| ᠦᠷᠢᠶᠡ ᠡᠰᠬᠡᠬᠦ ᠵᠠᠩ ᠦᠢᠯᠡ ᠶᠢᠨ ᠲᠣᠬᠠᠢ | ᠴᠦᠨ ᠯᠠᠨ | ᠵᠢᠯ ᠪᠦᠷᠢ ᠶᠢᠨ ᠬᠠᠪᠣᠷ ᠤᠨ ᠰᠡᠭᠦᠯᠴᠢ ᠵᠣᠨ ᠤ ᠡᠬᠢᠨ ᠳᠤ ᠮᠠᠯᠵᠢᠬᠤ ᠣᠷᠣᠨ ᠳᠤ ᠶᠠᠪᠤᠭᠳᠠᠳᠠᠭ ᠮᠠᠯ | ᠴᠠᠭᠠᠯᠠᠬᠤ ᠠᠵᠢᠯᠯᠠᠭᠠ ᠨᠢ ᠬᠤᠳᠠᠴᠢᠯᠠᠯᠲᠠ ᠶᠢ ᠲᠠᠭᠠᠯᠳᠤᠨ ᠠᠭᠠᠵᠢᠮ ᠢᠶᠠᠷ ᠬᠠᠶᠠᠭᠳᠠᠵᠤ ᠪᠠᠶᠢᠨᠠ᠃ ᠪᠢᠴᠢᠭ | ᠮᠠᠲ᠋ᠧᠷᠢᠶᠠᠯ ᠤᠨ ᠳᠡᠮᠳᠡᠭᠯᠡᠯ ᠬᠢᠭᠡᠳ ᠲᠤᠬᠠᠢ ᠶᠢᠨ ᠭᠠᠵᠡᠷ ᠤᠨ ᠪᠠᠶᠢᠳᠠᠯ ᠨᠢ ᠶᠡᠬᠡᠩᠬᠢ ᠳᠡᠭᠡᠨ ᠠᠳᠠᠯᠢᠬᠠᠨ ᠪᠣᠯᠪᠠᠴᠣ | ᠪᠠᠰᠠ ᠵᠦᠷᠢᠶᠡ ᠲᠠᠢ᠃ ᠨᠡᠬᠦᠳᠡᠯ ᠮᠠᠯᠵᠢᠯ ᠠᠴᠠ ᠪᠠᠨ ᠰᠠᠭᠤᠷᠢᠰᠢᠯ ᠵᠦᠭ ᠰᠢᠯᠵᠢᠭᠰᠡᠨ ᠤ ᠳᠠᠷᠠᠭᠠ ᠤᠷᠤᠨ | ᠰᠠᠭᠤᠴᠠ᠂ ᠣᠷᠴᠢᠨ ᠲᠤᠭᠤᠷᠢᠨ ᠠᠴᠠ ᠰᠢᠯᠲᠠᠭᠠᠯᠠᠭᠳᠠᠵᠤ ᠵᠠᠷᠢᠮ ᠲᠠᠯᠠ ᠶᠢᠨ ᠠᠵᠢᠯᠯᠠᠭᠠ ᠨᠢ ᠡᠬᠢᠯᠡᠵᠦ | ᠬᠤᠪᠢᠷᠠᠭᠰᠠᠨ ᠪᠠᠶᠢᠨᠠ᠃ | ᠮᠠᠯ ᠴᠠᠭᠠᠯᠠᠬᠤ ᠨᠢ ᠮᠠᠯᠴᠢᠳ ᠤᠨ ᠮᠠᠯ ᠢᠶᠠᠨ ᠡᠳ᠋ᠯᠡᠵᠦ ᠦᠨᠢᠷ ᠥᠰᠬᠡᠬᠦ ᠳᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠠᠷᠭᠠ | ᠮᠠᠶ᠋ᠢᠭ ᠪᠠ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠵᠤᠬᠢᠴᠠᠬᠤ ᠴᠢᠬᠤᠯᠠ ᠠᠮᠢᠳᠣᠷᠠᠬᠤᠢ ᠶᠢᠨ ᠤᠬᠠᠭᠠᠨ ᠪᠣᠯᠣᠨᠠ᠃ ᠮᠠᠯ ᠴᠠᠭᠠᠯᠠᠬᠤ ᠨᠢ | ᠡᠷᠲᠡᠨ ᠠᠴᠠ ᠪᠠᠨ ᠮᠠᠯᠴᠢᠳ ᠤᠨ ᠮᠠᠯᠵᠢᠬᠤ ᠠᠮᠢᠳᠣᠷᠠᠯ ᠤᠨ ᠲᠤᠳᠠᠭᠳᠠᠵᠤ ᠪᠣᠯᠤᠰᠢ ᠦᠭᠡᠢ ᠵᠠᠩ ᠦᠢᠯᠡ᠂ | ᠠᠮᠢᠳᠣᠷᠠᠯ ᠤᠨ ᠶᠠᠪᠤᠴᠠ ᠪᠠᠶᠢᠵᠤ᠂ ᠮᠠᠯᠴᠢᠳ ᠮᠠᠯ ᠴᠠᠭᠠᠯᠠᠬᠤ ᠶᠢ ᠬᠦᠨᠳᠦᠳᠬᠡᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ | ᠨᠢᠭᠡ᠂ ᠮᠠᠯ ᠬᠥᠩᠭᠡᠯᠡᠬᠦ ᠴᠠᠭ | ᠠᠳᠠᠯᠢ ᠪᠣᠰᠥ ᠨᠣᠳᠤᠭ ᠣᠷᠣᠨ ᠤ ᠮᠠᠯ ᠬᠥᠩᠭᠡᠯᠡᠬᠦ ᠴᠠᠭ ᠤᠯᠠᠷᠢᠯ ᠨᠢ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠤᠯᠠᠩᠬᠢ | ᠳᠠᠭᠠᠨ ᠪᠦᠷ ᠬᠠᠪᠦᠷ ᠤᠨ ᠲᠤᠮᠳᠠ ᠰᠡᠭᠦᠯᠴᠢ ᠪᠠᠷ ᠬᠥᠩᠭᠡᠯᠡᠳᠡᠭ᠂ ᠴᠥᠭᠡᠩᠬᠢ ᠭᠠᠵᠠᠷ ᠲᠤ ᠴᠠᠭᠠᠨ ᠰᠠᠷᠠ ᠶᠢᠨ | ᠬᠤᠭᠤᠴᠠᠭᠠᠨ ᠳᠤ ᠦᠷᠢᠶᠡ ᠬᠠᠭᠠᠷᠢᠬᠤ ᠠᠵᠢᠯᠯᠠᠭᠠ ᠶᠠᠪᠤᠭᠳᠠᠳᠠᠭ᠃ ᠵᠤᠨ ᠤ ᠣᠯᠠᠷᠢᠯ ᠳᠤ ᠠᠭᠤᠷ ᠠᠮᠢᠰᠬᠤᠯ | ᠬᠠᠯᠠᠭᠤᠨ ᠪᠣᠯᠵᠤ ᠬᠥᠩᠭᠡᠯᠡᠭᠰᠡᠨ ᠰᠢᠷᠬᠠ ᠨᠢ ᠡᠳᠡᠭᠡᠬᠦ ᠨᠢ ᠤᠳᠠᠭᠠᠨ ᠠᠴᠠ ᠰᠡᠷᠭᠡᠶᠢᠯᠡᠵᠦ᠂ ᠰᠡᠷᠢᠬᠦᠨ ᠲᠤᠬᠢᠲᠠᠢ | ᠴᠠᠭ ᠢ ᠰᠣᠩᠭᠤᠵᠤ ᠬᠦᠩᠭᠡᠯᠡᠨ ᠵᠠᠰᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠣᠷᠴᠢᠮ ᠤᠨ ᠵᠢᠯ ᠠᠴᠠ ᠨᠠᠭᠠᠰᠢ ᠣᠯᠠᠩᠬᠢ ᠨᠢ ᠪᠦᠷ | ᠬᠠᠩᠰᠢ ᠶᠢᠨ ᠡᠳᠦᠷ ᠢ ᠲᠤᠬᠢᠶᠠᠯᠳᠤᠭᠤᠯᠤᠨ ᠬᠥᠩᠭᠡᠯᠡᠵᠦ ᠴᠠᠭᠠᠯᠠᠳᠠᠭ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠬᠡᠷᠪᠡ ᠬᠠᠩᠰᠢ ᠶᠢᠨ | ᠡᠳᠦᠷ ᠵᠠᠷᠢᠮ ᠰᠢᠯᠳᠠᠭᠠᠨ ᠠᠴᠠ ᠪᠣᠯᠵᠤ ᠮᠠᠯ ᠴᠠᠭᠠᠯᠠᠬᠤ ᠠᠵᠢᠯᠯᠠᠭᠠ ᠨᠢ ᠶᠠᠪᠤᠭᠳᠠᠵᠤ ᠳᠡᠶᠢᠯᠦᠭᠰᠡᠨ ᠦᠭᠡᠢ ᠪᠣᠯ | ᠡᠨᠡ ᠰᠠᠷᠠ ︵ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠰᠠᠷᠠ︶ ᠶᠢᠨ ᠰᠤᠨᠳᠤᠭᠤᠢ ᠡᠳᠦᠷ ᠢ ᠰᠤᠩᠭᠤᠵᠦ ᠬᠥᠩᠭᠡᠯᠡᠬᠦ ᠠᠵᠢᠯᠯᠠᠭᠠ | ᠪᠠᠨ ᠶᠠᠪᠤᠭᠳᠠᠭᠤᠯᠳᠠᠭ᠃ ᠭᠡᠪᠡᠴᠦ ᠪᠠᠷᠰ ᠡᠳᠦᠷ ᠢ ᠲᠤᠶᠢᠯ ᠢᠶᠠᠷ ᠴᠡᠭᠡᠷᠯᠡᠳᠡᠭ᠂ ᠵᠦᠪᠬᠡᠨ ᠮᠠᠯ ᠴᠠᠭᠠᠯᠠᠬᠤ ᠪᠢᠰᠢ | ᠮᠣᠩᠭᠤᠯᠴᠤᠳ ᠤᠨ ᠠᠯᠢᠪᠠ ᠠᠵᠢᠯᠯᠠᠭᠠ ᠶᠢᠨ ᠲᠤᠮᠳᠠ ᠪᠠᠷᠰ ᠡᠳᠦᠷ ᠢ ᠨᠡᠶᠢᠳᠡᠮ ᠳᠡᠭᠡᠨ ᠴᠡᠭᠡᠷᠯᠡᠳᠡᠭ᠃ ᠠᠷᠪᠠᠨ | ᠬᠤᠶᠠᠷ ᠵᠢᠯ ᠤᠨ ᠠᠮᠢᠲᠠᠨ ᠲᠤᠮᠳᠠ ᠪᠠᠷᠰ ᠬᠠᠮᠤᠭ ᠲᠤᠭᠰᠢᠨ ᠰᠦᠷ ᠬᠦᠴᠦ ᠲᠠᠢ ᠪᠠᠶᠢᠳᠠᠭ ᠠᠴᠠ ᠬᠥᠮᠥᠰ ᠲᠡᠭᠦᠨ ᠢ | ᠪᠢᠰᠢᠷᠡᠵᠦ ᠵᠢᠷᠦᠬᠡᠰᠢᠶᠡᠳᠡᠭ ᠪᠠᠶᠢᠨᠠ᠃ ᠲᠡᠶᠢᠮᠥ ᠠᠴᠠ ᠪᠠᠨ ᠮᠣᠩᠭᠤᠯᠴᠤᠳ ᠪᠠᠷᠰ ᠡᠳᠦᠷ ᠶᠠᠮᠠᠷ ᠴᠣ᠋ ᠠᠵᠢᠯᠯᠠᠭᠠ | ᠶᠠᠪᠤᠭᠤᠯᠬᠤ ᠪᠠᠨ ᠴᠡᠭᠡᠷᠯᠡᠳᠡᠭ᠃ | ᠬᠤᠶᠠᠷ᠂ ᠮᠠᠯ ᠬᠥᠩᠭᠡᠯᠡᠬᠦ ᠳᠠᠭᠤᠳᠠᠯᠭᠠ ᠶᠢᠨ ᠲᠤᠬᠠᠢ | ᠡᠯᠡ ᠨᠣᠳᠤᠭ ᠤᠨ ᠮᠠᠯ ᠬᠥᠩᠭᠡᠯᠡᠬᠦ ᠲᠤᠬᠠᠢ ᠲᠠᠭᠤᠳᠠᠯᠭᠠ ᠨᠢ ᠪᠠᠰᠠ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ | ᠣᠷᠳᠣᠰ ᠨᠤᠲᠤᠭ ᠲᠤ ︽ᠬᠥᠩᠭᠡᠯᠡᠬᠦ︾ ᠪᠣᠶᠣ ᠬᠠᠶᠢᠷᠠᠯᠠᠵᠦ ᠡᠩᠬᠦᠷᠡᠶᠢᠯᠡᠬᠦ ᠳᠡᠭᠡᠨ ︽ᠠᠷᠢᠭᠤᠯᠠᠬᠤ︾ ᠭᠡᠳᠡᠭ᠃ | ᠰᠢᠯᠢ ᠶᠢᠨ ᠭᠤᠣᠯ ᠨᠤᠲᠤᠭ ᠲᠤ ᠠᠳᠤᠭᠤ ᠶᠢ ︽ᠦᠷᠢᠶᠡ ᠬᠠᠭᠠᠷᠢᠬᠤ᠂ ᠵᠠᠰᠠᠬᠤ᠂ ᠬᠥᠩᠭᠡᠯᠡᠬᠦ᠂ ᠡᠰᠭᠡᠭᠦ᠂ | ᠠᠬᠳᠠᠯᠠᠬᠤ ︾ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠤᠯᠠᠭᠠᠨᠬᠠᠳᠠ ᠳᠤ ᠶᠡᠬᠡᠩᠬᠢ ᠳᠡᠭᠡᠨ ᠦᠷᠢᠶᠡ ᠡᠰᠬᠡᠬᠦ ᠭᠡᠵᠦ ᠶᠠᠷᠢᠳᠠᠭ᠂ ᠪᠠᠰᠠ | ᠵᠠᠷᠢᠮ ᠨᠣᠳᠤᠭ ᠲᠤ ᠦᠷᠢᠶᠡ ᠬᠠᠭᠠᠷᠢᠬᠤ᠂ ᠦᠷᠢᠶᠡ ᠠᠭᠲᠠᠯᠠᠬᠤ ᠭᠡᠵᠤ ᠴᠦ ᠶᠠᠷᠢᠳᠠᠭ᠃ ᠬᠤᠷᠴᠢᠨ ᠳᠤ ᠦᠷᠢᠶᠡ | ᠬᠥᠩᠭᠡᠯᠡᠬᠦ᠂ ᠦᠷᠢᠶᠡ ᠴᠠᠭᠠᠯᠠᠬᠤ᠂ ᠦᠷᠢᠶᠡ ᠬᠠᠭᠠᠷᠢᠬᠤ᠂ ᠦᠷᠢᠶᠡ ᠠᠭᠳᠠᠯᠠᠬᠤ ᠭᠡᠳᠡᠭ᠃ ᠭᠦᠯᠥᠨ ᠪᠦᠢᠷ ᠲᠤ | ᠪᠠᠰᠠ ᠶᠡᠷᠦᠩᠬᠡᠢ ᠳᠡᠭᠡᠨ ᠠᠭᠲᠠᠯᠠᠬᠤ ᠭᠡᠵᠤ ᠶᠠᠷᠢᠳᠠᠭ᠃ | ᠭᠤᠷᠪᠠ᠂ ᠦᠷᠢᠶᠡ ᠬᠠᠭᠠᠷᠢᠬᠤ ᠶᠠᠪᠤᠴᠠ | ᠦᠷᠢᠶᠡ ᠡᠰᠬᠡᠬᠦ ᠠᠵᠢᠯᠯᠠᠭᠠ ᠶᠢᠨ ᠬᠠᠮᠤᠭ ᠴᠢᠬᠤᠯᠠ ᠨᠢ ᠪᠣᠯ ᠡᠰᠬᠡᠬᠦ ᠠᠵᠢᠯᠯᠠᠭᠠ ᠶᠢ ᠭᠠᠷᠳᠠᠨ ᠬᠢᠵᠤ | ᠪᠠᠶᠢᠭᠠ ᠬᠥᠮᠥᠨ ᠪᠣᠯᠣᠨᠠ᠃ ᠦᠷᠢᠶᠡ ᠡᠰᠬᠡᠬᠦ ᠳᠤ ᠬᠠᠰᠢᠷ ᠲᠤᠷᠰᠢᠯᠭᠠ ᠲᠠᠢ᠂ ᠭᠠᠷ ᠬᠥᠩᠭᠡᠨ ᠬᠥᠮᠥᠨ ᠢ | ᠰᠤᠩᠭᠤᠳᠠᠭ᠃ ᠲᠡᠷᠡ ᠨᠢ ᠦᠷᠢᠶᠡ ᠪᠠᠨ ᠡᠪᠡᠳᠴᠢᠨ ᠲᠠᠬᠤᠯ ᠦᠭᠡᠢ᠂ ᠬᠦᠴᠦ ᠲᠡᠩᠬᠡᠭᠡ ᠲᠠᠢ᠂ ᠭᠠᠯᠪᠢᠷ ᠰᠠᠶᠢᠬᠠᠨ | ᠠᠭᠲᠠ ᠪᠣᠯᠬᠤ ᠶᠢ ᠪᠡᠯᠭᠡᠳᠡᠳᠡᠭ ᠪᠠᠶᠢᠨᠠ᠃ ᠦᠷᠢᠶᠡ ᠡᠰᠬᠡᠬᠦ ᠠᠴᠠ ᠡᠮᠦᠨᠡ ᠠᠶᠢᠯ ᠬᠤᠭᠤᠷᠤᠨᠳᠣ ᠪᠠᠨ ᠶᠠᠷᠢᠯᠴᠠᠵᠤ᠂ | ᠬᠠᠷᠢᠯᠴᠠᠨ ᠬᠠᠮᠵᠢᠯᠴᠠᠳᠠᠭ᠃ ᠬᠠᠩᠰᠢ ᠶᠢᠨ ᠡᠳᠦᠷ ᠪᠣᠯᠬᠤ ᠪᠠᠷ ᠠᠶᠢᠯ ᠰᠠᠭᠠᠬᠠᠯᠲᠠ ᠶᠢᠨ ᠬᠢᠨᠢ ᠬᠠᠩᠰᠢᠨ ᠤ | ᠠᠵᠢᠯᠯᠠᠭᠠ ᠪᠠᠨ ᠲᠠᠭᠤᠰᠬᠠᠭᠠᠳ ᠪᠦᠭᠦᠳᠡᠭᠡᠷ ᠢᠶᠠᠨ ᠶᠠᠷᠢᠯᠴᠠᠵᠤ ᠲᠤᠭᠢᠷᠠᠯᠴᠠᠭᠰᠠᠨ ᠭᠠᠵᠠᠷ ᠲᠠᠭᠠᠨ ᠴᠤᠭᠯᠠᠷᠠᠵᠤ | ᠦᠷᠢᠶᠡ ᠡᠰᠬᠡᠬᠦ ᠠᠵᠢᠯᠯᠠᠭᠠ ᠪᠠᠨ ᠶᠠᠪᠤᠭᠳᠠᠭᠤᠯᠳᠠᠭ᠃ ᠦᠷᠢᠶᠡ ᠡᠰᠬᠡᠬᠦ ᠳᠤ ᠪᠢᠷᠡ ᠴᠢᠳᠠᠯ ᠬᠦᠷᠦᠯᠴᠠᠬᠦ ᠦᠭᠡᠢ | ᠭᠡᠵᠤ ᠪᠦᠰᠡᠭᠦᠢ ᠬᠥᠮᠥᠨ ᠪᠠ ᠬᠡᠦᠬᠡᠨ ᠬᠥᠮᠥᠨ ᠣᠴᠢᠭᠤᠯᠳᠠᠭ ᠦᠭᠡᠢ᠃ | ᠭᠡᠳᠦᠨ ᠭᠠᠷᠠᠭ ᠤᠨ ᠡᠮᠦᠨᠡ ᠠᠴᠠ ᠡᠬᠢᠯᠡᠨ ᠡᠰᠬᠡᠬᠦ ᠦᠷᠢᠶᠡ ᠪᠠᠨ ᠬᠤᠯᠠ ᠵᠠᠢ ᠶᠢᠨ ᠭᠠᠵᠠᠷ ᠤᠨᠤᠵᠤ | ᠡᠳ᠋ᠯᠡᠳᠡᠭ᠃ ᠮᠦᠨ ᠴᠦ ᠦᠷᠢᠶᠡ ᠡᠰᠬᠡᠬᠦ ᠶᠢᠨ ᠡᠮᠦᠨᠡ ᠨᠢᠭᠡ ᠡᠳᠦᠷ ᠦᠷᠢᠶᠡ ᠪᠠᠨ ᠤᠨᠤᠵᠤ ᠬᠥᠯᠥᠰᠥᠯᠡᠨ | ᠲᠠᠷᠠᠭᠠ ᠡᠳᠦᠷ ᠤᠨ ᠢᠶᠠᠨ ᠡᠰᠬᠡᠬᠦ ᠠᠵᠢᠯᠯᠠᠭᠠ ᠳᠠᠭᠠᠨ ᠪᠡᠯᠡᠳᠬᠡᠳᠡᠭ᠃ ᠡᠨᠡ ᠨᠢ ᠦᠷᠢᠶᠡ ᠶᠢᠨ ᠪᠡᠶᠡ ᠳᠤ ᠪᠠᠶᠢᠭᠠ | ᠮᠠᠭᠤ ᠬᠥᠯᠥᠰᠦ ᠶᠢ ᠨᠢ ᠭᠠᠳᠠᠭᠰᠢᠯᠠᠭᠤᠯᠬᠤ ᠦᠢᠯᠡᠳᠤᠯ ᠲᠠᠢ᠃ | ᠦᠷᠢᠶᠡ ᠡᠰᠬᠡᠬᠦ ᠳᠤ ᠪᠡᠯᠡᠳᠬᠡᠬᠦ ᠵᠤᠭᠢᠰᠳᠠᠢ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠳᠤ ᠠᠷᠭᠠᠯ ᠲᠦᠯᠡᠬᠦ ᠲᠣᠭᠤᠭᠠ ︵ᠠᠷᠭᠠᠯ | ᠤᠨ ᠬᠤᠪᠤᠩ︶᠂ ᠵᠣᠵᠠᠭᠠᠨ ᠬᠡᠪ ᠤᠨ ᠦᠨᠳᠦᠷᠭᠡᠨ ᠡᠰᠢ ᠲᠠᠢ ᠢᠯᠡᠣᠷ᠂ ᠬᠠᠯᠳᠠᠪᠦᠷᠢᠯᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ ᠡᠮ᠂ | ᠨᠠᠷᠢᠨ ᠵᠦᠭᠡᠯᠡᠨ ᠴᠢᠨᠠᠷ ᠤᠨ ᠤᠳᠠᠰᠤ᠂ ᠬᠦᠢᠳᠡᠨ ᠤᠰᠤ᠂ ᠬᠤᠷᠴᠠ ᠢᠷ ᠲᠠᠢ ᠬᠢᠳᠤᠭᠠ᠂ ᠳᠠᠭᠠᠭᠠᠴᠠ ᠰᠠᠶᠢᠲᠠᠢ | ᠮᠣᠳᠣ᠂ ᠳᠡᠭᠦᠵᠢᠯᠡᠬᠦ ᠳᠤ ᠬᠡᠷᠡᠭᠯᠡᠳᠡᠭ ᠳᠡᠭᠡᠰᠦ ︵ᠤᠤᠯ ᠨᠢ ᠰᠣᠷ ᠳᠡᠭᠡᠰᠦ ᠭᠡᠷᠡᠭᠯᠡᠳᠡᠭ᠂ ᠣᠳᠣ ᠪᠣᠯᠬᠤ ᠳᠤ | ᠡᠩ ᠤᠨ ᠵᠠᠬᠠ ᠳᠡᠭᠡᠷᠡ ᠬᠤᠳᠠᠯᠳᠤᠵᠤ ᠪᠠᠶᠢᠭᠠ ᠳᠡᠭᠡᠰᠦ ᠶᠢ ᠬᠡᠷᠡᠭᠯᠡᠵᠦ ᠪᠠᠶᠢᠨᠠ︶ ᠵᠡᠷᠭᠡ ᠶᠢ ᠪᠡᠯᠡᠳᠬᠡᠳᠡᠭ᠃ | ᠴᠢᠳᠠᠯ ᠳᠡᠩᠬᠡᠭᠡ ᠰᠠᠶᠢᠲᠠᠢ ᠲᠠᠪᠤ ᠵᠢᠷᠭᠤᠭᠠᠨ ᠬᠥᠮᠥᠨ ᠬᠠᠮᠵᠢᠯᠴᠠᠨ ᠦᠷᠢᠶᠡ ᠪᠠᠨ ᠬᠥᠩᠭᠡᠨ ᠤᠨᠠᠭᠠᠵᠤ | ᠲᠦᠷᠪᠡᠨ ᠬᠥᠯ ᠢ ᠨᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠤᠶᠠᠵᠤ ᠨᠢᠷᠤᠭᠤ ᠶᠢ ᠨᠢ ᠭᠠᠵᠠᠷ ᠠᠴᠠ ᠰᠠᠯᠭᠠᠨ ᠳᠡᠭᠦᠵᠢᠯᠡᠵᠦ᠂ | ᠪᠦᠭᠡᠨᠰᠦᠭ ᠢ ᠨᠢ ᠤᠶᠠᠵᠦ ᠬᠦᠢᠳᠡᠨ ᠤᠰᠤ ᠪᠠᠷ ᠤᠭᠢᠶᠠᠵᠦ ᠬᠠᠪᠴᠢᠭᠤᠷ ᠢᠶᠠᠷ ᠬᠠᠪᠴᠢᠵᠤ ᠬᠠᠯᠢᠰᠦ ᠶᠢ ᠨᠢ ᠪᠠᠭᠠ | ᠯᠡ ᠡᠰᠭᠡᠵᠦ ᠲᠠᠷᠠᠭᠠ ᠨᠢ ᠬᠠᠭᠠᠷᠢᠵᠦ ᠠᠪᠣᠨᠠ᠂ ᠳᠠᠬᠢᠨ ᠰᠡᠭᠦᠯ ᠤᠨ ᠬᠢᠯᠭᠠᠰᠤ ᠠᠴᠠ ᠨᠢ ᠠᠪᠴᠤ ᠬᠠᠭᠠᠷᠢᠨ | ᠳᠠᠷᠤᠵᠦ ᠴᠢᠰᠤ ᠶᠢ ᠨᠢ ᠵᠣᠭᠰᠣᠭᠠᠵᠤ ᠶᠡᠭᠡ ᠴᠢᠰᠤ ᠭᠠᠷᠬᠤ ᠠᠴᠠ ᠰᠡᠷᠭᠡᠶᠢᠯᠡᠨᠡ᠂ ᠲᠡᠭᠡᠷᠡ ᠠᠴᠠ ᠨᠢ | ᠬᠠᠯᠳᠠᠪᠦᠷᠢᠯᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠡᠮ ᠬᠢᠵᠦ ᠤᠶᠠᠭᠰᠠᠨ ᠤᠳᠠᠰᠤ ᠪᠠᠨ ᠠᠪᠴᠦ ᠦᠷᠢᠶᠡ ᠪᠠᠨ ᠬᠦᠩᠭᠡᠨ | ᠪᠣᠰᠬᠠᠭᠠᠳ ᠨᠢᠭᠡ ᠬᠥᠮᠥᠨ ᠰᠡᠭᠦᠯ ᠠᠴᠠ ᠨᠢ ᠳᠠᠳᠠᠵᠤ ᠨᠢᠭᠡ ᠬᠥᠮᠥᠨ ᠨᠢᠷᠤᠭᠤᠨ ᠲᠡᠭᠡᠷᠡ ᠨᠢ ᠳᠠᠷᠤᠵᠤ ᠥᠭᠭᠦᠭᠡᠳ | ᠠᠭᠠᠵᠢᠮ ᠬᠦᠳᠦᠯᠵᠦ ᠲᠤᠭᠤᠷᠢᠭᠤᠯᠵᠤ᠂ ᠰᠢᠷᠦᠭᠦᠨ ᠭᠦᠳᠡᠯᠭᠡᠭᠡᠨ ᠬᠢᠬᠦ ᠠᠴᠠ ᠵᠠᠶᠢᠯᠠᠰᠭᠢᠨ ᠭᠠᠯᠪᠢᠷ ᠰᠠᠶᠢᠲᠠᠢ | ᠪᠥᠭᠴᠥᠶᠢᠬᠦ ᠦᠭᠡᠢ ᠠᠭᠲᠠ ᠪᠣᠯᠣᠨᠠ ᠭᠡᠳᠡᠭ᠃ ᠤᠤᠯ ᠳᠠᠭᠠᠨ ᠦᠷᠢᠶᠡ ᠡᠰᠬᠡᠵᠦ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠬᠥᠮᠥᠰ | ᠭᠠᠷ ᠤᠬᠢᠶᠠᠵᠦ ᠤᠰᠤ ᠶᠢ ᠨᠢ ᠦᠯᠡᠳᠡᠭᠡᠵᠦ ᠠᠪᠳᠠᠭ᠃ ᠬᠠᠭᠠᠷᠢᠭᠰᠠᠨ ᠪᠦᠭᠡᠨᠰᠦᠭ ᠶᠢ ᠨᠢ ᠨᠠᠰᠤᠳᠠᠶᠢᠴᠣᠳ ᠲᠡᠷᠡ | ᠲᠠᠷᠦᠢ ᠳᠤᠨᠢ ᠰᠢᠷᠠᠵᠦ ᠢᠳᠡᠨ ᠭᠡᠭᠡᠵᠤ ᠣᠷᠬᠢᠭᠳᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ᠃ | ᠦᠷᠢᠶᠡ ᠡᠰᠬᠡᠬᠦ ᠳᠤ ᠤᠷᠤᠯᠴᠠᠭᠰᠠᠨ ᠬᠥᠮᠥᠰ ᠢᠶᠠᠨ ᠶᠡᠭᠡᠪᠡᠷ ᠵᠣᠴᠢᠯᠠᠨ ᠳᠠᠶᠢᠯᠠᠨᠠ᠃ ᠲᠡᠷᠡ ᠨᠢ ᠦᠷᠢᠶᠡ | ᠡᠰᠬᠡᠬᠦ ᠠᠵᠢᠯᠯᠠᠭᠠ ᠳᠤ ᠤᠷᠤᠯᠴᠠᠭᠰᠠᠨ ᠬᠥᠮᠥᠰ ᠢ ᠬᠥᠨᠳᠥᠳᠬᠡᠵᠦ ᠪᠠᠶᠢᠭᠠ ᠶᠢᠨ ᠤᠴᠢᠷ ᠶᠤᠮ᠃ ᠬᠤᠭᠤᠯᠠᠨ ᠠᠴᠠ | ᠡᠮᠦᠨᠡ ᠤᠷᠢᠳ ᠢᠶᠠᠷ ᠰᠦ ᠲᠠᠢ ᠴᠠᠢ ᠪᠠᠷᠢᠵᠤ ᠰᠠᠶᠢᠨ ᠰᠠᠶᠢᠬᠠᠨ ᠠᠷᠢᠭᠤᠨ ᠴᠠᠭᠠᠨ ᠢ ᠪᠡᠯᠭᠡᠳᠡᠳᠡᠭ᠃ ᠲᠠᠷᠠᠭᠠ ᠨᠢ | ᠰᠢᠷᠡᠭᠡ ᠵᠠᠰᠠᠵᠦ ᠶᠡᠭᠡ ᠪᠠᠷ ᠵᠣᠴᠢᠯᠠᠨ ᠠᠷᠢᠬᠢ ᠳᠠᠷᠠᠰᠤ ᠭᠠᠷᠭᠠᠳᠠᠭ᠃ ᠮᠤᠷᠲᠠᠬᠤ ᠳᠤᠨᠢ ᠭᠠᠷ ᠴᠠᠶᠢᠯᠭᠠᠬᠤ ᠭᠡᠵᠦ | ᠠᠯᠴᠢᠭᠤᠷ ᠪᠠᠷᠢᠳᠠᠭ᠃ ᠤᠷᠴᠢᠮ ᠤᠨ ᠵᠢᠯ ᠪᠣᠯᠣᠭᠠᠳ ᠵᠠᠷᠢᠮ ᠠᠶᠢᠯ ᠨᠢ ᠮᠦᠩᠬᠦ ᠬᠡᠷᠡᠭᠯᠡᠬᠦ ᠪᠣᠯᠣᠭᠰᠠᠨ ᠦᠵᠡᠭᠳᠡᠯ | ᠤᠯᠠᠰᠢᠷᠠᠵᠠᠢ᠂ ᠣᠣᠯ ᠳᠠᠭᠠᠨ ᠡᠳ᠋ᠯᠡᠭᠡ ᠶᠢᠨ ᠮᠠᠯ ᠣᠨᠤᠭᠠ ᠥᠭᠳᠡᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠦᠷᠢᠶᠡ ᠪᠠᠨ ᠬᠠᠭᠠᠷᠢᠭᠰᠠᠨ ᠤ ᠲᠠᠷᠠᠭᠠ ᠨᠢ ᠲᠤᠯᠤᠭᠠ ᠬᠤᠨᠤᠭ᠂ ᠠᠷᠪᠠᠨ ᠲᠥᠷᠪᠡ ᠬᠤᠨᠤᠭ᠂ ᠬᠤᠷᠢᠨ | ᠨᠢᠭᠡ ᠬᠤᠨᠤᠭ᠂ ᠳᠥᠴᠢ ᠶᠢᠰᠦᠨ ᠬᠤᠨᠤᠭ ᠲᠡᠭᠡᠷᠡ ᠨᠢ ᠲᠠᠭᠤᠵᠤ ᠬᠥᠯᠥᠰᠥᠯᠡᠨ᠂ ᠮᠠᠭᠤ ᠬᠥᠯᠥᠰᠦ ᠶᠢ ᠨᠢ ᠭᠠᠷᠭᠠᠨ | ᠰᠣᠳᠠᠰᠤ ᠰᠢᠷᠪᠦᠰᠦ ᠨᠢ ᠠᠪᠴᠢᠯᠳᠦᠨ ᠡᠳᠡᠭᠡᠬᠦ ᠶᠢ ᠭᠢᠴᠢᠶᠡᠳᠡᠭ᠃ | ᠲᠥᠷᠪᠡ᠂ ᠵᠠᠩ ᠦᠢᠯᠡ ᠶᠢᠨ ᠬᠤᠪᠢᠷᠠᠯ | ᠰᠡᠭᠦᠯᠴᠢ ᠶᠢᠨ ᠦᠶᠡ ᠳᠤ ᠨᠡᠭᠦᠳᠡᠯ ᠮᠠᠯᠵᠢᠯ ᠠᠴᠠ ᠰᠠᠭᠤᠷᠢᠰᠢᠯ ᠵᠦᠭ ᠰᠢᠯᠵᠢᠭᠰᠡᠨ ᠪᠠ ᠨᠡᠶᠢᠭᠡᠮ ᠤᠨ | ᠬᠥᠭᠵᠢᠯᠲᠡ ᠠᠴᠠ ᠪᠣᠯᠵᠤ ᠨᠡᠯᠢᠶᠡᠳ ᠤᠯᠠᠨ ᠵᠠᠩ ᠵᠠᠩᠰᠢᠯ ᠲᠥᠬᠦᠮᠴᠢᠯᠡᠭᠳᠡᠭᠰᠡᠨ ᠪᠠ ᠬᠠᠶᠠᠭᠳᠠᠵᠤ ᠪᠠᠶᠢᠭᠠ | ᠦᠵᠡᠭᠳᠡᠯ ᠢᠯᠡᠷᠡᠪᠡ᠃ ᠡᠭᠦᠨ ᠳᠤ ᠮᠣᠩᠭᠤᠯ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠᠬᠢ ᠦᠷᠢᠶᠡ ᠬᠠᠭᠠᠷᠢᠬᠤ ᠵᠠᠩᠰᠢᠯ ᠢᠶᠠᠷ | ᠵᠢᠱᠢᠶᠡᠯᠡᠬᠦ ᠳᠤ᠂ ᠦᠵᠡᠬᠦ ᠳᠤ ᠵᠠᠩ ᠵᠠᠩᠰᠢᠯ ᠨᠢ ᠬᠠᠭᠤᠴᠢᠨ ᠤ ᠵᠠᠩᠰᠢᠯ ᠲᠠᠢ ᠠᠳᠠᠯᠢ ᠦᠭᠡᠢ ᠪᠠᠶᠢᠵᠦ᠂ ᠣᠳᠣ | ᠴᠠᠭ ᠦᠶᠡ ᠶᠢᠨ ᠡᠮ ᠡᠮᠨᠡᠯᠭᠡ ᠶᠢᠨ ᠨᠦᠯᠦᠭᠡ ᠶᠢ ᠬᠦᠷᠳᠡᠭᠰᠡᠨ ᠵᠠᠩ ᠵᠠᠩᠰᠢᠯ ᠪᠣᠯᠵᠤ ᠪᠦᠷᠢᠯᠳᠦᠭᠰᠡᠨ ᠪᠠᠶᠢᠳᠠᠭ᠃ | ᠮᠣᠩᠭᠤᠯ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠦᠢᠯᠡ ᠶᠢᠨ ᠰᠤᠳᠤᠷ ᠳᠡᠮᠳᠡᠭᠯᠡᠯ᠂ ᠭᠠᠵᠠᠷ ᠤᠷᠤᠨ ᠤ ᠵᠠᠩ ᠦᠢᠯᠡ ᠶᠢᠨ | ᠮᠠᠲ᠋ᠧᠷᠢᠶᠠᠯ ᠳᠤ ᠳᠡᠮᠳᠡᠭᠯᠡᠵᠦ ᠪᠠᠶᠢᠭᠠ ᠪᠠᠶᠢᠳᠠᠯ ᠠᠴᠠ ᠦᠵᠡᠬᠦ ᠳᠤ ᠦᠷᠢᠶᠡ ᠡᠰᠬᠡᠬᠦ ᠵᠠᠩ ᠦᠢᠯᠡ ᠨᠢ ᠤᠷᠢᠳ | ᠡᠮᠦᠨᠡ ᠪᠠᠶᠢᠭᠠ ᠦᠭᠡᠢ ᠬᠤᠪᠢᠷᠠᠯᠲᠠ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠳᠠᠭᠤᠳᠠᠯᠭᠠ ᠶᠢᠨ ᠲᠠᠯᠠ ᠠᠴᠠ ᠦᠵᠡᠬᠦ ᠳᠤ | ᠡᠷᠲᠡᠨ ᠠᠴᠠ ᠨᠡᠷᠡᠯᠡᠵᠦ ᠳᠠᠭᠤᠳᠠᠵᠤ ᠪᠠᠶᠢᠭᠰᠠᠨ ᠪᠠ ᠬᠤᠶᠢᠨᠡᠬᠢ ᠦᠶᠡ ᠳᠤ ᠡᠩᠬᠦᠷᠡᠶᠢᠯᠡᠵᠦ ᠳᠠᠭᠤᠳᠠᠬᠤ | ᠳᠠᠭᠤᠳᠠᠯᠭᠠ ᠪᠤᠢ ᠪᠤᠯᠤᠭᠰᠠᠨ ᠦᠵᠡᠭᠳᠡᠯ ᠲᠠᠢ᠃ ᠳᠠᠭᠤᠳᠠᠯᠭᠠ ᠶᠢᠨ ᠬᠤᠪᠢ ᠳᠤ ᠶᠡᠭᠡ ᠬᠤᠪᠢᠷᠠᠯᠲᠠ ᠦᠭᠡᠢ | ᠪᠣᠯᠪᠠᠴᠤ ᠨᠣᠳᠤᠭ ᠤᠷᠤᠨ ᠤ ᠠᠳᠠᠯᠢ ᠦᠭᠡᠢ ᠠᠴᠠ ᠪᠣᠯᠵᠤ ᠲᠠᠭᠤᠳᠠᠯᠭᠠ ᠶᠢᠨ ᠲᠠᠯᠠ ᠳᠤ ᠵᠦᠷᠢᠶᠡ ᠤᠷᠤᠰᠢᠵᠦ | ᠪᠠᠶᠢᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠨᠡᠯᠢᠶᠡᠳ ᠶᠡᠭᠡ ᠵᠦᠷᠢᠶᠡ ᠣᠷᠣᠰᠢᠵᠦ ᠪᠠᠶᠢᠭᠠ ᠨᠢ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠪᠠ | ᠡᠰᠬᠡᠵᠦ ᠬᠠᠭᠠᠷᠢᠬᠤ ᠠᠷᠭᠠ ᠪᠠᠷᠢᠯ ᠵᠢᠴᠢ ᠴᠡᠭᠡᠷ ᠶᠤᠰᠤᠨ ᠤ ᠲᠠᠯᠠ ᠳᠤ ᠤᠷᠤᠨ ᠨᠣᠳᠤᠭ ᠤᠨ ᠣᠳᠣᠬᠠᠨ ᠤ | ᠵᠠᠩᠰᠢᠯ ᠨᠢ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠵᠠᠩᠰᠢᠯ ᠲᠠᠢ ᠢᠯᠭᠠᠭᠠ ᠶᠡᠭᠡ ᠪᠠᠶᠢᠵᠦ᠂ ᠵᠠᠷᠢᠮ ᠵᠠᠩ ᠵᠠᠩᠰᠢᠯ ᠵᠢᠴᠢ ᠴᠡᠭᠡᠷ | ᠶᠣᠰᠣ ᠨᠢ ᠪᠠᠶᠢᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠪᠠ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠮᠡᠷᠭᠡᠵᠢᠯ ᠢᠶᠠᠷ ᠥᠭᠡᠷᠡᠴᠢᠯᠡᠭᠳᠡᠭᠰᠡᠨ ᠪᠠᠶᠢᠨᠠ᠃ | | ᠡᠨᠡ ᠨᠢ ᠨᠡᠶᠢᠭᠡᠮ ᠤᠨ ᠬᠥᠭᠵᠢᠯᠲᠡ ᠶᠢᠨ ᠲᠤᠮᠳᠠ ᠵᠠᠩ ᠦᠢᠯᠡ ᠨᠢ ᠨᠡᠶᠢᠭᠡᠮ ᠤᠨ ᠬᠤᠪᠢᠷᠠᠯᠲᠠ ᠶᠢ | ᠲᠠᠭᠠᠯᠳᠤᠨ ᠠᠭᠠᠵᠢᠮ ᠢᠶᠠᠷ ᠬᠤᠪᠢᠷᠠᠵᠦ ᠪᠠᠶᠢᠭᠠ ᠶᠢ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠨᠥᠯᠥᠭᠡᠯᠡᠬᠦ ᠦᠢᠯᠡᠳᠦᠯ | ᠦᠵᠡᠭᠦᠯᠵᠦ ᠪᠠᠶᠢᠭᠠ ᠨᠢ ᠭᠠᠳᠠᠭᠠᠲᠤ ᠪᠠ ᠲᠤᠳᠤᠭᠠᠳᠤ ᠬᠤᠶᠠᠷ ᠲᠠᠯᠠ ᠶᠢᠨ ᠰᠢᠯᠳᠠᠭᠠᠨ ᠪᠦᠷ ᠪᠠᠶᠢᠨᠠ᠃ | ᠭᠠᠳᠠᠭᠠᠳᠤ ᠰᠢᠯᠲᠠᠭᠠᠨ ᠠᠴᠠ ᠦᠵᠡᠬᠦ ᠳᠤ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠬᠥᠭᠵᠢᠯᠲᠡ᠂ ᠲᠡᠯᠡᠬᠡᠢ ᠨᠡᠶᠢᠲᠡ ᠶᠢᠨ ᠬᠠᠷᠢᠯᠴᠠᠭᠠ | ᠬᠠᠮᠲᠤᠷᠠᠯᠴᠠᠭᠠ ᠨᠢ ᠨᠢᠭᠲᠠᠷᠠᠬᠤ ᠶᠢ ᠳᠠᠭᠠᠯᠳᠤᠨ ᠬᠥᠮᠥᠰ ᠤᠨ ᠶᠠᠪᠣᠯᠴᠠᠭᠠ ᠨᠢ ᠣᠯᠠᠰᠢᠷᠠᠵᠤ ᠬᠠᠷᠢᠯᠴᠠᠨ | ᠨᠥᠯᠥᠭᠡᠯᠡᠬᠦ ᠵᠦᠢᠯ ᠨᠢ ᠴᠦ ᠤᠯᠠᠨ ᠪᠣᠯᠣᠭᠰᠠᠨ ᠪᠠᠶᠢᠳᠠᠭ᠃ ᠡᠬᠦᠨ ᠤ ᠬᠠᠮᠲᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ | ᠮᠡᠷᠭᠡᠵᠢᠯ ᠡᠳᠦᠷ ᠢᠷᠡᠬᠦᠶᠡ ᠬᠥᠭᠵᠢᠵᠦ ᠨᠠᠶᠢᠭᠡᠮ ᠤᠨ ᠠᠰᠠᠭᠤᠳᠠᠯ ᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠰᠢᠢᠳᠪᠦᠷᠢᠯᠡᠬᠦ | ᠪᠣᠯᠵᠠᠢ᠃ ᠲᠤᠳᠤᠭᠠᠳᠤ ᠰᠢᠯᠳᠠᠭᠠᠨ ᠠᠴᠠ ᠦᠵᠡᠬᠦ ᠳᠤ ᠣᠳᠣᠬᠠᠨ ᠳᠤ ᠦᠷᠢᠶᠡ ᠡᠰᠬᠡᠬᠦ ᠠᠵᠢᠯᠯᠠᠭᠠ ᠴᠦᠬᠡᠷᠡᠵᠦ᠂ | ᠮᠡᠷᠭᠡᠵᠢᠯ ᠤᠯᠠᠮᠵᠢᠯᠠᠬᠤ ᠨᠢ ᠠᠭᠠᠵᠢᠮ ᠢᠶᠠᠷ ᠭᠡᠭᠡᠭᠳᠡᠨ ᠳᠠᠰᠤᠷᠠᠭᠰᠠᠨ ᠪᠠ ᠬᠤᠲᠠᠴᠢᠯᠠᠯᠳᠠ ᠶᠢ ᠳᠠᠭᠠᠯᠳᠤᠨ ᠮᠠᠯ ᠠᠵᠤ | ᠠᠬᠤᠢ ᠡᠷᠬᠢᠯᠡᠬᠦ ᠦᠭᠡᠢ ᠪᠣᠯᠣᠭᠰᠠᠨ ᠠᠴᠠ ᠡᠨᠡᠬᠦ ᠠᠵᠢᠯᠯᠠᠭᠠ ᠨᠢ ᠠᠭᠠᠵᠢᠮ ᠳᠠᠭᠠᠨ ᠲᠠᠶᠠᠭᠳᠠᠭᠳᠠᠵᠤ ᠪᠦᠷᠢᠨ ᠪᠤᠰᠤ | ᠪᠣᠯᠵᠤ ᠪᠠᠶᠢᠨᠠ᠃ ᠮᠦᠨᠴᠥ ᠨᠠᠶᠢᠭᠡᠮ ᠤᠨ ᠦᠢᠯᠡᠳᠦᠯᠭᠡ ᠲᠤᠮᠳᠠ ᠬᠠᠷᠢᠯᠴᠠᠨ ᠶᠠᠪᠤᠯᠴᠠᠵᠤ ᠬᠠᠮᠲᠤᠷᠠᠯᠴᠠᠨ | ᠠᠵᠢᠯᠯᠠᠬᠤ ᠶᠢᠨ ᠶᠠᠪᠤᠴᠠ ᠳᠤ ᠨᠥᠯᠥᠭᠡ ᠬᠥᠷᠲᠡᠵᠦ ᠬᠤᠪᠢᠷᠠᠪᠠ᠃ | ︵︽ᠦᠪᠦᠷ ᠮᠣᠩᠭᠤᠯ ᠤᠨ ᠮᠠᠯ ᠠᠵᠤ ᠠᠬᠤᠢ︾ ᠰᠡᠳᠬᠦᠯ ᠤᠨ 2018 ᠣᠨ ᠤ 4 ᠳ᠋ᠦ᠋ᠭᠡᠷ ᠬᠤᠭᠤᠴᠠᠭᠠᠨ ᠠᠴᠠ | ᠰᠢᠯᠵᠢᠬᠦᠯᠪᠠ᠃︶ | |