ᠮᠦᠩᠭᠦᠨ ᠰᠠᠷᠠᠨ ᠮᠢᠰᠢᠶᠠᠨ   ᠮᠢᠩᠭ᠋ᠠᠨ   ᠤᠳᠤᠳ   ᠠᠨᠢᠪᠴᠢᠭᠰᠠᠨ  11   ᠰᠠᠷ᠎ᠠ ᠵᠢᠨ  8᠎ᠤ   ᠡᠪᠦᠯ᠎ᠤᠨ   ᠠᠭᠤᠷ ᠤᠷᠤᠭᠰᠠᠨ ᠠᠩᠬᠠᠨ᠎ᠤ ᠰᠦᠨᠢ ᠦᠪᠦᠷ ᠮᠤᠩᠭᠤᠯ᠎ᠤᠨ   ᠳᠠᠮᠢᠷ᠎ᠤᠨ   ᠤᠷᠳᠤᠨ᠎ᠳᠤ   ᠡᠭᠡᠰᠢᠭ   ᠳᠠᠭᠤᠤ   ᠬᠠᠩᠭᠢᠨᠠᠨ᠂   ᠠᠷᠪᠠᠨ ᠲ᠋ᠦᠷᠪᠡᠳᠦᠭᠡᠷ ᠬᠤᠭᠤᠴᠠᠭ᠋ᠠᠨ᠎ᠤ ᠪᠦᠬᠦ ᠤᠯᠤᠰ᠎ᠤᠨ ᠡᠪᠦᠯ᠎ᠤᠨ   ᠤᠯᠠᠷᠢᠯ᠎ᠤᠨ   ᠳᠠᠮᠢᠷ᠎ᠤᠨ   ᠴᠤᠬᠯᠠᠭ᠋ᠠᠨ   ᠡᠬᠢᠯᠡᠲᠡᠯᠡᠬᠢ  100 ᠡᠳᠦᠷ᠎ᠢ ᠲᠤᠭ᠋ᠠᠯᠠᠨ ᠳᠡᠮᠳᠡᠭᠯᠡᠬᠦ ᠦᠳᠡᠰᠢᠯᠡᠭᠡ ᠦᠵᠡᠭᠴᠢ ᠤᠯᠠᠨ᠎ᠤ ᠠᠯᠠᠭ᠎ᠠ ᠳᠠᠰᠢᠯᠳᠠ ᠤᠤᠬᠠᠢ᠍ᠢ᠍ᠯᠠᠯ᠎ᠤᠨ ᠳᠤᠮᠳᠠ ᠬᠦᠰᠢᠭᠡ᠎ᠪᠠᠨ ᠢᠷᠠᠪᠠ᠃        
    ᠤᠶᠠᠩᠭ᠋ᠠᠳᠤ ᠰᠠᠢ᠍ᠢ᠍ᠬᠠᠨ ᠠᠶᠠᠯᠭᠤ   ᠳᠠᠭᠤᠤ᠎ᠲᠠᠢ   ᠵᠡᠷᠭᠡ᠎ᠪᠠᠷ   ᠳᠡᠯᠭᠡᠴᠡᠨ   ᠳᠡᠭᠡᠷ᠎ᠡ   ᠴᠠᠰᠤᠨ   ᠰᠢᠷᠬᠡᠭ   ᠪᠤᠳᠠᠷᠠᠵᠤ᠂ ᠳᠠᠢ᠍ᠢ᠍ᠰᠠᠨ᠎ᠤ ᠳᠤᠮᠳᠠᠬᠢ ᠴᠠᠰᠤ ᠴᠠᠭ᠋ᠠᠨ ᠬᠤᠪᠴᠠᠰᠤ᠎ᠲᠠᠢ ᠪᠦᠵᠢᠭᠴᠢᠨ᠎ᠤ ᠤᠷᠠᠨ ᠬᠦᠳᠡᠯᠭᠡᠭᠡᠨ᠂   ᠬᠦᠩᠭᠡᠨ ᠦᠰᠦᠷᠦᠯᠳᠡ᠎ᠲᠠᠢ ᠨᠡᠢ᠍ᠢ᠍ᠯᠡᠭᠡᠳ ᠬᠦᠮᠦᠰ᠎ᠲᠤ ᠮᠦᠩᠭᠦᠨ ᠡᠪᠦᠯ᠎ᠤᠨ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ᠂ ᠬᠠᠰ᠎ᠤᠨ ᠴᠠᠭ᠋ᠠᠨ ᠴᠠᠰᠤᠲᠤ ᠶᠢᠷᠳᠢᠨᠴᠦ ᠵᠢ ᠡᠷᠬᠡ ᠦᠭᠡᠢ ᠰᠠᠨᠠᠭᠳᠠᠭᠤᠯᠤᠨ᠎ᠠ᠃ ᠳᠠᠢ᠍ᠢ᠍ᠰᠠᠨ᠎ᠤ ᠬᠠᠵᠠᠭᠤ ᠲᠠᠯ᠎ᠠ᠎ᠳᠤ ᠲᠤᠬᠯᠠᠬ᠍ᠴᠢ   ᠴᠠᠰᠤᠨ   ᠭᠤᠯᠭᠤᠯᠳᠠ ᠵᠢᠨ   ᠲᠤᠬᠯᠠᠯᠳᠠ   ᠦᠵᠡᠭᠦᠯᠵᠤ᠂ 《ᠴᠠᠰᠤ   ᠮᠦᠰᠦᠨ᠎ᠤ   ᠤᠷᠬᠢᠯᠦᠮ᠎ᠠ ᠰᠡᠳᠬᠢᠯᠭᠡ  》 ᠭᠡᠬᠦ   ᠨᠢᠭᠡᠳᠦᠭᠡᠷ   ᠲᠤᠬᠯᠠᠯᠳᠠ   ᠦᠵᠡᠭᠴᠢ   ᠲᠦᠮᠡᠨ ᠎ᠤ   ᠬᠠᠷᠠᠭ᠎ᠠ ᠵᠢ   ᠪᠤᠯᠢᠶᠠᠵᠤ   ᠠᠩᠬᠠᠷᠤᠯ᠎ᠢ   ᠳᠠᠳᠠᠨ ᠲᠤᠰ ᠬᠤᠭᠤᠴᠠᠭ᠋ᠠᠨ ᠎ᠤ   ᠳᠠᠮᠢᠷ᠎ᠤᠨ   ᠴᠤᠬᠯᠠᠭ᠋ᠠᠨ᠎ᠤ   ᠦᠪᠡᠷᠮᠢᠴᠡ   ᠤᠨᠴᠠᠯᠢᠭ᠂   ᠳᠠᠳᠠᠬᠤ   ᠬᠦᠴᠦᠨ ᠎ᠢ ᠭᠠᠢ᠍ᠢ᠍ᠬᠠᠭᠤᠯᠪᠠ᠃        
    ᠤᠯᠠᠨ᠎ᠤ ᠮᠡᠳᠡᠭᠡᠵᠢ᠎ᠪᠠᠷ᠂ ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠬᠤᠭᠤᠴᠠᠭ᠋ᠠᠨ᠎ᠤ   ᠪᠦᠬᠦ   ᠤᠯᠤᠰ᠎ᠤᠨ   ᠡᠪᠦᠯ᠎ᠤᠨ   ᠤᠯᠠᠷᠢᠯ᠎ᠤᠨ ᠳᠠᠮᠢᠷ᠎ᠤᠨ ᠴᠤᠬᠯᠠᠭ᠋ᠠᠨ   ᠬᠦᠯᠦᠨ   ᠪᠤᠢ᠍ᠢ᠍ᠷ   ᠬᠤᠳᠠ᠎ᠪᠠᠷ   ᠭᠤᠤᠯ   ᠳᠠᠯᠠᠪᠠᠢ   ᠪᠤᠯᠭ᠋ᠠᠨ   ᠶᠠᠪᠤᠬᠳᠠᠬᠤ   ᠪᠤᠯᠤᠨ᠎ᠠ᠃   ᠢᠩᠬᠢᠬᠡᠳ ᠦᠳᠡᠰᠢᠯᠡᠭᠡ ᠵᠢᠨ ᠬᠤᠶᠠᠳᠤᠭ᠋ᠠᠷ ᠲᠤᠬᠯᠠᠯᠳᠠ᠎ᠳᠤ ᠠᠨᠳᠠ ᠬᠠᠮᠳᠤᠯᠢᠭ ᠎ᠤᠨ ᠎ᠬᠢᠨ 《ᠠᠯᠳᠠᠷᠭ᠋ᠠᠨ᠎ᠠ  》   ᠭᠡᠬᠦ ᠳᠠᠭᠤᠤ᠎ᠪᠠᠨ   ᠡᠷᠭᠦᠵᠦ᠂ ᠦᠪᠡᠷᠮᠢᠴᠡ ᠳᠠᠭᠤᠯᠠᠯᠭ᠎ᠠ ᠵᠢᠨ ᠬᠡᠪ ᠨᠠᠮᠪᠠ᠎ᠪᠠᠷ ᠦᠵᠡᠭᠴᠢ   ᠲᠦᠮᠡᠨ᠎ᠳᠤ   ᠬᠦᠯᠦᠨ   ᠪᠤᠢ᠍ᠢ᠍ᠷ᠎ᠤᠨ   ᠤᠷᠢᠯᠭ᠎ᠠ ᠵᠢ   ᠳᠠᠮᠵᠢᠭᠤᠯᠵᠤ ᠴᠢᠳᠠᠬᠰᠠᠨ ᠪᠤᠯ ᠤᠷᠤᠬᠰᠢᠯᠠᠯᠳᠤ᠂ ᠬᠦᠰᠡᠯᠡᠩ᠂ ᠠᠯᠳᠠᠨᠪᠦ᠋ᠷᠭᠦᠳ᠂ ᠰᠢᠯᠢᠨᠪᠤᠯᠤᠷ 《ᠬᠦᠯᠦᠨ ᠪᠤᠢ᠍ᠢ᠍ᠷ᠎ᠤᠨ ᠲᠠᠯ᠎ᠠ ᠨᠤᠳᠤᠭ》 ᠭᠡᠮᠡᠬᠦᠲ᠋ᠠᠭᠤᠤ᠎ᠪᠠᠷ ᠵᠶ᠋ᠠᠨ ᠬᠦᠯᠦᠨ ᠪᠤᠢ᠍ᠢ᠍ᠷ᠎ᠤᠨ ᠡᠩ ᠦᠭᠡᠢ ᠦᠷᠭᠡᠨ ᠲᠠᠯ᠎ᠠ᠂ ᠴᠡᠯᠮᠡᠭ ᠬᠦᠬᠡ   ᠳᠡᠭᠷᠢ᠂   ᠬᠦᠪᠦᠩ   ᠴᠠᠭ᠋ᠠᠨ   ᠡᠭᠦᠯᠡ᠂ᠬᠦᠪᠴᠢ ᠵᠢᠨ   ᠶᠡᠬᠡ   ᠤᠢ   ᠰᠢᠭᠤᠢ᠂   ᠬᠦᠮᠦᠨ   ᠠᠷᠠᠳ᠎ᠤᠨ   ᠬᠡᠪ   ᠵᠠᠩᠰᠢᠯ   ᠵᠡᠷᠭᠡ ᠵᠢ   ᠦᠵᠡᠭᠴᠢᠳ᠎ᠤᠨ   ᠰᠡᠳᠬᠢᠯ᠎ᠳᠤ ᠰᠠᠭᠤᠭᠳᠠᠲᠠᠯ᠎ᠠ ᠤᠶᠠᠩᠭ᠋ᠠᠯᠠᠵᠤ᠂ ᠦᠵᠡᠭᠴᠢᠳ᠎ᠤᠨ ᠮᠦᠩᠭᠦᠨ   ᠡᠪᠦᠯ᠎ᠤᠨ   ᠦᠪᠡᠳᠡᠭᠰᠢ   ᠳᠠᠮᠢᠷ᠎ᠤᠨ   ᠴᠤᠬᠯᠠᠭ᠋ᠠᠨ᠎ᠢ   ᠬᠦᠰᠡᠨ ᠬᠦᠯᠢᠶᠡᠬᠦ ᠰᠡᠳᠬᠢᠯᠭᠡ ᠵᠢ᠎ᠨᠢ ᠴᠢᠩᠭ᠋ᠠᠯᠠᠯ᠎ᠠ᠃      

      ᠭᠤᠴᠤ ᠰᠠᠢ᠍ᠢ᠍ᠬᠠᠨ ᠲᠤᠬᠯᠠᠯᠳᠠ᠎ᠨᠤᠭᠤᠳ ᠦᠵᠡᠭᠴᠢᠳ᠎ᠤᠨ ᠪᠤᠳᠤᠯ ᠰᠡᠳᠬᠢᠯ᠎ᠢ ᠠᠷᠭ᠋ᠠᠮᠵᠢᠨ᠎ᠠ᠃ ᠳᠡᠯᠭᠡᠴᠡᠨ   ᠳᠡᠭᠡᠷ᠎ᠡ ᠪᠠᠰᠠ ᠲᠤᠰ ᠬᠤᠭᠤᠴᠠᠭ᠋ᠠᠨ᠎ᠤ ᠳᠠᠮᠢᠷ᠎ᠤᠨ ᠴᠤᠬᠯᠠᠭ᠋ᠠᠨ᠎ᠤ ᠪᠡᠯᠡᠳᠭᠡᠯ ᠠᠵᠢᠯ᠎ᠢ ᠳᠠᠨᠢᠯᠴᠠᠭᠤᠯᠵᠤ᠂  《ᠪᠢᠳᠡ ᠨᠢᠭᠡᠨᠳᠡ   ᠪᠡᠯᠡᠭᠡᠨ ᠪᠤᠯᠤᠬᠰᠠᠨ ᠡ！》   ᠭᠡᠬᠦ   ᠲᠠᠮᠢᠷ᠎ᠤᠨ   ᠴᠤᠭᠯᠠᠭ᠋ᠠᠨ᠎ᠤ   ᠡᠯ᠎ᠡ   ᠬᠠᠮᠢᠶ᠎ᠠ   ᠪᠦᠬᠦᠢ   ᠭᠠᠵᠠᠷ᠎ᠤᠨ᠎ᠬᠢᠨ᠎ᠤ   ᠢᠳᠡᠭᠡᠯ   ᠳᠡᠭᠦᠯᠳᠡᠷ ᠲᠤᠩᠬᠠᠭᠯᠠᠨ ᠶᠠᠷᠢᠬᠤ ᠵᠢ ᠰᠤᠨᠤᠰᠤᠬᠰᠠᠨ ᠦᠵᠡᠭᠴᠢ   ᠤᠯᠠᠨ   ᠨᠢᠵᠢᠭᠢᠨᠡᠳᠡᠯ᠎ᠠ   ᠠᠯᠠᠭ᠎ᠠ   ᠳᠠᠰᠢᠵᠤ᠂   ᠲᠤᠰ   ᠬᠤᠭᠤᠴᠠᠭ᠋ᠠᠨ᠎ᠤ ᠳᠠᠮᠢᠷ᠎ᠤᠨ ᠴᠤᠬᠯᠠᠭ᠋ᠠᠨ᠎ᠤ ᠪᠡᠯᠡᠳᠭᠡᠯ ᠠᠵᠢᠯ᠎ᠤᠨ ᠦᠷ᠎ᠡ ᠪᠦᠲᠦᠮᠵᠢ ᠵᠢ ᠰᠠᠢ᠍ᠢ᠍ᠰᠢᠶᠠᠨ᠎ᠠ᠃        
    ᠳᠠᠮᠢᠷ᠎ᠤᠨ   ᠴᠤᠬᠯᠠᠭ᠋ᠠᠨ   ᠡᠳᠦᠷ   ᠢᠷᠡᠬᠦᠶ᠎ᠡ   ᠤᠢ᠍ᠢ᠍ᠷᠠᠳᠤᠵᠤ᠂   ᠳᠠᠮᠢᠷᠴᠢᠳ᠎ᠤᠨ   ᠪᠤᠯᠪᠠᠰᠤᠷᠠᠯ   ᠴᠦ᠍   ᠶᠠᠭ᠋ᠠᠷᠠᠯᠳᠠᠢ ᠶᠠᠪᠤᠬᠳᠠᠨ᠎ᠠ᠃ ᠦᠳᠡᠰᠢᠯᠡᠭᠡ ᠵᠢᠨ ᠠᠬᠤᠢ ᠳᠠᠯᠠᠪᠠᠢ᠎ᠳᠤ ᠪᠡᠭᠡᠵᠢᠩ᠎ᠤᠨ ᠤᠯᠢᠮᠫᠢᠺ᠎ᠤᠨ   ᠳᠠᠮᠢᠷ᠎ᠤᠨ   ᠴᠤᠬᠯᠠᠭ᠋ᠠᠨ᠎ᠤ   ᠨᠢᠳᠤᠷᠭ᠋ᠠᠨ ᠳᠡᠮᠡᠴᠡᠭᠡᠨ᠎ᠤ ᠲᠡᠷᠢᠭᠦᠨ ᠵᠠᠩ ᠰᠢᠶᠤᠤ ᠫᠢᠩ᠂ ᠳᠡᠯᠡᠬᠡᠢ ᠵᠢᠨ ᠮᠠᠩᠯᠠᠢ ᠰᠢᠯᠭ᠋ᠠᠷᠠᠭᠤᠯᠬᠤ ᠤᠷᠤᠯᠳᠤᠭ᠋ᠠᠨ᠎ᠤ ᠲᠡᠷᠢᠭᠦᠨ ᠯᠢ   ᠴᠢᠶᠠᠨ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ᠎ᠤ ᠰᠠᠬᠰᠤᠨ ᠪᠦᠮᠪᠦᠭᠡ ᠵᠢᠨ ᠨᠡᠢ᠍ᠢ᠍ᠭᠡᠮᠯᠢᠭ᠎ᠤᠨ ᠲᠡᠷᠢᠭᠦᠯᠡᠭᠴᠢ ᠪᠠᠭ᠋ᠠᠳᠤᠷ   ᠵᠡᠷᠭᠡ   ᠨᠡᠷᠡᠳᠦ   ᠬᠦᠮᠦᠰ ᠳᠠᠮᠢᠷᠴᠢᠳ ᠵᠶ᠋ᠠᠨ ᠵᠤᠷᠢᠬ᠍ᠵᠢᠭᠤᠯᠵᠤ ᠤᠷᠮ᠎ᠠ ᠬᠠᠢ᠍ᠢ᠍ᠷᠠᠯᠠᠨ ᠬᠦᠴᠦ ᠨᠡᠮᠡᠭᠰᠡᠨ ᠵᠶ᠋ᠠᠷ ᠪᠠᠷᠠᠬᠤ   ᠦᠭᠡᠢ   ᠶᠤᠤ   ᠮᠢᠩ᠂   ᠵᠤᠤ   ᠬᠤᠩ ᠪᠦᠸᠸ᠂ ᠱᠸᠨ ᠰᠢᠤᠸᠠᠢ ᠵᠡᠷᠭᠡ ᠬᠦᠮᠦᠰ ᠪᠠᠰᠠ ᠤᠬᠤᠷ ᠹᠢᠯᠢᠮ ᠵᠶ᠋ᠠᠷ ᠬᠦᠰᠡᠯ ᠵᠦᠩᠨᠡᠯ ᠳᠡᠪᠰᠢᠭᠦᠯᠵᠠᠢ᠃        
    《ᠡᠷᠡᠯᠬᠡᠭᠯᠡᠨ ᠳᠡᠮᠡᠴᠡᠵᠤ᠂ ᠴᠤᠴᠠᠰᠢ ᠦᠭᠡᠢ ᠤᠷᠤᠬᠰᠢᠯᠠᠨ᠂ ᠬᠦᠴᠢᠷ ᠪᠡᠷᠬᠡ᠎ᠠᠴᠠ ᠠᠶᠤᠬᠤ ᠦᠭᠡᠢ᠂ ᠤᠷᠬᠢᠯ᠎ᠳᠤᠨᠢ ᠭᠠᠷᠬᠤ᠎ᠪᠠᠷ ᠴᠢᠷᠮᠠᠢ᠍ᠢ᠍ᠵᠤ᠂ ᠦᠪᠦᠷ ᠮᠤᠨᠭ᠌ᠭᠤᠯ᠎ᠳᠠᠭᠠᠨ ᠢᠷᠠᠭᠤ ᠠᠯᠳᠠᠷ ᠳᠡᠮᠡᠴᠡᠨ ᠤᠯᠵᠤ᠂ ᠡᠬᠡ ᠤᠯᠤᠰ᠎ᠲᠠᠭᠠᠨ ᠦᠩᠭᠡ   ᠭᠡᠷᠡᠯ ᠨᠡᠮᠡᠷᠢᠯᠡᠨ᠎ᠡ ᠁》 ᠡᠨᠡ ᠪᠤᠯ ᠳᠠᠮᠢᠷᠴᠢᠳ᠎ᠤᠨ ᠡᠷᠡᠰ ᠴᠢᠩᠭ᠎ᠠ ᠳᠠᠩᠭ᠋ᠠᠷᠢᠭ ᠪᠤᠯᠤᠨ᠎ᠠ᠃        
    《ᠤᠯᠢᠮᠫᠢᠺ᠎ᠤᠨ   ᠵᠤᠷᠢᠭ   ᠰᠠᠨᠠᠭ᠎ᠠ ᠵᠢ   ᠪᠠᠳᠠᠷᠠᠭᠤᠯᠵᠤ᠂   ᠰᠠᠢ᠍ᠢ᠍ᠨ   ᠳᠤᠷ᠎ᠠ ᠵᠢᠨ   ᠦᠢ᠍ᠯᠡᠴᠢᠯᠡᠭᠡ ᠵᠢᠨ   ᠤᠨᠤᠯ᠎ᠢ ᠦᠢ᠍ᠯᠡᠳᠦᠯᠭᠡᠵᠢᠭᠦᠯᠵᠤ᠂ ᠢᠳᠡᠪᠬᠢᠳᠡᠢ ᠤᠷᠤᠬᠰᠢᠯᠠᠨ   ᠬᠠᠯᠠᠭᠤᠮᠰᠤᠭ ᠵᠶ᠋ᠠᠷ   ᠦᠢ᠍ᠯᠡᠴᠢᠯᠡᠵᠤ᠂   ᠴᠠᠰᠤ   ᠮᠦᠰᠦᠨ᠎ᠤ   ᠤᠷᠬᠢᠯᠤᠮ᠎ᠠ ᠰᠡᠳᠬᠢᠯᠭᠡ ᠵᠢ ᠬᠦᠭᠵᠢᠭᠡᠵᠤ᠂ ᠳᠤᠮᠳᠠᠳᠤ ᠵᠢᠨ ᠵᠡᠭᠦᠳᠦ ᠵᠢ ᠪᠡᠶᠡᠯᠡᠬᠦᠯᠦᠨ᠎ᠠ ᠁》 ᠭᠡᠵᠦ ᠰᠠᠢ᠍ᠢ᠍ᠨ ᠲᠤᠷᠠᠴᠤᠤᠯ ᠦᠳᠡᠰᠢᠯᠡᠭᠡ ᠵᠢᠨ ᠠᠬᠤᠢ ᠳᠠᠯᠠᠪᠠᠢ᠎ᠳᠤ ᠬᠦᠴᠦᠳᠠᠢ ᠳᠠᠩᠭ᠋ᠠᠷᠢᠭᠯᠠᠵᠠᠢ᠃        
    《ᠦᠪᠦᠷ ᠮᠤᠩᠭᠤᠯ ᠴᠢᠷᠮᠠᠢ！》 ᠭᠡᠬᠦ ᠳᠠᠭᠤᠤ ᠵᠢᠨ ᠳᠤᠮᠳᠠ   ᠦᠳᠡᠰᠢᠯᠡᠭᠡ ᠵᠢᠨ   ᠠᠬᠤᠢ   ᠳᠠᠯᠠᠪᠠᠢ   ᠬᠦᠭᠵᠢᠬᠦᠨ ᠪᠤᠯᠵᠤ᠂ ᠪᠦᠵᠢᠭᠴᠢᠳ᠎ᠤᠨ ᠢᠳᠡᠷᠡᠭᠦᠨ ᠬᠦᠳᠡᠯᠦᠯ᠂ ᠲᠠᠭᠤᠴᠢᠳ᠎ᠤᠨ ᠤᠷᠬᠢᠯᠤᠮ᠎ᠠ ᠰᠡᠳᠬᠢᠯᠭᠡ ᠵᠡᠷᠭᠡ᠎ᠨᠢ   ᠲᠠᠯ᠎ᠠ   ᠨᠤᠳᠤᠭ᠎ᠤᠨ ᠡᠯ᠎ᠡ ᠦᠨᠳᠦᠰᠦᠳᠡᠨ᠎ᠤ ᠠᠷᠠᠳ ᠲᠦᠮᠡᠨ᠎ᠤ ᠰᠡᠳᠬᠢᠯ᠎ᠤᠨ ᠳᠠᠭᠤᠨ᠎ᠢ ᠴᠢᠪᠬᠠᠳᠠᠨ   ᠦᠵᠡᠭᠦᠯᠵᠠᠢ᠃   ᠲᠤᠬᠯᠠᠯᠳᠠ   ᠨᠢᠭᠡᠪᠦᠷᠢ᠎ᠨᠢ ᠲᠠᠯ᠎ᠠ   ᠨᠤᠳᠤᠭ᠎ᠤᠨ   ᠬᠦᠪᠡᠭᠦᠳ   ᠦᠬᠢᠳ᠎ᠤᠨ   ᠬᠦᠴᠢᠷ   ᠪᠡᠷᠬᠡᠰᠢᠶᠡᠯ᠎ᠠᠴᠠ   ᠠᠶᠤᠬᠤ   ᠦᠭᠡᠢ᠎ᠪᠠᠷ   ᠴᠤᠴᠠᠰᠢ   ᠦᠭᠡᠢ ᠤᠷᠤᠬᠰᠢᠯᠠᠵᠤ᠂ ᠵᠤᠷᠢᠬᠰᠠᠨ᠎ᠳᠠᠭᠠᠨ   ᠬᠦᠷᠬᠦ   ᠦᠭᠡᠢ   ᠪᠤᠯ   ᠪᠤᠴᠠᠬᠤ   ᠦᠭᠡᠢ   ᠮᠤᠨᠭ᠌ᠭᠤᠯ   ᠮᠤᠷᠢᠨ᠎ᠤ   ᠵᠤᠷᠢᠭ   ᠰᠠᠨᠠᠭ᠎ᠠ ᠵᠢ ᠢᠯᠡᠷᠡᠭᠦᠯᠵᠤ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ᠎ᠤ ᠦᠵᠡᠰᠭᠦᠯᠡᠩᠳᠦ ᠰᠠᠢ᠍ᠢ᠍ᠬᠠᠨ ᠦᠪᠦᠷ ᠮᠤᠨᠭ᠌ᠭᠤᠯ᠎ᠢ ᠪᠠᠢ᠍ᠢ᠍ᠭᠤᠯᠵᠤ᠂ ᠠᠭᠤᠤ   ᠶᠡᠬᠡ ᠳᠤᠮᠳᠠᠳᠤ ᠵᠢᠨ ᠵᠡᠭᠦᠳᠦ ᠵᠢ ᠪᠡᠶᠡᠯᠡᠭᠦᠯᠬᠦ ᠲᠤᠮᠤ ᠬᠠᠷᠠᠯᠳᠠ   ᠵᠦᠭ   ᠤᠷᠤᠬᠰᠢᠯᠠᠵᠤ   ᠪᠠᠢ᠍ᠢ᠍ᠭ᠎ᠠ   ᠴᠤᠭ   ᠵᠢᠪᠬᠤᠭ᠋ᠠᠲᠤ   ᠪᠠᠢ᠍ᠢ᠍ᠳᠠᠯ᠎ᠢ ᠬᠠᠷᠠᠭᠤᠯᠤᠨ᠎ᠠ᠃ ᠦᠵᠡᠭᠴᠢ ᠲᠦᠮᠡᠨ ᠦᠪᠦᠷ ᠮᠤᠨᠭ᠌ᠭᠤᠯ᠎ᠤᠨ ᠦᠪᠡᠷᠮᠢᠴᠡ ᠦᠨᠳᠦᠰᠦᠳᠡᠨ᠎ᠤ ᠬᠡᠪ ᠵᠠᠩᠰᠢᠯ᠎ᠢ   ᠮᠡᠳᠡᠷᠡᠭᠰᠡᠨ ᠵᠶ᠋ᠠᠷ ᠪᠠᠷᠠᠬᠤ ᠦᠭᠡᠢ᠂ ᠰᠢᠨ᠎ᠡ ᠴᠠᠭ ᠦᠶ᠎ᠡ᠎ᠳᠤ ᠡᠷᠡᠯᠬᠡᠭᠯᠡᠨ ᠤᠷᠤᠬᠰᠢᠯᠠᠬᠤ ᠵᠢᠷᠤᠭᠡᠨ ᠴᠤᠬᠢᠯᠠᠭ᠎ᠠ ᠵᠢ ᠴᠦ᠍ ᠮᠡᠳᠡᠷᠡᠭᠰᠡᠨ ᠶᠤᠮ᠃        
    ᠦᠩᠭᠡ ᠦᠩᠭᠡ᠎ᠪᠠᠷ ᠲᠤᠶᠠᠭ᠋ᠠᠷᠠᠬᠤ ᠳᠠᠢ᠍ᠢ᠍ᠰᠠᠨ᠎ᠠ 《ᠰᠢᠨ᠎ᠡ ᠴᠠᠭ ᠦᠶ᠎ᠡ ᠵᠢᠨ ᠮᠠᠬᠳᠠᠭᠤ》 ᠭᠡᠬᠦ ᠴᠤᠬᠯᠢᠭ ᠠᠶᠠᠰ᠎ᠲᠠᠢ ᠠᠭᠤᠳᠠᠮ ᠳᠠᠯᠠᠪᠠᠢ ᠵᠢᠨ ᠪᠦᠵᠢᠭ᠎ᠲᠠᠢ ᠬᠠᠮᠳᠤ᠂   ᠳᠠᠭᠤᠴᠢᠨ   ᠤᠯᠠᠭ᠋ᠠᠨᠳᠤᠶᠠᠭ᠎ᠠ   ᠤᠶᠠᠩᠭ᠋ᠠᠲᠤ   ᠳᠠᠭᠤᠤ᠎ᠪᠠᠷ ᠵᠶ᠋ᠠᠨ   ᠦᠵᠡᠭᠴᠢ ᠤᠯᠠᠨ᠎ᠤ ᠠᠯᠠᠭ᠎ᠠ ᠳᠠᠰᠢᠯᠳᠠ᠂ ᠤᠤᠬᠠᠢ ᠬᠠᠰᠬᠢᠷᠤᠯ᠎ᠤᠨ ᠳᠤᠮᠳᠠ ᠦᠳᠡᠰᠢᠯᠡᠭᠡ ᠵᠢ ᠤᠷᠬᠢᠯ᠎ᠳᠤᠨᠢ ᠬᠦᠷᠭᠡᠵᠠᠢ᠃        

    ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠬᠤᠭᠤᠴᠠᠭ᠋ᠠᠨ᠎ᠤ ᠪᠦᠬᠦ ᠤᠯᠤᠰ᠎ᠤᠨ ᠡᠪᠦᠯ᠎ᠤᠨ ᠤᠯᠠᠷᠢᠯ᠎ᠤᠨ ᠳᠠᠮᠢᠷ᠎ᠤᠨ   ᠴᠤᠬᠯᠠᠭ᠋ᠠᠨ   ᠴᠠᠭ ᠢᠮᠠᠬᠳᠠ ᠪᠦᠬᠦ ᠤᠯᠤᠰ᠎ᠤᠨ ᠠᠷᠠᠳ ᠲᠦᠮᠡᠨ᠎ᠤ ᠰᠡᠳᠬᠢᠯ ᠵᠢᠷᠦᠬᠡ ᠵᠢ   ᠳᠠᠳᠠᠵᠤ᠂   ᠲᠦᠷᠪᠡᠨ   ᠵᠦᠭ   ᠨᠠᠢ᠍ᠮᠠᠨ   ᠵᠤᠪᠬᠢᠰ᠎ᠠᠴᠠ ᠬᠠᠪᠰᠤᠷᠤᠨ ᠳᠡᠮᠵᠢᠨ᠎ᠠ᠃ ᠳᠡᠯᠭᠡᠴᠡᠨ   ᠳᠡᠭᠡᠷ᠎ᠡ   ᠪᠦᠬᠦ   ᠤᠯᠤᠰ᠎ᠤᠨ   ᠡᠯ᠎ᠡ   ᠭᠠᠵᠠᠷ᠎ᠠᠴᠠ   ᠢᠯᠡᠭᠡᠭᠰᠡᠨ   ᠬᠦᠰᠡᠯ   ᠵᠦᠩᠨᠡᠯ᠎ᠢ ᠦᠵᠡᠭᠦᠯᠵᠤ᠂ ᠲᠤᠬᠠᠢ ᠵᠢᠨ ᠳᠠᠯᠠᠪᠠᠢ ᠵᠢᠨ ᠬᠡᠢ᠍ᠢ᠍ᠴᠢᠨ ᠵᠤᠴᠢᠨ᠂ ᠲᠤᠬᠯᠠᠬ᠍ᠴᠢ ᠵᠢᠴᠢ ᠦᠵᠡᠭᠴᠢᠳ   ᠢᠨᠢᠶᠡᠳᠦ   ᠪᠠᠶᠠᠷ᠂   ᠠᠯᠠᠭ᠎ᠠ ᠳᠠᠰᠢᠯᠳᠠ᠎ᠪᠠᠷ ᠵᠶ᠋ᠠᠨ ᠲᠤᠰ ᠬᠤᠭᠤᠴᠠᠭ᠋ᠠᠨ᠎ᠤ ᠳᠠᠮᠢᠷ᠎ᠤᠨ ᠴᠤᠬᠯᠠᠭ᠋ᠠᠨ ᠡᠬᠢᠯᠡᠲᠡᠯᠡᠬᠢ  100   ᠡᠳᠦᠷ᠎ᠢ   ᠲᠤᠭ᠋ᠠᠯᠠᠨ   ᠳᠡᠮᠳᠡᠭᠯᠡᠬᠦ ᠵᠠᠩᠬᠢᠯᠠᠭ᠎ᠠ ᠵᠢᠨ ᠮᠦᠴᠡ ᠵᠢ ᠭᠡᠷᠡᠴᠢᠯᠡᠵᠠᠢ᠃      

     《ᠪᠢᠳᠡ ᠢᠷᠡᠯ᠎ᠡ᠂ ᠢᠷᠡᠯ᠎ᠡ᠂ ᠡᠨᠡ ᠬᠦ᠌ ᠮᠦᠩᠭᠦᠨ ᠳᠡᠯᠡᠬᠡᠢ᠎ᠳᠤ ᠪᠤᠯᠵᠤᠯ᠎ᠠ； ᠪᠢᠳᠡ   ᠢᠷᠡᠯ᠎ᠡ᠂   ᠢᠷᠡᠯ᠎ᠡ᠂   ᠡᠨᠡ   ᠬᠦ᠌ ᠠᠭᠤᠳᠠᠮ ᠴᠡᠰᠤᠳᠤ ᠦᠨᠳᠦᠷᠯᠢᠭ᠎ᠲᠤ ᠤᠴᠠᠷᠠᠯ᠎ᠠ᠁》 21 ᠴᠠᠭ 20 ᠮᠢᠨᠦ᠋ᠲ᠎ᠲᠤ ᠳᠠᠭᠤᠴᠢᠨ ᠤᠶᠠᠩᠭ᠎ᠠ᠂   ᠤᠷᠴᠢᠯᠠᠩ ᠲ᠋ᠠᠮᠢᠷ᠎ᠤᠨ ᠨᠡᠷᠡᠳᠦ ᠤᠳᠤᠳ᠎ᠲᠠᠢ ᠳᠡᠯᠭᠡᠴᠡ ᠪᠠ ᠠᠬᠤᠢ ᠳᠠᠯᠠᠪᠠᠢ᠎ᠳᠤ ᠬᠠᠮᠳᠤ᠎ᠪᠠᠷ   ᠠᠷᠪᠠᠨ   ᠲᠦᠷᠪᠡᠳᠦᠭᠡᠷ   ᠬᠤᠭᠤᠴᠠᠭ᠋ᠠᠨ᠎ᠤ ᠪᠦᠬᠦ ᠤᠯᠤᠰ᠎ᠤᠨ ᠡᠪᠦᠯ᠎ᠤᠨ ᠤᠯᠠᠷᠢᠯ᠎ᠤᠨ ᠳᠠᠮᠢᠷ᠎ᠤᠨ   ᠴᠤᠬᠯᠠᠭ᠋ᠠᠨ᠎ᠤ   ᠭᠤᠤᠯ   ᠰᠡᠳᠦᠪᠳᠦ   ᠳᠠᠭᠤᠤ  《ᠴᠠᠰᠤ   ᠮᠦᠰᠦᠨ᠎ᠤ ᠪᠤᠯᠵᠤᠭ᠎ᠠ》 ᠵᠢ   ᠳᠠᠭᠤᠯᠠᠵᠤ᠂   ᠦᠵᠡᠭᠴᠢ   ᠲᠦᠮᠡᠨ᠎ᠤ   ᠰᠠᠯᠵᠤ   ᠶᠠᠳᠠᠮ᠎ᠠ   ᠰᠡᠳᠬᠢᠯᠭᠡ ᠵᠢ   ᠠᠷᠭ᠋ᠠᠮᠵᠢᠭᠰᠠᠭ᠋ᠠᠷ   ᠦᠳᠡᠰᠢᠯᠡᠭᠡ ᠦᠨᠳᠦᠷᠯᠡᠪᠡ  ᠃        
    ᠲᠠ ᠪᠢᠳᠡᠨ᠎ᠤ ᠬᠦᠰᠡᠨ ᠬᠦᠯᠢᠶᠡᠵᠤ ᠪᠠᠢ᠍ᠢ᠍ᠭ᠎ᠠ ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠬᠤᠭᠤᠴᠠᠭ᠋ᠠᠨ᠎ᠤ ᠪᠦᠬᠦ ᠤᠯᠤᠰ᠎ᠤᠨ   ᠡᠪᠦᠯ᠎ᠤᠨ ᠤᠯᠠᠷᠢᠯ᠎ᠤᠨ ᠳᠠᠮᠢᠷ᠎ᠤᠨ ᠴᠤᠬᠯᠠᠭ᠋ᠠᠨ ᠡᠬᠢᠯᠡᠲᠡᠯ᠎ᠡ 100 ᠡᠳᠦᠷ ᠪᠤᠢ᠃ ᠡᠨᠡ ᠬᠦ᠌ 100   ᠡᠳᠦᠷ᠎ᠢ   ᠪᠢᠳᠡ   ᠳᠡᠰᠭᠡᠯ   ᠦᠭᠡᠢ ᠬ᠋ᠦᠰᠡᠨ ᠬᠦᠯᠢᠶᠡᠨ᠎ᠡ᠂ ᠡᠨᠡ ᠬᠦ᠌ 100 ᠡᠳᠦᠷ᠎ᠲᠤ ᠬᠦᠯᠦᠰᠦ   ᠪᠠ   ᠬᠦᠰᠡᠯᠡᠩ ᠵᠶ᠋ᠠᠨ   ᠬᠤᠯᠪᠤᠨ᠎ᠠ᠃  2020   ᠤᠨ᠎ᠤ  2 ᠰᠠᠷ᠎ᠠ ᠵᠢᠨ 16᠎ᠤ ᠡᠳᠦᠷ᠎ᠤᠨ ᠦᠪᠦᠷ   ᠮᠤᠨᠭ᠌ᠭᠤᠯ᠎ᠤᠨ   ᠬᠦᠯᠦᠨ   ᠪᠤᠢ᠍ᠢ᠍ᠷ᠎ᠲᠠᠬᠢ   ᠮᠦᠩᠭᠦᠨ   ᠡᠪᠦᠯ᠎ᠤᠨ   ᠮᠦᠰᠦ   ᠴᠠᠰᠤᠨ᠎ᠤ ᠪᠤᠯᠵᠤᠭ᠎ᠠ ᠲᠠ ᠪᠢᠳᠡᠨ᠎ᠤ ᠵᠦᠭ ᠠᠢ᠍ᠢ᠍ᠰᠤᠢ！