ᠨᠠᠮᠤᠷ ᠦᠲᠦᠷᠮᠡ ᠪᠠᠨ ᠠᠪᠴᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠨᠢᠭᠡ ᠪᠡᠯᠭᠡ ᠳᠡᠮᠪᠡᠷᠡᠯ ᠲᠠᠢ ᠰᠠᠶᠢᠨ ᠡᠳᠦᠷ ᠢ | ᠰᠤᠩᠭᠤᠨ ᠦᠲᠦᠷᠮᠡ ᠶᠢᠨ ᠨᠠᠶᠢᠷ ᠬᠢᠳᠡᠭ᠃ ᠦᠲᠦᠷᠮᠡ ᠶᠢᠨ ᠨᠠᠶᠢᠷ ᠲᠤ ᠠᠷᠴᠢᠭᠤᠷ᠂ ᠬᠠᠳᠤᠭᠤᠷ᠂ ᠠᠴᠠ᠂ ᠱᠦᠬᠦᠷ᠂ | ᠬᠦᠷᠵᠡ᠂ ᠪᠣᠯᠣ᠂ ᠠᠨᠵᠢᠰᠤ᠂ ᠬᠤᠯᠤ ᠵᠡᠷᠭᠡ ᠠᠯᠢᠪᠠ ᠲᠠᠷᠢᠶᠠᠯᠠᠩ ᠤᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠢᠶᠠᠨ ᠦᠲᠦᠷᠮᠡ ᠶᠢᠨ | ᠳᠤᠮᠳᠠ ᠪᠠᠨ ᠲᠠᠯᠪᠢᠭᠠᠳ ᠨᠢᠭᠡᠳ ᠨᠢᠭᠡ ᠪᠠᠷ ᠮᠢᠯᠢᠶᠠᠵᠤ ᠢᠷᠦᠭᠡᠨᠡ᠃ ᠢᠷᠦᠭᠡᠯ ᠤᠨ ᠠᠭᠤᠯᠭᠠ ᠨᠢ ᠭᠤᠤᠯᠳᠠᠭᠤ | ᠲᠠᠷᠢᠵᠤ᠂ ᠠᠷᠴᠢᠵᠤ᠂ ᠬᠠᠳᠣᠵᠣ᠂ ᠬᠤᠷᠢᠶᠠᠬᠤ ᠳᠤ ᠬᠡᠷᠡᠭᠯᠡᠭᠰᠡᠨ ᠲᠡᠳᠡᠭᠡᠷ ᠡᠳ᠋ ᠬᠡᠷᠡᠭᠰᠡᠯ ᠢᠶᠠᠨ ᠮᠠᠭᠲᠠᠨ ᠰᠢᠯᠦᠭᠯᠡᠭᠰᠡᠨ | ᠪᠠᠶᠢᠳᠠᠭ᠃ ᠵᠢᠱᠢᠶᠠ ᠨᠢ᠄ ︽ᠬᠦᠴᠦ ᠪᠠᠨ ᠦᠭᠭᠦᠭᠰᠡᠨ ᠬᠦᠷᠵᠡ ᠴᠢᠮᠠᠶᠢ ᠪᠠᠨ/ ᠬᠦᠷᠳᠦᠨ ᠴᠢᠨᠡᠭᠡ ᠪᠣᠣᠪᠤ ᠪᠠᠷ | ᠮᠢᠯᠢᠶᠠᠮᠤ︕/ ᠠᠴᠢ ᠪᠠᠨ ᠦᠭᠭᠦᠭᠰᠡᠨ ᠠᠨᠵᠢᠰᠤ ᠴᠢᠮᠠᠶᠢ ᠪᠠᠨ/ ᠠᠶᠠᠭᠠᠨ ᠴᠢᠨᠡᠭᠡ ᠪᠣᠣᠪᠤ ᠪᠠᠷ ᠮᠢᠯᠢᠶᠠᠮᠤ︕︾᠂ | ︽ᠪᠦᠮᠪᠦᠷ ᠪᠦᠮᠪᠦᠷ ᠡᠷᠭᠢᠵᠦ/ ᠪᠣᠮᠠᠨ ᠳ᠋ᠠᠨ ᠠᠮᠤ ᠬᠤᠷᠢᠶᠠᠯᠭᠠᠭᠰᠠᠨ/ ᠮᠣᠯᠣᠷ ᠡᠷᠳᠡᠨᠢ ᠶᠢᠨ ᠪᠤᠯᠤ ᠪᠠᠨ/ | ᠮᠦᠩᠭᠦ ᠠᠯᠲᠠ ᠪᠠᠷ ᠮᠢᠯᠢᠶᠠᠶᠠ︕︾ ᠭᠡᠬᠦ ᠮᠡᠲᠦ᠃ | | ︵ᠢᠷᠡᠯᠲᠡ᠄ ᠱᠠᠭᠠᠯᠠᠢ᠂ ᠠᠯᠳᠠᠷᠠᠢ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠣᠩᠭᠤᠯ ᠤᠯᠠᠮᠵᠢᠯᠠᠯᠲᠤ ᠶᠤᠰᠤ ᠵᠠᠩᠰᠢᠯ ︵ᠠᠵᠤ | ᠠᠮᠢᠳᠤᠷᠠᠯ︶︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |