ᠭᠠᠵᠠᠷᠤᠨ ᠨᠡᠷᠡ ᠵᠢᠨ ᠨᠣᠲᠠᠯᠠᠯᠲᠠ᠄ ᠠᠪᠤ ᠠᠭᠣᠯᠠ
ᠴᠦ᠋ ᠢ ᠵᠤᠬᠢᠶᠠᠪᠠ
ᠠᠪᠤ ᠠᠭᠣᠯᠠ ᠪᠣᠯ ᠥᠪᠦᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠢᠩᠭ᠋ᠠᠨ ᠠᠢ᠌ᠮᠠᠭᠤᠨ ᠬᠣᠷᠴᠢᠨ ᠪᠠᠷᠠᠭᠣᠨ ᠭᠠᠷᠣᠨ ᠡᠮᠦᠨᠡᠲᠦ ᠬᠣᠰᠢᠭᠣᠨᠤ ᠲᠣᠬᠣᠮ ᠰᠤᠮᠤ ᠪᠠ ᠲᠦᠴᠢᠦᠸᠠᠨ ᠰᠢᠶᠠᠨ ᠤ ᠬᠢᠵᠠᠭ᠋ᠠᠷᠤᠨ ᠠᠭᠣᠯᠵᠠᠷᠲᠤ ᠪᠠᠢ᠌ᠷᠢᠯᠠᠵᠤ ᠪᠠᠢ᠌ᠳᠠᠭ᠃ ᠲᠣᠰ ᠠᠭᠣᠯᠠᠨᠢ ᠣᠯᠠᠨ ᠪᠠᠢ᠌ᠴᠠ ᠵᠢᠨ ᠵᠢᠯᠠᠭᠠ ᠵᠢᠨ ᠵᠡᠭᠦᠨ᠂ ᠬᠠᠢ᠌ᠷᠤᠨ ᠵᠢᠯᠠᠭᠠ ᠵᠢᠨ ᠡᠮᠦᠨᠡ᠂ ᠠᠪᠤ ᠠᠭᠣᠯᠠ ᠵᠢᠨ ᠬᠥᠨᠳᠡᠢ ᠵᠢᠨ ᠬᠣᠢ᠌ᠨᠠ ᠂ ᠴᠠᠭ᠋ᠠᠨᠴᠢᠯᠠᠭᠤᠲᠦ ᠵᠢᠨ ᠵᠢᠯᠠᠭᠠ ᠵᠢᠨ ᠪᠠᠷᠠᠭᠣᠨ ᠪᠡᠶᠡᠪᠠᠷ ᠪᠠᠢ᠌ᠷᠢᠯᠠᠵᠤ ᠪᠠᠢ᠌ᠳᠠᠭ᠃ ᠳᠠᠯᠠᠢ ᠵᠢᠨ ᠲᠥᠪᠰᠢᠨ ᠠᠴᠠ1392.1 ᠮᠧᠲᠷ ᠡᠷᠭᠦᠭᠳᠡᠵᠦ᠂ ᠭᠠᠵᠠᠷᠤᠨ ᠪᠠᠢ᠌ᠴᠠᠨᠢ ᠵᠡᠭᠦᠨ ᠤᠷᠳᠤᠷᠢᠭᠤᠨ 120°56′15"᠂ ᠤᠮᠠᠷᠠᠲᠤ ᠦᠷᠭᠡᠷᠢᠭᠤᠨ 45°56′32"ᠲᠤ ᠣᠷᠣᠰᠢᠵᠤ ᠪᠠᠢ᠌ᠳᠠᠭ᠃
ᠯᠣᠣ ᠲᠸᠦ ᠱᠠᠨ （老头山） ᠪᠣᠯ ᠬᠢᠲᠠᠳ ᠬᠡᠯᠡᠨ ᠳᠡᠭᠡᠷᠡ ᠤᠳᠬᠠᠴᠢᠯᠠᠨ ᠣᠷᠴᠢᠭᠣᠯᠣᠭᠰᠠᠨ ᠳᠠᠭᠣᠳᠠᠯᠭᠠ ᠪᠣᠯᠣᠨᠠ᠂ ᠠᠪᠤ ᠰᠢᠭ᠋ ᠠᠭᠣᠯᠠ ᠭᠡᠳᠡᠭ ᠤᠳᠬᠠᠲᠠᠢ᠃ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠮᠣᠩᠭᠣᠯᠴᠣᠳ ᠯᠣᠣ ᠲᠸᠦ ᠱᠠᠨ （ 老头山） ᠠᠭᠣᠯᠠ ᠵᠢ ᠠᠪᠤ ᠠᠭᠣᠯᠠ ᠭᠡᠵᠦ ᠨᠡᠷᠡᠯᠡᠭᠰᠡᠭᠡᠷ ᠢᠷᠡᠵᠡᠢ᠃
ᠯᠣᠣ ᠲᠸᠦ ᠱᠠᠨ （老头山） ᠭᠡᠳᠡᠭ ᠨᠡᠷᠡᠢ᠌ᠳᠦᠯᠨᠢ ᠲᠤᠬᠠᠢ ᠵᠢᠨ ᠭᠠᠵᠠᠷ ᠣᠷᠣᠨᠤ ᠬᠦᠮᠦᠰᠤᠨ ᠳᠠᠭᠤᠳᠠᠯᠭᠠ ᠵᠢ ᠭᠠᠯᠢᠭᠯᠠᠨ ᠪᠠᠭᠣᠯᠭ᠋ᠠᠭᠰᠠᠨ ᠪᠢᠰᠢ᠂ ᠬᠢᠲᠠᠳ ᠬᠡᠯᠡᠨ ᠳᠡᠭᠡᠷᠡ ᠣᠷᠴᠢᠭᠣᠯᠣᠨ ᠪᠠᠭᠣᠯᠭ᠋ᠠᠭᠰᠠᠨᠠᠴᠠ ᠪᠣᠯᠵᠤ ᠂ ᠭᠠᠵᠠᠷᠤᠨ ᠨᠡᠷᠡ ᠵᠢᠨ ᠣᠣᠯ ᠤᠳᠬᠠ ᠪᠠ ᠲᠡᠭᠦᠨᠳᠤ ᠠᠭᠤᠯᠤᠭᠳᠠᠬᠤ ᠰᠢᠲᠦᠯᠭᠡ ᠪᠢᠰᠢᠷᠡᠯᠤᠨ ᠤᠬᠠᠮᠰᠠᠷᠢ ᠵᠥᠪ ᠣᠨᠣᠪᠴᠢᠲᠠᠢ ᠢᠯᠡᠷᠡᠭᠦᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢ᠌ᠨᠠ᠃ ᠲᠣᠰ ᠭᠠᠵᠠᠷᠤᠨ ᠨᠠᠷᠡ ᠵᠢᠨ ᠳᠠᠭᠣᠳᠠᠯᠭᠠᠳᠤ ᠪᠠᠰᠠ ᠬᠢᠲᠠᠳ ᠮᠣᠩᠭᠣᠯ ᠬᠡᠯᠡ ᠵᠢ ᠬᠣᠯᠢᠵᠤ ᠬᠡᠷᠡᠭᠯᠡᠵᠦ ᠪᠠᠢ᠌ᠭᠠ ᠪᠠᠢ᠌ᠳᠠᠯ ᠣᠷᠣᠰᠢᠵᠤ ᠪᠠᠢ᠌ᠨᠠ ᠂ ᠡᠢ᠌ᠮᠦᠠᠴᠠ ᠲᠣᠰ ᠭᠠᠵᠠᠷᠤᠨ ᠨᠡᠷᠡ ᠪᠣᠯ ᠠᠰᠠᠭᠣᠳᠠᠯᠲᠠᠢ ᠭᠠᠵᠠᠷᠤᠨ ᠨᠡᠷᠡ ᠪᠠᠢ᠌ᠵᠤ ᠴᠢᠨᠠᠭᠰᠢᠲᠠ ᠲᠥᠷᠢᠮᠵᠢᠭᠦᠯᠦᠨ ᠪᠢᠴᠢᠬᠦ ᠴᠢᠬᠣᠯᠠᠲᠠᠢ ᠪᠣᠯᠵᠠᠢ᠃
ᠳᠥᠷᠢᠮᠵᠢᠭᠦᠯᠦᠨ ᠪᠢᠴᠢᠬᠦ ᠰᠠᠨᠠᠭ᠋ᠠᠣᠯᠭᠠ᠄
ᠯᠣᠣ ᠲᠸᠦ ᠱᠠᠨ （老头山） （ᠠᠪᠤ ᠠᠭᠣᠯᠠ） ᠭᠡᠳᠡᠭ ᠭᠠᠵᠠᠷᠤᠨ ᠨᠡᠷᠡᠨᠢ ᠲᠡᠦᠬᠡ ᠵᠢᠨ ᠠᠳᠠᠯᠢ ᠪᠤᠰᠤ ᠴᠠᠭ ᠦᠶᠡᠳᠤ ᠠᠳᠠᠯᠢ ᠪᠤᠰᠤᠪᠠᠷ ᠲᠡᠮᠳᠡᠭᠯᠡᠭᠳᠡᠵᠦ ᠢᠷᠡᠪᠡ᠃ ᠳᠠᠷᠤᠢ“艾吉喇克山”（“ ᠠᠵᠢᠷᠭ᠋ᠠᠨ ᠠᠭᠣᠯᠠ”）“老頭山”（ᠠᠪᠤ ᠠᠭᠣᠯᠠ）“老头山” ᠠᠪᠤ ᠠᠭᠣᠯᠠ）“滕格日大坝”（ᠲᠡᠭᠷᠢ ᠳᠠᠪᠠᠭᠠ”）“阿巴哈喇”（ᠠᠪᠤ ᠬᠠᠷᠠ）᠂摩天岭 （ᠮᠥᠸᠸ ᠲᠢᠶᠠᠨ ᠯᠢᠩ） ᠭᠡᠬᠦ ᠮᠡᠲᠦᠪᠠᠷ ᠨᠡᠷᠡᠢ᠌ᠳᠦᠵᠦ ᠥᠩᠭᠡᠷᠡᠪᠡ᠃
⒈ 《ᠪᠠᠳᠠᠷᠠᠭᠣᠯᠲᠦ ᠲᠥᠷᠥ ᠵᠢᠨ ᠭᠣᠴᠢᠨ ᠭᠤᠷᠪᠠᠳᠤᠭ᠋ᠠᠷ ᠣᠨᠤ ᠡᠪᠣᠯᠤᠨ ᠳᠤᠮᠳᠠᠳᠦ ᠰᠠᠷᠠ ᠵᠢᠨ ᠬᠣᠷᠢᠨ ᠨᠢᠭᠡᠨᠡ》 （1907 ᠣᠨ）ᠳᠤ ᠵᠢᠷᠤᠭᠰᠠᠨ ᠭᠠᠵᠠᠷᠤᠨ ᠵᠢᠷᠤᠭ ᠳᠡᠭᠡᠷᠡ“艾吉喇克山”（“ ᠠᠵᠢᠷᠭ᠋ᠠᠨ ᠠᠭᠣᠯᠠ”） ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠢ᠌ᠳᠠᠭ᠃ ᠳᠠᠷᠤᠢ 《ᠳᠡᠯ ᠵᠶ᠋ᠡᠨ ᠪᠣᠰᠬᠠᠨ ᠳᠠᠪᠬᠢᠵᠤ ᠪᠠᠢ᠌ᠭᠠ ᠬᠠᠷᠠ ᠠᠵᠢᠷᠭᠠ ᠰᠢᠭ᠋ ᠭᠡᠳᠡᠭ ᠳᠦᠷᠰᠦᠯᠡᠭᠰᠡᠨ ᠬᠡᠯᠡᠯᠭᠡᠠᠴᠠ ᠢᠷᠡᠯᠲᠡᠢ ᠨᠡᠷᠡᠢ᠌ᠳᠦᠯ》 ᠪᠣᠯᠣᠨᠠ᠃ ᠠᠪᠤ ᠠᠭᠣᠯᠠᠨᠢ ᠮᠠᠨᠤ ᠬᠣᠰᠢᠭᠣᠨᠤ ᠪᠠᠷᠠᠭᠣᠨ ᠡᠮᠦᠨᠡᠭᠦᠷ ᠰᠢᠭ ᠪᠠᠢ᠌ᠷᠢᠯᠠᠵᠤ ᠪᠠᠢ᠌ᠳᠠᠭ ᠲᠤᠯᠠ ᠦᠳᠡ ᠵᠢᠨ ᠡᠮᠦᠨᠡ ᠠᠭᠤᠯᠠ ᠵᠢ ᠬᠣᠢ᠌ᠨᠠᠠᠴᠠᠨᠢ ᠬᠠᠷᠠᠪᠠᠯ ᠬᠠᠷᠠ ᠥᠩᠭᠡᠲᠡᠢ ᠰᠡᠬᠦᠢ᠌ᠨ ᠰᠦᠨᠳᠡᠷᠡᠯᠵᠦ ᠬᠠᠷᠠᠭᠳᠠᠳᠠᠭ᠃ ᠠᠭᠣᠯᠠ ᠵᠢᠨ ᠣᠷᠣᠢ ᠳᠡᠭᠡᠷᠡ ᠭᠠᠷᠴᠤ ᠠᠵᠢᠭᠯᠠᠪᠠᠯ ᠠᠭᠣᠯᠠ ᠵᠢᠨ ᠣᠷᠣᠢᠪᠠᠷ ᠳᠥᠷᠪᠡᠯᠵᠢᠨ ᠪᠠᠭ᠋ᠠᠨᠠ ᠰᠢᠭ᠋ ᠬᠠᠳᠠᠨᠤᠭᠤᠳ ᠡᠭᠴᠡᠯᠡᠨ ᠪᠣᠰᠴᠦ ᠠᠷᠪᠠ ᠬᠣᠷᠢᠨ ᠮᠧᠲᠷ ᠦᠨᠳᠦᠷ ᠪᠠᠷᠢᠭᠰᠠᠨ ᠬᠡᠷᠡᠮ ᠰᠢᠭ ᠬᠠᠷᠠᠭᠳᠠᠳᠠᠭ ᠪᠢᠯᠡ᠃ ᠡᠢ᠌ᠮᠦᠷᠬᠦᠦ ᠪᠠᠭ᠋ᠠᠨᠠᠴᠢᠷ ᠬᠠᠳᠠᠨᠢ ᠠᠭᠣᠯᠠ ᠵᠢᠨ ᠣᠷᠣᠢ ᠵᠢᠨ ᠪᠠᠷᠠᠭᠣᠨᠠᠴᠠ ᠵᠡᠭᠦᠨ ᠤᠷᠤᠭᠰᠢ ᠬᠡᠳᠦᠨ ᠭᠠᠵᠠᠷ ᠰᠣᠨᠣᠨ ᠥᠷᠭᠦᠯᠵᠢᠯᠡᠵᠦ᠂ ᠬᠦᠮᠦᠨ ᠠᠮᠢᠲᠠᠨ ᠬᠦᠷᠴᠦ ᠴᠢᠳᠠᠰᠢ ᠦᠭᠡᠢ ᠬᠡᠮᠡᠷ ᠡᠭᠴᠡ ᠣᠷᠭᠢᠯ ᠪᠣᠯᠵᠤ ᠰᠡᠬᠦᠢ᠌ᠨ ᠰᠣᠨᠣᠯᠵᠠᠭᠰᠠᠭ᠋ᠠᠷ ᠪᠠᠢ᠌ᠳᠠᠭ᠃ ᠲᠡᠭᠦᠨ ᠤ ᠪᠦᠬᠦᠢ᠌ᠯᠠ ᠳᠦᠷᠰᠦ ᠪᠠᠢ᠌ᠳᠠᠯᠨᠢ ᠦᠨᠡᠬᠡᠷ ᠳᠡᠯ ᠰᠡᠭᠦᠯ ᠵᠶ᠋ᠡᠨ ᠪᠣᠰᠬᠠᠨ ᠣᠩᠭᠣᠳᠯᠠᠨ ᠳᠠᠪᠬᠢᠵᠤ ᠪᠠᠢ᠌ᠭᠠ ᠬᠠᠷᠠ ᠠᠵᠢᠷᠭᠠ ᠰᠢᠭ᠋ ᠪᠣᠯᠬᠤᠷ ᠡᠷᠲᠡᠨᠤ ᠬᠦᠮᠦᠰ ᠲᠡᠭᠡᠵᠦ ᠨᠡᠷᠡᠯᠡᠭᠰᠡᠨ ᠶᠤᠮ᠃ ᠠᠭᠣᠯᠠᠨ ᠡᠮᠦᠨᠡ ᠲᠠᠯᠠᠳᠤ ᠠᠮᠢᠳᠤᠷᠠᠳᠠᠭ ᠲᠦᠴᠢᠦᠸᠠᠨ ᠰᠢᠶᠠᠨᠤ ᠬᠢᠲᠠᠳ ᠬᠦᠮᠦᠰ ᠲᠣᠰ ᠬᠠᠳᠠᠨᠤᠭᠤᠳᠢ “长城岭” ᠤᠷᠲᠤ ᠬᠡᠷᠡᠮᠤᠨ ᠳᠠᠪᠠᠭᠠ ᠭᠡᠳᠡᠭ᠃
⒉ 《ᠬᠣᠷᠴᠢᠨ ᠪᠠᠷᠠᠭᠣᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠰᠢᠭᠣᠨᠤ ᠬᠢᠵᠠᠭ᠋ᠠᠷᠤᠨ ᠵᠢᠷᠤᠭ》 （《科爾沁右翼前旗管境地图》）（1939年）ᠲᠤ ᠠᠪᠤ ᠠᠭᠣᠯᠠ ᠵᠢ“老頭山” ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠢ᠌ᠳᠠᠭ ᠃
⒊ ᠵᠠᠩ ᠮᠦ᠍ ᠵᠢᠨ ᠵᠣᠬᠢᠶᠠᠭᠰᠠᠨ 《ᠮᠣᠩᠭᠣᠯᠳᠤ ᠵᠢᠭᠣᠯᠠᠴᠢᠯᠠᠭᠰᠠᠨ ᠲᠡᠮᠳᠡᠭᠯᠡᠯ》ᠳᠤ ᠳᠡᠮᠳᠡᠭᠯᠡᠭᠰᠡᠨ ᠵᠶ᠋ᠡᠷ᠄ 《“旗東北百七十里有黑山蒙古名阿巴哈喇” （ᠬᠣᠰᠢᠭᠣᠨᠤ ᠵᠡᠭᠦᠨ ᠬᠣᠢ᠌ᠨᠠ ᠵᠠᠭᠤ ᠳᠠᠯᠠᠨ ᠭᠠᠵᠠᠷᠲᠤ ᠨᠢᠭᠡ ᠬᠠᠷᠠ ᠠᠭᠣᠯᠠ ᠪᠠᠢ᠌ᠵᠤ ᠮᠣᠩᠭᠣᠯ ᠨᠡᠷᠡᠨᠢ ᠠᠪᠤ ᠬᠠᠷᠠ ᠭᠡᠳᠡᠭ）》ᠭᠡᠵᠡᠢ᠃
⒋ ᠪᠠᠢ ᠳ᠋ᠦ᠋（百度）ᠠᠴᠠ ᠬᠠᠢ᠌ᠵᠤ ᠣᠯᠣᠭᠰᠠᠨ ᠭᠠᠵᠠᠷᠤᠨ ᠵᠢᠷᠤᠭ ᠪᠠ 《ᠬᠣᠷᠴᠢᠨ ᠪᠠᠷᠠᠭᠣᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠰᠢᠭᠣᠨᠤ ᠭᠠᠵᠠᠷᠤᠨ ᠵᠢᠷᠤᠭ》 （1980 ᠣᠨ）ᠤᠨ ᠵᠢᠷᠤᠭᠲᠤ ᠠᠪᠤ ᠠᠭᠣᠯᠠ ᠵᠢ ᠴᠥᠮ “老头山” ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠪᠠᠢ᠌ᠳᠠᠭ᠃
ᠪᠠᠢ᠌ᠭ᠋ᠠᠯᠢ ᠰᠢᠲᠦᠯᠭᠡ ᠪᠣᠯ ᠮᠣᠩᠭᠣᠯᠴᠣᠳᠤᠨ ᠤᠵᠠᠭᠣᠷ ᠰᠢᠲᠦᠯᠭᠡ ᠪᠠᠢ᠌ᠵᠤ᠂ ᠲᠦᠮᠡᠨ ᠪᠣᠳᠠᠰᠢ ᠰᠦᠭ ᠰᠦᠨᠡᠰᠦᠲᠠᠢ ᠭᠡᠮᠡᠨ ᠰᠦᠰᠦᠭᠯᠡᠨ ᠰᠢᠲᠦᠳᠡᠭ ᠪᠠᠢ᠌ᠭᠰᠠᠨ ᠪᠥᠭᠡ ᠮᠥᠷᠭᠦᠯᠤᠨ ᠰᠢᠲᠦᠯᠭᠡᠠᠴᠠ ᠤᠯᠪᠠᠭᠠᠲᠠᠢ ᠶᠤᠮ᠃ ᠮᠣᠩᠭᠣᠯᠴᠣᠳ ᠶᠡᠷᠦᠨᠢ ᠠᠭᠣᠯᠠ ᠬᠠᠢ᠌ᠷᠬᠠᠨ ᠵᠶ᠋ᠠᠨ ᠠᠪᠤ ᠭᠡᠵᠦ ᠂ ᠣᠰᠤ ᠪᠤᠯᠠᠭ ᠵᠶ᠋ᠡᠨ ᠷᠠᠰᠢᠶᠠᠨ ᠭᠡᠮᠡᠨ ᠬᠦᠨᠳᠦᠯᠡᠨ ᠳᠠᠭᠣᠳᠠᠳᠠᠭ ᠤᠯᠠᠮᠵᠢᠯᠠᠯᠲᠠᠢ ᠪᠠᠢ᠌ᠳᠠᠭ ᠰᠠᠨ᠃ ᠡᠨᠡᠨᠢ ᠬᠥᠬᠡ ᠮᠥᠩᠬᠡ ᠲᠡᠭᠷᠢ ᠬᠦᠷᠦᠰᠦᠲᠦ ᠡᠲᠦᠭᠡᠨ ᠭᠠᠵᠠᠷ ᠣᠰᠣᠨ ᠵᠶ᠋ᠠᠨ ᠰᠢᠲᠦᠨ ᠪᠢᠰᠢᠷᠡᠵᠦ ᠰᠦᠰᠦᠭᠯᠡᠨ ᠲᠠᠬᠢᠳᠠᠭ ᠰᠢᠲᠦᠯᠭᠡ ᠪᠢᠰᠢᠷᠡᠯᠤᠨ ᠵᠠᠩ ᠰᠡᠳᠬᠢᠯᠭᠡᠨᠲᠠᠢ ᠬᠣᠯᠪᠣᠭᠠᠲᠠᠢ ᠶᠤᠮ᠃ ᠡᠢ᠌ᠮᠦᠠᠴᠠ ᠠᠪᠤ ᠠᠭᠣᠯᠠ ᠭᠡᠳᠡᠭᠢ ᠯᠣᠣ ᠲᠸᠦ ᠱᠠᠨ （老头山） ᠭᠡᠵᠦ ᠳᠠᠭᠤᠳᠠᠬᠤ ᠦᠶᠡᠳᠤ ᠲᠡᠷᠡᠨᠢ ᠡᠪᠦᠭᠡᠨ ᠠᠭᠣᠯᠠ ᠭᠡᠳᠡᠭ ᠤᠳᠬᠠᠲᠠᠢ ᠪᠣᠯᠵᠤ᠂ ᠠᠭᠣᠯᠠ ᠤᠰᠤᠪᠠᠨ ᠠᠪᠤ ᠰᠢᠭ᠋ ᠭᠡᠮᠡᠨ ᠬᠦᠨᠳᠦᠯᠡᠨ ᠰᠢᠲᠦᠭᠳᠡᠳᠡᠭ ᠰᠢᠲᠦᠯᠭᠡ ᠪᠢᠰᠢᠷᠡᠯᠤᠨ ᠰᠡᠳᠬᠢᠯᠭᠡᠨᠨᠢ ᠬᠠᠶᠠᠭᠳᠠᠵᠤ ᠠᠯᠠᠭᠠ ᠪᠣᠯᠳᠠᠭ᠃
ᠯᠣᠣ ᠲᠸᠦ ᠱᠠᠨ （老头山） （ᠠᠪᠤ ᠠᠭᠣᠯᠠ） ᠭᠡᠳᠡᠭ ᠬᠣᠶᠠᠷ ᠨᠡᠷᠡᠢ᠌ᠳᠦᠯ ᠵᠶ᠋ᠡᠷ ᠳᠡᠮᠳᠡᠭᠯᠡᠵᠦ ᠪᠠᠢ᠌ᠭᠠᠨᠢ ᠬᠢᠲᠠᠳ ᠮᠣᠩᠭᠣᠯ ᠬᠡᠯᠡ ᠵᠢ ᠬᠣᠯᠢᠮᠠᠭ ᠬᠡᠷᠡᠭᠯᠡᠵᠦ ᠪᠠᠢ᠌ᠭᠠ ᠵᠢᠨ ᠨᠡᠢ᠌ᠲᠡᠯᠢᠭ ᠵᠢᠱ᠌ᠢᠶᠡ ᠪᠣᠯᠣᠨᠠ᠃ ᠡᠢ᠌ᠮᠦᠠᠴᠠ ᠲᠡᠦᠬᠡ ᠪᠠ ᠵᠠᠩ ᠵᠠᠩᠰᠢᠯᠢ ᠬᠦᠨᠳᠦᠳᠭᠡᠵᠦ᠂ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠠᠷᠠᠳ ᠲᠦᠮᠡᠨᠤ ᠰᠢᠲᠦᠯᠭᠡ ᠪᠢᠰᠢᠷᠡᠯᠤᠨ ᠤᠬᠠᠮᠰᠠᠷᠢ ᠬᠠᠮᠠᠭ᠋ᠠᠯᠠᠨ᠂ ᠨᠤᠲᠤᠭᠤᠨ ᠬᠦᠮᠦᠰᠤᠨ ᠣᠯᠠᠨ ᠵᠢᠯ ᠲᠡᠦᠬᠡᠨ ᠶᠠᠪᠤᠴᠠᠳᠤ ᠳᠠᠭᠤᠳᠠᠵᠤ ᠪᠠᠢ᠌ᠭᠠ ᠠᠪᠤ ᠠᠭᠣᠯᠠ ᠭᠡᠳᠡᠭ ᠨᠡᠷᠡ ᠵᠢ ᠵᠥᠪ ᠠᠪᠢᠶᠠᠯᠠᠨ ᠲᠡᠮᠳᠡᠭᠯᠡᠵᠦ᠂ ᠦᠯᠡᠳᠡᠭᠡᠨ ᠬᠠᠳᠠᠭ᠋ᠠᠯᠠᠬᠤᠨᠢ ᠵᠦᠢ᠍ᠲᠡᠢ᠃
⒌ ᠣᠯᠣᠰᠤᠨ ᠬᠡᠮᠵᠢᠨ ᠵᠢᠷᠤᠭᠯᠠᠬᠤ ᠲᠣᠪᠴᠢᠶᠠᠨᠤ ᠶᠡᠷᠦᠩᠬᠡᠢ ᠱᠠᠲ᠋ᠣᠪᠤᠨ ᠬᠡᠯᠲᠡᠰᠤᠨ ᠨᠠᠢ᠌ᠷᠠᠭᠣᠯᠣᠨ ᠪᠢᠴᠢᠭᠰᠡᠨ 《ᠳᠤᠮᠳᠠᠳᠦ ᠣᠯᠣᠰᠤᠨ ᠴᠥᠭᠡᠨ ᠲᠣᠭ᠋ᠠᠲᠦ ᠦᠨᠳᠦᠰᠦᠲᠡᠨᠤ ᠭᠠᠵᠠᠷᠤᠨ ᠨᠡᠷᠡᠰᠤᠨ ᠮᠣᠩᠭᠣᠯ ᠠᠪᠢᠶᠠᠯᠯᠠᠯᠭᠠ ᠵᠢᠨ ᠭᠠᠷ ᠳᠡᠪᠲᠡᠷ》 （1986 ᠣᠨ） ᠳᠤ ᠲᠡᠮᠳᠡᠭᠯᠡᠭᠰᠡᠨ ᠵᠶ᠋ᠡᠷ ᠮᠣᠩᠭᠣᠯ ᠬᠡᠯᠡᠨᠤ ᠠᠪᠤ ᠭᠡᠳᠡᠭ ᠦᠭᠡ ᠵᠢ aab ᠭᠡᠵᠦ ᠭᠠᠯᠢᠭᠯᠠᠨ ᠬᠢᠲᠠᠳ ᠵᠶ᠋ᠠᠷ“阿布” ᠭᠡᠵᠦ ᠤᠩᠰᠢᠯᠭᠠᠪᠠᠷᠨᠢ ᠭᠠᠯᠢᠭᠯᠠᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠢ᠌ᠳᠠᠭ᠃ ᠭᠡᠬᠦ ᠳᠤᠪᠠᠨ ᠮᠣᠩᠭᠣᠯᠴᠣᠳᠤᠨ ᠠᠮᠠᠨ ᠶᠠᠷᠢᠶᠠᠨ ᠳᠤ ᠠᠪᠤ ᠭᠡᠳᠡᠭᠢ“阿爸” ᠭᠡᠵᠦ ᠠᠪᠢᠶᠠᠯᠠᠨ ᠬᠡᠯᠡᠬᠦᠨᠢ ᠣᠯᠠᠨ ᠪᠠᠢ᠌ᠵᠤ᠂“阿布” ᠭᠡᠳᠡᠭ ᠠᠪᠢᠶᠠ ᠵᠢ ᠬᠡᠷᠡᠭᠯᠡᠳᠡᠭ ᠦᠭᠡᠢ᠃
ᠳᠡᠭᠡᠷᠡᠬᠢ ᠡᠯᠡ ᠪᠠᠷᠢᠮᠲᠠᠠᠴᠠ ᠦᠵᠡᠪᠡᠯ ᠲᠣᠰ ᠭᠠᠵᠠᠷᠤᠨ ᠨᠡᠷᠡ ᠳᠤᠬᠢ ᠠᠪᠤ ᠭᠡᠳᠡᠭᠢ ᠵᠠᠩ ᠮᠦ᠍ ᠵᠢᠨ ᠲᠡᠮᠳᠡᠭᠯᠡᠭᠰᠡᠨ ᠄ “旗東北百七十里有黑山蒙古名阿巴哈喇” ᠭᠡᠳᠡᠭ ᠲᠤᠬᠢ “阿巴” ᠭᠡᠳᠡᠭᠢ ᠪᠠᠷᠢᠮᠲᠠᠯᠠᠨ ᠬᠡᠷᠡᠭᠯᠡᠪᠡᠯ ᠨᠡᠩ ᠣᠨᠣᠪᠴᠢᠲᠠᠢ ᠪᠣᠯᠣᠨᠠ᠃ ᠡᠢ᠌ᠮᠦᠠᠴᠠ ᠯᠣᠣ ᠲᠸᠦ ᠱᠠᠨ （老头山） （ ᠠᠪᠤ ᠠᠭᠣᠯᠠ） ᠭᠡᠳᠡᠭᠢ“阿巴乌拉”（“ ᠠᠪᠤ ᠠᠭᠣᠯᠠ”“Aab uula”） ᠭᠡᠵᠦ ᠲᠡᠮᠳᠡᠭᠯᠡᠪᠡᠯ ᠵᠦᠢ᠍ᠲᠡᠢ ᠃
ᠬᠣᠯᠪᠤᠭᠳᠠᠯ ᠪᠦᠬᠦᠢ ᠦᠯᠢᠭᠡᠷ ᠳᠣᠮᠣᠭ᠄
ᠳᠣᠮᠣᠭ （ᠨᠢᠭᠡ）
ᠠᠪᠤ ᠠᠭᠣᠯᠠ （老头山） ᠪᠣᠯ ᠥᠪᠦᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠢᠩᠭ᠋ᠠᠨ ᠠᠢ᠌ᠮᠠᠭᠤᠨ ᠬᠣᠷᠴᠢᠨ ᠪᠠᠷᠠᠭᠣᠨ ᠭᠠᠷᠣᠨ ᠡᠮᠦᠨᠡᠲᠦ ᠬᠣᠰᠢᠭᠣᠨᠤ ᠲᠣᠬᠣᠮ ᠰᠤᠮᠤ ᠵᠢᠨ ᠬᠢᠵᠠᠭ᠋ᠠᠷᠲᠤ ᠪᠠᠢ᠌ᠷᠢᠯᠠᠵᠤ ᠪᠠᠢ᠌ᠳᠠᠭ᠃ ᠣᠣᠯ ᠨᠡᠷᠡᠨᠢ ᠠᠪᠤ ᠠᠭᠣᠯᠠ ᠭᠡᠳᠡᠭ᠃ ᠳᠣᠮᠣᠭ ᠶᠠᠷᠢᠶᠠ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠡᠷᠲᠡ ᠤᠷᠢᠳᠦ ᠵᠢᠨ ᠴᠠᠭᠲᠤ ᠨᠢᠭᠡ ᠵᠠᠯᠭ᠋ᠠᠤ ᠪᠠᠷᠠᠭᠣᠨ ᠦᠵᠦᠮᠦᠴᠢᠨ ᠬᠣᠰᠢᠭᠣᠨᠳᠤ ᠣᠴᠢᠵᠤ ᠨᠣᠲᠣᠭᠰᠢᠨ ᠠᠮᠢᠳᠤᠷᠠᠵᠠᠢ᠃ ᠲᠡᠷᠡ ᠵᠠᠯᠠᠭᠤ ᠠᠵᠢᠯᠴᠢ ᠠᠷᠪᠢᠴᠢ ᠪᠠᠢ᠌ᠭᠰᠠᠨ ᠲᠤᠯᠠ ᠪᠠᠶᠠᠨ ᠲᠠᠩᠰᠣᠭ ᠠᠮᠢᠳᠤᠷᠠᠳᠠᠭ ᠪᠣᠯᠵᠠᠢ᠃ ᠣᠯᠠᠨ ᠵᠢᠯ ᠥᠩᠭᠡᠷᠡᠬᠦ ᠵᠢ ᠳᠠᠭ᠋ᠠᠯᠳᠣᠨ ᠨᠣᠲᠣᠭ ᠵᠶ᠋ᠠᠨ ᠰᠠᠨᠠᠬᠤ ᠰᠡᠳᠬᠢᠯᠨᠢ ᠳᠡᠪᠡᠷᠡᠵᠦ ᠥᠪᠡᠷᠤᠨ ᠲᠥᠷᠥᠯᠬᠢ ᠨᠤᠲᠤᠭ ᠵᠠᠰᠠᠭᠲᠤ ᠵᠢᠨ ᠬᠤᠰᠢᠭᠣᠨ ᠳᠤᠪᠠᠨ ᠬᠠᠷᠢᠬᠤ ᠵᠢ ᠬᠦᠰᠡᠨ ᠮᠥᠷᠥᠭᠡᠳᠬᠦ ᠪᠣᠯᠵᠠᠢ ᠃ ᠭᠡᠪᠡᠴᠦ ᠦᠵᠦᠮᠦᠴᠢᠨ ᠸᠠᠩ ᠲᠡᠭᠦᠨᠢ ᠨᠤᠲᠤᠭ ᠲᠤᠪᠠᠨ ᠬᠠᠷᠢᠬᠤ ᠵᠢ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ ᠪᠠᠢ᠌ᠭᠰᠠᠨ ᠭᠡᠨᠡ᠃ ᠲᠡᠭᠡᠭᠡᠳ ᠨᠢᠭᠡᠨ ᠰᠥᠨᠢ ᠲᠡᠷᠡ ᠪᠦᠰᠡᠭᠦᠢᠲᠠᠢᠪᠠᠨ ᠬᠤᠷᠳᠤᠨ ᠮᠣᠷᠢᠨᠳᠤᠪᠠᠨ ᠮᠣᠷᠳᠠᠭ᠋ᠠᠳ ᠵᠠᠰᠠᠭᠲᠤ ᠵᠢᠨ ᠬᠣᠰᠢᠭᠣᠨ ᠵᠦᠭ ᠵᠶ᠋ᠡᠨ ᠳᠠᠪᠬᠢᠨ ᠣᠳᠪᠠ᠂ ᠬᠠᠷᠠᠮᠰᠠᠯᠲᠠᠢᠨᠢ ᠦᠵᠦᠮᠦᠴᠢᠨ ᠸᠠᠩ ᠲᠡᠭᠦᠨᠤ ᠵᠢᠭᠤᠳᠠᠨ ᠶᠠᠪᠤᠬᠤ ᠰᠤᠷᠠᠭᠢ ᠣᠯᠵᠤ ᠴᠡᠷᠢᠭ ᠮᠣᠷᠢᠪᠠᠷ ᠨᠡᠬᠡᠭᠦᠯᠵᠡᠢ᠃ ᠲᠡᠷᠡ ᠡᠷᠡ ᠡᠮᠡ ᠬᠣᠶᠠᠭᠣᠯᠠ ᠬᠣᠶᠠᠷ ᠦᠨᠳᠦᠷ ᠰᠠᠬᠤᠯᠢᠭ ᠣᠢ ᠲᠠᠢ᠌ᠭᠠ ᠪᠦᠷᠬᠦᠭᠰᠡᠨ ᠠᠭᠣᠯᠠ ᠲᠠᠭ᠋ᠠᠷᠢᠭᠰᠠᠨᠳᠤ ᠡᠷᠡᠭᠲᠡᠢᠨᠢ ᠨᠢᠭᠡ ᠠᠭᠣᠯᠠᠨᠳᠤ ᠨᠢᠭᠤᠭᠳᠠᠨ᠂ ᠡᠮᠡᠭᠲᠡᠢᠨᠢ ᠨᠥᠭᠦᠭᠡ ᠠᠭᠣᠯᠠᠨᠳᠤ ᠨᠢᠭᠤᠭᠳᠠᠵᠤ ᠠᠮᠢ ᠭᠠᠷᠤᠭᠰᠠᠨ ᠭᠡᠳᠡᠭ᠃ ᠡᠭᠦᠨᠠᠴᠠ ᠪᠣᠯᠵᠤ ᠡᠨᠡ ᠬᠣᠶᠠᠷ ᠠᠭᠣᠯᠠ ᠵᠢ ᠠᠪᠤ ᠠᠭᠣᠯᠠ ᠪᠠ ᠡᠵᠢ （ ᠡᠶᠢ ᠠᠭᠣᠯᠠ ᠭᠡᠵᠦ ᠨᠣᠲᠣᠭᠤᠨ ᠬᠦᠮᠦᠰ ᠨᠡᠷᠡᠯᠡᠳᠡᠭ） ᠠᠭᠣᠯᠠ ᠭᠡᠵᠦ ᠨᠡᠷᠡᠢ᠌ᠳᠬᠦ ᠪᠣᠯᠣᠭᠰᠠᠨ ᠭᠡᠳᠡᠭ ᠃
ᠳᠣᠮᠣᠭ （ᠬᠣᠶᠠᠷ）
ᠠᠪᠤ ᠠᠭᠣᠯᠠ ᠵᠢᠨ ᠣᠷᠭᠢᠯᠤᠨ ᠪᠠᠷᠠᠭᠣᠨ ᠲᠠᠯᠠ ᠵᠢᠨ ᠳᠠᠪᠠᠭ᠋ᠠᠨ ᠳᠡᠭᠡᠷᠡ ᠨᠢᠭᠡ ᠵᠣᠷᠪᠣᠰ ᠨᠤᠲᠤᠭᠤᠨ ᠰᠢᠷᠠ ᠵᠠᠮ ᠪᠠᠢ᠌ᠳᠠᠭ᠃ ᠡᠨᠡ ᠬᠦ᠌ ᠳᠠᠪᠠᠭ᠋ᠠᠨᠤ ᠬᠡᠰᠡᠭᠨᠢ ᠡᠷᠭᠦᠭᠳᠡᠴᠡᠪᠠᠷ ᠬᠠᠷᠢᠴᠠᠩᠭᠣᠢ ᠳᠤᠤᠷᠠ ᠰᠢᠭ᠋ ᠪᠣᠯᠪᠠᠴᠤ ᠮᠠᠰᠢᠨ ᠲᠸᠭᠨᠢᠭ ᠦᠭᠡᠢ ᠪᠠᠢ᠌ᠭᠰᠠᠨ ᠦᠶᠡᠳᠤ ᠮᠣᠷᠢᠨ ᠲᠡᠷᠭᠡ ᠪᠠ ᠦᠬᠡᠷ ᠲᠡᠷᠭᠡᠪᠠᠷ ᠬᠣᠨᠣᠵᠤ ᠥᠨᠵᠢᠨ ᠠᠮᠠᠷᠠᠨ ᠪᠠᠢ᠌ᠵᠤ ᠳᠠᠪᠠᠳᠠᠭ ᠪᠠᠢ᠌ᠪᠠ᠃ ᠡᠢ᠌ᠮᠦᠠᠴᠠ ᠲᠤᠬᠠᠢ ᠵᠢᠨ ᠭᠠᠵᠠᠷ ᠣᠷᠣᠨᠤ ᠮᠣᠩᠭᠣᠯᠴᠣᠳ ᠡᠨᠡ ᠳᠠᠪᠠᠭᠠᠪᠠᠨ ᠳᠡᠭᠷᠢ ᠳᠠᠪᠠᠭᠠ （滕格日大坝） ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠳᠠᠪᠠᠭ᠋ᠠᠨᠤ ᠣᠷᠣᠢ ᠳᠡᠭᠡᠷᠡᠨᠢ ᠬᠠᠭᠣᠴᠢᠨ ᠴᠠᠭᠠᠴᠠ ᠪᠣᠰᠬᠠᠵᠤ ᠣᠳᠣ ᠬᠦᠷᠲᠡᠯᠡ ᠭᠠᠷᠬᠤ ᠪᠠᠭᠤᠬᠤ ᠵᠢᠨ ᠳᠠᠯᠢᠮ ᠳᠤᠪᠠᠨ ᠭᠤᠷᠪᠠᠨ ᠴᠢᠯᠠᠭᠤᠪᠠᠨ ᠨᠡᠮᠡᠵᠦ ᠦᠨᠳᠦᠷᠯᠡᠭᠦᠯᠦᠭᠰᠡᠨ ᠲᠡᠭᠷᠢ ᠳᠠᠪᠠᠭ᠋ᠠᠨ ᠤ ᠣᠪᠣᠭᠠ ᠪᠠᠢ᠌ᠳᠠᠭ᠃ ᠲᠣᠰ ᠨᠡᠷᠡᠢ᠌ᠳᠦᠯᠳᠤ ᠲᠡᠭᠷᠢ ᠲᠣᠯᠣᠭᠰᠠᠨ ᠦᠨᠳᠦᠷ ᠳᠠᠪᠠᠭᠠ ᠭᠡᠰᠡᠨ ᠤᠳᠬᠠᠲᠠᠢ ᠮᠥᠷᠲᠡᠭᠡᠨ ᠲᠡᠭᠷᠢ ᠰᠢᠭ ᠲᠦᠰᠢᠭᠲᠠᠢ ᠳᠠᠪᠠᠭᠠ ᠭᠡᠰᠡᠨ ᠰᠠᠨᠠᠭᠠ ᠠᠭᠣᠯᠠᠭᠳᠠᠳᠠᠭ᠃
ᠲᠡᠭᠷᠢ ᠳᠠᠪᠠᠭ᠋ᠠᠨᠤ ᠲᠤᠬᠠᠢ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠬᠦᠮᠦᠰᠤᠨ ᠳᠤᠮᠳᠠ ᠶᠠᠷᠢᠭᠳᠠᠳᠠᠭ ᠪᠠᠰᠠ ᠨᠢᠭᠡ ᠦᠯᠢᠭᠡᠷ ᠪᠠᠢ᠌ᠳᠠᠭ᠄ 《ᠬᠤᠭᠤᠷᠤᠨ ᠦᠯᠢᠭᠡᠷ 〈 ᠰᠦᠢ ᠲᠠᠩᠤᠨ ᠦᠯᠢᠭᠡᠷ 〉ᠲᠤ ᠲᠡᠷᠡᠨᠢ ᠲᠠᠩ ᠣᠯᠣᠰᠤᠨ ᠦᠶᠡ ᠵᠢᠨ ᠶᠡᠬᠡ ᠵᠠᠩᠵᠣᠨ ᠰᠢᠦᠸᠠᠢ ᠷᠸᠨ ᠭᠦᠢ ᠤᠮᠠᠷᠠᠲᠦ ᠵᠢᠨ ᠨᠡᠭᠦᠳᠡᠯᠴᠢᠨ ᠠᠢ᠌ᠮᠠᠭᠲᠠᠢ ᠲᠣᠰ ᠠᠭᠣᠯᠠᠨᠳᠤ ᠶᠡᠬᠡ ᠲᠤᠯᠤᠯᠳᠤᠭ᠋ᠠᠨ ᠬᠢᠭᠰᠡᠨ ᠭᠡᠳᠡᠭ᠃ ᠲᠤᠬᠠᠢ ᠵᠢᠨ ᠦᠶᠡᠳᠤ ᠬᠦᠮᠦᠰ ᠲᠣᠰ ᠳᠠᠪᠠᠭᠠ ᠵᠢ ᠲᠡᠭᠷᠢ ᠳᠠᠪᠠᠭᠠ ᠭᠡᠵᠦ ᠳᠠᠭᠤᠳᠠᠵᠤ᠂ ᠬᠢᠲᠠᠳ ᠬᠡᠯᠡᠨᠳᠤ摩天岭 ᠭᠡᠳᠡᠭ ᠪᠠᠢ᠌ᠵᠤ ᠭᠡᠨᠡ》᠃ ᠵᠡᠭᠦᠨ ᠣᠷᠣᠨᠤ ᠮᠣᠩᠭᠣᠯᠴᠣᠳᠤᠨ ᠳᠤᠮᠳᠠ ᠥᠷᠭᠡᠨ ᠵᠶ᠋ᠡᠷ ᠤᠯᠠᠮᠵᠢᠯᠠᠭᠳᠠᠵᠤ ᠲᠦᠮᠡᠨ ᠣᠯᠠᠨᠤ ᠬᠦᠷᠢᠶᠡᠯᠡᠯᠢ ᠣᠯᠣᠭᠰᠠᠨ ᠬᠤᠭᠤᠷᠤᠨ ᠦᠯᠢᠭᠡᠷ ᠪᠣᠯ ᠶᠣᠰᠣᠲᠠᠢ ᠬᠢᠲᠠᠳ ᠮᠣᠩᠭᠣᠯ ᠠᠷᠠᠳ ᠲᠦᠮᠡᠨᠤ ᠰᠣᠶᠣᠯᠤᠨ ᠬᠠᠷᠢᠯᠴᠠᠭ᠋ᠠᠨᠤ ᠲᠥᠷᠦᠳᠡᠰᠦ ᠪᠠᠢ᠌ᠵᠤ᠂ ᠬᠠᠷᠢᠯᠴᠠᠨ ᠬᠠᠷᠢᠯᠴᠠᠵᠤ᠂ ᠬᠠᠷᠢᠯᠴᠠᠨ ᠰᠣᠯᠢᠯᠴᠠᠨ᠂ ᠬᠠᠷᠢᠯᠴᠠᠨ ᠠᠭᠤᠰᠤᠯᠴᠠᠬᠤ ᠶᠠᠪᠤᠴᠠᠳᠤ ᠪᠣᠢ ᠪᠣᠯᠣᠭᠰᠠᠨ ᠠᠷᠠᠳᠤᠨ ᠤᠷᠠᠯᠢᠭ ᠪᠣᠯᠬᠤ ᠶᠣᠮᠰᠠᠨ᠃ 《ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠬᠦᠮᠦᠰᠤᠨ ᠬᠡᠯᠡᠬᠦ ᠪᠠᠷ ᠳᠡᠭᠡᠷᠡ ᠵᠠᠭᠣᠨᠤ ᠲᠠᠪᠢᠭ᠋ᠠᠳ ᠣᠨᠤ ᠦᠶᠡᠳᠤ ᠠᠪᠤ ᠠᠭᠣᠯᠠ ᠵᠢᠨ ᠵᠡᠭᠦᠨ ᠡᠮᠦᠨᠡ ᠬᠢᠷᠠ ᠳᠡᠭᠡᠷᠡᠠᠴᠠ ᠮᠠᠰᠢ ᠣᠯᠠᠨ ᠬᠦᠮᠦᠨᠤ ᠬᠡᠭᠦᠷ ᠶᠠᠰᠤ ᠵᠢ ᠢᠯᠡᠷᠡᠭᠦᠯᠦᠭᠰᠡᠨ ᠭᠡᠳᠡᠭ 》᠃
ᠠᠷᠠᠳᠤᠨ ᠳᠠᠭᠤᠤ （ᠭᠤᠷᠪᠠ）
ᠵᠡᠭᠦᠨ ᠣᠷᠣᠨᠤ ᠠᠷᠠᠳᠤᠨ ᠳᠠᠭᠤᠤ 《ᠸᠸᠨ ᠵᠠᠩ ᠰᠦᠢ ᠯᠢᠩ》ᠳᠤ ᠠᠪᠤ ᠠᠭᠣᠯᠠ ᠵᠢᠨ ᠲᠤᠬᠠᠢ ᠪᠠᠰᠠ ᠨᠢᠭᠡ ᠥᠭᠦᠯᠡᠮᠵᠢ ᠵᠢ ᠲᠡᠮᠳᠡᠭᠯᠡᠨ ᠣᠷᠣᠭᠣᠯᠣᠭᠰᠠᠨ ᠪᠠᠢ᠌ᠳᠠᠭ᠃ ᠲᠣᠰ ᠠᠷᠠᠳᠤᠨ ᠳᠠᠭᠤᠤᠳᠤ ᠰᠦᠢ ᠯᠢᠩ ᠭᠡᠳᠡᠭ ᠬᠦᠮᠦᠨ ᠨᠠᠢ᠍ᠮᠠᠨ ᠵᠠᠭᠣᠨ ᠵᠢᠯᠤᠨ ᠲᠡᠦᠬᠡ ᠵᠢ ᠲᠣᠭᠣᠷᠪᠢᠵᠦ ᠪᠠᠢ᠌ᠬᠤᠪᠠᠷ ᠬᠦᠦᠷᠨᠢᠭᠰᠡᠨ ᠪᠠᠢ᠌ᠳᠠᠭ᠃ ᠲᠣᠰ ᠳᠠᠭᠤᠤᠨᠢ ᠭᠤᠷᠪᠠᠳᠤᠭ᠋ᠠᠷ ᠪᠡᠶᠡ ᠵᠢᠨ ᠬᠠᠷᠠᠭ᠋ᠠᠨᠠᠴᠠ ᠰᠦᠢ ᠯᠢᠩᠤᠨ ᠵᠣᠬᠢᠶᠠᠭᠰᠠᠨ ᠣᠯᠠᠨ ᠪᠦᠯᠦᠭᠲᠦ ᠦᠯᠢᠭᠡᠷ ᠲᠡᠦᠬᠡ ᠪᠢᠴᠢᠭᠰᠡᠨ ᠶᠠᠪᠤᠳᠠᠯᠢ ᠬᠦᠦᠷᠨᠢᠨ ᠳᠠᠭᠤᠯᠠᠳᠠᠭ ᠪᠦᠭᠡᠳ ᠪᠦᠯᠦᠭ ᠪᠦᠷᠢᠳᠤ ᠲᠡᠮᠳᠡᠭᠯᠡᠭᠰᠡᠨ ᠦᠯᠢᠭᠡᠷ ᠲᠡᠦᠬᠡ ᠵᠢᠨ ᠭᠣᠣᠯ ᠣᠴᠢᠷ ᠶᠠᠪᠤᠳᠠᠯᠢᠨᠢ ᠲᠤᠭ᠋ᠠᠴᠢᠭᠰᠠᠨ ᠪᠠᠢ᠌ᠳᠠᠭ᠃ ᠲᠣᠰ ᠳᠠᠭᠤᠤ ᠵᠢᠨ ᠨᠠᠢ᠍ᠮᠠᠳᠤᠭ᠋ᠠᠷ ᠪᠦᠯᠦᠭᠲᠤ ᠪᠢᠴᠢᠭᠰᠡᠨ ᠦᠯᠢᠭᠡᠷᠲᠤ ᠮᠥᠸᠸ ᠲᠢᠶᠠᠨ ᠯᠢᠩᠳᠤ ᠲᠠᠩᠤᠨ ᠵᠠᠩᠵᠣᠨ ᠰᠢᠦᠸᠠᠢ ᠷᠸᠨ ᠭᠦᠢ ᠪᠠᠢ᠌ᠯᠳᠤᠭ᠋ᠠᠨ ᠬᠢᠵᠦ ᠪᠠᠢ᠌ᠭᠰᠠᠨᠢ ᠲᠡᠮᠳᠡᠭᠯᠡᠵᠡᠢ ᠭᠡᠵᠦ ᠭᠠᠷᠳᠠᠭ ᠪᠠᠢ᠌ᠨᠠ᠃
ᠵᠣᠬᠢᠶᠠᠭᠴᠢ ᠵᠢᠨ ᠬᠠᠶᠢᠭ᠄
ᠥᠪᠦᠷ ᠮᠣᠩᠭᠣᠯᠤᠨ ᠪᠠᠭᠰᠢ ᠵᠢᠨ ᠶᠡᠬᠡ ᠰᠤᠷᠭ᠋ᠠᠭᠣᠯᠢ ᠵᠢᠨ ᠮᠣᠩᠭᠣᠯ ᠰᠤᠳᠤᠯᠤᠯᠤᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠣᠯᠢ