ᠴᠠᠬᠠᠷ ᠠᠯᠲᠠᠨᠸᠴᠢᠷ ᠵᠤᠬᠢᠶᠠᠪᠠ
ᠬᠠᠭᠤᠴᠢᠨ ᠨᠤᠮ ᠪᠢᠴᠢᠭᠢᠶᠠᠨ ᠲᠢᠭᠯᠡᠵᠣ ᠪᠠᠢ᠌ᠲᠠᠯᠠ ᠬᠠᠭᠤᠳᠠᠰᠤ ᠴᠠᠬ᠋ᠠᠰᠣ ᠤᠨᠠᠬᠰᠠᠨᠢ ᠠᠪᠤᠭ᠋ᠠᠳ ᠦᠵᠡᠪᠡᠯ ᠤᠯᠠᠨ ᠵᠢᠯᠤᠨ ᠲᠡᠷᠲᠡᠭᠡᠬᠢ ᠡᠳᠦᠷᠤᠨ ᠲᠡᠮᠳᠡᠭᠯᠡᠯ ᠪᠠᠢ᠌ᠯᠠ᠃ ᠦᠲᠦ ᠬᠤᠷᠤᠬᠠᠢ ᠭᠦᠶᠦᠭᠰᠡᠨ ᠶᠤᠮ ᠰᠢᠭ ᠪᠠᠯᠴᠢᠷ ᠦᠢᠡᠶᠢᠨ ᠮᠠᠨᠢ ᠭᠠᠷᠤᠨ ᠲᠢᠭᠲᠠᠢ ᠮᠠᠷᠲᠠᠵᠣ ᠤᠷᠬᠢᠭᠰᠠᠨ ᠲᠡᠮᠳᠡᠭᠯᠡᠯ ᠵᠶ᠋ᠠᠨ ᠰᠤᠨᠢᠷᠬᠠᠨ ᠤᠡᠭᠰᠢᠬᠤᠯᠠ ᠪᠤᠳᠤᠯᠤᠨ ᠮᠢᠨᠢ ᠤᠴᠢᠭ ᠬᠤᠯᠠᠶᠢᠨ ᠬᠤᠯᠠᠳᠤ ᠬᠦᠪᠦᠷᠡᠭᠡᠳ ᠶᠠᠪᠤᠴᠢᠬᠠᠯᠠ ᠁
ᠲᠡᠷᠡ ᠦᠢᠡᠳᠤ ᠪᠢ ᠰᠤᠮᠤᠨᠤ ᠪᠠᠭᠠ ᠰᠤᠷᠭ᠋ᠠᠭᠤᠯᠢᠳᠤ ᠭᠦᠶᠦᠵᠦ ᠪᠠᠢ᠌ᠭᠰᠠᠨ᠃ ᠪᠠᠷᠤᠭ ᠳᠦᠷᠪᠡᠳᠦᠭᠡᠷ ᠤᠨᠳᠤ ᠪᠠᠢ᠌ᠬᠠ ᠡ᠃
ᠬᠢᠴᠢᠶᠡᠯ ᠲᠠᠷᠬᠠᠭ᠋ᠠᠳ ᠪᠢ ᠬᠡᠷ ᠤᠷᠤᠭᠤᠪᠠᠨ ᠳᠦᠭᠦᠷᠡᠩ ᠪᠢᠴᠢᠭᠲᠠᠢ ᠬᠦᠨᠳᠦ ᠪᠣᠬ᠍ᠴᠣᠪᠠᠨ ᠲᠠᠬ᠋ᠠᠬ᠋ᠠᠵᠣ ᠶᠠᠳᠠᠨ ᠮᠠᠢ᠌ᠵᠢᠭᠢᠨᠠᠨ᠋ ᠊ᠠ᠋᠃ ᠳᠤᠤᠷᠠ ᠤᠨᠤ ᠬᠡᠳᠦᠨ ᠠᠯᠢᠶᠠ ᠵᠢᠭ᠋ᠠᠯ ᠂ ᠠᠷᠪᠠᠨ ᠳᠦᠷᠪᠡ ᠲᠠᠪᠤᠨ ᠨᠠᠰᠤᠨᠤ ᠲᠦᠯᠦᠪᠲᠡᠢ ᠬᠡᠯᠡᠨᠤ ᠪᠡᠷᠬᠡᠳᠡᠯᠲᠠᠢ ᠡᠬᠡᠴᠢᠮᠡᠳ ᠦᠬᠢᠨᠢ ᠡᠯᠡᠭ ᠪᠠᠷᠢᠨ ᠠᠷᠤᠠᠴᠠᠨᠢ ᠲᠠᠬ᠋ᠠᠵᠣ ᠱᠣᠣᠭᠢᠯᠳᠣᠨ ᠬᠦᠬᠦᠷᠡᠯᠳᠦᠨᠡ᠃ 《ᠡ ᠪᠠ᠂ ᠠ ᠪᠠ》 《ᠦ ᠠ᠂ ᠦ ᠠ》 ᠭᠡᠳ ᠪᠤᠴᠠᠵᠤ ᠮᠤᠳᠤ ᠴᠢᠯᠠᠭᠤ ᠨᠡᠭᠦᠯᠭᠡᠨ ᠲᠦᠢ᠍ᠳᠬᠡᠷ ᠵᠤᠯᠢᠭᠤᠳᠢ ᠡᠯᠳᠡᠨ ᠲᠠᠭᠤᠵᠤ ᠶᠠᠪᠤᠭᠠ ᠶᠠᠪᠠ ᠦᠬᠢᠨᠢ ᠬᠠᠷᠠᠭ᠋ᠠᠳ ᠳᠤᠲᠤᠷᠠ ᠶᠡᠬᠡ ᠯᠠ ᠡᠪ ᠦᠭᠡᠢ᠌ᠷᠡᠬᠡᠳᠡᠭ᠂ ᠦᠷᠦ ᠡᠪᠡᠳᠦᠳᠡᠭ ᠴᠤ᠌ ᠪᠠᠢ᠌ᠯᠠ᠃
ᠲᠦᠢ᠍ᠳᠬᠡᠷ ᠳᠠᠮᠰᠢᠭᠤᠳ ᠵᠠᠷᠢᠮᠳᠤᠪᠠᠨ ᠮᠢᠨᠤ ᠬᠤᠢ᠌ᠨᠠᠠᠴᠠ ᠴᠤ᠌ ᠲᠠᠬ᠋ᠠᠵᠣ ᠵᠡᠮᠳᠡᠭ ᠮᠠᠭᠤ ᠮᠠᠢ᠌ᠭ ᠭᠦᠯᠢ ᠮᠢᠨᠢ ᠳᠠᠭᠤᠷᠢᠶᠠᠨ ᠠᠯᠴᠠᠬ᠋ᠠᠨᠠᠵᠣ ᠡᠯᠡᠭ ᠪᠠᠷᠢᠳᠠᠭ ᠪᠤᠯᠪᠠᠴᠤ ᠮᠢᠨᠤ ᠨᠢᠰᠬᠡᠳᠡᠭ ᠴᠢᠯᠠᠭᠤᠨᠤ ᠠᠮᠲᠠ ᠵᠢ ᠬᠡᠳᠤᠨᠳᠡ ᠠᠮᠲᠠᠯᠠᠬᠰᠠᠨ ᠲᠤᠯᠠ ᠨᠠᠳᠠᠠᠴᠠ ᠠᠶᠤᠵᠤ ᠴᠡᠷᠪᠡᠳᠡᠭ ᠪᠤᠯᠤᠭᠰᠠᠨ᠃ ᠲᠡᠳᠡᠨᠣᠰ ᠬᠡᠰᠡᠭ ᠪᠤᠵᠢᠬᠢᠨᠠᠯᠳᠤᠭ᠋ᠠᠳ ᠰᠠᠯᠪᠠ᠃
ᠦᠨᠦ ᠶᠠᠪᠠ ᠦᠬᠢᠨ ᠬᠠᠵᠠᠭᠤᠪᠠᠷ ᠦᠡᠭᠭᠡᠷᠡᠬᠦᠳᠤᠪᠠᠨ ᠦᠬᠡᠳᠡᠠᠴᠠ ᠱᠤᠬᠳᠠᠢ᠌ᠬᠠᠨ ᠢᠨᠢᠶᠡᠭᠰᠡᠨ ᠵᠶ᠋ᠠᠨ ᠨᠠᠮᠠ ᠵᠢ ᠳᠠᠭᠤᠷᠢᠶᠠᠨ ᠮᠠᠢ᠌ᠵᠢᠭᠢᠨᠠᠵᠤ ᠠᠯᠬᠤᠭ᠋ᠠᠳ ᠬᠡᠳᠡᠬᠡᠨᠡᠨ ᠢᠨᠢᠶᠡᠬᠦᠳᠤᠨᠢ ᠠᠭᠤᠷ ᠬᠦᠷᠴᠦ᠂ ᠮᠠᠭᠤ ᠰᠡᠪᠡᠭᠡᠷᠤᠨ ᠲᠤᠢ᠌ᠭ ᠵᠢᠨᠢ ᠮᠣᠯᠲᠣᠷᠠᠲᠠᠯᠠ ᠴᠣᠬᠢᠶᠠ ᠭᠡᠵᠦ ᠴᠢᠯᠠᠭᠤ ᠰᠢᠭᠦᠷᠠᠭᠡᠳ ᠲᠠᠯᠠᠢ᠌ᠬᠰᠠᠨ ᠪᠤᠯᠪᠠᠴᠤ ᠡᠵᠢᠶᠢᠨ ᠮᠢᠨᠢ 《ᠬᠦᠮᠦᠨᠲᠠᠢ ᠡᠶᠡ ᠡᠪᠲᠠᠢ ᠶᠠᠪᠣ！ ᠪᠤᠰᠤᠳᠲᠤ ᠪᠤᠤ ᠯᠠ ᠬᠤᠤᠷᠬᠢ！ ᠨᠡᠨᠭ ᠴᠤ᠌ ᠲᠤᠷᠤᠢ ᠪᠠᠭᠤᠷᠠᠢ ᠬᠦᠮᠦᠰᠢ ᠲᠠᠷᠤᠯᠠᠵᠤ ᠪᠤᠯᠬᠤ ᠦᠭᠡᠢ᠂ ᠲᠤᠰᠠᠯᠠᠵᠤ ᠴᠢᠳᠠᠬᠤ ᠦᠬᠡᠢ ᠪᠤᠯᠪᠠᠴᠤ ᠬᠤᠤᠷᠯᠠᠵᠤ ᠪᠤᠯᠬᠤ ᠦᠬᠡᠢ ᠶᠤᠮ ᠰᠢᠦ 》 ᠭᠡᠰᠡᠨ ᠦᠭᠡ ᠴᠢᠬᠢᠨᠳᠤ ᠬᠠᠡᠭᠬᠢᠨᠠᠭᠤᠯᠠᠷ ᠪᠠᠷᠢᠭᠰᠠᠨ ᠴᠢᠯᠠᠭᠤᠪᠠᠨ ᠳᠠᠩᠴᠦ ᠨᠡᠭᠦᠯᠭᠡᠵᠦ ᠴᠢᠳᠠᠭᠰᠠᠨ ᠦᠬᠡᠢ᠃
ᠲᠡᠭᠡᠬᠦᠳᠤ ᠡᠬᠡᠴᠢᠮᠡᠳᠬᠡᠨ ᠪᠤᠯᠪᠠᠴᠤ ᠲᠦᠬᠦᠭᠡ ᠮᠠᠬ᠋ᠣᠲᠠᠢ ᠨᠦᠭᠦᠭᠡ ᠦᠬᠢᠨ ᠨᠠᠳᠠᠠᠴᠠ ᠵᠠᠢ ᠪᠠᠷᠢᠨ ᠮᠦᠨ ᠯᠠ ᠲᠠᠬ᠋ᠣᠷᠢᠶᠠᠵᠣ ᠠᠯᠬᠤᠭᠰᠠᠭ᠋ᠠᠷ ᠯᠠ ᠪᠠᠢ᠌ᠪᠠ ᠁
ᠡᠨᠡ ᠦᠵᠢᠷᠡᠭᠰᠡᠨ ᠬᠠᠭᠤᠳᠠᠰᠤᠨᠳᠤ ᠡᠭᠦᠨᠢ ᠯᠠ ᠲᠡᠮᠳᠡᠭᠯᠡᠭᠰᠡᠨ ᠶᠤᠮ ᠪᠠᠢ᠌ᠨᠠ᠃
ᠤᠳᠤ ᠪᠤᠳᠤᠪᠠᠯ ᠮᠢᠨᠦ ᠠᠯᠬᠤᠬᠤ ᠲᠡᠳᠡᠬᠡᠷ ᠬᠡᠤᠬᠡᠳᠤᠳᠲᠠᠢ ᠠᠳᠠᠯᠢ ᠦᠬᠡᠢ ᠪᠤᠯᠬᠤᠷ ᠰᠤᠨᠢᠷᠬᠠᠬ᠋ᠠᠳ ᠲᠠᠬ᠋ᠤᠷᠢᠶᠠᠵᠤ ᠠᠬ᠋ᠠᠰᠢᠯᠠᠳᠠᠬ ᠪᠠᠢ᠌ᠬᠠ᠃ ᠬᠦᠭᠡᠷᠦᠬᠦᠢ ᠳ᠋ᠡ᠂ ᠬᠡᠤᠬᠡᠳ ᠨᠠᠰᠤ ᠭᠡᠵᠤ ᠶᠠᠮᠠᠷ ᠴᠦ᠍ ᠬᠡᠨᠡᠨ ᠴᠠᠢ᠌ᠯᠭ᠋ᠠᠨ ᠪᠢᠯᠨ ᠳ᠋ᠠ᠂ ᠲᠤᠷᠠᠰᠤᠬ᠋ᠠᠳ ᠰᠠᠬ᠋ᠤᠬᠤᠳᠤ ᠴᠦ᠍ ᠰᠠᠢ᠌ᠬᠠᠨ ᠡ᠃
ᠪᠠᠭᠠ ᠰᠤᠷᠬ᠋ᠠᠬ᠋ᠤᠯᠢᠪᠠᠨ ᠲᠡᠭᠦᠰᠦᠭᠡᠳ ᠠᠨᠭ᠌ᠬᠠ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠲᠡᠪᠰᠢᠵᠣ ᠬᠤᠰᠢᠭᠤᠨ ᠲᠦᠪᠲᠤ ᠪᠠᠢ᠌ᠷᠢᠳᠤ ᠰᠠᠬ᠋ᠤᠬᠤ ᠪᠤᠯᠬᠤᠳᠤ ᠪᠠᠬᠰᠢ ᠮᠢᠨᠢ ᠨᠠᠮᠠ ᠵᠢ ᠦᠪᠡᠷᠤᠨ ᠬᠡᠤᠭᠡᠳᠢᠶᠠᠨ ᠰᠢᠭ ᠬᠠᠯᠠᠮᠵᠢᠯᠠᠵᠤ᠂ ᠬᠠᠮᠳᠦ ᠰᠤᠷᠤᠬ᠍ᠴᠢᠳ ᠮᠢᠨᠢ ᠲᠦᠷᠦᠭᠰᠡᠨ ᠠᠬᠠ ᠲᠡᠬᠦᠦᠪᠠᠨ ᠰᠢᠭ ᠲᠤᠳᠤᠨᠤ ᠬᠠᠨᠳᠤᠵᠤ ᠬᠠᠪᠰᠤᠷᠴᠤ ᠲᠤᠰᠠᠯᠠᠳᠠᠬ ᠲᠡᠳᠤᠢ ᠦᠬᠡᠢ᠂ ᠠᠩᠭᠢ ᠵᠢᠨ ᠬᠡᠷ᠂ ᠪᠠᠢ᠌ᠷᠢ ᠵᠢᠨ ᠬᠡᠷ ᠴᠡᠪᠡᠷᠯᠡᠬᠦ ᠵᠢᠵᠢᠭᠦᠷ ᠴᠤ᠌ ᠲᠤᠬᠢᠷᠠᠭᠤᠯᠳᠠᠭ ᠦᠬᠡᠢ᠃ ᠲᠡᠷᠡ ᠦᠢᠡᠳᠤ ᠪᠢᠳᠡ ᠬᠤᠷᠢ ᠭᠤᠴᠢᠭᠤᠯᠠ ᠨᠢᠭᠡ ᠪᠠᠢ᠌ᠷᠢᠳᠤ ᠰᠠᠭᠤᠵᠤ᠂ ᠬᠤᠶᠠᠷ ᠬᠦᠮᠦᠨ ᠨᠢᠭᠡ ᠵᠢᠵᠢᠭᠦᠷ ᠪᠤᠯᠵᠤ ᠬᠤᠭᠤᠯᠠᠪᠠᠨ ᠪᠠᠢ᠌ᠷᠢᠳᠤᠪᠠᠨ ᠵᠦᠭᠡᠭᠡᠵᠣ ᠠᠪᠴᠢᠷᠠᠭ᠋ᠠᠳ ᠬᠤᠪᠢᠶᠠᠵᠤ ᠦᠭᠳᠡᠭ᠂ ᠬᠠᠷᠢᠨ ᠨᠠᠳᠠᠪᠠᠷ ᠬᠤᠭᠤᠯᠠ ᠵᠦᠭᠡᠭᠡᠬᠦ ᠵᠢᠵᠢᠭᠦᠷ ᠬᠢᠯᠭᠡᠳᠡᠭ ᠦᠬᠡᠢ᠃ ᠢᠩᠭᠢᠭᠡᠳ ᠯᠠ ᠪᠢ ᠨᠦᠬᠦᠳᠤᠨᠢᠶᠠᠨ ᠳᠡᠮᠵᠢᠯᠭᠡ ᠵᠢ ᠬᠦᠷᠲᠡᠭᠡᠳ ᠯᠠ ᠶᠠᠪᠤᠳᠠᠭ ᠪᠠᠢ᠌ᠯᠠ᠃
ᠲᠡᠷᠡ ᠨᠢᠭᠡ ᠵᠤᠨ ᠮᠠᠨᠤ ᠠᠩᠭᠢᠶᠢᠨᠬᠢᠨ ᠬᠦᠢ᠍ᠲᠡᠨ ᠰᠢᠯᠢᠳᠤ ᠵᠤᠭ᠋ᠠᠴᠠᠬᠤᠪᠠᠷ ᠶᠠᠪᠤᠯᠠ᠃ 《ᠪᠢ ᠶᠠᠪᠤᠬᠤ ᠦᠭᠡᠢ》 ᠭᠡᠬᠦᠳᠤ ᠨᠦᠬᠦᠳ ᠮᠢᠨᠢ 《ᠶᠠᠪᠤᠶᠠ！ ᠮᠠᠰᠢᠨ ᠲᠡᠷᠭᠡᠪᠠᠷ ᠶᠠᠪᠤᠬᠤ ᠬᠡᠵᠣ ᠪᠠᠢ᠌ᠬᠤ ᠶᠤᠮ ᠴᠢᠨᠢ ᠁》 ᠬᠡᠭᠰᠡᠭᠡᠷ ᠪᠠᠢ᠌ᠭ᠋ᠠᠳ ᠨᠠᠮᠠ ᠵᠢ ᠲᠠᠬ᠋ᠠᠬ᠋ᠣᠯᠵᠣ ᠶᠠᠪᠤᠪᠠ ᠃
ᠠᠭᠤᠯᠠᠨᠳᠤ ᠪᠠᠷᠤᠭ ᠪᠦᠲᠦᠨ ᠡᠳᠦᠷ ᠰᠢᠬᠠᠭᠤ ᠨᠠᠭ᠋ᠠᠳᠤᠭ᠋ᠠᠳ ᠪᠤᠴᠠᠬᠤ ᠦᠶᠡᠳᠤ ᠮᠠᠨᠤᠰᠢ ᠬᠦᠷᠭᠡᠵᠣ ᠢᠷᠡᠭᠰᠡᠨ ᠰᠤᠷᠭ᠋ᠠᠭᠤᠯᠢᠶᠢᠨ ᠴᠢᠷᠦᠭᠦᠯᠲᠠᠢ ᠮᠠᠰᠢᠨ ᠲᠤᠰᠬᠤᠪᠠᠷ ᠢᠷᠡᠬᠡᠳ ᠪᠠᠢ᠌ᠮᠠ ᠴᠠᠭ᠋ᠠᠨᠠ ᠬᠦᠯᠢᠶᠡᠵᠣ ᠪᠠᠢ᠌ᠯᠠ᠃
ᠶᠠᠳᠠᠷᠠᠵᠤ ᠲᠣᠢ᠌ᠯᠳᠠᠵᠣ ᠬᠦᠯ ᠡᠪᠡᠳᠦᠭᠡᠳ ᠨᠦᠬᠦᠳᠢᠶᠠᠨ ᠲᠠᠭ᠋ᠠᠵᠤ ᠳᠡᠢ᠌ᠯᠬᠦ ᠦᠬᠡᠢ ᠠᠷᠤᠳᠤᠨᠢ ᠮᠠᠢ᠌ᠵᠢᠭᠢᠨᠠᠬᠤᠳᠤ ᠨᠠᠢ᠌ᠵᠠ ᠪᠦᠬᠡ ᠮᠠᠨᠢ ᠨᠠᠮᠠ ᠵᠢ ᠡᠭᠦᠷᠦᠨᠡ ᠭᠡᠳ ᠡᠮᠦᠨᠡ ᠮᠢᠨᠢ ᠤᠴᠤᠢ᠌ᠬᠤᠨᠢ ᠲᠡᠷᠡ᠃ ᠪᠢ ᠶᠡᠬᠡ ᠯᠠ ᠡᠪ ᠦᠭᠡᠢ᠌ᠷᠬᠡᠵᠦ ᠦᠪᠡᠷᠢᠶᠠᠨ ᠴᠢᠷᠮᠠᠢ᠌ᠨ ᠠᠯᠬᠤᠶᠠ ᠭᠡᠪᠡᠯ 《ᠬᠠᠮᠢᠢᠠ ᠦᠬᠡᠢ᠂ ᠡᠭᠦᠷᠦᠭᠦᠯᠴᠢᠬᠡ ᠡ᠃ ᠪᠢᠳᠡ ᠴᠤ᠌ ᠴᠢᠮᠠ ᠵᠢ ᠡᠭᠡᠯᠵᠢᠪᠠᠷ ᠡᠭᠦᠷᠦᠶᠡ》 ᠭᠡᠳ ᠪᠠᠲᠤᠴᠡᠩᠬᠡᠯ᠂ ᠳᠠᠢ᠌ᠴᠢᠨ᠂ ᠠᠮᠤᠭᠤᠯᠠᠩ ᠭᠤᠷᠪᠠᠭᠤᠯᠠ ᠨᠠᠮᠠ ᠵᠢ ᠲᠦᠯᠬᠢᠨ ᠪᠦᠬᠡᠶᠢᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠨᠠᠬ᠋ᠠᠯᠳᠣᠬ᠋ᠣᠯᠪᠠ᠃ ᠲᠡᠭᠡᠭᠡᠳ ᠯᠠ ᠲᠡᠳᠡ ᠳᠦᠷᠪᠡᠭᠦᠯᠡ ᠨᠠᠮᠠ ᠵᠢ ᠡᠭᠡᠯᠵᠢᠯᠡᠨ ᠡᠭᠦᠷᠴᠦ ᠲᠡᠷᠭᠡᠨ ᠳᠡᠭᠡᠷᠡ ᠭᠠᠷᠭ᠋ᠠᠯᠠ᠃
ᠢᠨᠭᠭᠢᠭᠳ ᠯᠠ ᠪᠢ ᠪᠡᠶᠡ ᠵᠡᠮᠳᠡᠭ ᠪᠤᠯᠪᠠᠴᠤ ᠪᠠᠬᠰᠢ᠂ ᠨᠠᠢ᠌ᠵᠡ ᠨᠦᠬᠦᠳᠤᠨ ᠵᠶ᠋ᠠᠨ ᠬᠠᠢ᠌ᠷᠠ ᠬᠠᠯᠠᠮᠵᠢᠯᠠᠯᠢ ᠬᠦᠷᠳᠡᠵᠦ ᠠᠨᠭ᠌ᠬᠠ ᠳᠤᠮᠳᠠᠳᠤᠶᠢᠨ ᠭᠤᠷᠪᠠᠨ ᠵᠢᠯ ᠵᠶ᠋ᠠᠨ ᠪᠠᠶᠠᠷ ᠬᠦᠷᠲᠠᠢ ᠦᠩᠭᠡᠷᠡᠭᠡᠭᠰᠡᠨ ᠵᠶ᠋ᠠᠨ ᠪᠤᠳᠤᠬᠤᠯᠠᠷ 《ᠶᠠᠮᠠᠷ ᠰᠠᠢ᠌ᠬᠠᠨ ᠬᠦᠮᠦᠰᠢ ᠪᠤᠷᠬᠠᠨ ᠨᠠᠳᠠᠳᠤ ᠵᠠᠶᠠᠭ᠋ᠠᠭᠰᠠᠨᠢ᠂ ᠢᠯᠠᠭᠤᠨ ᠰᠠᠷᠠᠨᠤ ᠳᠤᠤᠷᠠ ᠦᠭᠡᠪᠠᠷ ᠢᠯᠡᠳᠬᠡᠬᠦᠶᠢᠨ ᠠᠷᠭᠠ ᠦᠬᠡᠢ ᠁》 ᠬᠡᠵᠦ ᠦᠪᠡᠷᠤᠨ ᠡᠷᠭᠡ ᠦᠬᠡᠢ ᠠᠶᠠᠯᠤᠨ ᠲᠠᠬ᠋ᠤᠯᠠᠳᠠᠬ ᠰᠠᠨ᠃
ᠬᠦᠮᠦᠨ ᠡ ᠭᠡᠵᠢ！ ᠤᠬᠠᠭ᠋ᠠᠷᠠᠵᠤ ᠠᠮᠢᠳᠤᠷᠠᠬᠤ ᠬᠤᠷᠸᠠ ᠭᠡᠵᠤ ᠁
ᠦᠢ᠍ᠯᠨᠶᠢᠨ ᠦᠷᠡᠪᠠᠷ ᠨᠠᠳᠠᠳᠤ ᠲᠤᠬᠢᠶᠠᠬᠰᠠᠨ ᠳᠠᠩᠴᠣ ᠬᠠᠳᠠᠬ᠋ᠤ ᠬᠤᠪᠢ ᠲᠠᠪᠢᠯᠠᠩ ᠶᠤᠮ ᠳ᠋ᠠ᠃ ᠬᠡᠯᠡ ᠬᠡᠬᠦᠳᠤ ᠲᠠᠪᠢᠯᠠᠩ ᠵᠠᠶᠠᠭ᠋ᠠᠨᠳᠤᠪᠠᠨ ᠲᠠᠰᠬᠣ ᠯᠠ ᠠᠯᠪᠠᠲᠠᠢ᠂ ᠡᠭᠦᠷᠬᠦ ᠯᠠ ᠶᠤᠰᠤᠲᠠᠢᠲᠠᠢᠠᠴᠠ ᠬᠤᠢ᠌ᠰᠢ᠃ ᠬᠡᠪᠡᠴᠦ ᠬᠦᠮᠦᠨ ᠦᠪᠡᠷᠤᠨᠬᠢᠪᠠᠷᠢᠶᠠᠨ ᠠᠮᠢᠳᠤᠷᠠᠬᠤ ᠬᠡᠵᠦ ᠪᠠᠰᠠ ᠰᠠᠢ᠌ᠬᠠᠨ ᠪᠠᠢ᠌ᠳᠠᠬ᠃ ᠰᠠᠢ᠌ᠨᠢ ᠪᠤᠳᠤᠵᠤ᠂ ᠰᠠᠢ᠌ᠨ ᠰᠡᠳᠬᠢᠯ ᠵᠢᠡᠷ᠂ ᠰᠠᠢ᠌ᠨ ᠦᠢ᠍ᠯᠨᠳᠤ ᠰᠢᠮᠳᠠᠶᠠ ᠭᠡᠵᠤ ᠴᠢᠳᠠᠯ ᠵᠢᠡᠷ ᠵᠢᠡᠨ ᠴᠢᠷᠮᠠᠢ᠌ᠵᠤ ᠯᠠ ᠶᠠᠪᠤᠬᠤᠨᠢ ᠵᠦᠢ᠍ᠳᠡᠢ ᠪᠤᠯᠪᠠ ᠤᠤ ᠳ᠋ᠠ᠃ ᠲᠡᠭᠡᠬᠦᠳᠤ ᠠᠮᠢᠳᠤᠷᠠᠯ ᠮᠢᠨᠢ ᠪᠤᠰᠤᠳᠤᠨ ᠬᠠᠷᠠᠬ᠋ᠠᠯᠵᠠᠯ ᠦᠭᠡᠢᠪᠠᠷ ᠤᠷᠤᠰᠢᠵᠤ ᠴᠢᠳᠠᠬᠤ ᠦᠬᠡᠢ ᠤᠴᠢᠷᠠᠴᠠ ᠨᠠᠮᠠ ᠵᠢ ᠲᠦᠷᠦᠬᠦᠯᠵᠦ ᠦᠰᠭᠡᠭᠰᠡᠨ ᠠᠴᠢᠳᠦ ᠠᠪᠤ ᠡᠵᠢ᠂ ᠠᠰᠠᠷᠠᠵᠤ ᠬᠠᠷᠠᠬ᠋ᠠᠯᠵᠠᠳᠠᠬ ᠠᠬᠠ ᠳᠡᠭᠦᠤ᠂ ᠲᠤᠰᠠᠯᠠᠵᠦ ᠲᠡᠮᠵᠢᠵᠦ ᠶᠠᠪᠤᠬᠰᠠᠨ ᠨᠠᠢ᠌ᠵᠠ ᠨᠦᠬᠦᠳᠲᠤᠪᠠᠨ ᠪᠠᠶᠠᠷᠯᠠᠵᠦ ᠲᠠᠯᠠᠷᠬᠠᠵᠦ ᠶᠠᠪᠤᠨᠠᠮ᠃
ᠰᠠᠢ᠌ᠬᠠᠨ ᠰᠠᠨᠠᠬ᠋ᠠ ᠲᠠᠢ ᠠᠴᠢᠳᠦ ᠬᠦᠮᠦᠰ ᠵᠢᠡᠨ ᠰᠠᠨᠠᠨ ᠲᠤᠷᠠᠰᠴᠦ ᠰᠠᠬ᠋ᠤᠬᠤᠳᠤ ᠰᠡᠳᠬᠢᠯ ᠨᠢᠬᠡ ᠯᠨ ᠬᠡᠭᠡᠯᠵᠡᠭᠡᠳ ᠰᠢᠯᠦᠭᠤᠨ ᠬᠡᠮᠡᠷ ᠱᠠᠳ ᠮᠦᠷᠤᠳ ᠲᠠᠰᠤᠷᠠᠨ ᠪᠠᠬ᠋ᠤᠬᠤ ᠵᠢ ᠢᠳᠡᠭᠡᠯ ᠵᠤᠷᠢᠭ ᠪᠤᠯᠬ᠋ᠠᠨ ᠬᠡᠯᠬᠢᠵᠦ ᠦᠯᠡᠳᠡᠭᠡᠶᠡ᠄
ᠡᠨᠡ ᠰᠠᠢ᠌ᠬᠠᠨ ᠲᠡᠯᠡᠬᠡᠢᠳᠤ
ᠡᠷᠡᠮᠳᠡᠭ ᠵᠠᠶᠠᠭ᠋ᠠᠭᠰᠠᠨ ᠴᠦ᠍ ᠶᠠᠭ᠋ᠠᠬᠢᠬᠤ ᠪᠣᠢ
ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ
ᠡᠯᠢᠭᠡ ᠪᠦᠲᠦᠨ ᠬᠤᠷᠸᠠᠳᠤ
ᠵᠡᠮᠳᠡᠭ ᠪᠤᠯᠤᠭᠰᠠᠨ ᠴᠦ᠍ ᠶᠠᠭ᠋ᠠᠬᠢᠬᠤ ᠪᠣᠢ
ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ
ᠡᠷᠡᠭᠦᠯ ᠪᠡᠶᠡ ᠦᠭᠡᠢ ᠴᠦ᠍
ᠰᠠᠷᠠᠭᠤᠯ ᠤᠬᠠᠭ᠋ᠠᠨᠲᠠᠢ ᠪᠤᠯᠬᠤᠷ ᠶᠠᠭ᠋ᠠᠬᠢᠬᠤ ᠪᠣᠢ
ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ
ᠤᠳᠤᠲᠠᠢ ᠰᠦᠨᠢ ᠵᠢᠨ ᠭᠦᠨᠳᠤ
ᠤᠢ᠌ᠳᠬᠠᠷᠲᠤ ᠵᠢᠪᠦᠳᠡᠭ ᠴᠤ᠌ ᠶᠠᠭ᠋ᠠᠬᠢᠬᠤ ᠪᠣᠢ
ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ
ᠭᠦᠶᠦᠬᠦ ᠲᠡᠩᠭᠡᠭᠡ ᠦᠭᠡᠢ ᠴᠦ᠍
ᠬᠦᠷᠳᠦᠲᠦ ᠲᠡᠷᠭᠡᠨᠴᠢᠷᠲᠠᠢ ᠪᠤᠯᠬᠤᠷ ᠶᠠᠭ᠋ᠠᠬᠢᠬᠤ ᠪᠣᠢ
ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ
ᠬᠦᠯ ᠵᠶ᠋ᠠᠷ ᠬᠦᠷᠬᠦ ᠦᠭᠡᠢ ᠭᠠᠵᠠᠷᠲᠤ
ᠬᠡᠯᠡᠪᠠᠷ ᠬᠦᠷᠳᠡᠭᠲᠤᠪᠠᠨ ᠪᠠᠶᠠᠰᠳᠠᠭ ᠪᠤᠯᠬᠤᠷ ᠶᠠᠭ᠋ᠠᠬᠢᠬᠤ ᠪᠣᠢ
ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ
ᠬᠤᠷᠸᠠ ᠵᠢᠨ ᠠᠭᠤᠳᠠᠮᠳᠤ
ᠬᠠᠶᠠ ᠪᠠᠰᠠ ᠰᠡᠳᠬᠢᠯ ᠳᠠᠪᠴᠢᠭᠤᠳᠠᠳᠠᠭ ᠴᠦ᠍ ᠶᠠᠭ᠋ᠠᠬᠢᠬᠤ ᠪᠣᠢ
ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ
ᠬᠦᠬᠡ ᠲᠡᠭᠷᠢᠶᠢᠨ ᠳᠤᠤᠷᠠ
ᠬᠦᠮᠦᠨᠤ ᠲᠠᠢ᠌ᠲᠠᠢ ᠶᠠᠪᠤᠬᠤᠪᠠᠷ ᠴᠢᠷᠮᠠᠢ᠌ᠳᠠᠭ ᠪᠤᠯᠬᠤᠷ ᠶᠠᠭ᠋ᠠᠬᠢᠬᠤ ᠪᠣᠢ
ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ
ᠬᠦᠮᠦᠨᠠᠴᠠ ᠲᠤᠳᠠᠭᠤ ᠴᠦ᠍
ᠬᠦᠰᠡᠯ ᠵᠶ᠋ᠠᠷ ᠲᠤᠯᠢᠮᠠᠭ ᠪᠢᠰᠢ ᠪᠤᠯᠬᠤᠷ ᠶᠠᠭ᠋ᠠᠬᠢᠬᠤ ᠪᠣᠢ
ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ
ᠨᠠᠢ᠌ᠷᠲᠠᠢ ᠬᠠᠢ᠌ᠷᠠᠲᠠᠢ ᠪᠦᠮᠪᠦᠷᠴᠡᠭᠲᠤᠪᠠᠨ
ᠨᠢᠰᠴᠤ ᠲᠡᠪᠳᠡᠷᠢᠵᠤ ᠴᠢᠳᠠᠬᠣ ᠦᠭᠡᠢ ᠴᠦ᠍ ᠶᠠᠭ᠋ᠠᠬᠢᠬᠤ ᠪᠣᠢ
ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠲᠢᠨᠴᠤ ᠪᠠᠶᠠᠰᠤᠭ
ᠨᠠᠷᠠᠨᠤ ᠰᠠᠢ᠌ᠬᠠᠨ ᠮᠦᠰᠢᠶᠡᠯᠳᠤ
ᠨᠢᠳᠦᠨᠳᠤᠪᠠᠨ ᠨᠢᠯᠪᠤᠰᠤᠲᠠᠢ ᠴᠦ᠍ ᠶᠠᠭ᠋ᠠᠬᠢᠬᠤ ᠪᠣᠢ
ᠢᠨᠢᠶᠡᠮᠰᠦᠭᠯᠡᠵᠤ ᠶᠠᠪᠤᠶᠠ᠂ ᠶᠢᠷᠳᠢᠨᠴᠦ ᠪᠠᠶᠠᠰᠤᠭ ᠡ
ᠬᠤᠷᠸᠠᠶᠢᠨ ᠠᠮᠢᠳᠤᠷᠠᠯ ᠰᠠᠢ᠌ᠬᠠᠨ ᠪᠠᠢ᠌ᠳᠠᠬ᠂ ᠬᠠᠳᠠᠬ᠋ᠤ ᠲᠠᠪᠢᠯᠠᠩᠢ ᠢᠳᠡᠭᠡᠯ ᠰᠡᠳᠬᠢᠯᠢᠶᠠᠷ ᠰᠦᠯᠡᠵᠤ ᠵᠦᠬᠡᠯᠡᠯᠡᠨ ᠢᠨᠢᠶᠡᠮᠰᠦᠭᠯᠡᠵᠤ ᠠᠮᠢᠳᠤᠷᠠᠶᠠ᠂ ᠶᠢᠷᠳᠢᠨᠴᠦ ᠵᠢ ᠪᠠᠶᠠᠰᠳᠠᠯᠠ ᠵᠢᠷᠭ᠋ᠠᠵᠤ ᠠᠮᠢᠳᠤᠷᠠᠶᠠ ᠡ᠃
ᠵᠤᠬᠢᠶᠠᠬ᠍ᠴᠢ ᠵᠢᠨ ᠬᠠᠶᠢᠭ᠄ ᠤᠯᠠᠭ᠋ᠠᠨᠴᠠᠪ ᠬᠤᠲᠠ ᠵᠢᠨ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨᠤ ᠬᠦᠷᠢᠶᠡ ᠰᠤᠮᠤ
ᠦᠪᠤᠷ ᠮᠤᠡᠭᠭᠤᠯᠤᠨ 《ᠨᠡᠢ᠌ᠬᠡᠮ 》 ᠰᠡᠳᠬᠦᠯ