| ᠪᠤᠶᠠᠨᠮᠦ᠋ᠩᠭᠡ ᠬᠢᠭᠡᠳ ︽ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ︾ | ᠨᠠ᠊ · ᠬᠦᠬᠡᠰᠢᠭᠤᠢ ᠵᠤᠬᠢᠶᠠᠪᠠ | ᠨᠢᠭᠡ | ᠰᠡᠳᠬᠢᠯ ᠰᠡᠷᠬᠦᠮᠠ ᠵᠤᠨ ᠤ ᠨᠢᠭᠡ ᠤᠷᠤᠢ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠬ᠋᠊ · ᠮᠠᠩᠬᠠᠨ ᠲᠡᠭᠦᠦ ᠤᠳᠠᠰᠤ | ᠢᠷᠡᠭᠦᠯᠵᠤ ᠂ ᠪᠤᠶᠠᠨᠮᠦ᠋ᠩᠭᠡ ᠪᠠᠭᠰᠢ ᠶᠢᠨ ︽ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ︾ ᠶᠢᠨ ᠭᠤᠷᠪᠠᠳᠤᠭᠠᠷ ᠪᠤᠳᠢ | ᠨᠢ ᠮᠡᠨᠳᠦᠯᠡᠴᠢᠬᠡᠯᠡ᠃ ᠰᠢᠨᠡᠬᠡᠨ ᠢᠷᠡᠭᠰᠡᠨ ᠪᠡᠭᠡ ᠨᠢ ᠬᠠᠳᠠᠭᠠ ᠦᠭᠡᠢ ᠡᠨᠡ ᠬᠦ ᠨᠤᠮ ᠤᠨ ᠬᠡᠪᠯᠡᠭᠲᠡᠭᠰᠡᠨ ᠪᠠᠶᠠᠷ ᠢ | ᠪᠢᠲᠡ ᠬᠡᠳᠦᠭᠦᠯᠡ ᠪᠡᠯᠭᠡᠯᠡᠬᠦ ᠪᠠᠷ ᠪᠠᠶᠢᠨᠠ᠂ ᠪᠠᠭᠰᠢ ᠲᠠᠨ ᠢ ᠪᠢ ᠲᠤᠰᠬᠤ ᠪᠠᠷ ᠤᠴᠢᠶᠡ ᠭᠡᠵᠤ ᠵᠠᠯᠠᠵᠤ ᠪᠠᠶᠢᠯᠠ᠃ | ᠮᠢᠨᠤ ᠮᠡᠳᠡᠵᠤ ᠪᠠᠶᠢᠬᠤ ᠪᠠᠷ ᠂ ︽ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ︾ ᠶᠢᠨ ᠨᠢᠭᠡᠳᠦᠭᠡᠷ ᠪᠤᠳᠢ ᠨᠢ | ᠭᠤᠤᠯᠳᠠᠭᠤ ᠵᠠᠷᠤᠳ ᠨᠤᠳᠤᠭ ᠤᠨ ᠭᠤᠤᠯ ᠭᠤᠷᠤᠬᠠ᠂ ᠨᠠᠭᠤᠷ ᠱᠠᠩᠲᠠ ᠶᠢ ᠲᠡᠮᠳᠡᠭᠯᠡᠵᠤ᠂ ᠬᠤᠶᠠᠳᠤᠭᠠᠷ ᠪᠤᠳᠢ ᠨᠢ | ᠠᠭᠤᠯᠠ ᠬᠠᠶᠢᠷᠬᠠᠨ᠂ ᠲᠠᠪᠠᠭᠠ ᠬᠦᠳᠦᠯ ᠢ ᠲᠡᠮᠳᠡᠭᠯᠡᠵᠤ᠂ ᠭᠤᠷᠪᠠᠳᠤᠭᠠᠷ ᠪᠤᠳᠢ ᠨᠢ ᠲᠠᠯᠠ ᠵᠢᠯᠠᠭᠠ᠂ ᠮᠠᠩᠬᠠ ᠵᠤ | ᠶᠢ ᠲᠡᠮᠳᠡᠭᠯᠡᠭᠰᠡᠨ ᠲᠡᠭᠦᠪᠦᠷᠢ ᠪᠤᠯᠬᠤ ᠶᠤᠮ᠃ ᠲᠤᠰ ᠢᠵᠢ ᠨᠤᠮ ᠤᠨ ᠭᠤᠷᠪᠠᠳᠤᠭᠠᠷ ᠪᠤᠳᠢ ᠨᠢ ᠨᠢᠭᠡᠨᠲᠡ ᠬᠡᠪᠯᠡᠯ | ᠳᠤ ᠤᠷᠤᠭᠰᠠᠨ ᠴᠢᠮᠡᠭᠡ ᠶᠢ ᠲᠦᠷᠦᠭᠦᠬᠡᠨ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠲᠠᠢ ᠸᠢᠴᠠᠲ ᠢᠶᠠᠷ ᠨᠡᠪᠲᠡᠷᠡᠬᠦ ᠵᠠᠭᠤᠷᠠ | ᠰᠤᠨᠤᠰᠴᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠲᠦᠷᠬᠡᠨ ᠬᠡᠪᠯᠡᠭᠲᠡᠬᠦ ᠶᠢ ᠨᠢ ᠬᠦᠰᠡᠨ ᠪᠠᠷᠠᠯᠠᠵᠤ ᠪᠠᠶᠢᠭᠰᠠᠨ ᠵᠠᠷᠤᠳ ᠤᠩᠰᠢᠭᠴᠢ | ᠶᠢᠨ ᠨᠢᠭᠡ ᠪᠤᠯᠬᠤᠷ ᠰᠢᠨᠠ ᠨᠤᠮ ᠤᠨ ᠰᠤᠷᠠᠭ ᠢ ᠰᠤᠨᠤᠷᠲᠠᠭᠠᠳ ᠨᠡᠭᠡᠷᠡᠨ ᠰᠢᠬᠢᠷ ᠬᠦᠯᠬᠦᠭᠰᠡᠨ ᠬᠡᠦᠬᠡᠳ ᠰᠢᠭ | ᠲᠡᠭᠳᠡᠯᠵᠡᠪᠠ᠃ ︽ᠬᠦᠨᠳᠦ ᠬᠡᠮᠡᠨ ᠪᠤᠤ ᠠᠶᠤ ᠡᠷᠭᠦᠪᠠᠰᠦ ᠲᠠᠭᠠᠭᠠᠶᠤ᠃ ᠬᠤᠯᠠ ᠬᠡᠮᠡᠨ ᠪᠤᠤ ᠴᠦᠬᠦ ᠵᠤᠷᠢᠪᠠᠰᠤ | ᠬᠦᠷᠦᠶᠦ︾ ᠭᠡᠳᠡᠭ ᠢᠶᠠᠷ ᠵᠠᠷᠤᠳ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠰᠠᠨᠠᠯ ᠲᠤᠷᠠᠳᠤᠯᠭᠠ ᠪᠠᠷ | ᠵᠠᠷᠤᠳ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠪᠠᠶᠢᠩᠭᠤ ᠶᠢᠨ ᠬᠤᠷᠢᠶᠠ ᠲᠤᠰᠬᠠᠢ ᠪᠢᠴᠢᠭ | ᠮᠠᠲ᠋ᠧᠷᠢᠶᠠᠯ ᠪᠠᠭᠤᠯᠭᠠᠵᠤ᠂ ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ ᠶᠢ ᠲᠡᠮᠳᠡᠭᠯᠡᠨ ᠪᠢᠴᠢᠬᠦ ᠠᠵᠢᠯ ᠢ ᠪᠤᠶᠠᠨᠮᠦ᠋ᠩᠭᠡ | ᠨᠦᠬᠦᠷ ᠲᠤ ᠲᠠᠭᠠᠭᠠᠯᠭᠠᠭᠰᠠᠨ ᠢ ᠲᠡᠷᠡ ᠪᠠᠷ ᠵᠢᠷᠭᠤᠭᠠᠨ ᠵᠢᠯ ᠢᠯᠡᠭᠦᠦ ᠶᠢᠨ ᠴᠠᠭ ᠢ ᠵᠠᠷᠤᠴᠠᠭᠤᠯᠵᠤ 130 | ᠲᠦᠮᠡᠨ ᠦᠰᠦᠭ ᠪᠦᠬᠦᠢ ᠭᠤᠷᠪᠠᠨ ᠪᠤᠳᠢ ᠨᠤᠮ ᠢ ᠨᠠᠶᠢᠷᠠᠭᠤᠯᠤᠨ ᠬᠡᠪᠯᠡᠭᠦᠯᠦᠭᠰᠡᠨ ᠨᠢ ᠨᠡᠭᠡᠷᠡᠨ ︽ᠴᠢᠷᠠᠢ ᠡᠴᠡᠵᠤ᠂ | ᠮᠢᠬᠠ ᠲᠤᠷᠠᠵᠤ᠂ ᠰᠢᠷᠪᠤᠰᠦ ᠰᠤᠩᠬᠤ︾ ᠶᠢᠨ ᠦᠢᠯᠡ ᠶᠢ ᠠᠮᠰᠠᠪᠠᠴᠤ ᠦᠨᠦᠳᠦᠷ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ | ᠭᠤᠷᠪᠠᠳᠤᠭᠠᠷ ᠪᠤᠳᠢ ᠤᠩᠰᠢᠭᠴᠢ ᠤᠯᠠᠨ ᠲᠠᠢ ᠵᠤᠯᠭᠠᠬᠤ ᠪᠤᠯᠤᠭᠰᠠᠨ ᠳᠤ ᠪᠢᠲᠠ ᠮᠦᠨ ᠲᠠᠭᠠᠨ ᠪᠠᠶᠠᠰᠤᠯᠴᠠᠪᠠ᠃ | | | ᠬᠤᠶᠠᠷ | ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠲᠠᠢ ᠪᠢ ᠡᠷᠲᠡ ᠲᠠᠨᠢᠯᠴᠠᠳᠠᠭ᠃ ᠲᠡᠷᠡ ᠪᠠᠷ 1981 ᠤᠨ ᠳᠤ ᠪᠠᠭᠰᠢ ᠶᠢᠨ | ᠰᠤᠷᠭᠠᠭᠤᠯᠢ ᠲᠡᠭᠦᠰᠴᠤ ᠂ ᠪᠠᠶᠠᠷᠳᠤᠬᠤᠰᠢᠭᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠠᠵᠢᠯ ᠤᠨ ᠭᠠᠷᠤᠭᠠ ᠠᠪᠤᠭᠰᠠᠨ ᠠᠴᠠ | ᠬᠤᠶᠢᠰᠢ ᠠᠵᠢᠯ ᠤᠨ ᠰᠡᠯᠡᠭᠦᠦ ᠪᠠᠷ ᠰᠢᠯᠦᠭ ᠬᠤᠯᠪᠤᠭᠠ ᠪᠢᠴᠢᠵᠤ ︽ᠬᠤᠨ ᠭᠠᠯᠠᠭᠤ︾ ︽ᠵᠠᠯᠠᠭᠤ ᠵᠤᠬᠢᠶᠠᠯᠴᠢ︾ | ︽ᠦᠪᠦᠷ ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ ᠰᠤᠨᠢᠨ︾ ᠵᠡᠷᠭᠡ ᠰᠤᠨᠢᠨ ᠰᠡᠳᠬᠦᠯ ᠢᠶᠠᠷ ᠠᠯᠳᠠᠭ ᠤᠨᠤᠭ ᠨᠡᠶᠢᠲᠡᠯᠡᠭᠦᠯᠵᠤ | ᠪᠠᠶᠢᠭᠰᠠᠨ ᠨᠢ ᠲᠡᠭᠦᠨ ᠤ ᠤᠷᠠᠨ ᠵᠤᠬᠢᠶᠠᠯ ᠳᠤ ᠲᠤᠷᠠ ᠪᠠᠬᠠ ᠲᠠᠢ ᠪᠠᠶᠢᠭᠰᠠᠨ ᠮᠦᠷᠲᠡᠭᠡᠨ ᠨᠠᠶᠢᠷᠠᠭᠤᠯᠵᠤ ᠪᠢᠴᠢᠬᠦ | ᠠᠪᠢᠶᠠᠰ ᠨᠢ ᠬᠠᠷᠠᠬᠠᠨ ᠬᠦᠭᠵᠢᠩᠭᠦᠢ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠵᠠᠷᠤᠳ | ᠬᠤᠰᠢᠭᠤᠨ ᠤ ᠰᠢᠨᠬᠤᠸᠠ ᠨᠤᠮ ᠤᠨ ᠲᠡᠯᠭᠡᠭᠦᠷ ᠲᠤ ᠰᠢᠯᠦᠭᠴᠢ ᠯ᠊ · ᠤᠳᠽᠡᠷ ᠤᠨ ︽ᠡᠪᠡᠰᠦ ᠲᠡᠯᠡᠬᠡᠢ ᠬᠤᠶᠠᠷ | ︾ ᠭᠡᠰᠡᠨ ᠰᠠᠶᠢᠬᠠᠨ ᠨᠤᠮ ᠢᠷᠡᠭᠰᠡᠨ ᠰᠤᠷᠠᠭ ᠢ ᠬᠠᠮᠳᠤ ᠰᠤᠷᠤᠭᠴᠢ ᠠᠴᠠ ᠪᠠᠨ ᠰᠤᠨᠤᠰᠤᠭᠠᠳ ᠲᠤᠰᠬᠠᠶᠢᠯᠠᠨ | ᠯᠦᠪᠧᠢ ᠪᠠᠯᠭᠠᠰᠤᠨ ᠳᠤ ᠨᠤᠮ ᠠᠪᠬᠤ ᠪᠠᠷ ᠢᠷᠡᠭᠰᠡᠨ ᠨᠢ ᠲᠡᠭᠦᠨ ᠤ ᠤᠷᠠᠨ ᠵᠤᠬᠢᠶᠠᠯ ᠤᠨ ᠵᠠᠯᠠᠭᠤᠰ ᠪᠠᠶᠢᠭᠰᠠᠨ | ᠤ ᠪᠠᠳᠤ ᠭᠡᠷᠡᠴᠢ ᠪᠤᠯᠵᠤ ᠬᠤᠴᠤᠷᠴᠠᠢ᠃ ᠰᠡᠭᠦᠯ ᠤᠨ ᠦᠶᠡ ᠳᠤ ᠲᠡᠷᠡ ᠪᠠᠭᠰᠢ ᠶᠢᠨ ᠠᠯᠪᠠᠨ ᠠᠴᠠ ᠵᠠᠰᠠᠭ | ᠵᠠᠬᠢᠷᠭᠠᠨ ᠤ ᠠᠵᠢᠯ ᠳᠤ ᠰᠢᠯᠵᠢᠭᠰᠡᠨ ᠢᠶᠠᠷ ᠤᠷᠠᠨ ᠵᠤᠬᠢᠶᠠᠯ ᠤᠷᠤᠯᠳᠤᠬᠤ ᠴᠠᠭ ᠬᠤᠮᠰᠠᠳᠠᠵᠤ ᠨᠢᠭᠡᠨ ᠦᠶᠡ ᠪᠢᠷ ᠢ | ᠬᠤᠷᠢᠶᠠᠵᠤ ᠰᠤᠳᠤᠷ ᠢ ᠡᠪᠬᠡᠵᠤ ᠶᠠᠪᠤᠵᠠᠢ᠃ | ᠠᠷᠪᠠᠭᠠᠳ ᠵᠢᠯ ᠤᠨ ᠡᠮᠤᠨᠠ ᠨᠠᠮᠠ ᠶᠢ ᠬᠤᠰᠢᠭᠤᠨ ᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠳᠤ | ᠠᠵᠢᠯᠯᠠᠵᠤ ᠪᠠᠶᠢᠬᠤ ᠳᠤ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠬᠤᠰᠢᠭᠤᠨ ᠤ ᠦᠨᠳᠦᠰᠦᠲᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠲᠤᠪᠴᠢᠶᠠ ᠳᠤ | ᠲᠠᠷᠤᠭᠠᠯᠠᠵᠤ ᠪᠠᠶᠢᠭᠰᠠᠨ ᠪᠠ ᠮᠠᠨ ᠤ ᠬᠤᠶᠠᠷ ᠤᠨ ᠪᠠᠶᠢᠭᠤᠯᠭᠠ ᠨᠢᠭᠡ ᠯᠡ ᠠᠰᠠᠷ ᠲᠤ ᠠᠯᠪᠠᠯᠠᠭᠰᠠᠨ ᠠᠴᠠ | ᠬᠠᠷᠢᠯᠴᠠᠨ ᠶᠠᠪᠤᠯᠴᠠᠵᠤ ᠬᠠᠮᠲᠤ ᠪᠠᠷ ᠰᠤᠷᠤᠯᠴᠠᠬᠤ ᠰᠠᠶᠢᠬᠠᠨ ᠠᠵᠠ ᠲᠤᠬᠢᠶᠠᠯ ᠢ ᠤᠯᠭᠤᠭᠰᠠᠨ ᠶᠤᠮ᠃ ᠲᠡᠷᠡ | ᠦᠶᠡ ᠳᠤ ᠬᠤᠶᠠᠷ ᠪᠠᠶᠢᠭᠤᠯᠭᠠ ᠪᠠᠷ ᠢᠶᠠᠨ ᠬᠠᠮᠵᠢᠯᠴᠠᠨ ︽ᠦᠨᠳᠦᠰᠦᠲᠡᠨ ᠤ ᠪᠦᠯᠭᠦᠮᠲᠡᠯ︾ ᠬᠤᠨᠳᠠᠭᠠᠳᠤ ᠰᠢᠯᠦᠭ | ᠲᠠᠭᠤᠤ ᠶᠢᠨ ᠤᠷᠤᠯᠳᠤᠭᠠᠨ ᠢ ᠤᠳᠠᠭᠠ ᠲᠠᠷᠠᠭᠠᠯᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠦᠷᠭᠡᠨ ᠤᠯᠠᠨ ᠰᠢᠯᠦᠭᠴᠢ | ᠤᠷᠠᠯᠢᠭᠴᠢᠨ ᠢᠶᠠᠨ ᠤᠷᠮᠠᠰᠢᠭᠤᠯᠤᠨ ᠲᠡᠳᠬᠦᠵᠤ ᠪᠠᠶᠢᠭᠰᠠᠨ ᠢ ᠤᠳᠤ ᠡᠷᠬᠢᠴᠡᠭᠦᠯᠬᠦ ᠳᠤ ᠤᠷᠮᠠ ᠲᠠᠢ ᠪᠠᠶᠢᠨᠠ᠃ | ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠤᠨ ᠨᠠᠳᠠ ᠳᠤ ᠦᠭᠭᠦᠭᠰᠡᠨ ᠰᠠᠭᠤᠭᠳᠠᠯ ᠭᠡᠪᠡᠯ ᠦᠨᠳᠦᠰᠦᠲᠡᠨ ᠤ ᠵᠠᠩ ᠦᠢᠯᠡ᠂ ᠨᠤᠳᠤᠭ | ᠤᠰᠤᠨ ᠤ ᠦᠯᠢᠭᠡᠷ ᠲᠡᠦᠬᠡ᠂ ᠦᠯᠢᠭᠡᠷ ᠬᠤᠯᠪᠤᠭᠠ ᠂ ᠤᠷᠳᠤ ᠶᠢᠨ ᠲᠠᠭᠤᠤ ᠳᠤ ᠮᠠᠰᠢ ᠲᠤᠷᠠ ᠰᠤᠨᠢᠷᠬᠠᠯ ᠲᠠᠢ᠂ | ᠬᠦᠮᠦᠨ ᠳᠤ ᠶᠡᠭᠡ ᠲᠤᠰᠠᠷᠬᠠᠭ᠂ ᠠᠵᠢᠯ ᠳᠤ ᠮᠠᠰᠢ ᠰᠢᠭᠤᠷᠬᠠᠢ᠂ ᠦᠢᠯᠡᠰ ᠲᠤ ᠪᠠᠨ ᠲᠤᠩ ᠬᠠᠶᠢᠷᠠ ᠲᠠᠢ᠃ | ᠠᠷᠪᠠ ᠭᠠᠷᠤᠢ ᠵᠢᠯ ᠤᠨ ᠡᠮᠤᠨᠠ ᠬᠤᠭᠤᠷᠴᠢ ᠯᠤᠤᠽᠡᠷ ᠨᠠᠰᠤ ᠪᠠᠷᠠᠭᠰᠠᠨ ᠳᠤ ᠲᠡᠷᠡ ᠮᠠᠰᠢᠲᠠ ᠡᠮᠭᠡᠨᠢᠵᠤ ᠬᠡᠳᠦᠨ | ᠠᠬᠠ ᠲᠡᠭᠦᠦ ᠪᠠᠨ ᠲᠠᠭᠤᠳᠠᠵᠤ ᠲᠤᠷᠠᠳᠬᠠᠯ ᠮᠦᠷᠦᠭᠡᠳᠦᠯ ᠤᠨ ᠰᠢᠷᠡᠭᠡ ᠵᠠᠰᠠᠵᠤ ᠰᠡᠪ ᠰᠡᠮᠡᠬᠡᠷᠬᠡᠨ ᠨᠢᠯᠪᠤᠰᠤ | ᠤᠷᠤᠰᠬᠠᠵᠤ ᠪᠠᠶᠢᠭᠰᠠᠨ ᠢ ᠪᠢ ᠤᠯᠵᠤ ᠬᠠᠷᠠᠭᠠᠳ ᠶᠠᠭᠠᠬᠢᠵᠤ ᠢᠳᠬᠠᠬᠤ ᠪᠠᠨ ᠤᠯᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠶᠤᠮ ᠡ︕ | ᠲᠠᠭᠤᠤ ᠶᠢ ᠰᠠᠶᠢᠬᠠᠨ ᠲᠠᠭᠤᠯᠠᠳᠠᠭ᠂ ᠬᠤᠭᠤᠷ ᠢ ᠡᠭᠡᠰᠢᠭᠯᠡᠩᠲᠡᠢ ᠲᠠᠲᠠᠳᠠᠭ᠂ ᠮᠤᠩᠭᠤᠯ ᠦᠰᠦᠭ ᠢᠶᠠᠨ ᠢᠲᠡᠯᠢᠭ | ᠰᠠᠶᠢᠬᠠᠨ ᠪᠢᠴᠢᠲᠡᠭ ᠡᠨᠡ ᠬᠦᠮᠦᠨ ᠢ ᠪᠢ ᠤᠳᠬᠠ ᠤᠷᠠᠯᠢᠭ ᠤᠨ ᠵᠠᠮ ᠢᠶᠠᠷ ᠢᠶᠠᠨ ᠵᠠᠮᠨᠠᠭᠠᠳ ᠪᠠᠶᠢᠭᠰᠠᠨ ᠪᠤᠯ ᠶᠡᠭᠡ | ᠶᠠᠭᠤᠮᠠ ᠪᠦᠳᠦᠭᠡᠵᠤ ᠪᠤᠯᠬᠤ ᠬᠦᠮᠦᠨ ᠳ᠋ᠠ ᠭᠡᠵᠤ ᠪᠢᠲᠡᠭᠦᠬᠡᠨ ᠳᠤ ᠪᠠᠨ ᠪᠤᠳᠤᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠨᠢᠭᠤᠬᠤ | ᠦᠭᠡᠢ᠃ ᠦᠭᠡ ᠶᠢ ᠨᠢ ᠪᠢ ᠪᠢᠴᠢᠵᠤ᠂ ᠠᠶᠠ ᠶᠢ ᠨᠢ ᠴᠢᠯᠠᠭᠤ ᠵᠤᠬᠢᠶᠠᠭᠰᠠᠨ ︽ᠵᠡᠭᠦᠳᠦᠨ ᠴᠡᠩᠭᠡᠷ ᠵᠠᠷᠤᠳ︾ | ᠲᠠᠭᠤᠤ ᠶᠢ ᠠᠩᠬᠠ ᠰᠤᠨᠤᠰᠤᠭᠠᠳ ᠰᠡᠳᠬᠢᠯ ᠬᠦᠲᠡᠯᠬᠦ ᠳᠤ ᠪᠠᠨ ᠨᠢᠭᠡ ᠰᠦᠨᠢ ᠬᠤᠭᠤᠷᠲᠠᠵᠤ ᠬᠤᠨᠤᠭᠰᠠᠨ ᠡᠨᠡ | ᠬᠦᠮᠦᠨ ᠤ ᠤᠳᠬᠠ ᠤᠷᠠᠯᠢᠭ ᠤᠨ ᠲᠤᠷᠠ ᠪᠠᠭ᠋ᠠᠷᠬᠠᠯ ᠬᠢᠷᠢ ᠵᠡᠷᠭᠡ ᠭᠡᠰᠡᠨ ᠢ ᠬᠡᠯᠡᠬᠦ ᠦᠭᠡᠢ ᠳᠤ ᠴᠦ ᠬᠦᠮᠦᠰ | ᠮᠡᠳᠡᠨᠡ᠃ | ᠰᠡᠬᠦᠯ ᠤᠨ ᠦᠶᠡ ᠳᠤ ᠪᠢ ᠬᠤᠰᠢᠭᠤᠨ ᠤ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠳᠤ ᠠᠵᠢᠯ ᠰᠢᠯᠵᠢᠵᠤ | ᠂ ᠲᠡᠷᠡ ᠪᠠᠰᠠ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠪᠠᠶᠢᠩᠭᠤ ᠶᠢᠨ ᠬᠤᠷᠢᠶᠠ ᠳᠤ ᠠᠵᠢᠯ ᠰᠢᠯᠵᠢᠭᠰᠡᠨ ᠢᠶᠠᠷ ᠪᠢᠲᠡ | ᠬᠤᠶᠠᠷ ᠬᠤᠶᠠᠳᠠᠬᠢ ᠤᠳᠠᠭᠠ ᠨᠢᠭᠡ ᠠᠰᠠᠷ ᠲᠤ ᠠᠯᠪᠠᠯᠠᠬᠤ ᠬᠤᠪᠢ ᠢᠷᠦᠭᠡᠯ ᠲᠤᠬᠢᠶᠠᠭᠰᠠᠨ ᠶᠤᠮ ᠡ᠃ ᠡᠩ ᠤᠨ | ᠴᠠᠭ ᠲᠤ ᠬᠤᠷᠠᠯ ᠬᠤᠢ ᠭᠡᠳ ᠵᠤᠬᠢᠶᠠᠨ ᠪᠦᠳᠦᠬᠡᠬᠦ ᠴᠠᠭ ᠬᠤᠮᠰᠠ ᠪᠤᠯᠬᠤᠷ ᠪᠢ ᠭᠠᠷᠠᠭ ᠤᠨ ᠠᠮᠠᠷᠠᠯᠲᠠ ᠶᠢᠨ | ᠬᠤᠶᠠᠷ ᠡᠳᠦᠷ ᠢ ᠠᠰᠢᠭᠯᠠᠵᠤ ᠠᠯᠪᠠᠨ ᠭᠡᠷ ᠲᠤ ᠢᠷᠡᠭᠡᠳ ᠨᠤᠮ ᠰᠤᠳᠤᠷ ᠲᠠᠢ ᠨᠦᠬᠦᠴᠡᠳᠡᠭ ᠵᠠᠩᠰᠢᠯ ᠲᠠᠢ᠃ | ᠤᠷᠢᠳᠤ ᠨᠢ ᠪᠢ ᠲᠡᠮᠡᠢ ᠤᠪᠠᠶᠢᠯᠠᠭᠰᠠᠨ ᠦᠭᠡᠢ᠂ ᠬᠡᠵᠢᠶᠡ ᠬᠤᠶᠢᠨᠠ ᠨᠢ ᠰᠠᠶ᠋ᠢ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠤᠨ ᠮᠤᠲ᠋ᠤᠷ | ᠬᠡᠵᠢᠶᠡᠲᠡ ᠠᠯᠪᠠᠨ ᠠᠰᠠᠷ ᠤᠨ ᠠᠷᠤ ᠳᠤ ᠵᠤᠭᠰᠤᠵᠤ ᠪᠠᠶᠢᠳᠠᠭ ᠨᠢ ᠲᠡᠷᠡ ᠪᠠᠰᠠ ᠭᠠᠷᠠᠭ ᠤᠨ ᠠᠮᠠᠷᠠᠯᠳᠠ ᠪᠠᠷ | ᠠᠯᠪᠠᠯᠠᠬᠤ ᠭᠡᠷ ᠲᠤ ᠪᠠᠨ ᠰᠤᠷᠪᠤᠯᠵᠢᠯᠠᠵᠤ ᠢᠷᠡᠭᠰᠡᠨ ︽ ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ︾ ᠪᠠᠨ | ᠨᠠᠶᠢᠷᠠᠭᠤᠯᠤᠨ ᠲᠡᠮᠳᠡᠭᠯᠡᠵᠤ ᠪᠠᠶᠢᠭᠰᠠᠨ ᠪᠦᠯᠦᠭᠡ᠃ ᠵᠢᠷᠭᠤᠭᠠᠨ ᠵᠢᠯ ᠢᠯᠡᠭᠦᠦ ᠶᠢᠨ ᠴᠠᠭ᠂ ᠬᠤᠶᠠᠷ ᠮᠢᠩᠭᠠ | ᠢᠯᠡᠬᠦᠦ ᠡᠳᠦᠷ ᠬᠤᠨᠤᠭ᠂ ᠤᠨᠴᠠᠭᠠᠢ ᠵᠠᠷᠢᠮ ᠠᠮᠠᠷᠠᠯᠲᠠ ᠶᠢ ᠭᠠᠷᠭᠠᠪᠠᠯ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠠᠮᠠᠷᠠᠯᠳᠠ ᠶᠢᠨ | ᠡᠳᠦᠷ ᠬᠤᠨᠤᠭ ᠢ ᠪᠠᠷᠤᠭ ᠪᠦᠷ ᠡᠨᠡ ᠨᠤᠮ ᠳᠤ ᠵᠠᠷᠤᠴᠠᠭᠤᠯᠤᠭᠰᠠᠨ ᠭᠡᠬᠦ ᠳᠤ ᠲᠦᠯᠬᠢᠬᠦᠦ ᠬᠡᠯᠡᠭᠰᠡᠨ ᠦᠬᠡ ᠪᠢᠰᠢ᠃ | ᠬᠠᠶᠠ ᠵᠠᠷᠢᠮ ᠦᠭᠡ ᠦᠰᠦᠭ ᠢ ᠶᠠᠭᠠᠬᠢᠵᠤ ᠪᠢᠴᠢᠬᠦ ᠲᠤᠬᠠᠢ ᠨᠠᠳᠠ ᠠᠴᠠ ᠯᠠᠪᠯᠠᠬᠤ ᠪᠠᠷ ᠮᠢᠨᠤ ᠠᠯᠪᠠᠨ ᠭᠡᠷ ᠲᠤ | ᠢᠷᠡᠳᠡᠭ ᠃ ᠪᠢ ᠲᠡᠭᠦᠨ ᠳᠤ ᠄ 《ᠲᠤᠰ ᠨᠤᠮ ᠲᠠᠨ ᠤ ᠦᠢᠯᠡ ᠶᠢ ᠪᠠᠷᠠᠭᠠᠵᠤ ᠪᠠᠶᠢᠨᠠ ᠳ᠋ᠠ 》ᠭᠡᠵᠤ ᠬᠡᠯᠡᠬᠦ | ᠳᠤ ᠲᠡᠷᠡ ᠪᠠᠷ᠄《 ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢ ᠨᠠᠷ ᠵᠢᠴᠢ ᠦᠯᠵᠡᠶᠢᠮᠡᠨᠳᠤ ᠂ ᠪᠠᠶᠠᠨᠰᠠᠩ᠂ ᠡᠤ ᠴᠢᠩ ᠬᠠᠢ | ᠡᠷᠬᠢᠯᠡᠭᠴᠢ ᠶᠢᠨ ᠢᠲᠡᠭᠡᠯ ᠨᠠᠶᠢᠲᠠᠯᠭᠠ ᠢ ᠬᠦᠰᠡᠷᠲᠡᠭᠦᠯᠬᠦ ᠦᠭᠡᠢ ᠶᠢᠨ ᠲᠦᠯᠦᠭᠡ ᠢᠩᠭᠢᠵᠤ ᠯᠡ ᠴᠢᠷᠮᠠᠶᠢᠵᠤ | ᠶᠠᠪᠤᠭᠠ ᠰᠢᠦ᠂ ᠲᠡᠭᠡᠪᠡᠴᠤ ᠮᠠᠨ ᠤ ᠮᠤᠩᠭᠤᠯ ᠦᠭᠡᠨ ᠤ 〈 ᠲᠤᠷᠠ ᠳᠤ ᠰᠢᠷᠠ ᠦᠭᠡᠢ 〉 ᠭᠡᠳᠡᠭ ᠶᠠᠭ | ᠲᠠᠭᠠᠷᠠᠨᠠ᠂ ᠮᠠᠨ ᠤ ᠦᠶᠡ ᠳᠤ ᠡᠨᠡ ᠨᠡᠷᠡᠶᠢᠳᠦᠯ ᠢ ᠲᠡᠮᠳᠡᠭᠯᠡᠵᠤ ᠦᠯᠡᠳᠡᠬᠦ ᠨᠢ ᠮᠢᠨᠤ ᠬᠠᠷᠢᠭᠤᠴᠠᠯᠭᠠ ᠰᠢᠦ》 | ᠭᠡᠵᠤ ᠮᠠᠭ ᠮᠠᠭ ᠬᠦᠬᠦᠷᠡᠵᠤ ᠪᠠᠶᠢᠯᠠ᠃ | ᠲᠡᠷᠡ ᠪᠠᠷ ᠤᠤᠯ ᠳᠤ ᠪᠠᠨ ᠭᠠᠵᠠᠷ ᠵᠦᠢ ᠶᠢᠨ ᠪᠠᠭᠰᠢ᠂ ᠭᠠᠯ ᠢ ᠰᠡᠷᠭᠡᠶᠢᠯᠡᠬᠦ ᠠᠯᠪᠠᠨ ᠭᠡᠷ ᠤᠨ | ᠡᠷᠬᠢᠯᠡᠭᠴᠢ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ ᠪᠠᠨ ᠠᠯᠠᠭᠠᠨ ᠵᠢᠷᠤᠭᠠᠰᠤ ᠪᠠᠨ ᠰᠢᠭ᠋ | ᠦᠢᠯᠠᠭᠠᠳᠠᠭ ᠮᠦᠷᠲᠡᠭᠡᠨ ᠲᠡᠭᠦᠨ ᠤ ᠲᠡᠮᠳᠡᠭᠯᠡᠭᠰᠡᠨ ᠠᠭᠤᠯᠠ ᠲᠠᠪᠠᠭᠠᠨ ᠤ ᠦᠨᠳᠦᠷᠴᠡ ᠶᠢᠨ ᠬᠡᠮᠵᠢᠶᠡ ᠨᠢ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠤ ᠦᠨᠳᠦᠰᠦ ᠪᠠᠷᠢᠮᠳᠠ ᠲᠠᠢ ᠪᠠᠶᠢᠳᠠᠭ᠃ ᠪᠦᠷᠢᠨ ᠪᠤᠰᠤ ᠪᠦᠷᠢᠳᠬᠡᠯ ᠢᠶᠠᠷ᠂ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠤᠨ | ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ ︽ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ︾ ᠤᠨ 《ᠨᠢᠭᠡᠳᠦᠭᠡᠷ ᠪᠤᠳᠢ — ᠭᠤᠤᠯ | ᠭᠤᠷᠤᠬᠠ ᠨᠠᠭᠤᠷ ᠱᠠᠩᠳᠠ》 ᠳᠤ100 ᠭᠠᠷᠤᠢ ᠭᠤᠤᠯ ᠭᠤᠷᠤᠬᠠ᠂ 70 ᠭᠠᠷᠤᠢ ᠨᠠᠭᠤᠷ ᠬᠠᠭ᠂ 300 | ᠢᠯᠡᠭᠦᠦ ᠪᠤᠯᠠᠭ ᠱᠠᠩᠲᠠ ᠶᠢᠨ ᠨᠡᠷᠡᠶᠢᠳᠦᠯ ᠤᠨ ᠢᠷᠠᠯ ᠭᠠᠷᠤᠯ᠂ ᠤᠨᠴᠠᠯᠢᠭ ᠰᠢᠨᠵᠢ᠂ ᠪᠠᠶᠢᠷᠢᠰᠢᠯ ᠵᠢᠴᠢ ᠲᠡᠭᠦᠨ ᠤ | ᠬᠠᠮᠢᠶᠠ ᠲᠠᠢ ᠦᠯᠢᠭᠡᠷ ᠲᠤᠮᠤᠭ ᠢ ᠲᠤᠳᠤᠷᠬᠠᠶᠢᠯᠠᠨ ᠲᠠᠶᠢᠯᠪᠤᠷᠢᠯᠠᠵᠤ᠂ 《 ᠬᠤᠶᠠᠳᠤᠭᠠᠷ ᠪᠤᠳᠢ — ᠠᠭᠤᠯᠠ | ᠬᠠᠶᠢᠷᠬᠠᠨ᠂ ᠲᠠᠪᠠᠭᠠ ᠬᠦᠳᠦᠯ》 ᠳᠤ 5000 ᠭᠠᠷᠤᠢ ᠠᠭᠤᠯᠠ ᠬᠠᠶᠢᠷᠬᠠᠨ᠂ 400 ᠭᠠᠷᠤᠢ ᠲᠠᠪᠠᠭᠠ ᠬᠦᠲᠦᠯ | ᠤᠨ ᠨᠡᠷᠡᠶᠢᠳᠦᠯ ᠤᠨ ᠤᠨᠴᠠᠯᠢᠭ ᠰᠢᠨᠵᠢ᠂ ᠢᠷᠠᠯ ᠭᠠᠷᠤᠯ᠂ ᠭᠠᠵᠠᠷ ᠤᠨ ᠪᠠᠶᠢᠴᠠ ᠪᠠᠶᠢᠷᠢᠰᠢᠯ ᠦᠨᠳᠦᠷᠴᠡ ᠶᠢᠨ | ᠬᠡᠮᠵᠢᠶᠡ ᠂ ᠦᠯᠢᠭᠡᠷ ᠲᠤᠮᠤᠭ ᠢ ᠲᠡᠮᠳᠡᠭᠯᠡᠨ ᠪᠢᠴᠢᠵᠤ᠂ 《ᠭᠤᠷᠪᠠᠳᠤᠭᠠᠷ ᠪᠤᠳᠢ — ᠲᠠᠯᠠ ᠵᠢᠯᠠᠭᠠ ᠮᠠᠩᠬᠠ | ᠵᠤ 》 ᠳᠤ 1200 ᠭᠠᠷᠤᠢ ᠲᠠᠯᠠ ᠵᠢᠯᠠᠭᠠ᠂ ᠭᠤᠤ ᠭᠠᠩᠭᠠ᠂ ᠬᠠᠪᠴᠢᠯ ᠬᠦᠨᠲᠡᠢ᠂ ᠲᠡᠨᠵᠢ ᠲᠤᠰᠢ ᠪᠠ 500 | ᠭᠠᠷᠤᠢ ᠡᠯᠡᠰᠦ ᠮᠠᠩᠬᠠ᠂ ᠪᠤᠷᠤ ᠵᠤ ᠶᠢᠨ ᠨᠡᠷᠡᠶᠢᠳᠦᠯ ᠤᠨ ᠢᠷᠡᠯ ᠭᠠᠷᠤᠯ᠂ ᠤᠨᠴᠠᠯᠢᠭ ᠰᠢᠨᠵᠢ᠂ ᠪᠠᠶᠢᠴᠠ | ᠪᠠᠶᠢᠷᠢᠰᠢᠯ ᠪᠠ ᠦᠯᠢᠭᠡᠷ ᠲᠤᠮᠤᠭ ᠢ ᠲᠤᠳᠤᠭᠬᠠᠨ ᠲᠠᠶᠢᠯᠪᠤᠷᠢᠯᠠᠵᠠᠢ᠃ ᠪᠦᠬᠦᠶᠢᠯᠡ ᠢᠵᠢ ᠨᠤᠮ ᠳᠤ ᠢᠯᠡᠭᠦᠦ | ᠲᠤᠳᠠᠭᠤ ᠨᠦᠬᠦᠪᠦᠷᠢᠯᠡᠵᠤ ᠪᠢᠴᠢᠭᠰᠡᠨ ᠢ ᠨᠡᠶᠢᠯᠡᠭᠦᠯᠵᠤ ᠪᠤᠳᠤᠪᠠᠯ 8000 ᠰᠢᠬᠠᠮ ᠭᠠᠵᠠᠷ ᠤᠰᠤ ᠶᠢᠨ ᠨᠠᠷᠠ | ᠨᠡᠷᠡᠶᠢᠳᠦᠯ ᠢ ᠪᠦᠷᠢᠳᠬᠡᠨ ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ | | ᠭᠤᠷᠪᠠ | ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠦᠪᠡᠷ ᠢᠶᠠᠨ ᠦᠰᠦᠭ ᠴᠤᠬᠢᠵᠤ ᠴᠢᠲᠠᠬᠤ ᠦᠭᠡᠢ ᠪᠤᠯᠬᠤᠷ ᠪᠤᠢ ᠪᠦᠬᠦᠢ | ᠰᠤᠷᠪᠤᠯᠵᠢᠯᠠᠭᠰᠠᠨᠮᠠᠲ᠋ᠧᠷᠢᠶᠠᠯ ᠲᠡᠮᠳᠡᠭᠯᠡᠭᠰᠡᠨ ᠵᠦᠢᠯᠡᠰ ᠨᠢ ᠪᠦᠷ ᠯᠡ ᠭᠠᠷ ᠪᠢᠴᠢᠮᠡᠯ ᠪᠠᠶᠢᠳᠠᠭ᠃ 130 ᠲᠦᠮᠡᠨ | ᠦᠰᠦᠭ ᠪᠦᠬᠦᠢ ᠭᠤᠷᠪᠠᠨ ᠪᠤᠳᠢ ᠨᠤᠮ ᠢ ᠭᠠᠷ ᠪᠢᠴᠢᠮᠡᠯ ᠢᠶᠠᠷ ᠬᠡᠳᠦ ᠤᠳᠠᠭᠠ ᠬᠠᠭᠤᠯᠵᠤ ᠲᠡᠮᠳᠡᠭᠯᠡᠨᠡ ᠭᠡᠳᠡᠭ | ᠬᠡᠴᠢᠨᠡᠭᠡᠨ ᠶᠡᠭᠡ ᠬᠦᠴᠦ ᠬᠦᠯᠦᠰᠦ ᠂ ᠬᠡᠴᠢᠨᠡᠬᠡᠨ ᠠᠷᠪᠢᠨ ᠴᠠᠭ ᠮᠦᠴᠡ ᠵᠠᠷᠤᠴᠠᠭᠤᠯᠤᠨᠠ ᠭᠡᠳᠡᠭ ᠢ ᠪᠤᠳᠤᠪᠠᠯ | ᠪᠢᠰᠢᠷᠡᠯ ᠲᠦᠷᠦᠭᠲᠡᠨᠡ᠃ ᠵᠢᠷᠭᠤᠭᠠᠨ ᠵᠢᠯ ᠢᠯᠡᠭᠦᠦ ᠶᠢᠨ ᠴᠠᠭ ᠬᠤᠭᠤᠴᠠᠭᠠ᠂ ᠵᠢᠷᠭᠤᠭᠠᠨ ᠵᠠᠭᠤ ᠭᠠᠷᠤᠢ ᠬᠦᠮᠦᠨ | ᠢ ᠰᠤᠷᠪᠤᠯᠵᠢᠯᠠᠭᠰᠠᠨ ᠲᠡᠮᠳᠡᠭᠯᠡᠯ᠂ ᠵᠢᠷᠠ ᠭᠠᠷᠤᠢ ᠲᠡᠮᠳᠡᠭᠯᠡᠯ ᠤᠨ ᠲᠡᠪᠳᠡᠷ ᠪᠤᠯᠤᠨ ᠵᠢᠷᠠ ᠭᠠᠷᠤᠢ ᠰᠢᠨᠠ ᠬᠠᠭᠤᠴᠢᠨ | ᠭᠠᠵᠠᠷ ᠤᠨ ᠵᠢᠷᠤᠭ᠂ ᠬᠤᠶᠢᠨᠠ ᠡᠮᠤᠨᠠ ᠵᠢᠷᠭᠤᠭᠠᠨ ᠲᠦᠮᠡ ᠢᠯᠡᠭᠦᠦ ᠭᠠᠵᠠᠷ ᠤᠨ ᠠᠶᠠᠯᠠᠯ ᠁ ᠡᠳᠡᠭᠡᠷ ᠵᠢᠯ | ᠤᠨ ᠲᠤᠷᠰᠢ ︽ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ︾ ᠶᠢᠨ ᠨᠡᠷᠡᠶᠢᠳᠦᠯ ᠢ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠬᠦ ᠶᠢᠨ | ᠲᠦᠯᠦᠭᠡ ᠪᠤᠶᠠᠨᠮᠦ᠋ᠩᠭᠡ ᠨᠦᠬᠦᠷ ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠠᠭᠤᠯᠠᠨ ᠤ ᠰᠤᠵᠠᠭ ᠢ ᠲᠤᠭᠤᠯᠵᠤ᠂ ᠤᠰᠤ | ᠮᠦᠷᠡᠨ ᠤ ᠤᠯᠤᠮ ᠢ ᠭᠡᠳᠦᠯᠵᠤ᠂ ᠤᠲᠤᠷ ᠲᠤᠪᠤ ᠪᠠᠷ ᠰᠤᠷᠪᠤᠯᠵᠢᠯᠠᠨ ᠤᠯᠠᠨ ᠲᠦᠮᠡᠨ ᠤ ᠲᠤᠮᠳᠠ ᠭᠦᠨᠵᠡᠭᠡᠶᠢᠷᠡᠵᠤ᠂ | ᠮᠠᠰᠢᠨ ᠲᠡᠷᠭᠡ ᠤᠷᠤᠵᠤ ᠲᠡᠶᠢᠯᠬᠦ ᠦᠭᠡᠢ ᠭᠠᠵᠠᠷ ᠮᠤᠲ᠋ᠤᠷ ᠢᠶᠠᠷ ᠵᠠᠮᠨᠠᠨᠠ᠂ ᠮᠤᠲ᠋ᠤᠷ ᠶᠠᠪᠤᠵᠤ ᠲᠡᠶᠢᠯᠬᠦ ᠦᠭᠡᠢ | ᠭᠠᠵᠠᠷ ᠶᠠᠪᠠᠭᠠᠨ ᠢᠶᠠᠷ ᠬᠦᠷᠦᠨᠡ᠃ ᠲᠡᠭᠦᠨ ᠤ ᠡᠨᠡ ᠬᠦ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠨᠢ ᠨᠤᠳᠤᠭ ᠤᠨ | ᠪᠤᠭᠤᠷᠤᠯᠴᠤᠳ ᠰᠤᠨᠤᠰᠤᠭᠠᠳ ᠰᠡᠳᠬᠢᠯ ᠬᠦᠲᠡᠯᠵᠤ᠂ ᠰᠤᠷᠪᠤᠯᠵᠢᠯᠠᠨ ᠲᠡᠮᠳᠡᠭᠯᠡᠬᠦ ᠠᠵᠢᠯ ᠳᠤ ᠨᠢ ᠮᠠᠰᠢ ᠲᠤᠰᠠ | ᠲᠡᠮ ᠪᠤᠯᠤᠭᠰᠠᠨ ᠭᠡᠵᠦ ᠲᠡᠷᠡ ᠨᠠᠳᠠ ᠳᠤ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠶᠤᠮ᠃ | ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠪᠤᠯᠭᠠᠨ ᠨᠢ ᠲᠤᠮᠤᠭ ᠲᠠᠢ᠂ ᠤᠰᠤ ᠪᠤᠯᠭᠠᠨ ᠨᠢ ᠦᠯᠢᠭᠡᠷ ᠲᠠᠢ᠂ | ᠭᠤᠤᠯ ᠭᠤᠷᠤᠬᠠ ᠨᠢ ᠬᠤᠭᠤᠷ ᠤᠨ ᠠᠶᠠᠰ ᠰᠢᠭ᠋ ᠢᠶᠠᠷ ᠬᠠᠷᠬᠢᠯᠠᠨ᠂ ᠭᠤᠷᠭᠤᠤᠯᠳᠠᠢ ᠰᠢᠪᠠᠭᠤ ᠨᠢ ᠦᠯᠢᠭᠡᠷ ᠤᠨ | ᠠᠶᠠ ᠰᠢᠭ᠋ ᠢᠶᠠᠷ ᠲᠤᠩᠭᠤᠳᠳᠠᠭ ᠃ ᠦᠨᠢᠷ ᠪᠠᠶᠠᠯᠢᠭ᠂ ᠦᠵᠡᠰᠭᠦᠯᠡᠩᠳᠤ ᠰᠠᠶᠢᠬᠠᠨ ᠵᠠᠷᠤᠳ ᠬᠤᠰᠢᠭᠤ ᠪᠤᠯ | ᠬᠤᠷᠴᠢᠨ ᠨᠤᠳᠤᠭ ᠤᠨ ᠬᠤᠶᠢᠳᠦ ᠬᠡᠰᠡᠭ ᠲᠤ ᠰᠢᠭᠢᠳᠬᠡᠬᠡᠭᠰᠡᠨ ᠨᠢᠭᠡᠨ ᠭᠡᠷᠡᠯᠳᠤ ᠰᠤᠪᠤᠳ ᠪᠤᠯᠬᠤ ᠶᠤᠮ᠃ ᠬᠠᠲᠠᠨ | ᠲᠡᠭᠡᠷᠡ ᠪᠠᠨ ᠪᠢᠴᠢᠭ ᠲᠠᠢ᠂ ᠬᠠᠳᠠᠭ ᠲᠡᠭᠡᠷᠡ ᠪᠠᠨ ᠢᠷᠦᠬᠡᠯ ᠲᠠᠢ ᠡᠨᠡ ᠨᠤᠳᠤᠭ ︽ᠲᠤᠮᠳᠠᠳᠤ ᠤᠯᠤᠰ ᠤᠨ | ᠲᠠᠭᠤᠷᠢᠯᠢᠭ ᠤᠨ ᠨᠤᠳᠤᠭ︾ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠤᠨ ᠤᠷᠠᠯᠢᠭ ᠤᠨ ᠨᠤᠳᠤᠭ︾ ︽ᠲᠤᠮᠳᠠᠳᠤ | ᠤᠯᠤᠰ ᠤᠨ ᠦᠨᠳᠦᠰᠦᠲᠡᠨ ᠤ ᠪᠠᠷ ᠵᠢᠷᠤᠭ ᠤᠨ ᠨᠤᠳᠤᠭ︾ ᠪᠤᠯᠬᠤ ᠶᠤᠮ᠃ ᠬᠠᠷᠠᠭᠠ ᠮᠣᠬᠤᠭᠠᠮᠠ ᠨᠤᠭᠤᠭᠠᠨ | ᠲᠠᠯᠠ ᠶᠢᠨ ᠲᠤᠮᠳᠠᠭᠤᠷ᠂ ᠪᠠᠷᠠ ᠲᠠᠰᠤᠷᠠᠮᠠ ᠠᠭᠲᠠ ᠬᠦᠯᠦᠭ ᠴᠠᠬᠢᠯᠠᠭᠰᠠᠨ ᠰᠠᠷᠠᠭᠤᠯ ᠰᠠᠶᠢᠬᠠᠨ ᠬᠠᠩᠭᠠᠢ ᠲᠠᠯᠠ | ᠨᠤᠳᠤᠭ ᠲᠤ ᠰᠢᠨᠠ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶᠡ ᠶᠢᠨ ︽ᠬᠤᠩ ᠱᠠᠨ ᠤ ᠰᠤᠶᠤᠯ︾ ᠪᠠ ︽ᠫᠦ᠋ ᠾᠧ ᠶᠢᠨ | ᠰᠤᠶᠤᠯ︾ ᠤᠨ ᠦᠯᠡᠳᠡᠭᠲᠡᠯ᠂ ᠡᠮᠤᠨᠡ ᠪᠤᠯᠠᠭᠳᠤ ᠶᠢᠨ ᠡᠷᠲᠡᠨ ᠤ ᠪᠠᠭᠤᠷᠢ᠂ ᠪᠠᠶᠢᠯᠳᠤᠭᠠᠨᠳᠤ ᠤᠯᠤᠰ ᠤᠨ ᠦᠶᠡ | ᠶᠢᠨ ᠴᠢᠯᠠᠭᠤᠨ ᠵᠡᠪᠰᠡᠭ᠂ ᠠᠯᠲᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠪᠤᠷᠤ ᠬᠡᠷᠡᠮ᠂ ᠯᠢᠶᠤᠤ ᠶᠢᠨ ᠪᠤᠩᠬᠤᠨ᠂ ᠮᠢᠩ ᠴᠢᠩ | ᠤᠨ ᠦᠶᠡ ᠶᠢᠨ ᠰᠦᠮᠡ ᠬᠡᠶᠢᠳ ᠪᠠ ᠤᠯᠠᠭᠠᠨᠬᠠᠳᠠ ᠶᠢᠨ ᠠᠭᠤᠢ ᠳ᠋ᠦᠩ᠂ ᠬᠠᠨ ᠠᠭᠤᠯᠠ ᠶᠢᠨ ᠭᠠᠪᠤᠷ ᠤᠨ | ᠷᠠᠰᠢᠶᠠᠨ᠂ ᠭᠠᠭ᠋ᠠᠶᠢᠳᠤ ᠶᠢᠨ ᠠᠯᠲᠠᠨ ᠰᠢᠷᠭᠤᠭᠤᠯ᠂ ᠭᠡᠷᠴᠢᠯᠠᠭᠤ ᠶᠢᠨ ᠦᠯᠵᠡᠶᠢᠳᠤ ᠤᠷᠤᠨ ᠠᠭᠤᠯᠠ ᠁ | ᠮᠡᠳᠦ ᠶᠢᠨ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠮᠵᠢᠳᠤ ᠤᠷᠤᠨ ᠪᠠ ᠰᠤᠶᠤᠯ ᠤᠨ ᠦᠨᠡᠳᠦ ᠦᠯᠡᠲᠡᠭᠳᠡᠯ ᠲᠠᠨᠠ ᠰᠤᠪᠤᠳ ᠰᠢᠭ᠋ | ᠬᠢᠯᠠᠯᠵᠠᠨ᠂ ᠬᠤᠷᠸᠠ ᠶᠢᠨ ᠬᠦᠮᠦᠨ ᠵᠤᠨ ᠤ ᠬᠠᠶᠢᠷᠠ ᠪᠠᠭ᠋ᠠᠷᠬᠠᠯ ᠢ ᠰᠤᠷᠢᠨᠵᠢᠨ ᠮᠡᠳᠦ ᠲᠠᠲᠠᠵᠤ ᠪᠠᠶᠢᠳᠠᠭ ᠰᠠᠨ᠃ | ᠡᠨᠡ ᠰᠠᠶᠢᠬᠠᠨ ᠨᠤᠳᠤᠭ ᠤᠨ ᠢᠶᠠᠨ ᠠᠭᠤᠯᠠ ᠤᠰᠤᠨ ᠤ ᠨᠡᠷᠡᠶᠢᠳᠦᠯ ᠢ ᠲᠡᠮᠳᠡᠭᠯᠡᠨ ᠬᠤᠵᠢᠮ ᠤᠨ ᠬᠦᠮᠦᠰ ᠲᠤ | ᠰᠤᠶᠤᠯ ᠤᠨ ᠦᠪ ᠪᠤᠯᠭᠠᠨ ᠦᠯᠡᠳᠡᠬᠦ ᠭᠡᠭᠴᠢ ᠶᠠᠭᠤᠳᠠᠢ ᠡᠷᠬᠢᠮ ᠵᠢᠳᠬᠦᠯ ᠠᠵᠢ᠃ | ᠨᠤᠳᠤᠭ ᠤᠰᠤᠨ ᠤ ᠨᠡᠷᠡᠶᠢᠳᠦᠯ ᠳᠤ ᠮᠠᠰᠢ ᠶᠡᠭᠡ ᠰᠤᠶᠤᠯ ᠤᠨ ᠠᠭᠤᠯᠬᠤᠨ ᠲᠠᠢ ᠪᠠᠶᠢᠳᠠᠭ᠃ ᠬᠢᠲᠠᠳ᠂ | ᠮᠤᠩᠭᠤᠯ᠂ ᠬᠤᠳᠤᠩ ᠵᠡᠷᠭᠡ ᠠᠷᠪᠠᠨ ᠭᠤᠷᠪᠠᠨ ᠦᠨᠳᠦᠰᠦᠲᠡᠨ ᠬᠤᠯᠢᠯᠳᠤᠨ ᠰᠠᠭᠤᠷᠢᠰᠢᠭᠰᠠᠨ ᠡᠨᠡ ᠨᠤᠳᠤᠭ ᠲᠤ | ᠠᠭᠤᠯᠠ ᠤᠰᠤ ᠨᠢ ᠲᠡᠦᠬᠡ ᠶᠢᠨ ᠤᠷᠳᠤ ᠤᠳᠠᠭᠠᠨ ᠬᠤᠪᠢᠷᠠᠯᠳᠠ ᠶᠢ ᠲᠠᠭᠠᠭᠠᠳ ᠦᠪᠡᠷ ᠤᠨ ᠭᠡᠰᠡᠨ ᠤᠨᠴᠠᠯᠢᠭ | ᠪᠦᠬᠦᠢ ᠨᠡᠷᠡᠶᠢᠳᠦᠯ ᠲᠠᠢ ᠪᠤᠯᠤᠭᠰᠠᠨ ᠮᠦᠷᠲᠡᠭᠡᠨ ᠭᠤᠶᠤ ᠰᠠᠶᠢᠬᠠᠨ ᠦᠨᠳᠦᠰᠦᠲᠡᠨ ᠤ ᠪᠦᠯᠬᠦᠮᠲᠡᠯ ᠤᠨ ᠦᠯᠢᠭᠡᠷ | ᠲᠡᠦᠬᠡ ᠶᠢ ᠬᠠᠳᠠᠭᠠᠯᠠᠵᠤ᠂ ᠲᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠲᠡᠨ ᠤ ᠬᠠᠮᠳᠤ ᠴᠤᠭᠴᠠ ᠶᠢᠨ ᠤᠬᠠᠮᠰᠠᠷ ᠢ ᠪᠠᠳᠤᠭᠬᠠᠬᠤ | ᠳᠤ ᠮᠠᠰᠢ ᠰᠠᠶᠢᠨ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠵᠢᠷᠦᠭᠡ ᠪᠠᠯᠭᠠᠰᠤᠨ ᠤ ᠵᠢᠷᠦᠬᠡ ᠠᠭᠤᠯᠠ ᠤᠳᠤ | ᠬᠤᠪᠢᠰᠬᠠᠯᠳᠤ ᠬᠦᠮᠦᠵᠢᠯ ᠤᠨ ᠰᠠᠭᠤᠷᠢᠨ ᠭᠠᠵᠠᠷ ᠪᠤᠯᠵᠤ᠂ ᠪᠠᠶᠠᠨᠲᠠᠯᠠ ᠰᠤᠮᠤ ᠶᠢᠨ ᠹᠧᠩ ᠬᠤᠸᠠᠩ ᠱᠠᠨ ᠠᠭᠤᠯᠠ | ︵ᠭᠠᠷᠤᠳᠢ ᠶᠢᠨ ᠠᠭᠤᠯᠠ︶ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠲᠠᠶᠢᠨ ᠳᠤ ᠡᠷᠡᠯᠭᠡᠭᠯᠡᠨ ᠪᠠᠶᠢᠯᠳᠤᠭᠰᠠᠨ ᠰᠡᠴᠡᠨᠴᠤᠭᠳᠤ ᠵᠡᠷᠬᠡ | 18 ᠦᠷᠡᠭᠳᠡᠭᠰᠡᠨ ᠪᠠᠭᠠᠳᠤᠷᠴᠤᠳ ᠤᠨ ᠦᠯᠢᠭᠡᠷ ᠲᠡᠦᠭᠡ ᠶᠢ ᠬᠠᠶᠢᠯᠠᠵᠤ᠂ ᠯᠦᠪᠧᠢ ᠪᠠᠯᠭᠠᠰᠤᠨ ᠤ ᠫᠤᠤ ᠲᠠᠢ ᠱᠠᠨ | ᠠᠭᠤᠯᠠ ᠴᠢᠯᠦᠭᠡᠯᠡᠬᠦ ᠲᠠᠶᠢᠨ ᠳᠤ ᠦᠷᠡᠭᠳᠡᠭᠰᠡᠨ ᠪᠠᠭᠠᠳᠤᠷᠴᠤᠳ ᠤᠨ ᠬᠦᠰᠢᠶᠡ ᠶᠢ ᠡᠯᠢᠭᠡᠨ ᠳᠤ ᠪᠠᠨ ᠪᠦᠪᠠᠶᠢᠯᠠᠵᠤ | ᠪᠠᠶᠢᠳᠠᠭ ᠡ᠃ | ︽ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ︾ ᠨᠤᠮ ᠳᠤ ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ᠂ | ᠲᠠᠪᠠᠭᠠ ᠬᠦᠲᠦᠯ᠂ ᠲᠠᠯᠠ ᠵᠢᠯᠠᠭᠠ᠂ ᠮᠠᠩᠬᠠ ᠵᠤ ᠶᠢ ᠭᠠᠭᠴᠠ ᠬᠦ ᠪᠠᠶᠢᠷᠢᠰᠢᠯ ᠂ ᠦᠨᠳᠤᠷᠴᠡ᠂ ᠤᠨᠴᠠᠯᠢᠭ | ᠰᠢᠨᠵᠢ ᠵᠡᠷᠭᠡ ᠭᠠᠵᠠᠷ ᠵᠦᠢ ᠶᠢᠨ ᠲᠠᠯᠠ ᠠᠴᠠ ᠲᠡᠮᠳᠡᠭᠯᠡᠭᠡᠳ ᠯᠡ ᠵᠤᠭᠰᠤᠭᠰᠠᠨ ᠦᠭᠡᠢ ᠬᠠᠷᠢᠨ ᠲᠡᠭᠦᠨ ᠤ ᠲᠡᠦᠬᠡ | ᠢᠷᠡᠯᠲᠡ᠂ ᠦᠯᠢᠭᠡᠷ ᠲᠤᠮᠤᠭ᠂ ᠬᠠᠭᠤᠴᠢ ᠶᠠᠷᠢᠶᠡ ᠵᠡᠷᠭᠡ ᠶᠢ ᠴᠢᠲᠠᠬᠤ ᠶᠢᠨ ᠬᠢᠷᠢ ᠪᠠᠷ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠭᠰᠡᠨ | ᠨᠢ ᠲᠤᠰ ᠨᠤᠮ ᠤᠨ ᠤᠷᠠᠯᠢᠭ ᠰᠤᠨᠢᠷᠬᠠᠮᠵᠢ ᠶᠢᠨ ᠦᠨᠡ ᠦᠷᠲᠡᠭ ᠢ ᠲᠡᠭᠡᠭᠰᠢᠯᠡᠭᠦᠯᠵᠡᠢ᠃ ᠨᠤᠳᠤᠭ ᠤᠰᠤᠨ ᠤ | ᠨᠡᠷᠡᠶᠢᠳᠦᠯ ᠪᠤᠯ ᠨᠢᠭᠡ ᠲᠡᠦᠬᠡ ᠶᠤᠮ᠂ ᠦᠷᠡ ᠬᠤᠶᠢᠴᠢᠰ ᠲᠤ ᠪᠠᠨ ᠦᠪᠯᠡᠨ ᠤᠯᠠᠮᠵᠢᠯᠠᠬᠤ ᠤᠶᠤᠨ ᠤ ᠲᠦᠯᠬᠢᠭᠦᠷ | ᠶᠤᠮ᠃ ᠡᠨᠡ ᠲᠠᠯᠠ ᠠᠴᠠ ᠪᠤᠳᠤᠪᠠᠯ ᠲᠤᠰ ᠨᠤᠮ ᠲᠡᠦᠭᠡ ᠶᠢᠨ ᠦᠨᠡ ᠦᠷᠲᠡᠭ ᠲᠠᠢ ᠨᠠᠳᠠ ᠳᠤ ᠰᠠᠨᠠᠭᠳᠠᠵᠤ | ᠪᠠᠶᠢᠨᠠ᠃ ︽ᠨᠤᠮ ᠪᠤᠯ ᠱᠠᠳᠤ᠂ ᠨᠤᠮ ᠪᠤᠯ ᠲᠤᠯᠢ︾ ᠭᠡᠵᠤ ᠮᠡᠷᠭᠡᠳ ᠤᠨ ᠦᠬᠡᠨ ᠳᠤ ᠪᠠᠶᠢᠳᠠᠭ᠃ ︽ᠨᠤᠮ ᠢ | ᠬᠠᠳᠠᠭ ᠢᠶᠠᠷ ᠪᠠᠭᠯᠠᠵᠤ᠂ ᠬᠡᠦᠬᠡᠳ ᠢᠶᠠᠨ ᠲᠠᠪᠤᠤ ᠪᠠᠷ ᠪᠠᠭᠯᠠᠳᠠᠭ︾ ᠪᠢᠲᠡᠨ ᠳᠤ ᠪᠤᠯ ᠨᠤᠮ ᠪᠤᠯ ᠤᠯᠳᠠᠰᠢ ᠦᠭᠡᠢ | ᠡᠷᠳᠡᠨᠢ᠂ ᠦᠨᠡᠯᠡᠰᠢ ᠦᠭᠡᠢ ᠰᠤᠪᠤᠳ ᠪᠤᠯᠬᠤ ᠶᠤᠮ᠃ ᠡᠨᠡ ᠤᠳᠬᠠ ᠠᠴᠠ ᠦᠵᠡᠪᠡᠯ ᠲᠤᠰ ᠨᠤᠮ ᠪᠤᠯ ᠲᠤᠩ | ᠶᠡᠭᠡ ᠬᠠᠳᠠᠭᠠᠯᠠᠮᠵᠢ ᠶᠢᠨ ᠦᠨᠡ ᠦᠷᠲᠡᠭ ᠲᠠᠢ ᠰᠠᠨ᠃ | ᠲᠦᠷᠪᠡ | ᠰᠢ ᠶᠢᠨ ᠫᠢᠩ ᠶᠡᠷᠦᠩᠬᠡᠢ ᠱᠦᠵᠢ ᠄ ︽ ᠲᠡᠭᠡᠳᠦ ᠬᠡᠮᠵᠢᠶᠡᠨ ᠤ ᠰᠤᠶᠤᠯ ᠤᠨ ᠢᠲᠡᠭᠡᠯ ᠦᠭᠡᠢ ᠪᠤᠯ | ᠰᠤᠶᠤᠯ ᠤᠨ ᠴᠡᠴᠡᠭᠯᠡᠯ ᠬᠦᠭᠵᠢᠯ ᠪᠠᠶᠢᠬᠤ ᠦᠭᠡᠢ᠂ ᠲᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠲᠡᠨ ᠤ ᠠᠭᠤᠤ ᠶᠡᠭᠡ ᠰᠡᠷᠭᠦᠨ | ᠮᠠᠨᠳᠤᠯᠲᠠ ᠪᠠᠶᠢᠬᠤ ᠦᠭᠡᠢ︾ ᠭᠡᠵᠤ ᠵᠢᠭᠠᠪᠤᠷᠢᠯᠠᠭᠰᠠᠨ ᠶᠤᠮ᠃ ᠡᠭᠦᠨ ᠲᠠᠢ ᠠᠳᠠᠯᠢ ᠪᠠᠷ ᠨᠤᠳᠤᠭ ᠤᠰᠤᠨ ᠤ | ᠰᠤᠶᠤᠯ ᠤᠨ ᠲᠤᠬᠠᠢ ᠲᠡᠭᠡᠳᠦ ᠬᠡᠮᠵᠢᠶᠡᠨ ᠤ ᠢᠲᠡᠭᠡᠯ ᠪᠠ ᠤᠬᠠᠮᠰᠠᠷ ᠪᠠᠶᠢᠬᠤ ᠦᠭᠡᠢ ᠪᠤᠯ ᠬᠦᠲᠡᠭᠡ ᠲᠤᠰᠬᠤᠨ ᠤ | ᠬᠦᠭᠵᠢᠯ ᠮᠠᠨᠳᠤᠯ ᠪᠠᠶᠢᠵᠤ ᠴᠢᠲᠠᠬᠤ ᠦᠭᠡᠢ᠂ ᠬᠦᠲᠡᠭᠡ ᠲᠤᠰᠬᠤᠨ ᠢ ᠪᠦᠬᠦ ᠲᠠᠯᠠ ᠪᠠᠷ ᠬᠦᠭᠵᠢᠭᠦᠯᠦᠨ | ᠮᠠᠨᠳᠤᠭᠤᠯᠬᠤ ᠬᠠᠷᠠᠯᠲᠠ ᠶᠢ ᠦᠨᠡᠨ ᠬᠦ ᠪᠡᠶᠡᠯᠡᠬᠦᠯᠬᠦ ᠳᠤ ᠪᠡᠷᠬᠡ ᠶᠤᠮ᠃ ᠬᠦᠲᠡᠭᠡ ᠲᠤᠰᠬᠤᠨ ᠤ ᠰᠤᠶᠤᠯ ᠦᠨᠢ | ᠤᠳᠠᠭᠠᠨ ᠦᠦᠬᠡ ᠲᠡᠦᠭᠡ ᠲᠠᠢ᠂ ᠠᠷᠠᠳ ᠤᠨ ᠲᠤᠮᠤᠭ ᠶᠠᠷᠢᠶᠡ᠂ ᠲᠤᠰᠬᠤᠨ ᠤ ᠲᠦᠷᠢᠮ ᠠᠷᠠᠳ ᠤᠨ ᠭᠡᠷᠡ᠂ | ᠤᠯᠠᠮᠵᠢᠯᠠᠯᠳᠤ ᠰᠢᠯᠢᠲᠡᠭ ᠵᠠᠩ ᠲᠠᠳᠬᠠᠯ᠂ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠠᠵᠢᠯᠯᠠᠭᠠ᠂ ᠠᠭᠤᠯᠠ ᠤᠰᠤᠨ ᠤ ᠨᠡᠷᠡᠶᠢᠳᠳᠦᠯ | ᠂ ᠭᠠᠷ ᠤᠷᠠᠯᠠᠯ ᠁ ᠵᠡᠷᠭᠡ ᠨᠢ ᠬᠦᠲᠡᠭᠡ ᠲᠤᠰᠬᠤᠨ ᠤ ᠰᠤᠶᠤᠯ ᠤᠨ ᠪᠠᠶᠠᠯᠢᠭ ᠠᠭᠤᠯᠬᠤᠨ ᠢ ᠪᠤᠢ | ᠪᠤᠯᠭᠠᠭᠰᠠᠨ ᠶᠤᠮ᠃ ᠬᠦᠲᠡᠭᠡ ᠲᠤᠰᠬᠤᠨ ᠢ ᠬᠦᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠶᠢ ᠪᠦᠬᠦ ᠲᠠᠯᠠ ᠪᠠᠷ ᠠᠬᠢᠭᠤᠯᠬᠤ | ᠶᠠᠪᠤᠴᠠ ᠳᠤ᠂ ᠬᠦᠲᠡᠭᠡ ᠲᠤᠰᠬᠤᠨ ᠤ ᠰᠤᠶᠤᠯ ᠢ ᠤᠯᠠᠮᠵᠢᠯᠠᠨ ᠬᠦᠭᠵᠢᠬᠦᠯᠵᠤ᠂ ᠦᠨᠢ ᠤᠳᠠᠭᠠᠨ ᠬᠦᠲᠡᠭᠡ | ᠲᠤᠰᠬᠤᠨ ᠤ ᠰᠤᠶᠤᠯ ᠢ ᠰᠢᠨᠠ ᠴᠠᠭ ᠦᠶᠡ ᠳᠤ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠲᠠᠳᠠᠬᠤ ᠬᠦᠴᠦᠨ ᠪᠠ ᠴᠤᠭ ᠵᠢᠪᠬᠤᠭᠠ | ᠲᠠᠢ ᠪᠤᠯᠭᠠᠵᠤ᠂ ᠬᠦᠲᠡᠭᠡ ᠲᠤᠰᠬᠤᠨ ᠢ ᠪᠦᠬᠦ ᠲᠠᠯᠠ ᠪᠠᠷ ᠬᠦᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠳᠤ ᠡᠯᠪᠡᠭ ᠪᠠᠶᠠᠯᠢᠭ | ᠰᠤᠶᠤᠯ ᠤᠨ ᠰᠢᠮᠠ ᠲᠡᠵᠢᠭᠡᠯ ᠬᠠᠩᠭᠠᠬᠤ ᠬᠡᠷᠡᠭᠲᠡᠢ᠃ ︽ᠨᠢᠭᠡ ᠭᠠᠵᠠᠷ ᠤᠨ ᠪᠦᠷᠢᠨ ᠲᠡᠦᠬᠡ︾ ︽ᠨᠢᠭᠡ ᠭᠠᠵᠠᠷ | ᠤᠨ ᠨᠡᠪᠲᠡᠷᠭᠡᠢ ᠲᠤᠯᠢ︾ ᠪᠤᠯᠤᠭᠰᠠᠨ ᠨᠤᠳᠤᠭ ᠤᠰᠤᠨ ᠤ ᠨᠡᠷᠡᠶᠢᠳᠦᠯ ᠨᠢ ᠬᠦᠲᠡᠭᠡ ᠲᠤᠰᠬᠤᠨ ᠤ ᠰᠤᠶᠤᠯ ᠢ | ᠲᠡᠮᠳᠡᠭᠯᠡᠬᠦ᠂ ᠰᠤᠶᠤᠯ ᠤᠨ ᠦᠨᠳᠤᠰᠤ ᠰᠤᠷᠪᠤᠯᠵᠢ ᠶᠢ ᠦᠯᠡᠳᠡᠭᠡᠬᠦ᠂ ᠲᠡᠦᠬᠡ ᠶᠢᠨ ᠪᠤᠯᠪᠠᠰᠤᠨ ᠢ ᠤᠯᠠᠮᠵᠢᠯᠠᠬᠤ | ᠵᠡᠷᠭᠡ ᠲᠠᠯᠠ ᠪᠠᠷ ᠪᠤᠰᠤᠳ ᠨᠤᠮ ᠪᠢᠴᠢᠭ ᠢᠶᠠᠷ ᠤᠷᠤᠯᠠᠭᠤᠯᠵᠤ ᠲᠡᠶᠢᠯᠬᠦ ᠦᠭᠡᠢ ᠴᠢᠬᠤᠯᠠ ᠦᠢᠯᠡᠳᠦᠯ ᠲᠠᠢ ᠶᠤᠮ᠃ | | ᠠᠭᠤᠯᠠ ᠤᠰᠤᠨ ᠤ ᠨᠠᠷᠠ᠂ ᠨᠤᠳᠤᠭ ᠤᠰᠤᠨ ᠤ ᠲᠡᠦᠬᠡ ᠵᠡᠷᠭᠡ ᠨᠤᠮ ᠪᠢᠴᠢᠭ ᠨᠢ ᠨᠤᠳᠤᠭ ᠤᠰᠤᠨ ᠤ | ᠠᠭᠤᠷ ᠠᠮᠢᠰᠬᠤᠯ ᠢᠶᠠᠷ ᠵᠤᠵᠠᠭᠠᠨ᠂ ᠰᠤᠶᠤᠯ ᠤᠨ ᠠᠭᠤᠯᠬᠤᠨ ᠢᠶᠠᠷ ᠭᠦᠨ᠂ ᠠᠭᠤᠯᠭᠠ ᠨᠢ ᠪᠦᠬᠦ ᠲᠠᠯᠠ ᠶᠢ | ᠬᠠᠮᠤᠷᠴᠤ ᠨᠠᠷᠢᠨ ᠪᠤᠳᠠᠳᠠᠢ ᠪᠤᠯᠬᠤᠷ᠂ ᠬᠦᠲᠡᠭᠡ ᠲᠤᠰᠬᠤᠨ ᠤ ᠵᠠᠰᠠᠯᠲᠠ ᠶᠢᠨ ᠰᠢᠰᠲ᠋ᠧᠮ ᠢ ᠲᠡᠭᠦᠯᠲᠡᠷᠵᠢᠭᠦᠯᠬᠦ᠂ | ᠬᠦᠲᠡᠭᠡ ᠲᠤᠰᠬᠤᠨ ᠤ ᠵᠠᠰᠠᠯᠲᠠ ᠶᠢᠨ ᠴᠢᠲᠠᠪᠤᠷᠢ ᠶᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠳᠤ ᠤᠨᠤᠪᠴᠢᠲᠠᠢ ᠮᠠᠲ᠋ᠧᠷᠢᠶᠠᠯ ᠮᠡᠳᠡᠭᠡ | ᠵᠠᠩᠭᠢ ᠪᠤᠯᠤᠨ ᠠᠰᠢᠭᠲᠠᠢ ᠲᠡᠦᠭᠡ ᠶᠢᠨ ᠲᠤᠯᠢᠯᠠᠯ ᠬᠠᠩᠭᠠᠵᠤ ᠪᠤᠯᠤᠨᠠ᠃ ᠪᠢᠲᠡ ᠨᠤᠳᠤᠭ ᠤᠰᠤᠨ ᠤ ᠲᠡᠦᠬᠡ | ᠴᠠᠳᠢᠭ ᠢ ᠡᠮᠬᠢᠳᠬᠡᠨ ᠨᠠᠶᠢᠷᠠᠭᠤᠯᠬᠤ ᠳᠤ ᠪᠠᠨ ᠰᠢ ᠶᠢᠨ ᠫᠢᠩ ᠶᠡᠷᠦᠩᠭᠡᠢ ᠱᠦᠵᠢ ᠶᠢᠨ ᠲᠡᠦᠭᠡ ᠦᠢᠯᠠᠯᠭᠠ ᠶᠢᠨ | ᠠᠵᠢᠯ ᠤᠨ ᠲᠤᠬᠠᠢ ᠴᠢᠬᠤᠯᠡ ᠵᠢᠭᠠᠪᠤᠷᠢ ᠶᠢ ᠬᠢᠨᠠᠮᠠᠭᠠᠢ ᠲᠤᠭᠤᠰᠢᠯᠠᠭᠤᠯᠤᠨ ᠨᠠᠶᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠲᠡᠦᠬᠡ | ᠦᠢᠯᠠᠯᠭᠠ ᠶᠢᠨ ᠨᠤᠮ ᠪᠢᠴᠢᠭ ᠲᠤ ᠬᠠᠳᠠᠭᠠᠯᠠᠭᠲᠠᠵᠤ ᠪᠠᠶᠢᠭᠠ ᠯᠤᠳᠤ ᠶᠡᠭᠡ ᠡᠬᠢ ᠪᠠᠶᠠᠯᠢᠭ ᠤᠨ ᠲᠠᠪᠠᠭᠤᠯᠢᠭ ᠢ | ᠬᠦᠢᠴᠡᠳ ᠪᠠᠳᠠᠷᠠᠭᠤᠯᠵᠤ᠂ ᠲᠡᠭᠦᠨ ᠤ ᠲᠤᠳᠤᠷᠠᠬᠢ ᠡᠷᠬᠢᠮ ᠨᠠᠨᠳᠢᠨ ᠲᠡᠦᠬᠡ ᠶᠢᠨ ᠤᠶᠤᠨ ᠤᠬᠠᠭᠠᠨ ᠢ ᠬᠦᠨᠵᠡᠬᠡᠢ | ᠠᠭᠤᠳᠠᠯᠵᠤ᠂ ᠲᠡᠦᠬᠡ ᠶᠢᠨ ᠲᠤᠷᠰᠢᠯᠭᠠ ᠪᠤᠯᠤᠨ ᠤᠶᠤᠨ ᠤᠬᠠᠭᠠᠨ ᠪᠠᠷ ᠬᠦᠲᠡᠭᠡ ᠲᠤᠰᠬᠤᠨ ᠤ ᠵᠠᠰᠠᠯᠲᠠ ᠶᠢᠨ | ᠲᠦᠷᠢᠮ ᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠡᠭᠦᠯᠲᠡᠷᠵᠢᠭᠦᠯᠵᠤ᠂ ᠬᠠᠮᠲᠤ ᠪᠠᠷ ᠪᠠᠶᠢᠭᠤᠯᠬᠤ᠂ ᠬᠠᠮᠲᠤ ᠪᠠᠷ ᠵᠠᠰᠠᠬᠤ᠂ | ᠬᠠᠮᠲᠤ ᠪᠠᠷ ᠡᠳ᠋ᠯᠡᠬᠦ ᠬᠦᠲᠡᠭᠡ ᠲᠤᠰᠬᠤᠨ ᠤ ᠵᠠᠰᠠᠯᠲᠠ ᠵᠢᠨᠰᠢᠰᠲ᠋ᠧᠮ ᠢ ᠪᠦᠷᠢᠨᠰᠢᠭᠦᠯᠵᠤ᠂ ᠬᠦᠲᠡᠭᠡ ᠲᠤᠰᠬᠤᠨ ᠤ | ᠪᠦᠬᠦ ᠲᠠᠯᠠ ᠶᠢᠨ ᠬᠦᠭᠵᠢᠯ ᠮᠠᠨᠳᠤᠯ ᠢ ᠠᠬᠢᠭᠤᠯᠬᠤ ᠬᠡᠷᠡᠭᠲᠡᠢ᠃ | ᠪᠤᠶᠠᠨᠮᠦ᠋ᠩᠭᠡ ᠬᠢᠭᠡᠳ ᠲᠡᠭᠦᠨ ᠤ ︽ ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ ︾ ᠪᠤᠯ ᠨᠢᠭᠡ ᠢᠵᠢ | ᠴᠢᠨᠠᠷ ᠰᠠᠶᠢᠲᠠᠢ ᠨᠤᠮ ᠪᠤᠯᠬᠤ ᠶᠢ ᠲᠦᠩᠯᠢᠶᠤᠤ ᠬᠤᠲᠠ ᠶᠢᠨ ᠨᠠᠮ ᠤᠨ ᠲᠡᠦᠬᠡ ᠤᠷᠤᠨ ᠨᠤᠳᠤᠭ ᠤᠨ ᠦᠢᠯᠠᠯᠭᠠ | ᠰᠤᠳᠤᠯᠬᠤ ᠭᠡᠷ ᠠᠴᠠ 2020—2023 ᠤᠨ ᠤ ᠲᠦᠩᠯᠢᠶᠤᠤ ᠬᠤᠲᠠ ᠶᠢᠨ ᠨᠠᠮ ᠤᠨ ᠲᠡᠦᠬᠡ ᠬᠢᠭᠡᠳ ᠤᠷᠤᠨ | ᠨᠤᠳᠤᠭ ᠤᠨ ᠦᠢᠯᠠᠯᠭᠠ ᠶᠢᠨ ᠰᠢᠯᠢᠳᠡᠭ ᠪᠦᠳᠦᠮᠵᠢ ᠶᠢᠨ ᠰᠢᠯᠭᠠᠷᠠᠭᠤᠯᠤᠯᠲᠠ ᠳᠤ ᠰᠢᠯᠢᠲᠡᠭ ᠪᠦᠲᠦᠭᠡᠯ ᠤᠨ ᠱᠠᠩᠨᠠᠯ | ᠤᠯᠭᠤᠭᠰᠠᠨ ᠨᠢ ᠲᠡᠭᠦᠨ ᠤ ᠭᠡᠷᠡᠴᠢ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ ᠰᠢᠨᠠ ᠮᠡᠳᠡᠭᠡ ᠵᠠᠭᠤᠴᠢᠯᠠᠭᠤᠷ ᠪᠤᠯᠤᠨ ᠡᠯᠧᠷᠲ᠋ᠤᠷᠦᠨ | ᠨᠤᠮ ᠤᠨ ᠰᠢᠬᠠᠯᠲᠠ ᠲᠤᠤᠷᠠ ᠴᠠᠭᠠᠰᠤᠨ ᠬᠡᠪᠯᠡᠯ ᠤᠨ ᠨᠤᠮ ᠤᠨ ᠲᠠᠷᠬᠠᠭᠠᠯᠲᠠ ᠬᠠᠰᠤᠭᠳᠠᠵᠤ ᠪᠠᠶᠢᠭᠠ ᠪᠠᠶᠢᠲᠠᠯ | ᠲᠤᠤᠷᠠ ᠬᠡᠳᠦᠨ ᠮᠢᠩᠭᠠᠨ ᠲᠡᠪᠲᠡᠷ ᠬᠡᠪᠯᠡᠭᠰᠡᠨ ᠡᠨᠡ ᠬᠦ ᠨᠤᠮ ᠬᠦᠮᠦᠰ ᠤᠨ ᠠᠰᠠᠭᠤᠨ ᠰᠤᠷᠠᠭᠯᠠᠨ ᠪᠤᠯᠢᠶᠠᠯᠳᠤᠨ | ᠦᠵᠡᠬᠦ ᠨᠤᠮ ᠪᠤᠯᠵᠤ ᠪᠠᠶᠢᠭᠠ ᠨᠢ ᠲᠣᠰ ᠨᠤᠮ ᠤᠨ ᠦᠨᠡ ᠴᠡᠨᠠ ᠶᠢ ᠪᠠᠰᠠ ᠨᠢᠭᠡ ᠤᠳᠬᠠ ᠠᠴᠠ ᠬᠠᠷᠠᠭᠤᠯᠵᠤ | ᠪᠠᠶᠢᠭᠠ ᠶᠤᠮ᠃ ᠬᠦᠯᠦᠰᠦ ᠴᠢᠰᠦ ᠪᠠᠷ ᠤᠮᠳᠠᠯᠠᠨ ᠠᠷᠠᠴᠢᠯᠠᠭᠰᠠᠨ ᠴᠠᠩᠬᠤᠢ ᠴᠡᠴᠡᠭ ᠢᠶᠠᠨ ᠬᠦᠮᠦᠰ ᠦᠵᠡᠭᠡᠳ | ᠪᠠᠶᠠᠰᠬᠤ ᠰᠢᠭ᠋ ᠬᠡᠳᠦᠶᠢᠴᠢᠨᠡᠬᠡᠨ ᠵᠢᠯ ᠤᠨ ᠬᠦᠴᠦ ᠬᠦᠲᠡᠯᠮᠤᠷᠢ ᠪᠠᠷ ᠢᠶᠠᠨ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ ︽ᠵᠠᠷᠤᠳ | ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ︾ ᠨᠢ ᠵᠤᠬᠢᠶᠠᠭᠴᠢ ᠪᠤᠶᠠᠨᠮᠦ᠋ᠩᠭᠡ ᠵᠢᠴᠢ ᠤᠩᠰᠢᠭᠴᠢ ᠪᠢᠲᠡᠨ ᠳᠤ ᠬᠢᠵᠠᠭᠠᠷ ᠦᠭᠡᠢ | ᠪᠠᠶᠠᠷ ᠪᠠᠭ᠋ᠠᠳᠤᠯ ᠠᠪᠴᠢᠷᠠᠵᠤ ᠦᠭᠭᠦ ᠶᠢ ᠪᠢ ᠢᠲᠡᠭᠡᠵᠤ ᠪᠠᠶᠢᠨᠠ᠃ | |