ᠯᠢ ᠺᠸ ᠴᠢᠶᠠᠩ ᠶᠡᠷᠣᠩᠬᠡᠢ ᠰᠠᠢ᠌ᠳ 3 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 9ᠤ ᠦᠳᠡ ᠵᠢᠨ ᠬᠣᠢ᠌ᠨᠠ ᠠᠷᠪᠠᠨ ᠭᠤᠷᠪᠠᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠪᠦᠬᠦ ᠤᠯᠤᠰᠤᠨ ᠠᠷᠠᠳᠤᠨ ᠲᠦᠯᠣᠭᠡᠯᠡᠭᠴᠢᠳᠤᠨ ᠶᠡᠬᠡ ᠬᠤᠷᠠᠯᠤᠨ ᠬᠣᠶᠠᠳᠤᠭ᠋ᠠᠷ ᠤᠳᠠᠭ᠋ᠠᠨᠤ ᠬᠤᠷᠠᠯᠤᠨ ᠭᠢᠷᠢᠨ ᠮᠤᠵᠢ ᠵᠢᠨ ᠲᠦᠯᠣᠭᠡᠯᠡᠭᠴᠢᠳᠤᠨ ᠪᠦᠯᠬᠦᠮᠤᠨ ᠬᠢᠨᠠᠨ ᠵᠦᠪᠯᠡᠬᠦᠳᠤ ᠣᠷᠣᠯᠴᠠᠭ᠋ᠠᠳ᠄ ᠠ᠋ᠨ᠋ᠨ ᠵᠢᠯᠤᠨ 〈〈ᠵᠠᠰᠠᠭᠤᠨ ᠤᠷᠳᠤᠨᠤ ᠠᠵᠢᠯᠤᠨ ᠢᠯᠡᠳᠬᠡᠯ〉〉ᠳᠤ 〈〈ᠬᠣᠲᠠ ᠪᠠᠯᠭ᠋ᠠᠰᠤᠨᠤ ᠠᠵᠢᠯᠲᠠᠳᠤᠨ ᠦᠨᠳᠤᠰᠤᠨ ᠨᠠᠰᠤᠵᠢᠯᠤᠨ ᠳᠠᠭ᠋ᠠᠳᠬᠠᠯᠤᠨ ᠨᠢᠭᠡᠴᠢ ᠵᠢᠨ ᠵᠠᠷᠤᠳᠠᠯ ᠳᠤᠰᠢᠶᠠᠬᠤ ᠬᠠᠷᠢᠴᠠᠯᠢ ᠪᠠᠭᠤᠷᠠᠭᠤᠯᠬᠤ〉〉 ᠶᠠᠪᠤᠳᠠᠯᠢ ᠳᠤᠷᠠᠳᠤᠭᠰᠠᠨᠤ ᠵᠣᠷᠢᠯᠭᠠ ᠪᠣᠯ ᠠᠵᠤ ᠠᠬᠤᠢ᠌ᠯᠠᠯᠢ ᠪᠡᠶᠡ ᠬᠦᠩᠭᠡᠨ ᠠᠵᠢᠯᠯᠠᠭᠤᠯᠬᠤ ᠵᠢᠨ ᠲᠦᠯᠣᠭᠡ ᠶᠤᠮ᠃ ᠠᠵᠤ ᠠᠬᠤᠢ᠌ᠯᠠᠯᠤᠨ ᠵᠠᠷᠤᠳᠠᠯ ᠳᠤᠰᠢᠶᠠᠬᠤ ᠳᠠᠷᠤᠭ᠋ᠠᠰᠤ ᠵᠢ ᠬᠦᠩᠭᠡᠷᠡᠭᠦᠯᠬᠦ ᠵᠢᠨ ᠬᠠᠮᠲᠤ ᠨᠠᠰᠤᠵᠢᠯᠤᠨ ᠮᠦᠩᠭᠦ ᠵᠢ ᠴᠠᠭ ᠳᠤᠬᠠᠢᠳᠤᠨᠢ ᠪᠦᠷᠢᠨ ᠭᠦᠢ᠍ᠴᠡᠳ ᠣᠯᠭᠣᠬᠤ ᠵᠢ ᠠ᠋ᠷᠬᠡᠪᠰᠢ ᠪᠠᠲᠤᠯᠠᠬᠤ ᠮᠦᠷᠲᠡᠭᠡᠨ ᠪᠠᠰᠠ ᠵᠦᠢ ᠵᠣᠬᠢᠰᠲᠠᠢ ᠨᠡᠮᠡᠭᠳᠡᠭᠦᠯᠬᠦ ᠬᠡᠷᠡᠭᠲᠠᠢ ᠭᠡᠵᠡᠢ᠃ ᠶᠡᠷᠣᠩᠬᠡᠢ ᠰᠠᠢ᠌ᠳ ᠵᠠᠯᠭ᠋ᠠᠭ᠋ᠠᠳ᠂ ᠠᠷᠠᠳᠤᠨ ᠶᠠᠪᠤᠳᠠᠯᠢ ᠰᠠᠢ᠌ᠵᠢᠷᠠᠭᠤᠯᠬᠤᠳᠤ ᠠ᠋ᠷᠬᠡᠪᠰᠢ 〈〈ᠶᠡᠬᠡ ᠳᠠᠯᠠ〉〉 ᠵᠢ ᠬᠠᠷᠠᠨ᠂ 〈〈ᠪᠠᠭᠠ ᠶᠠᠪᠤᠳᠠᠯ〉〉ᠠᠴᠠ ᠭᠠᠷᠳᠠᠵᠤ᠂ ᠠᠷᠠᠳ ᠣᠯᠠᠨᠤ ᠠᠵᠢᠯ ᠣᠯᠬᠤ᠂ ᠨᠠᠰᠤᠵᠢᠯᠤᠨ ᠠᠰᠠᠷᠠᠯᠲᠠ᠂ ᠰᠤᠷᠠᠭ᠋ᠠᠨ ᠬᠦᠮᠤᠵᠢᠯ᠂ ᠡᠮ ᠠ᠋ᠮᠨᠡᠯᠭᠡ ᠵᠡᠷᠭᠡ ᠲᠠᠯᠠ ᠵᠢᠨ ᠬᠦᠴᠢᠷ ᠵᠣᠪᠠᠯᠠᠩᠢᠨᠢ ᠦᠨᠡᠨᠬᠦ ᠰᠠᠢ᠌ᠨ ᠰᠢᠢ᠍ᠳᠪᠤᠷᠢᠯᠡᠬᠦ ᠬᠡᠷᠡᠭᠲᠠᠢ᠃ ᠠᠷᠠᠳᠤᠨ ᠠᠮᠢᠳᠤᠷᠠᠯᠤᠨ ᠬᠣᠷᠢᠭᠠ ᠱᠤᠭᠤᠮᠢ ᠳᠠᠭ᠋ᠠᠭ᠋ᠠᠨ ᠰᠠᠬᠢᠬᠤᠨᠢ ᠶᠠᠭ ᠰᠠᠢ᠌ᠬᠠᠨ 〈〈ᠦᠰᠤᠷᠤᠯᠭᠡ ᠵᠢᠨ ᠣᠷᠣ〉〉 ᠨᠠᠭ᠋ᠠᠳᠤᠮᠲᠠᠢ ᠠᠳᠠᠯᠢᠬᠠᠨ᠂ ᠬᠡᠷᠪᠡ ᠬᠦᠴᠢᠷᠳᠡᠯᠲᠠᠢ ᠣᠯᠠᠨ ᠲᠦᠮᠡᠨᠤ ᠠᠮᠢᠳᠤᠷᠠᠯ ᠳᠣᠷᠣᠭᠰᠢᠯᠠᠬᠤᠳᠤ ᠠ᠋ᠷᠬᠡᠪᠰᠢ ᠬᠣᠷᠢᠭᠠ ᠱᠤᠭᠤᠮ ᠳᠡᠭᠡᠷᠡᠨᠢ ᠳᠤᠰᠴᠤ ᠠᠪᠤᠨ᠂ ᠳᠡᠳᠬᠦᠵᠤ ᠲᠡᠩᠬᠡᠷᠡᠭᠦᠯᠬᠦ ᠬᠡᠷᠡᠭᠲᠠᠢ ᠶᠤᠮ ᠭᠡᠵᠠᠢ᠃
ᠲᠡᠷᠨ ᠪᠠᠰᠠ᠂ ᠭᠢᠷᠢᠨ ᠪᠣᠯ ᠤᠤᠯᠤᠨ ᠠᠵᠤ ᠦᠢ᠍ᠯᠡᠳᠪᠤᠷᠢ ᠵᠢᠨ ᠰᠠᠭᠤᠷᠢᠨ ᠪᠣᠯᠬᠤ ᠤᠴᠢᠷᠠᠴᠠ ᠤᠯᠠᠮᠵᠢᠯᠠᠯᠲᠤ ᠠᠵᠤ ᠦᠢ᠍ᠯᠡᠳᠪᠤᠷᠢ ᠵᠢᠨ ᠬᠠᠷᠢᠴᠠᠯᠨᠢ ᠶᠡᠬᠡ᠂ ᠲᠡᠣᠬᠡᠨ ᠳᠠᠷᠤᠭ᠋ᠠᠰᠤᠨᠢ ᠬᠠᠷᠢᠴᠠᠩᠭᠤᠢ ᠬᠦᠨᠳᠤ ᠶᠤᠮ᠃ ᠣᠳᠣᠬᠠᠨᠤ ᠠᠵᠤ ᠠᠬᠤᠢ ᠵᠢᠨ ᠰᠢᠨᠡ ᠤᠷᠤᠭᠤᠳᠠᠯᠤᠨ ᠳᠠᠷᠤᠯᠲᠠ ᠳᠣᠣᠷᠠ᠂ ᠵᠡᠭᠦᠨ ᠣᠷᠣᠨᠢ ᠰᠡᠷᠭᠦᠭᠡᠨ ᠮᠠᠨᠳᠤᠭᠤᠯᠬᠤ ᠶᠠᠪᠤᠳᠠᠯᠨᠢ ᠶᠠᠭ ᠪᠡᠷᠬᠡ ᠪᠠᠷᠲᠠᠭᠠ ᠵᠢ ᠲᠤᠭᠤᠯᠬᠤ ᠱᠠᠲᠤᠨᠳᠤᠪᠠᠨ ᠪᠠᠢ᠌ᠭᠠ ᠪᠣᠯᠬᠣᠷ ᠭᠢᠷᠢᠨ ᠮᠤᠵᠢ ᠠ᠋ᠷᠬᠡᠪᠰᠢ ᠦᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡ ᠵᠢ ᠠᠯᠳᠠᠯ ᠦᠭᠡᠢᠪᠠᠷ ᠵᠠᠰᠠᠭᠢ ᠴᠣᠮᠬᠠᠳᠬᠠᠵᠤ ᠭᠠᠢ᠌ᠯᠢ ᠳᠠᠲᠠᠪᠤᠷᠢ ᠵᠢ ᠬᠦᠩᠭᠡᠷᠡᠭᠦᠯᠤᠨ᠂ ᠦᠢ᠍ᠯᠡᠳᠪᠤᠷᠢᠯᠡᠯ ᠡᠵᠡᠩᠨᠡᠯᠲᠡ ᠵᠢᠨ ᠴᠢᠨᠠᠷᠲᠠᠢ ᠦᠷᠲᠡᠭ ᠪᠣᠯᠤᠨ ᠳᠦᠷᠢᠮᠤᠨ ᠴᠢᠨᠠᠷᠲᠠᠢ ᠠᠷᠠᠯᠵᠢᠶᠠᠨᠤ ᠦᠷᠲᠡᠭᠢ ᠦᠨᠡᠨᠬᠦ ᠪᠠᠭᠤᠷᠠᠭᠤᠯᠵᠤ᠂ ᠬᠤᠳᠠᠯᠳᠤᠭᠠ ᠡᠵᠡᠩᠨᠡᠯᠲᠡ ᠵᠢᠨ ᠣᠷᠴᠢᠨ ᠲᠣᠭᠣᠷᠢᠨ ᠵᠶ᠋ᠠᠨ ᠰᠢᠯᠢᠳᠡᠭᠵᠢᠭᠦᠯᠬᠦ ᠳᠡᠭᠡᠷᠡ ᠭᠦᠴᠤ ᠲᠠᠯᠪᠢᠬᠤ ᠬᠡᠷᠡᠭᠲᠠᠢ ᠭᠡᠪᠡ᠃
