| ᠰᠡᠳᠭᠢᠯ ᠳᠤ ᠬᠤᠨᠣᠭᠰᠢᠭᠰᠠᠨ ᠦᠯᠢᠭᠡᠷ᠄ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠠᠬᠠᠮᠠᠳ ᠲᠣᠮᠣᠭᠠᠲᠠᠨ ᠤ《 ᠭᠤᠷᠪᠠᠨ | ᠮᠢᠩᠭᠠᠨ ᠥᠨᠥᠴᠢᠨ ᠬᠡᠦᠬᠡᠳ ᠢ ᠦᠷᠡᠴᠢᠯᠡᠨ ᠲᠡᠵᠢᠭᠡᠭᠰᠡᠨ》 ᠲᠣᠬᠠᠢ ᠨᠠᠷᠢᠯᠢᠭ ᠳᠣᠷᠠᠳᠬᠠᠯ | | ᠴᠢᠨ ᠶᠦᠨ ᠰᠤᠷᠪᠤᠯᠵᠢᠯᠠᠪᠠ | 1960 ᠣᠨ ᠤ ᠤᠷᠢᠳ ᠬᠤᠵᠢᠳ᠂ ᠰᠢᠨᠡ ᠳᠣᠮᠳᠠᠳᠣ ᠣᠯᠣᠰ ᠲᠤ ᠬᠦᠨᠳᠦ ᠬᠡᠴᠡᠭᠦᠦ ᠪᠠᠶᠢᠭᠠᠯᠢ ᠶᠢᠨ | ᠭᠠᠮᠰᠢᠭ ᠲᠣᠬᠢᠶᠠᠯᠳᠣᠨ᠂ ᠱᠠᠩᠬᠠᠢ᠂ ᠠᠨᠾᠦ᠋ᠢ᠂ ᠵᠢᠶᠠᠩᠰᠤ ᠵᠡᠷᠭᠡ ᠭᠠᠵᠠᠷ ᠤᠨ ᠥᠨᠥᠴᠢᠨ ᠬᠡᠦᠭᠡᠳ ᠤᠨ | ᠠᠰᠠᠷᠠᠮᠵᠢ ᠶᠢᠨ ᠬᠦᠷᠢᠶᠡᠯᠡᠩ ᠳᠤ ᠥᠨᠥᠴᠢᠨ ᠬᠡᠦᠭᠡᠳ ᠢᠶᠠᠷ ᠳᠦᠭᠦᠷᠴᠦ᠂ ᠥᠯᠥᠰᠭᠦᠯᠡᠩ ᠭᠠᠴᠢᠭ ᠴᠠᠭ ᠢᠮᠠᠭᠲᠠ | ᠠᠮᠢ ᠨᠠᠰᠤ ᠶᠢ ᠨᠢ ᠰᠦᠷᠲᠡᠭᠦᠯᠵᠦ ᠪᠠᠶᠢᠯᠠ᠃ ᠵᠸᠦ ᠡᠸ᠋ᠨ ᠯᠠᠢ᠂ ᠺᠠᠩ ᠺᠧ ᠴᠢᠩ ᠂ ᠣᠯᠠᠭᠠᠨᠬᠦᠦ ᠵᠡᠷᠭᠡ ᠨᠠᠮ | ᠲᠥᠷᠥ ᠶᠢᠨ ᠣᠳᠣᠷᠢᠳᠣᠯᠭᠠ ᠨᠠᠷ ᠤᠨ ᠬᠠᠯᠠᠮᠵᠢᠯᠠᠯ ᠢᠶᠠᠷ᠂ ᠭᠤᠷᠪᠠᠨ ᠮᠢᠩᠭᠠᠨ ᠡᠮᠦᠨᠡᠲᠦ ᠣᠷᠣᠨ ᠤ ᠥᠨᠥᠴᠢᠨ | ᠬᠡᠦᠭᠡᠳ ᠥᠪᠥᠷ ᠮᠣᠩᠭᠤᠯ ᠤᠨ ᠲᠠᠯᠠ ᠨᠣᠲᠤᠭ ᠲᠤ ᠬᠦᠷᠭᠡᠭᠳᠡᠨ ᠢᠷᠡᠵᠦ᠂ ᠮᠠᠯᠴᠢᠳ ᠲᠤ ᠦᠷᠡᠴᠢᠯᠡᠭᠳᠡᠨ | ᠲᠡᠵᠢᠭᠡᠭᠳᠡᠵᠦ᠂ ᠮᠠᠯᠴᠢᠳ ᠳᠡᠳᠡᠨ ᠢ ᠪᠠᠨ《 ᠣᠯᠣᠰ ᠤᠨ ᠬᠡᠦᠭᠡᠳ》 ᠭᠡᠵᠦ ᠲᠣᠳᠣᠨᠣᠴᠢᠯᠠᠨ ᠳᠠᠭᠤᠳᠠᠭᠰᠠᠨ | ᠪᠢᠯᠡ᠃ | ᠲᠡᠷᠡ ᠥᠶᠡ ᠳᠤ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠠᠪᠠᠭᠠ ᠬᠤᠰᠢᠭᠤᠨ ᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ | ᠳᠠᠷᠤᠭᠠ ᠪᠠᠶᠢᠭᠰᠠᠨ ᠵᠢᠶᠠᠩ ᠶᠦᠩ ᠯᠦ ᠪᠣᠯ《 ᠭᠤᠷᠪᠠᠨ ᠮᠢᠩᠭᠠᠨ ᠥᠨᠥᠴᠢᠨ ᠬᠡᠦᠭᠡᠳ ᠢ ᠦᠷᠡᠴᠢᠯᠡᠨ | ᠲᠡᠵᠢᠭᠡᠭᠰᠡᠨ》 ᠰᠠᠶᠢᠬᠠᠨ ᠦᠯᠢᠭᠡᠷ ᠢ ᠪᠡᠶᠡ ᠪᠠᠷ ᠢᠶᠠᠨ ᠲᠣᠭᠤᠯᠵᠣ ᠦᠩᠭᠡᠷᠡᠭᠦᠯᠦᠭᠰᠡᠨ ᠬᠦᠮᠦᠨ ᠶᠣᠮᠰᠠᠨ᠃ | 1958 ᠣᠨ ᠳᠤ ᠲᠡᠷᠡ ᠪᠠᠷ ᠠᠨᠾᠦ᠋ᠢ ᠮᠤᠵᠢ ᠶᠢᠨ ᠥᠨᠥᠴᠢᠨ ᠬᠡᠦᠭᠡᠳ ᠢ ᠦᠪᠦᠷ ᠮᠣᠩᠭᠤᠯ ᠳᠤ ᠢᠷᠡᠭᠰᠡᠨ ᠤ | ᠳᠠᠷᠠᠭᠠᠬᠢ ᠠᠪᠣᠷᠠᠨ ᠲᠡᠩᠬᠡᠷᠡᠭᠦᠯᠬᠦ ᠠᠵᠢᠯ ᠳᠤ ᠪᠠᠶᠡᠴᠢᠯᠡᠨ ᠣᠷᠣᠯᠴᠠᠪᠠ᠃1960 ᠣᠨ ᠳᠤ ᠲᠡᠷᠡ ᠲᠣᠰᠴᠣ | ᠵᠦᠭᠡᠭᠡᠪᠦᠷᠢᠯᠡᠬᠦ ᠪᠠᠭᠠ ᠳᠣᠭᠤᠶᠢᠯᠠᠩ ᠢᠶᠠᠨ ᠳᠠᠭᠠᠭᠤᠯᠣᠨ ᠱᠠᠩᠬᠠᠢ ᠳᠤ ᠬᠦᠷᠴᠦ ᠳᠠᠬᠢᠨ 300 ᠥᠨᠥᠴᠢᠨ | ᠬᠡᠦᠭᠡᠳ ᠢ ᠲᠣᠰᠣᠨ ᠠᠪᠴᠢᠷᠠᠭᠰᠠᠨ ᠶᠤᠮ᠃ ᠴᠠᠭ ᠮᠦᠴᠡ ᠣᠷᠣᠰᠤᠨ ᠦᠩᠭᠡᠷᠡᠭᠡᠳ᠂ ᠵᠢᠶᠠᠩ ᠶᠦᠩ ᠯᠦ ᠭᠤᠸᠠᠢ | ᠣᠳᠤ ᠨᠢᠭᠡᠨᠲᠡ ᠶᠡᠷᠡ ᠰᠢᠬᠠᠭᠰᠠᠨ ᠨᠠᠰᠤᠳᠠᠨ ᠪᠣᠯᠴᠢᠬᠠᠯᠠ ᠃ ᠵᠢᠶᠠᠩ ᠨᠠᠰᠤᠲᠠᠨ ᠦᠩᠭᠡᠷᠡᠵᠦ ᠣᠳᠣᠭᠰᠠᠨ ᠡᠳᠦᠷ | ᠬᠤᠨᠤᠭ ᠤᠳ ᠢᠶᠠᠨ ᠳᠣᠷᠠᠳᠬᠠᠨ ᠪᠠᠶᠢᠵᠣ᠂ ᠲᠡᠷᠡ ᠬᠦ ᠰᠠᠶᠢᠬᠠᠨ ᠭᠦᠨ ᠭᠦᠨᠵᠡᠭᠡᠢ ᠲᠡᠦᠬᠡᠨ ᠠᠴᠢ ᠬᠤᠯᠪᠣᠭᠳᠠᠯ ᠲᠠᠢ | ᠰᠡᠳᠭᠢᠯ ᠳᠤ ᠬᠤᠨᠤᠭᠰᠢᠮᠠ ᠦᠯᠢᠭᠡᠷ ᠢᠶᠠᠨ ᠮᠠᠨᠣᠰ ᠲᠤ ᠶᠠᠷᠢᠵᠣ ᠦᠭᠭᠦᠯᠡ᠃ | ᠨᠢᠭᠡᠨ ᠴᠢᠬᠤᠯᠠ ᠶᠡᠭᠡ ᠬᠤᠷᠠᠯ | ᠬᠡᠳᠦᠶᠢᠪᠡᠷ ᠵᠢᠷᠠᠨ ᠵᠢᠯ ᠦᠩᠭᠡᠷᠡᠯᠡ ᠴᠦ ᠭᠡᠰᠡᠨ᠂ ᠵᠢᠶᠠᠩ ᠶᠦᠩ ᠯᠦ ᠨᠠᠰᠣᠲᠠᠨ1960 ᠣᠨ ᠤ ᠴᠠᠭᠠᠨ | ᠰᠠᠷᠠ ᠶᠢᠨ ᠡᠮᠦᠨᠡ ᠬᠤᠶᠢᠨᠠᠬᠢ《 ᠡᠮᠦᠨᠡᠲᠦ ᠣᠷᠣᠨ ᠤ ᠥᠨᠥᠴᠢᠨ ᠬᠡᠦᠭᠡᠳ ᠢ ᠦᠷᠡᠴᠢᠯᠡᠨ ᠲᠡᠵᠢᠭᠡᠬᠦ》 ᠲᠠᠢ | ᠬᠤᠯᠪᠣᠭᠳᠠᠭᠰᠠᠨ ᠨᠢᠭᠡᠨ ᠣᠳᠠᠭᠠᠨ ᠤ ᠬᠤᠷᠠᠯ ᠢᠶᠠᠨ ᠳᠣᠷᠠᠳᠬᠤᠯᠠᠷ ᠮᠦᠨ ᠭᠦᠨ ᠰᠠᠭᠤᠭᠳᠠᠯ ᠲᠠᠢ ᠪᠠᠶᠢᠭᠰᠠᠭᠠᠷ | ᠠᠵᠢ᠃ | ᠲᠡᠭᠦᠨ ᠤ ᠳᠣᠷᠠᠳᠬᠠᠨ ᠶᠠᠷᠢᠬᠤ ᠪᠠᠷ᠄《1959 ᠣᠨ ᠤ ᠰᠡᠭᠦᠯᠴᠢ ᠪᠠᠷ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ | ᠣᠷᠣᠨ ᠠᠴᠠ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠣ ᠬᠤᠷᠠᠯᠳᠣᠭᠤᠯᠣᠭᠰᠠᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤᠨ ᠰᠢᠰᠲ᠋ᠧᠮ ᠤᠨ ᠳᠦᠷᠪᠡᠳᠦᠭᠡᠷ | ᠳᠡᠰ ᠤᠨ ᠺᠠᠳ᠋ᠷ ᠤᠨ ᠬᠤᠷᠠᠯ ᠤᠨ ᠬᠠᠮᠤᠭ ᠤᠨ ᠴᠢᠬᠤᠯᠠ ᠨᠢᠭᠡᠨ ᠵᠦᠪᠯᠡᠬᠦ ᠵᠦᠢᠯ ᠨᠢ ᠳᠠᠷᠣᠢ〈 ᠡᠮᠦᠨᠡᠲᠦ | ᠣᠷᠣᠨ ᠠᠴᠠ ᠨᠢᠭᠡ ᠪᠦᠯᠦᠭ ᠬᠡᠦᠭᠡᠳ ᠢ ᠲᠣᠰᠣᠨ ᠠᠪᠴᠢᠷᠠᠬᠤ〉 ᠶᠠᠪᠣᠳᠠᠯ᠂ ᠡᠨᠡ ᠨᠢ ᠠᠯᠢ ᠰᠠᠯᠠᠭᠠ | ᠮᠦᠴᠢᠷ ᠠᠴᠠ ᠣᠳᠣᠷᠢᠳᠣᠨ ᠳᠠᠭᠠᠭᠤᠯᠵᠣ᠂ ᠬᠡᠦᠭᠡᠳ ᠢ ᠲᠣᠰᠴᠣ ᠠᠪᠴᠢᠷᠠᠭᠰᠠᠨ ᠤ ᠳᠠᠷᠠᠭᠠ ᠬᠡᠷᠬᠢᠨ ᠦᠷᠡᠴᠢᠯᠡᠨ | ᠲᠡᠵᠢᠭᠡᠬᠦ ᠵᠡᠷᠭᠡ ᠠᠰᠠᠭᠤᠳᠠᠯ ᠤᠳ ᠲᠠᠢ ᠬᠤᠯᠪᠣᠭᠳᠠᠨᠠ᠃ ᠴᠠᠭᠠᠨ ᠰᠠᠷᠠ ᠶᠢᠨ ᠳᠠᠷᠠᠭᠠ ᠳᠠᠬᠢᠨ ᠪᠦᠭᠦᠳᠡᠭᠡᠷ | ᠬᠤᠷᠠᠯᠳᠣᠭᠰᠠᠨ ᠤ ᠪᠠᠨ ᠬᠤᠶᠢᠨᠠ〈 ᠨᠢᠭᠡ ᠬᠡᠦᠭᠡᠳ ᠢ ᠲᠣᠰᠴᠣ ᠠᠪᠴᠢᠷᠠᠪᠠᠯ᠂ ᠨᠢᠭᠡ ᠬᠡᠦᠭᠡᠳ ᠢ ᠡᠳᠡᠭᠡᠭᠡᠵᠦ᠂ | ᠨᠢᠭᠡ ᠬᠡᠦᠭᠡᠳ ᠢ ᠭᠦᠢᠴᠡᠳ ᠲᠡᠩᠭᠡᠷᠡᠭᠦᠯᠬᠦ 〉 ᠪᠠᠷ ᠠᠨᠳᠠᠭᠠᠶᠢᠯᠠᠭᠰᠠᠨ ᠶᠤᠮ᠃》 | ᠡᠭᠦᠨ ᠤ ᠳᠠᠷᠣᠶᠢᠬᠠᠨ᠂ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠬᠢᠨ ᠡᠮᠦᠨᠡᠲᠦ ᠣᠷᠣᠨ ᠤ ᠥᠨᠥᠴᠢᠨ ᠬᠡᠦᠭᠡᠳ ᠢ | ᠲᠣᠰᠴᠣ ᠠᠪᠴᠢᠷᠠᠬᠤ ᠪᠡᠯᠡᠳᠭᠡᠯ ᠠᠵᠢᠯ ᠢᠶᠠᠨ ᠬᠢᠵᠦ ᠡᠬᠢᠯᠡᠪᠡ᠃ ᠡᠭᠦᠨ ᠳᠤ᠂ ᠲᠣᠰᠬᠠᠢ ᠵᠦᠪᠯᠡᠯ ᠪᠠᠶᠢᠭᠤᠯᠬᠤ᠂ | ᠲᠠᠪᠤᠨ ᠬᠡᠦᠭᠡᠳ ᠠᠰᠠᠷᠠᠬᠤ ᠬᠦᠷᠢᠶᠡᠯᠡᠩ ᠢ ᠪᠦᠲᠦᠭᠡᠨ ᠪᠠᠶᠢᠭᠤᠯᠬᠤ᠂ ᠬᠡᠦᠭᠡᠳ ᠠᠰᠠᠷᠠᠭᠴᠢ ᠡᠯᠰᠡᠨ ᠬᠦᠮᠦᠵᠢᠭᠦᠯᠬᠦ | ᠂ ᠬᠡᠦᠭᠡᠳ ᠤᠨ ᠬᠤᠪᠴᠠᠰᠣ ᠬᠤᠨᠠᠷ ᠪᠠ ᠡᠳ᠋ ᠬᠡᠷᠡᠭᠰᠡᠯ ᠢ ᠠᠮᠵᠢᠨ ᠲᠣᠬᠢᠷᠠᠭᠤᠯᠬᠤ ᠵᠡᠷᠭᠡ ᠠᠵᠢᠯ ᠪᠣᠢ᠃ | ᠡᠮᠦᠨᠡᠲᠦ ᠣᠷᠣᠨ ᠤ ᠥᠨᠥᠴᠢᠨ ᠬᠡᠦᠭᠡᠳ ᠣᠮᠠᠷᠠᠰᠢ ᠮᠣᠷᠳᠠᠬᠤ ᠭᠠᠯᠲᠤ ᠲᠡᠷᠭᠡᠨ ᠳᠤ ᠭᠠᠷᠣᠯᠠ | 1960 ᠣᠨ ᠤ 9 ᠰᠠᠷᠠ ᠳᠤ᠂ ᠵᠢᠶᠠᠩ ᠶᠦᠩ ᠯᠦ ᠮᠡᠳᠡᠭᠳᠡᠯ ᠢ ᠲᠣᠰᠴᠣ᠂ ᠲᠣᠰ ᠮᠡᠳᠡᠭᠳᠡᠯ ᠳᠤ᠂ | ᠲᠡᠭᠦᠨ ᠢ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠡᠮᠦᠨᠡᠲᠦ ᠣᠷᠣᠨ ᠤ ᠥᠨᠥᠴᠢᠨ ᠬᠡᠦᠭᠡᠳ ᠢ ᠲᠣᠰᠴᠣ ᠵᠦᠭᠡᠭᠡᠪᠦᠷᠢᠯᠡᠬᠦ | ᠪᠠᠭᠠ ᠳᠣᠭᠤᠶᠢᠯᠠᠩ ᠤᠨ ᠳᠠᠭᠠᠭᠤᠯᠣᠭᠴᠢ ᠪᠠᠷ ᠱᠠᠩᠬᠠᠢ ᠳᠤ ᠬᠦᠷᠴᠦ ᠦᠨᠦᠴᠢᠨ ᠬᠡᠦᠭᠡᠳ ᠤᠳ ᠢ | ᠲᠣᠰᠣᠭᠤᠯᠬᠤ ᠪᠠᠷ ᠱᠠᠭᠠᠷᠳᠠᠭᠰᠠᠨ ᠠᠵᠢ᠃《 ᠮᠠᠨᠣᠰ ᠨᠡᠶᠢᠲᠡ16 ᠬᠦᠮᠦᠨ ᠣᠴᠢᠵᠠᠢ᠂ ᠡᠮᠴᠢ ᠰᠣᠪᠢᠯᠠᠭᠴᠢ | ᠬᠢᠭᠡᠳ ᠠᠰᠠᠷᠠᠭᠴᠢ ᠪᠦᠷ ᠪᠣᠢ》 ᠭᠡᠵᠦ ᠲᠡᠷᠡ ᠪᠠᠷ ᠶᠠᠷᠢᠵᠤ ᠭᠠᠷᠣᠨᠠ᠃ | 《ᠱᠠᠩᠬᠠᠢ ᠳᠤ ᠬᠦᠷᠦᠭᠡᠳ ᠬᠡᠦᠭᠡᠳ ᠤᠳ ᠢ ᠦᠵᠡᠭᠰᠡᠨ ᠴᠢᠨᠢ ᠪᠦᠷ ᠭᠡᠳᠡᠰᠦ ᠨᠢ ᠬᠠᠮᠰᠢᠢᠨ᠂ ᠶᠠᠰᠣᠨ | ᠭᠤᠵᠣᠩ ᠪᠣᠯᠴᠢᠬᠠᠵᠣ᠂ ᠲᠠᠮᠢᠷ ᠲᠡᠩᠭᠡᠭᠡ ᠪᠠᠷ ᠠᠨᠠᠢ ᠪᠠᠶᠢᠵᠣ᠂ ᠪᠢ ᠲᠣᠬᠠᠢ ᠶᠢᠨ ᠦᠶᠡᠰ ᠮᠠᠰᠢ ᠶᠡᠭᠡ ᠰᠠᠨᠠᠭᠠ | ᠪᠣᠯᠵᠤ ᠪᠠᠶᠢᠭᠰᠠᠨ ᠶᠤᠮ》 ᠭᠡᠵᠦ ᠵᠢᠶᠠᠩ ᠶᠦᠩ ᠯᠦ ᠨᠠᠰᠣᠲᠠᠨ ᠡᠷᠭᠢᠴᠡᠭᠦᠯᠦᠨᠡ᠃ ᠭᠡᠪᠡᠴᠦ ᠳᠡᠳᠡᠨ ᠤ ᠲᠣᠰᠴᠣ | ᠵᠦᠭᠡᠭᠡᠪᠦᠷᠢᠯᠡᠬᠦ ᠪᠠᠭᠠ ᠳᠣᠭᠤᠶᠢᠯᠠᠩ ᠤᠨ ᠬᠢᠨ ᠳᠠᠷᠣᠶᠢᠬᠠᠨ ᠠᠵᠢᠯ ᠢᠶᠠᠨ ᠦᠷᠨᠢᠭᠦᠯᠵᠦ᠂ ᠠᠰᠠᠷᠠᠭᠴᠢ ᠠᠨᠢᠶᠠ ᠠᠴᠠ | ᠲᠣᠷᠰᠢᠨ ᠰᠣᠷᠣᠯᠴᠠᠬᠤ ᠶᠢᠨ ᠵᠡᠷᠭᠡ ᠪᠠᠷ ᠨᠢᠭᠡ ᠪᠦᠯᠦᠭ ᠡᠮ ᠲᠠᠩ ᠪᠣᠯᠣᠨ ᠬᠦᠴᠢᠯᠳᠦ᠋ᠷᠦᠭᠴᠢ ᠶᠢᠨ ᠯᠣᠩᠬᠤ | ᠵᠡᠷᠭᠡ ᠵᠠᠪᠠᠯ ᠪᠡᠯᠡᠳᠭᠡᠬᠦ ᠡᠮ ᠡᠮᠨᠡᠯᠭᠡ ᠶᠢᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠤᠳ ᠢ ᠬᠤᠳᠠᠯᠳᠣᠨ ᠠᠪᠴᠣ᠂ ᠵᠣᠬᠢᠬᠤ | ᠪᠡᠯᠡᠳᠭᠡᠯ ᠢᠶᠠᠨ ᠰᠠᠶᠢᠲᠣᠷ ᠠᠮᠵᠢᠨ ᠬᠢᠵᠡᠭᠡᠯᠡ᠃ | 《 ᠡᠳᠡᠭᠡᠷ ᠬᠡᠦᠭᠡᠳ ᠤᠨ ᠳᠣᠳᠣᠷᠠ᠂ ᠬᠠᠮᠤᠭ ᠤᠨ ᠶᠡᠭᠡ ᠨᠢ ᠳᠣᠯᠤᠭᠠ ᠨᠠᠢᠮᠠᠨ ᠨᠠᠰᠣᠲᠠᠢ᠂ ᠬᠠᠮᠤᠭ ᠤᠨ | ᠪᠠᠭᠠ ᠨᠢ ᠰᠠᠶ᠋ᠢ ᠬᠡᠳᠦᠬᠡᠨ ᠰᠠᠷᠠ ᠪᠤᠯᠵᠤ ᠪᠠᠶᠢᠪᠠ ᠃ ᠲᠡᠮᠦᠷ ᠵᠠᠮ ᠤᠨ ᠰᠠᠯᠠᠭᠠ ᠮᠦᠴᠢᠷ ᠠᠴᠠ ᠲᠣᠰᠬᠠᠶᠢᠯᠠᠨ | ᠭᠠᠯᠲᠤ ᠲᠡᠷᠭᠡᠨ ᠤ ᠬᠠᠮᠤᠭ ᠤᠨ ᠰᠡᠭᠦᠯ ᠤᠨ ᠬᠤᠶᠠᠷ ᠸᠠᠭᠤᠨ ᠢ ᠮᠠᠨᠣᠰ ᠲᠤ ᠲᠣᠬᠢᠷᠠᠭᠤᠯᠣᠨ ᠥᠭᠴᠦ᠂ ᠠᠶᠠᠨ ᠤ | ᠳᠣᠮᠳᠠ ᠲᠡᠮᠦᠷ ᠵᠠᠮ ᠤᠨ ᠦᠢᠯᠡᠴᠢᠯᠡᠭᠴᠢ ᠠᠴᠠ ᠤᠰᠤ᠂ ᠰᠢᠩᠬᠡᠨ ᠪᠣᠳᠠᠭᠠ ᠬᠦᠷᠭᠡᠨ᠂ ᠨᠢᠭᠡ ᠵᠠᠮ ᠰᠠᠶᠢᠬᠠᠨ | ᠬᠠᠷᠠᠭᠠᠯᠵᠠᠭᠰᠠᠨ ᠶᠤᠮ᠃ ᠭᠠᠯᠲᠤ ᠲᠡᠷᠭᠡᠨ ᠳᠤ ᠰᠠᠭᠤᠳᠠᠯ ᠲᠣᠭᠠᠲᠠᠢ ᠲᠤᠯᠠ ᠪᠢᠳᠡ ᠭᠡᠦᠭᠡᠳ ᠤᠳ ᠢ ᠰᠠᠭᠤᠳᠠᠯ | ᠳᠡᠭᠡᠷᠡ ᠲᠠᠯᠪᠢᠵᠦ᠂ ᠮᠠᠨᠣᠰ ᠤᠨ ᠠᠵᠢᠯᠳᠠᠨ ᠨᠠᠷ ᠪᠦᠷ ᠸᠠᠭᠤᠨ ᠤ ᠱᠠᠯᠠᠨ ᠳᠡᠭᠡᠷᠡ ᠬᠡᠪᠲᠡᠳᠡᠭ ᠶᠤᠮ》 ᠭᠡᠮᠡᠨ | ᠵᠢᠶᠠᠩ ᠶᠦᠩ ᠯᠦ ᠨᠠᠰᠤᠳᠠᠨ ᠬᠠᠭᠤᠴᠢᠯᠠᠨᠠ᠃ | ᠲᠠᠯᠠ ᠨᠤᠲᠤᠭ ᠲᠤ ᠪᠠᠨ ᠡᠩᠬᠡ ᠲᠣᠩᠬᠠ ᠦᠰᠴᠦ ᠲᠣᠷᠨᠢᠭᠰᠠᠨ ᠨᠢ | ᠡᠮᠦᠨᠡ ᠨᠢ 1958 ᠣᠨ ᠳᠤ ᠠᠨᠾᠦ᠋ᠢ ᠮᠤᠵᠢ ᠶᠢᠨ ᠥᠨᠥᠴᠢᠨ ᠬᠡᠦᠭᠡᠳ ᠦᠪᠦᠷ ᠮᠣᠩᠭᠤᠯ ᠳᠤ | ᠢᠷᠡᠭᠡᠳ ᠴᠠᠭ ᠠᠭᠤᠷ ᠵᠣᠬᠢᠴᠠᠬᠤ ᠦᠬᠡᠢ ᠠᠴᠠ ᠪᠤᠯᠵᠤ᠂ ᠭᠡᠨᠡᠳᠲᠡ ᠪᠠᠷ ᠡᠪᠡᠳᠴᠢᠯᠡᠵᠡᠭᠡᠭᠰᠡᠨ ᠲᠣᠷᠰᠢᠯᠭᠠ | ᠰᠣᠷᠭᠠᠮᠵᠢ ᠲᠠᠢ ᠪᠤᠯᠬᠤᠷ᠂ ᠡᠨᠡ ᠣᠳᠠᠭᠠ ᠬᠡᠦᠭᠡᠳ ᠤᠳ ᠦᠪᠦᠷ ᠮᠣᠩᠭᠤᠯ ᠳᠤ ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠳᠡᠳᠡᠨ ᠢ | ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳᠤ ᠡᠮᠨᠡᠯᠭᠡ ᠳᠤ ᠠᠪᠠᠴᠢᠨ ᠪᠡᠶᠡ ᠶᠢ ᠨᠢ ᠪᠠᠶᠢᠴᠠᠭᠠᠨ ᠡᠮᠨᠡᠨ ᠵᠠᠰᠠᠭᠰᠠᠨ ᠤ ᠰᠡᠭᠦᠯᠡᠷ ᠰᠠᠶ᠋ᠢ | ᠠᠰᠠᠷᠠᠮᠵᠢ ᠶᠢᠨ ᠬᠦᠷᠢᠶᠡᠯᠡᠩ ᠳᠤ ᠠᠪᠠᠴᠢᠨ ᠲᠡᠩᠭᠡᠷᠡᠭᠦᠯᠦᠭᠰᠡᠨ ᠤ ᠳᠠᠷᠠᠭᠠ ᠰᠠᠶ᠋ᠢ ᠮᠠᠯᠴᠢᠳ ᠲᠤ ᠦᠭᠴᠦ | ᠲᠡᠵᠢᠭᠡᠯᠭᠡᠭᠰᠡᠨ ᠠᠵᠢ᠃ | ᠡᠳᠡᠭᠡᠷ《 ᠣᠯᠣᠰ ᠤᠨ ᠬᠡᠦᠭᠡᠳ》 ᠠᠰᠠᠷᠠᠮᠵᠢ ᠶᠢᠨ ᠬᠦᠷᠢᠶᠡᠯᠡᠩ ᠳᠤ ᠪᠠᠶᠢᠭᠰᠠᠨ ᠨᠢᠭᠡ ᠵᠢᠯ ᠳᠤ ᠪᠠᠨ | ᠨᠡᠶᠢᠭᠡᠮ ᠤᠨ ᠡᠯᠡ ᠡᠲᠡᠭᠡᠳ ᠤᠨ ᠬᠢᠨ ᠤ ᠬᠠᠶᠢᠷᠠ ᠬᠠᠯᠠᠮᠵᠢ ᠶᠢ ᠶᠡᠬᠡᠬᠡᠨ ᠬᠦᠷᠳᠡᠭᠰᠡᠨ ᠶᠤᠮ᠃ ᠵᠢᠶᠠᠩ ᠶᠦᠩ ᠯᠦ | ᠨᠠᠰᠣᠲᠠᠨ ᠳᠤ ᠬᠠᠮᠤᠭ ᠤᠨ ᠭᠦᠨ ᠰᠠᠭᠤᠭᠳᠠᠭᠰᠠᠨ ᠨᠢ ᠨᠢᠭᠡᠨ ᠮᠠᠯᠴᠢᠨ ᠤ《 ᠬᠦᠯᠳᠡᠭᠦᠦ ᠰᠦ ᠭᠦᠷᠭᠡᠨ | ᠭᠠᠴᠢᠭ ᠠᠴᠠ ᠠᠪᠣᠷᠠᠭᠰᠠᠨ》 ᠶᠠᠪᠣᠳᠠᠯ ᠪᠣᠯᠣᠨᠠ᠃1960 ᠣᠨ ᠤ ᠡᠪᠦᠯ ᠠᠰᠠᠷᠠᠮᠵᠢ ᠶᠢᠨ ᠬᠦᠷᠢᠶᠡᠯᠡᠩ ᠳᠤ | ᠰᠦᠨ ᠲᠠᠯᠬᠠ ᠳᠣᠲᠠᠭᠳᠠᠭᠰᠠᠨ ᠪᠠᠶᠢᠵᠠᠢ᠃《 ᠶᠠᠭ ᠪᠢᠳᠡᠨ ᠢ ᠭᠠᠷ ᠮᠣᠬᠤᠷᠳᠠᠵᠣ ᠮᠠᠯᠴᠢᠨ ᠢ ᠡᠷᠢᠵᠦ | ᠬᠠᠪᠰᠣᠷᠣᠭᠤᠯᠬᠤ ᠪᠠᠷ ᠪᠠᠵᠠᠭᠠᠵᠤ ᠪᠠᠶᠢᠭᠠ ᠳᠤ ᠨᠢᠭᠡᠨ ᠨᠤᠲᠤᠭ ᠤᠨ ᠮᠠᠯᠴᠢᠨ ᠬᠠᠰᠠᠭ ᠲᠡᠷᠭᠡ ᠪᠠᠨ ᠭᠡᠯᠢᠭᠡᠳ | ᠢᠷᠡᠯᠡ᠃ ᠲᠡᠷᠭᠡᠨ ᠳᠡᠭᠡᠷᠡ ᠨᠢ ᠢᠰᠡᠭᠡᠢ ᠪᠠᠷ ᠪᠣᠭᠤᠭᠰᠠᠨ ᠬᠦᠯᠳᠡᠭᠦᠦ ᠰᠦ ᠠᠴᠢᠵᠤ᠂ ᠵᠠᠷᠢᠮ ᠨᠢ ᠠᠶᠠᠭᠠᠨ ᠬᠢᠷᠢ | ᠂ ᠵᠠᠷᠢᠮ ᠨᠢ ᠶᠣᠰᠣᠲᠠᠢ ᠲᠣᠭᠤᠭᠠᠨ ᠤ ᠬᠢᠷᠢ ᠲᠣᠮᠣ᠃ ᠦᠵᠡᠬᠦ ᠳᠤ᠂ ᠣᠯᠠᠨ ᠭᠡᠷ ᠬᠤᠲᠠᠯᠠᠭᠠᠷ ᠤᠨ ᠬᠢᠨ | ᠴᠣᠭᠯᠠᠭᠤᠯᠵᠣ ᠬᠠᠨᠳᠢᠪᠯᠠᠭᠰᠠᠨ ᠨᠢ ᠢᠯᠡᠬᠡᠨ》 ᠭᠡᠵᠦ ᠵᠢᠶᠠᠩ ᠨᠠᠰᠣᠲᠠᠨ ᠰᠡᠳᠭᠢᠯ ᠳᠣᠭᠳᠣᠯᠣᠩᠭᠤᠢ ᠶᠠᠷᠢᠬᠤ ᠶᠤᠮ | ᠃ | ᠡᠭᠦᠨ ᠳᠤ᠂ ᠵᠢᠶᠠᠩ ᠶᠦᠩ ᠯᠦ ᠠᠯᠠᠰᠬᠢᠨ ᠪᠠᠶᠠᠷᠯᠠᠵᠤ᠂ ᠬᠦᠯᠳᠡᠭᠦᠦ ᠰᠦ ᠶᠢ ᠨᠢ ᠲᠡᠷᠭᠡᠨ ᠠᠴᠠ ᠨᠢ | ᠪᠠᠭᠤᠯᠭᠠᠵᠤ ᠠᠪᠣᠭᠠᠳ᠂ ᠮᠠᠯᠴᠢᠨ ᠳᠤ ᠲᠣᠭᠠᠴᠠᠭᠠ ᠬᠢᠬᠦ ᠭᠡᠬᠦᠯᠡᠷ᠂ ᠴᠠᠭᠠᠳᠣᠬᠢ ᠨᠢ ᠬᠠᠷᠢᠨ ᠠᠭᠤᠷᠯᠠᠵᠣ᠄《 | ᠡᠳᠡ ᠨᠠᠷ ᠴᠢᠨᠢ〈 ᠤᠯᠤᠰ ᠤᠨ ᠬᠡᠦᠭᠡᠳ 〉ᠪᠢᠰᠢ ᠦᠦ᠂ ᠡᠨᠡ ᠬᠦᠯᠳᠡᠭᠦᠦ ᠰᠦ ᠶᠢ ᠪᠣᠯ ᠣᠯᠠᠨ ᠢᠶᠠᠷ ᠢᠶᠠᠨ | ᠨᠠᠳᠠ ᠳᠤ ᠨᠠᠶᠢᠳᠠᠨ〈 ᠤᠯᠤᠰ ᠤᠨ ᠬᠡᠦᠭᠡᠳ〉 ᠲᠤ ᠬᠦᠷᠭᠡᠯᠭᠡᠭᠰᠡᠨ ᠶᠤᠮ᠂ ᠶᠠᠮᠠᠷ ᠬᠤᠳᠠᠯᠳᠣᠬᠤ ᠪᠠᠷ ᠢᠷᠡᠭᠰᠡᠨ | ᠪᠢᠰᠢ ᠰᠢᠦ︕》 ᠭᠡᠯᠡ᠃ | ᠨᠢᠭᠡ ᠵᠢᠯ ᠤᠨ ᠳᠠᠷᠠᠭᠠ᠃ ᠬᠡᠦᠭᠡᠳ ᠤᠳ ᠤᠨ ᠪᠡᠶᠡ ᠬᠡᠪ ᠲᠤ ᠪᠠᠨ ᠣᠷᠣᠭᠠᠳ᠂ ᠮᠠᠯᠴᠢᠳ ᠲᠤ | ᠦᠷᠡᠴᠢᠯᠡᠭᠳᠡᠨ ᠲᠡᠵᠢᠭᠡᠭᠳᠡᠵᠦ ᠡᠬᠢᠯᠡᠯᠡ᠃《 ᠦᠷᠡᠴᠢᠯᠡᠵᠦ ᠲᠡᠵᠢᠭᠡᠬᠦ ᠳᠤ ᠨᠢ ᠮᠦᠨ ᠮᠠᠰᠢ ᠴᠢᠩᠭᠠ ᠨᠦᠬᠦᠴᠡᠯ | ᠪᠣᠢ᠂ ᠶᠠᠭᠤᠨ ᠤ ᠡᠮᠦᠨᠡ ᠬᠡᠦᠭᠡᠳ ᠦᠬᠡᠢ ᠮᠠᠯᠴᠢᠳ ᠰᠠᠶ᠋ᠢ ᠡᠷᠡᠮᠡᠯᠵᠡᠯᠡᠵᠦ ᠪᠣᠯᠣᠨᠠ᠃ ᠳᠠᠷᠠᠭᠠ ᠳᠤ ᠨᠢ᠂ | ᠦᠷᠡᠴᠢᠯᠡᠨ ᠲᠡᠵᠢᠭᠡᠬᠦ ᠨᠦᠬᠦᠴᠡᠯ ᠰᠠᠶᠢᠲᠠᠢ ᠪᠠᠶᠢᠬᠤ ᠭᠡᠷᠡᠭᠳᠡᠢ᠂ ᠦᠷᠡᠴᠢᠯᠡᠨ ᠲᠡᠵᠢᠭᠡᠭᠰᠡᠨ ᠤ ᠳᠠᠷᠠᠭᠠ ᠬᠠᠮᠢᠶᠠ | ᠪᠦᠬᠦᠢ ᠰᠠᠯᠠᠭᠠ ᠮᠦᠴᠢᠷ ᠠᠴᠠ ᠬᠡᠦᠭᠡᠳ ᠤᠳ ᠤᠨ ᠠᠮᠢᠳᠣᠷᠠᠯ ᠠᠬᠤᠢ ᠶᠢ ᠨᠢ ᠮᠦᠷᠳᠡᠨ ᠰᠣᠷᠠᠭᠯᠠᠳᠠᠭ》 ᠭᠡᠵᠦ | ᠵᠢᠶᠠᠩ ᠨᠠᠰᠣᠲᠠᠨ ᠬᠠᠭᠤᠴᠢ ᠳᠡᠯᠭᠡᠨᠡ᠃ | ᠮᠣᠩᠭᠤᠯ᠂ ᠬᠢᠲᠠᠳ ᠦᠨᠳᠦᠰᠦᠳᠡᠨ ᠤ ᠬᠠᠶᠢᠷᠠ ᠰᠡᠳᠭᠢᠯᠭᠡ ᠭᠦᠨ ᠠᠴᠠ ᠭᠦᠨ | ᠶᠡᠭᠡ ᠬᠠᠶᠢᠷᠠ ᠶᠢᠨ ᠲᠤᠤᠯᠢ ᠬᠠᠶᠢᠯᠠᠨ ᠬᠠᠶᠢᠯᠠᠭᠳᠠᠨᠠ | 《ᠣᠳᠣ ᠳᠣᠷᠠᠳᠬᠠᠪᠠᠯ᠂ ᠮᠠᠨᠣᠰ ᠤᠨ ᠡᠮᠦᠨᠡᠲᠦ ᠣᠷᠣᠨ ᠤ ᠦᠨᠦᠴᠢᠨ ᠬᠡᠦᠭᠡᠳ ᠢ ᠦᠷᠡᠴᠢᠯᠡᠨ | ᠲᠡᠵᠢᠭᠡᠭᠰᠡᠨ ᠨᠢ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠲᠠᠢ ᠳᠤ ᠪᠠᠨ ᠲᠣᠭᠠᠴᠠᠭᠳᠠᠨᠠ᠂ ᠡᠳᠡᠭᠡᠷ ᠬᠡᠦᠭᠡᠳ ᠡᠷᠡᠭᠦᠯ ᠡᠩᠭᠡ | ᠲᠣᠩᠬᠠ ᠦᠭᠡᠯᠡᠢ ᠪᠣᠯᠣᠭᠰᠠᠨ ᠤ ᠬᠤᠶᠢᠨᠠ᠂ ᠴᠡᠷᠢᠭ ᠲᠤ ᠮᠣᠷᠳᠠᠭᠰᠠᠨ ᠤ ᠪᠠᠶᠢᠨᠠ᠂ ᠡᠮᠴᠢ ᠰᠣᠪᠢᠯᠠᠭᠴᠢ | ᠪᠣᠯᠣᠭᠰᠠᠨ ᠤ ᠪᠠᠶᠢᠨᠠ᠂ ᠢᠨᠵᠧᠨᠧᠷ ᠪᠣᠯᠣᠭᠰᠠᠨ ᠤ ᠪᠠᠶᠢᠨᠠ᠂ ᠵᠠᠷᠢᠮ ᠨᠢ ᠮᠠᠯᠴᠢᠨ ᠪᠣᠯᠵᠤ ᠲᠠᠯᠠ ᠨᠣᠲᠤᠭ | ᠲᠤ ᠪᠠᠨ ᠠᠮᠢᠳᠣᠷᠠᠭᠰᠠᠨ ᠴᠦ ᠪᠠᠶᠢᠨᠠ》 ᠭᠡᠴᠢᠬᠡᠭᠡᠳ ᠵᠢᠶᠠᠩ ᠶᠦᠩ ᠯᠦ ᠨᠠᠰᠣᠲᠠᠨ ᠪᠣᠰᠣᠳ ᠲᠠᠢ | ᠠᠳᠠᠯᠢᠬᠠᠨ ᠢᠶᠠᠷ ᠦᠨᠦᠴᠢᠨ ᠬᠡᠦᠭᠡᠳ ᠤᠳ ᠤᠨ ᠠᠵᠢᠯ ᠠᠮᠢᠳᠣᠷᠠᠯ ᠢ ᠬᠠᠯᠠᠮᠵᠢᠯᠠᠭᠰᠠᠭᠠᠷ ᠪᠦᠭᠡᠳ ᠲᠡᠳᠡ | ᠨᠠᠷ ᠤᠨ ᠢᠶᠠᠨ ᠡᠮᠦᠨᠡ ᠠᠴᠠ ᠪᠠᠶᠠᠷᠯᠠᠨ ᠣᠮᠣᠭᠰᠢᠭᠰᠠᠭᠠᠷ ᠢᠷᠡᠵᠠᠢ᠃ | ᠦᠪᠦᠷ ᠮᠣᠩᠭᠤᠯ ᠳᠤ ᠪᠠᠨ ᠬᠠᠮᠤᠭ ᠤᠨ ᠡᠷᠲᠡ ᠡᠮᠦᠨᠡᠲᠦ ᠣᠷᠣᠨ ᠤ ᠦᠨᠦᠴᠢᠨ ᠬᠡᠦᠭᠡᠳ ᠢ ᠬᠦᠯᠢᠶᠡᠨ | ᠠᠪᠣᠭᠰᠠᠨ ᠭᠠᠵᠠᠷ ᠣᠷᠣᠨ ᠪᠣᠯᠣᠭᠰᠠᠨ ᠤ ᠬᠤᠪᠢ ᠳᠤ᠂ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠷᠢᠳ ᠬᠤᠷᠢᠳ ᠭᠤᠷᠪᠠᠨ | ᠮᠢᠩᠭᠠᠨ ᠦᠨᠦᠴᠢᠨ ᠬᠡᠦᠭᠡᠳ ᠤᠨ ᠨᠠᠢᠮᠠᠨ ᠵᠠᠭᠤ ᠢᠯᠡᠭᠦᠦ ᠶᠢ ᠨᠢ ᠬᠦᠯᠢᠶᠡᠨ ᠠᠪᠴᠣ ᠦᠷᠡᠴᠢᠯᠡᠨ ᠲᠡᠵᠢᠭᠡᠭᠰᠡᠨ | ᠶᠤᠮ᠃ ᠤᠯᠤᠰ ᠭᠡᠷ ᠣᠨᠴᠠᠭᠠᠢ ᠬᠦᠴᠢᠷᠳᠡᠯ ᠳᠤ ᠲᠣᠯᠭᠠᠷᠠᠭᠰᠠᠨ ᠦᠶᠡ ᠳᠤ᠂ ᠲᠠᠯᠠ ᠨᠤᠲᠤᠭ ᠬᠠᠨᠠᠭᠠᠷ ᠶᠡᠭᠡ | ᠥᠷᠥᠴᠡ ᠪᠠᠨ ᠳᠡᠯᠭᠡᠨ ᠡᠳᠡᠭᠡᠷ ᠡᠮᠦᠨᠡ ᠣᠷᠣᠨ ᠤ ᠦᠨᠦᠴᠢᠨ ᠬᠡᠦᠭᠡᠳ ᠲᠤ ᠥᠶᠥᠭ ᠳᠣᠯᠠᠭᠠᠨ ᠭᠡᠷ ᠣᠯᠭᠤᠪᠠ᠂ | ᠡᠨᠡ ᠪᠣᠯ ᠨᠢᠭᠡᠨ ᠠᠮᠢ ᠨᠠᠰᠤᠨ ᠤ ᠢᠷᠠᠭᠤ ᠳᠠᠭᠤᠯᠠᠯ ᠮᠦᠷᠲᠡᠭᠡᠨ ᠦᠨᠳᠦᠰᠦᠳᠡᠨ ᠤ ᠪᠦᠯᠬᠦᠮᠳᠡᠯ ᠤᠨ ᠰᠣᠨᠣᠷ | ᠮᠢᠯᠢᠶᠠᠭᠰᠠᠨ ᠰᠠᠶᠢᠬᠠᠨ ᠦᠯᠢᠭᠡᠷ ᠪᠣᠯᠣᠨᠠ᠃ | ᠬᠡᠳᠦᠶᠢᠪᠡᠷ ᠲᠣᠬᠠᠢ ᠶᠢᠨ ᠵᠢᠯ ᠤᠨ ᠦᠨᠦᠴᠢᠨ ᠬᠡᠦᠭᠡᠳ ᠤᠳ ᠣᠳᠤ ᠨᠠᠰᠤ ᠪᠦᠷ ᠵᠢᠷᠠ ᠶᠢ ᠵᠣᠭᠤᠭᠯᠠᠵᠤ | ᠂ ᠡᠳᠡᠭᠡᠷ ᠬᠡᠦᠭᠡᠳ ᠢ ᠬᠠᠪᠰᠣᠷᠣᠨ ᠳᠡᠳᠭᠦᠵᠦ ᠲᠡᠵᠢᠭᠡᠨ ᠦᠷᠡᠴᠢᠯᠡᠭᠰᠡᠨ《 ᠳᠣᠲᠣᠨᠣ ᠬᠦᠮᠦᠰ》 ᠨᠢ ᠨᠠᠰᠤ | ᠠᠬᠢᠵᠤ ᠵᠠᠭᠠᠯ ᠪᠣᠭᠤᠷᠣᠯ ᠪᠣᠯᠣᠭᠰᠠᠨ ᠴᠦ᠂ ᠡᠨᠡ ᠬᠦ ᠴᠢᠰᠣᠨ ᠲᠦᠷᠦᠯ᠂ ᠭᠠᠵᠠᠷ ᠣᠷᠣᠨ᠂ ᠴᠠᠭ | ᠬᠤᠭᠤᠴᠠᠭᠠ ᠶᠢ ᠬᠡᠳᠦᠶᠢᠳᠦᠨ ᠳᠠᠪᠠᠭᠰᠠᠨ ᠠᠭᠤᠣ ᠶᠡᠭᠡ ᠬᠠᠶᠢᠷᠠ ᠰᠡᠳᠭᠢᠯᠭᠡ ᠨᠢ ᠥᠨᠢ ᠮᠦᠩᠭᠡ ᠮᠢᠯᠠᠷᠠᠨ | ᠪᠠᠯᠠᠷᠠᠰᠢ ᠦᠬᠡᠢ ᠂ ᠡᠨᠡ ᠬᠦ《 ᠮᠣᠩᠭᠤᠯ᠂ ᠬᠢᠲᠠᠳ ᠦᠨᠳᠦᠰᠦᠳᠡᠨ ᠨᠢᠭᠡ ᠭᠡᠷ ᠤᠨ ᠬᠢᠨ ᠮᠡᠲᠦ ᠣᠶᠢᠷᠠ | ᠲᠣᠳᠣᠨᠣ》 ᠪᠠᠶᠢᠬᠤ ᠢᠷᠠᠭᠤ ᠲᠠᠩᠰᠤᠭ ᠲᠣᠣᠯᠢᠰ ᠨᠢ ᠦᠨᠢᠳᠡ ᠬᠠᠶᠢᠯᠠᠭᠳᠠᠭᠰᠠᠭᠠᠷ ᠪᠠᠶᠢᠬᠤ ᠪᠣᠯᠣᠨᠠ᠃ | |