ᠬᠤᠶᠠᠷ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠭᠠᠩᠰᠠᠭ ᠤᠷᠭᠤᠮᠠᠯ᠃ ᠤᠯᠠᠩᠬᠢᠳᠠᠭᠠᠨ ᠠᠭᠤᠯᠠᠷᠬᠠᠭ ᠭᠠᠵᠠᠷ᠂ ᠲᠤᠮᠤ ᠳᠤᠪᠤᠷᠴᠠᠭ᠂ ᠴᠢᠯᠠᠭᠤᠯᠢᠭ ᠬᠦᠲᠦᠯ ᠭᠠᠵᠠᠷ ᠵᠢᠴᠢ ᠲᠡᠭᠰᠢᠬᠡᠨ ᠡᠯᠡᠰᠦᠷᠬᠡᠭ ᠭᠠᠵᠠᠷ ᠵᠶ᠋ᠠᠷ ᠤᠷᠭᠤᠨᠠ᠃ ᠦᠷᠭᠦᠯᠵᠢ ᠲᠠᠯᠠ ᠨᠤᠲᠤᠭ ᠵᠢᠴᠢ ᠨᠤᠭᠤ ᠪᠡᠯᠴᠢᠭᠡᠷᠤᠨ ᠬᠤᠴᠢᠯᠭᠠᠳᠤ ᠲᠠᠭ᠋ᠠᠯᠳᠤᠬᠤ ᠤᠷᠭᠤᠮᠠᠯ ᠵᠶ᠋ᠠᠷ ᠢᠯᠡᠷᠡᠳᠡᠭ᠃ ᠮᠠᠨᠤ ᠤᠷᠤᠨᠤ ᠬᠢᠩᠭ᠋ᠠᠨᠤ ᠬᠤᠢ᠌ᠲᠦ ᠬᠡᠰᠡᠭ᠂ ᠳᠠᠪᠠᠭ᠋ᠠᠨᠤ ᠪᠠᠷᠠᠭᠤᠨ ᠲᠤᠭᠤᠷᠢᠭ᠂ ᠳᠠᠪᠠᠭ᠋ᠠᠨᠤ ᠵᠡᠬᠦᠨ ᠲᠤᠭᠤᠷᠢᠭ᠂ ᠬᠢᠩᠭ᠋ᠠᠨᠤ ᠡᠮᠦᠨᠡᠲᠦ ᠬᠡᠰᠡᠭ᠂ ᠶᠠᠨᠱ᠌ᠠᠨ ᠠᠭᠤᠯᠠᠨᠤ ᠬᠤᠢ᠌ᠲᠦ ᠬᠡᠰᠡᠭ᠂ ᠤᠯᠠᠭ᠋ᠠᠨᠬᠠᠳᠠ ᠵᠢᠨ ᠲᠤᠪᠤ ᠲᠤᠪᠤᠷᠴᠠᠭ᠂ ᠬᠦᠯᠦᠨ ᠪᠤᠢ᠌ᠷ— ᠰᠢᠯᠢ ᠵᠢᠨ ᠭᠤᠤᠯᠤᠨ ᠦᠨᠳᠦᠷᠯᠢᠭᠤᠨ ᠲᠤᠮᠳᠠ ᠬᠡᠰᠡᠭ ᠪᠠ ᠵᠡᠬᠦᠨ ᠬᠡᠰᠡᠭ᠂ ᠤᠯᠠᠭ᠋ᠠᠨᠴᠠᠪ ᠲᠤᠭᠤᠷᠢᠭᠤᠨ ᠡᠮᠦᠨᠡᠲᠦ ᠬᠡᠰᠡᠭ ᠮᠤᠨᠢ ᠠᠭᠤᠯᠠ ᠵᠢᠨ ᠲᠤᠭᠤᠷᠢᠭ ᠵᠶ᠋ᠠᠷ ᠲᠠᠷᠬᠠᠳᠠᠭ᠃ ᠮᠠᠨᠤ ᠤᠯᠤᠰᠤᠨ ᠵᠡᠬᠦᠨ ᠬᠤᠢ᠌ᠲᠦ ᠤᠷᠤᠨ᠂ ᠤᠮᠠᠷᠠᠲᠤ ᠤᠷᠤᠨ ᠵᠶ᠋ᠠᠷ ᠳᠠᠷᠬᠠᠨ᠂ ᠮᠤᠩᠭᠤᠯ ᠤᠯᠤᠰ᠂ ᠤᠷᠤᠰᠤᠨ ᠰᠢᠪᠸᠷᠢᠶᠠ ᠵᠢᠴᠢ ᠠᠯᠤᠰ ᠲᠤᠷᠤᠨᠠᠲᠦᠪᠠᠷ ᠪᠠᠰᠠ ᠲᠠᠷᠬᠠᠵᠤ ᠪᠠᠢ᠌ᠳᠠᠭ᠃ ᠰᠢᠭᠦᠰᠦᠯᠢᠭ ᠲᠡᠵᠢᠭᠡᠯᠲᠦ ᠤᠷᠭᠤᠮᠠᠯ᠃ ᠪᠦᠬᠦᠯᠢ ᠡᠪᠡᠰᠦᠨᠢ ᠡᠮᠳᠤ ᠤᠷᠤᠵᠦ᠂ ᠴᠢᠰᠦᠨᠤ ᠡᠷᠭᠢᠯᠲᠠ ᠵᠢ ᠰᠠᠢ᠌ᠵᠢᠷᠠᠭᠤᠯᠬᠤ᠂ ᠴᠢᠰᠤ ᠲᠤᠭᠲᠠᠭ᠋ᠠᠬᠤ᠂ ᠬᠠᠳᠠᠭᠢ ᠵᠢᠴᠢ ᠰᠢᠲᠦ ᠬᠠᠪᠤᠳᠴᠤ ᠡᠪᠡᠳᠬᠦ ᠵᠢ ᠵᠤᠭᠰᠤᠭ᠋ᠠᠬᠤ ᠦᠢ᠍ᠯᠡᠳᠦᠯᠲᠠᠢ᠃ ᠨᠠᠪᠴᠢᠨ ᠤᠭᠤᠷᠠᠭᠢᠨᠢ ᠢᠳᠡᠵᠦ ᠪᠤᠯᠬᠤ ᠮᠦᠷᠳᠡᠭᠡᠨ ᠪᠠᠰᠠ ᠡᠪᠡᠰᠦᠨ ᠬᠦᠴᠢᠯ ᠭᠠᠷᠭ᠋ᠠᠨ ᠠᠪᠴᠤ ᠪᠤᠯᠤᠨᠠ᠃
ᠢᠷᠠᠯᠲᠠ᠄ 《ᠦᠪᠦᠷ ᠮᠤᠩᠭᠤᠯᠤᠨ ᠬᠡᠭᠡᠷᠡ ᠵᠢᠨ ᠤᠷᠭᠤᠮᠠᠯᠤᠨ ᠵᠢᠷᠤᠭᠲᠤ ᠲᠤᠯᠢ》