| ᠦᠬᠡᠷ ᠢ ᠪᠢᠷᠠᠭᠤ ᠪᠠᠶᠢᠬᠤ ᠳᠤᠨᠢ ᠬᠦᠩᠭᠡᠯᠡᠨ ᠵᠠᠰᠠᠨᠠ᠃ ᠪᠢᠷᠠᠭᠤ ᠶᠢ ᠬᠦᠩᠭᠡᠯᠡᠨ ᠵᠠᠰᠠᠬᠤ ᠴᠠᠭ ᠨᠢ | ᠶᠡᠷᠦᠩᠬᠡᠢ ᠳᠡᠭᠡᠨ ᠬᠠᠩᠰᠢ ᠶᠢᠨ ᠡᠳᠦᠷ ᠤᠨ ᠡᠮᠦᠨᠡ ᠬᠤᠶᠢᠨᠠ ᠪᠠᠷ ᠶᠠᠪᠤᠭᠳᠠᠨᠠ᠃ ᠲᠤᠩᠭᠠᠯᠠᠭ ᠰᠠᠶᠢᠬᠠᠨ ᠡᠳᠦᠷ᠂ | ᠦᠯᠵᠡᠶᠢᠲᠦ ᠰᠠᠶᠢᠨ ᠴᠠᠭ ᠢ ᠰᠣᠩᠭᠤᠨ ᠲᠤᠭᠲᠠᠭᠰᠠᠨ ᠤ ᠳᠠᠷᠠᠭᠠ ᠠᠶᠢᠯ ᠬᠤᠲᠠ ᠪᠠᠷ ᠢᠶᠠᠨ ᠬᠦᠩᠭᠡᠯᠡᠬᠦ ᠪᠢᠷᠠᠭᠤ ᠪᠠᠨ | ᠨᠢᠭᠡ ᠬᠠᠰᠢᠶᠠᠨ ᠳᠤ ᠴᠤᠭᠯᠠᠭᠤᠯᠤᠨᠠ᠃ ᠭᠡᠷ ᠤᠨ ᠡᠵᠡᠨ ᠠᠴᠠ ᠠᠶᠢᠯ ᠬᠤᠲᠠ ᠶᠢᠨ ᠢᠶᠠᠨ ᠮᠠᠯ ᠬᠦᠩᠭᠡᠯᠡᠨ | ᠵᠠᠰᠠᠬᠤ ᠳᠠᠭᠠᠨ ᠤᠷᠠ ᠮᠡᠷᠭᠡᠵᠢᠯ ᠰᠠᠶᠢᠲᠠᠢ᠂ ᠭᠠᠷ ᠬᠦᠩᠭᠡᠨ ᠨᠢᠭᠡ ᠶᠢ ᠵᠠᠯᠠᠨ ᠠᠪᠴᠢᠷᠠᠵᠤ ᠪᠢᠷᠠᠭᠤ ᠪᠠᠨ | ᠬᠦᠩᠭᠡᠯᠡᠭᠦᠯᠦᠨᠡ᠃ | ᠪᠢᠷᠠᠭᠤ ᠶᠢ ᠬᠦᠩᠭᠡᠯᠡᠨ ᠵᠠᠰᠠᠬᠤ ᠳᠤ ᠤᠯᠠᠨ ᠪᠠᠭᠠᠵᠢ ᠬᠡᠷᠡᠭᠯᠡᠳᠡᠭ ᠦᠭᠡᠢ᠂ ᠵᠢᠯ ᠪᠤᠯᠭᠠᠨ ᠤ ᠢᠰᠢᠭᠡ ᠬᠤᠷᠠᠭᠠ | ᠬᠦᠩᠭᠡᠯᠡᠨ ᠵᠠᠰᠠᠬᠤ ᠳᠤ ᠬᠡᠷᠡᠭᠯᠡᠳᠡᠭ ᠲᠤᠰᠬᠠᠢ ᠬᠢᠲᠤᠭᠠ ᠪᠠᠨ ᠰᠠᠶᠢᠲᠤᠷ ᠪᠢᠯᠠᠭᠦᠳᠡᠵᠦ ᠬᠡᠷᠡᠭᠯᠡᠪᠡᠯ ᠪᠣᠯᠴᠢᠬᠠᠨᠠ᠃ | ᠭᠡᠷ ᠤᠨ ᠡᠵᠡᠨ ᠠᠴᠠ ᠪᠢᠷᠠᠭᠤᠨ ᠤ ᠬᠠᠰᠢᠶᠠᠨ ᠤ ᠡᠭᠦᠳᠡᠨ ᠤ ᠬᠤᠶᠠᠷ ᠲᠠᠯᠠ ᠳᠤ ᠭᠠᠯ ᠬᠦᠭᠵᠢᠭᠡᠨ᠂ ᠬᠦᠵᠢ ᠪᠣᠶᠣ | ᠠᠷᠴᠠ᠂ ᠠᠭᠠᠷᠤ ᠵᠡᠷᠭᠡ ᠦᠨᠦᠷᠲᠦ ᠤᠷᠭᠤᠮᠠᠯ ᠢ ᠠᠰᠠᠭᠠᠵᠤ᠂ ᠦᠨᠳᠦᠷ ᠰᠠᠩ ᠲᠠᠯᠪᠢᠨ ᠠᠷᠴᠠ ᠠᠭᠠᠷᠤ ᠶᠢᠨ ᠰᠠᠶᠢᠬᠠᠨ | ᠦᠨᠦᠷ ᠢ ᠬᠠᠰᠢᠶᠠ ᠬᠤᠲᠠ ᠳᠦᠭᠦᠷᠡᠩ ᠮᠠᠨᠳᠤᠭᠤᠯᠤᠨᠠ᠃ ᠲᠡᠭᠡᠭᠡᠳ ᠭᠡᠷ ᠤᠨ ᠡᠵᠡᠨ ᠬᠦᠵᠢ ᠠᠰᠠᠭᠠᠨ ᠠᠪᠴᠤ | ᠬᠠᠰᠢᠶᠠ ᠬᠤᠷᠢᠶᠠ ᠪᠠᠨ ᠠᠷᠢᠭᠤᠳᠬᠠᠨᠠ᠃ ᠡᠨᠡ ᠦᠶᠡ ᠳᠤ ᠪᠢᠷᠠᠭᠤ ᠵᠠᠰᠠᠭᠴᠢ ᠬᠦᠮᠦᠨ ᠭᠠᠷ ᠢᠶᠠᠨ ᠤᠬᠢᠶᠠᠨ | ᠴᠡᠪᠡᠷᠯᠡᠭᠡᠳ ᠰᠠᠩ ᠤᠨ ᠤᠲᠤᠭᠠᠨ ᠳᠡᠭᠡᠭᠦᠷ ᠳᠠᠬᠢᠨ ᠭᠠᠷ ᠢᠶᠠᠨ ᠠᠷᠢᠭᠤᠳᠬᠠᠨ᠂ ᠵᠠᠷᠤᠳᠠᠯ ᠤᠨ ᠬᠢᠲᠤᠭᠠ ᠪᠠᠨ ᠪᠠᠰᠠ | ᠰᠠᠩ ᠤᠨ ᠤᠲᠤᠭᠠᠨ ᠳᠡᠭᠡᠭᠦᠷ ᠡᠷᠭᠢᠭᠦᠯᠵᠦ ᠠᠪᠤᠭᠠᠳ ᠪᠢᠷᠠᠭᠤᠨ ᠤ ᠬᠠᠰᠢᠶᠠᠨ ᠳᠤ ᠤᠷᠤᠨᠠ᠃ ᠭᠡᠷ ᠤᠨ ᠡᠵᠡᠨ | ᠵᠠᠩᠰᠢᠯ ᠶᠤᠰᠤ ᠪᠠᠷ ᠮᠤᠳᠤᠨ ᠰᠠᠭᠤᠯᠠᠭᠠᠨ ᠳᠠᠭᠠᠨ ᠳᠤᠮᠳᠠᠭᠤᠷ ᠰᠢᠭ᠋ ᠰᠦ ᠰᠠᠪᠠᠯᠠᠵᠤ᠂ ᠰᠠᠭᠤᠯᠠᠭᠠᠨ ᠤ ᠰᠡᠨᠵᠢᠨ ᠳᠤ | ᠴᠠᠭᠠᠨ ᠲᠤᠷᠭᠠᠨ ᠬᠠᠳᠠᠭ ᠢ ᠲᠤᠨᠤᠯᠵᠢᠨ ᠬᠡᠯᠪᠡᠷᠢ ᠪᠠᠷ ᠵᠠᠩᠭᠢᠳᠤᠨ ᠤᠶᠠᠵᠤ᠂ ᠬᠦᠵᠢ ᠠᠷᠴᠠ ᠪᠠᠷ ᠰᠠᠭᠤᠯᠠᠭᠠᠨ ᠤ | ᠠᠮᠠᠰᠠᠷ ᠢ ᠠᠷᠢᠭᠤᠳᠬᠠᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠰᠠᠭᠤᠯᠠᠭᠠ ᠲᠠᠢ ᠰᠦ ᠪᠠᠨ ᠪᠢᠷᠠᠭᠤ ᠵᠠᠰᠠᠭᠴᠢ ᠶᠢᠨ ᠲᠠᠯᠠ ᠳᠤ | ᠲᠠᠯᠪᠢᠨᠠ᠃ | ᠡᠨᠡ ᠦᠶᠡ ᠳᠤ ᠭᠡᠷ ᠤᠨ ᠡᠵᠡᠨ ᠪᠤᠯᠤᠨ ᠬᠦᠩᠭᠡᠯᠡᠨ ᠵᠠᠰᠠᠭᠴᠢ ᠠᠴᠠ ᠪᠢᠷᠠᠭᠤ ᠪᠠᠨ ᠪᠠᠷᠢᠵᠤ ᠬᠠᠰᠢᠶᠠ ᠲᠠᠢ | ᠴᠢᠩᠭᠠ ᠰᠢᠬᠠᠨ ᠨᠠᠭᠠᠯᠳᠣᠭᠤᠯᠵᠣ ᠪᠠᠶᠢᠭᠠᠳ ᠪᠢᠷᠠᠭᠤ ᠶᠢᠨ ᠪᠦᠭᠡᠷᠡ ᠶᠢᠨ ᠬᠠᠪᠲᠠᠭᠠ ᠶᠢ ᠬᠤᠶᠠᠷ ᠭᠤᠶᠠ ᠶᠢᠨ ᠬᠢᠨᠢ | ᠳᠣᠮᠳᠠᠭᠤᠷ ᠬᠤᠶᠢᠰᠢ ᠲᠠᠲᠠᠨ ᠭᠠᠷᠭᠠᠵᠤ ᠤᠷᠢᠳ ᠢᠶᠠᠷ ᠬᠠᠪᠳᠠᠭ ᠤᠨ ᠦᠰᠦᠨ ᠠᠴᠠ ᠨᠢ ᠨᠢᠭᠡ ᠴᠢᠮᠬᠢ ᠦᠰᠦ | ᠦᠭᠲᠡᠭᠡᠨ ᠠᠪᠴᠤ ᠲᠠᠷᠨᠢᠳᠠᠨ ᠦᠯᠢᠶᠡᠭᠡᠳ᠂ ᠳᠠᠷᠠᠭᠠ ᠨᠢ ᠳᠠᠪᠤᠰᠤᠲᠠᠢ ᠪᠦᠯᠢᠶᠡᠨ ᠤᠰᠤ ᠪᠠᠷ ᠬᠠᠪᠳᠠᠭ ᠢ ᠨᠢ | ᠰᠠᠶᠢᠲᠤᠷ ᠱᠠᠪᠰᠢᠵᠤ᠂ ᠭᠠᠳᠠᠭᠰᠢ ᠬᠦᠴᠦᠲᠡᠢ ᠰᠢᠬᠠᠨ ᠴᠢᠮᠬᠢᠵᠦ ᠪᠠᠷᠢᠭᠠᠳ ᠬᠤᠶᠠᠷ ᠪᠦᠭᠡᠨᠰᠦᠭ ᠢ ᠨᠢ ᠰᠢᠬᠠᠵᠤ | ᠢᠯᠡ ᠪᠣᠯᠭᠠᠨᠠ᠃ ᠲᠡᠭᠡᠭᠡᠳ ᠪᠦᠭᠡᠷᠡ ᠶᠢᠨ ᠬᠠᠪᠳᠠᠭ ᠳᠡᠭᠡᠷᠡ ᠨᠢ ᠬᠤᠷᠴᠠ ᠬᠢᠲᠤᠭᠠ ᠪᠠᠷ ᠭᠤᠯᠳᠤ ᠪᠠᠷ ᠬᠤᠶᠠᠷ | ᠤᠭᠲᠤᠯᠵᠤ ᠪᠦᠭᠡᠨᠰᠦᠭ ᠢ ᠨᠢ ᠰᠢᠬᠠᠨ ᠭᠠᠷᠭᠠᠵᠤ᠂ ᠪᠦᠭᠡᠨᠰᠦᠭ ᠤᠨ ᠬᠤᠶᠠᠷ ᠨᠠᠷᠢᠨ ᠭᠤᠤᠷᠰᠤ ᠶᠢ ᠰᠢᠭᠤᠳ | ᠬᠢᠲᠤᠭᠠ ᠪᠠᠷ ᠢᠶᠠᠨ ᠣᠭᠲᠣᠯᠬᠤ ᠪᠣᠶᠣ ᠭᠠᠷ ᠢᠶᠠᠷ ᠢᠶᠠᠨ ᠲᠠᠰᠤᠯᠵᠤ ᠠᠪᠤᠨ ᠰᠠᠭᠤᠯᠭᠠ ᠲᠠᠢ ᠰᠦᠨ ᠳᠤ ᠬᠢᠵᠦ᠂ | ᠪᠢᠷᠠᠭᠤ ᠶᠢᠨ ᠨᠢᠷᠤᠭᠤ ᠶᠢ ᠬᠡᠳᠦᠨᠲᠡ ᠢᠯᠪᠢᠨ ᠲᠠᠯᠪᠢᠵᠤ ᠶᠠᠪᠤᠭᠤᠯᠤᠨᠠ᠃ | | | ︵ᠢᠷᠡᠯᠲᠡ᠄ ᠪᠤᠷᠵᠤᠤ᠂ ᠤᠯᠠᠭᠠᠨᠪᠠᠭᠠᠲᠤᠷ᠂ ᠲᠠᠨᠠ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ | ᠠᠷᠠᠴᠢᠯᠠᠭᠠ ᠶᠢᠨ ᠰᠤᠶᠤᠯ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |