ᠣᠷᠬᠢᠯ
《ᠪᠡᠶᠡᠪᠠᠨ ᠵᠠᠰᠠᠵᠦ ᠴᠢᠳᠠᠪᠠᠰᠣ ᠭᠡᠷ ᠵᠶ᠋ᠠᠨ ᠵᠠᠰᠠᠵᠦ ᠴᠢᠳᠠᠮᠣᠢ᠂ ᠬᠡᠷ ᠵᠶ᠋ᠠᠨ ᠵᠠᠰᠠᠵᠦ ᠴᠢᠳᠠᠪᠠᠰᠣ ᠣᠯᠣᠰᠢ ᠵᠠᠰᠠᠵᠦ ᠴᠢᠳᠠᠮᠣᠢ》 ᠭᠡᠳᠡᠭᠴᠢᠯᠠᠨ ᠬᠡᠷᠤᠨ ᠬᠦᠮᠦᠵᠢᠯᠨᠢ ᠣᠯᠣᠰ ᠣᠷᠣᠨᠤ ᠬᠦᠭᠵᠢᠯᠲᠠᠲᠠᠢ ᠴᠦ᠍ ᠰᠢᠭᠤᠳ ᠬᠤᠯᠪᠣᠭᠠᠲᠠᠢ ᠶᠤᠮ᠃ ᠮᠠᠨᠤ ᠦᠷᠡ ᠬᠡᠣᠬᠡᠳ ᠪᠣᠯ ᠢᠷᠡᠭᠡᠳᠦᠢ ᠵᠢᠨ ᠣᠯᠣᠰ ᠣᠷᠣᠨᠤ ᠡᠵᠡᠨ᠂ ᠢᠷᠡᠬᠡᠳᠦᠢ ᠵᠢᠨ ᠣᠯᠣᠰ ᠣᠷᠣᠨᠤ ᠬᠦᠭᠵᠢᠯᠲᠠ ᠲᠠᠪᠰᠢᠯᠲᠠ ᠵᠢ ᠠᠭᠢᠭᠤᠯᠬᠤ ᠢᠷᠭᠡᠳ ᠮᠦᠨ᠃ ᠬᠡᠣᠬᠡᠳᠤᠨ ᠬᠦᠮᠦᠵᠢᠯᠳᠤ ᠭᠡᠷᠤᠨ ᠬᠦᠮᠦᠵᠢᠯ᠂ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠦᠮᠦᠵᠢᠯ᠂ ᠨᠡᠶ᠋ᠢᠭᠡᠮᠤᠨ ᠬᠦᠮᠦᠵᠢᠯ ᠵᠡᠷᠭᠡ ᠪᠦᠷ ᠬᠤᠯᠪᠣᠭᠳᠠᠵᠦ ᠪᠠᠶ᠋ᠢᠳᠠᠭ ᠴᠦ᠍ ᠠ᠋ᠭᠦᠨᠳᠤ ᠦᠨᠳᠦᠰᠦ ᠪᠣᠯᠳᠠᠭᠨᠢ ᠬᠠᠰᠢ ᠯᠠ ᠬᠡᠷᠤᠨ ᠬᠦᠮᠦᠵᠢᠯ ᠮᠦᠨ᠃ ᠬᠡᠷᠤᠨ ᠬᠦᠮᠦᠵᠢᠯᠨᠢ ᠳᠣᠯᠢᠳᠠᠪᠠᠯ ᠬᠡᠣᠬᠡᠳᠤᠨ ᠬᠦᠮᠦᠵᠢᠯᠨᠢ ᠦᠨᠳᠦᠰᠦ ᠦᠭᠡᠢ ᠮᠣᠲᠣ ᠮᠡᠲᠦ ᠰᠠᠭᠤᠷᠢᠪᠠᠷ ᠵᠶ᠋ᠠᠨ ᠭᠤᠶ᠋ᠢᠪᠢᠯᠵᠠᠳᠠᠭ ᠶᠤᠮ᠃
ᠮᠤᠨᠭ᠌ᠭᠤᠯᠴᠤᠳ ᠣᠯᠠᠮᠵᠢᠯᠠᠯᠲᠦ ᠶᠣᠰᠣ ᠵᠠᠩᠰᠢᠯ ᠵᠶ᠋ᠠᠷ ᠵᠶ᠋ᠠᠨ ᠦᠷᠡ ᠬᠡᠣᠬᠡᠳ ᠵᠶ᠋ᠠᠨ ᠰᠠᠮᠪᠠᠭ᠋ᠠᠯᠢᠭ ᠮᠦᠷᠳᠡᠭᠡᠨ ᠴᠢᠩᠭᠠ ᠴᠢᠮᠪᠠᠢ ᠰᠣᠷᠭ᠋ᠠᠨ ᠬᠦᠮᠦᠵᠢᠭᠦᠯᠵᠦ ᠢᠷᠡᠭᠰᠡᠨ ᠪᠣᠯᠪᠠᠰᠣᠨ ᠦᠨᠳᠦᠰᠦᠲᠡᠨ ᠶᠤᠮ᠃ ᠬᠡᠣᠬᠡᠳ ᠬᠦᠮᠦᠵᠢᠭᠦᠯᠬᠦ ᠣᠯᠠᠮᠵᠢᠯᠠᠯᠲᠦ ᠵᠣᠷ᠂ ᠬᠡᠣᠬᠡᠳ ᠰᠣᠷᠭ᠋ᠠᠬᠤ ᠣᠯᠠᠮᠵᠢᠯᠠᠯᠲᠦ ᠵᠢᠷᠭᠤᠭ᠋ᠠᠨ ᠬᠤᠷᠢᠭᠠ᠂ ᠬᠡᠣᠬᠡᠳ ᠰᠣᠷᠭ᠋ᠠᠬᠤ ᠣᠯᠠᠮᠵᠢᠯᠠᠯᠲᠦ ᠠᠷᠪᠠᠨ ᠴᠡᠭᠡᠷᠯᠡᠯ᠂ ᠬᠡᠣᠬᠡᠳ ᠰᠣᠷᠭ᠋ᠠᠬᠤ ᠣᠯᠠᠮᠵᠢᠯᠠᠯᠲᠦ ᠠᠷᠪᠠᠨ ᠠ᠋ᠷᠳᠡᠮ᠂ ᠬᠦᠪᠡᠬᠦᠨ ᠥᠬᠢᠳ ᠵᠶ᠋ᠠᠨ ᠰᠣᠷᠭ᠋ᠠᠬᠤ ᠣᠯᠠᠮᠵᠢᠯᠠᠯᠲᠦ ᠶᠣᠰᠣᠨ᠂ ᠬᠡᠣᠬᠡᠳ ᠬᠦᠮᠦᠵᠢᠬᠦᠯᠬᠦ ᠣᠯᠠᠮᠵᠢᠯᠠᠯᠲᠦ ᠠ᠋ᠶᠡᠷᠬᠦ ᠰᠦᠭᠡᠷᠬᠦ ᠠᠷᠭᠠ᠂ ᠡᠴᠢᠭᠡ ᠠ᠋ᠭᠡ ᠪᠠ ᠦᠷᠡ ᠬᠡᠣᠬᠡᠳᠤᠨ ᠲᠠᠪᠣᠨ ᠠ᠋ᠭᠦᠷᠭᠡ᠂ ᠡᠴᠢᠭᠡ ᠵᠢᠨ ᠲᠠᠪᠣᠨ ᠠ᠋ᠷᠳᠡᠮ᠂ ᠨᠠᠢ᠍ᠮᠠᠨ ᠪᠠᠷᠢᠮᠲᠠᠯᠠᠯ᠂ ᠠ᠋ᠬᠡ ᠵᠢᠨ ᠲᠠᠪᠣᠨ ᠬᠤᠷᠢᠭᠯᠠᠯ ᠪᠠ ᠶᠢᠰᠦᠨ ᠠ᠋ᠷᠳᠡᠮ᠂ ᠠ᠋ᠷᠬᠢᠮ ᠰᠠᠶ᠋ᠢᠨ ᠬᠦᠪᠡᠬᠦᠨᠤ ᠶᠣᠰᠣ ᠪᠠ ᠢᠷᠠᠭᠤ ᠰᠠᠶ᠋ᠢᠨ ᠥᠬᠢᠨᠤ ᠶᠣᠰᠣ᠂ ᠠ᠋ᠭᠦᠷᠢᠳᠡ ᠮᠠᠭᠤ ᠬᠦᠪᠡᠬᠦᠨ ᠪᠠ ᠠᠳᠠᠭ ᠮᠠᠭᠤ ᠥᠬᠢᠨᠤ ᠰᠢᠨᠵᠢ ᠵᠡᠷᠭᠡ ᠣᠯᠠᠨ ᠶᠣᠰᠣ ᠵᠦᠢ ᠠᠷᠭᠠ ᠣᠬᠠᠭ᠋ᠠᠨ ᠪᠣᠢ᠃
ᠠ᠋ᠬᠦᠨᠠᠴᠠ ᠭᠠᠳᠠᠨᠠ ᠪᠦᠪᠡᠢ ᠵᠢᠨ ᠳᠠᠭᠤᠣ᠂ ᠣᠨᠢᠰᠤᠭᠠ᠂ ᠬᠡᠯᠡ ᠵᠦᠭᠰᠢᠷᠡᠬᠦᠯᠬᠦ ᠦᠭᠡ᠂ ᠴᠡᠭᠡᠷ ᠰᠣᠷᠭ᠋ᠠᠯ᠂ ᠵᠦᠢ᠍ᠷ ᠰᠡᠴᠡᠨ ᠦᠭᠡ᠂ ᠶᠢᠷᠲᠢᠨᠴᠦ ᠵᠢᠨ ᠭᠤᠷᠪᠠ᠂ ᠬᠦᠨᠳᠦᠯᠡᠵᠦ ᠮᠡᠨᠳᠦᠯᠡᠬᠦ ᠶᠣᠰᠣᠨ ᠵᠡᠷᠭᠡ ᠣᠯᠠᠮᠵᠢᠯᠠᠯᠲᠦ ᠰᠣᠶᠣᠯ᠂ ᠶᠣᠰᠣ ᠵᠠᠩᠰᠢᠯᠤᠨ ᠳᠣᠳᠣᠷᠠ ᠣᠬᠠᠭ᠋ᠠᠨᠳᠦ ᠠᠷᠠᠳ ᠲᠦᠮᠡᠨᠤ ᠦᠷᠡ ᠬᠡᠣᠬᠡᠳ ᠵᠶ᠋ᠠᠨ ᠰᠣᠷᠭ᠋ᠠᠬᠤ ᠬᠦᠨ ᠣᠬᠠᠭ᠋ᠠᠨ ᠨᠢᠭᠤᠭᠳᠠᠵᠦ ᠪᠠᠶ᠋ᠢᠳᠠᠭ ᠣᠴᠢᠷ ᠠ᠋ᠩᠤᠨ ᠠᠮᠢᠳᠣᠷᠠᠯᠤᠨ ᠳᠣᠮᠳᠠ ᠠ᠋ᠳᠡᠭᠡᠷᠢ ᠨᠡᠪᠴᠢᠭᠦᠯᠦᠨ ᠬᠡᠣᠬᠡᠳ ᠵᠶ᠋ᠠᠨ ᠰᠣᠷᠭ᠋ᠠᠨ ᠬᠡᠯᠡᠬᠦᠨᠢ ᠬᠡᠣᠬᠡᠳᠤᠨ ᠶᠣᠰᠣ ᠨᠣᠮᠲᠠᠢ ᠪᠣᠯᠬᠤᠳᠤ ᠲᠣᠰᠠᠯᠠᠨᠠ᠃
ᠲᠡᠭᠡᠪᠡᠯ ᠲᠣᠣᠷᠠ ᠭᠡᠷᠤᠨ ᠬᠦᠮᠦᠵᠢᠯ᠂ ᠬᠡᠷᠤᠨ ᠰᠣᠷᠭ᠋ᠠᠯᠤᠨ ᠲᠣᠬᠠᠢ ᠪᠠᠷᠢᠮᠲᠠᠯᠠᠵᠦ᠂ ᠣᠯᠠᠮᠵᠢᠯᠠᠨ ᠰᠣᠷᠭ᠋ᠠᠳᠠᠭ ᠶᠣᠰᠣ ᠵᠠᠩᠰᠢᠯ᠂ ᠥᠯᠢᠭᠡᠷ ᠵᠢᠱ᠌ᠢᠶᠠᠨᠠᠴᠠ ᠬᠡᠳᠦ ᠵᠢ ᠳᠣᠷᠠᠳᠪᠠᠯ᠄
1. ᠪᠡᠶᠡᠪᠠᠷ ᠬᠡᠪ ᠳᠠᠭᠤᠷᠢᠶᠠᠯ ᠪᠣᠯᠬᠤ ᠭᠡᠷᠡᠭᠳᠠᠢ᠃ ᠳᠠᠭᠤᠷᠢᠶᠠᠯᠤᠨ ᠬᠦᠴᠦᠨᠢ ᠪᠣᠰᠣᠳ ᠶᠠᠭᠤᠪᠠᠷ ᠴᠦ᠍ ᠣᠷᠣᠯᠠᠭᠤᠯᠵᠦ ᠲᠡᠶ᠋ᠢᠯᠬᠦ ᠦᠭᠡᠢ᠃ 《ᠬᠡᠭᠡᠷᠡ ᠠᠯᠠᠭᠠᠴᠠ ᠰᠢᠭᠢᠷᠡ ᠠᠯᠠᠭ᠂ ᠬᠡᠯᠲᠡᠩ ᠭᠡᠬᠦᠦᠠᠴᠠ ᠰᠢᠪᠳᠣᠩ ᠣᠨᠠᠭᠠ》᠂ 《ᠥᠬᠢᠨᠢᠨᠢ ᠠᠪᠬᠤ ᠬᠦᠮᠦᠨ ᠡᠵᠢ ᠵᠢᠨᠢ ᠦᠵᠡ》 ᠭᠡᠳᠡᠭ᠃ ᠡᠴᠢᠭᠡ ᠠ᠋ᠬᠡ ᠪᠣᠯᠣᠭᠰᠠᠳ ᠦᠷᠡ ᠬᠡᠣᠬᠡᠳ ᠵᠶ᠋ᠠᠨ ᠦᠩᠭᠡᠲᠠᠢ ᠦᠭᠡᠳᠡᠲᠠᠢ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠶᠠᠪᠣᠬᠤ ᠵᠢ ᠬᠦᠰᠡᠬᠦ ᠦᠭᠡᠢ ᠬᠦᠮᠦᠨ ᠭᠡᠵᠦ ᠪᠠᠶ᠋ᠢᠬᠤ ᠦᠭᠡᠢ᠂ ᠭᠡᠪᠡᠴᠦ ᠲᠠᠨᠤ ᠬᠡᠣᠬᠡᠳ ᠬᠦᠰᠡᠭᠰᠡᠨ ᠰᠢᠭ ᠴᠢᠨᠢ ᠪᠢᠰᠢ᠂ ᠬᠦᠮᠦᠵᠢᠭᠦᠯᠦᠭᠰᠡᠨ ᠰᠢᠭ ᠴᠢᠨᠢ ᠭᠦᠮᠦᠨ ᠪᠣᠯᠣᠨᠠ᠃
2. ᠬᠠᠶ᠋ᠢᠷᠡ ᠬᠠᠷᠢᠭᠤᠴᠠᠯᠭᠠ ᠵᠢ ᠤᠶᠠᠯᠳᠤᠭᠤᠯᠬᠤ ᠭᠡᠷᠡᠭᠳᠠᠢ᠃ 《ᠬᠠᠯᠠᠨᠢ ᠭᠠᠳᠠᠨᠠᠪᠠᠨ ᠬᠠᠶ᠋ᠢᠷᠠᠨᠢ ᠳᠣᠲᠣᠨᠠᠪᠠᠨ》 ᠭᠡᠳᠡᠭ ᠰᠢᠭ ᠬᠠᠶ᠋ᠢᠷᠠᠳᠤ ᠬᠡᠮ ᠬᠡᠮᠵᠢᠶᠡ ᠪᠠᠶ᠋ᠢᠬᠤ ᠬᠡᠷᠡᠭᠲᠠᠢ᠃ ᠬᠡᠣᠬᠡᠳᠤᠨ ᠶᠠᠭᠤ ᠬᠦᠰᠡᠭᠰᠡᠨ ᠪᠦᠬᠦᠨᠢᠨᠢ ᠬᠦᠢ᠍ᠴᠡᠳᠬᠡᠵᠦ ᠥᠭᠴᠦ ᠪᠣᠯᠬᠤ ᠦᠭᠡᠢ ᠬᠠᠷᠢᠨ ᠵᠣᠬᠢᠰᠲᠠᠢ ᠪᠣᠯ ᠵᠣᠷᠢᠬ᠍ᠵᠢᠭᠤᠯᠵᠦ᠂ ᠶᠣᠰᠣ ᠪᠣᠰᠣ ᠬᠦᠰᠡᠯ ᠱᠠᠭ᠋ᠠᠷᠳᠠᠯᠭᠠ ᠵᠢᠨᠢ ᠲᠠᠪᠴᠢᠭᠦ ᠬᠡᠷᠡᠭᠲᠠᠢ᠃
3. ᠨᠣᠮ ᠣᠩᠰᠢᠬᠤ ᠵᠢ ᠳᠡᠭᠡᠳᠦᠯᠡᠪᠠᠯ ᠵᠤᠬᠢᠨᠠ᠂ ᠡᠴᠢᠭᠡ ᠠ᠋ᠬᠡᠨᠢ ᠨᠣᠮ ᠣᠩᠰᠢᠳᠠᠭ ᠪᠣᠯ ᠬᠡᠣᠬᠡᠳ ᠴᠦ᠍ ᠱᠠᠭ᠋ᠠᠷᠳᠠᠯᠭᠠ ᠦᠭᠡᠢᠪᠠᠷ ᠨᠣᠮ ᠣᠩᠰᠢᠵᠦ ᠰᠣᠷᠳᠠᠭ᠃ ᠲᠣᠷᠠᠲᠠᠢ ᠨᠣᠮᠢᠨᠢ ᠠᠪᠴᠦ ᠥᠭᠴᠦ ᠯᠡ ᠪᠠᠢ᠂ ᠮᠦᠨ ᠬᠡᠣᠬᠡᠳᠤᠨ ᠣᠩᠰᠢᠬᠤᠳᠤ ᠲᠣᠬᠢᠷᠠᠮᠵᠢᠲᠠᠢ ᠨᠣᠮᠢ ᠥᠷᠦᠭᠡᠨᠤᠪᠠᠨ ᠡᠯᠡ ᠭᠠᠵᠠᠷ ᠭᠠᠷ ᠬᠦᠷᠬᠦ ᠵᠢᠨ ᠴᠢᠨᠡᠭᠡᠪᠠᠷ ᠲᠠᠯᠪᠢᠵᠦ ᠪᠠᠶ᠋ᠢᠭ᠋ᠠᠷᠠᠢ᠃ ᠬᠡᠣᠬᠡᠳ ᠴᠢᠨᠢ ᠲᠣᠷᠠᠲᠠᠢ ᠴᠠᠭᠲᠤᠪᠠᠨ ᠠᠪᠴᠦ ᠣᠩᠰᠢᠭ᠋ᠠᠳ ᠪᠠᠭ᠍ᠠᠲᠠᠢ ᠪᠣᠯᠣᠨᠠ᠃
4. ᠭᠡᠷ ᠪᠦᠯᠢ ᠠ᠋ᠶᠡ ᠨᠠᠶ᠋ᠢᠷᠲᠠᠢ ᠪᠠᠶ᠋ᠢᠬᠤ ᠵᠢ ᠠ᠋ᠷᠬᠢᠮᠯᠡᠬᠦ ᠭᠡᠷᠡᠭᠳᠠᠢ᠃ ᠡᠴᠢᠭᠡ ᠠ᠋ᠬᠡ ᠵᠢᠨ ᠠᠭᠤᠷ ᠬᠢᠯᠢᠩ ᠪᠣᠯ ᠬᠡᠣᠬᠡᠳᠤᠨ ᠬᠦᠮᠦᠵᠢᠯᠤᠨ ᠬᠠᠮᠤᠭᠤᠨ ᠲᠣᠮᠣ ᠳᠠᠶ᠋ᠢᠰᠣᠨ᠃ ᠡᠴᠢᠬᠡ ᠠ᠋ᠬᠡ ᠪᠣᠯᠣᠭᠰᠠᠳ ᠦᠪᠡᠷᠤᠨ ᠰᠡᠳᠬᠢᠯᠭᠡᠪᠠᠨ ᠡᠵᠡᠮᠳᠡᠵᠦ ᠴᠢᠳᠠᠭ᠍ᠣ ᠬᠡᠷᠡᠭᠲᠠᠢ᠃ ᠡᠴᠢᠭᠡ ᠠ᠋ᠬᠡᠨᠢ ᠬᠤᠭᠤᠷᠣᠨᠳᠦᠪᠠᠨ ᠬᠠᠶ᠋ᠢᠷᠠ ᠨᠠᠶ᠋ᠢᠷᠲᠠᠢ᠂ ᠬᠡᠷᠡᠬᠦᠯ ᠬᠡᠯᠡᠯᠴᠡᠭᠡ ᠦᠭᠡᠢ ᠣᠷᠴᠢᠨᠳᠤ ᠦᠰᠦᠭᠰᠡᠨ ᠬᠡᠣᠬᠡᠳ ᠪᠡᠶᠡᠳᠤᠪᠠᠨ ᠢᠳᠡᠭᠡᠯᠲᠠᠢ᠂ ᠠᠮᠣᠷ ᠲᠠᠶ᠋ᠢᠪᠣᠩ ᠰᠡᠳᠬᠢᠯᠭᠡᠲᠠᠢ ᠪᠠᠶ᠋ᠢᠳᠠᠭ᠃ ᠬᠠᠷᠢᠨ ᠠ᠋ᠰᠡᠷᠬᠦᠪᠠᠷ ᠪᠣᠯ ᠬᠡᠣᠬᠡᠳ ᠬᠤᠳᠠᠯᠴᠢ᠂ ᠬᠡᠷᠡᠬᠦᠯᠴᠢ᠂ ᠣᠶ᠋ᠢᠳᠠᠮᠠᠲᠠᠭ᠋ᠠᠢ᠂ ᠭᠤᠳᠣᠷᠠᠮᠠᠲᠠᠭ᠋ᠠᠢ᠂ ᠪᠡᠶᠡᠳᠤᠪᠠᠨ ᠢᠳᠡᠭᠡᠯ ᠦᠭᠡᠢ ᠪᠣᠶᠣ ᠲᠣᠭᠲᠠᠪᠣᠷᠢ ᠦᠭᠡᠢ ᠰᠡᠳᠬᠢᠯᠤᠨ ᠬᠡᠮᠲᠠᠢ ᠪᠣᠯᠳᠠᠭ᠃ ᠲᠡᠭᠡᠪᠡᠯ ᠡᠴᠢᠭᠡ ᠠ᠋ᠬᠡᠨᠢ ᠬᠡᠣᠬᠡᠳᠲᠠᠢᠪᠠᠨ ᠬᠠᠷᠢᠴᠠᠭ᠍ᠣᠳᠤ ᠰᠠᠨᠠᠭᠠ ᠪᠣᠳᠣᠯ ᠵᠶ᠋ᠠᠨ ᠵᠣᠷᠢᠭᠲᠠᠢ ᠢᠯᠡᠷᠬᠡᠶ᠋ᠢᠯᠡᠬᠦᠨᠢ ᠮᠠᠰᠢ ᠴᠢᠬᠤᠯᠠ ᠭᠡᠭᠴᠢ ᠵᠢ ᠪᠠᠭᠠᠠᠴᠠᠨᠢ ᠣᠶ᠋ᠢᠯᠠᠭ᠋ᠠᠭᠤᠯᠵᠦ᠂ ᠡᠴᠢᠭᠡ ᠠ᠋ᠬᠡᠳᠤᠪᠠᠨ ᠨᠢᠭᠤᠯ ᠦᠭᠡᠢ ᠬᠡᠯᠡᠬᠦ᠂ ᠬᠠᠷᠢᠴᠠᠭ᠍ᠣ ᠪᠣᠯᠭ᠋ᠠᠪᠠᠯ ᠢᠳᠡᠭᠡᠯᠲᠠᠢ ᠵᠣᠷᠢᠭᠲᠠᠢ ᠪᠣᠯᠳᠠᠭ᠃ ᠡᠴᠢᠭᠡ ᠠ᠋ᠬᠡᠨᠢ ᠪᠣᠷᠣᠭᠤ ᠪᠣᠯᠪᠠᠯ ᠮᠡᠳᠡᠭᠰᠡᠨ ᠳᠠᠷᠣᠢ ᠬᠡᠣᠬᠡᠳᠲᠤᠪᠠᠨ ᠪᠣᠷᠣᠭᠤ ᠮᠡᠳᠡᠬᠦᠨᠢ ᠬᠡᠣᠬᠡᠳᠤᠨ ᠰᠡᠳᠬᠢᠯᠤᠨ ᠶᠡᠭᠡ ᠲᠠᠶ᠋ᠢᠪᠣᠰᠢᠷᠠᠯ ᠪᠣᠯᠳᠠᠭ᠃
5. ᠠᠵᠢᠯ ᠬᠦᠳᠡᠯᠮᠦᠷᠢᠳᠤ ᠣᠷᠣᠯᠴᠠᠭ᠍ᠣ ᠵᠢ ᠵᠤᠷᠢᠬ᠍ᠵᠢᠭᠤᠯᠬᠤ ᠭᠡᠷᠡᠭᠳᠠᠢ᠃ ᠠ᠋ᠩᠤᠨ ᠦᠭᠡᠨᠳᠤ 《ᠵᠢᠭ᠋ᠠᠵᠦ ᠰᠣᠷᠭ᠋ᠠᠬᠤᠪᠠᠷ ᠵᠠᠷᠣᠵᠦ ᠰᠣᠷᠭᠠ》᠂ 《ᠳᠦᠷᠪᠡᠨ ᠬᠦᠯᠲᠠᠢ ᠰᠢᠷᠡᠭᠡᠨᠤ ᠬᠠᠵᠠᠭᠤᠳᠠ ᠦᠰᠬᠦ ᠬᠡᠣᠬᠡᠳ ᠢᠳᠡᠬᠦ ᠵᠢ ᠰᠣᠷᠣᠨᠠ᠂ ᠲᠦᠷᠪᠡᠨ ᠬᠦᠯᠲᠠᠢ ᠮᠠᠯᠤᠨ ᠬᠠᠵᠠᠭᠤᠳᠠ ᠦᠰᠬᠦ ᠬᠡᠣᠬᠡᠳ ᠠᠮᠢᠳᠣᠷᠠᠭ᠍ᠣ ᠣᠬᠠᠭ᠋ᠠᠨ ᠰᠣᠷᠣᠨᠠ》 ᠭᠡᠳᠡᠭ᠃ ᠠᠮᠠᠷᠠᠯᠲᠠ ᠪᠣᠶᠣ ᠰᠣᠯᠠ ᠰᠡᠯᠡᠬᠦᠦ ᠴᠠᠭᠲᠤᠪᠠᠨ ᠬᠡᠣᠬᠡᠳ ᠵᠶ᠋ᠠᠨ ᠬᠦᠳᠡᠭᠡ ᠭᠠᠳᠠᠭᠠ ᠶᠠᠪᠣᠭᠤᠯᠵᠦ᠂ ᠮᠠᠯ ᠠᠬᠤᠢᠲᠠᠢ ᠣᠶ᠋ᠢᠷᠠᠲᠣᠭᠤᠯᠵᠦ᠂ ᠮᠠᠯ ᠠᠷᠠᠴᠢᠯᠠᠵᠦ ᠲᠣᠳᠣᠮᠳᠠᠭ᠍ᠣ ᠣᠯᠠᠮᠵᠢᠯᠠᠯᠲᠦ ᠮᠠᠯᠵᠢᠬᠤ ᠠᠮᠢᠳᠣᠷᠠᠯᠳᠤ ᠣᠷᠣᠯᠴᠠᠭᠤᠯᠣᠨ᠂ ᠮᠠᠯᠴᠢᠨ ᠬᠦᠮᠦᠨᠤ ᠮᠠᠯ ᠣᠨᠤᠭᠠᠪᠠᠨ ᠬᠠᠶ᠋ᠢᠷᠠᠯᠠᠳᠠᠭ᠂ ᠬᠦᠢ᠍ᠲᠡᠨ ᠨᠣᠶ᠋ᠢᠲᠠᠨᠠᠴᠠ ᠪᠡᠷᠬᠡᠰᠢᠶᠡᠯ ᠦᠭᠡᠢ ᠴᠢᠷᠮᠠᠶ᠋ᠢᠨ ᠲᠡᠮᠡᠴᠡᠳᠡᠭ ᠬᠦᠴᠢᠷ ᠪᠡᠷᠭᠡ ᠵᠢ ᠢᠯᠠᠨ ᠳᠠᠪᠠᠭ᠍ᠣ ᠦᠨᠢ ᠵᠢᠨ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠵᠢ ᠰᠣᠷᠭ᠋ᠠᠪᠠᠯ ᠬᠤᠵᠢᠮ ᠬᠤᠶ᠋ᠢᠰᠢ ᠵᠢᠨ ᠡᠪ ᠲᠦᠢᠲᠠᠢ ᠠᠮᠢᠳᠣᠷᠠᠭ᠍ᠣ ᠵᠢ ᠰᠣᠷᠭ᠋ᠠᠭᠰᠠᠨ ᠶᠠᠪᠣᠳᠠᠯ ᠮᠦᠨ᠃ ᠬᠡᠣᠬᠡᠳᠲᠤ ᠴᠢ ᠪᠣᠯ ᠠ᠋ᠨᠡ ᠬᠡᠷ ᠪᠦᠯᠢ ᠵᠢᠨ ᠨᠢᠭᠡᠨ ᠭᠡᠰᠢᠬᠦᠨ ᠭᠡᠭᠴᠢ ᠵᠢᠨ ᠣᠶ᠋ᠢᠯᠠᠭ᠋ᠠᠭᠲᠠᠭ᠍ᠣᠨᠲᠠᠢ ᠪᠣᠯᠭ᠋ᠠᠵᠦ᠂ ᠭᠡᠷ ᠪᠦᠯᠢ ᠵᠢᠨ ᠠᠵᠢᠯ ᠬᠦᠳᠡᠯᠮᠦᠷᠢ᠂ ᠬᠠᠶ᠋ᠢᠷᠠ ᠬᠠᠷᠢᠭᠤᠴᠠᠯᠭᠠ ᠁ ᠠᠯᠢᠪᠠ ᠵᠦᠢ᠍ᠯᠳᠤ ᠬᠡᠣᠬᠡᠳᠤᠨ ᠨᠢᠭᠡ ᠬᠤᠪᠢ ᠪᠠᠶ᠋ᠢᠨᠠ ᠭᠡᠭᠴᠢ ᠵᠢ ᠲᠠᠨᠢᠭᠤᠯᠵᠦ᠂ ᠠᠳᠠᠭᠨᠢ ᠠᠶᠠᠭᠠ ᠰᠠᠪᠬᠠ ᠣᠬᠢᠶᠠᠵᠦ᠂ ᠭᠡᠷ ᠴᠡᠪᠡᠷᠯᠡᠵᠦ᠂ ᠦᠪᠡᠷᠤᠨ ᠬᠤᠪᠴᠠᠰᠦ ᠬᠤᠨᠠᠷ ᠵᠶ᠋ᠠᠨ ᠣᠬᠢᠶᠠᠵᠦ ᠰᠢᠯᠭᠡᠭᠡᠬᠦ ᠵᠢ ᠰᠣᠷᠭ᠋ᠠᠬᠤ ᠬᠡᠷᠡᠭᠲᠠᠢ᠃ ᠢᠩᠬᠢᠵᠦ ᠰᠣᠷᠣᠭᠰᠠᠨ ᠬᠡᠣᠬᠡᠳ ᠡᠴᠢᠭᠡ ᠠ᠋ᠬᠡ ᠵᠢᠨ ᠵᠶ᠋ᠠᠨ ᠬᠦᠴᠦ ᠬᠦᠳᠡᠯᠮᠦᠷᠢ ᠵᠢ ᠬᠦᠨᠳᠣᠳᠬᠡᠵᠦ᠂ ᠪᠣᠰᠣᠳᠤᠨ ᠬᠦᠴᠢᠷ ᠵᠣᠪᠠᠭᠤᠷᠢ ᠵᠢ ᠣᠶ᠋ᠢᠯᠠᠭ᠋ᠠᠬᠤ᠂ ᠠᠵᠢᠯ ᠦᠢ᠍ᠯᠡ ᠵᠢᠨ ᠶᠣᠰᠣ ᠳᠡᠮᠢ ᠣᠯᠳᠠᠭ ᠣᠯᠪᠠᠭᠠᠲᠠᠢ ᠨᠢᠭᠡᠨ ᠪᠣᠯᠵᠦ ᠬᠦᠮᠦᠵᠢᠳᠡᠭ᠃
6. ᠬᠦᠴᠢᠷᠢ ᠳᠡᠰᠪᠦᠷᠢᠯᠡᠬᠦ᠂ ᠬᠦᠴᠢᠷᠢ ᠠᠮᠰᠠᠭᠤᠯᠬᠤ᠂ ᠬᠦᠴᠢᠷᠤᠨ ᠳᠣᠮᠳᠠᠠᠴᠠ ᠵᠣᠯ ᠵᠢᠷᠭ᠋ᠠᠯᠢ ᠮᠡᠳᠡᠷᠡᠬᠦᠯᠵᠦ ᠰᠣᠷᠭ᠋ᠠᠬᠤ ᠬᠡᠷᠡᠭᠲᠠᠢ᠃ ᠣᠳᠣᠬᠢ ᠡᠪ ᠦᠭᠡᠢ ᠦᠵᠡᠭᠳᠡᠯ ᠪᠣᠯ ᠪᠢᠳᠡ ᠬᠡᠣᠬᠡᠳᠤᠨ ᠵᠶ᠋ᠠᠨ ᠠ᠋ᠮᠦᠨᠡᠠᠴᠠ ᠪᠠᠶ᠋ᠢᠳᠠᠭᠢ ᠬᠢᠵᠦ ᠥᠭᠴᠢᠭᠡᠭᠡᠳ ᠬᠡᠣᠬᠡᠳ ᠴᠢᠨᠢ ᠬᠡᠳᠡᠷᠬᠦ ᠡ᠊ᠨᠡ ᠭᠦ᠌ ᠬᠦᠴᠢᠷᠢ ᠴᠢᠨᠢ ᠶᠠᠭ ᠣᠶ᠋ᠢᠯᠠᠭ᠋ᠠᠳᠠᠭ ᠦᠭᠡᠢ ᠶᠠᠪᠣᠳᠠᠯ ᠮᠦᠨ᠃ ᠪᠠᠶᠠᠨ ᠬᠦᠮᠦᠨ ᠬᠡᠣᠬᠡᠳᠲᠤᠪᠠᠨ ᠬᠦᠴᠢᠷᠢ ᠠᠮᠰᠠᠭᠤᠯᠬᠤ ᠬᠦᠮᠦᠵᠢᠯ ᠬᠢᠵᠦ ᠪᠠᠶ᠋ᠢᠬᠤᠳᠤ᠂ ᠪᠢᠳᠡ ᠬᠠᠷᠢᠨ ᠶᠠᠳᠠᠭᠤ ᠬᠦᠴᠢᠷᠳᠠᠢ ᠪᠣᠶᠣ ᠲᠡᠳᠦᠢ ᠪᠠᠶᠠᠨ ᠲᠠᠷᠭᠤᠨ ᠪᠢᠰᠢ ᠪᠠᠶ᠋ᠢᠭ᠋ᠠᠳ ᠬᠡᠣᠬᠡᠳ ᠵᠶ᠋ᠠᠨ ᠬᠡᠳᠦ ᠪᠠᠶᠠᠨ ᠲᠠᠷᠭᠤᠨ ᠥᠶᠥᠭ ᠲᠠᠪᠠᠲᠠᠢ ᠨᠦᠬᠦᠴᠡᠯᠲᠠᠢ᠂ ᠰᠡᠳᠬᠢᠯᠭᠡᠲᠠᠢ ᠪᠣᠯᠭ᠋ᠠᠨ ᠮᠠᠭᠤ ᠰᠣᠷᠭ᠋ᠠᠵᠦ ᠪᠠᠶ᠋ᠢᠬᠤᠨᠢ ᠬᠠᠮᠤᠭᠤᠨ ᠬᠠᠷᠠᠮᠰᠠᠯᠲᠠᠢ ᠶᠠᠪᠣᠳᠠᠯ ᠮᠦᠨ᠃ ᠣᠯᠠᠩᠬᠢ ᠬᠡᠣᠬᠡᠳ ᠵᠣᠭᠤᠰ ᠮᠥᠩᠭᠦᠨᠤ ᠲᠣᠬᠠᠢ ᠵᠦᠪ ᠦᠵᠡᠯᠲᠠ ᠲᠠᠨᠢᠯᠲᠠ ᠦᠭᠡᠢ᠂ ᠵᠣᠭᠤᠰ ᠮᠥᠩᠭᠦ ᠴᠢᠨᠢ ᠬᠦᠴᠦ ᠬᠦᠳᠡᠯᠮᠦᠷᠢ᠂ ᠬᠦᠯᠦᠰᠦ ᠴᠢᠰᠣ᠂ ᠠᠷᠭᠠ ᠣᠬᠠᠭ᠋ᠠᠨ᠂ ᠠ᠋ᠷᠳᠡᠮ ᠴᠢᠳᠠᠪᠣᠷᠢᠪᠠᠷ ᠰᠣᠯᠢᠵᠦ ᠢᠷᠡᠵᠠᠢ ᠭᠡᠭᠴᠢ ᠵᠢ ᠲᠠᠨᠢᠬᠤ ᠦᠭᠡᠢ ᠪᠠᠶ᠋ᠢᠬᠤᠨᠢ ᠠᠷᠭᠠ ᠦᠭᠡᠢ ᠲᠡᠳᠡᠨᠤ ᠪᠣᠷᠣᠭᠤ ᠪᠢᠰᠢ᠂ ᠬᠠᠷᠢᠨ ᠡ᠊ᠨᠡ ᠭᠦ᠌ ᠦᠵᠡᠯᠲᠡ ᠲᠠᠨᠢᠯᠲᠠ ᠵᠢ ᠣᠯᠠᠮᠵᠢᠯᠠᠵᠦ᠂ ᠬᠡᠪ ᠳᠠᠭᠤᠷᠢᠶᠠᠯ ᠪᠣᠯᠵᠦ ᠬᠡᠯᠡᠵᠦ ᠰᠣᠷᠭ᠋ᠠᠭᠰᠠᠨ ᠬᠦᠮᠦᠨ ᠦᠭᠡᠢ ᠪᠠᠶ᠋ᠢᠬᠤᠨᠢ ᠭᠡᠴᠡᠬᠦᠦ ᠶᠠᠪᠣᠳᠠᠯ᠃
7. ᠰᠣᠷᠣᠯᠭᠠ ᠬᠢᠴᠢᠶᠡᠯᠪᠠᠨ ᠰᠣᠷᠴᠦ ᠡᠵᠡᠮᠰᠢᠬᠦᠳᠤᠨᠢ ᠴᠢᠳᠠᠯᠤᠨ ᠬᠢᠷᠢᠪᠠᠷ ᠵᠶ᠋ᠠᠨ ᠨᠦᠬᠦᠴᠡᠯ ᠪᠦᠷᠢᠯᠳᠣᠬᠦᠯᠵᠦ ᠥᠭᠬᠦᠭᠡᠷᠠᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠨᠢᠭᠡ ᠲᠣᠰᠬᠠᠢ ᠨᠣᠮᠤᠨ ᠥᠷᠦᠭᠡ ᠭᠠᠷᠭ᠋ᠠᠨ ᠪᠡᠶᠡᠪᠠᠨ ᠳᠠᠭ᠋ᠠᠭ᠋ᠠᠨ ᠲᠠᠪᠲᠠᠭ᠍ᠣ᠂ ᠨᠣᠮ ᠦᠵᠡᠬᠦ ᠣᠷᠴᠢᠨ ᠲᠣᠭᠤᠷᠢᠨᠢ ᠪᠦᠷᠢᠯᠳᠦᠭᠦᠯᠵᠦ ᠥᠭᠬᠦ᠂ ᠳᠣᠷᠠᠲᠠᠢ ᠨᠣᠮᠢᠨᠢ ᠠᠪᠴᠦ ᠥᠭᠬᠦ᠂ ᠡᠯᠡ ᠵᠦᠢ᠍ᠯᠤᠨ ᠪᠢᠴᠢᠭᠤᠨ ᠬᠡᠷᠡᠭᠰᠡᠯᠢᠨᠢ ᠴᠠᠭ ᠳᠠᠷᠣᠢ ᠬᠠᠩᠭ᠋ᠠᠵᠦ ᠥᠭᠬᠦ ᠵᠡᠷᠭᠡ᠃
8. ᠠᠩᠬᠠᠷᠣᠯ ᠲᠦᠪᠯᠡᠷᠡᠬᠦᠯᠬᠦ ᠴᠢᠳᠠᠪᠣᠷᠢ ᠵᠢ ᠬᠠᠷᠠ ᠪᠠᠭᠠᠠᠴᠠᠨᠢ ᠪᠣᠯᠪᠠᠰᠣᠷᠠᠭᠤᠯᠵᠦ ᠪᠣᠯᠣᠨᠠ᠃ ᠠᠩᠬᠠᠷᠣᠯ ᠲᠦᠪᠯᠡᠷᠡᠵᠦ ᠴᠢᠳᠠᠳᠠᠭ ᠬᠡᠣᠬᠡᠳ ᠰᠠᠶ᠋ᠢᠨ ᠰᠣᠷᠴᠦ ᠴᠢᠳᠠᠳᠠᠭ᠃ ᠬᠡᠣᠬᠡᠳᠤᠨ ᠰᠣᠨᠢᠷᠬᠠᠯᠤᠨ ᠰᠡᠳᠬᠢᠯᠭᠡ ᠲᠣᠣᠷᠠᠪᠠᠨ ᠪᠠᠭᠤᠷᠠᠳᠠᠭ ᠣᠨᠴᠠᠯᠢᠭᠲᠠᠢ ᠣᠴᠢᠷ ᠠᠷᠭᠠ ᠰᠦᠪᠡᠭᠴᠢᠯᠠᠨ ᠪᠣᠯᠪᠠᠰᠣᠷᠠᠯ ᠬᠢᠪᠡᠯ ᠬᠡᠣᠬᠡᠳ ᠴᠢᠨᠢ ᠣᠳᠠᠯ ᠦᠭᠡᠢ ᠴᠢᠨᠣ ᠰᠠᠨᠠᠭᠰᠠᠨ ᠵᠶ᠋ᠠᠷ ᠨᠡᠯᠢᠶᠡᠳ ᠣᠷᠲᠦ ᠬᠤᠭᠤᠴᠠᠭ᠋ᠠᠨᠳᠤ ᠠᠩᠬᠠᠷᠣᠯ ᠲᠦᠪᠯᠡᠷᠡᠳᠡᠭ ᠨᠢᠭᠡᠨ ᠪᠣᠯᠵᠦ ᠬᠦᠮᠦᠵᠢᠳᠡᠭ᠃ ᠦᠪᠡᠷᠤᠨ ᠨᠢᠭᠡᠨ ᠬᠦᠮᠦᠵᠢᠯᠤᠨ ᠵᠢᠱ᠌ᠢᠶᠠᠨᠠᠴᠠ ᠲᠣᠷᠠᠳᠪᠠᠯ᠂ ᠮᠢᠨᠣ ᠥᠬᠢᠨ ᠲᠦᠭᠦᠭᠡ ᠣᠷᠣᠮᠠᠭᠴᠠ ᠬᠠᠮᠲᠦ ᠲᠣᠭᠯᠠᠵᠦ᠂ ᠠᠩᠬᠠᠷᠣᠯᠤᠨ ᠪᠣᠯᠪᠠᠰᠣᠷᠠᠯ ᠬᠢᠬᠦ ᠪᠣᠶᠣ ᠬᠤᠶᠠᠷ ᠠᠳᠠᠯᠢᠬᠠᠨ ᠵᠢᠷᠤᠭᠤᠨ ᠢᠵᠢᠯ ᠪᠣᠰᠣ ᠲᠠᠯᠠ ᠵᠢ ᠠ᠋ᠷᠢᠬᠦ ᠲᠣᠭᠯᠠᠭ᠋ᠠᠮ ᠲᠣᠭᠯᠠᠭ᠍ᠣ᠂ ᠵᠢᠷᠤᠭ ᠵᠢᠷᠣᠬᠤ᠂ ᠦᠯᠢᠭᠡᠷ ᠬᠡᠯᠡᠵᠦ ᠥᠭᠬᠦᠭᠡᠳ ᠳᠠᠬᠢᠨ ᠬᠡᠣᠬᠡᠳ ᠵᠶ᠋ᠠᠷ ᠶᠠᠷᠢᠭᠤᠯᠬᠤ᠂ ᠦᠰᠦᠷᠬᠦ ᠰᠢᠲᠠᠷᠠ ᠲᠣᠭᠯᠠᠭ᠍ᠣ ᠵᠡᠷᠭᠡᠪᠠᠷ ᠰᠣᠷᠭ᠋ᠠᠵᠦ᠂ ᠰᠠᠶᠢ ᠴᠡᠴᠡᠷᠯᠢᠭᠲᠤ ᠣᠷᠣᠭᠰᠠᠨ ᠴᠠᠭᠠᠴᠠ ᠠ᠋ᠳᠦᠷ ᠪᠦᠷᠢ ᠬᠠᠷᠢᠵᠦ ᠢᠷᠡᠮᠡᠭᠴᠡ ᠬᠡᠨᠲᠠᠢ ᠲᠣᠭᠯᠠᠭᠰᠠᠨ？ ᠬᠡᠳᠦᠢ ᠨᠦᠬᠦᠳ ᠴᠢᠨᠢ ᠴᠡᠴᠡᠷᠯᠢᠭᠲᠤᠪᠠᠨ ᠢᠷᠡᠭᠰᠡᠨ？ ᠬᠡᠨ ᠰᠠᠭ᠋ᠠᠳᠣᠭᠰᠠᠨ？ ᠶᠠᠮᠠᠷ ᠠᠮᠲᠠᠳᠦ ᠬᠤᠭᠤᠯᠠ ᠢᠳᠡᠭᠰᠡᠨ？ ᠪᠠᠭᠰᠢᠲᠠᠢᠪᠠᠨ ᠬᠡᠷᠬᠢᠨ ᠦᠩᠭᠡᠷᠡᠬᠦᠯᠦᠭᠰᠠᠨ？ ᠪᠠᠭᠰᠢᠨᠢ ᠶᠠᠭᠤ ᠵᠢᠭ᠋ᠠᠭᠰᠠᠨ᠂ ᠶᠠᠭᠤ ᠬᠡᠯᠡᠭᠰᠡᠨ？ ᠦᠨᠦᠳᠦᠷ ᠶᠠᠮᠠᠷ ᠪᠡᠷᠭᠡᠰᠢᠶᠡᠯᠲᠠᠢ ᠶᠠᠪᠣᠳᠠᠯ ᠪᠣᠶᠣ ᠪᠠᠶᠠᠷᠲᠦ ᠣᠴᠢᠷ ᠬᠠᠷᠭᠤᠭᠰᠠᠨ ᠪᠣᠢ？ ᠰᠢᠨᠡ ᠰᠣᠨᠢᠨ ᠵᠦᠢ᠍ᠯ ᠶᠠᠭᠤ ᠪᠠᠶ᠋ᠢᠨᠡ？ ᠵᠡᠷᠭᠡ ᠣᠯᠠᠨ ᠣᠯᠠᠨ ᠠᠰᠠᠭᠤᠯᠲᠠ ᠲᠠᠯᠪᠢᠵᠦ ᠬᠠᠷᠢᠭᠤᠯᠲᠠ ᠬᠦᠰᠡᠬᠦᠳᠤ ᠣᠳᠠᠭ᠋ᠠᠨᠳᠤᠪᠠᠨ ᠰᠣᠷᠭ᠋ᠠᠭᠤᠯᠢᠳᠤ ᠦᠩᠭᠡᠷᠡᠬᠦᠯᠦᠭᠰᠡᠨ ᠵᠶ᠋ᠠᠨ ᠪᠦᠬᠦᠨᠢ ᠠᠩᠬᠠᠷᠣᠯ ᠲᠠᠯᠪᠢᠨ ᠴᠡᠭᠡᠵᠢᠯᠡᠭᠡᠳ ᠢᠷᠡᠳᠡᠭ ᠪᠣᠯᠣᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠬᠦᠨᠢᠨᠢ ᠦᠰᠦᠨ ᠪᠣᠶ᠋ᠢᠵᠢᠯᠲᠠᠤᠨ ᠲᠡᠮᠳᠡᠭᠯᠡᠯ ᠬᠢᠵᠦ ᠴᠡᠴᠡᠷᠯᠢᠭ ᠳᠡᠭᠦᠰᠲᠡᠯᠡ ᠪᠠᠷᠢᠮᠲᠠᠯᠠᠨ ᠪᠢᠴᠢᠭᠰᠡᠨᠠᠴᠠ ᠣᠳᠣ ᠴᠦ᠍ ᠬᠡᠰᠡᠨ ᠥᠬᠢᠨ ᠮᠢᠨᠢ ᠲᠡᠷᠡ ᠵᠣᠵᠠᠭ᠋ᠠᠨ ᠲᠡᠮᠳᠡᠭᠯᠡᠯᠢ ᠪᠠᠶ᠋ᠢᠨ ᠪᠠᠶ᠋ᠢᠨ ᠭᠠᠷᠭ᠋ᠠᠨ ᠦᠵᠡᠵᠦ ᠪᠢ ᠪᠠᠭᠠᠳᠤᠪᠠᠨ ᠠ᠋ᠶ᠋ᠢᠮᠦ ᠠ᠋ᠶ᠋ᠢᠮᠦ ᠪᠠᠶ᠋ᠢᠭᠰᠠᠨ ᠭᠡᠵᠦ ᠲᠣᠷᠠᠰᠳᠠᠭ ᠶᠣᠮ᠃
9. 《ᠪᠣᠷᠮᠠᠪᠠᠷ ᠲᠡᠳᠬᠦᠬᠦᠪᠠᠷ ᠣᠷᠮᠠᠪᠠᠷ ᠲᠡᠳᠬᠦ》᠂ 《ᠣᠷᠮᠠ ᠵᠢᠨᠢ ᠬᠤᠭᠤᠯᠬᠤᠪᠠᠷ ᠣᠭᠤᠴᠠ ᠵᠢᠨᠢ ᠬᠤᠭᠤᠯ》 ᠭᠡᠳᠡᠭᠴᠢᠯᠠᠨ ᠣᠷᠮᠠᠰᠢᠭᠤᠯᠣᠯ ᠵᠣᠷᠢᠬ᠍ᠵᠢᠭᠤᠯᠣᠯᠤᠨ ᠬᠦᠴᠦᠨ ᠪᠣᠯ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠶᠤᠮ᠃ ᠲᠣᠮᠣ ᠬᠦᠮᠦᠰ ᠴᠦ᠍ ᠮᠠᠭᠳᠠᠵᠦ ᠰᠠᠶ᠋ᠢᠰᠢᠶᠠᠪᠠᠯ ᠪᠠᠶᠠᠷᠯᠠᠵᠦ ᠠᠩᠰᠠᠶ᠋ᠢᠳᠠᠭ ᠶᠣᠮ ᠴᠢᠨᠢ᠂ ᠨᠠᠩ ᠬᠡᠣᠬᠡᠳᠢ ᠬᠡᠯᠡᠬᠦ ᠬᠡᠷᠡᠭ ᠪᠠᠶ᠋ᠢᠨᠠ ᠦᠦ！ ᠣᠷᠮᠠᠰᠢᠭᠤᠯᠬᠤᠳᠤ ᠴᠦ᠍ ᠳᠡᠮ ᠬᠡᠷᠡᠭᠲᠠᠢ᠂ ᠣᠷᠮᠠᠰᠢᠭᠤᠯᠵᠦ ᠵᠣᠷᠢᠬ᠍ᠵᠢᠭᠤᠯᠬᠤᠳᠤᠪᠠᠨ ᠵᠦᠪᠬᠡᠨ ᠦᠷᠡ ᠳ᠋ᠦᠩᠢᠨᠢ ᠮᠠᠭᠲᠠᠵᠦ ᠰᠠᠶ᠋ᠢᠰᠢᠶᠠᠭ᠍ᠣ ᠪᠢᠰᠢ᠂ ᠬᠠᠷᠢᠨ ᠶᠠᠪᠣᠴᠠ ᠵᠢᠨᠢ ᠮᠠᠭᠲᠠᠵᠦ ᠣᠷᠮᠠᠰᠢᠭᠤᠯᠪᠠᠯ ᠦᠷᠡ ᠳ᠋ᠦᠩᠨᠢ ᠢᠯᠡᠷᠬᠡᠢ ᠰᠠᠶ᠋ᠢᠨ ᠶᠤᠮ᠃ ᠰᠢᠯᠭ᠋ᠠᠯᠲᠠᠳᠤᠪᠠᠨ ᠰᠠᠶ᠋ᠢᠨ ᠳ᠋ᠦᠩ ᠠᠪᠣᠭᠰᠠᠨ ᠴᠦ᠍᠄ 《ᠣᠷᠴᠢᠮ ᠬᠢᠴᠢᠶᠡᠯ ᠵᠶ᠋ᠠᠨ ᠠᠩᠬᠠᠷᠣᠨ ᠰᠣᠨᠣᠰᠴᠦ᠂ ᠣᠷᠢᠳᠴᠢᠯᠠᠨ ᠲᠠᠪᠳᠠᠵᠦ ᠮᠡᠷᠡᠶ᠋ᠢᠨ ᠴᠢᠷᠮᠠᠶ᠋ᠢᠭᠰᠠᠨᠠᠴᠠ ᠪᠣᠯᠣᠯᠠ！》 ᠭᠡᠪᠡᠯ ᠬᠡᠣᠬᠡᠳ ᠴᠢᠨᠢ ᠡ᠊ᠨᠡ ᠭᠦ᠌ ᠴᠢᠷᠮᠠᠶ᠋ᠢᠯᠭᠠ ᠵᠢᠨ ᠶᠠᠪᠣᠴᠠᠨᠢ ᠭᠡᠴᠢᠨᠡᠭᠡᠨ ᠴᠢᠬᠤᠯᠠ ᠭᠡᠭᠴᠢ ᠵᠢ ᠣᠶ᠋ᠢᠯᠠᠭ᠋ᠠᠬᠤ ᠪᠣᠯᠣᠨᠠ᠃
10. ᠪᠡᠶᠡᠪᠠᠨ ᠳᠠᠭ᠋ᠠᠭ᠋ᠠᠬᠤ ᠴᠢᠳᠠᠪᠣᠷᠢ ᠵᠢ ᠬᠦᠮᠦᠵᠢᠬᠦᠯᠬᠦ ᠬᠡᠷᠡᠭᠲᠠᠢ᠃ 《ᠠᠵᠢᠯ ᠬᠢᠪᠡᠯ ᠳᠠᠭᠤᠰᠲᠠᠯᠠ᠂ ᠳᠠᠪᠣᠰᠣ ᠬᠢᠪᠡᠯ ᠠᠭᠤᠰᠲᠠᠯᠠ》 ᠬᠡᠭᠴᠢᠪᠠᠷ ᠶᠠᠮᠠᠷ ᠨᠢᠭᠡᠨ ᠠᠵᠢᠯ ᠦᠢ᠍ᠯᠡ ᠵᠢ ᠪᠡᠶᠡ ᠳᠠᠭ᠋ᠠᠭ᠋ᠠᠨ ᠬᠢᠵᠦ ᠳᠠᠭᠤᠰᠬᠠᠬᠤᠳᠤᠨᠢ ᠲᠣᠰᠠᠯᠠᠨ ᠵᠣᠷᠢᠬ᠍ᠵᠢᠭᠤᠯᠵᠦ ᠪᠠᠶ᠋ᠢᠪᠠᠯ ᠦᠪᠡᠷ ᠵᠶ᠋ᠠᠨ ᠣᠯᠠᠮ ᠵᠣᠷᠢᠭᠲᠠᠢ ᠪᠣᠯᠵᠦ᠂ ᠣᠯᠠᠨ ᠵᠦᠢ᠍ᠯᠢ ᠬᠢᠵᠦ ᠡᠵᠡᠮᠰᠢᠬᠦ ᠵᠢ ᠬᠦᠰᠡᠳᠡᠭ ᠪᠣᠯᠳᠠᠭ᠃ ᠮᠦᠨ ᠬᠢᠴᠢᠶᠡᠯ ᠰᠣᠷᠣᠯᠭᠠ ᠵᠢᠨ ᠳᠠᠰᠬᠠᠯ ᠳᠠᠭ᠋ᠠᠭ᠋ᠠᠯᠭ᠋ᠠᠪᠣᠷᠢ ᠬᠢᠵᠦ ᠬᠦᠢ᠍ᠴᠡᠳᠬᠡᠬᠦᠳᠤᠨᠢ ᠴᠦ᠍ ᠠᠳᠠᠯᠢᠬᠠᠨ᠂ ᠳᠠᠭᠤᠰᠬᠠᠭᠰᠠᠨᠤ ᠳᠠᠷᠠᠭᠠ ᠰᠠᠶᠢ ᠬᠢᠨᠠᠵᠦ ᠦᠭᠬᠦ ᠪᠣᠶᠣ ᠣᠶ᠋ᠢᠯᠠᠭ᠋ᠠᠬᠤ ᠦᠭᠡᠢ ᠵᠢᠨᠢ ᠬᠡᠯᠡᠵᠦ ᠵᠢᠯᠣᠭᠤᠳᠪᠠᠯ ᠰᠠᠶ᠋ᠢᠨ᠃ ᠳᠡᠭᠡᠬᠦ ᠦᠭᠡᠢ ᠪᠣᠯ ᠪᠠᠭ᠍ᠠᠨ ᠬᠦᠴᠢᠷ ᠲᠣᠬᠢᠶᠠᠯᠳᠣᠮᠠᠭᠴᠠ ᠬᠠᠰᠢᠷᠠᠳᠠᠭ ᠬᠡᠮᠲᠠᠢ ᠪᠣᠯᠵᠦ᠂ ᠪᠣᠰᠣᠳᠢ ᠬᠠᠷᠠᠵᠦ᠂ ᠪᠣᠰᠣᠳᠢ ᠲᠦᠰᠢᠳᠡᠭ ᠪᠣᠯᠳᠠᠭ᠃
11. ᠠᠮᠢᠳᠣᠷᠠᠯ ᠰᠣᠷᠣᠯᠭᠠᠳᠤᠪᠠᠨ ᠲᠦᠰᠦᠪ ᠲᠦᠯᠦᠪᠯᠡᠭᠡᠲᠠᠢ ᠪᠠᠶ᠋ᠢᠵᠦ᠂ ᠠ᠋ᠬᠦᠨ ᠵᠶ᠋ᠠᠨ ᠪᠠᠷᠢᠮᠲᠠᠯᠠᠭ᠍ᠣ ᠵᠢ ᠰᠣᠷᠭ᠋ᠠᠬᠤ ᠭᠡᠷᠡᠭᠳᠠᠢ᠃ ᠠᠮᠢᠳᠣᠷᠠᠯ ᠰᠣᠷᠣᠯᠴᠠᠯᠭᠠ ᠵᠢᠨ ᠳᠣᠮᠳᠠ ᠰᠣᠯᠠ ᠰᠡᠯᠡᠬᠦᠦ ᠴᠠᠭ ᠮᠣᠩ ᠦᠭᠡᠢ ᠣᠯᠳᠠᠳᠠᠭ᠂ ᠠᠮᠵᠢᠯᠲᠠ ᠪᠦᠳᠦᠮᠵᠢ ᠭᠠᠷᠭ᠋ᠠᠭᠰᠠᠨ ᠬᠦᠮᠦᠰᠤᠨ ᠣᠯᠠᠩᠭᠢᠨᠢ ᠶᠠᠭ ᠡ᠊ᠨᠡ ᠭᠦ᠌ ᠴᠠᠭᠢ ᠪᠦᠲᠦᠮᠵᠢᠲᠠᠢ ᠠᠰᠢᠭᠯᠠᠭᠰᠠᠨᠳᠤ ᠪᠠᠶ᠋ᠢᠳᠠᠭ᠃ ᠠ᠋ᠶ᠋ᠢᠮᠦᠷᠬᠦᠤ ᠴᠠᠭᠢ ᠡᠪᠲᠠᠢ᠂ ᠲᠦᠰᠦᠪ ᠲᠦᠯᠦᠪᠯᠡᠭᠡᠲᠠᠢ ᠠᠰᠢᠭᠯᠠᠭ᠍ᠣᠨᠢ ᠴᠢᠮᠠ ᠵᠢ ᠠᠮᠵᠢᠯᠲᠠᠳᠤ ᠬᠦᠷᠭᠡᠳᠡᠭ᠃ ᠬᠡᠣᠬᠡᠳᠲᠤᠪᠠᠨ ᠲᠦᠰᠦᠪ ᠲᠦᠯᠦᠪᠯᠡᠭᠡ ᠲᠣᠭᠲᠠᠭ᠋ᠠᠬᠤ ᠠᠷᠭᠠ ᠵᠢ ᠰᠣᠷᠭ᠋ᠠᠵᠦ ᠬᠠᠮᠲᠦᠪᠠᠷ ᠴᠢᠷᠮᠠᠶ᠋ᠢᠵᠦ ᠠ᠋ᠬᠦᠨ ᠵᠶ᠋ᠠᠨ ᠬᠦᠢ᠍ᠴᠡᠳᠬᠡᠵᠦ ᠴᠢᠳᠠᠪᠠᠯ ᠬᠡᠣᠬᠡᠳ ᠴᠢᠨᠢ ᠪᠠᠭᠠ ᠪᠣᠰᠣ ᠣᠯᠣᠯᠲᠠ ᠢᠳᠡᠭᠡᠯᠲᠠᠢ ᠪᠣᠯᠬᠤ ᠪᠣᠯᠣᠨᠠ᠃
12. ᠠᠴᠢ ᠲᠣᠰᠠ ᠵᠢ ᠮᠡᠳᠡᠷᠡᠬᠦ᠂ ᠲᠠᠯᠠᠷᠬᠠᠯᠤᠨ ᠰᠡᠳᠬᠢᠯᠭᠡ᠂ ᠠᠴᠢ ᠬᠠᠷᠢᠭᠤᠯᠠᠭ᠍ᠣ ᠰᠡᠳᠬᠢᠯᠭᠡ ᠵᠢ ᠬᠦᠮᠦᠵᠢᠬᠦᠯᠬᠦ ᠭᠡᠷᠡᠭᠳᠠᠢ᠃ ᠬᠤᠷᠠᠭᠠ ᠢᠰᠢᠭᠡ ᠴᠦ᠍ ᠠ᠋ᠬᠡᠪᠠᠨ ᠬᠦᠬᠦᠬᠦᠳᠤ ᠰᠦᠬᠦᠳᠴᠦ ᠪᠠᠶ᠋ᠢᠭ᠋ᠠᠳ ᠬᠦᠬᠦᠳᠡᠭ ᠰᠢᠭ ᠬᠡᠣᠬᠡᠳᠲᠤ ᠲᠣᠰᠠ ᠬᠦᠷᠭᠡᠭᠰᠡᠨ ᠬᠦᠮᠦᠨᠤ ᠠᠴᠢ ᠵᠢ ᠰᠠᠨᠠᠵᠦ ᠶᠠᠪᠣᠬᠤ᠂ ᠬᠠᠷᠢᠭᠤᠯᠠᠭ᠍ᠣ ᠲᠠᠯᠠᠷᠬᠠᠯᠤᠨ ᠰᠡᠳᠬᠢᠯᠭᠡᠲᠠᠢ ᠪᠠᠶ᠋ᠢᠬᠤ ᠵᠢ ᠰᠣᠷᠭ᠋ᠠᠬᠤ ᠴᠢᠬᠤᠯᠠᠲᠠᠢ᠃ ᠬᠠᠷᠢᠨ ᠠ᠋ᠰᠡᠷᠬᠦᠪᠠᠷ ᠪᠣᠯ ᠬᠡᠣᠬᠡᠳ ᠴᠢᠨᠢ ᠠᠴᠢ ᠲᠣᠰᠠ ᠵᠢ ᠰᠡᠷᠡᠨ ᠣᠬᠠᠳᠠᠭ ᠦᠭᠡᠢ ᠬᠦᠢ᠍ᠳᠡᠨ ᠴᠡᠪᠳᠡᠭ ᠰᠡᠳᠬᠢᠯᠲᠠᠢ ᠪᠣᠯᠵᠦ᠂ ᠣᠯᠠᠨᠳᠤ ᠭᠤᠯᠣᠭᠳᠠᠨ ᠵᠠᠶ᠋ᠢᠳᠠᠵᠦ᠂ ᠰᠡᠭᠦᠯᠠᠴᠠᠪᠠᠨ ᠦᠭᠡᠷᠡ ᠲᠠᠰᠢᠭᠤᠷ ᠦᠭᠡᠢ᠂ ᠰᠡᠭᠦᠳᠡᠷᠠᠴᠠᠪᠠᠨ ᠦᠭᠡᠷᠡ ᠨᠥᠬᠦᠷ ᠦᠭᠡᠢ ᠪᠣᠯᠬᠤᠳᠤ ᠬᠦᠷᠦᠨᠡ᠃
13. ᠨᠠᠶ᠋ᠢᠷ ᠵᠢᠷᠣᠮᠢ ᠠ᠋ᠷᠬᠢᠮᠯᠡᠵᠦ᠂ ᠪᠣᠰᠣᠳᠲᠠᠢ ᠠ᠋ᠶᠡ ᠨᠠᠶ᠋ᠢᠷᠲᠠᠢ ᠶᠠᠪᠣᠵᠦ᠂ ᠬᠡᠷᠡᠭ ᠣᠴᠢᠷ ᠲᠣᠬᠢᠶᠠᠯᠳᠣᠪᠠᠯ ᠯᠠᠪᠳᠠᠭᠤᠨ ᠰᠠᠭᠤᠷᠢᠲᠠᠢ ᠬᠠᠨᠳᠣᠵᠦ᠂ ᠠᠭᠤᠴᠢᠯᠠᠯᠢ ᠠ᠋ᠷᠬᠢᠮᠯᠡᠬᠦ ᠭᠡᠷᠡᠭᠳᠠᠢ᠃
14. ᠦᠨᠡᠨᠴᠢ ᠪᠠᠶ᠋ᠢᠬᠤ ᠵᠢ ᠠ᠋ᠷᠬᠢᠮᠯᠡᠪᠡᠯ ᠵᠤᠬᠢᠨᠠ᠂ ᠠ᠋ᠨᠡ ᠳᠡᠯᠡᠭᠡᠢ ᠳᠡᠭᠡᠷᠡ ᠶᠠᠮᠠᠷ ᠴᠦ᠍ ᠦᠶᠡᠳᠤ ᠡᠴᠢᠭᠡ ᠠ᠋ᠭᠡᠠᠴᠠᠨᠢ ᠢᠯᠡᠭᠦᠦ ᠭᠤᠶ᠋ᠢᠪᠢᠰᠢ ᠦᠭᠡᠢ ᠪᠠᠳᠣ ᠬᠠᠶ᠋ᠢᠷᠠᠯᠠᠨ ᠰᠠᠨᠠᠭ᠍ᠣ ᠬᠦᠮᠦᠨ ᠦᠭᠡᠷᠡ ᠬᠤᠣᠰ ᠦᠭᠡᠢ ᠭᠡᠭᠴᠢ ᠵᠢ ᠮᠡᠳᠡᠭᠦᠯᠵᠦ᠂ ᠶᠠᠮᠠᠷ ᠶᠠᠪᠣᠳᠠᠯ᠂ ᠬᠦᠴᠢᠷ ᠲᠦᠪᠡᠭ᠂ ᠰᠡᠳᠬᠢᠯᠤᠨ ᠴᠣᠬᠢᠯᠲᠠ᠂ ᠳᠠᠷᠣᠯᠠᠯ ᠲᠣᠷᠣᠮᠵᠢᠯᠠᠯ ᠠᠮᠰᠠᠵᠦ ᠪᠠᠶ᠋ᠢᠭᠰᠠᠨ ᠴᠦ᠍ ᠨᠢᠭᠤᠯ ᠦᠭᠡᠢ ᠡᠴᠢᠭᠡ ᠠ᠋ᠭᠡ ᠵᠢᠨ ᠵᠶ᠋ᠠᠨ ᠠᠯᠢ ᠨᠢᠭᠡᠨᠳᠤᠨᠢ ᠬᠡᠯᠡᠵᠦ ᠪᠠᠶ᠋ᠢᠬᠤ ᠴᠢᠬᠤᠯᠠᠲᠠᠢ ᠶᠤᠮ ᠭᠡᠭᠴᠢ ᠵᠢ ᠣᠬᠠᠭ᠋ᠠᠷᠠᠭᠤᠯᠵᠦ ᠰᠡᠩᠭᠡᠷᠡᠬᠦᠯᠬᠦ ᠬᠡᠷᠡᠭᠲᠠᠢ᠃
15. ᠠᠮᠣᠷ ᠲᠦᠪᠰᠢᠨᠤ ᠬᠦᠮᠦᠵᠢᠯᠢ ᠪᠠᠶ᠋ᠢᠩᠭᠤ ᠬᠢᠵᠦ ᠪᠠᠶ᠋ᠢᠭ᠋ᠠᠷᠠᠢ᠃ ᠠᠮᠣᠷ ᠲᠦᠪᠰᠢᠨᠤ ᠨᠢᠭᠤᠭᠳᠠᠮᠠᠯ ᠬᠡᠮ ᠰᠣᠭᠤᠭ ᠬᠠᠮᠢᠭᠠ ᠴᠦ᠍ ᠣᠷᠣᠰᠢᠵᠦ ᠪᠣᠢ᠃ 《ᠪᠡᠶᠡ ᠪᠠᠶ᠋ᠢᠪᠠᠯ ᠪᠡᠭᠡᠵᠢᠩ》 ᠭᠡᠳᠡᠭ ᠵᠶ᠋ᠠᠷ ᠲᠡᠷᠭᠡ ᠣᠨᠤᠭᠠ ᠵᠠᠮ ᠬᠠᠷᠢᠯᠴᠠᠭ᠋ᠠᠨᠤ ᠠᠶᠣᠯ᠂ ᠣᠰᠣ ᠴᠠᠬᠢᠯᠭ᠋ᠠᠨᠤ ᠠᠶᠣᠯ᠂ ᠬᠡᠨᠡᠳᠲᠠ ᠵᠢᠨ ᠠᠶᠣᠯ ᠁ ᠭᠡᠳ ᠲᠦᠭᠡᠮᠡᠯ ᠣᠷᠣᠰᠢᠵᠦ ᠪᠠᠶ᠋ᠢᠬᠤᠠᠴᠠ ᠦᠷᠬᠦᠯᠵᠢ ᠪᠡᠶᠡᠪᠠᠨ ᠬᠠᠮᠠᠭ᠋ᠠᠯᠠᠭ᠍ᠣ᠂ ᠠᠶᠣᠯᠢ ᠣᠷᠢᠳᠴᠢᠯᠠᠨ ᠰᠡᠷᠭᠡᠶ᠋ᠢᠯᠡᠬᠦ ᠣᠬᠠᠭ᠋ᠠᠨᠢ ᠵᠢᠭ᠋ᠠᠵᠦ ᠰᠣᠷᠭ᠋ᠠᠬᠤᠨᠢ ᠦᠷᠡ ᠬᠡᠣᠬᠡᠳ ᠵᠶ᠋ᠠᠨ ᠰᠠᠷᠠᠭᠤᠯ ᠣᠬᠠᠭ᠋ᠠᠨ ᠠ᠋ᠷᠡᠬᠦᠯ ᠪᠡᠶᠡᠲᠠᠢ ᠠᠮᠣᠷ ᠲᠠᠶ᠋ᠢᠪᠣᠩ ᠦᠰᠭᠡᠬᠦ ᠵᠢᠨ ᠲᠡᠷᠢᠬᠦᠨ ᠨᠦᠬᠦᠴᠡᠯ ᠮᠦᠨ᠃
16. ᠪᠠᠭᠰᠢ ᠠᠬᠠᠮᠠᠳ ᠵᠶ᠋ᠠᠨ ᠬᠦᠨᠳᠦᠯᠡᠬᠦ ᠵᠢ ᠰᠣᠷᠭ᠋ᠠᠬᠤ ᠭᠡᠷᠡᠭᠳᠠᠢ᠃ 《ᠴᠢᠩᠭᠠ ᠪᠠᠭᠰᠢᠠᠴᠠ ᠬᠠᠳᠠᠭᠤ ᠱᠠᠪᠢ》 ᠭᠡᠳᠡᠭ᠃ ᠬᠡᠣᠬᠡᠳᠤᠨ ᠵᠶ᠋ᠠᠨ ᠵᠠᠬᠠᠳᠤ ᠪᠠᠭᠰᠢ ᠵᠢᠨᠢ ᠮᠠᠭᠤᠯᠠᠵᠦ ᠪᠣᠯᠬᠤ ᠦᠭᠡᠢ᠂ ᠶᠠᠮᠠᠷ ᠮᠠᠭᠤᠲᠠᠢ ᠪᠠᠶ᠋ᠢᠭᠰᠠᠨ ᠴᠦ᠍ ᠬᠡᠰᠡᠨ ᠢᠨᠭ᠌ᠬᠢᠵᠤ ᠬᠢᠭᠦᠨᠢ ᠪᠤᠷᠤᠭᠤ ᠶᠤᠮ᠃ ᠣᠴᠢᠷᠨᠢ ᠭᠡᠷᠤᠨ ᠠᠬᠠᠮᠠᠳᠨᠢ ᠬᠦᠷᠳᠡᠯᠡ ᠦᠭᠡᠶ᠋ᠢᠰᠭᠡᠭᠰᠡᠨ ᠪᠠᠭᠰᠢᠠᠴᠠ ᠦᠷᠡ ᠬᠡᠣᠬᠡᠳᠨᠢ ᠶᠠᠭᠤᠮᠠ ᠰᠣᠷᠴᠦ ᠲᠡᠶ᠋ᠢᠯᠦᠨᠡ ᠭᠡᠵᠦ ᠪᠠᠶ᠋ᠢᠵᠦ ᠪᠣᠯᠵᠣᠰᠢ ᠦᠭᠡᠢ᠃ ᠪᠠᠭᠰᠢ ᠵᠢᠨ ᠬᠢᠨᠢ ᠲᠣᠬᠠᠢ ᠬᠦᠨᠳᠦᠳᠬᠡᠯ ᠪᠢᠰᠢᠷᠡᠯᠤᠨ ᠰᠡᠳᠬᠢᠯᠭᠡ ᠵᠢᠨᠢ ᠬᠡᠷᠤᠨ ᠠᠬᠠᠮᠠᠳᠨᠢ ᠠ᠋ᠷᠬᠦᠵᠦ ᠮᠠᠭᠳᠠᠵᠦ ᠳᠡᠭᠡᠭᠰᠢᠯᠡᠬᠦᠯᠵᠦ ᠶᠠᠪᠣᠪᠠᠯ ᠬᠡᠣᠬᠡᠳ ᠴᠢᠨᠢ ᠪᠠᠭᠰᠢᠳᠤᠪᠠᠨ ᠣᠯᠠᠮ ᠢᠳᠡᠭᠡᠯ ᠪᠢᠰᠢᠷᠡᠯᠲᠠᠢ ᠪᠣᠯᠵᠦ ᠣᠯᠠᠮ ᠣᠷᠮᠠᠰᠢᠨ ᠬᠢᠴᠢᠶᠡᠨ ᠰᠣᠷᠴᠦ ᠰᠣᠨᠣᠰᠬᠤ ᠪᠣᠯᠣᠨᠠ᠃
17. ᠠ᠋ᠬᠡ ᠬᠡᠯᠡᠨᠤ ᠬᠦᠮᠦᠵᠢᠯᠢ ᠰᠠᠶ᠋ᠢᠳᠣᠷ ᠬᠢᠵᠦ᠂ ᠠ᠋ᠬᠡ ᠬᠡᠯᠡᠨᠤ ᠬᠡᠪ ᠪᠣᠯᠪᠠᠰᠣᠷᠠᠯᠤᠨ ᠰᠠᠭᠤᠷᠢ ᠵᠢᠨᠢ ᠪᠠᠲᠦ ᠲᠠᠯᠪᠢᠵᠦ ᠥᠭᠬᠦᠭᠡᠷᠠᠢ᠃ ᠶᠠᠫᠣᠨᠤ ᠨᠣᠫᠸᠯᠤᠨ ᠱᠠᠩᠨᠠᠯᠲᠦ ᠹᠢᠽᠢᠺᠴᠢ ᠲᠣᠰᠢᠾᠢᠳ᠋ᠸ ᠮᠠᠰᠺᠠᠸᠠ᠄ 《ᠶᠠᠫᠣᠨ ᠬᠡᠣᠬᠡᠳᠤᠳᠲᠤ ᠪᠠᠭᠠ ᠨᠠᠰᠣᠨᠠᠴᠠᠨᠢ ᠠ᠋ᠬᠢᠯᠡᠭᠡᠳ ᠪᠦᠬᠦ ᠮᠡᠳᠡᠯᠭᠡ ᠵᠢ ᠶᠠᠫᠣᠨ ᠬᠡᠯᠡᠪᠠᠷ ᠣᠯᠭᠤᠵᠦ ᠪᠠᠶ᠋ᠢᠨᠠ᠃ ᠠ᠋ᠬᠡ ᠬᠡᠯᠡᠪᠠᠷ ᠠ᠋ᠬᠢᠯᠡᠵᠦ ᠣᠯᠵᠦ ᠠᠪᠣᠭᠰᠠᠨ ᠮᠡᠳᠡᠯᠭᠡ ᠬᠠᠮᠤᠭᠤᠨ ᠪᠠᠲᠣᠲᠠᠢ᠂ ᠴᠠᠭ᠋ᠠᠰᠢ ᠬᠦᠭᠵᠢᠬᠦ ᠪᠣᠯᠣᠯᠴᠠᠭᠠ ᠢᠯᠡᠬᠦᠦ ᠪᠠᠶ᠋ᠢᠳᠠᠭ》 ᠬᠡᠵᠦ ᠬᠡᠯᠡᠰᠡᠨᠴᠢᠯᠠᠨ ᠠ᠋ᠬᠡ ᠬᠡᠯᠡᠨᠤ ᠪᠣᠯᠪᠠᠰᠣᠷᠠᠯᠢ ᠬᠠᠮᠵᠢᠨ ᠰᠠᠶ᠋ᠢᠳᠣᠷ ᠬᠢᠵᠦ ᠪᠠᠳᠣ ᠰᠠᠭᠤᠷᠢ ᠵᠢᠨᠢ ᠲᠠᠯᠪᠢᠵᠦ ᠥᠭᠪᠡᠯ ᠬᠡᠣᠬᠡᠳ ᠴᠢᠨᠢ ᠪᠣᠰᠣᠳ ᠬᠡᠯᠡ ᠰᠣᠷᠣᠭᠰᠠᠨ ᠴᠦ᠍ ᠰᠠᠶ᠋ᠢᠨ ᠰᠣᠷᠴᠦ ᠲᠡᠶ᠋ᠢᠯᠬᠦ ᠶᠤᠮ᠃ ᠣᠴᠢᠷᠨᠢ ᠠ᠋ᠬᠡ ᠬᠡᠯᠡ ᠴᠢᠨᠢ ᠪᠣᠰᠣᠳ ᠮᠡᠳᠡᠯᠭᠡ ᠰᠣᠷᠬᠤᠳᠤ ᠬᠦᠭᠦᠷᠭᠡ ᠵᠢᠨ ᠣᠶ᠋ᠢᠯᠡᠳᠦᠯ ᠭᠠᠷᠭ᠋ᠠᠵᠦ ᠲᠣᠯᠭ᠋ᠠᠭᠤᠷᠢᠯᠠᠵᠦ ᠪᠠᠶ᠋ᠢᠳᠠᠭ᠃ ᠠ᠋ᠬᠦᠨᠳᠤ ᠬᠡᠷ ᠵᠠᠭᠤᠷᠠᠪᠠᠨ ᠠ᠋ᠬᠡ ᠬᠡᠯᠡᠪᠠᠷ ᠵᠶ᠋ᠠᠨ ᠣᠷᠣᠰᠣᠮᠠ ᠰᠠᠶ᠋ᠢᠬᠠᠨ ᠬᠠᠷᠢᠯᠴᠠᠵᠦ᠂ ᠬᠡᠣᠬᠡᠳᠲᠤᠪᠠᠨ ᠠ᠋ᠳᠦᠷ ᠪᠦᠷᠢ ᠨᠣᠮ ᠰᠡᠳᠬᠦᠯ ᠣᠩᠰᠢᠵᠦ ᠥᠭᠬᠦᠨᠢ ᠠ᠋ᠬᠡ ᠬᠡᠯᠡᠪᠠᠨ ᠰᠠᠶ᠋ᠢᠨ ᠰᠣᠷᠴᠦ ᠬᠡᠷᠡᠭᠯᠡᠬᠦ ᠪᠠ ᠬᠡᠯᠡ ᠰᠣᠶᠣᠯᠳᠤᠪᠠᠨ ᠬᠠᠶ᠋ᠢᠷᠠᠲᠠᠢ ᠬᠠᠷᠢᠭᠤᠴᠠᠯᠭ᠋ᠠᠲᠠᠢ ᠪᠣᠯᠵᠦ ᠬᠦᠮᠦᠵᠢᠬᠦᠳᠤᠨᠢ ᠲᠣᠰᠠ ᠪᠣᠯᠳᠠᠭ᠃ ᠠ᠋ᠰᠡᠷᠬᠦᠪᠠᠷ ᠨᠢᠭᠡ ᠬᠡᠣᠬᠡᠳᠢ ᠦᠭᠡᠢ ᠬᠢᠶᠡ ᠭᠡᠪᠡᠯ ᠲᠡᠬᠦᠨᠳᠤ ᠭᠠᠷ ᠣᠳᠠᠰᠦ ᠥᠭᠬᠦᠭᠡᠳ ᠲᠣᠷᠠᠪᠠᠷᠨᠢ ᠲᠠᠯᠪᠢᠴᠢᠬᠠ！
18. ᠡᠴᠢᠭᠡ ᠠ᠋ᠬᠡ ᠪᠣᠯᠣᠭᠰᠠᠳ ᠦᠷᠡ ᠬᠡᠣᠬᠡᠳ ᠵᠶ᠋ᠠᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠬᠦᠯᠬᠦᠳᠤ ᠣᠶᠣᠨ ᠣᠬᠠᠭ᠋ᠠᠨ᠂ ᠬᠦᠴᠦ ᠬᠦᠳᠡᠯᠮᠦᠷᠢ᠂ ᠠᠵᠣ ᠠᠬᠤᠢ ᠵᠢᠨ ᠪᠡᠯᠡ ᠣᠷᠣᠭᠤᠯᠬᠤᠪᠠᠷ ᠪᠠᠷᠠᠭ᠍ᠣ ᠦᠭᠡᠢ ᠨᠡᠩ ᠴᠢᠬᠤᠯᠠᠨᠢ ᠦᠪᠡᠷᠰᠡᠳᠲᠤᠪᠠᠨ ᠪᠡᠯᠡ ᠣᠷᠣᠭᠤᠯᠬᠤ ᠴᠢᠬᠤᠯᠠᠲᠠᠢ᠃ ᠣᠴᠢᠷᠨᠢ ᠦᠷᠡ ᠬᠡᠣᠬᠡᠳᠲᠠᠢ ᠪᠣᠯᠣᠮᠠᠨᠵᠢᠨ ᠰᠠᠶᠢ ᠠᠩᠬᠠᠯᠠᠨ ᠡᠴᠢᠭᠡ ᠠ᠋ᠬᠡ ᠪᠣᠯᠵᠦ ᠢᠳᠡᠭ ᠢᠳᠡᠭ ᠵᠶ᠋ᠠᠷ ᠰᠣᠷᠭ᠋ᠠᠵᠦ ᠬᠦᠮᠦᠵᠢᠬᠦᠯᠬᠦ ᠣᠬᠠᠭ᠋ᠠᠨᠢ ᠰᠣᠷᠳᠠᠭ ᠣᠴᠢᠷ ᠬᠡᠨ ᠪᠣᠯᠪᠠᠴᠦ ᠲᠣᠷᠰᠢᠯᠭᠠ ᠮᠡᠬᠦᠰ ᠶᠣᠮ᠃ ᠠ᠋ᠶ᠋ᠢᠮᠦᠠᠴᠠ ᠬᠡᠣᠬᠡᠳᠤᠨ ᠬᠦᠮᠦᠵᠢᠯᠤᠨ ᠲᠣᠬᠠᠢ ᠨᠣᠮ ᠰᠡᠳᠬᠦᠯ ᠣᠩᠰᠢᠨ ᠣᠷᠢᠳ ᠵᠶ᠋ᠠᠷ ᠰᠢᠯᠢᠳᠡᠭ ᠡᠴᠢᠭᠡ ᠠ᠋ᠭᠡ ᠪᠣᠯᠬᠤ ᠵᠢᠨ ᠶᠣᠰᠣ ᠵᠦᠢ᠂ ᠠᠷᠭᠠ ᠣᠬᠠᠭ᠋ᠠᠨ᠂ ᠠ᠋ᠷᠳᠡᠮ ᠴᠢᠳᠠᠪᠣᠷᠢ᠂ ᠬᠡᠪ ᠪᠣᠯᠪᠠᠰᠣᠷᠠᠯ᠂ ᠲᠣᠷᠰᠢᠯᠭᠠ ᠰᠣᠷᠭ᠋ᠠᠮᠵᠢ ᠵᠢ ᠬᠤᠷᠠᠮᠳᠣᠭᠤᠯᠣᠨ᠂ ᠳᠠᠭ᠋ᠠᠣᠳᠤᠨᠢ ᠦᠢ᠍ᠯᠡᠳᠦᠯᠭᠡᠵᠢᠭᠦᠯᠪᠡᠯ ᠦᠷᠡ ᠠᠰᠢᠭᠨᠢ ᠮᠡᠳᠡᠭᠳᠡᠮᠡ ᠪᠣᠯᠳᠠᠭ᠃ ᠠ᠋ᠬᠦᠨᠳᠤ ᠣᠯᠠᠮᠵᠢᠯᠠᠯᠲᠦ ᠶᠣᠰᠣ ᠵᠠᠩᠰᠢᠯᠤᠨ ᠲᠣᠬᠠᠢ᠂ ᠬᠡᠣᠬᠡᠳᠤᠨ ᠬᠦᠮᠦᠵᠢᠯᠤᠨ ᠲᠣᠬᠠᠢ ᠣᠯᠠᠨ ᠰᠠᠶ᠋ᠢᠬᠠᠨ ᠨᠣᠮ ᠰᠡᠳᠬᠦᠯ ᠭᠠᠷᠴᠦ ᠪᠣᠢ᠃ ᠴᠠᠭ ᠮᠥᠩᠬᠦᠪᠠᠨ ᠬᠠᠶ᠋ᠢᠷᠠᠯᠠᠯ ᠦᠭᠡᠢ ᠠᠪᠴᠦ ᠣᠶᠣᠨᠤ ᠪᠡᠯᠡ ᠣᠷᠣᠭᠤᠯᠵᠦ ᠪᠠᠶ᠋ᠢᠭ᠋ᠠᠷᠠᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠂ 《ᠲᠣᠭᠲᠠᠮ ᠬᠦᠮᠦᠵᠢᠯ ᠬᠢᠭᠡᠳ ᠠᠪᠢᠶᠠᠰ ᠪᠢᠯᠢᠭᠳᠡᠨ》᠂ 《ᠡᠵᠢ ᠬᠠᠮᠤᠭ ᠰᠠᠶ᠋ᠢᠨ ᠪᠠᠭᠰᠢ》᠂ 《ᠬᠦᠪᠡᠭᠦᠳᠤᠨ ᠬᠦᠮᠦᠵᠢᠯ》᠂ 《ᠥᠬᠢᠳᠤᠨ ᠬᠦᠮᠦᠵᠢᠯ》 ᠁ ᠠ᠋ᠬᠦᠨᠠᠴᠠ ᠭᠠᠳᠠᠨᠠ ᠪᠤᠰᠤᠳ ᠬᠡᠪᠯᠡᠯᠤᠨ ᠣᠯᠠᠨ ᠰᠠᠶ᠋ᠢᠬᠠᠨ ᠬᠡᠣᠬᠡᠳᠤᠨ ᠬᠦᠮᠦᠵᠢᠯᠤᠨ ᠲᠣᠬᠠᠢ ᠨᠣᠮ ᠰᠡᠳᠬᠦᠯ ᠦᠯᠢᠭᠡᠷ ᠵᠢᠱ᠌ᠢᠶᠠ ᠪᠣᠢ᠃
ᠬᠡᠣᠬᠡᠳ ᠵᠶ᠋ᠠᠨ ᠪᠠᠭᠠᠳᠤᠨᠢ ᠠᠮᠵᠢᠵᠦ ᠰᠠᠶ᠋ᠢᠨ ᠰᠣᠷᠭᠠ᠂ ᠲᠣᠮᠣ ᠪᠣᠯᠴᠢᠬᠠᠪᠠᠯ ᠴᠢᠨᠣ ᠦᠭᠡ ᠵᠢ ᠰᠣᠨᠣᠰᠬᠤ ᠦᠭᠡᠢ ᠪᠣᠯᠴᠢᠬᠠᠬᠤ ᠣᠴᠢᠷ ᠰᠣᠷᠭ᠋ᠠᠪᠠᠴᠦ ᠲᠠᠯᠠᠭ᠋ᠠᠷ ᠪᠣᠯᠣᠨᠠ᠂ ᠬᠡᠮᠰᠢᠪᠡᠴᠦ ᠣᠷᠣᠶ᠋ᠢᠲᠠᠨᠠ᠃ ᠣᠴᠢᠷᠨᠢ ᠬᠡᠣᠬᠡᠳ ᠨᠠᠰᠣᠨᠢ ᠮᠥᠨᠦᠭᠡᠨ ᠬᠡᠳᠦᠭᠡᠨ ᠵᠢᠯ ᠰᠢᠣ ᠳ᠋ᠠ᠂ ᠬᠡᠣᠬᠡᠳ ᠨᠠᠰᠣᠨᠳᠤᠨᠢ ᠬᠡᠣᠬᠡᠳᠲᠤᠪᠠᠨ ᠪᠡᠶᠡᠪᠠᠷ ᠵᠶ᠋ᠠᠨ ᠬᠡᠪ ᠳᠠᠭᠤᠷᠢᠶᠠᠯ ᠪᠣᠯᠵᠦ᠂ ᠭᠠᠷ ᠣᠳᠠᠰᠦᠪᠠᠨ ᠲᠠᠯᠪᠢᠵᠦ᠂ ᠬᠡᠣᠬᠡᠳᠲᠠᠢᠪᠠᠨ ᠢᠯᠡᠬᠦᠬᠡᠨ ᠴᠠᠭ ᠵᠠᠢ ᠭᠠᠷᠭ᠋ᠠᠨ ᠵᠣᠭᠤᠭᠳᠠᠵᠦ᠂ ᠬᠠᠮᠲᠦ ᠪᠠᠶ᠋ᠢᠯᠴᠠᠵᠦ᠂ ᠣᠶ᠋ᠢᠯᠠᠭ᠋ᠠᠯᠴᠠᠵᠦ᠂ ᠢᠯᠡᠬᠦᠬᠡᠨ ᠳᠡᠮᠵᠢᠵᠦ ᠵᠣᠷᠢᠬ᠍ᠵᠢᠭᠤᠯᠵᠦ᠂ ᠴᠣᠭᠭ᠋ᠠᠷ ᠦᠰᠦᠨ ᠪᠣᠶ᠋ᠢᠵᠢᠪᠠᠯ ᠲᠠᠨᠤ ᠬᠡᠣᠬᠡᠳ ᠴᠢᠨᠢ ᠠ᠋ᠶ᠋ᠢᠮᠦ ᠠ᠋ᠨᠡᠷᠢᠯᠲᠦ ᠡᠴᠢᠭᠡ ᠠ᠋ᠬᠡᠲᠠᠢ ᠪᠣᠯᠣᠭᠰᠠᠨᠳᠤᠪᠠᠨ ᠨᠠᠰᠣᠪᠠᠷ ᠵᠶ᠋ᠠᠨ ᠣᠮᠣᠭᠰᠢᠵᠦ ᠠᠴᠢᠯᠠᠭ᠍ᠣ ᠶᠤᠮ᠃
ᠬᠡᠣᠬᠡᠳᠤᠨ ᠴᠢᠨᠢ ᠢᠷᠡᠭᠡᠳᠦᠢᠳᠤ ᠴᠠᠭ ᠦᠶᠡ᠂ ᠨᠡᠶ᠋ᠢᠭᠡᠮᠲᠠᠢ ᠵᠣᠬᠢᠴᠠᠭᠰᠠᠨ ᠵᠦᠪ ᠦᠭᠡᠳᠡᠷᠭᠡᠭ ᠬᠦᠮᠦᠨ ᠪᠣᠯᠬᠤ ᠵᠢᠨ ᠦᠨᠳᠦᠰᠦᠨ ᠬᠦᠮᠦᠵᠢᠯᠨᠢ ᠲᠠ ᠪᠢᠳᠡ ᠦᠢ ᠲᠦᠮᠡᠨ ᠡᠴᠢᠭᠡ ᠠ᠋ᠬᠡ ᠵᠢᠨ ᠦᠪᠡᠷᠤᠨ ᠬᠢᠨᠢ ᠬᠡᠪ ᠪᠣᠯᠪᠠᠰᠣᠷᠠᠯ᠂ ᠬᠠᠳᠠᠭᠤ ᠪᠠᠷᠢᠮᠲᠠᠯᠠᠯ᠂ ᠭᠡᠷ ᠪᠦᠯᠢ ᠵᠢᠨ ᠰᠣᠷᠲᠠᠯ ᠰᠣᠷᠭ᠋ᠠᠯ᠂ ᠰᠣᠶᠣᠯ ᠬᠦᠮᠦᠵᠢᠯᠠᠴᠠ ᠰᠢᠯᠲᠠᠭ᠋ᠠᠯᠠᠭᠳᠠᠭ᠍ᠣ ᠵᠢᠨ ᠣᠴᠢᠷ ᠡᠴᠢᠬᠡ ᠠ᠋ᠬᠡ᠂ ᠭᠡᠷᠤᠨ ᠠᠬᠠᠮᠠᠳ ᠪᠣᠯᠣᠭᠰᠠᠳ ᠬᠡᠣᠬᠡᠳᠠᠴᠠᠪᠠᠨ ᠠ᠋ᠮᠦᠨᠡ ᠦᠪᠡᠷᠢᠪᠠᠨ ᠰᠠᠶ᠋ᠢᠨ ᠪᠡᠯᠡᠳᠬᠦ ᠬᠡᠷᠡᠭᠲᠠᠢ᠃
《ᠬᠡᠣᠬᠡᠳ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠪᠠᠰᠣ ᠬᠤᠷ ᠮᠢᠬᠠᠲᠦ ᠪᠣᠯᠭ᠋ᠠᠭᠳᠣᠨ᠂ ᠬᠠᠶ᠋ᠢᠷᠠᠯᠠᠪᠠᠴᠣ ᠬᠠᠯᠠᠳᠣᠨ ᠰᠣᠷᠭ᠋ᠠᠭᠳᠣᠨ！》 ᠭᠡᠰᠡᠨ ᠪᠢᠯᠢᠭ ᠰᠣᠶᠣᠷᠬᠠᠯᠢ ᠰᠠᠨᠠᠵᠦ ᠶᠠᠪᠣᠶᠠ᠃
ᠠᠵᠢᠯᠯᠠᠵᠤ ᠪᠠᠢ᠍ᠢ᠍ᠭᠠ ᠪᠠᠢ᠍ᠢ᠍ᠭᠤᠯᠭᠠ᠄ ᠳ᠋ᠠᠪᠠᠨᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ
ᠳᠣᠮᠳᠠᠳᠦ ᠰᠣᠷᠭ᠋ᠠᠭᠤᠯᠢ
（ᠮᠦᠨᠭᠭᠦᠨᠴᠢᠮᠡᠭ ᠨᠠᠢ᠍ᠢ᠍ᠷᠠᠭᠤᠯᠪᠠ）