2007 ᠣᠨᠤ 6 ᠰᠠᠷᠠᠳᠤ᠂ 《ᠠᠮᠤᠷ ᠪᠠᠶᠠᠰᠬᠤᠯᠠᠩᠲᠤ ᠨᠠᠭ᠋ᠠᠳᠤᠮ》 ᠦᠪᠦᠷ ᠮᠣᠩᠭᠣᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨᠤ ᠠᠩᠬᠠᠳᠤᠭ᠋ᠠᠷ ᠪᠦᠯᠦᠭ ᠪᠣᠳᠠᠰᠤᠨ ᠪᠣᠰᠤ ᠰᠣᠶᠣᠯᠤᠨ ᠦᠪᠤᠨ ᠲᠦᠷᠦᠯ ᠵᠦᠢ᠍ᠯᠤᠨ ᠨᠠᠷᠡᠰᠲᠤ ᠤᠷᠤᠵᠤ᠂ 2009 ᠣᠨᠤ 8 ᠰᠠᠷᠠᠳᠤ ᠳᠠᠬᠢᠨ ᠤᠯᠠᠭ᠋ᠠᠨᠬᠠᠳᠠ ᠬᠣᠲᠠ ᠵᠢᠨ ᠨᠢᠭᠡᠳᠦᠭᠡᠷ ᠪᠦᠯᠦᠭ ᠪᠣᠳᠠᠰ ᠤᠨ ᠪᠣᠰᠤ ᠰᠣᠶᠣᠯ ᠤᠨ ᠦᠪ ᠤᠨ ᠲᠦᠷᠦᠯ ᠵᠦᠢ᠍ᠯ ᠤᠨ ᠨᠠᠷᠡᠰ ᠲᠤ ᠣᠷᠤᠭᠰᠠᠨ ᠪᠠᠢ᠌ᠨᠠ᠃
ᠠᠮᠤᠷ ᠪᠠᠶᠠᠰᠬᠤᠯᠠᠩᠲᠤ ᠨᠠᠭ᠋ᠠᠳᠤᠮ ᠨᠢ ᠤᠯᠠᠭ᠋ᠠᠨᠬᠠᠳᠠ ᠬᠣᠲᠠ ᠵᠢᠨ ᠠᠷᠤ ᠬᠣᠷᠴᠢᠨ ᠬᠤᠰᠢᠭᠤᠨᠤ ᠪᠠᠶᠠᠠᠠᠦ᠋ᠨᠳᠦᠷ ᠰᠤᠮᠤᠨᠳᠤ ᠤᠯᠠᠮᠵᠢᠯᠠᠭᠳᠠᠭᠰᠠᠭ᠋ᠠᠷ ᠢᠷᠡᠵᠡᠢ᠃ ᠲᠤᠰ ᠨᠠᠭ᠋ᠠᠳᠤᠮᠳᠤ ᠨᠡᠢ᠌ᠲᠡ ᠭᠤᠴᠢᠨ ᠵᠢᠷᠭᠤᠭᠠ ᠮᠣᠳᠦ ᠪᠠᠢ᠌ᠵᠦ᠂ ᠶᠢᠰᠦᠨ ᠶᠠᠩᠵᠤᠪᠠᠷ ᠳᠦᠷᠪᠡᠨ ᠳᠤᠭᠤᠢ᠌ᠯᠠᠩᠳᠤ ᠬᠤᠪᠢᠶᠠᠭᠳᠠᠳᠠᠭ᠃ ᠡᠳᠡᠭᠡᠷ ᠶᠢᠰᠦᠨ ᠮᠣᠳᠤ ᠵᠢ ᠶᠡᠬᠡᠠᠴᠠᠨᠢ ᠪᠠᠭᠠ ᠵᠦᠭᠲᠤᠨᠢ ᠵᠢᠭᠰᠠᠭ᠋ᠠᠪᠠᠯ᠂ ᠳᠦᠷᠪᠡᠨ ᠬᠦᠴᠦᠲᠡᠨ᠂ ᠴᠢᠨᠳᠠᠮᠤᠨᠢ᠂ ᠮᠣᠷᠢ᠂ ᠳᠤᠩ᠂ ᠳ᠋ᠤᠸᠠᠽᠠ （ᠵᠠᠯᠰᠠᠨ）᠂ ᠵᠡᠭᠡᠷᠡ᠂ ᠲᠠᠬᠢᠶᠠ᠂ ᠨᠣᠬᠠᠢ ᠪᠣᠯᠤᠨ ᠭᠠᠬᠠᠢ ᠪᠣᠯᠤᠨᠠ᠃ ᠡᠭᠦᠨᠳᠤ᠂ ᠳᠦᠷᠪᠡᠨ ᠬᠦᠴᠦᠲᠡᠨᠨᠢ ᠯᠤᠤ᠂ ᠭᠠᠷᠤᠳᠢ᠂ ᠠᠷᠰᠯᠠᠨ ᠪᠠ ᠪᠠᠷᠰ ᠵᠡᠷᠭᠡ ᠶᠤᠮ᠃ ᠡᠳᠡᠭᠡᠷᠤᠨ ᠵᠢᠷᠤᠭ ᠳᠦᠷᠰᠦ ᠵᠢ ᠬᠠᠲᠠᠭᠤ ᠮᠣᠳᠤ ᠵᠢᠨ ᠳᠡᠭᠡᠷᠡ ᠰᠡᠢ᠌ᠯᠦᠨ ᠬᠢᠵᠦ᠂ ᠶᠡᠬᠡ ᠪᠠᠭᠠᠨᠢ ᠡᠩᠤᠨ ᠴᠦᠳᠡᠨᠵᠡ ᠵᠢᠨ ᠬᠠᠢ᠌ᠷᠴᠠᠭ ᠬᠢᠷᠢᠲᠡᠢ᠂ ᠪᠠᠷᠤᠭ ᠲᠠᠪᠤᠨ ᠮᠢᠯᠢᠮᠸᠲᠷ ᠵᠤᠵᠠᠭ᠋ᠠᠨ ᠪᠠᠢ᠌ᠳᠠᠭ᠃
ᠪᠠᠶᠠᠠᠠᠦ᠋ᠨᠳᠦᠷ ᠰᠣᠮᠤ ᠵᠢᠨ ᠠᠯᠲᠠᠠᠠᠦ᠋ᠨᠳᠦᠷ ᠭᠠᠴᠠᠭ᠋ᠠᠨᠤ ᠷᠠᠰᠢᠷᠠᠪᠲᠠᠨᠤ ᠬᠠᠳᠠᠭ᠋ᠠᠯᠠᠵᠤ ᠪᠠᠢ᠌ᠭᠠ ᠠᠮᠤᠷ ᠪᠠᠶᠠᠰᠬᠤᠯᠠᠩᠲᠤ ᠨᠠᠭ᠋ᠠᠳᠤᠮᠨᠢ ᠪᠠᠷᠤᠭ ᠵᠠᠭᠤᠨ ᠵᠢᠯᠤᠨ ᠲᠡᠤᠬᠡᠲᠠᠢ ᠪᠠᠢ᠌ᠵᠤ᠂ ᠡᠭᠦᠨᠤ ᠬᠠᠮᠤᠭ ᠡᠷᠲᠡᠨᠤ ᠡᠵᠡᠨᠨᠢ ᠬᠠᠭ᠋ᠠᠨ ᠰᠦᠮᠡ ᠵᠢᠨ ᠯᠠᠮᠠ ᠪᠠᠢ᠌ᠭᠰᠠᠨ ᠠᠷᠤ ᠬᠣᠷᠴᠢᠨᠤ ᠠᠯᠳᠠᠷᠲᠤ ᠪᠦᠬᠡ ᠭᠤᠮᠪᠤᠵᠠᠪ ᠮᠠᠮᠠ ᠶᠤᠮ᠃ ᠭᠣᠮᠪᠤᠵᠠᠪ ᠨᠢᠭᠡ ᠯᠠ ᠦᠬᠢᠨ ᠳᠡᠭᠦᠦᠲᠠᠢ ᠪᠣᠯᠬᠤᠷ᠂ ᠡᠨᠡᠬᠦ ᠨᠠᠭ᠋ᠠᠳᠤᠮ ᠵᠶ᠋ᠠᠨ ᠬᠣᠶᠠᠷ ᠵᠢᠭᠡ — ᠮᠥᠨ ᠬᠠᠭ᠋ᠠᠨ ᠰᠦᠮᠡ ᠵᠢᠨ ᠯᠠᠮᠠ ᠰᠣᠳᠪᠣᠵᠠᠮᠰᠤ ᠪᠣᠯᠤᠨ ᠨᠣᠷᠪᠤᠳᠠᠭᠠᠨ ᠭᠡᠷᠢᠶᠡᠰᠦᠯᠡᠨ ᠦᠭᠴᠡᠢ᠃ ᠡᠨᠡᠨᠢ ᠬᠣᠵᠢᠮᠨᠢ ᠭᠤᠮᠪᠤᠵᠠᠪᠤᠨ ᠪᠠᠰᠠ ᠨᠢᠭᠡ ᠵᠢᠭᠡ ᠬᠠᠩᠷᠠᠵᠠᠪᠤᠨᠳᠤ ᠤᠯᠠᠮᠵᠢᠯᠠᠭᠳᠠᠪᠠ᠃ ᠷᠠᠰᠢᠷᠠᠪᠲᠠᠨ ᠪᠣᠯ ᠬᠠᠩᠷᠠᠵᠠᠪᠤᠨ ᠬᠣᠶᠠᠳᠤᠭ᠋ᠠᠷ ᠬᠦᠦᠨᠢ ᠶᠤᠮ᠃
ᠠᠮᠤᠷ ᠪᠠᠶᠠᠰᠬᠤᠯᠠᠩᠲᠤ ᠨᠠᠭ᠋ᠠᠳᠤᠮᠢ ᠬᠣᠶᠠᠷ ᠬᠦᠮᠦᠨ᠂ ᠭᠤᠷᠪᠠᠨ ᠬᠦᠮᠦᠨ᠂ ᠳᠦᠷᠪᠡᠨ ᠬᠦᠮᠦᠨ ᠵᠢᠷᠭᠤᠭ᠋ᠠᠨ ᠬᠦᠮᠦᠨ ᠪᠦᠷ ᠨᠠᠭ᠋ᠠᠳᠴᠤ ᠪᠣᠯᠳᠠᠭ᠃ ᠡᠭᠦᠨᠳᠤ᠂ ᠬᠣᠪᠢ ᠬᠤᠪᠢᠪᠠᠷ ᠵᠶ᠋ᠠᠨ ᠡᠵᠡᠨ ᠪᠣᠯᠬᠤ ᠪᠣᠶᠤ ᠡᠰᠡᠷᠭᠦ ᠲᠠᠯᠠ ᠵᠢᠨ ᠬᠦᠮᠦᠨᠲᠠᠢᠪᠠᠨ ᠬᠣᠷᠰᠢᠵᠤ ᠴᠦ᠍ ᠪᠣᠯᠤᠨᠠ᠃ ᠨᠠᠭ᠋ᠠᠳᠤᠮᠤᠨ ᠮᠣᠳᠤ ᠵᠢ ᠡᠬᠢᠯᠡᠨ ᠠᠪᠬᠤ ᠪᠠ ᠲᠠᠯᠪᠢᠬᠤ ᠵᠢ ᠲᠣᠭᠲᠠᠭ᠋ᠠᠬᠤᠳᠤ᠂ ᠶᠠᠮᠠᠷ ᠨᠢᠭᠡ ᠣᠪᠤᠭᠠ ᠮᠣᠳᠤ ᠵᠢᠨ ᠬᠠᠮᠤᠭ ᠳᠣᠣᠷᠠ ᠮᠣᠳᠤ ᠵᠢ ᠦᠨᠳᠦᠰᠦᠯᠡᠵᠦ᠂ ᠤᠷᠢᠳᠠᠪᠠᠷ ᠠᠪᠤᠭᠰᠠᠨ ᠬᠦᠮᠦᠨ ᠮᠥᠨ ᠤᠷᠢᠳᠠᠪᠠᠷ ᠲᠠᠯᠪᠢᠳᠠᠭ᠃ ᠮᠣᠳᠤ ᠵᠢ ᠭᠠᠭᠴᠠᠭ᠋ᠠᠷ ᠲᠠᠯᠪᠢᠬᠤ ᠪᠣᠶᠤ ᠬᠣᠷᠰᠢᠶᠡᠪᠠᠷ ᠲᠠᠯᠪᠢᠵᠤ ᠴᠦ᠍ ᠪᠣᠯᠤᠨᠠ᠃ ᠶᠡᠷᠦᠩᠬᠡᠢ ᠵᠠᠷᠴᠢᠮᠨᠢ ᠶᠡᠬᠡ ᠮᠣᠳᠤᠨᠢ ᠪᠠᠭᠠ ᠮᠣᠳᠤᠪᠠᠨ ᠳᠡᠢ᠌ᠯᠵᠦ᠂ ᠬᠣᠷᠰᠢᠶᠠ ᠮᠣᠳᠤᠨᠢ ᠬᠣᠯᠢᠮᠠᠭ ᠮᠣᠳᠤᠨᠤᠭᠤᠳᠠᠴᠠ ᠳᠠᠪᠠᠭᠤᠯᠢᠭ ᠶᠤᠮ᠃ ᠨᠢᠭᠡ ᠡᠷᠭᠢᠯᠲᠡ ᠮᠣᠳᠤᠪᠠᠨ ᠲᠠᠯᠪᠢᠵᠤ ᠪᠠᠷᠠᠪᠠᠯ᠂ ᠳᠡᠢ᠌ᠯᠦᠭᠰᠡᠨ ᠬᠦᠮᠦᠨ ᠪᠦᠬᠦ ᠮᠣᠳᠤ ᠵᠢ ᠣᠯᠵᠤ᠂ ᠡᠮᠦᠨᠡᠪᠠᠨ ᠠᠪᠠᠴᠢᠭ᠋ᠠᠳ 《ᠭᠡᠷ ᠪᠣᠰᠬᠠᠳᠠᠭ》᠃ ᠨᠢᠭᠡ ᠤᠳᠠᠭ᠋ᠠᠨᠤ ᠨᠠᠭ᠋ᠠᠳᠤᠮᠳᠤ᠂ ᠡᠢ᠌ᠮᠦᠷᠬᠦᠦ 《ᠭᠡᠷ》ᠢ ᠬᠠᠮᠤᠭ ᠣᠯᠠᠨ ᠪᠣᠰᠬᠠᠭᠰᠠᠨ ᠬᠦᠮᠦᠨᠨᠢ ᠳᠡᠢ᠌ᠯᠵᠦ᠂ 《ᠭᠡᠷ》 ᠴᠦᠬᠡᠨ ᠪᠣᠶᠤ ᠣᠯᠵᠤ ᠪᠣᠰᠬᠠᠭᠰᠠᠨ ᠦᠭᠡᠢ ᠬᠦᠮᠦᠨ ᠨᠢ ᠶᠠᠷᠢᠶᠠᠨ ᠦᠭᠡᠢ ᠳᠡᠢ᠌ᠯᠦᠭᠳᠡᠭᠰᠡᠨᠳᠤ ᠣᠷᠤᠨᠠ᠃
ᠠᠮᠤᠷ ᠪᠠᠶᠠᠰᠬᠤᠯᠠᠩᠲᠤ ᠨᠠᠭ᠋ᠠᠳᠤᠮᠤᠨ ᠢᠷᠡᠯᠲᠡ ᠪᠣᠯᠤᠨ ᠨᠠᠭ᠋ᠠᠳᠬᠤ ᠠᠭᠤᠯᠭᠠ ᠵᠢᠨ ᠳᠤᠬᠠᠢ ᠲᠡᠮᠳᠡᠭᠯᠡᠯᠢ ᠮᠣᠩᠭᠤᠯ ᠲᠡᠤᠬᠡ ᠰᠣᠶᠣᠯᠤᠨ ᠪᠢᠴᠢᠭ ᠨᠣᠮᠠᠴᠠ ᠬᠠᠷᠠᠬᠠᠨ ᠣᠯᠤᠭ᠋ᠠᠳᠤᠢ ᠪᠠᠢ᠌ᠨᠠ᠃ ᠨᠤᠲᠤᠭᠤᠨ ᠬᠦᠮᠦᠰᠤᠨ ᠬᠡᠯᠡᠬᠦᠪᠠᠷ᠂ ᠡᠨᠡ ᠪᠣᠯ ᠮᠠᠰᠢ ᠡᠷᠲᠡᠨᠤ ᠨᠠᠭ᠋ᠠᠳᠤᠮ ᠪᠠᠢ᠌ᠵᠤ᠂ ᠴᠢᠨᠠᠭᠰᠢᠯᠠᠪᠠᠯ ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰᠤᠨ ᠯᠢᠭᠳᠡᠨ ᠬᠠᠭ᠋ᠠᠨᠲᠠᠢ ᠴᠦ᠍ ᠬᠣᠯᠪᠤᠭᠠᠲᠠᠢ ᠭᠡᠳᠡᠭ᠃ ᠡᠭᠦᠨᠳᠤ᠂ ᠯᠢᠭᠳᠡᠨ ᠬᠠᠭ᠋ᠠᠨᠤ ᠸᠴᠢᠷᠲᠤ ᠴᠠᠭ᠋ᠠᠨ ᠬᠣᠲᠠ ᠵᠢᠨ ᠪᠠᠭᠤᠷᠢᠨᠢ ᠮᠥᠨ ᠬᠠᠨᠰᠦ᠋ᠮᠡ ᠰᠣᠮᠤ ᠵᠢᠨ ᠬᠠᠷᠢᠶᠠᠨᠳᠤ ᠪᠠᠢ᠌ᠳᠠᠭ᠃
ᠠᠮᠤᠷ ᠪᠠᠶᠠᠰᠬᠤᠯᠠᠩᠲᠤ ᠨᠠᠭ᠋ᠠᠳᠤᠮᠨᠢ ᠪᠣᠷᠬᠠᠨ ᠱᠠᠰᠢᠨᠤ ᠵᠠᠷᠢᠮ ᠠᠭᠤᠯᠭᠠᠲᠠᠢ ᠪᠣᠯᠬᠤᠷ᠂ ᠠᠷᠠᠳᠤᠨ ᠳᠣᠮᠳᠠ ᠦᠷᠭᠡᠨ ᠳᠡᠯᠭᠡᠷᠡᠭᠰᠡᠨ ᠦᠭᠡᠢ᠃ ᠦᠩᠭᠡᠷᠡᠭᠰᠡᠨᠳᠤ᠂ ᠵᠦᠪᠬᠡᠨ ᠨᠣᠶᠠᠳ ᠪᠠᠶᠠᠳ ᠪᠣᠶᠤ ᠭᠡᠭᠡᠨ ᠬᠤᠪᠢᠯᠭ᠋ᠠᠳ ᠨᠠᠭ᠋ᠠᠳᠤᠳᠠᠭ ᠪᠠᠢ᠌ᠵᠠᠢ᠃ ᠡᠢ᠌ᠮᠦᠠᠴᠠ᠂ ᠡᠨᠡᠬᠦ ᠨᠠᠭ᠋ᠠᠳᠤᠮᠤᠨ ᠢᠷᠡᠯᠲᠡ ᠪᠣᠯᠤᠨ ᠠᠴᠢ ᠬᠣᠯᠪᠤᠭᠳᠠᠯᠤᠨ ᠲᠠᠯᠠᠪᠠᠷ ᠰᠣᠷᠪᠤᠯᠵᠢᠯᠠᠨ ᠰᠣᠳᠤᠯᠬᠤ ᠵᠦᠢ᠍ᠯ ᠣᠯᠠᠨ ᠪᠣᠢ᠃ ᠡᠨᠡᠨᠢ ᠮᠣᠩᠭᠤᠯᠴᠤᠳᠤᠨ ᠨᠠᠭ᠋ᠠᠳᠤᠮᠤᠨ ᠰᠣᠶᠣᠯᠤᠨ ᠵᠠᠷᠢᠮ ᠠᠭᠤᠯᠭᠠ ᠵᠢ ᠲᠠᠢ᠌ᠯᠪᠤᠷᠢᠯᠠᠬᠤᠳᠤ ᠵᠣᠬᠢᠬᠤ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ ᠶᠤᠮ᠃ （ᠪᠠᠭ᠋ᠠᠪᠣᠯᠤᠳ）