| ᠮᠣᠩᠭᠤᠯᠴᠤᠳ᠂ ᠤᠷᠲᠤ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠲᠠᠷᠢᠶᠠᠯᠠᠩ ᠦᠢᠯᠡᠳᠪᠦᠷᠢᠯᠡᠯ ᠡᠷᠬᠢᠯᠡᠬᠦ ᠶᠠᠪᠤᠴᠠ ᠳᠤ | ᠲᠠᠭᠦᠨ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠡᠳᠦᠢ ᠲᠡᠳᠦᠢ ᠵᠠᠩ ᠦᠢᠯᠡ ᠪᠣᠢ ᠪᠣᠯᠣᠭᠰᠠᠨ ᠪᠦᠭᠡᠳ ᠴᠡᠭᠡᠷ ᠬᠤᠷᠢᠭᠠ ᠪᠣᠯ | ᠲᠠᠭᠦᠨ ᠤ ᠴᠢᠬᠤᠯᠠ ᠨᠢᠭᠡ ᠠᠭᠤᠯᠭᠠ ᠪᠣᠯᠤᠨᠠ᠃ ᠡᠶᠢᠮᠦᠷᠬᠦᠦ ᠴᠡᠭᠡᠷ ᠬᠤᠷᠢᠭᠠ ᠨᠢ ᠲᠠᠷᠢᠶᠠ ᠲᠦᠮᠦᠰᠦ ᠶᠢ | ᠬᠠᠮᠠᠭᠠᠯᠠᠬᠤ᠂ ᠠᠮᠤ ᠪᠤᠳᠠᠭᠠ ᠶᠢ ᠠᠷᠪᠢᠯᠠᠬᠤ ᠳᠤ ᠴᠢᠬᠤᠯᠠ ᠦᠢᠯᠡᠳᠦᠯ ᠲᠠᠢ᠃ ᠡᠳᠡᠭᠡᠷ ᠴᠡᠭᠡᠷ ᠤᠳ ᠨᠢ ᠲᠠᠷᠢᠬᠤ᠂ | ᠠᠷᠠᠴᠢᠯᠠᠬᠤ ᠠᠵᠢᠯᠯᠠᠭᠠ ᠪᠤᠯᠤᠨ ᠠᠮᠤ ᠪᠤᠳᠠᠭᠠ᠂ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠵᠡᠷᠭᠡ ᠲᠠᠢ ᠬᠤᠯᠪᠤᠭᠳᠠᠵᠣ᠂ ᠦᠷᠭᠡᠨ | ᠠᠭᠤᠯᠭᠠ ᠶᠢ ᠬᠠᠮᠤᠷᠤᠭᠰᠠᠨ ᠪᠠᠶᠢᠳᠠᠭ᠃ ᠲᠠᠷᠢᠵᠤ ᠤᠷᠭᠤᠭᠤᠯᠬᠤ ᠳᠤ ᠬᠤᠯᠪᠤᠭᠳᠠᠭᠰᠠᠨ ᠴᠡᠭᠡᠷ ᠭᠡᠪᠡᠯ᠂ ᠯᠤᠤᠪᠠᠩ | ᠲᠠᠷᠢᠬᠤ ᠳᠤ ᠬᠦᠯ ᠨᠢᠴᠦᠭᠦᠯᠡᠵᠦ ᠲᠠᠷᠢᠬᠤ ᠶᠢ ᠴᠡᠭᠡᠷᠯᠡᠬᠦ᠂ ᠵᠦᠷᠢᠴᠡᠪᠡᠯ ᠰᠠᠯᠠᠭᠠ ᠲᠠᠢ ᠯᠣᠣᠪᠠᠩ ᠤᠷᠭᠤᠨᠠ ᠭᠡᠬᠦ︔ | ᠬᠤᠯᠣ ᠲᠠᠷᠢᠬᠤ ᠶᠢ ᠴᠡᠭᠡᠷᠯᠡᠬᠦ᠂ ᠵᠦᠷᠢᠴᠡᠪᠡᠯ ᠦᠷᠡ ᠬᠡᠤᠬᠡᠳ ᠵᠠᠶᠠᠭᠠᠬᠤ ᠦᠭᠡᠢ ᠪᠣᠯᠣᠨᠠ ᠭᠡᠬᠦ︔ ᠬᠤᠷᠴᠢᠨᠴᠤᠳ | ᠭᠤᠸᠠ ᠨᠤᠭᠤᠭᠠ ᠲᠠᠷᠢᠬᠤ ᠳᠤ ᠪᠠᠨ ᠭᠡᠷ ᠤᠨ ᠬᠠᠶᠠᠭᠠ ᠠᠴᠠ ᠲᠠᠪᠤᠨ ᠠᠯᠳᠠ ᠠᠴᠠ ᠤᠶᠢᠷᠠᠯᠴᠠᠭᠠ ᠭᠠᠵᠠᠷ ᠢ | ᠤᠷᠪᠠᠭᠤᠯᠵᠤ ᠲᠠᠷᠢᠬᠤ ᠶᠢ ᠴᠡᠭᠡᠷᠯᠡᠬᠦ᠂ ᠵᠦᠷᠢᠴᠡᠪᠡᠯ ᠭᠠᠯ ᠭᠤᠯᠤᠮᠲᠠ ᠳᠤ ᠮᠠᠭᠤ ᠭᠡᠬᠦ ᠮᠡᠲᠦ᠃ ᠤᠷᠭᠤᠭᠠ ᠲᠠᠷᠢᠶᠠ | ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ ᠭᠡᠪᠡᠯ᠂ ᠲᠠᠷᠢᠶᠠᠨ ᠳᠤᠮᠳᠠᠭᠤᠷ ᠶᠠᠪᠤᠬᠤ ᠶᠢ ᠴᠡᠭᠡᠷᠯᠡᠬᠦ᠂ ᠵᠦᠷᠢᠴᠡᠪᠡᠯ ᠠᠮᠠᠨ ᠬᠡᠰᠢᠭ ᠲᠤ | ᠮᠠᠭᠤ ᠭᠡᠬᠦ︔ ᠠᠮᠤ ᠪᠤᠳᠠᠭᠠ ᠶᠢ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠬᠦ ᠲᠤᠬᠠᠢ ᠴᠡᠭᠡᠷ ᠭᠡᠪᠡᠯ᠂ ᠠᠮᠤ ᠨᠦᠳᠦᠬᠦ ᠳᠤ ᠪᠠᠨ ᠲᠤᠭᠠᠯᠠᠪᠠᠯ | ᠲᠠᠷᠢᠶᠠᠨ ᠤ ᠤᠷᠭᠤᠴᠠ ᠮᠠᠭᠤᠲᠠᠨᠠ ᠭᠡᠬᠦ︔ ᠠᠮᠤ ᠪᠤᠳᠠᠭᠠ ᠶᠢ ᠪᠤᠰᠤᠳ ᠲᠤ ᠰᠠᠪᠠ ᠳᠤᠮᠳᠠᠭᠤᠷ ᠦᠭᠪᠡᠯ᠂ ᠬᠦᠩᠭᠦᠷ | ᠤᠩᠬᠤᠭᠠᠷ ᠴᠢᠷᠠᠢ ᠲᠠᠢ ᠬᠡᠤᠬᠡᠳ ᠲᠦᠷᠦᠨᠡ ᠭᠡᠬᠦ︔ ᠠᠮᠤ ᠪᠤᠳᠠᠭᠠ ᠪᠠᠷ ᠨᠠᠭᠠᠳᠬᠤ ᠪᠣᠶᠣ ᠲᠡᠭᠦᠨ ᠢ ᠠᠰᠬᠠᠪᠠᠯ | ᠲᠡᠭᠷᠢ ᠳᠤ ᠪᠤᠷᠤᠭᠤ ᠦᠵᠡᠭᠳᠡᠨᠡ ᠭᠡᠬᠦ︔ ᠪᠤᠳᠠᠭᠠ ᠶᠢ ᠲᠠᠭᠠᠷᠴᠤᠭ ᠰᠠᠪᠠ ᠪᠠᠷ ᠲᠤᠭᠤᠭᠠ ᠤᠷᠤᠭᠤ ᠦᠢᠪᠡᠯ᠂ | ᠦᠭᠡᠶᠢᠷᠡᠵᠦ ᠬᠤᠭᠤᠰᠤᠷᠠᠨᠠ ᠭᠡᠬᠦ ᠮᠡᠲᠦ᠃ ᠲᠠᠷᠢᠶᠠᠯᠠᠩ ᠤᠨ ᠪᠠᠭᠠᠵᠢ ᠭᠡᠷᠡᠭᠰᠡᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ ᠭᠡᠪᠡᠯ᠂ | ᠪᠣᠯᠣ ᠴᠢᠯᠠᠭᠤᠨ ᠤ ᠨᠦᠬᠦ ᠶᠢ ᠱᠠᠭᠠᠶᠢᠪᠠᠯ ᠴᠢᠳᠭᠦᠷ ᠲᠤ ᠨᠢᠭᠤᠷ ᠢᠶᠠᠨ ᠦᠵᠡᠭᠦᠯᠦᠨᠡ ᠭᠡᠬᠦ︔ ᠲᠡᠭᠡᠷᠮᠡ ᠶᠢ ᠪᠤᠷᠤᠭᠤ | ᠬᠠᠨᠳᠤᠭᠤᠯᠵᠤ ᠡᠷᠭᠢᠭᠦᠯᠪᠡᠯ ᠡᠷᠭᠢᠭᠦᠦ ᠲᠡᠨᠡᠭ ᠪᠤᠯᠤᠨᠠ ᠭᠡᠬᠦ︔ ᠲᠡᠷᠭᠡ ᠶᠢ ᠭᠡᠷ ᠵᠦᠭ ᠬᠠᠨᠳᠤᠭᠤᠯᠵᠤ ᠪᠠᠭᠤᠯᠭᠠᠪᠠᠯ᠂ | ᠭᠡᠷ ᠤᠨ ᠰᠦᠯᠳᠡ ᠰᠠᠬᠢᠭᠤᠰᠤ ᠶᠢ ᠳᠠᠷᠤᠨᠠ ᠭᠡᠬᠦ ᠮᠡᠲᠦ ᠤᠯᠠᠨ ᠴᠡᠭᠡᠷ ᠪᠣᠢ᠃ | | ︵ᠢᠷᠡᠯᠲᠡ᠄ ᠦᠪᠦᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ ᠶᠢᠨ ᠬᠡᠪᠯᠡᠭᠰᠡᠨ ︽ᠮᠣᠩᠭᠤᠯ | ᠰᠤᠳᠤᠯᠤᠯ ᠤᠨ ᠨᠡᠪᠲᠡᠷᠬᠡᠢ ᠲᠤᠯᠢ ︵ᠵᠠᠩ ᠦᠢᠯᠡ︶︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ | |