ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠨᠣᠭᠤᠭᠠᠷᠠᠭᠤᠯᠤᠯᠲᠠ
ᠳᠤᠷᠠᠨ ᠬᠠᠷᠠᠭ᠎ᠠ
ᠤᠳᠤᠷᠢᠳᠤᠯᠭ᠎ᠠ᠎ᠶᠢᠨ ᠲᠠᠨᠢᠯᠴᠠᠭᠤᠯᠭ᠎ᠠ
ᠦᠢᠯᠡᠴᠢᠯᠡᠭᠡ   -   ᠦᠢᠯᠡᠴᠢᠯᠡᠬᠦ᠌ ᠵᠦᠭᠯᠡᠬᠦᠷ
ᠡᠪᠡᠰᠦ ᠪᠡᠯᠴᠢᠭᠡᠷ᠎ᠤᠨ ᠭᠦᠷᠦᠰᠦ ᠰᠢᠷᠦᠢ ᠵᠢ ᠰᠤᠯᠠᠷᠠᠭᠤᠯᠬᠤ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2023-12-08

      (1) ᠪᠡᠯᠴᠢᠭᠡᠷ᠎ᠤᠨ ᠭᠦᠷᠤᠰᠤ ᠰᠢᠷᠤᠢ ᠵᠢ ᠶᠠᠭ᠋ᠠᠭᠢᠵᠤ ᠰᠤᠯᠠᠷᠠᠭᠤᠯᠬᠤ ᠪᠤᠢ?
      ᠪᠤᠳᠠᠳᠤ ᠦᠢ᠍ᠯᠡᠳᠪᠤᠷᠢᠯᠡᠯ᠎ᠤᠨ ᠲᠤᠮᠳᠠ ᠪᠡᠯᠴᠢᠭᠡᠷ᠎ᠢ ᠨᠡᠷᠬᠠᠳᠡᠨ ᠰᠤᠯᠠᠷᠠᠭᠤᠯᠬᠤ᠂ ᠭᠦᠷᠤᠰᠤ ᠵᠢ ᠡᠰᠭᠡᠵᠤ ᠵᠦᠰᠤᠭᠦ᠂ ᠤᠷᠪᠠᠭᠤᠯᠤᠨ ᠨᠠᠷᠬᠠᠳᠠᠬᠤ ᠵᠡᠷᠭᠡ ᠠᠷᠭ᠎ᠠ᠎ᠪᠠᠷ ᠪᠡᠯᠴᠢᠭᠡᠷ᠎ᠤᠨ ᠭᠦᠷᠤᠰᠤ ᠵᠢ ᠰᠤᠯᠠᠷᠠᠭᠤᠯᠵᠤ ᠭᠦᠷᠦᠰᠤ ᠰᠢᠷᠤᠢ ᠵᠢᠨ ᠪᠦᠳᠦᠴᠡ ᠪᠡ ᠭᠡᠢ ᠨᠡᠪᠳᠡᠷᠡᠭᠦ ᠴᠢᠨᠠᠷ᠎ᠢ ᠰᠠᠶ᠋ᠢᠵᠢᠷᠠᠭᠤᠯᠵᠤ᠂ ᠤᠰᠤ ᠰᠢᠮᠡᠳᠭᠦ ᠴᠢᠳᠠᠪᠤᠷᠢ ᠵᠢ᠎ᠨᠢ ᠨᠡᠮᠡᠭᠳᠡᠭᠦᠯᠵᠤ᠂ ᠬᠠᠳᠤᠯᠠᠩ ᠪᠡᠯᠴᠢᠭᠡᠷ᠎ᠤᠨ ᠤᠷᠤᠭᠤᠯᠤᠯᠳᠠ᠎ᠳᠤ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠨᠦᠭᠦᠴᠡᠯ᠎ᠢ ᠪᠦᠷᠢᠯᠳᠦᠭᠦᠯᠦᠨ ᠦᠭᠳᠡᠭ ᠪᠠᠶ᠋ᠢᠨ᠎ᠠ᠃ 
      (2) ᠪᠡᠯᠴᠢᠭᠡᠷ᠎ᠤᠨ ᠭᠦᠷᠤᠰᠤ ᠵᠢ ᠶᠠᠮᠠᠷ ᠠᠷᠭ᠎ᠠ᠎ᠪᠠᠷ ᠨᠠᠷᠬᠠᠳᠠᠨ ᠰᠤᠯᠠᠷᠠᠭᠤᠯᠬᠤ ᠪᠤᠢ?
      ᠪᠡᠯᠴᠢᠭᠡᠷ᠎ᠤᠨ ᠭᠦᠷᠦᠰᠤ ᠵᠢ ᠨᠠᠷᠬᠠᠳᠠᠨ ᠰᠤᠯᠠᠷᠠᠭᠤᠯᠬᠤ ᠪᠤᠯ ᠪᠡᠯᠴᠢᠭᠡᠷ᠎ᠢ ᠰᠠᠶ᠋ᠢᠵᠢᠷᠠᠭᠤᠯᠬᠤ ᠭᠤᠤᠯ ᠠᠷᠭ᠎ᠠ᠎ᠨᠤᠭᠤᠳ᠎ᠤᠨ ᠨᠢᠭᠡ᠎ᠨᠢ ᠪᠤᠯᠤᠨ᠎ᠠ᠃ ᠲᠡᠭᠦᠨ᠎ᠤ ᠭᠤᠤᠯ ᠦᠢ᠍ᠯᠡᠳᠦᠯ᠎ᠨᠢ ᠭᠡᠪᠡᠯ ᠨᠢᠭᠡ᠎ᠳᠤ ᠪᠡᠯᠴᠢᠭᠡᠷ᠎ᠢ ᠴᠡᠪᠡᠷᠯᠡᠵᠤ᠂ ᠰᠦᠪᠡᠷᠭᠡᠭ ᠦᠨᠳᠤᠰᠤ ᠵᠢᠨ ᠭᠡᠯᠪᠡᠷᠢ ᠪᠡ ᠦᠨᠳᠦᠰᠦᠯᠢᠭ ᠭᠡᠯᠪᠡᠷᠢ ᠵᠢᠨ ᠤᠷᠭᠤᠮᠠᠯ᠎ᠤᠨ ᠰᠢᠮ᠎ᠠ ᠲᠡᠵᠢᠭᠡᠯ᠎ᠤᠨ ᠰᠢᠨᠡᠴᠢᠯᠡᠯᠳᠡ ᠵᠢ᠎ᠨᠢ ᠠᠭᠢᠭᠤᠯᠳᠠᠭ᠃ ᠬᠤᠶᠠᠷ᠎ᠲᠤ ᠪᠡᠯᠴᠢᠭᠡᠷ ᠪᠤᠯᠤᠨ ᠭᠦᠷᠤᠰᠤᠨ᠎ᠤ ᠦᠡᠭᠭᠡᠨ ᠲᠠᠪᠬᠤᠷᠭ᠎ᠠ ᠵᠢ ᠨᠠᠷᠬᠠᠳᠠᠨ ᠰᠤᠯᠠᠷᠠᠭᠤᠯᠪᠠᠯ᠂ ᠭᠦᠷᠤᠰᠤ ᠰᠢᠷᠤᠢ ᠵᠢᠨ ᠭᠡᠢ ᠨᠡᠪᠳᠡᠷᠡᠭᠦ ᠪᠡ ᠤᠰᠤ ᠰᠢᠮᠡᠳᠭᠦ ᠵᠢ ᠪᠦᠳᠦᠮᠵᠢᠳᠡᠢ᠎ᠪᠠᠷ ᠰᠠᠶ᠋ᠢᠵᠢᠷᠠᠭᠤᠯᠵᠤ᠂ ᠡᠪᠡᠰᠤᠨ᠎ᠤ ᠰᠢᠨᠡᠴᠢᠯᠡᠯᠳᠡ ᠵᠢ ᠠᠭᠢᠭᠤᠯᠵᠤ ᠴᠢᠳᠠᠨ᠎ᠠ᠃ 

      (3) ᠪᠡᠯᠴᠢᠭᠡᠷ᠎ᠤᠨ ᠭᠦᠷᠤᠰᠤ ᠵᠢ ᠶᠠᠷᠦᠳᠡ᠎ᠪᠠᠨ ᠶᠠᠭ᠋ᠠᠭᠢᠵᠤ ᠨᠠᠷᠬᠠᠳᠠᠨ ᠰᠤᠯᠠᠷᠠᠭᠤᠯᠳᠠᠭ ᠪᠤᠢ? 
      ᠶᠠᠷᠤ᠎ᠳᠡᠭᠡᠨ ᠭᠦᠷᠦᠰᠤ ᠵᠢ ᠪᠦᠰᠡᠯᠢᠭ ᠰᠤᠯᠠᠷᠠᠭᠤᠯᠬᠤ ᠪᠠ ᠭᠦᠷᠤᠰᠤ ᠵᠢ ᠰᠤᠯᠠᠷᠠᠭᠤᠯᠤᠨ ᠨᠦᠭᠦᠵᠤ ᠲᠠᠷᠢᠬᠤ ᠠᠷᠭ᠎ᠠ ᠵᠢ ᠠᠪᠳᠠᠭ᠃ ᠪᠤᠳᠠᠳᠠᠢ᠎ᠪᠠᠷ ᠭᠡᠯᠡᠪᠡᠯ᠄ 
      ① ᠭᠦᠷᠤᠰᠤ ᠵᠢ ᠪᠦᠰᠡᠯᠢᠭ ᠰᠤᠯᠠᠷᠠᠭᠤᠯᠬᠤ᠄ ᠭᠦᠷᠤᠰᠤ ᠰᠤᠯᠠᠷᠠᠭᠤᠯᠬᠤ ᠮᠠᠰᠢᠨ ᠵᠶ᠋ᠠᠷ ᠠᠳᠠᠯᠢ ᠦᠨᠳᠤᠷ᠎ᠤᠨ ᠱᠤᠭᠤᠮ ᠵᠶ᠋ᠠᠷ ᠨᠠᠷᠬᠠᠳᠠᠵᠤ᠂ ᠪᠦᠰᠡᠨ᠎ᠤ ᠦᠷᠭᠡᠴᠡ ᠵᠢ 30m᠂ ᠬᠤᠭᠤᠷᠤᠨᠳᠤᠭᠢ ᠵᠠᠢ ᠵᠢ 5m ᠪᠠᠶ᠋ᠢᠯᠭ᠋ᠠᠵᠤ᠂ ᠪᠤᠷᠤᠭ᠎ᠠ ᠤᠷᠤᠠᠠᠰᠠᠨ᠎ᠤ ᠰᠡᠭᠦᠯᠡᠷ ᠰᠤᠯᠠᠷᠠᠭᠤᠯᠵᠤ᠂ 15~20cm ᠭᠦᠨ ᠰᠤᠯᠠᠷᠠᠭᠤᠯᠪᠠᠯ ᠮᠠᠰᠢ ᠰᠠᠶ᠋ᠢᠨ᠃ ᠡᠨᠡ ᠠᠷᠭ᠎ᠠ᠎ᠨᠢ ᠶᠠᠷᠦᠩᠭᠡᠢ᠎ᠳᠡᠭᠡᠨ ᠭᠠᠩ ᠬᠠᠭᠤᠷᠠᠢ ᠲᠠᠯ᠎ᠠ ᠵᠢᠨ ᠪᠦᠰᠨ ᠵᠢᠨ ᠦᠨᠳᠤᠰᠤᠨ᠎ᠤ ᠪᠤᠳᠠ ᠵᠢᠨ ᠭᠡᠯᠪᠡᠷᠢᠳᠤ ᠪᠡᠯᠴᠢᠭᠡᠷ᠂ ᠵᠢᠱ᠌ᠢᠶᠡᠯᠡᠪᠡᠯ ᠠᠭᠢᠳᠤ ᠪᠡᠯᠴᠢᠭᠡᠷ᠎ᠲᠤ ᠲᠤᠭᠢᠷᠠᠨ᠎ᠠ᠃ 
      ② ᠭᠦᠷᠦᠰᠤ ᠵᠢ ᠰᠤᠯᠠᠷᠠᠭᠤᠯᠤᠨ ᠨᠦᠭᠦᠵᠤ ᠲᠠᠷᠢᠬᠤ᠄ ᠡᠪᠡᠰᠤ ᠬᠠᠳᠤᠯᠠᠩ ᠨᠦᠭᠦᠵᠤ ᠲᠠᠷᠢᠬᠤ᠎ᠳᠤ ᠪᠦᠰᠡ ᠵᠢᠨ ᠦᠷᠭᠡᠴᠡ ᠵᠢ 14~24cm᠂ ᠭᠦᠷᠦᠰᠤ ᠰᠤᠯᠠᠷᠠᠭᠤᠯᠬᠤ ᠭᠦᠨᠴᠡ ᠵᠢ 10~16cm ᠪᠠᠶ᠋ᠢᠯᠭ᠋ᠠᠵᠤ᠂ ᠨᠦᠭᠦᠨ ᠲᠠᠷᠢᠬᠤ ᠪᠦᠰᠡ ᠵᠢᠨ ᠬᠤᠭᠤᠷᠤᠨᠳᠤᠭᠢ ᠵᠠᠢ ᠵᠢ ᠭᠠᠵᠠᠷ᠎ᠤᠨ ᠪᠠᠶ᠋ᠢᠴᠠ ᠵᠢ ᠦᠵᠡᠨ ᠲᠤᠠᠠᠳᠠᠭ᠋ᠠᠵᠤ᠂ ᠦᠷᠭᠡᠨ ᠨᠠᠷᠢᠨ ᠵᠤᠷᠠᠭ᠎ᠠ ᠪᠦᠷ ᠪᠠᠶ᠋ᠢᠵᠤ ᠪᠤᠯᠤᠨ᠎ᠠ᠃ ᠨᠠᠷᠢᠨ ᠵᠤᠷᠠᠭ᠎ᠠ ᠵᠢᠨ ᠭᠦᠢ᠍ᠭᠡᠨ ᠭᠤᠪᠢᠯ᠎ᠤᠨ ᠪᠦᠰᠡ ᠵᠢᠨ ᠦᠷᠭᠡᠴᠡ ᠵᠢ 10cm᠂ ᠭᠦᠨᠴᠡ ᠵᠢ 5~6cm ᠵᠶ᠋ᠠᠷ ᠨᠦᠭᠦᠨ ᠲᠠᠷᠢᠪᠡᠯ ᠮᠠᠰᠢ ᠰᠠᠶ᠋ᠢᠨ ᠦᠷ᠎ᠡ ᠪᠦᠳᠦᠮᠵᠢ᠎ᠲᠠᠢ ᠪᠠᠶ᠋ᠢᠨ᠎ᠠ᠃ 
      (4) ᠪᠠᠶ᠋ᠢᠡᠭᠭᠤ ᠭᠡᠷᠡᠭᠯᠡᠳᠡᠭ ᠨᠠᠷᠬᠠᠳᠠᠭᠤᠷ ᠮᠠᠰᠢᠨ᠎ᠳᠤ ᠶᠠᠮᠠᠷ ᠭᠡᠳᠦᠨ ᠵᠦᠢ᠍ᠯ ᠪᠠᠶ᠋ᠢᠬᠤ ᠪᠤᠢ? 
      ᠪᠠᠶ᠋ᠢᠡᠭᠭᠤ ᠭᠡᠷᠡᠭᠯᠡᠳᠡᠭ ᠨᠠᠷᠬᠠᠳᠠᠬᠤ ᠮᠠᠰᠢᠨ ᠬᠤᠶᠠᠷ ᠵᠦᠢ᠍ᠯ ᠪᠠᠶ᠋ᠢᠨ᠎ᠠ᠃ ᠲᠤᠬᠠᠶ᠋ᠢᠯᠠᠪᠠᠯ ᠠᠷᠠᠭ᠋ᠠᠳᠤ ᠨᠠᠷᠬᠠᠳᠠᠭᠤᠷ ᠮᠠᠰᠢᠨ ᠪᠠ ᠲᠤᠭᠤᠷᠢᠭ ᠨᠠᠷᠬᠠᠳᠠᠭᠤᠷ ᠮᠠᠰᠢᠨ ᠪᠤᠯᠤᠨ᠎ᠠ᠃
       ᠠᠷᠠᠭ᠋ᠠᠳᠤ ᠨᠠᠷᠬᠠᠳᠠᠭᠤᠷ ᠮᠠᠰᠢᠨ᠎ᠢ ᠪᠤᠯ ᠡᠪᠡᠰᠤ ᠤᠷᠭᠤᠬᠤ ᠰᠢᠷᠤᠢ ᠵᠢᠨ ᠭᠡᠰᠡᠭ ᠪᠤᠯᠤᠨ ᠭᠦᠷᠦᠰᠤᠨ᠎ᠤ ᠭᠠᠳᠠᠷ ᠲᠠᠪᠬᠤᠷᠭ᠎ᠠ ᠵᠢ ᠰᠤᠯᠠᠷᠠᠭᠤᠯᠬᠤ᠎ᠳᠤ ᠭᠡᠷᠡᠭᠯᠡᠵᠤ᠂ ᠦᠨᠳᠤᠰᠦ ᠵᠢ ᠦᠭᠳᠡᠭᠡᠨ ᠠᠷᠢᠯᠭ᠋ᠠᠵᠤ᠂ ᠭᠦᠪᠳᠤ ᠵᠢᠨ ᠵᠦᠢ᠍ᠯ᠎ᠢ ᠬᠤᠰᠤᠵᠤ ᠠᠷᠢᠯᠭ᠋ᠠᠨ᠎ᠠ᠃ ᠲᠤᠭᠤᠷᠢᠭ ᠨᠠᠷᠬ᠎ᠠ᠎ᠨᠢ ᠪᠤᠯ ᠨᠠᠯᠢᠶᠡᠳ ᠭᠦᠨ ᠭᠦᠷᠦᠰᠤᠨ ᠲᠠᠪᠬᠤᠷᠭ᠎ᠠ (ᠶᠠᠷᠦᠩᠭᠡᠢ᠎ᠳᠡᠭᠡᠨ 6~8cm) ᠵᠢ ᠨᠠᠷᠬᠠᠳᠠᠨ ᠰᠤᠯᠠᠷᠠᠭᠤᠯᠵᠤ᠂ ᠡᠪᠡᠰᠤ ᠤᠷᠭᠤᠬᠤ ᠰᠢᠷᠤᠢ ᠵᠢᠨ ᠪᠦᠭᠦᠯᠢ ᠵᠢᠴᠢ ᠡᠪᠡᠰᠤᠨ᠎ᠤ ᠲᠦᠷᠦᠯ᠎ᠤᠨ ᠭᠦᠷᠦᠰᠤᠨ ᠲᠤᠤᠷᠠᠭᠢ ᠭᠡᠰᠡᠭ᠎ᠢ ᠭᠡᠮᠭᠡᠴᠢᠳᠡᠭ ᠪᠠᠶ᠋ᠢᠨ᠎ᠠ᠃ ᠡᠪᠡᠰᠤ ᠤᠷᠭᠤᠬᠤ ᠰᠢᠷᠤᠢ᠎ᠨᠢ ᠨᠡᠯᠢᠶᠡᠳ ᠵᠤᠵᠠᠭ᠋ᠠᠨ ᠪᠦᠭᠡᠳ ᠲᠠᠴᠢᠷ ᠪᠡᠯᠴᠢᠭᠡᠷ᠎ᠢ ᠪᠤᠯ ᠰᠡᠳᠡᠷᠭᠡᠢ ᠲᠤᠭᠤᠷᠢᠭ ᠨᠠᠷᠬᠠᠳᠠᠭᠤᠷ ᠮᠠᠰᠢᠨ ᠵᠶ᠋ᠠᠷ ᠨᠠᠷᠬᠠᠳᠠᠪᠠᠯ ᠮᠠᠰᠢ ᠰᠠᠶ᠋ᠢᠨ ᠦᠷ᠎ᠡ ᠪᠦᠳᠦᠮᠵᠢ ᠤᠯᠤᠨ᠎ᠠ᠃ 
      (5) ᠭᠦᠷᠦᠰᠤ ᠵᠢ ᠡᠰᠭᠡᠵᠤ ᠵᠦᠰᠤᠵᠤ ᠰᠠᠶ᠋ᠢᠵᠢᠷᠠᠭᠤᠯᠬᠤ ᠭᠡᠳᠡᠭ᠎ᠨᠢ ᠶᠠᠮᠠᠷ ᠠᠷᠭ᠎ᠠ ᠵᠢ ᠵᠢᠭ᠋ᠠᠵᠤ ᠪᠠᠶ᠋ᠢᠬᠤ ᠪᠤᠢ?
      ᠡᠩ ᠲᠠᠷᠢᠭᠦᠨ᠎ᠳᠤ ᠶᠠᠭ᠋ᠠᠭᠢᠭ᠋ᠠᠳ ᠭᠦᠷᠤᠰᠤ ᠵᠢ ᠡᠰᠭᠡᠨ ᠵᠦᠰᠦᠭᠦ ᠠᠷᠭ᠎ᠠ᠎ᠪᠠᠷ ᠪᠡᠯᠴᠢᠭᠡᠷ᠎ᠢ ᠰᠠᠶ᠋ᠢᠵᠢᠷᠠᠭᠤᠯᠳᠠᠭ ᠪᠤᠢ ᠭᠡᠪᠡᠯ ᠤᠯᠠᠨ ᠵᠢᠯ ᠤᠷᠭᠤᠠᠠᠰᠠᠨ ᠡᠪᠡᠰᠤ ᠪᠡᠯᠴᠢᠭᠡᠷ᠎ᠨᠢ 3~5 ᠵᠢᠯ ᠴᠢᠨ᠋ᠬᠠᠰᠢᠯᠠᠪᠠᠯ ᠨᠡᠩ ᠤᠯᠠᠨ ᠵᠢᠯ ᠤᠷᠭᠤᠵᠤ ᠠᠰᠢᠠᠠᠯᠬᠠᠳᠠᠬᠤ ᠶᠠᠪᠤᠴᠠ᠎ᠳᠠᠭᠠᠨ ᠡᠪᠡᠰᠤᠨ᠎ᠤ ᠭᠦᠷᠦᠰᠤᠨ ᠲᠤᠤᠷᠠᠭᠢ ᠦᠨᠳᠤᠰᠤ ᠡᠰᠢ᠎ᠨᠢ ᠦᠡᠭᠭᠡᠨ ᠲᠠᠯ᠎ᠠ ᠵᠢᠨ ᠰᠢᠷᠤᠢ᠎ᠲᠠᠢ ᠪᠠᠷᠢᠯᠳᠤᠨ ᠪᠦᠭᠡᠮᠨᠡᠷᠡᠵᠤ᠂ ᠭᠦᠷᠤᠰᠤ ᠰᠢᠷᠤᠢ ᠵᠢ ᠬᠠᠳᠠᠭᠤᠷᠠᠭᠤᠯᠵᠤ᠂ ᠭᠦᠷᠤᠰᠤ ᠰᠢᠷᠤᠢ ᠵᠢᠨ ᠲᠡᠭᠡᠳᠤ ᠭᠡᠰᠡᠭ᠎ᠨᠢ ᠨᠢᠭᠡᠨ ᠲᠠᠪᠬᠤᠷᠭ᠎ᠠ ᠡᠪᠡᠰᠦᠯᠢᠭ ᠬᠠᠯᠢᠰᠤ ᠪᠤᠯᠤᠭ᠋ᠠᠳ᠂ ᠭᠡᠢ ᠨᠡᠪᠳᠡᠷᠡᠭᠦ ᠦᠭᠡᠢ ᠤᠰᠤ ᠰᠢᠮᠡᠳᠭᠦ ᠦᠭᠡᠢ ᠪᠤᠯᠵᠤ᠂ ᠤᠷᠭᠤᠮᠠᠯ ᠰᠢᠩᠭᠡᠷᠡᠵᠤ᠂ ᠮᠢᠺᠷᠤᠪ᠎ᠤᠨ ᠠᠵᠢᠯᠯᠠᠭ᠎ᠠ᠎ᠨᠢ ᠲᠤᠷᠦ᠋ᠢ᠍ᠳᠠᠵᠤ᠂ ᠭᠦᠷᠤᠰᠤ ᠰᠢᠷᠤᠢ ᠭᠠᠨᠭ᠌ᠳᠠᠨ ᠬᠠᠳᠠᠵᠤ᠂ ᠰᠢᠩᠭᠡᠭᠡᠨ ᠠᠪᠬᠤ ᠰᠢᠮ᠎ᠠ ᠲᠡᠵᠢᠭᠡᠯ᠎ᠤᠨ ᠵᠦᠢ᠍ᠯ᠎ᠨᠢ ᠭᠦᠷᠦᠯᠴᠡᠬᠦ ᠦᠭᠡᠢ ᠪᠤᠯᠤᠭ᠋ᠠᠳ᠂ ᠦᠢ᠍ᠯᠡᠳᠪᠤᠷᠢᠯᠡᠯ᠎ᠤᠨ ᠭᠦᠴᠤᠨ᠎ᠨᠢ ᠰᠢᠷᠦᠭᠦᠨ ᠪᠠᠭᠤᠷᠠᠳᠠᠭ ᠪᠠᠶ᠋ᠢᠨ᠎ᠠ᠃ ᠡᠪᠡᠰᠤᠨ᠎ᠤ ᠬᠠᠯᠢᠰᠤ ᠵᠢ ᠡᠰᠭᠡᠨ ᠵᠦᠰᠦᠵᠤ ᠪᠠᠶ᠋ᠢᠬᠤ᠎ᠨᠢ ᠲᠠᠷᠤᠢ ᠪᠠᠶ᠋ᠢᠭ᠋ᠠᠯᠢᠯᠢᠬ ᠪᠡᠯᠴᠢᠭᠡᠷ᠎ᠤᠨ ᠤᠷᠭᠤᠮᠠᠯ᠎ᠤᠨ ᠪᠦᠳᠦᠴᠡ ᠵᠢ᠎ᠨᠢ ᠡᠪᠳᠡᠭᠦ ᠦᠭᠡᠢ ᠪᠠᠶ᠋ᠢᠳᠠᠯ ᠲᠤᠤᠷ᠎ᠡ ᠡᠪᠡᠰᠤᠨ ᠬᠠᠯᠢᠰᠤᠯᠢᠭ᠎ᠢ ᠵᠦᠰᠤᠨ ᠰᠠᠯᠭ᠋ᠠᠵᠤ ᠪᠠᠶ᠋ᠢᠬᠤ ᠨᠢᠭᠡᠨ ᠵᠦᠢ᠍ᠯ᠎ᠤᠨ ᠡᠪᠡᠰᠤ ᠪᠤᠶ᠋ᠢᠵᠢᠭᠤᠯᠬᠤ ᠠᠷᠭ᠎ᠠ ᠭᠡᠮᠵᠢᠶ᠎ᠠ ᠪᠤᠯᠤᠨ᠎ᠠ᠃ 
      (6) ᠪᠡᠯᠴᠢᠭᠡᠷ ᠪᠦᠭᠦᠨ᠎ᠢ ᠴᠦᠮ ᠡᠰᠭᠡᠵᠤ ᠵᠦᠰᠤᠵᠤ ᠰᠠᠶ᠋ᠢᠵᠢᠷᠠᠭᠤᠯᠵᠤ ᠪᠤᠯᠤᠨ᠎ᠠ ᠤᠤ?
      ᠡᠰᠭᠡᠵᠤ ᠵᠦᠰᠦᠭᠦ ᠠᠷᠭ᠎ᠠ᠎ᠨᠢ ᠭᠡᠳᠦ᠋ᠢ᠍ᠪᠡᠷ ᠰᠠᠶ᠋ᠢᠨ ᠪᠤᠯᠪᠠᠴᠤ ᠪᠡᠯᠴᠢᠭᠡᠷ ᠪᠦᠭᠦᠨ᠎ᠢ ᠴᠦᠮ ᠡᠰᠭᠡᠵᠤ ᠵᠦᠰᠦᠭᠦ ᠴᠢᠬᠤᠯᠠ ᠦᠭᠡᠢ ᠪᠠᠶ᠋ᠢᠳᠠᠭ᠃ ᠭᠤᠤᠯ᠎ᠨᠢ ᠪᠡᠯᠴᠢᠭᠡᠷ᠎ᠤᠨ ᠪᠤᠳᠠᠳᠠᠢ ᠨᠦᠭᠦᠴᠡᠯ᠎ᠢ ᠦᠨᠳᠦᠰᠦᠯᠡᠨ ᠲᠤᠠᠠᠳᠠᠭ᠋ᠠᠬᠤ ᠭᠡᠷᠡᠭᠳᠡᠢ᠃ ᠵᠢᠱ᠌ᠢᠶᠡᠯᠡᠪᠡᠯ ᠬᠠᠭᠢᠷ ᠭᠦᠢ᠍ᠳᠡᠨ ᠴᠢᠭᠢᠭᠯᠢᠭ ᠦᠨᠳᠦᠷᠯᠢᠭ᠎ᠤᠨ ᠪᠡᠯᠴᠢᠭᠡᠷ᠂ ᠠᠭᠤᠷ ᠠᠮᠢᠰᠬᠤᠯ ᠲᠤᠯᠠᠭ᠋ᠠᠨ ᠪᠦᠭᠡᠳ ᠭᠦᠷᠦᠰᠤ ᠰᠢᠷᠤᠢ᠎ᠨᠢ ᠵᠢᠯ ᠲᠤᠵᠢ ᠤᠰᠤᠷᠬᠠᠭ ᠪᠠᠶ᠋ᠢᠳᠠᠭ ᠪᠡᠯᠴᠢᠭᠡᠷ᠎ᠲᠤ ᠴᠦᠮ ᠡᠨᠡ ᠠᠷᠭ᠎ᠠ ᠵᠢ ᠭᠡᠷᠡᠭᠯᠡᠨ ᠰᠠᠶ᠋ᠢᠵᠢᠷᠠᠭᠤᠯᠵᠤ ᠪᠤᠯᠤᠨ᠎ᠠ᠃ ᠨᠠᠯᠠᠤ ᠭᠦᠳᠦᠯ ᠪᠤᠯᠤᠨ ᠭᠦᠷᠦᠰᠤᠨ ᠲᠠᠪᠬᠤᠷᠭ᠎ᠠ᠎ᠨᠢ ᠨᠢᠮᠭᠡᠨ ᠬᠠᠶ᠋ᠢᠷ ᠴᠢᠯᠠᠭᠤ᠎ᠲᠠᠢ ᠪᠠᠯᠴᠢᠭᠡᠷ᠎ᠲᠤ ᠡᠨᠡ ᠠᠷᠭ᠎ᠠ ᠵᠢ ᠭᠡᠷᠡᠭᠯᠡᠵᠤ ᠪᠤᠯᠬᠤ ᠦᠭᠡᠢ᠃ 
      (7) ᠡᠰᠭᠡᠵᠤ ᠵᠦᠰᠦᠭᠦ ᠠᠷᠭ᠎ᠠ ᠵᠢ ᠶᠠᠭ᠋ᠠᠭᠢᠵᠤ ᠭᠡᠷᠡᠭᠯᠡᠭᠦ ᠪᠤᠢ? ᠶᠠᠮᠠᠷ ᠠᠰᠠᠭᠤᠳᠠᠯ᠎ᠢ ᠠᠩᠬᠠᠷᠬᠤ ᠴᠢᠬᠤᠯᠠ᠎ᠲᠠᠢ ᠪᠤᠢ?
      ᠡᠪᠡᠰᠤᠨ ᠭᠦᠷᠤᠰᠤ ᠵᠢ ᠡᠰᠭᠡᠵᠤ ᠵᠦᠰᠦᠭᠦ ᠭᠦᠨᠴᠡ ᠵᠢ ᠡᠪᠡᠰᠤᠨ ᠭᠦᠷᠦᠰᠤᠨ᠎ᠤ ᠵᠤᠵᠠᠭ᠋ᠠᠨ ᠵᠶ᠋ᠠᠷ ᠪᠠᠷᠢᠮᠵᠢᠶᠠᠯᠡᠨ᠎ᠠ᠃ ᠶᠠᠷᠦᠩᠭᠡᠢ᠎ᠳᠡᠭᠡᠨ 10~15cm᠎ᠠᠴᠠ ᠨᠢᠮᠭᠡᠨ ᠪᠠᠶ᠋ᠢᠯᠭ᠋ᠠᠵᠤ ᠪᠤᠯᠬᠤ ᠦᠭᠡᠢ᠃ ᠵᠦᠰᠦᠭᠦ ᠮᠦᠷ᠎ᠤᠨ ᠵᠠᠢ ᠵᠢ 30~60cm ᠪᠠᠶ᠋ᠢᠯᠭ᠋ᠠᠪᠠᠯ ᠲᠤᠭᠢᠷᠠᠮᠵᠢᠳᠡᠢ᠃ ᠡᠪᠡᠰᠤᠨ ᠭᠦᠷᠤᠰᠤ ᠵᠢ ᠡᠰᠭᠡᠵᠤ ᠵᠦᠰᠦᠭᠦ᠎ᠳᠤ ᠵᠠᠷᠢᠮ ᠡᠪᠡᠰᠤᠨ᠎ᠤ ᠦᠨᠳᠤᠰᠤᠨ ᠰᠢᠰᠲ᠋ᠧᠮ᠎ᠢ ᠲᠠᠰᠤᠯᠵᠤ᠂ ᠲᠡᠭᠦᠨ᠎ᠤ ᠤᠷᠭᠤᠴᠠ ᠵᠢ᠎ᠨᠢ ᠨᠦᠯᠦᠭᠡᠯᠡᠭᠦ᠎ᠨᠢ ᠵᠠᠶ᠋ᠢᠯᠠᠰᠢ ᠦᠭᠡᠢ᠃ ᠡᠶ᠋ᠢᠮᠤ᠎ᠠᠴᠠ ᠬᠤᠷᠢᠶᠠᠯᠳᠠ ᠬᠠᠰᠤᠠᠠᠳᠠᠬᠤ᠎ᠠᠴᠠ ᠵᠠᠶ᠋ᠢᠯᠠᠰᠭᠢᠭᠦ ᠵᠢᠨ ᠲᠤᠰᠠᠳᠠ ᠡᠪᠡᠰᠤᠨ ᠭᠦᠷᠤᠰᠤ ᠵᠢ ᠡᠰᠭᠡᠵᠤ ᠵᠦᠰᠦᠭᠦ ᠶᠠᠪᠤᠳᠠᠯ᠎ᠢ ᠡᠪᠡᠰᠤ ᠨᠤᠭᠤᠭ᠎ᠠ ᠵᠢᠨ ᠤᠷᠭᠤᠯᠳᠠ ᠵᠢᠨ ᠭᠦᠭ ᠦᠶ᠎ᠠ᠎ᠳᠤ ᠭᠢᠵᠤ ᠪᠤᠯᠬᠤ ᠦᠭᠡᠢ᠂ ᠬᠠᠪᠤᠷ ᠡᠷᠳᠡ ᠪᠤᠶᠤ ᠨᠠᠮᠤᠷ᠎ᠤᠨ ᠰᠡᠭᠦᠯᠴᠢ ᠭᠢᠪᠡᠯ ᠲᠤᠭᠢᠷᠠᠮᠵᠢᠳᠡᠢ᠃ ᠡᠰᠭᠡᠵᠤ ᠵᠦᠰᠦᠭᠦ᠎ᠳᠡᠭᠡᠨ ᠡᠰᠭᠡᠵᠤ ᠵᠦᠰᠦᠭᠦ ᠵᠢᠨ ᠲᠠᠭ᠋ᠠᠤ ᠪᠠᠭ᠎ᠠ ᠰᠤᠯᠠᠷᠠᠭᠤᠯᠪᠠᠯ ᠰᠠᠶ᠋ᠢᠨ᠃ ᠤᠷᠪᠠᠭᠤᠯᠬᠤ ᠵᠢ ᠡᠷᠡᠰ ᠴᠡᠭᠡᠷᠯᠡᠭᠦ ᠭᠡᠷᠡᠭᠳᠡᠢ᠃ 
      (8) ᠭᠦᠷᠦᠰᠤ ᠡᠰᠭᠡᠵᠤ ᠵᠦᠰᠦᠭᠦ᠎ᠳᠤ ᠶᠠᠮᠠᠷ ᠮᠠᠰᠢᠨ ᠪᠠᠭ᠋ᠠᠵᠢ ᠪᠠᠶ᠋ᠢᠬᠤ ᠪᠤᠢ?
       ᠡᠪᠡᠰᠤᠨ ᠭᠦᠷᠤᠰᠤ ᠡᠰᠭᠡᠵᠤ ᠵᠦᠰᠦᠭᠦ᠎ᠳᠤ ᠭᠦᠯᠦᠰᠢᠨ᠎ᠤ ᠤᠨᠤᠭ᠎ᠠ ᠪᠤᠶᠤ ᠲᠷᠠᠺᠲ᠋ᠤᠷ ᠵᠶ᠋ᠠᠷ ᠴᠢᠷᠭᠦ ᠲᠠᠷᠢᠶᠠᠯᠠᠩ᠎ᠤᠨ ᠪᠠᠭ᠋ᠠᠵᠢ ᠵᠢᠱ᠌ᠢᠶᠡᠯᠡᠪᠡᠯ ᠬᠠᠷᠢᠶᠠᠴᠠᠢ ᠠᠠᠵᠢᠰᠤ᠂ ᠲᠤᠭᠤᠷᠢᠭ ᠨᠠᠷᠬᠠᠳᠠᠭᠤᠷ ᠮᠠᠰᠢᠨ᠂ ᠨᠢᠷᠤᠭᠤ ᠦᠭᠡᠢ ᠠᠠᠵᠢᠰᠤ ᠵᠡᠷᠭᠡ ᠵᠢ ᠴᠦᠮ ᠭᠡᠷᠡᠭᠯᠡᠵᠤ ᠪᠤᠯᠤᠨ᠎ᠠ᠃ 
      (9) ᠭᠦᠢ᠍ᠭᠡᠨ ᠤᠷᠪᠠᠭᠤᠯᠵᠤ ᠰᠠᠶ᠋ᠢᠵᠢᠷᠠᠭᠤᠯᠬᠤ ᠭᠡᠳᠡᠭ᠎ᠨᠢ ᠶᠠᠭᠤ ᠵᠢ ᠵᠢᠭ᠋ᠠᠵᠤ ᠪᠠᠶ᠋ᠢᠬᠤ ᠪᠤᠢ? 
      ᠪᠡᠯᠴᠢᠭᠡᠷ᠎ᠢ ᠭᠦᠢ᠍ᠭᠡᠨ ᠤᠷᠪᠠᠭᠤᠯᠬᠤ ᠭᠡᠳᠡᠭ᠎ᠨᠢ ᠲᠠᠷᠤᠢ ᠬᠤᠤᠰ ᠭᠦᠷᠳᠦᠳᠤ ᠬᠤᠤᠰ ᠬᠤᠰᠢᠭᠤᠳᠤ ᠠᠠᠵᠢᠰᠤ ᠪᠤᠶᠤ ᠮᠠᠰᠢᠨ ᠴᠢᠷᠦᠭᠦᠯᠳᠤ ᠲᠠᠪᠤᠨ ᠬᠤᠰᠢᠭᠤᠳᠤ ᠠᠠᠵᠢᠰᠤ᠎ᠪᠠᠷ ᠪᠡᠯᠴᠢᠭᠡᠷ᠎ᠢ 10~15cm ᠤᠷᠪᠠᠭᠤᠯᠵᠤ᠂ ᠲᠠᠭᠢᠨ ᠲᠤᠭᠤᠷᠢᠭ ᠨᠠᠷᠬᠠᠳᠠᠭᠤᠷ ᠮᠠᠰᠢᠨ ᠵᠶ᠋ᠠᠷ ᠨᠠᠷᠬᠠᠳᠠᠵᠤ᠂ ᠪᠡᠯᠴᠢᠭᠡᠷ᠎ᠤᠨ ᠭᠦᠷᠤᠰᠤ ᠰᠢᠷᠤᠢ ᠵᠢ ᠰᠤᠯᠠᠷᠠᠭᠤᠯᠵᠤ᠂ ᠡᠪᠡᠰᠤ ᠪᠡᠯᠴᠢᠭᠡᠷ᠎ᠤᠨ ᠠᠶᠠᠠᠳᠠᠭ᠋ᠠᠨ ᠰᠢᠨᠡᠴᠢᠯᠡᠭᠳᠡᠭᠦ ᠵᠢ ᠠᠭᠢᠭᠤᠯᠬᠤ ᠵᠢ ᠭᠡᠯᠡᠵᠤ ᠪᠤᠢ᠃ ᠬᠦᠢ᠍ᠬᠡᠨ ᠤᠷᠪᠠᠭᠤᠯᠬᠤ᠎ᠨᠢ ᠮᠦᠨ ᠴᠦ᠍ ᠡᠪᠡᠰᠤ ᠪᠡᠯᠴᠢᠭᠡᠷ᠎ᠤᠨ ᠲᠡᠭᠡᠳᠤ ᠲᠠᠪᠬᠤᠷᠭ᠎ᠠ ᠵᠢᠨ ᠭᠦᠷᠤᠰᠤ ᠵᠢ ᠰᠠᠶ᠋ᠢᠵᠢᠷᠠᠭᠤᠯᠬᠤ ᠹᠢᠽᠢᠺ᠎ᠤᠨ ᠪᠠᠶ᠋ᠢᠳᠠᠯ ᠵᠶ᠋ᠠᠷ ᠲᠠᠮᠵᠢᠭᠤᠯᠤᠨ ᠬᠠᠳᠤᠯᠠᠩ ᠪᠡᠯᠴᠢᠭᠡᠷ᠎ᠢ ᠤᠨᠠᠯᠳᠠ ᠬᠤᠷᠢᠶᠠᠯᠳᠠ ᠰᠠᠶ᠋ᠢᠳᠠᠢ ᠪᠤᠯᠭ᠋ᠠᠳᠠᠭ᠃ ᠡᠨᠡ ᠠᠷᠭ᠎ᠠ ᠵᠢ ᠵᠡᠭᠦᠨ ᠬᠤᠶ᠋ᠢᠳᠤ ᠤᠷᠤᠨ ᠪᠤᠯᠤᠨ ᠦᠪᠤᠷ ᠮᠤᠩᠭᠤᠯ᠎ᠤᠨ ᠭᠢᠯᠭ᠋ᠠᠨ᠎ᠠ᠂ ᠭᠦᠭᠡ ᠡᠪᠡᠰᠤ (ᠠᠯᠢᠰᠤ) ᠪᠤᠶᠤ ᠰᠤᠯᠡ ᠡᠪᠡᠰᠤ᠂ ᠭᠦᠭᠡ ᠡᠪᠡᠰᠤ ᠵᠢᠨ ᠪᠡᠯᠴᠢᠭᠡᠷ᠎ᠲᠤ ᠭᠡᠷᠡᠭᠯᠡᠭᠡᠳ ᠮᠠᠰᠢ ᠰᠠᠶ᠋ᠢᠨ ᠦᠷ᠎ᠠ ᠪᠦᠳᠦᠭᠡᠯ ᠤᠯᠵᠠᠢ᠃ ᠬᠦᠢ᠍ᠬᠡᠨ ᠤᠷᠪᠠᠭᠤᠯᠤᠭ᠋ᠠᠳ ᠭᠤᠷᠪᠡᠨ ᠵᠢᠯ᠎ᠤᠨ ᠲᠠᠷᠠᠭ᠎ᠠ ᠭᠦᠭᠡ ᠡᠪᠡᠰᠤ᠎ᠨᠢ ᠡᠪᠡᠰᠤᠨ᠎ᠤ ᠪᠦᠯᠦᠭᠯᠡᠯ᠎ᠤᠨ 50%᠎ᠠᠴᠠ ᠲᠡᠭᠡᠭᠰᠢᠭᠢ ᠵᠢ ᠡᠵᠡᠯᠡᠵᠤ᠂ ᠲᠠᠪᠠᠭᠤᠯᠢᠭ ᠪᠠᠶ᠋ᠢᠷᠢᠨ᠎ᠳᠤ ᠲᠠᠪᠰᠢᠬᠤ ᠵᠢᠨ ᠬᠠᠮᠳᠤ 4~5 ᠵᠢᠯ ᠦᠷᠭᠦᠯᠵᠢᠯᠡᠵᠤ᠂ ᠤᠨᠠᠯᠳᠠ ᠬᠤᠷᠢᠶᠠᠯᠳᠠ᠎ᠨᠢ 2~3 ᠲᠠᠭᠢᠨ ᠲᠡᠭᠡᠭᠰᠢᠯᠡᠭᠦ ᠪᠤᠯᠤᠨ᠎ᠠ᠃ 
      (10) ᠶᠠᠭ᠋ᠠᠭᠢᠬᠤ᠎ᠳᠠᠭᠠᠨ ᠬᠦᠢ᠍ᠬᠡᠨ ᠤᠷᠪᠠᠭᠤᠯᠬᠤ᠎ᠨᠢ ᠭᠦᠭᠡ ᠡᠪᠡᠰᠤᠨ᠎ᠤ ᠤᠷᠭᠤᠯᠳᠠ ᠵᠢ ᠰᠠᠶ᠋ᠢᠵᠢᠷᠠᠭᠤᠯᠵᠤ ᠴᠢᠳᠠᠳᠠᠭ ᠪᠤᠢ?
      ᠬᠦᠢ᠍ᠬᠡᠨ ᠤᠷᠪᠠᠭᠤᠯᠬᠤ᠎ᠨᠢ ᠠᠯᠢᠰᠤ ᠡᠪᠡᠰᠤᠨ᠎ᠤ ᠪᠡᠯᠴᠢᠭᠡᠷ᠎ᠤᠨ ᠤᠨᠠᠯᠳᠠ ᠵᠢ ᠨᠡᠮᠡᠭᠳᠡᠭᠦᠯᠭᠦ ᠬᠤᠶᠠᠷ ᠵᠦᠢ᠍ᠯ᠎ᠤᠨ ᠰᠢᠯᠳᠠᠭ᠋ᠠᠨ ᠪᠠᠶ᠋ᠢᠨ᠎ᠠ᠃ ᠨᠢᠭᠡ᠎ᠳᠤ ᠬᠦᠢ᠍ᠬᠡᠨ ᠤᠷᠪᠠᠭᠤᠯᠬᠤ᠎ᠨᠢ ᠤᠤᠯ᠎ᠤᠨ ᠤᠷᠭᠤᠮᠠᠯ᠎ᠤᠨ ᠦᠨᠳᠤᠰᠤᠨ ᠲᠠᠪᠬᠤᠷᠭ᠎ᠠ ᠵᠢ ᠡᠪᠳᠡᠭᠡᠳ ᠨᠢᠠᠠᠳᠠ ᠭᠡᠯᠪᠡᠷᠢ ᠵᠢᠨ ᠭᠢᠯᠭ᠋ᠠᠨ᠎ᠠ ᠪᠤᠯᠤᠨ ᠲᠡᠩᠭᠡᠯᠢᠭ ᠭᠡᠯᠪᠡᠷᠢ ᠵᠢᠨ ᠰᠤᠯᠠ ᠡᠪᠡᠰᠤ ᠵᠢ ᠮᠠᠰᠢ ᠶᠡᠭᠡ ᠬᠤᠭᠢᠷᠠᠭᠤᠯᠬᠤ ᠪᠤᠯᠪᠠᠴᠤ ᠦᠨᠳᠦᠰᠦᠯᠢᠭ ᠭᠦᠭᠡ ᠡᠪᠡᠰᠤ ᠵᠢᠨ ᠪᠡᠯᠭᠡ ᠵᠢᠨ ᠪᠤᠰᠤ ᠦᠷᠡᠵᠢᠯ᠎ᠢ ᠠᠭᠢᠭᠤᠯᠵᠤ ᠴᠢᠳᠠᠨ᠎ᠠ᠃ ᠬᠤᠶᠠᠷ᠎ᠲᠤ ᠬᠦᠢ᠍ᠬᠡᠨ ᠤᠷᠪᠠᠭᠤᠯᠬᠤ᠎ᠨᠢ ᠡᠪᠡᠰᠤᠨ ᠭᠦᠷᠤᠰᠤ ᠵᠢ ᠡᠪᠳᠡᠵᠤ᠂ ᠭᠦᠷᠦᠰᠤ ᠰᠢᠷᠤᠢ ᠵᠢᠨ ᠲᠡᠭᠡᠳᠤ ᠲᠠᠪᠬᠤᠷᠭ᠎ᠠ ᠵᠢ ᠰᠤᠯᠠᠷᠠᠭᠤᠯᠵᠤ᠂ ᠦᠨᠳᠦᠰᠦᠯᠢᠭ ᠤᠷᠭᠤᠮᠠᠯ᠎ᠤᠨ ᠤᠷᠭᠤᠬᠤ᠎ᠳᠤ ᠠᠰᠢᠭ᠎ᠲᠠᠢ ᠪᠤᠯᠭ᠋ᠠᠳᠠᠭ᠃ ᠬᠦᠢ᠍ᠬᠡᠨ ᠤᠷᠪᠠᠭᠤᠯᠵᠤ ᠡᠭᠦᠯᠳᠡᠷ ᠰᠠᠶ᠋ᠢᠵᠢᠷᠠᠭᠤᠯᠬᠤ ᠠᠷᠭ᠎ᠠ ᠭᠡᠮᠵᠢᠶ᠎ᠠ᠎ᠨᠢ ᠦᠨᠳᠦᠰᠦᠯᠢᠭ ᠦᠶᠡᠳᠤ ᠤᠷᠭᠤᠮᠠᠯ᠎ᠤᠨ ᠢᠵᠠᠭᠤᠷᠳᠤ ᠡᠪᠡᠰᠤ ᠵᠢᠴᠢ ᠦᠨᠳᠤᠰᠦᠯᠢᠭ ᠪᠤᠷᠴᠠᠬ᠎ᠤᠨ ᠢᠵᠠᠭᠤᠷᠳᠤ ᠡᠪᠡᠰᠤᠨ᠎ᠳᠤ ᠲᠤᠭᠢᠷᠠᠨ᠎ᠠ᠃ 
      (11) ᠶᠠᠮᠠᠷ ᠠᠷᠭ᠎ᠠ ᠭᠢᠳᠡᠯ ᠵᠶ᠋ᠠᠷ ᠬᠦᠢ᠍ᠬᠡᠨ ᠤᠷᠪᠠᠭᠤᠯᠤᠨ ᠰᠤᠯᠠᠷᠠᠭᠤᠯᠬᠤ ᠪᠤᠢ?
       ᠬᠦᠢ᠍ᠬᠡᠨ ᠤᠷᠪᠠᠭᠤᠯᠤᠨ ᠨᠠᠷᠬᠠᠳᠠᠨ ᠰᠤᠯᠠᠷᠠᠭᠤᠯᠬᠤ ᠠᠷᠭ᠎ᠠ ᠭᠢᠳᠡᠯ ᠭᠡᠪᠡᠯ ᠮᠠᠰᠢᠨ ᠴᠢᠷᠦᠭᠦᠯᠳᠤ ᠲᠠᠪᠤᠨ ᠬᠤᠰᠢᠭᠤᠳᠤ ᠠᠠᠵᠢᠰᠤ᠂ ᠬᠤᠤᠰ ᠭᠦᠷᠳᠤᠳᠤ ᠬᠤᠤᠰ ᠬᠤᠰᠢᠭᠤᠳᠤ ᠠᠠᠵᠢᠰᠤ᠎ᠪᠠᠷ ᠬᠦᠢ᠍ᠬᠡᠨ ᠤᠷᠪᠠᠭᠤᠯᠤᠨ᠎ᠠ᠃ ᠲᠡᠭᠦᠨ᠎ᠤ ᠠᠵᠢᠯᠯᠠᠬᠤ ᠠᠷᠭ᠎ᠠ᠎ᠨᠢ ᠭᠡᠪᠡᠯ ᠰᠢᠭᠤᠳ ᠤᠷᠪᠠᠭᠤᠯᠬᠤ ᠪᠤᠶᠤ ᠲᠤᠭᠤᠷᠢᠭ᠎ᠤᠨ ᠭᠡᠯᠪᠡᠷᠢ᠎ᠲᠠᠢ ᠤᠷᠪᠠᠭᠤᠯᠵᠤ᠂ 15~20cm ᠭᠦᠨ ᠤᠷᠪᠠᠭᠤᠯᠪᠠᠯ ᠲᠤᠭᠢᠷᠠᠮᠵᠢᠳᠡᠢ᠃ ᠤᠷᠪᠠᠭᠤᠯᠤᠠᠠᠰᠠᠨ᠎ᠤ ᠰᠡᠭᠦᠯᠡᠷ ᠠᠷᠠᠭ᠎ᠠ ᠦᠭᠡᠢ ᠭᠦᠨᠳᠤ ᠭᠡᠯᠪᠡᠷᠢ ᠵᠢᠨ ᠨᠠᠷᠬᠠᠳᠠᠭᠤᠷ ᠵᠶ᠋ᠠᠷ ᠲᠠᠷᠦ᠋ᠢ᠍ᠬᠠᠨ ᠨᠢᠭᠡ ᠤᠳᠠᠭ᠎ᠠ ᠨᠠᠷᠬᠠᠳᠠᠭ᠋ᠠᠳ ᠲᠠᠭᠢᠨ ᠭᠦᠡᠭᠭᠡᠨ ᠭᠡᠯᠪᠡᠷᠢ ᠵᠢᠨ ᠲᠤᠭᠤᠷᠢᠭ ᠨᠠᠷᠬᠠᠳᠠᠭᠤᠷ ᠵᠶ᠋ᠠᠷ ᠬᠤᠶᠠᠷ ᠤᠳᠠᠬ᠎ᠠ ᠨᠠᠷᠬᠠᠳᠠᠵᠤ᠂ ᠭᠦᠷᠦᠰᠤ ᠰᠢᠷᠤᠢ ᠵᠢᠨ ᠭᠠᠳᠠᠷᠭᠤ ᠵᠢ ᠨᠠᠷᠢᠨ᠂ ᠭᠡᠮᠭᠡᠳᠡᠭ᠂ ᠲᠡᠭᠰᠢ ᠪᠤᠯᠭ᠋ᠠᠨ᠎ᠠ᠃ ᠡᠪᠡᠰᠤᠨ᠎ᠤ ᠦᠨᠳᠤᠰᠤᠨ ᠭᠡᠰᠡᠭ᠎ᠢ ᠢᠯᠡ ᠪᠠᠶ᠋ᠢᠯᠭ᠋ᠠᠵᠤ ᠪᠤᠯᠬᠤ ᠦᠭᠡᠢ᠃ ᠭᠦᠷᠤᠰᠤ ᠰᠢᠷᠤᠢ ᠨᠡᠯᠢᠶᠡᠳ ᠤᠰᠤᠷᠬᠠᠭ ᠦᠶ᠎ᠠ᠎ᠳᠤ ᠤᠷᠪᠠᠭᠤᠯᠪᠠᠯ ᠬᠠᠮᠤᠭ᠎ᠤᠨ ᠰᠠᠶ᠋ᠢᠨ᠃ ᠬᠠᠪᠤᠷ᠎ᠲᠠᠭᠠᠨ ᠭᠠᠩ ᠬᠠᠭᠰᠠᠷᠠᠭ᠋ᠠᠨ᠎ᠲᠠᠢ ᠭᠠᠵᠠᠷ ᠤᠷᠤᠨ ᠪᠤᠯ ᠭᠠᠩ ᠬᠠᠭᠰᠠᠷᠠᠭ᠋ᠠᠨ᠎ᠠᠴᠠ ᠵᠠᠶ᠋ᠢᠯᠠᠰᠭᠢᠵᠤ᠂ ᠪᠤᠷᠤᠭ᠋ᠠᠨ᠎ᠤ ᠤᠯᠠᠷᠢᠯ ᠭᠦᠷᠴᠤ ᠢᠷᠡᠭᠦ᠎ᠠᠴᠠ ᠡᠮᠦᠨ᠎ᠠ 6 ᠳ᠋ᠤᠭ᠋ᠠᠷ ᠰᠠᠷ᠎ᠠ ᠵᠢᠨ ᠰᠡᠭᠦᠯᠴᠢ᠎ᠪᠠᠷ ᠤᠷᠪᠠᠭᠤᠯᠪᠠᠯ ᠬᠠᠮᠤᠭ᠎ᠤᠨ ᠲᠤᠭᠢᠷᠠᠮᠵᠢᠳᠡᠢ᠃ 
      (12) ᠬᠦᠢ᠍ᠬᠡᠨ ᠤᠷᠪᠠᠭᠤᠯᠤᠨ ᠰᠤᠯᠠᠷᠠᠭᠤᠯᠬᠤ᠎ᠳᠤ ᠶᠠᠮᠠᠷ ᠠᠩᠬᠠᠷᠬᠤ ᠴᠢᠬᠤᠯᠠ᠎ᠲᠠᠢ ᠠᠰᠠᠭᠤᠳᠠᠯ ᠪᠠᠶ᠋ᠢᠨ᠎ᠠ ᠪᠤᠢ?

      ᠭᠤᠤᠯ᠎ᠨᠢ ᠲᠤᠤᠷᠠᠭᠢ ᠮᠡᠳᠤ ᠲᠦᠷᠪᠡᠨ ᠠᠰᠠᠭᠤᠳᠠᠯ᠎ᠢ ᠠᠩᠬᠠᠷᠬᠤ ᠭᠡᠷᠡᠭᠳᠡᠢ᠃

      ① ᠬᠦᠢ᠍ᠬᠡᠨ ᠤᠷᠪᠠᠭᠤᠯᠬᠤ ᠠᠷᠭ᠎ᠠ ᠵᠢ ᠵᠦᠪᠭᠡᠨ ᠦᠨᠳᠤᠰᠦᠯᠢᠭ ᠭᠡᠯᠪᠡᠷᠢ ᠵᠢᠨ ᠪᠡᠯᠴᠢᠭᠡᠷ᠂ ᠵᠢᠱ᠌ᠢᠶᠡᠯᠡᠪᠡᠯ ᠭᠦᠭᠡ ᠡᠪᠡᠰᠤᠨ᠎ᠤ ᠭᠠᠵᠠᠷ ᠲᠡᠭᠡᠷ᠎ᠡ ᠭᠡᠷᠡᠭᠯᠡᠭᠦ ᠭᠡᠷᠡᠭᠳᠡᠢ᠃

      ② ᠬᠦᠢ᠍ᠬᠡᠨ ᠤᠷᠪᠠᠭᠤᠯᠤᠨ ᠨᠠᠷᠬᠠᠳᠠᠨ ᠰᠤᠯᠠᠷᠠᠭᠤᠯᠵᠤ ᠰᠠᠶ᠋ᠢᠵᠢᠷᠠᠭᠤᠯᠤᠠᠠᠰᠠᠨ᠎ᠤ ᠰᠡᠭᠦᠯᠡᠷᠭᠢ ᠪᠡᠯᠴᠢᠭᠡᠷ᠎ᠢ 2~3 ᠵᠢᠯ᠎ᠤᠨ ᠲᠤᠳᠤᠷ᠎ᠠ ᠵᠦᠪᠭᠡᠨ ᠬᠠᠳᠤᠯᠠᠩ᠎ᠳᠤ ᠯᠡ ᠠᠰᠢᠠᠠᠯᠠᠵᠤ᠂ ᠦᠨᠳᠤᠰᠦᠯᠢᠭ ᠭᠡᠯᠪᠡᠷᠢ ᠵᠢᠨ ᠦᠶᠡᠳᠤ ᠤᠷᠭᠤᠮᠠᠯ᠎ᠤᠨ ᠭᠡᠪ᠎ᠤᠨ ᠪᠤᠶ᠋ᠢᠵᠢᠯᠳᠡ ᠤᠷᠭᠤᠯᠳᠠ ᠵᠢ ᠪᠠᠳᠤᠯᠠᠬᠤ ᠭᠡᠷᠡᠭᠳᠡᠢ᠃

      ③ ᠭᠦᠨᠳᠤ ᠨᠤᠴᠢᠳᠡᠢ ᠭᠠᠩ ᠭᠠᠮᠰᠢᠭ᠎ᠲᠠᠢ ᠵᠢᠯ᠎ᠳᠤ ᠬᠦᠢ᠍ᠬᠡᠨ ᠤᠷᠪᠠᠭᠤᠯᠵᠤ ᠪᠤᠯᠬᠤ ᠦᠭᠡᠢ᠃ ᠲᠠᠶ᠋ᠢᠮᠤ ᠪᠢᠰᠢ ᠪᠤᠯ ᠦᠷ᠎ᠡ ᠪᠦᠳᠦᠮᠵᠢ ᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠮᠦᠷᠳᠡᠭᠡᠨ ᠭᠡᠳᠡᠷᠭᠦ᠎ᠪᠠᠨ ᠭᠦᠷᠤᠰᠤ ᠰᠢᠷᠤᠢ ᠵᠢ ᠡᠯᠡᠰᠦᠷᠭᠡᠭᠵᠢᠭᠦᠯᠭᠦ ᠪᠤᠯᠤᠨ᠎ᠠ᠃

      ④ ᠬᠦᠢ᠍ᠬᠡᠨ ᠤᠷᠪᠠᠭᠤᠯᠤᠠᠠᠰᠠᠨ᠎ᠤ ᠰᠡᠭᠦᠯᠡᠷ ᠭᠦᠷᠢᠶᠡᠯᠡᠭᠦ ᠵᠡᠷᠭᠡ ᠬᠠᠮᠠᠭ᠋ᠠᠯᠠᠯᠳᠠ ᠵᠢᠨ ᠠᠷᠭ᠎ᠠ᠎ᠪᠠᠷ ᠰᠠᠶ᠋ᠢᠳᠤᠷ ᠬᠠᠮᠠᠭ᠋ᠠᠯᠠᠬᠤ ᠭᠡᠷᠡᠭᠳᠡᠢ᠃ 
   

ᠢᠷᠡᠯᠲᠡ᠄ 《ᠮᠠᠯᠵᠢᠯ᠎ᠤᠨ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ》
          
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
ᠨᠠᠷᠢᠮᠤ ᠵᠢᠨ ᠴᠠᠢ᠌ᠬᠤ ᠡᠪᠡᠳᠴᠢᠨ
ᠦᠶᠡᠲᠦ ᠲᠠᠷᠢᠶᠠᠨ᠎ᠤ ᠲᠦᠷᠦᠯ᠎ᠤᠨ ᠬᠠᠷᠠᠤ ᠡᠪᠡᠳᠴᠢᠨ
ᠴᠠᠭ᠋ᠠᠨ ᠨᠣᠭᠤᠭ᠎ᠠ ᠵᠢᠨ ᠪᠠᠺᠲ᠋ᠧᠷᠢ ᠵᠢᠨ ᠴᠥᠮ᠎ᠡ ᠵᠢᠨ ᠡᠪᠡᠳᠴᠢᠨ᠎ᠢ ᠰᠡᠷᠭᠡᠶ᠋ᠢᠯᠡᠨ ᠵᠠᠰᠠᠬᠤ
ᠦᠵᠦᠮ᠎ᠤᠨ ᠴᠠᠢ᠌ᠷᠠᠵᠤ ᠢᠯᠵᠠᠷᠠᠬᠤ ᠡᠪᠡᠳᠴᠢᠨ
 
             蒙ICP备05000248号