ᠤᠰᠤᠨ ᠴᠦᠬᠦᠷᠡᠰᠤ᠂ ᠲᠡᠭᠦᠵᠢᠩ ᠵᠢᠮᠢᠰ᠂ ᠤᠶᠠᠩᠭ᠋ᠠᠲᠤ ᠮᠤᠳᠤ᠂ ᠬᠠᠮᠳᠤᠳᠬᠤ ᠴᠡᠴᠡᠭ ᠵᠡᠷᠭᠡ ᠵᠤᠨ᠎ᠤ ᠤᠯᠠᠷᠢᠯ᠎ᠳᠤ ᠨᠠᠪᠴᠢ ᠮᠦᠴᠢᠷ ᠢᠭᠴᠤ ᠰᠠᠬᠤᠯᠠᠭ ᠪᠠᠢ᠌ᠳᠠᠭ ᠮᠤᠳᠤᠳ ᠡᠪᠤᠯ ᠪᠤᠯᠤᠭᠰᠠᠭ᠋ᠠᠷ ᠬᠤᠪᠠᠬᠠᠢ᠌ᠷᠠᠨ ᠵᠤᠯᠭ᠋ᠠᠷᠠᠵᠤ᠂ ᠭᠠᠭᠴᠠ ᠬᠦ᠌ ᠡᠰᠢ ᠰᠠᠯᠠᠭ᠎ᠠ ᠯᠠ ᠭᠤᠳᠤᠢ᠌ᠨ ᠦᠯᠡᠳᠡᠳᠡᠭ᠃ ᠬᠡᠷᠪᠡ ᠴᠢ ᠨᠠᠷᠢᠨ ᠠᠵᠢᠭᠯᠠᠬᠤ᠎ᠳᠤ ᠬᠦᠷᠪᠡᠯ ᠤᠨᠠᠭᠰᠠᠨ ᠨᠠᠪᠴᠢᠨ᠎ᠤ ᠤᠭ ᠤᠷᠤᠨ᠎ᠳᠤ᠎ᠨᠢ ᠬᠦᠷᠡᠩ ᠦᠩᠭᠡ᠎ᠲᠠᠢ ᠡᠪᠤᠯ᠎ᠤᠨ ᠰᠤᠶᠤᠭ᠎ᠠ ᠴᠤᠬᠤᠢ᠌ᠵᠤ ᠪᠠᠢ᠌ᠳᠠᠭ᠃ ᠲᠡᠷᠡ᠎ᠨᠢ ᠲᠤᠩ ᠤᠯᠠᠨ ᠨᠠᠷᠢᠨ ᠦᠰᠦ ᠤᠷᠭᠤᠭᠰᠠᠨ ᠪᠠᠢ᠌ᠭ᠎ᠠ ᠪᠦᠬᠡᠳ ᠶᠠᠭ ᠯᠡ ᠨᠤᠤᠰᠤ ᠨᠤᠤᠯᠤᠭᠤᠷ᠎ᠤᠨ ᠬᠤᠪᠴᠠᠰᠤ ᠡᠮᠦᠰᠦᠭᠰᠡᠨ ᠰᠢᠭ ᠪᠠᠢ᠌ᠳᠠᠭ᠃ ᠡᠢ᠌ᠮᠦ᠎ᠠᠴᠠ ᠬᠦᠢ᠍ᠲᠡᠨ ᠰᠠᠯᠬᠢᠨ᠎ᠳᠤ ᠳᠠᠷᠤᠭᠳᠠᠬᠤ ᠵᠢ ᠲᠡᠰᠪᠦᠷᠢᠯᠡᠵᠤ ᠴᠢᠳᠠᠨ᠎ᠠ᠃ ᠲᠡᠬᠢᠪᠠᠯ᠂ ᠲᠡᠬᠦᠨ᠎ᠳᠤ ᠪᠠᠰᠠ ᠬᠤᠯᠤᠰᠤᠨ ᠰᠦᠶ᠎ᠡ ᠵᠢᠨ ᠭᠠᠳᠠᠷ ᠬᠤᠪᠴᠠᠰᠤ ᠰᠢᠭ ᠪᠦᠷᠬᠦᠬᠦᠯᠲᠦ ᠬᠠᠯᠢᠰᠤ ᠪᠠᠢ᠌ᠳᠠᠭ ᠪᠤᠯᠬᠤᠷ ᠲᠡᠷᠡ᠎ᠨᠢ ᠡᠪᠤᠯ᠎ᠤᠨ ᠬᠦᠢ᠍ᠲᠡᠨ᠎ᠠᠴᠠ ᠬᠠᠯᠬᠠᠯᠠᠬᠤ ᠦᠢ᠍ᠯᠡᠳᠤᠯ᠎ᠲᠠᠢ᠃ ᠡᠢ᠌ᠮᠦ᠎ᠠᠴᠠ ᠬᠠᠪᠤᠷ ᠪᠤᠯᠤᠮᠠᠭᠴᠠ ᠡᠨᠡᠬᠦ ᠰᠤᠶᠤᠭ᠎ᠠ᠎ᠨᠢ ᠬᠦᠯᠦᠭᠯᠡᠨ ᠨᠤᠭᠤᠭ᠋ᠠᠷᠠᠵᠤ᠂ ᠨᠠᠪᠴᠢ ᠮᠦᠴᠢᠷ ᠳᠡᠯᠭᠡᠷᠡᠭᠡᠳ ᠰᠠᠬᠤᠯᠢᠭ ᠵᠤᠵᠠᠭ᠋ᠠᠨ ᠤᠢ ᠮᠤᠳᠤ ᠵᠢ ᠪᠤᠢ ᠪᠤᠯᠭ᠋ᠠᠳᠠᠭ᠃