ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠬᠠᠨᠲᠤᠯᠭ᠎ᠠ
ᠰᠣᠨᠤᠷ ᠤᠨ ᠲᠠᠪᠴᠠᠩ
ᠡᠶᠢᠮᠥ ᠨᠢᠬᠡᠨ ︽ᠭᠠᠯᠴᠢ ᠪᠠᠭᠰᠢ︾
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2021/10/27
                      — ᠬᠦᠪᠡᠭᠡᠲᠤ ᠰᠢᠷ᠎ᠠ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠲᠤᠰᠤᠲᠡᠨ ᠤ                           ᠲᠤᠮᠲᠠᠲᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠷᠤ ᠲᠠᠯ᠎ᠠ ᠶᠢᠨ ᠠᠵᠢᠯ ᠤᠨ                           ᠠᠬᠠᠮᠠᠳ ᠠᠵᠢᠯᠲᠠᠨ ᠤᠨᠢᠰᠤᠲᠠᠢ ᠪᠠᠭᠰᠢ ᠶᠢᠨ ᠦᠯᠢᠭᠡᠷ                           ᠲᠤᠷᠠᠰᠤᠮᠵᠢᠲᠤ ᠤᠶᠢᠯᠠ ᠠᠵᠢᠯᠯᠠᠭ᠎ᠠ ᠶᠢᠨ ᠲᠤᠬᠠᠢ ᠡᠷᠬᠢᠴᠡᠬᠦᠯᠥᠯ                              ᠤᠯᠠᠭᠠᠨ      ᠰᠤᠷᠭᠠᠭᠤᠯᠢ ᠶᠢᠨ ᠠᠷᠤ ᠲᠡᠯ᠎ᠡ ᠶᠢᠨ ᠠᠵᠢᠯ ᠨᠢ ᠡᠭᠡᠯ ᠵᠢᠷ ᠤᠨ ᠪᠤᠯᠪᠠᠴᠤ ᠨᠢᠭᠡ ᠡᠲᠤᠷ ᠪᠠᠶᠢᠲᠤᠭᠠᠢ ᠨᠢᠭᠡ ᠴᠠᠭ ᠴᠤ ᠭᠡᠰᠡᠨ ᠰᠠᠯᠬᠤ ᠳᠤ ᠪᠡᠷᠬᠡᠲᠡᠢ ᠬᠠᠷᠢᠭᠤᠴᠠᠯᠭ᠎ᠠ ᠱᠠᠭᠠᠷᠲᠠᠯᠭ᠎ᠠ ᠪᠠᠷ ᠴᠢᠩᠭ᠎ᠠ ᠬᠠᠲᠠᠭᠤ ᠠᠵᠢᠯ ᠲᠦᠷᠤᠯ ᠤᠨ ᠨᠢᠭᠡ ᠪᠤᠯᠬᠤ ᠶᠤᠮ᠃ ᠲᠡᠶᠢᠮᠤ ᠪᠤᠯᠬᠤᠷ ᠡᠨᠡ ᠭᠦ ᠠᠵᠢᠯ ᠤᠨ ᠪᠠᠶᠢᠷᠢ ᠶᠢ ᠬᠦᠮᠤᠰ ᠤᠨ ᠰᠡᠳᠬᠢᠯ ᠤᠨ ᠲᠡᠩᠬᠡᠬᠡ ᠶᠢ ᠰᠢᠯᠭᠠᠭᠰᠠᠨ ᠬᠠᠯᠠ ᠲᠠᠢ ᠤᠶᠢᠲᠤᠮᠡᠷ ᠠᠵᠢᠯ ᠴᠦ ᠭᠡᠵᠤ ᠬᠡᠯᠡᠵᠤ ᠪᠤᠯᠤᠮᠡᠷ ᠰᠠᠨᠠᠭᠲᠠᠨ᠎ᠠ᠃ ᠨᠡᠩ ᠴᠤ ᠪᠠᠶᠢᠷᠢ ᠶᠢᠨ ᠲᠦᠷᠢᠮᠲᠤ ᠰᠤᠷᠭᠠᠭᠤᠯᠢ ᠶᠢᠨ ᠲᠤᠭᠤᠭᠠᠨ ᠭᠡᠷ ᠤᠨ ᠠᠵᠢᠯ ᠢ ᠨᠢᠬᠡ ᠯᠡ ᠦᠭᠡ ᠪᠠᠷ ᠬᠡᠯᠡᠪᠡᠯ᠂ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠰᠤᠷᠤᠭᠴᠢ ᠪᠤᠵᠢᠬᠢᠨᠡᠯᠲᠤᠵᠤ ᠪᠠᠶᠢᠭᠰᠠᠨ ᠴᠠᠭ ᠲᠤ ᠡᠲᠤᠷ ᠪᠤᠯᠭᠠᠨ᠂ ᠦᠷ ᠤᠨ ᠬᠠᠷᠠᠩᠭᠤᠢ ᠠᠴᠠ ᠦᠲᠡᠰᠢ ᠶᠢᠨ ᠪᠦᠷᠤᠢ ᠲᠠᠰᠤᠷᠠᠲᠠᠯ᠎ᠠ ᠪᠡᠶ᠎ᠡ ᠰᠡᠳᠬᠢᠯ ᠠᠮᠤᠷ ᠪᠠᠶᠢᠬᠤ ᠶᠢᠨ ᠠᠷᠭ᠎ᠠ ᠥᠬᠡᠢ ︽ᠬᠦᠵᠤᠬᠦᠤ ᠰᠣᠩᠭᠠᠨ ᠬᠦᠯ ᠬᠤᠶᠢᠰᠢ ᠦᠭᠡᠢ︾ ᠲᠡᠮᠡᠥᠯᠳᠡᠭ᠂ ᠠᠶᠢᠯ ᠭᠡᠷ ᠢᠶᠠᠷ ᠥᠯᠢᠭᠡᠷᠯᠡᠪᠡᠯ ᠡᠵᠢ ᠬᠥᠮᠥᠨ ᠤ ᠭᠠᠯ ᠲᠣᠭᠤᠭᠠᠨ ᠤ ᠠᠵᠢᠯ ᠲᠠᠢ ᠲᠡᠩᠴᠡᠬᠦ ᠨᠥᠷᠢ ᠬᠥᠳᠡᠯᠮᠥᠷᠢ ᠭᠡᠭᠦ ᠳᠤ ᠠᠬᠠᠳᠠᠬᠤ ᠥᠬᠡᠢ ᠡ᠃      ᠮᠠᠨ ᠤ ᠬᠦᠪᠡᠭᠡᠲᠤ ᠰᠢᠷ᠎ᠠ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠲᠤᠰᠤᠲᠡᠨ ᠤ ᠲᠤᠮᠲᠠᠲᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠷᠤ ᠲᠠᠯ᠎ᠠ ᠶᠢᠨ ᠭᠠᠯ ᠲᠤᠭᠤᠭᠠᠨ ᠤ ᠠᠵᠢᠯ ᠤᠨ ᠪᠠᠶᠢᠷᠢᠨ ᠳᠤ ᠦᠬᠡ ᠲᠠᠭᠤ ᠦᠭᠡᠢ ᠵᠢᠳᠬᠦᠵᠤ ᠢᠷᠡᠭᠰᠡᠨ ᠨᠡᠷ᠎ᠡ ᠦᠭᠡᠢ ᠤᠯᠡᠨ ᠤᠶᠢᠯᠡᠰ ᠤᠨ ᠲᠠᠷᠬᠠᠳ ᠤᠨ ᠲᠤᠮᠲᠠ ᠠᠴᠠ ᠨᠢᠭᠡᠨ ᠠᠬᠠᠮᠠᠳ ᠪᠠᠭᠰᠢ ᠶᠢ ᠡᠷᠡᠬᠡᠢ ᠭᠠᠷᠭᠠᠨ ᠮᠠᠭᠲᠠᠵᠤ ᠬᠡᠯᠡᠬᠦ ᠬᠦᠮᠤᠰ ᠵᠦᠩᠲᠡᠭᠡᠨ ᠤᠯᠠᠨ ᠪᠠᠶᠢᠲᠠᠭ ᠪᠢᠯᠡ᠃ ᠲᠡᠬᠦᠨ ᠤ ᠨᠡᠷ᠎ᠡ ᠶᠢ ᠤᠨᠢᠰᠤᠲᠠᠢ ᠭᠡᠲᠡᠭ᠃ ︽ᠨᠡᠷ᠎ᠡ ᠠᠴᠠ ᠨᠢᠲᠡᠷ︾ ᠭᠡᠲᠡᠭᠴᠢᠯᠡᠨ ᠤᠲᠤ ᠪᠤᠲᠤᠵᠤ ᠦᠵᠡᠪᠡᠯ᠂ ᠠᠬᠠᠮᠠᠳ ᠪᠤᠭᠤᠷᠤᠯ ᠤᠳ ᠨᠢ ᠤ ᠪᠠᠭᠰᠢ ᠶᠢᠨ ᠮᠠᠨᠢ ᠨᠡᠷ᠎ᠡ ᠶᠢ ᠴᠤᠬᠤᠮ ᠤᠨᠤᠭᠠᠵᠤ ᠦᠭᠴᠠᠢ ᠳ᠋ᠡ᠃      ᠡ᠊ᠨᠲᠡ ᠪᠢ ᠰᠤᠷᠭᠠᠭᠤᠯᠢ ᠶᠢᠨ ᠢᠶᠠᠨ ᠲᠤᠭᠤᠯᠵᠤ ᠢᠷᠡᠭᠰᠡᠨ ᠵᠢᠷᠠᠨ ᠵᠢᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠲᠡᠤᠬᠡᠨ ᠤᠶᠢᠯᠠᠯᠭ᠎ᠠ ᠶᠢᠨ ᠨᠤᠮ ᠳᠤ ᠲᠡᠬᠦᠨ ᠤ ᠲᠤᠬᠠᠢ ᠨᠢᠭᠡᠨ ᠬᠤᠪᠢ ᠵᠤᠬᠢᠶᠠᠯ ᠪᠢᠴᠢᠵᠤ᠂ ᠲᠤᠷᠠᠳᠬᠤ ᠦᠭᠡᠢ᠂ ᠲᠡᠮᠲᠡᠭᠯᠡᠬᠦ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠦᠷᠤᠴᠡ ᠶᠢᠨ ᠦᠭᠡ ᠪᠠᠷ ᠢᠶᠠᠨ ᠰᠤᠷᠤᠭᠴᠢ ᠠᠬᠤᠢ ᠦᠶ᠎ᠡ ᠠᠴᠠ ᠪᠠᠨ ᠠᠪᠤᠭᠠᠳ ᠬᠤᠭᠤᠯᠡ ᠪᠤᠲᠠᠭ᠎ᠠ ᠶᠢ ᠨᠢ ᠢᠲᠡᠵᠤ ᠪᠠᠶᠢᠭᠰᠠᠨ ᠪᠠ ᠰᠡᠬᠦᠯᠴᠢ ᠶᠢᠨ ᠵᠢᠯ ᠢᠶᠠᠷ ᠬᠠᠮᠲᠤ ᠠᠵᠢᠯᠯᠠᠭᠴᠢ ᠪᠤᠯᠤᠭᠰᠠᠨ ᠤ ᠲᠠᠷᠠᠭᠠᠬᠢ ᠤᠴᠢᠷ ᠲᠤᠬᠠᠢ ᠪᠠᠷ ᠬᠠᠷᠠᠭᠠᠰᠤ ᠪᠤᠯᠭᠠᠨ᠂ ᠦᠵᠡᠭᠰᠡᠨ ᠬᠠᠷᠠᠭᠰᠠᠨ ᠦᠯᠢᠭᠡᠷ ᠤᠨ ᠪᠢᠰᠢ ᠤᠶᠢᠯᠡ ᠶᠠᠪᠤᠲᠠᠯ ᠢᠶᠠᠷ ᠦᠷᠤᠭᠡᠯ ᠤᠨ ᠨᠢᠲᠤᠨ ᠳᠤ ᠬᠢ ᠤ ᠪᠠᠭᠰᠢ ᠪᠠᠨ ᠵᠢᠷᠤᠭᠯᠠᠵᠤ᠂ ᠰᠡᠳᠬᠢᠯ ᠤᠨ ᠬᠦᠨᠲᠤᠳᠬᠡᠯ ᠢᠶᠠᠨ ᠲᠡᠪᠰᠢᠬᠦᠯᠬᠦ ᠶᠢ ᠰᠠᠨᠠᠵᠤ ᠪᠢᠯᠡ᠃      ᠤ ᠪᠠᠭᠰᠢ ᠮᠠᠨᠢ ᠤᠤᠯ ᠳᠤ ᠪᠠᠨ ᠪᠠᠷᠢᠭᠠᠲᠠ ᠶᠢᠨ ᠰᠤᠷᠭᠠᠭᠤᠯᠢ ᠳᠤ 11 ᠵᠢᠯ ᠪᠠᠭᠰᠢᠯᠠᠵᠣ ᠪᠠᠶᠢᠭᠰᠠᠨ ᠠᠴᠠ ᠪᠠᠨ 1981 ᠤᠨ ᠳᠤ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠶᠢᠨ ᠲᠤᠬᠢᠷᠠᠭᠤᠯᠤᠯᠲᠠ ᠪᠠᠷ ᠬᠦᠪᠡᠭᠡᠲᠤ ᠰᠢᠷ᠎ᠠ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠲᠤᠰᠤᠲᠡᠨ ᠤ ᠲᠤᠮᠲᠠᠲᠤ ᠰᠤᠷᠭᠠᠭᠤᠯᠢ ᠳᠤ ᠠᠵᠢᠯ ᠰᠢᠯᠵᠢᠵᠤ ᠢᠷᠡᠭᠡᠳ 2004 ᠤᠨ ᠳᠤ ᠠᠵᠢᠯ ᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠬᠤ ᠪᠤᠯᠲᠠᠯ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠠᠷᠤ ᠲᠠᠯ᠎ᠠ ᠶᠢᠨ ᠰᠠᠩ ᠬᠠᠮᠢᠶᠠᠷᠤᠭᠴᠢ᠂ ᠲᠤᠭᠤᠭᠠᠨ ᠭᠡᠷ ᠤᠨ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠠᠵᠢᠯ ᠤᠨ ᠪᠠᠶᠢᠷᠢ ᠠᠴᠠ ᠲᠦᠬᠡ ᠰᠠᠯᠵᠤ ᠦᠵᠡᠭᠡ ᠦᠭᠡᠢ᠂ ᠲᠦᠪ ᠴᠢᠩᠭ᠎ᠠ᠂ ᠬᠠᠷᠢᠭᠤᠴᠠᠯᠭᠠᠲᠤ ᠰᠤᠷᠲᠠᠯ ᠢᠶᠠᠷ ᠠᠵᠢᠯ ᠶᠠᠪᠤᠲᠠᠯ ᠳᠤ ᠪᠠᠨ ᠭᠠᠪᠰᠢᠭᠠᠶᠢᠯᠠᠵᠤ᠂ ᠪᠠᠶᠢᠷᠢ ᠶᠢᠨ ᠠᠮᠢᠲᠤᠷᠠᠯ ᠢ ᠲᠦᠰᠢᠵᠤ᠂ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠮᠦᠷ ᠢ ᠬᠦᠭᠡᠭᠡᠵᠤ ᠡᠷᠲᠡᠮ ᠨᠤᠮ ᠤᠨ ᠰᠢᠮ᠎ᠡ ᠶᠢ ᠬᠦᠷᠲᠡᠭᠰᠡᠨ ᠬᠡᠤᠬᠡᠳ ᠤᠳ ᠲᠤ ᠪᠤᠯ ᠨᠡᠷ᠎ᠡ ᠦᠭᠡᠢ ︽ᠡᠵᠢ︾᠎ ᠨᠢ ᠪᠤᠯᠵᠤ ᠶᠠᠪᠤᠭᠰᠠᠨ ᠪᠠᠭᠰᠢ ᠬᠦᠮᠤᠨ ᠤ ᠨᠢᠬᠡ ᠪᠠᠶᠢᠭ᠎ᠠ᠃ ᠬᠤᠶᠢᠨ᠎ᠡ ᠡᠮᠤᠨ᠎ᠡ ᠨᠠᠢᠮᠠᠨ ᠵᠠᠬᠢᠷᠤᠯ ᠤᠨ ᠬᠠᠯᠠᠭ᠎ᠠ ᠰᠤᠯᠢᠭ᠎ᠠ ᠶᠢ ᠦᠩᠭᠡᠷᠡᠬᠦᠯᠵᠤ ᠢᠷᠡᠬᠦ ᠳᠤ ᠪᠠᠨ ᠠᠯᠢᠨ ᠳᠤ ᠨᠢ ᠴᠤ ᠪᠤᠯᠤᠭ᠂ ᠵᠡᠬᠦᠨ ᠪᠠᠷᠠᠭᠤᠨ ᠭᠠᠷ ᠤᠨ ᠬᠢᠨᠢ ︽ᠰᠢᠲᠠᠷ ᠲᠤᠰᠠᠯᠠᠭᠴᠢ︾᠎ ᠪᠠᠷ ᠮᠡᠲᠡᠷᠡᠭᠲᠡᠵᠤ ᠶᠠᠪᠤᠭᠰᠠᠨ ᠲᠠᠷᠡ ᠮᠠᠨᠢ ᠨᠠᠶᠠᠭᠠᠳ ᠤᠨ ᠤ ᠰᠤᠷᠤᠭᠴᠢᠳ ᠤᠨ ᠤᠢ ᠲᠤᠶ ᠳᠤ ᠪᠤᠯ ︽ᠲᠤᠭᠤᠭᠠᠴᠢ ᠠᠪᠤ︾᠂ ᠶᠡᠷᠡᠭᠡᠳ ᠤᠨ ᠪᠠ ᠰᠢᠨ᠎ᠡ ᠮᠢᠩᠭᠠᠨ ᠤ ᠡᠬᠢᠨ ᠤ ᠵᠢᠯ ᠤᠨ ᠰᠤᠷᠤᠭᠴᠢᠳ ᠤᠨ ᠨᠢᠲᠤᠨ ᠳᠤ ᠪᠤᠯ ︽ᠲᠤᠭᠤᠭᠠᠴᠢ ᠡᠪᠦᠭᠡ︾᠎ ᠶᠢᠨ ᠲᠤᠷᠠᠰᠤᠮᠵᠢ ᠲᠠᠢ ᠶᠠᠪᠤᠵᠤ ᠢᠷᠡᠭᠰᠡᠨ ᠠᠬᠠᠮᠠᠳ ᠪᠤᠭᠤᠷᠤᠯ ᠪᠤᠯᠬᠤ ᠶᠤᠰᠤᠲᠠᠢ᠃ ᠶᠡᠷᠢᠶᠡᠨ ᠦᠭᠡᠢ ᠲᠡᠳᠡᠭᠡᠷ ᠰᠣᠷᠣᠭᠴᠢ ᠶᠢᠨ ᠲᠣᠮᠳᠠ ᠪᠢ ᠴᠤ ᠪᠠᠭᠲᠠᠵᠤ ᠪᠠᠶᠢᠭ᠎ᠠ ᠶᠤᠮ᠃      ᠲᠡᠶᠢᠮᠤ ᠪᠤᠯᠬᠤᠷ ᠬᠤᠷᠢᠨ ᠬᠡᠲᠤᠨ ᠵᠢᠯ ᠤᠨ ᠲᠤᠷᠰᠢ ᠪᠠᠭᠰᠢ ᠰᠤᠷᠤᠭᠴᠢᠳ ᠤᠨ ᠢᠶᠠᠨ ᠣᠶᠣᠨ ᠣᠬᠠᠭᠠᠨ ᠳᠤ ᠤᠨᠢᠰᠤᠲᠠᠢ ᠪᠠᠭᠰᠢ ᠪᠤᠯ ︽ᠴᠡᠪᠡᠷ ᠨᠢᠮᠪᠠᠢ᠂ ᠴᠢᠩᠭ᠎ᠠ ᠲᠦᠪᠯᠡᠬᠦᠨ᠂ ᠴᠢᠬᠡᠴᠢ ᠰᠢᠲᠤᠷᠭᠤ᠂ ᠠᠵᠢᠯᠴᠢ ᠠᠷᠪᠢᠴᠢ᠂ ᠲᠡᠰᠪᠤᠷᠢ ᠲᠠᠭᠠᠭᠠᠴᠠ︾᠎ ᠪᠠᠷ ᠦᠪᠡᠷ ᠢ ᠪᠠᠨ ᠱᠤᠭᠤᠭᠰᠠᠨ ᠦᠷᠭᠡᠨ ᠨᠦᠯᠤᠭᠡ᠂ ᠦᠯᠡᠮᠵᠢ ᠲᠤᠰᠬᠠᠯ ᠲᠠᠢ ᠨᠢᠭᠡᠨ ᠠᠬᠠᠮᠠᠳ ᠤᠨ ᠲᠦᠷᠢ ᠪᠠᠷ ᠲᠠᠨᠢᠭᠳᠠᠭᠰᠠᠨ᠂ ᠵᠥᠪᠭᠡᠨ ᠤᠲᠤ ᠯᠠ ᠪᠢᠰᠢ ᠬᠠᠷᠢᠨ ᠡᠬᠦᠷᠢᠲᠡ ᠶᠢᠨ ᠲᠦᠷᠢ ᠪᠤᠯᠬᠤ ᠤᠴᠢᠷᠲᠠᠢ᠃      ᠦᠯᠢᠭᠡᠷ ᠨᠢᠬᠡ      1982 ᠤᠨ ᠤ ᠨᠠᠮᠤᠷ᠂ ᠬᠦᠪᠡᠭᠡᠲᠤ ᠰᠢᠷ᠎ᠠ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠲᠤᠰᠤᠲᠡᠨ ᠤ ᠲᠤᠮᠲᠠᠲᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠬ᠎ᠠ ᠵᠡᠷᠭᠡ ᠶᠢᠨ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠨᠢᠭᠡᠲᠤᠭᠡᠷ ᠤᠨ ᠳᠤ ᠲᠠᠪᠰᠢᠨ ᠤᠷᠤᠭᠰᠠᠨ ᠪᠢ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠢᠶᠠᠨ ᠲᠠᠭᠠᠭᠤᠯᠭ᠎ᠠ ᠪᠠᠷ᠂ ᠶᠠᠭᠤᠨ ᠤ ᠲᠡᠷᠢᠬᠦᠨ ᠳᠤ ᠪᠠᠶᠢᠷᠢ ᠶᠢᠨ ᠭᠡᠷ᠂ ᠬᠢᠴᠢᠶᠠᠯ ᠤᠨ ᠭᠡᠷ ᠢᠶᠠᠨ ᠲᠠᠨᠢᠵᠤ ᠠᠪᠤᠭᠰᠠᠨ ᠤ ᠲᠠᠷᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠭᠤᠯᠠᠨ ᠪᠢᠯᠧᠲ ᠠᠪᠴᠤ᠂ ᠬᠤᠭᠤᠯᠠ ᠪᠤᠲᠠᠭᠠᠨ ᠤ ᠭᠡᠷᠡᠴᠢ ᠲᠡᠮᠲᠡᠭ ᠤᠨ ᠪᠠᠲᠤᠯᠠᠭ᠎ᠠ ᠰᠤᠯᠢᠵᠤ ᠠᠪᠤᠭᠰᠠᠨ ᠢᠶᠠᠨ ᠤᠲᠤ ᠴᠤ ᠭᠡᠳ ᠪᠦᠤᠷ ᠲᠦᠤᠷ ᠴᠡᠭᠡᠵᠢᠯᠡᠵᠥ ᠪᠠᠶᠢᠨ᠎ᠠ᠃ ᠲᠡᠷᠡ ᠦᠶ᠎ᠡ ᠳᠤ ᠪᠢ ᠬᠤᠰᠢᠭᠤᠨ ᠲᠦᠪ ᠲᠤ ᠠᠩᠬ᠎ᠠ ᠢᠷᠡᠵᠤ ᠪᠠᠶᠢᠬᠤ ᠶᠢᠨ ᠲᠡᠭᠡᠷ᠎ᠡ ᠲᠠᠨᠢᠵᠤ ᠮᠡᠲᠡᠬᠦ ᠬᠠᠮᠲᠤ ᠰᠤᠷᠤᠭᠴᠢ ᠲᠤᠭ᠎ᠠ ᠲᠠᠢ ᠨᠢᠭᠡ ᠬᠤᠶᠠᠷ ᠪᠠᠶᠢᠵᠤ᠂ ᠶᠤᠰᠤᠲᠠᠢ ᠰᠤᠷᠭᠠᠭᠤᠯᠢ ᠶᠢᠨ ᠮᠠᠨᠢ ᠶᠠᠭᠤ ᠪᠦᠬᠦᠨ ᠰᠢᠨ᠎ᠡ ᠰᠡᠪᠡᠬᠦᠨ ᠰᠤᠨᠢᠷᠬᠠᠯ ᠲᠠᠢ ᠰᠠᠨᠠᠭᠲᠠᠵᠤ ᠪᠠᠶᠢᠯ᠎ᠠ᠃ ᠬᠠᠷᠢᠨ ᠰᠠᠨᠠᠭᠠᠨ ᠠᠴᠠ ᠭᠠᠷᠲᠠᠭ ᠦᠭᠡᠢ ᠨᠢᠭᠡ ᠤᠴᠢᠷ ᠭᠡᠪᠡᠯ᠂ ᠠᠷᠪᠠᠨ ᠮᠦᠩᠬᠦ᠂ ᠬᠤᠷᠢᠨ ᠮᠦᠩᠬᠦ᠂ ᠲᠡᠪᠢᠨ ᠮᠦᠩᠬᠦ᠂ ᠨᠢᠭᠡ ᠲᠦᠬᠦᠷᠢᠭ ᠤᠨ ᠬᠤᠭᠤᠯᠠᠨ ᠪᠢᠯᠧᠲ ᠲᠡᠭᠡᠷᠡᠬᠢ ︽ᠤᠨᠢᠰᠤᠲᠠᠢ︾ ᠭᠡᠰᠡᠨ ᠲᠠᠮᠠᠭ᠎ᠠ ᠶᠢᠨ ᠲᠠᠷᠤᠳᠠᠰᠤ ᠦᠰᠦᠭ ᠨᠢ ᠬᠡᠤᠬᠡᠳ ᠨᠠᠰᠤᠨ ᠤ ᠨᠡᠳᠡ ᠶᠡᠬᠡᠲᠡ ᠭᠠᠶᠢᠬᠠᠯᠲᠠᠢ ᠰᠠᠨᠠᠭᠲᠠᠭᠰᠠᠨ ᠢᠶᠠᠷ ᠡᠨᠡ ᠭᠦ ᠪᠢᠯᠧᠲ ᠨᠢ ᠵᠤᠭᠤᠰ ᠮᠦᠩᠬᠦ ᠠᠴᠠ ᠢᠯᠡᠬᠦᠤ ︽ᠤᠨᠢᠰᠤ ᠴᠤᠤᠵᠢ ᠲᠠᠢ ᠴᠢᠩᠭ᠎ᠠ ᠬᠠᠮᠢᠶᠠᠷᠤᠯᠲᠠ ᠲᠠᠢ ᠶᠠᠭᠤᠮ᠎ᠠ ᠪᠠᠶᠢᠨ᠎ᠠ︾ ᠬᠡᠮᠡᠨ ᠤᠶᠢᠯᠠᠭᠠᠬᠤ ᠳᠤ ᠪᠠᠨ ᠮᠠᠰᠢ ᠨᠠᠨᠲᠢᠩᠨᠡᠨ ᠦᠵᠡᠵᠤ ᠬᠠᠶᠠᠵᠤ ᠭᠡᠭᠡᠬᠦ ᠪᠠᠶᠢᠲᠤᠭᠠᠢ ᠨᠣᠬᠤᠴᠢᠵᠣ ᠣᠷᠠᠬᠤ ᠠᠴᠠ ᠬᠦᠷᠲᠡᠯ᠎ᠡ ᠬᠢᠴᠢᠶᠡᠳᠡᠭ ᠪᠠᠶᠢᠯ᠎ᠠ᠃ ᠲᠡᠷᠡ ᠨᠢ ᠶᠠᠭ ᠤᠨᠢᠰᠤᠲᠠᠢ ᠪᠠᠭᠰᠢ ᠤᠩᠭᠤᠨ ᠠᠭᠤᠯᠠ ᠨᠢᠭᠡᠲᠤᠯ ᠤᠨ ᠪᠤᠩᠬᠤᠨ ᠭᠤᠤᠯ ᠪᠠᠷᠢᠭᠠᠲᠠ ︵ᠲᠡᠷᠡ ᠦᠶ᠎ᠡ ᠳᠤ ᠰᠤᠮᠤ ᠭᠠᠴᠠᠭ᠎ᠠ ᠶᠢᠨ ᠢᠩᠬᠢᠵᠤ ᠲᠠᠭᠤᠲᠠᠵᠤ ᠪᠠᠶᠢᠭᠰᠠᠨ︶᠎ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠶᠢᠨ ᠠᠵᠢᠯ ᠠᠴᠠ ᠪᠠᠨ ᠮᠠᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠲᠤᠭᠤᠭᠠᠨ ᠭᠡᠷ ᠤᠨ ᠰᠠᠩ ᠬᠠᠮᠢᠶᠠᠷᠤᠭᠴᠢ᠂ ᠠᠷᠤ ᠲᠡᠯ᠎ᠡ ᠶᠢᠨ ᠠᠵᠢᠯ ᠤᠨ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠠᠵᠢᠯ ᠤᠨ ᠪᠠᠶᠢᠷᠢᠨ ᠳᠤ ᠰᠢᠯᠵᠢᠵᠤ ᠢᠷᠡᠭᠡᠳ ᠲᠢᠭ ᠲᠠᠭ ᠲᠦᠷᠢᠮᠵᠢᠭᠰᠡᠨ ᠨᠢᠮᠪᠡᠢ ᠬᠠᠮᠢᠶᠠᠷᠤᠯᠲᠠ ᠲᠠᠢ ᠪᠠᠷ ᠠᠵᠢᠯ ᠢᠶᠠᠨ ᠡᠬᠢᠯᠡᠬᠦᠯᠵᠤ ᠪᠠᠶᠢᠭᠰᠠᠨ ᠢ ᠬᠡᠵᠢᠶ᠎ᠡ ᠰᠡᠬᠦᠯ ᠳᠤ ᠮᠡᠲᠡᠵᠤ ᠪᠢᠯᠡ᠃ ᠲᠡᠭᠡᠭᠡᠳ ᠯᠡ ᠪᠢ ᠡᠨᠡ ᠭᠦ ᠬᠤᠭᠤᠯᠠᠨ ᠪᠢᠯᠧᠲ ᠲᠡᠭᠡᠷᠡᠬᠢ ︽ᠤᠨᠢᠰᠤᠲᠠᠢ︾ ᠭᠡᠰᠡᠨ ᠨᠡᠷ᠎ᠡ ᠪᠠᠷ ᠨᠢ ᠠᠯᠭᠤᠷ ᠠᠭᠠᠵᠢᠮ ᠳᠤ ᠪᠠᠨ ᠤ ᠪᠠᠭᠰᠢ ᠪᠠᠨ ᠮᠡᠲᠡᠵᠤ ᠠᠪᠤᠭᠰᠠᠨ ᠤᠬᠠᠭᠠᠨ ᠲᠠᠢ ᠶᠤᠮ᠃ ᠠᠷᠪᠠᠨ ᠬᠡᠲᠤᠨ ᠵᠢᠯ ᠤᠨ ᠲᠠᠷᠠᠭ᠎ᠠ᠂ 1998 ᠤᠨ ᠳᠤ ᠪᠢ ᠠᠵᠢᠯ ᠰᠢᠯᠵᠢᠵᠤ ᠡᠬᠡ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠪᠠᠭᠰᠢᠯᠠᠬᠤ ᠪᠠᠷ ᠢᠷᠡᠬᠦ ᠳᠤ ᠤᠨᠢᠰᠤᠲᠠᠢ ᠪᠠᠭᠰᠢ ᠮᠠᠨᠢ ᠮᠦᠨ ᠯᠡ ᠤᠤᠯ ᠠᠵᠢᠯ ᠤᠨ ᠪᠠᠶᠢᠷᠢᠨ ᠳᠤ ᠪᠠᠨ ᠵᠢᠷᠠ ᠶᠢᠨ ᠲᠠᠪᠠᠭ᠎ᠠ ᠶᠢ ᠲᠦᠬᠦᠴᠢᠬᠡᠭᠰᠡᠨ ᠠᠬᠠᠮᠠᠳ ᠲᠤᠮᠤᠭᠠᠲᠠᠢ ᠪᠠᠭᠰᠢ ᠨᠡᠷ ᠤᠨ ᠡᠩᠨᠡᠭᠡᠨ ᠳᠤ ᠤᠷᠤᠭᠰᠠᠨ ᠪᠤᠯᠪᠠᠴᠤ ᠵᠠᠯᠠᠭᠤ᠂ ᠢᠲᠡᠷ ᠲᠤᠭᠤᠭᠠᠴᠢ ᠨᠡᠷ ᠲᠠᠢ ᠪᠠᠨ ᠮᠦᠷᠤ ᠵᠡᠷᠭᠡᠴᠡᠨ ᠦᠷ ᠤᠨ ᠭᠡᠭᠡ ᠲᠠᠢ ᠤᠷᠤᠯᠲᠤᠨ᠂ ᠠᠷᠭᠠᠯ ᠨᠡᠬᠦᠷᠡᠰᠤ ᠬᠡᠲᠡᠯ᠎ᠡ ᠭᠤᠯᠢᠷ ᠪᠤᠲᠠᠭ᠎ᠠ᠂ ᠮᠢᠬ᠎ᠠ ᠲᠤᠰᠤ᠂ ᠨᠤᠭᠤᠭ᠎ᠠ ᠴᠠᠭ᠎ᠠ ᠭᠡᠳ ᠡᠲᠤᠷ ᠤᠨ ᠮᠠᠷᠭᠠᠰᠢ ᠬᠢᠵᠤ ᠪᠠᠷᠠᠲᠠᠭ ᠦᠭᠡᠢ ᠦᠨᠤᠬᠢ ᠠᠵᠢᠯ ᠲᠠᠢ ᠪᠠᠨ ᠵᠢᠭᠤᠷᠠᠯᠲᠤᠨ ᠨᠤᠴᠤᠯᠲᠤᠵᠤ᠂ ᠵᠠᠷᠢᠮ ᠳᠤ ᠪᠠᠨ ᠬᠦᠭᠡᠷᠤᠬᠦᠢ᠂ ᠬᠦᠯᠤᠰᠤ ᠪᠠᠨ ᠭᠤᠭᠤᠵᠢᠭᠤᠯᠣᠨ ᠵᠥᠳᠡᠷᠡᠯᠳᠡᠢ ᠠᠵᠢᠯᠯᠠᠬᠤ ᠶᠢ ᠨᠢ ᠥᠵᠡᠵᠥ ᠬᠠᠷᠠᠭᠰᠠᠨ ᠪᠢᠲᠡ ᠨᠡᠷ᠄ ︽ᠤ ᠪᠠᠭᠰᠢ ᠡ︕ ᠶᠠᠲᠠᠷᠠᠵᠤ ᠪᠠᠶᠢᠬᠤ ᠦᠭᠡᠢ ᠤᠤ︖ ᠵᠢᠭᠠᠬᠠᠨ ᠠᠮᠤᠰᠬᠢᠭᠠᠳ ᠠᠪᠬᠤ ᠦᠭᠡᠢ ᠤᠤ︖︾ ᠭᠡᠵᠤ ᠬᠦᠨᠲᠤᠳᠬᠡᠯ ᠲᠡᠪᠰᠢᠬᠦᠯᠤᠨ ᠬᠠᠯᠠᠮᠵᠢᠯᠠᠨ ᠠᠰᠠᠭᠤᠬᠤ ᠳᠤ᠄ ︽ᠬᠢᠭᠡᠳ ᠲᠠᠳᠴᠢᠬᠠᠭᠰᠠᠨ ᠠᠵᠢᠯ ᠶᠤᠮ ᠴᠢᠨᠢ᠂ ᠶᠠᠳᠠᠷᠠᠮᠠᠷ ᠶᠠᠭᠤᠮ᠎ᠠ ᠥᠬᠡᠢ᠂ ᠶᠠᠭᠤ ᠯᠡ ᠪᠠᠶᠢᠬᠤᠪ︕︾ ᠭᠡᠳ ᠨᠠᠭᠠᠲᠤᠮ ᠦᠨᠡᠨ ᠤ ᠬᠤᠭᠤᠷᠤᠨᠲᠤ ᠬᠡᠯᠡᠵᠥ᠂ ᠬᠢᠲᠡᠭ ᠢᠶᠠᠨ ᠬᠢᠵᠤ ᠯᠠ ᠶᠠᠪᠣᠳᠠᠭ ᠨᠢ ᠦᠨᠡᠨ ᠪᠢᠰᠢᠷᠡᠬᠦᠰᠢᠳᠡᠢ᠂ ᠬᠦᠨᠲᠤᠳᠬᠡᠬᠦᠰᠢᠲᠠᠢ ᠰᠠᠨᠠᠭᠳᠠᠳᠠᠭ᠃      ᠦᠯᠢᠭᠡᠷ ᠬᠤᠶᠠᠷ      ᠲᠡᠭᠡᠷ᠎ᠡ ᠵᠠᠭᠤᠨ ᠤ ᠨᠠᠶᠠ᠂ ᠶᠡᠷᠡᠭᠡᠳ ᠣᠨ ᠤ ᠥᠶ᠎ᠡ ᠳᠤ ᠪᠠᠶᠢᠷᠢ ᠶᠢᠨ ᠬᠡᠥᠭᠡᠳ ᠤᠨ ᠬᠤᠭᠤᠯᠠ ᠬᠥᠨᠡᠰᠥᠨ ᠤ ᠠᠰᠠᠭᠤᠳᠠᠯ ᠪᠣᠯ ᠰᠣᠷᠭᠠᠭᠤᠯᠢ ᠶᠢᠨ ᠨᠢᠬᠡ ᠲᠣᠮᠣ ᠣᠴᠢᠷ ᠪᠠᠶᠢᠭᠰᠠᠨ ᠭᠡᠭᠦ ᠳᠤ ᠠᠬᠠᠳᠠᠬᠤ ᠥᠬᠡᠢ᠃ ᠣᠴᠢᠷ ᠨᠢ ᠰᠣᠷᠭᠠᠭᠤᠯᠢ ᠶᠢᠨ ᠵᠠᠷᠣᠳᠠᠯ ᠵᠤᠭ᠎ᠠ ᠶᠡᠭᠡᠳᠡᠢ ᠲᠡᠭᠡᠷ᠎ᠡ ᠣᠯᠣᠰ ᠠᠴᠠ ᠥᠭᠭᠦ ᠨᠥᠭᠦᠪᠥᠷᠢ ᠮᠥᠩᠬᠦ ᠡᠨᠡ ᠲᠡᠷᠡ ᠲᠣᠩ ᠬᠤᠮᠰᠠᠬᠠᠨ ᠲᠣᠯᠠ ᠬᠡᠥᠭᠡᠳ ᠤᠳ ᠤᠨ ᠭᠡᠷ ᠤᠨ ᠠᠬᠠᠮᠠᠳ ᠲᠤ ᠲᠥᠰᠢᠭᠯᠡᠵᠥ ᠡᠪᠥᠯ ᠤᠨ ᠢᠳᠡᠰᠢ ᠣᠣᠭᠤᠰᠢ ᠪᠠᠨ ᠠᠷᠭᠠᠴᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠵᠢᠯ ᠪᠣᠯᠭᠠᠨ ᠤ ᠨᠠᠮᠣᠷ ᠤᠨ ᠰᠡᠬᠦᠯᠴᠢ᠂ ᠡᠪᠥᠯ ᠤᠨ ᠡᠬᠢ ᠪᠠᠷ ᠪᠠᠶᠢᠷᠢ ᠶᠢᠨ ᠬᠡᠥᠭᠡᠳ ᠪᠥᠷᠢ ᠶᠢᠨ ᠬᠡᠷ ᠤᠨ ᠠᠬᠠᠮᠠᠳ ᠨᠢᠬᠡ ᠠᠮᠢᠳᠣ ᠬᠤᠨᠢ ᠪᠠᠨ ᠰᠣᠷᠭᠠᠭᠤᠯᠢ ᠶᠢᠨ ᠠᠷᠣ ᠲᠠᠯ᠎ᠠ ᠳᠤ ᠲᠣᠰᠢᠶᠠᠵᠣ᠂ ᠲᠣᠭᠤᠭᠠᠨ ᠭᠡᠷ ᠤᠨ ᠮᠢᠬ᠎ᠠ ᠱᠥᠯᠥᠨ ᠤ ᠢᠷᠡᠯᠳᠡ ᠶᠢ ᠪᠠᠳᠣᠯᠠᠨ ᠬᠡᠥᠭᠡᠳ ᠤᠨ ᠡᠪᠥᠯ ᠤᠨ ᠬᠥᠨᠡᠰᠥᠨ ᠤ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠥᠷᠢᠯᠡᠵᠥ᠂ ᠲᠣᠷᠠᠳᠠᠶ᠎ᠠ ᠲᠣᠰᠠᠯᠠᠮᠵᠢ ᠬᠠᠩᠭᠠᠳᠠᠭ᠃ ᠬᠡᠬᠦ ᠳᠤ ᠵᠢᠯ ᠪᠣᠯᠭᠠᠨ ᠤ ᠶᠠᠭ ᠯᠠ ᠲᠡᠷᠡ ᠥᠶ᠎ᠡ ᠪᠣᠯ ᠣᠨᠢᠰᠣᠳᠠᠢ ᠪᠠᠭᠰᠢ ᠶᠢ ᠪᠠᠭᠳᠠᠭᠠᠭᠰᠠᠨ ᠲᠣᠬᠠᠢ ᠶᠢᠨ ᠥᠶ᠎ᠡ ᠶᠢᠨ ᠲᠣᠭᠤᠭᠠᠨ ᠭᠡᠷ ᠤᠨ ᠠᠵᠢᠯᠳᠠᠳ ᠤᠨ ᠬᠠᠮᠤᠭ ᠤᠨ ᠶᠠᠭᠠᠷᠠᠯᠳᠠᠢ ᠥᠶ᠎ᠡ ᠪᠠᠶᠢᠵᠣ ᠰᠣᠷᠭᠠᠭᠤᠯᠢ ᠶᠢᠨ ᠬᠡᠥᠭᠡᠳ ᠤᠨ ᠡᠪᠥᠯ ᠤᠨ ᠢᠳᠠᠰᠢ ᠶᠢ ᠲᠥᠪᠬᠢᠨᠡᠬᠦᠯᠬᠦ ᠠᠵᠢᠯ ᠳᠤ ᠮᠣᠩᠭᠠᠨᠢᠳᠠᠭ᠃ ᠵᠠᠷᠢᠮ ᠵᠢᠯ ᠳᠤ ᠪᠠᠨ ᠪᠠᠶᠢᠷᠢ ᠶᠢᠨ ᠬᠡᠥᠭᠡᠳ ᠤᠨ ᠲᠤᠭ᠎ᠠ ᠣᠯᠠᠨ ᠪᠣᠯ ᠭᠤᠷᠪᠠ ᠲᠥᠷᠪᠡᠨ ᠵᠠᠭᠤᠨ ᠬᠤᠨᠢ ᠶᠢ ᠡᠳᠥᠷ ᠪᠣᠯᠭᠠᠨ ᠰᠣᠷᠣᠭᠴᠢᠳ ᠤᠨ ᠢᠶᠠᠨ ᠬᠤᠭᠤᠯᠠ ᠴᠠᠢ ᠶᠢᠨ ᠠᠵᠢᠯ ᠢ ᠵᠠᠪᠳᠣᠭᠤᠯᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠪᠠᠷ ᠲᠣᠭᠤᠭᠠᠴᠢ ᠠᠵᠢᠯᠳᠠᠨ ᠢᠶᠠᠨ ᠲᠠᠭᠠᠭᠤᠯᠵᠣ ᠬᠤᠨᠢ ᠨᠢᠳᠣᠯᠵᠣ ᠪᠠᠵᠠᠭᠠᠬᠤ᠂ ᠭᠡᠳᠡᠰᠥ ᠬᠥᠵᠡᠭᠡ ᠶᠢ ᠨᠢ ᠣᠬᠢᠶᠠᠵᠣ ᠠᠷᠢᠯᠭᠠᠬᠤ᠂ ᠥᠶ᠎ᠡ ᠮᠥᠴᠢ ᠪᠠᠷ ᠨᠢ ᠲᠣᠶᠠᠴᠢᠵᠣ ᠰᠠᠯᠭᠠᠬᠤ᠂ ᠱᠣᠯᠣᠵᠣ ᠪᠣᠷᠴᠠᠯᠠᠬᠤ ᠬᠡᠳ ᠰᠠᠷ᠎ᠠ ᠬᠤᠷᠢᠨ ᠬᠤᠨᠤᠭ ᠢᠶᠠᠷ ᠡᠳᠥᠷ ᠤᠨ ᠠᠷᠪᠠ ᠭᠠᠷᠣᠢ ᠬᠤᠨᠢ ᠶᠢ ᠲᠥᠬᠦᠭᠡᠷᠣᠨ ᠰᠣᠨᠳᠠᠯ᠎ᠠ ᠪᠠᠨ ᠣᠷᠣᠯᠳᠣᠳᠠᠭ ᠪᠠᠶᠢᠵᠠᠢ᠃ ᠲᠡᠳᠡᠭᠡᠷ ᠠᠵᠢᠯ ᠢ ᠨᠢ ᠣᠳᠣ ᠪᠠᠷ ᠪᠣᠳᠣᠪᠠᠯ ᠨᠢᠬᠡ ᠬᠥᠯᠳᠡᠬᠡᠬᠦ ᠬᠥᠮᠥᠷᠭᠡᠨ ᠤ ᠠᠵᠢᠯ ᠠᠴᠠ ᠲᠣᠣᠷᠠᠳᠠᠬᠤ ᠥᠬᠡᠢ ᠯᠠ ᠪᠠᠶᠢᠵᠠᠢ ᠳ᠋ᠠ᠃ ᠲᠡᠭᠡᠭᠦ ᠪᠠᠷ ᠪᠠᠷᠠᠬᠤ ᠥᠬᠡᠢ ᠡᠯᠬᠦᠵᠣ ᠬᠠᠳᠠᠭᠠᠬᠤ᠂ ᠬᠠᠳᠠᠭᠠᠯᠠᠵᠣ ᠬᠥᠮᠥᠷᠭᠡᠯᠡᠬᠦ᠂ ᠲᠠᠷᠠᠭ᠎ᠠ ᠵᠢᠯ ᠤᠨ ᠬᠠᠪᠣᠷ ᠵᠣᠨ ᠢ ᠵᠠᠯᠭᠠᠳᠠᠯ᠎ᠠ ᠰᠣᠷᠣᠭᠴᠢᠳ ᠤᠨ ᠬᠤᠭᠤᠯᠠᠨ ᠤ ᠮᠢᠬ᠎ᠠ ᠲᠣᠰᠣ ᠶᠢ ᠲᠡᠩᠴᠡᠬᠦᠯᠵᠣ ᠲᠣᠬᠢᠷᠠᠭᠤᠯᠣᠨ ᠵᠣᠬᠢᠴᠠᠭᠤᠯᠬᠤ ᠭᠡᠳ ᠠᠷᠣ ᠠᠷᠣ ᠠᠴᠠ ᠪᠠᠨ ᠬᠥᠪᠥᠷᠡᠭᠰᠡᠨ ᠣᠯᠠᠨ ᠠᠵᠢᠯ ᠢ ᠣᠨᠢᠰᠣᠳᠠᠢ ᠪᠠᠭᠰᠢ ᠮᠢᠨᠢ ᠲᠣᠷᠠᠩᠬᠠᠢ ᠥᠨᠳᠥᠷ ᠪᠡᠶ᠎ᠡ᠂ ᠬᠤᠶᠠᠷ ᠮᠥᠷᠥᠨ ᠲᠡᠭᠡᠷ᠎ᠡ ᠪᠠᠨ ᠲᠣᠯᠵᠣ᠂ ᠰᠢᠳᠣ ᠵᠠᠭᠤᠨ ᠲᠠᠪᠠᠵᠣ ᠲᠣᠭᠤᠯᠵᠣ ᠶᠠᠪᠣᠭᠰᠠᠨ ᠪᠠᠶᠢᠵᠠᠢ᠃      ᠪᠠᠭᠰᠢ ᠨᠠᠷ ᠲᠤ ᠢᠳᠡᠰᠢᠨ ᠤ ᠮᠢᠬ᠎ᠠ ᠬᠤᠪᠢᠶᠠᠬᠤ᠂ ᠣᠨᠴᠠᠭᠠᠶᠢᠯᠠᠨ 1998 ᠣᠨ ᠳᠤ ᠰᠣᠷᠭᠠᠭᠤᠯᠢ ᠶᠢᠨ ᠰᠢᠨ᠎ᠡ ᠠᠰᠠᠷ ᠤᠨ ᠨᠠᠶᠢᠷ ᠤᠨ ᠬᠤᠪᠢ ᠲᠠᠯᠪᠢᠭᠰᠠᠨ ᠮᠢᠬ᠎ᠠ ᠶᠢ 100 ᠭᠠᠷᠣᠢ ᠪᠠᠭᠰᠢ ᠠᠵᠢᠯᠳᠠᠨ ᠳᠤ ᠯᠠᠩ ᠴᠢᠨ ᠵᠥᠷᠢᠬᠦᠯᠥᠯ ᠥᠬᠡᠢ ᠮᠥᠷᠳᠡᠭᠡᠨ ᠮᠢᠬ᠎ᠠ ᠥᠬᠡᠬᠦ ᠶᠢ ᠨᠢ ᠲᠡᠩᠴᠡᠬᠦᠯᠵᠣ ᠲᠥᠬᠡᠬᠡᠭᠰᠡᠨ ᠨᠢ ᠲᠣᠬᠠᠢ ᠶᠢᠨ ᠥᠶ᠎ᠡ ᠶᠢᠨ ᠪᠠᠭᠰᠢ ᠨᠠᠷ ᠤᠨ ᠰᠣᠷᠭᠠᠭᠤᠯᠢ ᠶᠢᠨ ᠬᠥᠷᠢᠶᠡᠨ ᠳᠤ ᠪᠠᠶᠢᠨ ᠪᠠᠶᠢᠨ ᠶᠠᠷᠢᠭᠳᠠᠳᠠᠭ ᠴᠠᠢ ᠶᠢᠨ ᠬᠠᠯᠠᠭᠤᠨ ᠵᠣᠭᠤᠭ ᠤᠨ ᠰᠡᠳᠥᠪ ᠶᠤᠮ᠃ ᠲᠡᠷᠡ ᠨᠢ ᠣᠨᠢᠰᠣᠳᠠᠢ ᠪᠠᠭᠰᠢ ᠶᠢᠨ ᠮᠢᠨᠢ ᠣᠳᠠᠭᠠᠨ ᠵᠢᠯ ᠢᠶᠠᠷ ᠬᠤᠨᠢᠨ ᠮᠢᠬ᠎ᠠ ᠶᠢ ᠲᠣᠶᠠᠴᠢᠵᠣ ᠰᠠᠯᠭᠠᠬᠤ᠂ ᠬᠡᠰᠡᠭᠯᠡᠵᠥ ᠪᠣᠷᠴᠠᠯᠠᠬᠤ ᠠᠵᠢᠯ ᠳᠤ ᠪᠠᠨ ᠴᠠᠭᠠᠷᠠᠵᠣ ᠭᠠᠷᠰᠢᠨ᠂ ᠬᠢᠷᠢ ᠪᠠᠷᠤᠭ ᠤᠨ ᠠᠯᠠᠰᠢᠨ ᠤ ᠭᠠᠵᠠᠷ ᠤᠨ ᠬᠥᠯᠥᠰᠥᠨ ᠤ ᠬᠥᠮᠥᠨ ᠤ ᠬᠢ ᠠᠴᠠ ᠲᠠᠪᠠᠮ᠎ᠠ ᠠᠵᠢᠯ ᠡᠭᠦᠷᠭᠡ ᠶᠢ ᠠᠷᠪᠠᠨ ᠬᠡᠳᠥᠨ ᠵᠢᠯ ᠥᠬᠡ ᠲᠠᠭᠤ ᠥᠬᠡᠢ ᠡᠬᠦᠷᠭᠡᠯᠡᠵᠥ ᠢᠷᠡᠭᠰᠡᠨ ᠠᠴᠠ ᠰᠣᠷᠣᠭᠰᠠᠨ ᠲᠠᠳᠮᠠᠭᠠᠢ ᠡᠷᠳᠡᠮ ᠬᠡᠬᠦ ᠥᠬᠡᠢ ᠥᠬᠡᠷ᠎ᠡ ᠶᠠᠭᠤ ᠬᠡᠬᠦ ᠪᠢᠯᠡ︖ ᠬᠠᠷᠢᠭᠤᠴᠠᠯᠭ᠎ᠠ ᠬᠡᠭᠴᠢ ᠢᠢᠮᠤ ᠯᠡ ᠰᠠᠶᠢᠬᠠᠨ᠂ ᠡᠶᠢᠮᠥ ᠯᠡ ᠢᠳᠡ ᠬᠥᠴᠥᠨ ᠲᠠᠢ ᠪᠠᠶᠢᠲᠠᠭ ᠪᠠᠶᠢᠨ᠎ᠠ ᠳ᠋ᠠ︕      ᠤ ᠪᠠᠭᠰᠢ ᠮᠢᠨᠢ ᠰᠣᠷᠭᠠᠭᠤᠯᠢ ᠨᠡᠶᠢᠳᠡ ᠶᠢᠨ ᠶᠠᠭᠤᠮᠠᠨ ᠳᠤ ᠬᠠᠶᠢᠷ᠎ᠠ ᠭᠠᠮ ᠲᠠᠢ ᠪᠣᠯᠪᠠᠴᠣ ᠥᠪᠡᠷ ᠤᠨ ᠪᠡᠶ᠎ᠡ ᠳᠤ ᠪᠠᠨ ᠪᠣᠯ ᠲᠡᠭᠡᠵᠥ ᠯᠠ ᠬᠠᠶᠢᠷ᠎ᠠ ᠭᠠᠮ ᠥᠬᠡᠢ ᠵᠢᠳᠬᠦᠵᠣ ᠢᠷᠡᠭᠰᠡᠨ ᠠᠬᠠᠮᠠᠳ ᠪᠢᠯᠡ᠃      ᠦᠯᠢᠭᠡᠷ ᠭᠤᠷᠪᠠ      ᠲᠡᠭᠡᠷ᠎ᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠤ ᠰᠡᠬᠦᠯᠴᠢ ᠪᠠᠷ ᠰᠤᠷᠭᠠᠭᠤᠯᠢ ᠶᠢᠨ ᠮᠠᠨᠢ ᠲᠤᠭᠤᠭᠠᠨ ᠭᠡᠷ ᠲᠤ ᠴᠠᠬᠢᠯᠭᠠᠨ ᠲᠠᠢ ᠪᠤᠯᠤᠭᠰᠠᠨ ᠢᠶᠠᠷ ᠮᠠᠨᠳᠠᠤ ᠬᠢᠲᠡᠭ ᠮᠠᠰᠢᠨ ᠠᠴᠠ ᠠᠪᠤᠭᠠᠳ ᠮᠢᠬ᠎ᠠ ᠭᠡᠷᠴᠢᠲᠡᠭ ᠮᠠᠰᠢᠨ ᠭᠡᠳ ᠵᠤᠤᠬᠠᠨ ᠳᠤ ᠪᠠᠨ ᠬᠦᠷᠲᠡᠯ᠎ᠡ ᠴᠡᠬᠢᠯᠭᠠᠨ ᠬᠦᠭᠡᠷᠭᠡ ᠤᠭᠰᠠᠷᠠᠨ ᠲᠠᠭᠠᠷᠠᠭᠤᠯᠵᠤ ᠠᠰᠢᠭᠯᠠᠬᠤ ᠪᠤᠯᠤᠭᠰᠠᠨ ᠶᠠᠪᠤᠲᠠᠯ ᠨᠢ ᠰᠤᠷᠭᠠᠭᠤᠯᠢ ᠶᠢᠨ ᠮᠠᠨᠢ ᠬᠤᠪᠢ ᠳᠤ ᠠᠪᠴᠤ ᠬᠡᠯᠡᠪᠡᠯ᠂ ᠪᠠᠰᠠ ᠴᠤ ᠨᠢᠭᠡ ᠤᠲᠠᠭᠠᠨ ᠤ ᠬᠤᠪᠢᠰᠬᠠᠯ ᠪᠤᠯᠤᠭᠰᠠᠨ ᠲᠡᠤᠬᠡᠲᠤ ᠠᠴᠢ ᠬᠤᠯᠪᠤᠭᠲᠠᠯ ᠲᠠᠢ ᠤᠴᠢᠷ ᠪᠤᠯᠬᠤ ᠶᠤᠮ ᠪᠠᠶᠢᠨ᠎ᠠ᠃ ᠭᠡᠲᠡᠯ᠎ᠡ ︽ᠰᠠᠶᠢᠨ ᠶᠠᠪᠤᠲᠠᠯ ᠳᠤ ᠰᠠᠭᠠᠳ ᠤᠯᠠᠨ︾ ᠭᠡᠲᠡᠭᠴᠢᠯᠡᠨ ᠭᠡᠨᠡᠳᠲᠡ ᠴᠠᠬᠢᠯᠭᠠᠨ ᠵᠤᠭᠰᠤᠬᠤ ᠳᠤ ᠬᠦᠷᠪᠡᠯ᠂ ᠤᠴᠢᠷ ᠶᠠᠪᠤᠲᠠᠯ ᠪᠤᠷᠤᠭᠤ ᠪᠠᠷ ᠡᠷᠬᠢᠨ ᠤᠤᠯ ᠢᠶᠠᠨ ᠬᠦᠷᠬᠦ ᠦᠭᠡᠢ ᠮᠡᠲᠤ ᠰᠦᠢᠳ ᠪᠤᠯᠵᠤ᠂ ᠶᠤᠰᠤᠲᠠᠢ ᠠᠮᠢ ᠲᠠᠢ ᠬᠡᠯᠡᠯᠴᠡᠭᠰᠡᠨ ᠭᠡᠴᠡᠬᠦᠤ ᠠᠵᠤ ᠪᠤᠯᠲᠠᠭ ᠪᠠᠶᠢᠨ᠎ᠠ᠃ ᠦᠨᠡᠨ ᠲᠡᠶᠢᠮᠤ ᠰᠢᠤ︕ ᠨᠢᠭᠡ ᠤᠲᠠᠭ᠎ᠠ ᠶᠠᠭ ᠢᠢᠮᠤ ᠤᠴᠢᠷ ᠭᠠᠷᠴᠤ᠂ ᠵᠤᠯ ᠢᠶᠠᠷ ᠬᠠᠭᠠᠰᠬᠠᠨ ᠴᠠᠭ ᠤᠨ ᠲᠤᠲᠤᠷ᠎ᠠ ᠠᠮᠵᠢᠵᠤ ᠰᠢᠢᠳᠪᠤᠷᠢᠯᠡᠭᠰᠡᠨ ᠢᠶᠠᠷ ᠮᠠᠨᠳᠠᠤ ᠲᠥᠬᠦᠭᠢᠢᠢᠰᠢᠵᠣ ᠰᠤᠷᠤᠭᠴᠢᠳ ᠤᠨ ᠮᠠᠨᠢ ᠡᠷᠢᠨ ᠤ ᠬᠤᠭᠤᠯᠠ ᠲᠠᠰᠤᠯᠤᠭᠲᠠᠬᠤ ᠶᠡᠭᠡ ᠤᠰᠤᠯ ᠠᠴᠠ ᠵᠠᠶᠢᠯᠠᠵᠤ ᠴᠢᠲᠠᠭᠰᠠᠨ ᠲᠤᠷᠰᠢᠯᠭ᠎ᠠ ᠰᠤᠷᠭᠠᠮᠵᠢ ᠪᠠᠶᠢᠳᠠᠭ ᠬᠡᠨ᠎ᠡ᠃ ᠤᠴᠢᠷ ᠨᠢ ᠲᠡᠷᠡ ᠦᠶ᠎ᠡ ᠶᠢᠨ ᠴᠠᠬᠢᠯᠭᠠᠨ ᠤ ᠶᠠᠪᠤᠲᠠᠯ ᠤᠲᠤ ᠲᠠᠢ ᠠᠲᠠᠯᠢ ᠵᠠᠭᠤᠨ ᠤ ᠵᠠᠭᠤ ᠶᠢᠨ ᠪᠦᠷᠢᠨ ᠪᠠᠲᠤᠯᠠᠭ᠎ᠠ ᠦᠭᠡᠢ ᠪᠠᠶᠢᠵᠠᠢ᠃ ᠢᠩᠬᠢᠭᠡᠳ 1989 ᠤᠨ ᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠷᠤ ᠲᠠᠯ᠎ᠠ ᠶᠢᠨ ᠠᠵᠢᠯ ᠢ ᠭᠤᠤᠯᠯᠠᠨ ᠬᠠᠮᠢᠶᠠᠷᠲᠠᠭ ᠰᠠᠴᠡᠨᠪᠢᠯᠢᠭ ᠵᠡᠷᠭᠡ ᠤᠲᠤᠷᠢᠲᠤᠯᠭ᠎ᠠ ᠨᠡᠷ ᠠᠷᠭ᠎ᠠ ᠰᠦᠪᠡᠭᠴᠢᠯᠡᠵᠤ ᠪᠠᠶᠢᠭᠠᠳ ᠰᠤᠷᠭᠠᠭᠤᠯᠢ ᠶᠢᠨ ᠲᠤᠭᠤᠭᠠᠨ ᠭᠡᠷ ᠲᠤ 3000 ᠮᠢᠩᠭ᠎ᠠ ᠭᠠᠷᠤᠢ ᠲᠦᠬᠦᠷᠢᠭ ᠢᠶᠠᠷ ᠬᠠᠭᠤᠴᠢᠨ ︽ᠶᠠᠮᠠᠬ᠎ᠠ︾ ︵YAMAHA︶ ᠲᠡᠮᠲᠡᠭᠲᠤ ᠴᠡᠬᠢᠯᠭᠠᠨ ᠭᠠᠷᠭᠠᠬᠤ ᠮᠠᠰᠢᠨ ᠠᠪᠤᠭᠰᠠᠨ ᠶᠠᠪᠤᠲᠠᠯ ᠨᠢ ᠬᠡᠲᠦ᠋ᠢᠪᠡᠷ ᠪᠠᠴᠢᠮ ᠪᠠᠶᠢᠲᠠᠯ ᠢ ᠠᠷᠭᠠᠴᠠᠨ ᠰᠢᠢᠳᠪᠤᠷᠢᠯᠡᠬᠦ ᠳᠤ ᠪᠠᠶᠠᠷᠲᠤ ᠤᠴᠢᠷ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ ᠤᠨᠢᠰᠤᠲᠠᠢ ᠪᠠᠭᠰᠢ ᠳᠤ ᠮᠢᠨᠢ ᠬᠠᠷᠢᠨ ᠲᠤᠰᠠ ᠠᠪᠴᠢᠷᠠᠭᠰᠠᠨ ᠮᠦᠷᠲᠡᠭᠡᠨ ᠪᠠᠰᠠ ᠲᠠᠷᠤᠭᠠᠰᠤ ᠪᠤᠯᠵᠠᠢ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ᠂ ᠦᠨᠲᠤᠷ ᠬᠥᠴᠥᠳᠡᠯᠳᠥ ᠪᠠᠶᠢᠩᠭᠤ ᠶᠢᠨ ᠴᠠᠬᠢᠯᠭᠠᠨ ᠭᠡᠨᠡᠳᠲᠠ ᠵᠤᠭᠰᠤᠪᠠᠯ ︽ᠶᠠᠮᠠᠬ᠎ᠠ︾ ᠮᠠᠰᠢᠨ ᠢᠶᠠᠷ ᠢᠶᠠᠨ ᠴᠠᠬᠢᠯᠭᠠᠨ ᠭᠠᠷᠭᠠᠵᠤ᠂ ᠪᠠᠴᠢᠮ ᠪᠠᠶᠢᠲᠠᠯ ᠢ ᠰᠢᠢᠳᠪᠤᠷᠢᠯᠡᠵᠤ ᠰᠤᠷᠤᠭᠴᠢᠳ ᠤᠨ ᠬᠤᠭᠤᠯᠠ ᠪᠤᠲᠠᠭ᠎ᠠ ᠴᠠᠭ ᠴᠠᠭ ᠲᠤ ᠪᠠᠨ ᠤᠰᠤᠯᠲᠠᠬᠤ ᠦᠭᠡᠢ ᠪᠠᠲᠤᠯᠠᠭ᠎ᠠ ᠲᠠᠢ ᠪᠤᠯᠤᠭᠰᠠᠨ ᠨᠢ ᠬᠠᠪᠤᠲᠠᠢ ᠪᠠᠶᠢᠭᠰᠠᠨ ᠴᠤ ᠬᠤᠰᠢᠭᠤ ᠪᠠᠯᠭᠠᠰᠤᠨ ᠤ ᠬᠤᠩᠬᠤᠷ ᠲᠤ ᠨᠢᠭᠡ ᠬᠤᠶᠠᠷ ᠯᠠ ᠪᠠᠶᠢᠭᠰᠠ ᠦᠨᠤᠬᠢ ︽ᠬᠤᠪᠤᠷ ᠡᠷᠲᠡᠨᠢ︾ ᠬᠡᠮᠡᠭᠲᠡᠭᠰᠡᠨ ︽ᠶᠠᠮᠠᠬ᠎ᠠ︾ ᠮᠠᠰᠢᠨ ᠢ ᠬᠠᠮᠢᠶᠠᠷᠴᠤ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠤᠨᠢᠰᠤᠲᠠᠢ ᠪᠠᠭᠰᠢ ᠳᠤ ᠤᠨᠤᠭᠲᠠᠭᠰᠠᠨ ᠪᠦᠭᠡᠳ ︽ᠠᠯᠪᠠᠨ ᠤ ᠶᠠᠭᠤᠮᠠᠨ ᠤ ᠠᠮᠢ ᠨᠢ ᠪᠦᠬᠡ︾ ᠭᠡᠲᠡᠭᠴᠢᠯᠡᠨ ᠲᠡᠷᠡ ᠮᠠᠰᠢᠨ ᠢ ᠨᠢ ᠵᠢᠭᠡᠯᠡᠵᠤ ᠵᠠᠷᠤᠬᠤ ᠬᠦᠮᠤᠨ ᠮᠤᠩᠲᠠᠬᠤ ᠦᠭᠡᠢ᠂ ᠲᠠᠷᠤᠭ᠎ᠠ ᠤᠲᠤᠷᠢᠲᠤᠯᠭ᠎ᠠ ᠬᠡᠳᠡᠯ᠎ᠡ ᠰᠠᠲᠤᠨ ᠲᠦᠷᠤᠯ ᠨᠢ ᠭᠡᠳ ᠤ ᠪᠠᠭᠰᠢ ᠶᠢ ᠡᠷᠢᠵᠤ ᠭᠤᠶᠤᠵᠤ ᠭᠤᠩᠰᠢᠬᠤ ᠤᠯᠤᠰ ᠴᠤᠪᠤᠷᠠᠯᠲᠤᠵᠤ᠂ ︽ᠴᠤᠬᠤᠮ ᠦᠭᠪᠡᠴᠤ ᠭᠡᠴᠡᠬᠦᠤ᠂ ᠦᠭᠬᠦ ᠦᠭᠡᠢ ᠭᠡᠬᠦ ᠳᠤ ᠪᠡᠷᠭᠡᠲᠠᠢ︾ ᠬᠠᠷ᠎ᠠ ᠶᠠᠷᠰᠢᠭ ᠤᠨ ᠤᠴᠢᠷ ᠪᠤᠯᠵᠠᠢ᠃ ᠢᠩᠬᠢᠭᠡᠳ ᠠᠷᠭ᠎ᠠ ᠪᠤᠰᠤ ︽ᠰᠤᠷᠭᠠᠭᠤᠯᠢ ᠳᠤ ᠴᠠᠬᠢᠯᠭᠠᠨ ᠵᠤᠭᠰᠤᠪᠠᠯ᠂ ᠲᠤᠭᠤᠭᠠᠨ ᠭᠡᠷ ᠲᠤ ᠪᠠᠴᠢᠮ ᠬᠡᠷᠡᠭᠯᠡᠨ᠎ᠡ︾ ᠭᠡᠬᠦ ᠰᠢᠢᠳᠪᠤᠷᠢ ᠪᠠᠷ ᠬᠡᠨ ᠳᠤ ᠴᠤ ᠵᠢᠭᠡᠯᠡᠬᠦᠯᠵᠤ ᠭᠠᠷᠭᠠᠬᠤ ᠶᠢ ᠡᠷᠡᠰ ᠴᠠᠭᠠᠵᠠᠯᠠᠵᠤ᠂ ᠤᠯᠠᠨ ᠬᠦᠮᠤᠨ ᠤ ︽ᠠᠲᠠ︾ ᠪᠤᠯᠵᠤ᠂ ᠤᠨᠢᠰᠤᠲᠠᠢ ᠪᠠᠭᠰᠢ ︽ᠶᠠᠮᠠᠬ᠎ᠠ︾ ᠮᠠᠰᠢᠨ ᠤ ᠤᠴᠢᠷ ᠢᠶᠠᠷ ᠶᠠᠯ᠎ᠠ ᠳᠤ ᠤᠷᠤᠭᠰᠠᠨ ᠮᠠᠲᠤ ᠨᠢᠭᠡ ᠦᠶ᠎ᠡ ᠴᠤᠬᠤᠮ ᠭᠠᠴᠢᠭᠲᠠᠵᠤ ᠶᠠᠪᠤᠵᠠᠢ᠃ ᠲᠡᠶᠢᠮᠤ ᠡ︕ ᠶᠠᠪᠤᠲᠠᠯ ᠤᠴᠢᠷ ᠢ ᠢᠯᠭᠤᠮ ᠰᠠᠶᠢᠬᠠᠨ ᠰᠢᠢᠳᠪᠥᠷᠢᠯᠡᠭᠰᠡᠨ ᠴᠤ ᠡᠰᠡᠷᠬᠦ ᠪᠠᠷ ᠪᠠᠰᠠ ︽ᠶᠠᠷᠰᠢᠭ ᠤᠷᠰᠢᠭ ᠲᠠᠲᠠᠭᠰᠠᠨ︾ ᠦᠨᠤᠬᠢ ︽ᠶᠠᠮᠠᠬ᠎ᠠ︾ ᠮᠠᠰᠢᠨ ᠤ ᠲᠤᠬᠠᠢ ᠲᠡᠳ᠋ ᠵᠡᠬᠢᠷᠤᠯ ᠰᠠᠴᠡᠨᠪᠢᠯᠢᠭ ᠪᠠᠭᠰᠢ ᠪᠢᠳᠡᠨ ᠳᠤ᠄ ︽︿ᠤᠨᠢᠰᠤᠲᠠᠢ﹀ ᠨᠡᠷ᠎ᠡ ᠶᠢ ᠵᠡᠬᠦᠭᠰᠡᠨ ᠤ ᠪᠠᠭᠰᠢ ᠮᠢᠨᠢ ᠲᠠᠷᠡ ᠮᠠᠰᠢᠨ ᠢ ᠨᠡᠷ᠎ᠡ ᠶᠢᠨ ᠢᠶᠠᠨ ᠴᠤᠬᠤᠮ ᠴᠢᠨᠠᠷ ᠢᠶᠠᠷ ᠶᠤᠰᠤᠲᠠᠢ ᠨᠢᠭᠡ ᠲᠡᠩᠬᠢᠨᠠᠲᠠᠯ᠎ᠠ ᠰᠠᠶᠢᠬᠠᠨ ᠬᠠᠮᠢᠶᠠᠷᠴᠤ ᠬᠠᠮᠠᠭᠠᠯᠠᠵᠤ ᠴᠢᠲᠠᠭᠰᠠᠨ ᠳ᠋ᠠ᠂ ᠪᠢ ᠴᠢᠨᠢ ᠲᠡᠷᠡ ᠦᠶ᠎ᠡ ᠳᠤ ︿ᠬᠤᠰᠢᠭᠤ ᠲᠠᠷᠤᠭ᠎ᠠ ᠭᠤᠶᠤᠪᠠᠴᠤ ᠦᠭᠴᠤ ᠪᠤᠯᠬᠤ ᠦᠭᠡᠢ﹀ ᠭᠡᠵᠤ ᠤ ᠪᠠᠭᠰᠢ ᠳᠤ ᠪᠠᠨ ︿ᠵᠠᠷᠯᠢᠭ ᠪᠠᠭᠤᠯᠭᠠᠨ﹀ ᠲᠣᠰᠢᠶᠠᠴᠢᠬᠠᠭᠰᠠᠨ ᠶᠤᠮ ᠪᠤᠯᠬᠤᠷ ᠪᠤᠴᠠᠭᠠᠳ ᠦᠪᠡᠷ ᠢᠶᠠᠨ ᠴᠤ ᠠᠮᠠ ᠨᠡᠭᠡᠭᠡᠵᠤ ᠴᠢᠲᠠᠬᠤ ᠦᠭᠡᠢ ᠰᠢᠷᠬᠡᠶᠢᠳᠡᠭ ᠶᠤᠮ᠃ ᠨᠢᠭᠡ ᠤᠲᠠᠭ᠎ᠠ ᠬᠤᠰᠢᠭᠤᠨ ᠤ ᠠᠯᠪᠠᠨ ᠤ ᠴᠢᠬᠤᠯᠠ ᠠᠵᠢᠯ ᠳᠤ ᠵᠠᠷᠤᠬᠤ ᠤᠴᠢᠷ ᠲᠤ ᠤ ᠪᠠᠭᠰᠢ ᠮᠢᠨᠢ ᠮᠠᠰᠢᠨ ᠢᠶᠠᠨ ᠲᠠᠭᠠᠵᠣ ᠬᠦᠷᠴᠤ ᠪᠦᠲᠤᠨ ᠦᠲᠠᠰᠢ ᠰᠠᠬᠢᠵᠤ ᠬᠠᠮᠠᠭᠠᠯᠠᠵᠤ ᠰᠠᠭᠤᠭᠰᠠᠨ ᠶᠤᠮ︾ ᠭᠡᠵᠤ ᠶᠠᠷᠢᠭᠰᠠᠨ ᠬᠠᠭᠤᠴᠢ ᠬᠦᠭᠡᠷᠤᠭᠡ ᠨᠢ ᠶᠡᠭᠡ ᠯᠡ ᠢᠨᠢᠶᠡᠲᠤᠮ ᠱᠤᠭ ᠲᠠᠢ ᠰᠠᠨᠠᠭᠲᠠᠬᠤ ᠪᠤᠯᠪᠠᠴᠤ ᠤ ᠪᠠᠭᠰᠢ ᠶᠢᠨ ᠮᠢᠨᠢ ︽ᠠᠯᠪᠠᠨ ᠤ ᠡᠳ᠋ ᠬᠦᠷᠤᠩᠭᠡ ᠶᠢ ᠠᠮᠢ ᠨᠠᠰᠤ ᠲᠠᠢ ᠪᠠᠨ ᠠᠲᠠᠯᠢ ᠰᠠᠨᠠᠲᠠᠭ ᠦᠵᠡᠯ ᠰᠤᠷᠲᠠᠯ︾ ᠡᠷᠬᠢᠮ ᠪᠢᠰᠢ⁈      ᠥᠯᠢᠭᠡᠷ ᠲᠥᠷᠪᠡ      ᠣ ᠪᠠᠭᠰᠢ ᠮᠢᠨᠢ ᠰᠣᠷᠭᠠᠭᠤᠯᠢ ᠨᠡᠶᠢᠳᠡ ᠶᠢᠨ ᠢᠶᠠᠨ ᠡᠳ᠋ ᠬᠥᠷᠥᠩᠬᠡ᠂ ᠬᠤᠭᠰᠢᠯ ᠶᠠᠭᠤᠮᠠᠨ ᠳᠤ ᠭᠠᠷ ᠴᠢᠩᠭ᠎ᠠ᠂ ᠬᠠᠳᠠᠭᠤ ᠵᠠᠷᠴᠢᠮ ᠲᠠᠢ ︽ᠬᠠᠷᠠᠮᠴᠢ︾ ᠬᠥᠮᠥᠨ ᠴᠦ ᠠᠮᠢᠳᠣᠷᠠᠯ᠂ ᠠᠶᠢᠯ ᠭᠡᠷ ᠲᠤ ᠪᠠᠨ ᠪᠣᠯ ᠬᠠᠷᠢᠨ ᠠᠯᠢ ᠪᠠᠶᠢᠳᠠᠭ ᠢᠶᠠᠨ ᠲᠡᠮᠳᠡᠷᠢᠳᠡᠭ᠂ ᠬᠠᠯᠠᠭᠤᠮᠰᠤᠭ᠂ ᠵᠣᠴᠢᠨᠰᠠᠭ ᠮᠥᠷᠳᠡᠭᠡᠨ ᠥᠭᠬᠢᠶᠡᠮᠥᠷᠴᠢ ᠨᠢᠩᠵᠢᠨ ᠰᠡᠳᠬᠢᠯᠳᠥ ᠡᠶᠡᠯᠳᠡᠭ ᠵᠥᠬᠡᠯᠡᠨ ᠨᠠᠰᠣᠳᠠᠨ ᠭᠡᠳᠡᠭ ᠢ ᠨᠢ ᠣᠶᠢᠷ᠎ᠠ ᠲᠥᠰᠥᠷ ᠤᠨ ᠬᠢᠨ ᠪᠥᠬᠦᠨ ᠢᠶᠠᠷ ᠢᠶᠠᠨ ᠮᠡᠳᠡᠷᠡᠨ ᠥᠨᠡᠯᠡᠵᠥ ᠱᠠᠭᠰᠢᠳᠠᠭ ᠶᠤᠮ᠃      ᠮᠠᠨ ᠤ ᠰᠣᠷᠭᠠᠭᠤᠯᠢ ᠶᠢᠨ ᠣᠣᠯ ᠤᠨ ᠵᠠᠬᠢᠷᠣᠯ ᠽᠠᠨᠳᠠᠷ᠎ᠠ ᠪᠠᠭᠰᠢ᠄ ︽ᠮᠠᠨ ᠤ ᠣ ᠪᠠᠭᠰᠢ ᠲᠡᠷᠡ ᠥᠶ᠎ᠡ ᠳᠤ ᠵᠠᠬᠢᠷᠣᠯ ᠤᠨ ᠬᠠᠭᠠᠰ ᠠᠵᠢᠯ ᠢ ᠡᠬᠦᠷᠭᠡᠯᠡᠵᠥ ᠪᠠᠶᠢᠭᠰᠠᠨ ᠬᠡᠬᠦ ᠳᠤ ᠠᠬᠠᠳᠠᠬᠤ ᠥᠬᠡᠢ ᠰᠢᠥ᠂ ᠨᠢᠬᠡ ᠰᠣᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠣᠯ ᠬᠥᠮᠥᠨ ᠰᠣᠷᠣᠭᠴᠢᠳ ᠤᠨ ᠢᠶᠠᠨ ᠬᠤᠭᠤᠯᠠ ᠬᠥᠨᠡᠰᠥᠨ ᠤ ᠠᠷᠰᠠᠷ ᠠᠵᠢᠯ᠂ ᠲᠣᠭᠤᠭᠠᠨ ᠭᠡᠷ ᠤᠨ ᠡᠨᠡ ᠲᠡᠷᠡ ᠬᠠᠮᠢᠶᠠᠷᠣᠯᠳᠠ ᠶᠢᠨ ᠠᠵᠢᠯ ᠤᠨ ᠲᠥᠯᠥᠭᠡ ᠰᠠᠨᠠᠭ᠎ᠠ ᠰᠡᠳᠬᠢᠯ ᠠᠯᠭᠠᠰᠠᠯ ᠥᠬᠡᠢ ᠪᠥᠭᠦ ᠣᠶᠣᠨ ᠰᠠᠨᠠᠭ᠎ᠠ ᠪᠠᠨ ᠵᠢᠭᠠᠨ ᠰᠣᠷᠭᠠᠯᠳᠠ ᠶᠢᠨ ᠠᠵᠢᠯ ᠲᠡᠭᠡᠷ᠎ᠡ ᠪᠠᠨ ᠲᠥᠪᠯᠡᠷᠡᠬᠦᠯᠣᠨ ᠠᠵᠢᠯᠯᠠᠵᠣ ᠴᠢᠳᠠᠵᠣ ᠪᠠᠶᠢᠭ᠎ᠠ ᠭᠡᠳᠡᠭ ᠪᠣᠯ ᠠᠷᠣ ᠲᠠᠯ᠎ᠠ ᠳᠤ ᠨᠢ ᠭᠡᠳᠥᠢ ᠶᠡᠭᠡ ᠲᠥᠰᠢᠭ ᠲᠠᠢ ᠪᠠᠶᠢᠭᠰᠠᠨ ᠢ ᠬᠡᠯᠡᠬᠦ ᠥᠬᠡᠢ ᠳᠤ ᠮᠡᠳᠡᠴᠢᠬᠡᠬᠦ ᠪᠢᠰᠢ︖ ᠶᠡᠷᠥ ᠨᠢ ᠰᠣᠷᠭᠠᠭᠤᠯᠢ ᠶᠢᠨ ᠠᠷᠣ ᠲᠠᠯ᠎ᠠ ᠶᠢᠨ ᠠᠵᠢᠯᠳᠠᠳ ᠤᠨ ᠰᠢᠷᠭᠠᠭᠤ ᠬᠥᠳᠡᠯᠮᠥᠷᠢ᠂ ᠰᠢᠨᠳᠠᠰᠣᠳᠣ ᠴᠢᠷᠮᠠᠶᠢᠯᠭ᠎ᠠ ᠨᠢ ᠨᠢᠬᠡ ᠰᠣᠷᠭᠠᠭᠤᠯᠢ ᠶᠢᠨ ᠪᠥᠬᠦᠢ ᠯᠡ ᠠᠵᠢᠯ ᠣᠷᠣᠭᠰᠢᠳᠠᠢ ᠪᠠᠶᠢᠬᠤ ᠶᠢᠨ ᠴᠢᠬᠤᠯᠠ ᠪᠠᠳᠣᠯᠠᠭ᠎ᠠ ᠪᠣᠯᠳᠠᠭ ᠰᠢᠣ᠃ ᠰᠣᠷᠭᠠᠭᠤᠯᠢ ᠶᠢ ᠣᠯᠣᠰ ᠭᠡᠷ ᠲᠠᠢ ᠠᠳᠠᠯᠢᠳᠬᠠᠬᠤ ᠶᠤᠮ ᠪᠣᠯ ᠲᠡᠳᠡ ᠴᠢᠨᠢ ᠨᠢᠬᠡ ᠨᠢᠬᠡ ᠪᠠᠷ ᠢᠶᠠᠨ ᠪᠥᠷ ︿ᠭᠠᠪᠢᠶᠠᠳᠣ ᠰᠠᠶᠢᠳ﹀ ᠬᠡᠵᠥ ᠮᠡᠳᠡ︕︾ ᠬᠡᠵᠥ ᠪᠢᠳᠠᠨ ᠳᠤ ᠣᠳᠠᠭ᠎ᠠ ᠪᠣᠯᠭᠠᠨ ᠣᠴᠢᠷ ᠲᠠᠢ ᠰᠠᠶᠢᠬᠠᠨ ᠶᠡᠷᠢᠵᠤ ᠪᠠᠶᠢᠯ᠎ᠠ᠃      ᠵᠠᠬᠢᠷᠣᠯ ᠢᠶᠠᠷ ᠠᠵᠢᠯᠯᠠᠵᠤ ᠦᠩᠭᠡᠷᠡᠭᠰᠡᠨ ᠠᠬᠠᠮᠠᠳ ᠪᠤᠭᠤᠷᠤᠯ ᠤᠨ ᠨᠢᠭᠡ ᠪᠤᠯᠬᠤ ᠴᠦᠢᠵᠠᠵᠠᠪ ᠪᠠᠭᠰᠢ ᠴᠤ ᠪᠢᠳᠡᠨ ᠳᠤ᠄ ︽ᠲᠣᠰ ᠰᠣᠷᠭᠠᠭᠤᠯᠢ ᠳᠤ ᠵᠠᠬᠢᠷᠣᠯ ᠢᠶᠠᠷ ᠰᠢᠯᠵᠢᠵᠣ ᠢᠷᠡᠭᠡᠳ ᠪᠢ ᠠᠩᠬ᠎ᠠ ᠣᠳᠠᠭ᠎ᠠ ᠲᠣᠭᠤᠭᠠᠨ ᠭᠡᠷ ᠤᠨ ᠰᠠᠩ ᠬᠥᠮᠥᠷᠭᠡ ᠶᠢᠨ ᠭᠡᠷ ᠲᠤ ᠣᠷᠣᠭᠠᠳ ᠮᠠᠨ ᠤ ᠣ ᠪᠠᠭᠰᠢ ᠪᠠᠨ ᠨᠢᠬᠡ ᠯᠡ ᠪᠢᠰᠢᠷᠡᠭᠰᠡᠨ ᠶᠤᠮ ᠳ᠋ᠡ᠃ ᠲᠣᠬᠠᠢ ᠶᠢᠨ ᠥᠶ᠎ᠡ ᠶᠢᠨ ᠰᠣᠷᠭᠠᠭᠤᠯᠢ ᠶᠢᠨ ᠰᠠᠩ ᠬᠥᠮᠥᠷᠭᠡ ᠶᠢᠨ ᠪᠠᠶᠢᠰᠢᠩ ᠪᠠᠷᠢᠯᠭ᠎ᠠ ᠶᠢᠨ ᠨᠥᠬᠦᠴᠡᠯ ᠪᠣᠯᠣᠯᠴᠠᠭ᠎ᠠ ᠬᠡᠵᠥ ᠶᠠᠭᠤ ᠯᠠ ᠪᠠᠶᠢᠬᠤ ᠪᠣᠢ ᠳ᠋ᠠ᠂ ᠲᠣᠩ ᠪᠠᠷᠣᠭᠳᠠᠢ᠃ ᠶᠠᠳᠠᠬᠤ ᠳᠤ ᠱᠠᠯᠠᠨ ᠳᠤ ᠪᠠᠨ ᠲᠣᠭᠤᠰᠬ᠎ᠠ ᠲᠡᠪᠢᠰᠬᠦ ᠴᠢᠳᠠᠯ ᠪᠠᠰᠠ ᠥᠬᠡᠢ ᠰᠢᠥ᠃ ᠲᠡᠭᠡᠭᠦ ᠳᠤ ᠣ ᠪᠠᠭᠰᠢ ᠡᠯᠬᠦᠭᠰᠡᠨ ᠮᠢᠬᠠᠨ ᠳᠤ ᠲᠣᠭᠤᠰᠣ ᠰᠢᠷᠣᠢ ᠰᠠᠭᠤᠯᠭᠠᠬᠤ ᠥᠬᠡᠢ ᠬᠡᠵᠥ ᠱᠠᠯᠠᠨ ᠳᠤ ᠪᠠᠨ ᠡᠳᠥᠷ ᠡᠳᠥᠷ ᠣᠰᠣ ᠰᠠᠴᠣᠨ ᠴᠢᠬᠢᠭᠯᠡᠵᠥ ᠴᠡᠪᠡᠷᠭᠡᠨ ᠪᠠᠶᠢᠯᠭᠠᠬᠤ ᠶᠢ ᠪᠠᠳᠣᠯᠠᠵᠣ ᠲᠣᠳᠣᠮᠳᠠᠨ ᠠᠵᠢᠯᠯᠠᠳᠠᠭ ᠪᠠᠶᠢᠭᠰᠠᠨ ᠰᠢᠥ︾ ᠬᠡᠵᠥ ᠡᠷᠡᠭᠡᠢ ᠭᠤᠵᠦ᠋ᠢᠯᠭᠠᠨ ᠲᠣᠷᠠᠳᠬᠠᠵᠣ ᠶᠠᠷᠢᠲᠠᠭ ᠢ ᠨᠢ ᠪᠢ ᠶᠡᠷᠥ ᠮᠠᠷᠳᠠᠳᠠᠭ ᠥᠬᠡᠢ ᠪᠢᠯᠡ᠃      ᠨᠢᠬᠡᠨ ᠲᠣᠭᠤᠭᠠᠴᠢ ᠶᠢᠨ ᠵᠣᠭᠤᠭ᠄ ︽ᠮᠠᠨ ᠤ ᠣ ᠪᠠᠭᠰᠢ ᠰᠠᠶᠢᠨ ᠬᠥᠮᠥᠨ᠂ ᠨᠢᠮᠪᠡᠢ ᠴᠦ ᠬᠥᠮᠥᠨ︕ ᠲᠣᠭᠤᠭᠠᠨ ᠭᠡᠷ ᠤᠨ ᠴᠡᠪᠡᠷᠯᠡᠭᠡ ᠡᠨᠡ ᠲᠡᠷᠡ ᠠᠵᠢᠯ ᠬᠢᠬᠦ ᠳᠤ ᠣ ᠪᠠᠭᠰᠢ ᠲᠠᠩᠳᠠ ᠪᠡᠶ᠎ᠡ ᠪᠠᠷ ᠢᠶᠠᠨ ᠲᠡᠷᠢᠬᠦᠯᠡᠵᠥ ᠲᠠᠭᠠᠭᠤᠯᠣᠨ ᠬᠢᠳᠡᠭ ᠰᠢᠥ᠃ ᠴᠢ ᠬᠢᠬᠦ ᠥᠬᠡᠢ ᠪᠣᠯ ᠣ ᠪᠠᠭᠰᠢ ᠬᠢᠨ᠎ᠡ᠂ ᠴᠢ ᠱᠥᠬᠦᠷᠳᠡᠬᠦ ᠥᠬᠡᠢ ᠪᠣᠯ ᠣ ᠪᠠᠭᠰᠢ ᠱᠥᠭᠦᠷᠳᠡᠳᠡᠭ᠃ ᠲᠡᠭᠡᠬᠦᠯᠡᠷ ᠪᠢᠳᠡ ᠬᠢᠬᠦ ᠥᠬᠡᠢ ᠪᠠᠶᠢᠵᠥ ᠴᠢᠳᠠᠨ᠎ᠠ ᠤᠤ︖ ᠪᠢᠳᠡᠨ ᠢ ᠶᠣᠰᠣᠳᠠᠢ ᠲᠡᠬᠦᠥ ᠨᠡᠷ᠂ ᠬᠡᠥᠬᠡᠳ ᠢᠶᠠᠨ ᠰᠢᠭ ᠴᠢᠩᠭ᠎ᠠ ᠬᠠᠷᠢᠭᠤᠴᠠᠯᠭ᠎ᠠ ᠲᠠᠢ ᠲᠣᠳᠣᠮᠳᠠᠵᠣ ᠲᠠᠭᠠᠭᠤᠯᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠣ ᠪᠠᠭᠰᠢ ᠶᠢᠨ ᠭᠠᠷ ᠲᠤ ᠮᠠᠨ ᠤ ᠲᠡᠷᠡ ︿ᠶᠠᠮᠠᠬ᠎ᠠ﹀ ᠮᠠᠰᠢᠨ ᠠᠷᠪᠠ ᠭᠠᠷᠣᠢ ᠵᠢᠯ ᠳᠤ ᠨᠢᠬᠡ ᠡᠷᠬᠢ ᠱᠣᠷᠠᠭ ᠢ ᠨᠢ ᠴᠦ ᠰᠣᠯᠢᠵᠣ ᠵᠠᠰᠠᠭᠰᠠᠨ ᠥᠬᠡᠢ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠥᠯᠡᠳᠡᠭᠰᠡᠨ ᠰᠢᠥ᠃︾      ᠨᠢᠬᠡᠨ ᠢᠳᠡᠷ ᠨᠠᠰᠣᠨ ᠤ ᠪᠠᠭᠰᠢ ᠶᠢᠨ ᠵᠣᠭᠤᠭ᠄ ︽ᠨᠡᠶᠢᠳᠡ ᠶᠢᠨ ᠲᠣᠯᠠᠭᠠᠯᠠᠮᠵᠢ ᠥᠬᠡᠢ ᠪᠠᠶᠢᠭᠰᠠᠨ ᠲᠡᠳᠡᠭᠡᠷ ᠵᠢᠯ ᠤᠨ ᠡᠪᠥᠯ ᠤᠨ ᠴᠠᠭ ᠲᠤ ᠰᠣᠷᠭᠠᠭᠤᠯᠢ ᠶᠢᠨ ᠠᠯᠪᠠᠨ ᠭᠡᠷ᠂ ᠠᠩᠬᠢ ᠶᠢᠨ ᠬᠡᠷ᠂ ᠪᠠᠶᠢᠷᠢ ᠶᠢᠨ ᠭᠡᠷ ᠲᠤ ᠲᠥᠯᠡᠬᠦ ᠠᠷᠭᠠᠯ ᠢ ᠣ ᠪᠠᠭᠰᠢ ᠪᠡᠶ᠎ᠡ ᠪᠠᠷ ᠢᠶᠠᠨ ᠬᠤᠪᠢᠶᠠᠬᠤ ᠳᠤ ᠪᠠᠨ ᠲᠡᠷᠡ ᠣᠯᠠᠨ ᠪᠠᠭᠰᠢ ᠰᠣᠷᠣᠭᠴᠢ ᠳᠤ ︿ᠠᠷᠭᠠᠯ ᠲᠡᠭᠡᠷ᠎ᠡ ᠬᠢᠰᠬᠢᠵᠣ ᠪᠢᠳᠡᠭᠡᠢ ᠲᠡᠪᠰᠡᠭᠡᠷᠡᠢ﹀ ᠬᠡᠵᠥ ᠰᠠᠨᠠᠭᠤᠯᠬᠤ ᠠᠴᠠ ᠪᠢᠰᠢ᠂ ᠠᠭᠤᠷᠯᠠᠵᠤ ᠣᠴᠠᠭᠠᠷᠳᠠᠬᠤ ᠴᠢᠷᠠᠢ ᠥᠵᠡᠬᠦᠯᠥᠯ ᠥᠬᠡᠢ᠂ ᠠᠷᠭᠠᠯ ᠬᠥᠷᠵᠠᠩ ᠤᠨ ᠲᠣᠮᠣ ᠵᠢᠵᠢᠭ ᠢ ᠨᠢ ᠬᠥᠷᠳᠡᠯ᠎ᠡ ᠲᠡᠩᠴᠡᠬᠦᠯᠵᠣ ᠲᠠᠭᠠᠷᠠᠭᠤᠯᠣᠨ ᠬᠡᠮᠵᠢᠶ᠎ᠡ ᠲᠠᠢ ᠲᠥᠬᠡᠬᠡᠬᠦ ᠪᠠᠷ ᠨᠢᠮᠪᠠᠶᠢᠯᠡᠵᠥ ᠠᠵᠢᠯᠯᠠᠲᠠᠭ ᠨᠢ ᠪᠠᠭᠰᠢ ᠰᠣᠷᠣᠭᠴᠢᠳ ᠤᠨ ᠬᠥᠨᠳᠥᠳᠭᠡᠯ ᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠣᠯᠵᠣ᠂ ᠪᠢᠳᠡ ᠲᠥᠷᠢᠮ ᠲᠢᠭᠯᠢᠮ ᠢ ᠨᠢ ᠲᠠᠭᠠᠳᠠᠭ︾᠃      ᠨᠢᠬᠡᠨ ᠠᠬᠠᠮᠠᠳ ᠪᠠᠭᠰᠢ ᠶᠢᠨ ᠵᠣᠭᠤᠭ᠄ ︽ᠮᠠᠨ ᠤ ᠣ᠊ ᠪᠠᠭᠰᠢ ᠲᠣᠭᠤᠭᠠᠨ ᠭᠡᠷ ᠤᠨ ᠨᠢᠬᠡ ᠪᠣᠷᠴᠠ ᠥᠢᠷᠡᠭᠡᠳ ᠣᠨᠠᠪᠠᠴᠣ ᠴᠡᠪᠡᠷᠯᠡᠭᠡᠳ ᠠᠪᠳᠠᠭ᠂ ᠭᠤᠭᠤᠵᠢᠵᠣ ᠭᠡᠭᠡᠭᠳᠡᠭᠰᠡᠨ ᠨᠢᠬᠡ ᠰᠢᠷᠭᠡᠭ ᠰᠣᠩᠬᠢᠨ᠎ᠡ᠂ ᠨᠢᠬᠡ ᠭᠡᠰᠡᠭ ᠨᠡᠭᠦᠷᠡᠰᠥ ᠶᠢ ᠴᠦ ᠲᠡᠬᠦᠬᠡᠳ ᠠᠪᠳᠠᠭ ᠨᠢᠮᠪᠡᠢ ᠬᠥᠮᠥᠨ ᠶᠤᠮ ᠡ︕︾᠃ ︽ᠨᠡᠷᠡᠳᠡᠢ ᠪᠠᠶᠠᠨ ᠵᠠᠩᠬᠢ ᠭᠤᠸᠠᠢ ᠶᠢᠨ ᠭᠠᠭᠴᠠ ᠭᠥᠥ ᠨᠢ ᠪᠠᠶᠢᠳᠠᠯ᠎ᠠ ᠪᠠᠨ ᠮᠠᠨ ᠤ ᠣ᠊ ᠪᠠᠭᠰᠢ ᠶᠠᠭᠠᠬᠢᠬᠤ ᠳᠤ ᠪᠠᠨ ᠲᠡᠶᠢᠮᠥ ᠠᠵᠢᠯᠴᠢ ᠬᠠᠳᠠᠭᠤᠵᠢᠯᠳᠠᠢ᠂ ᠠᠯᠪᠠᠨ ᠤ ᠶᠠᠭᠤᠮᠠᠨ ᠳᠤ ᠬᠡᠷ ᠤᠨ ᠬᠢ ᠪᠠᠨ ᠠᠴᠠ ᠢᠯᠡᠬᠦᠥ ᠠᠷᠪᠢᠴᠢ ᠭᠠᠮᠳᠠᠢ ᠪᠠᠶᠢᠭᠰᠠᠨ ᠤ ᠨᠢᠭᠤᠴᠠ ᠨᠢ ᠲᠡᠬᠦᠨ ᠤ ᠬᠥᠮᠥᠨ ᠴᠢᠨᠠᠷ ᠲᠤ ᠪᠠᠨ ᠯᠠ ᠪᠠᠶᠢᠭ᠎ᠠ ᠪᠠᠶᠢᠬᠤ᠃ ᠬᠥᠮᠥᠨ ᠳᠤ ᠥᠷᠥ ᠵᠥᠬᠡᠯᠡᠨ᠂ ᠥᠨᠡᠨᠴᠢ ᠰᠢᠳᠣᠷᠭᠤ᠂ ᠨᠡᠷ᠎ᠡ ᠲᠥᠷᠥ ᠶᠢᠨ ᠲᠥᠯᠥᠬᠡ ᠬᠥᠬᠡᠬᠡᠴᠡᠯᠳᠥᠳᠡᠭ ᠥᠬᠡᠢ᠂ ᠨᠢᠷᠣᠭᠤ ᠲᠠᠢ᠂ ᠰᠠᠶᠢᠬᠠᠨ ᠮᠣᠩᠭᠤᠯ ᠬᠥᠮᠥᠨ ᠤ ᠪᠣᠳᠠᠳᠠᠢ ᠵᠢᠱᠢᠶ᠎ᠡ ᠶᠤᠮ ᠰᠢᠣ᠃ ᠣ᠊ ᠪᠠᠭᠰᠢ ᠡᠩ ᠤᠨ ᠬᠥᠮᠥᠨ ᠤ ᠬᠢᠵᠣ ᠴᠢᠳᠠᠬᠤ ᠥᠬᠡᠢ ᠠᠵᠢᠯ ᠢ ᠬᠢᠵᠥ ᠶᠠᠪᠣᠭᠰᠠᠨ ᠮᠥᠷᠳᠡᠯ᠎ᠡ ᠪᠠᠨ ᠭᠠᠪᠢᠶᠠᠷᠬᠠᠵᠣ ᠠᠴᠢᠷᠬᠠᠭᠰᠠᠨ ᠥᠬᠡ ᠶᠢ ᠠᠮᠠ ᠵᠠᠪᠰᠠᠷ ᠴᠣᠬᠤᠶᠢᠯᠭᠠᠳᠠᠭ ᠥᠬᠡᠢ᠂ ᠶᠠᠷᠢᠵᠣ ᠴᠦ ᠴᠢᠳᠠᠳᠠᠭ ᠥᠬᠡᠢ᠂ ᠣᠯᠠᠨ ᠲᠠᠪᠣᠨ ᠥᠬᠡ ᠥᠬᠡᠢ᠂ ᠲᠡᠶᠢᠮᠥ ᠰᠠᠶᠢᠬᠠᠨ ᠬᠥᠮᠥᠨ ᠶᠤᠮ ᠰᠢᠥ︕︾ ᠬᠡᠬᠦ ᠮᠡᠳᠥ ᠶᠢᠨ ᠬᠠᠮᠳᠣ ᠠᠵᠢᠯᠯᠠᠭᠰᠠᠳ ᠤᠨ ᠬᠢᠨ ᠥᠨᠡᠯᠡᠯᠳᠡ ᠬᠠᠮᠤᠭ ᠲᠡᠭᠡᠳᠥ ᠢᠷᠠᠭᠤ ᠠᠯᠳᠠᠷ ᠪᠠᠶᠢᠵᠣ ᠲᠠᠭᠠᠷᠠᠨ᠎ᠠ᠃      ᠲᠡᠶᠢᠮᠥ ᠡ᠂ ᠥᠩᠬᠡᠷᠡᠨ ᠣᠳᠣᠭᠰᠠᠨ ᠲᠡᠳᠡᠭᠡᠷ ᠣᠨ ᠵᠢᠯ ᠤᠨ ᠬᠠᠳᠠᠭᠤ ᠪᠡᠷᠭᠡ ᠠᠵᠢᠯ ᠬᠥᠳᠡᠯᠮᠥᠷᠢ᠂ ᠣᠶᠢᠭ᠎ᠠ ᠥᠬᠡᠢ ᠵᠢᠳᠬᠦᠯ ᠲᠡᠮᠡᠴᠡᠯ ᠢ ᠨᠢ ᠲᠣᠷᠠᠰᠬᠠᠨ ᠲᠡᠮᠳᠡᠭᠯᠡᠭᠰᠡᠨ ᠰᠣᠷᠭᠠᠭᠤᠯᠢ ᠱᠠᠳᠣᠨ ᠤ ︽ᠲᠡᠷᠢᠬᠦᠨ ᠤ ᠠᠵᠢᠯᠳᠠᠨ︾᠎ ᠤ ᠬᠤᠷᠢ ᠰᠢᠬᠠᠮ ᠥᠨᠠᠮᠯᠠᠯ᠂ 1985 ᠣᠨ᠂ 1994 ᠣᠨ ᠳᠤ ᠬᠤᠰᠢᠭᠤ ᠱᠠᠳᠣᠨ ᠤ ︽ᠲᠡᠷᠢᠬᠦᠨ ᠤ ᠠᠵᠢᠯᠳᠠᠨ︾ ᠪᠠ 1997 ᠣᠨ ᠳᠤ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠰᠣᠷᠭᠠᠨ ᠬᠥᠮᠥᠵᠢᠯ ᠤᠨ ᠰᠢᠰᠲ᠋ᠧᠮ ᠤᠨ ︽ᠲᠡᠷᠢᠬᠦᠨ ᠤ ᠠᠵᠢᠯᠳᠠᠨ︾᠎ ᠤ ᠥᠨᠠᠮᠯᠠᠯ ᠤᠨ ᠣᠯᠠᠭᠠᠨ ᠲᠡᠪᠳᠡᠷ ᠬᠢᠭᠡᠳ ᠬᠥᠪᠡᠭᠡᠳᠥ ᠰᠢᠷ᠎ᠠ ᠬᠤᠰᠢᠭᠤᠨ ᠤ ᠮᠣᠩᠭᠤᠯ ᠥᠨᠳᠥᠰᠥᠳᠡᠨ ᠤ ᠲᠣᠮᠳᠠᠳᠣ ᠰᠣᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠣᠯ᠂ ᠪᠠᠭᠰᠢ ᠨᠠᠷ᠂ ᠰᠣᠷᠣᠭᠴᠢᠳ᠂ ᠭᠡᠷ ᠤᠨ ᠠᠬᠠᠮᠠᠳ ᠢ ᠪᠠᠭᠳᠠᠭᠠᠭᠰᠠᠨ ᠬᠥᠮᠥᠨ ᠠᠷᠠᠳ ᠤᠨ ᠪᠢᠰᠢᠷᠡᠯ ᠮᠠᠭᠳᠠᠭᠠᠯ᠂ ᠬᠠᠯᠠᠭᠤᠨ ᠵᠣᠭᠤᠭ ᠤᠳ ᠡᠶᠢᠮᠥ ᠨᠢᠬᠡᠨ ᠠᠬᠠᠮᠠᠳ ︽ᠭᠠᠯᠴᠢ ᠪᠠᠭᠰᠢ︾᠎ ᠶᠢᠨ ᠢᠶᠠᠨ ᠬᠥᠮᠥᠨ ᠮᠥᠰᠥ᠂ ᠠᠯᠳᠠᠷ ᠭᠠᠪᠢᠶ᠎ᠠ ᠶᠢ ᠡᠬᠦᠷᠢᠳᠡ ᠲᠠᠭᠤᠷᠢᠰᠬᠠᠨ᠎ᠠ ᠁              ᠠᠵᠢᠯᠯᠠᠵᠤ ᠪᠠᠶᠢᠭ᠎ᠠ ᠪᠠᠶᠢᠭᠤᠯᠭ᠎ᠠ᠄ ᠬᠥᠪᠡᠭᠡᠳᠥ ᠰᠢᠷ᠎ᠠ ᠬᠤᠰᠢᠭᠤᠨ ᠤ ᠮᠣᠩᠭᠤᠯ                                         ᠥᠨᠳᠥᠰᠥᠳᠡᠨ ᠤ ᠲᠣᠮᠳᠠᠳᠣ ᠰᠣᠷᠭᠠᠭᠤᠯᠢ                                            ︵ᠠᠯᠳᠠᠨᠰᠦ᠋ᠭᠡ ᠨᠠᠶᠢᠷᠠᠭᠤᠯᠪᠠ︶                                              2021 ᠣᠨ ᠤ 4 ᠳ᠋ᠦ᠋ᠭᠡᠷ ᠬᠤᠭᠤᠴᠠᠭ᠎ᠠ
  
ᠢᠷᠡᠯᠲᠡ᠄ ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠤ ᠰᠤᠷᠭᠠᠨ ᠬᠥᠮᠦᠵᠢᠯ ᠤᠨ ᠲᠢᠩᠬᠢᠮ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠣᠯᠠᠮᠵᠢᠯᠠᠯᠲᠦ ᠱᠠᠭ᠎ᠠ ᠲᠣᠭᠯᠠᠭᠠᠮ ᠢᠶᠠᠷ ᠬᠡᠣᠬᠡᠳ ᠤᠨ ᠣᠢ ᠪᠢᠯᠢᠭ ᠢ ᠨᠡᠭᠡᠭᠡᠬᠦ ᠲᠣᠬᠠᠢ
ᠬᠡᠥᠬᠡᠳ ᠤᠨ ᠭᠦᠮᠦᠵᠢᠯ ᠳᠠᠬᠢ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠬᠠᠷᠢᠭᠤᠴᠠᠯᠭ᠎ᠠ
ᠰᠤᠷᠤᠯᠭ᠎ᠠ ᠬᠤᠴᠤᠷᠤᠩᠭᠤᠢ ᠰᠤᠷᠤᠭᠴᠢ ᠶᠢ ᠬᠦᠮᠦᠵᠢᠭᠦᠯᠬᠦ ᠠᠵᠢᠯ ᠤᠨ ᠲᠤᠬᠠᠢ
ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠲᠤᠬᠠᠢ ᠮᠢᠨᠤ ᠲᠠᠰᠤᠭ ᠪᠣᠰᠠᠭ ᠦᠵᠡᠯᠲᠡ
ᠨᠢᠭᠡᠨ ᠰᠢᠯᠢᠳᠡᠭ ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠤᠯᠬᠤ ᠲᠤᠬᠠᠢ ᠮᠦᠴᠢᠳ ᠦᠬᠦᠯᠡᠬᠦ ᠨᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号