A. ᠲᠤᠯᠤᠭᠠᠢ ᠶᠢᠨ ᠬᠡᠰᠡᠭ᠂ ᠡᠷᠡᠦ ᠲᠠᠢ ᠪᠦᠬᠦᠯᠢ ᠲᠤᠯᠤᠭᠠᠢ ᠪᠠᠭᠲᠠᠨ᠎ᠠ᠃

     B. ᠬᠦᠵᠦᠭᠦᠦ ᠶᠠᠰᠤᠨ ᠤ  ᠬᠡᠰᠡᠭ

     C. ᠴᠡᠭᠡᠵᠢᠨ ᠶᠠᠰᠤᠨ ᠤ ᠬᠡᠰᠡᠭ᠂ ᠡᠭᠦᠨ ᠳᠤ ᠬᠤᠶᠠᠷ ᠮᠤᠬᠤᠭ᠎ᠠ ᠬᠠᠷᠴᠠᠭ᠎ᠠ᠂ ᠬᠤᠶᠠᠷ ᠬᠤᠤᠰ ᠰᠦᠷᠪᠡᠷᠬᠡ᠂

ᠨᠢᠷᠤᠭᠤᠨ ᠬᠡᠰᠡᠭ ᠠᠴᠠ ᠤᠷᠤᠵᠤ ᠪᠤᠢ᠃

     D. ᠨᠢᠷᠤᠭᠤᠨ ᠶᠠᠰᠤᠨ ᠤ ᠬᠡᠰᠡᠭ᠂ ᠮᠤᠩᠭᠤᠯ ᠵᠠᠩᠰᠢᠯ ᠢᠶᠠᠷ ᠪᠤᠯ ᠴᠡᠭᠡᠵᠢᠨ ᠳᠤ ᠭᠠᠷᠭᠠᠭᠰᠠᠨ ᠬᠤᠶᠠᠷ

ᠮᠤᠬᠤᠭ᠎ᠠ ᠬᠠᠷᠴᠠᠭ᠎ᠠ ᠶᠢ ᠨᠢᠷᠤᠭᠤᠨ ᠬᠡᠰᠡᠭ ᠲᠤ ᠪᠠᠭᠲᠠᠭᠠᠳᠠᠭ ᠶᠤᠮ᠃ ᠮᠤᠩᠭᠤᠯᠴᠤᠳ ᠪᠤᠯ ᠶᠠᠰᠤᠨ ᠤ

ᠲᠤᠯᠤᠭᠠᠢ ᠶᠢᠨ ᠢᠵᠢᠯᠢ ᠪᠠᠷ ᠪᠠᠷᠢᠮᠵᠢᠶᠠᠯᠠᠵᠤ ᠶᠠᠰᠤ ᠶᠢ ᠬᠦᠵᠦᠭᠦᠦ᠂ ᠰᠡᠭᠡᠷ᠂ ᠨᠢᠷᠤᠭᠤ ᠭᠡᠵᠦ ᠬᠤᠪᠢᠶᠠᠳᠠᠭ ᠵᠤᠷᠰᠢᠯ

 ᠲᠠᠢ᠃ ︽ᠰᠢᠭᠦᠰᠦᠨ ᠤ ᠢᠷᠦᠭᠡᠯ︾ ᠳᠤ᠄ ︽ᠠᠬᠤᠷ ᠵᠢᠷᠭᠤᠭᠠᠨ ᠬᠦᠵᠦᠭᠦᠦ ᠲᠠᠢ᠂ ᠠᠷᠪᠠᠨ ᠬᠤᠶᠠᠷ ᠰᠡᠭᠡᠷ ᠲᠠᠢ᠂

ᠬᠤᠳᠤᠭᠤᠷ ᠨᠠᠢᠮᠠᠨ ᠨᠢᠷᠤᠭᠤ ᠲᠠᠢ᠂ ᠬᠤᠷᠢᠨ ᠳᠦᠷᠪᠡᠨ ᠬᠠᠪᠢᠷᠭ᠎ᠠ ᠲᠠᠢ︾ ᠭᠡᠳᠡᠭ ᠢ ᠰᠠᠨᠠᠮᠦ᠃ ᠤᠳᠤᠬᠢ ︽ᠠᠨᠠᠲ᠋ᠤᠮᠢ︾

 ᠳᠤ ᠪᠦᠷ ᠬᠠᠷᠴᠠᠭ᠎ᠠ ᠲᠠᠢ ᠵᠢᠷᠭᠤᠭᠠᠨ ᠨᠢᠷᠤᠭᠤ ᠶᠢ ᠯᠡ ᠨᠢᠷᠤᠭᠤ ᠳᠤ ᠪᠠᠭᠲᠠᠭᠠᠨ ᠬᠡᠯᠡᠵᠦ ᠪᠤᠢ᠃

     E. ᠤᠭᠤᠴᠠᠨ ᠤ ᠬᠡᠰᠡᠭ᠂ ᠡᠭᠦᠨ ᠳᠤ ᠲᠤᠤᠬᠠᠨ ᠨᠢᠷᠤᠭᠤ ᠬᠢᠭᠡᠳ ᠡᠭᠦᠨ ᠠᠴᠠ ᠵᠠᠯᠭᠠᠯᠳᠤᠨ ᠪᠠᠶᠢᠭ᠎ᠠ

ᠰᠡᠷᠪᠡᠭᠡ ᠨᠢ ᠦᠷᠬᠡᠢ ︵ᠦᠷᠬᠦᠯᠵᠢ︶ ᠪᠤᠯᠤᠭᠰᠠᠨ ᠰᠡᠭᠦᠯ ᠤᠨ ᠡᠬᠢᠨ ᠤ ᠬᠡᠳᠦᠨ ᠦᠶ᠎ᠡ ᠶᠠᠰᠤ ᠶᠢ ᠪᠠᠭᠲᠠᠭᠠᠨ᠎ᠠ᠃

     F. ᠰᠡᠭᠦᠯ ᠶᠠᠰᠤᠨ ᠤ ᠬᠡᠰᠡᠭ᠂ ᠰᠡᠭᠦᠯ ᠤᠨ ᠪᠦᠬᠦ ᠦᠶ᠎ᠡ ᠶᠠᠰᠤ ᠴᠦᠮ ᠪᠠᠭᠲᠠᠨ᠎ᠠ᠃

     M. ᠬᠠ ᠶᠢᠨ ᠬᠡᠰᠡᠭ᠂ ᠡᠮᠦᠨ᠎ᠡ ᠬᠦᠯ ᠤᠨ ᠴᠢᠴᠠ ᠶᠠᠰᠤ᠂ ᠡᠭᠦᠨ ᠳᠤ ᠳᠤᠤᠷᠠᠬᠢ ᠬᠡᠳᠦᠨ ᠦᠶ᠎ᠡ

ᠶᠠᠰᠤ ᠨᠤᠭᠤᠳ ᠪᠠᠭᠲᠠᠳᠠᠭ᠃

     1.ᠳᠠᠯᠤ ᠶᠠᠰᠤ

     2.ᠬᠠᠷᠢᠲᠤ ᠴᠢᠮᠦᠭᠡ᠃ ᠪᠠᠰᠠ ᠬᠠᠶᠢᠨ ᠴᠢᠮᠦᠭᠡ᠂ ᠪᠤᠭᠤᠯᠤᠭ ᠴᠢᠮᠦᠭᠡ᠂ ᠠᠳᠬᠤᠭᠠᠯ ᠴᠢᠮᠦᠭᠡ ᠭᠡᠳᠡᠭ᠃

     3.ᠪᠤᠭᠲᠤᠰ᠂ ᠵᠠᠷᠢᠮ ᠨᠤᠲᠤᠭ ᠲᠤ ᠱᠤ ᠴᠢᠮᠦᠭᠡ ᠭᠡᠳᠡᠭ᠃ ᠡᠭᠦᠨ ᠤ ᠬᠤᠶᠢᠲᠤ ᠲᠠᠯ᠎ᠠ ᠳᠤ ᠨᠠᠭᠠᠯᠳᠤᠵᠤ

ᠪᠠᠶᠢᠭ᠎ᠠ ᠶᠠᠰᠤ ᠶᠢ ᠵᠠᠯᠠᠭ᠎ᠠ ᠶᠠᠰᠤ᠂ ᠪᠠᠰᠠ ᠲᠠᠪᠠᠨᠠ ᠶᠠᠰᠤ ︵ᠡᠨᠡ ᠨᠢ ᠦᠵᠦᠭᠦᠷ ᠢ ᠨᠢ ᠦᠵᠡᠵᠦ ᠨᠡᠷᠡᠯᠡᠭᠰᠡᠨ ᠮᠠᠭᠠᠳ︶᠂

ᠲᠤᠬᠤᠢ ᠶᠠᠰᠤ ᠭᠡᠳᠡᠭ ᠴᠤ ᠪᠤᠢ᠃

     4.ᠬᠠᠭᠳᠠ ᠦᠶ᠎ᠡ ᠶᠠᠰᠤ᠂ ᠪᠠᠰᠠ ᠲᠠᠮᠦ ᠶᠢᠨ ᠲᠠᠪᠤᠨ ᠶᠠᠰᠤ ︵ᠤᠷᠠᠳᠴᠤᠳ︶ ᠭᠡᠳᠡᠭ᠃ ᠡᠨᠡ ᠦᠶ᠎ᠡ ᠨᠢ

ᠬᠡᠪᠲᠡᠬᠦ᠂ ᠰᠦᠭᠦᠳᠬᠦ ᠳᠤ ᠤᠷᠢᠳᠠᠪᠠᠷ ᠪᠤᠬᠢᠷᠴᠤ᠂ ᠪᠤᠰᠬᠤ ᠳᠤ ᠬᠤᠶᠢᠨ᠎ᠠ ᠨᠢ ᠲᠡᠨᠢᠢᠳᠡᠭ ᠢᠶᠠᠷ ᠳᠠᠶᠢᠨ ᠨᠡᠷᠡᠯᠡᠭᠰᠡᠨ

ᠪᠠᠶᠢᠬ᠎ᠠ᠃ ︽ᠮᠠᠯ ᠤᠨ ᠠᠨᠠᠲ᠋ᠤᠮᠢ︾ ᠳᠤ᠄ ︽ᠰᠢᠪᠠᠨᠤᠷ ᠶᠠᠰᠤ︾ ᠭᠡᠵᠡᠢ᠃ ᠭᠡᠲᠡᠯ᠎ᠡ ᠰᠢᠪᠠᠨᠤᠷ ᠶᠠᠰᠤ ᠶᠢ ᠴᠧᠪᠡᠯ ᠤᠨ

ᠲᠤᠯᠢ ᠳᠤ᠄ ︽ᠮᠠᠯ ᠭᠦᠷᠦᠭᠡᠰᠦᠨ ᠤ ᠰᠢᠭᠢᠷ᠎ᠡ ᠶᠢᠨ ᠳᠤᠤᠷᠠᠳᠤ ᠳᠠᠬᠢ ᠪᠢᠴᠢᠬᠠᠨ ᠶᠠᠰᠤ︾ ᠭᠡᠵᠦ ᠲᠠᠶᠢᠯᠵᠠᠢ᠃

     5.ᠰᠢᠯᠪᠢᠨ ᠶᠠᠰᠤ᠂ ︽ᠠᠨᠠᠲ᠋ᠤᠮᠢ︾ ᠳᠤ᠄ ︽ᠳᠦᠷᠪᠡᠳᠦᠭᠡᠷ ᠰᠢᠯᠪᠢᠨ ᠶᠠᠰᠤ︾ ᠭᠡᠵᠡᠢ᠃ ᠪᠠᠰᠠ ᠰᠠᠪᠬᠠᠨ ᠶᠠᠰᠤ

ᠭᠡᠳᠡᠭ ᠴᠤ ᠪᠤᠢ᠃

     6.ᠦᠨᠦᠴᠢᠨ ᠶᠠᠰᠤ᠂ ᠪᠠᠷᠪᠡᠬᠡᠢ ᠦᠶ᠎ᠡ ᠶᠢᠨ ᠳᠤᠤᠷᠠᠲᠤ ᠲᠡᠭᠦᠰᠬᠡᠯ ᠳᠠᠬᠢ ᠪᠢᠴᠢᠬᠠᠨ ᠬᠤᠶᠠᠷ ᠬᠤᠬᠢᠰᠤ ᠲᠠᠢ

ᠶᠠᠰᠤ᠂ ᠪᠠᠰᠠ ᠰᠠᠭᠯᠠᠭ᠎ᠠ ᠶᠠᠰᠤ ᠭᠡᠳᠡᠭ᠃

     7.ᠪᠡᠷᠪᠡᠬᠡᠢ ᠶᠢᠨ ᠦᠶ᠎ᠡ ᠶᠠᠰᠤ᠂ ᠪᠠᠰᠠ ᠶᠡᠭᠡ ᠴᠦᠮᠴᠦᠭᠡ ︵ᠰᠢᠮᠰᠡᠭᠡ︶ ᠶᠠᠰᠤ ᠭᠡᠳᠡᠭ᠃ ︽ᠠᠨᠠᠲ᠋ᠤᠮᠢ︾ ᠳᠤ᠄

︽ᠶᠡᠭᠡ ᠰᠢᠪᠠᠨᠤᠷ ᠶᠠᠰᠤ︾ ᠭᠡᠵᠡᠢ᠃

     8.ᠳᠠᠭᠠᠯᠴᠠᠭ ᠶᠠᠰᠤ᠂ ᠪᠠᠰᠠ ᠪᠠᠭ᠎ᠠ ᠰᠢᠮᠰᠡᠭᠡ ᠶᠠᠰᠤ ᠭᠡᠳᠡᠭ᠃ ︽ᠭᠡᠷ ᠤᠨ ᠠᠨᠠᠲ᠋ᠤᠮᠢ︾ ᠳᠤ᠄ ︽ᠲᠢᠳᠢᠮ ᠶᠠᠰᠤ︾

ᠭᠡᠵᠦ᠂ ︽ᠮᠠᠯ ᠤᠨ ᠠᠨᠠᠲᠤᠮᠢ︾ ᠳᠤ ︽ᠪᠠᠭ᠎ᠠ ᠰᠢᠪᠠᠨᠤᠷ ᠶᠠᠰᠤ︾ ᠭᠡᠳᠡᠭ᠃

     9.ᠬᠡᠤᠬᠡᠨ ᠬᠤᠬᠢᠰᠤ ᠶᠠᠰᠤ

     ᠬᠠ ᠪᠤᠯ ᠡᠳᠡᠭᠡᠷ ᠶᠠᠰᠤ ᠨᠤᠭᠤᠳ ᠢᠶᠠᠷ ᠪᠦᠷᠢᠯᠳᠦᠳᠡᠭ᠃

     H.ᠭᠤᠶᠠᠨ ᠶᠠᠰᠤᠨ ᠤ ᠬᠡᠰᠡᠭ᠂ ᠭᠤᠶᠠᠨ ᠶᠠᠰᠤᠨ ᠤ ᠳᠤᠤᠷᠠᠬᠢ ᠶᠠᠰᠤ ᠨᠤᠭᠤᠳ ᠪᠠᠭᠲᠠᠨ᠎ᠠ᠃

     10.ᠰᠡᠭᠦᠵᠢᠨ ᠶᠠᠰᠤ᠂ ᠪᠠᠰᠠ ᠲᠠᠶᠢᠰᠢᠶᠠᠨ ᠶᠠᠰᠤ ᠴᠤ ᠭᠡᠳᠡᠭ᠃

     11.ᠦᠭᠡᠵᠡᠭ ᠶᠠᠰᠤ᠂ ᠵᠠᠷᠢᠮ ᠭᠠᠵᠠᠷ ᠰᠠᠭᠤᠳᠠᠯ ᠶᠠᠰᠤ ᠭᠡᠳᠡᠭ᠃ ᠡᠨᠡ ᠨᠢ ᠬᠦᠮᠦᠨ ᠳᠡᠭᠡᠷ᠎ᠡ ᠬᠡᠯᠡᠭᠰᠡᠨ

ᠪᠠᠶᠢᠬ᠎ᠠ᠃

     12.ᠳᠤᠮᠳᠠ ᠴᠢᠮᠦᠭᠡᠨ ᠶᠠᠰᠤ᠂ ᠵᠠᠷᠢᠮ ᠭᠠᠵᠠᠷ ᠪᠠᠰᠠ ᠬᠤᠩ ᠴᠢᠮᠦᠭᠡ ᠭᠡᠳᠡᠭ᠃ ᠡᠨᠡ ᠨᠢ ᠭᠤᠤᠯ ᠮᠦᠷᠲᠡᠭᠡᠨ

ᠲᠤᠯᠭᠠᠭᠤᠷᠢ ᠶᠠᠰᠤ ᠭᠡᠰᠡᠨ ᠤᠳᠬ᠎ᠠ ᠲᠠᠢ ᠪᠤᠶᠤ᠃ ᠬᠤᠩ ᠲᠠᠶᠢᠵᠢ ᠭᠡᠳᠡᠭ ᠢ ᠰᠠᠨᠠᠮᠤ᠃

     13.ᠲᠤᠶᠢᠭ ᠶᠠᠰᠤ

     14.ᠱᠠᠭᠠᠨᠲᠤ ᠴᠢᠮᠦᠭᠡᠨ ᠶᠠᠰᠤ᠂ ᠲᠤᠪᠴᠢᠯᠠᠭᠠᠳ ᠱᠠᠭᠠᠨᠲᠤ ᠭᠡᠳᠡᠭ᠃ ︽ᠠᠨᠠᠲ᠋ᠤᠮᠢ︾ ᠳᠤ᠄ ︽ᠪᠠᠭ᠎ᠠ ᠱᠠᠭᠠᠨᠲᠤ

ᠴᠢᠮᠦᠭᠡᠨ ᠶᠠᠰᠤ︾ ᠭᠡᠵᠡᠢ᠃

     15.ᠵᠤᠪᠯᠠᠩᠲᠤ ᠵᠢᠷᠭᠤᠭᠠᠨ ᠶᠠᠰᠤ᠂ ᠪᠤᠰᠴᠤ ᠬᠡᠪᠲᠡᠬᠦ ᠪᠤᠶᠤ ᠬᠤᠷᠳᠤᠯᠠᠬᠤ ᠳᠤ ᠪᠤᠰᠤᠳ ᠶᠠᠰᠤ ᠠᠴᠠ ᠬᠤᠯᠠ

ᠢᠯᠡᠭᠦᠤ ᠬᠦᠴᠦ ᠭᠠᠷᠭᠠᠵᠤ ᠵᠦᠳᠡᠭᠦᠷᠢ ᠠᠮᠰᠠᠳᠠᠭ ᠠᠴᠠ ᠡᠶᠢᠨ ᠨᠡᠷᠡᠯᠡᠭᠰᠡᠨ ᠪᠤᠶᠤ᠃ ᠡᠨᠡ ᠨᠢ ᠪᠤᠷᠪᠢ ᠶᠠᠰᠤ᠂ ᠱᠠᠭ᠎ᠠ

ᠶᠠᠰᠤ᠂ ᠳᠠᠬᠢᠮ ᠤᠨ ᠨᠢᠭᠡᠳᠡᠬᠢ᠂ ᠬᠤᠶᠠᠳᠡᠬᠢ᠂ ᠭᠤᠷᠪᠠᠳᠡᠬᠢ᠂ ᠳᠦᠷᠪᠡᠳᠡᠬᠢ ᠶᠠᠰᠤ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠪᠤᠯᠠᠢ᠃

ᠡᠭᠦᠨ ᠢ ︽ᠠᠨᠠᠲ᠋ᠤᠮᠢ︾ ᠳᠤ᠄ ︽ᠦᠰᠦᠷᠬᠦ ᠦᠶ᠎ᠡ ᠶᠢᠨ ᠶᠠᠰᠤ︾ ᠭᠡᠵᠡᠢ᠃

     16.ᠰᠢᠯᠪᠢᠨ ᠶᠠᠰᠤ᠂ ︽ᠠᠨᠠᠲ᠋ᠤᠮᠢ︾ ᠳᠤ᠄ ︽ᠭᠤᠷᠪᠠᠳᠤᠭᠠᠷ ᠰᠢᠯᠪᠢᠨ ᠶᠠᠰᠤ︾ ᠭᠡᠵᠡᠢ᠃ ᠡᠭᠦᠨ ᠢ ᠪᠠᠰᠠ ᠭᠤᠤᠯ

ᠰᠢᠯᠪᠢᠨ ᠶᠠᠰᠤ ᠭᠡᠳᠡᠭ᠃

     17.ᠦᠨᠦᠴᠢᠨ ᠶᠠᠰᠤ᠂ ᠪᠡᠷᠪᠡᠬᠡᠢ ᠦᠶ᠎ᠡ ᠶᠢᠨ ᠦᠨᠦᠴᠢᠨ ︵ᠭᠠᠭᠴᠠ︶ ᠶᠠᠰᠤ᠂ ᠪᠠᠰᠠ ᠵᠠᠷᠢᠮ ᠭᠠᠵᠠᠷ ᠰᠠᠭᠯᠠᠭ᠎ᠠ

ᠶᠠᠰᠤ ᠭᠡᠳᠡᠭ᠃ ︽ᠠᠨᠠᠲ᠋ᠤᠮᠢ︾ ᠳᠤ᠄  ︽ᠤᠶᠢᠷ᠎ᠠ ᠨᠡᠮᠡᠭᠦᠷᠢ ᠶᠠᠰᠤ︾ ᠭᠡᠵᠡᠢ᠃

     18.ᠪᠡᠷᠪᠡᠬᠡᠢ ᠶᠠᠰᠤ᠂ ᠪᠠᠶᠠᠨᠨᠠᠭᠤᠷ ᠲᠤ ᠰᠢᠮᠰᠡᠭᠡ᠂ ᠪᠠᠭᠠᠷᠢᠨ ᠳᠤ ᠴᠦᠮᠴᠦᠭᠡ ᠶᠠᠰᠤ ᠭᠡᠳᠡᠭ᠃ ︽ᠠᠨᠠᠲ᠋ᠤᠮᠢ︾

 ᠳᠤ᠄ ︽ᠶᠡᠭᠡ ᠰᠢᠪᠠᠨᠤᠷ ᠶᠠᠰᠤ︾ ᠭᠡᠵᠡᠢ᠃

     19.ᠦᠰᠦᠭᠡᠢ ᠶᠠᠰᠤ᠂ ᠲᠠᠪᠠᠭ ᠶᠠᠰᠤ᠂ ︽ᠠᠨᠠᠲ᠋ᠤᠮᠢ︾ ᠳᠤ᠄ ︽ᠲᠢᠳᠢᠮ ᠶᠠᠰᠤ︾ ᠭᠡᠳᠡᠭ᠃ ᠪᠠᠰᠠ ᠪᠠᠭ᠎ᠠ ᠰᠢᠪᠠᠨᠤᠷ

ᠶᠠᠰᠤ ᠭᠡᠳᠡᠭ᠃

     20. ᠬᠡᠤᠬᠡᠨ ᠲᠤᠭᠤᠷᠠᠢ᠂ ︽ᠠᠮᠢᠲᠠᠨ ᠤ ᠠᠨᠠᠲ᠋ᠤᠮᠢ︾ ᠳᠤ᠄ ︽ᠳᠤᠤᠷᠠᠲᠤ ᠰᠢᠪᠠᠨᠤᠷ ᠶᠠᠰᠤ︾ ᠭᠡᠵᠡᠢ᠃ ᠭᠤᠶ᠎ᠠ

ᠡᠳᠡᠭᠡᠷ ᠶᠠᠰᠤ ᠨᠤᠭᠤᠳ ᠢᠶᠠᠷ ᠪᠦᠷᠢᠯᠳᠦᠨ᠎ᠡ᠃

     N. ᠦᠬᠡᠷ ᠤᠨ ᠬᠡᠩᠭᠦᠳᠡᠭ ᠶᠠᠰᠤ ᠳᠤᠤᠷᠠᠬᠢ ᠶᠠᠰᠤ ᠨᠤᠭᠤᠳ ᠪᠠᠭᠲᠠᠨ᠎ᠠ

     21. ᠮᠦᠭᠡᠷᠰᠦ ᠲᠠᠢ ᠰᠦᠪᠡᠷᠭᠡ

     22.ᠬᠠᠪᠢᠷᠭ᠎ᠠ

     23. ᠡᠪᠴᠢᠭᠦᠦ

     24. ᠪᠤᠷᠪᠢ ᠶᠠᠰᠤ

︵ᠢᠷᠡᠯᠲᠡ᠄ ᠪ᠊·ᠸᠠᠩᠵᠢᠯ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠠᠯ ᠤᠨ ᠶᠠᠰᠤᠨ ᠤ ᠨᠡᠷᠡᠰ ᠤᠨ ᠲᠤᠯᠢ︾ ᠠᠴᠠ ᠰᠡᠶᠢᠷᠡᠭᠦᠯᠪᠡ᠃︶