ᠡᠯᠡ ᠠᠢ᠌ᠮᠠᠭ ᠬᠣᠲᠠ ᠵᠢᠨ ᠰᠣᠶᠣᠯ ᠰᠣᠨᠢᠨ ᠮᠡᠳᠡᠭᠡ ᠷᠠᠳᠢᠤ᠋ ᠲᠸᠯᠸᠢᠰ （ᠲᠠᠮᠢᠷ）ᠤᠨ ᠲᠣᠪᠴᠢᠶᠠ᠂ ᠮᠠᠨᠵᠣᠤᠷ ᠬᠣᠳᠠ᠂ ᠡᠷᠢᠶᠡᠨ ᠬᠣᠳᠠ ᠵᠢᠨ ᠰᠣᠶᠣᠯ ᠰᠣᠨᠢᠨ ᠮᠡᠳᠡᠭᠡ ᠷᠠᠳᠢᠤ᠋ ᠲᠸᠯᠸᠢᠰ ᠲᠠᠮᠢᠷᠤᠨ ᠲᠣᠪᠴᠢᠶᠠ᠄
ᠦᠨᠳᠦᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠢ ᠰᠠᠢ᠌ᠳᠣᠷ ᠪᠠᠢ᠌ᠭᠣᠯᠬᠣ᠂ ᠰᠠᠢ᠌ᠳᠣᠷ ᠬᠠᠮᠢᠶᠠᠷᠬᠣ᠂ ᠰᠠᠢ᠌ᠳᠣᠷ ᠬᠡᠷᠡᠭᠯᠡᠬᠦ ᠵᠢᠨ ᠲᠦᠯᠦᠭᠡ᠂ ᠮᠠᠨᠤ ᠲᠢᠩᠬᠢᠮᠠᠴᠠ 《ᠦᠪᠣᠷ ᠮᠣᠩᠭᠣᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠦᠨᠳᠣᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠢ ᠬᠠᠮᠢᠶᠠᠷᠬᠣ ᠠᠷᠭᠠ （ ᠲᠣᠷᠰᠢᠨ ᠬᠡᠷᠡᠭᠯᠡᠬᠦ） ᠵᠢ ᠲᠣᠭᠲᠠᠭ᠋ᠠᠪᠠ᠂ ᠣᠳᠣ ᠲᠠ ᠨᠠᠷᠲᠤ ᠲᠠᠷᠬᠠᠭ᠋ᠠᠯᠠ᠂ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠢ ᠭᠡᠷᠡᠭᠵᠢᠭᠦᠯᠳᠦᠭᠡᠢ᠃
ᠣᠨᠴᠠᠭ᠋ᠠᠢ᠌ᠯᠠᠨ ᠮᠡᠳᠡᠭᠳᠡᠪᠡ᠃
ᠦᠪᠣᠷ ᠮᠣᠩᠭᠣᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠰᠣᠶᠣᠯᠤᠨ ᠲᠢᠩᠬᠢᠮ
2017 ᠣᠨᠤ7 ᠰᠠᠷᠠ ᠵᠢᠨ25ᠤ ᠡᠳᠦᠷ
ᠦᠪᠤᠷ ᠮᠤᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠦᠨᠳᠦᠰᠦᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪ ᠤᠨ ᠬᠠᠮᠢᠶᠠᠷᠣᠯᠲᠠ ᠵᠢᠨ ᠠᠷᠭᠠ （ ᠳᠣᠷᠰᠢᠨ ᠬᠡᠷᠡᠭᠯᠡᠬᠦ）
ᠨᠢᠭᠡᠳᠦᠭᠡᠷ ᠪᠦᠯᠦᠭ ᠶᠡᠷᠦᠩᠬᠡᠢ ᠲᠦᠷᠢᠮ
ᠨᠢᠭᠡᠳᠦᠭᠡᠷ ᠵᠣᠷᠪᠣᠰ ᠦᠨᠳᠦᠰᠤᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠬᠠᠮᠢᠶᠡᠷᠤᠯᠳᠡ ᠵᠢ ᠴᠢᠩᠭ᠋ᠠᠳᠬᠠᠬᠣ᠂ ᠦᠨᠳᠦᠰᠦᠨ ᠱᠠᠳᠣᠨᠤ ᠣᠯᠠᠨ ᠨᠡᠢ᠌ᠳᠡ ᠵᠢᠨ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠰᠢᠰᠲᠸᠮᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠲᠡ ᠵᠢ ᠠᠬᠢᠭᠣᠯᠬᠣ ᠵᠢᠨ ᠲᠦᠯᠦᠭᠡ ᠂ 《ᠪᠦᠭᠦᠳᠡ ᠨᠠᠢ᠌ᠷᠠᠮᠳᠠᠬᠣ ᠳᠣᠮᠳᠠᠳᠣ ᠠᠷᠠᠳ ᠤᠯᠣᠰᠤᠨ ᠣᠯᠠᠨ ᠨᠡᠢ᠌ᠳᠡ ᠵᠢᠨ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠢ ᠪᠠᠳᠣᠯᠠᠬᠣ ᠬᠠᠤᠯᠢ》 ᠪᠣᠯᠣᠨ ᠣᠯᠣᠰ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠬᠠᠮᠢᠶᠠ ᠪᠦᠬᠦᠢ ᠳᠣᠭᠳᠠᠭ᠋ᠠᠯ ᠢ ᠦᠨᠳᠦᠰᠦᠯᠡᠨ ᠲᠣᠰ ᠠᠷᠭᠠ ᠵᠢ ᠲᠣᠭᠳᠠᠭ᠋ᠠᠪᠠ᠃
ᠬᠣᠶᠠᠳᠣᠭ᠋ᠠᠷ ᠵᠤᠷᠪᠣᠰ ᠦᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠬᠦᠷᠢᠶᠡ ᠬᠡᠪᠴᠢᠶᠡᠨᠳᠤ ᠪᠠᠭᠳᠠᠬᠣ ᠦᠨᠳᠦᠰᠦᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ （ᠰᠣᠮᠤ ᠰᠢᠶᠠᠩ ᠪᠠᠯᠭ᠋ᠠᠰᠣ （ᠵᠡᠭᠡᠯᠢ ᠭᠣᠳᠣᠮᠵᠢ） ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠰᠣᠶᠣᠯᠤᠨ ᠦᠷᠲᠡᠭᠡ᠂ ᠭᠠᠴᠠᠭᠠ ᠳᠣᠰᠬᠣᠨ （ᠨᠡᠢ᠌ᠬᠡᠮ ᠳᠣᠭᠣᠷᠢᠭ）ᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠲᠠᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪ） ᠲᠣᠰ ᠠᠷᠭᠠ ᠵᠢ ᠬᠡᠷᠡᠭᠯᠡᠨᠡ᠃
ᠭᠣᠷᠪᠠᠳᠣᠭ᠋ᠠᠷ ᠵᠣᠷᠪᠣᠰ ᠦᠨᠳᠦᠰᠦᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠣᠯᠠᠨ ᠨᠡᠢ᠌ᠲᠡ ᠵᠢᠨ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡ ᠵᠢ ᠦᠷᠨᠢᠭᠦᠯᠬᠦᠳᠤᠪᠠᠨ ᠨᠡᠢ᠌ᠬᠡᠮ ᠵᠢᠷᠤᠮᠳᠤ ᠦᠵᠡᠯᠤᠨ ᠳᠠᠪᠰᠢᠩᠭᠣᠢ ᠰᠣᠶᠣᠯᠤᠨ ᠣᠷᠣᠭᠰᠢᠯᠡᠯᠳᠡ ᠵᠢᠨ ᠴᠢᠭᠯᠡᠯᠢ ᠪᠠᠷᠢᠮᠲᠡᠯᠠᠬᠣ ᠬᠡᠷᠡᠭᠲᠡᠢ᠂ ᠠᠷᠠᠳ ᠲᠦᠮᠡᠨ ᠵᠶ᠋ᠠᠷ ᠲᠦᠪ ᠪᠣᠯᠭ᠋ᠠᠬᠣ ᠵᠢ ᠪᠠᠷᠢᠮᠳᠡᠯᠡᠬᠤ ᠬᠡᠷᠡᠭᠳᠡᠢ᠂ ᠨᠡᠢ᠌ᠬᠡᠮ ᠵᠢᠷᠤᠮᠤᠨ ᠦᠵᠡᠯ ᠰᠠᠨᠠᠭᠠᠪᠠᠷ ᠭᠣᠤᠯ ᠪᠣᠯᠭ᠋ᠠᠭᠰᠠᠨ ᠦᠷᠳᠡᠭᠤᠨ ᠦᠵᠡᠯᠳᠡ ᠪᠠᠷ ᠣᠳᠣᠷᠢᠳᠣᠮᠵᠢ ᠪᠣᠯᠭ᠋ᠠᠬᠣ ᠵᠢ ᠪᠠᠷᠢᠮᠳᠡᠯᠡᠵᠤ᠂ ᠦᠨᠳᠦᠰᠦᠨ ᠱᠠᠳᠣᠨᠤ ᠰᠣᠶᠣᠯᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠳᠡ ᠵᠢᠨ ᠭᠣᠤᠯ ᠲᠠᠯᠠᠪᠣᠷ ᠪᠠ ᠣᠯᠠᠨ ᠨᠡᠢ᠌ᠳᠡᠳᠤ ᠬᠠᠩᠭ᠋ᠠᠬᠣ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠠᠪᠴᠠᠩ ᠪᠣᠯᠭ᠋ᠠᠬᠣ ᠬᠡᠷᠡᠭᠲᠡᠢ᠂ ᠨᠠᠮ ᠪᠠ ᠲᠦᠷᠦ ᠵᠢᠨ ᠣᠯᠠᠨ ᠲᠦᠮᠡᠨᠲᠠᠢ ᠬᠠᠷᠢᠴᠠᠬᠣ᠂ ᠣᠯᠠᠨ ᠲᠦᠮᠡᠨᠳᠤ ᠦᠢ᠍ᠯᠡᠴᠢᠯᠡᠬᠦ᠂ ᠣᠯᠠᠨ ᠲᠦᠮᠡᠨ ᠳᠤ ᠣᠬᠠᠭᠣᠯᠬᠣ ᠬᠣᠯᠪᠣᠭ᠋ᠠᠰᠣ ᠪᠣᠯᠣᠨ ᠬᠦᠭᠦᠷᠭᠡ ᠪᠣᠯᠭ᠋ᠠᠬᠣ ᠬᠡᠷᠡᠭᠳᠡᠢ᠃
ᠲᠦᠷᠪᠡᠳᠦᠭᠡᠷ ᠵᠣᠷᠪᠣᠰ ᠦᠨᠳᠦᠰᠦᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠳᠠ ᠪᠠ ᠬᠠᠮᠢᠶᠠᠷᠣᠯᠲᠠᠨᠢ ᠵᠠᠰᠠᠭᠤᠨ ᠣᠷᠳᠣᠨ ᠵᠶ᠋ᠠᠷ ᠭᠣᠤᠯ ᠵᠢᠯᠣᠭᠣᠳᠣᠯᠭᠠ ᠪᠣᠯᠭ᠋ᠠᠨ᠂ ᠨᠢᠭᠡᠳᠦᠯᠳᠡᠢ ᠲᠦᠯᠦᠪᠯᠡᠨ᠂ ᠠᠬᠣᠢ ᠭᠠᠵᠠᠷᠲᠤᠨᠢ ᠵᠣᠬᠢᠴᠠᠭᠣᠯᠣᠨ᠂ ᠦᠷᠡ ᠠᠰᠢᠭᠢᠨᠢ ᠳᠣᠪᠣᠢ᠌ᠯᠭ᠋ᠠᠨ᠂ ᠦᠭᠡᠷᠡᠴᠢᠯᠠᠯᠳᠠ ᠬᠢᠵᠤ᠂ ᠰᠢᠨᠡ ᠵᠢ ᠡᠭᠦᠳᠦᠨ᠂ ᠠᠮᠢᠳᠣᠯᠢᠭ ᠬᠦᠴᠤᠨᠢ ᠨᠡᠮᠡᠭᠳᠡᠭᠦᠯᠬᠦ ᠵᠠᠷᠴᠢᠮᠢ ᠪᠠᠷᠢᠮᠳᠡᠯᠡᠬᠣ ᠬᠡᠷᠡᠭᠳᠡᠢ᠃
ᠲᠠᠪᠣᠳᠣᠭ᠋ᠠᠷ ᠵᠣᠷᠪᠣᠰ ᠬᠣᠰᠢᠭᠣ ᠰᠢᠶᠠᠨ （ᠬᠣᠳᠠ ᠲᠣᠭᠣᠷᠢᠭ） ᠰᠣᠶᠣᠯ ᠰᠣᠨᠢᠨ ᠮᠡᠳᠡᠭᠡ ᠬᠡᠪᠯᠡᠯ ᠷᠠᠲᠢᠤ᠋ ᠲᠸᠯᠸᠢᠰᠤᠨ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨ ᠲᠣᠰ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠬᠦᠷᠢᠶᠡ ᠬᠡᠪᠴᠢᠶᠡᠨᠳᠤᠬᠢ （ᠰᠣᠮᠣ ᠰᠢᠶᠠᠩ ᠪᠠᠯᠭ᠋ᠠᠰᠣ） ᠭᠠᠴᠠᠭᠠ ᠲᠣᠰᠬᠣᠨ （ᠨᠡᠢ᠌ᠬᠡᠮ ᠲᠣᠭᠣᠷᠢᠭ）ᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠲᠠ᠂ ᠬᠡᠷᠡᠭᠯᠡᠯᠲᠡ ᠪᠠ ᠬᠠᠮᠢᠶᠠᠷᠣᠯᠲᠡ ᠵᠢ ᠬᠠᠷᠢᠭᠣᠴᠠᠨ ᠵᠢᠭ᠋ᠠᠨ ᠵᠢᠯᠣᠭᠣᠳᠴᠤ᠂ ᠬᠢᠨᠠᠨ ᠰᠢᠯᠭ᠋ᠠᠵᠣ ᠵᠢᠩᠬᠢᠨᠢ ᠪᠠᠷ ᠦᠢ᠍ᠯᠡᠳᠦᠯ ᠵᠶ᠋ᠠᠨ ᠪᠠᠳᠠᠷᠠᠭᠣᠯᠵᠤ ᠴᠢᠳᠠᠬᠣ ᠵᠢ ᠪᠠᠳᠤᠯᠠᠬᠣ ᠬᠡᠷᠡᠭᠳᠡᠢ᠃
ᠰᠣᠮᠣ ᠰᠢᠶᠠᠩ ᠪᠠᠯᠭ᠋ᠠᠰᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠤᠷᠳᠣᠨ᠂ ᠵᠠᠮ ᠵᠡᠭᠡᠯᠢ ᠵᠢᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ （ᠬᠠᠮᠢᠶᠠᠷᠣᠯᠳᠠ ᠵᠢᠨ ᠵᠦᠪᠯᠡᠯ） ᠬᠠᠷᠢᠭᠣᠴᠠᠨ᠂ ᠲᠣᠰ ᠬᠠᠷᠢᠶᠠ ᠣᠷᠣᠨᠤᠪᠠᠨ ᠰᠣᠮᠣ ᠰᠢᠶᠠᠩ ᠪᠠᠯᠭ᠋ᠠᠰᠣ （ᠵᠠᠮ ᠵᠡᠭᠡᠯᠢ）᠂ ᠭᠠᠴᠠᠭᠠ ᠲᠣᠰᠬᠣᠨ （ᠨᠡᠢ᠌ᠬᠡᠮ ᠲᠣᠭᠣᠷᠢᠭ）ᠤᠨ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠡᠳᠦᠷ ᠲᠣᠳᠣᠮᠤᠨ ᠠᠵᠢᠯ ᠤᠨ ᠡᠷᠭᠢᠯᠲᠡ ᠵᠢ ᠬᠠᠮᠢᠶᠠᠷᠬᠣ ᠪᠠ ᠰᠢᠯᠭ᠋ᠠᠨ ᠦᠨᠡᠯᠡᠬᠦ ᠬᠡᠷᠡᠭᠳᠡᠢ᠃
ᠵᠢᠷᠭᠣᠳᠣᠭ᠋ᠠᠷ ᠵᠣᠷᠪᠣᠰ ᠬᠣᠰᠢᠭᠣ ᠰᠢᠶᠠᠨ （ᠬᠣᠳᠠ ᠲᠣᠭᠣᠷᠢᠭ） ᠤ ᠰᠣᠶᠣᠯᠤᠨ ᠣᠷᠳᠣᠨ᠂ ᠨᠣᠮᠤᠨ ᠰᠠᠩ ᠵᠡᠷᠭᠡ ᠬᠠᠮᠢᠶᠠ ᠪᠦᠬᠦᠢ ᠰᠣᠶᠣᠯᠤᠨ ᠪᠠᠢ᠌ᠭᠣᠯᠭᠠ ᠬᠠᠷᠢᠭᠣᠴᠠᠨ᠂ ᠦᠨᠳᠦᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠲᠤ ᠬᠠᠷᠠᠭ᠋ᠠᠯᠵᠠᠭᠰᠠᠨ ᠵᠢᠭ᠋ᠠᠨ ᠰᠣᠷᠭ᠋ᠠᠯᠲᠠ ᠪᠠ ᠵᠢᠯᠣᠭᠣᠳᠣᠯᠭᠠ ᠪᠣᠯᠪᠠᠰᠣᠷᠠᠯᠢ ᠦᠷᠨᠢᠭᠦᠯᠬᠦ ᠬᠡᠷᠡᠭᠳᠡᠢ᠃
ᠬᠣᠶᠠᠳᠣᠭ᠋ᠠᠷ ᠪᠦᠯᠦᠭ ᠲᠦᠯᠦᠪᠯᠡᠭᠡ ᠪᠣᠯᠣᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠲᠠ
ᠳᠣᠯᠣᠳᠣᠭ᠋ᠠᠷ ᠵᠣᠷᠪᠣᠰ ᠠᠢ᠌ᠮᠠᠭ ᠬᠣᠳᠠ᠂ ᠬᠣᠰᠢᠭᠣ ᠰᠢᠶᠠᠨᠤ ᠵᠠᠰᠠᠭᠤᠨ ᠣᠷᠳᠣᠨ ᠦᠨᠳᠦᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠳᠠ ᠪᠣᠯᠣᠨ ᠬᠠᠮᠢᠶᠠᠷᠣᠯᠳᠠ ᠵᠢ ᠳᠣᠬᠠᠢ ᠵᠢᠨ ᠭᠠᠵᠠᠷᠤᠨ ᠵᠶ᠋ᠠᠨ ᠣᠯᠣᠰ ᠠᠷᠠᠳᠤᠨ ᠠᠵᠣ ᠠᠬᠣᠢ ᠪᠠ ᠨᠡᠢ᠌ᠬᠡᠮᠤᠨ ᠭᠦᠭᠵᠢᠭᠦᠯᠦᠯᠲᠡ ᠵᠢᠨ ᠲᠦᠯᠦᠪᠯᠡᠭᠡᠨᠳᠤ ᠣᠷᠣᠭᠣᠯᠵᠣ᠂ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠳᠠ ᠪᠠ ᠬᠠᠮᠢᠶᠠᠷᠣᠯᠲᠠᠳᠤ ᠬᠡᠷᠡᠭᠯᠡᠬᠦ ᠵᠣᠬᠢᠰᠳᠡᠢ ᠵᠠᠷᠣᠳᠠᠯᠢ ᠲᠣᠰ ᠣᠳᠠᠭ᠋ᠠᠨᠤ ᠡᠳ᠋ ᠵᠢᠨ ᠵᠠᠰᠠᠭᠤᠨ ᠲᠦᠰᠦᠪᠲᠤᠪᠠᠨ ᠣᠷᠣᠭᠣᠯᠪᠠᠯ ᠵᠣᠬᠢᠨᠠ᠄ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠲᠠ ᠵᠢᠨ ᠬᠦᠷᠢᠶᠡ ᠬᠡᠪᠴᠢᠶᠡᠨᠢ ᠣᠯᠣᠰᠤᠨ ᠬᠠᠮᠢᠶᠠ ᠪᠦᠬᠦᠢ ᠲᠣᠭᠲᠠᠭ᠋ᠠᠯᠳᠤ ᠨᠡᠢ᠌ᠴᠡᠭᠰᠡᠨ ᠪᠠᠢ᠌ᠬᠣ ᠬᠡᠷᠡᠭᠳᠡᠢ᠃
ᠡᠯᠡ ᠱᠠᠳᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠬᠢᠯᠢ ᠭᠢᠵᠠᠭ᠋ᠠᠷ᠂ ᠪᠣᠢ᠌ᠳᠡ ᠪᠦᠭᠯᠡᠭᠦᠤ ᠭᠠᠵᠠᠷ ᠣᠷᠣᠨᠤ ᠦᠨᠳᠦᠰᠦᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠳᠠᠳᠤ ᠭᠣᠤᠯᠳᠠᠯᠭᠠᠲᠠᠢ ᠳᠡᠮᠵᠢᠯᠭᠡ ᠦᠵᠡᠭᠦᠯᠪᠡᠯ ᠳᠠᠭ᠋ᠠᠷᠠᠨᠠ᠃
ᠨᠠᠢ᠍ᠮᠠᠳᠣᠭ᠋ᠠᠷ ᠵᠣᠷᠪᠣᠰ ᠦᠨᠳᠦᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠴᠢᠯᠡᠭᠡᠨᠤ ᠲᠦᠪᠢ ᠵᠠᠮ ᠬᠠᠷᠢᠯᠴᠠᠭᠠ ᠲᠦᠭᠦᠮ᠂ ᠬᠦᠮᠦᠨ ᠠᠮᠠ ᠲᠦᠪᠯᠡᠷᠡᠩᠭᠦᠢ᠂ ᠤᠯᠠᠨ ᠲᠦᠮᠡᠨᠤ ᠣᠷᠣᠯᠴᠠᠬᠣ ᠭᠢᠭᠡᠳ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠬᠦᠳᠤ ᠳᠦᠭᠦᠮ ᠭᠠᠵᠠᠷ ᠣᠷᠣᠨᠳᠤ ᠪᠠᠢ᠌ᠷᠢᠯᠠᠭᠣᠯᠪᠠᠯ ᠳᠠᠭ᠋ᠠᠷᠠᠨᠠ᠂ ᠶᠡᠷᠤ ᠵᠢᠨ ᠪᠠᠢ᠌ᠳᠠᠯ ᠳᠣᠣᠷᠠ ᠰᠣᠮᠣ ᠰᠢᠶᠠᠩ ᠪᠠᠯᠭ᠋ᠠᠰᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠠᠯᠪᠠᠯᠠᠬᠣ ᠭᠠᠵᠠᠷᠤᠨ ᠳᠣᠳᠣᠷᠠ ᠪᠠᠢ᠌ᠭᠣᠯᠵᠣ ᠪᠣᠯᠬᠣ ᠦᠭᠡᠢ᠃
ᠦᠨᠳᠦᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪ ᠢ ᠪᠠᠢ᠌ᠷᠢᠯᠠᠭᠣᠯᠬᠣ ᠭᠠᠵᠠᠷ᠂ ᠴᠤᠭᠴᠠᠯᠠᠪᠣᠷᠢ ᠵᠢᠨ ᠵᠢᠷᠤᠭ ᠲᠦᠯᠦᠪᠯᠡᠭᠡ᠂ ᠦᠢ᠍ᠯᠡᠳᠦᠯ ᠴᠢᠳᠠᠪᠬᠢ ᠵᠡᠷᠭᠡ ᠵᠢᠨ ᠲᠣᠬᠢᠷᠠᠭᠣᠯᠣᠯᠲᠠ ᠨᠢ ᠬᠣᠰᠢᠭᠣ ᠰᠢᠶᠠᠨᠤ ᠲᠡᠰᠤᠨ ᠰᠣᠶᠣᠯᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨ ᠤ ᠵᠦᠪᠰᠢᠶᠡᠷᠡᠯᠢ ᠣᠯᠣᠭᠰᠠᠨ ᠪᠠᠢ᠌ᠬᠣ ᠬᠡᠷᠡᠭᠳᠡᠢ᠃
ᠶᠢᠰᠣᠳᠦᠭᠡᠷ ᠵᠣᠷᠪᠣᠰ ᠰᠣᠮᠣ ᠰᠢᠶᠠᠩ ᠪᠠᠯᠭ᠋ᠠᠰᠣ （ᠵᠡᠭᠡᠯᠢ ᠭᠣᠳᠣᠮᠵᠢ） ᠵᠢᠨ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪ ᠲᠤ ᠰᠣᠶᠣᠯᠤᠨ ᠣᠬᠠᠭᠣᠯᠭᠠ᠂ ᠷᠠᠲᠢᠤ᠋ ᠲᠸᠯᠸᠢᠰ ᠺᠢᠨᠤ᠋᠂ ᠨᠠᠮᠤᠨ ᠭᠡᠰᠢᠭᠦᠳᠤᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠂ ᠬᠠᠤᠯᠢ ᠵᠢᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯ ᠪᠣᠯᠣᠨ ᠲᠠᠮᠢᠷ ᠡᠷᠡᠭᠦᠯᠵᠢᠯ ᠤᠨ ᠴᠢᠳᠠᠪᠬᠢ ᠵᠢ ᠪᠦᠷᠢᠨᠰᠢᠭᠦᠯᠦᠭᠰᠡᠨ ᠪᠠᠢ᠌ᠬᠣ ᠬᠡᠷᠡᠭᠳᠡᠢ᠃
ᠠᠷᠪᠠᠳᠣᠭ᠋ᠠᠷ ᠵᠣᠷᠪᠣᠰ ᠰᠣᠮᠣ ᠰᠢᠶᠠᠩ ᠪᠠᠯᠭ᠋ᠠᠰᠣᠨ （ᠵᠡᠭᠡᠯᠢ ᠭᠣᠳᠣᠮᠵᠢ）ᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠲᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠪᠠᠷᠢᠯᠭᠠ ᠵᠢᠨ ᠬᠡᠮᠵᠢᠶᠡ 300 ᠳᠡᠭᠰᠢ ᠲᠦᠷᠪᠡᠯᠵᠢᠨ ᠮᠸᠲᠷᠠᠴᠠ ᠪᠠᠭᠠ ᠪᠠᠢ᠌ᠵᠣ ᠪᠣᠯᠬᠣ ᠦᠭᠡᠢ᠂ ᠭᠠᠴᠠᠭᠠ ᠳᠣᠰᠬᠣᠨ （ᠨᠡᠢ᠌ᠬᠡᠮ ᠳᠣᠭᠣᠷᠢᠭ）ᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠣᠶᠣᠯ ᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠪᠠᠷᠢᠯᠭᠠ ᠵᠢᠨ ᠬᠡᠮᠵᠢᠶᠡ 120 ᠳᠡᠭᠰᠢ ᠳᠦᠷᠪᠡᠯᠵᠢᠨ ᠮᠸᠲᠷᠠᠴᠠ ᠪᠠᠭᠠ ᠪᠠᠢ᠌ᠵᠣ ᠪᠣᠯᠬᠣ ᠦᠭᠡᠢ ᠃
ᠠᠷᠪᠠᠨ ᠨᠢᠭᠡᠳᠦᠭᠡᠷ ᠵᠣᠷᠪᠣᠰ ᠦᠨᠳᠦᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠲᠤ ᠪᠠᠭᠠ ᠬᠡᠮᠵᠢᠶᠡᠨᠤ ᠪᠦᠵᠢᠭᠤᠨ ᠲᠠᠪᠴᠠᠩ ᠂ ᠪᠠᠭᠠ ᠬᠡᠮᠵᠢᠶᠡᠨᠤ ᠠᠭᠣᠳᠠᠮ ᠳᠠᠯᠠᠪᠠᠢ ᠲᠣᠬᠢᠷᠠᠭᠣᠯᠣᠭᠰᠠᠨ ᠪᠠᠢ᠌ᠬᠣ ᠬᠡᠷᠡᠭᠳᠡᠢ᠂ ᠪᠠᠭᠠ ᠬᠡᠮᠵᠢᠶᠡᠨᠤ ᠪᠦᠵᠢᠭᠤᠨ ᠳᠠᠪᠴᠠᠩᠨᠢ140 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠸᠲᠷ᠂ ᠰᠣᠮᠣ ᠰᠢᠶᠠᠩ ᠪᠠᠯᠭ᠋ᠠᠰᠣ᠂ ᠭᠠᠴᠠᠭᠠ ᠳᠣᠰᠬᠣᠨᠤ ᠪᠠᠭᠠ ᠬᠡᠮᠵᠢᠶᠡᠨᠤ ᠠᠭᠣᠳᠠᠮ ᠳᠠᠯᠠᠪᠠᠢ ᠵᠢᠨ ᠬᠠᠲᠠᠭᠣᠷᠠᠭᠣᠯᠣᠯᠳᠠ ᠵᠢᠨ ᠬᠡᠮᠵᠢᠶᠡᠨᠢ 600 ᠲᠡᠭᠰᠢ ᠳᠦᠷᠪᠡᠯᠵᠢᠨ ᠮᠸᠲᠷ᠂ ᠵᠠᠮ ᠵᠡᠭᠡᠯᠢ ᠨᠡᠢ᠌ᠬᠡᠮ ᠳᠣᠭᠣᠷᠢᠭᠤᠨ ᠪᠠᠭᠠ ᠬᠡᠮᠵᠢᠶᠡᠨᠤ ᠠᠭᠣᠳᠠᠮ ᠳᠠᠯᠠᠪᠠᠢ ᠵᠢᠨ ᠬᠠᠲᠠᠭᠣᠷᠠᠭᠣᠯᠣᠯᠳᠠ ᠵᠢᠨ ᠬᠡᠮᠵᠢᠶᠡᠨᠢ 400 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠸᠲᠷᠠᠴᠠ ᠪᠠᠭᠠ ᠪᠠᠢ᠌ᠵᠣ ᠪᠣᠯᠬᠣ ᠦᠭᠡᠢ᠃
ᠠᠷᠪᠠᠨ ᠬᠣᠶᠠᠳᠣᠭ᠋ᠠᠷ ᠵᠣᠷᠪᠣᠰ ᠪᠠᠭᠠ ᠬᠡᠮᠵᠢᠶᠡᠨᠤ ᠠᠭᠣᠳᠠᠮ ᠳᠠᠯᠠᠪᠠᠢᠳᠤ ᠰᠢᠨᠵᠢᠯᠡᠬᠦ ᠣᠬᠠᠭ᠋ᠠᠨᠤ ᠲᠦᠭᠡᠮᠡᠯᠵᠢᠯ᠂ ᠰᠣᠶᠣᠯ ᠣᠬᠠᠭᠣᠯᠭᠠ ᠵᠢᠨ ᠰᠠᠮᠪᠠᠷᠠ᠂ ᠰᠣᠨᠢᠨ ᠣᠩᠰᠢᠯᠭᠠ ᠵᠢᠨ ᠰᠠᠮᠪᠠᠷᠠ （ᠡᠯᠸᠺᠡᠲᠷᠣᠨ ᠰᠣᠨᠢᠨ ᠣᠩᠰᠢᠯᠭᠠ ᠵᠢᠨ ᠳᠡᠯᠭᠡᠴᠡ）᠂ ᠨᠡᠢ᠌ᠲᠡ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠵᠠᠷ ᠮᠡᠳᠡᠭᠡ ᠵᠢᠨ ᠰᠠᠮᠪᠠᠷᠠ᠂ ᠲᠠᠮᠢᠷ ᠡᠷᠡᠭᠦᠯᠵᠢᠯᠤᠨ ᠲᠦᠬᠦᠭᠡᠷᠣᠮᠵᠢ ᠪᠣᠯᠣᠨ ᠭᠡᠷᠡᠯᠲᠦᠭᠦᠯᠭᠡ ᠵᠢᠨ ᠲᠦᠬᠦᠭᠡᠷᠤᠮᠵᠢ ᠵᠡᠷᠭᠡ ᠵᠢ ᠲᠣᠬᠢᠷᠠᠭᠣᠯᠬᠣ ᠬᠡᠷᠡᠭᠳᠡᠢ᠃
ᠠᠷᠪᠠᠨ ᠭᠣᠷᠪᠠᠳᠣᠭ᠋ᠠᠷ ᠵᠣᠷᠪᠣᠰ ᠦᠨᠳᠣᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠲᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪ ᠲᠤ ᠨᠣᠮ ᠣᠩᠰᠢᠯᠭᠠ ᠵᠢᠨ ᠲᠠᠰᠣᠭ （ᠳᠠᠯᠠ ᠨᠣᠳᠣᠭᠤᠨ ᠨᠣᠮᠤᠨ ᠦᠷᠦᠭᠡ）᠂ ᠴᠠᠬᠢᠯᠭ᠋ᠠᠨᠴᠢᠯᠠᠭᠰᠠᠨ ᠣᠩᠰᠢᠯᠭᠠ ᠵᠢᠨ ᠲᠠᠰᠣᠭ᠂ ᠰᠣᠶᠣᠯ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠤ ᠲᠠᠰᠣᠭ᠂ ᠺᠢᠨᠤ᠋ ᠭᠠᠷᠭ᠋ᠠᠬᠣ ᠲᠣᠭᠲᠠᠭᠰᠠᠨ ᠲᠠᠯᠠᠪᠠᠢ （ ᠴᠡᠭ）᠂ ᠷᠠᠳᠢᠤ᠋ ᠨᠡᠪᠲᠡᠷᠡᠭᠦᠯᠭᠡ ᠵᠢᠨ ᠲᠠᠰᠣᠭ᠂ ᠷᠠᠳᠢᠣ᠋ ᠲᠸᠯᠸᠢᠰ ᠢ ᠡᠷᠦᠬᠡ ᠪᠣᠯᠭ᠋ᠠᠨᠳᠤ ᠨᠡᠪᠳᠡᠷᠡᠭᠦᠯᠬᠦ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪ （ᠬᠠᠷᠢᠯᠴᠠᠬᠣ ᠴᠡᠭ）᠂ ᠣᠯᠠᠨ ᠴᠢᠳᠠᠪᠬᠢᠳᠦ ᠲᠢᠩᠬᠢᠮ ᠵᠡᠷᠭᠡ ᠳᠣᠨᠣᠭ ᠲᠦᠬᠦᠭᠡᠷᠤᠮᠵᠢ ᠵᠢ ᠳᠣᠬᠢᠷᠠᠭᠣᠯᠵᠤ᠂ ᠨᠣᠮ ᠪᠢᠴᠢᠭ᠂ ᠺᠣᠮᠫᠢᠦ᠋ᠲᠷ᠂ ᠷᠠᠳᠢᠤ᠋ ᠨᠡᠪᠳᠡᠷᠡᠭᠦᠯᠭᠡ ᠵᠢᠨ ᠮᠠᠰᠢᠨ ᠲᠣᠨᠣᠭᠯᠠᠯ᠂ ᠷᠠᠳᠢᠣ᠋ ᠲᠸᠯᠸᠢᠰᠤᠨ ᠲᠦᠬᠦᠭᠡᠷᠤᠮᠵᠢ ᠵᠢ ᠰᠡᠯᠪᠢᠨ ᠵᠠᠰᠠᠬᠣ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯ᠂ ᠳᠠᠭᠣ ᠲᠣᠮᠣᠷᠠᠭᠣᠯᠣᠭᠴᠢ᠂ ᠬᠦᠭᠵᠢᠮ ᠵᠡᠷᠭᠡ ᠬᠡᠷᠡᠭᠴᠡᠭᠡᠲᠠᠢ ᠵᠦᠢ᠍ᠯᠡᠰᠢ ᠳᠣᠬᠢᠷᠠᠭᠣᠯᠬᠣ ᠬᠡᠷᠡᠭᠳᠡᠢ ᠮᠦᠷᠳᠡᠭᠡᠨ ᠳᠠᠭ᠋ᠠᠤᠳᠤᠨᠢ ᠰᠢᠨᠡᠴᠢᠯᠡᠬᠦ᠂ ᠲᠡᠭᠦᠯᠳᠡᠷᠵᠢᠬᠦᠯᠬᠦ ᠠᠵᠢᠯᠢ ᠬᠢᠬᠦ ᠬᠡᠷᠡᠭᠳᠡᠢ᠃
ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠵᠣᠷᠪᠣᠰ ᠰᠣᠶᠣᠯᠤᠨ ᠣᠷᠳᠣᠨᠤ ᠪᠡᠯᠡᠳᠭᠡᠮᠵᠢ ᠲᠦᠬᠦᠭᠡᠷᠤᠮᠵᠢ ᠪᠠ ᠲᠣᠨᠣᠭ ᠲᠦᠬᠦᠭᠡᠷᠤᠮᠵᠢ ᠵᠢ ᠣᠯᠣᠰᠤᠨ ᠬᠠᠮᠢᠶᠠᠳᠠᠢ ᠲᠣᠭᠳᠠᠭ᠋ᠠᠯ ᠵᠶ᠋ᠠᠷ ᠬᠡᠷᠡᠭᠵᠢᠭᠦᠯᠵᠤ᠂ ᠡᠳ᠋ ᠬᠦᠷᠦᠩᠭᠡ ᠵᠢᠨ ᠳᠠᠩᠰᠠᠯᠠᠯ ᠵᠢᠴᠢ ᠬᠠᠮᠢᠶᠡ ᠪᠦᠬᠦᠢ ᠭᠠᠷ ᠭᠦᠢ᠍ᠴᠡᠳᠭᠡᠯ ᠬᠢᠵᠤ᠂ ᠬᠠᠤᠯᠢᠪᠠᠷ ᠬᠠᠮᠢᠶᠠᠷᠴᠤ᠂ ᠣᠯᠣᠰᠤᠨ ᠡᠳ᠋ ᠬᠦᠷᠦᠩᠭᠡ ᠵᠢᠨ ᠠᠮᠣᠷ ᠲᠦᠪᠰᠢᠨᠢ ᠪᠠᠳᠣᠯᠠᠨ᠂ ᠪᠦᠷᠢᠨ ᠳᠡᠭᠦᠯᠳᠡᠷ ᠪᠠ ᠦᠷᠡ ᠠᠰᠢᠭᠲᠠᠢᠪᠠᠷ ᠬᠡᠷᠡᠭᠯᠡᠬᠦ ᠬᠡᠷᠡᠭᠳᠡᠢ᠃
ᠠᠷᠪᠠᠨ ᠳᠠᠪᠣᠳᠣᠭ᠋ᠠᠷ ᠵᠣᠷᠪᠣᠰ ᠬᠡᠷᠪᠡ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠲᠠ ᠵᠢᠨ ᠲᠦᠯᠦᠪᠯᠡᠭᠡᠪᠠᠷ ᠦᠨᠳᠦᠰᠤᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠢ ᠨᠣᠷᠠᠭ᠋ᠠᠬᠣ ᠪᠣᠶᠣ ᠴᠢᠳᠠᠪᠬᠢ᠂ ᠬᠡᠷᠡᠭᠴᠡᠭᠡ ᠵᠢᠨᠢ ᠦᠭᠡᠷᠡᠴᠢᠯᠡᠬᠦ ᠭᠡᠪᠡᠯ ᠣᠯᠣᠰᠤᠨ ᠬᠠᠮᠢᠶᠡ ᠪᠦᠬᠦᠢ ᠬᠠᠤᠯᠢ ᠲᠦᠷᠢᠮᠤᠨ ᠲᠣᠭᠳᠠᠭ᠋ᠠᠯ ᠵᠶ᠋ᠠᠷ ᠭᠠᠵᠠᠷ ᠰᠣᠩᠭᠣᠨ ᠳᠠᠬᠢᠨ ᠪᠠᠢ᠌ᠭᠣᠯᠬᠣ ᠬᠡᠷᠡᠭᠳᠡᠢ᠃ ᠳᠣᠬᠠᠢ ᠵᠢᠨ ᠭᠠᠵᠠᠷᠤᠨ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠨᠢ ᠰᠢᠢ᠍ᠳᠪᠣᠷᠢ ᠭᠠᠷᠭ᠋ᠠᠬᠣᠠᠴᠠᠪᠠᠨ ᠡᠮᠦᠨᠡ ᠵᠠᠪᠠᠯ ᠣᠯᠠᠨ ᠲᠦᠮᠡᠨᠤ ᠰᠠᠨᠠᠯᠢ ᠦᠷᠭᠡᠨ ᠵᠶ᠋ᠠᠷ ᠰᠣᠨᠣᠰᠴᠤ᠂ ᠳᠡᠷᠡᠴᠢᠯᠡᠨ ᠬᠣᠰᠢᠭᠣ ᠰᠢᠶᠠᠨᠤ ᠲᠡᠰᠤᠨ ᠰᠣᠶᠣᠯᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠵᠦᠪᠰᠢᠶᠡᠷᠡᠯᠢ ᠣᠯᠣᠭ᠋ᠠᠳ᠂ ᠬᠣᠰᠢᠭᠣ ᠰᠢᠶᠠᠨᠤ ᠲᠡᠰᠤᠨ ᠵᠠᠰᠠᠭᠤᠨ ᠣᠷᠳᠣᠨᠳᠤ ᠮᠡᠳᠡᠭᠦᠯᠦᠨ ᠵᠦᠪᠰᠢᠶᠡᠷᠡᠭᠦᠯᠬᠦ ᠬᠡᠷᠡᠭᠳᠡᠢ᠃
ᠭᠣᠷᠪᠠᠳᠣᠭ᠋ᠠᠷ ᠪᠦᠯᠦᠭ ᠡᠭᠦᠷᠭᠡ ᠴᠢᠳᠠᠪᠬᠢ ᠪᠠ ᠦᠢ᠍ᠯᠡᠴᠢᠯᠡᠭᠡ
ᠠᠷᠪᠠᠨ ᠵᠢᠷᠭᠣᠳᠣᠭ᠋ᠠᠷ ᠵᠣᠷᠪᠣᠰ ᠦᠨᠳᠦᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪ ᠡᠬᠢ ᠪᠠᠶᠠᠯᠢᠭ ᠵᠢᠨ ᠳᠣᠬᠢᠷᠠᠭᠣᠯᠣᠯᠲᠡᠪᠠᠨ ᠴᠢᠩᠭ᠋ᠠᠳᠬᠠᠵᠣ᠂ ᠪᠦᠷᠢᠨ ᠳᠡᠭᠦᠯᠳᠡᠷ ᠤᠯᠠᠨ ᠨᠡᠢ᠌ᠳᠡ ᠵᠢᠨ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠣᠤᠷ ᠰᠦᠯᠵᠢᠶᠡ ᠵᠢ ᠴᠤᠭᠴᠠᠯᠠᠨ᠂ ᠨᠢᠭᠡᠳᠦᠯᠳᠡᠢ ᠲᠦᠯᠦᠪᠵᠢᠭᠦᠯᠦᠨ ᠦᠢ᠍ᠯᠡᠴᠢᠯᠡᠬᠦ ᠴᠢᠳᠠᠪᠣᠷᠢᠪᠠᠨ ᠭᠦᠢ᠍ᠴᠡᠳ ᠪᠠᠳᠠᠷᠠᠭᠣᠯᠣᠨ᠂ ᠨᠡᠢ᠌ᠳᠡ ᠣᠯᠡᠨᠳᠤ ᠲᠦᠷᠦ ᠵᠢᠨ ᠪᠣᠳᠣᠯᠭᠠ ᠵᠢᠨ ᠤᠬᠠᠭᠣᠯᠭᠠ᠂ ᠨᠣᠮ ᠰᠣᠨᠢᠨᠤ ᠣᠩᠰᠢᠯᠭᠠ᠂ ᠺᠢᠨᠤ᠋ ᠲᠸᠯᠸᠢᠰᠤᠨ ᠰᠣᠨᠢᠷᠬᠠᠯ᠂ ᠰᠢ ᠵᠦᠴᠣᠭᠡ ᠵᠢᠨ ᠲᠣᠭᠯᠠᠯᠲᠠ᠂ ᠬᠠᠤᠯᠢ ᠵᠢᠨ ᠲᠦᠭᠡᠮᠡᠯᠵᠢᠭᠦᠯᠦᠯᠲᠡ ᠵᠢᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯ᠂ ᠣᠷᠠᠯᠢᠭᠤᠨ ᠲᠦᠭᠡᠮᠡᠯᠵᠢᠭᠦᠯᠣᠯ᠂ ᠷᠠᠳᠢᠤ᠋ ᠨᠡᠪᠳᠡᠷᠡᠭᠦᠯᠭᠡ᠂ ᠳᠣᠤᠷ ᠰᠦᠯᠵᠢᠶᠡᠳᠤ ᠭᠠᠷᠬᠣ ᠪᠠ ᠤᠠᠯᠠᠨ ᠲᠦᠮᠡᠨᠴᠢ ᠴᠢᠨᠠᠷᠳᠡᠢ ᠰᠣᠶᠣᠯ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨ ᠵᠡᠷᠭᠡ ᠤᠯᠠᠨ ᠨᠡᠢ᠌ᠳᠡ ᠵᠢᠨ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡ ᠵᠢ ᠬᠠᠩᠭ᠋ᠠᠨ᠂ ᠲᠡᠷᠡᠴᠢᠯᠡᠨ ᠴᠢᠳᠠᠪᠬᠢ ᠵᠢᠨ ᠣᠨᠴᠠᠯᠢᠭ ᠵᠶ᠋ᠠᠨ ᠦᠨᠳᠦᠰᠦᠯᠡᠵᠤ᠂ ᠲᠣᠬᠠᠢ ᠵᠢᠨ ᠭᠠᠵᠠᠷᠲᠤ ᠪᠠᠨ ᠵᠣᠬᠢᠴᠠᠭᠣᠯᠣᠨ᠂ ᠪᠣᠰᠣᠳ ᠲᠦᠷᠦᠯᠤᠨ ᠤᠯᠠᠨ ᠨᠡᠢ᠌ᠳᠡ ᠵᠢᠨ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡ ᠵᠢ ᠬᠠᠩᠭ᠋ᠠᠵᠣ ᠪᠠᠢ᠌ᠬᠤ ᠬᠡᠷᠡᠭᠳᠡᠢ᠃
ᠠᠷᠪᠠᠨ ᠳᠣᠯᠣᠳᠣᠭ᠋ᠠᠷ ᠵᠣᠷᠪᠣᠰ ᠦᠨᠳᠣᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠠᠷᠭᠠ ᠪᠠ ᠠᠭᠣᠯᠭᠠ ᠨᠢ ᠭᠣᠤᠯᠳᠠᠭᠣ ᠳᠣᠤᠷᠠᠬᠢ ᠬᠡᠳᠣᠨ ᠲᠠᠯᠠ ᠵᠢ ᠪᠠᠭᠲᠠᠭ᠋ᠠᠨᠠ᠄
（ᠨᠢᠭᠡ） ᠡᠯᠡ ᠲᠦᠷᠦᠯᠤᠨ ᠦᠵᠡᠰᠭᠦᠯᠡᠩᠢ ᠭᠠᠷᠭ᠋ᠠᠬᠣ᠂ ᠪᠣᠯᠪᠠᠰᠣᠷᠠᠯ ᠬᠢᠴᠢᠶᠡᠯᠡᠯᠭᠡ ᠬᠢᠬᠦ᠂ ᠰᠣᠶᠣᠯ ᠰᠢᠨᠵᠢᠯᠡᠬᠦ ᠣᠬᠠᠭ᠋ᠠᠨᠢ ᠲᠦᠭᠡᠮᠡᠯᠵᠢᠬᠦᠯᠬᠦ᠂ ᠰᠣᠷᠠᠭ ᠵᠠᠩᠬᠢ ᠵᠢᠨ ᠦᠢ᠍ᠯᠡᠴᠢᠯᠡᠭᠡ ᠬᠠᠩᠭ᠋ᠠᠬᠣ᠂ ᠣᠯᠠᠨ ᠲᠦᠮᠡᠨᠤ ᠭᠣᠸᠠ ᠰᠠᠢ᠌ᠬᠠᠨ᠂ ᠪᠠᠶᠠᠷ ᠴᠡᠩᠭᠡᠯ᠂ ᠡᠷᠳᠡᠮ ᠮᠡᠳᠡᠯᠭᠡ᠂ ᠪᠠᠶᠠᠵᠢᠯ ᠴᠢᠨᠡᠭᠡᠯᠢᠭᠵᠢᠯ ᠤᠨ ᠬᠦᠭᠡᠭᠡᠴᠡᠯᠳᠦᠯᠤᠨ ᠱᠠᠭ᠋ᠠᠷᠳᠠᠯᠭᠠ ᠵᠢ ᠬᠠᠩᠭ᠋ᠠᠵᠣ᠂ ᠠᠵᠣ ᠠᠬᠣᠢ ᠵᠢᠨ ᠨᠡᠢ᠌ᠬᠡᠮ ᠪᠠ ᠡᠪ ᠨᠠᠢ᠌ᠷᠡᠮᠳᠡᠭᠣᠪᠠᠷ ᠬᠦᠭᠵᠢᠭᠦᠯᠬᠦ ᠵᠢ ᠠᠬᠢᠭᠣᠯᠬᠣ ᠬᠡᠷᠡᠭᠳᠡᠢ᠃
（ ᠬᠣᠶᠠᠷ） ᠲᠣᠬᠠᠢ ᠵᠢᠨ ᠭᠠᠵᠠᠷ ᠣᠷᠣᠨᠤ ᠱᠠᠭ᠋ᠠᠷᠳᠠᠯᠭᠠ ᠪᠣᠯᠣᠨ ᠪᠠᠷᠢᠯᠭᠠ ᠲᠦᠬᠦᠭᠡᠷᠤᠮᠵᠢ᠂ ᠳᠠᠯᠠᠪᠣᠷᠤᠨ ᠵᠶ᠋ᠠᠨ ᠨᠦᠬᠦᠴᠡᠯ ᠪᠣᠯᠣᠮᠵᠢ ᠵᠢ ᠦᠨᠳᠣᠰᠣᠯᠡᠨ᠂ ᠦᠨᠢᠷ ᠪᠠᠶᠠᠯᠢᠭ ᠠᠭᠣᠯᠭᠠ ᠬᠡᠯᠪᠡᠷᠢ ᠪᠦᠬᠦᠢ᠂ ᠣᠯᠠᠨ ᠳᠦᠮᠡᠨᠤ ᠳᠣᠷᠠ ᠰᠣᠨᠢᠷᠬᠠᠯᠢ ᠲᠠᠳᠠᠭᠰᠠᠨ ᠰᠣᠶᠣᠯ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠢ ᠵᠣᠬᠢᠶᠡᠨ ᠪᠠᠢ᠌ᠭᠣᠯᠣᠨ ᠦᠷᠨᠢᠭᠦᠯᠬᠦ ᠬᠡᠷᠡᠭᠳᠡᠢ᠃
（ᠭᠣᠷᠪᠠ） ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠤᠨ ᠦᠪᠡᠷᠳᠡᠭᠡᠨ ᠴᠣᠭᠴᠠᠯᠠᠨ ᠪᠠᠢ᠌ᠭᠣᠯᠣᠭᠰᠠᠨ ᠰᠣᠶᠣᠯᠤᠨ ᠬᠦᠷᠢᠶᠡᠯᠡᠩ᠂ ᠰᠣᠶᠣᠯᠤᠨ ᠡᠷᠦᠭᠡ ᠵᠡᠷᠭᠡ ᠵᠢ ᠵᠢᠭ᠋ᠠᠨ ᠵᠢᠯᠣᠭᠣᠳᠴᠤ᠂ ᠤᠯᠠᠨ ᠲᠦᠮᠡᠨᠤ ᠰᠣᠶᠣᠯᠤᠨ ᠨᠢᠷᠤᠭᠤᠪᠴᠢ ᠬᠦᠴᠦᠨᠢ ᠵᠢᠭ᠋ᠠᠨ ᠰᠣᠷᠭ᠋ᠠᠵᠤ ᠪᠣᠯᠪᠠᠰᠣᠷᠠᠭᠣᠯᠬᠣ ᠬᠡᠷᠡᠭᠳᠡᠢ᠃
（ᠳᠦᠷᠪᠡ） ᠬᠣᠰᠢᠭᠣ ᠰᠢᠶᠡᠨᠤ ᠲᠡᠰᠤᠨ ᠨᠣᠮᠤᠨ ᠰᠠᠩ᠂ ᠰᠣᠶᠣᠯᠤᠨ ᠣᠷᠳᠣᠨᠤ ᠰᠠᠯᠪᠣᠷᠢ ᠣᠷᠳᠣᠨ ᠪᠣᠶᠣ ᠦᠨᠳᠣᠰᠣᠨ ᠱᠠᠳᠣᠨᠤ ᠦᠢ᠍ᠯᠡᠴᠢᠯᠡᠭᠡᠨᠤ ᠴᠡᠭ ᠪᠣᠯᠵᠤ᠂ ᠬᠣᠰᠢᠭᠣ ᠰᠢᠶᠡᠨᠤ ᠲᠡᠰᠤᠨ ᠰᠣᠶᠣᠯᠤᠨ ᠪᠠᠢ᠌ᠭᠣᠯᠭᠠ ᠵᠢ ᠬᠠᠪᠰᠣᠷᠴᠤ ᠰᠣᠶᠣᠯᠤᠨ ᠡᠬᠢ ᠪᠠᠶᠠᠯᠢᠭᠢ ᠳᠣᠬᠢᠷᠡᠭᠣᠯᠣᠨ ᠬᠦᠷᠭᠡᠵᠣ᠂ ᠨᠡᠭᠦᠳᠡᠯ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡ ᠵᠢ ᠦᠷᠨᠢᠭᠦᠯᠵᠤ᠂ ᠣᠯᠠᠨ ᠨᠡᠢ᠌ᠳᠡ ᠵᠢᠨ ᠰᠣᠶᠣᠯᠢ ᠭᠠᠴᠠᠭᠠ ᠲᠣᠰᠬᠣᠨᠳᠤ ᠨᠡᠪᠳᠡᠷᠡᠭᠦᠯᠦᠨ᠂ ᠠᠢ᠌ᠯ ᠡᠷᠦᠬᠡᠳᠤ ᠣᠷᠣᠭᠣᠯᠬᠣ ᠵᠢ ᠪᠠᠳᠣᠯᠠᠬᠣ ᠬᠡᠷᠡᠭᠳᠡᠢ᠃
（ᠳᠠᠪᠣ） ᠬᠣᠰᠢᠭᠣ ᠰᠢᠶᠡᠨᠤ ᠨᠣᠮᠤᠨ ᠰᠠᠩᠤᠨ ᠵᠢᠭ᠋ᠠᠨ ᠵᠢᠯᠤᠭᠤᠳᠣᠯᠭᠠᠪᠠᠷ ᠨᠣᠮᠤᠨ ᠰᠠᠩᠤᠨ ᠣᠩᠰᠢᠯᠭᠠ ᠵᠢᠨ ᠲᠠᠰᠣᠭ ᠢ ᠡᠷᠬᠢᠯᠡᠵᠤ᠂ ᠣᠯᠠᠨ ᠲᠦᠮᠡᠨᠤ ᠨᠣᠮ ᠰᠣᠨᠢᠨ ᠤᠩᠰᠢᠬᠤ ᠠᠵᠢᠯᠯᠠᠭᠠ ᠵᠢ ᠦᠷᠨᠢᠭᠦᠯᠵᠣ᠂ ᠲᠣᠬᠠᠢ ᠵᠢᠨ ᠭᠠᠵᠠᠷ ᠣᠷᠣᠨᠤ ᠣᠯᠠᠨ ᠲᠦᠮᠡᠨ ᠳᠤ ᠨᠣᠮ ᠪᠢᠴᠢᠭ ᠰᠣᠨᠢᠨ ᠰᠡᠳᠭᠦᠯ ᠵᠢᠭᠡᠯᠡᠭᠦᠯᠦᠨ ᠣᠩᠰᠢᠭᠣᠯᠬᠣ ᠦᠢ᠍ᠯᠡᠴᠢᠯᠡᠭᠡ ᠵᠢ ᠬᠠᠩᠭ᠋ᠠᠬᠣ ᠬᠡᠷᠡᠭᠲᠡᠢ᠃
（ᠵᠢᠷᠭᠣᠭᠠ） ᠪᠦᠬᠦ ᠣᠯᠣᠰᠤᠨ ᠰᠣᠶᠣᠯᠤᠨ ᠰᠣᠷᠠᠭ ᠵᠠᠩᠭᠢ ᠵᠢᠨ ᠡᠬᠢ ᠪᠠᠶᠠᠯᠢᠭᠢ ᠬᠠᠮᠳᠣᠪᠠᠷ ᠬᠦᠷᠳᠡᠬᠦ ᠢᠨᠵᠸᠨ᠋ᠸᠷᠢᠩᠤᠨ ᠦᠨᠳᠣᠰᠣᠨ ᠱᠠᠳᠣᠨᠤ ᠦᠢ᠍ᠯᠡᠴᠢᠯᠡᠭᠡᠨᠤ ᠴᠡᠭ ᠪᠠᠢ᠌ᠭᠣᠯᠵᠣ᠂ ᠰᠣᠶᠣᠯᠤᠨ ᠲᠣᠭ᠋ᠠᠴᠠᠭ᠋ᠠᠯᠠᠭᠰᠠᠨ ᠰᠣᠷᠠᠭ ᠵᠠᠩᠭᠢ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨᠢ ᠦᠷᠨᠢᠭᠦᠯᠬᠦ ᠬᠡᠷᠡᠭᠳᠡᠢ᠃
（ᠳᠣᠯᠣᠭᠠ） ᠲᠠᠷᠢᠶᠠᠯᠠᠬᠣ ᠮᠠᠯᠵᠢᠬᠤ ᠣᠷᠣᠨᠤ ᠺᠢᠨᠤ᠋ ᠭᠠᠷᠭ᠋ᠠᠬᠣ ᠠᠵᠢᠯᠳᠠᠨᠢ ᠬᠠᠪᠰᠣᠷᠴᠤ ᠂ ᠳᠠᠷᠢᠶᠡᠴᠢᠳ ᠮᠠᠯᠴᠢᠳᠢ ᠲᠦᠪᠯᠡᠷᠡᠭᠦᠯᠦᠨ ᠺᠢᠨᠤ᠋ ᠰᠣᠨᠢᠷᠬᠠᠬᠣ ᠠᠵᠢᠯᠯᠠᠭᠠ ᠵᠢ ᠵᠣᠬᠢᠶᠠᠨ ᠪᠠᠢ᠌ᠭᠣᠯᠬᠣ ᠬᠡᠷᠡᠭᠳᠡᠢ᠃ ᠬᠣᠰᠢᠭᠣ ᠰᠢᠶᠡᠨᠤ ᠷᠠᠳᠢᠤ᠋ ᠲᠸᠯᠸᠢᠰᠤᠨ ᠰᠠᠯᠠᠭᠠ ᠮᠦᠴᠢᠷᠢ ᠬᠠᠪᠰᠣᠷᠴᠤ ᠂ ᠷᠠᠳᠢᠤ᠋ ᠲᠸᠯᠸᠢᠰᠤᠨ ᠪᠠᠭ᠋ᠠᠵᠢ ᠲᠦᠬᠦᠭᠡᠷᠤᠮᠵᠢ ᠵᠢ ᠰᠠᠯᠪᠢᠨ ᠵᠠᠰᠠᠬᠣ᠂ ᠠᠷᠠᠴᠢᠯᠠᠨ ᠬᠠᠮᠠᠭ᠋ᠠᠯᠠᠬᠣ ᠠᠵᠢᠯᠢ ᠬᠢᠬᠦ ᠬᠡᠷᠡᠭᠳᠡᠢ᠃
（ᠨᠠᠢ᠍ᠮᠠ） ᠬᠣᠰᠢᠭᠣ ᠰᠢᠶᠡᠨᠤ ᠰᠣᠶᠣᠯᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨᠤ ᠵᠢᠯᠣᠭᠣᠳᠣᠯᠭᠠ ᠳᠣᠤᠷᠠ᠂ ᠪᠣᠳᠡᠰᠤᠨ ᠪᠣᠰᠣ ᠰᠣᠶᠣᠯᠤᠨ ᠦᠪᠢ ᠬᠣᠷᠢᠶᠡᠨ ᠴᠤᠭᠯᠠᠭᠣᠯᠬᠣ᠂ ᠡᠮᠬᠢᠳᠭᠡᠨ ᠲᠢᠭᠯᠡᠬᠦ ᠠᠵᠢᠯᠢ ᠬᠢᠵᠣ᠂ ᠪᠣᠳᠡᠰᠤᠨ ᠪᠣᠰᠣ ᠰᠣᠶᠣᠯᠤᠨ ᠦᠪ ᠢ ᠨᠡᠢ᠌ᠳᠡᠮ ᠪᠠᠢ᠌ᠴᠠᠭ᠋ᠠᠬᠣ᠂ ᠳᠡᠯᠭᠡᠨ ᠦᠵᠡᠭᠦᠯᠬᠦ᠂ ᠤᠬᠠᠭᠣᠯᠬᠣ ᠠᠵᠢᠯᠯᠠᠭᠠ ᠵᠢ ᠦᠷᠨᠢᠬᠦᠯᠦᠨ᠂ ᠦᠪᠯᠡᠨ ᠣᠯᠠᠮᠵᠢᠯᠠᠭᠴᠢᠳᠤᠨ ᠣᠯᠠᠮᠵᠢᠯᠠᠯᠳᠠ ᠵᠢᠨ ᠰᠣᠷᠭ᠋ᠠᠯᠳᠠ ᠬᠢᠴᠢᠶᠡᠯᠯᠡᠭᠡ ᠵᠢ ᠵᠢᠭ᠋ᠠᠨ ᠵᠢᠯᠣᠭᠣᠳᠬᠣ ᠬᠡᠷᠡᠭᠳᠡᠢ᠃
（ᠶᠢᠰᠦ） ᠬᠣᠰᠢᠭᠣ ᠰᠢᠶᠡᠨᠤ ᠰᠣᠶᠣᠯᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨᠢ ᠬᠠᠪᠰᠣᠷᠴᠤ᠂ ᠲᠡᠤᠬᠡ ᠵᠢᠨ ᠳᠣᠷᠠᠰᠬᠠᠯᠳᠣ ᠵᠦᠢ᠍ᠯᠡᠰᠤᠨ ᠬᠠᠮᠠᠭ᠋ᠠᠯᠠᠯᠳᠠ ᠵᠢᠨ ᠠᠵᠢᠯᠢ ᠡᠷᠬᠢᠯᠡᠬᠦ ᠬᠡᠷᠡᠭᠳᠡᠢ᠃
（ᠠᠷᠪᠠ） ᠰᠣᠶᠣᠯᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨᠢ ᠬᠠᠪᠰᠣᠷᠣᠨ ᠲᠠᠷᠢᠶᠠᠯᠠᠬᠤ ᠣᠷᠣᠨᠤ ᠰᠣᠶᠣᠯᠤᠨ ᠵᠠᠬᠠ ᠵᠡᠭᠡᠯᠢ ᠵᠢᠨ ᠬᠠᠮᠢᠶᠠᠷᠣᠯᠳᠠ ᠵᠢᠴᠢ ᠬᠢᠨᠠᠯᠳᠠ ᠵᠢ ᠰᠠᠢ᠌ᠳᠣᠷ ᠬᠢᠨᠡ ᠃ ᠬᠦᠨᠳᠦ ᠶᠡᠬᠡ ᠠᠰᠠᠭᠣᠳᠠᠯ ᠭᠠᠷᠪᠠᠯ ᠬᠠᠤᠯᠢᠪᠠᠷ ᠲᠦᠷᠭᠡᠨ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠣ᠂ ᠲᠡᠷᠡᠴᠢᠯᠡᠨ ᠴᠠᠭ ᠳᠡᠷᠤᠢᠳᠤᠨᠢ ᠳᠡᠭᠡᠭᠰᠢ ᠮᠡᠳᠡᠭᠦᠯᠬᠦ ᠬᠡᠷᠡᠭᠳᠡᠢ᠃
ᠠᠷᠪᠠᠨ ᠨᠠᠢ᠍ᠮᠠᠳᠣᠭ᠋ᠠᠷ ᠵᠣᠷᠪᠣᠰ ᠦᠨᠳᠣᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠲᠦᠪᠨᠢ ᠳᠣᠳᠣᠭ᠋ᠠᠳᠣ ᠵᠢᠨ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠳᠦᠷᠢᠮ ᠳᠣᠭᠳᠠᠭ᠋ᠠᠯ ᠵᠶ᠋ᠠᠨ ᠳᠡᠭᠦᠯᠳᠡᠷᠵᠢᠬᠦᠯᠣᠨ᠂ ᠦᠢ᠍ᠯᠡᠴᠢᠯᠡᠭᠡᠨᠤ ᠪᠠᠷᠢᠮᠵᠢᠶᠠᠪᠠᠨ ᠪᠦᠷᠢᠨᠰᠢᠭᠦᠯᠦᠨ᠂ ᠡᠷᠡᠭᠦᠯ ᠪᠣᠯᠪᠠᠰᠣᠨ ᠰᠣᠶᠣᠯ ᠲᠠᠮᠢᠷ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠦᠳᠡᠯᠭᠡᠭᠡᠨᠢ ᠦᠷᠨᠢᠬᠦᠯᠬᠦ ᠬᠡᠷᠡᠭᠳᠡᠢ᠃
ᠦᠢ᠍ᠯᠡᠴᠢᠯᠡᠭᠡᠨᠤ ᠠᠭᠣᠯᠭᠠ ᠂ ᠠᠵᠢᠯᠯᠠᠬᠣ ᠴᠠᠭ ᠪᠠ ᠠᠩᠬᠠᠷᠠᠭᠣᠯᠬᠣ ᠵᠦᠢ᠍ᠯ ᠵᠶ᠋ᠠᠨ ᠢᠯᠡ ᠳᠣᠳᠣᠷᠬᠠᠢ ᠭᠠᠵᠠᠷᠲᠤ ᠨᠡᠢ᠌ᠳᠡᠯᠡᠬᠦ ᠬᠡᠷᠡᠭᠳᠡᠢ᠃
ᠠᠷᠪᠠᠨ ᠶᠢᠰᠦᠳᠦᠭᠡᠷ ᠵᠣᠷᠪᠣᠰ ᠦᠨᠳᠣᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠠᠵᠢᠯᠯᠠᠬᠣ ᠴᠠᠭᠢ ᠵᠢᠯᠳᠤ 10 ᠰᠠᠷᠠᠠᠴᠠ ᠳᠣᠤᠷᠠ ᠪᠠᠢ᠌ᠯᠭ᠋ᠠᠵᠣ ᠪᠣᠯᠬᠣ ᠦᠭᠡᠢ᠂ ᠭᠠᠷᠠᠭᠤᠨ ᠠᠵᠢᠯᠯᠠᠬᠣ ᠴᠠᠭᠢ 42 ᠴᠠᠭᠠᠴᠠ ᠳᠣᠣᠷᠠ ᠪᠠᠢ᠌ᠯᠭ᠋ᠠᠵᠣ ᠪᠣᠯᠬᠣ ᠦᠭᠡᠢ᠂ ᠡᠭᠦᠨᠳᠤ ᠰᠤᠯᠪᠢᠴᠠᠭᠤᠯᠤᠨ ᠠᠵᠢᠯᠯᠠᠬᠣ ᠴᠠᠭᠢ ᠭᠣᠷᠪᠠᠨᠤ ᠨᠢᠭᠡ ᠬᠣᠪᠢᠠᠴᠠ ᠳᠣᠤᠷᠠ ᠪᠠᠢ᠌ᠯᠭ᠋ᠠᠵᠣ ᠪᠣᠯᠬᠣ ᠦᠭᠡᠢ᠃
ᠬᠣᠷᠢᠳᠣᠭ᠋ᠠᠷ ᠵᠣᠷᠪᠣᠰ ᠰᠣᠮᠣ ᠰᠢᠶᠡᠩ ᠪᠠᠯᠭ᠋ᠠᠰᠣ （ᠵᠡᠭᠡᠯᠢ ᠭᠣᠳᠣᠮᠵᠢ） ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠰᠣᠶᠣᠯᠤᠨ ᠦᠷᠲᠡᠭᠡ ᠦᠵᠡᠭᠦᠯᠦᠯᠭᠡ ᠡᠷᠬᠢᠯᠡᠬᠦ ᠠᠵᠢᠯ ᠵᠶ᠋ᠠᠨ ᠵᠢᠯ ᠪᠦᠷᠢ 2 ᠣᠳᠠᠭᠠᠠᠴᠠ ᠳᠣᠣᠷᠠ ᠪᠠᠢ᠌ᠯᠭ᠋ᠠᠵᠣ ᠪᠣᠯᠬᠣ ᠦᠭᠡᠢ᠂ ᠣᠯᠠᠨ ᠨᠡᠢ᠌ᠳᠡ ᠵᠢᠨ ᠴᠢᠨᠠᠷᠲᠡᠢᠲᠠᠢ ᠬᠢᠴᠢᠶᠡᠯ ᠲᠡᠢ᠌ᠯᠦᠨ ᠪᠠ ᠪᠣᠯᠪᠠᠰᠣᠷᠠᠯ ᠰᠣᠷᠭ᠋ᠠᠯᠳᠠ ᠡᠷᠬᠢᠯᠡᠬᠦ ᠠᠵᠢᠯ ᠵᠶ᠋ᠠᠨ ᠵᠢᠯ ᠪᠦᠷᠢ 4 ᠣᠳᠠᠭᠠᠠᠴᠠ ᠳᠣᠤᠷᠠ ᠪᠠᠢ᠌ᠯᠭ᠋ᠠᠵᠣ ᠪᠣᠯᠬᠣ ᠦᠭᠡᠢ᠂ ᠣᠯᠠᠨ ᠲᠦᠮᠡᠨᠤ ᠰᠣᠶᠣᠯ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠢ ᠡᠷᠬᠢᠯᠡᠬᠦ ᠠᠵᠢᠯ ᠵᠶ᠋ᠠᠨ ᠵᠢᠯ ᠪᠦᠷᠢ 20 ᠣᠳᠠᠭᠠᠠᠴᠠ ᠳᠣᠤᠷᠠ ᠪᠠᠢ᠌ᠯᠭ᠋ᠠᠵᠣ ᠪᠣᠯᠬᠣ ᠦᠭᠡᠢ᠃ ᠭᠠᠴᠠᠭᠠ ᠲᠣᠰᠬᠣᠨ （ᠨᠡᠢ᠌ᠬᠡᠮ ᠳᠣᠭᠣᠷᠢᠭ）ᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪ ᠤᠯᠠᠨ ᠲᠦᠮᠡᠨᠤ ᠰᠣᠶᠣᠯ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠢ ᠵᠣᠬᠢᠶᠡᠨ ᠪᠠᠢ᠌ᠭᠣᠯᠵᠣ ᠡᠷᠬᠢᠯᠡᠬᠦ ᠠᠵᠢᠯ ᠵᠶ᠋ᠠᠨ ᠵᠢᠯ ᠪᠦᠷᠢ 4 ᠣᠳᠠᠭᠠᠠᠴᠠ ᠳᠣᠤᠷᠠ ᠪᠠᠢ᠌ᠯᠭ᠋ᠠᠵᠣ ᠪᠣᠯᠬᠣ ᠦᠭᠡᠢ᠃
ᠬᠣᠷᠢᠨ ᠨᠢᠭᠡᠳᠦᠭᠡᠷ ᠵᠣᠷᠪᠣᠰ ᠦᠨᠳᠣᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪ ᠬᠣᠳᠠ ᠬᠦᠳᠡᠭᠡ ᠵᠢᠨ ᠰᠠᠭᠣᠭ᠋ᠠᠯᠢ ᠠᠷᠠᠳᠲᠤ ᠤᠢ᠌ᠷᠡ ᠬᠠᠪᠢᠳᠤᠪᠠᠨ ᠡᠯᠡ ᠲᠦᠷᠦᠯᠤᠨ ᠰᠣᠶᠣᠯ ᠳᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠳᠤ ᠤᠷᠤᠯᠴᠠᠬᠣ ᠲᠦᠭᠦᠮ ᠨᠦᠬᠦᠴᠡᠯᠢ ᠬᠠᠩᠭ᠋ᠠᠬᠣ ᠬᠡᠷᠡᠭᠳᠡᠢ᠃ ᠵᠡᠮᠳᠡᠭᠴᠤᠣᠯ᠂ ᠨᠠᠰᠣᠨᠳᠤ ᠦᠯᠦ ᠬᠦᠷᠦᠭᠴᠢᠳ᠂ ᠨᠠᠰᠣᠲᠠᠢ᠌ᠴᠣᠤᠯ ᠪᠣᠯᠣᠨ ᠬᠦᠯᠦᠰᠣᠨ ᠠᠵᠢᠯᠳᠠᠳ ᠵᠡᠷᠭᠡ ᠣᠨᠴᠠᠭ᠋ᠠᠢ ᠬᠦᠮᠦᠰᠲᠤ ᠵᠣᠷᠢᠭᠣᠯᠣᠭᠰᠠᠨ ᠰᠣᠶᠣᠯ ᠲᠡᠮᠢᠷᠤᠨ ᠬᠦᠳᠡᠯᠭᠡᠭᠡᠨᠢ ᠵᠢᠯ ᠪᠦᠷᠢ ᠵᠣᠬᠢᠶᠡᠨ ᠪᠠᠢ᠌ᠭᠣᠯᠣᠨ ᠡᠷᠬᠢᠯᠡᠬᠦ ᠬᠡᠷᠡᠭᠳᠡᠢ᠃
ᠳᠦᠷᠪᠡᠳᠦᠭᠡᠷ ᠪᠦᠯᠦᠭ ᠠᠵᠢᠯᠳᠠᠳ ᠪᠠ ᠵᠠᠷᠣᠳᠠᠯ ᠮᠦᠩᠭᠦ
ᠬᠣᠷᠢᠨ ᠬᠣᠶᠡᠳᠣᠭ᠋ᠠᠷ ᠵᠤᠷᠪᠣᠰ ᠰᠣᠮᠣ ᠰᠢᠶᠡᠩ ᠪᠠᠯᠭ᠋ᠠᠰᠣ （ᠵᠡᠭᠡᠯᠢ ᠭᠣᠳᠣᠮᠵᠢ） ᠵᠢᠨ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠰᠣᠶᠣᠯᠤᠨ ᠦᠷᠳᠡᠭᠡᠳᠤ 1 —2ᠠᠴᠠ ᠳᠡᠭᠡᠭᠰᠢ ᠨᠡᠷᠡ ᠠᠯᠪᠠᠨᠤ ᠣᠷᠣᠨ ᠲᠣᠭᠠᠲᠠᠢ ᠲᠣᠰᠬᠠᠢ ᠠᠵᠢᠯᠳᠠᠨᠢ ᠳᠣᠬᠢᠷᠡᠭᠣᠯᠣᠭᠰᠡᠨ ᠪᠠᠢ᠌ᠬᠤ ᠬᠡᠷᠡᠭᠳᠡᠢ᠃ ᠭᠠᠴᠠᠭᠠ ᠲᠣᠰᠬᠣᠨ （ᠨᠡᠢ᠌ᠬᠡᠮ ᠳᠣᠭᠣᠷᠢᠭ）ᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪ ᠲᠤ ᠵᠠᠰᠠᠭᠤᠨ ᠣᠷᠳᠣᠨᠤ ᠬᠣᠳᠠᠯᠳᠣᠨ ᠠᠪᠣᠭᠰᠠᠨ ᠣᠯᠠᠨ ᠨᠡᠢ᠌ᠳᠡ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠠᠵᠢᠯᠤᠨ ᠪᠠᠢ᠌ᠷᠢ ᠵᠢ 1ᠠᠴᠠ ᠳᠡᠭᠡᠭᠰᠢ ᠪᠠᠢ᠌ᠯᠭ᠋ᠠᠬᠣ ᠬᠡᠷᠡᠭᠳᠡᠢ᠃
ᠬᠣᠷᠢᠨ ᠭᠣᠷᠪᠠᠳᠣᠭ᠋ᠠᠷ ᠵᠣᠷᠪᠣᠰ ᠰᠣᠮᠣ ᠰᠢᠶᠡᠩ ᠪᠠᠯᠭ᠋ᠠᠰᠣ （ᠵᠡᠭᠡᠯᠢ ᠭᠣᠳᠣᠮᠵᠢ） ᠵᠢᠨ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠰᠣᠶᠣᠯᠤᠨ ᠦᠷᠳᠡᠭᠡ ᠵᠢᠨ ᠳᠠᠷᠣᠭᠠᠨᠢ ᠳᠡᠭᠡᠳᠦ ᠵᠡᠷᠭᠡ ᠵᠢᠨ ᠳᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠰᠣᠷᠣᠯᠭᠠ ᠵᠢᠨ ᠨᠠᠮᠳᠠᠷ （ᠪᠣᠶᠣ ᠡᠭᠦᠨᠲᠠᠢ ᠲᠡᠩᠴᠡᠭᠰᠡᠨ）ᠠᠴᠠ ᠳᠡᠭᠡᠭᠰᠢ ᠰᠣᠶᠣᠯᠤᠨ ᠬᠡᠮᠵᠢᠶᠡᠲᠠᠢ᠂ ᠰᠣᠶᠣᠯᠤᠨ ᠠᠵᠢᠯ ᠦᠢ᠍ᠯᠡᠰᠲᠤᠪᠠᠨ ᠬᠠᠢ᠌ᠷᠠᠳᠠᠢ᠂ ᠣᠯᠠᠨ ᠲᠦᠮᠡᠨᠢ ᠵᠤᠬᠢᠶᠡᠨ ᠪᠠᠢ᠌ᠭᠣᠯᠣᠨ ᠰᠣᠶᠣᠯᠤᠨ ᠬᠦᠳᠡᠯᠭᠡᠭᠡᠨᠢ ᠦᠷᠨᠢᠭᠦᠯᠬᠦᠳᠤᠪᠠᠨ ᠴᠢᠳᠠᠮᠠᠭ᠋ᠠᠢ᠂ ᠰᠣᠶᠣᠯᠤᠨ ᠦᠷᠳᠡᠭᠡᠨᠤ ᠠᠵᠢᠯᠤᠨ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠴᠢᠳᠠᠪᠣᠷᠢ ᠪᠣᠯᠣᠨ ᠬᠠᠮᠢᠶᠠᠷᠣᠯᠳᠠ ᠵᠢᠨ ᠬᠢᠷᠢ ᠬᠡᠮᠢ ᠪᠦᠷᠢᠳᠦᠭᠦᠯᠦᠭᠰᠡᠨ ᠪᠠᠢ᠌ᠬᠣ ᠬᠡᠷᠡᠭᠳᠡᠢ᠃ ᠰᠣᠶᠣᠯᠤᠨ ᠦᠷᠳᠡᠭᠡᠨᠤ ᠳᠠᠷᠣᠭᠠ ᠵᠢ ᠶᠠᠭᠣᠨᠤ ᠡᠮᠦᠨᠡ ᠬᠣᠰᠢᠭᠣ ᠰᠢᠶᠡᠨᠤ ᠲᠡᠰᠤᠨ ᠰᠣᠶᠣᠯᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨᠤ ᠰᠠᠨᠠᠯᠢ ᠠᠪᠣᠭᠰᠠᠨᠤ ᠳᠠᠷᠠᠭᠠ ᠰᠣᠮᠣ ᠰᠢᠶᠡᠩ ᠪᠠᠯᠭ᠋ᠠᠰᠣᠨᠤ ᠵᠠᠰᠭᠤᠨ ᠣᠷᠳᠣᠨ （（ᠵᠠᠮ ᠵᠡᠭᠡᠯᠢ ᠵᠢᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ）ᠠᠴᠠ ᠳᠣᠮᠢᠯᠠᠬᠣ ᠪᠣᠶᠣ ᠣᠷᠢᠨ ᠬᠡᠷᠡᠭᠯᠡᠬᠦ ᠬᠡᠷᠡᠭᠳᠡᠢ᠃
ᠬᠣᠷᠢᠨ ᠲᠦᠷᠪᠡᠳᠦᠭᠡᠷ ᠵᠣᠷᠪᠣᠰ ᠰᠣᠮᠣ ᠰᠢᠶᠡᠩ ᠪᠠᠯᠭ᠋ᠠᠰᠣᠨ （ᠵᠡᠭᠡᠯᠢ ᠭᠤᠳᠣᠮᠵᠢ）ᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠰᠣᠶᠣᠯᠤᠨ ᠦᠷᠳᠡᠭᠡ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠬᠢᠷᠢ ᠬᠡᠮᠤᠨ ᠲᠦᠷᠢᠮᠢ ᠬᠡᠷᠡᠭᠵᠢᠬᠦᠯᠦᠨᠡ᠂ ᠲᠣᠰ ᠠᠵᠢᠯᠢ ᠡᠷᠬᠢᠯᠡᠭᠴᠢᠳ ᠡᠷᠬᠡᠪᠰᠢ ᠰᠣᠶᠣᠯᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨ ᠪᠣᠶᠣ ᠲᠣᠰᠢᠶᠡᠨ ᠨᠠᠢ᠌ᠳᠠᠭᠰᠠᠨ ᠰᠠᠯᠠᠭᠠ ᠮᠦᠴᠢᠷᠤᠨ ᠰᠢᠯᠭ᠋ᠠᠯᠲᠠ᠂ ᠰᠢᠯᠭ᠋ᠠᠨ ᠬᠢᠨᠠᠯᠳᠠᠪᠠᠷ ᠳᠠᠮᠵᠢᠵᠣ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠬᠢᠷᠢ ᠬᠡᠮ ᠪᠣᠶᠣ ᠠᠵᠢᠯᠤᠨ ᠪᠠᠢ᠌ᠷᠢ ᠵᠢᠨ ᠪᠣᠯᠪᠠᠰᠣᠷᠠᠯᠤᠨ ᠦᠨᠠᠮᠯᠠᠯ ᠠᠪᠣᠭᠰᠠᠨ ᠪᠠᠢ᠌ᠬᠣ ᠬᠡᠷᠡᠭᠳᠡᠢ᠃
ᠰᠣᠮᠣ ᠰᠢᠶᠡᠩ ᠪᠠᠯᠭ᠋ᠠᠰᠣᠨᠤ （ᠵᠡᠭᠡᠯᠢ ᠭᠣᠳᠣᠮᠵᠢ） ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠦᠷᠳᠡᠭᠡᠨᠤ ᠠᠵᠢᠯᠳᠠᠨ ᠦᠪᠡᠷᠤᠨ ᠰᠣᠷᠣᠯᠭᠠ ᠵᠢᠨ ᠨᠠᠮᠳᠠᠷᠤᠨ ᠨᠦᠬᠦᠴᠡᠯ᠂ ᠠᠵᠢᠯ ᠡᠭᠦᠷᠭᠡᠯᠡᠭᠰᠡᠨ ᠵᠢᠯ ᠬᠣᠭᠣᠴᠠᠭᠠ᠂ ᠠᠵᠢᠯᠤᠨ ᠦᠷᠡ ᠪᠦᠳᠦᠭᠡᠯ ᠪᠠ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠠᠵᠢᠯ ᠤᠨ ᠬᠢᠷᠢ ᠲᠦᠪᠰᠢᠨ ᠵᠶ᠋ᠠᠨ ᠦᠨᠳᠦᠰᠦᠯᠡᠨ ᠡᠭᠦᠨᠲᠠᠢ ᠠᠳᠠᠯᠢ ᠲᠡᠩᠴᠡᠭᠦᠤ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠬᠢᠷᠢ ᠬᠡᠮᠢ ᠡᠷᠡᠮᠡᠯᠵᠡᠯᠡᠵᠤ ᠪᠣᠯᠣᠨᠠ᠃
ᠬᠣᠷᠢᠨ ᠲᠠᠪᠣᠳᠣᠭ᠋ᠠᠷ ᠵᠣᠷᠪᠣᠰ ᠰᠣᠮᠣ ᠰᠢᠶᠡᠩ ᠪᠠᠯᠭ᠋ᠠᠰᠣᠨ （ᠵᠡᠭᠡᠯᠢ ᠭᠣᠳᠣᠮᠵᠢ）ᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠰᠣᠶᠣᠯᠤᠨ ᠦᠷᠳᠡᠭᠡ ᠣᠷᠢᠵᠣ ᠬᠡᠷᠡᠭᠯᠡᠬᠦ ᠳᠦᠷᠢᠮ ᠪᠣᠯᠣᠨ ᠠᠵᠢᠯᠤᠨ ᠪᠠᠢ᠌ᠷᠢ ᠵᠢᠨ ᠬᠠᠷᠠᠯᠲᠠ ᠵᠢᠨ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠬᠠᠷᠢᠭᠣᠴᠠᠯᠭᠠ ᠵᠢᠨ ᠳᠦᠷᠢᠮᠢ ᠬᠡᠷᠡᠭᠵᠢᠭᠦᠯᠦᠨᠡ᠃ ᠠᠵᠢᠯᠤᠨ ᠪᠠᠢ᠌ᠷᠢ ᠵᠢᠨ ᠠᠵᠢᠯᠳᠠ ᠠᠵᠢᠯᠤᠨ ᠠᠮᠠᠷᠠᠯᠳᠠᠪᠠᠨ ᠠᠪᠬᠤ ᠪᠣᠶᠣ ᠠᠵᠢᠯ ᠰᠢᠯᠵᠢᠬᠦ᠂ ᠠᠵᠢᠯ ᠵᠶ᠋ᠠᠨ ᠣᠷᠬᠢᠪᠠᠯ ᠴᠠᠭ ᠲᠠᠷᠣᠢᠳᠤᠨᠢ ᠲᠡᠭᠦᠨᠲᠠᠢ ᠠᠳᠠᠯᠢ ᠬᠢᠷᠢ ᠬᠡᠮ ᠲᠠᠢ ᠠᠵᠢᠯᠳᠠᠨᠢ ᠳᠣᠬᠢᠷᠠᠭᠣᠯᠬᠣ ᠬᠡᠷᠡᠭᠳᠡᠢ᠃
ᠬᠣᠷᠢᠨ ᠵᠢᠷᠭᠣᠳᠣᠭ᠋ᠠᠷ ᠵᠣᠷᠪᠣᠰ ᠭᠠᠴᠠᠭᠠ ᠲᠣᠰᠬᠣᠨ （ᠨᠡᠢ᠌ᠬᠡᠮ ᠲᠣᠭᠣᠷᠢᠭ）ᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠰᠣᠶᠣᠯᠤᠨ ᠬᠠᠮᠢᠶᠡᠷᠤᠯᠲᠡ ᠵᠢᠨ ᠲᠣᠰᠬᠠᠢ ᠲᠣᠰᠢᠶᠡᠯᠳᠡᠨᠢ ᠵᠠᠰᠠᠭᠤᠨ ᠣᠷᠳᠣᠨᠤ ᠬᠣᠳᠠᠯᠳᠣᠨ ᠠᠪᠣᠭᠰᠠᠨ ᠣᠯᠠᠨ ᠨᠡᠢ᠌ᠳᠡ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠠᠵᠢᠯᠤᠨ ᠪᠠᠢ᠌ᠷᠢ ᠵᠢᠨ ᠠᠷᠭᠠᠪᠠᠷ ᠭᠠᠷᠭ᠋ᠠᠨᠠ᠃ 《ᠬᠣᠰᠢᠭᠣ ᠰᠢᠶᠡᠨᠤ ᠣᠷᠢᠬᠣ》᠂ 《ᠰᠢᠶᠡᠩ ᠪᠠᠯᠭ᠋ᠠᠰᠣᠨᠠᠴᠠ ᠬᠠᠮᠢᠶᠡᠷᠬᠣ》 ᠂ 《ᠭᠠᠴᠠᠭᠠ ᠲᠣᠰᠬᠣᠨᠳᠤ ᠬᠡᠷᠡᠭᠯᠡᠬᠦ》 ᠠᠷᠭᠠᠪᠠᠷ ᠭᠠᠴᠠᠭᠠ ᠲᠣᠰᠬᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠲᠤ ᠰᠣᠶᠣᠯᠤᠨ ᠲᠣᠰᠬᠠᠢ ᠠᠵᠢᠯᠤᠨ ᠬᠠᠮᠢᠶᠠᠷᠤᠯᠳᠡ ᠵᠢᠨ ᠠᠵᠢᠯᠳᠠᠨᠢ ᠳᠣᠬᠢᠷᠡᠭᠣᠯᠣᠨᠠ᠃
ᠬᠣᠷᠢᠨ ᠳᠣᠯᠣᠳᠣᠭ᠋ᠠᠷ ᠵᠤᠷᠪᠣᠰ ᠬᠣᠰᠢᠭᠣ ᠰᠢᠶᠡᠨᠤ ᠲᠡᠰᠤᠨ ᠰᠣᠶᠣᠯᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠬᠠᠮᠢᠶᠡ ᠪᠦᠬᠦᠢ ᠱᠠᠭ᠋ᠠᠷᠳᠠᠯᠭᠠ ᠵᠢ ᠦᠨᠳᠣᠰᠣᠯᠡᠨ ᠰᠣᠶᠣᠯᠤᠨ ᠬᠠᠮᠢᠶᠠᠷᠣᠯᠳᠡ ᠵᠢᠨ ᠠᠵᠢᠯᠳᠠᠨᠢ ᠡᠯᠰᠡᠬᠦ ᠪᠠ ᠬᠠᠮᠢᠶᠠᠷᠬᠣ ᠠᠷᠭᠠ ᠵᠢ ᠳᠣᠭᠳᠠᠭ᠋ᠠᠨ᠂ ᠡᠯᠰᠡᠬᠦ ᠪᠡ ᠬᠠᠮᠢᠶᠠᠷᠬᠣ ᠶᠠᠪᠣᠴᠡᠳᠤᠪᠠᠨ ᠢᠯᠡ ᠳᠣᠳᠣ᠂ ᠡᠷᠬᠡ ᠳᠡᠭᠰᠢ᠂ ᠭᠣᠤᠯᠴᠢ ᠰᠢᠳᠣᠷᠭᠣ ᠪᠠᠢ᠌ᠬᠣ ᠬᠡᠷᠡᠭᠳᠡᠢ᠃ ᠰᠣᠶᠣᠯᠤᠨ ᠬᠠᠮᠢᠶᠠᠷᠣᠯᠳᠠ ᠵᠢᠨ ᠠᠵᠢᠯᠳᠠᠨᠨᠢ ᠨᠠᠮᠤᠨ ᠱᠣᠭᠣᠮ ᠴᠢᠭᠯᠡᠯᠳᠡ ᠪᠠ ᠲᠦᠷᠦ ᠵᠢᠨ ᠪᠣᠳᠣᠯᠭᠠ ᠵᠢ ᠬᠦᠷᠢᠶᠡᠯᠡᠳᠡᠭ᠂ ᠬᠠᠤᠯᠢ ᠲᠦᠷᠢᠮᠢ ᠰᠠᠬᠢᠳᠠᠭ᠂ ᠣᠪᠣᠷ ᠰᠣᠷᠳᠠᠯ ᠰᠠᠢ᠌ᠨ᠂ ᠣᠯᠠᠨ ᠨᠡᠢ᠌ᠳᠡ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠠᠵᠢᠯᠳᠤ ᠬᠠᠯᠠᠭᠣᠨ ᠰᠡᠳᠭᠢᠯᠭᠡᠲᠠᠢ᠂ ᠵᠣᠬᠢᠬᠣ ᠬᠡᠮᠵᠢᠶᠡᠨᠤ ᠰᠣᠶᠣᠯ ᠤᠷᠠᠯᠢᠭᠤᠨ ᠮᠡᠳᠡᠯᠭᠡ ᠴᠢᠳᠠᠪᠣᠷᠢᠲᠠᠢ ᠪᠠᠢ᠌ᠬᠣ ᠬᠡᠷᠡᠭᠳᠡᠢ᠃
ᠬᠣᠷᠢᠨ ᠨᠠᠢ᠍ᠮᠠᠳᠣᠭ᠋ᠠᠷ ᠵᠣᠷᠪᠣᠰ ᠭᠠᠴᠠᠭᠠ ᠳᠣᠰᠬᠣᠨ （ᠨᠡᠢ᠌ᠬᠡᠮ ᠳᠣᠭᠣᠷᠢᠭ）ᠤ ᠰᠣᠶᠣᠯᠤᠨ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠲᠣᠰᠬᠠᠢ ᠠᠵᠢᠯᠤᠨ ᠬᠠᠮᠢᠶᠠᠷᠣᠯᠲᠡ ᠵᠢᠨ ᠠᠵᠢᠯᠳᠡᠨ ᠳᠣᠬᠠᠢ ᠵᠢᠨ ᠭᠠᠵᠠᠷᠤᠨ ᠣᠯᠠᠨ ᠲᠦᠮᠡᠨᠤᠪᠠᠨ ᠪᠣᠳᠠᠳᠠᠢ ᠱᠠᠭ᠋ᠠᠷᠳᠠᠯᠭᠠ ᠵᠢ ᠦᠨᠳᠣᠰᠣᠯᠡᠨ᠂ ᠦᠨᠢᠷ ᠪᠠᠶᠠᠯᠢᠭ ᠠᠭᠣᠯᠭᠠᠲᠠᠢ᠂ ᠲᠣᠷᠠ ᠰᠣᠨᠢᠷᠬᠠᠯᠢᠨᠢ ᠲᠠᠲᠠᠭᠰᠠᠨ ᠰᠣᠶᠣᠯ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠢ ᠵᠣᠬᠢᠶᠠᠨ ᠪᠠᠢ᠌ᠭᠣᠯᠵᠣ᠂ ᠰᠠᠭᠣᠭ᠋ᠠᠯᠢ （ᠲᠣᠰᠬᠣᠨ） ᠠᠷᠠᠳᠤᠨ ᠦᠪᠡᠷᠳᠡᠭᠡᠨ ᠡᠷᠬᠢᠯᠡᠭᠰᠡᠨ ᠤᠯᠠᠨ ᠲᠦᠮᠡᠨᠤ ᠰᠣᠶᠣᠯ ᠲᠡᠮᠢᠷᠤᠨ ᠬᠦᠳᠡᠯᠭᠡᠭᠡᠨᠳᠤ ᠬᠦᠴᠤ ᠨᠡᠮᠡᠭᠦᠷᠢ ᠦᠵᠡᠭᠦᠯᠦᠨ ᠵᠢᠭ᠋ᠠᠨ ᠵᠢᠯᠤᠭᠤᠳᠬᠣ ᠬᠡᠷᠡᠭᠳᠡᠢ᠃
ᠬᠤᠷᠢᠨ ᠶᠢᠰᠦᠳᠦᠭᠡᠷ ᠵᠣᠷᠪᠣᠰ ᠡᠯᠡ ᠱᠠᠳᠣᠨᠤ ᠰᠣᠶᠣᠯᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨᠠᠴᠠ ᠦᠨᠳᠣᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠠᠵᠢᠯᠳᠠᠳᠢ ᠲᠣᠭᠳᠠᠭᠰᠠᠨ ᠬᠣᠭᠣᠴᠠᠭᠠᠲᠠᠢ ᠪᠣᠯᠪᠠᠰᠣᠷᠠᠯ ᠬᠢᠯᠭᠡᠬᠦ ᠬᠡᠷᠡᠭᠳᠡᠢ᠃ ᠡᠯᠡ ᠱᠠᠳᠣᠨᠤ ᠰᠣᠶᠣᠯᠤᠨ ᠪᠣᠯᠪᠠᠰᠣᠷᠠᠭᠣᠯᠣᠯᠲᠠ ᠵᠢᠨ ᠪᠠᠢ᠌ᠭᠣᠯᠦᠮᠵᠢ᠂ ᠰᠣᠶᠣᠯᠤᠨ ᠣᠷᠳᠣᠨ᠂ ᠨᠣᠮᠤᠨ ᠰᠠᠩ᠂ ᠣᠷᠠᠯᠢᠭᠤᠨ ᠰᠣᠷᠭ᠋ᠠᠭᠣᠯᠢ᠂ ᠣᠷᠠᠯᠢᠭᠤᠨ ᠪᠦᠯᠭᠦᠮ ᠵᠡᠷᠭᠡᠠᠴᠠ ᠪᠣᠯᠪᠠᠰᠣᠷᠠᠭᠣᠯᠣᠯᠤᠨ ᠪᠣᠳᠠᠳᠡᠢ ᠡᠭᠦᠷᠭᠡ ᠵᠢ ᠳᠠᠭ᠋ᠠᠭ᠋ᠠᠴᠢᠯᠠᠨ ᠠᠪᠴᠣ ᠪᠣᠯᠣᠨᠠ᠃ ᠦᠨᠳᠣᠰᠣᠨ ᠱᠠᠳᠣᠨᠤ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠲᠣᠰᠬᠠᠢ ᠠᠵᠢᠯᠢ ᠲᠣᠰᠬᠠᠢ ᠪᠣᠶᠣ ᠳᠠᠭ᠋ᠠᠯᠳᠣᠭᠣᠯᠣᠨ ᠡᠭᠦᠷᠭᠡᠯᠡᠭᠴᠢᠳ ᠪᠣᠯᠪᠠᠰᠣᠷᠠᠯᠳᠤ ᠣᠷᠣᠯᠴᠠᠭᠰᠠᠨ ᠴᠠᠭ ᠵᠢᠯ ᠪᠦᠷᠢ 5 ᠣᠳᠠᠭᠠᠠᠴᠠ ᠳᠣᠭᠣᠭᠰᠢ ᠪᠠᠢ᠌ᠵᠣ ᠪᠣᠯᠬᠣ ᠦᠭᠡᠢ᠃
ᠭᠣᠴᠢᠳᠣᠭ᠋ᠠᠷ ᠵᠣᠷᠪᠣᠰ ᠭᠠᠴᠠᠭᠠ ᠲᠣᠰᠬᠣᠨ （ᠨᠡᠢ᠌ᠬᠡᠮ ᠲᠣᠭᠣᠷᠢᠭ） ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠰᠣᠶᠣᠯᠤᠨ ᠬᠠᠮᠢᠶᠡᠷᠤᠯᠳᠡ ᠵᠢᠨ ᠠᠵᠢᠯᠳᠡᠨ ᠳᠣᠣᠷᠠᠬᠢ ᠬᠡᠳᠣᠨ ᠳᠠᠯᠠ ᠵᠢᠨ ᠠᠰᠠᠭᠣᠳᠠᠯᠤᠨ ᠠᠯᠢ ᠨᠢᠭᠡᠨᠳᠤ ᠬᠣᠯᠪᠣᠭᠳᠠᠭᠰᠠᠨ ᠪᠠᠢ᠌ᠪᠠᠯ᠂ ᠬᠣᠰᠢᠭᠣ ᠰᠢᠶᠡᠨᠤ ᠲᠡᠰᠤᠨ ᠰᠣᠶᠣᠯᠢ ᠭᠣᠤᠯᠯᠠᠨ ᠬᠠᠮᠢᠶᠡᠷᠬᠣ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨᠠᠴᠠ ᠰᠣᠶᠣᠯᠤᠨ ᠬᠠᠮᠢᠶᠠᠷᠣᠯᠳᠡ ᠵᠢᠨ ᠠᠵᠢᠯᠳᠡᠨᠤ ᠬᠢᠷᠢ ᠬᠡᠮᠤᠨ ᠡᠷᠬᠡ ᠵᠢᠨᠢ ᠬᠣᠰᠣᠵᠣ᠂ ᠪᠣᠰᠣᠳ ᠠᠵᠢᠯᠳᠠᠨᠢ ᠣᠷᠣᠨᠳᠤᠨᠢ ᠣᠷᠢᠵᠣ ᠬᠡᠷᠡᠭᠯᠡᠬᠦ ᠬᠡᠷᠡᠭᠳᠡᠢ᠃
（ᠨᠢᠭᠡ） ᠲᠣᠰ ᠠᠷᠭᠠ ᠵᠢᠨ ᠭᠣᠷᠪᠠᠳᠣᠭ᠋ᠠᠷ ᠵᠣᠷᠪᠣᠰᠤᠨ ᠬᠠᠮᠢᠶᠠ ᠪᠦᠬᠦᠢ ᠲᠣᠭᠳᠠᠭ᠋ᠠᠯ；
（ᠬᠣᠶᠡᠷ） ᠲᠣᠰᠬᠣᠨ （ᠰᠠᠭᠣᠭ᠋ᠠᠯᠢ） ᠠᠷᠠᠳᠤᠨ ᠣᠯᠠᠨ ᠲᠦᠮᠡᠨᠤ ᠲᠠᠭ᠋ᠠᠰᠢᠶᠠᠯᠢ 60％ ᠠᠴᠠ ᠳᠣᠭᠣᠭᠰᠢ ᠣᠯᠣᠭᠰᠠᠨ；
（ᠭᠣᠷᠪᠠ） ᠵᠢᠯᠤᠨ ᠠᠵᠢᠯᠤᠨ ᠡᠭᠦᠷᠭᠡᠪᠠᠨ ᠪᠡᠶᠡᠯᠡᠭᠦᠯᠦᠭᠰᠡᠨ ᠨᠣᠷᠮᠠᠨᠢ ᠵᠠᠭᠣᠨᠤ 90％ᠠᠴᠠ ᠳᠣᠭᠣᠭᠰᠢ ᠪᠣᠯᠣᠭᠰᠠᠨ；
（ᠲᠦᠷᠪᠡ） ᠪᠣᠯᠬᠢ ᠪᠦᠳᠦᠭᠦᠯᠢᠭ᠂ ᠡᠷᠡᠭᠦᠯ ᠪᠣᠰᠣ ᠠᠵᠢᠯᠠᠯᠠᠭ᠋ᠠᠨᠳᠤ ᠤᠷᠤᠯᠴᠠᠭᠰᠠᠳ ᠪᠣᠶᠣ ᠵᠣᠬᠢᠶᠡᠨ ᠪᠠᠢ᠌ᠭᠣᠯᠣᠭᠰᠠᠨ᠂ ᠮᠠᠭᠣ ᠮᠠᠭᠣᠬᠠᠢ ᠨᠦᠯᠦᠭᠡ ᠲᠣᠰᠬᠠᠯ ᠭᠠᠷᠭ᠋ᠠᠭᠰᠠᠨ；
（ᠳᠠᠪᠣ） ᠦᠢ᠍ᠯᠡᠴᠢᠯᠡᠭᠡᠨᠤ ᠴᠢᠨᠠᠷᠳᠡᠢ ᠬᠦᠳᠡᠯᠭᠡᠭᠡᠨ ᠡᠷᠬᠢᠯᠡᠵᠣ ᠪᠠᠢ᠌ᠬᠣ ᠳᠣᠮᠳᠠᠪᠠᠨ ᠬᠠᠣᠯᠢ ᠴᠠᠭ᠋ᠠᠵᠠ ᠲᠦᠷᠢᠮ ᠲᠣᠭᠳᠠᠭ᠋ᠠᠯᠢ ᠵᠦᠷᠢᠴᠡᠭᠰᠡᠨ᠃
ᠭᠣᠴᠢᠨ ᠨᠢᠭᠡᠳᠦᠭᠡᠷ ᠵᠣᠷᠪᠣᠰ ᠦᠨᠳᠣᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠳᠠ᠂ ᠰᠡᠯᠪᠢᠨ ᠵᠠᠰᠠᠯᠲᠠ᠂ ᠡᠳᠣᠷ ᠲᠣᠳᠣᠮᠤᠨ ᠠᠵᠢᠯᠤᠨ ᠡᠷᠭᠢᠯᠲᠡ ᠪᠣᠯᠣᠨ ᠦᠢ᠍ᠯᠡ ᠠᠵᠢᠯᠯᠠᠭ᠋ᠠᠨᠳᠤ ᠬᠡᠷᠡᠭᠴᠡᠭᠡᠲᠠᠢ ᠵᠠᠷᠣᠳᠠᠯ ᠮᠦᠩᠬᠦᠢ ᠳᠣᠬᠠᠢ ᠵᠢᠨ ᠭᠠᠵᠠᠷᠤᠨ ᠵᠶ᠋ᠠᠨ ᠦᠨᠳᠦᠰᠣᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠲᠡ ᠵᠢᠨ ᠪᠠᠯᠡ ᠣᠷᠣᠭᠣᠯᠣᠯᠳᠡ ᠵᠢᠨ ᠲᠦᠯᠦᠪᠯᠡᠭᠡ ᠪᠠ ᠡᠳ᠋ᠤᠨ ᠵᠠᠰᠠᠭᠤᠨ ᠲᠦᠯᠦᠪᠯᠡᠭᠡᠳᠤᠪᠠᠨ ᠣᠷᠣᠭᠣᠯᠬᠣ ᠬᠡᠷᠡᠭᠳᠡᠢ᠂ ᠲᠣᠷᠠᠪᠠᠷᠪᠠᠨ ᠬᠠᠰᠣᠬᠣ ᠪᠠ ᠨᠡᠭᠦᠯᠭᠡᠨ ᠰᠢᠯᠵᠢᠭᠦᠯᠵᠤ ᠪᠣᠯᠬᠣ ᠦᠭᠡᠢ᠃ ᠦᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨ᠂ ᠠᠢ᠌ᠮᠠᠭ ᠬᠣᠳᠠ ᠵᠢᠨ ᠲᠡᠰᠤᠨ ᠡᠳ᠋ᠤᠨ ᠵᠠᠰᠠᠭᠠᠴᠠ ᠦᠨᠳᠣᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯ ᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠪᠡᠯᠡᠳᠭᠡᠯ ᠲᠦᠬᠦᠭᠡᠷᠦᠮᠵᠢ ᠪᠠ ᠠᠭᠣᠯᠭᠠ ᠵᠢᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠳᠠ᠂ ᠲᠣᠨᠣᠭ ᠲᠦᠬᠦᠭᠡᠷᠦᠮᠵᠢ ᠵᠢᠨ ᠰᠢᠨᠡᠴᠢᠯᠡᠯᠳᠤ ᠵᠠᠷᠣᠳᠠᠯ ᠮᠦᠩᠭᠦᠨᠤ ᠨᠦᠬᠦᠪᠦᠷᠢ ᠣᠯᠭᠣᠪᠠᠯ ᠳᠠᠭ᠋ᠠᠷᠠᠨᠠ᠃
ᠭᠣᠴᠢᠨ ᠬᠣᠶᠡᠳᠣᠭ᠋ᠠᠷ ᠵᠣᠷᠪᠣᠰ ᠠᠷᠠᠳ ᠢᠷᠭᠡᠳ᠂ ᠬᠠᠤᠯᠢ ᠵᠢᠨ ᠬᠠᠷᠢᠭᠣᠴᠠᠯᠭ᠋ᠠᠳᠣ ᠬᠦᠮᠦᠰ ᠪᠣᠯᠣᠨ ᠪᠣᠰᠣᠳ ᠵᠣᠬᠢᠶᠡᠨ ᠪᠠᠢ᠌ᠭᠣᠯᠣᠯᠳᠡ ᠠᠯᠪᠠᠨ ᠵᠢᠷᠦᠮᠤᠨ ᠴᠢᠨᠠᠷᠳᠡᠢ ᠨᠡᠢ᠌ᠬᠡᠮᠤᠨ ᠪᠦᠯᠭᠦᠮ ᠪᠣᠶᠣ ᠬᠣᠰᠢᠭᠣ ᠰᠢᠶᠡᠨᠤ ᠲᠡᠰᠠᠴᠠ ᠳᠡᠭᠡᠭᠰᠢᠬᠢ ᠠᠷᠳᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠵᠢᠴᠢ ᠰᠠᠯᠠᠭᠠ ᠮᠦᠴᠢᠷᠬᠢᠨ ᠵᠶ᠋ᠠᠷ ᠳᠠᠮᠵᠢᠭᠣᠯᠣᠨ᠂ ᠦᠨᠳᠦᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠲᠤ ᠬᠠᠨᠳᠢᠪ ᠡᠷᠭᠦᠬᠦ ᠪᠣᠶᠣ ᠡᠳ᠋ ᠮᠦᠩᠭᠦᠪᠠᠷ ᠢᠪᠡᠭᠡᠨ ᠳᠡᠳᠭᠦᠬᠦ ᠵᠢ ᠵᠣᠷᠢᠭᠵᠢᠭᠣᠯᠣᠨᠠ᠃ ᠦᠨᠳᠣᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠠᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠲᠤ ᠬᠠᠤᠯᠢ ᠶᠣᠰᠣᠪᠠᠷ ᠬᠦᠷᠦᠩᠭᠡ ᠮᠦᠩᠭᠦ ᠬᠦᠷᠭᠡᠭᠰᠡᠨ ᠠᠷᠠᠳ ᠢᠷᠭᠡᠳ᠂ ᠬᠠᠤᠯᠢ ᠵᠢᠨ ᠬᠠᠷᠢᠭᠣᠴᠠᠯᠭ᠋ᠠᠳᠣ ᠬᠦᠮᠦᠰ ᠪᠣᠯᠣᠨ ᠪᠣᠰᠣᠳ ᠵᠣᠬᠢᠶᠡᠨ ᠪᠠᠢ᠌ᠭᠣᠯᠣᠯᠳᠡᠳᠤ ᠬᠠᠮᠢᠶᠠ ᠪᠦᠬᠦᠢ ᠬᠠᠣᠯᠢ ᠵᠢᠨ ᠳᠦᠷᠢᠮ ᠳᠣᠭᠳᠠᠭ᠋ᠠᠯᠢ ᠦᠨᠳᠣᠰᠣᠯᠠᠨ ᠬᠠᠮᠢᠶᠠᠲᠠᠢ ᠬᠠᠷᠠᠭ᠋ᠠᠯᠵᠠᠯᠢ ᠬᠦᠷᠲᠡᠭᠡᠵᠦ ᠪᠣᠯᠣᠨᠠ᠃
ᠳᠠᠪᠣᠳᠣᠭ᠋ᠠᠷ ᠪᠦᠯᠦᠭ ᠬᠢᠨᠠᠨ ᠪᠠᠢ᠌ᠴᠠᠭ᠋ᠠᠯᠲᠠ ᠪᠠ ᠬᠢᠨᠠᠨ ᠰᠢᠯᠭ᠋ᠠᠯᠲᠠ
ᠭᠣᠴᠢᠨ ᠭᠣᠷᠪᠠᠳᠣᠭ᠋ᠠᠷ ᠵᠣᠷᠪᠣᠰ ᠬᠣᠰᠢᠭᠣ ᠰᠢᠶᠡᠨᠤ ᠲᠡᠰᠤᠨ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨ᠂ ᠰᠣᠶᠣᠯᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨᠠᠴᠠ ᠬᠠᠷᠢᠭᠣᠴᠠᠨ᠂ ᠦᠨᠳᠦᠨᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠪᠠᠷᠢᠯᠭᠠ ᠲᠦᠬᠦᠭᠡᠷᠦᠮᠵᠢ᠂ ᠵᠠᠷᠤᠳᠠᠯ ᠮᠦᠩᠭᠦᠨᠤ ᠪᠡᠯᠡ ᠣᠷᠣᠭᠣᠯᠣᠯᠳᠡ᠂ ᠠᠵᠢᠯᠤᠨ ᠴᠢᠳᠡᠪᠬᠢ ᠵᠢᠨ ᠪᠠᠢ᠌ᠳᠠᠯᠳᠤ ᠳᠣᠭᠳᠠᠭᠰᠠᠨ ᠬᠣᠭᠣᠴᠠᠭᠠᠲᠠᠢ ᠬᠢᠨᠠᠨ ᠪᠠᠢ᠌ᠴᠠᠭ᠋ᠠᠯᠳᠠ᠂ ᠬᠢᠨᠠᠨ ᠳᠣᠭᠳᠠᠭ᠋ᠠᠯ ᠬᠢᠬᠦ ᠬᠡᠷᠡᠭᠳᠡᠢ᠃ ᠦᠨᠳᠦᠰᠦᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠳᠡ ᠵᠢᠨ ᠪᠠᠢ᠌ᠳᠠᠯᠢ ᠦᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨ ᠪᠠ ᠭᠠᠵᠠᠷ ᠣᠷᠣᠨᠤ ᠴᠢᠨᠠᠷᠳᠡᠢ ᠰᠣᠶᠣᠯᠤᠨ ᠲᠡᠷᠢᠭᠦᠨᠢ ᠡᠭᠦᠳᠴᠤ ᠰᠢᠯᠢᠳᠡᠭᠢ ᠦᠨᠡᠯᠡᠬᠦ ᠬᠢᠨᠠᠨ ᠰᠢᠯᠭ᠋ᠠᠬᠣ ᠭᠦᠢ᠍ᠴᠡᠳᠭᠡᠯ ᠲᠣᠭᠠ ᠵᠢᠨ ᠰᠢᠰᠲᠸᠮᠲᠤ ᠣᠷᠣᠭᠣᠯᠬᠣ ᠬᠡᠷᠡᠭᠳᠡᠢ᠃
ᠭᠣᠴᠢᠨ ᠳᠦᠷᠪᠡᠳᠦᠭᠡᠷ ᠵᠣᠷᠪᠣᠰ ᠲᠠᠷᠢᠶᠡᠯᠡᠬᠣ ᠮᠠᠯᠵᠢᠬᠣ ᠣᠷᠣᠨᠤ ᠰᠣᠶᠣᠯᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠣᠯᠣᠯᠳᠡ ᠵᠢᠨ ᠳᠣᠮᠳᠠ ᠳᠣᠪᠣᠢ᠌ᠮᠡ ᠬᠣᠪᠢ ᠨᠡᠮᠡᠭᠦᠷᠢᠪᠠᠨ ᠦᠵᠡᠭᠦᠯᠦᠭᠰᠡᠨ ᠦᠨᠳᠦᠰᠣᠨ ᠱᠠᠳᠣᠨᠤ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠳᠡᠢ ᠰᠣᠶᠣᠯ ᠵᠢᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠲᠦᠪ ᠪᠠ ᠳᠣᠰᠬᠠᠢ ᠠᠵᠢᠯᠳᠠᠨᠳᠤ ᠬᠣᠰᠢᠭᠣ ᠰᠢᠶᠡᠨᠤ ᠲᠡᠰᠠᠴᠠ ᠳᠠᠭᠡᠭᠰᠢᠬᠢ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠪᠣᠶᠣ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨᠠᠴᠠ ᠱᠠᠩᠨᠠᠯ ᠬᠦᠬᠢᠭᠦᠯᠦᠯ ᠬᠦᠷᠳᠡᠭᠡᠪᠠᠯ ᠳᠠᠭ᠋ᠠᠷᠠᠨᠠ᠃
ᠵᠢᠷᠭᠣᠳᠣᠭ᠋ᠠᠷ ᠪᠦᠯᠦᠭ ᠳᠠᠭ᠋ᠠᠯᠳᠣᠭᠣᠯᠣᠯ ᠲᠦᠷᠢᠮ
ᠭᠣᠴᠢᠨ ᠳᠠᠪᠣᠳᠣᠭ᠋ᠠᠷ ᠵᠣᠷᠪᠣᠰ ᠡᠯᠡ ᠠᠢ᠌ᠮᠠᠭ ᠬᠣᠳᠠ᠂ ᠬᠣᠰᠢᠭᠣ ᠰᠢᠶᠡᠨ （ᠬᠣᠳᠠ ᠳᠣᠭᠣᠷᠢᠭ） ᠲᠣᠰ ᠠᠷᠭᠠ ᠵᠢ ᠦᠨᠳᠣᠰᠣᠯᠡᠨ ᠪᠣᠳᠠᠳᠠᠢ ᠬᠡᠷᠡᠭᠵᠢᠬᠦᠯᠬᠦ ᠨᠠᠷᠢᠨ ᠳᠦᠷᠢᠮᠢ ᠳᠣᠭᠳᠠᠭ᠋ᠠᠬᠣ ᠬᠡᠷᠡᠭᠳᠡᠢ᠃
ᠭᠣᠴᠢᠨ ᠵᠢᠷᠭᠣᠳᠣᠭ᠋ᠠᠷ ᠵᠣᠷᠪᠣᠰ ᠲᠣᠰ ᠠᠷᠭᠠ ᠵᠢ ᠲᠠᠷᠬᠠᠭ᠋ᠠᠭᠰᠠᠨ ᠡᠳᠦᠷᠠᠴᠠ ᠡᠬᠢᠯᠡᠨ ᠳᠣᠷᠰᠢᠨ ᠬᠡᠷᠡᠭᠵᠢᠭᠦᠯᠦᠨᠠ᠃