠭᠠ ᠵᠢ ᠨᠦᠯᠦᠬᠡᠯᠡᠬᠦ ᠪᠤᠯᠤᠯᠴᠠᠭᠠᠲᠠᠢ᠃
（3） ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠳᠤᠭᠤᠶ᠋ᠢᠯᠠᠩᠤᠨ ᠭᠡᠰᠢᠭᠦᠳᠤᠨ ᠰᠠᠶ᠋ᠢᠨ ᠳᠤᠷᠠ ᠵᠢ ᠦᠨᠳᠦᠰᠦᠯᠡᠨ ᠠᠷᠠᠳᠴᠢᠯᠠᠯ ᠵᠶ᠋ᠠᠷ ᠳᠤᠭᠳᠠᠭ᠋ᠠᠨᠠ᠃ ᠢᠩᠬᠢᠵᠦ ᠳᠤᠭᠳᠠᠭ᠋ᠠᠬᠤᠨᠢ ᠬᠦᠮᠦᠨᠯᠢᠭ ᠪᠤᠯᠪᠠᠴᠤ᠂ ᠵᠠᠷᠢᠮ ᠪᠠᠶ᠋ᠢᠳᠠᠯ ᠳᠤᠤᠷᠠ ᠪᠠᠰᠠ ᠨᠠᠵᠠᠭ᠋ᠠᠢ ᠦᠵᠡᠭᠳᠡᠯ ᠢᠯᠡᠷᠡᠵᠦ ᠮᠡᠳᠡᠨᠡ᠃ ᠬᠡᠷᠪᠡ ᠳᠤᠭᠤᠶ᠋ᠢᠯᠠᠩᠤᠨ ᠪᠠᠭᠰᠢ ᠨᠠᠷᠤᠨ ᠢᠳᠡᠪᠬᠢᠵᠢᠯ ᠳᠤᠤᠷᠠ ᠪᠠᠶ᠋ᠢᠵᠤ᠂ ᠬᠠᠮᠳᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠠᠵᠢᠯᠯᠠᠭ᠋ᠠᠨᠢ ᠳᠡᠮᠵᠢᠬᠦ ᠦᠭᠡᠢ ᠦᠶᠡᠳᠤ ᠰᠠᠶ᠋ᠢᠨ ᠳᠤᠷᠠ ᠵᠢᠨ ᠤᠷᠤᠯᠴᠠᠭᠴᠢ ᠦᠬᠡᠢ ᠪᠤᠯᠬᠤ ᠪᠤᠯᠤᠯᠴᠠᠭᠠᠲᠠᠢ᠃
ᠠ᠋ᠶ᠋ᠢᠮᠦᠠᠴᠠ ᠬᠠᠮᠲᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠦᠶᠡᠳᠤ ᠭᠤᠣᠯ ᠬᠢᠴᠢᠶᠡᠯ ᠪᠡᠯᠡᠳᠭᠡᠭᠴᠢ ᠵᠢ ᠳᠤᠭᠳᠠᠭ᠋ᠠᠬᠤᠳᠤᠪᠠᠨ ᠳᠡᠭᠡᠷᠡᠬᠢ ᠬᠡᠳᠦᠨ ᠠᠷᠭᠠ ᠵᠢ ᠬᠠᠪᠰᠤᠷᠭ᠋ᠠᠨ ᠠᠰᠢᠭᠯᠠᠵᠤ ᠪᠤᠯᠤᠨᠠ᠃ ᠠ᠋ᠩᠤᠨ ᠪᠠᠶ᠋ᠢᠳᠠᠯᠳᠤ ᠵᠢᠭ᠋ᠠᠨ ᠰᠤᠷᠭ᠋ᠠᠬᠤ ᠬᠢᠷᠢ ᠬᠡᠮᠵᠢᠶᠡᠪᠠᠷ ᠥᠨᠳᠥᠷ ᠪᠠᠭᠰᠢᠪᠠᠷ ᠲᠤᠰᠢᠶᠠᠯ ᠠ᠋ᠭᠦᠷᠭᠡᠯᠡᠭᠦᠯᠦᠨᠡ᠂ ᠪᠠᠰᠠ ᠵᠠᠯᠠᠭᠤ ᠪᠠᠭᠰᠢ ᠵᠢ ᠬᠢᠴᠢᠶᠡᠯ ᠪᠡᠯᠡᠳᠭᠡᠭᠴᠢᠪᠠᠷ ᠵᠣᠷᠢᠭᠲᠠᠶ ᠬᠡᠷᠡᠭᠯᠡᠬᠦ ᠬᠡᠷᠡᠭᠲᠡᠶ᠃ ᠢᠩᠭᠢᠵᠦ ᠬᠢᠬᠦᠨᠢ ᠵᠠᠯᠠᠭᠤ ᠪᠠᠭᠰᠢ ᠨᠠᠷᠤᠨ ᠦᠳᠲᠡᠷ ᠲᠦᠷᠭᠡᠨ ᠦᠰᠦᠨ ᠪᠤᠶ᠋ᠢᠵᠢᠬᠤᠳᠤ ᠠᠰᠢᠭᠲᠠᠶ ᠶᠤᠮ᠃ ᠬᠠᠮᠲᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠦᠶᠡᠳᠤ ᠪᠠᠰᠠ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠳᠣᠭᠤᠶ᠋ᠢᠯᠠᠩᠤᠨ ᠭᠠᠳᠠᠨᠠᠬᠢ ᠪᠠᠶᠠᠯᠢᠭ ᠲᠤᠷᠰᠢᠯᠭᠠᠲᠠᠢ ᠰᠢᠯᠢᠳᠡᠭ ᠪᠠᠭᠰᠢ ᠵᠢ ᠤᠷᠢᠵᠤ ᠲᠤᠰᠬᠠᠶ ᠰᠡᠳᠦᠪᠲᠦ ᠲᠠᠶ᠋ᠢᠯᠤᠮᠵᠢ ᠬᠢᠯᠭᠡᠵᠦ᠂ ᠳᠣᠭᠤᠶ᠋ᠢᠯᠠᠩᠤᠨ ᠳᠣᠲᠣᠷᠠᠬᠢ ᠪᠠᠭᠰᠢ ᠵᠢᠨ ᠬᠠᠷᠠᠭᠠ ᠵᠢ ᠨᠡᠬᠡᠭᠡᠵᠦ᠂ ᠰᠣᠯᠢᠯᠴᠠᠭ᠋ᠠᠨᠤ ᠣᠷᠣᠨ ᠵᠠᠶ ᠵᠢ ᠥᠷᠭᠡᠳᠬᠡᠵᠦ ᠪᠣᠯᠤᠨᠠ᠃
2. ᠠᠭᠤᠯᠭᠠᠪᠠᠨ ᠳᠤᠭᠳᠠᠭ᠋ᠠᠬᠤ
ᠬᠠᠮᠳᠤᠪᠠᠷ ᠪᠡᠯᠡᠳᠬᠡᠬᠦ ᠬᠢᠴᠢᠶᠡᠯᠤᠨ ᠠᠭᠤᠯᠭᠠᠳᠤ ᠬᠢᠴᠢᠶᠡᠯ ᠪᠤᠯᠭ᠋ᠠᠨ ᠲᠤᠬᠢᠷᠠᠭ᠍ᠤ ᠪᠢᠰᠢ᠂ ᠠ᠋ᠨᠡᠨᠢ ᠬᠢᠴᠢᠶᠡᠯᠤᠨ ᠠᠭᠤᠯᠭᠠ᠂ ᠰᠤᠷᠤᠭᠴᠢ ᠵᠢᠨ ᠪᠤᠳᠠᠳᠠᠢ ᠪᠠᠶ᠋ᠢᠳᠠᠯ᠂ ᠴᠠᠭᠤᠨ ᠬᠢᠵᠠᠭ᠋ᠠᠷ ᠵᠡᠷᠭᠡᠠᠴᠠ ᠰᠢᠯᠳᠠᠭ᠋ᠠᠯᠠᠭᠳᠠᠨᠠ᠃ ᠠ᠋ᠶ᠋ᠢᠮᠦᠠᠴᠠ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠳᠤᠭᠤᠶ᠋ᠢᠯᠠᠩᠤᠨ ᠳᠠᠷᠤᠭᠠᠠᠴᠠ ᠲᠤᠰᠬᠠᠢ ᠨᠢᠭᠡ ᠴᠠᠭ ᠳᠤᠭᠳᠠᠭ᠋ᠠᠨ᠂ ᠳᠤᠭᠤᠶ᠋ᠢᠯᠠᠩᠤᠨ ᠭᠡᠰᠢᠭᠦᠳ ᠵᠶ᠋ᠠᠨ ᠴᠤᠭᠯᠠᠭᠤᠯᠤᠨ ᠠᠭᠤᠯᠭᠠ ᠳᠤᠭᠳᠠᠭ᠋ᠠᠬᠤ ᠬᠤᠷᠠᠯ ᠬᠢᠨᠡ᠃ ᠠᠭᠤᠯᠭᠠ ᠳᠤᠭᠳᠠᠭ᠋ᠠᠬᠤᠳᠤᠪᠠᠨ ᠪᠠᠭᠰᠢ ᠪᠤᠯᠭ᠋ᠠᠨ ᠵᠠᠪᠠᠯ ᠬᠢᠴᠢᠶᠡᠯᠤᠨ ᠪᠠᠷᠢᠮᠵᠢᠶᠡᠳᠤᠪᠠᠨ ᠨᠡᠪᠳᠡᠷᠡᠬᠦ ᠮᠦᠷᠳᠡᠭᠡᠨ ᠰᠤᠷᠤᠭᠴᠢ ᠵᠢᠨ ᠪᠠᠶ᠋ᠢᠳᠠᠯ ᠵᠶ᠋ᠠᠨ ᠬᠦᠢ᠍ᠴᠡᠳ ᠤᠶ᠋ᠢᠯᠠᠭ᠋ᠠᠭᠰᠠᠨ ᠤᠷᠢᠳᠠᠯ ᠳᠤᠤᠷᠠ᠂ ᠲᠤᠰ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠨᠢᠭᠡ ᠬᠤᠭᠤᠴᠠᠭ᠋ᠠᠨᠤ ᠬᠢᠴᠢᠶᠡᠯᠤᠨ ᠴᠠᠬ ᠵᠶ᠋ᠠᠨ ᠦᠨᠳᠦᠰᠦᠯᠡᠵᠦ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠦᠳᠡᠯᠭᠡᠭᠡᠨ ᠠᠵᠢᠯᠯᠠᠭᠠ ᠵᠡᠷᠭᠡ ᠪᠤᠰᠤᠳᠴᠢ ᠰᠢᠯᠳᠠᠭ᠋ᠠᠨᠢ ᠴᠦ᠍ ᠬᠦᠢ᠍ᠴᠡᠳ ᠪᠤᠳᠤᠯᠬᠢᠯᠠᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠠᠬᠠᠮᠠᠳ ᠳᠤᠷᠰᠢᠯᠭᠠᠲᠠᠢ ᠪᠠᠭᠰᠢ ᠨᠠᠷᠤᠨ ᠰᠠᠨᠠᠯᠢ ᠭᠤᠤᠯᠯᠠᠨ ᠠᠪᠴᠤ᠂ ᠵᠠᠯᠠᠭᠤ ᠪᠠᠭᠰᠢ ᠨᠠᠷᠤᠨ ᠦᠵᠡᠯᠳᠡ ᠵᠢ ᠴᠦ᠍ ᠤᠮᠳᠤᠭ᠋ᠠᠶ᠋ᠢᠯᠠᠯ ᠦᠭᠡᠢ᠂ ᠬᠠᠮᠳᠤᠪᠠᠷ ᠰᠤᠳᠤᠯᠤᠨ ᠶᠠᠷᠢᠯᠴᠠᠭ᠍ᠤᠪᠠᠷ ᠳᠠᠮᠵᠢᠨ ᠠᠭᠤᠯᠭᠠᠪᠠᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢᠪᠠᠷ ᠳᠤᠳᠤᠷᠬᠠᠢ ᠳᠤᠭᠳᠠᠭ᠋ᠠᠨᠠ᠃
（ᠬᠤᠶᠠᠷ） ᠬᠠᠮᠲᠤᠪᠠᠷ ᠰᠤᠳᠤᠯᠤᠨ ᠶᠠᠷᠢᠯᠴᠠᠭ᠍ᠤ
ᠪᠠᠭᠰᠢ ᠨᠢᠭᠡ ᠪᠦᠷᠢ ᠨᠢᠭᠡ ᠭᠠᠷᠠᠭᠤᠨ ᠠ᠋ᠮᠦᠨᠡᠠᠴᠠ ᠬᠢᠴᠢᠶᠡᠯ ᠪᠡᠯᠡᠳᠬᠡᠵᠦ᠂ ᠠᠯᠢ ᠴᠢᠳᠠᠭ᠍ᠤᠪᠠᠷ ᠥᠪᠡᠷᠮᠢᠴᠡ ᠪᠦᠲᠦᠭᠡᠯᠴᠢ ᠴᠢᠨᠠᠷᠲᠠᠶ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠲᠦᠰᠦᠪᠢ ᠳᠤᠷᠠᠳᠤᠨ ᠭᠠᠷᠭ᠋ᠠᠵᠤ᠂ ᠠ᠋ᠬᠢ ᠪᠠᠶᠠᠯᠢᠭᠢ ᠬᠠᠮᠲᠤᠪᠠᠷ ᠠ᠋ᠳ᠋ᠯᠡᠬᠦᠳᠤ ᠳᠥᠭᠦᠮ ᠪᠣᠯᠭ᠋ᠠᠬᠤ ᠬᠡᠷᠡᠭᠲᠡᠶ； ᠵᠢᠭ᠋ᠠᠨ ᠰᠤᠷᠭ᠋ᠠᠬᠤ ᠵᠠᠩᠭᠢᠯᠠᠭᠠᠳᠤ ᠰᠢᠨᠡ ᠵᠢ ᠠ᠋ᠭᠦᠳᠴᠦ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠬᠤ ᠬᠠᠷᠠᠯᠲᠠᠳᠤᠪᠠᠨ ᠲᠣᠬᠢᠷᠠᠭᠰᠠᠨ ᠪᠣᠳᠠᠲᠠᠶ ᠠᠷᠭᠠ ᠵᠢ ᠪᠢᠴᠢᠵᠦ ᠭᠠᠷᠭ᠋ᠠᠬᠤ ᠬᠡᠷᠡᠭᠲᠡᠶ᠃ ᠥᠪᠡᠷ ᠤᠨ ᠮᠠᠳᠠᠭᠲᠠᠢ ᠭᠠᠵᠠᠷ ᠵᠶ᠋ᠠᠨ ᠳᠤᠷᠠᠳᠴᠤ᠂ ᠬᠠᠮᠲᠤᠪᠠᠷ ᠶᠠᠷᠢᠯᠴᠠᠵᠤ᠂ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠢᠯᠠᠨ ᠳᠠᠪᠠᠭ᠍ᠤᠳᠤ ᠳᠥᠭᠦᠮ ᠪᠣᠯᠭ᠋ᠠᠬᠤ ᠬᠡᠷᠡᠭᠲᠡᠶ᠃
ᠬᠠᠮᠳᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠦᠶᠡᠰ᠂ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠤᠨ ᠪᠠᠷᠢᠮᠵᠢᠶᠠ᠂ ᠰᠢᠯᠭ᠋ᠠᠯᠲᠠ ᠵᠢᠨ ᠬᠥᠲᠥᠯᠪᠦᠷᠢ᠂ ᠵᠢᠭ᠋ᠠᠬᠤ ᠮᠠᠲ᠋ᠧᠷᠢᠶᠠᠯ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠯᠠᠪᠯᠠᠯᠲᠠ ᠵᠢᠨ ᠪᠢᠴᠢᠭ ᠵᠢᠴᠢ ᠪᠤᠰᠤᠳ ᠬᠠᠮᠢᠶᠠ ᠪᠦᠬᠦᠢ ᠮᠠᠲ᠋ᠧᠷᠢᠶᠠᠯᠢ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠶ ᠰᠤᠷᠤᠯᠴᠠᠨ ᠰᠤᠳᠤᠯᠤᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠪᠣᠳᠠᠲᠠᠶ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠬᠠᠷᠠᠯᠲᠠ ᠵᠢ ᠳᠤᠷᠠᠳᠤᠨ ᠭᠠᠷᠭ᠋ᠠᠨᠠ᠃ ᠰᠤᠷᠤᠭᠴᠢᠳᠢ ᠭᠦᠨᠵᠡᠭᠡᠶ ᠣᠶ᠋ᠢᠯᠠᠭ᠋ᠠᠵᠤ᠂ ᠰᠤᠷᠤᠯᠭᠠ ᠵᠢᠨ ᠪᠠᠶ᠋ᠢᠳᠠᠯᠢᠨᠢ ᠲᠣᠳᠣᠷᠬᠠᠶ ᠣᠶ᠋ᠢᠯᠠᠭ᠋ᠠᠵᠤ᠂ ᠰᠤᠷᠤᠭᠴᠢᠳᠤᠨ ᠣᠶᠤᠨᠤ ᠪᠤᠰᠤ ᠬᠦᠴᠦᠨ ᠵᠦᠢ᠍ᠯ （ᠰᠤᠷᠤᠭᠴᠢᠳᠤᠨ ᠰᠤᠷᠤᠯᠴᠠᠭ᠍ᠤ ᠤᠷᠮᠠ ᠪᠠᠬᠠ᠂ ᠰᠤᠷᠤᠯᠴᠠᠭ᠍ᠤ ᠣᠪᠣᠷ ᠪᠠ ᠰᠤᠷᠤᠯᠴᠠᠭ᠍ᠤ ᠳᠠᠳᠬᠠᠯ ᠵᠡᠷᠭᠡ）ᠢ ᠰᠤᠳᠤᠯᠵᠤ᠂ ᠭᠤᠣᠯᠳᠠᠯᠭᠠ ᠵᠢ ᠳᠣᠪᠤᠶ᠋ᠢᠯᠭ᠋ᠠᠬᠤ ᠠᠷᠭᠠ ᠪᠠ ᠬᠦᠴᠢᠷᠳᠡᠯᠭᠡ ᠵᠢ ᠰᠢᠪᠲᠤᠯᠬᠤ ᠠᠷᠭᠠ ᠪᠣᠳᠣᠯᠭᠠ ᠵᠢ ᠨᠠᠷᠢᠨ ᠨᠢᠮᠪᠠᠶ ᠪᠡᠯᠡᠳᠬᠡᠵᠦ᠂ ᠰᠤᠷᠤᠭᠴᠢᠳᠤᠨ ᠪᠡᠶᠡᠪᠠᠨ ᠳᠠᠭ᠋ᠠᠭ᠋ᠠᠵᠤ ᠬᠠᠶ᠋ᠢᠨ ᠰᠦᠪᠡᠭᠴᠢᠯᠡᠬᠦ ᠠᠵᠢᠯᠯᠠᠭ᠋ᠠᠨᠤ ᠲᠥᠰᠦᠯᠢ ᠲᠥᠯᠥᠪᠯᠡᠨ᠂ ᠬᠢᠴᠢᠶᠡᠯᠯᠡᠬᠦᠳᠤᠪᠠᠨ ᠠᠮᠢᠨ ᠭᠠᠵᠠᠷᠢᠨᠢ ᠣᠨᠣᠭ᠋ᠠᠵᠤ᠂ ᠬᠦᠴᠢᠷᠲᠡᠶ ᠵᠢᠨᠢ ᠬᠢᠯᠪᠠᠷᠴᠢᠯᠠᠵᠤ᠂ ᠰᠤᠷᠤᠭᠴᠢᠳᠤᠨ ᠰᠤᠷᠤᠯᠴᠠᠯᠭᠠ ᠵᠢᠨ ᠳᠤᠮᠳᠠᠬᠢ ᠭᠤᠣᠯ ᠴᠣᠭᠴᠠ ᠵᠢᠨ ᠪᠠᠶ᠋ᠢᠷᠢ ᠰᠠᠭᠤᠷᠢ ᠵᠢ ᠳᠣᠪᠤᠶ᠋ᠢᠯᠭ᠋ᠠᠵᠤ᠂ ᠦᠨᠳᠦᠷ ᠦᠷᠡ ᠠᠰᠢᠭᠲᠠᠢ ᠵᠢᠭ᠋ᠠᠨ ᠰᠤᠷᠭ᠋ᠠᠬᠤᠳᠤ ᠳᠥᠭᠦᠮ ᠪᠣᠯᠭ᠋ᠠᠬᠤ ᠬᠡᠷᠡᠭᠲᠡᠶ᠃
ᠬᠠᠮᠲᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦᠳᠤᠪᠠᠨ 《ᠬᠤᠪᠢ ᠬᠦᠮᠦᠨ — ᠬᠠᠮᠳᠤ ᠨᠡᠶ᠋ᠢᠳᠡ — ᠬᠤᠪᠢ ᠬᠦᠮᠦᠨ》ᠤ ᠰᠡᠳᠬᠢᠮᠵᠢ ᠵᠢ ᠵᠢᠷᠤᠮᠯᠠᠵᠤ᠂ ᠬᠠᠮᠤᠭᠤᠨ ᠲᠡᠷᠢᠬᠦᠨᠳᠤ ᠭᠤᠤᠯᠯᠠᠨ ᠪᠡᠯᠡᠳᠬᠡᠭᠰᠡᠨ ᠬᠤᠪᠢ ᠬᠦᠮᠦᠨ ᠦᠪᠡᠷᠤᠨ ᠪᠡᠯᠡᠳᠬᠡᠭᠰᠡᠨ ᠲᠦᠰᠦᠪ ᠵᠶ᠋ᠠᠨ ᠶᠠᠷᠢᠨᠠ᠃ ᠳᠠᠷᠠᠭᠠᠨᠢ ᠪᠤᠰᠤᠳ ᠪᠠᠭᠰᠢ ᠨᠠᠷᠠᠴᠠ ᠥᠪᠡᠷ ᠥᠪᠡᠷᠤᠨ ᠬᠢᠴᠢᠶᠡᠯ ᠪᠡᠯᠡᠳᠭᠡᠭᠰᠡᠨ ᠲᠦᠰᠦᠪ ᠵᠶ᠋ᠠᠨ ᠲᠤᠰ ᠲᠤᠰ ᠲᠣᠭ᠋ᠠᠴᠢᠵᠤ᠂ ᠬᠠᠮᠤᠭᠤᠨ ᠰᠠᠶ᠋ᠢᠨᠨᠢ 《ᠬᠢᠴᠢᠶᠡᠯ ᠶᠠᠷᠢᠬᠤ》 ᠬᠡᠯᠪᠡᠷᠢᠪᠠᠷ ᠬᠠᠷᠢᠴᠠᠭᠤᠯᠤᠯ ᠬᠢᠵᠦ᠂ ᠦᠵᠡᠯᠲᠡ ᠲᠠᠨᠢᠯᠲᠠᠪᠠᠨ ᠨᠢᠭᠡᠳᠭᠡᠪᠡᠯ ᠵᠣᠬᠢᠨᠠ᠃ ᠬᠠᠮᠤᠭᠤᠨ ᠰᠡᠭᠦᠯᠳᠤᠨᠢ ᠭᠤᠤᠯᠯᠠᠨ ᠪᠡᠯᠡᠳᠬᠡᠭᠴᠢᠠᠴᠠ ᠤᠯᠠᠨᠤ ᠰᠠᠨᠠᠯᠢ ᠨᠠᠷᠢᠯᠢᠬ ᠳᠡᠮᠳᠡᠭᠯᠡᠨ᠂ ᠬᠠᠮᠤᠭᠤᠨ ᠡᠴᠦᠰᠤᠨ ᠨᠢᠭᠡᠳᠦᠮᠡᠯ ᠵᠦᠢ᠍ᠯᠢ ᠬᠤᠷᠢᠶᠠᠩᠭᠤᠶ᠋ᠢᠯᠠᠵᠤ ᠠᠪᠤᠨᠠ᠃
（ᠭᠤᠷᠪᠠ） ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠲᠦᠰᠦᠪᠲᠤ ᠵᠠᠰᠠᠪᠤᠷᠢ ᠤᠷᠤᠭᠤᠯᠬᠤ
ᠰᠢᠯᠢᠳᠡᠭ ᠰᠠᠶ᠋ᠢᠬᠠᠨ ᠵᠢᠭ᠋ᠠᠨ ᠰᠣᠷᠭ᠋ᠠᠯᠳᠠ ᠵᠢᠨ ᠲᠦᠰᠦᠪ ᠪᠢᠴᠢᠬᠦ ᠪᠣᠯ ᠬᠢᠴᠢᠶᠡᠯ ᠪᠡᠯᠡᠳᠭᠡᠬᠦ ᠵᠢᠨ ᠦᠨᠳᠦᠰᠦ᠂ ᠬᠢᠴᠢᠶᠡᠯᠢ ᠦᠷᠡ ᠠᠰᠢᠭᠲᠠᠢ ᠶᠠᠪᠤᠭᠳᠠᠭᠤᠯᠬᠤ ᠵᠢᠨ ᠵᠢᠯᠣᠭᠤᠳᠣᠮᠵᠢ ᠮᠦᠨ᠃ ᠠ᠋ᠶ᠋ᠢᠮᠦᠠᠴᠠ ᠬᠠᠮᠳᠤᠪᠠᠷ ᠰᠤᠳᠤᠯᠤᠨ ᠶᠠᠷᠢᠯᠴᠠᠵᠤ ᠪᠠᠷᠠᠭᠰᠠᠨᠤ ᠳᠠᠷᠠᠭᠠ᠂ ᠭᠤᠤᠯᠯᠠᠨ ᠪᠡᠯᠡᠳᠬᠡᠭᠴᠢ ᠬᠠᠮᠳᠤ ᠵᠢᠨ ᠤᠶᠤᠨ ᠤᠬᠠᠭ᠋ᠠᠨᠤ ᠤᠬᠢ ᠰᠢᠯᠢᠳᠡᠭᠢᠨᠢ ᠰᠢᠷᠭ᠋ᠠᠭ᠋ᠠᠨ ᠨᠡᠶ᠋ᠢᠯᠡᠭᠦᠯᠵᠦ᠂ ᠬᠠᠮᠤᠭᠤᠨ ᠪᠦᠷᠢᠨ ᠪᠦᠳᠦᠨ ᠳᠦᠰᠦᠪᠢ ᠠ᠋ᠮᠬᠢᠯᠡᠨ ᠨᠠᠶ᠋ᠢᠷᠠᠭᠤᠯᠵᠤ ᠭᠠᠷᠭ᠋ᠠᠨ᠂ ᠬᠢᠴᠢᠶᠡᠯᠯᠡᠬᠦᠳᠤ ᠪᠦᠷᠢᠨ ᠪᠡᠯᠡᠳᠬᠡᠯᠲᠠᠢ ᠪᠤᠯᠤᠨᠠ᠃
（ᠳᠦᠷᠪᠡ） ᠪᠡᠯᠡᠳᠬᠡᠭᠴᠢ ᠬᠢᠴᠢᠶᠡᠯᠯᠡᠭᠡ ᠬᠢᠵᠦ ᠬᠠᠮᠳᠤᠪᠠᠷ ᠰᠤᠨᠤᠰᠬᠤ
ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠳᠤᠭᠤᠢ᠍ᠢ᠍ᠯᠠᠩᠤᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠭᠰᠠᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠲᠦᠰᠦᠪ ᠪᠣᠯᠬᠤ ᠠ᠋ᠰᠡᠬᠦ ᠵᠢ ᠰᠢᠯᠭ᠋ᠠᠬᠤ ᠴᠤᠷᠢ ᠵᠢᠨ ᠭᠠᠭᠴᠠ ᠪᠠᠷᠢᠮᠵᠢᠶᠡ ᠪᠤᠯ ᠦᠢ᠍ᠯᠡᠳᠦᠯᠬᠡᠳᠤ ᠤᠷᠤᠯᠴᠠᠭ᠍ᠤ ᠪᠤᠯᠤᠨᠠ᠂ ᠳᠠᠷᠤᠢ ᠰᠤᠷᠤᠭᠴᠢᠳᠲᠤ ᠬᠢᠴᠢᠶᠡᠯᠯᠡᠭᠡ ᠬᠢᠨᠡ᠃ ᠠ᠋ᠶ᠋ᠢᠮᠦᠠᠴᠠ ᠬᠢᠴᠢᠶᠡᠯᠢ ᠮᠥᠷᠳᠡᠨ ᠰᠣᠨᠤᠰᠴᠤ ᠰᠢᠯᠭ᠋ᠠᠨ ᠪᠠᠶ᠋ᠢᠴᠠᠭ᠋ᠠᠨ ᠳ᠋ᠦᠩᠨᠡᠨ ᠬᠤᠷᠢᠶᠠᠩᠭᠤᠶ᠋ᠢᠯᠠᠭ᠍ᠤ ᠬᠡᠷᠡᠭᠲᠡᠶ᠃ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠳᠣᠭᠤᠶ᠋ᠢᠯᠠᠩᠤᠨ ᠭᠡᠰᠢᠭᠦᠳ ᠬᠤᠭᠤᠷᠣᠨᠳᠣᠪᠠᠨ ᠬᠠᠷᠢᠯᠴᠠᠨ ᠬᠢᠴᠢᠶᠡᠯ ᠰᠣᠨᠣᠰᠴᠤ᠂ ᠰᠠᠶ᠋ᠢᠨ ᠲᠠᠯᠠ ᠵᠢᠨᠢ ᠠᠪᠴᠤ ᠳᠤᠲᠠᠭᠳᠠᠯᠲᠠᠢ ᠲᠠᠯᠠᠪᠠᠨ ᠨᠥᠬᠦᠪᠥᠷᠢᠯᠡᠬᠦ ᠬᠡᠷᠡᠭᠲᠡᠶ᠃
（ᠲᠠᠪᠤ） ᠬᠢᠴᠢᠶᠡᠯᠤᠨ ᠳᠠᠷᠠᠭ᠋ᠠᠬᠢ ᠰᠣᠯᠢᠯᠴᠠᠭᠠ
ᠬᠢᠴᠢᠶᠡᠯᠤᠨ ᠳᠠᠷᠠᠭᠠ ᠰᠣᠯᠢᠯᠴᠠᠭ᠍ᠤᠨᠢ ᠬᠠᠮᠳᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠶᠠᠪᠤᠴᠠ ᠵᠢᠨ ᠬᠠᠮᠤᠭᠤᠨ ᠡᠴᠦᠰᠤᠨ ᠠᠯᠬᠤᠮ ᠮᠦᠷᠳᠡᠭᠡᠨ ᠮᠦᠨ ᠴᠦ᠍ ᠪᠠᠰᠠ ᠨᠢᠭᠡᠨ ᠴᠢᠬᠤᠯᠠ ᠵᠠᠩᠬᠢᠯᠠᠭᠠ ᠵᠢᠨ ᠱᠠᠲᠤ ᠦᠶᠡ ᠪᠣᠯᠤᠨᠠ᠃ ᠭᠤᠣᠯ ᠪᠡᠯᠡᠳᠭᠡᠭᠴᠢ ᠬᠢᠴᠢᠶᠡᠯ ᠤᠷᠤᠭᠰᠠᠨᠤ ᠳᠠᠷᠠᠭᠠ᠂ ᠪᠠᠭᠰᠢ ᠨᠠᠷ ᠬᠠᠮᠲᠤᠪᠠᠷ ᠰᠤᠳᠤᠯᠤᠨ ᠶᠠᠷᠢᠯᠴᠠᠵᠤ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠᠪᠠᠨ ᠠ᠋ᠷᠭᠢᠴᠡᠭᠦᠯᠦᠨ ᠲᠣᠩᠭ᠋ᠠᠵᠤ ᠬᠠᠷᠢᠯᠴᠠᠨ ᠨᠥᠬᠦᠪᠥᠷᠢᠯᠡᠵᠦ᠂ ᠳᠠᠪᠠᠭᠤᠯᠢᠭ ᠲᠠᠯᠠᠪᠠᠨ ᠨᠤᠲᠠᠯᠠᠵᠤ᠂ ᠬᠦᠷᠦᠯᠴᠡᠬᠦ ᠦᠭᠡᠢ ᠲᠠᠯᠠᠪᠠᠨ ᠵᠢᠭ᠋ᠠᠨ ᠭᠠᠷᠭ᠋ᠠᠵᠤ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠬᠤ ᠠᠭᠤᠯᠭᠠ ᠵᠢ ᠨᠠᠩ ᠲᠡᠭᠦᠯᠳᠡᠷᠵᠢᠭᠦᠯᠦᠨ ᠴᠢᠨᠠᠷᠵᠢᠭᠤᠯᠵᠤ᠂ ᠬᠤᠶ᠋ᠢᠰᠢᠳᠠ ᠵᠢᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠤᠯᠠᠮ ᠨᠢᠭᠡ ᠠᠯᠬᠤᠮ ᠥᠷᠨᠢᠬᠦ ᠵᠢ ᠠᠬᠢᠭᠤᠯᠬᠤ ᠬᠡᠷᠡᠭᠲᠡᠶ᠃ ᠭᠡᠪᠡᠴᠦ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠲᠦᠰᠦᠪᠢ ᠶᠠᠭ᠋ᠠᠬᠢᠭᠰᠠᠨ ᠴᠤ᠌ ᠨᠢᠭᠡ ᠯᠠ ᠠᠳᠠᠯᠢ ᠪᠠᠶ᠋ᠢᠯᠭ᠋ᠠᠵᠤ ᠪᠣᠯᠬᠤ ᠦᠭᠡᠢ᠂ ᠲᠡᠭᠡᠬᠦ ᠦᠭᠡᠢ ᠪᠣᠯ ᠪᠠᠭᠰᠢ ᠰᠣᠷᠤᠭᠴᠢ ᠵᠢᠨ ᠪᠣᠳᠠᠲᠤ ᠪᠠᠶ᠋ᠢᠳᠠᠯᠳᠤ ᠲᠣᠬᠢᠷᠠᠭ᠍ᠤ ᠦᠭᠡᠢ ᠮᠦᠷᠲᠡᠭᠡᠨ ᠰᠢᠨᠡ ᠵᠢ ᠠ᠋ᠭᠦᠳᠬᠦ ᠵᠣᠷᠢᠭ ᠰᠠᠨᠠᠭᠠ ᠦᠭᠡᠢ ᠪᠣᠯᠤᠨᠠ᠃
ᠭᠤᠷᠪᠠ᠂ ᠬᠠᠮᠳᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠵᠢᠨ ᠨᠦᠯᠦᠭᠡ
《ᠲᠡᠮ ᠲᠡᠮᠳᠤᠪᠠᠨ ᠲᠡᠭᠡᠰᠦ ᠠ᠋ᠷᠴᠢᠮᠳᠤᠪᠠᠨ》᠂ 《ᠤᠯᠠᠨᠤ ᠭᠦᠴᠦᠨᠳᠤ ᠤᠪᠤᠭᠠ ᠭᠦᠳᠦᠯᠦᠭᠳᠡᠨᠠ》᠂ 《ᠬᠤᠷᠳᠤᠨ ᠶᠠᠪᠤᠶᠠ ᠭᠡᠪᠡᠯ ᠭᠠᠭᠴᠠᠪᠠᠷ ᠶᠠᠪᠤ᠂ ᠬᠤᠯᠠ ᠶᠠᠪᠤᠶᠠ ᠭᠡᠪᠡᠯ ᠤᠯᠠᠭᠤᠯᠠ ᠶᠠᠪᠤ》 ᠭᠡᠳᠡᠭ ᠵᠶ᠋ᠠᠷ ᠮᠠᠨᠤ ᠮᠤᠩᠭᠤᠯᠤᠨ ᠵᠦᠢ᠍ᠷ ᠰᠡᠴᠡᠨ ᠦᠭᠡᠨᠳᠤ ᠬᠠᠮᠳᠤ ᠵᠢᠨ ᠤᠶᠤᠨ ᠤᠬᠠᠭ᠋ᠠᠨᠤ ᠴᠢᠬᠤᠯᠠ ᠴᠢᠨᠠᠷᠤᠨ ᠲᠤᠬᠠᠢ ᠤᠯᠠᠨ ᠰᠠᠶ᠋ᠢᠬᠠᠨ ᠬᠡᠯᠡᠴᠡ ᠪᠠᠶ᠋ᠢᠳᠠᠭ᠃ ᠬᠠᠮᠲᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦᠨᠢ ᠪᠠᠭᠰᠢ ᠵᠢᠨ ᠬᠠᠮᠲᠤᠷᠠᠨ ᠠᠵᠢᠯᠯᠠᠭ᠍ᠤ᠂ ᠰᠤᠳᠤᠯᠤᠨ ᠶᠠᠷᠢᠯᠴᠠᠭ᠍ᠤ ᠨᠢᠭᠡ ᠵᠦᠢ᠍ᠯᠤᠨ ᠪᠦᠲᠦᠮᠵᠢᠲᠡᠶ ᠬᠡᠯᠪᠡᠷᠢ ᠪᠣᠯᠤᠭᠰᠠᠨ ᠤ ᠬᠤᠪᠢᠳᠤ᠂ ᠤᠯᠠᠨ ᠳᠠᠯᠠ ᠵᠢᠨ ᠳᠠᠪᠠᠭᠤᠯᠢᠭ ᠳᠠᠯᠠ ᠪᠠᠶ᠋ᠢᠳᠠᠭ᠃
（ᠨᠢᠭᠡ） ᠪᠠᠭᠰᠢ ᠵᠢᠨ ᠪᠦᠯᠬᠦᠮ ᠨᠡᠶ᠋ᠢᠲᠡ ᠵᠢᠨ ᠬᠠᠮᠲᠤᠷᠠᠨ ᠠᠵᠢᠯᠯᠠᠭ᠍ᠤ ᠵᠣᠷᠢᠭ ᠰᠠᠨᠠᠭᠠ ᠵᠢ ᠪᠠᠳᠠᠷᠠᠭᠤᠯᠵᠤ᠂ ᠣᠯᠠᠨᠤ ᠣᠶᠣᠨ ᠤᠬᠠᠭ᠋ᠠᠨᠢ ᠲᠥᠪᠯᠡᠷᠡᠭᠦᠯᠦᠨ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠴᠢᠨᠠᠷ ᠴᠢᠨᠰᠠᠭᠠ ᠵᠢ ᠳᠡᠭᠡᠭᠰᠢᠯᠡᠬᠦᠯᠬᠦᠳᠤ ᠠᠰᠢᠭᠳᠠᠢ᠃
（ᠬᠤᠶᠠᠷ） ᠬᠠᠮᠳᠤᠪᠠᠷ ᠬᠠᠶ᠋ᠢᠨ ᠰᠦᠪᠡᠭᠴᠢᠯᠡᠯᠳᠠ ᠬᠢᠬᠦ ᠢᠳᠡᠪᠭᠢ ᠤᠪᠤᠷᠲᠠᠢ᠂ ᠴᠢᠯᠦᠭᠡᠳᠦ ᠰᠡᠳᠭᠢᠭᠦᠢᠲᠠᠢ᠂ ᠬᠠᠮᠵᠢᠯᠴᠠᠭ᠍ᠤ ᠴᠢᠳᠠᠪᠤᠷᠢᠲᠠᠢ᠂ ᠬᠤᠯᠠ ᠵᠢᠨ ᠬᠠᠷᠠᠴᠠᠲᠠᠢ ᠰᠢᠯᠢᠳᠡᠭ ᠪᠠᠭᠰᠢ ᠵᠢᠨ ᠠ᠋ᠩᠨᠡᠭᠡ ᠵᠢ ᠪᠦᠳᠦᠭᠡᠨ ᠪᠠᠶ᠋ᠢᠭᠤᠯᠬᠤᠳᠤ ᠠᠰᠢᠭᠳᠠᠢ᠃
（ᠭᠤᠷᠪᠠ） ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠠ᠋ᠬᠢ ᠪᠠᠶᠠᠯᠢᠭᠢ ᠬᠠᠮᠳᠤᠪᠠᠷ ᠠ᠋ᠳ᠋ᠯᠡᠬᠦᠳᠤ ᠳᠦᠬᠦᠮᠠᠴᠠ ᠪᠠᠭᠰᠢ ᠵᠢᠨ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠵᠢ ᠤᠯᠠᠮ ᠴᠢᠨᠠᠷ ᠴᠢᠨᠰᠠᠭᠠᠲᠠᠢ ᠪᠤᠯᠭ᠋ᠠᠵᠤ᠂ ᠵᠤᠬᠢᠬᠤ ᠬᠡᠪᠴᠢᠶᠡᠨᠳᠤ ᠠᠵᠢᠯᠤᠨ ᠳᠠᠷᠤᠭ᠋ᠠᠰᠤ ᠵᠢᠨᠢ ᠬᠦᠩᠬᠡᠯᠡᠨᠡ᠃
（ᠳᠦᠷᠪᠡ） ᠬᠠᠮᠳᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠶᠠᠪᠤᠴᠠᠳᠤ ᠰᠢᠨᠡ ᠰᠡᠪᠡᠭᠦᠨ ᠰᠤᠳᠤᠯᠭ᠋ᠠᠨᠤ ᠰᠡᠳᠦᠪ ᠢᠯᠡᠷᠡᠭᠦᠯᠬᠦ ᠪᠤᠯᠤᠮᠵᠢ ᠶᠡᠭᠡ᠂ ᠲᠤᠰ ᠰᠤᠳᠤᠯᠭ᠋ᠠᠨᠤ ᠰᠢᠨᠵᠢᠯᠡᠯᠨᠢ ᠨᠡᠩ ᠬᠦᠨᠵᠡᠭᠡᠢ᠂ ᠦᠷᠡ ᠳ᠋ᠦᠩᠨᠢ ᠨᠡᠩ ᠨᠦᠯᠦᠭᠡᠲᠠᠢ᠂ ᠰᠣᠳᠣᠯᠭ᠋ᠠᠨᠤ ᠴᠢᠨᠠᠷ ᠵᠶ᠋ᠠᠷ ᠨᠡᠩ ᠴᠢᠩᠭᠠ ᠪᠠᠶ᠋ᠢᠳᠠᠭ᠃
（ᠲᠠᠪᠤ） ᠬᠠᠮᠳᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦᠨᠢ ᠬᠢᠴᠢᠶᠡᠯᠯᠡᠭᠡ ᠵᠢᠨ ᠪᠦᠬᠦ ᠲᠠᠯᠠ ᠵᠢ ᠡᠵᠡᠮᠰᠢᠬᠦᠳᠤ ᠠᠰᠢᠭᠲᠠᠶ ᠮᠥᠷᠲᠡᠭᠡᠨ ᠪᠠᠭᠰᠢ ᠵᠢᠨ ᠬᠢᠴᠢᠶᠡᠯᠤᠨ ᠲᠠᠩᠬᠢᠮᠳᠤ ᠬᠡᠰᠡᠭ ᠰᠤᠷᠤᠭᠴᠢ ᠵᠢᠨ ᠤᠷᠢᠳᠴᠢᠯᠠᠨ ᠰᠣᠷᠤᠯᠴᠠᠭᠰᠠᠨᠠᠴᠠ ᠪᠣᠯᠵᠤ ᠳᠤᠷᠠᠳᠤᠭᠰᠠᠨ ᠠᠰᠠᠭᠤᠳᠠᠯᠢ ᠰᠢᠢ᠍ᠳᠪᠦᠷᠢᠯᠡᠬᠦᠳᠤ ᠴᠦ᠍ ᠠᠰᠢᠭᠲᠠᠶ ᠶᠤᠮ᠃
ᠶᠡᠷᠦᠩᠬᠡᠶ᠋ᠢᠯᠡᠬᠡᠳ ᠬᠡᠯᠡᠪᠡᠯ᠂ ᠬᠠᠮᠲᠤᠪᠠᠷ ᠰᠠᠶ᠋ᠢᠲᠤᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠪᠣᠯ ᠰᠠᠶ᠋ᠢᠨ ᠬᠢᠴᠢᠶᠡᠯᠤᠨ ᠤᠷᠢᠲᠠᠯ ᠮᠥᠨ᠃ ᠬᠠᠮᠲᠤᠪᠠᠷ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠪᠣᠯ ᠳᠠᠷᠤᠶ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠤᠨ ᠪᠠᠷᠢᠮᠵᠢᠶᠡᠨᠤ ᠱᠠᠭ᠋ᠠᠷᠳᠠᠯᠭᠠ ᠪᠠ ᠵᠢᠭ᠋ᠠᠬᠤ ᠮᠠᠲ᠋ᠧᠷᠢᠶᠠᠯᠤᠨ ᠣᠨᠴᠠᠯᠢᠭᠢ ᠦᠨᠳᠦᠰᠦᠯᠡᠨ᠂ ᠰᠣᠷᠤᠭᠴᠢᠳᠤᠨ ᠪᠣᠳᠠᠲᠤ ᠪᠠᠶ᠋ᠢᠳᠠᠯᠲᠠᠢ ᠤᠶᠠᠯᠳᠤᠭᠤᠯᠤᠨ᠂ ᠬᠠᠮᠤᠭᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢ ᠵᠢᠭ᠋ᠠᠬᠤ ᠠᠷᠭᠠ ᠪᠠ ᠵᠢᠷᠤᠮᠢ ᠰᠣᠩᠭᠤᠵᠤ᠂ ᠬᠢᠴᠢᠶᠡᠯᠤᠨ ᠲᠠᠩᠬᠢᠮᠤᠨ ᠰᠢᠯᠢᠳᠡᠭ ᠪᠥᠭᠡᠳ ᠥᠨᠳᠥᠷ ᠪᠦᠲᠦᠮᠵᠢᠲᠡᠶ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠᠳᠤ ᠭᠦᠢ᠍ᠴᠡᠳ ᠪᠡᠯᠡᠳᠬᠡᠯ ᠬᠢᠬᠦ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠬᠠᠮᠲᠤ ᠵᠢᠨ ᠣᠶᠣᠨ ᠤᠬᠠᠭ᠋ᠠᠨᠢ ᠭᠦᠢ᠍ᠴᠡᠳ ᠪᠠᠳᠠᠷᠠᠭᠤᠯᠵᠤ᠂ ᠠᠬᠠᠮᠠᠳ ᠪᠠᠭᠰᠢᠪᠠᠷ ᠵᠠᠯᠠᠭᠤ ᠪᠠᠭᠰᠢ ᠵᠢ ᠳᠠᠭ᠋ᠠᠭᠤᠯᠵᠤ᠂ ᠵᠠᠯᠠᠭᠤ ᠪᠠᠭᠰᠢᠪᠠᠷ ᠠᠬᠠᠮᠠᠳ ᠪᠠᠭᠰᠢ ᠵᠢ ᠠᠬᠢᠭᠤᠯᠵᠤ᠂ ᠣᠯᠠᠨᠤ ᠣᠶᠣᠨ ᠤᠬᠠᠭ᠋ᠠᠨᠢ ᠲᠥᠪᠯᠡᠷᠡᠭᠦᠯᠵᠦ᠂ ᠣᠯᠠᠨᠤ ᠰᠠᠶ᠋ᠢᠨᠲᠠᠢ ᠲᠠᠯᠠ ᠵᠢ ᠥᠷᠭᠡᠨ ᠵᠶ᠋ᠠᠷ ᠰᠢᠩᠭᠡᠭᠡᠨ ᠠᠪᠴᠤ᠂ ᠠ᠋ᠬᠢ ᠪᠠᠶᠠᠯᠢᠭᠢ ᠬᠠᠮᠲᠤᠪᠠᠷ ᠠ᠋ᠳ᠋ᠯᠡᠬᠦ ᠵᠢ ᠦᠨᠡᠨ ᠬᠦ᠌ ᠪᠡᠶᠡᠯᠡᠭᠦᠯᠵᠦ᠂ ᠪᠦᠬᠦ ᠪᠠᠭᠰᠢ ᠵᠢ ᠵᠢᠭ᠋ᠠᠬᠤ ᠮᠠᠲ᠋ᠧᠷᠢᠶᠠᠯᠢ ᠪᠦᠬᠦᠯᠢ ᠴᠣᠭᠴᠠᠠᠴᠠᠨᠢ ᠡᠵᠡᠮᠰᠢᠭᠦᠯᠬᠦ ᠵᠢᠨ ᠲᠥᠯᠥᠭᠡ ᠶᠤᠮ᠃
ᠠᠵᠢᠯᠯᠠᠵᠤ ᠪᠠᠢ᠍ᠢ᠍ᠭᠠ ᠪᠠᠢ᠍ᠢ᠍ᠭᠤᠯᠭᠠ᠄ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠴᠢᠪᠠᠭᠠ ᠵᠢᠨ
ᠬᠤᠶᠠᠳᠤᠭ᠋ᠠᠷ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ
（ᠮᠦᠨᠭᠭᠦᠨᠴᠢᠮᠡᠭ ᠨᠠᠢ᠍ᠢ᠍ᠷᠠᠭᠤᠯᠪᠠ）