ᠦᠭᠡ ᠬᠡᠯᠡ᠂ ᠦᠰᠦᠭ ᠪᠢᠴᠢᠭ ᠪᠣᠯ ᠬᠦᠮᠦᠨ ᠲᠥᠷᠦᠯᠬᠢᠲᠡᠨ ᠤ ᠬᠠᠮᠤᠭ ᠤᠨ ᠴᠢᠬᠤᠯᠠ ᠬᠠᠷᠢᠯᠴᠠᠭᠠᠨ ᠤ

ᠪᠠᠭᠠᠵᠢ ᠮᠦᠨ᠃ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠶᠠᠷᠢᠶ᠎ᠠ ᠬᠠᠷᠢᠯᠴᠠᠭᠠᠨ ᠤ ᠴᠢᠲᠠᠪᠦᠷᠢ ᠶᠢᠨ

ᠬᠦᠮᠦᠵᠢᠯ ᠢ ᠴᠢᠬᠤᠯᠠᠴᠢᠯᠠᠵᠦ ᠪᠤᠲᠤᠵᠦ ᠰᠠᠨᠠᠭᠰᠠᠨ ᠢᠶᠠᠨ ᠵᠤᠷᠢᠭᠲᠠᠢ ᠪᠠᠷ ᠶᠠᠷᠢᠵᠦ ᠢᠯᠡᠳᠭᠡᠬᠦ ᠴᠢᠲᠠᠪᠦᠷᠢ ᠲᠠᠢ

ᠪᠤᠯᠭᠠᠬᠤ ᠶᠢ ᠠᠩᠬᠠᠷᠴᠤ ᠡᠶ᠎ᠡ ᠡᠪᠲᠠᠢ ᠪᠤᠯᠪᠠᠰᠤᠨ ᠶᠤᠰᠤᠷᠬᠠᠭ ᠢᠶᠠᠷ ᠪᠤᠰᠤᠳ ᠲᠠᠢ ᠬᠠᠷᠢᠯᠴᠠᠬᠤ ᠲᠠᠳᠬᠠᠯ

ᠪᠤᠯᠪᠠᠰᠤᠷᠠᠯ ᠲᠠᠢ ᠪᠤᠯᠭᠠᠬᠤ ᠪᠣᠯ ᠮᠠᠰᠢ ᠵᠦᠪ᠃

      ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠭᠤᠴᠠᠭᠠᠨ ᠤ ᠬᠡᠯᠡ ᠪᠢᠴᠢᠭ ᠤᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢᠨ ᠶᠠᠷᠢᠶ᠎ᠠ

ᠬᠠᠷᠢᠯᠴᠠᠭᠠᠨ ᠤ ᠴᠢᠲᠠᠪᠦᠷᠢ ᠶᠢᠨ ᠪᠣᠯᠪᠠᠰᠤᠷᠠᠯ ᠳᠡᠭᠡᠭᠰᠢᠯᠡᠭᠦᠯᠦᠯᠲᠡ ᠳᠤ ᠲᠠᠷᠠᠭᠠᠬᠢ ᠬᠡᠲᠤᠨ ᠲᠠᠯ᠎ᠠ ᠪᠠᠷ

ᠰᠤᠷᠤᠭᠴᠢᠳ ᠢᠶᠠᠨ ᠵᠢᠯᠤᠭᠤᠳᠪᠠᠯ ᠵᠤᠬᠢᠨ᠎ᠡ᠃

      ᠨᠢᠭᠡ᠂ ᠪᠠᠭᠰᠢ ᠦᠪᠡᠷ ᠤᠨ ᠪᠡᠶ᠎ᠡ ᠪᠠᠷ ᠢᠶᠠᠨ ᠲᠠᠭᠤᠷᠢᠶᠠᠯ ᠪᠣᠯᠬᠤ ᠬᠡᠷᠡᠭᠲᠡᠢ᠃ ᠪᠠᠭᠰᠢ ᠦᠷᠬᠦᠯᠵᠢ ᠪᠠᠷᠢᠮᠵᠢᠶ᠎ᠠ

ᠠᠪᠢᠶ᠎ᠠ ᠤᠷᠠᠨ ᠤᠡᠭᠰᠢᠯᠭ᠎ᠠ ᠳᠤ ᠠᠩᠬᠠᠷᠤᠯ ᠲᠠᠯᠪᠢᠵᠦ ᠴᠠᠭ ᠢᠮᠠᠭᠲᠠ ᠦᠪᠡᠷ ᠢ ᠪᠠᠨ ᠴᠢᠩᠭ᠎ᠠ ᠱᠠᠭᠠᠷᠲᠠᠵᠦ᠂

ᠤᠷᠤᠰᠤᠮ᠎ᠠ ᠪᠣᠯᠪᠠᠰᠤᠷᠠᠩᠭᠤᠢ᠂ ᠠᠮᠢᠲᠤᠯᠢᠭ ᠴᠣᠪᠤᠭᠤ ᠶᠠᠷᠢᠵᠦ ᠢᠯᠡᠳᠭᠡᠬᠦ ᠨᠢ ᠰᠤᠷᠤᠭᠴᠢᠳ ᠢ ᠡᠲᠤᠷ ᠳᠤᠲᠤᠮ

ᠨᠥᠯᠦᠭᠡᠯᠡᠵᠦ ᠠᠶᠠᠨᠲᠠᠭᠠᠨ ᠰᠠᠳᠬᠢᠯ ᠢ ᠨᠢ ᠲᠠᠲᠠᠵᠦ ᠰᠤᠷᠤᠭᠴᠢᠳ ᠤᠨ ᠶᠠᠷᠢᠵᠦ ᠢᠯᠡᠳᠭᠡᠬᠦ ᠤᠷᠮᠠᠰ ᠢ ᠨᠢ ᠪᠤᠢ

ᠪᠤᠯᠭᠠᠵᠦ ᠴᠢᠲᠠᠲᠠᠭ᠃ ᠮᠦᠨ ᠴᠤ ᠬᠡᠯᠡ ᠪᠢᠴᠢᠭ ᠤᠨ ᠪᠠᠭᠰᠢ ᠬᠢᠴᠢᠶᠡᠯ ᠶᠠᠷᠢᠬᠤ ᠪᠣᠶᠤ ᠤᠷᠠᠨ ᠢᠯᠡᠳᠭᠡᠯ᠂ ᠶᠠᠷᠢᠶ᠎ᠠ

ᠢᠯᠡᠳᠭᠡᠯ ᠬᠢᠬᠦ ᠳᠤ ᠪᠠᠨ ᠴᠦᠮ ᠲᠠᠭᠤᠷᠢᠶᠠᠯ ᠪᠣᠯᠬᠤ ᠪᠠᠷ ᠴᠢᠷᠮᠠᠶᠢᠬᠤ ᠬᠡᠷᠡᠭᠲᠡᠢ᠃

      ᠬᠤᠶᠠᠷ᠂ ᠤᠡᠭᠰᠢᠯᠭ᠎ᠠ ᠶᠢᠨ ᠪᠤᠯᠪᠠᠰᠤᠷᠠᠯ ᠳᠤ ᠰᠠᠭᠤᠷᠢᠯᠠᠬᠤ ᠬᠡᠷᠡᠭᠲᠡᠢ᠃ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ

ᠱᠠᠲᠤᠨ ᠳᠤ ᠲᠤᠤᠷ᠎ᠠ ᠣᠨ ᠠᠴᠠ ᠨᠢ ᠡᠬᠢᠯᠡᠵᠦ ᠬᠡᠯᠡ ᠵᠥᠭᠰᠢᠷᠡᠬᠦᠯᠬᠦ ᠦᠭᠡ᠂ ᠬᠡᠯᠡᠴᠡ᠂ ᠣᠬᠤᠷ ᠳᠥᠭᠦᠮ ᠰᠢᠯᠦᠭ

ᠤᠡᠭᠰᠢᠵᠦ ᠴᠡᠭᠡᠵᠢᠯᠡᠬᠦᠯᠬᠦ ᠪᠠᠷ ᠲᠠᠮᠵᠢᠵᠦ ᠰᠤᠷᠤᠭᠴᠢᠳ ᠤᠨ ᠬᠡᠯᠡ ᠶᠠᠷᠢᠶᠠᠨ ᠤ ᠴᠢᠲᠠᠪᠦᠷᠢ ᠶᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠶᠢ

ᠴᠢᠬᠤᠯᠠᠴᠢᠯᠠᠬᠤ ᠭᠡᠷᠡᠭᠲᠡᠢ᠃ ᠰᠤᠷᠤᠭᠴᠢᠳ ᠤᠨ ᠶᠠᠷᠢᠵᠦ ᠬᠠᠷᠢᠯᠴᠠᠬᠤ ᠴᠢᠲᠠᠪᠦᠷᠢ ᠶᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠳᠤ ᠠᠲᠠᠯᠢ

ᠪᠤᠰᠤ ᠶᠢᠨ ᠱᠠᠲᠤᠨ ᠳᠤ ᠠᠲᠠᠯᠢ ᠪᠤᠰᠤ ᠶᠢᠨ ᠦᠨᠡᠯᠡᠵᠦ ᠪᠠᠶᠢᠴᠠᠭᠠᠬᠤ ᠠᠷᠭ᠎ᠠ ᠪᠠᠷ ᠢᠲᠡᠪᠬᠢᠵᠢᠯ ᠢ ᠨᠢ ᠳᠠᠶᠢᠴᠢᠯᠠᠵᠦ

ᠪᠤᠯᠤᠨ᠎ᠠ᠃ ᠮᠣᠩᠭᠤᠯ ᠲᠦᠮᠡᠨ ︽ᠬᠡᠯᠡᠭᠡᠢ ᠪᠣᠯ ᠤᠬᠠᠭᠠᠨ ᠲᠤᠲᠠᠮᠠᠭ︾ ᠭᠡᠵᠦ ᠦᠵᠡᠲᠡᠭ ᠲᠤᠯᠠ ︽ᠬᠡᠯᠡ

ᠲᠤᠭᠤᠯᠬᠤ ᠪᠠᠷ ᠬᠥᠯ ᠲᠤᠭᠤᠯ︾ ᠬᠡᠮᠡᠨ ᠠᠪᠢᠶ᠎ᠠ ᠪᠣᠯᠭᠠᠨ ᠢ ᠵᠥᠪ ᠲᠣᠲᠤ ᠬᠡᠯᠡᠬᠦᠯᠵᠦ ᠰᠤᠷᠭᠠᠬᠤ ᠶᠢ ᠮᠠᠰᠢ ᠶᠡᠭᠡ

ᠠᠩᠬᠠᠷᠲᠠᠭ᠃ ᠬᠡᠯᠡ ᠵᠥᠭᠰᠢᠷᠡᠭᠦᠯᠬᠦ ᠦᠭᠡ ᠨᠢ ᠬᠡᠯᠡ ᠶᠠᠷᠢᠶᠠᠨ ᠤ ᠬᠦᠭᠵᠢᠯᠲᠡ ᠳᠤ ᠴᠢᠬᠤᠯᠠ ᠪᠠᠶᠢᠷᠢ ᠶᠢ

ᠡᠵᠡᠯᠡᠲᠡᠭ ᠠᠴᠠ ᠪᠢ ᠰᠤᠷᠤᠭᠴᠢᠳ ᠢ ᠨᠢᠭᠡᠲᠤᠭᠡᠷ ᠣᠨ ᠳᠤ ᠤᠷᠤᠵᠦ ᠢᠷᠡᠮᠡᠭᠴᠡ ᠤᠷᠤᠰᠤᠮ᠎ᠠ᠂ ᠬᠤᠷᠲᠤᠨ

ᠲᠥᠷᠭᠡᠨ ᠶᠠᠷᠢᠵᠦ ᠴᠢᠲᠠᠬᠤ ᠶᠢ ᠱᠠᠭᠠᠷᠲᠠᠲᠠᠭ᠃ ︽ᠬᠡᠯᠡᠭᠰᠡᠭᠡᠷ ᠪᠠᠶᠢᠵᠦ ᠤᠷᠠᠨ ᠪᠤᠯᠤᠨ᠎ᠠ︾ ᠭᠡᠲᠡᠭ ᠢᠶᠠᠷ

ᠰᠤᠷᠤᠭᠴᠢ ᠪᠣᠯᠭᠠᠨ ᠤ ᠳᠤᠷ᠎ᠠ ᠪᠠᠬ᠎ᠠ ᠳᠤ ᠨᠢ ᠵᠤᠬᠢᠴᠠᠭᠤᠯᠵᠦ ᠤᠷᠮ᠎ᠠ ᠪᠠᠬ᠎ᠠ ᠣᠷᠭᠤᠭᠤᠯᠵᠦ ᠢᠲᠡᠭᠡᠯ ᠵᠣᠷᠢᠭ ᠢ ᠨᠢ

ᠨᠡᠮᠡᠭᠲᠡᠬᠦᠯᠲᠡᠭ᠃ ᠲᠡᠭᠡᠷ᠎ᠡ ᠣᠨ ᠤ ᠱᠠᠲᠤᠨ ᠳᠤ ᠦᠭᠡᠴᠢᠯᠡᠵᠦ ᠣᠡᠭᠰᠢᠬᠤ ᠪᠠᠷ ᠭᠤᠣᠯ ᠪᠤᠯᠭᠠᠵᠦ ᠶᠠᠷᠢᠶ᠎ᠠ ᠢᠯᠡᠳᠭᠡᠯ᠂

ᠰᠣᠩᠭᠤᠲᠠᠭ ᠪᠥᠲᠦᠭᠡᠯ ᠰᠢᠯᠦᠭ ᠵᠤᠬᠢᠶᠠᠯ ᠨᠠᠶᠢᠷᠠᠭᠤᠯᠤᠯ᠂ ᠤᠡᠭᠰᠢᠵᠦ ᠴᠡᠭᠡᠵᠢᠯᠡᠬᠦᠯᠬᠦ ᠪᠠᠷ ᠲᠠᠮᠵᠢᠵᠦ ᠶᠠᠷᠢᠶ᠎ᠠ

ᠬᠠᠷᠢᠯᠴᠠᠭᠠᠨ ᠤ ᠴᠢᠲᠠᠪᠦᠷᠢ ᠶᠢ ᠨᠢ ᠲᠡᠭᠡᠭᠰᠢᠯᠡᠭᠦᠯᠲᠡᠭ᠃

      ᠭᠤᠷᠪᠡ᠂ ᠨᠣᠮ ᠤᠡᠭᠰᠢᠯᠭ᠎ᠠ ᠶᠢ ᠴᠢᠬᠤᠯᠠᠴᠢᠯᠠᠵᠦ ᠬᠤᠷᠠᠮᠲᠤᠭᠤᠯᠤᠯ ᠬᠢᠬᠦ ᠶᠢ ᠪᠠᠷᠢᠮᠲᠠᠯᠠᠬᠤ          

ᠭᠡᠷᠡᠭᠲᠡᠢ᠃ ︽ᠨᠣᠮ ᠢ ᠲᠦᠮᠡᠨᠲᠡ ᠤᠡᠭᠰᠢᠪᠠᠰᠤ ᠪᠢᠷ ᠤᠨ ᠦᠵᠦᠬᠦᠷ ᠰᠢᠳᠢ ᠤᠷᠤᠰᠢᠮᠦᠢ︾ ᠭᠡᠲᠡᠭ ᠢᠶᠠᠷ ᠨᠣᠮ

ᠤᠡᠭᠰᠢᠯᠭ᠎ᠠ ᠪᠠᠷ ᠲᠠᠮᠵᠢᠨ ᠬᠦᠮᠦᠨ ᠤ ᠰᠡᠳᠬᠢᠯ ᠰᠡᠷᠭᠦᠨ ᠪᠢᠯᠢᠭ ᠨᠡᠭᠡᠭᠡᠭᠲᠡᠵᠦ ᠬᠡᠯᠡ ᠶᠠᠷᠢᠶᠠᠨ ᠤ ᠴᠢᠲᠠᠮᠵᠢ

ᠪᠦᠷᠢᠯᠲᠦᠵᠦ ᠲᠤᠭᠲᠠᠲᠠᠭ᠃ ᠨᠣᠮ ᠢ ᠤᠯᠠᠨ ᠤᠡᠭᠰᠢᠵᠦ ᠭᠤᠴᠤ ᠬᠡᠯᠡᠯᠭᠡ᠂ ᠰᠣᠩᠭᠤᠲᠠᠭ ᠬᠡᠰᠡᠭᠯᠡᠯ ᠢ ᠲᠡᠮᠳᠡᠭᠯᠡᠯ

ᠬᠢᠵᠦ ᠤᠢ ᠪᠤᠲᠤᠯ ᠳᠤ ᠪᠠᠨ ᠰᠢᠩᠭᠡᠭᠡᠵᠦ ᠦᠵᠡᠯ ᠰᠡᠳᠬᠢᠯ ᠳᠤ ᠪᠠᠨ ᠠᠮᠢᠯᠠᠭᠤᠯᠵᠦ ᠴᠢᠲᠠᠪᠡᠯ ᠤᠬᠠᠭᠠᠨ ᠴᠢᠳᠠᠯ

ᠪᠤᠯᠲᠠᠭ᠃ ᠶᠠᠷᠦ ᠨᠢ ᠬᠦᠮᠦᠰ ︽ᠤᠬᠠᠭᠠᠨ ᠳᠤ ᠨᠢ ᠦᠭᠡᠢ ᠪᠣᠯ ᠤᠷᠤᠭᠤᠯ ᠎ ᠳᠤ ᠨᠢ ᠦᠭᠡᠢ︾ ᠭᠡᠵᠦ          

ᠶᠠᠷᠢᠲᠠᠭ᠃ ᠶᠠᠭ ᠡᠶᠢᠮᠦ ᠠᠴᠠ ᠰᠤᠷᠤᠭᠴᠢ ᠡᠬᠢᠯᠡᠵᠦ ᠪᠦᠬᠦᠯᠢ ᠦᠰᠦᠭ ᠲᠠᠨᠢᠵᠦ ᠴᠢᠳᠠᠮᠠᠭᠴᠠ᠂ ᠲᠡᠳᠡᠨ ᠢ ᠨᠣᠮ

ᠤᠡᠭᠰᠢᠬᠤ ᠲᠠᠳᠬᠠᠯ ᠲᠠᠢ ᠪᠤᠯᠭᠠᠵᠦ ᠢᠷᠡᠭᠰᠡᠨ᠃ ᠠᠩᠬ᠎ᠠ ᠡᠬᠢᠯᠡᠬᠦ ᠪᠠᠷ ᠲᠤᠤᠷ᠎ᠠ ᠣᠨ ᠤ ᠬᠤᠭᠤᠴᠠᠭᠠᠨ ᠳᠤ ᠨᠣᠮ

ᠵᠤᠬᠢᠶᠠᠯ ᠤᠨ ᠭᠠᠷᠴᠠᠭ ᠴᠡᠭᠡᠵᠢᠯᠡᠵᠦ ᠬᠤᠷᠠᠮᠲᠤᠭᠤᠯᠵᠦ ᠪᠠᠶᠢᠭᠰᠠᠨ ᠠᠴᠠ ᠦᠯᠢᠭᠡᠷ ᠶᠠᠷᠢᠬᠤ᠂ ᠨᠣᠮ ᠲᠠᠨᠢᠯᠴᠠᠭᠤᠯᠬᠤ᠂

ᠨᠣᠮ ᠤᠡᠭᠰᠢᠭ᠌ᠰᠠᠨ ᠲᠥᠷᠦᠭᠲᠡᠯ ᠪᠢᠴᠢᠬᠦ ᠪᠣᠯᠭᠠᠵᠦ ᠡᠬᠦᠨ ᠢ ᠪᠠᠨ ᠤᠯᠠᠨ ᠤ ᠲᠤᠮᠲᠠ ᠪᠠᠨ ᠶᠠᠷᠢᠵᠦ ᠰᠤᠨᠢᠷᠬᠠᠭᠤᠯᠬᠤ

ᠠᠷᠭ᠎ᠠ ᠪᠠᠷ ᠰᠤᠷᠤᠭᠴᠢᠳ ᠢ ᠤᠷᠮᠠᠰᠢᠭᠤᠯᠵᠦ ᠵᠤᠷᠢᠬᠵᠢᠭᠤᠯᠲᠠᠭ᠃ ︽ᠨᠠᠷᠠᠨ ᠵᠦᠭ ᠤᠨ ᠬᠡᠤᠬᠡᠳ︾ ᠨᠣᠮ

ᠤᠡᠭᠰᠢᠯᠭ᠎ᠠ ᠶᠢᠨ ᠠᠵᠢᠯᠯᠠᠭ᠎ᠠ ᠪᠠᠨ ᠲᠤᠤᠷ᠎ᠠ ᠣᠨ ᠠᠴᠠ ᠲᠡᠭᠡᠷ᠎ᠡ ᠣᠨ ᠤ ᠬᠤᠭᠤᠴᠠᠭᠠᠨ ᠳᠤ ᠬᠦᠷᠲᠡᠯ᠎ᠡ ᠰᠢᠷᠢᠰ

ᠠᠵᠢᠯᠯᠠᠭᠠᠨ ᠪᠤᠯᠭᠠᠵᠦ ᠰᠤᠷᠤᠭᠴᠢ ᠪᠤᠯᠭᠠᠨ ᠢ ᠨᠣᠮ ᠳᠤ ᠪᠠᠭ᠋ᠠᠲᠠᠢ᠂ ᠬᠡᠯᠡ ᠤᠷᠠᠨ ᠪᠤᠯᠭᠠᠬᠤ ᠪᠠᠷ ᠭᠤᠣᠯ

ᠬᠠᠷᠠᠯᠲᠠ ᠪᠠᠨ ᠪᠤᠯᠭᠠᠵᠦ ᠢᠷᠡᠵᠡᠢ᠃

      ᠳᠥᠷᠪᠡ᠂ ᠪᠤᠲᠠᠲᠠᠢ ᠦᠢᠯᠡᠳᠦᠯᠭᠡ ᠳᠤ ᠤᠷᠤᠯᠴᠠᠭᠤᠯᠵᠦ᠂ ᠬᠡᠯᠡᠨ ᠶᠠᠷᠢᠶᠠᠨ ᠤ ᠠᠪᠢᠶᠠᠰ ᠢ ᠨᠢ ᠪᠠᠳᠠᠷᠠᠭᠤᠯᠬᠤ

ᠬᠡᠷᠡᠭᠲᠡᠢ᠃ ᠬᠢᠴᠢᠶᠡᠯ ᠤᠨ ᠭᠠᠲᠠᠨᠠᠬᠢ ᠬᠥᠲᠡᠯᠭᠡᠭᠡᠨ ᠲᠠᠢ ᠤᠶᠠᠯᠲᠤᠭᠤᠯᠵᠦ ᠤᠯᠠᠨ ᠬᠡᠯᠪᠡᠷᠢ ᠶᠢᠨ ᠤᠷᠤᠯᠲᠤᠭᠠᠨ

ᠮᠦᠷᠦ᠋ᠢᠴᠡᠭᠡᠨ ᠠᠵᠢᠯᠯᠠᠭ᠎ᠠ ᠬᠥᠲᠡᠯᠭᠡᠭᠡᠨ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠦ ᠶᠠᠷᠢᠵᠦ ᠢᠯᠡᠳᠭᠡᠬᠦ ᠤᠷᠮᠠᠰᠢᠯ ᠢ ᠬᠦᠭᠵᠢᠭᠡᠵᠦ

ᠴᠢᠲᠠᠪᠦᠷᠢ ᠶᠢ ᠨᠢ ᠲᠡᠭᠡᠭᠰᠢᠯᠡᠭᠦᠯᠦᠨ᠎ᠡ᠃ ᠡᠬᠦᠨ ᠳᠤ ᠬᠡᠯᠡᠴᠡ ᠶᠢᠨ ᠤᠳᠬ᠎ᠠ ᠶᠢ ᠶᠠᠷᠢᠭᠤᠯᠬᠤ᠂ ᠵᠢᠷᠤᠭ ᠠᠵᠢᠭᠯᠠᠵᠤ

ᠶᠠᠷᠢᠭᠤᠯᠬᠤ᠂ ᠰᠡᠲᠤᠪ ᠦᠭᠴᠦ ᠮᠠᠷᠭᠤᠯᠳᠤᠭᠤᠯᠬᠤ ᠮᠡᠲᠤ ᠶᠢᠨ ᠪᠤᠲᠠᠲᠠᠢ ᠦᠢᠯᠡᠲᠦᠯᠭᠡ ᠎ ᠳᠤ ᠤᠷᠤᠯᠴᠠᠭᠤᠯᠬᠤ

ᠬᠡᠯᠪᠡᠷᠢ ᠪᠠᠷ ᠬᠡᠯᠡᠨ ᠤ ᠴᠢᠲᠠᠪᠦᠷᠢ ᠶᠢᠨ ᠬᠦᠭᠵᠢᠯᠲᠠ ᠳᠤ ᠦᠢᠯᠡᠴᠢᠯᠡᠭᠦᠯᠦᠨ᠎ᠡ᠃

      ᠲᠠᠪᠤ᠂ ᠡᠬᠡ ᠬᠡᠯᠡ ᠪᠠᠷ ᠢᠶᠠᠨ ᠰᠡᠳᠬᠢᠵᠦ ᠦᠨᠲᠦᠰᠦᠲᠡᠨ ᠤ ᠪᠠᠨ ᠬᠡᠯᠡᠨ ᠤ ᠪᠠᠶᠠᠯᠢᠭ ᠢ ᠲᠠᠨᠢᠵᠦ ᠮᠡᠲᠡᠷᠡᠬᠦ

ᠲᠤᠬᠢᠶᠠᠯ ᠤᠯᠭᠤᠨ᠎ᠠ᠃ ᠮᠣᠩᠭᠤᠯᠴᠤᠳ ᠡᠷᠲᠡ ᠲᠡᠭᠡᠲᠤ ᠦᠶ᠎ᠡ ᠠᠴᠠ ᠪᠠᠨ ᠶᠠᠷᠢᠶᠠᠴᠢ᠂ ᠬᠡᠯᠡᠮᠦᠷᠴᠢ ᠪᠠᠷ ᠢᠶᠠᠨ

ᠠᠯᠲᠠᠷᠲᠠᠢ᠃ ᠶᠠᠷᠢᠬᠤ ᠨᠢ ᠢᠷᠠᠭᠤ ᠨᠠᠶᠢᠷᠠᠭ᠂ ᠲᠠᠭᠤᠯᠠᠬᠤ ᠨᠢ ᠭᠦᠨ ᠤᠬᠠᠭᠠᠨ ᠬᠡᠯᠲᠡᠢ᠃ ᠦᠭᠡ ᠬᠡᠯᠡᠨ ᠤ

ᠪᠠᠶᠠᠯᠢᠭ ᠢ ᠮᠡᠲᠡᠷᠡᠵᠦ ᠦᠭᠡ ᠎ ᠶᠢᠨ ᠤᠳᠬ᠎ᠠ ᠶᠢ ᠤᠬᠠᠭᠠᠷᠠᠵᠦ᠂ ᠠᠮᠢᠲᠤᠷᠠᠯ ᠳᠤ ᠪᠠᠨ ᠵᠦᠪ ᠰᠠᠶᠢᠬᠠᠨ ᠬᠡᠷᠡᠭᠯᠡᠵᠦ

︽ᠨᠣᠮ ᠳᠤ ᠮᠡᠷᠭᠡᠨ᠂ ᠦᠬᠡᠨ ᠳᠤ ᠴᠡᠴᠡᠨ︾ ᠪᠠᠶᠢᠬᠤ ᠶᠢ ᠡᠷᠬᠢᠮᠯᠡᠵᠦ ᠡᠲᠤᠷ ᠲᠤᠲᠦᠮ ᠤᠨ ᠶᠠᠷᠢᠶ᠎ᠠ ᠬᠠᠷᠢᠯᠴᠠᠭᠠᠨ ᠤ

ᠴᠢᠲᠠᠪᠦᠷᠢ ᠶᠢᠨ ᠬᠦᠭᠵᠢᠯᠲᠡ ᠶᠢ ᠴᠢᠩᠭᠠᠳᠬᠠᠵᠦ ᠢᠷᠠᠭᠤ ᠰᠤᠨᠤᠰᠬᠤᠯᠠᠩ ᠎ ᠲᠠᠢ᠂ ᠤᠷᠤᠰᠤᠮ᠎ᠠ ᠲᠣᠳᠤ ᠶᠠᠷᠢᠵᠦ

ᠢᠯᠡᠳᠭᠡᠬᠦ᠂ ᠪᠤᠲᠤᠯ ᠰᠠᠨᠠᠯ ᠢᠶᠠᠨ ᠪᠤᠯᠪᠠᠰᠤᠨ ᠶᠤᠰᠤᠷᠬᠠᠭ ᠢᠶᠠᠷ ᠰᠤᠯᠢᠯᠴᠠᠬᠤ ᠵᠦᠭ ᠬᠦᠲᠦᠯᠪᠠ᠃ ᠢᠡᠭᠬᠢᠬᠦ ᠳᠤ

ᠬᠢᠴᠢᠶᠡᠯ ᠠᠴᠠ ᠡᠮᠦᠨᠡᠬᠢ ᠭᠤᠷᠪᠠᠨ ᠮᠢᠨᠦ᠋ᠲ ᠤᠨ ᠶᠠᠷᠢᠶᠠᠨ ᠤ ᠴᠠᠭ ᠢ ᠦᠷ᠎ᠡ ᠪᠦᠲᠦᠮᠵᠢᠲᠠᠢ ᠠᠰᠢᠭᠯᠠᠵᠤ

ᠶᠠᠷᠢᠬᠤ ᠳᠤ ᠪᠠᠨ ᠤᠷᠤᠰᠤᠮ᠎ᠠ ᠢᠷᠠᠭᠤ᠂ ᠤᠳᠬ᠎ᠠ ᠰᠠᠨᠠᠭ᠎ᠠ ᠤᠶᠢᠯᠠᠭᠠᠮᠵᠢᠲᠠᠢ ᠪᠠᠶᠢᠬᠤ ᠶᠢ ᠱᠠᠭᠠᠷᠲᠠᠨ᠎ᠠ᠃ ᠰᠢᠨ᠎ᠡ

ᠣᠨ ᠢᠶᠠᠨ ᠤᠭᠲᠤᠬᠤ ᠤᠷᠠᠨ ᠰᠠᠶᠢᠬᠠᠨ ᠤ ᠲᠤᠭᠯᠠᠯᠲᠠ᠂ ᠰᠢᠯᠦᠭ ᠲᠠᠭᠤᠤ ᠶᠢᠨ ᠦᠵᠡᠭᠦᠯᠭᠡ᠂ ᠪᠢᠴᠢᠯᠭᠡ ᠶᠢᠨ

ᠰᠤᠷᠢᠭᠠᠨ᠂ ᠤᠶᠤᠨ ᠤ ᠮᠥᠷᠦ᠋ᠢᠴᠡᠭᠡᠨ᠂ ᠶᠠᠷᠢᠶ᠎ᠠ ᠢᠯᠡᠳᠭᠡᠯ ᠤᠨ ᠤᠷᠤᠯᠲᠤᠭᠠᠨ ᠵᠡᠷᠭᠡ ᠶᠢ ᠠᠰᠢᠭᠯᠠᠨ ᠪᠢᠴᠢᠬᠠᠨ

ᠬᠦᠲᠦᠯᠦᠭᠴᠢ ᠨᠠᠪᠲᠠᠷᠠᠭᠦᠯᠦᠭᠴᠢ ᠶᠢ ᠪᠤᠯᠪᠠᠰᠤᠷᠠᠭᠤᠯᠵᠦ ᠰᠤᠷᠤᠭᠴᠢᠳ ᠲᠤ ᠣᠢ ᠠᠪᠢᠶᠠᠰ ᠢᠶᠠᠨ ᠰᠤᠷᠢᠬᠤ ᠠᠵᠠ

ᠲᠤᠬᠢᠶᠠᠯ ᠢ ᠢᠯᠡᠬᠦᠬᠡᠨ ᠤᠯᠭᠤᠪᠠ᠃

      ᠵᠢᠷᠭᠤᠭ᠎ᠠ᠂ ᠴᠠᠭ ᠲᠤᠬᠠᠢ ᠳᠤ ᠨᠢ ᠵᠦᠪ ᠤᠨᠤᠪᠴᠢᠲᠠᠢ ᠦᠨᠡᠯᠡᠯᠲᠡ ᠦᠭᠬᠦᠭᠰᠡᠨ ᠪᠠᠶᠢᠬᠤ          

ᠬᠡᠷᠡᠭᠲᠡᠢ᠃ ᠦᠨᠡᠯᠡᠯᠲᠡ ᠶᠢᠨ ᠵᠣᠷᠢᠯᠭ᠎ᠠ ᠨᠢ ᠰᠤᠷᠤᠭᠴᠢᠳ ᠤᠨ ᠶᠠᠷᠢᠶ᠎ᠠ ᠬᠠᠷᠢᠯᠴᠠᠭᠠᠨ ᠤ ᠴᠢᠲᠠᠪᠦᠷᠢ ᠶᠢ

ᠲᠡᠭᠡᠭᠰᠢᠯᠡᠬᠦᠯᠬᠦ ᠪᠠ ᠪᠠᠭᠰᠢ ᠶᠢᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠪᠠᠨ ᠬᠠᠯᠠᠨ ᠰᠠᠶᠢᠵᠢᠷᠠᠭᠤᠯᠬᠤ ᠳᠤ ᠠᠰᠢᠭᠲᠠᠢ᠃ ᠡᠶᠢᠮᠦ ᠠᠴᠠ

ᠰᠤᠷᠤᠭᠴᠢᠳ ᠤᠨ ᠢᠯᠡᠷᠡᠯ᠂ ᠴᠢᠷᠮᠠᠶᠢᠯᠭ᠎ᠠ ᠲᠠᠪᠰᠢᠯᠲᠠ ᠳᠤ ᠴᠠᠭ ᠲᠤᠬᠠᠢ ᠳᠤ ᠨᠢ ᠵᠦᠪ ᠣᠨᠤᠪᠴᠢᠲᠠᠢ ᠦᠨᠡᠯᠡᠯᠲᠡ

ᠥᠭᠬᠦ ᠎ ᠨᠢ ᠲᠡᠳᠡᠨ ᠤ ᠰᠠᠶᠢᠨᠲᠠᠢ ᠲᠠᠯ᠎ᠠ ᠪᠠᠨ ᠤᠯᠠᠮ ᠪᠠᠲᠠᠷᠠᠭᠤᠯᠤᠨ ᠳᠤᠲᠠᠭᠲᠠᠯ ᠢᠶᠠᠨ ᠨᠥᠭᠦᠪᠦᠷᠢᠯᠠᠬᠦ ᠳᠤ ᠲᠤᠰᠠᠯᠠᠮᠵᠢ

ᠪᠤᠯᠲᠠᠭ᠃

      ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢᠳ ᠤᠨ ᠶᠠᠷᠢᠶ᠎ᠠ ᠬᠠᠷᠢᠯᠴᠠᠭᠠᠨ ᠤ ᠴᠢᠳᠠᠪᠦᠷᠢ ᠶᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠨᠢ

ᠬᠡᠯᠡ ᠪᠢᠴᠢᠭ ᠤᠨ ᠬᠡᠪ ᠪᠣᠯᠪᠠᠰᠤᠷᠠᠯ ᠢ ᠪᠦᠬᠦ ᠲᠠᠯ᠎ᠠ ᠪᠠᠷ ᠲᠡᠭᠡᠭᠰᠢᠯᠡᠬᠦᠯᠬᠦ ᠳᠤ ᠰᠠᠭᠤᠷᠢ ᠲᠠᠯᠪᠢᠵᠦ ᠴᠢᠳᠠᠨ᠎ᠠ᠃

      ᠶᠠᠷᠢᠶ᠎ᠠ ᠬᠠᠷᠢᠯᠴᠠᠭᠠᠨ ᠤ ᠴᠢᠳᠠᠪᠦᠷᠢ ᠶᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠨᠢ ᠰᠤᠷᠤᠭᠴᠢᠳ ᠤᠨ ᠴᠠᠭ ᠦᠶ᠎ᠡ ᠲᠠᠢ ᠬᠠᠮᠲᠤ ᠪᠠᠷ

ᠤᠷᠤᠭᠰᠢᠯᠠᠵᠦ ᠲᠡᠯᠭᠡᠷ ᠬᠠᠷᠠᠭ᠎ᠠ ᠲᠠᠢ ᠨᠡᠬᠡᠬᠡᠯᠲᠡᠯᠢᠭ ᠣᠪᠤᠷ᠂ ᠪᠦᠲᠦᠭᠡᠯᠴᠢ ᠰᠡᠳᠬᠢᠬᠦᠢ ᠲᠠᠢ ᠰᠢᠨ᠎ᠡ ᠶᠢ ᠡᠬᠦᠳᠬᠦ

ᠬᠦᠰᠡᠯ ᠢ ᠬᠦᠮᠦᠵᠢᠬᠦᠯᠬᠦ ᠳᠤ ᠠᠰᠢᠭᠲᠠᠢ᠃ ᠮᠦᠨ ᠴᠦ ᠰᠤᠷᠤᠭᠴᠢᠳ ᠤᠨ ᠨᠡᠶᠢᠭᠡᠮ ᠪᠠᠶᠢᠭᠠᠯᠢ ᠠᠮᠢᠲᠤᠷᠠᠯ ᠢ

ᠠᠩᠬᠠᠷᠴᠤ ᠠᠵᠢᠭᠯᠠᠬᠤ᠂ ᠪᠤᠰᠤᠳ ᠤᠨ ᠬᠡᠯᠡᠵᠦ ᠶᠠᠷᠢᠬᠤ ᠶᠢ ᠨᠢᠮᠪᠠᠢ ᠰᠤᠨᠤᠰᠬᠤ᠂ ᠨᠣᠮ ᠵᠤᠬᠢᠶᠠᠯ ᠠᠴᠠ ᠴᠡᠭᠡᠵᠢᠯᠡᠵᠦ

ᠲᠤᠭᠲᠠᠭᠠᠬᠤ ᠪᠤᠲᠤᠯ ᠰᠡᠳᠭᠢᠭᠲᠡᠯ ᠢ ᠨᠢ ᠠᠮᠢᠲᠤᠯᠢᠭ ᠴᠢᠯᠦᠭᠡᠲᠡᠢ ᠪᠤᠯᠭᠠᠵᠦ ᠴᠢᠳᠠᠨ᠎ᠠ᠃

      ᠠᠵᠢᠯᠯᠠᠵᠤ ᠪᠠᠶᠢᠭ᠎ᠠ ᠪᠠᠶᠢᠭᠤᠯᠭ᠎ᠠ᠄ ᠪᠠᠭᠠᠷᠢᠨ ᠵᠠᠬᠦᠨ ᠬᠤᠰᠢᠭᠤᠨ ᠤ ᠴᠠᠭᠠᠠᠬᠠᠲᠠ 

                               ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ

                               ︵ᠮᠦᠡᠭᠭᠦᠨᠴᠢᠮᠡᠭ ᠨᠠᠶᠢᠷᠠᠭᠤᠯᠪᠠ︶