ᠴᠦᠭᠦᠷᠰᠦ ᠵᠢᠨ ᠢᠵᠠᠭᠤᠷ
ᠨᠠᠪᠴᠢ ᠵᠤᠯᠭ᠋ᠠᠷᠠᠬᠤ ᠲᠤᠷᠤᠭ ᠮᠣᠳᠣ᠂ 35m ᠬᠢᠷᠢ ᠥᠨᠳᠥᠷ᠃ ᠬᠣᠯᠲᠣᠰᠣᠨᠢ ᠪᠣᠷᠣᠪᠲᠤᠷ ᠦᠨᠡᠰᠦᠨ ᠥᠩᠭᠡᠲᠠᠢ᠃ ᠵᠢᠵᠢᠭ ᠮᠥᠴᠢᠷᠨᠢ ᠴᠢᠭᠲᠠᠯᠠᠨ ᠤᠨᠵᠢᠢ᠍ᠵᠤ ᠤᠷᠭᠤᠨᠠ᠃ ᠨᠠᠪᠴᠢᠨᠢ ᠪᠦᠰᠡ ᠬᠡᠯᠪᠡᠷᠢᠲᠠᠢ᠂ ᠪᠠᠷᠢᠭᠤᠯ ᠦᠭᠡᠢ ᠰᠢᠬᠠᠭᠤ᠂ ᠮᠥᠴᠢᠷ ᠳᠡᠭᠡᠷᠡᠪᠠᠨ ᠰᠣᠯᠪᠢᠴᠠᠵᠤ ᠴᠢᠭᠲᠠᠯᠠᠨ ᠬᠣᠶᠠᠷ ᠮᠥᠷ ᠪᠣᠯᠵᠤ ᠤᠷᠭᠤᠨᠠ᠂ 1 — 1.7m ᠤᠷᠲᠤ᠂ ᠠᠷᠤᠳᠤᠨᠢ 1 — 8 ᠵᠤᠷᠪᠤᠰ ᠬᠡᠢ ᠵᠢᠨ ᠠᠮᠠᠰᠠᠷᠤᠨ ᠴᠤᠪᠤᠭᠠᠲᠠᠢ᠂ ᠡᠪᠦᠯ ᠪᠣᠯᠬᠤᠳᠤ ᠴᠢᠭᠲᠠᠯᠠᠨ ᠤᠷᠭᠤᠭᠰᠠᠨ ᠵᠢᠵᠢᠭ ᠮᠥᠴᠢᠷᠲᠠᠢᠪᠠᠨ ᠬᠠᠮᠲᠤ ᠵᠤᠯᠭ᠋ᠠᠷᠠᠨᠠ᠃ ᠴᠡᠴᠡᠭᠨᠢ ᠭᠠᠭᠴᠠ ᠪᠡᠯᠭᠡᠲᠠᠢ᠂ ᠨᠢᠭᠡ ᠭᠡᠷᠲᠠᠢ᠃ ᠬᠣᠷᠢᠭ᠋ᠠᠳ ᠲᠠᠬᠢᠭᠤᠷᠲᠤ ᠡᠷᠡ ᠪᠠᠭ ᠴᠡᠴᠡᠭᠨᠢ ᠪᠥᠮᠪᠥᠭᠡᠯᠢᠭ ᠪᠥᠭᠡᠳ ᠨᠠᠪᠴᠢᠨᠤ ᠥᠪᠥᠷᠲᠤ ᠪᠤᠶᠤ ᠮᠥᠴᠢᠷᠤᠨ ᠣᠷᠣᠢᠳᠤ ᠱᠣᠷᠣᠯᠵᠢᠨ ᠬᠡᠯᠪᠡᠷᠢᠲᠦ ᠨᠡᠢ᠌ᠯᠡᠮᠡᠯ ᠪᠠᠭ ᠴᠡᠴᠡᠭ ᠪᠦᠷᠢᠯᠳᠦᠳᠡᠭ᠂ ᠲᠡᠭᠦᠨᠤ ᠬᠠᠢ᠌ᠷᠰᠤᠨ ᠢᠯᠲᠠᠰᠤᠨᠢ ᠰᠣᠯᠪᠢᠴᠠᠵᠤ ᠴᠢᠭᠲᠠᠯᠠᠨ ᠤᠷᠭᠤᠭᠰᠠᠨ ᠶᠤᠮ᠃ ᠡᠮᠡ ᠪᠠᠭ ᠴᠡᠴᠡᠭᠨᠢ ᠲᠤᠰ ᠪᠦᠷᠢ 3 — 9 ᠦᠷᠡ ᠨᠠᠬᠢᠶᠠ ᠪᠦᠬᠦᠢ 22 — 28 ᠰᠣᠯᠪᠢᠴᠠᠵᠤ ᠴᠢᠭᠲᠠᠯᠠᠨ ᠤᠷᠭᠤᠭᠰᠠᠨ ᠦᠷᠡ ᠵᠢᠨ ᠬᠠᠢ᠌ᠷᠰᠤᠲᠠᠢ ᠪᠥᠭᠡᠳ ᠪᠥᠮᠪᠦᠭᠡᠨ ᠬᠡᠯᠪᠡᠷᠢᠲᠠᠢ᠂ ᠭᠠᠭᠴᠠᠭ᠋ᠠᠷ ᠤᠷᠭᠤᠨᠠ᠃ ᠪᠤᠭᠤᠷᠴᠠᠭᠨᠢ ᠪᠠᠬᠠᠨ ᠳᠥᠷᠪᠡᠨ ᠢᠷᠮᠡᠭᠲᠠᠢ ᠰᠢᠭ ᠪᠥᠮᠪᠦᠭᠡᠨ ᠬᠡᠯᠪᠡᠷᠢᠲᠠᠢ᠂ 1.8 — 2.5cm ᠤᠷᠲᠤ᠂ ᠪᠠᠷᠠᠭ᠋ᠠᠨ ᠬᠦᠷᠡᠩ᠂ ᠤᠨᠵᠢᠢ᠍ᠵᠤ ᠰᠠᠭᠤᠨᠠ᠃ ᠦᠷᠡ ᠮᠣᠳᠣᠵᠢᠭᠰᠠᠨ ᠬᠠᠢ᠌ᠷᠰᠤᠨᠢ ᠪᠠᠮᠪᠠᠢ ᠬᠡᠯᠪᠡᠷᠢᠲᠠᠢ᠂ ᠬᠣᠲᠣᠭᠣᠷ ᠣᠷᠣᠢᠲᠠᠢ᠂ ᠲᠤᠰ ᠪᠦᠷᠢ 5 — 9 ᠦᠷᠡᠲᠠᠢ᠃ ᠦᠷᠡᠨᠢ ᠬᠠᠪᠲᠠᠭ᠋ᠠᠢ ᠪᠥᠭᠡᠳ ᠲᠣᠩᠭᠣᠷᠤᠤ ᠥᠨᠳᠡᠭᠡᠯᠵᠢᠨ᠂ ᠬᠥᠪᠡᠭᠡᠳᠡᠭᠡᠨ ᠳᠠᠯᠠᠪᠴᠢᠲᠠᠢ ᠪᠥᠭᠡᠳ ᠬᠣᠲᠣᠭᠣᠷ ᠣᠷᠣᠢᠲᠠᠢ᠂ 5mm ᠣᠷᠴᠢᠮ᠃
ᠥᠰᠬᠦᠨᠢ ᠮᠠᠰᠢ ᠲᠦᠷᠭᠡᠨ ᠮᠣᠳᠣ᠃ ᠳᠤᠯᠠᠭ᠋ᠠᠨ ᠠᠭᠤᠷ ᠠᠮᠢᠰᠬᠤᠯᠲᠠᠢ ᠭᠠᠵᠠᠷᠤᠨ ᠴᠢᠭᠢᠭᠲᠡᠢ ᠪᠥᠭᠡᠳ ᠥᠩ ᠰᠢᠮᠡ ᠰᠠᠢ᠌ᠨ ᠠᠭᠤᠯᠠ ᠵᠢᠨ ᠭᠣᠣ᠂ ᠮᠥᠷᠡᠨᠤ ᠬᠣᠶᠠᠷ ᠬᠦᠪᠡᠭᠡᠪᠠᠷ ᠰᠠᠢ᠌ᠨ ᠤᠷᠭᠤᠨᠠ᠃
ᠮᠠᠨᠤ ᠤᠯᠤᠰᠤᠨ ᠣᠨᠴᠠ ᠭᠠᠷᠤᠯᠲᠠ ᠮᠥᠨ᠃ ᠰᠧᠴᠤᠸᠠᠨ᠂ ᠬᠤᠪᠧᠢᠳᠤ ᠬᠡᠭᠡᠷᠡ ᠤᠷᠭᠤᠳᠠᠭ᠃ ᠪᠤᠰᠤᠳ ᠡᠯᠡ ᠭᠠᠵᠠᠷᠲᠤ ᠥᠷᠭᠡᠨ ᠵᠶ᠋ᠠᠷ ᠠᠷᠠᠴᠢᠯᠠᠨ ᠵᠠᠢ᠌ᠯᠠᠵᠤ ᠪᠣᠢ᠃ ᠲᠤᠩ ᠰᠠᠢ᠌ᠨ ᠦᠵᠡᠮᠵᠢ ᠵᠢᠨ ᠮᠣᠳᠣ᠃ ᠮᠣᠳᠣ ᠵᠢᠨᠢ ᠪᠠᠷᠢᠯᠭᠠ᠂ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯ ᠬᠢᠬᠦᠳᠤ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄ 水杉
ᠠᠩᠭ᠍ᠯᠢ ᠨᠡᠷᠡ᠄ Meta Sequoia Glyptostroboides Hu et Cheng