A. ᠲᠤᠯᠤᠭᠠᠢ ᠶᠢᠨ ᠶᠠᠰᠤᠨ ᠤ ᠬᠡᠰᠡᠭ᠂ ᠡᠷᠡᠦ ᠲᠠᠢ ᠪᠦᠬᠦᠯᠢ ᠲᠤᠯᠤᠭᠠᠢ ᠪᠠᠭᠲᠠᠨ᠎ᠠ᠃

     B. ᠬᠦᠵᠦᠭᠦᠨ ᠶᠠᠰᠤᠨ ᠤ ᠬᠡᠰᠡᠭ᠂ ᠬᠦᠵᠦᠭᠦᠨ ᠵᠢᠷᠭᠤᠭᠠᠨ ᠬᠡᠰᠡᠭ ᠦᠶ᠎ᠡ ᠶᠠᠰᠤ ᠪᠠᠭᠲᠠᠨ᠎ᠠ᠃

     C. ᠴᠡᠭᠡᠵᠢᠨ ᠶᠠᠰᠤᠨ ᠤ ᠬᠡᠰᠡᠭ᠂ ᠳᠡᠭᠡᠷ᠎ᠡ ᠲᠠᠯ᠎ᠠ ᠳᠠᠭᠠᠨ ᠰᠡᠭᠡᠷ᠂ ᠮᠣᠬᠤᠭ᠎ᠠ ᠬᠠᠷᠴᠠᠭ᠎ᠠ ᠶᠢ ᠪᠠᠭᠲᠠᠭᠠᠵᠤ᠂

ᠳᠤᠤᠷ᠎ᠠ ᠲᠠᠯ᠎ᠠ ᠳᠠᠭᠠᠨ ᠡᠪᠴᠢᠭᠦᠨ ᠶᠠᠰᠤ ᠪᠠᠷ ᠰᠠᠭᠤᠷᠢᠯᠠᠵᠤ᠂ ᠬᠤᠶᠠᠷ ᠬᠠᠵᠠᠭᠤ ᠳᠠᠭᠠᠨ ᠰᠡᠭᠡᠷ ᠨᠢᠷᠤᠭᠤ ᠪᠤᠯᠤᠨ

ᠡᠪᠴᠢᠭᠦᠦ ᠶᠢ ᠬᠤᠯᠪᠤᠭᠰᠠᠨ ᠬᠠᠪᠢᠷᠭ᠎ᠠ ᠰᠦᠪᠡᠷᠭᠡ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠳᠤᠮᠳᠠ ᠪᠡᠶ᠎ᠡ ᠶᠢᠨ ᠡᠮᠦᠨ᠎ᠡ ᠬᠡᠰᠡᠭ ᠤᠨ

ᠶᠠᠰᠤ ᠨᠤᠭᠤᠳ ᠪᠣᠯᠣᠨ᠎ᠠ᠃

     D. ᠨᠢᠷᠤᠭᠤᠨ ᠶᠠᠰᠤᠨ ᠤ ᠬᠡᠰᠡᠭ᠂ ᠮᠣᠩᠭᠤᠯ ᠵᠠᠩᠰᠢᠯ ᠢᠶᠠᠷ ᠪᠣᠯ ᠴᠡᠭᠡᠵᠢᠨ ᠳᠤ ᠭᠠᠷᠣᠭᠰᠠᠨ ᠬᠤᠶᠠᠷ

ᠮᠣᠬᠤᠭ᠎ᠠ ᠬᠠᠷᠴᠠᠭ᠎ᠠ ᠶᠢ ᠨᠢᠷᠤᠭᠤᠨ ᠬᠡᠰᠡᠭ ᠲᠤ ᠪᠠᠭᠲᠠᠭᠠᠨ᠎ᠠ᠃ ᠠᠷᠠᠳ ᠤᠨ ᠦᠭᠡᠨ ᠳᠤ᠂ ᠨᠠᠢᠮᠠᠨ ᠨᠢᠷᠤᠭᠤ᠂ ᠨᠠᠷᠢᠨ

ᠬᠠᠪᠢᠷᠭ᠎ᠠ ︵ᠰᠦᠪᠡᠷᠭᠡ︶ ᠱᠠᠷᠭᠢᠷᠠᠵᠤ ᠡᠪᠡᠳᠦᠨ᠎ᠡ ᠭᠡᠳᠡᠭ ᠢ ᠰᠠᠨᠠᠮᠤ᠃ ᠣᠳᠣ ᠶᠢᠨ ︽ᠠᠨᠠᠲ᠋ᠤᠮᠢ︾ ᠳᠤ ᠪᠦᠷ ᠬᠠᠷᠴᠠᠭ᠎ᠠ

 ᠲᠠᠢ ᠵᠢᠷᠭᠤᠭᠠᠨ ᠨᠢᠷᠤᠭᠤ ᠶᠢ ᠯᠡ ᠪᠠᠭᠲᠠᠭᠠᠨ ᠬᠡᠯᠡᠵᠦ ᠪᠠᠶᠢᠳᠠᠭ᠃

     E. ᠤᠭᠤᠴᠠᠨ ᠶᠠᠰᠤᠨ ᠤ ᠬᠡᠰᠡᠭ᠂ ᠡᠭᠦᠨ ᠳᠤ ᠲᠤᠤᠬᠠᠨ ᠨᠢᠷᠤᠭᠤ ᠬᠢᠭᠡᠳ ᠡᠭᠦᠨ ᠠᠴᠠ ᠵᠠᠯᠭᠠᠯᠳᠤᠨ

ᠪᠠᠶᠢᠭ᠎ᠠ ᠰᠡᠷᠪᠡᠭᠡ ᠨᠢ ᠦᠷᠭᠡᠢ ︵ᠦᠷᠭᠦᠯᠵᠢ︶ ᠰᠡᠭᠦᠯ ᠤᠨ ᠡᠬᠢᠨ ᠤ ᠬᠡᠳᠦᠨ ᠦᠶ᠎ᠡ ᠶᠠᠰᠤ ᠶᠢ ᠪᠠᠭᠲᠠᠭᠠᠨ᠎ᠠ᠃

     F. ᠰᠡᠭᠦᠯ ᠶᠠᠰᠤᠨ ᠤ ᠬᠡᠰᠡᠭ᠂ ᠰᠡᠭᠦᠯ ᠤᠨ ᠪᠦᠬᠦ ᠦᠶ᠎ᠡ ᠶᠠᠰᠤ ᠶᠢ ᠴᠦᠮ ᠪᠠᠭᠲᠠᠭᠠᠨ᠎ᠠ᠃

     M. ᠬᠠ ᠡᠮᠦᠨ᠎ᠡ ᠴᠢᠴᠠ ᠶᠢᠨ ᠶᠠᠰᠤᠨ ᠤ ᠬᠡᠰᠡᠭ᠂ ᠡᠭᠦᠨ ᠳᠤ ᠳᠤᠲᠤᠷᠠᠬᠢ ᠬᠡᠳᠦᠨ ᠶᠠᠰᠤ ᠨᠤᠭᠤᠳ

ᠪᠠᠭᠲᠠᠨ᠎ᠠ᠃

     1.ᠳᠠᠯᠤ ᠶᠢᠨ ᠶᠠᠰᠤ

     2.ᠬᠠᠷᠢᠲᠤ ᠴᠢᠮᠦᠭᠡ᠃ ᠪᠠᠰᠠ ᠠᠳᠬᠤᠭᠠᠯ ᠴᠢᠮᠦᠭᠡ᠂ ᠪᠤᠭᠤᠯᠤᠭ ᠴᠢᠮᠦᠭᠡ᠂ ᠬᠠᠶᠢᠨ ᠴᠢᠮᠦᠭᠡ ᠴᠣ᠋ ᠭᠡᠳᠡᠭ᠃

     3. ᠪᠤᠭᠳᠤᠰ ᠴᠢᠮᠦᠭᠡ᠃ ᠪᠠᠰᠠ ᠵᠠᠷᠢᠮ ᠭᠠᠵᠠᠷ ᠱᠤ ᠴᠢᠮᠦᠭᠡ ᠴᠤ ᠭᠡᠳᠡᠭ᠃ ᠡᠭᠦᠨ ᠤ ᠬᠤᠶᠢᠲᠤ ᠲᠠᠯ᠎ᠠ ᠳᠤ

ᠨᠠᠭᠠᠯᠳᠤᠭᠰᠠᠨ ᠶᠠᠰᠤ ᠶᠢ ᠵᠠᠯᠠᠭ᠎ᠠ ᠶᠠᠰᠤ᠂ ᠪᠠᠰᠠ ᠲᠡᠪᠡᠨᠡ ᠶᠠᠰᠤ᠂ ᠲᠤᠬᠤᠢ ᠶᠠᠰᠤ ᠭᠡᠬᠦ ᠵᠡᠷᠭᠡ ᠪᠠᠷ ᠬᠡᠯᠡᠳᠡᠭ᠃

     4. ᠬᠠᠭᠳᠠ ᠦᠶ᠎ᠡ ᠶᠠᠰᠤ᠂ ᠪᠠᠰᠠ ᠲᠠᠮᠤ ᠶᠢᠨ ᠲᠠᠪᠤᠨ ᠶᠠᠰᠤ ᠭᠡᠳᠡᠭ ᠭᠠᠵᠠᠷ ᠪᠤᠢ᠃ ︽ᠮᠠᠯ ᠤᠨ ᠠᠨᠠᠲ᠋ᠤᠮᠢ︾

 ᠳᠤ᠄ ︽ᠰᠢᠪᠡᠨᠦᠷ ᠶᠠᠰᠤ︾ ᠭᠡᠳᠡᠭ᠃ ᠰᠢᠪᠡᠨᠦᠷ ᠶᠠᠰᠤ ᠶᠢ ᠴᠧᠪᠡᠯ ᠤᠨ ᠲᠣᠯᠢ ᠳᠤ ︽ᠮᠠᠯ ᠭᠦᠷᠦᠭᠡᠰᠦᠨ ᠤ ᠰᠢᠭᠢᠷ᠎ᠡ ᠶᠢᠨ

ᠳᠤᠤᠷᠠᠲᠤ ᠳᠠᠬᠢ ᠪᠢᠴᠢᠬᠠᠨ ᠶᠠᠰᠤ︾ ᠭᠡᠵᠦ ᠲᠠᠶᠢᠯᠵᠤ ᠪᠤᠢ᠃ ᠪᠠᠶᠠᠨᠨᠠᠭᠤᠷ ᠲᠤ ᠲᠠᠮᠤ ᠶᠢᠨ ᠲᠠᠪᠤᠨ ᠶᠠᠰᠤ ᠭᠡᠳᠡᠭ᠃

ᠡᠨᠡ ᠦᠶ᠎ᠡ ᠨᠢ ᠬᠡᠪᠲᠡᠬᠦ ᠰᠦᠭᠦᠳᠬᠦ ᠳᠤ ᠤᠷᠢᠳᠠᠪᠡᠷ ᠪᠣᠬᠢᠷᠴᠤ᠂ ᠪᠣᠰᠬᠤ ᠳᠤ ᠰᠠᠶ᠋ᠢ ᠲᠡᠨᠢᠢᠳᠡᠭ ᠢᠶᠠᠷ ᠲᠠᠮᠤ ᠶᠢᠨ

ᠲᠠᠪᠤᠨ ᠶᠠᠰᠤ ᠭᠡᠵᠡᠢ᠃

     5.ᠰᠢᠯᠪᠢᠨ ᠶᠠᠰᠤ᠂ ︽ᠠᠨᠠᠲ᠋ᠤᠮᠢ︾ ᠳᠤ᠄ ︽ᠳᠦᠷᠪᠡᠳᠦᠭᠡᠷ ᠰᠢᠯᠪᠢᠨ ᠶᠠᠰᠤ︾ ᠭᠡᠵᠡᠢ᠃ ᠪᠠᠰᠠ ᠰᠠᠪᠬᠠᠨ ᠶᠠᠰᠤ

ᠭᠡᠳᠡᠭ᠃

     6.ᠦᠨᠦᠴᠢᠨ ᠶᠠᠰᠣ᠂ ᠪᠡᠷᠪᠡᠬᠡᠢ ᠦᠶᠡᠨ ᠤ ᠦᠨᠦᠴᠢᠨ ᠶᠠᠰᠤ᠂ ᠪᠠᠰᠠ ᠰᠠᠭᠯᠠᠭ᠎ᠠ ᠶᠠᠰᠤ ᠭᠡᠳᠡᠭ᠃ ︽ᠠᠨᠠᠲ᠋ᠤᠮᠢ︾

 ᠳᠤ᠄ ︽ᠤᠶᠢᠷ᠎ᠠ ᠨᠠᠮᠠᠭᠦᠷᠢ ᠶᠠᠰᠤ︾ ᠭᠡᠵᠡᠢ᠃

     7.ᠪᠡᠷᠪᠡᠬᠡᠢ ᠶᠢᠨ ᠶᠠᠰᠤ᠂ ᠪᠠᠰᠠ ᠴᠦᠮᠴᠦᠭᠡ ︵ᠰᠢᠮᠰᠡᠭᠡ︶ ᠶᠠᠰᠤ ᠭᠡᠳᠡᠭ᠃ ︽ᠠᠨᠠᠲ᠋ᠤᠮᠢ︾ ᠳᠤ᠄ ︽ᠶᠡᠭᠡ

ᠰᠢᠪᠡᠨᠦᠷ ᠶᠠᠰᠤ︾ ᠭᠡᠵᠡᠢ᠃

     8.ᠲᠠᠭᠠᠯᠴᠠᠭ ᠶᠠᠰᠤ᠂ ᠪᠠᠰᠠ ᠲᠢᠲᠢᠮ ᠶᠠᠰᠤ ᠭᠡᠳᠡᠭ᠃ ︽ᠠᠨᠠᠲ᠋ᠤᠮᠢ︾ ᠳᠤ᠄ ︽ᠰᠢᠪᠡᠨᠦᠷ ᠶᠠᠰᠤ︾ ᠭᠡᠳᠡᠭ᠃

     9.ᠬᠡᠤᠬᠡᠨ ᠲᠤᠭᠤᠷᠠᠢ ︵ᠬᠤᠬᠢᠰᠤ︶ ᠶᠠᠰᠤ

     ᠬᠠ ᠪᠣᠯ ᠡᠳᠡᠭᠡᠷ ᠶᠠᠰᠤ ᠨᠤᠭᠤᠳ ᠢᠶᠠᠷ ᠪᠦᠷᠢᠯᠳᠦᠨ᠎ᠠ᠃

     H. ᠭᠤᠶ᠎ᠠ ᠶᠢᠨ ᠬᠡᠰᠡᠭ ︵ᠬᠤᠶᠢᠲᠤ ᠴᠢᠴᠠᠨ ᠤ ᠬᠡᠰᠡᠭ︶

     ᠡᠭᠦᠨ ᠳᠤ ᠳᠤᠤᠷᠠᠬᠢ ᠬᠡᠳᠦᠨ ᠶᠠᠰᠤ ᠨᠤᠭᠤᠳ ᠪᠠᠭᠲᠠᠨ᠎ᠠ᠃

     10.ᠰᠡᠭᠦᠵᠢ ᠶᠠᠰᠤ

     11. ᠦᠭᠡᠵᠡᠭ ᠶᠠᠰᠤ

     12.ᠳᠤᠮᠳᠠ ᠴᠢᠮᠦᠭᠡᠨ ᠶᠠᠰᠤ᠂ ᠵᠠᠷᠢᠮ ᠭᠠᠵᠠᠷ ᠪᠠᠰᠠ ᠬᠤᠩ ᠴᠢᠮᠦᠭᠡ ᠭᠡᠳᠡᠭ᠃ ᠡᠨᠡ ᠨᠢ ᠲᠤᠯᠭᠠᠭᠤᠷᠢ ᠶᠠᠰᠤ

ᠭᠡᠰᠡᠨ ᠰᠠᠨᠠᠭ᠎ᠠ ᠪᠣᠶᠣ᠃

     13.ᠲᠤᠶᠢᠭ ᠶᠠᠰᠤ

     14.ᠱᠠᠭᠠᠨᠲᠤ ᠴᠢᠮᠦᠭᠡᠨ ᠶᠠᠰᠤ᠂ ᠲᠤᠪᠴᠢᠯᠠᠭᠠᠳ ᠱᠠᠭᠠᠨᠲᠤ ᠭᠡᠳᠡᠭ᠃ ︽ᠠᠨᠠᠲ᠋ᠤᠮᠢ︾ ᠳᠤ᠄ ︽ᠪᠠᠭ᠎ᠠ ᠱᠠᠭᠠᠨᠲᠤ

ᠴᠢᠮᠦᠭᠡᠨ ᠶᠠᠰᠤ︾ ᠭᠡᠵᠡᠢ᠃

     15.ᠵᠤᠪᠠᠯᠠᠩᠲᠤ ᠵᠢᠷᠭᠤᠭᠠᠨ ᠶᠠᠰᠤ᠂ ᠪᠤᠰᠴᠣ ᠬᠡᠪᠲᠡᠬᠦ᠂ ᠬᠤᠷᠳᠤᠯᠠᠬᠤ ᠵᠡᠷᠭᠡ ᠳᠤ ᠪᠤᠰᠤᠳ ᠶᠠᠰᠤᠨ ᠠᠴᠠ

ᠢᠯᠡᠭᠦᠦ ᠬᠦᠴᠦ ᠵᠦᠳᠦᠭᠦᠷᠢ ᠠᠮᠰᠠᠳᠠᠭ ᠠᠴᠠ ᠡᠶᠢᠨ ᠨᠡᠷᠡᠯᠡᠪᠡ᠃

     ᠡᠭᠦᠨ ᠳᠤ ᠪᠣᠷᠪᠢ ᠶᠠᠰᠤ᠂ ᠱᠠᠭ᠎ᠠ᠂ ᠲᠠᠬᠢᠮ ᠤᠨ ᠨᠢᠭᠡᠳᠡᠬᠢ᠂ ᠬᠤᠶᠠᠳᠡᠬᠢ᠂ ᠭᠤᠷᠪᠠᠳᠡᠬᠢ᠂ ᠳᠦᠷᠪᠡᠳᠡᠬᠢ ᠶᠠᠰᠤ

 ᠲᠠᠢ ᠨᠡᠶᠢᠯᠡᠭᠡᠳ ᠵᠢᠷᠭᠤᠭ᠎ᠠ ᠪᠣᠯᠠᠢ᠃ ᠡᠭᠦᠨ ᠢ ︽ᠠᠨᠠᠲ᠋ᠤᠮᠢ︾ ᠳᠤ᠄ ︽ᠦᠰᠦᠷᠬᠦ ᠦᠶ᠎ᠡ ᠶᠢᠨ ᠶᠠᠰᠤ︾ ᠭᠡᠵᠡᠢ᠃

     16.ᠰᠢᠯᠪᠢᠨ ᠶᠠᠰᠤ᠂ ︽ᠠᠨᠠᠲ᠋ᠤᠮᠢ︾ ᠳᠤ᠄ ︽ᠭᠤᠷᠪᠠᠳᠤᠭᠠᠷ ᠰᠢᠯᠪᠢᠨ ᠶᠠᠰᠤ︾ ᠭᠡᠵᠡᠢ᠃ ᠡᠭᠦᠨ ᠢ ᠪᠠᠰᠠ ᠭᠤᠣᠯ

ᠰᠢᠯᠪᠢ ᠴᠤ ᠭᠡᠳᠡᠭ᠃

     17.ᠦᠨᠦᠴᠢᠨ ᠶᠠᠰᠤ᠂ ᠪᠡᠯᠪᠡᠷᠬᠡᠢ ᠶᠠᠰᠤ᠂ ᠰᠠᠭᠯᠠᠭ᠎ᠠ ᠶᠠᠰᠤ ᠭᠡᠳᠡᠭ᠃

     18.ᠪᠡᠷᠪᠡᠬᠡᠢ ᠶᠠᠰᠤ᠂ ᠶᠡᠭᠡ ᠰᠢᠮᠰᠡᠭᠡ᠂ ᠪᠠᠰᠠ ᠴᠢᠳᠦᠷ ᠶᠠᠰᠤ ᠭᠡᠳᠡᠭ᠃

     19.ᠦᠰᠦᠬᠡᠢ ᠶᠠᠰᠤ᠂ ︽ᠠᠨᠠᠲ᠋ᠤᠮᠢ︾ ᠳᠤ ᠲᠢᠲᠢᠮ ᠶᠠᠰᠤ ᠭᠡᠵᠡᠢ᠃ ᠪᠠᠭ᠎ᠠ ᠰᠢᠮᠰᠡᠭᠡ ᠭᠡᠳᠡᠭ᠃

     20.ᠬᠡᠤᠬᠡᠨ ᠲᠤᠭᠤᠷᠠᠢ

     N. ᠠᠳᠣᠭᠤᠨ ᠤ ᠬᠡᠩᠭᠦᠳᠡᠭ

     21.ᠪᠣᠶᠠᠨ ᠰᠡᠭᠡᠷ ︵ᠢᠯᠡᠭᠦᠦ ᠲᠠᠪᠤᠨ ᠰᠡᠭᠡᠷ︶

     22. ᠮᠣᠬᠤᠭ᠎ᠠ ᠬᠠᠷᠴᠠᠭ᠎ᠠ ︵ᠤᠷᠤᠨᠴᠤᠭ ᠬᠠᠷᠴᠠᠭ᠎ᠠ ᠪᠦᠬᠦᠢ ᠨᠢᠷᠤᠭᠤ︶

     23.ᠰᠦᠪᠡᠷᠭᠡ ︵ᠳᠤᠤᠷ᠎ᠠ ᠪᠠᠨ ᠮᠦᠬᠡᠷᠰᠦ ᠪᠦᠬᠦᠢ ᠬᠠᠪᠢᠷᠭ᠎ᠠ︶

     24.ᠬᠠᠪᠢᠰᠤᠨ ︵ᠢᠯᠡᠭᠦᠦ ᠲᠠᠪᠤᠨ ᠬᠤᠤᠰ ᠬᠠᠪᠢᠷᠭ᠎ᠠ︶

     25. ᠬᠠᠪᠢᠷᠭᠠᠰ

     26.ᠡᠪᠴᠢᠭᠦᠦ

     ︵ᠢᠷᠡᠯᠲᠡ᠄ ᠪᠠ᠊· ᠸᠠᠩᠵᠢᠯ ᠤᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠠᠯ ᠤᠨ ᠶᠠᠰᠤᠨ ᠤ ᠨᠡᠷᠡᠰ ᠤᠨ ᠲᠣᠯᠢ︾ ᠭᠡᠬᠦ

ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶