9 ᠳ᠋ᠤᠭᠡᠷ ᠰᠠᠷᠠ ᠵᠢᠨ 18ᠤ ᠠ᠋ᠳᠤᠷ᠂ ᠯᠢ ᠺᠸ ᠴᠢᠶᠠᠩ ᠳᠦᠷᠦ ᠵᠢᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠᠨᠤ ᠪᠠᠢ᠌ᠩᠭᠤ ᠵᠢᠨ ᠬᠤᠷᠠᠯ ᠳᠡᠭᠡᠷᠠ ᠭᠠᠳᠠᠭ᠋ᠠᠳᠤ ᠠᠷᠠᠯᠵᠢᠶᠠ ᠵᠢᠨ ᠨᠡᠮᠡᠭᠳᠡᠯᠢ ᠠᠬᠢᠭᠤᠯᠬᠤ ᠪᠠ ᠪᠤᠭᠤᠮᠳᠠᠪᠠᠷ ᠦᠩᠭᠡᠷᠡᠬᠦ ᠵᠢ ᠳᠦᠬᠦᠮᠴᠢᠯᠠᠬᠦ ᠠᠷᠭᠠ ᠭᠡᠮᠵᠢᠶᠠ ᠵᠢ ᠪᠠᠢ᠌ᠷᠢᠯᠠᠭᠤᠯᠤᠭᠰᠠᠨ ᠪᠠ 8 ᠠ᠋ᠳᠤᠷᠤᠨ ᠳᠠᠷᠠᠭᠠ 9 ᠳ᠋ᠤᠭᠡᠷ ᠰᠠᠷᠠ ᠵᠢᠨ 26ᠤ ᠠ᠋ᠳᠤᠷ ᠪᠠᠰᠠ ᠳᠠᠬᠢᠨ ᠳᠦᠷᠦ ᠵᠢᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠᠨᠤ ᠪᠠᠢ᠌ᠩᠭᠤ ᠵᠢᠨ ᠬᠤᠷᠠᠯᠢ ᠠ᠋ᠷᠬᠢᠯᠡᠨ ᠬᠤᠷᠠᠯᠳᠤᠭᠤᠯᠵᠤ᠂ ᠪᠤᠭᠤᠮᠳᠠ ᠦᠩᠭᠡᠷᠡᠬᠦ ᠵᠢ ᠳᠦᠬᠦᠮᠴᠢᠯᠡᠬᠦ ᠠᠷᠭᠠ ᠳᠤᠭᠳᠠᠭ᠋ᠠᠨ᠂ ᠨᠡᠩ ᠳᠡᠭᠡᠳᠤ ᠳᠦᠪᠰᠢᠨᠤ ᠭᠠᠳᠠᠭ᠋ᠠᠳᠤ ᠨᠡᠭᠡᠭᠡᠯᠳᠡ ᠵᠢ ᠠᠬᠢᠭᠤᠯᠬᠤᠪᠠᠷ ᠳᠤᠭᠳᠠᠭ᠋ᠠᠵᠠᠢ᠃
ᠯᠢ ᠺᠸ ᠴᠢᠶᠠᠩ᠄ 《ᠨᠡᠩ ᠢᠳᠡᠪᠬᠢᠳᠡᠢ ᠰᠠᠨᠠᠭ᠋ᠠᠴᠢᠯᠠᠭᠠᠲᠠᠢ ᠨᠡᠭᠡᠭᠡᠯᠳᠡ ᠵᠢᠨ ᠳᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢ ᠭᠡᠷᠡᠭᠵᠢᠬᠦᠯᠵᠤ᠂ ᠭᠠᠳᠠᠭ᠋ᠠᠳᠤᠠᠴᠠ ᠤᠷᠤᠭᠤᠯᠵᠤ ᠭᠠᠳᠠᠭ᠋ᠠᠳᠤᠳᠤ ᠭᠠᠷᠭ᠋ᠠᠬᠤ ᠠᠵᠤ ᠠᠬᠤᠢ᠌ᠯᠠᠯᠳᠤ ᠨᠡᠩ ᠳᠦᠪ ᠭᠤᠤᠯᠴᠢ ᠰᠠᠢ᠌ᠨ ᠰᠠᠢ᠌ᠬᠠᠨ ᠵᠢᠱ᠌ᠢᠯᠳᠠ ᠵᠢᠨ ᠤᠷᠴᠢᠨ ᠳᠤᠭᠤᠷᠢᠨᠢ ᠪᠤᠢ ᠪᠤᠯᠭ᠋ᠠᠬᠤ ᠭᠡᠷᠡᠭᠳᠡᠢ》 ᠭᠡᠵᠤ ᠭᠡᠯᠡᠪᠡ᠃
ᠯᠢ ᠺᠸ ᠴᠢᠶᠠᠩ᠂ ᠮᠠᠨᠤ ᠤᠯᠤᠰ ᠪᠤᠯ ᠳᠡᠯᠡᠭᠡᠢ ᠳᠡᠭᠡᠷᠡᠬᠢ ᠭᠠᠳᠠᠭ᠋ᠠᠳᠤᠠᠴᠠ ᠤᠷᠤᠭᠤᠯᠵᠤ ᠭᠠᠳᠠᠭ᠋ᠠᠳᠤᠳᠤ ᠭᠠᠷᠭ᠋ᠠᠬᠤ ᠠᠷᠠᠯᠵᠢᠶᠠᠨᠤ ᠨᠢᠭᠡᠳᠦᠭᠡᠷ ᠳᠤᠮᠤ ᠤᠯᠤᠰ ᠪᠤᠯᠤᠨᠠ᠃ ᠭᠠᠳᠠᠭ᠋ᠠᠳᠤᠠᠴᠠ ᠤᠷᠤᠭᠤᠯᠵᠤ ᠭᠠᠳᠠᠭ᠋ᠠᠳᠤᠳᠤ ᠭᠠᠷᠭ᠋ᠠᠬᠤ ᠠᠷᠠᠯᠵᠢᠶᠠᠨᠢ ᠤᠯᠤᠰᠤᠨ ᠳᠤᠳᠤᠭ᠋ᠠᠳᠤ ᠵᠢᠨ ᠠᠵᠤ ᠦᠢ᠍ᠯᠡᠰᠢ ᠳᠡᠰ ᠳᠡᠪᠰᠢᠬᠦᠯᠬᠦ ᠪᠡ ᠰᠠᠭᠤᠭ᠋ᠠᠯᠢ ᠠᠷᠠᠳᠤᠨ ᠭᠡᠷᠡᠭᠯᠡᠭᠡᠳᠤ ᠴᠦᠮ ᠴᠢᠬᠤᠯᠠ ᠶᠡᠭᠡ ᠠᠴᠢ ᠬᠤᠯᠪᠤᠭᠳᠠᠯᠲᠠᠢ ᠶᠤᠮ᠃ ᠭᠡᠬᠦᠳᠤ ᠤᠳᠤᠬᠠᠨᠤ ᠭᠠᠳᠠᠭ᠋ᠠᠳᠤᠠᠴᠠ ᠤᠷᠤᠭᠤᠯᠬᠤ ᠭᠠᠳᠠᠭ᠋ᠠᠳᠤᠳᠤ ᠭᠠᠷᠭ᠋ᠠᠬᠤ ᠭᠤᠭᠴᠤᠭ᠋ᠠᠨᠤ ᠦᠪᠡᠷᠤᠨ ᠦᠷᠳᠡᠭ ᠨᠡᠯᠢᠶᠡᠳ ᠦᠨᠳᠦᠷ᠂ ᠰᠦᠢ᠍ᠳᠭᠡᠯ ᠬᠤᠷᠢᠶᠠᠬᠤᠨᠢ ᠢᠯᠡ ᠳᠤᠳᠤ ᠪᠤᠰᠤ ᠲᠤᠯᠨ ᠪᠤᠳᠠᠳᠠᠢ ᠳᠡᠭᠡᠷᠡᠪᠠᠨ ᠭᠠᠳᠠᠭ᠋ᠠᠳᠤ ᠠᠷᠠᠯᠵᠢᠶᠠᠨᠤ ᠬᠦᠭᠵᠢᠯᠳᠡ ᠵᠢ ᠨᠦᠯᠦᠭᠡᠯᠡᠵᠤ ᠪᠠᠢ᠌ᠨᠠ ᠭᠡᠵᠤ ᠵᠢᠭ᠋ᠠᠵᠤ ᠭᠠᠷᠭ᠋ᠠᠪᠠ᠃
ᠯᠢ ᠺᠸ ᠴᠢᠶᠠᠩ᠄ 《ᠤᠳᠤᠬᠠᠨᠤ ᠪᠠᠢ᠌ᠳᠠᠯᠳᠤ ᠠ᠋ᠷᠭᠡᠪᠰᠢ ᠶᠡᠭᠡ ᠬᠦᠴᠦ ᠤᠷᠤᠭᠤᠯᠤᠨ᠂ ᠪᠤᠳᠠᠳᠠᠢ ᠠᠷᠭᠠ ᠭᠡᠮᠵᠢᠶᠠ ᠠᠪᠴᠤ᠂ ᠭᠠᠳᠠᠭ᠋ᠠᠳᠤᠠᠴᠠ ᠤᠷᠤᠭᠤᠯᠬᠤ ᠭᠠᠳᠠᠭ᠋ᠠᠳᠤᠳᠤ ᠭᠠᠷᠭ᠋ᠠᠬᠤ ᠭᠤᠭᠴᠤᠭ᠋ᠠᠨᠤ ᠰᠦᠢ᠍ᠳᠭᠡᠯ ᠬᠤᠷᠢᠶᠠᠬᠤ ᠵᠢ ᠪᠠᠭᠤᠷᠠᠭᠤᠯᠬᠤ ᠭᠡᠷᠡᠭᠳᠡᠢ》 ᠭᠡᠵᠤ ᠭᠡᠯᠡᠪᠡ᠃
ᠳᠤᠰ ᠠ᠋ᠳᠤᠷᠤᠨ ᠬᠤᠷᠠᠯ ᠳᠡᠭᠡᠷᠠ᠂ ᠠ᠋ᠨᠡ ᠵᠢᠯᠤᠨ 11 ᠳ᠋ᠤᠭᠡᠷ ᠰᠠᠷᠠ ᠵᠢᠨ 1ᠤ ᠠ᠋ᠳᠤᠷᠠᠴᠠ ᠭᠠᠳᠠᠭ᠋ᠠᠳᠤᠠᠴᠠ ᠤᠷᠤᠭᠤᠯᠬᠤ ᠭᠠᠳᠠᠭ᠋ᠠᠳᠤᠳᠤ ᠭᠠᠷᠭ᠋ᠠᠬᠤ ᠭᠤᠭᠴᠤᠭ᠋ᠠᠨᠤ ᠰᠢᠯᠭ᠋ᠠᠨ ᠪᠠᠢ᠌ᠴᠠᠭ᠋ᠠᠬᠤ ᠴᠢᠬᠤᠯᠠᠳᠠᠢ ᠬᠢᠨᠠᠨ ᠬᠠᠮᠢᠶᠠᠷᠬᠤ ᠦᠨᠡᠮᠯᠡᠯᠤᠨ 86 ᠵᠦᠢ᠍ᠯ ᠪᠠᠢ᠌ᠭᠰᠠᠨᠢ 48 ᠵᠦᠢ᠍ᠯ ᠪᠤᠯᠭ᠋ᠠᠨ ᠬᠠᠰᠤᠨᠠ᠃ ᠵᠤᠬᠢᠰ ᠦᠭᠡᠢ ᠰᠦᠢ᠍ᠳᠭᠡᠯ ᠬᠤᠷᠢᠶᠠᠬᠤ ᠵᠢ ᠴᠡᠪᠡᠷᠯᠡᠵᠤ᠂ ᠡᠯᠡ ᠭᠠᠵᠠᠷᠤᠨᠬᠢᠨ ᠳᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠪᠤᠭᠤᠮᠳᠠ ᠵᠢᠨ ᠰᠦᠢ᠍ᠳᠭᠡᠯ ᠬᠤᠷᠢᠶᠠᠬᠤ ᠭᠠᠷᠴᠠᠭᠤᠨ ᠨᠠᠷᠢᠨ ᠳᠠᠩᠰᠠᠪᠠᠨ 10 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ ᠰᠡᠬᠦᠯᠴᠢᠠᠴᠠ ᠠ᠋ᠮᠤᠨᠡ ᠵᠠᠷᠯᠠᠨ ᠨᠡᠢ᠌ᠳᠡᠯᠡᠵᠤ᠂ ᠨᠠᠷᠢᠨ ᠳᠠᠩᠰᠠᠨᠠᠴᠠ ᠭᠠᠳᠠᠨᠠ ᠤᠨᠳᠤᠤ ᠰᠦᠢ᠍ᠳᠭᠡᠯ ᠬᠤᠷᠢᠶᠠᠵᠤ ᠪᠤᠯᠬᠤ ᠦᠭᠡᠢ ᠭᠡᠵᠤ ᠳᠤᠭᠳᠠᠭ᠋ᠠᠵᠠᠢ᠃
ᠯᠢ ᠺᠸ ᠴᠢᠶᠠᠩᠠᠴᠠ ᠵᠤᠬᠢᠰ ᠦᠭᠡᠢ ᠰᠦᠢ᠍ᠳᠭᠡᠯ ᠬᠤᠷᠢᠶᠠᠬᠤ ᠵᠢ ᠬᠦᠴᠦ ᠳᠠᠯᠪᠢᠨ ᠴᠡᠪᠡᠷᠯᠡᠬᠦ ᠵᠢᠨ ᠬᠠᠮᠳᠤ ᠵᠦᠢ ᠶᠤᠰᠤᠨᠤ ᠰᠦᠢ᠍ᠳᠭᠡᠯ ᠬᠤᠷᠢᠶᠠᠬᠤ ᠵᠢ ᠦᠨᠡᠨᠬᠦ ᠭᠡᠷᠡᠭᠵᠢᠬᠦᠯᠬᠦ ᠭᠡᠷᠡᠭᠳᠡᠢ ᠭᠡᠵᠤ ᠱᠠᠭ᠋ᠠᠷᠳᠠᠭᠰᠠᠨ ᠪᠦᠭᠡᠳ ᠪᠠᠰᠠ᠄ 《ᠠ᠋ᠨᠡᠬᠦ ᠠᠵᠢᠯᠳᠤ ᠠ᠋ᠷᠭᠡᠪᠰᠢ ᠪᠤᠳᠠᠳᠠᠢ ᠬᠠᠷᠠᠯᠳᠠ ᠳᠤᠭᠳᠠᠭ᠋ᠠᠬᠤ ᠭᠡᠷᠡᠭᠳᠡᠢ》᠃ 《ᠵᠢᠯᠤᠨ ᠳᠤᠳᠤᠷᠠ ᠴᠢᠩᠭᠡᠯᠢᠭᠤᠨ ᠭᠠᠳᠠᠠᠭᠳᠤᠠᠴᠠ ᠤᠷᠤᠭᠤᠯᠬᠤ ᠭᠠᠳᠠᠭ᠋ᠠᠳᠤᠳᠤ ᠭᠠᠷᠭ᠋ᠠᠬᠤ ᠭᠤᠭᠴᠤᠭ᠋ᠠᠨᠤ ᠵᠦᠢ ᠶᠤᠰᠤᠨᠤ ᠦᠪᠡᠷᠤᠨ ᠦᠷᠳᠡᠭᠢ ᠨᠢᠳᠤᠨᠤᠨ ᠵᠢᠯᠤᠨ ᠡᠴᠤᠰᠠᠴᠠ 100 ᠳ᠋ᠤᠯᠯᠠᠷ ᠪᠠᠭᠤᠷᠠᠭᠤᠯᠵᠤ᠂ ᠳᠠᠯᠠᠢ ᠳᠠᠭ᠋ᠠᠤ ᠶᠡᠭᠡ ᠭᠠᠷᠠᠮᠤᠨᠬᠢᠨ ᠨᠡᠩ ᠢᠯᠡᠭᠦᠤ ᠪᠠᠭᠤᠷᠠᠭᠤᠯᠬᠤ ᠭᠡᠷᠡᠭᠳᠡᠢ》 ᠭᠡᠵᠤ ᠭᠡᠯᠡᠪᠡ᠃
ᠳᠡᠷᠡ᠂ ᠡᠯᠡ ᠬᠤᠯᠪᠤᠭᠳᠠᠯ ᠪᠦᠬᠦᠢ ᠰᠠᠯᠠᠭᠠ ᠮᠦᠴᠢᠷᠤᠨᠬᠢᠨ ᠬᠦᠴᠦ ᠬᠠᠮᠳᠤᠷᠠᠨ ᠵᠤᠬᠢᠴᠠᠭᠤᠯᠵᠤ᠂ ᠬᠠᠮᠳᠤᠷᠠᠨ ᠬᠢᠨᠠᠨ ᠬᠠᠮᠢᠶᠠᠷᠬᠤ ᠭᠡᠷᠡᠭᠳᠡᠢ᠃ ᠵᠠᠬᠠ ᠳᠡᠯᠭᠡᠬᠦᠷᠤᠨ ᠵᠢᠮᠠ ᠬᠠᠤᠯᠢ ᠵᠢ ᠵᠢᠷᠤᠮᠯᠠᠬᠤ ᠵᠢᠨ ᠤᠷᠢᠳᠠᠯ ᠳᠣᠣᠷᠠ ᠰᠦᠢ᠍ᠳᠭᠡᠯᠢ ᠴᠡᠪᠡᠷᠯᠡᠵᠤ᠂ ᠭᠠᠳᠠᠭ᠋ᠠᠳᠤᠠᠴᠠ ᠤᠷᠤᠭᠤᠯᠬᠤ ᠭᠠᠳᠠᠭ᠋ᠠᠳᠤᠳᠤ ᠭᠠᠷᠭ᠋ᠠᠬᠤ ᠠᠵᠤ ᠠᠬᠤᠢ᠌ᠯᠠᠯᠤᠨ ᠳᠠᠷᠤᠭ᠋ᠠᠰᠤ ᠵᠢ ᠦᠨᠡᠨᠬᠦ ᠬᠦᠩᠭᠡᠷᠡᠬᠦᠯᠬᠦ ᠭᠡᠷᠡᠭᠳᠡᠢ ᠭᠡᠵᠤ ᠱᠠᠭ᠋ᠠᠷᠳᠠᠪᠠ᠃
ᠳᠤᠰ ᠠ᠋ᠳᠤᠷᠤᠨ ᠬᠤᠷᠠᠯ ᠳᠡᠭᠡᠷᠡ ᠪᠠᠰᠠ ᠠ᠋ᠨᠡ ᠵᠢᠯᠤᠨ 11 ᠳ᠋ᠤᠭᠡᠷ ᠰᠠᠷᠠ ᠵᠢᠨ 1ᠤ ᠠ᠋ᠳᠤᠷᠠᠴᠠ ᠠ᠋ᠬᠢᠯᠡᠵᠤ 1585 ᠵᠦᠢ᠍ᠯᠤᠨ ᠭᠠᠢ᠌ᠯᠢ ᠵᠢᠨ ᠭᠠᠷᠴᠠᠭᠲᠠᠬᠢ ᠠᠵᠤ ᠦᠢ᠍ᠯᠡᠳᠪᠤᠷᠢ ᠵᠢᠨ ᠦᠢ᠍ᠯᠡᠳᠬᠦᠨ ᠵᠡᠷᠭᠡ ᠳᠠᠸᠠᠷᠤᠨ ᠭᠠᠳᠠᠭ᠋ᠠᠳᠤᠠᠴᠠ ᠤᠷᠤᠭᠤᠯᠬᠤ ᠪᠤᠭᠤᠮᠳᠠ ᠵᠢᠨ ᠭᠠᠢ᠌ᠯᠢ ᠵᠢ ᠪᠠᠭᠤᠷᠠᠭᠤᠯᠬᠤᠪᠠᠷ ᠳᠤᠭᠳᠠᠭ᠋ᠠᠵᠠᠢ᠃ ᠢᠩᠬᠢᠭᠰᠡᠨ ᠵᠶ᠋ᠡᠷ ᠠ᠋ᠨᠡ ᠵᠢᠯᠠᠴᠠ ᠳᠤᠭᠳᠠᠭ᠋ᠠᠨ ᠭᠡᠷᠡᠭᠵᠢᠬᠦᠯᠦᠭᠰᠡᠨ ᠪᠤᠭᠤᠮᠳᠠ ᠵᠢᠨ ᠭᠠᠢ᠌ᠯᠢ ᠵᠢ ᠪᠠᠭᠤᠷᠠᠭᠤᠯᠬᠤ ᠠᠷᠭᠠ ᠭᠡᠮᠵᠢᠶᠡᠨᠢ ᠠᠵᠤ ᠠᠬᠤᠢ᠌ᠯᠠᠯ ᠪᠤᠯᠤᠨ ᠭᠡᠷᠡᠭᠯᠡᠭᠴᠢᠳᠤᠨ ᠭᠠᠢ᠌ᠯᠢ ᠵᠢ ᠪᠠᠷᠤᠭ 600 ᠳ᠋ᠦᠩᠰᠢᠭᠤᠷ ᠳᠦᠬᠦᠷᠢᠭ ᠪᠠᠭᠤᠷᠠᠭᠤᠯᠬᠤ ᠪᠤᠯᠤᠨᠠ᠃ ᠮᠠᠨᠤ ᠤᠯᠤᠰᠤᠨ ᠪᠤᠭᠤᠮᠳᠠ ᠵᠢᠨ ᠭᠠᠢ᠌ᠯᠢ ᠵᠢᠨ ᠭᠡᠮᠵᠢᠶᠡ ᠳᠡᠭᠡᠷᠡ ᠵᠢᠯᠤᠨ 9.8% ᠪᠠᠢ᠌ᠭᠰᠠᠨᠠᠴᠠ 7.5% ᠪᠤᠯᠵᠤ ᠪᠠᠭᠤᠷᠠᠬᠤ ᠪᠤᠯᠤᠨᠠ᠃
ᠯᠢ ᠺᠸ ᠴᠢᠶᠠᠩ᠂ ᠠᠵᠤ ᠦᠢ᠍ᠯᠡᠰᠤᠨ ᠳᠡᠰ ᠳᠡᠪᠰᠢᠬᠦ᠂ ᠠᠵᠤ ᠠᠬᠤᠢ᠌ᠯᠠᠯᠤᠨ ᠦᠪᠡᠷᠤᠨ ᠦᠷᠳᠡᠭᠢ ᠪᠠᠭᠤᠷᠠᠭᠤᠯᠬᠤᠳᠤ ᠠᠰᠢᠭᠲᠠᠢ ᠮᠦᠷᠳᠡᠭᠡᠨ ᠤᠯᠤᠰᠤᠨ ᠳᠤᠳᠤᠭ᠋ᠠᠳᠤ ᠵᠢᠨ ᠭᠡᠷᠡᠭᠯᠡᠭᠡᠨᠤ ᠵᠦᠢ᠍ᠯᠤᠨ ᠦᠨᠠ ᠬᠠᠩᠰᠢ ᠵᠢ ᠪᠠᠭᠤᠷᠠᠭᠤᠯᠬᠤᠳᠤ ᠠᠰᠢᠭᠲᠠᠢ ᠪᠠᠢ᠌ᠵᠤ᠂ ᠤᠯᠠᠨ ᠳᠦᠮᠠᠨᠤ ᠤᠯᠠᠨ ᠳᠠᠪᠬᠤᠷᠭᠠ ᠵᠢᠨ ᠭᠡᠷᠡᠭᠴᠡᠭᠡᠳᠤ ᠵᠤᠬᠢᠴᠠᠭᠤᠯᠬᠤ ᠭᠡᠷᠡᠭᠳᠡᠢ᠃ ᠡᠯᠡ ᠵᠦᠢ᠍ᠯᠤᠨ ᠳᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢ ᠦᠨᠡᠨᠬᠦ ᠨᠠᠢ᠌ᠳᠠᠪᠤᠷᠢᠵᠢᠭᠤᠯᠵᠤ᠂ ᠠᠷᠠᠳ ᠤᠯᠠᠨᠳᠤ ᠪᠣᠳᠠᠳᠠᠢ ᠠᠰᠢᠭ ᠬᠦᠷᠳᠡᠭᠡᠬᠦ ᠭᠡᠷᠡᠭᠳᠡᠢ ᠭᠡᠵᠤ ᠭᠡᠯᠡᠪᠡ᠃
