| ᠦᠵᠦᠮᠦᠴᠢᠨ ᠤ ᠤᠯᠠᠮᠵᠢᠯᠠᠯᠳᠤ ᠨᠡᠭᠦᠳᠡᠯ | ᠮᠠᠯᠵᠢᠯ ᠤᠨ ᠠᠷᠭᠠ ᠬᠡᠯᠪᠡᠷᠢ | ᠤᠷᠢᠶᠠᠩᠬᠠᠨ ᠤ · ᠶᠤᠨᠳᠤᠨ | | ᠦᠵᠦᠮᠦᠴᠢᠨ ᠮᠠᠯᠴᠢᠳ ᠨᠡᠭᠦᠳᠡᠯ ᠬᠢᠬᠦ ᠤᠷᠳᠤ ᠬᠤᠭᠤᠴᠠᠭᠠᠨ ᠤ ᠦᠢᠯᠡᠳᠦᠯᠭᠡ ᠶᠢᠨ ᠶᠠᠪᠤᠴᠠ ᠲᠤᠮᠳᠠ ᠪᠠᠨ | ᠤᠯᠠᠨ ᠵᠦᠢᠯ ᠤᠨ ᠨᠡᠭᠦᠳᠡᠯ ᠤᠨ ᠬᠡᠯᠪᠡᠷᠢ ᠮᠠᠶ᠋ᠢᠭ ᠢ ᠡᠭᠦᠳᠦᠭᠰᠡᠨ ᠪᠠᠶᠢᠨᠠ᠂ ᠡᠭᠦᠨ ᠳᠤ ᠶᠡᠭᠡ ᠨᠡᠭᠦᠳᠡᠯ᠂ ᠠᠯᠤᠰ ᠤᠨ | ᠨᠡᠭᠦᠳᠡᠯ᠂ ᠤᠶᠢᠷᠠ ᠶᠢᠨ ᠨᠡᠭᠦᠳᠡᠯ᠂ ᠤᠳᠤᠷ ᠤᠨ ᠨᠡᠭᠦᠳᠡᠯ᠂ ᠤᠯᠠᠷᠢᠯ ᠤᠨ ᠨᠡᠭᠦᠳᠡᠯ ᠭᠡᠵᠦ ᠢᠯᠭᠠᠳᠠᠭ᠃ ᠨᠡᠭᠦᠳᠡᠯ | ᠬᠢᠬᠦ ᠶᠢᠨ ᠠᠴᠢ ᠲᠤᠰᠠ ᠭᠡᠪᠡᠯ᠂ ᠮᠠᠯ ᠰᠦᠷᠦᠭ ᠢᠶᠠᠨ ᠤᠨᠳᠤᠷᠤᠭᠤᠯᠬᠤ᠂ ᠦᠷᠡᠵᠢᠭᠦᠯᠵᠦ ᠦᠰᠭᠡᠬᠦ᠂ ᠲᠠᠷᠭᠤ | ᠠᠪᠤᠭᠤᠯᠵᠦ ᠲᠤᠭᠳᠠᠭᠠᠬᠤ᠂ ᠤᠰᠤ ᠪᠡᠯᠴᠢᠭᠡᠷ ᠢᠶᠠᠨ ᠲᠦᠯᠦᠪᠯᠡᠭᠡ ᠲᠠᠢ ᠠᠰᠢᠭᠯᠠᠬᠤ᠂ ᠬᠦᠷᠦᠰᠦ ᠰᠢᠷᠤᠢ ᠪᠠᠨ | ᠬᠠᠮᠠᠭᠠᠯᠠᠬᠤ ᠵᠡᠷᠭᠡ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠠᠯᠤᠰ ᠤᠨ ᠨᠡᠭᠦᠳᠡᠯ᠂ ᠤᠯᠠᠷᠢᠯ ᠤᠨ ᠨᠡᠭᠦᠳᠡᠯ ᠬᠢᠬᠦ ᠲᠤᠮᠳᠠ ᠪᠠᠰᠠ | ᠬᠦᠩᠭᠡᠨ ᠤᠳᠤᠷ ᠤᠨ ᠰᠡᠯᠭᠦᠭᠡ ᠨᠡᠭᠦᠳᠡᠯ ᠨᠢ ᠤᠯᠠᠨ ᠪᠠᠶᠢᠳᠠᠭ᠂ ︽ᠤᠯᠠᠨ ᠬᠦᠳᠡᠯᠭᠡᠭᠡᠨᠳᠦ ᠴᠢᠨᠠᠷ ᠪᠦᠬᠦᠢ ᠨᠡᠭᠦᠳᠡᠯ | ᠮᠠᠯᠵᠢᠯ︾ ᠢ ᠬᠢᠳᠡᠭ ᠨᠢ ᠪᠡᠯᠴᠢᠭᠡᠷ ᠤᠨ ᠲᠠᠷᠤᠭᠠᠰᠤ ᠶᠢ ᠬᠦᠩᠭᠡᠯᠡᠨ᠂ ᠡᠪᠡᠰᠦᠨ ᠤ ᠤᠷᠭᠤᠴᠠ ᠶᠢ ᠨᠦᠯᠦᠭᠡᠯᠡᠬᠦ | ᠦᠭᠡᠢ ᠪᠠᠶᠢᠵᠦ᠂ ᠮᠠᠯ ᠪᠡᠯᠴᠢᠭᠡᠷ ᠤᠨ ᠬᠠᠷᠢᠯᠴᠠᠨ ᠨᠦᠬᠦᠪᠦᠷᠢᠯᠡᠯᠴᠡᠭᠰᠡᠨ ᠵᠤᠬᠢᠴᠡᠯ ᠢ ᠤᠯᠭᠤᠳᠠᠭ ᠶᠤᠮ᠃ | ᠶᠡᠭᠡ ᠨᠡᠭᠦᠳᠡᠯ ᠬᠢᠬᠦ᠃ ᠶᠡᠭᠡ ᠨᠡᠭᠦᠳᠡᠯ ᠪᠤᠯ ᠡᠷᠳᠡ ᠲᠡᠭᠡᠷᠡ ᠲᠡᠤᠬᠡᠨ ᠳᠤ ᠶᠠᠷᠢᠭᠳᠠᠬᠤ ᠶᠡᠭᠡ ᠠᠯᠤᠰ | ᠬᠤᠯᠠ ᠶᠢᠨ ᠡᠷᠬᠢᠵᠦ ᠪᠤᠴᠠᠰᠢ ᠦᠭᠡᠢ ᠨᠡᠭᠦᠳᠡᠯ ᠪᠤᠯᠤᠨᠠ᠃ ᠲᠡᠤᠬᠡᠨ ᠨᠡᠭᠦᠳᠡᠯ ᠢ ᠠᠵᠢᠭᠯᠠᠪᠠᠯ ᠪᠠᠷᠤᠭ ᠨᠢᠭᠡ | ᠨᠡᠭᠦᠳᠡᠯ ᠤᠨ ᠬᠤᠭᠤᠴᠠᠭᠠ ᠨᠢ ᠬᠠᠭᠠᠰ ᠵᠠᠭᠤᠨ ᠠᠴᠠ ᠲᠤᠷᠤᠭᠰᠢ ᠦᠭᠡᠢ ᠬᠤᠭᠤᠴᠠᠭᠠ ᠬᠡᠷᠡᠭᠰᠡᠵᠦ᠂ | ᠨᠤᠲᠤᠭ ᠲᠠᠭᠠᠨ ᠪᠤᠴᠠᠬᠤ ᠪᠤᠯᠤᠮᠵᠢ ᠲᠤᠩ ᠪᠠᠭᠠ ᠪᠠᠶᠢᠵᠦ᠂ ᠠᠷᠪᠠᠨ ᠵᠢᠯ ᠪᠤᠶᠤ ᠬᠡᠳᠦᠨ ᠠᠷᠪᠠᠨ ᠵᠢᠯ᠂ ᠡᠰᠡᠪᠡᠯ | ᠨᠢᠭᠡᠮᠦᠰᠦᠨ ᠪᠤᠴᠠᠵᠦ ᠢᠷᠡᠬᠦ ᠦᠭᠡᠢ ᠪᠠᠷ ᠬᠢᠬᠦ ᠠᠶᠢᠮᠠᠭ ᠪᠦᠯᠦᠭ ᠤᠨ ᠨᠡᠭᠦᠳᠡᠯ ᠪᠤᠯᠤᠨᠠ᠃ ᠲᠡᠭᠡᠬᠦ ᠮᠦᠷᠳᠡᠭᠡᠨ | ᠬᠦᠮᠦᠨ᠂ ᠮᠠᠯ ᠰᠦᠷᠦᠭ᠂ ᠬᠦᠷᠦᠩᠭᠡ ᠬᠤᠭᠰᠢᠯ ᠢᠶᠠᠨ ᠪᠦᠬᠦᠨ ᠢ ᠠᠪᠴᠤ ᠨᠡᠬᠦᠬᠦ ᠵᠡᠷᠭᠡ ᠤᠨᠴᠠᠯᠢᠭ ᠲᠠᠢ ᠶᠤᠮ᠂ | ᠡᠶᠢᠮᠦ ᠨᠡᠭᠦᠳᠡᠯ ᠨᠢ ᠤᠨᠴᠠᠭᠠᠢ ᠪᠠᠶᠢᠳᠠᠯ ᠦᠭᠡᠢ ᠪᠤᠯ ᠬᠢᠬᠦ ᠪᠤᠯᠤᠯᠴᠠᠭᠠ ᠦᠭᠡᠢ ᠨᠡᠶᠢᠭᠡᠮ ᠤᠨ ᠰᠢᠯᠳᠠᠭᠠᠨ ᠠᠴᠠ | ᠪᠤᠯᠤᠭᠰᠠᠨ ᠨᠡᠭᠦᠳᠡᠯ ᠪᠤᠯᠬᠤ ᠶᠤᠮ᠃ | ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠨᠡᠭᠦᠬᠦ᠃ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠲᠤᠭᠳᠠᠮᠠᠯ ᠨᠡᠭᠦᠬᠦ ᠨᠢ ᠡᠩ ᠤᠨ ᠤᠯᠠᠷᠢᠯ ᠤᠨ | ᠵᠢᠯ ᠤᠨ ᠡᠷᠭᠢᠯᠳᠡ ᠶᠢᠨ ᠴᠢᠨᠠᠷ ᠲᠠᠢ ᠨᠡᠭᠦᠳᠡᠯ ᠪᠤᠯᠤᠨᠠ᠃ ᠡᠨᠡ ᠪᠤᠯ ᠦᠪᠡᠷ ᠤᠨ ᠲᠤᠭᠳᠠᠪᠤᠷᠢᠳᠠᠢ ᠮᠠᠯᠵᠢᠵᠦ | ᠪᠠᠶᠢᠭᠰᠠᠨ ᠨᠤᠲᠤᠭ ᠲᠠᠭᠠᠨ ᠠᠪᠤᠭᠰᠠᠨ ᠤᠯᠠᠷᠢᠯ ᠤᠨ ᠦᠩᠭᠡ ᠪᠠᠷ ᠰᠢᠯᠵᠢᠬᠦ ᠠᠷᠭᠠ ᠬᠡᠯᠪᠡᠷᠢ ᠶᠤᠮ᠃ ᠪᠡᠯᠴᠢᠭᠡᠷ | ᠢᠶᠠᠨ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠬᠤᠪᠢᠶᠠᠵᠦ᠂ ᠤᠯᠠᠷᠢᠯ ᠤᠨ ᠪᠡᠯᠴᠢᠭᠡᠷ ᠢᠶᠠᠨ ᠪᠠᠰᠠ ᠲᠤᠲᠤᠷᠠ ᠪᠠᠨ ᠨᠠᠷᠢᠨ ᠬᠤᠪᠢᠶᠠᠷᠢ | ᠲᠠᠢ ᠠᠰᠢᠭᠯᠠᠳᠠᠭ᠂ ᠬᠠᠷᠢᠨ ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠪᠡᠯᠴᠢᠭᠡᠷ ᠨᠢ ᠵᠦᠪᠬᠡᠨ ᠲᠦᠷᠪᠡ ᠤᠳᠠᠭᠠ ᠨᠡᠭᠦᠵᠦ ᠪᠠᠭᠤᠬᠤ | ᠭᠡᠰᠡᠨ ᠶᠠᠪᠤᠳᠠᠯ ᠪᠢᠰᠢ᠃ ᠤᠯᠠᠷᠢᠯ ᠢᠶᠠᠷ ᠨᠤᠲᠤᠭ ᠬᠤᠪᠢᠳᠡᠨ ᠮᠠᠯᠵᠢᠬᠤ ᠪᠤᠯᠪᠠᠴᠤ ᠪᠠᠰᠠ ᠪᠠᠶᠢᠭᠠᠯᠢ ᠶᠢᠨ ᠰᠢᠯᠳᠠᠭᠠᠨ | ᠪᠠ ᠪᠡᠯᠴᠢᠭᠡᠷ ᠤᠨ ᠪᠠᠶᠢᠳᠠᠯ ᠤᠨ ᠪᠤᠳᠠᠳᠠᠢ ᠨᠦᠬᠦᠴᠡᠯ ᠢᠶᠠᠨ ᠰᠤᠩᠭᠤᠵᠦ᠂ ᠤᠯᠠᠷᠢᠯ ᠤᠨ ᠪᠡᠯᠴᠢᠭᠡᠷ ᠢᠶᠠᠨ ᠳᠠᠬᠢᠨ | ᠠᠰᠢᠭᠯᠠᠨ ᠲᠤᠬᠢᠷᠠᠭᠤᠯᠬᠤ ᠴᠣ᠋ ᠪᠤᠢ᠃ ᠢᠩᠭᠢᠬᠦ ᠨᠢ ᠡᠪᠡᠰᠦ ᠤᠷᠭᠤᠮᠠᠯ ᠤᠨ ᠰᠤᠶᠤᠭᠠᠯᠠᠬᠤ᠂ ᠴᠡᠴᠡᠭᠯᠡᠬᠦ᠂ ᠦᠷᠡᠯᠡᠬᠦ᠂ | ᠰᠠᠴᠤᠬᠤ ᠵᠡᠷᠭᠡ ᠪᠦᠬᠦ ᠶᠠᠪᠤᠴᠠ ᠶᠢ ᠬᠠᠷᠠᠭᠠᠯᠵᠠᠳᠠᠭ ᠪᠤᠯᠬᠤᠷ ᠨᠦᠯᠦᠭᠡ ᠪᠤᠯᠳᠠᠭ ᠦᠭᠡᠢ ᠪᠢᠯᠡ᠃ | ᠤᠳᠤᠷ ᠨᠡᠭᠦᠳᠡᠯ ᠬᠢᠬᠦ᠃ ᠤᠳᠤᠷ ᠨᠡᠭᠦᠳᠡᠯ ᠢ ᠤᠶᠢᠷᠠ ᠪᠤᠶᠤ ᠬᠤᠯᠠ ᠶᠢᠨ ᠤᠳᠤᠷ ᠭᠡᠵᠦ ᠢᠯᠭᠠᠳᠠᠭ | ᠪᠦᠭᠡᠳ ᠡᠳᠦᠷ ᠬᠤᠨᠤᠭ ᠴᠦᠬᠡᠨ ᠢᠶᠠᠷ ᠪᠡᠯᠴᠢᠭᠡᠷ ᠰᠢᠯᠵᠢᠬᠦ ᠶᠢ ᠤᠳᠤᠷ ᠭᠡᠳᠡᠭ᠃ ᠤᠶᠢᠷᠠ ᠶᠢᠨ ᠤᠳᠤᠷ ᠭᠡᠳᠡᠭ | ᠪᠤᠯ ᠤᠯᠠᠩᠬᠢ ᠳᠠᠭᠠᠨ ᠤᠯᠠᠷᠢᠯ ᠤᠨ ᠲᠤᠲᠤᠷᠠ ᠪᠠᠨ ᠶᠠᠪᠤᠭᠳᠠᠬᠤ ᠰᠢᠭᠤᠳ ᠪᠦᠭᠡᠳ ᠬᠦᠩᠭᠡᠨ ᠮᠠᠶ᠋ᠢᠭ ᠤᠨ ᠪᠡᠯᠴᠢᠭᠡᠷ | ᠰᠢᠯᠵᠢᠬᠦ ᠬᠡᠯᠪᠡᠷᠢ ᠪᠤᠯᠤᠨᠠ᠃ ᠭᠡᠷ ᠬᠤᠳᠠᠯᠠ᠂ ᠮᠠᠯ ᠰᠦᠷᠦᠭ ᠪᠦᠬᠦᠨ ᠢᠶᠠᠷ ᠢᠶᠠᠨ ᠬᠠᠮᠳᠤ ᠪᠠᠷ ᠶᠠᠪᠤᠬᠤ ᠪᠢᠰᠢ ᠠᠯᠢ | ᠮᠠᠯ ᠰᠦᠷᠦᠭ ᠪᠡᠯᠴᠢᠭᠡᠷ ᠰᠢᠯᠵᠢᠬᠦ ᠴᠢᠬᠤᠯᠠ ᠲᠠᠢ ᠪᠤᠯ ᠲᠡᠷᠡ ᠰᠦᠷᠦᠭ ᠢᠶᠠᠨ ᠠᠪᠴᠤ᠂ ᠲᠦᠭᠦᠮ ᠬᠡᠯᠪᠡᠷᠢ ᠶᠢᠨ | ᠤᠷᠤᠨ ᠰᠠᠭᠤᠴᠠ ᠪᠡᠯᠡᠳᠭᠡᠵᠦ᠂ ᠵᠤᠨ ᠪᠤᠯ ᠤᠰᠤᠨ ᠲᠡᠷᠭᠡ᠂ ᠡᠪᠦᠯ ᠪᠤᠯ ᠬᠤᠷᠤᠭᠠᠨ ᠲᠡᠷᠭᠡ ᠪᠠᠨ ᠠᠪᠴᠤ᠂ | ᠴᠦᠬᠡᠨ ᠡᠳᠦᠷ ᠬᠤᠨᠤᠭ ᠢᠶᠠᠷ ᠤᠳᠤᠷᠯᠠᠳᠠᠭ᠃ ᠠᠯᠤᠰ ᠤᠨ ᠤᠳᠤᠷ ᠪᠤᠯ ᠭᠠᠵᠠᠷ ᠤᠰᠤᠨ ᠨᠢ ᠵᠠᠶᠢᠳᠠᠭᠤ | ᠠᠯᠤᠰ ᠤᠨ ᠨᠢᠭᠡᠴᠡ ᠳᠤ ᠴᠦᠭᠡᠨ ᠬᠤᠨᠤᠭ ᠲᠤᠭᠠ ᠪᠠᠷ ᠬᠦᠩᠭᠡᠨ ᠮᠠᠶ᠋ᠢᠭ ᠤᠨ ᠤᠳᠤᠷ ᠶᠠᠪᠤᠵᠦ᠂ ᠮᠠᠯ ᠢᠶᠠᠨ ᠲᠦᠷ | ᠨᠤᠭᠤᠭᠠᠨ ᠳᠤ ᠴᠠᠳᠬᠠᠬᠤ ᠪᠤᠶᠤ ᠲᠠᠷᠭᠤ ᠠᠪᠤᠭᠤᠯᠬᠤ ᠳᠤ ᠵᠤᠷᠢᠭᠤᠯᠤᠨ᠂ ᠪᠡᠯᠴᠢᠭᠡᠷ ᠰᠡᠯᠭᠦᠨ ᠮᠠᠯᠵᠢᠳᠠᠭ᠃ | ᠤᠳᠤᠷ ᠶᠠᠪᠤᠬᠤ ᠳᠤ ᠤᠯᠠᠩᠬᠢ ᠳᠠᠭᠠᠨ ᠬᠤᠶᠠᠷ ᠭᠤᠷᠪᠠᠨ ᠬᠦᠮᠦᠨ᠂ ᠨᠢᠭᠡ ᠤᠨᠤᠭᠠᠷᠢ ᠶᠢᠨ ᠮᠤᠷᠢ᠂ 2 — 3 | ᠬᠦᠯᠤᠪᠦᠷᠢ ᠶᠢᠨ ᠦᠬᠡᠷ ᠪᠤᠯᠤᠨ ᠲᠡᠷᠭᠡ ᠲᠡᠭᠡᠭᠡᠰᠢ᠂ ᠲᠦᠭᠦᠮ ᠠᠪᠰᠠᠷᠬᠠᠨ ᠬᠦᠨᠡᠰᠦᠨ ᠤ ᠪᠡᠯᠡᠳᠭᠡᠮᠵᠢ ᠪᠠ ᠬᠡᠷᠡᠭᠰᠡᠯ | ᠵᠡᠷᠭᠡ ᠯᠡ ᠪᠠᠶᠢᠳᠠᠭ ᠶᠤᠮ᠃ | ᠠᠯᠤᠰ ᠤᠨ ᠨᠡᠭᠦᠳᠡᠯ ᠬᠢᠬᠦ᠃ ᠠᠯᠤᠰ ᠤᠨ ᠨᠡᠭᠦᠳᠡᠯ ᠢ ᠲᠤᠭᠳᠠᠪᠤᠷᠢᠳᠠᠢ ᠪᠡᠯᠴᠢᠭᠡᠷ ᠨᠤᠲᠤᠭ ᠨᠢ ᠭᠠᠩ | ᠬᠠᠭᠰᠠᠷᠠᠭᠠᠨ ᠪᠤᠶᠤ ᠵᠤᠳ ᠵᠤᠷᠬᠠᠨ ᠤ ᠪᠠᠶᠢᠭᠠᠯᠢ ᠶᠢᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠦ᠂ ᠮᠠᠯ ᠮᠠᠯᠵᠢᠬᠤ ᠨᠦᠬᠦᠴᠡᠯ ᠢᠶᠠᠷ | ᠠᠨᠠᠢ ᠪᠤᠯᠤᠭᠰᠠᠨ ᠦᠶᠡ ᠳᠤ ᠠᠷᠭᠠ ᠪᠤᠰᠤ ᠪᠡᠯᠴᠢᠭᠡᠷ ᠰᠢᠯᠵᠢᠬᠦ ᠶᠠᠪᠤᠳᠠᠯ ᠪᠤᠯᠵᠦ ᠶᠠᠪᠤᠭᠳᠠᠭᠤᠯᠳᠠᠭ᠂ ᠡᠨᠡ ᠨᠢ | ᠶᠡᠷᠦᠨᠢ ᠠᠶᠢᠮᠠᠭ ᠪᠦᠯᠦᠭ ᠪᠤᠶᠤ ᠨᠢᠭᠡᠴᠡ ᠶᠢᠨ ᠬᠠᠮᠳᠤ ᠶᠢᠨ ᠠᠵᠢᠯᠯᠠᠭᠠ ᠪᠤᠯᠤᠨ ᠶᠠᠪᠤᠭᠳᠠᠳᠠᠭ ᠠᠴᠠ ᠠᠶᠢᠮᠠᠭ ᠤᠨ | ᠲᠦᠷᠦᠭᠦᠴᠢ ᠪᠤᠶᠤ ᠨᠢᠭᠡᠴᠡ ᠶᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠳᠠᠭ ᠶᠤᠮ᠂ ᠤᠳᠤᠷ ᠶᠠᠪᠤᠬᠤ | ᠬᠤᠭᠤᠴᠠᠭᠠ ᠨᠢ ᠨᠠᠭᠠᠳᠤ ᠵᠠᠬᠠ ᠳᠠᠭᠠᠨ 1 — 2 ᠵᠢᠯ ᠪᠤᠯᠳᠠᠭ᠂ ᠡᠶᠢᠮᠤᠷᠬᠦᠤ ᠠᠯᠤᠰ ᠤᠨ ᠨᠡᠭᠦᠳᠡᠯ ᠨᠢ ᠪᠠᠰᠠ | ᠪᠡᠯᠴᠢᠭᠡᠷ ᠢᠶᠠᠨ ᠬᠤᠷᠯᠠᠭᠤᠯᠤᠨ ᠲᠠᠯᠪᠢᠬᠤ ᠰᠠᠶᠢᠨ ᠲᠤᠬᠢᠶᠠᠯ ᠢ ᠪᠤᠢ ᠪᠤᠯᠭᠠᠳᠠᠭ᠃ ᠠᠯᠤᠰ ᠤᠨ ᠨᠡᠭᠦᠳᠡᠯ ᠢ ᠪᠠᠰᠠ | ᠠᠯᠤᠰ ᠤᠨ ᠤᠳᠤᠷ ᠴᠤ ᠭᠡᠳᠡᠭ᠃ ᠠᠯᠤᠰ ᠤᠨ ᠨᠡᠭᠦᠳᠡᠯ ᠳᠤ ᠠᠶᠢᠯ ᠡᠷᠦᠬᠡ ᠨᠢ ᠪᠦᠬᠦ ᠠᠴᠢᠶᠠ ᠬᠦᠰᠭᠡ ᠪᠤᠶᠤ ᠮᠠᠯ | ᠰᠦᠷᠦᠭ ᠢᠶᠠᠨ ᠪᠦᠬᠦᠨ ᠢ ᠠᠪᠴᠤ ᠨᠡᠭᠦᠳᠡᠭ᠂ ᠨᠡᠭᠦᠳᠡᠯ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠬᠤ ᠳᠠᠭᠠᠨ ᠨᠤᠲᠤᠭᠴᠢ᠂ ᠨᠡᠭᠦᠳᠡᠯᠴᠢ | ᠪᠠ ᠠᠴᠢᠶᠠ ᠬᠦᠰᠭᠡ᠂ ᠮᠠᠯ ᠭᠡᠯᠢᠭᠴᠢ ᠭᠡᠬᠦ ᠵᠡᠷᠭᠡ ᠬᠦᠮᠦᠨ ᠤ ᠬᠦᠴᠦᠨ ᠬᠡᠷᠡᠭ ᠲᠠᠢ ᠠᠴᠠ ᠭᠠᠳᠠᠨᠠ᠂ ᠳᠠᠮᠵᠢᠵᠦ | ᠶᠠᠪᠤᠬᠤ ᠮᠠᠯ ᠤᠨ ᠡᠳᠦᠷ ᠤᠨ ᠪᠡᠯᠴᠢᠭᠡᠷ᠂ ᠵᠦᠭ ᠴᠢᠭᠯᠡᠯ᠂ ᠮᠠᠯ ᠤᠰᠤᠯᠠᠬᠤ ᠪᠤᠯᠠᠭ ᠤᠰᠤᠨ᠂ ᠦᠨᠵᠢᠵᠦ ᠦᠳᠡᠯᠡᠬᠦ | ᠭᠠᠵᠠᠷ᠂ ᠬᠡᠳᠦᠢ ᠡᠳᠦᠷ ᠬᠤᠨᠤᠭ ᠨᠡᠭᠦᠳᠡᠯᠯᠡᠬᠦ᠂ ᠡᠴᠦᠰ ᠤᠨ ᠬᠦᠷᠬᠦ ᠭᠠᠵᠠᠷ᠂ ᠬᠡᠳᠦᠢ ᠬᠤᠭᠤᠴᠠᠭᠠ ᠰᠠᠭᠤᠬᠤ | ᠵᠡᠷᠭᠡ ᠶᠢ ᠲᠤᠳᠤᠷᠬᠠᠢ ᠢᠯᠭᠠᠨ ᠲᠤᠭᠳᠠᠭᠠᠳᠠᠭ ᠪᠦᠭᠡᠳ ᠤᠯᠠᠨᠠ ᠵᠠᠷᠯᠠᠳᠠᠭ᠃ ᠡᠭᠦᠨ ᠳᠤ ᠨᠤᠲᠤᠭᠴᠢ ᠠᠴᠠ ᠡᠨᠡ | ᠪᠦᠬᠦᠨ ᠢ ᠤᠷᠢᠳᠠᠪᠠᠷ ᠶᠠᠪᠤᠵᠦ ᠨᠠᠷᠢᠨ ᠬᠡᠮᠵᠢᠨ ᠲᠤᠭᠳᠠᠭᠠᠭᠰᠠᠨ ᠢᠶᠠᠨ ᠨᠡᠭᠦᠳᠡᠯᠴᠢ ᠪᠠ ᠮᠠᠯ ᠭᠡᠯᠢᠭᠴᠢ ᠳᠤ ᠬᠡᠯᠡᠵᠦ | ᠲᠤᠰᠢᠶᠠᠳᠠᠭ ᠤᠴᠢᠷ ᠲᠠᠢ᠃ ᠭᠠᠩ ᠤᠨ ᠤᠳᠤᠷ ᠨᠡᠭᠦᠬᠦ ᠳᠤ ᠵᠠᠪᠠᠯ ᠡᠳᠦᠷ ᠤᠨ ᠮᠠᠯ ᠰᠦᠷᠦᠭ ᠤᠨ ᠤᠰᠤ ᠤᠮᠳᠠ | ᠬᠢᠭᠡᠳ ᠡᠪᠡᠰᠦ ᠪᠡᠯᠴᠢᠭᠡᠷ ᠵᠡᠷᠭᠡ ᠶᠢ ᠭᠦᠢᠴᠡᠳ ᠬᠠᠷᠠᠭᠠᠯᠵᠠᠨ᠂ ᠦᠷᠯᠦᠭᠡ ᠠᠴᠠ ᠤᠷᠤᠢ ᠬᠦᠷᠳᠡᠯᠡᠬᠢ ᠬᠤᠨᠢᠨ ᠤ | ᠢᠳᠡᠰᠢᠯᠡᠨ ᠭᠡᠯᠢᠭᠡᠳ ᠬᠦᠷᠬᠦ ᠭᠠᠵᠠᠷ ᠢ ᠰᠤᠩᠭᠤᠨᠡ᠂ ᠡᠰᠡ ᠲᠡᠶᠢᠮᠦ ᠪᠤᠯ ᠮᠠᠯ ᠰᠦᠷᠦᠭ ᠲᠠᠭᠤᠭᠳᠠᠵᠤ ᠮᠠᠭᠤᠳᠠᠨᠠ᠃ | ᠦᠵᠦᠮᠦᠴᠢᠨᠴᠤᠳ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠦᠨᠳᠦᠰᠦᠨ ᠬᠡᠷᠡᠭᠰᠡᠯ ᠨᠢ ᠪᠠᠶᠢᠭᠰᠠᠨ ᠴᠠᠭ ᠲᠠᠭᠠᠨ ᠲᠡᠤᠬᠡᠨ ᠠᠴᠠ ᠴᠤ | ᠲᠡᠷᠡ᠂ ᠨᠢᠭᠡᠳᠦᠯ ᠪᠠᠷᠢᠭᠠᠳᠠ ᠶᠢᠨ ᠦᠶᠡ ᠳᠤ ᠴᠤ ᠲᠡᠷᠡ᠂ ᠬᠤᠷᠠ ᠪᠤᠷᠤᠭᠠᠨ ᠲᠠᠳᠠᠭᠤᠷᠠᠭᠰᠠᠨ ᠤᠨ ᠵᠢᠯ ᠤᠳ ᠲᠤ | ᠪᠡᠯᠴᠢᠭᠡᠷ ᠨᠢ ᠮᠠᠭᠤᠳᠠᠵᠦ ᠨᠤᠭᠤᠭᠠ ᠴᠤᠬᠤᠶᠢᠬᠤ ᠨᠢ ᠪᠠᠷᠤᠭᠳᠠᠢ ᠪᠤᠯᠪᠠᠯ ᠪᠤᠭ ᠡᠪᠡᠰᠦ ᠶᠢ ᠬᠠᠯᠴᠠᠭᠠᠶᠢᠷᠠᠬᠤ ᠠᠴᠠ | ᠡᠮᠦᠨᠡ ᠨᠤᠲᠤᠭ ᠬᠠᠷᠠ ᠬᠠᠷᠢᠯᠴᠠᠵᠦ᠂ ᠨᠡᠭᠦᠳᠡᠯ ᠰᠠᠭᠤᠳᠠᠯ ᠢᠶᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠳᠠᠭ ᠤᠯᠠᠮᠵᠢᠯᠠᠯ ᠲᠠᠢ | ᠪᠠᠶᠢᠳᠠᠭ᠃ | ︵︽ᠦᠪᠣᠷ ᠮᠣᠩᠭᠤᠯ ᠤᠨ ᠮᠠᠯ ᠠᠵᠣ ᠠᠬᠤᠢ︾ ᠰᠠᠣᠨᠬᠦᠯ ᠤᠨ 2018 ᠣᠨ ᠤ 3 ᠳ᠋ᠣᠭᠠᠷ ᠬᠤᠭᠤᠴᠠᠭᠠᠨ | ᠠᠴᠠ ᠰᠢᠯᠵᠢᠬᠦᠯᠪᠠ᠃︶ |