ᠠᠮᠠᠷᠬᠠᠨ ᠡᠳᠡᠭᠡᠷᠡᠵᠦ ᠲᠦᠷᠭᠡᠨ ᠤᠷᠭᠤᠬᠤ ᠤᠯᠠᠭ᠋ᠠᠨ ᠰᠤᠬᠠᠢ ᠪᠣᠯ ᠨᠢᠭᠡ ᠵᠦᠢ᠍ᠯᠤᠨ ᠪᠤᠲᠠᠯᠢᠭ ᠪᠤᠶᠤ ᠪᠣᠭᠤᠨᠢ ᠲᠤᠷᠤᠭ ᠮᠣᠳᠣ ᠪᠣᠯᠣᠨᠠ᠃ ᠲᠡᠷᠡᠨᠢ ᠬᠠᠬᠢᠷ ᠬᠦᠢ᠍ᠲᠡᠨ ᠭᠠᠩ ᠬᠠᠭᠤᠷᠠᠢ ᠠᠭᠤᠷ ᠠᠮᠢᠰᠬᠤᠯᠳᠤ ᠲᠣᠬᠢᠷᠠᠵᠤ ᠲᠠᠴᠢᠷ ᠨᠢᠮᠭᠡᠨ ᠭᠠᠵᠠᠷ᠂ ᠴᠢᠬᠢᠭᠯᠢᠭ ᠭᠠᠵᠠᠷ᠂ ᠬᠤᠵᠢᠷᠯᠢᠭ ᠭᠠᠵᠠᠷᠲᠤ ᠪᠦᠷ ᠰᠠᠶ᠋ᠢᠨ ᠤᠷᠭᠤᠳᠠᠭ᠃ ᠭᠠᠩ ᠬᠠᠭᠰᠠᠷᠠᠭ᠋ᠠᠨᠲᠠᠢ ᠵᠢᠯᠳᠤ ᠣᠯᠠᠩᠬᠢ ᠲᠥᠷᠥᠯᠤᠨ ᠮᠣᠳᠣ ᠤᠷᠭᠤᠯᠲᠠ ᠤᠳᠠᠭ᠋ᠠᠨ ᠪᠣᠯᠵᠤ ᠨᠠᠪᠴᠢ ᠨᠠᠬᠢᠶᠠᠨᠢ ᠰᠢᠷᠠᠯᠠᠵᠤ ᠬᠠᠳᠠᠬᠤᠳᠤ ᠤᠯᠠᠭ᠋ᠠᠨ ᠰᠤᠬᠠᠢ ᠬᠠᠷᠢᠨ ᠵᠢᠯᠳᠤ 20 — 40 ᠰᠡᠨᠲ᠋ᠢᠮᠤᠲᠷ ᠥᠨᠳᠥᠷ ᠤᠷᠭᠤᠵᠤ᠂ ᠤᠷᠭᠤᠵᠤ ᠭᠦᠢ᠍ᠴᠡᠭᠰᠡᠨ ᠮᠣᠳᠣ ᠵᠢᠨ ᠬᠠᠮᠤᠭ ᠥᠨᠳᠥᠷᠨᠢ 5 ᠮᠤᠲᠷ ᠪᠣᠯᠳᠠᠭ᠃ ᠤᠯᠠᠭ᠋ᠠᠨ ᠰᠤᠬᠠᠢ ᠵᠢᠨ ᠨᠠᠪᠴᠢᠨᠢ ᠰᠠᠯᠠᠭᠠ ᠠᠷᠪᠢᠨ ᠪᠣᠯᠬᠤᠷ ᠪᠡᠶᠡ ᠰᠡᠭᠦᠳᠡᠷ ᠶᠡᠬᠡᠲᠡᠢ ᠪᠥᠭᠡᠳ ᠤᠰᠤ ᠬᠠᠳᠠᠭ᠋ᠠᠯᠠᠨ ᠬᠥᠷᠥᠰᠥ ᠰᠢᠷᠣᠢ ᠵᠢ ᠬᠠᠮᠠᠭ᠋ᠠᠯᠠᠬᠤ ᠣᠨᠴᠠ ᠦᠢ᠍ᠯᠡᠳᠦᠯᠲᠠᠢ ᠪᠠᠶ᠋ᠢᠳᠠᠭ᠃ ᠡᠶ᠋ᠢᠮᠦᠠᠴᠠ ᠬᠤᠪᠠᠭ᠍ᠠᠢ ᠬᠤᠭᠤᠰᠤᠨ ᠬᠥᠲᠥᠯ ᠭᠠᠵᠠᠷᠢ ᠨᠣᠭᠤᠭ᠋ᠠᠷᠠᠭᠤᠯᠬᠤ ᠰᠠᠶ᠋ᠢᠨ ᠮᠣᠳᠣ ᠪᠣᠯᠬᠤ ᠶᠤᠮ᠃ ᠤᠯᠠᠭ᠋ᠠᠨ ᠰᠤᠬᠠᠢᠨᠢ ᠬᠠᠲᠠᠭᠤ᠂ ᠥᠷᠭᠡᠰᠦ ᠦᠭᠡᠢ᠂ ᠲᠣᠰᠣᠯᠢᠭ ᠪᠠᠶ᠋ᠢᠳᠠᠭ ᠵᠶ᠋ᠠᠷ ᠵᠶ᠋ᠠᠨ ᠲᠦᠯᠡᠰᠢ ᠪᠣᠯᠭ᠋ᠠᠪᠠᠯ ᠭᠠᠯᠨᠢ ᠬᠦᠴᠦᠲᠡᠢ ᠪᠠᠶ᠋ᠢᠳᠠᠭ᠃ ᠨᠠᠮᠠᠭᠠ ᠰᠠᠯᠠᠭᠠᠪᠠᠷᠨᠢ ᠰᠠᠭᠰᠤ ᠰᠠᠷᠠᠯᠵᠢ ᠬᠦᠷᠦᠵᠦ ᠪᠣᠯᠬᠤ ᠪᠥᠭᠡᠳ ᠵᠥᠭᠡᠯᠡᠨ ᠨᠠᠮᠠᠭᠠᠨᠢ ᠪᠠᠰᠠ ᠡᠮᠳᠤ ᠣᠷᠣᠵᠤ ᠪᠣᠯᠣᠨᠠ᠃ ᠤᠯᠠᠭ᠋ᠠᠨ ᠰᠤᠬᠠᠢ ᠵᠢ ᠰᠠᠭᠤᠯᠭ᠋ᠠᠵᠤ ᠲᠠᠷᠢᠳᠠᠭ᠃ ᠲᠠᠷᠢᠭ᠋ᠠᠳ 3 ᠵᠢᠯ ᠳᠡᠭᠡᠷᠡᠨᠢ ᠨᠠᠮᠠᠭᠠ ᠰᠠᠯᠠᠭᠠ ᠵᠢᠨᠢ ᠵᠠᠰᠠᠪᠠᠯ ᠤᠯᠠᠮ ᠲᠦᠷᠭᠡᠨ ᠤᠷᠭᠤᠳᠠᠭ᠃
《ᠮᠠᠯ ᠲᠠᠷᠢᠶᠠᠯᠠᠩᠤᠨ ᠬᠡᠷᠡᠭᠯᠡᠭᠡᠨᠤ ᠰᠢᠨᠡ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮᠠᠴᠠ ᠪᠠᠭᠤᠯᠭ᠋ᠠᠪᠠ᠃