ᠠᠢ᠌ᠷ ᠵᠢᠶᠦ᠋ᠨ ᠦᠬᠡᠷ
ᠰᠦᠨ ᠬᠡᠷᠡᠭᠯᠡᠭᠦᠨᠲᠦ ᠦᠬᠡᠷᠤᠨ ᠡᠭᠦᠯᠳᠡᠷ ᠮᠦᠨ᠃ ᠠᠢ᠌ᠷ ᠵᠢᠶᠦ᠋ᠨ ᠦᠬᠡᠷ ᠪᠣᠯ ᠠᠩᠭ᠍ᠯᠢ ᠵᠢᠨ ᠰᠺᠦ᠍ᠲᠯᠠᠨᠲ ᠠᠷᠠᠯᠤᠨ ᠠᠢ᠌ᠷ ᠵᠢᠶᠦ᠋ᠨᠠᠴᠠ ᠤᠭ ᠭᠠᠷᠤᠯᠲᠠᠢ ᠶᠤᠮ᠃
ᠲᠤᠰ ᠦᠬᠡᠷᠤᠨ ᠦᠩᠭᠡ ᠵᠢᠰᠦᠮᠤᠨ ᠤᠨᠴᠠᠯᠢᠭᠨᠢ ᠭᠡᠪᠡᠯ᠂ ᠰᠦᠨ ᠬᠡᠷᠡᠭᠯᠡᠭᠦᠨᠲᠦ ᠪᠡᠶᠡ ᠵᠢᠨ ᠬᠡᠯᠪᠡᠷᠢᠨᠢ ᠲᠤᠳᠤ ᠪᠠᠢ᠌ᠵᠤ᠂ ᠪᠡᠶᠡᠨᠢ ᠭᠦᠨ ᠤᠷᠲᠤ᠂ ᠠᠷᠠᠭ ᠶᠠᠰᠤᠨᠢ ᠪᠦᠬᠡᠯᠢᠭ᠂ ᠪᠣᠯᠴᠢᠩ ᠮᠢᠬᠠᠨᠢ ᠨᠡᠯᠢᠶᠡᠳ ᠳᠦᠭᠦᠷᠡᠩ ᠪᠠᠢ᠌ᠳᠠᠭ᠃ ᠡᠪᠡᠷᠨᠢ ᠨᠠᠷᠢᠨ ᠪᠦᠭᠡᠳ ᠴᠠᠭ᠋ᠠᠨ ᠦᠩᠭᠡᠲᠡᠢ᠂ ᠡᠪᠡᠷᠤᠨ ᠦᠵᠦᠭᠦᠷᠨᠢ ᠬᠠᠷᠠ ᠦᠩᠭᠡᠲᠡᠢ ᠶᠤᠮ᠃ ᠵᠢᠰᠦᠮᠨᠢ ᠤᠯᠠᠭ᠋ᠠᠨ᠂ ᠴᠠᠭ᠋ᠠᠨ ᠲᠤᠯᠪᠤᠲᠠᠢ ᠪᠦᠭᠡᠳ ᠤᠯᠠᠭ᠋ᠠᠨ ᠦᠩᠭᠡ ᠵᠢᠨ ᠭᠦᠨ ᠭᠦᠢ᠍ᠬᠡᠨᠤ ᠵᠦᠷᠢᠶᠡᠨᠢ ᠨᠢᠯᠢᠶᠡᠳ ᠶᠡᠬᠡ ᠪᠠᠢ᠌ᠵᠤ᠂ ᠭᠦᠢ᠍ᠬᠡᠨ ᠤᠯᠠᠪᠤᠷ ᠰᠢᠷᠠᠠᠴᠠ ᠲᠠᠣᠯᠠᠢ ᠵᠢᠨ ᠪᠦᠭᠡᠷᠡ ᠵᠢᠨ ᠬᠠᠯᠢᠰᠤ ᠵᠢᠨᠬᠢ ᠰᠢᠭ᠋ ᠬᠠᠷᠠᠪᠲᠤᠷ ᠤᠯᠠᠭ᠋ᠠᠨ ᠴᠤ᠌ ᠪᠠᠢ᠌ᠳᠠᠭ᠃
ᠠᠢ᠌ᠷ ᠵᠢᠶᠦ᠋ᠨ ᠦᠬᠡᠷᠤᠨ ᠰᠦ ᠱᠦᠭᠦᠷᠡᠯᠤᠨ ᠬᠤᠭᠤᠴᠠᠭ᠋ᠠᠨᠳᠠᠬᠢ ᠳᠤᠮᠳᠠᠴᠢ ᠰᠦᠨᠤ ᠭᠠᠷᠤᠯᠲᠠᠨᠢ 3500～4000 ᠺᠢᠯᠦᠭᠷᠡᠮ ᠪᠠᠢ᠌ᠵᠤ᠂ ᠰᠦᠨᠤ ᠲᠤᠰᠤᠯᠢᠭᠤᠨ ᠨᠤᠷᠮᠠᠨᠢ 3.8％～4％ ᠶᠣᠮ᠃
ᠲᠤᠰ ᠡᠭᠦᠯᠳᠡᠷᠤᠨ ᠦᠬᠡᠷᠤᠨ ᠪᠤᠬᠠᠨᠤ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 800 ᠺᠢᠯᠦᠭᠷᠡᠮ᠂ ᠦᠨᠢᠶᠡᠨᠤ ᠬᠢᠨᠢ 550 ᠺᠢᠯᠦᠭᠷᠡᠮ ᠪᠣᠯᠣᠨᠠ᠃ ᠪᠡᠶᠡ ᠴᠤᠭᠴᠠᠨᠢ ᠬᠦᠳᠡᠷ ᠴᠢᠬᠢᠷᠠᠭ᠂ ᠵᠣᠬᠢᠴᠠᠬᠤ ᠴᠢᠨᠠᠷ ᠵᠶ᠋ᠠᠷ ᠴᠢᠩᠭᠠ᠂ ᠡᠩᠤᠨ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡᠳᠤ ᠳᠠᠭ᠋ᠠᠭ᠋ᠠᠴᠠᠲᠠᠢ᠂ ᠦᠰᠦᠯᠲᠡ ᠪᠣᠢ᠌ᠵᠢᠯᠲᠠᠨᠢ ᠲᠦᠷᠭᠡᠨ ᠮᠦᠷᠲᠡᠭᠡᠨ ᠲᠠᠷᠭᠤᠯᠠᠬᠤ ᠴᠢᠳᠠᠪᠤᠷᠢᠨᠢ ᠴᠤ᠌ ᠨᠡᠯᠢᠶᠡᠳ ᠰᠠᠢ᠌ᠨ ᠪᠠᠢ᠌ᠳᠠᠭ᠂ ᠭᠡᠪᠡᠴᠦ ᠵᠠᠩ ᠠᠭ᠋ᠠᠯᠢᠨᠢ ᠨᠡᠯᠢᠶᠡᠳ ᠳᠤᠭᠰᠢᠨ ᠶᠣᠮ᠃
（ᠢᠷᠡᠯᠲᠡ᠄ ᠴᠧᠨ ᠪᠠᠭ᠋ᠠᠲᠤᠷ᠂ ᠢ᠊ · ᠰᠤᠶᠤᠯᠲᠤ᠂ ᠤᠷᠠᠨᠴᠢᠮᠡᠭ᠂ ᠰᠡᠴᠡᠨᠪᠢᠯᠢᠭ᠂ ᠨᠠᠰᠤᠨᠳᠠᠯᠭᠡᠷ᠂ ᠨᠠᠷᠠᠨ ᠨᠠᠷᠤᠨ ᠨᠠᠶ᠋ᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ 《ᠰᠦᠨᠤ ᠦᠨᠢᠶᠡᠨᠤ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠵᠢᠨ ᠠᠷᠭᠠ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠶ᠋ᠢᠷᠡᠭᠦᠯᠪᠡ᠃）