ᠰᠣᠷᠪᠣᠯᠵᠢᠯᠠᠭᠠ ᠵᠢᠨ ᠭᠣᠣᠯ ᠰᠡᠳᠥᠪ :
ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ《8337》ᠬᠦᠭᠵᠢᠯᠳᠡ ᠵᠢᠨ ᠰᠡᠳᠬᠢᠮᠵᠢ ᠵᠢ ᠬᠢᠨᠠᠮᠠᠭ᠋ᠠᠢ ᠳᠣᠣᠱᠯᠠᠭᠣᠯᠣᠨ ᠨᠠᠢ᠌ᠳᠠᠪᠣᠷᠢᠵᠢᠭᠣᠯᠵᠣ᠂ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠥᠨ ᠡᠵᠡᠩᠨᠡᠭᠥ ᠳᠥᠪᠰᠢᠨᠢ ᠪᠦᠬᠦ ᠳᠠᠯᠠᠪᠠᠷ ᠳᠡᠭᠡᠭᠰᠢᠯᠡᠭᠥᠯᠰᠥᠬᠡᠢ
ᠰᠣᠷᠪᠣᠯᠵᠢᠯᠠᠭᠰᠠᠨ ᠴᠠᠭ :
2014 ᠣᠨᠤ 7 ᠳ᠋ᠣᠭ᠋ᠠᠷ ᠰᠠᠷᠠ ᠵᠢᠨ 21ᠤ ᠡᠳᠥᠷᠤᠨ ᠥᠳᠡ ᠵᠢᠨ ᠡᠮᠥᠨᠡᠬᠢ 10 ᠴᠠᠭ
ᠰᠣᠷᠪᠣᠯᠵᠢᠯᠠᠭᠠ ᠬᠦᠯᠢᠶᠡᠭᠰᠡᠨ ᠵᠣᠴᠢᠨ :
ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨ ᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ
ᠠᠬᠣᠢ ᠵᠢᠨ ᠲᠢᠩᠬᠢᠮᠤᠨ ᠳᠡᠳ᠋ ᠳᠠᠷᠣᠭᠠ ᠶᠦᠨ ᠠᠢ ᠾᠸᠥ
ᠰᠣᠷᠪᠣᠯᠵᠢᠯᠠᠭᠠ ᠵᠢᠨ ᠳᠣᠪᠴᠢ ᠳᠠᠨᠢᠯᠴᠠᠭᠣᠯᠭᠠ :
ᠨᠢᠳᠣᠨᠣᠨᠠᠴᠠ ᠨᠠᠰᠢ᠂ ᠪᠦᠬᠦ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠰᠠᠯᠠᠭᠠ ᠮᠥᠴᠢᠷᠨᠢ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ 《8337》 ᠬᠦᠭᠵᠢᠯᠳᠡ ᠵᠢᠨ ᠰᠡᠳᠬᠢᠮᠵᠢ ᠵᠢ ᠬᠢᠨᠠᠮᠠᠭ᠋ᠠᠢ ᠨᠠᠢ᠌ᠳᠠᠪᠣᠷᠢᠵᠢᠭᠣᠯᠣᠨ᠂ ᠪᠣᠬᠢᠷᠳᠣᠯ ᠥᠬᠡᠢ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠡᠳ᠋ᠰᠢᠬᠦᠯᠤᠨ ᠭᠠᠳᠠᠭᠰᠢ ᠭᠠᠷᠭ᠋ᠠᠬᠣ ᠰᠠᠭᠣᠷᠢᠨ ᠭᠠᠵᠠᠷ ᠪᠠᠢ᠌ᠭᠣᠯᠬᠣ ᠶᠡᠷᠥᠩᠬᠡᠢ ᠵᠢᠨ ᠱᠠᠭ᠋ᠠᠷᠳᠠᠯᠭᠠ ᠵᠢᠨ ᠲᠤᠭᠤᠷᠢᠨᠳᠤ᠂ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠠᠵᠢᠯᠢ ᠪᠦᠬᠦ ᠬᠦᠴᠦᠨ ᠵᠶ᠋ᠠᠷ ᠳᠥᠯᠬᠢᠨ ᠠᠬᠢᠭᠣᠯᠵᠣ᠂ ᠮᠡᠳᠡᠭᠳᠡᠮᠡ ᠠᠮᠵᠢᠯᠳᠠ ᠣᠯᠵᠠᠢ᠃ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠪᠠᠢ᠌ᠳᠠᠯᠢ ᠨᠠᠷᠢᠨ ᠳᠣᠳᠣᠷᠬᠠᠢ ᠣᠢ᠌ᠯᠠᠭ᠋ᠠᠬᠣ ᠵᠢᠨ ᠳᠣᠰᠠᠳᠠ ᠣᠷᠴᠢᠮ ᠪᠢᠳᠡ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠲᠢᠩᠬᠢᠮᠤᠨ ᠳᠡᠳ᠋ ᠳᠠᠷᠣᠭᠠ ᠶᠦᠨ ᠠᠢ ᠾᠸᠥ ᠵᠢ 《ᠳᠣᠮᠳᠠᠳᠣ ᠣᠯᠣᠰ ᠥᠪᠥᠷ ᠮᠣᠩᠭᠣᠯ》 ᠰᠥᠯᠵᠢᠶᠡᠨ ᠳᠡᠭᠡᠨ ᠣᠷᠢᠨ ᠵᠠᠯᠠᠵᠣ ᠲᠠ ᠪᠦᠬᠦᠨᠲᠠᠢ ᠵᠤᠭᠤᠭᠳᠠᠭᠤᠯᠬᠤᠪᠠᠷ ᠪᠠᠢ᠌ᠨᠠ᠂ ᠥᠷᠬᠡᠨ ᠣᠯᠠᠨ ᠰᠥᠯᠵᠢᠶᠡᠨ ᠠᠨᠳᠠ ᠨᠠᠷᠤᠨ ᠢᠳᠡᠪᠬᠢᠳᠠᠢ ᠣᠷᠣᠯᠴᠠᠬᠣ ᠵᠢ ᠪᠠᠶᠠᠷᠯᠠᠨ ᠣᠭᠳᠣᠵᠣ ᠪᠣᠢ！
［ᠬᠦᠳᠥᠯᠥᠭᠴᠢ］ ᠰᠥᠯᠵᠢᠶᠡᠨ ᠠᠨᠳᠠ ᠨᠠᠷ ᠡ᠂ ᠰᠠᠢ᠌ᠨ ᠪᠠᠢ᠌ᠵᠠᠭ᠋ᠠᠨᠠ ᠤᠤ？ ᠲᠠ ᠪᠦᠭᠦᠨ ᠳᠣᠰ ᠬᠣᠭᠣᠴᠠᠭ᠋ᠠᠨᠤ 《ᠳᠣᠮᠳᠠᠳᠣ ᠣᠯᠣᠰ ᠥᠪᠥᠷ ᠮᠣᠩᠭᠣᠯ》 ᠰᠥᠯᠵᠢᠶᠡᠨ ᠰᠣᠷᠪᠣᠯᠵᠢᠯᠠᠭᠠ ᠪᠤᠯᠤᠩᠢ ᠬᠦᠯᠢᠶᠡᠨ ᠠᠪᠴᠥ ᠥᠵᠡᠭᠥ ᠵᠢ ᠪᠠᠶᠠᠷᠯᠠᠨ ᠣᠭᠳᠣᠵᠣ ᠪᠠᠢ᠌ᠨᠠ᠃ ᠥᠨᠥᠳᠥᠷ ᠪᠢᠳᠡ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠲᠢᠩᠬᠢᠮᠤᠨ ᠳᠡᠳ᠋ ᠳᠠᠷᠣᠭᠠ ᠶᠦᠨ ᠠᠢ ᠾᠸᠥ ᠵᠢ ᠣᠷᠢᠨ ᠵᠠᠯᠠᠵᠣ 《ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ 〈8337〉 ᠬᠦᠭᠵᠢᠯᠳᠡ ᠵᠢᠨ ᠰᠡᠳᠬᠢᠮᠵᠢ ᠵᠢ ᠬᠢᠨᠠᠮᠠᠭ᠋ᠠᠢ ᠳᠣᠣᠱᠯᠠᠭᠣᠯᠣᠨ ᠨᠠᠢ᠌ᠳᠠᠪᠣᠷᠢᠵᠢᠭᠣᠯᠵᠣ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠥᠨ ᠡᠵᠡᠩᠨᠡᠭᠥ ᠳᠥᠪᠰᠢᠨᠢ ᠪᠦᠬᠦ ᠳᠠᠯᠠᠪᠠᠷ ᠳᠡᠭᠡᠭᠰᠢᠯᠡᠭᠥᠯᠰᠥᠬᠡᠢ》 ᠬᠡᠰᠡᠨ ᠰᠡᠳᠥᠪ ᠵᠶ᠋ᠠᠷ ᠲᠠ ᠪᠦᠬᠦᠨᠲᠠᠢ ᠶᠠᠷᠢᠯᠴᠠᠭᠤᠯᠬᠤᠪᠠᠷ ᠪᠤᠯᠤᠯᠠ᠂ ᠶᠦᠨ ᠲᠢᠩᠬᠢᠮᠤᠨ ᠳᠠᠷᠣᠭᠠ ᠡ᠂ ᠲᠠᠨᠢ ᠪᠠᠶᠠᠷᠯᠠᠨ ᠣᠭᠳᠣᠵᠣ ᠪᠠᠢ᠌ᠨᠠ！
［ᠶᠦᠨ ᠠᠢ ᠾᠸᠥ］ ᠬᠦᠳᠥᠯᠥᠭᠴᠢ ᠲᠠ ᠰᠠᠢ᠌ᠨ ᠪᠠᠢ᠌ᠨᠠ ᠤᠤ᠂ ᠥᠷᠬᠡᠨ ᠣᠯᠠᠨ ᠰᠥᠯᠵᠢᠶᠡᠨ ᠠᠨᠳᠠ ᠨᠠᠷ ᠰᠠᠢ᠌ᠨ ᠪᠠᠢ᠌ᠵᠠᠭ᠋ᠠᠨᠠ ᠤᠤ ᠃ 《ᠳᠣᠮᠳᠠᠳᠣ ᠣᠯᠣᠰ ᠥᠪᠥᠷ ᠮᠣᠩᠭᠣᠯ》 ᠰᠥᠯᠵᠢᠶᠡᠪᠠᠷ ᠳᠠᠮᠵᠢᠭᠣᠯᠵᠣ ᠲᠠ ᠪᠦᠬᠦᠨᠲᠠᠢ ᠵᠣᠯᠭ᠋ᠠᠬᠣ ᠪᠣᠯᠣᠭᠰᠠᠨᠳᠠᠭᠠᠨ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠵᠣ ᠪᠣᠢ᠂ ᠮᠠᠨᠤ ᠲᠢᠩᠬᠢᠮᠤᠨ ᠡᠯᠡ ᠳᠥᠷᠥᠯᠤᠨ ᠠᠵᠢᠯᠢ ᠥᠷᠭᠥᠯᠵᠢ ᠬᠠᠯᠠᠮᠵᠢᠯᠠᠵᠣ ᠳᠡᠮᠵᠢᠭᠰᠡᠭᠡᠷ ᠢᠷᠡᠭᠰᠡᠨ ᠲᠠ ᠪᠦᠬᠦᠨᠳᠡᠭᠡᠨ ᠲᠠᠯᠠᠷᠬᠠᠵᠣ ᠪᠠᠢ᠌ᠨᠠ᠂ ᠵᠠᠯᠠᠭ᠋ᠠᠭ᠋ᠠᠳ ᠲᠠ ᠪᠦᠬᠦᠨ ᠶᠠᠮᠠᠷ ᠠᠰᠠᠭᠣᠯᠳᠠ ᠪᠣᠶᠣ ᠰᠠᠨᠠᠭᠣᠯᠭᠠ ᠪᠠᠢ᠌ᠪᠠᠯ ᠨᠠᠳᠠᠲᠠᠢ ᠵᠤᠭᠤᠭᠳᠠᠮᠤ！
［ᠬᠦᠳᠥᠯᠥᠭᠴᠢ］ ᠶᠦᠨ ᠲᠢᠩᠬᠢᠮᠤᠨ ᠳᠠᠷᠣᠭᠠ ᠡ᠂ ᠨᠢᠳᠣᠨᠣᠨᠠᠴᠠ ᠠᠪᠣᠭ᠋ᠠᠳ ᠮᠠᠨᠤ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠬᠦᠭᠵᠢᠯᠳᠡ ᠬᠢᠷᠢ ᠵᠡᠷᠭᠡ ᠵᠢᠨ ᠠᠮᠵᠢᠯᠳᠠ ᠪᠦᠳᠤᠭᠡᠯ ᠣᠯᠣᠭᠰᠠᠨ ᠪᠣᠢ？
［ᠶᠦᠨ ᠠᠢ ᠾᠸᠥ］ ᠨᠢᠳᠣᠨᠣᠨᠠᠴᠠ ᠨᠠᠰᠢ᠂ ᠪᠦᠬᠦ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠰᠠᠯᠠᠭᠠ ᠮᠥᠴᠢᠷᠨᠢ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ 《8337》 ᠬᠦᠭᠵᠢᠯᠳᠡ ᠵᠢᠨ ᠰᠡᠳᠬᠢᠮᠵᠢ ᠵᠢ ᠬᠢᠨᠠᠮᠠᠭ᠋ᠠᠢ ᠨᠠᠢ᠌ᠳᠠᠪᠣᠷᠢᠵᠢᠭᠣᠯᠵᠣ᠂ ᠪᠣᠬᠢᠷᠳᠣᠯ ᠥᠬᠡᠢ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠡᠳ᠋ᠰᠢᠬᠦᠯᠤᠨ ᠭᠠᠳᠠᠭᠰᠢ ᠭᠠᠷᠭ᠋ᠠᠬᠣ ᠰᠠᠭᠣᠷᠢᠨ ᠭᠠᠵᠠᠷ ᠪᠠᠢ᠌ᠭᠣᠯᠬᠣ ᠶᠡᠷᠥᠩᠬᠡᠢ ᠱᠠᠭ᠋ᠠᠷᠳᠠᠯᠭᠠ ᠵᠢᠨ ᠲᠤᠭᠤᠷᠢᠨᠳᠤ᠂ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠠᠵᠢᠯᠢ ᠪᠦᠬᠦ ᠬᠦᠴᠦᠨ ᠵᠶ᠋ᠠᠷ ᠳᠥᠯᠬᠢᠨ ᠠᠬᠢᠭᠣᠯᠵᠣ᠂ ᠮᠡᠳᠡᠭᠳᠡᠮᠡ ᠠᠮᠵᠢᠯᠳᠠ ᠣᠯᠵᠠᠢ᠃
ᠨᠢᠬᠡᠳᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠠᠵᠣ ᠦᠢ᠍ᠯᠡᠰᠵᠢᠯᠳᠡ ᠵᠢᠨ ᠳᠣᠭᠳᠠᠭᠣᠨ ᠪᠦᠬᠡᠳ ᠳᠥᠷᠬᠡᠨ ᠬᠦᠭᠵᠢᠯᠳᠡ ᠵᠢ ᠪᠡᠶᠡᠯᠡᠭᠥᠯᠪᠡ᠃ ᠬᠣᠷᠸᠠ ᠠᠵᠣ ᠠᠬᠣᠢ ᠪᠦᠬᠦ ᠳᠠᠯᠠᠪᠠᠷ ᠠᠯᠭᠤᠷᠯᠠᠭᠰᠠᠨ ᠠᠬᠣᠢ ᠪᠠᠢ᠌ᠳᠠᠯ ᠳᠣᠣᠷᠠ᠂ 2013 ᠣᠨᠤ ᠪᠦᠬᠦ ᠣᠷᠣᠨᠤ ᠪᠣᠷᠣᠯᠠᠭᠣᠯᠭᠠ ᠵᠢᠨ ᠣᠷᠣᠯᠭᠠᠨᠢ 500 ᠳᠥᠮᠡᠨ ᠳᠥᠭᠥᠷᠢᠭᠠᠴᠠ ᠳᠠᠪᠠᠭᠰᠠᠨ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠪᠣᠷᠣᠯᠠᠭᠣᠯᠬᠣ ᠠᠵᠦ ᠠᠬᠤᠢ᠌ᠯᠠᠯ 1981ᠳᠤ ᠬᠦᠷᠴᠥ᠂ ᠪᠣᠷᠣᠯᠠᠭᠣᠯᠭᠠ ᠵᠢᠨ ᠣᠷᠣᠯᠭᠠᠨᠢ 3455.6 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭᠢ ᠪᠡᠶᠡᠯᠡᠭᠥᠯᠥᠨ᠂ 14.5% ᠨᠡᠮᠡᠭᠳᠡᠵᠠᠢ； ᠨᠡᠮᠡᠭᠳᠠᠯ ᠥᠷᠳᠡᠭ 1032.9 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭᠢ ᠪᠡᠶᠡᠯᠡᠭᠥᠯᠥᠨ᠂ 13.7% ᠨᠡᠮᠡᠭᠳᠡᠭᠰᠡᠨ ᠪᠠᠢ᠌ᠨᠠ᠂ ᠪᠦᠬᠦ ᠣᠷᠣᠨᠤ ᠬᠡᠪᠴᠢᠶᠡᠵᠢᠯᠠᠴᠠ ᠳᠡᠭᠡᠭᠰᠢᠬᠢ ᠠᠵᠣ ᠦᠢ᠍ᠯᠡᠳᠪᠥᠷᠢ ᠵᠢᠨ ᠨᠡᠮᠡᠭᠳᠡᠯ ᠥᠷᠳᠡᠭᠤᠨ ᠨᠡᠮᠡᠭᠳᠡᠯᠤᠨ ᠬᠣᠷᠳᠣᠴᠠᠲᠠᠢ ᠬᠠᠷᠢᠴᠠᠭᠣᠯᠪᠠᠯ 1.3 ᠵᠠᠭᠣᠨᠤ ᠴᠢᠭ ᠳᠥᠷᠬᠡᠨ ᠪᠠᠢ᠌ᠵᠣ᠂ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠠᠵᠣ ᠠᠬᠣᠢ ᠨᠡᠢ᠌ᠬᠡᠮᠤᠨ ᠬᠦᠭᠵᠢᠯᠳᠡᠳᠤ ᠢᠳᠡᠪᠬᠢᠳᠠᠢ ᠬᠣᠪᠢ ᠨᠡᠮᠡᠷᠢ ᠥᠵᠡᠭᠥᠯᠥᠭᠰᠡᠨ ᠪᠠᠢ᠌ᠨᠠ᠃
ᠬᠣᠶᠠᠷᠲᠤ ᠨᠢᠬᠡ ᠪᠥᠯᠥᠭ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯ ᠪᠠ ᠨᠡᠷᠡᠳᠥ ᠳᠥᠷᠥᠯ ᠳᠡᠮᠳᠡᠭᠢ ᠪᠤᠢ᠌ᠵᠢᠭᠤᠯᠤᠨ ᠪᠣᠵᠠᠭ᠋ᠠᠢ᠌ᠷᠠᠭᠣᠯᠵᠠᠢ᠃ ᠣᠳᠣᠬᠠᠨᠳᠤ᠂ ᠮᠠᠨᠤ ᠣᠷᠣᠨᠳᠤ ᠣᠯᠣᠰᠤᠨ ᠳᠡᠰᠤᠨ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠭᠣᠣᠯᠳᠠᠯᠠᠭ᠋ᠠᠳᠣ ᠠᠵᠣ ᠠᠬᠣᠢ᠌ᠯᠠᠯ 38᠂ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠳᠡᠰᠤᠨ ᠭᠣᠣᠯᠳᠠᠯᠠᠭ᠋ᠠᠳᠣ ᠳᠠᠭ᠋ᠠᠭᠤᠯᠤᠭᠴᠢ ᠠᠵᠣ ᠠᠬᠣᠢ᠌ᠯᠠᠯ 556᠂ ᠵᠠᠬᠠ ᠳᠡᠯᠬᠡᠬᠦᠷᠲᠤ ᠭᠠᠷᠣᠭᠰᠠᠨ ᠺᠣᠮᠫᠠᠨᠢ 9 ᠪᠣᠢ᠃ ᠪᠦᠬᠦ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯ ᠤᠨ ᠬᠦᠷᠳᠡᠨ ᠤᠯᠤᠭᠰᠠᠨ ᠳᠣᠮᠳᠠᠳᠣ ᠣᠯᠣᠰᠤᠨ ᠠᠯᠳᠠᠷᠳᠤ ᠲᠠᠸᠠᠷᠤᠨ ᠳᠡᠮᠳᠡᠭᠨᠢ ᠨᠢᠳᠣᠨᠣᠨ 46 ᠵᠦᠢ᠍ᠯ ᠪᠠᠢ᠌ᠭᠰᠠᠨᠠᠴᠠᠪᠠᠨ ᠪᠠᠰᠠ 13 ᠵᠦᠢ᠍ᠯ ᠨᠡᠮᠡᠭᠳᠡᠵᠥ᠂ ᠨᠡᠢ᠌ᠳᠡ 59 ᠵᠦᠢ᠍ᠯ ᠪᠣᠯᠵᠠᠢ᠃
ᠭᠣᠷᠪᠠᠳᠤ ᠤᠳᠤ ᠦᠶᠡ ᠵᠢᠨ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠠᠵᠣ ᠦᠢ᠍ᠯᠡᠰᠤᠨ ᠰᠢᠰᠲᠸᠮᠵᠢ ᠵᠢᠨ ᠪᠦᠷᠢᠳᠤᠯ ᠪᠠ ᠮᠠᠯᠴᠢᠳ ᠳᠠᠷᠢᠶᠠᠴᠢᠳᠤᠨ ᠵᠣᠬᠢᠶᠠᠨ ᠪᠠᠢ᠌ᠭᠤᠯᠤᠯᠴᠢᠯᠠᠯᠤᠨ ᠬᠡᠮᠵᠢᠶᠡ ᠵᠢ ᠳᠠᠢ᠌ᠴᠢᠯᠠᠨ ᠳᠡᠭᠡᠭᠰᠢᠯᠡᠬᠦᠯᠵᠠᠢ᠃ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠳᠠᠭ᠋ᠠᠭᠣᠯᠣᠯ ᠳᠣᠣᠷᠠ᠂ ᠪᠦᠬᠦ ᠣᠯᠣᠰᠲᠤ ᠨᠡᠷᠡᠳᠠᠢ 《ᠰᠥ᠍ ᠵᠢᠨ ᠢᠷᠡᠯᠳᠡ ᠵᠢᠨ ᠠᠯᠳᠠᠨ ᠪᠥᠰᠡ ᠤᠷᠤᠨ》᠂ 《ᠥᠵᠥᠮᠤᠨ ᠠᠷᠢᠬᠢ ᠵᠢᠨ ᠠᠯᠳᠠᠨ ᠪᠥᠰᠡ ᠤᠷᠤᠨ》᠂ 《ᠳᠥᠮᠥᠰᠥ ᠳᠠᠷᠢᠬᠣ ᠠᠯᠳᠠᠨ ᠪᠦᠰᠡ ᠤᠷᠤᠨ》᠂ 《ᠢᠳᠡᠰᠢᠨ ᠬᠣᠨᠢᠨᠤ ᠠᠵᠣ ᠦᠢ᠍ᠯᠡᠰᠤᠨ ᠪᠥᠰᠡ ᠤᠷᠤᠨ》᠂ 《ᠡᠷᠳᠡᠨᠢ ᠰᠢᠰᠢ ᠵᠢᠨ ᠠᠯᠳᠠᠨ ᠪᠥᠰᠡ ᠤᠷᠤᠨ》 ᠵᠡᠷᠬᠡ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠢ ᠳᠠᠪᠠᠭᠣᠯᠢᠭ ᠠᠵᠣ ᠦᠢ᠍ᠯᠡᠰᠤᠨ ᠪᠦᠰᠡ ᠤᠷᠤᠨ ᠪᠥᠷᠢᠯᠳᠥᠵᠥ᠂ ᠤᠳᠤ ᠦᠶᠡ ᠵᠢᠨ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠠᠵᠣ ᠦᠢ᠍ᠯᠡᠰᠤᠨ ᠰᠢᠰᠲᠸᠮᠵᠢ ᠠᠩᠬᠠ ᠠᠯᠬᠣᠮ ᠪᠥᠷᠢᠯᠳᠥᠭᠰᠡᠨ ᠪᠠᠢ᠌ᠨᠠ᠃ ᠮᠠᠯᠴᠢᠨ ᠳᠠᠷᠢᠶᠠᠴᠢᠨᠤ ᠲᠤᠰᠬᠠᠢ ᠬᠤᠷᠰᠢᠶᠠᠵᠢᠯᠤᠨ ᠵᠣᠬᠢᠶᠠᠨ ᠪᠠᠢ᠌ᠭᠣᠯᠣᠯᠳᠠ 3.7 ᠳᠥᠮᠡᠨᠠᠴᠠ ᠳᠠᠪᠠᠵᠣ᠂ ᠵᠢᠱ᠌ᠢᠶᠡ ᠥᠵᠡᠭᠥᠯᠭᠥ ᠬᠣᠷᠰᠢᠶᠠᠵᠢᠯ ᠤᠨ ᠶᠡᠷᠤᠩᠬᠡᠢ ᠲᠤᠭᠠ 501ᠳᠤ ᠬᠦᠷᠴᠠᠢ᠃
ᠳᠥᠷᠪᠡᠳᠤ ᠰᠢᠶᠠᠨᠤ ᠬᠡᠪᠴᠢᠶᠡᠨᠤ ᠠᠵᠣ ᠠᠬᠣᠢ ᠵᠢᠨ ᠬᠦᠭᠵᠢᠯᠳᠡ ᠪᠠ ᠮᠠᠯᠴᠢᠨ ᠳᠠᠷᠢᠶᠠᠴᠢᠨᠤ ᠣᠷᠣᠯᠭᠠ ᠵᠢᠨ ᠨᠡᠮᠡᠭᠳᠡᠯᠢ ᠠᠬᠢᠭᠣᠯᠵᠠᠢ᠃ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢᠪᠠᠷ ᠭᠣᠣᠯᠯᠠᠭᠣᠯᠣᠭᠰᠠᠨ ᠬᠣᠰᠢᠭᠣ ᠰᠢᠶᠠᠨᠨᠢ ᠳᠣᠰ ᠭᠠᠵᠠᠷ ᠣᠷᠣᠨᠤᠪᠠᠨ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠡᠬᠢ ᠪᠠᠶᠠᠯᠢᠭᠤᠨ ᠳᠠᠪᠠᠭᠣᠯᠢᠭ ᠳᠠᠯᠠᠳᠠᠭᠠᠨ ᠳᠥᠰᠢᠭᠯᠡᠨ᠂ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠥᠨ ᠡᠵᠡᠩᠨᠡᠬᠦ ᠵᠠᠮ ᠵᠶ᠋ᠠᠷ ᠵᠠᠮᠨᠠᠬᠣ ᠵᠢ ᠪᠠᠷᠢᠮᠳᠠᠯᠠᠵᠣ᠂ ᠨᠢᠭᠡ ᠪᠦᠯᠦᠭ ᠡᠳ᠋ᠰᠢᠬᠦᠯᠬᠦ ᠴᠢᠳᠠᠪᠣᠷᠢᠪᠠᠷ ᠴᠢᠩᠭᠠ᠂ ᠦᠢ᠍ᠯᠡᠳᠬᠦᠨᠤ ᠨᠡᠮᠡᠭᠳᠡᠯ ᠥᠷᠳᠡᠭ ᠥᠨᠳᠥᠷ ᠰᠢᠯᠢᠳᠡᠭ ᠠᠵᠣ ᠠᠬᠣᠢ᠌ᠯᠠᠯᠤᠳᠢ ᠪᠤᠢ᠌ᠵᠢᠭᠤᠯᠵᠦ᠂ ᠰᠢᠶᠠᠨᠤ ᠬᠡᠪᠴᠢᠶᠡᠨᠤ ᠠᠵᠣ ᠠᠬᠣᠢ ᠵᠢᠨ ᠬᠦᠭᠵᠢᠯᠳᠡ ᠵᠢᠨ ᠭᠣᠣᠯᠯᠠᠬᠣ ᠬᠦᠴᠦᠨ ᠪᠤᠯᠭ᠋ᠠᠭᠰᠠᠨ ᠪᠠᠢ᠌ᠨᠠ᠃ 2013 ᠣᠨᠳᠤ᠂ ᠪᠦᠬᠦ ᠣᠷᠣᠨᠳᠤ 212.6 ᠳᠥᠮᠡᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠥᠨ ᠡᠵᠡᠩᠨᠡᠬᠦ ᠬᠡᠯᠬᠢᠶᠡᠰᠥᠳᠤ ᠣᠷᠣᠵᠣ᠂ ᠠᠵᠣ ᠦᠢ᠍ᠯᠡᠰᠵᠢᠯᠳᠡ ᠵᠢᠨ ᠠᠷᠭᠠ ᠵᠠᠮ ᠵᠶ᠋ᠠᠷ ᠳᠠᠮᠵᠢᠭᠣᠯᠣᠨ ᠮᠠᠯᠴᠢᠨ ᠳᠠᠷᠢᠶᠠᠴᠢᠨᠤ ᠬᠦᠮᠥᠨ ᠪᠥᠷᠢ ᠵᠢᠨ ᠳᠤᠮᠳᠠᠴᠢ ᠴᠡᠪᠡᠷ ᠣᠷᠣᠯᠭᠠ ᠵᠢ 3730 ᠳᠥᠭᠥᠷᠢᠭᠲᠤ ᠬᠦᠷᠦᠬᠦᠯᠵᠦ᠂ ᠬᠦᠮᠥᠨ ᠪᠥᠷᠢ ᠵᠢᠨ ᠳᠤᠮᠳᠠᠴᠢ ᠴᠡᠪᠡᠷ ᠣᠷᠣᠯᠭᠠ ᠵᠢᠨ 43.4% ᠵᠢ ᠡᠵᠡᠯᠡᠵᠠᠢ᠃
ᠳᠠᠪᠣᠳᠤ ᠠᠵᠣ ᠠᠬᠣᠢ ᠪᠠ ᠨᠡᠢ᠌ᠬᠡᠮᠤᠨ ᠨᠡᠯᠢᠶᠡᠳ ᠰᠠᠢ᠌ᠨ ᠥᠷᠡ ᠠᠰᠢᠭ ᠢ ᠪᠣᠢ ᠪᠣᠯᠭ᠋ᠠᠪᠠ᠃ 2013 ᠣᠨᠳᠤ᠂ ᠠᠵᠣ ᠦᠢ᠍ᠯᠡᠰᠵᠢᠯᠳᠡ ᠵᠢᠨ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠣᠯᠣᠰᠲᠤ ᠳᠣᠰᠢᠶᠠᠭᠰᠠᠨ ᠭᠠᠢ᠌ᠯᠢ ᠵᠢᠨ ᠮᠦᠩᠬᠦ 92.8 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭᠲᠤ ᠬᠦᠷᠴᠥ᠂ ᠳᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠬᠣᠳᠠᠯᠳᠣᠨ ᠠᠪᠣᠭᠰᠠᠨ ᠪᠡᠯᠡ ᠮᠥᠩᠭᠥ 1055 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭᠲᠤ ᠬᠦᠷᠪᠡ； ᠳᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠡᠳ᠋ᠰᠢᠬᠦᠯᠬᠦ ᠠᠵᠣ ᠠᠬᠣᠢ᠌ᠯᠠᠯᠤᠨ ᠨᠡᠮᠡᠭᠳᠡᠯ ᠥᠷᠳᠡᠭᠨᠢ ᠪᠦᠬᠦ ᠣᠷᠣᠨᠤ ᠬᠡᠪᠴᠢᠶᠡᠵᠢᠯᠠᠴᠠ ᠳᠡᠭᠡᠭᠰᠢᠬᠢ ᠠᠵᠣ ᠦᠢ᠍ᠯᠡᠳᠪᠥᠷᠢ ᠵᠢᠨ ᠨᠡᠮᠡᠭᠳᠡᠯ ᠥᠷᠳᠡᠭᠤᠨ 16% ᠵᠢ ᠡᠵᠡᠯᠡᠵᠥ᠂ ᠨᠡᠬᠦᠷᠡᠰᠥ ᠪᠠ ᠳᠡᠮᠥᠷᠯᠢᠭᠤᠨ ᠳᠠᠷᠠᠭ᠋ᠠᠬᠢ ᠭᠣᠷᠪᠠᠳᠣᠭ᠋ᠠᠷ ᠳᠣᠮᠣ ᠳᠣᠯᠭ᠋ᠠᠭᠣᠷᠢ ᠠᠵᠣ ᠦᠢ᠍ᠯᠡᠰ ᠪᠣᠯᠣᠭᠰᠠᠨ ᠪᠠᠢ᠌ᠨᠠ᠃
ᠵᠢᠷᠭᠣᠭᠠᠳᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠠᠵᠢᠯᠨᠢ ᠰᠢᠨᠡ ᠰᠢᠪᠳᠣᠯᠣᠯᠳᠠ ᠵᠢ ᠣᠯᠪᠠ᠃ ᠨᠢᠳᠣᠨᠣᠨᠠᠴᠠ ᠨᠠᠰᠢ᠂ ᠪᠢᠳᠡ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠵᠢ ᠵᠢᠭ᠋ᠠᠨ ᠵᠢᠯᠤᠭᠤᠳᠬᠤ᠂ ᠦᠢ᠍ᠯᠡᠴᠢᠯᠡᠬᠦ ᠪᠠ ᠳᠥᠷᠥ ᠵᠢᠨ ᠪᠣᠳᠣᠯᠭᠠ ᠪᠠᠷ ᠳᠡᠳᠬᠦᠬᠦ ᠡᠷᠴᠢᠮ ᠵᠶ᠋ᠠᠨ ᠳᠠᠰᠣᠷᠠᠯᠳᠠ ᠥᠬᠡᠢ ᠴᠢᠩᠭ᠋ᠠᠷᠠᠭᠣᠯᠪᠠ᠃ ᠵᠣᠬᠢᠶᠠᠨ ᠪᠠᠢ᠌ᠭᠤᠯᠤᠨ ᠣᠳᠣᠷᠢᠳᠬᠣ ᠳᠠᠯᠠᠪᠠᠷ᠂ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠠᠵᠣ ᠦᠢ᠍ᠯᠡᠰᠵᠢᠯᠳᠡ ᠵᠢ ᠠᠬᠢᠭᠣᠯᠬᠣ ᠣᠳᠣᠷᠢᠳᠬᠣ ᠪᠠᠭᠢ ᠲᠤᠬᠢᠷᠠᠭᠤᠯᠤᠭᠰᠠᠨ ᠪᠠ ᠳᠡᠭᠥᠯᠳᠡᠷᠵᠢᠭᠥᠯᠵᠥ᠂ ᠮᠥᠩᠭᠥᠨ ᠬᠦᠢ᠍ᠯᠬᠡᠬᠡᠨᠤ ᠠᠵᠢᠯᠤᠨ ᠠᠯᠪᠠᠨ ᠬᠡᠷ᠂ ᠪᠠᠩᠬᠢ ᠵᠢᠨ ᠦᠢ᠍ᠯᠡᠰᠤᠨ ᠬᠢᠨᠠᠯᠳᠠ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠲᠤᠪᠴᠢᠶᠠ ᠪᠣᠯᠣᠨ ᠬᠦᠳᠡᠬᠡ ᠳᠣᠰᠬᠣᠨᠤ ᠢᠳᠡᠬᠡᠮᠵᠢ ᠵᠢᠨ ᠬᠣᠷᠰᠢᠶᠠ ᠵᠢ ᠬᠡᠰᠢᠭᠥᠨ ᠨᠢᠬᠡᠴᠢ ᠪᠤᠯᠭ᠋ᠠᠵᠦ᠂ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠠᠵᠢᠯᠢ ᠮᠦᠩᠭᠦᠨ ᠬᠦᠢ᠍ᠯᠬᠡᠭᠡᠪᠠᠷ ᠳᠡᠳᠬᠦᠬᠦ ᠡᠷᠴᠢᠮᠢ ᠴᠢᠩᠭ᠋ᠠᠷᠠᠭᠣᠯᠪᠠ᠃ ᠳᠥᠷᠥ ᠵᠢᠨ ᠪᠣᠳᠣᠯᠭᠠ ᠵᠢᠨ ᠪᠠᠳᠣᠯᠠᠭᠠ ᠵᠢᠨ ᠳᠠᠯᠠᠪᠠᠷ᠂ ᠨᠢᠳᠣᠨᠣᠨ ᠮᠠᠨᠤ ᠣᠷᠣᠨ 《ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠬᠦᠭᠵᠢᠯᠳᠠ ᠵᠢ ᠲᠡᠳᠬᠦᠬᠦ ᠳᠣᠬᠠᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠰᠠᠨᠠᠯ》 （ᠥᠪᠥᠷ ᠵᠠᠰᠠᠭ ᠳᠠᠷᠬᠠᠭ᠋ᠠᠭᠰᠠᠨ［2013］28 ᠳ᠋ᠣᠭ᠋ᠠᠷ ᠳᠣᠭ᠋ᠠᠳᠣ） ᠪᠣᠯᠣᠨ 《ᠢᠮᠠᠭ᠋ᠠᠨ ᠨᠣᠯᠣᠣᠷᠤᠨ ᠦᠢ᠍ᠯᠡᠰᠢ ᠬᠦᠭᠵᠢᠭᠥᠯᠭᠥ ᠳᠣᠬᠠᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠰᠠᠨᠠᠯ （ᠥᠪᠥᠷ ᠵᠠᠰᠠᠭ ᠳᠠᠷᠬᠠᠭ᠋ᠠᠭᠰᠠᠨ［2013］74 ᠳ᠋ᠤᠭᠡᠷ ᠳᠣᠭ᠋ᠠᠳᠣ）ᠢ ᠲᠤᠭᠳᠠᠭ᠋ᠠᠨ ᠨᠡᠢ᠌ᠳᠡᠯᠡᠭᠡᠳ᠂ ᠢᠮᠠᠭ᠋ᠠᠨ ᠨᠣᠯᠣᠣᠷᠢ ᠳᠥᠷ ᠴᠠᠭ ᠬᠤᠷᠢᠶᠠᠨ ᠬᠠᠳᠠᠭ᠋ᠠᠯᠠᠬᠣ ᠳᠥᠷᠥ ᠵᠢᠨ ᠪᠣᠳᠣᠯᠭᠠ ᠵᠢ ᠬᠡᠪᠤᠨ ᠴᠢᠨᠠᠷᠲᠠᠢ ᠪᠣᠯᠭ᠋ᠠᠪᠠ᠃ ᠡᠨᠡ ᠵᠢᠯ᠂ ᠮᠠᠨᠤ ᠲᠢᠩᠬᠢᠮᠨᠢ ᠳᠠᠢ᠌ᠴᠢᠯᠠᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠪᠤᠢ᠌ᠵᠢᠭᠤᠯᠬᠤ ᠠᠬᠢᠴᠠ ᠵᠢ ᠳᠥᠷᠬᠡᠳᠬᠡᠵᠥ᠂ ᠠᠵᠣ ᠦᠢ᠍ᠯᠡᠰᠤᠨ ᠲᠦᠪᠯᠡᠷᠡᠯᠤᠨ ᠬᠦᠭᠵᠢᠯᠳᠡ ᠵᠢ ᠠᠬᠢᠭᠣᠯᠣᠨ᠂ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠥᠨ ᠡᠵᠡᠩᠨᠡᠬᠦ ᠲᠦᠪᠰᠢᠨᠢ ᠳᠡᠭᠡᠭᠰᠢᠯᠡᠬᠦᠯᠭᠥ ᠳᠠᠯᠠᠪᠠᠷ᠂ ᠸᠠᠩ ᠵᠢᠶᠦ᠋ᠨ ᠱᠥᠵᠢᠳᠤ ᠮᠡᠳᠡᠭᠦᠯᠤᠯᠳᠠ ᠲᠡᠪᠰᠢᠬᠦᠯᠵᠦ᠂ ᠸᠠᠩ ᠵᠢᠶᠦ᠋ᠨ ᠱᠥᠵᠢ ᠪᠣᠯᠣᠨ ᠸᠠᠩ ᠢᠦᠢ ᠮᠢᠩ ᠳᠡᠳ᠋ ᠳᠡᠷᠢᠭᠥᠯᠡᠭᠴᠢᠠᠴᠠ ᠳᠡᠭᠡᠳᠤ ᠬᠡᠮᠵᠢᠶᠡᠪᠠᠷ ᠴᠢᠬᠣᠯᠠᠴᠢᠯᠠᠨ ᠥᠵᠡᠵᠥ ᠬᠦᠢ᠍ᠴᠡᠳ ᠨᠤᠳᠠᠯᠠᠭᠰᠠᠨᠤ ᠬᠠᠮᠳᠣ ᠣᠷᠢᠳ ᠬᠣᠵᠢᠳ ᠴᠢᠬᠣᠯᠠ ᠴᠣᠬᠣᠯᠠᠪᠣᠷᠢ ᠥᠭᠪᠡ᠃ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠵᠠᠰᠠᠬᠣ ᠣᠷᠣᠨᠤ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠣᠳᠣᠷᠢᠳᠣᠯᠭᠠ ᠵᠢᠨ ᠴᠤᠬᠤᠯᠠᠪᠤᠷᠢ ᠵᠢᠨ ᠵᠣᠷᠢᠭ ᠰᠠᠨᠠᠭᠠᠪᠠᠷ ᠪᠢᠳᠡ ᠮᠡᠳᠡᠭᠦᠯᠤᠯᠳᠡ ᠵᠢᠨ ᠠᠭᠣᠯᠭᠠᠳᠠᠭᠠᠨ ᠣᠯᠠᠮ ᠨᠢᠬᠡ ᠠᠯᠬᠣᠮ ᠵᠠᠰᠠᠪᠤᠷᠢ ᠤᠷᠤᠭᠤᠯᠤᠭᠰᠠᠨᠤ ᠰᠡᠭᠦᠯᠡᠷ᠂ ᠤᠳᠠᠯ ᠦᠬᠡᠢ ᠥᠪᠡᠷᠳᠡᠭᠡᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠳᠤ ᠮᠡᠳᠡᠬᠦᠯᠵᠦ ᠂ 《ᠳᠠᠢ᠌ᠴᠢᠯᠠᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠪᠤᠢ᠌ᠵᠢᠭᠤᠯᠬᠤ ᠵᠢ ᠳᠥᠷᠬᠡᠳᠬᠡᠨ᠂ ᠠᠵᠣ ᠦᠢ᠍ᠯᠡᠰ ᠤᠨ ᠲᠦᠪᠯᠡᠷᠡᠯᠤᠨ ᠬᠦᠭᠵᠢᠯᠳᠡ ᠵᠢ ᠳᠥᠯᠬᠢᠨ ᠠᠬᠢᠭᠣᠯᠵᠣ᠂ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠬᠦᠯᠤᠨ ᠡᠵᠡᠩᠨᠡᠬᠦ ᠵᠢ ᠳᠡᠭᠡᠭᠰᠢᠯᠡᠭᠥᠯᠭᠥ ᠳᠣᠬᠠᠢ ᠰᠠᠨᠠᠯ 》ᠢ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠵᠠᠰᠠᠭᠤᠨ ᠣᠷᠳᠣᠨᠤ ᠨᠡᠷᠡᠪᠠᠷ ᠨᠡᠢ᠌ᠳᠡᠯᠡᠬᠦᠯᠬᠦᠪᠠᠷ ᠪᠠᠢ᠌ᠨᠠ᠂ ᠡᠬᠦᠨ ᠤ ᠬᠠᠮᠳᠣ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠲᠦᠷᠦᠯ ᠳᠡᠮᠳᠡᠭ ᠢ ᠪᠠᠢ᠌ᠭᠣᠯᠬᠣ ᠵᠢᠨ ᠳᠥᠯᠥᠬᠡ ᠮᠠᠨᠤ ᠲᠢᠩᠬᠢᠮᠨᠢ 《ᠲᠦᠷᠦᠯ ᠳᠡᠮᠳᠡᠭ ᠪᠦᠬᠦᠢ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠬᠦᠭᠵᠢᠯᠳᠡ ᠵᠢᠨ ᠠᠬᠢᠴᠠ ᠵᠢ ᠳᠥᠷᠬᠡᠳᠬᠡᠬᠦ ᠳᠣᠬᠠᠢ ᠰᠠᠨᠠᠯ 》ᠢ ᠲᠤᠷᠠᠳᠴᠤ᠂ ᠮᠦᠨᠬᠦ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠵᠠᠰᠠᠭᠤᠨ ᠣᠷᠳᠣᠨᠤ ᠨᠡᠷᠡᠪᠠᠷ ᠠᠯᠪᠠᠨ ᠶᠣᠰᠣᠨᠤ ᠰᠠᠨᠠᠯ ᠪᠤᠯᠭ᠋ᠠᠨ ᠨᠡᠢ᠌ᠳᠡᠯᠡᠬᠦᠯᠬᠦᠪᠠᠷ ᠪᠠᠢ᠌ᠨᠠ᠃ ᠪᠡᠯᠡ ᠮᠥᠩᠭᠥ ᠵᠢᠨ ᠤᠷᠤᠭᠤᠯᠤᠯᠳᠠ ᠵᠢ ᠨᠠᠢ᠌ᠳᠠᠪᠣᠷᠢᠵᠢᠭᠣᠯᠬᠣ ᠳᠠᠯᠠᠪᠠᠷ᠂ ᠨᠢᠳᠣᠨᠣᠨ᠂ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠳᠣᠰᠬᠠᠢ ᠵᠦᠢ᠍ᠯᠤᠨ ᠪᠡᠯᠡ ᠮᠥᠩᠭᠥ ᠪᠣᠯᠣᠨ ᠢᠮᠠᠭ᠋ᠠᠨ ᠨᠣᠯᠣᠣᠷᠤᠨ ᠠᠵᠣ ᠦᠢ᠍ᠯᠡᠰᠢ ᠳᠡᠳᠬᠦᠬᠦ ᠪᠡᠯᠡ ᠮᠥᠩᠭᠥ ᠳᠣᠰ ᠳᠣᠰ 1 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭ ᠪᠠ 1.2 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭᠲᠤ ᠬᠦᠷᠪᠡ᠃ ᠡᠬᠦᠨᠤ ᠬᠠᠮᠳᠣ᠂ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠶᠠᠮᠣᠨᠠᠴᠠ ᠭᠠᠷᠣᠯᠳᠠ ᠵᠢᠨ ᠣᠷᠣᠨᠳᠤ ᠠᠩᠬᠠ ᠡᠳ᠋ᠰᠢᠬᠦᠯᠤᠨ ᠠᠷᠠᠳᠲᠤ ᠠᠰᠢᠭ ᠬᠦᠷᠳᠡᠭᠡᠬᠦ ᠢᠨᠵᠸᠨ᠋ᠸᠷᠢᠩᠤᠨ ᠪᠡᠯᠡ ᠮᠥᠩᠭᠥ ᠵᠢ 5000 ᠳᠥᠮᠡᠨ ᠳᠥᠭᠥᠷᠢᠭ ᠣᠯᠬᠣᠪᠠᠷ ᠴᠢᠷᠮᠠᠢ᠌ᠵᠣ ᠪᠠᠢ᠌ᠨᠠ᠃ ᠳᠣᠬᠠᠢ᠌ᠯᠠᠭᠰᠠᠨ ᠠᠵᠢᠯᠢ ᠵᠢᠭ᠋ᠠᠨ ᠵᠢᠯᠣᠭᠣᠳᠬᠣ ᠳᠠᠯᠠᠪᠠᠷ᠂ ᠨᠢᠳᠣᠨᠣᠨ᠂ ᠢᠮᠠᠭ᠋ᠠᠨ ᠨᠣᠯᠣᠣᠷᠤᠨ ᠠᠵᠣ ᠦᠢ᠍ᠯᠡᠰᠤᠨ ᠳᠣᠰᠬᠠᠢ ᠵᠦᠢ᠍ᠯᠢ ᠳᠥᠯᠬᠢᠨ ᠠᠬᠢᠭᠣᠯᠬᠣ ᠬᠣᠷᠠᠯ ᠬᠢᠵᠦ᠂ ᠣᠷᠢᠳ ᠬᠣᠵᠢᠳ ᠪᠦᠬᠦ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠥᠨ ᠡᠵᠡᠩᠨᠡᠬᠦ ᠠᠬᠣᠢ ᠳᠠᠯᠠᠪᠣᠷᠤᠨ ᠥᠵᠡᠭᠥᠯᠥᠯᠬᠡ ᠵᠢᠨ ᠬᠣᠷᠠᠯ᠂ ᠪᠦᠬᠦ ᠣᠷᠣᠨᠤ ᠪᠣᠬᠢᠷᠳᠣᠯ ᠥᠬᠡᠢ ᠳᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠡᠳ᠋ᠰᠢᠬᠦᠯᠵᠦ ᠭᠠᠳᠠᠭᠰᠢ ᠭᠠᠷᠭ᠋ᠠᠬᠣ ᠰᠠᠭᠣᠷᠢᠨ ᠭᠠᠵᠠᠷ ᠤᠨ ᠪᠦᠳᠤᠭᠡᠨ ᠪᠠᠢ᠌ᠭᠤᠯᠤᠯᠳᠠ ᠵᠢᠨ ᠪᠡᠯᠡ ᠤᠷᠤᠭᠤᠯᠤᠯᠳᠠ ᠠᠷᠠᠯᠵᠢᠶᠠ ᠵᠢᠨ ᠵᠥᠪᠳᠡᠨ ᠬᠡᠯᠡᠯᠴᠡᠬᠦ ᠬᠣᠷᠠᠯ᠂ ᠥᠪᠥᠷ ᠮᠣᠩᠭᠣᠯᠤᠨ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠶᠠᠷᠢᠯᠴᠠᠬᠤ ᠬᠣᠷᠠᠯ᠂ ᠠᠩᠬᠠᠳᠣᠭ᠋ᠠᠷ ᠬᠣᠭᠣᠴᠠᠭ᠋ᠠᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠪᠤᠬᠢᠷᠳᠤᠯ ᠦᠬᠡᠢ ᠳᠠᠷᠢᠶᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠥᠵᠡᠰᠭᠥᠯᠡᠩ ᠪᠣᠯᠣᠨ ᠥᠪᠥᠷ ᠮᠣᠩᠭᠣᠯ （ᠵᠠᠯᠠᠨ ᠠᠢ᠌ᠯ）ᠤᠨ ᠵᠢᠷᠭᠣᠳᠣᠭ᠋ᠠᠷ ᠬᠣᠭᠣᠴᠠᠭ᠋ᠠᠨᠤ ᠪᠣᠬᠢᠷᠳᠣᠯ ᠥᠬᠡᠢ ᠢᠳᠡᠬᠡᠨᠤ ᠰᠣᠯᠢᠯᠴᠠᠭ᠋ᠠᠨᠤ ᠬᠣᠷᠠᠯ ᠵᠡᠷᠬᠡ ᠵᠢ ᠡᠷᠬᠢᠯᠡᠨ ᠶᠠᠪᠣᠭᠳᠠᠭᠣᠯᠪᠠ᠃ ᠡᠨᠡ ᠵᠢᠯᠤᠨ 4 ᠳ᠋ᠤᠭᠡᠷ ᠰᠠᠷᠠ ᠵᠢᠨ 21ᠤ ᠡᠳᠥᠷ᠂ ᠪᠦᠬᠦ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠠᠵᠢᠯᠤᠨ ᠬᠣᠷᠠᠯ ᠵᠢᠴᠢ ᠥᠪᠥᠷ ᠮᠣᠩᠭᠣᠯᠤᠨ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠨᠡᠢ᠌ᠭᠡᠮᠯᠡᠭᠤᠨ ᠠᠩᠬᠠᠳᠤᠭ᠋ᠠᠷ ᠬᠣᠭᠣᠴᠠᠭ᠋ᠠᠨᠤ ᠬᠣᠶᠠᠳᠣᠭ᠋ᠠᠷ ᠣᠳᠠᠭ᠋ᠠᠨᠤ ᠬᠡᠰᠢᠭᠥᠳᠤᠨ ᠳᠥᠯᠥᠬᠡᠯᠡᠭᠴᠢᠳᠤᠨ ᠶᠡᠬᠡ ᠬᠣᠷᠠᠯᠢ ᠬᠣᠷᠠᠯᠳᠣᠭᠣᠯᠪᠠ᠂ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠵᠠᠰᠠᠭᠤᠨ ᠣᠷᠳᠣᠨᠤ ᠳᠡᠳ᠋ ᠳᠡᠷᠢᠭᠥᠯᠡᠭᠴᠢ ᠸᠠᠩ ᠢᠦᠢ ᠮᠢᠩ ᠬᠣᠷᠠᠯᠳᠤ ᠤᠷᠤᠯᠴᠠᠨ ᠴᠢᠬᠣᠯᠠ ᠶᠠᠷᠢᠶᠠ ᠳᠠᠯᠪᠢᠵᠣ᠂ ᠪᠦᠬᠦ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠵᠢ ᠳᠥᠯᠬᠢᠨ ᠠᠬᠢᠭᠣᠯᠬᠣ ᠵᠢᠴᠢ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠨᠡᠢ᠌ᠬᠡᠮᠯᠢᠭᠤᠨ ᠠᠵᠢᠯᠢ ᠰᠣᠳᠣᠯᠣᠨ ᠪᠠᠢ᠌ᠷᠢᠯᠠᠭᠣᠯᠣᠭᠰᠠᠨ ᠪᠠᠢ᠌ᠨᠠ᠃ ᠠᠵᠢᠯᠳᠠᠭᠠᠨ ᠰᠢᠨᠡ ᠵᠢ ᠡᠭᠦᠳᠬᠦ ᠳᠠᠯᠠ ᠪᠠᠷ᠂ ᠨᠢᠳᠣᠨᠣᠨ᠂ ᠠᠩᠬᠠᠳᠤᠭ᠋ᠠᠷ ᠬᠣᠭᠣᠴᠠᠭ᠋ᠠᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠨᠡᠷᠡᠳᠥ ᠰᠢᠯᠢᠳᠡᠭ ᠣᠨᠴᠠ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠰᠢᠯᠭ᠋ᠠᠨ ᠳᠣᠭᠳᠠᠭ᠋ᠠᠬᠣ ᠠᠵᠢᠯ ᠥᠷᠨᠢᠭᠥᠯᠵᠥ᠂ 68 ᠠᠵᠣ ᠠᠬᠣᠢ᠌ᠯᠠᠯᠤᠨ 84 ᠦᠢ᠍ᠯᠡᠳᠬᠦᠨᠨᠢ ᠨᠡᠷᠡᠳᠥ ᠰᠢᠯᠢᠳᠡᠭ ᠣᠨᠴᠠ ᠦᠢ᠍ᠯᠡᠳᠬᠦᠨ ᠵᠶ᠋ᠠᠷ ᠦᠨᠡᠯᠡᠭᠳᠡᠪᠡ； ᠰᠢᠯᠢ ᠵᠢᠨ ᠭᠣᠣᠯ ᠠᠢ᠌ᠮᠠᠭᠢ ᠬᠠᠪᠰᠤᠷᠤᠨ ᠢᠳᠡᠰᠢᠨ ᠬᠣᠨᠢᠨᠤ ᠠᠵᠣ ᠦᠢ᠍ᠯᠡᠰᠤᠨ ᠴᠢᠨᠠᠷ ᠢ ᠮᠥᠷᠳᠡᠬᠦ ᠰᠢᠰᠲᠸᠮᠵᠢ ᠵᠢᠨ ᠪᠦᠳᠦᠬᠡᠨ ᠪᠠᠢ᠌ᠭᠣᠯᠣᠯᠳᠠ ᠵᠢ ᠥᠷᠨᠢᠭᠥᠯᠪᠡ； ᠥᠪᠥᠷ ᠮᠣᠩᠭᠣᠯᠤᠨ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠪᠡᠯᠡ ᠲᠤᠬᠢᠷᠠᠭᠤᠯᠭᠠ ᠵᠢᠨ ᠪᠠᠳᠤᠯᠠᠭᠠ ᠵᠢᠨ ᠺᠣᠮᠫᠠᠨᠢ ᠵᠢ ᠡᠬᠢᠯᠡᠵᠥ ᠪᠡᠯᠡᠳᠭᠡᠨ ᠪᠠᠢ᠌ᠭᠣᠯᠵᠣ᠂ ᠵᠠᠰᠠᠭᠤᠨ ᠣᠷᠳᠣᠨ ᠪᠡᠯᠡ ᠣᠷᠣᠭᠣᠯᠬᠣ ᠵᠢᠨ ᠬᠠᠮᠳᠣ ᠠᠵᠣ ᠠᠬᠣᠢ᠌ᠯᠠᠯᠤᠨ ᠪᠡᠯᠡ ᠮᠥᠩᠭᠥ ᠵᠢ ᠳᠠᠳᠠᠨ ᠣᠷᠣᠭᠣᠯᠵᠣ᠂ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠳᠤ ᠪᠡᠯᠡ ᠳᠤᠬᠢᠷᠠᠭᠤᠯᠭᠠ ᠵᠢᠨ ᠪᠠᠳᠤᠯᠠᠭᠠ ᠵᠢᠨ ᠦᠢ᠍ᠯᠡᠴᠢᠯᠡᠬᠡ ᠬᠠᠩᠭ᠋ᠠᠵᠣ ᠥᠭᠪᠡ᠃
［ᠶᠦᠨ ᠠᠢ ᠾᠸᠥ］ ᠳᠣᠯᠣᠭᠠᠳᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠨᠡᠢ᠌ᠭᠡᠮᠯᠢᠭᠤᠨ ᠠᠵᠢᠯᠨᠢ ᠠᠩᠬᠠ ᠠᠯᠬᠤᠮ ᠠᠮᠵᠢᠯᠳᠠ ᠤᠯᠪᠠ᠃ ᠨᠢᠳᠣᠨᠣᠨᠤ 3 ᠳ᠋ᠣᠭ᠋ᠠᠷ ᠰᠠᠷᠠᠳᠤ ᠪᠠᠢ᠌ᠭᠣᠯᠣᠭᠳᠠᠭᠰᠠᠨᠠᠴᠠᠪᠠᠨ ᠠᠪᠣᠭ᠋ᠠᠳ᠂ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠨᠡᠢ᠌ᠬᠡᠮᠯᠢᠭᠨᠢ ᠠᠵᠢᠯᠤᠨ ᠡᠭᠦᠷᠭᠡ ᠬᠠᠷᠢᠭ᠋ᠠᠴᠠᠯᠭᠠᠪᠠᠨ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠢ ᠬᠦᠢ᠍ᠴᠡᠳᠭᠡᠵᠦ᠂ ᠶᠡᠬᠡ ᠬᠡᠮᠵᠢᠶᠡᠨᠤ ᠠᠮᠵᠢᠯᠳᠠ ᠪᠦᠳᠤᠭᠡᠯᠲᠠᠢ ᠠᠵᠢᠯᠤᠳᠢ ᠬᠢᠪᠡ᠃ ᠬᠤᠳᠠᠯᠳᠤᠭᠠ ᠪᠤᠷᠤᠯᠠᠭᠤᠯᠭᠠ ᠵᠢᠨ ᠳᠠᠪᠴᠠᠩ ᠪᠠᠢ᠌ᠭᠤᠯᠬᠤ᠂ ᠣᠷᠣᠨᠤ ᠭᠠᠳᠠᠨᠠᠬᠢ ᠵᠠᠬᠠ ᠳᠡᠯᠬᠡᠬᠦᠷᠢ ᠦᠷᠬᠡᠳᠭᠡᠬᠦ᠂ ᠠᠵᠣ ᠠᠬᠣᠢ᠌ᠯᠠᠯᠤᠨ ᠲᠦᠷᠦᠯ ᠳᠡᠮᠳᠡᠭᠤᠨ ᠳᠥᠷᠢ ᠵᠢ ᠳᠡᠭᠡᠭᠰᠢᠯᠡᠬᠦᠯᠭᠥ ᠳᠠᠯᠠᠪᠠᠷ᠂ ᠨᠢᠳᠤᠨᠤᠨ᠂ ᠨᠡᠢ᠌ᠬᠡᠮᠯᠢᠭᠨᠢ ᠪᠡᠬᠡᠵᠢᠩ ᠪᠠ ᠱᠠᠩᠬᠠᠢᠳᠤ ᠳᠣᠰ ᠳᠣᠰ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ ᠪᠠᠢ᠌ᠭᠣᠯᠵᠣ᠂ ᠥᠪᠥᠷ ᠮᠣᠩᠭᠣᠯᠤᠨ ᠨᠡᠷᠡᠳᠥ ᠰᠢᠯᠢᠳᠡᠭ ᠣᠨᠴᠠ ᠳᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠥᠵᠡᠰᠭᠥᠯᠡᠩᠤᠨ ᠣᠷᠳᠣᠨ ᠪᠠᠢ᠌ᠭᠣᠯᠣᠨ᠂ ᠮᠠᠨᠤ ᠣᠷᠣᠨᠤ ᠪᠣᠬᠢᠷᠳᠣᠯ ᠥᠬᠡᠢ ᠴᠢᠨᠠᠷ ᠰᠠᠢ᠌ᠲᠠᠢ ᠳᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠳᠥᠪᠯᠡᠷᠡᠭᠥᠯᠥᠨ ᠳᠡᠯᠬᠡᠨ ᠦᠵᠡᠬᠦᠯᠤᠭᠡᠳ᠂ ᠡᠨᠡᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠣᠯᠣᠰᠤᠨ ᠳᠣᠳᠣᠭ᠋ᠠᠳᠣᠳᠠᠬᠢ ᠶᠡᠬᠡ ᠬᠤᠳᠠᠳᠲᠤ ᠨᠡᠷᠡᠳᠥ ᠰᠢᠯᠢᠳᠡᠭ ᠣᠨᠴᠠ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡᠪᠠᠨ ᠳᠡᠯᠬᠡᠨ ᠪᠤᠷᠤᠯᠠᠭᠤᠯᠵᠦ ᠳᠠᠭᠣᠰᠣᠰᠢ ᠦᠬᠡᠢ ᠥᠵᠡᠰᠭᠥᠯᠡᠩ ᠪᠤᠯᠤᠭᠰᠠᠨ ᠪᠦᠭᠡᠳ ᠨᠡᠢ᠌ᠬᠡᠮᠯᠢᠭᠤᠨ 400 ᠢᠯᠡᠬᠦᠦ ᠬᠡᠰᠢᠭᠥᠨ ᠨᠢᠭᠡᠴᠡᠳᠡᠭᠡᠨ ᠪᠡᠬᠡᠵᠢᠩ ᠱᠠᠩᠬᠠᠢ ᠵᠢᠴᠢ ᠬᠦᠬᠡᠮᠥ᠋ᠷᠡᠨᠤ ᠭᠣᠷᠪᠠᠯᠵᠢᠨ ᠬᠣᠢ᠌ᠭᠤᠨ ᠵᠠᠬᠠ ᠳᠡᠯᠬᠡᠬᠦᠷᠢ ᠦᠷᠬᠡᠳᠬᠡᠬᠦᠳᠤᠨᠢ᠂ ᠮᠠᠰᠢ ᠰᠠᠢ᠌ᠨ ᠦᠵᠡᠬᠦᠯᠤᠯᠭᠡ ᠵᠢᠨ ᠴᠣᠩᠬᠣ ᠪᠠ ᠪᠣᠷᠣᠯᠠᠭᠣᠯᠭᠠ ᠵᠢᠨ ᠳᠠᠪᠴᠠᠩᠢ ᠬᠠᠩᠭ᠋ᠠᠵᠣ ᠥᠭᠪᠡ᠃ ᠪᠠᠩᠬᠢ ᠬᠢᠭᠡᠳ ᠠᠵᠦ ᠠᠬᠤᠢ᠌ᠯᠠᠯᠤᠨ ᠬᠠᠷᠢᠴᠠᠬᠣ ᠳᠠᠯᠠᠪᠠᠷ᠂ ᠨᠡᠢ᠌ᠬᠡᠮᠯᠢᠭᠨᠢ ᠪᠣᠭᠣᠳᠣ ᠵᠢᠨ ᠬᠣᠳᠠᠯᠳᠣᠭ᠋ᠠᠨᠤ ᠪᠠᠩᠬᠢ ᠵᠡᠷᠬᠡ 5 ᠮᠥᠩᠭᠥᠨ ᠬᠦᠢ᠍ᠯᠬᠡᠬᠡ ᠵᠢᠨ ᠪᠠᠢ᠌ᠭᠣᠯᠣᠮᠵᠢᠯᠤᠭᠠ 《ᠪᠠᠢ᠌ᠯᠳᠣᠬᠣ ᠪᠣᠳᠣᠯᠭᠠ ᠵᠢᠨ ᠬᠠᠮᠳᠤᠷᠠᠯᠴᠠᠭᠠ ᠵᠢᠨ ᠵᠥᠪᠯᠡᠯᠴᠡᠬᠡᠷ》 ᠳᠣᠭᠳᠠᠵᠣ᠂ ᠵᠠᠮ ᠬᠠᠷᠢᠯᠴᠠᠭ᠋ᠠᠨᠤ ᠪᠠᠩᠬᠢ ᠵᠢᠨ ᠥᠪᠥᠷ ᠮᠣᠩᠭᠣᠯᠳᠠᠬᠢ ᠬᠣᠪᠢᠶᠠᠷᠢ ᠪᠠᠩᠬᠢ ᠵᠡᠷᠬᠡ 10 ᠭᠠᠷᠣᠢ ᠮᠥᠩᠭᠥᠨ ᠬᠦᠢ᠍ᠯᠬᠡᠬᠡ ᠵᠢᠨ ᠪᠠᠢ᠌ᠭᠣᠯᠣᠮᠵᠢᠯᠤᠭᠠ ᠬᠠᠮᠳᠤᠷᠠᠯᠴᠠᠭᠠ ᠦᠷᠨᠢᠬᠦᠯᠵᠦ᠂ ᠨᠢᠬᠡ ᠪᠥᠯᠥᠭ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠠᠵᠣ ᠠᠬᠣᠢ᠌ᠯᠠᠯᠢ ᠬᠠᠪᠰᠣᠷᠣᠨ ᠵᠢᠬᠡᠯᠡᠯᠬᠡ ᠵᠢᠨ ᠠᠰᠠᠭᠣᠳᠠᠯᠢᠨᠢ ᠰᠢᠢ᠍ᠳᠪᠥᠷᠢᠯᠡᠵᠥ ᠥᠭᠪᠡ᠃ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠮᠡᠷᠬᠡᠵᠢᠯ ᠵᠶ᠋ᠠᠷ ᠳᠣᠯᠭ᠋ᠠᠭᠣᠷᠢᠯᠠᠬᠣ ᠳᠠᠯᠠᠪᠠᠷ᠂ ᠨᠡᠢ᠌ᠭᠡᠮᠯᠢᠭᠨᠢ ᠳᠡᠳ᠋ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠨᠢᠭᠡᠴᠡ ᠪᠣᠯᠬᠣ ᠥᠪᠥᠷ ᠮᠣᠩᠭᠣᠯᠤᠨ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠬᠦᠷᠢᠶᠡᠯᠡᠩ᠂ ᠳᠠᠷᠢᠶᠠᠯᠠᠩᠤᠨ ᠶᠡᠬᠡ ᠰᠣᠷᠭ᠋ᠠᠭᠣᠯᠢᠲᠠᠢ ᠬᠠᠮᠳᠣᠪᠠᠷ ᠠᠵᠣ ᠠᠬᠣᠢ᠌ᠯᠠᠯ ᠬᠢᠭᠡᠳ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠰᠣᠳᠣᠯᠭ᠋ᠠᠨᠤ ᠬᠦᠷᠢᠶᠡᠯᠡᠩ ᠭᠠᠵᠠᠷᠤᠨ ᠬᠤᠭᠤᠷᠤᠨᠳᠤᠪᠠᠨ ᠰᠤᠯᠢᠯᠴᠠᠬᠤ ᠳᠠᠪᠴᠠᠩᠢ ᠪᠠᠢ᠌ᠭᠣᠯᠵᠣ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠰᠤᠳᠤᠯᠤᠯᠤᠨ ᠨᠢᠬᠡᠴᠡ ᠪᠠ ᠠᠵᠣ ᠠᠬᠣᠢ᠌ᠯᠠᠯ ᠬᠠᠮᠳᠤᠷᠠᠯᠴᠠᠨ ᠴᠣᠭᠭ᠋ᠠᠷ ᠠᠰᠢᠭ ᠬᠦᠷᠳᠡᠬᠦ ᠲᠤᠭᠳᠠᠴᠠ ᠪᠠᠢ᠌ᠭᠣᠯᠣᠨ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠮᠡᠷᠬᠡᠵᠢᠯᠤᠨ ᠥᠷᠡ ᠪᠦᠳᠤᠭᠡᠯᠢ ᠪᠠᠷᠢᠨ ᠳᠤᠤᠷᠠᠪᠠᠨ ᠪᠣᠳᠠᠳᠣ ᠦᠢ᠍ᠯᠡᠳᠪᠥᠷᠢᠯᠡᠯᠤᠨ ᠬᠦᠴᠦᠨ ᠪᠤᠯᠭ᠋ᠠᠨ ᠤᠯᠠᠷᠢᠭᠤᠯᠬᠤᠳᠤ ᠨᠥᠭᠥᠴᠡᠯ ᠪᠥᠷᠢᠯᠳᠥᠭᠥᠯᠵᠥ ᠥᠭᠴᠠᠢ᠃ ᠬᠠᠥᠯᠢ ᠴᠠᠭ᠋ᠠᠵᠠ ᠵᠢᠨ ᠦᠢ᠍ᠯᠡᠴᠢᠯᠡᠬᠡᠨᠤ ᠳᠠᠯᠠᠪᠠᠷ᠂ ᠨᠡᠢ᠌ᠬᠡᠮᠯᠢᠭᠨᠢ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠬᠠᠥᠯᠢ ᠴᠠᠭ᠋ᠠᠵᠠ ᠵᠢᠨ ᠶᠠᠪᠣᠳᠠᠯᠤᠨ ᠬᠡᠷᠡᠭᠴᠡᠬᠡ ᠵᠢ ᠢᠳᠡᠪᠬᠢᠳᠠᠢ ᠣᠢ᠌ᠯᠠᠭ᠋ᠠᠵᠣ᠂ ᠬᠠᠪᠰᠣᠷᠣᠭᠣᠯᠬᠣ ᠴᠢᠬᠤᠯᠠᠲᠠᠢ ᠠᠵᠣ ᠠᠬᠣᠢ᠌ᠯᠠᠯᠳᠤ ᠬᠠᠥᠯᠢ ᠴᠠᠭ᠋ᠠᠵᠠ ᠵᠢᠨ ᠦᠢ᠍ᠯᠡᠴᠢᠯᠡᠬᠡ ᠬᠠᠩᠭ᠋ᠠᠵᠣ ᠥᠭᠪᠡ᠃ ᠠᠵᠢᠯ ᠳᠥᠷᠥᠯᠤᠨ ᠪᠡᠶᠡᠪᠠᠨ ᠱᠠᠭ᠋ᠠᠷᠳᠠᠬᠣ ᠳᠠᠯᠠᠪᠠᠷ᠂ ᠨᠡᠢ᠌ᠬᠡᠮᠯᠢᠭᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠮᠠᠯᠵᠢᠯᠤᠨ ᠳᠠᠯᠠᠪᠠᠢ ᠢᠳᠡᠬᠡᠨᠤ ᠬᠢᠵᠠᠭ᠋ᠠᠷᠳᠣ ᠬᠠᠷᠢᠭᠣᠴᠠᠯᠭ᠋ᠠᠳᠣ ᠺᠣᠮᠫᠠᠨᠢ ᠵᠡᠷᠬᠡ 155 ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠵᠣᠬᠢᠶᠠᠨ ᠪᠠᠢ᠌ᠭᠣᠯᠣᠨ᠂ 《ᠥᠪᠥᠷ ᠮᠣᠩᠭᠣᠯᠤᠨ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠳᠠᠭ᠋ᠠᠭᠤᠯᠤᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠢᠳᠡᠬᠡᠯ ᠬᠦᠨᠳᠤ ᠵᠢᠨ ᠪᠠᠢ᠌ᠭᠤᠯᠤᠯᠳᠠ ᠵᠢᠨ ᠠᠮᠠᠯᠠᠯᠳᠠ ᠵᠢᠨ ᠪᠢᠴᠢᠭ》ᠲᠤ ᠰᠠᠢ᠌ᠨ ᠳᠣᠷᠠᠠᠴᠠᠪᠠᠨ ᠭᠠᠷᠤᠨ ᠥᠰᠥᠭ ᠵᠢᠷᠣᠵᠣ᠂ ᠪᠣᠬᠢᠷᠳᠣᠯ ᠥᠬᠡᠢ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠪᠣᠯᠪᠠᠰᠣᠷᠠᠭᠣᠯᠣᠨ ᠡᠳ᠋ᠰᠢᠬᠦᠯᠤᠨ ᠭᠠᠳᠠᠭᠰᠢ ᠭᠠᠷᠭ᠋ᠠᠬᠣ ᠰᠠᠭᠣᠷᠢᠨ ᠭᠠᠵᠠᠷ ᠪᠠᠢ᠌ᠭᠣᠯᠬᠣ ᠵᠢᠨ ᠳᠣᠰᠠᠳᠠ ᠨᠡᠢ᠌ᠬᠡᠮ ᠨᠡᠢ᠌ᠳᠡᠳᠤ 《ᠥᠨᠡᠨᠴᠢ ᠢᠳᠡᠬᠡᠮᠵᠢᠳᠠᠢ᠂ ᠳᠥᠷᠢᠮᠢ ᠵᠢᠷᠣᠮᠯᠠᠬᠣ᠂ ᠪᠡᠶᠡᠪᠠᠨ ᠱᠠᠭ᠋ᠠᠷᠳᠠᠬᠣ᠂ ᠬᠦᠭᠵᠢᠭᠥᠯᠭᠥ》 ᠢᠳᠡᠭᠡᠯᠳᠤ ᠳᠣᠩᠬᠠᠭᠢ ᠢᠯᠡᠪᠠᠷ ᠨᠡᠢ᠌ᠳᠡᠯᠡᠭᠥ ᠵᠢᠨ ᠬᠠᠮᠳᠣ ᠦᠢ᠍ᠯᠡᠳᠬᠦᠨᠢ ᠲᠦᠬᠦᠬᠡᠢ ᠡᠳ᠋ ᠮᠠᠲᠸᠷᠢᠶᠠᠯ ᠂ ᠦᠢ᠍ᠯᠡᠳᠪᠤᠷᠢᠯᠡᠯ᠂ ᠪᠤᠷᠤᠯᠡᠭ᠋ᠠᠯᠭᠠ ᠵᠢᠨ ᠡᠯᠡ ᠵᠠᠩᠭᠢᠯᠠᠭᠠᠠᠴᠠᠨᠢ ᠯᠠᠪᠳᠠᠢ ᠠᠶᠣᠯ ᠥᠬᠡᠢ ᠪᠠᠢ᠌ᠯᠭ᠋ᠠᠬᠤ ᠵᠢ ᠪᠠᠳᠤᠯᠠᠵᠦ᠂ ᠬᠡᠷᠡᠭᠯᠡᠭᠴᠢᠳᠢ ᠰᠠᠨᠠᠭᠠ ᠠᠮᠤᠷ᠂ ᠠᠷᠠᠳ ᠣᠯᠠᠨᠢ ᠬᠠᠨᠤᠮᠵᠢᠲᠠᠢ ᠪᠠᠢ᠌ᠯᠭ᠋ᠠᠵᠦ᠂ ᠢᠳᠡᠬᠡᠨ ᠪᠠ ᠡᠮᠤᠨ ᠵᠦᠢ᠍ᠯᠤᠨ ᠬᠠᠮᠢᠶᠠᠷᠣᠯᠳᠠ ᠵᠢᠨ ᠰᠠᠯᠠᠭᠠ ᠮᠥᠴᠢᠷ᠂ ᠠᠵᠢᠯ ᠳᠥᠷᠥᠯ ᠨᠢᠬᠡᠳᠡᠨ ᠪᠠ ᠨᠡᠢ᠌ᠬᠡᠮᠤᠨ ᠡᠯᠡ ᠡᠳᠡᠭᠡᠳᠤᠨᠬᠢᠨᠤ ᠬᠢᠨᠠᠯᠳᠠ ᠵᠢ ᠰᠠᠢ᠌ᠨ ᠳᠣᠷᠠᠠᠴᠠᠪᠠᠨ ᠬᠦᠯᠢᠶᠡᠨᠡ ᠬᠡᠵᠦ ᠳᠥᠪ ᠴᠢᠩᠭᠠ ᠠᠮᠠᠯᠳᠠᠭᠰᠠᠨ ᠪᠠᠢ᠌ᠨᠠ᠃
［ᠬᠦᠳᠥᠯᠥᠭᠴᠢ］ ᠣᠳᠣᠬᠠᠨᠳᠤ ᠮᠠᠨᠤ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠠᠵᠣ ᠦᠢ᠍ᠯᠡᠰᠵᠢᠯᠳᠡ ᠵᠢ ᠬᠦᠭᠵᠢᠭᠥᠯᠭᠥᠳᠤ ᠶᠠᠮᠠᠷ ᠶᠠᠮᠠᠷ ᠠᠰᠠᠭᠣᠳᠠᠯ ᠪᠠ ᠬᠦᠷᠦᠯᠴᠡᠬᠦ ᠦᠬᠡᠢ ᠳᠠᠯᠠ ᠣᠷᠣᠰᠢᠵᠣ ᠪᠠᠢ᠌ᠬᠣ ᠪᠣᠢ？
［ᠶᠦᠨ ᠠᠢ ᠾᠸᠥ］ ᠮᠠᠨᠤ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠬᠦᠭᠵᠢᠯᠳᠡ ᠵᠢᠨ ᠣᠯᠣᠭᠰᠠᠨ ᠠᠮᠵᠢᠯᠳᠠ ᠪᠦᠳᠤᠭᠡᠯᠢ ᠨᠣᠳ᠋ᠯᠠᠬᠣ ᠵᠢᠨ ᠬᠠᠮᠳᠣ ᠪᠠᠰᠠ ᠬᠦᠭᠵᠢᠯᠳᠡ ᠵᠢᠨ ᠳᠣᠮᠳᠠ ᠴᠦᠬᠡᠨ ᠪᠤᠰᠤ ᠠᠰᠠᠭᠣᠳᠠᠯ ᠣᠷᠣᠰᠢᠬᠣ ᠪᠠᠢ᠌ᠬᠣ ᠵᠢ ᠳᠣᠳᠣᠷᠬᠠᠢ ᠣᠯᠵᠣ ᠬᠠᠷᠠᠬᠣ ᠬᠡᠷᠡᠭᠳᠠᠢ᠃ ᠨᠢᠬᠡᠳᠤ ᠳᠤᠤᠷᠠ ᠬᠢᠷᠢ ᠳᠥᠪᠰᠢᠨ ᠵᠶ᠋ᠡᠷ ᠳᠠᠪᠳᠠᠨ ᠪᠠᠢ᠌ᠭᠣᠯᠵᠣ ᠪᠠᠢ᠌ᠭᠠ ᠠᠰᠠᠭᠣᠳᠠᠯ ᠨᠡᠯᠢᠶᠡᠳ ᠬᠦᠨᠳᠥ ᠨᠣᠴᠢᠳᠠᠢ ᠪᠠᠢ᠌ᠨᠠ᠃ ᠬᠡᠪᠴᠢᠶᠡᠪᠠᠷ ᠪᠠᠭᠠ᠂ ᠲᠦᠷᠦᠯ ᠳᠡᠮᠳᠡᠭ ᠬᠣᠯᠢᠮᠠᠭ᠂ ᠥᠷᠡ ᠠᠰᠢᠭᠨᠢ ᠳᠣᠣᠷᠠ᠂ ᠥᠷᠢᠰᠥᠯᠳᠥᠬᠡᠨᠨᠢ ᠡᠮᠬᠢ ᠵᠠᠮᠪᠠᠷᠠᠭᠠ ᠥᠬᠡᠢ ᠵᠡᠷᠬᠡ ᠥᠵᠡᠭᠳᠡᠯ ᠳᠣᠪᠣᠢ᠌ᠮᠠ ᠪᠠᠢ᠌ᠨᠠ᠃ ᠬᠣᠶᠠᠷᠲᠤ ᠬᠦᠭᠵᠢᠯᠳᠡ ᠵᠢᠨ ᠴᠢᠨᠠᠷ ᠴᠢᠨᠰᠠᠭᠠ ᠳᠣᠣᠷᠠ ᠪᠠᠢ᠌ᠨᠠ᠃ ᠣᠯᠠᠩᠬᠢ ᠠᠵᠣ ᠠᠬᠣᠢ᠌ᠯᠠᠯ ᠮᠦᠨᠬᠦ ᠳᠠᠩ ᠭᠠᠭᠴᠠ ᠬᠡᠪᠴᠢᠶᠡᠪᠠᠨ ᠯᠡ ᠥᠷᠬᠡᠳᠬᠡᠬᠦ ᠬᠦᠭᠵᠢᠯᠳᠡ ᠵᠢᠨ ᠵᠠᠮ ᠵᠶ᠋ᠠᠷ ᠵᠠᠮᠨᠠᠵᠣ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠮᠡᠷᠬᠡᠵᠢᠯᠤᠨ ᠰᠢᠨᠡ ᠵᠢ ᠡᠭᠦᠳᠬᠦ ᠴᠢᠳᠠᠪᠣᠷᠢ ᠨᠡᠢ᠌ᠳᠡᠮᠳᠡᠭᠡᠨ ᠨᠡᠯᠢᠶᠡᠳ ᠳᠣᠷᠣᠢ᠂ ᠭᠤᠤᠯᠯᠠᠬᠤ ᠥᠷᠢᠰᠥᠯᠳᠥᠬᠡᠨᠤ ᠴᠢᠳᠠᠯ ᠵᠶ᠋ᠠᠷ ᠳᠣᠳᠠᠮᠠᠭ᠂ ᠳᠥᠭᠰᠢᠭᠥᠷᠢ ᠵᠢ ᠲᠤᠯᠬᠤ ᠴᠢᠳᠠᠯ ᠵᠶ᠋ᠡᠷ ᠨᠡᠯᠢᠶᠡᠳ ᠪᠠᠭᠤᠷᠠᠢ ᠪᠠᠢ᠌ᠨᠠ᠃ ᠭᠣᠷᠪᠠᠳᠤ ᠠᠰᠢᠭ ᠳᠣᠰᠠ ᠵᠢ ᠬᠤᠯᠪᠤᠯᠴᠠᠭᠤᠯᠬᠤ ᠳᠣᠭᠳᠠᠴᠠ ᠪᠥᠷᠢᠨ ᠪᠤᠰᠤ᠂ ᠳᠡᠬᠦᠯᠳᠡᠷ ᠪᠤᠰᠤ ᠪᠠᠢ᠌ᠨᠠ᠃ ᠰᠠᠭᠣᠷᠢᠨ ᠭᠠᠵᠠᠷ᠂ ᠮᠠᠯᠴᠢᠨ ᠳᠠᠷᠢᠶᠠᠴᠢᠨ ᠬᠢᠬᠡᠳ ᠠᠵᠣ ᠠᠬᠣᠢ᠌ᠯᠠᠯᠤᠨ ᠬᠣᠭᠣᠷᠣᠨᠳᠣᠬᠢ ᠠᠰᠢᠭ ᠳᠣᠰᠠ ᠵᠢᠨ ᠬᠣᠯᠪᠣᠯᠴᠠᠭᠠ ᠨᠢᠭᠳᠠ ᠪᠤᠰᠤ ᠪᠠᠢ᠌ᠬᠤ ᠪᠠ ᠴᠢᠨᠠᠭᠰᠢᠯᠠᠪᠠᠯ ᠰᠠᠯᠤᠩᠬᠢᠷᠠᠵᠦ᠂ ᠠᠰᠢᠭ ᠳᠣᠰᠠ ᠵᠢᠨ ᠬᠠᠮᠳᠤ ᠵᠢᠨ ᠴᠣᠭᠴᠠ ᠪᠤᠯᠵᠦ ᠪᠦᠷᠢᠯᠳᠤᠵᠦ ᠴᠢᠳᠠᠭ᠋ᠠᠳᠤᠢ ᠪᠠᠢ᠌ᠨᠠ᠃ ᠳᠥᠷᠪᠡᠳᠤ ᠪᠡᠯᠡ ᠲᠤᠬᠢᠷᠠᠭᠤᠯᠭᠠ ᠵᠢᠨ ᠴᠢᠳᠠᠯ ᠵᠶ᠋ᠠᠷ ᠳᠣᠷᠣᠢ ᠪᠠᠢ᠌ᠨᠠ᠃ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠪᠡᠯᠡ ᠮᠥᠩᠭᠥ ᠳᠣᠳᠠᠮᠠᠭ᠂ ᠪᠡᠯᠡ ᠲᠤᠬᠢᠷᠠᠭᠤᠯᠭᠠ ᠵᠢᠨ ᠠᠷᠭᠠ ᠵᠠᠮ ᠢᠪᠴᠥᠥ᠂ ᠪᠠᠷᠢᠮᠵᠢᠶᠠ ᠱᠠᠭ᠋ᠠᠷᠳᠠᠯᠭᠠ ᠥᠨᠳᠥᠷ᠂ ᠳᠣᠭᠠ ᠬᠡᠮᠵᠢᠶᠡ ᠪᠠᠭᠠ ᠪᠠᠢ᠌ᠬᠤᠨᠢ ᠬᠦᠭᠵᠢᠯᠳᠡ ᠵᠢ ᠬᠢᠵᠠᠭ᠋ᠠᠷᠯᠠᠬᠣ ᠭᠣᠣᠯ ᠪᠣᠭᠣᠮᠢ ᠪᠤᠯᠵᠦ ᠪᠠᠢ᠌ᠨᠠ᠃ ᠳᠠᠪᠣᠳᠤ ᠲᠦᠭᠦᠬᠡᠢ ᠡᠳ᠋ ᠮᠠᠲᠸᠷᠢᠶᠠᠯᠤᠨ ᠰᠠᠭᠣᠷᠢᠨ ᠭᠠᠵᠠᠷ ᠳᠣᠭᠳᠠᠪᠣᠷᠢ ᠥᠬᠡᠢ ᠪᠠᠢ᠌ᠨᠠ᠃ ᠮᠠᠨᠤ ᠣᠷᠣᠨᠤ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠡᠳ᠋ ᠪᠠᠶᠠᠯᠢᠭ ᠬᠡᠳᠦᠢ᠌ᠪᠡᠷ ᠡᠯᠪᠡᠭ ᠳᠡᠯᠪᠡᠭ ᠪᠠᠢ᠌ᠪᠠᠴᠤ᠂ ᠳᠣᠰᠬᠠᠢ᠌ᠵᠢᠭᠰᠠᠨ᠂ ᠪᠠᠷᠢᠮᠵᠢᠶᠠᠵᠢᠭᠰᠠᠨ᠂ ᠬᠡᠪᠴᠢᠶᠡᠵᠢᠭᠰᠡᠨ ᠠᠵᠣ ᠦᠢ᠍ᠯᠡᠳᠪᠥᠷᠢᠯᠡᠯᠤᠨ ᠰᠠᠭᠣᠷᠢᠨ ᠭᠠᠵᠠᠷᠤᠨ ᠪᠠᠢ᠌ᠭᠣᠯᠣᠯᠳᠠ ᠬᠠᠷᠢᠴᠠᠩᠭᠣᠢᠪᠠᠷ ᠬᠣᠴᠣᠷᠣᠩᠭᠣᠢ ᠪᠠᠢ᠌ᠵᠦ᠂ ᠨᠢᠬᠡ ᠪᠥᠯᠥᠭ ᠲᠦᠭᠦᠬᠡᠢ ᠡᠳ᠋ ᠮᠠᠲᠸᠷᠢᠶᠠᠯ ᠤᠨ ᠬᠠᠩᠭ᠋ᠠᠯᠭᠠ ᠬᠡᠷᠡᠭᠴᠡᠬᠡ ᠱᠠᠳᠤᠴᠢ ᠴᠢᠨᠠᠷᠲᠠᠢ ᠪᠠᠴᠢᠮ ᠪᠤᠯᠬᠤ ᠵᠥᠷᠢᠴᠡᠯ ᠡᠳᠥᠷ ᠢᠷᠡᠬᠦᠶᠠ ᠲᠤᠪᠤᠢ᠌ᠵᠦ ᠪᠠᠢ᠌ᠨᠠ᠃ ᠵᠢᠷᠭᠣᠭᠠᠳᠤ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠠᠵᠢᠯᠤᠨ ᠬᠦᠴᠢᠷ ᠪᠡᠷᠬᠡ ᠣᠯᠠᠨ ᠪᠣᠢ᠃ 2008 ᠣᠨ ᠳᠤ ᠵᠠᠰᠠᠭᠤᠨ ᠣᠷᠳᠣᠨᠤ ᠪᠠᠢ᠌ᠭᠣᠯᠣᠮᠵᠢ ᠵᠢᠨ ᠥᠬᠡᠷᠡᠴᠢᠯᠡᠯᠳᠡ ᠬᠢᠭᠰᠡᠨᠠᠴᠠ ᠬᠤᠢ᠌ᠰᠢ᠂ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠪᠠᠢ᠌ᠭᠣᠯᠣᠮᠵᠢ ᠵᠢᠨ ᠬᠢᠷᠢ ᠬᠡᠮᠨᠢ ᠪᠠᠭᠣᠷᠠᠨ᠂ ᠠᠵᠢᠯᠳᠠᠨᠤ ᠳᠣᠭᠠᠨᠢ ᠬᠠᠰᠤᠭᠳᠠᠵᠦ᠂ ᠢᠯᠠᠩᠭᠤᠶᠠ ᠬᠣᠰᠢᠭᠣ ᠰᠢᠶᠠᠨᠳᠤ ᠠᠵᠢᠯᠳᠠᠨᠨᠢ ᠴᠦᠬᠡᠨ᠂ ᠰᠢᠯᠵᠢᠯᠳᠡᠨᠢ ᠣᠯᠠᠨᠠᠴᠠ ᠪᠣᠯᠵᠣ᠂ ᠳᠥᠷᠥᠯ ᠵᠦᠢ᠍ᠯᠳᠤ ᠬᠢᠨᠠᠯᠳᠠ ᠳᠠᠯᠪᠢᠬᠣᠨᠢ ᠲᠤᠳᠠᠮᠠᠭ ᠪᠠᠢ᠌ᠵᠦ᠂ ᠨᠢᠬᠡ ᠪᠥᠯᠥᠭ ᠳᠣᠬᠠᠢ᠌ᠯᠠᠭᠰᠠᠨ ᠠᠵᠢᠯᠢ ᠥᠷᠨᠢᠭᠥᠯᠭᠥᠳᠤ ᠬᠦᠴᠢᠷᠳᠠᠢ ᠪᠠᠢ᠌ᠬᠤ ᠵᠡᠷᠬᠡ ᠠᠰᠠᠭᠣᠳᠠᠯᠤᠳ ᠣᠷᠣᠰᠢᠵᠣ ᠪᠣᠢ᠃ ᠡᠳᠡᠬᠡᠷ ᠠᠰᠠᠭᠣᠳᠠᠯᠤᠳᠢ ᠪᠢᠳᠡ ᠬᠤᠢ᠌ᠰᠢᠳᠠ ᠵᠢᠨ ᠠᠵᠢᠯᠤᠨ ᠳᠣᠮᠳᠠᠪᠠᠨ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠢ ᠰᠣᠳᠣᠯᠣᠨ᠂ ᠡᠷᠴᠢᠮᠳᠠᠢ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠥ᠂ ᠥᠨᠡᠨᠭᠥ ᠰᠢᠢ᠍ᠳᠪᠥᠷᠢᠯᠡᠬᠦ ᠬᠡᠷᠡᠭᠲᠠᠢ ᠪᠠᠢ᠌ᠨᠠ᠃
［ᠬᠦᠳᠥᠯᠥᠭᠴᠢ ］ ᠬᠤᠢ᠌ᠰᠢᠳᠠ ᠮᠠᠨᠤ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠦ ᠦᠢ᠍ᠯᠠᠰᠵᠢᠬᠦᠯᠤᠨ ᠬᠦᠭᠵᠢᠬᠦᠯᠬᠦᠳᠤ ᠶᠠᠮᠠᠷ ᠰᠡᠳᠬᠢᠮᠵᠢ ᠪᠠ ᠬᠠᠷᠠᠯᠳᠠ ᠪᠠᠢ᠌ᠬᠤ ᠪᠣᠢ？
［ᠶᠦᠨ ᠠᠢ ᠾᠸᠥ］ ᠬᠣᠢ᠌ᠰᠢᠳᠠ ᠮᠠᠨᠤ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠬᠦᠯᠤᠨ ᠬᠦᠭᠵᠢᠬᠦᠯᠬᠦ ᠶᠡᠷᠥᠩᠬᠡᠢ ᠰᠡᠳᠬᠢᠮᠵᠢ ᠪᠣᠯ : ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ《8337 ᠬᠦᠭᠵᠢᠯᠳᠡ ᠵᠢᠨ ᠰᠡᠳᠬᠢᠮᠵᠢ ᠵᠢ ᠬᠢᠨᠠᠮᠠᠭ᠋ᠠᠢ ᠳᠣᠣᠱᠯᠠᠭᠣᠯᠣᠨ ᠨᠠᠢ᠌ᠳᠠᠪᠣᠷᠢᠵᠢᠭᠣᠯᠵᠣ᠂ ᠪᠣᠬᠢᠷᠳᠣᠯ ᠥᠬᠡᠢ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠦᠢ᠍ᠯᠡᠳᠪᠤᠷᠢᠯᠡᠬᠦ ᠡᠳ᠋ᠰᠢᠬᠦᠯᠬᠦ ᠭᠠᠳᠠᠭᠰᠢ ᠭᠠᠷᠭ᠋ᠠᠬᠣ ᠰᠠᠭᠣᠷᠢᠨ ᠭᠠᠵᠠᠷ ᠪᠠᠢ᠌ᠭᠣᠯᠬᠣ ᠥᠨᠳᠥᠰᠥᠨ ᠡᠬᠦᠷᠬᠡ ᠲᠠᠢ ᠨᠢᠭᠳᠠ ᠤᠶᠠᠯᠳᠤᠭᠤᠯᠵᠦ᠂ ᠤᠳᠤ ᠦᠶᠡ ᠵᠢᠨ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠬᠦᠭᠵᠢᠭᠥᠯᠭᠥ ᠪᠠ ᠮᠠᠯᠴᠢᠨ ᠳᠠᠷᠢᠶᠠᠴᠢᠨᠤ ᠣᠷᠣᠯᠭᠠ ᠵᠢᠨ ᠨᠡᠮᠡᠭᠳᠡᠯᠢ ᠠᠬᠢᠭᠣᠯᠬᠣᠪᠠᠷ ᠬᠠᠷᠠᠯᠳᠠᠪᠠᠨ ᠪᠣᠯᠭ᠋ᠠᠨ᠂ ᠲᠦᠬᠦᠬᠡᠢ ᠡᠳ᠋ ᠮᠠᠲᠸᠷᠢᠶᠠᠯᠤᠨ ᠰᠠᠭᠣᠷᠢᠨ ᠭᠠᠵᠠᠷᠢ ᠪᠠᠢ᠌ᠭᠣᠯᠬᠣᠪᠠᠷ ᠰᠠᠭᠤᠷᠢ ᠪᠤᠯᠭ᠋ᠠᠵᠦ᠂ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠪᠤᠢ᠌ᠵᠢᠭᠤᠯᠤᠨ ᠪᠤᠵᠠᠭ᠋ᠠᠢ᠌ᠷᠠᠭᠤᠯᠬᠤᠪᠠᠷ ᠭᠤᠤᠯᠳᠠᠯᠭᠠ ᠪᠤᠯᠭ᠋ᠠᠵᠦ᠂ ᠠᠰᠢᠭ ᠳᠣᠰᠠ ᠵᠢᠨ ᠬᠣᠯᠪᠣᠯᠴᠠᠭᠠ ᠵᠢᠨ ᠳᠣᠭᠳᠠᠴᠠ ᠵᠢ ᠳᠡᠬᠦᠯᠳᠡᠷᠵᠢᠭᠥᠯᠭᠥᠪᠠᠷ ᠲᠤᠯᠭ᠋ᠠᠭᠤᠷᠢ ᠪᠤᠯᠭ᠋ᠠᠵᠦ᠂ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠭᠠᠳᠠᠭᠰᠢ ᠭᠠᠷᠭ᠋ᠠᠬᠣᠪᠠᠷ ᠬᠠᠷᠠᠯᠳᠠ ᠪᠣᠯᠭ᠋ᠠᠨ ᠂ ᠠᠵᠢᠯ ᠳᠥᠷᠥᠯ ᠢ ᠨᠢᠬᠡᠳᠬᠡᠬᠦ ᠠᠬᠢᠴᠠ ᠵᠢ ᠳᠥᠷᠬᠡᠳᠬᠡᠵᠥ᠂ ᠨᠡᠷᠡᠳᠥ ᠲᠦᠷᠦᠯ ᠳᠡᠮᠳᠡᠭᠢ ᠡᠭᠦᠳᠴᠤ᠂ ᠳᠠᠢ᠌ᠴᠢᠯᠠᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠪᠣᠢ ᠪᠣᠯᠭ᠋ᠠᠵᠣ᠂ ᠠᠵᠣ ᠦᠢ᠍ᠯᠡᠰᠤᠨ ᠴᠤᠭᠯᠠᠷᠠᠯᠢ ᠠᠬᠢᠭᠣᠯᠵᠣ᠂ ᠠᠵᠣ ᠦᠢ᠍ᠯᠡᠰᠤᠨ ᠬᠡᠯᠬᠢᠶᠡᠰᠥ ᠵᠢ ᠤᠷᠳᠤᠳᠬᠠᠵᠦ᠂ ᠳᠠᠪᠠᠭᠣᠯᠢᠭ ᠪᠦᠬᠡᠳ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠢ ᠠᠵᠣ ᠦᠢ᠍ᠯᠡᠰᠤᠨ ᠲᠦᠪᠯᠡᠷᠡᠯᠢ ᠬᠦᠴᠥᠷᠬᠡᠭᠵᠢᠭᠥᠯᠵᠥ᠂ ᠠᠵᠣ ᠦᠢ᠍ᠯᠡᠰᠤᠨ ᠥᠷᠢᠰᠥᠯᠳᠥᠭᠥ ᠬᠦᠴᠦᠨ ᠪᠠ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠳᠠᠢ᠌ᠴᠢᠯᠠᠬᠣ ᠴᠢᠳᠠᠪᠣᠷᠢ ᠵᠢ ᠨᠡᠮᠡᠭᠳᠡᠭᠥᠯᠥᠨ᠂ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠥᠨ ᠡᠵᠡᠩᠨᠡᠬᠦ ᠬᠢᠷᠢ ᠳᠥᠪᠰᠢᠨᠢ ᠪᠦᠬᠦ ᠳᠠᠯᠠᠪᠠᠷ ᠳᠡᠭᠡᠭᠰᠢᠯᠡᠬᠦᠯᠭᠥ ᠶᠠᠪᠤᠳᠠᠯ ᠪᠣᠯᠣᠨᠠ᠃
ᠣᠷᠢᠳᠴᠢᠯᠠᠨ ᠵᠢᠱ᠌ᠢᠭᠰᠡᠨ ᠬᠦᠭᠵᠢᠯᠳᠡ ᠵᠢᠨ ᠬᠠᠷᠠᠯᠳᠠ ᠪᠣᠯ ᠄ 2017 ᠣᠨ ᠪᠤᠯᠬᠤᠳᠤ᠂ ᠪᠦᠬᠦ ᠣᠷᠣᠨᠤ ᠳᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠡᠳ᠋ᠰᠢᠬᠦᠯᠬᠦ ᠠᠵᠣ ᠠᠬᠣᠢ᠌ᠯᠠᠯᠤᠨ ᠪᠣᠷᠣᠯᠠᠭᠣᠯᠭᠠ ᠵᠢᠨ ᠣᠷᠣᠯᠭᠠ ᠵᠢ 6000 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭᠠᠴᠠ ᠳᠠᠪᠠᠭᠣᠯᠵᠣ᠂ ᠵᠢᠯ ᠪᠥᠷᠢ ᠵᠢᠨ ᠳᠤᠮᠳᠠᠴᠢ ᠨᠡᠮᠡᠭᠳᠡᠯᠤᠨ ᠬᠣᠷᠳᠣᠴᠠ ᠵᠢ 14%ᠠᠴᠠ ᠳᠡᠭᠡᠭᠰᠢ ᠪᠠᠢ᠌ᠯᠭ᠋ᠠᠨᠠ； ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠵᠢᠯᠤᠨ ᠡᠳ᠋ᠰᠢᠬᠦᠯᠤᠨ ᠬᠣᠪᠢᠷᠠᠭᠣᠯᠬᠣ ᠨᠣᠷᠮᠠ ᠵᠢ 60% ᠳᠤ ᠬᠦᠷᠤᠬᠦᠯᠤᠨᠠ； ᠪᠣᠷᠣᠯᠠᠭᠣᠯᠭᠠ ᠵᠢᠨ ᠣᠷᠣᠯᠭᠠᠨᠢ ᠮᠢᠩᠭ᠋ᠠᠨ ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭ ᠲᠤ ᠬᠦᠷᠭᠥ ᠠᠵᠣ ᠦᠢ᠍ᠯᠡᠰᠤᠨ ᠲᠦᠪᠯᠡᠷᠡᠯ （ᠴᠠᠭ᠋ᠠᠨ ᠢᠳᠡᠬᠡᠨ᠂ ᠠᠮᠣ ᠳᠣᠰᠣ᠂ ᠮᠢᠬᠠᠨᠤ ᠳᠥᠷᠥᠯ） 3 ᠵᠢ ᠂ ᠪᠣᠷᠣᠯᠠᠭᠣᠯᠭᠠ ᠵᠢᠨ ᠣᠷᠣᠯᠭᠠᠨᠢ 800 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭᠲᠤ ᠬᠦᠷᠬᠦ ᠠᠵᠣ ᠦᠢ᠍ᠯᠡᠰᠤᠨ ᠲᠦᠪᠯᠡᠷᠡᠯ （ᠨᠣᠣᠰᠣ ᠨᠣᠯᠣᠣᠷ ᠠᠷᠠᠰᠣ ᠰᠢᠷᠢ） 1 ᠵᠢ᠂ ᠪᠣᠷᠣᠯᠠᠭᠣᠯᠭᠠ ᠵᠢᠨ ᠣᠷᠣᠯᠭᠠᠨᠢ 500 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭᠲᠤ ᠬᠦᠷᠭᠥ ᠠᠵᠣ ᠦᠢ᠍ᠯᠡᠰᠤᠨ ᠲᠦᠪᠯᠡᠷᠡᠯ （ᠤᠨᠴᠠᠯᠢᠭᠳᠤ ᠡᠪᠡᠰᠥ ᠪᠣᠷᠳᠣᠭᠠ）1 ᠵᠢ᠂ ᠪᠣᠷᠣᠯᠠᠭᠣᠯᠭᠠ ᠵᠢᠨ ᠣᠷᠣᠯᠭᠠᠨᠢ 300 ᠳ᠋ᠥᠩᠰᠢᠭᠣᠷᠲᠤ ᠬᠦᠷᠬᠦ ᠠᠵᠣ ᠦᠢ᠍ᠯᠡᠰᠤᠨ ᠲᠦᠪᠯᠡᠷᠡᠯ （ᠳᠥᠮᠥᠰᠥ᠂ ᠢᠳᠡᠰᠢᠨ ᠨᠣᠭᠣᠭᠠ ᠭᠣᠸᠠ ᠵᠢᠮᠢᠰ） 1 ᠵᠢ ᠪᠣᠢ᠌ᠵᠢᠭᠣᠯᠵᠣ᠂ ᠠᠵᠣ ᠦᠢ᠍ᠯᠡᠰᠤᠨ ᠲᠦᠪᠯᠡᠷᠡᠨ ᠴᠤᠭᠯᠠᠵᠦ ᠬᠦᠭᠵᠢᠭᠥ ᠵᠢ ᠪᠡᠶᠡᠯᠡᠭᠥᠯᠭᠥ ᠶᠠᠪᠤᠳᠠᠯ ᠪᠣᠯᠣᠨᠠ᠃
［ᠬᠦᠳᠥᠯᠥᠭᠴᠢ］ ᠳᠡᠭᠡᠷᠡ ᠳᠣᠷᠠᠳᠣᠭᠰᠠᠨ ᠬᠦᠭᠵᠢᠯᠳᠡ ᠵᠢᠨ ᠬᠠᠷᠠᠯᠳᠠᠪᠠᠨ ᠪᠡᠶᠡᠯᠡᠭᠥᠯᠭᠥ ᠵᠢᠨ ᠳᠥᠯᠥᠬᠡ ᠶᠠᠮᠠᠷ ᠶᠠᠮᠠᠷ ᠠᠵᠢᠯᠯᠠᠬᠣ ᠠᠷᠭᠠ ᠪᠠᠷᠢᠯ ᠠᠪᠬᠣ ᠴᠢᠬᠣᠯᠠᠲᠠᠢ ᠪᠣᠢ？
［ᠶᠦᠨ ᠠᠢ ᠾᠸᠥ］ ᠳᠡᠭᠡᠷᠡ ᠳᠣᠷᠠᠳᠣᠭᠰᠠᠨ ᠬᠦᠭᠵᠢᠯᠳᠡ ᠵᠢᠨ ᠬᠠᠷᠠᠯᠳᠠ ᠵᠢ ᠪᠡᠶᠡᠯᠡᠭᠥᠯᠭᠥ ᠵᠢᠨ ᠳᠥᠯᠥᠬᠡ ᠡᠷᠬᠡᠪᠨᠰᠢ ᠳᠣᠣᠷᠠᠬᠢ ᠮᠡᠳᠥ ᠬᠡᠳᠥᠨ ᠳᠠᠯᠠ ᠵᠢᠨ ᠠᠵᠢᠯᠢ ᠭᠤᠤᠯᠳᠠᠯᠭᠠᠲᠠᠢ ᠰᠠᠢ᠌ᠳᠣᠷ ᠬᠢᠬᠦ ᠬᠡᠷᠡᠭᠲᠠᠢ : ᠨᠢᠬᠡᠳᠤ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠪᠣᠢ᠌ᠵᠢᠭᠣᠯᠣᠨ ᠪᠣᠵᠠᠭ᠋ᠠᠢ᠌ᠷᠠᠭᠣᠯᠵᠣ᠂ ᠪᠦᠬᠦᠯᠢ ᠴᠣᠭᠴᠠ ᠵᠢᠨ ᠪᠤᠳᠠᠳᠤ ᠬᠦᠴᠤᠨᠢ ᠳᠠᠰᠣᠷᠠᠯᠳᠠ ᠥᠬᠡᠢ ᠨᠡᠮᠡᠭᠳᠡᠬᠦᠯᠬᠦ ᠵᠢ ᠲᠦᠷᠭᠡᠳᠭᠡᠨᠠ᠃ 《ᠠᠯᠳᠠᠨ ᠰᠤᠪᠤᠷᠭᠠ》 ᠪᠤᠢ᠌ᠵᠢᠭᠤᠯᠤᠯᠳᠠ ᠵᠢᠨ ᠦᠯᠢᠭᠡᠷ ᠬᠡᠪ ᠵᠶ᠋ᠡᠷ ᠨᠢᠬᠡ ᠪᠦᠯᠦᠭ ᠳᠠᠭ᠋ᠠᠭᠤᠯᠤᠭᠴᠢ ᠠᠵᠦ ᠠᠬᠤᠢ᠌ᠯᠠᠯᠢ ᠶᠡᠬᠡᠰᠭᠡᠨ ᠬᠦᠴᠤᠷᠭᠡᠭᠵᠢᠬᠦᠯᠤᠨᠠ᠃ ᠨᠢᠭᠡᠳᠤ ᠪᠤᠢ᠌ᠵᠢᠭᠤᠯᠬᠤ ᠲᠤᠭᠠ ᠵᠢᠨ ᠲᠠᠯᠠᠪᠠᠷ ᠬᠦᠴᠤ ᠲᠠᠯᠪᠢᠬᠤ ᠬᠡᠷᠡᠭᠲᠠᠢ᠃ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨ᠂ ᠠᠢ᠌ᠮᠠᠭ ᠬᠣᠳᠠ᠂ ᠬᠣᠰᠢᠭᠣ ᠰᠢᠶᠠᠨᠤ ᠭᠣᠷᠪᠠᠨ ᠱᠠᠳᠤᠨᠤ ᠶᠡᠷᠥᠩᠬᠡᠢ ᠳᠥᠯᠥᠪᠵᠢᠭᠥᠯᠬᠡ ᠶᠣᠰᠣᠭ᠋ᠠᠷ᠂ ᠳᠠᠢ᠌ᠴᠢᠯᠠᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠳᠡᠰ ᠬᠣᠪᠢᠶᠠᠨ ᠱᠠᠳᠤᠴᠢᠯᠠᠨ ᠪᠣᠢ᠌ᠵᠢᠭᠣᠯᠣᠨᠠ᠃ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨ ᠨᠢ ᠣᠯᠣᠰᠤᠨ ᠳᠡᠰᠤᠨ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯ ᠪᠠ ᠵᠢᠷᠭᠣᠭ᠋ᠠᠨ ᠳᠣᠮᠣ ᠠᠵᠣ ᠦᠢ᠍ᠯᠡᠰᠤᠨ ᠳᠥᠷᠥᠭᠥᠥ ᠭᠣᠷᠪᠠᠨ ᠨᠡᠷᠡᠰ ᠠᠵᠣ ᠠᠬᠣᠢ᠌ᠯᠠᠯᠢ ᠭᠤᠤᠯᠳᠠᠯᠭᠠᠲᠠᠢ ᠪᠣᠢ᠌ᠵᠢᠭᠣᠯᠣᠨᠠ； ᠡᠯᠡ ᠠᠢ᠌ᠮᠠᠭ ᠬᠣᠳᠠᠨᠢ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠳᠡᠰᠤᠨ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠭᠤᠤᠯᠳᠠᠯᠭᠠᠲᠠᠢ ᠪᠣᠢ᠌ᠵᠢᠭᠣᠯᠣᠨᠠ； ᠡᠯᠡ ᠬᠣᠰᠢᠭᠣ ᠰᠢᠶᠠᠨᠨᠢ ᠠᠢ᠌ᠮᠠᠭ ᠬᠣᠳᠠ ᠵᠢᠨ ᠳᠡᠰᠤᠨ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠭᠤᠤᠯᠳᠠᠯᠭᠠᠲᠠᠢ ᠪᠣᠢ᠌ᠵᠢᠭᠣᠯᠣᠨᠠ᠃ 2017 ᠣᠨ ᠪᠤᠯᠬᠤᠳᠤ᠂ ᠪᠣᠷᠣᠯᠠᠭᠣᠯᠭᠠ ᠵᠢᠨ ᠣᠷᠣᠯᠭᠠᠨᠢ 500 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭ ᠠᠴᠠ ᠳᠠᠪᠠᠬᠣ ᠠᠪᠤᠷᠭᠤ ᠠᠵᠣ ᠠᠬᠣᠢ᠌ᠯᠠᠯ 2ᠢ᠂ ᠪᠤᠷᠤᠯᠠᠭᠤᠯᠭᠠ ᠵᠢᠨ ᠤᠷᠤᠯᠭᠠᠨᠢ 100 — 500 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭᠲᠤ ᠬᠦᠷᠭᠥ ᠳᠠᠢ᠌ᠴᠢᠯᠠᠭᠴᠢ ᠠᠵᠣ ᠠᠬᠣᠢ᠌ᠯᠠᠯ 3 ᠵᠢ᠂ ᠪᠣᠷᠣᠯᠠᠭᠣᠯᠭᠠ ᠵᠢᠨ ᠣᠷᠣᠯᠭᠠᠨᠢ 50 — 100 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭᠠᠴᠠ ᠳᠠᠪᠠᠬᠤ ᠳᠠᠢ᠌ᠴᠢᠯᠠᠭᠴᠢ ᠠᠵᠣ ᠠᠬᠣᠢ᠌ᠯᠠᠯ 5 ᠵᠢ ᠪᠣᠢ᠌ᠵᠢᠭᠣᠯᠬᠣᠪᠠᠷ ᠬᠦᠴᠦᠯᠡᠨ ᠴᠢᠷᠮᠠᠢ᠌ᠨᠠ； ᠣᠯᠣᠰᠤᠨ ᠳᠡᠰᠤᠨ ᠭᠣᠣᠯᠳᠠᠯᠭ᠋ᠠᠳᠣ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ 50ᠳᠤ ᠬᠦᠷᠥᠭᠥᠯᠵᠥ᠂ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠳᠡᠰᠤᠨ ᠭᠣᠣᠯᠳᠠᠯᠭ᠋ᠠᠳᠣ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ 700ᠳᠤ ᠬᠦᠷᠥᠭᠥᠯᠭᠥᠪᠠᠷ ᠮᠡᠷᠡᠢ᠌ᠨ ᠴᠢᠷᠮᠠᠢ᠌ᠨᠠ᠃ ᠬᠣᠶᠠᠷᠲᠤ ᠶᠠᠰᠤ ᠴᠢᠨᠠᠷᠢ ᠳᠡᠭᠡᠭᠰᠢᠯᠡᠬᠦᠯᠭᠥ ᠳᠠᠯᠠ ᠪᠠᠷ ᠬᠦᠴᠦ ᠲᠠᠯᠪᠢᠬᠤ ᠬᠡᠷᠡᠭᠲᠠᠢ᠃ ᠪᠣᠬᠢᠷᠳᠣᠯ ᠥᠬᠡᠢ ᠬᠦᠭᠵᠢᠭᠥᠯᠭᠥ ᠦᠵᠡᠯᠳᠡ ᠵᠢ ᠪᠣᠢ ᠪᠣᠯᠭ᠋ᠠᠵᠣ᠂ ᠪᠠᠢ᠌ᠭ᠋ᠠᠯᠢᠯᠢᠭ᠂ ᠪᠣᠬᠢᠷᠳᠣᠯ ᠥᠬᠡᠢ᠂ ᠣᠷᠭ᠋ᠠᠨᠢᠭ ᠲᠦᠷᠦᠯ ᠳᠡᠮᠳᠡᠭᠢ ᠰᠠᠢ᠌ᠳᠣᠷ ᠡᠭᠦᠳᠴᠤ᠂ ᠪᠠᠷᠢᠮᠵᠢᠶᠠᠵᠢᠭᠰᠠᠨ ᠦᠢ᠍ᠯᠡᠳᠪᠥᠷᠢᠯᠡᠯᠢ ᠶᠡᠬᠡᠪᠠᠷ ᠳᠡᠯᠭᠡᠷᠡᠬᠦᠯᠵᠦ᠂ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠪᠠᠷᠢᠮᠵᠢᠶᠠ ᠵᠢᠨ ᠰᠢᠰᠲᠸᠮᠵᠢ ᠵᠢᠨ ᠪᠠᠢ᠌ᠭᠣᠯᠣᠯᠳᠠ ᠵᠢ ᠳᠥᠷᠭᠡᠳᠬᠡᠨ᠂ 《ᠨᠡᠢ᠌ᠳᠡᠳᠤ ᠬᠦᠨᠥᠬᠡᠯ ᠥᠬᠡᠢ ᠢᠳᠡᠬᠡᠨ》᠂ 《ᠪᠣᠬᠢᠷᠳᠣᠯ ᠥᠬᠡᠢ ᠢᠳᠡᠬᠡᠨ》᠂ 《ᠣᠷᠭ᠋ᠠᠨᠢᠭ ᠢᠳᠡᠬᠡᠨ》ᠤ ᠦᠢ᠍ᠯᠡᠳᠪᠥᠷᠢᠯᠡᠯᠤᠨ ᠬᠡᠪᠴᠢᠶᠡᠪᠠᠨ ᠥᠷᠭᠡᠳᠬᠡᠵᠥ᠂ ᠪᠣᠬᠢᠷᠳᠣᠯ ᠥᠬᠡᠢ ᠪᠦᠬᠡᠳ ᠥᠪᠡᠷᠮᠢᠴᠠ ᠣᠨᠴᠠᠯᠢᠭᠲᠠᠢ ᠠᠵᠣ ᠠᠬᠣᠢ ᠵᠢᠨ ᠬᠦᠭᠵᠢᠯᠳᠡ ᠵᠢ ᠳᠥᠷᠬᠡᠳᠬᠡᠨ᠂ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠶᠠᠰᠤ ᠴᠢᠨᠠᠷᠢ ᠠᠶᠣᠯ ᠥᠬᠡᠢ ᠪᠠᠢ᠌ᠯᠭ᠋ᠠᠬᠤ ᠵᠢ ᠥᠨᠳᠥᠰᠥᠠᠴᠠᠨᠢ ᠪᠠᠳᠣᠯᠠᠬᠣ ᠬᠡᠷᠡᠭᠳᠠᠢ᠃ 2017 ᠣᠨ ᠪᠣᠯᠬᠣᠳᠤ᠂ ᠨᠡᠢ᠌ᠳᠡᠳᠤ ᠬᠦᠨᠥᠬᠡᠯ ᠥᠬᠡᠢ ᠢᠳᠡᠬᠡᠨᠤ ᠪᠠᠷᠢᠮᠵᠢᠶᠠᠳᠤ ᠭᠠᠷᠣᠯᠳᠠ ᠵᠢᠨ ᠭᠠᠵᠠᠷᠢ 2600 ᠳᠥᠮᠡᠨ ᠮᠣ᠌ᠳᠤ ᠬᠦᠷᠤᠬᠦᠯᠵᠦ᠂ ᠨᠡᠢ᠌ᠳᠡᠳᠤ ᠬᠦᠨᠥᠬᠡᠯ ᠥᠬᠡᠢ ᠪᠠᠷᠢᠮᠵᠢᠶᠠᠳᠤ ᠳᠡᠵᠢᠬᠡᠪᠥᠷᠢ ᠵᠢ 2500 ᠲᠦᠮᠡᠳᠤ ᠬᠦᠷᠤᠬᠦᠯᠬᠦᠪᠠᠷ ᠮᠡᠷᠡᠢ᠌ᠨ ᠴᠢᠷᠮᠠᠢ᠌ᠨᠠ᠃ ᠭᠣᠷᠪᠠᠳᠤ ᠬᠦᠭᠵᠢᠯᠳᠠ ᠵᠢ ᠪᠠᠳᠣᠯᠠᠬᠣ ᠳᠠᠯᠠᠪᠠᠷ ᠬᠦᠴᠥ ᠳᠠᠯᠪᠢᠬᠣ ᠬᠡᠷᠡᠭᠳᠠᠢ᠃ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠳᠡᠰᠠᠴᠠ ᠳᠡᠭᠡᠭᠰᠢᠬᠢ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠠᠵᠦ ᠦᠢ᠍ᠯᠡᠰᠵᠢᠯᠳᠠ ᠵᠢᠨ ᠭᠣᠣᠯᠳᠠᠯᠭ᠋ᠠᠳᠣ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠳᠣᠮᠳᠠ᠂ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠳᠡᠭᠡᠭᠰᠢᠯᠡᠭᠥᠯᠭᠥ 《ᠵᠢᠷᠭᠣᠭ᠋ᠠᠨ ᠨᠢᠬᠡ》 ᠢᠨᠵᠸᠨ᠋ᠸᠷᠢᠩ （ ᠳᠠᠷᠣᠢ : ᠨᠢᠬᠡ ᠰᠠᠭᠣᠷᠢᠨ ᠭᠠᠵᠠᠷ ᠡᠭᠦᠰᠭᠡᠨ ᠪᠠᠢ᠌ᠭᠣᠯᠬᠣ᠂ ᠨᠢᠬᠡ ᠠᠵᠣ ᠦᠢ᠍ᠯᠡᠰᠢ ᠬᠦᠭᠵᠢᠬᠡᠨ ᠮᠠᠨᠳᠣᠭᠣᠯᠬᠣ᠂ ᠨᠢᠬᠡ ᠲᠦᠷᠦᠯ ᠳᠡᠮᠳᠡᠭ ᠡᠭᠦᠳᠤᠨ ᠪᠠᠢ᠌ᠭᠣᠯᠬᠣ᠂ ᠨᠢᠬᠡ ᠬᠣᠷᠰᠢᠶᠠᠵᠢᠯᠢ ᠣᠳᠣᠷᠢᠳᠣᠨ ᠳᠠᠭ᠋ᠠᠭᠣᠯᠬᠣ᠂ ᠨᠢᠬᠡ ᠦᠯᠢᠭᠡᠷ ᠬᠡᠪᠢ ᠰᠢᠨᠡᠪᠠᠷ ᠪᠤᠢ ᠪᠤᠯᠭ᠋ᠠᠬᠤ᠂ ᠨᠢᠭᠡ ᠭᠠᠵᠠᠷᠤᠨ ᠠᠷᠠᠳ ᠳᠥᠮᠡᠨ ᠳᠤ ᠪᠣᠶᠠᠨ ᠦᠢ᠍ᠯᠡᠳᠬᠦ）ᠢ ᠬᠡᠷᠡᠭᠵᠢᠭᠥᠯᠥᠨᠡ᠃ 《ᠵᠢᠷᠭᠣᠭ᠋ᠠᠨ ᠨᠢᠬᠡ》 ᠢᠨᠵᠸᠨ᠋ᠸᠷᠢᠩᠢ ᠬᠡᠷᠡᠭᠵᠢᠬᠦᠯᠬᠦᠪᠠᠷ ᠳᠠᠮᠵᠢᠨ᠂ 《ᠠᠷᠪᠠᠨ ᠳᠣᠮᠣ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯ᠂ ᠠᠷᠪᠠᠨ ᠠᠯᠳᠡᠷ ᠴᠤᠤᠳᠤ ᠳᠠᠢ᠌ᠴᠢᠯᠠᠭᠴᠢ ᠬᠦᠮᠥᠰ》ᠢ ᠰᠢᠯᠭ᠋ᠠᠷᠠᠭᠤᠯᠬᠤ ᠠᠵᠢᠯᠯᠠᠭᠠ ᠦᠷᠨᠢᠬᠦᠯᠵᠦ᠂ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠨᠡᠢ᠌ᠬᠡᠮᠤᠨ ᠬᠠᠷᠢᠭᠣᠴᠠᠯᠭ᠋ᠠᠳᠣ ᠣᠬᠠᠮᠰᠠᠷᠢ ᠳᠡᠭᠡᠭᠰᠢᠯᠡᠬᠦᠯᠬᠦ ᠵᠢᠨᠢ ᠠᠬᠢᠭᠣᠯᠵᠣ᠂ ᠲᠦᠷᠦᠯ ᠳᠡᠮᠳᠡᠭᠢ ᠡᠭᠦᠳᠤᠨ ᠪᠠᠢ᠌ᠭᠣᠯᠣᠨ᠂ ᠠᠵᠣ ᠠᠬᠣᠢ᠌ᠯᠠᠯᠤᠨ ᠵᠠᠬᠠ ᠳᠡᠯᠬᠡᠬᠦᠷᠲᠠᠬᠢ ᠦᠷᠢᠰᠤᠯᠳᠤᠭᠡᠨᠤ ᠴᠢᠳᠠᠪᠣᠷᠢ ᠵᠢᠨᠢ ᠳᠡᠭᠡᠭᠰᠢᠯᠡᠭᠥᠯᠥᠨᠡ᠃ ᠳᠥᠷᠪᠡᠳᠤ ᠵᠢᠷᠭᠣᠭ᠋ᠠᠨ ᠳᠣᠮᠣ ᠭᠣᠣᠯᠯᠠᠭᠴᠢ ᠠᠵᠣ ᠦᠢ᠍ᠯᠡᠰ ᠤᠨ ᠭᠦᠭᠵᠢᠯᠳᠡ ᠵᠢ ᠠᠬᠢᠭᠤᠯᠬᠤ ᠳᠠᠯᠠᠪᠠᠷ ᠬᠦᠴᠦ ᠲᠠᠯᠪᠢᠬᠤ ᠬᠡᠷᠡᠭᠳᠠᠢ᠃ ᠴᠠᠭ᠋ᠠᠨ ᠢᠳᠡᠬᠡ᠂ ᠠᠮᠣ ᠳᠣᠰᠣ᠂ ᠢᠮᠠᠭ᠋ᠠᠨ ᠨᠣᠯᠣᠣᠷ ᠢ ᠡᠳ᠋ᠰᠢᠬᠦᠯᠬᠦ ᠠᠵᠦ ᠦᠢ᠍ᠯᠡᠰᠤᠨ ᠬᠢᠷᠢ ᠳᠥᠪᠰᠢᠨᠢ ᠳᠡᠭᠡᠭᠰᠢᠯᠡᠬᠦᠯᠥᠨ᠂ ᠥᠬᠡᠷ ᠬᠣᠨᠢᠨ ᠮᠢᠬᠠ ᠵᠢ ᠪᠣᠯᠪᠠᠰᠣᠷᠠᠭᠣᠯᠬᠣ ᠠᠵᠦ ᠦᠢ᠍ᠯᠡᠰᠤᠨ ᠪᠣᠳᠠᠳᠣ ᠬᠦᠴᠦᠨᠢ ᠪᠣᠵᠠᠭ᠋ᠠᠢ᠌ᠷᠠᠭᠣᠯᠵᠣ᠂ ᠲᠥᠮᠥᠰᠥ （ᠨᠣᠭᠣᠭᠠ ᠵᠢᠮᠢᠰ）᠂ ᠡᠪᠡᠰᠥ ᠪᠣᠷᠳᠣᠭᠠ᠂ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠳᠣ ᠠᠵᠣ ᠦᠢ᠍ᠯᠡᠰᠢ ᠲᠡᠳᠭᠦᠨ ᠳᠣᠭᠳᠠᠭᠣᠨ ᠵᠶ᠋ᠠᠷ ᠬᠦᠭᠵᠢᠬᠦᠯᠤᠨᠠ᠃ ᠴᠠᠭ᠋ᠠᠨ ᠢᠳᠡᠬᠡᠨᠤ ᠠᠵᠣ ᠦᠢ᠍ᠯᠡᠰᠤᠨ ᠲᠠᠯᠠᠪᠠᠷ : 《ᠭᠣᠷᠪᠠ ᠵᠢ ᠳᠡᠭᠡᠭᠰᠢᠯᠡᠬᠦᠯᠵᠥ ᠨᠢᠬᠡ ᠵᠢ ᠴᠢᠩᠭ᠋ᠠᠳᠬᠠᠬᠣ》 ᠵᠢ ᠴᠢᠷᠮᠠᠢ᠌ᠨ ᠪᠡᠶᠡᠯᠡᠭᠥᠯᠥᠨᠡ᠃ ᠲᠤᠬᠠᠢ᠌ᠯᠠᠪᠠᠯ ᠰᠠᠭ᠋ᠠᠯᠢ ᠵᠢᠨ ᠥᠨᠢᠶᠡ ᠵᠢᠨ ᠰᠠᠢ᠌ᠨ ᠡᠬᠦᠯᠳᠡᠷᠤᠨ ᠳᠥᠪᠰᠢᠨ᠂ ᠰᠠᠭ᠋ᠠᠯᠢ ᠵᠢᠨ ᠥᠨᠢᠶᠡ ᠵᠢ ᠪᠣᠷᠳᠣᠨ ᠳᠡᠵᠢᠬᠡᠬᠦ ᠬᠠᠮᠢᠶᠠᠷᠣᠯᠳᠠ ᠵᠢᠨ ᠳᠥᠪᠰᠢᠨ ᠪᠠ ᠠᠵᠣ ᠠᠬᠣᠢ᠌ᠯᠠᠯᠤᠨ ᠰᠥ᠍ ᠵᠢᠨ ᠢᠷᠡᠯᠳᠡ ᠵᠢᠨ ᠰᠠᠭᠣᠷᠢᠨ ᠭᠠᠵᠠᠷᠢ ᠡᠵᠡᠮᠳᠡᠬᠦ ᠳᠥᠪᠰᠢᠨᠢ ᠪᠦᠬᠦ ᠳᠠᠯᠠᠪᠠᠷ ᠳᠡᠭᠡᠭᠰᠢᠯᠡᠬᠦᠯᠵᠦ᠂ ᠰᠢᠨᠡ ᠰᠣᠷᠭᠣᠭ ᠴᠠᠭ᠋ᠠᠨ ᠢᠳᠡᠬᠡ ᠵᠢᠨ ᠵᠠᠬᠠ ᠳᠡᠯᠬᠡᠬᠦᠷᠲᠤ ᠬᠢᠨᠠᠯᠳᠠ ᠳᠠᠯᠪᠢᠨ ᠬᠠᠮᠢᠶᠠᠷᠬᠣ ᠡᠷᠴᠢᠮ ᠵᠶ᠋ᠠᠨ ᠴᠢᠩᠭ᠋ᠠᠷᠠᠭᠤᠯᠤᠨᠠ᠃ ᠮᠢᠬᠠᠨᠤ ᠠᠵᠦ ᠦᠢ᠍ᠯᠡᠰᠤᠨ ᠲᠠᠯᠠᠪᠠᠷ᠄ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠥᠷᠭᠥᠯᠵᠢᠯᠡᠨ ᠪᠣᠢ᠌ᠵᠢᠭᠣᠯᠣᠨ ᠪᠣᠵᠠᠭ᠋ᠠᠢ᠌ᠷᠠᠭᠣᠯᠵᠣ ᠂ ᠨᠢᠬᠡᠳᠬᠡᠬᠦ ᠪᠠ ᠳᠠᠬᠢᠵᠣ ᠪᠥᠯᠥᠭᠯᠡᠬᠦᠪᠠᠷ ᠳᠠᠮᠵᠢᠭᠣᠯᠣᠨ ᠮᠢᠬᠠᠨᠤ ᠳᠥᠷᠥᠯᠢ ᠪᠣᠯᠪᠠᠰᠣᠷᠠᠭᠣᠯᠬᠣ ᠳᠠᠢ᠌ᠴᠢᠯᠠᠭᠴᠢ ᠠᠵᠦ ᠠᠬᠣᠢ᠌ᠯᠠᠯᠢ ᠪᠠᠢ᠌ᠭᠣᠯᠣᠨᠠ ᠃ ᠢᠳᠡᠰᠢᠨ ᠬᠣᠨᠢᠨᠤ ᠠᠵᠣ ᠦᠢ᠍ᠯᠡᠰᠤᠨ 《ᠭᠣᠷᠪᠠᠨ ᠳᠠᠪᠣ》 ᠢᠨᠵᠸᠨ᠋ᠸᠷᠢᠩᠢ ᠰᠠᠢ᠌ᠳᠤᠷ ᠳᠣᠪᠣᠢ᠌ᠯᠭ᠋ᠠᠨ ᠠᠳᠬᠣᠵᠣ᠂ 2017 ᠣᠨ ᠪᠤᠯᠬᠤᠳᠤ᠂ ᠵᠢᠯᠤᠨ ᠪᠣᠷᠳᠣᠨ ᠳᠡᠵᠢᠬᠡᠬᠦ ᠬᠡᠮᠵᠢᠶᠡᠨᠢ 100 ᠳᠥᠮᠡᠳᠤ ᠬᠦᠷᠬᠦ ᠢᠳᠡᠰᠢᠨ ᠬᠣᠨᠢ ᠳᠡᠵᠢᠬᠡᠨ ᠥᠷᠡᠵᠢᠭᠥᠯᠭᠥ 5 ᠨᠡᠢ᠌ᠯᠡᠮᠡᠯ ᠴᠣᠭᠴᠠ ᠵᠢ ᠪᠤᠢ ᠪᠤᠯᠭ᠋ᠠᠵᠦ᠂ ᠵᠢᠯᠤᠨ ᠪᠣᠷᠣᠯᠠᠭᠣᠯᠭᠠ ᠵᠢᠨ ᠣᠷᠣᠯᠭᠠᠨᠢ 10 ᠳ᠋ᠥᠩᠰᠢᠭᠣᠷ ᠳᠥᠭᠥᠷᠢᠭ ᠠᠴᠠ ᠳᠠᠪᠠᠬᠤ ᠬᠣᠨᠢᠨ ᠮᠢᠬᠠ ᠪᠣᠯᠪᠠᠰᠣᠷᠠᠭᠣᠯᠬᠣ 5 ᠳᠠᠢ᠌ᠴᠢᠯᠠᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠪᠤᠢ᠌ᠵᠢᠭᠤᠯᠤᠨ᠂ ᠬᠦᠮᠤᠨ ᠪᠦᠭᠦᠨᠤ ᠮᠡᠳᠡᠬᠦ ᠬᠣᠨᠢᠨ ᠮᠢᠬᠠᠨᠤ ᠠᠯᠳᠠᠷᠳᠣ ᠲᠠᠸᠠᠷᠤᠨ ᠳᠡᠮᠳᠡᠭ 5 ᠵᠢ ᠡᠭᠦᠳᠤᠨ ᠪᠤᠢ᠌ᠵᠢᠭᠤᠯᠵᠦ᠂ ᠢᠳᠡᠰᠢᠨ ᠬᠣᠨᠢᠨᠤ ᠠᠵᠣ ᠦᠢ᠍ᠯᠡᠰᠢ ᠴᠠᠭ᠋ᠠᠨ ᠢᠳᠡᠬᠡᠨᠤ ᠠᠵᠣ ᠦᠢ᠍ᠯᠡᠰ ᠪᠠ ᠨᠣᠣᠰᠣᠨ ᠠᠵᠣ ᠦᠢ᠍ᠯᠡᠰᠤᠨ ᠳᠠᠷᠠᠭᠠ ᠭᠤᠷᠪᠠᠳᠤᠭ᠋ᠠᠷᠲᠤ ᠤᠷᠤᠵᠦ ᠪᠦᠬᠦ ᠣᠯᠣᠰᠲᠤ ᠲᠦᠭᠡᠬᠦ ᠲᠤᠯᠭ᠋ᠠᠭᠤᠷᠢ ᠦᠢ᠍ᠯᠡᠳᠥᠯ ᠵᠶ᠋ᠠᠷ ᠳᠣᠪᠣᠢ᠌ᠮᠠ ᠲᠦᠷᠦᠯ ᠳᠡᠮᠳᠡᠭᠤᠨ ᠠᠵᠣ ᠦᠢ᠍ᠯᠡᠰ ᠪᠣᠯᠭ᠋ᠠᠨᠠ᠃ ᠢᠮᠠᠭ᠋ᠠᠨ ᠨᠣᠯᠣᠣᠷᠤᠨ ᠠᠵᠣ ᠦᠢ᠍ᠯᠡᠰᠤᠨ ᠲᠠᠯᠠᠪᠠᠷ᠄ ᠨᠣᠯᠣᠣᠷᠤᠨ ᠢᠮᠠᠭ᠋ᠠᠨᠤ ᠡᠭᠦᠯᠳᠡᠷ ᠤᠭᠰᠠᠭᠠ ᠵᠢ ᠰᠠᠢ᠌ᠵᠢᠷᠠᠭᠣᠯᠬᠣ ᠢᠨᠵᠸᠨ᠋ᠸᠷᠢᠩᠢ ᠡᠬᠢᠯᠡᠬᠦᠯᠵᠥ᠂ ᠨᠣᠯᠣᠣᠷᠤᠨ ᠢᠮᠠᠭ᠋ᠠᠨᠤ ᠰᠢᠯᠢᠳᠡᠭ ᠡᠬᠢ ᠪᠠᠶᠠᠯᠢᠭᠢ ᠬᠠᠮᠠᠭ᠋ᠠᠯᠠᠨ᠂ ᠢᠮᠠᠭ᠋ᠠᠨ ᠨᠣᠯᠣᠣᠷᠤᠨ ᠶᠠᠰᠤ ᠴᠢᠨᠠᠷ ᠮᠠᠭᠣᠳᠠᠵᠣ ᠪᠠᠢ᠌ᠭᠠ ᠠᠰᠠᠭᠣᠳᠠᠯᠢ ᠥᠨᠳᠥᠰᠥᠨᠠᠴᠠᠨᠢ ᠰᠢᠢ᠍ᠳᠪᠥᠷᠢᠯᠡᠨᠡ； ᠢᠮᠠᠭ᠋ᠠᠨ ᠨᠣᠯᠣᠣᠷᠢ ᠬᠣᠷᠢᠶᠠᠨ ᠬᠠᠳᠠᠭ᠋ᠠᠯᠠᠬᠣ ᠳᠥᠷᠢᠮᠢ ᠳᠡᠭᠥᠯᠳᠡᠷᠵᠢᠭᠥᠯᠵᠣ᠂ ᠢᠮᠠᠭ᠋ᠠᠨ ᠨᠣᠯᠣᠣᠷᠤᠨ ᠥᠨᠡ ᠬᠠᠩᠰᠢ ᠪᠠ ᠮᠠᠯᠴᠢᠨ ᠳᠠᠷᠢᠶᠠᠴᠢᠳᠤᠨ ᠣᠷᠣᠯᠭᠠ ᠵᠢ ᠨᠡᠮᠡᠭᠳᠡᠭᠥᠯᠥᠨᠡ； ᠮᠡᠷᠬᠡᠵᠢᠯᠤᠨ ᠥᠭᠡᠷᠡᠴᠢᠯᠡᠯᠳᠡ ᠬᠢᠬᠦ ᠪᠠ ᠰᠢᠨᠡ ᠵᠢ ᠡᠭᠦᠳᠬᠦ ᠵᠢ ᠵᠣᠷᠢᠭᠵᠢᠭᠣᠯᠵᠣ᠂ ᠢᠮᠠᠭ᠋ᠠᠨ ᠨᠣᠯᠣᠣᠷᠤᠨ ᠠᠵᠣ ᠦᠢ᠍ᠯᠡᠰᠤᠨ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠤᠨ ᠳᠡᠰ ᠲᠡᠪᠰᠢᠬᠦᠯᠬᠦ ᠵᠢ ᠪᠡᠶᠡᠯᠡᠭᠥᠯᠥᠨᠡ； ᠬᠦᠷᠢᠶᠡᠯᠡᠩ ᠳᠣᠭᠣᠷᠢᠭᠤᠨ ᠪᠦᠳᠤᠭᠡᠨ ᠪᠠᠢ᠌ᠭᠣᠯᠣᠯᠳᠠ ᠵᠢ ᠳᠥᠷᠭᠡᠳᠬᠡᠵᠥ᠂ ᠢᠮᠠᠭ᠋ᠠᠨ ᠨᠣᠯᠣᠣᠷᠤᠨ ᠠᠵᠣ ᠦᠢ᠍ᠯᠡᠰᠤᠨ ᠲᠦᠪᠯᠡᠷᠡᠯᠤᠨ ᠬᠡᠮᠵᠢᠶᠡ ᠵᠢ ᠳᠡᠭᠡᠭᠰᠢᠯᠡᠬᠦᠯᠥᠨᠡ； ᠪᠡᠶᠡᠪᠠᠨ ᠳᠠᠭ᠋ᠠᠭ᠋ᠠᠭᠰᠠᠨ ᠲᠦᠷᠦᠯ ᠳᠡᠮᠳᠡᠭᠤᠨ ᠪᠠᠢ᠌ᠭᠣᠯᠣᠯᠳᠠ ᠵᠢᠨ ᠢᠨᠵᠸᠨ᠋ᠸᠷᠢᠩᠢ ᠬᠡᠷᠡᠭᠵᠢᠬᠦᠯᠵᠦ᠂ ᠣᠯᠠᠨ ᠣᠯᠣᠰᠲᠠᠬᠢ ᠥᠬᠡ ᠶᠠᠷᠢᠶᠠᠨᠤ ᠡᠷᠬᠡᠪᠠᠨ ᠴᠢᠩᠭ᠋ᠠᠳᠬᠠᠨᠠ； ᠠᠮᠣ ᠲᠣᠰᠣᠨᠤ ᠠᠵᠣ ᠦᠢ᠍ᠯᠡᠰᠤᠨ ᠲᠠᠯᠠᠪᠠᠷ᠄ ᠡᠷᠳᠡᠨᠢ ᠰᠢᠰᠢ ᠵᠢ ᠬᠦᠨᠵᠡᠬᠡᠢ ᠪᠣᠯᠪᠠᠰᠣᠷᠠᠭᠣᠯᠬᠣᠪᠠᠷ ᠳᠠᠭ᠋ᠠᠭᠣᠯᠣᠭᠴᠢ ᠪᠣᠯᠭ᠋ᠠᠨ᠂ ᠠᠮᠣ ᠲᠣᠰᠣᠨᠤ ᠠᠵᠣ ᠦᠢ᠍ᠯᠡᠰᠤᠨ ᠬᠦᠭᠵᠢᠯᠳᠡ ᠵᠢ ᠪᠦᠬᠦ ᠳᠠᠯᠠᠪᠠᠷ ᠳᠥᠯᠬᠢᠨ ᠠᠬᠢᠭᠣᠯᠣᠨᠠ᠃ ᠳᠥᠮᠥᠰᠥ᠂ ᠢᠳᠡᠰᠢᠨ ᠨᠣᠭᠣᠭᠠ ᠭᠣᠸᠠ ᠵᠢᠮᠢᠰᠤᠨ ᠠᠵᠣ ᠦᠢ᠍ᠯᠡᠰᠤᠨ ᠲᠠᠯᠠᠪᠠᠷ᠄ ᠲᠦᠮᠤᠰᠤᠨ ᠦᠷᠡ ᠵᠢᠨ ᠦᠢ᠍ᠯᠡᠳᠪᠤᠷᠢᠯᠡᠯ᠂ ᠳᠥᠮᠥᠰᠥ ᠨᠥᠬᠡᠴᠡᠯᠡᠬᠦ᠂ ᠰᠢᠨᠡ ᠰᠣᠷᠭᠣᠭᠢ ᠪᠠᠳᠣᠯᠬᠠᠣ ᠪᠠ ᠬᠦᠨᠵᠡᠭᠡᠢ ᠡᠳ᠋ᠰᠢᠬᠦᠯᠬᠦ ᠵᠢ ᠶᠡᠬᠡᠪᠡᠷ ᠬᠦᠭᠵᠢᠭᠥᠯᠵᠥ᠂ ᠢᠳᠡᠰᠢᠨ ᠨᠣᠭᠣᠭᠠ ᠨᠥᠭᠡᠴᠡᠯᠡᠬᠦ᠂ ᠣᠰᠣ ᠥᠬᠡᠢ᠌ᠳᠡᠬᠦᠯᠬᠦ ᠂ ᠲᠥᠪᠡᠳ ᠬᠠᠰᠢ ᠵᠢ ᠬᠦᠨᠵᠡᠬᠡᠢ ᠡᠳ᠋ᠰᠢᠬᠦᠯᠬᠦ ᠵᠢ ᠳᠣᠭᠳᠠᠭᠣᠨ ᠵᠶ᠋ᠠᠷ ᠬᠦᠭᠵᠢᠭᠥᠯᠥᠨᠡ᠃ ᠡᠪᠡᠰᠥ ᠪᠣᠷᠳᠣᠭᠠ᠂ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠳᠣ ᠪᠣᠯᠪᠠᠰᠣᠷᠠᠭᠣᠯᠬᠣ ᠠᠵᠣ ᠦᠢ᠍ᠯᠡᠰᠤᠨ ᠲᠠᠯᠠᠪᠠᠷ᠄ ᠨᠣᠳᠣᠭ ᠪᠡᠯᠴᠢᠬᠡᠷᠤᠨ ᠠᠮᠢ ᠠᠬᠣᠢ ᠵᠢᠨ ᠬᠠᠮᠠᠭ᠋ᠠᠯᠠᠯᠳᠠ ᠵᠢᠨ ᠨᠥᠭᠥᠪᠥᠷᠢ ᠮᠥᠩᠭᠥ ᠦᠭᠬᠦ ᠪᠠ ᠬᠥᠬᠢᠬᠥᠯᠥᠨ ᠱᠠᠩᠨᠠᠬᠣ ᠳᠣᠭᠳᠠᠴᠠ᠂ ᠮᠠᠯᠵᠢᠬᠣ ᠵᠢ ᠵᠣᠭᠰᠣᠭ᠋ᠠᠨ ᠡᠪᠡᠰᠥ ᠪᠡᠯᠴᠢᠬᠡᠷᠢ ᠰᠡᠷᠬᠦᠬᠡᠬᠦ᠂ ᠥᠨᠳᠥᠷ ᠣᠨᠠᠯᠳᠠᠳᠣ ᠴᠢᠨᠠᠷ ᠰᠠᠢ᠌ᠲᠠᠢ ᠴᠠᠷᠭ᠋ᠠᠰᠣ ᠵᠢᠨ ᠵᠢᠱ᠌ᠢᠶᠡ ᠥᠵᠡᠭᠥᠯᠭᠥ ᠪᠦᠳᠦᠬᠡᠨ ᠪᠠᠢ᠌ᠭᠣᠯᠣᠯᠳᠠ ᠵᠢᠨ ᠳᠥᠷᠥᠯ ᠵᠦᠢ᠍ᠯ ᠪᠣᠯᠣᠨ ᠲᠠᠷᠢᠮᠠᠯᠤᠨ ᠡᠰᠢ ᠰᠥᠷᠡᠯᠢ ᠬᠤᠪᠢᠷᠠᠭᠤᠯᠤᠨ ᠬᠡᠷᠡᠭᠯᠡᠬᠦ ᠢᠨᠵᠸᠨ᠋ᠸᠷᠢᠩ ᠵᠡᠷᠬᠡ ᠳᠣᠮᠣ ᠴᠢᠬᠣᠯᠠ ᠳᠥᠷᠥᠯ ᠵᠦᠢ᠍ᠯ ᠵᠶ᠋ᠡᠷ ᠲᠦᠰᠢᠭ ᠪᠤᠯᠭ᠋ᠠᠨ᠂ ᠰᠠᠭ᠋ᠠᠯᠢ ᠵᠢᠨ ᠥᠨᠢᠶᠡ ᠵᠢᠨ ᠳᠡᠵᠢᠭᠡᠯ ᠪᠣᠷᠳᠣᠭᠠ ᠪᠠ ᠥᠬᠡᠷ ᠬᠤᠨᠢ ᠪᠤᠷᠳᠤᠨ ᠲᠠᠷᠭᠤᠯᠠᠭᠤᠯᠬᠤ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠵᠢ ᠶᠡᠬᠡᠪᠡᠷ ᠬᠦᠭᠵᠢᠭᠥᠯᠥᠨᠡ᠃
［ᠶᠦᠨ ᠠᠢ ᠾᠸᠥ ］ ᠬᠣᠶᠠᠷᠲᠤ ᠪᠠᠷᠢᠮᠵᠢᠶᠠᠵᠢᠭᠰᠠᠨ᠂ ᠬᠡᠪᠴᠢᠶᠡᠵᠢᠭᠰᠡᠨ ᠲᠦᠭᠦᠬᠡᠢ ᠡᠳ᠋ ᠮᠠᠲᠸᠷᠢᠶᠠᠯ ᠤᠨ ᠰᠠᠭᠣᠷᠢᠨ ᠭᠠᠵᠠᠷᠤᠨ ᠪᠦᠳᠤᠭᠡᠨ ᠪᠠᠢ᠌ᠭᠤᠯᠤᠯᠳᠠ ᠵᠢ ᠬᠢᠨᠠᠮᠠᠭ᠋ᠠᠢ ᠰᠠᠢ᠌ᠳᠣᠷ ᠠᠳᠬᠤᠨᠠ᠃ ᠠᠷᠪᠠᠨ ᠨᠠᠢ᠍ᠮᠠᠳᠣᠭ᠋ᠠᠷ ᠬᠣᠭᠣᠴᠠᠭ᠋ᠠᠨᠤ ᠳᠥᠪ ᠬᠤᠷᠢᠶᠠᠨᠤ ᠭᠣᠷᠪᠠᠳᠣᠭ᠋ᠠᠷ ᠪᠦᠬᠦᠳᠡ ᠬᠣᠷᠠᠯᠤᠨ ᠮᠠᠯᠵᠢᠬᠣ ᠳᠠᠷᠢᠶᠠᠯᠠᠬᠣ ᠣᠷᠣᠨᠤ ᠳᠣᠬᠠᠢ ᠥᠭᠡᠷᠡᠴᠢᠯᠡᠯᠳᠡ ᠵᠢᠨ ᠳᠣᠬᠢᠶᠠᠯᠢ ᠠᠳᠬᠣᠨ᠂ ᠭᠠᠵᠠᠷ ᠰᠢᠷᠣᠢ ᠬᠠᠳᠤᠯᠠᠩ ᠪᠡᠯᠴᠢᠭᠡᠷᠤᠨ ᠲᠠᠯᠠᠪᠠᠢ ᠵᠢ ᠡᠷᠭᠢᠯᠳᠤᠬᠦᠯᠬᠦ ᠵᠢ ᠢᠳᠡᠪᠬᠢᠳᠠᠢ ᠳᠥᠯᠬᠢᠨ ᠠᠬᠢᠭᠣᠯᠵᠣ᠂ ᠳᠥᠷᠥ ᠵᠢᠨ ᠪᠣᠳᠣᠯᠭᠠ ᠵᠢᠨ ᠵᠦᠪᠰᠢᠶᠡᠷᠡᠬᠦ ᠬᠥᠷᠢᠶᠡ ᠬᠡᠪᠴᠢᠶᠡᠨᠳᠤ ᠠᠵᠣ ᠦᠢ᠍ᠯᠡᠳᠪᠥᠷᠢ ᠬᠣᠳᠠᠯᠳᠣᠭᠠ ᠵᠢᠨ ᠡᠳ᠋ ᠬᠦᠷᠥᠩᠬᠡᠪᠠᠷ ᠤᠳᠤ ᠦᠶᠡ ᠵᠢᠨ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠬᠦᠭᠵᠢᠭᠥᠯᠭᠥ ᠵᠢ ᠵᠣᠷᠢᠭᠵᠢᠭᠣᠯᠬᠣ ᠪᠠ ᠵᠢᠯᠣᠭᠣᠳᠣᠨᠠ᠃ ᠠᠯᠣᠰᠤᠨ ᠪᠣᠳᠣᠯᠭᠠᠲᠠᠢ᠂ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠵᠶ᠋ᠠᠨ ᠳᠣᠪᠣᠢ᠌ᠯᠠᠭ᠋ᠠᠭᠰᠠᠨ ᠰᠠᠭᠣᠷᠢᠨ ᠭᠠᠵᠠᠷ ᠢ ᠪᠠᠢ᠌ᠭᠤᠯᠬᠤᠠᠴᠠ ᠭᠠᠷᠳᠠᠨ᠂ ᠬᠡᠷ ᠪᠥᠯᠢ ᠵᠢᠨ ᠮᠠᠯᠵᠢᠯᠤᠨ ᠳᠠᠯᠠᠪᠠᠢ᠂ ᠪᠠᠷᠢᠮᠵᠢᠶᠠᠵᠢᠭᠰᠠᠨ ᠬᠡᠪᠴᠢᠶᠡᠲᠠᠢ ᠳᠡᠵᠢᠬᠡᠨ ᠥᠷᠡᠵᠢᠭᠥᠯᠭᠥ ᠪᠠᠭᠠ ᠳᠣᠭᠣᠷᠢᠭ ᠪᠠ ᠮᠠᠯᠵᠢᠯᠤᠨ ᠬᠦᠷᠢᠶᠡᠯᠡᠩ ᠳᠣᠭᠣᠷᠢᠭ ᠵᠡᠷᠬᠡ ᠰᠠᠭᠣᠷᠢᠨ ᠭᠠᠵᠠᠷᠤᠨ ᠪᠦᠳᠤᠭᠡᠨ ᠪᠠᠢ᠌ᠭᠤᠯᠤᠯᠳᠠ ᠵᠢ ᠶᠡᠬᠡᠪᠡᠷ ᠬᠦᠭᠵᠢᠭᠥᠯᠵᠥ᠂ ᠳᠠᠷᠢᠶᠠᠴᠢᠨ ᠮᠠᠯᠴᠢᠨ ᠡᠷᠥᠬᠡ ᠵᠢ ᠳᠠᠢ᠌ᠴᠢᠯᠠᠨ ᠪᠠᠷᠢᠮᠵᠢᠶᠠᠵᠢᠭᠰᠠᠨ ᠬᠡᠪᠴᠢᠶᠡᠵᠢᠭᠰᠡᠨ ᠦᠢ᠍ᠯᠡᠳᠪᠥᠷᠢᠯᠡᠯ ᠬᠢᠬᠦ ᠵᠢ ᠪᠡᠶᠡᠯᠡᠭᠥᠯᠥᠨᠡ᠃
ᠭᠣᠷᠪᠠᠳᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠲᠦᠷᠦᠯ ᠲᠡᠮᠳᠡᠭᠤᠨ ᠪᠠᠢ᠌ᠭᠣᠯᠣᠯᠳᠠ ᠵᠢ ᠳᠥᠷᠭᠡᠳᠬᠡᠨ ᠠᠬᠢᠭᠣᠯᠵᠣ᠂ ᠳᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠵᠠᠬᠠ ᠳᠡᠯᠬᠡᠬᠦᠷᠤᠨ ᠥᠷᠢᠰᠥᠯᠳᠥᠬᠦ ᠬᠦᠴᠦᠨᠢ ᠳᠡᠭᠡᠭᠰᠢᠯᠡᠬᠦᠯᠥᠨᠡ᠃ 《ᠲᠦᠷᠦᠯ ᠳᠡᠮᠳᠡᠭᠳᠥ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠭᠦᠭᠵᠢᠯᠳᠡ ᠵᠢ ᠲᠦᠷᠭᠡᠳᠭᠡᠨ ᠠᠬᠢᠭᠤᠯᠬᠤ ᠳᠣᠬᠠᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠰᠠᠨᠠᠯ 》ᠢ ᠥᠳᠳᠡᠷ ᠳᠥᠷᠭᠡᠨ ᠳᠣᠭᠳᠠᠭ᠋ᠠᠨ ᠨᠡᠢ᠌ᠳᠡᠯᠡᠬᠦᠯᠬᠦᠪᠠᠷ ᠴᠢᠷᠮᠠᠢ᠌ᠵᠣ᠂ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠲᠦᠷᠦᠯ ᠳᠡᠮᠳᠡᠭᠤᠨ ᠪᠥᠳᠥᠬᠡᠨ ᠪᠠᠢ᠌ᠭᠣᠯᠣᠯᠳᠠ ᠵᠢᠨ ᠢᠨᠵᠸᠨ᠋ᠸᠷᠢᠩᠢ ᠡᠬᠢᠯᠡᠭᠥᠯᠥᠨ ᠬᠡᠷᠡᠭᠵᠢᠭᠥᠯᠥᠨᠡ᠃ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠳᠣᠮᠳᠠᠳᠣ ᠣᠯᠣᠰᠤᠨ ᠠᠯᠳᠠᠷᠳᠤ ᠲᠠᠸᠠᠷᠤᠨ ᠳᠡᠮᠳᠡᠭ᠂ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠴᠤᠤᠳᠤ ᠲᠠᠸᠠᠷᠤᠨ ᠳᠡᠮᠳᠡᠭ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠨᠡᠷᠡᠳᠤ ᠲᠠᠸᠠᠷᠤᠨ ᠲᠡᠮᠳᠡᠭ᠂ ᠣᠭ ᠭᠠᠷᠣᠯᠳᠠ ᠵᠢᠨ ᠤᠷᠤᠨᠤ ᠳᠡᠮᠳᠡᠭ᠂ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠭᠠᠵᠠᠷ ᠵᠦᠢ ᠵᠢᠨ ᠳᠡᠮᠳᠡᠭ ᠵᠡᠷᠬᠡ ᠵᠢ ᠭᠣᠶᠣᠴᠢᠯᠠᠨ ᠮᠡᠳᠡᠭᠥᠯᠭᠥ ᠪᠠ ᠡᠭᠦᠳᠤᠨ ᠪᠠᠢ᠌ᠭᠣᠯᠬᠣᠳᠤᠨᠢ ᠲᠡᠮᠵᠢᠯᠭᠡ ᠦᠵᠡᠬᠦᠯᠵᠦ᠂ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠲᠠᠸᠠᠷ ᠳᠡᠮᠳᠡᠭ ᠵᠶ᠋ᠡᠨ ᠣᠯᠠᠨ ᠣᠯᠣᠰᠲᠤ ᠳᠠᠩᠰᠠᠯᠠᠬᠣᠪᠠᠷ ᠭᠣᠶᠣᠴᠢᠯᠠᠬᠣᠳᠤᠨᠢ ᠲᠡᠮᠵᠢᠯᠬᠡ ᠦᠵᠡᠬᠦᠯᠵᠦ᠂ ᠭᠠᠳᠠᠭ᠋ᠠᠳᠣᠳᠤ ᠭᠠᠷᠭ᠋ᠠᠬᠣ ᠦᠢ᠍ᠯᠡᠳᠬᠦᠨᠤ ᠳᠡᠮᠳᠡᠭᠢ ᠢᠳᠡᠪᠬᠢᠳᠠᠢ ᠪᠤᠢ᠌ᠵᠢᠭᠤᠯᠤᠨᠠ᠃《ᠥᠪᠥᠷ ᠮᠣᠩᠭᠣᠯᠤᠨ ᠪᠣᠬᠢᠷᠳᠣᠯ ᠥᠬᠡᠢ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢ ᠭᠠᠳᠠᠭᠰᠢ ᠭᠠᠷᠭ᠋ᠠᠬᠣ》 ᠢᠨᠵᠸᠨ᠋ᠸᠷᠢᠩᠢ ᠡᠬᠢᠯᠡᠵᠥ ᠬᠡᠷᠡᠭᠵᠢᠭᠥᠯᠥᠨ᠂ ᠪᠡᠬᠡᠵᠢᠩ᠂ ᠱᠠᠩᠬᠠᠢᠳᠤ ᠂ ᠥᠪᠥᠷ ᠮᠣᠩᠭᠣᠯᠤᠨ ᠨᠡᠷᠡᠳᠥ ᠰᠢᠯᠢᠳᠡᠭ ᠤᠨᠴᠠᠯᠢᠭᠳᠤ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠥᠵᠡᠰᠭᠥᠯᠡᠩᠤᠨ ᠣᠷᠳᠣᠨᠢ ᠪᠠᠢ᠌ᠭᠣᠯᠣᠭᠰᠠᠨ ᠠᠮᠵᠢᠯᠳᠠᠲᠠᠢ ᠳᠣᠷᠰᠢᠯᠭᠠ ᠪᠠᠷ ᠲᠤᠯᠢᠳᠠᠵᠦ᠂ ᠭᠣᠸᠠᠩᠵᠸᠥ᠂ ᠱᠸᠨ᠋ᠵᠸᠨ᠂ ᠲᠢᠶᠠᠨᠵᠢᠨ ᠵᠡᠷᠬᠡ ᠳᠣᠮᠣ ᠬᠣᠳᠠᠳᠤ ᠬᠡᠷᠡᠭ ᠡᠷᠬᠢᠯᠡᠭᠥ ᠭᠠᠵᠠᠷ ᠪᠠᠢ᠌ᠭᠣᠯᠬᠣᠪᠠᠷ ᠢᠳᠡᠪᠬᠢᠯᠡᠨ ᠴᠢᠷᠮᠡᠢ᠌ᠵᠦ᠂ ᠥᠪᠥᠷ ᠮᠣᠩᠭᠣᠯᠤᠨ ᠨᠡᠷᠡᠳᠥ ᠰᠢᠯᠢᠳᠡᠭ ᠤᠨᠴᠠᠯᠢᠭᠳᠤ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠨᠡᠷᠡᠳᠥ ᠲᠡᠮᠳᠡᠭᠳᠤ ᠵᠢ ᠳᠡᠯᠬᠡᠨ ᠥᠵᠡᠭᠥᠯᠵᠥ ᠪᠣᠷᠣᠯᠠᠭᠣᠯᠬᠣ ᠴᠣᠩᠬᠣ （ ᠳᠥᠪ） ᠪᠠᠢ᠌ᠭᠣᠯᠵᠣ᠂ ᠮᠠᠨᠤ ᠣᠷᠣᠨᠤ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠨᠥᠯᠥᠭᠡᠯᠡᠬᠦ ᠬᠦᠴᠦᠨᠢ ᠳᠠᠰᠣᠷᠠᠯᠳᠠ ᠥᠬᠡᠢ ᠥᠷᠭᠡᠳᠬᠡᠨᠡ᠃ ᠡᠨᠡ ᠵᠢᠯ ᠳᠤ ᠪᠣᠯᠬᠣ ᠬᠣᠶᠠᠳᠣᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠪᠣᠬᠢᠷᠳᠣᠯ ᠥᠬᠡᠢ ᠲᠠᠷᠢᠶᠠᠯᠠᠩᠤᠨ ᠪᠦᠳᠤᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠥᠵᠡᠰᠬᠦᠯᠡᠩᠢ ᠰᠠᠢ᠌ᠳᠤᠷ ᠡᠷᠬᠢᠯᠡᠬᠦᠪᠠᠷ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠢ ᠵᠣᠬᠢᠶᠠᠨ ᠪᠠᠢ᠌ᠭᠤᠯᠵᠦ᠂ ᠠᠵᠣ ᠠᠬᠣᠢ᠌ᠯᠠᠯᠢ ᠥᠵᠡᠰᠭᠥᠯᠡᠩᠳᠤ ᠣᠷᠣᠯᠴᠠᠭᠣᠯᠬᠣᠪᠠᠷ ᠢᠳᠡᠪᠬᠢᠳᠠᠢ ᠵᠣᠬᠢᠶᠠᠨ ᠪᠠᠢ᠌ᠭᠣᠯᠣᠨ᠂ ᠡᠮᠥᠨᠡᠬᠢ ᠬᠣᠭᠣᠴᠠᠭ᠋ᠠᠨᠤ ᠪᠡᠯᠡᠳᠬᠡᠯᠤᠨ ᠠᠵᠢᠯᠢ ᠪᠦᠬᠦ ᠬᠦᠴᠦᠨ ᠵᠶ᠋ᠠᠷ ᠰᠠᠢ᠌ᠳᠣᠷ ᠬᠢᠵᠣ᠂ ᠥᠪᠥᠷ ᠮᠣᠩᠭᠣᠯᠤᠨ ᠪᠣᠬᠢᠷᠳᠣᠯ ᠥᠬᠡᠢ ᠲᠠᠷᠢᠶᠠᠯᠠᠩᠤᠨ ᠪᠦᠳᠡᠭᠡᠭᠳᠡᠬᠦᠨ ᠮᠠᠯᠤᠨ ᠠᠰᠢᠭ ᠰᠢᠮᠡ ᠵᠢᠨ ᠥᠵᠡᠰᠬᠦᠯᠡᠩ ᠵᠶ᠋ᠡᠨ ᠪᠦᠬᠦ ᠣᠯᠣᠰᠤᠨ ᠨᠡᠷᠡᠳᠠᠢ ᠥᠵᠡᠰᠭᠥᠯᠡᠩᠤᠨ ᠲᠦᠷᠦᠯ ᠳᠡᠮᠳᠡᠭ ᠪᠣᠯᠭ᠋ᠠᠬᠣᠪᠠᠷ ᠬᠦᠴᠥᠯᠡᠨ ᠴᠢᠷᠮᠠᠢ᠌ᠨᠠ᠃
［ᠶᠦᠨ ᠠᠢ ᠾᠸᠥ］ᠳᠥᠷᠪᠡᠳᠤ ᠠᠵᠣ ᠦᠢ᠍ᠯᠡᠰᠤᠨ ᠬᠦᠷᠢᠶᠡᠯᠡᠩ ᠳᠣᠭᠣᠷᠢᠭᠤᠨ ᠪᠦᠳᠦᠬᠡᠨ ᠪᠠᠢ᠌ᠭᠣᠯᠣᠯᠳᠠ ᠵᠢ ᠴᠢᠩᠭ᠋ᠠᠳᠬᠠᠵᠣ᠂ ᠠᠵᠣ ᠦᠢ᠍ᠯᠡᠰᠤᠨ ᠲᠦᠪᠯᠡᠷᠡᠯ ᠴᠣᠭᠯᠠᠷᠠᠯᠤᠨ ᠬᠦᠭᠵᠢᠯᠳᠠᠶᠢ ᠠᠬᠢᠭᠤᠯᠤᠨᠠ᠃ ᠨᠢᠬᠡᠳᠤ ᠰᠢᠨᠵᠢᠯᠡᠭᠥ ᠣᠬᠠᠭ᠋ᠠᠨᠴᠢᠪᠠᠷ ᠳᠥᠯᠥᠪᠵᠢᠭᠥᠯᠵᠥ᠂ ᠠᠵᠣ ᠦᠢ᠍ᠯᠡᠰᠤᠨ ᠪᠠᠢ᠌ᠷᠢᠯᠠᠭᠣᠯᠣᠯᠳᠠᠪᠠᠨ ᠳᠠᠰᠣᠷᠠᠯᠳᠠ ᠥᠬᠡᠢ ᠰᠢᠯᠢᠳᠡᠭᠵᠢᠭᠥᠯᠥᠨᠡ᠃ ᠵᠢᠷᠭᠣᠭ᠋ᠠᠨ ᠳᠣᠮᠣ ᠭᠣᠣᠯᠯᠠᠬᠣ ᠠᠵᠣ ᠦᠢ᠍ᠯᠡᠰᠤᠨ ᠪᠥᠰᠡ ᠵᠢᠨ ᠪᠠᠢ᠌ᠷᠢᠯᠠᠭᠣᠯᠣᠯᠳᠠ ᠪᠣᠯᠣᠨ ᠬᠣᠳᠠ ᠪᠠᠯᠭ᠋ᠠᠰᠣᠴᠢᠯᠠᠯᠳᠠ ᠵᠢᠨ ᠳᠥᠯᠥᠪᠵᠢᠭᠥᠯᠥᠯᠬᠡᠳᠤ ᠳᠥᠰᠢᠭᠯᠡᠨ᠂ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠵᠢᠱ᠌ᠢᠶᠡ ᠥᠵᠡᠭᠥᠯᠭᠥ ᠰᠠᠭᠣᠷᠢᠨ ᠭᠠᠵᠠᠷ ᠢ ᠡᠭᠦᠳᠤᠨ ᠪᠠᠢ᠌ᠭᠤᠯᠬᠤ ᠵᠢ ᠡᠬᠢᠯᠡᠨ ᠬᠡᠷᠡᠭᠵᠢᠭᠥᠯᠵᠣ᠂ ᠨᠢᠬᠡ ᠪᠥᠯᠥᠭ ᠠᠵᠣ ᠦᠢ᠍ᠯᠡᠰᠤᠨ ᠬᠣᠯᠪᠣᠯᠳᠣᠬᠣ ᠬᠡᠮᠵᠢᠶᠡᠪᠠᠷ ᠶᠡᠬᠡ᠂ ᠬᠦᠨᠵᠡᠬᠡᠢ ᠡᠳ᠋ᠰᠢᠬᠦᠯᠬᠦ ᠴᠢᠳᠠᠪᠣᠷᠢ ᠵᠶ᠋ᠠᠷ ᠴᠢᠩᠭᠠ᠂ ᠬᠡᠪᠴᠢᠶᠠᠵᠢᠯᠤᠨ ᠡᠷᠴᠢᠮᠤᠨ ᠳᠥᠪᠰᠢᠨ ᠵᠶ᠋ᠠᠷ ᠥᠨᠳᠥᠷ᠂ ᠰᠠᠴᠣᠷᠠᠭ ᠳᠠᠢ᠌ᠴᠢᠯᠠᠯᠳᠠᠪᠠᠷ ᠥᠷᠭᠡᠨ ᠪᠦᠬᠦᠢ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠵᠢᠱ᠌ᠢᠶᠡ ᠥᠵᠡᠭᠥᠯᠭᠥ ᠰᠠᠭᠣᠷᠢᠨ ᠭᠠᠵᠠᠷ ᠪᠣᠯᠣᠨ ᠪᠣᠬᠢᠷᠳᠣᠯ ᠥᠬᠡᠢ ᠮᠠᠯ ᠲᠠᠷᠢᠶᠠᠯᠠᠩᠤᠨ ᠭᠠᠷᠤᠯᠳᠠ ᠵᠢ ᠡᠳ᠋ᠰᠢᠬᠦᠯᠭᠡ ᠵᠢᠨ ᠰᠤᠯᠢᠯᠴᠠᠭ᠋ᠠᠨᠤ ᠬᠦᠷᠢᠶᠡᠯᠡᠩ ᠳᠣᠭᠣᠷᠢᠭᠢ ᠪᠥᠷᠢᠯᠳᠥᠭᠥᠯᠥᠨᠡ᠂ ᠬᠣᠶᠠᠷᠲᠤ ᠤᠷᠤᠨ ᠪᠠᠢ᠌ᠷᠢ ᠵᠢ ᠦᠨᠳᠤᠷ ᠳᠣᠭᠳᠠᠭ᠋ᠠᠨ᠂ ᠥᠯᠢᠭᠡᠷ ᠬᠡᠪᠤᠨ ᠢᠨᠵᠸᠨ᠋ᠸᠷᠢᠩᠢ ᠴᠢᠷᠮᠠᠢ᠌ᠨ ᠪᠠᠢ᠌ᠭᠣᠯᠬᠣ ᠬᠡᠷᠡᠭᠳᠠᠢ᠃ ᠥᠨᠳᠥᠷ ᠪᠠᠷᠢᠮᠵᠢᠶᠠ᠂ ᠱᠠᠭ᠋ᠠᠷᠳᠠᠯᠭᠠ ᠶᠣᠰᠣᠭ᠋ᠠᠷ᠂ ᠬᠦᠷᠢᠶᠡᠯᠡᠩ ᠳᠣᠭᠣᠷᠢᠭᠤᠨ ᠳᠥᠯᠥᠪᠵᠢᠭᠥᠯᠬᠡ ᠪᠠᠢ᠌ᠷᠢᠯᠠᠭᠣᠯᠣᠯᠳᠠ ᠵᠢ ᠨᠢᠬᠡᠳᠥᠯᠳᠣᠢ ᠳᠥᠯᠥᠪᠯᠡᠨ ᠠᠬᠢᠭᠤᠯᠵᠦ᠂ ᠰᠠᠭᠣᠷᠢ ᠪᠡᠯᠡᠳᠬᠡᠮᠵᠢ ᠵᠢᠨ ᠪᠦᠳᠤᠭᠡᠨ ᠪᠠᠢ᠌ᠭᠣᠯᠣᠯᠳᠠ ᠵᠢ ᠳᠡᠭᠥᠯᠳᠡᠷᠵᠢᠭᠥᠯᠥᠨ᠂ ᠣᠯᠠᠨ ᠨᠡᠢ᠌ᠳᠡ ᠵᠢᠨ ᠦᠢ᠍ᠯᠡᠴᠢᠯᠡᠬᠡ ᠵᠢ ᠳᠥᠭᠥᠷᠵᠢᠭᠥᠯᠵᠥ᠂ ᠬᠦᠷᠢᠶᠡᠯᠡᠩ ᠳᠣᠭᠣᠷᠢᠭᠤᠨ ᠳᠡᠰᠢ ᠳᠡᠭᠡᠭᠰᠢᠯᠡᠬᠦᠯᠥᠨ᠂ ᠬᠦᠷᠢᠶᠡᠯᠡᠩ ᠳᠣᠭᠣᠷᠢᠭᠢ ᠥᠨᠡᠨᠭᠥ ᠮᠠᠨᠤ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠬᠦᠭᠵᠢᠯᠳᠡ ᠵᠢᠨ ᠨᠡᠷᠡᠳᠥ ᠢᠨᠵᠸᠨ᠋ᠸᠷᠢᠩ᠂ ᠥᠯᠢᠭᠡᠷ ᠬᠡᠪᠤᠨ ᠢᠨᠵᠸᠨ᠋ᠸᠷᠢᠩ ᠪᠣᠯᠭ᠋ᠠᠨ ᠪᠦᠳᠦᠬᠡᠨ ᠪᠠᠢ᠌ᠭᠣᠯᠣᠨᠠ᠃ ᠭᠣᠷᠪᠠᠳᠤ ᠮᠠᠯᠵᠢᠬᠣ ᠳᠠᠷᠢᠶᠠᠯᠠᠬᠣ ᠣᠷᠣᠨᠤ ᠭᠠᠵᠠᠷ ᠰᠢᠷᠣᠢ ᠡᠪᠡᠰᠥ ᠪᠡᠯᠴᠢᠬᠡᠷᠤᠨ ᠡᠷᠬᠢᠯᠳᠡ ᠵᠢᠨ ᠮᠡᠳᠡᠭᠡ ᠵᠠᠩᠬᠢ ᠪᠤᠯᠤᠨ ᠦᠢ᠍ᠯᠡᠴᠢᠯᠡᠬᠡᠨᠤ ᠳᠠᠪᠴᠠᠩᠤᠨ ᠪᠦᠳᠦᠬᠡᠨ ᠪᠠᠢ᠌ᠭᠣᠯᠣᠯᠳᠠ ᠵᠢ ᠥᠷᠭᠥᠯᠵᠢᠯᠡᠨ ᠳᠥᠷᠭᠡᠳᠬᠡᠵᠥ᠂ ᠭᠠᠵᠠᠷ ᠰᠢᠷᠣᠢ ᠡᠪᠡᠰᠥ ᠪᠡᠯᠴᠢᠬᠡᠷᠤᠨ ᠳᠠᠯᠠᠪᠠᠢ ᠵᠢ ᠲᠠᠷᠢᠶᠠᠯᠠᠬᠤ ᠳᠡᠵᠢᠬᠡᠬᠦ ᠳᠣᠮᠣ ᠡᠷᠥᠬᠡ᠂ ᠳᠣᠰᠬᠠᠢ ᠬᠣᠷᠰᠢᠶᠠᠵᠢᠯ ᠪᠠ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯ ᠵᠦᠭ ᠲᠦᠪᠯᠡᠷᠡᠬᠦᠯᠬᠦ ᠵᠢ ᠵᠤᠷᠢᠭᠵᠢᠭᠤᠯᠤᠨ ᠵᠢᠯᠤᠭᠤᠳᠴᠤ᠂ ᠬᠡᠪᠴᠢᠶᠡᠵᠢᠬᠦ ᠡᠷᠴᠢᠮᠵᠢᠬᠦ ᠠᠬᠢᠴᠠ ᠵᠢ ᠳᠥᠯᠬᠢᠨ ᠠᠬᠢᠭᠤᠯᠬᠤ ᠬᠡᠷᠡᠭᠲᠠᠢ᠃
ᠳᠠᠪᠣᠳᠤ ᠠᠰᠢᠭ ᠳᠣᠰᠠ ᠵᠢ ᠬᠤᠯᠪᠤᠯᠳᠤᠭᠤᠯᠬᠤ ᠲᠤᠭᠳᠠᠭᠤᠨ ᠳᠣᠭᠳᠠᠴᠠ ᠵᠢ ᠪᠠᠢ᠌ᠭᠣᠯᠣᠨ᠂ ᠮᠠᠯᠴᠢᠨ ᠳᠠᠷᠢᠶᠠᠴᠢᠨᠤ ᠣᠷᠣᠯᠭᠠᠪᠠᠨ ᠨᠡᠮᠡᠭᠳᠡᠭᠥᠯᠥᠨ ᠪᠠᠶᠠᠵᠢᠨ ᠴᠢᠨᠡᠭᠡᠯᠢᠭᠵᠢᠬᠦ ᠵᠢ ᠳᠠᠢ᠌ᠴᠢᠯᠠᠨᠠ᠃ 《ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯ＋ ᠳᠣᠰᠬᠠᠢ ᠬᠣᠷᠰᠢᠶᠠᠵᠢᠯ＋ ᠰᠠᠭᠣᠷᠢᠨ ᠭᠠᠵᠠᠷ＋ ᠲᠠᠷᠢᠶᠠᠯᠠᠬᠣ ᠮᠠᠯᠵᠢᠬᠣ ᠡᠷᠥᠬᠡ＋ ᠵᠠᠬᠠ ᠳᠡᠯᠬᠡᠬᠦᠷ》 ᠵᠡᠷᠬᠡ ᠰᠢᠨᠡ ᠮᠠᠶᠢᠭᠤᠨ ᠵᠣᠬᠢᠶᠠᠨ ᠪᠠᠢ᠌ᠭᠣᠯᠬᠣ ᠦᠯᠢᠭᠡᠷ ᠬᠡᠪᠢ ᠢᠳᠡᠪᠬᠢᠳᠠᠢ ᠳᠡᠯᠬᠡᠷᠡᠭᠥᠯᠭᠥ ᠪᠠ ᠰᠤᠪᠢᠨ ᠰᠣᠳᠣᠯᠵᠣ᠂ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠢ ᠵᠢᠯᠤᠭᠤᠳᠤᠨ ᠠᠯᠣᠰ ᠬᠣᠯᠠ ᠵᠢᠨ ᠪᠣᠳᠣᠯᠭᠠ ᠪᠠ ᠨᠡᠢ᠌ᠬᠡᠮᠤᠨ ᠬᠠᠷᠢᠭᠣᠴᠠᠯᠭᠠ ᠵᠢ ᠪᠣᠢ ᠪᠣᠯᠭ᠋ᠠᠵᠣ᠂ ᠰᠠᠭᠣᠷᠢᠨ ᠭᠠᠵᠠᠷᠢ ᠥᠨᠡᠨᠭᠥ ᠠᠵᠣ ᠠᠬᠣᠢ᠌ᠯᠠᠯᠤᠨ ᠨᠢᠬᠡᠳᠥᠬᠡᠷ ᠦᠢ᠍ᠯᠡᠳᠪᠥᠷᠢ ᠵᠢᠨ ᠳᠠᠰᠣᠭ ᠪᠣᠯᠭ᠋ᠠᠨ᠂ ᠮᠠᠯᠴᠢᠨ ᠳᠠᠷᠢᠶᠠᠴᠢᠨᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠠᠵᠢᠯᠴᠢᠨ ᠵᠶ᠋ᠠᠷ ᠥᠵᠡᠵᠥ᠂ ᠮᠠᠯᠴᠢᠨ ᠳᠠᠷᠢᠶᠠᠴᠢᠨᠯᠤᠭᠠ ᠲᠤᠭᠳᠠᠭᠤᠨ ᠪᠦᠬᠡᠳ ᠨᠢᠭᠳᠠ ᠠᠰᠢᠭ ᠳᠣᠰᠠ ᠵᠢᠨ ᠬᠣᠯᠪᠣᠯᠳᠣᠭᠠ ᠵᠢᠨ ᠳᠣᠭᠳᠠᠴᠠ ᠵᠢ ᠪᠥᠷᠢᠯᠳᠥᠭᠥᠯᠥᠨ᠂ ᠰᠠᠯᠬᠢ ᠪᠣᠷᠣᠭᠠ ᠵᠢ ᠬᠠᠮᠳᠣᠪᠠᠷ ᠲᠤᠭᠤᠯᠬᠤ᠂ ᠪᠠᠷᠢᠯᠳᠤᠨ ᠬᠦᠭᠵᠢᠬᠦ ᠠᠰᠢᠭ ᠳᠣᠰᠠ ᠵᠢᠨ ᠬᠠᠮᠳᠣ ᠵᠢᠨ ᠴᠣᠭᠴᠠ ᠪᠤᠯᠭ᠋ᠠᠵᠦ᠂ ᠮᠠᠯᠴᠢᠨ ᠳᠠᠷᠢᠶᠠᠴᠢᠨᠳᠤ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠡᠵᠡᠩᠨᠡᠯᠳᠡ ᠵᠢᠨ ᠳᠣᠮᠳᠠᠠᠴᠠ ᠦᠨᠡᠨᠬᠦ ᠠᠰᠢᠭ ᠬᠦᠷᠳᠡᠭᠡᠨᠡ᠃
［ᠶᠦᠨ ᠠᠢ ᠾᠸᠥ］ ᠵᠢᠷᠭᠣᠭᠠᠳᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠨᠡᠢ᠌ᠭᠡᠮᠯᠢᠭᠤᠨ ᠠᠵᠢᠯᠢ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠢ ᠰᠠᠢ᠌ᠳᠣᠷ ᠬᠢᠬᠦ ᠬᠡᠷᠡᠭᠳᠠᠢ᠃ ᠨᠡᠢ᠌ᠬᠡᠮᠯᠢᠭᠨᠢ ᠡᠷᠬᠡᠪᠰᠢ ᠥᠷᠭᠡᠨ ᠣᠯᠠᠨ ᠬᠡᠰᠢᠭᠥᠨ ᠨᠢᠬᠡᠴᠡ ᠵᠢᠨ ᠦᠢ᠍ᠯᠡᠴᠢᠯᠡᠬᠡ ᠵᠢᠨ ᠱᠠᠭ᠋ᠠᠷᠳᠠᠯᠭᠠᠠᠴᠠ ᠡᠭᠦᠰᠴᠤ᠂ ᠵᠣᠬᠢᠶᠠᠨ ᠪᠠᠢ᠌ᠭᠣᠯᠣᠯᠳᠠ ᠵᠢᠨ ᠪᠠᠢ᠌ᠭᠣᠯᠣᠯᠳᠠ᠂ ᠳᠣᠬᠠᠢ᠌ᠯᠠᠭᠰᠠᠨ ᠠᠵᠢᠯᠤᠨ ᠪᠠᠢ᠌ᠭᠣᠯᠣᠯᠳᠠ᠂ ᠳᠥᠷᠢᠮ ᠳᠣᠭᠳᠠᠭ᠋ᠠᠯᠤᠨ ᠪᠠᠢ᠌ᠭᠣᠯᠣᠯᠳᠠ᠂ ᠣᠪᠣᠷ ᠰᠣᠷᠳᠠᠯᠤᠨ ᠪᠠᠢ᠌ᠭᠣᠯᠣᠯᠳᠠ ᠵᠢ ᠥᠨᠡᠨᠭᠥ ᠴᠢᠩᠭ᠋ᠠᠳᠬᠠᠵᠣ᠂ ᠨᠡᠢ᠌ᠭᠡᠮᠤᠨ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠯᠳᠠ ᠵᠢᠨ ᠡᠷᠬᠡ ᠴᠢᠳᠠᠪᠤᠷᠢ ᠵᠢᠨ ᠦᠢ᠍ᠯᠡᠳᠤᠯᠢ ᠬᠦᠢ᠍ᠴᠡᠳ ᠪᠠᠳᠠᠷᠠᠭᠤᠯᠵᠦ᠂ ᠮᠠᠨᠤ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠲᠠᠢ ᠬᠣᠯᠪᠣᠭ᠋ᠠᠯᠠᠨ᠂ ᠨᠡᠢ᠌ᠬᠡᠮᠤᠨ ᠡᠯᠡ ᠡᠳᠡᠭᠡᠳᠤᠨᠬᠢᠨᠤ ᠡᠬᠢ ᠪᠠᠶᠠᠯᠢᠭᠢ ᠡᠮᠬᠢᠯᠡᠨ ᠨᠡᠢ᠌ᠯᠡᠭᠥᠯᠵᠥ᠂ ᠵᠠᠰᠠᠭᠤᠨ ᠣᠷᠳᠣᠨ ᠬᠢᠵᠣ ᠳᠡᠢ᠌ᠯᠭᠥ ᠥᠬᠡᠢ᠂ ᠬᠠᠷᠢᠨ ᠨᠡᠢ᠌ᠭᠡᠮᠯᠢᠭ ᠬᠢᠬᠦᠳᠤ ᠳᠥᠭᠥᠮ ᠶᠠᠪᠣᠳᠠᠯᠢ ᠰᠠᠢ᠌ᠳᠣᠷ ᠬᠢᠵᠣ᠂ ᠮᠠᠨᠤ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠬᠦᠭᠵᠢᠯᠳᠡ ᠵᠢ ᠬᠠᠮᠳᠣᠪᠠᠷ ᠳᠥᠯᠬᠢᠨ ᠠᠬᠢᠭᠤᠯᠬᠤ ᠬᠡᠷᠡᠭᠲᠠᠢ᠃ ᠳᠣᠣᠷᠠᠬᠢ ᠵᠢᠷᠭᠣᠭ᠋ᠠᠨ ᠳᠠᠯᠠᠪᠠᠷ ᠰᠢᠨᠡ ᠰᠢᠪᠳᠥᠯᠥᠯᠳᠡ ᠵᠢ ᠪᠡᠶᠡᠯᠡᠬᠦᠯᠬᠦᠪᠠᠷ ᠴᠢᠷᠮᠠᠢ᠌ᠨᠠ᠄ ᠨᠢᠭᠡᠳᠤ ᠳᠠᠢ᠌ᠴᠢᠯᠠᠬᠣ ᠦᠢ᠍ᠯᠡᠳᠥᠯᠢ ᠳᠣᠪᠣᠢ᠌ᠯᠭ᠋ᠠᠨ᠂ ᠦᠢ᠍ᠯᠡᠴᠢᠯᠡᠬᠡᠨᠤ ᠥᠷᠭᠡᠴᠡ ᠵᠢᠨ ᠳᠠᠯᠠᠪᠠᠷ ᠰᠢᠨᠡ ᠰᠢᠪᠳᠣᠯᠣᠯᠳᠠ ᠵᠢ ᠪᠡᠶᠡᠯᠡᠬᠦᠯᠬᠦᠪᠠᠷ ᠴᠢᠷᠮᠠᠢ᠌ᠬᠤ ᠬᠡᠷᠡᠭᠲᠠᠢ᠃ ᠰᠢᠯᠢᠳᠡᠭ ᠰᠠᠢ᠌ᠨ ᠦᠢ᠍ᠯᠡᠴᠢᠯᠡᠬᠡᠪᠠᠷ ᠳᠠᠮᠵᠢᠭᠣᠯᠣᠨ ᠴᠢᠳᠠᠬᠣ ᠵᠢᠨ ᠳᠣᠳᠣᠷᠠ ᠨᠡᠩ ᠤᠯᠠᠨ ᠬᠡᠰᠢᠭᠥᠨᠢ ᠳᠠᠳᠠᠨ ᠣᠷᠣᠭᠣᠯᠵᠣ᠂ ᠨᠡᠩ ᠣᠯᠠᠨ ᠮᠠᠯ ᠲᠠᠷᠢᠶᠠᠯᠠᠩᠤᠨ ᠭᠠᠷᠤᠯᠳᠠ ᠵᠢ ᠡᠳ᠋ᠰᠢᠬᠦᠯᠬᠦ ᠨᠡᠩ ᠤᠯᠠᠨ ᠠᠵᠣ ᠠᠬᠣᠢ᠌ᠯᠠᠯᠳᠤ ᠦᠢ᠍ᠯᠡᠴᠢᠯᠡᠬᠦ ᠰᠢᠨᠡ ᠠᠷᠭᠠ ᠵᠠᠮ ᠰᠤᠪᠢᠨ ᠰᠦᠪᠡᠭᠴᠢᠯᠡᠵᠦ᠂ ᠡᠭᠦᠨᠠᠴᠠ ᠨᠡᠢ᠌ᠬᠡᠮᠯᠢᠭᠲᠤ ᠣᠷᠣᠬᠣ ᠳᠤᠷᠠᠲᠠᠢ ᠨᠡᠩ ᠤᠯᠠᠨ ᠬᠡᠰᠢᠭᠥᠳᠲᠤ ᠠᠰᠢᠭ ᠬᠦᠷᠳᠡᠭᠡᠬᠦ ᠬᠡᠷᠡᠭᠲᠠᠢ᠃ ᠬᠣᠶᠠᠷᠲᠤ ᠨᠢᠬᠡᠳᠥᠯᠳᠠᠢ ᠳᠥᠯᠥᠪᠯᠡᠨ ᠵᠣᠬᠢᠴᠠᠭᠣᠯᠬᠣ ᠵᠢ ᠰᠠᠢ᠌ᠳᠣᠷ ᠠᠳᠬᠣᠵᠣ᠂ ᠦᠢ᠍ᠯᠡᠴᠢᠯᠡᠬᠡᠨᠢ ᠵᠤᠯᠭ᠋ᠠᠭᠤᠯᠬᠤ ᠲᠠᠯᠠᠪᠠᠷ ᠰᠢᠨᠡ ᠰᠢᠪᠳᠣᠯᠣᠯᠳᠠ ᠵᠢ ᠪᠡᠶᠡᠯᠡᠬᠦᠯᠬᠦᠪᠠᠷ ᠴᠢᠷᠮᠠᠢ᠌ᠬᠤ ᠬᠡᠷᠡᠭᠲᠠᠢ᠃ ᠨᠡᠢ᠌ᠬᠡᠮᠯᠢᠭᠨᠢ ᠬᠡᠰᠢᠭᠥᠨ ᠨᠢᠭᠡᠴᠡᠳᠡᠭᠡᠨ ᠣᠯᠠᠨ ᠡᠰᠢᠳᠥ ᠦᠢ᠍ᠯᠡᠳᠬᠦᠨᠤ ᠪᠣᠷᠣᠯᠠᠭᠣᠯᠭᠠ ᠵᠢᠨ ᠳᠠᠪᠴᠠᠩᠢ ᠢᠳᠡᠪᠬᠢᠳᠠᠢᠪᠠᠷ ᠪᠠᠢ᠌ᠭᠣᠯᠣᠨ ᠥᠭᠴᠥ᠂ ᠣᠯᠠᠨ ᠠᠷᠭᠠ ᠵᠠᠮ ᠵᠶ᠋ᠠᠷ ᠲᠦᠷᠦᠯ ᠳᠡᠮᠳᠡᠭ ᠵᠶ᠋ᠡᠨ ᠳᠡᠯᠭᠡᠷᠡᠬᠦᠯᠬᠦ ᠪᠠ ᠪᠦᠳᠤᠭᠡᠭᠳᠡᠬᠦᠨ ᠵᠶ᠋ᠠᠨ ᠡᠵᠡᠩᠨᠡᠨ ᠪᠤᠷᠤᠯᠠᠭᠤᠯᠬᠤ ᠬᠡᠷᠡᠭᠲᠠᠢ᠃ ᠭᠣᠷᠪᠠᠳᠤ ᠬᠡᠰᠢᠬᠦᠳᠤᠨ ᠱᠠᠭ᠋ᠠᠷᠳᠠᠯᠭᠠ ᠵᠢ ᠬᠠᠷᠠᠭ᠋ᠠᠯᠵᠠᠵᠣ᠂ ᠦᠢ᠍ᠯᠡᠴᠢᠯᠡᠬᠡᠨᠤ ᠴᠢᠨᠠᠷ ᠴᠢᠨᠰᠠᠭᠠ ᠵᠢᠨ ᠳᠠᠯᠠᠳᠤ ᠰᠢᠨᠡ ᠰᠢᠪᠳᠣᠯᠣᠯᠳᠠ ᠵᠢ ᠪᠡᠶᠡᠯᠡᠬᠦᠯᠬᠦᠪᠠᠷ ᠴᠢᠷᠮᠠᠢ᠌ᠬᠤ ᠬᠡᠷᠡᠭᠲᠠᠢ᠃ ᠨᠡᠢ᠌ᠬᠡᠮᠯᠢᠭᠨᠢ ᠬᠡᠰᠢᠭᠥᠨ ᠨᠢᠭᠡᠴᠡ ᠪᠠ ᠵᠠᠬᠠ ᠳᠡᠯᠬᠡᠬᠦᠷᠯᠦᠭᠡ ᠨᠡᠪᠳᠡᠷᠡᠯᠴᠡᠬᠦ ᠪᠠ ᠵᠣᠬᠢᠴᠠᠭᠣᠯᠬᠣᠪᠠᠨ ᠴᠢᠩᠭ᠋ᠠᠳᠬᠠᠵᠣ᠂ ᠬᠡᠰᠢᠭᠥᠨᠲᠡᠭᠡᠨ ᠴᠢᠨᠠᠷᠯᠢᠭ ᠦᠢ᠍ᠯᠡᠴᠢᠯᠡᠬᠡ ᠬᠠᠩᠭ᠋ᠠᠨ᠂ ᠠᠵᠢᠯ ᠳᠥᠷᠥᠯᠤᠨ ᠪᠦᠬᠦᠯᠢ ᠴᠣᠭᠴᠠ ᠵᠢᠨ ᠴᠢᠨᠠᠷ ᠴᠢᠨᠰᠠᠭᠠ ᠪᠠ ᠵᠠᠬᠠ ᠳᠡᠯᠬᠡᠬᠦᠷᠤᠨ ᠥᠷᠢᠰᠥᠯᠳᠥᠭᠥ ᠬᠦᠴᠦᠨ ᠵᠶ᠋ᠡᠨ ᠳᠡᠭᠡᠭᠰᠢᠯᠡᠭᠦᠯᠬᠦ ᠬᠡᠷᠡᠭᠲᠠᠢ᠃ ᠳᠥᠷᠪᠡᠳᠤ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠮᠡᠷᠬᠡᠵᠢᠯᠤᠨ ᠰᠢᠨᠡ ᠵᠢ ᠡᠭᠦᠳᠬᠦ ᠵᠢ ᠴᠢᠬᠣᠯᠠᠴᠢᠯᠠᠨ᠂ ᠣᠶᠣᠨ ᠣᠷᠣᠭᠣᠯᠬᠣ ᠪᠠ ᠳᠠᠪᠳᠠᠨ ᠪᠣᠯᠪᠠᠰᠣᠷᠠᠭᠣᠯᠬᠣ ᠳᠠᠯᠠᠪᠠᠷ ᠰᠢᠨᠡ ᠰᠢᠪᠳᠣᠯᠣᠯᠳᠠ ᠵᠢ ᠪᠡᠶᠡᠯᠡᠭᠥᠯᠭᠥ ᠪᠠᠷ ᠴᠢᠷᠮᠠᠢ᠌ᠬᠤ ᠬᠡᠷᠡᠭᠲᠠᠢ᠃ ᠬᠡᠰᠢᠭᠥᠨ ᠠᠵᠣ ᠠᠬᠣᠢ᠌ᠯᠠᠯᠳᠠᠭᠠᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠳᠡᠭᠡᠳᠥ ᠵᠡᠷᠬᠡ ᠵᠢᠨ ᠰᠣᠷᠭ᠋ᠠᠭᠣᠯᠢ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠰᠤᠳᠤᠯᠤᠯᠤᠨ ᠬᠦᠷᠢᠶᠡᠯᠡᠩ ᠭᠠᠵᠠᠷᠯᠤᠭᠠ ᠬᠣᠯᠪᠣᠭ᠋ᠠᠯᠠᠬᠣ ᠪᠠ ᠬᠠᠮᠳᠣᠷᠠᠯᠴᠠᠬᠣ ᠳᠠᠪᠴᠠᠩ ᠪᠠᠢ᠌ᠭᠤᠯᠤᠨ ᠦᠭᠬᠦ ᠬᠡᠷᠡᠭᠲᠠᠢ； ᠴᠢᠭᠯᠡᠬᠦᠯᠬᠦ ᠴᠢᠨᠠᠷᠲᠠᠢ ᠪᠤᠯᠪᠠᠰᠤᠷᠠᠭᠤᠯᠤᠯᠢ ᠥᠷᠨᠢᠭᠥᠯᠵᠥ᠂ ᠬᠡᠰᠢᠭᠥᠨ ᠠᠵᠣ ᠠᠬᠣᠢ᠌ᠯᠠᠯᠤᠨ ᠠᠵᠢᠯᠳᠠᠳᠤᠨ ᠴᠢᠳᠠᠪᠣᠷᠢ ᠴᠢᠨᠰᠠᠭᠠ ᠵᠢ ᠳᠡᠭᠡᠭᠰᠢᠯᠡᠬᠦᠯᠬᠦ ᠬᠡᠷᠡᠭᠲᠠᠢ᠃ ᠳᠠᠪᠣᠳᠤ ᠠᠵᠢᠯ ᠳᠥᠷᠥᠯᠤᠨ ᠬᠣᠪᠢᠶᠠᠷᠢ ᠨᠡᠢ᠌ᠬᠡᠮᠯᠢᠭᠤᠨ ᠪᠠᠢ᠌ᠭᠣᠯᠣᠯᠳᠠ ᠵᠢ ᠳᠥᠷᠭᠡᠳᠬᠡᠵᠥ᠂ ᠳᠥᠷᠢᠮ ᠳᠣᠭᠳᠠᠭ᠋ᠠᠯᠤᠨ ᠰᠢᠰᠲᠸᠮᠵᠢ ᠵᠢᠨ ᠳᠠᠯᠠᠪᠠᠷ ᠰᠢᠨᠡ ᠰᠢᠪᠳᠣᠯᠣᠯᠳᠠ ᠵᠢ ᠪᠡᠶᠡᠯᠡᠭᠥᠯᠭᠥᠪᠠᠷ ᠴᠢᠷᠮᠠᠢ᠌ᠬᠤ ᠬᠡᠷᠡᠭᠲᠠᠢ᠃ ᠡᠯᠡ ᠠᠵᠢᠯ ᠳᠥᠷᠥᠯᠤᠨ ᠬᠣᠪᠢᠶᠠᠷᠢ ᠨᠡᠢ᠌ᠬᠡᠮᠯᠢᠭᠤᠨ ᠳᠥᠷᠢᠮ ᠳᠣᠭᠳᠠᠭ᠋ᠠᠯᠢ ᠱᠠᠯᠠᠪᠬᠠᠨ ᠳᠡᠭᠥᠯᠳᠡᠷᠵᠢᠭᠥᠯᠥᠨ᠂ ᠠᠵᠢᠯ ᠳᠥᠷᠥᠯᠤᠨ ᠪᠠᠷᠢᠮᠵᠢᠶᠠ ᠳᠣᠭᠳᠠᠭ᠋ᠠᠬᠣ ᠵᠢ ᠴᠢᠩᠭ᠋ᠠᠳᠬᠠᠵᠣ᠂ ᠬᠠᠮᠢᠶᠠᠷᠣᠯᠳᠠ ᠵᠢᠨ ᠪᠠᠢ᠌ᠭᠣᠯᠣᠯᠤᠨ ᠳᠠᠯᠠᠪᠠᠷ ᠰᠢᠨᠡ ᠰᠢᠪᠳᠣᠯᠣᠯᠳᠠ ᠵᠢ ᠪᠡᠶᠡᠯᠡᠭᠥᠯᠭᠥᠪᠠᠷ ᠴᠢᠷᠮᠠᠢ᠌ᠬᠤ ᠬᠡᠷᠡᠭᠲᠠᠢ᠃ ᠵᠢᠷᠭᠣᠭᠠᠳᠤ ᠲᠤᠰ ᠪᠡᠶᠡ ᠵᠢᠨ ᠪᠠᠢ᠌ᠭᠣᠯᠣᠯᠳᠠ ᠵᠢ ᠴᠢᠩᠭ᠋ᠠᠳᠬᠠᠵᠣ᠂ ᠰᠢᠨᠵᠢᠯᠡᠬᠦ ᠣᠬᠠᠭ᠋ᠠᠨᠴᠢ ᠬᠠᠮᠢᠶᠠᠷᠣᠯᠳᠠ ᠵᠢᠨ ᠳᠠᠯᠠᠪᠠᠷ ᠰᠢᠨᠡ ᠰᠢᠪᠳᠣᠯᠣᠯᠳᠠ ᠪᠡᠶᠡᠯᠡᠭᠥᠯᠭᠥ ᠪᠠᠷ ᠴᠢᠷᠮᠠᠢ᠌ᠬᠤ ᠬᠡᠷᠡᠭᠲᠠᠢ᠃ ᠬᠡᠷᠡᠭ ᠡᠷᠬᠢᠯᠡᠭᠥ ᠨᠡᠢ᠌ᠬᠡᠮᠯᠢᠭᠤᠨ ᠰᠢᠢ᠍ᠳᠪᠤᠷᠢᠳᠤ ᠪᠤᠳᠤᠯᠭᠠ ᠳᠣᠭᠳᠠᠭ᠋ᠠᠬᠣ ᠳᠣᠭᠳᠠᠴᠠ ᠵᠢ ᠪᠥᠷᠢᠨᠰᠢᠭᠥᠯᠵᠥ᠂ ᠬᠢᠨᠠᠯᠳᠠ ᠬᠠᠮᠢᠶᠠᠷᠣᠯᠳᠠᠪᠠᠨ ᠥᠨᠡᠨᠭᠥ ᠴᠢᠩᠭ᠋ᠠᠳᠬᠠᠵᠣ᠂ ᠰᠢᠨᠵᠢᠯᠡᠬᠦ ᠣᠬᠠᠭ᠋ᠠᠨᠴᠢᠪᠠᠷ ᠰᠢᠢ᠍ᠳᠪᠤᠷᠢᠳᠤ ᠪᠤᠳᠤᠯᠭᠠ ᠳᠣᠭᠳᠠᠭ᠋ᠠᠬᠣ ᠳᠥᠪᠰᠢᠨ ᠵᠶ᠋ᠠᠨ ᠳᠠᠰᠣᠷᠠᠯᠳᠠ ᠥᠬᠡᠢ ᠳᠡᠭᠡᠭᠰᠢᠯᠡᠬᠦᠯᠬᠦ ᠬᠡᠷᠡᠭᠲᠠᠢ᠃
ᠳᠣᠯᠣᠭᠠᠳᠤ ᠠᠵᠣ ᠦᠢ᠍ᠯᠡᠰᠵᠢᠯᠳᠡ ᠵᠢᠨ ᠵᠢᠯᠣᠭᠣᠳᠣᠯᠭᠠ᠂ ᠦᠢ᠍ᠯᠡᠴᠢᠯᠡᠬᠡᠨᠤ ᠠᠵᠢᠯᠢ ᠴᠢᠩᠭ᠋ᠠᠳᠬᠠᠨᠠ᠃ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠠᠵᠣ ᠦᠢ᠍ᠯᠡᠰᠵᠢᠯᠳᠡ ᠵᠢᠨ ᠳᠣᠭᠠ ᠪᠦᠷᠢᠳᠭᠡᠯᠤᠨ ᠠᠵᠢᠯᠢ ᠴᠢᠩᠭ᠋ᠠᠳᠬᠠᠵᠣ᠂ ᠭᠣᠣᠯᠳᠠᠯᠭ᠋ᠠᠳᠣ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯ ᠢ ᠮᠠᠭ᠋ᠠᠳᠯᠠᠨ ᠳᠣᠭᠳᠠᠭ᠋ᠠᠵᠣ ᠬᠢᠨᠠᠨ ᠬᠡᠮᠵᠢᠬᠦ ᠳᠥᠷᠢᠮᠢ ᠳᠡᠭᠥᠯᠳᠡᠷᠵᠢᠭᠥᠯᠣᠨ᠂ ᠥᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠤ ᠳᠡᠰᠠᠴᠠ ᠳᠡᠭᠡᠭᠰᠢᠬᠢ ᠭᠤᠤᠯᠳᠠᠯᠭ᠋ᠠᠳᠤ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠤᠨ ᠠᠵᠣ ᠠᠬᠣᠢ ᠵᠢᠨ ᠠᠵᠢᠯᠯᠠᠭᠠ ᠵᠢ ᠰᠢᠭᠣᠳ ᠮᠡᠳᠡᠭᠥᠯᠭᠥ ᠳᠥᠷᠢᠮᠢ ᠪᠠᠢ᠌ᠭᠣᠯᠵᠣ᠂ ᠪᠠᠢ᠌ᠴᠠᠭ᠋ᠠᠨ ᠰᠣᠳᠣᠯᠬᠣ ᠠᠵᠢᠯᠢ ᠴᠢᠩᠭ᠋ᠠᠳᠬᠠᠨ᠂ ᠠᠵᠢᠯ ᠳᠥᠷᠥᠯᠤᠨ ᠬᠦᠭᠵᠢᠯᠳᠡ ᠵᠢᠨ ᠪᠠᠢ᠌ᠳᠠᠯᠢ ᠮᠥᠷᠳᠡᠭᠥ ᠪᠠ ᠰᠣᠳᠣᠯᠣᠨ ᠮᠠᠭ᠋ᠠᠳᠯᠠᠵᠣ᠂ ᠴᠢᠭᠯᠡᠬᠦᠯᠬᠦ ᠴᠢᠨᠠᠷᠲᠠᠢ ᠠᠵᠢᠯᠤᠨ ᠠᠷᠭᠠ ᠪᠠᠷᠢᠯ ᠳᠣᠷᠠᠳᠣᠨ᠂ ᠵᠠᠰᠠᠭᠤᠨ ᠣᠷᠳᠣᠨᠠᠴᠠ ᠬᠣᠷᠸᠠ ᠳᠣᠬᠢᠷᠠᠭᠣᠯᠬᠣ ᠪᠠ ᠳᠥᠷᠥ ᠵᠢᠨ ᠪᠣᠳᠣᠯᠭᠠ ᠳᠣᠭᠳᠠᠭ᠋ᠠᠬᠣᠳᠤ ᠡᠰᠢ ᠪᠠᠷᠢᠮᠳᠠ ᠬᠠᠩᠭ᠋ᠠᠵᠣ ᠥᠭᠭᠥᠨᠡ᠃ ᠡᠳ᠋ᠤᠨ ᠵᠠᠰᠠᠭ ᠭᠠᠢ᠌ᠯᠢ᠂ ᠮᠥᠩᠭᠥᠨ ᠬᠦᠢ᠍ᠯᠬᠡᠬᠡ ᠵᠡᠷᠬᠡ ᠵᠢᠨ ᠳᠣᠬᠠᠢ ᠳᠥᠷᠥ ᠵᠢᠨ ᠪᠣᠳᠣᠯᠭᠠ ᠵᠢ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠥᠴᠢᠷᠲᠠᠢ ᠬᠠᠮᠳᠤᠷᠠᠨ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠢ ᠰᠣᠳᠣᠯᠵᠣ᠂ ᠠᠵᠣ ᠦᠢ᠍ᠯᠡᠰᠵᠢᠭᠥᠯᠭᠥ ᠵᠢ ᠳᠡᠳᠭᠥᠭᠥ ᠡᠷᠴᠢᠮ ᠵᠶ᠋ᠠᠨ ᠴᠢᠩᠭ᠋ᠠᠷᠠᠭᠣᠯᠣᠨᠠ᠃
［ᠶᠦᠨ ᠠᠢ ᠾᠸᠥ］ ᠨᠠᠢ᠍ᠮᠠᠳᠤ ᠳᠥᠷᠥ ᠵᠢᠨ ᠪᠣᠳᠣᠯᠭᠠᠪᠠᠷ ᠲᠡᠳᠬᠦᠬᠦ ᠵᠢ ᠨᠡᠮᠡᠭᠳᠡᠭᠥᠯᠥᠨ᠂ ᠳᠡᠳᠭᠥᠭᠥ ᠠᠷᠭᠠ ᠬᠡᠯᠪᠡᠷᠢ ᠵᠢ ᠲᠡᠭᠦᠯᠳᠡᠷᠵᠢᠬᠦᠯᠤᠨᠠ᠃ ᠨᠢᠬᠡᠳᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠬᠠᠮᠢᠶᠠᠲᠠᠢ ᠳᠡᠳᠭᠥᠮᠵᠢ ᠵᠢᠨ ᠪᠡᠯᠡ ᠮᠥᠩᠭᠥ ᠵᠢ ᠢᠳᠡᠪᠬᠢᠳᠠᠢᠪᠠᠷ ᠨᠡᠢ᠌ᠯᠡᠬᠦᠯᠬᠦ ᠪᠠ ᠨᠢᠬᠡᠳᠥᠯᠳᠠᠢ ᠳᠥᠯᠥᠪᠯᠡᠨ᠂ ᠠᠵᠣ ᠦᠢ᠍ᠯᠡᠰᠵᠢᠯᠳᠡ ᠵᠢᠨ ᠤᠷᠤᠭᠤᠯᠤᠯᠳᠠ ᠵᠢᠨ ᠡᠷᠴᠢᠮᠢ ᠴᠢᠩᠭ᠋ᠠᠷᠠᠭᠣᠯᠵᠣ᠂ ᠠᠬᠢᠯᠳᠠ ᠵᠢᠨ ᠬᠠᠮᠳᠣ ᠵᠢᠨ ᠬᠦᠴᠦ ᠵᠢ ᠪᠥᠷᠢᠯᠳᠥᠭᠥᠯᠥᠨᠡ᠃ ᠬᠣᠶᠠᠷᠲᠤ ᠳᠡᠳᠭᠥᠭᠥ ᠠᠷᠭᠠ ᠬᠡᠯᠪᠡᠷᠢᠪᠠᠨ ᠥᠭᠡᠷᠡᠴᠢᠯᠡᠨ ᠰᠠᠢ᠌ᠵᠢᠷᠠᠭᠤᠯᠤᠨᠠ᠃ ᠰᠢᠭᠣᠳ ᠨᠦᠬᠦᠪᠤᠷᠢ ᠵᠢ ᠪᠠᠭ᠋ᠠᠰᠬᠠᠵᠣ᠂ ᠳᠠᠭ᠋ᠠᠭ᠋ᠠᠯᠳᠠ ᠬᠢᠬᠦ᠂ ᠳᠠᠮ ᠬᠦᠦ ᠮᠥᠩᠭᠥ ᠥᠭᠭᠥ᠂ ᠳᠥᠭᠰᠢᠭᠥᠷᠢ ᠵᠢᠨ ᠨᠥᠭᠥᠪᠥᠷᠢ ᠥᠭᠭᠥ᠂ ᠬᠣᠪᠢ ᠣᠷᠣᠬᠣ ᠵᠡᠷᠬᠡ ᠠᠷᠭᠠ ᠬᠡᠯᠪᠡᠷᠢ ᠵᠢ ᠤᠯᠠᠨ ᠬᠡᠷᠡᠭᠯᠡᠵᠦ᠂ ᠵᠠᠬᠠ ᠳᠡᠯᠬᠡᠬᠦᠷᠤᠨ ᠡᠳ᠋ ᠪᠠᠶᠠᠯᠢᠭᠢ ᠨᠢᠭᠳᠠᠷᠠᠭᠤᠯᠬᠤ ᠦᠢ᠍ᠯᠡᠳᠥᠯᠢ ᠬᠦᠢ᠍ᠴᠡᠳ ᠪᠠᠳᠠᠷᠠᠭᠤᠯᠤᠨᠠ᠃ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠣ ᠠᠬᠣᠢ ᠵᠢᠨ ᠪᠡᠯᠡ ᠲᠤᠬᠢᠷᠠᠭᠤᠯᠭᠠ ᠵᠢᠨ ᠪᠠᠳᠤᠯᠠᠭᠠ ᠵᠢᠨ ᠺᠣᠮᠫᠠᠨᠢ ᠵᠢ ᠪᠠᠢ᠌ᠭᠣᠯᠬᠣ ᠠᠯᠬᠣᠴᠠᠪᠠᠨ ᠳᠥᠷᠬᠡᠳᠬᠡᠨ᠂ ᠥᠳᠳᠡᠷ ᠳᠥᠷᠬᠡᠨ ᠠᠵᠢᠯᠯᠠᠭ᠋ᠠᠨᠳᠤ ᠤᠷᠤᠯᠴᠠᠭᠤᠯᠬᠤᠪᠠᠷ ᠴᠢᠷᠮᠠᠢ᠌ᠵᠦ᠂ ᠳᠠᠭ᠋ᠠᠭᠣᠯᠣᠭᠴᠢ ᠠᠵᠣ ᠠᠬᠣᠢ᠌ᠯᠠᠯᠳᠤ ᠪᠡᠯᠡ ᠳᠣᠬᠢᠷᠠᠭᠣᠯᠭᠠ ᠵᠢᠨ ᠪᠠᠳᠤᠯᠠᠭᠠ ᠵᠢᠨ ᠦᠢ᠍ᠯᠡᠴᠢᠯᠡᠬᠡ ᠬᠠᠩᠭ᠋ᠠᠵᠣ ᠥᠭᠭᠥᠨᠡ᠃ ᠭᠣᠷᠪᠠᠳᠤ ᠳᠥᠷᠥᠯ ᠵᠦᠢ᠍ᠯᠢ ᠬᠢᠨᠠᠨ ᠪᠠᠢ᠌ᠴᠠᠭ᠋ᠠᠬᠣ ᠪᠠ ᠨᠠᠢ᠌ᠳᠠᠪᠣᠷᠢᠵᠢᠭᠣᠯᠬᠣ ᠡᠷᠴᠢᠮ ᠵᠶ᠋ᠠᠨ ᠴᠢᠩᠭ᠋ᠠᠷᠠᠭᠣᠯᠵᠣ᠂ ᠳᠥᠷᠥᠯ ᠵᠦᠢ᠍ᠯᠤᠨ ᠬᠡᠷᠡᠭᠵᠢᠭᠦᠯᠤᠯᠳᠡ ᠵᠢᠨ ᠥᠷᠡ ᠪᠥᠳᠥᠮᠵᠢ ᠪᠠ ᠪᠡᠯᠡ ᠮᠥᠩᠭᠥ ᠵᠢᠨ ᠨᠠᠢ᠌ᠳᠠᠪᠤᠵᠢᠭᠤᠯᠤᠯᠳᠠ ᠵᠢᠨ ᠪᠠᠢ᠌ᠳᠠᠯᠢ ᠮᠥᠷᠳᠡᠨ ᠪᠠᠢ᠌ᠴᠠᠭ᠋ᠠᠵᠣ᠂ ᠳᠥᠷᠥᠯ ᠵᠦᠢ᠍ᠯᠤᠨ ᠪᠥᠳᠥᠬᠡᠨ ᠪᠠᠢ᠌ᠭᠣᠯᠣᠯᠳᠠ ᠵᠢᠨ ᠪᠣᠳᠠᠳᠣ ᠥᠷᠡ ᠪᠥᠳᠥᠮᠵᠢ ᠤᠯᠬᠤ ᠵᠢ ᠪᠠᠳᠣᠯᠠᠨᠠ᠃
［ᠬᠦᠳᠥᠯᠥᠭᠴᠢ］ ᠵᠠ᠂ ᠶᠦᠨ ᠲᠢᠩᠬᠢᠮᠤᠨ ᠳᠠᠷᠣᠭᠠ ᠵᠢᠨ ᠬᠠᠯᠠᠰᠢᠷᠠᠯ ᠥᠬᠡᠢ ᠳᠠᠢ᠌ᠯᠪᠣᠷᠢᠯᠠᠯᠳᠠ ᠬᠢᠭᠰᠡᠨᠳᠤ ᠶᠡᠬᠡ ᠲᠠᠯᠠᠷᠬᠠᠵᠦ ᠪᠠᠢ᠌ᠨᠠ᠂ ᠮᠥᠨᠴᠥ ᠮᠠᠨᠤ ᠣᠷᠣᠨᠤ ᠳᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢ ᠠᠵᠤ ᠦᠢ᠍ᠯᠡᠰᠵᠢᠭᠥᠯᠭᠥ ᠬᠦᠭᠵᠢᠯᠳᠡ ᠵᠢᠨ ᠨᠡᠩ ᠥᠨᠳᠥᠷ ᠠᠮᠵᠢᠯᠳᠠ ᠣᠯᠬᠣ ᠵᠢ ᠬᠦᠰᠡᠨ ᠢᠷᠥᠬᠡᠶᠡ᠃ ᠥᠷᠬᠡᠨ ᠣᠯᠠᠨ ᠰᠥᠯᠵᠢᠶᠡᠨ ᠠᠨᠳᠠ ᠨᠠᠷᠤᠨ ᠬᠦᠯᠢᠶᠡᠨ ᠠᠪᠴᠥ ᠥᠵᠡᠭᠰᠡᠨᠳᠤ ᠲᠠᠯᠠᠷᠬᠠᠵᠦ ᠪᠠᠢ᠌ᠨᠠ᠂ ᠳᠣᠰ ᠣᠳᠠᠭ᠋ᠠᠨᠤ ᠰᠣᠷᠪᠣᠯᠵᠢᠯᠠᠭᠠ ᠡᠨᠳᠡ ᠬᠦᠷᠥᠬᠡᠳ ᠦᠨᠳᠤᠷᠯᠡᠯᠡ᠂ ᠳᠠᠷᠠᠭ᠋ᠠᠴᠢ ᠵᠢᠨ ᠫᠷᠤᠭ᠌ᠷᠠᠮᠳᠤ ᠪᠠᠶᠠᠷᠳᠠᠢ ᠵᠣᠯᠭ᠋ᠠᠶᠠ ！