| ᠠᠪᠠᠭᠠᠴᠤᠳ ᠦᠨᠢᠶᠡᠨ ᠤ ᠠᠶᠢᠷᠠᠭ᠂ ᠭᠡᠭᠦᠨ ᠤ ᠠᠶᠢᠷᠠᠭ ᠢᠶᠠᠷ ᠲᠤᠭᠤᠭᠠ ᠨᠡᠷᠡᠳᠡᠭ᠃ ᠲᠤᠭᠤᠭᠠ ᠨᠡᠷᠡᠬᠦ | ᠵᠣᠷᠢᠯᠭᠠ ᠪᠣᠯ ᠨᠢᠭᠡ ᠳᠤ ᠠᠷᠢᠬᠢ ᠭᠠᠷᠭᠠᠵᠤ ᠠᠪᠬᠤ᠂ ᠬᠤᠶᠠᠷ ᠲᠤ ᠠᠷᠢᠬᠢ ᠭᠠᠷᠭᠠᠵᠤ ᠠᠪᠤᠭᠰᠠᠨ ᠴᠠᠭᠠ ᠪᠠᠷ | ᠬᠢᠭᠰᠡᠨ ᠬᠤᠷᠤᠳ ᠠᠭᠠᠷᠤᠤᠯ ᠪᠣᠯ ᠬᠦᠴᠢ ᠪᠠᠭᠠ ᠲᠠᠢ᠂ ᠢᠳᠡᠬᠦ ᠪᠣᠶᠣ ᠴᠠᠢ ᠶᠢᠨ ᠬᠢᠴᠡ ᠪᠣᠯᠭᠠᠬᠤ ᠳᠤ ᠵᠣᠬᠢᠮᠵᠢ | ᠰᠠᠶᠢᠲᠠᠢ ᠪᠠᠶᠢᠳᠠᠭ᠃ | ᠲᠤᠭᠤᠭᠠ ᠨᠡᠷᠡᠬᠦ ᠲᠦᠬᠦᠭᠡᠷᠦᠮᠵᠢ ᠠᠶᠢᠷᠠᠭ ᠬᠢᠵᠦ ᠪᠤᠴᠠᠯᠭᠠᠬᠤ ᠪᠦᠳᠦᠭᠦᠨ ᠰᠢᠷᠡᠮᠦᠨ ᠲᠤᠭᠤᠭᠠ᠂ | ᠳᠡᠭᠡᠭᠦᠷ ᠢᠶᠠᠨ ᠱᠤᠮᠪᠤᠭᠤᠷ᠂ ᠳᠤᠤᠭᠤᠷ ᠢᠶᠠᠨ ᠲᠠᠯᠪᠢᠭᠤ ᠠᠮᠠ ᠲᠠᠢ ᠪᠦᠷᠬᠦᠭᠡᠷ ᠭᠡᠳᠡᠭ ᠮᠤᠳᠤᠨ ᠬᠡᠷᠡᠭᠯᠡᠯ᠂ ᠠᠷᠢᠬᠢ | ᠲᠤᠰᠬᠤ ᠲᠤᠰᠬᠤᠭᠤᠷ ᠭᠡᠬᠦ ᠸᠠᠭᠠᠷ ᠤᠨ ᠰᠠᠪᠠ᠂ ᠪᠦᠷᠬᠦᠭᠡᠷ ᠤᠨ ᠳᠡᠭᠡᠷᠡᠬᠢ ᠠᠮᠠᠨ ᠳᠡᠭᠡᠷᠡ ᠰᠠᠭᠤᠯᠭᠠᠨ ᠤᠰᠤ ᠬᠢᠬᠦ | ᠵᠢᠯᠠᠪᠴᠢ ᠭᠡᠬᠦ ᠵᠢᠵᠢᠭ ᠰᠢᠷᠡᠮᠦᠨ ᠲᠤᠭᠤᠭᠠ᠂ ᠪᠦᠷᠬᠦᠭᠡᠷ ᠵᠢᠯᠠᠪᠴᠢ ᠬᠤᠶᠠᠷ ᠤᠨ ᠵᠠᠭᠠᠭ ᠢ ᠪᠦᠲᠡᠭᠡᠨ ᠪᠦᠰᠡᠯᠡᠬᠦ | ᠣᠷᠢᠶᠠᠯᠲᠠ ᠭᠡᠬᠦ ᠨᠢᠭᠡ ᠦᠵᠦᠭᠦᠷ ᠲᠤ ᠪᠠᠨ ᠬᠤᠶᠠᠷ ᠤᠷᠲᠤ ᠪᠦᠴᠡ ᠪᠦᠬᠦᠢ ᠨᠠᠷᠢᠪᠲᠤᠷ ᠣᠷᠲᠣ ᠢᠰᠡᠭᠡᠢ ᠪᠣᠶᠣ | ᠦᠭᠡᠷᠡ ᠡᠳ᠋ ᠢᠶᠠᠷ ᠬᠢᠭᠰᠡᠨ ᠤᠷᠢᠶᠠᠯᠲᠠ ᠵᠡᠷᠭᠡ ᠪᠠᠶᠢᠳᠠᠭ᠃ | ᠲᠤᠭᠤᠭᠠ ᠨᠡᠷᠡᠬᠦ ᠠᠷᠭᠠ ᠲᠤᠰᠤ ᠤᠨᠠᠭᠠᠨ ᠠᠪᠤᠭᠰᠠᠨ ᠲᠤᠷᠬᠠ ᠲᠠᠢ ᠠᠶᠢᠷᠠᠭ ᠠᠴᠠ ᠪᠦᠳᠦᠭᠦᠨ | ᠲᠤᠭᠤᠭᠠᠨ ᠳᠤ ᠰᠦᠭᠦᠮ ᠳᠤᠨᠳᠠᠭᠤᠷ ᠪᠣᠯᠲᠠᠯᠠ ᠬᠢᠭᠡᠳ ᠲᠤᠳᠤᠷᠠ ᠨᠢ ᠪᠦᠷᠬᠦᠭᠡᠷ ᠢᠶᠠᠨ ᠳᠤᠤᠷᠠᠲᠤ ᠠᠮᠠ ᠪᠠᠷ ᠨᠢ | ᠳᠦᠷᠪᠡᠨ ᠬᠤᠷᠤᠭᠤ ᠬᠢᠷᠢ ᠲᠠᠯᠳᠠᠷᠠᠲᠠᠯᠠ ᠰᠠᠭᠤᠯᠭᠠᠨᠠ᠃ ᠪᠦᠷᠬᠦᠭᠡᠷ ᠤᠨ ᠳᠤᠲᠤᠷᠠ ᠠᠷᠢᠬᠢᠨ ᠤ ᠲᠤᠰᠬᠤᠭᠤᠷ ᠢ | ᠠᠶᠢᠷᠠᠭ ᠠᠴᠠ ᠨᠡᠯᠢᠶᠡᠳ ᠳᠡᠭᠡᠭᠰᠢ ᠬᠦᠨᠳᠡᠢ᠂ ᠪᠦᠷᠬᠦᠭᠡᠷ ᠤᠨ ᠳᠡᠭᠡᠳᠦ ᠠᠮᠠᠨ ᠠᠴᠠ ᠳᠤᠤᠭᠤᠷᠬᠠᠨ ᠰᠠᠭᠤᠯᠭᠠᠵᠤ᠂ | ᠲᠤᠰᠬᠤᠭᠤᠷ ᠤᠨ ᠠᠮᠠᠰᠠᠷ ᠤᠨ ᠬᠤᠶᠠᠷ ᠲᠠᠯᠠ ᠳᠠᠬᠢ ᠰᠡᠨᠵᠢᠨ ᠠᠴᠠ ᠤᠶᠠᠭᠰᠠᠨ ᠭᠤᠭᠴᠤᠭᠠ ᠶᠢ ᠬᠤᠶᠠᠷ ᠲᠡᠰᠢ | ᠪᠦᠷᠬᠦᠭᠡᠷ ᠤᠨ ᠠᠮᠠᠰᠠᠷ ᠤᠨ ᠳᠡᠭᠡᠭᠦᠷ ᠭᠠᠷᠭᠠᠨ᠂ ᠪᠦᠷᠬᠦᠭᠡᠷ ᠤᠨ ᠬᠤᠶᠠᠷ ᠲᠠᠯᠠ ᠶᠢᠨ ᠲᠡᠭᠡᠭᠡᠨ ᠪᠡᠶᠡ ᠳᠠᠬᠢ ᠴᠢᠬᠢ | ᠮᠣᠳᠤᠨ ᠳᠤ ᠡᠯᠭᠦᠨ ᠲᠤᠷᠭᠤᠨᠠ᠃ ᠲᠡᠭᠦᠨ ᠤ ᠳᠡᠭᠡᠷᠡ ᠵᠢᠯᠠᠪᠴᠢ ᠪᠦᠷᠬᠦᠭᠡᠷ ᠬᠤᠶᠠᠷ ᠤᠨ ᠵᠠᠭᠠᠭ ᠢᠶᠠᠷ ᠠᠭᠤᠷ | ᠰᠠᠪᠰᠠᠬᠤ ᠶᠢ ᠰᠡᠷᠭᠡᠶᠢᠯᠡᠨ ᠤᠷᠢᠶᠡᠯᠲᠠ ᠪᠠᠷ ᠬᠡᠳᠦ ᠳᠠᠪᠬᠤᠷᠯᠠᠨ ᠴᠢᠩᠭᠠ ᠪᠤᠭᠤᠨ᠂ ᠪᠦᠴᠡ ᠪᠠᠷ ᠨᠢ ᠤᠯᠠᠮ | ᠴᠢᠩᠭᠠᠯᠠᠨ ᠤᠷᠢᠶᠠᠵᠤ ᠤᠷᠬᠢᠨᠠ᠃ ᠴᠢᠩᠭᠢᠭᠡᠳ ᠵᠢᠯᠠᠪᠴᠢ ᠪᠠᠨ ᠬᠦᠢᠲᠡᠨ ᠤᠰᠤ ᠪᠠᠷ ᠲᠦᠭᠦᠷᠭᠡᠨᠡ᠃ ᠡᠳᠡᠭᠡᠷ | ᠶᠠᠪᠤᠴᠠ ᠶᠢ ᠲᠤᠭᠤᠭᠠ ᠤᠭᠰᠠᠷᠠᠬᠤ ᠭᠡᠳᠡᠭ᠃ | ᠲᠤᠭᠤᠭᠠ ᠤᠭᠰᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠠᠶᠢᠷᠠᠭ ᠢᠶᠠᠨ ᠪᠤᠴᠠᠯᠭᠠᠨᠠ᠃ ᠠᠶᠢᠷᠠᠭ ᠪᠤᠴᠠᠯᠤᠭᠠᠳ ᠨᠡᠯᠢᠶᠡᠳ | ᠤᠳᠠᠭᠰᠠᠨ ᠤ ᠳᠠᠷᠠᠭᠠ ᠵᠢᠯᠠᠪᠴᠢ ᠲᠠᠢ ᠤᠰᠤ ᠬᠠᠯᠠᠵᠤ ᠡᠬᠢᠯᠡᠨᠡ᠃ ᠡᠭᠦᠨ ᠢ ᠲᠤᠭᠤᠭᠠ ᠠᠭᠤᠷ ᠤᠷᠤᠬᠤ ᠭᠡᠳᠡᠭ᠃ | ᠲᠤᠭᠤᠭᠠ ᠠᠭᠤᠷ ᠣᠷᠣᠭᠰᠠᠨ ᠤ ᠳᠠᠷᠠᠭᠠ ᠵᠢᠯᠠᠪᠴᠢ ᠲᠠᠢ ᠤᠰᠤ ᠶᠢ ᠬᠤᠶᠠᠷ ᠠᠴᠠ ᠭᠤᠷᠪᠠᠨ ᠤᠳᠠᠭᠠ ᠰᠣᠯᠢᠨᠠ᠃ | ᠵᠢᠯᠠᠪᠴᠢ ᠲᠠᠢ ᠤᠰᠤ ᠬᠠᠯᠠᠭᠤᠨ ᠪᠦᠯᠢᠶᠡᠨ ᠪᠣᠯᠪᠠᠯ ᠲᠦᠷᠭᠡᠨ ᠰᠤᠯᠢᠬᠤ ᠬᠡᠷᠡᠭᠲᠡᠢ᠂ ᠬᠡᠳᠦ ᠬᠠᠯᠠᠪᠠᠯ ᠠᠷᠢᠬᠢ | ᠰᠣᠯᠠᠷᠠᠨ ᠰᠤᠪᠰᠤ ᠠᠷᠢᠬᠢ ᠭᠠᠷᠳᠠᠭ᠃ | ᠲᠤᠭᠤᠭᠠ ᠨᠡᠷᠡᠬᠦ ᠳᠤ ᠵᠢᠯᠠᠪᠴᠢᠨ ᠳᠤ ᠬᠢᠬᠦ ᠤᠰᠤ ᠬᠡᠳᠦᠢ ᠬᠦᠢᠲᠡᠨ ᠪᠣᠯ ᠠᠷᠢᠬᠢ ᠲᠡᠳᠦᠢ ᠴᠢᠩᠭᠠ ᠪᠦᠭᠡᠳ | ᠶᠡᠭᠡ ᠭᠠᠷᠳᠠᠭ᠃ ᠠᠶᠢᠷᠠᠭ ᠤᠨ ᠬᠠᠯᠠᠭᠤᠨ ᠠᠭᠤᠷ ᠭᠦᠢᠲᠡᠨ ᠵᠢᠯᠠᠪᠴᠢᠨ ᠳᠤ ᠮᠦᠷᠭᠦᠨ ᠠᠷᠢᠬᠢ ᠪᠣᠯᠣᠨ ᠬᠤᠪᠢᠯᠵᠣ | ᠲᠤᠰᠬᠤᠭᠤᠷ ᠣᠷᠣᠭᠤ ᠭᠤᠭᠤᠵᠢᠨᠠ᠃ ᠡᠶᠢᠮᠦ ᠤᠴᠢᠷ ᠠᠴᠠ ᠵᠢᠯᠠᠪᠴᠢᠨ ᠳᠠᠬᠢ ᠣᠰᠣᠨ ᠤ ᠬᠦᠢᠲᠡᠨ ᠤ ᠬᠡᠮᠵᠢᠶᠡ ᠪᠠ | ᠲᠡᠷᠡ ᠤᠰᠤ ᠶᠢ ᠰᠤᠯᠢᠬᠤ ᠲᠤᠭᠠ ᠠᠷᠢᠬᠢᠨ ᠤ ᠶᠠᠰᠤ ᠴᠢᠨᠠᠷ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠲᠠᠢ᠃ ᠠᠷᠢᠬᠢᠨ ᠤ ᠴᠢᠨᠠᠷ ᠤᠨ | ᠰᠠᠶᠢᠨ ᠮᠠᠭᠤ ᠶᠢ ᠨᠦᠯᠦᠭᠡᠯᠡᠬᠦ ᠨᠦᠭᠦᠴᠡᠯ ᠬᠡᠳᠦ ᠬᠡᠳᠦ ᠪᠠᠶᠢᠳᠠᠭ᠃ ᠡᠬᠡ ᠰᠠᠶᠢᠲᠠᠢ ᠠᠷᠢᠬᠢ᠂ ᠲᠤᠭᠤᠭᠠᠨ ᠤ | ᠤᠭᠰᠠᠷᠠᠯᠲᠠ ᠰᠠᠶᠢᠨ ᠪᠣᠯᠵᠣ ᠠᠭᠤᠷ ᠭᠠᠳᠠᠭᠰᠢ ᠰᠠᠪᠰᠠᠬᠤ ᠦᠭᠡᠢ᠂ ᠤᠰᠤ ᠰᠠᠶᠢᠨ ᠬᠦᠢᠲᠡᠨ᠂ ᠤᠰᠤ ᠶᠢ ᠬᠡᠲᠦᠷᠬᠡᠢ | ᠬᠠᠯᠠᠭᠠᠬᠤ ᠦᠭᠡᠢ᠂ ᠤᠰᠤ ᠶᠢ ᠬᠡᠲᠦᠷᠬᠡᠢ ᠤᠯᠠᠨ ᠰᠤᠯᠢᠬᠤ ᠦᠭᠡᠢ᠂ ᠬᠠᠮᠤᠭ ᠤᠨ ᠤᠯᠠᠨ ᠳᠤ ᠪᠠᠨ ᠭᠤᠷᠪᠠ ᠤᠳᠠᠭᠠ | ᠰᠤᠯᠢᠬᠤ᠂ ᠭᠠᠯ ᠢ ᠰᠢᠷᠦᠭᠦᠨ ᠪᠠᠶᠢᠯᠭᠠᠬᠤ ᠵᠡᠷᠭᠡ ᠨᠢ ᠰᠠᠶᠢᠨ ᠠᠷᠢᠬᠢ ᠭᠠᠷᠭᠠᠬᠤ ᠨᠦᠭᠦᠴᠡᠯ ᠶᠤᠮ᠃ ᠡᠳᠡᠭᠡᠷ | ᠨᠦᠭᠦᠴᠡᠯ ᠤᠨ ᠠᠯᠢ ᠨᠢᠭᠡ ᠶᠢ ᠤᠮᠳᠤᠭᠠᠶᠢᠯᠠᠪᠠᠯ ᠠᠷᠢᠬᠢ ᠰᠤᠪᠰᠤᠷᠠᠳᠠᠭ᠃ ᠭᠠᠭᠴᠠ ᠬᠤᠶᠠᠷᠬᠠᠨ ᠤᠰᠤ ᠪᠠᠷ | ᠠᠪᠤᠭᠰᠠᠨ ᠠᠷᠢᠬᠢ ᠬᠠᠮᠤᠭ ᠤᠨ ᠴᠢᠩᠭᠠ ᠪᠠᠶᠢᠳᠠᠭ᠃ ᠨᠡᠷᠡᠭᠰᠡᠨ ᠠᠷᠢᠬᠢ ᠪᠠᠨ ᠠᠶᠢᠷᠠᠭ ᠲᠤ ᠪᠤᠴᠠᠭᠠᠨ ᠬᠢᠵᠦ | ᠲᠤᠭᠤᠭᠠ ᠨᠡᠷᠡᠬᠦ ᠠᠷᠭᠠ ᠪᠠᠷ ᠭᠠᠷᠭᠠᠭᠰᠠᠨ ᠠᠷᠢᠬᠢ ᠶᠢ ᠬᠠᠷᠢᠭᠤᠯᠤᠭᠰᠠᠨ ᠠᠷᠢᠬᠢ ᠭᠡᠵᠦ ᠨᠡᠷᠡᠶᠢᠳᠳᠡᠭ᠃ ᠠᠷᠢᠬᠢ ᠶᠢ | ᠠᠶᠢᠷᠠᠭ ᠲᠤ ᠨᠢ ᠪᠤᠴᠠᠭᠠᠨ ᠬᠠᠷᠢᠭᠤᠯᠬᠤ ᠠᠷᠭᠠ ᠪᠠᠷ ᠭᠠᠷᠭᠠᠭᠰᠠᠨ ᠠᠴᠠ ᠬᠠᠷᠢᠭᠤᠯᠤᠭᠰᠠᠨ ᠠᠷᠢᠬᠢ ᠭᠡᠵᠦ ᠨᠡᠷᠡᠯᠡᠵᠡᠢ᠃ | | ᠠᠶᠢᠷᠠᠭ ᠤᠨ ᠡᠬᠡ ᠶᠢ ᠴᠢᠩᠭᠠᠯᠠᠬᠤ ᠶᠢᠨ ᠲᠤᠯᠠ ᠠᠷᠢᠬᠢ ᠶᠢ ᠠᠶᠢᠷᠠᠭ ᠲᠤ ᠬᠤᠯᠢᠬᠤ ᠠᠷᠭᠠ ᠴᠣ᠋ ᠪᠠᠶᠢᠳᠠᠭ᠃ | ᠠᠶᠢᠷᠠᠭ ᠤᠨ ᠡᠬᠡ ᠮᠠᠭᠤᠲᠠᠬᠤ ᠶᠢ ᠠᠶᠢᠷᠠᠭ ᠡᠬᠡ ᠠᠯᠳᠠᠬᠤ ᠭᠡᠳᠡᠭ᠃ ᠡᠬᠡ ᠤᠷᠤᠬᠤ ᠠᠶᠢᠷᠠᠭ ᠢ ᠡᠭᠡᠵᠢᠬᠦ ᠭᠡᠳᠡᠭ᠃ | ᠨᠡᠷᠡᠵᠦ ᠭᠠᠷᠭᠠᠭᠰᠠᠨ ᠠᠷᠢᠬᠢᠨ ᠤ ᠪᠠᠨ ᠴᠢᠨᠠᠷ ᠢ ᠰᠢᠯᠭᠠᠬᠤ ᠳᠤ ᠪᠠᠨ ᠲᠤᠭᠤᠭᠠ ᠨᠡᠷᠡᠵᠦ ᠠᠷᠢᠬᠢ ᠪᠠᠨ | ᠠᠪᠤᠮᠠᠭᠴᠠ ᠬᠠᠯᠪᠠᠭᠠ ᠪᠠᠷ ᠪᠠᠭᠠ ᠣᠳᠬᠤᠨ ᠠᠪᠴᠤ ᠭᠠᠯ ᠳᠤ ᠪᠠᠨ ᠡᠷᠭᠦᠳᠡᠭ᠃ ᠬᠡᠷᠪᠡ ᠳᠦᠷᠡᠯᠵᠡᠭᠰᠡᠨ ᠭᠠᠯ ᠤᠨ | ᠳᠦᠯᠦ ᠵᠤᠤᠬᠠᠨ ᠤ ᠠᠮᠠ ᠪᠠᠷ ᠭᠠᠳᠠᠭᠰᠢ ᠴᠤᠷᠭᠢᠨ ᠭᠠᠷᠴᠤ ᠠᠷᠢᠬᠢ ᠡᠷᠭᠦᠭᠴᠢ ᠪᠦᠰᠡᠭᠦᠢ ᠶᠢᠨ ᠨᠢᠭᠤᠷ ᠠᠮᠠ ᠶᠢ | ᠰᠦᠷᠳᠡᠭᠦᠯᠵᠦ ᠪᠠᠶᠢᠪᠠᠯ ᠲᠡᠷᠡ ᠪᠦᠰᠡᠭᠦᠢ ᠶᠢᠨ ᠳᠤᠲᠤᠷᠠ ᠪᠠᠶᠠᠷ ᠡᠭᠦᠰᠴᠦ ᠪᠠᠶᠢᠳᠠᠭ᠂ ᠬᠠᠷᠢᠨ ᠲᠡᠭᠡᠵᠦ ᠭᠠᠯ ᠤᠨ | ᠳᠦᠯᠦ ᠴᠤᠷᠬᠢᠬᠤ ᠦᠭᠡᠢ᠂ ᠭᠠᠯ ᠤᠨ ᠴᠤᠭ ᠢ ᠬᠠᠷᠠᠯᠠᠭᠤᠯᠤᠨ ᠤᠲᠤᠭᠠ ᠭᠠᠷᠴᠤ ᠦᠨᠡᠰᠦ ᠪᠣᠵᠢᠭᠢᠨᠠᠪᠠᠯ ᠠᠷᠢᠬᠢ | ᠰᠤᠪᠰᠤᠷᠠᠭᠰᠠᠨ ᠤ ᠲᠡᠮᠳᠡᠭ ᠪᠣᠯᠵᠣ᠂ ᠰᠢᠯᠭᠠᠨ ᠦᠵᠡᠭᠴᠢ ᠶᠢᠨ ᠤᠷᠮᠠ ᠶᠢ ᠬᠤᠭᠤᠯᠤᠨᠠ᠃ | ᠮᠠᠯᠴᠢᠳ ᠰᠢᠮᠡ ᠶᠢᠨ ᠠᠷᠢᠬᠢ ᠶᠢ ᠪᠡᠶᠡ ᠳᠤ ᠰᠠᠶᠢᠨ ᠭᠡᠵᠦ ᠬᠠᠷᠠ ᠠᠷᠢᠬᠢᠨ ᠠᠴᠠ ᠢᠯᠡᠭᠦᠦ ᠡᠷᠬᠢᠮᠯᠡᠨ | ᠣᠣᠭᠤᠳᠠᠭ᠃ ᠢᠯᠠᠩᠭᠤᠶᠠ ᠡᠪᠦᠯ ᠤᠨ ᠴᠠᠭ ᠣᠷᠣᠢ ᠪᠣᠯᠭᠠᠨ ᠪᠠᠭᠠ ᠰᠢᠷᠠ ᠲᠤᠰᠤ ᠲᠠᠢ ᠬᠠᠯᠠᠭᠠᠨ ᠤᠤᠭᠤᠪᠠᠯ | ᠬᠦᠢᠲᠡᠨ ᠤᠷᠤᠨ ᠤ ᠬᠦᠮᠦᠰ ᠲᠤ ᠨᠢᠭᠡᠨ ᠵᠦᠢᠯ ᠤᠨ ᠰᠤᠪᠢᠯᠠᠯᠲᠠ ᠪᠤᠯᠤᠨᠠ ᠭᠡᠵᠦ ᠦᠵᠡᠵᠦ᠂ ᠰᠢᠮᠡ ᠶᠢᠨ | ᠠᠷᠢᠬᠢ ᠶᠢ ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠨᠦᠬᠡᠴᠡᠯᠡᠨ ᠬᠠᠳᠠᠭᠠᠯᠠᠵᠤ ᠡᠪᠦᠯ ᠤᠤᠭᠤᠳᠠᠭ ᠵᠠᠩᠰᠢᠯ ᠲᠠᠢ᠃ | | | ︵ᠢᠷᠡᠯᠲᠡ᠄ ᠨ᠊· ᠪᠦᠬᠡᠬᠠᠳᠠ᠂ ᠰ᠊· ᠭᠠᠩᠭᠠᠨᠴᠡᠴᠡᠭ ᠤᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠠᠪᠠᠭᠠ ᠵᠠᠩ ᠦᠢᠯᠡ︾ | ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |