| ᠮᠣᠩᠭᠤᠯᠴᠤᠳ ᠵᠢᠷᠤᠬᠠᠲᠤ ᠲᠠᠷᠢᠶᠠ ᠶᠢ ᠪᠠᠰᠠ ᠱᠠᠩ ᠲᠠᠢ ᠲᠠᠷᠢᠶᠠ᠂ ᠳᠠᠯᠠᠩ ᠲᠠᠢ ᠲᠠᠷᠢᠶᠠ ᠭᠡᠳᠡᠭ᠃ | ᠮᠣᠩᠭᠤᠯᠴᠣᠳ ᠡᠷᠲᠡ ᠴᠠᠭ ᠲᠤ ᠨᠠᠮᠤᠭ ᠲᠠᠷᠢᠶᠠ ᠲᠠᠷᠢᠳᠠᠭ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠰᠡᠭᠦᠯᠴᠢ ᠶᠢᠨ ᠦᠶᠡ ᠳᠤ | ᠵᠢᠷᠤᠬᠠᠲᠤ ᠲᠠᠷᠢᠶᠠ ᠲᠠᠷᠢᠬᠤ ᠲᠠᠷᠢᠬᠤ ᠪᠤᠯᠵᠠᠢ᠃ ᠢᠩᠭᠢᠵᠦ ᠲᠠᠷᠢᠶᠠᠯᠠᠬᠤ ᠳᠤ ᠭᠠᠵᠠᠷ ᠢᠶᠠᠨ ᠰᠣᠩᠭᠤᠭᠰᠠᠨ ᠤ ᠳᠠᠷᠠᠭᠠ᠂ | ᠤᠷᠢᠳ ᠢᠶᠠᠷ ᠭᠠᠵᠠᠷ ᠢᠶᠠᠨ ᠤᠷᠪᠠᠭᠤᠯᠵᠤ᠂ ᠬᠦᠷᠦᠰᠦ ᠶᠢ ᠨᠢ ᠵᠦᠭᠡᠯᠡᠷᠡᠭᠦᠯᠳᠡᠭ᠃ ᠳᠠᠷᠠᠭᠠ ᠨᠢ ᠬᠡᠰᠡᠭ ᠲᠠᠢ ᠪᠦᠬᠦᠯᠢ | ᠬᠠᠲᠠᠭᠤ ᠰᠢᠷᠤᠢ ᠶᠢ ᠪᠣᠯᠣ ᠪᠣᠶᠣ ᠨᠠᠷᠬᠠ ᠪᠠᠷ ᠬᠡᠮᠬᠡᠯᠵᠦ ᠬᠠᠭᠠᠯᠤᠨᠠ᠃ ᠢᠩᠭᠢᠬᠦ ᠨᠢ ᠮᠦᠨ ᠬᠦᠷᠦᠰᠦ ᠶᠢ | ᠵᠦᠭᠡᠯᠡᠷᠡᠭᠦᠯᠵᠦ᠂ ᠭᠠᠵᠠᠷ ᠢᠶᠠᠨ ᠲᠡᠭᠰᠢᠯᠡᠵᠦ ᠪᠠᠶᠢᠭᠠ ᠬᠡᠷᠡᠭ ᠶᠣᠮ᠃ ᠢᠩᠭᠢᠭᠡᠳ ᠰᠠᠶ᠋ᠢ ᠲᠠᠷᠢᠶᠠᠨ ᠭᠠᠵᠠᠷ ᠲᠤ ᠪᠠᠨ | ᠠᠨᠵᠢᠰᠤ ᠤᠷᠤᠭᠤᠯᠵᠤ ᠵᠢᠷᠤᠬᠠ ᠲᠠᠲᠠᠳᠠᠭ᠃ ᠡᠬᠢᠨ ᠤ ᠵᠢᠷᠤᠬᠠ ᠶᠢ ᠵᠠᠪᠠᠯ ᠠᠰᠬᠠᠨ ᠲᠠᠲᠠᠬᠤ ᠬᠡᠷᠡᠭᠲᠡᠢ᠃ ᠢᠩᠭᠢᠪᠡᠯ | ᠰᠠᠶ᠋ᠢ ᠳᠠᠷᠠᠭᠠᠴᠢ ᠶᠢᠨ ᠵᠢᠷᠤᠬᠠ ᠨᠢ ᠠᠰᠬᠠᠨ ᠪᠤᠯᠵᠤ ᠴᠢᠳᠠᠨᠠ᠃ ᠪᠦᠬᠦ ᠭᠠᠵᠠᠷ ᠲᠤ ᠪᠠᠨ ᠵᠢᠷᠤᠬᠠ ᠲᠠᠲᠠᠵᠤ | ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠳᠠᠬᠢᠨ ᠨᠢᠭᠡ ᠤᠳᠠᠭᠠ ᠠᠨᠵᠢᠰᠤ ᠤᠷᠤᠭᠤᠯᠵᠤ ᠦᠷᠡ ᠪᠠᠨ ᠬᠠᠶᠠᠵᠤ ᠲᠠᠷᠢᠨᠠ᠃ | ᠲᠠᠷᠢᠮᠠᠯ ᠤᠨ ᠠᠳᠠᠯᠢ ᠪᠣᠰᠣ ᠠᠴᠠ ᠪᠣᠯᠵᠣ᠂ ᠦᠷᠡ ᠬᠠᠶᠠᠬᠤ ᠳᠤ ᠱᠠᠭᠠᠷᠳᠠᠬᠤ ᠮᠡᠷᠭᠡᠵᠢᠯ ᠴᠤ ᠠᠳᠠᠯᠢ ᠪᠤᠰᠤ᠃ ᠲᠠᠷᠢᠶᠠ | ᠴᠢᠬᠢᠯᠠᠵᠦ ᠤᠷᠭᠤᠭᠰᠠᠨ ᠤ ᠳᠠᠷᠠᠭᠠ᠂ ᠬᠡᠳᠦ ᠤᠳᠠᠭᠠ ᠠᠷᠴᠢᠵᠤ᠂ ᠡᠪᠡᠰᠦ ᠶᠢ ᠨᠢ ᠠᠷᠢᠯᠭᠠᠵᠤ᠂ ᠲᠠᠷᠢᠶᠠᠨ ᠴᠢᠬᠢ ᠶᠢᠨ | ᠵᠤᠵᠠᠭᠠᠨ ᠰᠢᠩᠭᠡᠨ ᠢ ᠲᠤᠬᠢᠷᠠᠭᠤᠯᠳᠠᠭ᠃ ᠡᠨᠡ ᠨᠢ ᠬᠤᠷᠢᠶᠠᠯᠲᠠ ᠶᠢ ᠰᠢᠭᠤᠳ ᠨᠦᠯᠦᠭᠡᠯᠡᠬᠦ ᠲᠤᠯᠠ ᠲᠤᠰ ᠠᠵᠢᠯ ᠢ | ᠵᠠᠪᠠᠯ ᠨᠠᠷᠢᠨ ᠨᠢᠮᠪᠠᠢ ᠰᠠᠶᠢᠨ ᠬᠢᠬᠦ ᠬᠡᠷᠡᠭᠲᠡᠢ᠃ ᠲᠠᠷᠢᠶᠠᠨ ᠴᠢᠬᠢ ᠨᠡᠯᠢᠶᠡᠳ ᠦᠨᠳᠦᠷ ᠤᠷᠭᠤᠭᠰᠠᠨ ᠤ ᠳᠠᠷᠠᠭᠠ᠂ | ᠲᠠᠷᠢᠶᠠ ᠪᠠᠨ ᠲᠠᠩᠨᠠᠳᠠᠭ᠃ ᠵᠢᠷᠤᠬᠠᠲᠤ ᠲᠠᠷᠢᠶᠠ ᠨᠢ ᠨᠠᠮᠤᠭ ᠲᠠᠷᠢᠶᠠ ᠶᠢ ᠪᠤᠳᠤᠪᠠᠯ᠂ ᠤᠯᠠᠨ ᠳᠠᠪᠠᠭᠤᠯᠢᠭ ᠲᠠᠯᠠ ᠲᠠᠢ | ᠪᠠᠶᠢᠳᠠᠭ᠃ ᠨᠢᠭᠡ ᠳᠤ᠂ ᠦᠷᠡ ᠰᠤᠩᠭᠤᠬᠤ ᠲᠠᠯᠠ ᠪᠠᠷ ᠨᠠᠮᠤᠭ ᠲᠠᠷᠢᠶᠠ ᠨᠢ ᠨᠡᠯᠢᠶᠡᠳ ᠴᠢᠯᠦᠭᠡᠲᠡᠢ ᠪᠠᠶᠢᠬᠤ ᠳᠤ᠂ | ᠵᠢᠷᠤᠬᠠᠲᠤ ᠲᠠᠷᠢᠶᠠ ᠨᠢ ᠵᠠᠪᠠᠯ ᠰᠠᠶᠢᠨ ᠦᠷᠡ ᠰᠣᠩᠭᠤᠬᠤ ᠶᠢ ᠱᠠᠭᠠᠷᠳᠠᠳᠠᠭ᠃ ᠬᠤᠶᠠᠷ ᠲᠤ᠂ ᠨᠠᠮᠤᠭ ᠲᠠᠷᠢᠶᠠ ᠶᠢ | ᠲᠠᠷᠢᠭᠰᠠᠨ ᠤ ᠳᠠᠷᠠᠭᠠ᠂ ᠦᠨᠳᠦᠰᠦᠨ ᠳᠤ ᠪᠠᠨ ᠠᠷᠠᠴᠢᠯᠠᠵᠤ ᠳᠤᠳᠤᠮᠳᠠᠬᠤ ᠦᠭᠡᠢ ᠪᠠᠶᠢᠬᠤ ᠳᠤ᠂ ᠵᠢᠷᠤᠬᠠᠲᠤ | ᠲᠠᠷᠢᠶᠠ ᠶᠢ ᠪᠣᠯ ᠠᠷᠠᠴᠢᠵᠤ ᠲᠠᠩᠨᠠᠬᠤ᠂ ᠬᠠᠷᠠᠵᠤ ᠮᠠᠨᠠᠬᠤ ᠵᠡᠷᠭᠡ ᠠᠵᠢᠯ ᠢ ᠤᠨᠴᠠ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ ᠪᠠᠶᠢᠳᠠᠭ᠃ | ᠭᠤᠷᠪᠠ ᠳᠤ᠂ ᠨᠠᠮᠤᠭ ᠲᠠᠷᠢᠶᠠ ᠶᠢ ᠲᠠᠷᠢᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠲᠡᠭᠷᠢ ᠶᠢᠨ ᠴᠢᠷᠠᠢ ᠶᠢ ᠬᠠᠷᠠᠵᠤ ᠪᠠᠶᠢᠭᠠᠯᠢ ᠶᠢ | ᠲᠦᠰᠢᠵᠦ ᠤᠷᠭᠤᠭᠤᠯᠳᠠᠭ ᠪᠣᠯ᠂ ᠵᠢᠷᠤᠬᠠᠲᠤ ᠲᠠᠷᠢᠶᠠ ᠶᠢ ᠬᠠᠷᠢᠨ ᠪᠤᠷᠳᠤᠭᠤᠷ ᠤᠷᠤᠭᠤᠯᠬᠤ᠂ ᠣᠰᠣᠯᠠᠵᠤ | ᠠᠷᠠᠴᠢᠯᠠᠬᠤ ᠮᠡᠲᠦ ᠪᠠᠷ ᠰᠢᠮᠡ ᠲᠡᠵᠢᠭᠡᠯ ᠢ ᠨᠢ ᠵᠣᠬᠢᠴᠠᠭᠤᠯᠵᠤ ᠤᠷᠭᠤᠭᠤᠯᠳᠠᠭ᠃ ᠳᠦᠷᠪᠡ ᠳᠤ᠂ ᠵᠢᠷᠤᠬᠠᠲᠤ ᠲᠠᠷᠢᠶᠠ | ᠨᠢ ᠨᠠᠮᠤᠭ ᠲᠠᠷᠢᠶᠠ ᠶᠢ ᠪᠤᠳᠤᠪᠠᠯ᠂ ᠲᠠᠷᠢᠬᠤ ᠴᠠᠭ ᠨᠢ ᠡᠷᠲᠡ᠂ ᠬᠠᠳᠤᠵᠤ ᠬᠤᠷᠢᠶᠠᠬᠤ ᠨᠢ ᠤᠷᠤᠢ᠂ ᠲᠠᠷᠢᠮᠠᠯ ᠤᠨ | ᠲᠦᠷᠦᠯ ᠵᠦᠢᠯ ᠤᠯᠠᠨ᠂ ᠤᠨᠠᠯᠲᠠ ᠰᠠᠶᠢᠲᠠᠢ ᠪᠠᠶᠢᠳᠠᠭ᠃ ︵ᠰᠢ· ᠬᠠᠰᠪᠠᠭᠠᠲᠤᠷ︶ | | | ︵ᠢᠷᠡᠯᠲᠡ᠄ ᠦᠪᠦᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ ᠶᠢᠨ ᠬᠡᠪᠯᠡᠭᠰᠡᠨ ︽ᠮᠣᠩᠭᠤᠯ | ᠰᠤᠳᠤᠯᠤᠯ ᠤᠨ ᠨᠡᠪᠲᠡᠷᠬᠡᠢ ᠲᠤᠯᠢ ︵ᠵᠠᠩ ᠦᠢᠯᠡ︶︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ | | |