ᠴᠠᠭ᠋ᠠᠨ ᠭᠤᠶᠤᠤᠨᠢ ᠠ᠋ᠯᠡᠰᠦᠨᠳᠤ ᠣᠷᠭᠣᠳᠠᠭ ᠵᠠᠭᠤᠨ ᠦᠨᠳᠦᠰᠣᠠᠴᠠ ᠰᠢᠮᠡ ᠠᠪᠴᠣ ᠪᠣᠢ᠌ᠵᠢᠳᠠᠭ ᠣᠯᠠᠨ ᠨᠠᠰᠣᠳᠣ ᠣᠷᠭᠣᠮᠠᠯᠤᠨ ᠲᠦᠷᠦᠯ ᠶᠣᠮ᠃ ᠪᠠᠳᠠᠢ ᠵᠢᠨ ᠵᠢᠷᠠᠨᠤ ᠴᠠᠭ᠋ᠠᠨ ᠭᠤᠶᠤᠤᠨᠢ ᠠ᠋ᠯᠡᠰᠦᠨᠤ ᠬᠦᠪᠡᠭᠡ ᠳᠠᠭ᠋ᠠᠤ ᠣᠷᠣᠨ ᠵᠶ᠋ᠠᠷ ᠣᠷᠭᠣᠳᠠᠭ᠃ ᠠ᠋ᠬᠦᠨᠳᠤ ᠠᠯᠠᠱ᠌ᠠ ᠪᠠᠷᠠᠭᠤᠨ ᠬᠣᠰᠢᠭᠣᠨᠤ ᠲᠠᠨᠭ᠌ᠰᠣᠭ᠂ ᠰᠢᠭᠣᠢ᠂ ᠨᠦᠤᠷᠭᠡᠢ᠂ ᠡᠵᠡᠨᠡ ᠬᠣᠰᠢᠭᠣᠨᠤ ᠭᠤᠷᠤᠨᠠᠢ᠂ ᠦᠨᠭᠳᠣᠭᠣᠯ᠂ ᠭᠤᠢ᠌ᠽᠠ ᠪᠣᠯᠣᠨ ᠠᠯᠠᠱ᠌ᠠ ᠵᠡᠬᠦᠨ ᠬᠣᠰᠢᠭᠣᠨᠤ ᠦᠯᠵᠡᠢ ᠵᠡᠷᠭᠡ ᠭᠠᠵᠠᠷᠲᠤ ᠭᠤᠤᠯᠳᠠᠭᠤ ᠣᠷᠭᠣᠳᠠᠭ᠃ ᠵᠢᠯᠤᠨ ᠭᠠᠷᠣᠯᠳᠠ ᠵᠢᠨ ᠬᠡᠮᠵᠢᠶᠠᠨᠢ 1970 ᠣᠨᠤ ᠳᠣᠮᠳᠠ ᠦᠶᠡᠪᠠᠷ 3000 ᠭᠠᠷᠣᠢ ᠲᠤᠨᠳᠤ ᠬᠦᠷᠴᠣ ᠪᠠᠢ᠌ᠭᠰᠠᠨ ᠭᠡᠳᠡᠭ᠃
ᠠ᠋ᠨᠳᠡᠬᠢ ᠵᠢᠨ ᠴᠠᠭ᠋ᠠᠨ ᠭᠤᠶᠤᠤᠨᠢ ᠮᠢᠬᠠᠯᠢᠭ ᠮᠦᠷᠳᠡᠭᠡᠨ ᠰᠢᠮᠡ ᠲᠡᠵᠢᠬᠡᠯᠤᠨ ᠡᠯᠡ ᠠ᠋ᠯᠸᠮᠸᠨ᠋ᠲᠤᠨ ᠠᠭᠤᠯᠤᠭᠳᠠᠴᠠ ᠰᠠᠢ᠌ᠨ ᠪᠠᠢ᠌ᠳᠠᠭ ᠪᠣᠯᠬᠣᠷ ᠪᠣᠰᠣᠳ ᠭᠠᠵᠠᠷ ᠣᠷᠣᠨᠤ ᠮᠣᠳᠣᠯᠢᠭ ᠪᠣᠶᠣ ᠡᠪᠡᠰᠦᠯᠢᠭ ᠴᠠᠭ᠋ᠠᠨ ᠭᠣᠶᠣᠣᠠᠴᠠ ᠢᠯᠡᠬᠦᠤ ᠰᠠᠢ᠌ᠨ᠃ ᠬᠦᠷᠡᠨᠭ ᠦᠨᠭᠭᠡᠳᠡᠢ᠂ ᠪᠡᠶᠡᠨᠢ ᠪᠦᠭᠡᠷᠡᠨᠭᠬᠡᠢ ᠪᠣᠶᠣ ᠬᠠᠪᠳᠠᠭ᠋ᠠᠢ᠂ ᠣᠯᠠᠨᠭ᠌ᠬᠢᠨᠢ ᠭᠠᠵᠠᠷᠤᠨ ᠬᠦᠷᠦᠰᠦᠨ ᠳᠣᠣᠷᠠ 50 ᠰᠡᠨᠲ᠋ᠢᠮᠸᠲᠷᠠᠴᠠ 1 ᠮᠸᠲᠷ ᠬᠦᠷᠬᠦ ᠦᠬᠡᠢ ᠭᠠᠵᠠᠷᠲᠤ ᠣᠷᠭᠣᠵᠣ᠂ ᠳ᠋ᠢᠶᠠᠮᠸᠲᠷᠨᠢ ᠪᠠᠷᠣᠭ 4 — 6 ᠰᠡᠨᠲ᠋ᠢᠮᠸᠲᠷ ᠪᠠᠢ᠌ᠵᠣ᠂ ᠣᠨᠴᠠᠭ᠋ᠠᠢ ᠵᠠᠷᠢᠮᠨᠢ 1 — 6 ᠰᠡᠨᠲ᠋ᠢᠮᠸᠲᠷᠲᠤ ᠭᠦᠷᠴᠣ᠂ ᠨᠣᠳᠣᠭᠤᠨ ᠬᠦᠮᠦᠰ 《ᠴᠢᠷᠭᠠ》 ᠭᠡᠵᠤ ᠬᠡᠯᠡᠳᠡᠭ᠃ ᠶᠡᠷᠣ ᠵᠢᠨ ᠣᠬᠣᠷᠬᠠᠨ ᠴᠠᠭ᠋ᠠᠨ ᠭᠤᠶᠤᠤᠨᠢ 1 — 2 ᠵᠢᠯᠤᠨ ᠬᠣᠭᠣᠷᠣᠨᠳᠣ ᠭᠠᠵᠠᠷᠤᠨ ᠬᠦᠷᠦᠰᠦᠨ ᠳᠡᠭᠡᠷᠡ ᠳᠣᠯᠣᠭ᠋ᠠᠢ᠌ᠯᠠᠨ ᠭᠠᠷᠴᠣ᠂ 1 — 3 ᠮᠸᠲᠷ ᠣᠷᠴᠢᠮᠤᠨ ᠣᠷᠳᠣ ᠴᠠᠭ᠋ᠠᠨ ᠭᠤᠶᠤᠤᠨᠢ 5 — 20 ᠵᠢᠯᠤᠨ ᠬᠤᠭᠤᠷᠣᠳᠣ ᠰᠠᠶᠢ ᠳᠣᠯᠣᠭ᠋ᠠᠢᠨᠢ ᠭᠠᠵᠠᠷᠤᠨ ᠬᠦᠷᠦᠰᠦᠨ ᠳᠡᠭᠡᠷᠡ ᠭᠠᠷᠴᠣ ᠢᠷᠡᠳᠡᠭ᠃ ᠨᠢᠬᠡ ᠨᠦᠬᠡᠨᠳᠤ ᠬᠤᠶᠠᠷᠠᠴᠠ ᠳᠦᠷᠪᠡᠨ ᠳᠣᠯᠣᠭ᠋ᠠᠢ ᠴᠣᠬᠣᠢ᠌ᠵᠣ᠂ ᠣᠨᠴᠠᠭ᠋ᠠᠢ ᠵᠠᠷᠢᠮᠨᠢ ᠣᠯᠠᠨ ᠣᠷᠭᠣᠵᠣ᠂ 15 ᠵᠢᠨᠭᠠᠴᠠ 100 ᠭᠠᠷᠣᠢ ᠵᠢᠨᠭ ᠭᠠᠷᠳᠠᠭ᠃ ᠴᠠᠭ᠋ᠠᠨ ᠭᠤᠶᠤᠤ ᠬᠠᠪᠣᠷ ᠳᠣᠯᠣᠭ᠋ᠠᠢ᠌ᠯᠠᠵᠤ ᠵᠣᠨ ᠪᠣᠯᠪᠠᠯ ᠴᠡᠨᠭᠭᠡᠷ ᠰᠢᠷᠠ ᠴᠡᠴᠡᠭ ᠳᠡᠯᠭᠡᠷᠡᠵᠤ᠂ ᠦᠵᠦᠬᠦᠷᠨᠢ ᠲᠤᠬᠤᠢ ᠬᠢᠷᠢᠲᠡᠢ ᠣᠷᠳᠣ ᠣᠷᠭᠣᠳᠠᠭ᠃ ᠴᠡᠴᠡᠭᠤᠨ ᠳᠣᠳᠣᠷᠠᠨᠢ ᠮᠠᠰᠢ ᠣᠯᠠᠨ ᠵᠢᠵᠢᠭ ᠬᠠᠷᠠ ᠦᠷᠡ ᠰᠠᠭᠤᠳᠠᠭ᠃ ᠠ᠋ᠨᠡ ᠦᠷᠡᠨᠢ ᠮᠠᠰᠢ ᠣᠷᠳᠣ ᠬᠤᠭᠤᠴᠠᠭᠠ ᠵᠢ ᠦᠨᠭᠭᠡᠷᠡᠭᠦᠯᠵᠣ᠂ ᠬᠦᠷᠦᠰᠦᠨᠤ ᠬᠦᠨᠳᠤ ᠪᠠᠢ᠌ᠭᠠ ᠵᠠᠭᠤᠨ ᠦᠨᠳᠦᠰᠤᠲᠠᠢ ᠨᠡᠢ᠌ᠯᠡᠵᠤ ᠰᠠᠶᠢ ᠴᠠᠭ᠋ᠠᠨ ᠭᠤᠶᠤᠤ ᠪᠣᠯᠵᠣ ᠣᠷᠭᠣᠳᠠᠭ᠃
ᠴᠠᠭ᠋ᠠᠨ ᠭᠤᠶᠤᠤᠨᠢ ᠭᠠᠨᠭ᠌ ᠬᠠᠭᠤᠷᠠᠢ ᠠ᠋ᠯᠡᠰᠦᠷᠬᠡᠭ ᠭᠠᠵᠠᠷ ᠣᠷᠣᠨᠳᠤ ᠲᠡᠭᠠᠴᠠ ᠳᠡᠭᠡᠭᠰᠢ ᠲᠠᠪᠢᠨ ᠽᠸᠯᠰ ᠭ᠋ᠷᠠᠳᠦ᠋ᠰᠤᠨ ᠬᠠᠯᠠᠭᠤᠨ ᠪᠣᠯᠣᠨ ᠲᠡᠭᠠᠴᠠ ᠳᠣᠷᠣᠭᠰᠢ 20 ᠽᠸᠯᠰ ᠭ᠋ᠷᠠᠳᠦ᠋ᠰᠤᠨ ᠬᠦᠢ᠍ᠳᠡᠨᠳᠤ ᠲᠡᠰᠪᠤᠷᠢᠲᠠᠢ ᠣᠷᠭᠣᠳᠠᠭᠨᠢ ᠲᠡᠭᠦᠨᠤ ᠪᠦᠯᠢᠶᠠᠨ ᠴᠢᠨᠠᠷᠠᠴᠠ ᠪᠣᠯᠣᠭᠰᠠᠨ ᠪᠠᠰᠠ ᠨᠢᠬᠡᠨ ᠭᠠᠢ᠌ᠬᠠᠮᠰᠢᠭᠳᠣ ᠣᠨᠴᠠᠯᠢᠭ ᠪᠣᠯᠬᠣ ᠶᠣᠮ᠃ ᠬᠦᠮᠦᠨ ᠡᠮ ᠠ᠋ᠮᠨᠡᠯᠬᠡᠳᠤ ᠴᠠᠭ᠋ᠠᠨ ᠭᠤᠶᠤᠤ ᠵᠢ ᠬᠡᠷᠡᠭᠯᠡᠭᠡᠳ ᠨᠢᠬᠡᠨᠳᠡ ᠦᠨᠢ ᠣᠳᠠᠭ᠋ᠠᠨ ᠲᠡᠣᠬᠡᠲᠠᠢ ᠪᠣᠯᠵᠡᠢ᠃ ᠮᠢᠨᠭ ᠣᠯᠣᠰᠤᠨ ᠦᠶᠡ ᠵᠢᠨ ᠡᠮ ᠠ᠋ᠮᠨᠡᠯᠬᠡ ᠵᠢᠨ ᠣᠬᠠᠭ᠋ᠠᠨᠳᠠᠨ ᠯᠢ ᠱ᠌ᠢ ᠵᠸᠨᠤ 《ᠡᠪᠡᠰᠦᠨ ᠡᠮᠤᠨ ᠲᠤᠪᠴᠢ》 ᠬᠡᠳᠡᠭ ᠨᠣᠮᠳᠤ ᠲᠡᠣᠬᠡᠨᠳᠠᠬᠢ ᠡᠮ ᠠ᠋ᠮᠨᠡᠯᠬᠡ ᠵᠢᠨ ᠠᠯᠳᠠᠷᠳᠣ ᠬᠦᠮᠦᠰᠤᠨ ᠴᠠᠭ᠋ᠠᠨ ᠭᠤᠶᠤᠤ ᠵᠢᠨ ᠡᠮ ᠠ᠋ᠮᠨᠡᠯᠬᠡ ᠵᠢᠨ ᠲᠤᠬᠠᠢ ᠦᠬᠦᠯᠡᠯᠢ ᠨᠠᠷᠢᠨ ᠨᠢᠭᠳᠠ ᠲᠡᠮᠳᠡᠭᠯᠡᠨ᠂ ᠲᠡᠭᠦᠨᠤ ᠠ᠋ᠮᠳᠣ ᠬᠦᠴᠦᠨ ᠴᠢᠳᠠᠯ᠂ ᠰᠢᠨᠵᠢ ᠴᠢᠨᠠᠷᠢ ᠳᠣᠳᠣᠷᠬᠠᠢ᠌ᠯᠠᠭᠰᠠᠨ ᠪᠠᠢ᠌ᠨᠠ᠃ ᠴᠠᠭ᠋ᠠᠨ ᠭᠤᠶᠤᠤ ᠵᠢᠨ ᠦᠢ᠍ᠡᠯᠳᠦᠯᠨᠢ ᠲᠠᠪᠤᠨ ᠴᠣᠯᠣ᠂ ᠵᠢᠷᠭᠤᠭ᠋ᠠᠨ ᠰᠠᠪᠠ ᠪᠠ ᠬᠡᠪᠡᠯᠢ ᠵᠢᠨ ᠰᠡᠷᠢᠭᠦᠨ ᠡᠪᠡᠳᠴᠢᠨᠢ ᠵᠠᠰᠠᠬᠤ᠂ ᠪᠡᠶᠡ ᠲᠠᠮᠢᠷᠵᠢᠭᠣᠯᠬᠣ᠂ ᠦᠶᠡ ᠬᠡᠰᠢᠭᠦᠤ ᠵᠢᠨ ᠡᠪᠡᠳᠴᠢᠨ᠂ ᠠ᠋ᠮᠡᠭᠳᠡᠢ ᠵᠢᠨ ᠴᠢᠰᠦᠨᠤ ᠰᠣᠳᠠᠯᠤᠨ ᠡᠪᠡᠳᠴᠢᠨ ᠵᠡᠷᠭᠡᠳᠤ ᠮᠠᠰᠢ ᠶᠡᠬᠡ ᠲᠤᠰᠠᠲᠠᠢ᠃ ᠣᠳᠣ ᠦᠶᠡ ᠵᠢᠨ ᠡᠮ ᠠ᠋ᠮᠨᠡᠯᠭᠡ ᠵᠢᠨ ᠰᠣᠳᠣᠯᠭ᠋ᠠᠨᠤ ᠦᠷᠡ ᠳ᠋ᠦᠨᠭ ᠠᠴᠠ ᠦᠵᠡᠪᠡᠯ ᠴᠠᠭ᠋ᠠᠨ ᠭᠤᠶᠤᠤᠳᠤ ᠠᠮᠢᠳᠣ ᠪᠣᠳᠠᠰᠤᠨ ᠱᠦᠯᠳᠣ᠂ ᠴᠠᠷᠳᠠᠭᠤᠯᠤᠨ ᠣᠭᠣᠷᠠᠭ᠂ ᠰᠢᠪᠲᠦᠷᠳᠣ ᠬᠦᠴᠢᠯ᠂ ᠸᠢᠲ᠋ᠠᠮᠢᠨ᠂ ᠣᠨᠴᠠᠭ᠋ᠠᠢ᠌ᠯᠠᠨ ᠪᠸᠨ᠋ᠽᠢᠨᠤ ᠪᠠᠯᠳᠣ ᠠ᠋ᠳ᠋ᠨᠢ ᠪᠣᠰᠣᠳ ᠠ᠋ᠮᠳᠣ ᠪᠣᠳᠠᠰᠠᠴᠠ ᠠ᠋ᠯᠪᠡᠭ ᠠᠭᠤᠯᠤᠭᠳᠠᠵᠤ ᠪᠠᠢ᠌ᠭᠠ ᠪᠣᠯᠬᠣᠷ ᠬᠦᠮᠦᠨᠤ ᠪᠡᠶᠡ ᠵᠢ ᠲᠠᠮᠢᠷ ᠴᠢᠳᠠᠯᠲᠠᠢ᠂ ᠴᠣᠭ ᠰᠦᠯᠳᠡᠲᠠᠢ ᠪᠣᠯᠭ᠋ᠠᠵᠤ᠂ ᠦᠳᠡᠯᠬᠦ ᠵᠢ ᠣᠳᠠᠭ᠋ᠠᠰᠢᠷᠠᠭᠤᠯᠬᠣ ᠣᠨᠴᠠ ᠦᠢ᠍ᠯᠡᠳᠦᠯᠲᠠᠢ ᠭᠡᠵᠤ ᠳᠡᠮᠳᠡᠭᠯᠡᠭᠰᠡᠨ ᠪᠠᠢ᠌ᠳᠠᠭ᠃ ᠴᠠᠭ᠋ᠠᠨ ᠭᠤᠶᠤᠤ ᠵᠢ ᠨᠣᠳᠣᠭᠤᠨ ᠬᠦᠮᠦᠰ ᠬᠠᠷᠠ ᠠᠷᠢᠬᠢᠨᠳᠤ ᠳᠡᠪᠳᠦᠭᠡᠵᠤ ᠣᠣᠭᠣᠬᠣ ᠳᠣᠷᠠᠲᠠᠢ᠂ ᠴᠠᠭ᠋ᠠᠨ ᠭᠤᠶᠤᠤ ᠳᠡᠪᠲᠦᠭᠡᠭᠰᠡᠨ ᠠᠷᠢᠬᠢᠨᠢ ᠣᠯᠠᠭ᠋ᠠᠨ ᠬᠦᠷᠡᠨᠭ ᠦᠨᠭᠭᠡᠳᠡᠢ᠂ ᠠᠮᠳᠠᠨᠢ ᠰᠢᠬᠢᠷᠯᠢᠭ ᠰᠠᠢ᠌ᠬᠠᠨ ᠪᠣᠯᠳᠠᠭ᠃ ᠠ᠋ᠨᠡᠨᠢ ᠬᠦᠮᠦᠨᠤ ᠬᠤᠳᠣᠭᠣᠳᠣᠨᠤ ᠰᠢᠨᠭᠭᠡᠭᠡᠯᠳᠡ ᠵᠢ ᠰᠠᠢ᠌ᠵᠢᠷᠠᠭᠤᠯᠬᠤ᠂ ᠨᠤᠢ᠌ᠷ ᠬᠣᠯᠵᠢᠬᠣ ᠪᠠ ᠦᠶᠡ ᠬᠡᠰᠢᠭᠦᠤ ᠵᠢᠨ ᠡᠪᠡᠳᠴᠢᠨᠢ ᠵᠠᠰᠠᠬᠤ ᠦᠢ᠍ᠯᠡᠳᠦᠯᠲᠠᠢ᠃ ᠠ᠋ᠬᠦᠨᠠᠴᠠ ᠭᠠᠳᠠᠨᠠ ᠴᠠᠭ᠋ᠠᠨ ᠭᠤᠶᠤᠤ ᠵᠢ ᠬᠦᠮᠦᠰ ᠳᠡᠭᠡᠳᠣ ᠰᠢᠨᠡ ᠮᠡᠷᠭᠡᠵᠢᠯᠳᠤ ᠲᠦᠰᠢᠭᠯᠡᠨ ᠬᠦᠮᠦᠨᠤ ᠪᠡᠶᠡ ᠵᠢᠨ ᠠ᠋ᠷᠡᠬᠦᠯᠵᠢᠯᠳᠤ ᠣᠮᠳᠠᠭ᠋ᠠᠨ ᠪᠣᠯᠭ᠋ᠠᠵᠤ ᠪᠠᠢ᠌ᠨᠠ᠃
ᠡᠮ ᠠ᠋ᠮᠨᠡᠯᠬᠡ ᠵᠢᠨ ᠦᠢ᠍ᠯᠡᠳᠦᠯ ᠪᠠ ᠪᠣᠰᠣᠳ ᠲᠠᠯᠠ ᠵᠢᠨ ᠬᠡᠷᠡᠭᠴᠡᠭᠡᠠᠴᠠ ᠪᠣᠯᠵᠣ᠂ ᠲᠡᠣᠬᠡᠨᠠᠴᠠ ᠠᠪᠤᠭ᠋ᠠᠳ ᠵᠠᠬᠠ ᠳᠡᠯᠬᠡᠬᠦᠷᠤᠨ ᠦᠨᠡᠨᠢ ᠬᠡᠵᠢᠶᠡᠳᠡ ᠦᠨᠳᠦᠷ ᠪᠠᠢ᠌ᠳᠠᠭ᠃ ᠠ᠋ᠢ᠌ᠮᠣᠠᠴᠠ ᠴᠠᠭ᠋ᠠᠨ ᠭᠤᠶᠤᠤ ᠵᠢ 《ᠠ᠋ᠯᠡᠰᠦᠨᠤ ᠣᠷᠬᠣᠳᠠᠢ》᠂ 《ᠠᠯᠳᠠᠨ ᠰᠣᠶᠣᠭᠠ》᠂ 《ᠭᠠᠵᠠᠷᠤᠨ ᠣᠬᠢ》 ᠬᠡᠮᠡᠨ ᠵᠦᠢ᠍ᠷᠯᠡᠨ ᠨᠡᠷᠡᠯᠡᠳᠡᠭ᠃ ᠣᠢ᠌ᠷᠠ ᠵᠢᠨ ᠵᠢᠯᠤᠳᠲᠤ ᠨᠣᠳᠣᠭ ᠣᠷᠣᠨᠤ ᠭᠠᠨᠭ᠌ ᠭᠠᠭᠰᠠᠷᠭ᠋ᠠᠨ ᠪᠣᠯᠣᠨ ᠠᠮᠢ ᠠᠬᠤᠢ ᠵᠢᠨ ᠣᠷᠴᠢᠨ ᠳᠣᠭᠣᠷᠢᠨᠤ ᠡᠪᠳᠡᠭᠳᠡᠯᠠᠴᠠ ᠪᠣᠯᠵᠣ᠂ ᠴᠠᠭ᠋ᠠᠨ ᠭᠤᠶᠤᠤ ᠵᠢᠨ ᠭᠠᠷᠣᠯᠳᠠ ᠵᠢᠯᠠᠴᠠ ᠵᠢᠯ ᠮᠠᠭᠤᠳᠠᠵᠤ ᠬᠤᠪᠤᠷᠳᠠᠬᠤ ᠬᠠᠨᠳᠣᠰᠢᠲᠠᠢ ᠪᠣᠯᠵᠡᠢ᠃ ᠠ᠋ᠨᠡ ᠪᠠᠢ᠌ᠳᠠᠯᠳᠤ ᠴᠢᠭᠯᠡᠬᠦᠯᠵᠣ᠂ ᠬᠠᠮᠢᠶᠠᠳᠠᠢ ᠪᠠᠢ᠌ᠭᠣᠯᠭᠠ ᠨᠢᠬᠡᠴᠡ ᠵᠠᠭᠤᠨ ᠣᠢ ᠵᠢ ᠪᠢᠲᠡᠭᠦᠮᠵᠢᠯᠡᠨ ᠬᠠᠮᠠᠭ᠋ᠠᠯᠠᠭᠰᠠᠨᠤ ᠰᠠᠭᠤᠷᠢᠨ ᠳᠡᠭᠡᠷᠡ ᠰᠢᠨᠵᠢᠯᠡᠬᠦ ᠣᠬᠠᠭ᠋ᠠᠨᠴᠢ ᠪᠣᠰᠣ᠂ ᠵᠦᠢ ᠵᠤᠬᠢᠰ ᠦᠬᠡᠢ ᠮᠠᠯᠳᠠᠵᠤ ᠠᠰᠢᠭᠯᠠᠬᠤ ᠵᠢ ᠬᠤᠷᠢᠭᠯᠠᠨ᠂ ᠬᠦᠮᠦᠨᠤ ᠬᠦᠴᠤᠪᠠᠷ ᠴᠠᠭ᠋ᠠᠨ ᠭᠤᠶᠤᠤ ᠳᠠᠷᠢᠬᠣ ᠠ᠋ᠬᠦᠳᠦᠯᠳᠡ ᠵᠢ ᠰᠣᠳᠣᠯᠣᠨ ᠭᠠᠷᠭ᠋ᠠᠵᠤ᠂ ᠪᠠᠢ᠌ᠭ᠋ᠠᠯᠢ ᠵᠢᠨ ᠣᠷᠴᠢᠨ ᠳᠣᠭᠣᠷᠢᠨᠤ ᠲᠡᠨᠭᠴᠡᠭᠦᠷᠢ ᠵᠢ ᠵᠤᠬᠢᠴᠠᠭᠤᠯᠵᠤ᠂ ᠦᠢ᠍ᠯᠡᠳᠦᠯ ᠬᠡᠷᠡᠭᠴᠡᠭᠡ ᠵᠢᠨᠢ ᠣᠯᠠᠮ ᠪᠠᠳᠠᠷᠠᠭᠤᠯᠬᠤᠪᠠᠷ ᠵᠣᠷᠢᠵᠣ ᠪᠠᠢ᠌ᠨᠠ᠃ （ᠠᠷᠡᠳᠤᠨ ᠰᠦᠯᠵᠢᠶᠠ）