| | ᠳᠤᠭᠤᠷᠮᠠ | | | ᠪᠦᠬᠦ ᠤᠷᠤᠨ ᠤ ᠮᠤᠩᠭᠤᠯ ᠢᠶᠠᠷ ᠬᠢᠴᠢᠶᠠᠯᠯᠠᠵᠥ ᠪᠠᠶᠢᠭᠠ | ᠭᠡᠤᠭᠡᠳ ᠤᠨ ᠴᠡᠴᠡᠷᠯᠢᠭ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠪᠴᠢᠶᠠᠨ ᠳᠤ ᠶᠠᠪᠤᠭᠳᠠᠵᠥ ᠪᠠᠶᠢᠭᠠ ᠮᠤᠩᠭᠤᠯ ᠬᠡᠯᠡ | ᠪᠢᠴᠢᠭ ᠤᠨ ᠳᠦᠷᠪᠠᠨ ᠪᠤᠭᠤᠮᠳᠠ ᠶᠢ ᠳᠠᠪᠠᠭᠤᠯᠬᠤ ᠰᠤᠳᠤᠯᠭᠠᠨ ᠪᠤᠯᠬᠤ — ᠰᠤᠨᠤᠰᠴᠥ ᠶᠠᠷᠢᠬᠤ ᠪᠤᠭᠤᠮᠳᠠ᠂ | ᠦᠰᠦᠭᠴᠢᠯᠠᠯ ᠤᠨ ᠪᠤᠭᠤᠮᠳᠠ᠂ ᠤᠩᠰᠢᠯᠭᠠ ᠶᠢᠨ ᠪᠤᠭᠤᠮᠳᠠ᠂ ᠵᠤᠬᠢᠶᠠᠨ ᠪᠢᠴᠢᠯᠭᠡ ᠶᠢᠨ ᠪᠤᠭᠤᠮᠳᠠ ᠭᠡᠬᠦ ᠳᠦᠷᠪᠡᠨ | ᠪᠤᠭᠤᠮᠳᠠ ᠶᠢᠨ ᠰᠤᠨᠤᠰᠴᠥ ᠶᠠᠷᠢᠬᠤ ᠪᠤᠭᠤᠮᠳᠠ ᠨᠢ ᠭᠡᠤᠭᠡᠳ ᠤᠨ ᠴᠡᠴᠡᠷᠯᠢᠭ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠳᠠᠵᠥ | ᠪᠠᠶᠢᠳᠠᠭ᠃ ᠲᠤᠰ ᠦᠭᠦᠯᠡᠯ ᠳᠤ ᠰᠤᠷᠭᠠᠭᠤᠯᠢ ᠠᠴᠠ ᠡᠮᠤᠨᠡᠬᠢ ᠬᠡᠥᠭᠡᠳ ᠤᠨ ᠰᠤᠨᠤᠰᠴᠦ ᠶᠠᠷᠢᠬᠤ ᠴᠢᠳᠠᠪᠤᠷᠢ ᠶᠢ | ᠬᠦᠮᠦᠵᠢᠬᠦᠯᠬᠦ ᠪᠤᠯᠪᠠᠰᠤᠷᠠᠯ ᠢ ᠬᠢᠬᠦ ᠳᠤ ᠠᠩᠬᠠᠷᠤᠭᠤᠰᠢᠳᠠᠢ ᠲᠠᠯᠠ ᠪᠠᠷ ᠮᠦᠴᠢᠳ ᠦᠬᠦᠯᠡᠶᠠ᠃ | ᠨᠢᠭᠡ᠂ ᠬᠡᠥᠭᠡᠳ ᠲᠤ ᠵᠠᠪᠠᠯ ᠰᠤᠨᠤᠰᠬᠠᠵᠤ ᠤᠶᠢᠯᠠᠭᠠᠭᠤᠯᠤᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠴᠡᠴᠡᠷᠯᠢᠭ ᠤᠨ | ᠬᠡᠥᠭᠡᠳ ᠦᠭᠡ ᠬᠡᠯᠡ ᠶᠢ ᠰᠠᠶᠢᠨ ᠤᠶᠢᠯᠠᠭᠠᠵᠤ ᠶᠠᠷᠢᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠳᠠᠯ ᠳᠤ ᠪᠠᠭᠰᠢ ᠨᠠᠷ ᠢᠮᠠᠭᠳᠠ | ᠳᠠᠭᠠᠭᠤᠯᠵᠥ ᠶᠠᠷᠢᠬᠤ᠂ ᠳᠦᠷᠢᠮᠯᠠᠵᠤ ᠶᠠᠷᠢᠬᠤ᠂ ᠳᠡᠪᠳᠡᠵᠤ ᠶᠠᠷᠢᠬᠤ ᠵᠢᠴᠢ ᠬᠡᠥᠭᠡᠳ ᠢᠶᠠᠷ ᠳᠦᠷᠢᠮᠵᠢᠭᠦᠨ | ᠶᠠᠷᠢᠭᠤᠯᠬᠤ ᠵᠡᠷᠭᠡ ᠠᠷᠭᠠ ᠠᠪᠴᠠᠯ ᠢ ᠵᠤᠬᠢᠰᠲᠠᠢ ᠬᠡᠷᠡᠭᠯᠡᠵᠦ᠂ ᠰᠤᠨᠤᠰᠴᠦ ᠶᠠᠷᠢᠬᠤ ᠴᠢᠳᠠᠪᠤᠷᠢ ᠶᠢ ᠭᠦᠮᠦᠵᠢᠭᠦᠯᠭᠦ ᠶᠢ | ᠠᠩᠬᠠᠷᠬᠤ ᠬᠡᠷᠡᠭᠳᠡᠢ᠃ | ᠬᠤᠶᠠᠷ᠂ ᠬᠡᠥᠭᠡᠳ ᠢ ᠵᠠᠪᠠᠯ ᠪᠦᠷᠢᠨ ᠪᠦᠳᠦᠨ ᠦᠭᠦᠯᠠᠪᠤᠷᠢ ᠪᠤᠶᠤ ᠨᠠᠶᠢᠯᠠᠮᠠᠯ ᠦᠭᠦᠯᠡᠪᠤᠷᠢ ᠶᠠᠷᠢᠭᠤᠯᠬᠤ ᠶᠢ | ᠪᠠᠷᠢᠮᠳᠠᠯᠠᠬᠤ ᠬᠡᠷᠡᠭᠳᠡᠢ᠃ ᠴᠡᠴᠡᠷᠯᠢᠭ ᠤᠨ ᠭᠡᠤᠭᠡᠳ ᠤᠳ ᠲᠤ ᠵᠦᠪᠭᠡᠨ ᠠᠮᠢᠳᠤᠷᠠᠯ ᠤᠨ ᠭᠡᠷᠡᠭᠰᠡᠯ ᠤᠨ ᠨᠠᠷᠠ ᠶᠢ | ᠮᠠᠳᠠᠭᠦᠯᠦᠭᠡᠳ ᠪᠤᠯᠴᠢᠬᠠᠬᠤ ᠪᠢᠰᠢ᠃ ᠭᠡᠭᠦ ᠳᠤ ᠪᠠᠨ ᠬᠡᠥᠭᠡᠳ ᠤᠨ ᠶᠠᠷᠢᠬᠤ ᠦᠭᠡ ᠦᠬᠦᠯᠠᠪᠤᠷᠢ ᠨᠢ ᠬᠡᠥᠭᠡᠳ ᠤᠨ | ᠠᠮᠢᠳᠤᠷᠠᠯ ᠲᠠᠢ ᠨᠢᠭᠲᠠ ᠤᠶᠢᠷᠠᠳᠤᠭᠰᠠᠨ ᠪᠠᠶᠢᠬᠤ ᠶᠢ ᠠᠩᠬᠠᠷᠬᠤ ᠬᠡᠷᠡᠭᠳᠡᠢ᠃ ᠵᠢᠱᠢᠶᠠᠯᠠᠪᠠᠯ᠂ ᠬᠡᠥᠭᠡᠳ ᠨᠠᠭᠠᠳᠴᠤ | ᠳᠤᠭᠯᠠᠵᠤ ᠪᠠᠶᠢᠭᠠ ᠦᠶᠡ ᠳᠤ ᠵᠢᠷᠤᠭ ᠰᠡᠬᠦᠳᠡᠷ ᠠᠪᠤᠨ᠂ ᠬᠢᠴᠢᠶᠡᠯ ᠲᠡᠭᠡᠷᠡ ᠲᠤᠰ ᠬᠡᠥᠭᠡᠳ ᠢ ᠨᠡᠷᠡ ᠳᠤᠷᠠᠳᠤᠨ ︽ | ᠬᠡᠨ ᠲᠠᠢ᠂ ᠶᠠᠮᠠᠷ ᠳᠤᠭᠯᠠᠭᠠᠮ ᠢᠶᠠᠷ ᠨᠠᠭᠠᠳᠤᠭᠰᠠᠨ ᠪᠤᠢ︖︾ ᠭᠡᠬᠦ ᠮᠡᠳᠤ ᠪᠠᠷ ᠰᠡᠩᠭᠡᠷᠡᠬᠦᠯᠦᠯ ᠦᠭᠬᠦ ᠠᠷᠭᠠ | ᠠᠪᠴᠠᠯ ᠢ ᠠᠪᠴᠦ᠂ ᠬᠡᠥᠭᠡᠳ ᠤᠨ ᠪᠦᠷᠢᠨ ᠪᠦᠳᠦᠨ ᠦᠭᠡ ᠦᠬᠦᠯᠠᠪᠤᠷᠢ ᠶᠠᠷᠢᠬᠤ ᠶᠢ ᠪᠠᠷᠢᠮᠳᠠᠯᠠᠨᠠ᠃ | ᠭᠤᠷᠪᠠ᠂ ᠵᠠᠪᠠᠯ ᠬᠡᠥᠭᠡᠳ ᠤᠨ ᠠᠩᠬᠠᠷᠤᠯ ᠲᠠᠢ ᠰᠤᠨᠤᠰᠬᠤ ᠳᠠᠳᠬᠠᠯ ᠢ ᠬᠦᠮᠦᠵᠢᠬᠦᠯᠬᠦ ᠬᠡᠷᠡᠭᠳᠡᠢ᠃ ᠪᠠᠯᠴᠢᠷ | ᠬᠡᠥᠭᠡᠳ ᠠᠩᠬᠠᠷᠤᠯ ᠢᠶᠠᠨ ᠳᠦᠪᠯᠡᠷᠡᠬᠦᠯᠬᠦ ᠲᠠᠯᠠ ᠪᠠᠷ ᠲᠤᠩ ᠪᠠᠷᠤᠭᠳᠠᠢ ᠪᠤᠯᠬᠤᠷ ᠪᠠᠭᠰᠢ ᠠᠴᠠ ᠨᠠᠭᠠᠳᠤᠮ | ᠳᠤᠭᠯᠠᠭᠠᠮ ᠢᠶᠠᠷ ᠰᠤᠨᠢᠷᠠᠭᠯ ᠢ ᠨᠢ ᠲᠠᠲᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠦᠭᠡ ᠶᠠᠷᠢᠶᠠ᠂ ᠨᠢᠳᠤᠨ ᠬᠠᠷᠠᠴᠠ᠂ ᠦᠢᠯᠠ | ᠬᠦᠳᠡᠯᠦᠯ᠂ ᠤᠪᠤᠷ ᠰᠡᠳᠬᠢᠯᠭᠡ ᠪᠦᠬᠦᠨ ᠢᠶᠠᠷ ᠢᠶᠠᠨ ᠬᠡᠥᠭᠡᠳ ᠤᠨ ᠠᠩᠬᠠᠷᠤᠯ ᠢ ᠳᠠᠳᠠᠭᠰᠠᠨ ᠪᠠᠶᠢᠬᠤ ᠶᠢ ᠠᠩᠬᠠᠷᠬᠤ | ᠭᠡᠷᠡᠭᠳᠡᠢ᠃ | ᠳᠦᠷᠪᠡ᠂ ᠬᠡᠥᠭᠡᠳ ᠲᠠᠢ ᠬᠠᠷᠢᠯᠴᠠᠬᠤ ᠳᠤ ᠪᠠᠨ ᠨᠢᠭᠡ ᠱᠤᠭᠤᠮ ᠳᠤ ᠪᠠᠶᠢᠬᠤ ᠶᠢ ᠪᠠᠷᠢᠮᠳᠠᠯᠠᠬᠤ ᠬᠡᠷᠡᠭᠳᠡᠢ᠃ | ᠭᠡᠤᠭᠡᠳ ᠤᠨ ᠴᠡᠴᠡᠷᠯᠢᠭ ᠤᠨ ᠪᠠᠭᠰᠢ ᠵᠠᠪᠠᠯ ᠬᠡᠥᠭᠡᠳ ᠲᠠᠢ ᠬᠠᠷᠢᠯᠴᠠᠬᠤ ᠳᠤ ᠪᠠᠨ ᠵᠠᠪᠠᠯ ᠰᠦᠬᠦᠳᠴᠦ ᠰᠠᠭᠤᠨ᠂ | ᠨᠢᠳᠤᠨ ᠬᠠᠷᠡᠴᠡ ᠨᠢᠭᠡ ᠱᠤᠭᠤᠮ ᠳᠤ ᠪᠠᠶᠢᠬᠤ ᠶᠢ ᠪᠠᠳᠤᠯᠠᠵᠤ᠂ ᠶᠠᠷᠢᠵᠤ ᠬᠠᠷᠢᠯᠴᠠᠬᠤ ᠶᠢ ᠠᠩᠬᠠᠷᠬᠤ ᠳᠤ ᠰᠠᠨᠳᠠᠯᠢ | ᠳᠡᠭᠡᠷᠡ ᠰᠠᠭᠤᠵᠤ ᠨᠢᠳᠤᠨ ᠬᠠᠷᠡᠴᠡ ᠠᠳᠠᠯᠢ ᠨᠢᠭᠡ ᠱᠤᠭᠤᠮ ᠳᠡᠭᠡᠷᠡ ᠪᠠᠶᠢᠬᠤ ᠶᠢ ᠪᠠᠳᠤᠯᠠᠵᠤ᠂ ᠬᠡᠥᠭᠡᠳ ᠤᠨ | ᠨᠠᠰᠤᠨ ᠤ ᠤᠨᠴᠠᠯᠢᠭ ᠲᠤ ᠨᠢ ᠳᠤᠬᠢᠷᠠᠭᠤᠯᠵᠥ ᠬᠢᠴᠢᠶᠠᠯ ᠪᠤᠶᠤ ᠦᠭᠡ ᠶᠠᠷᠢᠶᠠ ᠦᠢᠯᠠ ᠬᠦᠳᠡᠯᠦᠯ ᠢᠶᠠᠨ ᠠᠩᠬᠠᠷᠴᠥ | ᠠᠵᠢᠯᠯᠠᠬᠤ ᠭᠡᠷᠡᠭᠳᠡᠢ᠃ | ᠳᠠᠪᠤ᠂ ᠤᠷᠴᠢᠨ ᠳᠤᠭᠤᠷᠢᠨ ᠤ ᠡᠳ᠋ ᠪᠤᠳᠠᠰ ᠢ ᠨᠡᠷᠡᠯᠡᠵᠥ ᠳᠠᠨᠢᠭᠤᠯᠤᠨᠠ᠃ ᠲᠤᠬᠠᠢᠢᠯᠠᠪᠠᠯ ᠬᠤᠪᠴᠠᠰᠥ | ᠬᠤᠨᠠᠷ᠂ ᠡᠳ᠋ᠯᠡᠯ ᠬᠡᠷᠡᠭᠰᠡᠯ᠂ ᠪᠠᠶᠢᠭᠠᠯᠢ ᠤᠷᠴᠢᠨ᠂ ᠴᠠᠭ ᠠᠭᠤᠷ᠂ ᠪᠠᠶᠠ ᠴᠤᠭᠴᠠ ᠬᠡᠬᠦ ᠮᠡᠳᠤ ᠶᠢᠨ ᠨᠠᠷᠠ ᠶᠢ | ᠭᠡᠤᠭᠡᠳ ᠤᠳ ᠲᠤ ᠵᠢᠭᠠᠵᠤ ᠰᠤᠷᠭᠠᠨᠠ᠃ | ᠵᠢᠷᠭᠤᠭᠠ᠂ ᠬᠡᠥᠭᠡᠳ ᠦᠪᠡᠷ ᠤᠨ ᠪᠠᠶᠠ ᠪᠤᠯᠤᠨ ᠭᠡᠷ ᠪᠦᠯᠢ ᠪᠠᠨ ᠳᠠᠨᠢᠯᠴᠠᠭᠤᠯᠵᠤ ᠴᠢᠳᠠᠭᠰᠠᠨ ᠪᠠᠶᠢᠬᠤ | ᠬᠡᠷᠡᠭᠳᠡᠢ᠃ ᠪᠠᠭᠰᠢ ᠠᠴᠠ ᠬᠡᠥᠭᠡᠳ ᠤᠨ ᠦᠪᠡᠷ ᠤᠨ ᠪᠠᠶᠠ ᠶᠢᠨ ᠳᠠᠨᠢᠯᠴᠠᠭᠤᠯᠭᠠ ᠬᠢᠬᠦ ᠶᠢ ᠬᠢᠴᠢᠶᠡᠯᠯᠡᠭᠡ ᠪᠠᠷ ᠳᠠᠮᠵᠢᠨ | ᠵᠦᠪ ᠵᠢᠭᠠᠨ ᠵᠢᠯᠤᠭᠤᠳᠤᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠤᠯᠠᠩᠬᠢ ᠬᠡᠥᠭᠡᠳ ︽ᠪᠢ ᠪᠤᠯ ᠬᠡᠨ ᠬᠡᠨ ᠭᠡᠳᠡᠭ︾ ᠬᠡᠵᠤ | ᠳᠠᠨᠢᠯᠴᠠᠭᠤᠯᠵᠤ ᠪᠠᠶᠢᠳᠠᠭ᠃ ᠦᠨᠡᠨ ᠳᠤ ᠪᠠᠨ ︽ᠨᠠᠮᠠ ᠶᠢ ᠬᠡᠨ ᠬᠡᠨ ᠭᠡᠳᠡᠭ︾ ᠭᠡᠵᠤ ᠶᠠᠷᠢᠬᠤ ᠨᠢ ᠢᠯᠡᠬᠦᠦ ᠵᠦᠪ | ᠤᠨᠤᠪᠴᠢᠳᠠᠢ ᠪᠤᠯᠬᠤᠷ ᠡᠨᠡ ᠲᠤᠬᠠᠢ ᠳᠤ ᠭᠡᠤᠭᠡᠳ ᠤᠨ ᠴᠡᠴᠡᠷᠯᠢᠭ ᠤᠨ ᠬᠡᠯᠡᠨ ᠤ ᠪᠠᠭᠰᠢ ᠨᠠᠷ ᠤᠨᠴᠠ | ᠠᠩᠬᠠᠷᠬᠤ ᠨᠢ ᠵᠦᠢᠳᠠᠢ᠃ | ᠲᠤᠯᠤᠭᠠ᠂ ᠡᠯᠠ ᠪᠦᠬᠦ ᠪᠠᠭᠰᠢ ᠨᠠᠷ ᠵᠠᠪᠠᠯ ᠤᠷᠤᠰᠤᠮᠠ ᠳᠤᠳᠤ᠂ ᠳᠦᠬᠦᠮ ᠤᠶᠢᠯᠠᠭᠠᠮᠵᠢᠳᠠᠢ ᠶᠠᠷᠢᠬᠤ᠂ | ᠭᠡᠤᠭᠡᠳ ᠤᠨ ᠨᠠᠰᠤᠨ ᠤ ᠤᠨᠴᠠᠯᠢᠭ᠂ ᠪᠤᠳᠡᠳᠤ ᠪᠠᠶᠢᠳᠠᠯ ᠳᠤ ᠨᠠᠶᠢᠴᠠᠭᠦᠯᠵᠦ᠂ ᠰᠡᠳᠬᠢᠯᠭᠡ ᠲᠠᠢ ᠶᠠᠷᠢᠵᠥ ᠢᠯᠡᠳᠭᠡᠬᠦ᠂ | ᠦᠢᠯᠠ ᠬᠦᠳᠡᠯᠦᠯ ᠠᠮᠢᠳᠤ ᠴᠤᠪᠤᠭᠤᠯᠢᠭ ᠪᠠᠶᠢᠬᠤ ᠳᠠᠯᠠ ᠪᠠᠷ ᠠᠩᠬᠠᠷᠬᠤ ᠭᠡᠷᠡᠭᠳᠡᠢ᠃ | ᠨᠠᠢᠮᠠ᠂ ᠵᠢᠭᠠᠬᠤ ᠪᠠᠭᠠᠵᠢ ᠠᠮᠢᠳᠤᠯᠢᠭ ᠪᠠᠶᠢᠬᠤ ᠭᠡᠷᠡᠭᠳᠡᠢ᠃ ᠲᠤᠬᠠᠢᠢᠯᠠᠪᠠᠯ᠂ ᠡᠩ ᠤᠨ ᠬᠡᠷᠡᠭᠯᠡᠭᠡᠨ ᠤ ᠪᠤᠳᠠᠰ᠂ | ᠦᠪᠡᠷ ᠤᠨ ᠬᠡᠷᠡᠭᠯᠡᠵᠥ ᠪᠠᠶᠢᠭᠠ ᠵᠦᠢᠯ᠂ ᠪᠠᠶᠢᠭᠠ ᠤᠷᠴᠢᠨ ᠳᠤᠭᠤᠷᠢᠨ ᠤ ᠪᠤᠳᠠᠰ ᠶᠠᠭᠤᠮᠠ᠂ ᠬᠡᠷᠡᠭ ᠤᠴᠢᠷ ᠢ | ᠠᠰᠢᠭᠯᠠᠬᠤ ᠪᠤᠶᠤ ᠴᠢᠬᠤᠯᠠ ᠲᠠᠢ ᠦᠶᠠᠰ ᠪᠠᠭᠰᠢ ᠬᠠᠮᠵᠢᠯᠴᠠᠵᠥ᠂ ᠠᠮᠢᠳᠤᠯᠢᠭ ᠢᠶᠠᠷ ᠳᠠᠨᠢᠭᠤᠯᠬᠤ᠂ ᠳᠤᠭᠯᠠᠨ | ᠤᠶᠢᠯᠠᠭᠠᠭᠤᠯᠬᠤ ᠶᠢ ᠠᠩᠬᠠᠷᠪᠠᠯ ᠵᠤᠬᠢᠨᠠ᠃ | ᠶᠢᠰᠦ᠂ ᠬᠡᠥᠭᠡᠳ ᠲᠤ ᠳᠦᠷᠰᠤ ᠰᠢᠩᠭᠡᠭᠡᠯᠳᠠ ︵ᠦᠯᠢᠭᠡᠷ᠂ ᠳᠠᠭᠤᠤ᠂ ᠰᠢᠯᠦᠭ︶ ᠢ ᠦᠷᠬᠦᠯᠵᠢ | ᠰᠤᠨᠤᠰᠬᠠᠬᠤ ᠨᠢ ᠭᠡᠤᠭᠡᠳ ᠤᠨ ᠬᠡᠯᠡᠨ ᠤ ᠮᠡᠳᠡᠷᠡᠮᠵᠢ ᠶᠢ ᠳᠡᠭᠡᠭᠰᠢᠯᠡᠬᠦᠯᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠬᠡᠥᠭᠡᠳ ᠤᠨ | ᠰᠤᠨᠤᠰᠴᠦ ᠶᠠᠷᠢᠬᠤ ᠴᠢᠳᠠᠪᠤᠷᠢ ᠶᠢ ᠬᠦᠮᠦᠵᠢᠬᠦᠯᠬᠦ ᠲᠤᠩ ᠰᠠᠶᠢᠨ ᠠᠷᠭᠠ ᠶᠢᠨ ᠨᠢᠭᠡ ᠪᠠᠶᠢᠭᠠ ᠶᠤᠮ᠃ ᠪᠢ | ᠦᠪᠡᠷ ᠤᠨ ᠬᠤᠶᠠᠷ ᠬᠡᠥᠭᠡᠳ ᠲᠤ ᠪᠠᠨ ᠡᠳᠤᠷ ᠪᠤᠯᠭᠠᠨ 5 ᠮᠢᠨᠦ᠋ᠲ ᠠᠳᠠᠯᠢ ᠨᠢᠭᠡ ᠦᠯᠢᠭᠡᠷ ᠢ ᠦᠵᠡᠬᠦᠯᠦᠭᠡᠳ | ᠪᠠᠶᠢᠭᠰᠠᠨ ᠴᠢᠨᠢ ᠭᠡᠤᠭᠡᠳ ᠮᠢᠨᠢ ᠬᠠᠭᠠᠰ ᠰᠠᠷᠠ ᠪᠤᠯᠤᠯ ᠦᠭᠡᠢ ᠡᠨᠡ ᠦᠯᠢᠭᠡᠷ ᠢ ᠦᠪᠡᠷ ᠤᠨ ᠦᠭᠡ ᠪᠠᠷ ᠢᠶᠠᠨ ᠮᠠᠰᠢ | ᠳᠦᠷᠰᠦᠯᠢᠭ᠂ ᠪᠦᠷᠢᠨ ᠪᠦᠳᠦᠨ ᠶᠠᠷᠢᠵᠤ ᠴᠢᠳᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠠᠷᠪᠠ᠂ ᠬᠡᠥᠭᠡᠳ ᠢ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬᠵᠢᠭᠤᠯᠬᠤ ᠶᠢ ᠵᠤᠷᠰᠢᠯ ᠪᠤᠯᠭᠠᠵᠥ᠂ ᠦᠭᠡ ᠶᠠᠷᠢᠶᠠ᠂ ᠦᠢᠯᠠ | ᠬᠦᠳᠡᠯᠦᠯ᠂ ᠨᠢᠳᠤᠨ ᠬᠠᠷᠠᠴᠠ᠂ ᠪᠤᠳᠡᠰ ︵ᠤᠯᠠᠭᠠᠨ ᠳᠤᠭ᠂ ᠬᠤᠸᠠᠷ︶ ᠢᠶᠠᠷ ᠦᠷᠬᠦᠯᠵᠢ ᠤᠷᠮᠠᠰᠢᠭᠤᠯᠤᠨ | ᠵᠤᠷᠢᠬᠵᠢᠭᠤᠯᠵᠥ ᠪᠠᠶᠢᠬᠤ ᠶᠢ ᠠᠩᠬᠠᠷᠬᠤ ᠬᠡᠷᠡᠭᠳᠡᠢ᠃ ︽ᠪᠤᠷᠮᠠ ᠪᠠᠷ ᠳᠡᠳᠬᠦᠬᠦ ᠪᠠᠷ ᠤᠷᠮᠠ ᠪᠠᠷ ᠲᠡᠳᠬᠦ︾ ᠭᠡᠰᠡᠨ | ᠮᠤᠩᠭᠤᠯ ᠠᠷᠠᠳ ᠤᠨ ᠰᠠᠴᠠᠨ ᠦᠭᠡ ᠶᠢ ᠪᠠᠶᠢᠩᠭᠤ ᠰᠠᠨᠠᠵᠤ᠂ ᠬᠡᠥᠭᠡᠳ ᠤᠨ ᠦᠭᠡ ᠶᠠᠷᠢᠶᠠ᠂ ᠦᠢᠯᠠ ᠬᠦᠳᠡᠯᠦᠯ | ᠪᠦᠷᠢ ᠳᠤ ᠤᠷᠮᠠᠰᠢᠭᠤᠯᠤᠯ ᠵᠤᠷᠢᠬᠵᠢᠭᠤᠯᠤᠯ ᠦᠭᠬᠦ ᠶᠢ ᠠᠩᠬᠠᠷᠴᠦ ᠠᠵᠢᠯᠯᠠᠪᠠᠯ ᠬᠡᠥᠭᠡᠳ ᠤᠨ ᠪᠠᠶᠠ ᠪᠠᠨ ᠢᠳᠡᠭᠡᠬᠦ | ᠢᠳᠡᠭᠡᠯ ᠢ ᠨᠡᠮᠡᠭᠳᠡᠬᠦᠯᠵᠦ᠂ ᠶᠠᠷᠢᠵᠤ ᠢᠯᠡᠳᠭᠡᠬᠦ ᠳᠤᠷᠠᠳᠠᠢ ᠨᠢᠭᠡᠨ ᠪᠤᠯᠤᠨᠠ᠃ | ᠠᠷᠪᠠᠨ ᠨᠢᠭᠡ᠂ ᠬᠡᠯᠡᠨ ᠤ ᠪᠠᠭᠰᠢ ᠡᠷᠭᠡᠪᠰᠢ ᠬᠢᠴᠢᠶᠠᠯ ᠪᠦᠷᠢ ᠳᠤ ᠬᠡᠯᠡᠨ ᠤ ᠬᠦᠳᠦᠯᠪᠤᠷᠢ ᠪᠡᠯᠡᠳᠭᠡᠨ ᠰᠠᠷᠠ | ᠪᠦᠷᠢ ᠬᠡᠥᠭᠡᠳ ᠤᠨ ᠰᠤᠨᠤᠰᠴᠥ ᠶᠠᠷᠢᠬᠤ ᠴᠢᠳᠠᠪᠤᠷᠢ ᠶᠢᠨ ᠳᠡᠭᠡᠭᠰᠢᠯᠡᠯᠳᠠ ᠶᠢ ᠪᠠᠶᠢᠴᠠᠭᠠᠨ ᠦᠵᠡᠵᠥ | ᠬᠦᠰᠦᠨᠦᠭᠴᠢᠯᠠᠵᠥ᠂ ᠰᠠᠷᠠ ᠪᠤᠯᠭᠠᠨ ᠰᠤᠨᠤᠰᠴᠥ ᠶᠠᠷᠢᠬᠤ ᠴᠢᠳᠠᠪᠤᠷᠢ ᠶᠢᠨ ᠳᠡᠭᠡᠭᠰᠢᠯᠡᠯᠳᠠ ᠶᠢ ᠦᠵᠡᠬᠦᠯᠦᠭᠰᠡᠨ ᠨᠢᠭᠡ | ᠤᠳᠠᠭᠠᠨ ᠤ ᠬᠦᠳᠡᠯᠭᠡᠭᠡᠨ ᠬᠢᠪᠡᠯ ᠭᠡᠤᠭᠡᠳ ᠤᠨ ᠰᠤᠨᠤᠰᠴᠦ ᠶᠠᠷᠢᠬᠤ ᠴᠢᠳᠠᠪᠤᠷᠢ ᠶᠢ ᠬᠦᠮᠦᠵᠢᠬᠦᠯᠬᠦ ᠰᠤᠳᠤᠯᠭᠠᠨ | ᠤᠯᠠᠮ ᠡᠷᠴᠢᠮᠳᠠᠢ ᠰᠠᠶᠢᠨ ᠶᠠᠪᠤᠭᠳᠠᠬᠤ ᠪᠤᠯᠤᠨᠠ᠃ | ᠳᠡᠶᠢᠮᠤ ᠠᠴᠠ ᠭᠡᠤᠭᠡᠳ ᠤᠨ ᠴᠡᠴᠡᠷᠯᠢᠭ ᠤᠨ ᠬᠡᠥᠭᠡᠳ ᠤᠨ ᠨᠠᠰᠤᠨ ᠤ ᠤᠨᠴᠠᠯᠢᠭ ᠲᠤ ᠨᠢ ᠳᠤᠬᠢᠷᠠᠭᠰᠠᠨ | ᠡᠯᠳᠡᠪ ᠵᠦᠢᠯ ᠤᠨ ᠬᠦᠳᠡᠯᠭᠡᠭᠡᠨ ᠦᠷᠨᠢᠬᠦᠯᠵᠤ᠂ ᠪᠠᠭᠰᠢ ᠠᠴᠠ ᠵᠦᠪ ᠤᠨᠤᠪᠴᠢᠳᠠᠢ ᠵᠢᠯᠤᠭᠤᠳᠤᠯᠭᠠ ᠦᠭᠴᠦ᠂ | ᠰᠤᠨᠤᠰᠴᠦ ᠶᠠᠷᠢᠬᠤ ᠴᠢᠳᠠᠪᠤᠷᠢ ᠶᠢ ᠬᠦᠮᠦᠵᠢᠬᠦᠯᠬᠦ ᠪᠤᠯ ᠬᠡᠥᠭᠡᠳ ᠢ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠭᠰᠠᠨ ᠤ ᠳᠠᠷᠠᠭᠠ ᠵᠦᠪ | ᠰᠠᠶᠢᠬᠠᠨ ᠶᠠᠷᠢᠵᠤ ᠢᠯᠡᠳᠭᠡᠬᠦ ᠳᠤ ᠰᠠᠭᠤᠷᠢ ᠶᠢ ᠳᠠᠯᠪᠢᠵᠤ ᠪᠠᠶᠢᠭᠠ ᠶᠠᠪᠤᠳᠠᠯ ᠪᠤᠯᠤᠨᠠ᠃ | | ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠶᠢᠭᠤᠯᠭᠠ᠄ ᠡᠸᠡᠩᠬᠢ ᠦᠨᠳᠤᠰᠤᠳᠠᠨ ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ | ᠬᠤᠰᠢᠭᠤᠨ ᠤ ᠬᠤᠢ ᠲᠦᠪ ᠰᠤᠷᠭᠠᠭᠤᠯᠢ | ︵ᠠᠯᠳᠠᠨᠰᠦ᠋ᠭᠡ ᠨᠠᠶᠢᠷᠠᠭᠤᠯᠪᠠ︶ | 2021 ᠣᠨ ᠤ 4 ᠳ᠋ᠦ᠋ᠭᠡᠷ ᠬᠤᠭᠤᠴᠠᠭᠠ | | |