10 ᠰᠠᠷᠠ ᠵᠢᠨ 20ᠤ ᠡᠳᠦᠷ᠂ ᠪᠤᠭᠤᠲᠤ ᠬᠤᠳᠠ ᠵᠢᠨ 2024 ᠣᠨᠤ ᠬᠠᠮᠤᠭᠤᠨ ᠰᠡᠭᠦᠯᠴᠢ ᠵᠢᠨ ᠬᠠᠭ᠋ᠠᠰ ᠵᠠᠢ ᠵᠢᠨ ᠮᠠᠷᠠᠽᠤᠨ ᠤᠷᠤᠯᠳᠤᠭ᠋ᠠᠨ ᠪᠣᠷᠣᠭ᠋ᠠᠨᠤ ᠳᠤᠮᠳᠠᠭᠤᠷ ᠶᠠᠪᠤᠭᠳᠠᠵᠤ᠂ ᠲᠤᠰ ᠬᠤᠳᠠ ᠵᠢᠨ ᠡᠨᠡ ᠵᠢᠯᠤᠨ ᠪᠦᠭᠦ ᠮᠠᠷᠠᠽᠤᠨ ᠤᠷᠤᠯᠳᠤᠭ᠋ᠠᠨ ᠠᠮᠵᠢᠯᠲᠠᠲᠠᠢ ᠥᠨᠳᠥᠷᠯᠡᠭᠰᠡᠨ ᠪᠠᠢ᠌ᠨᠠ᠃
ᠪᠤᠭᠤᠲᠤ ᠬᠤᠳᠠ ᠵᠢᠨ ᠵᠠᠰᠠᠭᠤᠨ ᠣᠷᠳᠣᠨᠠᠴᠠ ᠭᠣᠣᠯᠯᠠᠨ ᠡᠷᠭᠢᠯᠡᠵᠦ᠂ ᠪᠤᠭᠤᠲᠤ ᠬᠤᠳᠠ ᠵᠢᠨ ᠪᠡᠶᠡ ᠵᠢᠨ ᠲᠠᠮᠢᠷᠤᠨ ᠲᠣᠪᠴᠢᠶᠠᠠᠴᠠ ᠳᠠᠭ᠋ᠠᠭ᠋ᠠᠴᠢᠯᠠᠨ ᠡᠷᠭᠢᠯᠡᠭᠰᠡᠨ ᠲᠤᠰ ᠤᠳᠠᠭ᠋ᠠᠨᠤ ᠤᠷᠤᠯᠳᠤᠭ᠋ᠠᠨᠳᠤ ᠬᠠᠭ᠋ᠠᠰ ᠵᠠᠢ ᠵᠢᠨ ᠮᠠᠷᠠᠽᠤᠨ᠂ ᠡᠷᠡᠭᠦᠯ ᠡᠩᠬᠡ ᠭᠦᠶᠦᠯᠲᠡ᠂ ᠪᠠᠶᠠᠷ ᠪᠠᠶᠠᠰᠤᠯᠳᠤ ᠭᠦᠶᠦᠯᠲᠡ ᠵᠡᠷᠭᠡ ᠭᠤᠷᠪᠠᠨ ᠲᠦᠷᠤᠯ ᠲᠣᠬᠢᠷᠠᠭᠤᠯᠵᠤ᠂ ᠢᠰᠫᠠᠨᠢ᠂ ᠶᠠᠫᠤᠨ ᠵᠡᠷᠭᠡ ᠤᠯᠤᠰ ᠪᠣᠯᠣᠨ ᠪᠦᠭᠦ ᠤᠯᠤᠰᠤᠨ 28 ᠭᠠᠵᠠᠷ ᠣᠷᠣᠨᠠᠴᠠ ᠢᠷᠡᠭᠰᠡᠨ ᠵᠢᠷᠭᠤᠭ᠋ᠠᠨ ᠮᠢᠩᠭᠠ ᠰᠢᠬᠠᠮ ᠭᠦᠶᠦᠭᠴᠢ ᠣᠷᠣᠯᠴᠠᠵᠠᠢ᠃
ᠰᠥᠨᠢ ᠳᠤᠮᠳᠠᠠᠴᠠ ᠡᠬᠢᠯᠡᠨ ᠣᠷᠣᠭᠰᠠᠨ ᠨᠠᠮᠤᠷᠤᠨ ᠪᠣᠷᠣᠭ᠋ᠠᠨ ᠤᠷᠤᠯᠳᠤᠭ᠋ᠠᠨᠤ ᠴᠠᠭᠲᠠᠢ ᠪᠦᠷᠢᠮᠦᠰᠦᠨ ᠳᠠᠪᠬᠤᠴᠠᠭᠰᠠᠨ ᠴᠤ᠌᠂ ᠤᠷᠤᠯᠳᠤᠬ᠍ᠴᠢᠳᠤᠨ ᠭᠦᠶᠦᠬᠦ ᠬᠠᠯᠠᠭᠤᠨ ᠤᠷᠮᠠ ᠵᠣᠷᠢᠭᠢ ᠬᠣᠷᠢᠵᠤ ᠳᠡᠢ᠌ᠯᠦᠭᠰᠡᠨ ᠦᠭᠡᠢ᠂ ᠤᠷᠤᠯᠳᠤᠭ᠋ᠠᠨ ᠲᠣᠭᠲᠠᠭᠰᠠᠨ ᠴᠠᠭ ᠥᠷᠯᠥᠭᠡ ᠵᠢᠨ 8 ᠴᠠᠭᠲᠤ ᠵᠤᠷᠰᠢᠯ ᠶᠣᠰᠣᠭ᠋ᠠᠷ ᠡᠬᠢᠯᠡᠭᠰᠡᠨ ᠪᠠᠢ᠌ᠨᠠ᠃ ᠪᠣᠷᠣᠭ᠋ᠠᠨ ᠨᠥᠮᠥᠷᠭᠡ ᠨᠥᠮᠥᠷᠦᠭᠰᠡᠨ ᠤᠷᠤᠯᠳᠤᠬ᠍ᠴᠢᠳᠠᠴᠠ ᠲᠤᠭᠢᠶᠠᠨ ᠫᠤᠤ ᠵᠢ ᠳᠠᠭ᠋ᠠᠯᠳᠤᠨ ᠤᠷᠤᠯᠳᠤᠭ᠋ᠠᠨᠤ ᠱᠤᠭᠤᠮᠳᠤᠪᠠᠨ ᠣᠷᠣᠵᠤ᠂ ᠬᠣᠲᠠᠨ ᠳᠤᠮᠳᠠᠬᠢ ᠲᠠᠯᠠ ᠨᠤᠲᠤᠭ ᠰᠠᠢ᠌ᠬᠠᠨᠲᠠᠯᠠ ᠵᠢᠨ ᠳᠤᠮᠳᠠᠭᠤᠷ ᠪᠣᠷᠣᠭ᠋ᠠᠨᠤ ᠤᠰᠤᠲᠠᠢ ᠬᠠᠨᠢᠰᠠᠨ ᠭᠦᠶᠦᠵᠦ᠂ ᠮᠠᠷᠠᠽᠤᠨ ᠤᠷᠤᠯᠳᠤᠭ᠋ᠠᠨᠤ ᠮᠢᠲᠠᠷᠠᠰᠢ ᠦᠭᠡᠢ ᠵᠣᠷᠢᠭ ᠰᠠᠨᠠᠭᠠ ᠵᠢ ᠭᠦᠢ᠍ᠴᠡᠳ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠢ᠌ᠨᠠ᠃
ᠤᠷᠤᠯᠳᠤᠭ᠋ᠠᠨᠤ ᠡᠴᠦᠰᠲᠤ᠂ ᠭᠦᠭᠡᠬᠤᠳᠠᠠᠴᠠ ᠢᠷᠡᠭᠰᠡᠨ ᠼᠦᠢ ᠸᠧᠨ ᠺᠠᠢ 01:11:05 ᠵᠢᠨ ᠬᠢᠷᠢ ᠪᠦᠳᠦᠮᠵᠢᠪᠠᠷ ᠬᠠᠭ᠋ᠠᠰ ᠵᠠᠢ ᠵᠢᠨ ᠮᠠᠷᠠᠽᠤᠨ ᠤᠷᠤᠯᠳᠤᠭ᠋ᠠᠨᠤ ᠡᠷᠡᠭᠲᠡᠢ ᠵᠢᠨ ᠳᠤᠭᠤᠢ᠌ᠯᠠᠩᠳᠤ ᠮᠠᠩᠯᠠᠢ᠌ᠯᠠᠵᠤ᠂ ᠮᠥᠨ ᠭᠦᠭᠡᠬᠤᠳᠠᠠᠴᠠ ᠢᠷᠡᠭᠰᠡᠨ ᠯᠢ ᠵᠢᠶᠠ ᠴᠢᠶᠠᠩ ᠪᠣᠯᠣᠨ ᠯᠢ ᠴᠦᠨ ᠬᠤᠢ ᠲᠤᠰ ᠲᠤᠰ 01:11:09 ᠪᠣᠯᠣᠨ 01:12:04 ᠵᠢᠨ ᠬᠢᠷᠢ ᠪᠦᠳᠦᠮᠵᠢᠪᠠᠷ ᠬᠣᠶᠠᠳᠤᠭ᠋ᠠᠷ ᠪᠣᠯᠣᠨ ᠭᠤᠷᠪᠠᠳᠤᠭ᠋ᠠᠷ ᠨᠡᠷᠡᠰᠲᠤ ᠣᠷᠣᠭᠰᠠᠨ ᠪᠠᠢ᠌ᠨᠠ᠃ ᠬᠠᠭ᠋ᠠᠰ ᠵᠠᠢ ᠵᠢᠨ ᠮᠠᠷᠠᠽᠤᠨ ᠤᠷᠤᠯᠳᠤᠭ᠋ᠠᠨᠤ ᠡᠮᠡᠭᠲᠡᠢ ᠵᠢᠨ ᠳᠤᠭᠤᠢ᠌ᠯᠠᠩᠳᠤ᠂ ᠣᠷᠳᠣᠰᠠᠴᠠ ᠢᠷᠡᠭᠰᠡᠨ ᠭᠤᠤ ᠯᠢ ᠰᠢᠶᠠ 01:22:47 ᠵᠢᠨ ᠬᠢᠷᠢ ᠪᠦᠳᠦᠮᠵᠢᠪᠠᠷ ᠮᠠᠩᠯᠠᠢ᠌ᠯᠠᠵᠤ᠂ ᠪᠤᠭᠤᠲᠤ ᠬᠤᠳᠠ ᠵᠢᠨ ᠵᠧᠦ ᠯᠢ ᠬᠠᠨ ᠪᠣᠯᠣᠨ ᠱ᠌ᠢ ᠳ᠋ᠠᠨ ᠲᠤᠰ ᠲᠤᠰ 01:27:02 ᠪᠣᠯᠣᠨ 01:27:54 ᠵᠢᠨ ᠬᠢᠷᠢ ᠪᠦᠳᠦᠮᠵᠢᠪᠠᠷ ᠬᠣᠶᠠᠳᠤᠭ᠋ᠠᠷ ᠪᠣᠯᠣᠨ ᠭᠤᠷᠪᠠᠳᠤᠭ᠋ᠠᠷ ᠨᠡᠷᠡᠰᠲᠤ ᠣᠷᠣᠭᠰᠠᠨ ᠪᠠᠢ᠌ᠨᠠ᠃
ᠲᠤᠰ ᠤᠳᠠᠭ᠋ᠠᠨᠤ ᠤᠷᠤᠯᠳᠤᠭ᠋ᠠᠨᠳᠤ ᠪᠠᠰᠠ 《ᠶᠡᠬᠡ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠭᠦᠶᠦᠭᠴᠢ ᠵᠢᠨ ᠪᠦᠯᠭᠦᠮᠤᠨ ᠤᠷᠤᠯᠳᠤᠭ᠋ᠠᠨᠤ ᠳᠣᠲᠣᠷᠠᠬᠢ ᠤᠷᠤᠯᠳᠤᠭ᠋ᠠᠨᠤ ᠠᠵᠢᠯᠯᠠᠭᠠ》 ᠲᠣᠬᠢᠷᠠᠭᠤᠯᠵᠤ᠂ ᠪᠡᠭᠡᠵᠢᠩᠤᠨ ᠪᠡᠶᠡ ᠵᠢᠨ ᠲᠠᠮᠢᠷᠤᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ᠂ ᠱᠠᠨ ᠱ᠌ᠢ ᠶᠡᠬᠡ ᠰᠤᠷᠭ᠋ᠠᠭᠤᠯᠢ᠂ ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠡᠷᠭᠡ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ 16 ᠠᠩᠭᠢ ᠨᠡᠷᠡ ᠮᠡᠳᠡᠭᠦᠯᠦᠨ ᠤᠷᠤᠯᠴᠠᠬᠰᠠᠨ ᠪᠠᠢ᠌ᠨᠠ᠃
ᠡᠨᠡ ᠵᠢᠯ ᠪᠤᠭᠤᠲᠤ ᠬᠤᠳᠠ ᠦᠷᠭᠦᠯᠵᠢᠯᠡᠨ 《1+4》 ᠵᠢᠨ ᠵᠠᠭᠪᠤᠷ ᠵᠢᠡᠷ 1 ᠲᠠᠯᠠᠪᠠᠢ ᠪᠦᠬᠦᠯᠢ ᠵᠠᠢ ᠵᠢᠨ ᠮᠠᠷᠠᠽᠤᠨ ᠪᠣᠯᠣᠨ 4 ᠲᠠᠯᠠᠪᠠᠢ ᠬᠠᠭ᠋ᠠᠰ ᠵᠠᠢ ᠵᠢᠨ ᠮᠠᠷᠠᠽᠤᠨ ᠤᠷᠤᠯᠳᠤᠭ᠋ᠠᠨᠢ ᠶᠠᠪᠤᠭᠳᠠᠭᠤᠯᠵᠤ᠂ 10 ᠭᠠᠷᠤᠢ ᠤᠯᠤᠰ ᠪᠣᠯᠣᠨ ᠪᠦᠭᠦ ᠤᠯᠤᠰᠤᠨ ᠡᠯᠡ ᠭᠠᠵᠠᠷᠠᠴᠠ ᠢᠷᠡᠭᠰᠡᠨ 6 ᠲᠦᠮᠡ ᠭᠠᠷᠤᠢ ᠲᠠᠮᠢᠷᠴᠢᠨ ᠪᠣᠯᠣᠨ ᠪᠠᠬᠠᠲᠠᠳ ᠤᠷᠤᠯᠳᠤᠭ᠋ᠠᠨᠳᠤ ᠤᠷᠤᠯᠴᠠᠬᠰᠠᠨ ᠪᠠᠢ᠌ᠨᠠ᠃