| ᠨᠠᠮᠤᠷ ᠤᠨ ᠤᠯᠠᠷᠢᠯ ᠤᠨ ᠶᠢᠰᠦᠳᠦᠭᠡᠷ ᠰᠠᠷᠠ ᠶᠢᠨ ᠡᠬᠢ ᠪᠣᠶᠣ ᠳᠤᠮᠳᠠᠴᠢ ᠪᠠᠷ ᠮᠣᠩᠭᠤᠯ ᠲᠠᠷᠢᠶᠠ | ︽ᠮᠠᠨᠳᠠᠭᠠᠰᠤ︾ ᠪᠠᠨ ᠬᠠᠳᠤᠨᠠ᠃ ᠪᠣᠯᠪᠠᠰᠤᠷᠠᠭᠰᠠᠨ ᠲᠠᠷᠢᠶᠠ ᠶᠢ ︽ᠬᠠᠪᠢᠷᠴᠤ ᠤᠨᠠᠬᠤ︾ ᠠᠴᠠ ᠡᠮᠦᠨᠡ ᠬᠠᠳᠤᠬᠤ ᠪᠣᠯ | ᠮᠠᠰᠢ ᠴᠢᠬᠤᠯᠠ ᠶᠤᠮ᠃ ᠲᠠᠷᠢᠶᠠ ᠬᠠᠳᠤᠬᠤ ᠳᠤ ᠮᠣᠩᠭᠤᠯ ᠠᠮᠤ ᠶᠢᠨ ᠨᠠᠶᠢᠯᠵᠠᠭᠤᠷ ᠢᠶᠠᠷ ᠨᠢ ᠲᠦᠭᠦᠷᠢᠭ | ︵ᠲᠤᠭᠤᠶᠢᠯᠢᠭ︶ ᠬᠠᠳᠤᠭᠤᠷ ᠢᠶᠠᠷ ᠬᠠᠳᠤᠵᠤ᠂ ᠵᠡᠭᠦᠨ ᠲᠠᠰᠢᠶᠠᠨ ᠳᠤ ᠪᠠᠨ ᠲᠣᠯᠤᠭᠠᠢ ᠶᠢ ᠨᠢ ᠭᠠᠳᠠᠭᠰᠢ ᠬᠠᠨᠳᠤᠭᠤᠯᠤᠨ | ᠰᠤᠭᠤᠪᠴᠢᠯᠠᠵᠤ᠂ ᠰᠤᠭᠤᠪᠴᠢ ᠲᠦᠭᠦᠷᠬᠦ ᠪᠦᠷᠢ ᠲᠠᠷᠢᠶᠠ ᠲᠣᠯᠤᠭᠠᠢ ᠪᠠᠨ ᠬᠤᠶᠢᠲᠦ ᠵᠦᠭ ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠨᠠ᠃ | ᠡᠨᠡ ᠪᠣᠯ ᠳᠠᠷᠤᠢ ᠨᠢᠭᠡ ᠰᠣᠭᠤᠪᠴᠢ ᠲᠠᠷᠢᠶᠠ ᠪᠣᠯᠤᠨᠠ᠃ ᠡᠭᠦᠨ ᠢ ︽ᠰᠤᠭᠤᠪᠴᠢ ᠲᠠᠯᠪᠢᠬᠤ︾ ᠭᠡᠳᠡᠭ᠃ | ᠡᠳᠦᠷ ᠤᠨ ᠬᠠᠳᠤᠭᠰᠠᠨ ᠲᠠᠷᠢᠶᠠ ᠪᠠᠨ ᠡᠳᠦᠷ ᠲᠤ ᠪᠠᠨ ᠪᠤᠭᠤᠵᠤ ᠲᠠᠯᠪᠢᠨᠠ᠃ ᠲᠠᠷᠢᠶᠠᠨ ᠪᠤᠭᠤᠵᠢ ᠶᠢ | ᠲᠡᠭᠦᠭᠰᠡᠨ ᠳᠡᠷᠡᠰᠦ ᠪᠤᠶᠤ ᠠᠯᠠᠭᠰᠠᠨ ᠪᠤᠷᠭᠠᠰᠤ ︵ᠪᠤᠷᠭᠠᠰᠤᠨ ᠤ ᠨᠠᠮᠠᠭᠠᠨ ᠲᠠᠯᠠ ᠶᠢ ᠬᠦᠯ ᠳᠤᠤᠷᠠ ᠪᠠᠨ ᠭᠢᠰᠬᠢᠵᠦ | ᠶᠤᠵᠤᠭᠤᠷ ᠤᠨ ᠬᠡᠰᠡᠭ ᠢ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠮᠤᠰᠬᠢᠵᠦ ᠪᠠᠯᠪᠠᠯᠠᠬᠤ ᠶᠢ ᠠᠯᠠᠭᠰᠠᠨ ᠪᠤᠷᠭᠠᠰᠤ ᠭᠡᠳᠡᠭ︶ ᠪᠠᠷ | ᠬᠢᠳᠡᠭ᠃ ᠲᠡᠭᠡᠭᠡᠳ ᠠᠷᠪᠠᠨ ᠬᠤᠶᠠᠷ ᠪᠤᠶᠤ ᠠᠷᠪᠠᠨ ᠵᠢᠷᠭᠤᠭᠠᠨ ᠪᠤᠭᠤᠵᠢ ᠶᠢ ᠬᠤᠶᠠᠷ ᠮᠦᠷᠯᠡᠭᠦᠯᠦᠨ ᠲᠠᠯᠪᠢᠳᠠᠭ᠃ | ᠡᠭᠦᠨ ᠢ ︽ᠪᠤᠭᠤᠵᠢ ᠲᠠᠯᠪᠢᠬᠤ︾ ᠭᠡᠨᠡ᠃ ᠭᠤᠷᠪᠠᠨ ᠰᠤᠭᠤᠪᠴᠢ ᠲᠠᠷᠢᠶᠠ ᠪᠠᠷ ᠨᠢᠭᠡ ᠪᠤᠭᠤᠵᠢ ᠪᠣᠯᠭᠠᠨ᠂ | ᠪᠤᠭᠤᠵᠢ ᠪᠠᠨ ᠰᠤᠭᠤᠪᠴᠢ ᠲᠠᠯᠪᠢᠬᠤ ᠠᠷᠭᠠ ᠪᠠᠷ ᠲᠠᠯᠪᠢᠳᠠᠭ᠃ | ᠲᠠᠷᠢᠶᠠ ᠬᠠᠳᠤᠵᠤ ᠪᠠᠷᠠᠬᠤ ᠦᠶᠡᠰ ᠲᠠᠷᠢᠶᠠᠨ ᠡᠷᠭᠢᠭᠦᠯᠭᠡ ᠳᠡᠭᠡᠷᠡ ᠪᠠᠨ ︽ᠲᠡᠭᠷᠢ ᠶᠢᠨ ᠬᠠᠷᠠ ᠢᠮᠠᠭᠠᠨ ᠤ | ᠲᠠᠷᠢᠶᠠ︾ ᠪᠠ ︽ᠬᠡᠦᠬᠡᠳ ᠤᠨ ᠲᠠᠷᠢᠶᠠ︾ ᠭᠡᠵᠦ ᠲᠤᠰᠪᠦᠷᠢ ᠬᠡᠰᠡᠭ ᠲᠠᠷᠢᠶᠠ ᠶᠢ ᠤᠷᠭᠤᠭᠠ ᠪᠠᠷ ᠨᠢ ᠦᠯᠡᠳᠡᠭᠡᠨ | ᠬᠠᠳᠤᠳᠠᠭ ᠦᠭᠡᠢ᠃ ᠲᠠᠯᠪᠢᠭᠰᠠᠨ ᠪᠤᠭᠤᠵᠢ ᠶᠢ ᠪᠤᠭᠤᠵᠢᠯᠠᠬᠤ ᠳᠤ ᠪᠠᠨ ᠡᠬᠢᠯᠡᠵᠦ ᠬᠠᠳᠤᠭᠰᠠᠨ ᠬᠡᠰᠡᠭ ᠠᠴᠠ ᠡᠬᠢᠯᠡᠨ | ᠳᠡᠰ ᠳᠠᠷᠠᠭᠠᠯᠠᠨ ᠪᠤᠭᠤᠵᠢᠯᠠᠭᠠᠳ ᠦᠳᠦᠷᠮᠡ ᠵᠦᠭ ᠲᠡᠭᠡᠭᠡᠬᠦ ᠪᠠᠷ ᠪᠡᠯᠡᠭᠡᠨ ᠪᠣᠯᠭᠠᠨᠠ᠃ | | | | ︵ᠢᠷᠡᠯᠲᠡ᠄ ᠨᠠ᠊· ᠪᠣᠶᠠᠨᠬᠡᠰᠢᠭ ᠤᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠣᠩᠭᠤᠯ ᠲᠡᠦᠭᠡ ᠰᠤᠶᠤᠯ ᠤᠨ ᠰᠤᠩᠭᠤᠳᠠᠭ | ᠵᠤᠬᠢᠶᠠᠯ ᠤᠨ ᠬᠦᠮᠦᠷᠭᠡ᠂ ᠵᠠᠩ ᠦᠢᠯᠡ ᠶᠢᠨ ᠴᠤᠪᠤᠷᠠᠯ ︿ᠪᠠᠭᠠᠷᠢᠨ ᠵᠠᠩ ᠦᠢᠯᠡ﹀︾ ᠭᠡᠬᠦ ᠨᠣᠮ ᠠᠴᠠ ᠰᠤᠩᠭᠤᠨ | ᠰᠡᠶᠢᠷᠡᠭᠦᠯᠪᠡ᠃︶ |