8 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 22ᠤᠨ ᠠ᠋ᠳᠤᠷ᠂ ᠳᠦᠷᠦ ᠵᠢᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠᠨᠤ ᠶᠡᠷᠦᠩᠭᠡᠢ ᠰᠠᠢ᠌ᠳ ᠯᠢ ᠺᠸ ᠴᠢᠶᠠᠩ ᠫᠠᠺᠢᠰᠲ᠋ᠠᠨᠤ ᠶᠡᠷᠦᠩᠭᠡᠢ ᠰᠠᠢ᠌ᠳ ᠢᠮᠦᠷᠡᠨ᠂ ᠬᠠᠨᠲᠠᠢ ᠤᠳᠠᠰᠤᠪᠠᠷ ᠶᠠᠷᠢᠯᠴᠠᠪᠠ᠃
ᠯᠢ ᠺᠸ ᠴᠢᠶᠠᠩ ᠢᠮᠦᠷᠡᠨ᠂ ᠬᠠᠨᠤ ᠫᠠᠺᠢᠰᠲ᠋ᠠᠨᠤ ᠶᠡᠷᠦᠩᠭᠡᠢ ᠰᠠᠢ᠌ᠳᠤᠨ ᠳᠤᠰᠢᠶᠠᠯ ᠠ᠋ᠬᠦᠷᠭᠡᠯᠡᠭᠰᠡᠨᠳᠤ ᠪᠠᠶᠠᠷ ᠬᠦᠷᠭᠡᠬᠦ ᠵᠢᠨ ᠬᠠᠮᠳᠤ ᠫᠠᠺᠢᠰᠲ᠋ᠠᠨ ᠪᠤᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠦᠬᠦ ᠳᠠᠯᠠ ᠵᠢᠨ ᠪᠠᠢ᠌ᠯᠳᠤᠬᠤ ᠪᠤᠳᠤᠯᠭᠠ ᠵᠢᠨ ᠬᠠᠮᠳᠤᠷᠠᠯᠴᠠᠭ᠋ᠠᠨᠤ ᠬᠠᠨᠢᠳᠠᠨ ᠪᠤᠯᠤᠨᠠ᠂ ᠳᠤᠮᠳᠠᠳᠤ ᠫᠠᠺᠢᠰᠲ᠋ᠠᠨᠤ ᠬᠠᠷᠢᠴᠠᠭᠠᠨᠢ ᠴᠠᠭ ᠬᠤᠭᠤᠴᠠᠭᠠ ᠪᠤᠯᠤᠨ ᠳᠡᠯᠡᠭᠡᠢ ᠵᠢᠨ ᠤᠷᠪᠠᠭ᠋ᠠᠨ ᠬᠦᠷᠪᠡᠭᠡᠨᠢ ᠳᠤᠭᠤᠯᠤᠭᠰᠠᠨ ᠠ᠋ᠷᠭᠡ ᠳᠡᠭᠰᠢ᠂ ᠬᠠᠷᠢᠯᠴᠠᠨ ᠳᠡᠮᠵᠢᠯᠴᠡᠭᠰᠡᠨ ᠬᠠᠷᠢᠴᠠᠭᠠ ᠪᠤᠯᠤᠨᠠ᠃ ᠳᠡᠷᠢᠬᠦᠯᠡᠭᠴᠢ ᠰᠢ ᠵᠢᠨ ᠫᠢᠩ 2015 ᠤᠨᠳᠤ ᠫᠠᠺᠢᠰᠲ᠋ᠠᠨᠳᠤ ᠠᠮᠵᠢᠯᠳᠠᠲᠠᠢ ᠠᠢ᠌ᠯᠴᠢᠯᠠᠵᠤ᠂ ᠬᠤᠶᠠᠷ ᠤᠯᠤᠰᠤᠨ ᠬᠠᠷᠢᠴᠠᠭ᠋ᠠᠨᠤ ᠬᠦᠭᠵᠢᠯᠳᠡ ᠵᠢ ᠠᠬᠢᠭᠤᠯᠪᠠ᠃ ᠳᠤᠮᠳᠠᠳᠤ ᠵᠢᠨᠬᠢᠨ ᠫᠠᠺᠢᠰᠲ᠋ᠠᠨᠤ ᠤᠯᠤᠰᠤᠨ ᠵᠶ᠋ᠡᠨ ᠠᠮᠤᠷ ᠳᠦᠪᠰᠢᠨ᠂ ᠳᠤᠭᠳᠠᠭᠤᠨ ᠬᠢᠭᠡᠳ ᠬᠦᠭᠵᠢᠯᠳᠡᠪᠠᠨ ᠬᠠᠮᠠᠭ᠋ᠠᠯᠠᠬᠤ ᠵᠢ ᠦᠷᠬᠦᠯᠵᠢᠯᠡᠨ ᠳᠡᠮᠵᠢᠵᠤ᠂ ᠳᠤᠷᠠᠳᠠᠶᠡ ᠫᠠᠺᠢᠰᠲ᠋ᠠᠨᠤ ᠳᠠᠯᠠᠲᠠᠢ ᠳᠡᠭᠡᠳᠤ ᠳᠠᠪᠬᠤᠷᠭ᠋ᠠᠨᠤ ᠬᠠᠷᠢᠯᠴᠠᠭᠠ ᠶᠠᠪᠤᠯᠴᠠᠭᠠᠪᠠᠨ ᠨᠢᠬᠳᠠᠷᠠᠭᠤᠯᠤᠨ᠂ ᠪᠤᠳᠠᠳᠠᠢ ᠵᠢ ᠠ᠋ᠷᠬᠢᠮᠯᠡᠭᠰᠡᠨ ᠬᠠᠮᠳᠤᠷᠠᠯᠴᠠᠭᠠ ᠵᠢ ᠬᠦᠨᠵᠡᠭᠡᠢ᠌ᠷᠡᠬᠦᠯᠵᠤ᠂ ᠤᠯᠠᠨ ᠤᠯᠤᠰ᠂ ᠭᠠᠵᠠᠷ ᠤᠷᠤᠨᠤ ᠴᠢᠬᠤᠯᠠ ᠠᠰᠠᠭᠤᠳᠠᠯᠢ ᠵᠤᠬᠢᠴᠠᠭᠤᠯᠬᠤᠪᠠᠨ ᠴᠢᠩᠭ᠋ᠠᠳᠬᠠᠨ᠂ ᠬᠤᠶᠠᠷ ᠤᠯᠤᠰᠤᠨ ᠬᠠᠮᠳᠤ ᠵᠢᠨ ᠬᠦᠭᠵᠢᠯᠳᠡ ᠵᠢ ᠠᠬᠢᠭᠤᠯᠵᠤ᠂ ᠭᠠᠵᠠᠷ ᠤᠷᠤᠨᠤ ᠠᠮᠤᠷ ᠳᠠᠢ᠌ᠪᠤᠩ ᠬᠢᠭᠡᠳ ᠴᠡᠴᠡᠭᠯᠡᠯ ᠬᠦᠭᠵᠢᠯᠳᠤ ᠬᠤᠪᠢ ᠨᠡᠮᠡᠷᠢ ᠦᠵᠡᠬᠦᠯᠦᠨᠡ ᠭᠡᠵᠤ ᠢᠯᠡᠷᠭᠡᠢ᠌ᠯᠡᠪᠡ᠃
ᠯᠢ ᠺᠸ ᠴᠢᠶᠠᠩ᠂ ᠳᠤᠮᠳᠠᠳᠤ ᠫᠠᠺᠢᠰᠲ᠋ᠠᠨᠤ ᠠᠵᠤ ᠠᠬᠤᠢ ᠵᠢᠨ ᠬᠤᠩᠬᠢᠯ ᠪᠤᠯ ᠰᠢᠨᠠ ᠴᠠᠭ ᠦᠶᠠᠳᠠᠬᠢ ᠳᠤᠮᠳᠠᠳᠤ ᠫᠠᠺᠢᠰᠲ᠋ᠠᠨᠤ ᠬᠠᠮᠳᠤᠷᠠᠯᠴᠠᠭ᠋ᠠᠨᠤ ᠪᠡᠯᠭᠡ ᠳᠡᠮᠳᠡᠭᠤᠨ ᠴᠢᠨᠠᠷᠲᠠᠢ ᠢᠨᠵᠸᠨ᠋ᠸᠷᠢᠩ ᠪᠤᠯᠤᠨᠠ᠃ ᠳᠤᠮᠳᠠᠳᠤ ᠵᠢᠨᠬᠢᠨ ᠶᠡᠷᠦᠩᠭᠡᠢ ᠰᠠᠢ᠌ᠳ ᠠᠪᠤᠭ᠋ᠠᠢ ᠵᠢᠨ ᠠᠵᠤ ᠠᠬᠤᠢ ᠵᠢᠨ ᠬᠤᠩᠬᠢᠯᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠤᠯᠤᠯᠳᠠ ᠵᠢ ᠳᠡᠮᠵᠢᠬᠦ ᠢᠳᠡᠪᠬᠢᠳᠤ ᠤᠪᠤᠷᠢ ᠰᠠᠢ᠌ᠰᠢᠶᠠᠨ ᠪᠢᠰᠢᠷᠡᠵᠤ ᠪᠠᠢ᠌ᠬᠤ ᠵᠢᠨ ᠬᠠᠮᠳᠤ ᠫᠠᠺᠢᠰᠲ᠋ᠠᠨᠤᠬᠢᠨᠤ ᠠᠵᠤ ᠠᠬᠤᠢ ᠵᠢᠨ ᠬᠤᠩᠬᠢᠯᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠤᠯᠤᠯᠳᠠ ᠵᠢᠨ ᠠᠮᠤᠷ ᠳᠦᠪᠰᠢᠨᠢ ᠪᠠᠳᠤᠯᠠᠬᠤᠳᠤ ᠶᠡᠭᠡ ᠭᠡᠮᠵᠢᠶᠡᠨᠤ ᠴᠢᠷᠮᠠᠢ᠌ᠯᠳᠠ ᠭᠠᠷᠭ᠋ᠠᠭᠰᠠᠨᠢ ᠰᠠᠢ᠌ᠰᠢᠶᠠᠨ ᠪᠢᠰᠢᠷᠡᠵᠤ ᠪᠠᠢ᠌ᠨᠠ᠂ ᠫᠠᠺᠢᠰᠲ᠋ᠠᠨᠤᠬᠢᠨ ᠦᠷᠬᠦᠯᠵᠢᠯᠡᠨ ᠴᠢᠩᠭᠠ ᠬᠢᠨᠠᠮᠠᠭ᠋ᠠᠢ ᠠᠷᠭᠠ ᠠᠪᠴᠤ ᠪᠠᠢ᠌ᠭ᠋ᠠᠳ ᠫᠠᠺᠢᠰᠲ᠋ᠠᠨᠳᠤ ᠪᠠᠢ᠌ᠭᠠ ᠳᠤᠮᠳᠠᠳᠤ ᠵᠢᠨ ᠠᠵᠢᠯᠳᠠᠨ᠂ ᠪᠠᠢ᠌ᠭᠤᠯᠭᠠ ᠨᠢᠭᠡᠴᠢ ᠭᠢᠭᠡᠳ ᠳᠦᠷᠦᠯ ᠵᠦᠢ᠍ᠯᠤᠨ ᠠᠮᠤᠷ ᠳᠦᠪᠰᠢᠨᠢ ᠪᠠᠳᠤᠯᠠᠬᠤ ᠵᠢ ᠢᠳᠡᠭᠡᠵᠤ ᠪᠠᠢ᠌ᠨᠠ᠃ ᠳᠤᠮᠳᠠᠳᠤ ᠵᠢᠨᠬᠢᠨ ᠳᠤᠷᠠᠳᠠᠶᠡ ᠫᠠᠺᠢᠰᠲ᠋ᠠᠨᠲᠠᠢ ᠬᠠᠮᠳᠤᠪᠠᠷ ᠡᠯᠡ ᠬᠦᠷᠢᠶᠡ ᠴᠠᠷᠠᠭᠠ ᠵᠢᠨ ᠬᠠᠮᠳᠤᠷᠠᠯᠴᠠᠭᠠᠪᠠᠨ ᠴᠢᠩᠭ᠋ᠠᠳᠬᠠᠵᠤ᠂ ᠫᠠᠺᠢᠰᠲ᠋ᠠᠨᠤ ᠰᠢᠯᠢᠳᠡᠭ ᠦᠢ᠍ᠯᠡᠳᠬᠦᠨᠢ ᠤᠷᠤᠭᠤᠯᠵᠤ ᠠᠪᠴᠢᠷᠠᠨ᠂ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭ᠋ᠠᠨᠤ ᠳᠡᠩᠴᠡᠬᠦᠷᠢᠳᠡᠢ ᠬᠦᠭᠵᠢᠯᠳᠡ ᠵᠢ ᠠᠬᠢᠭᠤᠯᠵᠤ᠂ ᠬᠤᠶᠠᠷ ᠤᠯᠤᠰᠤᠨ ᠠᠷᠠᠳ ᠳᠦᠮᠡᠨᠳᠤ ᠨᠡᠩ ᠠᠷᠪᠢᠨ ᠵᠤᠯ ᠵᠢᠷᠭ᠋ᠠᠯ ᠠ᠋ᠳ᠋ᠯᠡᠬᠦᠯᠦᠨᠡ ᠭᠡᠵᠤ ᠵᠢᠭ᠋ᠠᠵᠤ ᠭᠠᠷᠭ᠋ᠠᠪᠠ᠃
ᠢᠮᠦᠷᠡᠨ᠂ ᠬᠠᠨ᠂ ᠫᠠᠺᠢᠰᠲ᠋ᠠᠨ ᠳᠤᠮᠳᠠᠳᠤ ᠬᠤᠶᠠᠷ ᠤᠯᠤᠰᠤᠨ ᠠᠷᠠᠳ ᠳᠦᠮᠡᠨ ᠬᠦᠨ ᠵᠤᠵᠠᠭ᠋ᠠᠨ ᠨᠦᠬᠦᠷᠯᠡᠯᠲᠠᠢ᠃ ᠫᠠᠺᠢᠰᠲ᠋ᠠᠨ ᠳᠦᠢ᠍ᠯᠤᠨ ᠶᠡᠭᠡ ᠬᠦᠴᠢᠷᠳᠡᠯ ᠳᠤᠯᠭ᠋ᠠᠷᠠᠭᠰᠠᠨ ᠦᠶᠡᠳᠤ ᠳᠤᠮᠳᠠᠳᠤ ᠵᠢᠨᠬᠢᠨ ᠫᠠᠺᠢᠰᠲ᠋ᠠᠨᠲᠠᠢ ᠨᠢᠭᠡ ᠵᠤᠭᠰᠤᠯᠳᠠ ᠳᠡᠭᠡᠷᠡ ᠵᠤᠬᠰᠤᠭᠰᠠᠨ ᠶᠤᠮ᠃ ᠫᠠᠺᠢᠰᠲ᠋ᠠᠨᠤ ᠰᠢᠨᠠ ᠵᠠᠰᠠᠭᠤᠨ ᠤᠷᠳᠤᠨ ᠳᠤᠷᠠᠳᠠᠶᠡ ᠳᠤᠮᠳᠠᠳᠤᠯᠤᠭᠠ ᠵᠢᠨ ᠬᠠᠷᠢᠴᠠᠭᠠᠪᠠᠨ ᠤᠯᠠᠮ ᠵᠶ᠋ᠡᠷ ᠬᠦᠭᠵᠢᠬᠦᠯᠦᠨᠠ᠃ ᠫᠠᠺᠢᠰᠲ᠋ᠠᠨ ᠳᠤᠮᠳᠠᠳᠤ ᠵᠢᠨ ᠠᠵᠤ ᠠᠬᠤᠢ ᠵᠢᠨ ᠬᠤᠩᠬᠢᠯᠨᠢ ᠫᠠᠺᠢᠰᠲ᠋ᠠᠨᠳᠤ ᠬᠦᠭᠵᠢᠯᠳᠡ ᠵᠢᠨ ᠰᠢᠨᠠ ᠠᠵᠠ ᠳᠤᠬᠢᠶᠠᠯ ᠤᠯᠭᠤᠪᠠ᠃ ᠫᠠᠺᠢᠰᠲ᠋ᠠᠨᠤᠬᠢᠨ ᠠᠵᠤ ᠠᠬᠤᠢ ᠵᠢᠨ ᠬᠤᠩᠬᠢᠯᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠤᠯᠤᠯᠳᠠ ᠵᠢ ᠦᠷᠬᠦᠯᠵᠢᠯᠡᠨ ᠠᠬᠢᠭᠤᠯᠵᠤ᠂ ᠬᠠᠮᠣᠭᠤᠨ ᠴᠢᠩᠭᠠ ᠨᠢᠭ᠍ᠳᠡ ᠠᠷᠭᠠ ᠭᠡᠮᠵᠢᠶᠡ ᠠᠪᠴᠤ ᠪᠠᠢ᠌ᠭ᠋ᠠᠳ ᠫᠠᠺᠢᠰᠲ᠋ᠠᠨᠳᠤ ᠪᠠᠢ᠌ᠭᠠ ᠳᠤᠮᠳᠠᠳᠤ ᠵᠢᠨ ᠠᠵᠢᠯᠳᠠᠨ ᠵᠢᠴᠢ ᠳᠦᠷᠦᠯ ᠵᠦᠢ᠍ᠯᠤᠨ ᠠᠮᠤᠷ ᠳᠦᠪᠰᠢᠨᠢ ᠪᠠᠳᠤᠯᠠᠨᠠ ᠭᠡᠵᠤ ᠢᠯᠡᠷᠭᠡᠢ᠌ᠯᠡᠪᠡ᠃