ᠬᠠᠰᠢᠨ ᠬᠤᠩᠭᠢᠯ ᠢᠶᠠᠷ ᠠᠶᠠᠯᠠᠭᠰᠠᠨ ᠲᠡᠮᠲᠡᠭᠯᠡᠯ | ᠵᠢᠭᠳᠡᠨᠸᠠᠩᠵᠢᠯ ᠵᠤᠬᠢᠶᠠᠪᠠ | ᠬᠠᠰᠢᠨ ᠬᠤᠩᠭᠢᠯ ᠤᠨ ᠵᠡᠭᠦᠨ ᠠᠮᠠᠨ ᠳᠡᠭᠡᠷᠡ | 2023 ᠤᠨ ᠤ 6 ᠳ᠋ᠤᠭᠠᠷ ᠰᠠᠷᠠ ᠶᠢᠨ3 ᠤ ᠡᠳᠦᠷ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠷᠠᠳᠢᠤ᠋ ᠲᠧᠯᠸᠢᠰ ᠬᠤᠷᠢᠶᠠᠨ ᠤ | ᠤᠷᠴᠢᠭᠤᠯᠤᠨ ᠦᠢᠯᠡᠳᠬᠦ ᠲᠦᠪ ᠤᠨ ︽ᠳᠤᠮᠳᠠᠳᠤ ᠶᠢᠨ ᠰᠤᠶᠤᠯ ᠲᠡᠤᠬᠡ︾ ᠳᠡᠯᠭᠡᠴᠡ ᠶᠢᠨ ᠰᠡᠭᠦᠳᠡᠷᠯᠡᠨ | ᠮᠡᠳᠡᠭᠡᠯᠡᠬᠦ ᠪᠠᠭ ᠤᠨ ᠬᠢᠨ ᠬᠦᠬᠡᠬᠤᠳᠠ ᠠᠴᠠ ᠮᠣᠷᠳᠠᠵᠤ ᠬᠠᠰᠢᠨ ᠬᠤᠩᠭᠢᠯ ︵ ᠾᠧᠰᠢ ᠶᠢᠨ ᠬᠤᠩᠭᠢᠯ︶ ᠢ | ᠵᠤᠷᠢᠨ ᠠᠶᠠᠯᠠᠯ ᠢᠶᠠᠨ ᠡᠬᠢᠯᠡᠭᠦᠯᠪᠡ᠃ ᠳᠡᠯᠭᠡᠴᠡ ᠶᠢᠨ ᠬᠦᠲᠦᠯᠦᠭᠴᠢ ᠤᠳᠬᠤᠨᠰᠤᠳᠤ ᠬᠠᠰᠢᠨ ᠬᠤᠩᠭᠢᠯ ᠳᠤ | ᠤᠴᠢᠭᠰᠠᠨ ᠤ ᠬᠤᠶᠢᠨᠠ᠂ ᠲᠡᠤᠬᠡ ᠰᠤᠶᠤᠯ ᠰᠤᠳᠤᠯᠤᠭᠴᠢ ᠪᠦᠬᠡᠪᠠᠭᠠᠲᠤᠷ ᠭᠤᠸᠠᠢ ᠶᠢ ᠲᠤᠬᠠᠢ ᠶᠢᠨ ᠤᠷᠤᠨ ᠤ | ᠲᠡᠤᠬᠡ ᠰᠤᠶᠤᠯ ᠤᠨ ᠪᠤᠲᠠᠲᠤ ᠤᠴᠢᠷ ᠤᠨ ᠡᠭᠦᠰᠦᠭᠰᠡᠨ ᠭᠠᠵᠠᠷ ᠪᠤᠶᠤ ᠮᠦᠽᠸᠢ ᠳᠤ ᠣᠴᠢᠭᠤᠯᠵᠤ᠂ ᠲᠧᠯᠸᠢᠰ | ᠬᠤᠷᠢᠶᠠᠨ ᠤ ᠰᠢᠩᠭᠡᠭᠡᠯᠲᠡ ᠶᠢᠨ ᠦᠷᠭᠦᠭᠡᠨ ᠳᠤ ᠬᠢ ᠬᠠᠰᠢᠨ ᠬᠤᠩᠭᠢᠯ ᠤᠨ ᠳᠤᠰᠬᠠᠢ ᠰᠡᠲᠦᠪᠲᠦ ᠲᠠᠶᠢᠯᠤᠮᠵᠢ | ᠳᠤ ᠪᠠᠨ ᠨᠦᠬᠦᠪᠦᠷᠢᠯᠡᠭᠦᠯᠵᠤ᠂ ᠲᠠᠶᠢᠯᠤᠮᠵᠢ ᠶᠢᠨ ᠬᠠᠷᠠᠭᠠᠨ ᠰᠡᠷᠡᠯ ᠤᠨ ᠲᠠᠯᠠ ᠶᠢᠨ ᠰᠤᠨᠢᠷᠬᠠᠯ ᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠶᠢ | ᠪᠤᠳᠤᠯᠬᠢᠯᠠᠨ ᠡᠶᠢᠨ ᠬᠦ ᠲᠤᠭᠲᠠᠭᠰᠠᠨ ᠶᠤᠮ᠃ ᠰᠡᠭᠦᠳᠡᠷᠯᠡᠭᠴᠢ᠂ ᠨᠠᠶᠢᠷᠠᠭᠤᠯᠤᠭᠴᠢ᠂ ᠲᠠᠶᠢᠯᠤᠮᠵᠢᠯᠠᠭᠴᠢ᠂ | ᠲᠦᠰᠦᠪᠯᠡᠭᠴᠢ ᠵᠡᠷᠭᠡ ᠲᠤᠰ ᠲᠤᠰ ᠤᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠵᠢᠷᠭᠤᠭᠠᠨ ᠬᠦᠮᠦᠨ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ | ᠰᠡᠭᠦᠳᠡᠷᠯᠡᠬᠦ ᠪᠠᠭ ᠤᠨ ᠬᠢᠨ ᠡᠨᠡ ᠤᠳᠠᠭᠠ ᠤᠴᠢᠬᠤ ᠭᠠᠵᠠᠷ ᠠᠷᠪᠢᠨ ᠢᠶᠠᠨ ᠪᠤᠳᠤᠯᠬᠢᠯᠠᠨ᠂ ᠪᠠᠶᠢᠭᠤᠯᠭᠠ ᠠᠴᠠ ᠪᠠᠨ | ᠳᠤᠰᠬᠠᠢ ᠲᠡᠷᠭᠡ ᠠᠪᠤᠭᠰᠠᠨ ᠨᠢ ᠠᠵᠢᠯ ᠶᠠᠪᠤᠳᠠᠯ ᠳᠤ ᠮᠠᠰᠢ ᠳᠦᠭᠦᠮ ᠪᠤᠯᠵᠠᠢ᠃ ᠲᠡᠷᠭᠡ ᠮᠠᠰᠢᠨ ᠤ | ᠰᠠᠶᠢᠨ ᠢᠶᠠᠷ᠂ ᠵᠠᠮ ᠵᠠᠭᠤᠷᠠ ᠪᠢᠳᠠᠨ ᠬᠠᠲᠤᠨ ᠭᠤᠣᠯ ᠤᠨ ᠪᠠᠶᠠᠠᠮᠦ᠋ᠷᠡᠨ ︵登口︶ ᠤ ᠬᠠᠭᠤᠴᠢᠨ ᠤᠯᠤᠮ | ᠳᠡᠭᠡᠷᠡ ᠴᠢᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠳᠠᠪᠤᠰᠤᠨ ᠤ ᠦᠢᠯᠡᠰ ᠤᠨ ᠦᠷᠲᠡᠭᠡᠨ ᠤ ᠬᠠᠭᠤᠴᠢᠨ ᠪᠠᠭᠤᠷᠢ ᠳᠡᠭᠡᠷᠡ | ᠬᠦᠷᠪᠡ᠃ ᠡᠨᠡ ᠦᠷᠲᠡᠭᠡ ᠶᠢ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ ᠬᠤᠶᠢᠨᠠ ᠰᠢᠨᠡ ᠳ᠋ᠧᠩᠺᠸᠦ ᠦᠷᠲᠡᠭᠡ ᠲᠠᠢ ᠨᠢᠭᠡᠳᠭᠡᠵᠠᠢ᠃ | ᠲᠠᠨᠢᠯᠴᠠᠭᠤᠯᠭᠠ ᠶᠢ ᠨᠢ ᠦᠵᠡᠪᠡᠯ᠂ ᠳᠠᠪᠤᠰᠤᠨ ᠤ ᠠᠴᠢᠶᠠ ᠲᠡᠭᠡᠭᠡᠪᠦᠷᠢ ᠬᠠᠮᠤᠭ ᠬᠦᠭᠵᠢᠯ ᠲᠠᠢ ᠪᠠᠶᠢᠭᠰᠠᠨ ᠦᠶᠡ | ᠳᠤ᠂ ᠠᠳᠡ ᠡᠳᠦᠷ ᠲᠤ1600 ᠭᠠᠷᠤᠢ ᠲᠡᠮᠡᠭᠡᠨ ᠠᠴᠢᠶᠠ ᠳᠠᠪᠤᠰᠤ ᠠᠴᠠ ᠭᠠᠶᠢᠯᠢ ᠲᠠᠳᠠᠪᠤᠷᠢ ᠠᠪᠳᠠᠭ ᠠᠵᠢ᠃ | ᠪᠠᠶᠠᠠᠮᠦ᠋ᠷᠡᠨ ᠤ ᠬᠠᠭᠤᠴᠢᠨ ᠤᠯᠤᠮ ᠪᠠᠶᠢᠭᠠ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠪᠠᠶᠠᠠᠮᠦ᠋ᠷᠡᠨ ᠰᠤᠮᠤ ᠤᠯᠠᠭᠠᠠᠪᠤᠬᠠ ᠶᠢᠨ | ᠡᠯᠡᠰᠦᠨ ᠤ ᠵᠡᠭᠦᠨ ᠬᠦᠪᠡᠭᠡᠨ ᠳᠤ ᠪᠠᠶᠢᠷᠢᠯᠠᠵᠤ᠂ ᠬᠠᠲᠤᠨ ᠭᠤᠣᠯ ᠤᠨ ᠤᠰᠤ ᠪᠠᠷ ᠤᠮᠳᠠᠯᠠᠭᠳᠠᠭᠰᠠᠭᠠᠷ ᠪᠠᠶᠢᠭᠠᠳ | ᠬᠦᠷᠦᠰᠦ ᠰᠢᠷᠤᠢ ᠰᠠᠶᠢᠨᠲᠠᠢ ᠭᠠᠵᠠᠷ ᠪᠣᠯᠵᠠᠢ᠃ ᠠᠳᠡ ᠲᠡᠤᠬᠡᠨ ᠠᠴᠠ ᠪᠠᠨ ᠴᠡᠷᠢᠭ ᠳᠠᠶᠢᠨ ᠤ ᠴᠢᠬᠤᠯᠠ ᠪᠤᠭᠤᠮᠳᠠ | ᠭᠠᠵᠠᠷ ᠪᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠮᠦᠷᠲᠡᠭᠡᠨ᠂ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠬᠤᠭᠤᠷᠤᠨᠳᠤ ᠪᠠᠨ ᠠᠭᠤᠰᠤᠯᠴᠠᠨ ᠠᠵᠤ | ᠲᠦᠷᠦᠭᠰᠡᠭᠡᠷ ᠢᠷᠡᠭᠰᠡᠨ ᠭᠠᠵᠠᠷ ᠪᠠᠶᠢᠵᠤ᠂ ᠤᠳᠤ ᠴᠤ ᠭᠡᠰᠡᠨ ᠠᠳᠡ ᠬᠢᠲᠡᠳ ᠦᠨᠳᠦᠰᠦᠲᠡᠨ᠂ ᠬᠤᠳᠤᠩ | ᠦᠨᠳᠦᠰᠦᠲᠡᠨ ᠪᠠᠰᠠ ᠨᠢᠭᠡ ᠪᠦᠯᠦᠭ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠠᠵᠤ ᠲᠦᠷᠦᠭᠰᠡᠭᠡᠷ ᠪᠠᠶᠢᠬᠤ ᠨᠢ ᠡᠭᠦᠨ ᠢ | ᠭᠡᠷᠡᠴᠢᠯᠡᠨᠡ᠃ ᠡᠨᠡ ᠣᠷᠴᠢᠮ ᠢᠶᠠᠷ ᠬᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠡᠷᠲᠡᠨ ᠤ ᠪᠠᠭᠤᠷᠢ ᠤᠳᠠᠭᠠ ᠳᠠᠷᠠᠭᠠᠯᠠᠨ | ᠢᠯᠡᠷᠡᠭᠡᠳ ᠪᠠᠶᠢᠭᠰᠠᠨ ᠨᠢ᠂ ᠡᠨᠡ ᠭᠠᠵᠠᠷ ᠡᠷᠲᠡᠨ ᠠᠴᠠ ᠢᠨᠠᠭᠰᠢ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠪᠤᠯᠤᠨ ᠴᠡᠷᠢᠭ | ᠳᠠᠶᠢᠨ ᠤ ᠴᠢᠬᠤᠯᠠ ᠪᠤᠭᠤᠮᠲᠠ᠂ ᠤᠯᠠᠭᠠ ᠦᠷᠲᠡᠭᠡ ᠪᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠲᠡᠤᠬᠡ ᠲᠠᠢ ᠪᠠᠶᠢᠭᠰᠠᠨ ᠢ | ᠭᠡᠷᠡᠴᠢᠯᠡᠵᠤ᠂ ᠡᠨᠡ ᠨᠢ ᠲᠡᠤᠬᠡᠨ ᠳᠡᠭᠡᠷᠡ ᠤᠮᠠᠷᠠᠲᠤ ᠶᠢᠨ ︽ᠲᠤᠷᠭᠠᠨ ᠤ ᠵᠠᠮ︾ ᠤᠨ ᠴᠢᠬᠤᠯᠠ ᠪᠤᠭᠤᠮᠲᠠ ᠶᠢᠨ | ᠭᠠᠵᠠᠷ ᠪᠠᠶᠢᠭᠰᠠᠨ ᠭᠡᠳᠡᠭ ᠢ ᠬᠦᠦᠷᠨᠢᠨ ᠪᠠᠶᠢᠨᠠ᠃ ᠪᠠᠶᠠᠠᠮᠦ᠋ᠷᠡᠨ ᠤ ᠬᠠᠭᠤᠴᠢᠨ ᠤᠯᠤᠮ ᠢᠶᠠᠷ ᠵᠢᠷᠠᠠᠲᠠᠢ ᠨᠠᠭᠤᠷ ᠤᠨ | ᠳᠠᠪᠤᠰᠤ ᠶᠢ ᠭᠠᠳᠠᠭᠰᠢ ᠪᠠᠨ ᠵᠦᠭᠡᠭᠡᠪᠦᠷᠢᠯᠡᠵᠤ ᠪᠠᠶᠢᠭᠰᠠᠨ ᠲᠡᠤᠬᠡ ᠬᠠᠨ ᠤᠯᠤᠰ ᠤᠨ ᠦᠶᠡ ᠠᠴᠠ ᠡᠬᠢᠯᠡᠨ᠂ ᠲᠠᠩ | ᠤᠯᠤᠰ ᠤᠨ ᠦᠶᠡ ᠳᠤ ᠴᠡᠴᠡᠭᠯᠡᠨ ᠬᠦᠭᠵᠢᠭᠡᠳ᠂ ᠴᠢᠩ ᠤᠯᠤᠰ ᠤᠨ ᠰᠡᠭᠦᠯᠴᠢ ᠢᠷᠭᠡᠨ ᠤᠯᠤᠰ ᠤᠨ ᠡᠬᠢᠨ ᠤ | ᠦᠶᠡ ᠪᠤᠯᠲᠠᠯᠠ ᠦᠷᠭᠦᠯᠵᠢᠯᠡᠭᠡᠳ᠂ ᠵᠢᠯ ᠪᠣᠯᠭᠠᠨ ᠪᠠᠷᠤᠭ ᠲᠦᠮᠡᠨ ᠲᠡᠮᠡᠭᠡᠨ ᠠᠴᠢᠶᠠ 140 ᠭᠠᠷᠤᠢ ᠺᠢᠯᠤᠮᠧᠲᠷ | ᠤᠷᠲᠤ ᠳᠠᠪᠤᠰᠤᠨ ᠵᠠᠮ ᠢᠶᠠᠷ ᠴᠤᠪᠤᠷᠠᠯᠳᠤᠵᠤ᠂ ︽ᠲᠡᠮᠡᠭᠡ ᠪᠠᠷ ᠳᠠᠪᠤᠰᠤ ᠲᠡᠭᠡᠭᠡᠵᠤ ᠪᠠᠶᠢᠭᠰᠠᠨ ᠡᠷᠲᠡᠨ ᠤ ᠯᠤᠤᠭᠠᠷ︾ | ᠤᠨ ᠦᠵᠡᠮᠵᠢ ᠲᠦᠷᠬᠦ ᠪᠠᠷ ᠢᠶᠠᠨ ᠠᠯᠳᠠᠷᠰᠢᠵᠤ ᠪᠠᠶᠢᠭᠰᠠᠨ ᠭᠡᠳᠡᠭ ᠃ | ᠪᠠᠶᠠᠠᠮᠦ᠋ᠷᠡᠨ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠬᠠᠲᠤᠨ ᠭᠤᠣᠯ ᠲᠡᠭᠦᠨ ᠤ ᠬᠢᠵᠠᠭᠠᠷ | ᠲᠤ 76 ᠺᠢᠯᠤᠮᠧᠲᠷ ᠤᠷᠤᠰᠤᠨ ᠦᠩᠭᠡᠷᠡᠳᠡᠭ᠂ ᠬᠠᠲᠤᠨ ᠭᠤᠣᠯ ᠤᠨ ᠪᠠᠷᠠᠭᠤᠨ ᠵᠠᠬᠠ ᠨᠢ ᠠᠯᠠᠱᠠ ᠠᠶᠢᠮᠠᠭ ᠤᠨ | ᠨᠤᠲᠤᠭ᠂ ᠵᠡᠭᠦᠨ ᠵᠠᠬᠠ ᠨᠢ ᠤᠲᠤᠭ ᠬᠤᠰᠢᠭᠤᠨ ᠤ ᠨᠤᠲᠤᠭ ᠪᠤᠯᠤᠨᠠ᠃ ᠪᠢᠳ᠋ᠨ ᠲᠡᠨᠳᠡ ᠠᠴᠠ ᠭᠠᠷᠤᠭᠠᠳ | ᠶᠢᠠᠴᠤᠸᠠᠨ ᠬᠤᠲᠠ ᠶᠢᠨ ᠭᠤᠣᠯ ᠵᠡᠭᠡᠯᠢ ᠳᠤ ᠨᠠᠷᠠ ᠵᠢᠷᠭᠠᠬᠤ ᠠᠴᠠ ᠡᠮᠦᠨᠡᠬᠡᠨ ᠤᠷᠤᠭᠠᠳ ᠢᠷᠡᠪᠡ᠃ ᠠᠳᠡ | ᠪᠠᠭᠤᠳᠠᠯ ᠤᠨ ᠮᠦᠩᠭᠦ ᠲᠡᠶᠢᠮᠦ ᠦᠨᠡ ᠲᠠᠢ ᠪᠢᠰᠢ᠂ ᠵᠡᠭᠡᠯᠢ ᠪᠠᠷ ᠨᠢ ᠲᠡᠷᠭᠡ ᠮᠠᠰᠢᠨ᠂ ᠬᠦᠮᠦᠰ ᠴᠢᠬᠢᠯᠳᠦᠵᠤ | ᠬᠠᠷᠠᠭᠳᠠᠬᠤ ᠦᠭᠡᠢ᠂ ᠰᠡᠯᠡᠬᠦᠦ ᠮᠦᠷᠲᠡᠭᠡᠨ ᠤᠳᠠᠭᠠᠯᠢᠭ ᠲᠦᠷᠦᠭᠳᠡᠯ ᠥᠭᠬᠦᠨᠡ᠃ ᠳᠠᠷᠠᠭᠠ ᠡᠳᠦᠷ ᠨᠢ ᠪᠢᠳᠠᠨ | ᠶᠢᠠᠴᠤᠸᠠᠨ ᠬᠤᠲᠠ ᠶᠢᠨ ᠲᠡᠭᠦᠷᠭᠡ ᠳᠤ ᠪᠠᠶᠢᠭᠠ ᠪᠠᠷᠠᠭᠤᠨ ᠰᠢᠶᠠ ᠤᠯᠤᠰ ᠤᠨ ᠮᠦᠽᠸᠢ ᠳᠤ ᠬᠦᠷᠴᠤ ᠰᠢᠩᠭᠡᠭᠡᠯᠲᠡ | ᠰᠤᠷᠪᠤᠯᠵᠢᠯᠠᠭᠠ ᠬᠢᠭᠰᠡᠨ ᠨᠢ᠂ ᠬᠠᠰᠢᠨ ᠬᠤᠩᠭᠢᠯ ᠢᠶᠠᠷ ᠠᠶᠠᠯᠠᠨ ᠰᠤᠷᠪᠤᠯᠵᠢᠯᠠᠬᠤ ᠶᠢᠨ ᠵᠢᠩᠬᠢᠨᠢ ᠡᠬᠢᠯᠡᠯ ᠪᠤᠯᠤᠭᠰᠠᠨ | ᠶᠤᠮ᠃ | ᠬᠠᠰᠢᠨ ᠬᠤᠩᠭᠢᠯ ᠭᠡᠳᠡᠭ ᠪᠣᠯ ᠳᠤᠮᠳᠠᠳᠤ ᠤᠯᠤᠰ ᠤᠨ ᠪᠠᠷᠠᠭᠤᠨ ᠭᠡᠰᠡᠭ ᠢᠶᠠᠷ ᠪᠠᠶᠢᠷᠢᠯᠠᠵᠤ᠂ ᠬᠠᠲᠤᠨ | ᠭᠤᠣᠯ ᠠᠴᠠ ᠪᠠᠷᠠᠭᠤᠨᠰᠢ᠂ ᠴᠢ ᠯᠢᠶᠠᠨ ᠱᠠᠨ ᠠᠭᠤᠯᠠ ᠪᠣᠯᠣᠨ ᠪᠠᠳᠠᠢ ᠶᠢᠨ ᠵᠢᠷᠠᠨ ᠤ ᠡᠯᠡᠰᠦ ᠶᠢᠨ ᠡᠮᠦᠨᠡᠭᠦᠷ᠂ | ᠭᠠᠨᠰᠤ ᠮᠤᠵᠢ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠭᠡᠰᠡᠭ ᠢᠶᠠᠷ ᠵᠡᠭᠦᠨ ᠡᠮᠦᠨᠡ ᠠᠴᠠ ᠪᠠᠷᠠᠭᠤᠨ ᠬᠤᠶᠢᠰᠢ ᠪᠠᠨ ᠨᠠᠷᠢᠬᠠᠨ | ᠰᠢᠬᠠᠭᠳᠠᠨ ᠦᠷᠭᠦᠯᠵᠢᠯᠡᠭᠰᠡᠨ ᠬᠤᠩᠭᠢᠯ ᠭᠠᠵᠠᠷ ᠢ ᠬᠡᠯᠡᠳᠡᠭ᠃ ᠡᠨᠡ ᠬᠤᠩᠭᠢᠯ ᠵᠡᠭᠦᠨ ᠡᠮᠦᠨᠡ ᠠᠴᠠ ᠪᠠᠷᠠᠭᠤᠨ | ᠬᠤᠶᠢᠰᠢ ᠪᠠᠨ ᠮᠢᠩᠭᠠ ᠭᠠᠷᠤᠢ ᠺᠢᠯᠤᠮᠧᠲᠷ ᠰᠤᠨᠤᠨ ᠦᠷᠭᠦᠯᠵᠢᠯᠡᠵᠤ᠂ ᠡᠮᠦᠨᠡ ᠠᠴᠠ ᠬᠤᠶᠢᠰᠢ ᠪᠠᠨ ᠬᠠᠮᠤᠭ | ᠦᠷᠭᠡᠨ ᠭᠠᠵᠠᠷ ᠲᠤ ᠪᠠᠨ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠺᠢᠯᠤᠮᠧᠲᠷ᠂ ᠬᠠᠮᠤᠭ ᠨᠠᠷᠢᠬᠠᠨ ᠭᠠᠵᠠᠷ ᠲᠤ ᠪᠠᠨ ᠬᠡᠳᠦᠬᠡᠨ | ᠺᠢᠯᠤᠮᠧᠲᠷ ᠤᠨ ᠵᠠᠶᠢᠲᠠᠢ ᠪᠠᠶᠢᠳᠠᠭ᠃ ᠡᠨᠡ ᠬᠤᠩᠭᠢᠯ ᠳᠠᠭᠠᠤ ᠭᠠᠨᠰᠤ ᠮᠤᠵᠢ ᠶᠢᠨ ᠦ᠋ ᠸᠧᠢ᠂ ᠶᠢᠨ ᠴᠠᠩ᠂ ᠵᠠᠩ ᠶᠧ | ᠂ ᠵᠢᠤᠴᠢᠤᠸᠠᠨ᠂ ᠳ᠋ᠦᠨᠬᠤᠸᠠᠩ᠂ ᠵᠢᠶᠠ ᠢᠦᠢ ᠭᠤᠸᠠᠨ ᠵᠡᠷᠭᠡ ᠬᠤᠲᠠ ᠪᠠᠶᠢᠷᠢᠰᠢᠵᠤ᠂ ᠲᠡᠷᠡ ᠨᠢ ᠡᠷᠲᠡᠨ ᠤ ︽ | ᠲᠤᠷᠭᠠᠨ ᠤ ᠵᠠᠮ︾ ᠤᠨ ᠤᠴᠢᠷ ᠲᠠᠢ ᠬᠤᠯᠪᠤᠭᠳᠠᠭᠠᠳ᠂ ᠲᠤᠰ ᠲᠤᠰ ᠲᠤ ᠪᠠᠨ ᠡᠷᠲᠡᠨ ᠤ ᠲᠡᠤᠬᠡ ᠶᠢᠨ ᠤᠯᠠᠷᠢᠯ | ᠬᠤᠪᠢᠷᠠᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠭᠠᠵᠠᠷ ᠳᠡᠭᠡᠷᠡᠬᠢ ᠭᠡᠷᠡᠴᠢ ᠪᠤᠯᠤᠨ ᠦᠯᠡᠳᠡᠵᠤ᠂ ᠦᠨᠦ ᠪᠣᠯᠬᠤ ᠳᠤ ᠰᠤᠶᠤᠯ ᠲᠡᠤᠬᠡ | ᠳᠤ ᠰᠣᠨᠢᠷᠬᠠᠯᠲᠠᠢ ᠬᠦᠮᠦᠰ ᠤᠨ ᠵᠠᠪᠠᠯ ᠢᠷᠡᠵᠤ ᠦᠵᠡᠬᠦ ᠶᠤᠰᠤᠲᠠᠢ ᠨᠡᠷᠡᠲᠦ ᠭᠠᠵᠠᠷ ᠤᠷᠤᠨ ᠪᠠᠷ ᠳᠣᠳᠣᠷᠠᠵᠠᠢ᠃ | ᠬᠠᠰᠢᠨ ᠬᠤᠩᠭᠢᠯ ᠤᠨ ᠵᠡᠭᠦᠨ ᠠᠮᠠ ᠶᠢ ᠠᠪᠴᠤ ᠰᠠᠭᠤᠭᠰᠠᠨ ᠢᠶᠠᠷ ᠢᠶᠠᠨ ᠡᠳᠡᠭᠡᠷ ᠬᠤᠲᠠ ᠶᠢᠨ ᠲᠤᠳᠤᠷᠠ ᠦ᠋ ᠸᠧᠢ | ᠬᠤᠲᠠ ᠠᠯᠳᠠᠷ ᠨᠡᠷᠡ ᠪᠤᠶᠤ ᠲᠡᠤᠬᠡ ᠰᠤᠶᠤᠯ ᠤᠨ ᠨᠦᠯᠦᠭᠡ ᠪᠠᠷ ᠢᠶᠠᠨ ᠬᠠᠮᠤᠭ ᠤᠨ ᠭᠦᠨ ᠪᠠᠶᠢᠵᠤ᠂ ᠬᠠᠰᠢᠨ | ᠬᠤᠩᠭᠢᠯ ᠳᠤ ᠤᠷᠤᠵᠤ ᠢᠷᠡᠭᠰᠡᠨ ᠬᠠᠮᠤᠭ ᠠᠩᠬᠠᠨ ᠤ ︽ᠲᠤᠷᠭᠠᠨ ᠤ ᠵᠠᠮ︾ ᠤᠨ ᠡᠯᠴᠢᠳ ᠪᠤᠶᠤ ᠲᠤᠷᠭᠠ | ᠳᠤᠷᠳᠤᠩ ᠠᠴᠢᠭᠰᠠᠨ ᠯᠤᠤᠭᠠᠷ ᠤᠨ ᠵᠢᠩᠴᠢᠳ ᠠᠳᠡ ᠢᠷᠡᠭᠡᠳ ᠠᠩᠬᠠᠨ ᠤ ᠪᠠᠭᠤᠴᠠ ᠪᠠᠨ ᠪᠣᠯᠭᠠᠳᠠᠭ | ᠪᠠᠶᠢᠭᠰᠠᠨ ᠢᠶᠠᠷ ᠭᠡᠷᠡᠴᠢᠯᠡᠭᠳᠡᠨᠡ᠃ ᠲᠡᠷᠡ ᠶᠤᠰᠤᠭᠠᠷ ᠪᠢᠳᠠᠨ ᠴᠤ ᠶᠢᠠᠴᠤᠸᠠᠨ ᠬᠤᠲᠠ ᠠᠴᠠ ᠭᠠᠷᠤᠭᠠᠳ᠂ | ᠪᠠᠷᠠᠭᠤᠨ ᠰᠢᠶᠠ ᠤᠯᠤᠰ ᠤᠨ ᠰᠤᠶᠤᠯ ᠲᠡᠤᠬᠡ ᠶᠢᠨ ᠲᠤᠬᠠᠢ ᠤᠨᠢᠰᠤᠭᠠ ᠮᠡᠲᠥ ᠲᠠᠶᠢᠯᠤᠭᠳᠠᠰᠢ ᠦᠭᠡᠢ | ᠤᠴᠢᠷ ᠤᠳ ᠢ ᠪᠤᠳᠤᠯᠬᠢᠯᠠᠭᠰᠠᠭᠠᠷ ᠦ᠋ ᠸᠧᠢ ᠬᠤᠲᠠ ᠶᠢ ᠵᠤᠷᠢᠨ ᠢᠷᠡᠭᠰᠡᠨ ᠶᠤᠮ᠃ | ᠦ᠋ ᠸᠧᠢ ᠬᠤᠲᠠ ᠪᠣᠯ ᠭᠠᠨᠰᠤ ᠮᠤᠵᠢ ᠶᠢᠨ ᠬᠠᠷᠢᠶᠠᠨ ᠳᠤ ᠬᠢ ᠠᠶᠢᠮᠠᠭ ᠤᠨ ᠳᠡᠰ ᠤᠨ ᠬᠤᠲᠠ᠂ | ᠳᠦᠭᠦᠮᠴᠢᠯᠡᠭᠡᠳ ︽ᠦ᠋︾ ᠭᠡᠬᠦ ᠪᠤᠶᠤ ︽ᠯᠢᠶᠠᠩ︾ ᠭᠡᠳᠡᠭ᠂ ᠲᠡᠤᠬᠡᠨ ᠳᠡᠭᠡᠷᠡ ᠯᠢᠶᠠᠩᠵᠸᠦ᠂ ᠭᠦ᠋ ᠽᠠᠩ᠂ | ᠶᠦᠩᠵᠸᠦ ᠭᠡᠬᠦ ᠮᠡᠲᠥ ᠪᠠᠷ ᠨᠡᠷᠡᠯᠡᠭᠳᠡᠵᠦ ᠪᠠᠶᠢᠵᠠᠢ᠃ ᠦ᠋ ᠸᠧᠢ ᠬᠤᠲᠠ ᠭᠠᠨᠰᠤ ᠮᠤᠵᠢ ᠶᠢᠨ ᠳᠤᠮᠳᠠ ᠭᠡᠰᠡᠭ᠂ | ᠬᠠᠰᠢᠨ ᠬᠤᠩᠭᠢᠯ ᠤᠨ ᠵᠡᠭᠦᠨ ᠭᠡᠰᠡᠭ ᠢᠶᠠᠷ ᠪᠠᠶᠢᠷᠢᠯᠠᠨ᠂ ᠵᠡᠭᠦᠨᠰᠢ ᠪᠠᠨ ᠯᠠᠨᠵᠸᠦ᠂ ᠤᠷᠤᠭᠰᠢ ᠪᠠᠨ ᠰᠢᠨᠢᠩ᠂ | ᠬᠤᠶᠢᠰᠢ ᠪᠠᠨ ᠢᠷᠭᠠᠢ ︵ᠶᠢᠠᠴᠤᠸᠠᠨ︶ ᠪᠤᠯᠤᠨ ᠦᠪᠦᠷ ᠮᠤᠩᠭᠤᠯ ᠲᠠᠢ ᠬᠦᠷᠰᠢᠯᠡᠵᠤ᠂ ᠪᠦᠬᠦ ᠬᠤᠲᠠ ᠶᠢᠨ ᠬᠦᠮᠦᠨ | ᠠᠮᠠ ᠨᠢ 144.51 ᠲᠦᠮᠡ ᠳᠤ ᠬᠦᠷᠴᠤ᠂ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠢᠶᠠᠷ ᠭᠤᠣᠯ ᠪᠤᠯᠭᠠᠨ ᠬᠦᠭᠵᠢᠵᠦ ᠪᠠᠶᠢᠭᠠ | ᠬᠤᠲᠠ ᠪᠣᠯᠣᠨᠠ᠃ ᠪᠢᠳ᠋ᠨ ᠦᠨᠢ ᠤᠳᠠᠭᠠᠨ ᠲᠡᠤᠬᠡ ᠰᠤᠷᠪᠤᠯᠵᠢ ᠲᠠᠢ ᠦ᠋ ᠸᠧᠢ ᠬᠤᠲᠠ ᠶᠢᠨ ᠣᠴᠢᠷ ᠢ ᠤᠯᠬᠤ | ᠭᠡᠵᠤ ᠮᠠᠷᠭᠠᠰᠢ ᠨᠢ ᠡᠷᠲᠡᠯᠡᠨ ᠬᠤᠲᠠ ᠶᠢᠨ ᠮᠦᠽᠸᠢ ᠳᠤ ᠨᠢ ᠤᠴᠢᠭᠰᠠᠨ ᠶᠤᠮ᠃1982 ᠣᠨ ᠳᠤ | ᠪᠠᠶᠢᠭᠤᠯᠤᠭᠳᠠᠵᠤ ᠦᠨᠦ ᠤᠯᠤᠰ ᠤᠨ ᠭᠤᠷᠪᠠᠳᠤᠭᠠᠷ ᠳᠡᠰ ᠤᠨ ᠮᠦᠽᠸᠢ ᠪᠣᠯᠣᠭᠰᠠᠨ ᠡᠨᠡ ᠬᠦ ᠮᠦᠽᠸᠢ ᠦ᠋ ᠸᠧᠢ | ᠬᠤᠲᠠ ᠶᠢᠨ ᠯᠢᠶᠠᠩᠵᠸᠦ ᠲᠤᠭᠤᠷᠢᠭ ᠤᠨ ᠰᠢᠤᠸᠠᠨ ᠦ᠋ ᠵᠡᠭᠡᠯᠢ ᠳᠤ ᠪᠠᠶᠢᠷᠢᠯᠠᠵᠤ᠂ ᠭᠠᠵᠠᠷ ᠳᠣᠣᠷᠠᠬᠢ | ᠲᠠᠪᠬᠤᠷᠭᠠ ᠶᠢᠨ ᠨᠢᠭᠡ ᠭᠡᠰᠡᠭ ᠪᠤᠯᠤᠨ ᠭᠠᠵᠠᠷ ᠳᠡᠭᠡᠷᠡᠬᠢ ᠭᠤᠷᠪᠠ ᠠᠴᠠ ᠳᠦᠷᠪᠡᠨ ᠲᠠᠪᠬᠤᠷᠯᠢᠭ ᠤᠨ ᠭᠡᠰᠡᠭ | ᠦᠷᠦᠭᠡ ᠪᠠᠷ ᠪᠦᠷᠢᠯᠳᠦᠭᠡᠳ᠂ 46000 ᠭᠠᠷᠤᠢ ᠬᠠᠭᠤᠴᠢᠰ ᠤᠨ ᠬᠠᠳᠠᠭᠠᠯᠠᠭᠳᠠᠴᠠ ᠲᠤᠳᠤᠷᠠ ᠪᠠᠨ | ᠤᠯᠤᠰ ᠤᠨ ᠳᠡᠰ ᠤᠨ ᠬᠠᠭᠤᠴᠢᠰ 2 ᠵᠦᠢᠯ᠂ ᠤᠯᠤᠰ ᠤᠨ ᠨᠢᠭᠡᠳᠦᠭᠡᠷ ᠳᠡᠰ ᠤᠨ ᠬᠠᠭᠤᠴᠢᠰ 170 ᠵᠦᠢᠯ ᠭᠡᠳ | ᠵᠦᠢᠯ ᠲᠦᠷᠥᠯ ᠢᠶᠠᠷ ᠨᠢ ᠢᠯᠭᠠᠨ ᠳᠡᠯᠭᠡᠵᠠᠢ᠃ ᠡᠳᠡᠭᠡᠷ ᠬᠠᠭᠤᠴᠢᠰ ᠨᠢ ᠬᠠᠨ ᠲᠠᠩ ᠤᠨ ᠦᠶᠡ ᠶᠢᠨ ᠲᠤᠷᠭᠠᠨ ᠤ | ᠵᠠᠮ ᠤᠨ ᠬᠠᠭᠤᠴᠢᠰ᠂ ᠪᠠᠷᠠᠭᠤᠨ ᠰᠢᠶᠠ ᠤᠯᠤᠰ ᠤᠨ ᠬᠠᠭᠤᠴᠢᠰ᠂ ᠡᠯᠡ ᠲᠡᠦᠬᠡᠨ ᠦᠶᠡ ᠶᠢᠨ ᠪᠤᠷᠬᠠᠨ ᠤ | ᠱᠠᠰᠢᠨ ᠤ ᠬᠠᠭᠤᠴᠢᠰ ᠪᠣᠯᠤᠨ ᠴᠦᠭᠡᠨ ᠲᠤᠭᠠᠲᠤ ᠦᠨᠳᠦᠰᠦᠲᠡᠨ ᠤ ᠬᠠᠭᠤᠴᠢᠰ ᠵᠡᠷᠭᠡ ᠪᠠᠷ ᠢᠶᠠᠨ ᠤᠨᠴᠠᠯᠢᠭᠳᠠᠵᠤ᠂ | ᠲᠤᠭᠤᠷᠢᠨ ᠦᠵᠡᠭᠴᠢᠳ ᠡᠳᠡᠭᠡᠷ ᠵᠦᠢᠯᠡᠰ ᠢ ᠰᠣᠨᠢᠷᠬᠠᠪᠠᠯ᠂ ᠡᠷᠲᠡᠨ ᠤ ᠲᠤᠷᠭᠠᠨ ᠤ ᠵᠠᠮ ᠳᠠᠭᠠᠤ ᠬᠢ ᠰᠤᠶᠤᠯ | ᠲᠡᠤᠬᠡ ᠶᠢᠨ ᠲᠤᠬᠠᠢ ᠶᠡᠭᠡ ᠲᠦᠯᠦᠪ ᠤᠶᠢᠯᠠᠭᠠᠯᠲᠠ ᠲᠠᠢ ᠪᠣᠯᠵᠤ ᠴᠢᠳᠠᠨᠠ᠃ ᠲᠤᠷᠭᠠᠨ ᠤ ᠵᠠᠮ ᠳᠠᠭᠠᠤ ᠬᠢ | ᠰᠤᠶᠤᠯ ᠲᠡᠤᠬᠡ ᠶᠢ ᠮᠦᠷᠳᠡᠵᠤ ᠪᠠᠶᠢᠬᠤ ᠶᠢᠨ ᠤᠴᠢᠷ᠂ ᠪᠢᠳ᠋ᠨ ᠰᠡᠲᠦᠪ ᠲᠠᠢ ᠪᠠᠨ ᠬᠤᠯᠪᠤᠭᠳᠠᠬᠤ ᠵᠦᠢᠯᠡᠰ | ᠳᠡᠭᠡᠷᠡ ᠢᠯᠡᠭᠦᠦ ᠠᠩᠬᠠᠷᠤᠯ ᠢᠶᠠᠨ ᠲᠠᠯᠪᠢᠭᠰᠠᠨ ᠪᠢᠯᠡ᠃ ᠤᠷᠴᠢᠮ ᠤᠨ ᠵᠢᠯ ᠤᠨ ᠰᠤᠳᠤᠯᠭᠠᠨ ᠢ ᠦᠨᠳᠦᠰᠦᠯᠡᠪᠡᠯ᠂ | ᠬᠠᠰᠢᠨ ᠬᠤᠩᠭᠢᠯ ᠳᠠᠭᠠᠤ ᠲᠤᠷᠭᠠᠨ ᠤ ᠵᠠᠮ ᠡᠬᠢᠯᠡᠬᠦ ᠠᠴᠠ ᠡᠮᠦᠨᠡ᠂ ᠲᠠᠷᠢᠶᠠᠯᠠᠩ ᠤᠨ ᠰᠤᠶᠤᠯ ᠪᠣᠯᠪᠠᠰᠤᠨ ᠨᠢ | ᠵᠡᠭᠦᠨ ᠪᠠᠷᠠᠭᠤᠨ ᠤᠷᠤᠨ ᠤ ᠬᠤᠭᠤᠷᠤᠨᠳᠤᠬᠢ ᠲᠠᠸᠠᠷ ᠤᠨ ᠰᠤᠯᠢᠯᠴᠠᠭᠠᠨ ᠤ ᠭᠤᠣᠯ ᠠᠭᠤᠯᠭᠠ ᠪᠣᠯᠵᠤ ᠨᠢᠭᠡᠨ | ᠨᠢᠭᠡᠨ ᠢᠶᠠᠨ ᠨᠦᠯᠦᠭᠡᠯᠡᠵᠤ ᠪᠠᠶᠢᠵᠠᠢ᠃ ᠹᠢᠠᠯᠠᠨᠳ᠋ ᠵᠡᠷᠭᠡ ᠭᠠᠳᠠᠭᠠᠳᠤ ᠶᠢᠨ ᠡᠷᠳᠡᠮᠲᠡᠳ ᠰᠤᠳᠤᠯᠭᠠᠨ ᠬᠢᠭᠡᠳ᠂ | ᠪᠤᠭᠤᠳᠠᠢ ᠭᠡᠬᠦ ᠲᠠᠷᠢᠮᠠᠯ ᠪᠠᠷᠤᠭ ᠨᠡᠶᠢᠲᠡ ᠶᠢᠨ ᠣᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡ 3000 ᠭᠠᠷᠤᠢ ᠵᠢᠯ ᠤᠨ ᠦᠶᠡ | ᠪᠠᠷ ᠬᠠᠰᠢᠨ ᠬᠤᠩᠭᠢᠯ ᠢᠶᠠᠷ ᠳᠠᠮᠵᠢᠭᠠᠳ ᠭᠠᠨᠰᠤ ᠶᠢᠨ ᠬᠤᠶᠢᠳᠦ ᠭᠡᠰᠡᠭ ᠤᠷᠤᠨ ᠢᠶᠠᠷ ᠤᠯᠠᠮᠵᠢᠯᠠᠭᠳᠠᠵᠤ | ᠢᠷᠡᠭᠰᠡᠨ ᠢ ᠲᠤᠳᠤᠯᠠᠵᠠᠢ᠃ | |