| ᠵᠠᠷᠤᠳ ᠮᠣᠩᠭᠤᠯᠴᠣᠳ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠠᠷᠪᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠢ | ᠪᠤᠷᠬᠠᠨ ᠮᠡᠨᠳᠦᠯᠡᠭᠰᠡᠨ ᠡᠳᠦᠷ ᠭᠡᠵᠦ ᠤᠨᠳᠤᠤ ᠨᠢᠭᠡᠨ ᠬᠡᠯᠪᠡᠷᠢ ᠪᠠᠷ ᠪᠡᠯᠭᠡᠯᠡᠨ ᠳᠤᠷᠠᠰᠬᠠᠳᠠᠭ᠃ ᠡᠨᠡ ᠨᠢ ᠪᠠᠷᠤᠭ | ᠪᠤᠳ᠋ᠳ᠋ᠾᠠ ᠶᠢᠨ ᠱᠠᠰᠢᠨ ᠳᠤᠮᠳᠠᠳᠤ ᠤᠷᠤᠨ ᠳᠤ ᠤᠷᠤᠵᠤ ᠢᠷᠡᠭᠰᠡᠨ ᠦᠶᠡ ᠠᠴᠠ ᠡᠬᠢᠯᠡᠭᠰᠡᠨ ᠪᠠᠶᠢᠵᠤ ᠮᠠᠭᠠᠳ᠃ | ᠠᠷᠪᠠᠨ ᠰᠠᠷᠠ ᠶᠢᠨ ᠬᠤᠷᠢᠳ ᠪᠣᠯᠣᠮᠠᠭᠴᠠ ᠬᠦᠮᠦᠰ ᠬᠤᠷᠢᠨ ᠲᠠᠪᠤᠨ ᠳᠤ ᠬᠡᠷᠡᠭᠯᠡᠬᠦ ᠶᠠᠭᠤᠮᠠᠰ ᠢᠶᠠᠨ | ᠪᠡᠯᠡᠳᠭᠡᠵᠦ ᠡᠬᠢᠯᠡᠳᠡᠭ᠃ ᠡᠭᠦᠨ ᠳᠤ ᠨᠠᠩᠭᠢ ᠭᠤᠯᠢᠷ ᠲᠠᠯᠬᠠᠳᠠᠬᠤ᠂ ᠭᠤᠯᠢᠷ ᠢᠶᠠᠨ ᠢᠰᠭᠡᠬᠦ᠂ ᠬᠠᠭᠤᠷᠠᠢ ᠪᠤᠳᠠᠭᠠ | ᠬᠠᠭᠤᠷᠴᠤ ᠵᠠᠷᠮᠠ ᠳᠠᠷᠤᠬᠤ᠂ ᠬᠠᠪᠰᠠᠢ ᠪᠣᠣᠪᠤ ᠬᠠᠭᠠᠷᠢᠬᠤ᠂ ᠬᠦᠯᠳᠡᠭᠡᠭᠰᠡᠨ ᠪᠤᠳᠠᠭᠠ ᠬᠢᠬᠦ᠂ ᠦᠷᠦᠮᠡ ᠬᠠᠭᠰᠠᠭᠠᠬᠤ | ᠵᠡᠷᠭᠡ ᠪᠣᠢ᠃ ᠬᠤᠷᠢᠨ ᠲᠠᠪᠤᠨ ᠤ ᠤᠷᠤᠢ ᠪᠦᠷᠦᠢ ᠲᠠᠰᠤᠷᠠᠮᠠᠭᠴᠠ ᠭᠡᠷ ᠪᠣᠯᠭᠠᠨ ᠪᠤᠷᠬᠠᠨ ᠳᠠᠭᠠᠨ ᠬᠦᠵᠢ ᠵᠤᠯᠠ | ᠡᠷᠭᠦᠵᠦ ᠠᠮᠲᠠᠲᠤ ᠢᠳᠡᠭᠡᠨ ᠢᠶᠠᠷ ᠪᠤᠷᠬᠠᠨ ᠢᠶᠠᠨ ᠲᠠᠬᠢᠭᠠᠳ ︽ᠬᠠᠷᠢᠨ ᠲᠠᠪᠤᠨ ᠬᠦᠭᠡᠭᠡᠬᠦ︾ ᠠᠵᠢᠯᠯᠠᠭᠠ ᠪᠠᠨ | ᠡᠬᠢᠯᠡᠭᠦᠯᠳᠡᠭ᠃ | ᠶᠠᠭᠤᠨ ᠤ ᠤᠷᠢᠳ ᠬᠤᠷᠢᠨ ᠲᠠᠪᠤᠨ ᠬᠦᠭᠡᠭᠡᠬᠦ ᠳᠤ ᠪᠡᠯᠡᠳᠭᠡᠭᠰᠡᠨ ᠨᠠᠩᠭᠢ ᠪᠤᠳᠠᠭᠠ᠂ ᠬᠤᠷᠤᠳ ᠡᠭᠡᠵᠡᠬᠡᠢ᠂ | ᠬᠠᠭᠰᠠᠭᠠᠭᠰᠠᠨ ᠦᠷᠦᠮᠡ᠂ ᠬᠠᠪᠰᠠᠢ ᠪᠣᠣᠪᠤ᠂ ᠬᠦᠯᠳᠡᠭᠡᠭᠰᠡᠨ ᠪᠤᠳᠠᠭᠠ ᠵᠡᠷᠭᠡ ᠪᠠᠨ ᠳᠡᠪᠢᠭᠦᠷ ᠳᠤᠲᠤᠷᠠ ᠬᠢᠵᠦ | ᠲᠠᠯᠪᠢᠭᠠᠳ᠂ ᠬᠤᠷᠤᠳ ᠦᠷᠦᠮᠡ᠂ ᠬᠦᠯᠳᠡᠭᠡᠭᠰᠡᠨ ᠪᠤᠳᠠᠭᠠ ᠪᠠᠨ ᠵᠢᠵᠢᠭ ᠵᠢᠵᠢᠭ ᠢᠶᠠᠷ ᠬᠡᠰᠡᠭᠯᠡᠨᠡ᠃ ᠡᠳᠡᠭᠡᠷ ᠢᠶᠠᠨ | ᠪᠦᠬᠦᠨ ᠢ ᠶᠡᠷᠦᠩᠬᠡᠶᠢᠯᠡᠭᠡᠳ ︽ᠬᠤᠷᠢᠨ ᠲᠠᠪᠤᠨ︾ ᠭᠡᠵᠦ ᠲᠠᠪᠠᠭ ᠲᠤ ᠭᠡᠷ ᠭᠡᠷ ᠤᠨ ᠬᠤᠪᠢ ᠶᠢ ᠬᠤᠪᠢᠶᠠᠵᠤ ᠬᠢᠭᠡᠳ | ᠬᠡᠣᠬᠡᠳ ᠢᠶᠠᠷ ᠢᠶᠠᠨ ᠭᠡᠷ ᠪᠣᠯᠭᠠᠨ ᠳᠤ ᠬᠦᠷᠭᠡᠳᠡᠭ ᠢᠶᠠᠨ ︽ᠬᠤᠷᠢᠨ ᠲᠠᠪᠤᠨ ᠬᠦᠭᠡᠭᠡᠬᠦ︾ ᠭᠡᠵᠦ ᠬᠡᠯᠡᠳᠡᠭ᠃ ᠭᠡᠷ | ᠪᠦᠷᠢ ᠳᠤ 3～5 ᠨᠠᠩᠭᠢ ᠪᠤᠣᠪᠤ᠂ ᠠᠯᠠᠭᠠᠨ ᠬᠢᠷᠢ ᠬᠤᠷᠤᠳ᠂ ᠭᠤᠷᠪᠠᠨ ᠬᠤᠷᠤᠭᠤ ᠬᠢᠷᠢ ᠵᠦᠰᠦᠭᠰᠡᠨ ᠨᠢᠭᠡ | ᠵᠦᠰᠦᠮ ᠬᠠᠭᠰᠠᠭᠠᠭᠰᠠᠨ ᠦᠷᠦᠮᠡ᠂ ᠮᠦᠨ ᠬᠤᠶᠠᠷ ᠬᠤᠷᠤᠭᠤ ᠬᠢᠷᠢ ᠦᠷᠭᠡᠨ ᠵᠦᠰᠦᠭᠰᠡᠨ ᠬᠦᠯᠳᠡᠭᠡᠭᠰᠡᠨ ᠪᠤᠳᠠᠭᠠ | ᠪᠣᠯᠣᠨ ᠬᠡᠳᠦᠨ ᠬᠠᠪᠰᠠᠢ ᠪᠣᠣᠪᠤ ᠲᠤᠰᠬᠠᠵᠤ ᠲᠠᠪᠠᠭ ᠲᠤ ᠲᠠᠪᠠᠭᠯᠠᠭᠠᠳ ᠭᠡᠷ ᠪᠣᠯᠭᠠᠨ ᠳᠤ ᠬᠠᠷᠢᠯᠴᠠᠨ ᠬᠦᠷᠭᠡᠯᠴᠡᠳᠡᠭ᠃ | ᠮᠦᠨ ᠪᠠᠰᠠ ᠪᠤᠷᠬᠠᠨ ᠤ ᠬᠡᠰᠢᠭ ᠭᠡᠵᠦ ᠬᠤᠷᠢᠨ ᠲᠠᠪᠤᠨ ᠬᠦᠭᠡᠭᠡᠵᠦ ᠣᠴᠢᠭᠰᠠᠨ ᠬᠡᠤᠬᠡᠳ ᠲᠤ ᠬᠤᠷᠤᠳ | ᠦᠷᠦᠮᠡ ᠠᠴᠠ ᠪᠠᠭ᠋ᠠᠨ ᠬᠤᠪᠢ ᠠᠳᠬᠤᠭᠤᠯᠤᠭᠠᠳ ᠬᠠᠷᠢᠭᠤᠯᠳᠠᠭ᠃ ᠢᠩᠭᠢᠭᠡᠳ ᠯᠡ ᠤᠯᠠᠨ ᠭᠡᠷ ᠲᠤ ᠬᠦᠷᠭᠡᠭᠰᠡᠨ | ᠬᠡᠤᠬᠡᠳ ᠤᠨ ᠬᠤᠷᠢᠨ ᠲᠠᠪᠤᠨ ᠨᠢ ᠵᠢᠵᠢᠭ ᠰᠠᠭᠰᠤ ᠳᠦᠭᠦᠷᠳᠡᠭ ᠲᠤᠯᠠ ᠲᠡᠭᠦᠨ ᠢᠶᠠᠨ ᠬᠠᠭᠠᠰ ᠰᠠᠷᠠ ᠠᠷᠪᠠ | ᠬᠤᠨᠤᠭ ᠢᠶᠠᠷ ᠪᠤᠷᠬᠠᠨ ᠤ ᠬᠡᠰᠢᠭ ︽ᠬᠤᠷᠢᠨ ᠲᠠᠪᠤᠨ︾ ᠭᠡᠮᠡᠵᠦ ᠠᠮᠲᠠᠷᠬᠠᠨ ᠢᠳᠡᠳᠡᠭ᠃ | | | ︵ᠢᠷᠡᠯᠲᠡ᠄ ᠲᠡᠮᠦᠷᠬᠤᠶᠠᠭ᠂ ᠬᠦᠷᠡᠯᠱᠠ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠵᠠᠷᠤᠳ ᠵᠠᠩ ᠦᠢᠯᠡ︾ ᠭᠡᠬᠦ ᠨᠤᠮ ᠠᠴᠠ | ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |