| ᠪᠦᠬᠡ ᠶᠢᠨ ᠰᠤᠶᠤᠯ᠂ ᠪᠦᠬᠡ ᠶᠢᠨ ᠦᠢᠯᠡᠰ ᠭᠡᠳ ᠶᠠᠷᠢᠭᠠᠳ ᠢᠷᠡᠬᠦᠯᠡᠷ᠂ ᠤᠯᠤᠰ ᠤᠨ ᠠᠪᠤᠷᠭᠤ ᠪᠦᠬᠡ | ᠴᠠᠭᠠᠨᠵᠠᠭᠠᠨ ᠤᠷᠮᠠ ᠬᠦᠭᠵᠢᠩᠭᠦᠢ ᠰᠡᠳᠭᠢᠯ ᠲᠤᠭᠲᠤᠯᠤᠩᠭᠤᠢ᠃ 10 ᠳ᠋ᠤᠭᠠᠷ ᠰᠠᠷᠠ ᠶᠢᠨ 17 ᠤ ᠦᠳᠡ ᠶᠢᠨ | ᠬᠤᠶᠢᠨᠠ ᠪᠢᠳᠠ ᠰᠢᠯᠢ ᠶᠢᠨ ᠬᠤᠲᠠ ᠳᠤ ᠰᠠᠶ᠋ᠢᠬᠠᠨ ᠭᠠᠳᠠᠭᠰᠢ ᠶᠠᠪᠤᠭᠠᠳ ᠬᠠᠷᠢᠵᠤ ᠢᠷᠡᠭᠰᠡᠡ ᠪᠦᠭᠡᠳ ᠪᠠᠰᠠ ᠪᠡᠶᠡ | ᠠᠨᠠᠢ ᠪᠠᠶᠢᠭᠠ ᠭᠡᠵᠤ ᠰᠤᠨᠤᠰᠤᠭᠰᠠᠠ ᠲᠡᠭᠦᠨ ᠲᠠᠢ ᠨᠢᠭᠡ ᠯᠠ ᠴᠠᠭ ᠴᠤ ᠭᠡᠰᠡᠨ ᠪᠤᠯᠤᠨᠠ ᠭᠡᠮᠡᠨ ᠪᠤᠯᠵᠤᠨ | ᠠᠭᠤᠯᠵᠠᠨ ᠶᠠᠷᠢᠯᠴᠠᠭᠠᠳ ᠪᠦᠲᠦᠨ ᠨᠢᠬᠡ ᠦᠳᠡ ᠶᠢᠨ ᠬᠤᠶᠢᠨᠠ ᠶᠠᠷᠢᠯᠴᠠᠴᠢᠬᠠᠭᠰᠠᠠ ᠪᠠᠶᠢᠵᠤ᠂ ᠠᠪᠤᠷᠭᠤ ᠪᠦᠬᠡ | ᠮᠠᠨᠢ ᠮᠠᠨ ᠳᠤ ᠠᠱᠢᠬᠦᠢ ᠶᠡᠭᠡ ᠤᠷᠮᠠ ᠬᠠᠶᠢᠷᠠᠯᠠᠴᠢᠬᠠᠭᠰᠠᠠ ᠪᠠᠶᠢᠯᠠ᠃ | ᠴᠠᠭᠠᠨᠵᠠᠭᠠᠨ ᠭᠡᠵᠤ ᠳᠠᠷᠠᠭᠠᠯᠠᠨ ᠠᠷᠪᠠᠨ ᠭᠤᠷᠪᠠᠨ ᠵᠢᠯ ᠭᠠᠵᠠᠷ ᠰᠢᠷᠦ᠋ᠢᠳᠠᠭᠠ ᠦᠭᠡᠢ ᠪᠠᠷᠢᠯᠳᠤᠵᠤ ᠶᠠᠪᠤᠭᠰᠠᠠ | ᠪᠤᠰᠤᠭᠠ ᠪᠦᠬᠡ᠂ ᠮᠤᠩᠭᠤᠯ ᠲᠦᠮᠡᠨ ᠤ ᠪᠠᠨ ᠬᠠᠶᠢᠷᠠ ᠪᠠᠭ᠋ᠠᠷᠬᠠᠯ ᠢ ᠤᠯᠤᠭᠰᠠᠠ ᠨᠡᠷᠡᠲᠦ ᠠᠪᠤᠷᠭᠤ ᠪᠦᠬᠡ᠃ | ᠬᠡᠳᠦ᠋ᠢᠪᠡᠷ ᠠᠷᠪᠠᠨ ᠵᠢᠷᠭᠤᠭᠠᠨ ᠵᠢᠯ ᠤᠨ ᠡᠮᠦᠨᠡ ᠬᠤᠳᠤᠭᠤᠳᠤᠨ ᠦᠮᠡᠨ ᠢᠶᠠᠷ ᠮᠡᠰᠡ ᠵᠠᠰᠠᠯ ᠬᠢᠵᠤ | ᠬᠤᠳᠤᠭᠤᠳᠤ ᠶᠢᠨ ᠢᠶᠠᠨ ᠬᠠᠭᠠᠰ ᠢ ᠠᠪᠤᠭᠤᠯᠤᠭᠰᠠᠠ ᠭᠡᠳᠡᠭ ᠴᠤ᠂ ᠲᠡᠭᠰᠢ ᠰᠠᠶᠢᠬᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠭᠠ 190 | ᠰᠡᠨᠲ᠋ᠢᠮᠧᠲᠷ ᠤᠨ ᠦᠨᠳᠦᠷ ᠰᠦᠷᠯᠢᠭ ᠪᠡᠶᠡ ᠭᠠᠯᠪᠢᠷ᠂ ᠵᠤᠷᠪᠤᠶᠢᠭᠰᠠᠠ ᠰᠠᠶᠢᠬᠠᠨ ᠬᠠᠷᠠ ᠰᠠᠬᠠᠯ᠂ ᠴᠤᠭ ᠵᠤᠯᠢ | ᠪᠠᠳᠠᠷᠠᠩᠭᠤᠢ ᠨᠢᠭᠤᠷ ᠳᠦᠷᠭᠦ ᠠᠴᠠ ᠨᠢ ᠢᠳᠡ ᠬᠦᠭ ᠲᠠᠢ ᠪᠠᠷᠢᠯᠳᠤᠵᠤ ᠪᠠᠶᠢᠭᠰᠠᠠ ᠲᠡᠷᠡ ᠦᠶᠡ ᠶᠢᠨ ᠬᠢᠨᠢ | ᠤᠮᠤᠭᠯᠠᠩ ᠵᠢᠪᠬᠤᠭᠠ ᠳᠦᠷᠢ ᠪᠠᠶᠢᠳᠠᠯ ᠮᠦᠢᠨ ᠬᠠᠷᠠᠭᠳᠠᠨᠠ᠃ ᠤᠳᠤ ᠪᠤᠯ ᠲᠡᠷᠡ ᠡᠪᠦᠭᠡᠨ ᠪᠦᠬᠡ ᠶᠢᠨ | ᠪᠠᠷᠢᠯᠳᠤᠭᠠᠨ ᠪᠠᠶᠢᠪᠠᠯ ᠤᠷᠤᠵᠤ᠂ ᠨᠢᠳᠤᠨᠤᠨ ᠵᠡᠭᠦᠨ ᠦᠵᠦᠮᠦᠴᠢᠨ ᠤ ᠡᠪᠦᠭᠡᠨ ᠪᠦᠬᠡ ᠳᠤ ᠲᠡᠷᠢᠬᠦᠯᠡᠭᠰᠡᠡ ᠭᠡᠳᠡᠭ᠃ | ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠡᠵᠢᠨᠠᠭᠤᠷ ᠰᠤᠮᠤᠨ ᠳᠤ ᠦᠰᠴᠤ ᠲᠦᠷᠦᠭᠰᠡᠡ ᠲᠡᠷᠡ ᠪᠠᠷ ︽ᠪᠦᠬᠡ ᠶᠢᠨ | ᠨᠤᠲᠤᠭ︾ ᠤᠨ ᠢᠶᠠᠨ ᠵᠤᠯᠪᠤᠭᠠ ᠶᠢ ᠡᠷᠭᠦᠵᠤ ᠵᠠᠯᠠᠭᠤ ᠪᠠᠭᠠ ᠦᠶᠡ ᠠᠴᠠ ᠪᠠᠨ ᠪᠠᠷᠢᠯᠳᠤᠵᠤ ᠨᠤᠴᠤᠯᠳᠤᠵᠤ ᠶᠠᠪᠤᠵᠤ᠂ | 1981 ᠤᠨ ᠳᠤ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠪᠦᠬᠡ ᠶᠢᠨ ᠠᠩᠭᠢ ᠪᠠᠶᠢᠭᠤᠯᠤᠭᠳᠠᠬᠤ ᠳᠤ ᠤᠷᠤᠵᠤ | ᠪᠤᠯᠪᠠᠰᠤᠷᠠᠨ᠂ ᠰᠤᠷᠢᠭᠠ ᠪᠤᠯᠪᠠᠰᠤᠷᠠᠯ ᠢᠶᠠᠷ ᠳᠠᠮᠵᠢᠨ 15 ᠬᠦᠮᠦᠨ ᠤ ᠬᠠᠮᠲᠦ ᠵᠢᠩᠬᠢᠨᠢ ᠪᠦᠬᠡ ᠪᠤᠯᠵᠤ ᠡᠯᠰᠡᠭᠳᠡᠪᠡ᠃ | ᠡᠭᠦᠨ ᠠᠴᠠ ᠡᠬᠢᠯᠡᠨ ᠲᠡᠷᠡ ᠤᠷᠤᠨ ᠤ ᠤᠷᠤᠯᠳᠤᠭᠠᠨ᠂ ᠤᠯᠤᠰ ᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠯᠠᠨᠲᠠ ᠤᠷᠤᠯᠴᠠᠨ | ᠶᠠᠪᠤᠵᠤ᠂ ᠶᠡᠷᠡᠭᠡᠳ ᠤᠨ ᠪᠤᠯᠲᠠᠯᠠ ᠢᠳᠡ ᠰᠠᠶᠢᠲᠠᠢ ᠪᠠᠷᠢᠯᠳᠤᠵᠤ ᠶᠠᠪᠤᠭᠰᠠᠠ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠤᠯᠤᠰ ᠤᠨ | ᠳᠡᠰ ᠤᠨ ᠤᠷᠤᠯᠳᠤᠭᠠᠨ ᠳᠤ 15 ᠤᠳᠠᠭᠠ ᠲᠡᠷᠢᠭᠦᠯᠡᠵᠤ᠂ 13 ᠵᠢᠯ ᠳᠠᠷᠠᠭᠠᠯᠠᠨ ᠭᠠᠵᠠᠷ ᠰᠢᠷᠦ᠋ᠢᠲᠠᠭᠰᠠᠠ ᠦᠬᠡᠢ | ᠭᠠᠶᠢᠬᠠᠮᠰᠢᠭ ᠢ ᠡᠭᠦᠳᠴᠡᠢ᠃ 1988 ᠤᠨ ᠠᠴᠠ ᠲᠡᠷᠡ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠪᠦᠬᠡ ᠶᠢᠨ ᠠᠩᠭᠢ ᠶᠢᠨ | ᠳᠡᠳ᠋ ᠳᠠᠷᠤᠭᠠ ᠪᠤᠯᠵᠤ ᠪᠦᠬᠡ ᠶᠢᠨ ᠰᠤᠷᠢᠭᠠ ᠪᠤᠯᠪᠠᠰᠤᠷᠠᠯ ᠢ ᠬᠠᠮᠢᠶᠠᠷᠴᠤ᠂ ᠶᠡᠷᠡᠭᠡᠳ ᠤᠨ ᠳᠤ ᠰᠢᠯᠢ ᠶᠢᠨ ᠭᠤᠤᠯ | ᠠᠶᠢᠮᠠᠭ ᠤᠨ ᠪᠦᠬᠡ ᠶᠢᠨ ᠨᠡᠶᠢᠭᠡᠮᠯᠢᠭ ᠪᠠᠶᠢᠭᠤᠯᠤᠭᠳᠠᠬᠤ ᠳᠤ ᠨᠡᠶᠢᠭᠡᠮᠯᠢᠭ ᠤᠨ ᠳᠡᠳ᠋ ᠳᠠᠷᠤᠭᠠ ᠪᠤᠯᠤᠭᠠᠳ ᠤᠳᠤ | ᠬᠦᠷᠴᠤ ᠪᠠᠶᠢᠨᠠ᠃ | ᠳᠤᠮᠳᠠᠳᠤ ᠮᠠᠶ᠋ᠢᠭ ᠤᠨ ᠪᠦᠬᠡ ᠪᠠᠷ ᠭᠤᠤᠯᠯᠠᠨ ᠪᠠᠷᠢᠯᠳᠤᠵᠤ ᠪᠠᠶᠢᠭᠰᠠᠠ ᠪᠤᠯᠬᠤᠷ ᠲᠡᠷᠡ ᠤᠷᠤᠯᠳᠤᠭᠠᠨ ᠪᠤᠯᠬᠤ | ᠪᠦᠷᠢ ᠪᠡᠶᠡ ᠶᠢᠨ ᠬᠦᠨᠳᠦ ᠪᠠᠨ ᠵᠤᠬᠢᠴᠠᠭᠤᠯᠬᠤ ᠭᠡᠵᠤ ᠬᠡᠳᠦᠨ ᠡᠳᠦᠷ ᠢᠶᠠᠷ ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠯ ᠦᠭᠡᠢ | ᠬᠠᠷᠠ ᠤᠰᠤ ᠤᠤᠭᠤᠵᠤ᠂ ᠨᠡᠯᠢᠶᠡᠳ ᠤᠯᠠᠨ ᠵᠢᠯ ᠢᠶᠠᠷ ᠹᠢᠽᠢᠦᠯᠤᠭᠢ ᠶᠢᠨ ᠵᠦᠢ ᠪᠠᠨ ᠠᠯᠳᠠᠨ ᠶᠠᠪᠤᠭᠰᠠᠠ ᠠᠴᠠ | 2000 ᠤᠨ ᠳᠤ ᠬᠤᠲᠤᠭᠤᠳᠤᠨ ᠦᠮᠡᠨ ᠳᠤ ᠨᠡᠷᠪᠡᠭᠳᠡᠭᠰᠡᠡ ᠪᠠᠶᠢᠯᠠ᠃ 2006 ᠤᠨ ᠠᠴᠠ ᠲᠡᠷᠡ ᠰᠢᠯᠢ ᠶᠢᠨ | ᠭᠤᠤᠯ ᠠᠶᠢᠮᠠᠭ ᠤᠨ ᠦᠨᠳᠦᠰᠦᠲᠡᠨ ᠤ ᠲᠠᠮᠢᠷ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠤᠯ ᠢᠶᠠᠷ ᠠᠵᠢᠯᠯᠠᠵᠤ᠂ 2012 | ᠤᠨ ᠳᠤ ᠲᠤᠰ ᠰᠤᠷᠭᠠᠭᠤᠯᠢ ᠶᠢ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠲᠠᠢ | ᠨᠡᠶᠢᠯᠡᠭᠦᠯᠦᠭᠰᠡᠡ ᠤ ᠳᠠᠷᠠᠭᠠ ᠪᠡᠶᠡ ᠠᠨᠠᠢ ᠪᠤᠯᠤᠭᠰᠠᠠ ᠪᠠᠶᠢᠳᠠᠯ ᠢᠶᠠᠨ ᠦᠨᠳᠦᠰᠦᠯᠡᠭᠡᠳ ᠲᠤᠰᠢᠶᠠᠯ ᠢᠶᠠᠨ ᠰᠤᠯᠠᠯᠠᠨ | ᠦᠭᠴᠤ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢᠨ ᠬᠢᠨᠠᠨ ᠪᠠᠶᠢᠴᠠᠭᠠᠬᠤ ᠲᠠᠰᠤᠭ ᠲᠤ ᠠᠵᠢᠯᠯᠠᠭᠰᠠᠠ ᠠᠵᠢ᠃ ᠪᠦᠬᠡ ᠪᠠᠷ ᠡᠷᠡ ᠶᠢᠨ | ᠬᠡᠶᠢᠮᠤᠷᠢ ᠪᠠᠨ ᠮᠠᠨᠳᠤᠭᠤᠯᠵᠤ᠂ ᠪᠦᠬᠡ ᠪᠠᠷ ᠦᠢᠯᠡᠰ ᠬᠦᠭᠡᠭᠡᠴᠡᠯᠳᠦᠯ ᠢᠶᠠᠨ ᠪᠤᠯᠭᠠᠵᠤ ᠢᠷᠡᠭᠰᠡᠡ ᠬᠦᠮᠦᠨ ᠭᠡᠵᠤ | ᠴᠤᠬᠤᠮ ᠡᠨᠡ ᠬᠦᠮᠦᠨ ᠪᠠᠶᠢᠵᠠᠢ᠃ ︽ᠤᠷᠴᠢᠮ ᠤᠨ ᠵᠢᠯ ᠤᠳ ᠠᠴᠠ ᠮᠤᠩᠭᠤᠯ ᠪᠦᠬᠡ ᠶᠡᠭᠡ ᠬᠦᠭᠵᠢᠵᠡᠢ᠂ ᠨᠠᠮ | ᠵᠠᠰᠠᠭ ᠠᠴᠠ ᠦᠨᠳᠦᠰᠦᠲᠡᠨ ᠤ ᠰᠤᠶᠤᠯ ᠢᠶᠠᠨ ᠤᠯᠠᠮᠵᠢᠯᠠᠵᠤ ᠵᠠᠯᠭᠠᠮᠵᠢᠯᠠᠬᠤ ᠶᠢ ᠶᠡᠭᠡ ᠬᠦᠨᠳᠦᠳᠭᠡᠬᠦ ᠪᠤᠯᠵᠤ ᠪᠠᠶᠢᠨᠠ᠂ | ᠪᠦᠬᠦ ᠠᠷᠠᠳ ᠤᠨ ᠪᠡᠶᠡ ᠪᠠᠨ ᠴᠢᠬᠢᠷᠠᠭᠵᠢᠭᠤᠯᠬᠤ ᠶᠢ ᠤᠷᠢᠶᠠᠯᠠᠵᠤ ᠪᠠᠶᠢᠨᠠ᠃ ᠳᠠᠬᠢᠪᠠᠯ ᠠᠵᠤ ᠠᠬᠤᠢ ᠬᠦᠭᠵᠢᠵᠤ | ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠰᠠᠶᠢᠵᠢᠷᠠᠭᠰᠠᠠ ᠠᠴᠠ ᠬᠤᠪᠢ ᠪᠠᠷ ᠢᠶᠠᠨ ᠨᠠᠶᠢᠷ ᠨᠠᠭᠠᠳᠤᠮ ᠡᠷᠬᠢᠯᠡᠬᠦ ᠬᠦᠮᠦᠨ ᠤᠯᠠᠨ ᠪᠤᠯᠵᠤ | ᠪᠠᠶᠢᠨᠠ᠂ ᠨᠠᠶᠢᠷ ᠤᠨ ᠱᠠᠩ ᠴᠤ ᠦᠨᠳᠦᠷ ᠪᠤᠯᠤᠭᠰᠠᠠ᠂ ᠰᠤᠷᠢᠭᠠ ᠪᠤᠯᠪᠠᠰᠤᠷᠠᠯ ᠳᠠᠭᠠᠨ ᠰᠢᠮᠳᠠᠬᠤ ᠵᠠᠯᠠᠭᠤ ᠪᠦᠭᠡ | ᠤᠯᠠᠨ ᠪᠤᠯᠤᠭᠰᠠᠠ᠃ ᠡᠨᠡ ᠴᠢᠨᠢ ᠪᠦᠷ ᠪᠦᠬᠡ ᠶᠢᠨ ᠰᠤᠶᠤᠯ ᠪᠦᠬᠡ ᠶᠢᠨ ᠦᠢᠯᠡᠰ ᠬᠦᠭᠵᠢᠬᠦ ᠳᠤ ᠰᠠᠶᠢᠨ ᠤᠷᠴᠢᠨ | ᠨᠦᠬᠦᠴᠡᠯ ᠪᠤᠯᠵᠤ ᠦᠭᠴᠤ ᠪᠠᠶᠢᠨᠠ ᠰᠢᠤ︾ ᠭᠡᠵᠤ ᠴᠠᠭᠠᠨᠵᠠᠭᠠᠨ ᠤᠳᠤᠬᠢ ᠪᠠᠶᠢᠳᠠᠯ ᠢ ᠦᠪᠡᠷ ᠤᠨ ᠪᠠᠷᠢᠯᠳᠤᠵᠤ | ᠪᠠᠶᠢᠭᠰᠠᠠ ᠦᠶᠡ ᠶᠢᠨ ᠬᠢ ᠲᠠᠢ ᠬᠠᠷᠢᠴᠠᠭᠤᠯᠤᠨ ᠱᠠᠭᠰᠢᠨ ᠶᠠᠷᠢᠨᠠ᠃ | ᠲᠡᠶᠢᠮᠦ ᠳ᠋ᠠ᠂ ᠦᠡᠭᠭᠡᠷᠡᠭᠰᠡᠡ ᠳᠤ ᠪᠤᠯ ᠨᠠᠷᠠ ᠬᠤᠷᠠ ᠲᠡᠩᠴᠡᠵᠤ ᠮᠠᠯ ᠰᠦᠷᠦᠭ ᠦᠨᠢᠷ ᠦᠰᠦᠭᠰᠡᠡ | ᠦᠩ ᠲᠠᠢ ᠰᠠᠶᠢᠨ ᠵᠢᠯ ᠳᠤ ᠰᠠᠶ᠋ᠢ ᠬᠤᠰᠢᠭᠤ ᠨᠠᠶᠢᠷ ᠰᠤᠮᠤᠨ ᠨᠠᠶᠢᠷ ᠭᠡᠵᠤ ᠠᠯᠪᠠᠨ ᠠᠴᠠ ᠡᠷᠬᠢᠯᠡᠨ ᠬᠢᠵᠤ ᠪᠠᠶᠢᠯᠠ᠃ | ᠤᠳᠤ ᠴᠢᠨᠢ ᠤᠪᠤᠭᠠ ᠲᠠᠬᠢᠯᠭᠠ ᠭᠡᠳ ᠭᠠᠴᠠᠭᠠ ᠲᠤᠭᠤᠢᠢᠯᠠᠩ ᠬᠤᠲᠠ ᠤᠰᠤ ᠪᠠᠷ ᠢᠶᠠᠨ ᠨᠠᠶᠢᠷ ᠨᠠᠭᠠᠳᠤᠮ | ᠡᠷᠬᠢᠯᠡᠨᠡ᠂ ᠨᠠᠰᠤᠲᠠᠨ ᠤ ᠨᠠᠰᠤᠨ ᠪᠠᠶᠠᠷ᠂ ᠵᠢᠯ ᠤᠨ ᠪᠠᠶᠠᠷ ᠭᠡᠳ ᠬᠤᠪᠢ ᠪᠠᠷ ᠢᠶᠠᠨ ᠨᠠᠶᠢᠷ ᠨᠠᠭᠠᠳᠤᠮ ᠡᠷᠬᠢᠯᠡᠨᠡ᠃ | ᠨᠠᠶᠢᠷ ᠤᠨ ᠱᠠᠩ ᠴᠤ ᠵᠢᠯ ᠠᠴᠠ ᠵᠢᠯ ᠦᠨᠳᠦᠷ ᠪᠤᠯᠵᠤ᠂ ᠶᠡᠭᠡ ᠬᠡᠪᠴᠢᠶᠡᠨ ᠤ ᠨᠠᠶᠢᠷ ᠲᠤ ᠲᠡᠷᠢᠭᠦᠨ ᠱᠠᠩ 20 | ᠲᠦᠮᠡ᠂ 30 ᠲᠦᠮᠡᠨ ᠲᠦᠭᠦᠷᠢᠭ ᠬᠦᠷᠬᠦ ᠴᠢᠨᠢ ᠰᠤᠨᠢᠨ ᠶᠠᠪᠤᠳᠠᠯ ᠪᠢᠰᠢ ᠪᠤᠯᠪᠠ᠃ ᠴᠠᠭᠠᠨᠵᠠᠭᠠᠨ ᠢ ᠪᠠᠷᠢᠯᠳᠤᠵᠤ | ᠪᠠᠶᠢᠭᠰᠠᠠ ᠲᠡᠷᠡ ᠦᠶᠡᠰ ᠲᠡᠷᠢᠭᠦᠨ ᠱᠠᠩ ᠢ ᠲᠡᠮᠡᠭᠡ᠂ ᠮᠤᠷᠢ᠂ ᠬᠤᠨᠢ ᠭᠡᠳ ᠶᠢᠰᠦ ᠶᠢᠰᠦ ᠨᠠᠶᠠᠨ ᠨᠢᠭᠡ ᠶᠢᠨ | ᠪᠡᠯᠡᠭ ᠢᠶᠠᠷ ᠱᠠᠩᠨᠠᠵᠤ᠂ ᠡᠨᠡ ᠱᠠᠩ ᠢ ᠲᠡᠷᠡ 7 ᠤᠳᠠᠭᠠ ᠲᠤᠰᠤᠭᠰᠠᠠ ᠭᠡᠨᠡ ᠪᠢᠯᠡ᠂ ᠲᠡᠷᠡ ᠦᠶᠡ ᠶᠢᠨ ᠲᠡᠷᠢᠭᠦᠨ | ᠱᠠᠩ ᠤᠨ ᠲᠡᠮᠡᠭᠡ ᠮᠢᠩᠭᠠᠨ ᠲᠦᠭᠦᠷᠢᠭ ᠬᠦᠷᠬᠦ ᠦᠭᠡᠢ ᠪᠠᠶᠢᠭᠰᠠᠠ ᠭᠡᠳᠡᠭ᠃ ᠲᠡᠭᠦᠨ ᠤ ᠬᠡᠯᠡᠭᠰᠡᠡ ᠪᠠᠰᠠ ᠨᠢᠭᠡᠨ | ᠬᠤᠪᠢᠷᠠᠯᠲᠠ ᠭᠡᠪᠡᠯ᠂ ᠪᠦᠬᠡ ᠶᠢ ᠮᠡᠲᠡᠬᠦ᠂ ᠪᠦᠬᠡ ᠶᠢᠨ ᠤᠷᠠ ᠮᠡᠷᠭᠡᠵᠢᠯ ᠢ ᠦᠵᠡᠵᠤ ᠭᠠᠷᠬᠤ᠂ ᠪᠦᠬᠡ ᠶᠢᠨ | ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠠᠷᠢᠯᠳᠤᠵᠤ ᠪᠠᠶᠢᠬᠤ ᠡᠰᠡᠬᠦ ᠶᠢ ᠦᠵᠡᠵᠤ ᠭᠠᠷᠬᠤ ᠦᠵᠡᠭᠴᠢ ᠤᠯᠠᠨ ᠪᠤᠯᠵᠤ᠂ ᠬᠡᠨ ᠨᠢ | ᠬᠡᠨ ᠲᠠᠢ ᠪᠠᠷᠢᠯᠳᠤᠬᠤ ᠳᠠᠭᠠᠨ ᠶᠠᠭᠠᠬᠢᠵᠤ ᠪᠠᠷᠢᠯᠳᠤᠭᠰᠠᠠ ᠪᠤᠯ ᠵᠤᠬᠢᠬᠤ ᠪᠠᠶᠢᠭᠰᠠᠠ ᠵᠡᠷᠭᠡ ᠶᠢ ᠰᠢᠭᠦᠮᠵᠢᠯᠡᠨ | ᠶᠠᠷᠢᠯᠴᠠᠬᠤ ᠪᠤᠯᠵᠤ᠂ ᠦᠵᠡᠭᠴᠢᠳ ᠤᠨ ᠱᠠᠭᠠᠷᠳᠠᠯᠭᠠ ᠦᠨᠳᠦᠷ ᠪᠤᠯᠤᠭᠰᠠᠠ ᠠᠵᠢ᠃ ᠮᠠᠨ ᠤ ᠮᠤᠩᠭᠤᠯᠴᠤᠳ | ᠪᠦᠬᠡ ᠳᠤ ᠪᠠᠭ᠋ᠠᠲᠠᠢ᠂ ᠪᠦᠬᠡ ᠳᠤ ᠬᠠᠶᠢᠷᠠᠲᠠᠢ ᠪᠠᠷ ᠢᠶᠠᠨ ᠤᠯᠠᠮᠵᠢᠯᠠᠯ ᠲᠠᠢ ᠶᠤᠮ᠃ ᠰᠠᠶᠢᠨ ᠪᠦᠬᠡ ᠶᠢ ᠪᠠᠭ᠋ᠠᠷᠬᠠᠵᠤ᠂ | ᠬᠡᠤᠬᠡᠳ ᠲᠡᠭᠦᠤᠨᠡᠷ ᠢᠶᠠᠨ ᠰᠠᠶᠢᠨ ᠪᠦᠬᠡ ᠪᠤᠯᠭᠠᠬᠤ ᠪᠠᠷ ᠰᠤᠷᠢᠭᠠ ᠪᠤᠯᠪᠠᠰᠤᠷᠠᠯ ᠢ ᠨᠢ ᠱᠠᠭᠠᠷᠳᠠᠳᠠᠭ᠂ ᠵᠠᠷᠢᠮ ᠨᠢ | ᠬᠦᠤ ᠲᠠᠢ ᠪᠤᠯᠪᠠᠯ ᠬᠤᠵᠢᠮ ᠰᠠᠶᠢᠨ ᠪᠦᠬᠡ ᠪᠤᠯᠬᠤ ᠶᠢ ᠪᠡᠯᠭᠡᠳᠡᠭᠡᠳ ᠠᠪᠤᠷᠭᠤ ᠪᠦᠬᠡᠴᠤᠤᠯ ᠤᠨ ᠨᠡᠷᠡ ᠪᠠᠷ ᠨᠡᠷᠡ | ᠦᠭᠳᠡᠭ ᠴᠤ ᠪᠤᠢ᠃ ᠡᠳᠦᠭᠡ ᠰᠢᠯᠢ ᠶᠢᠨ ᠭᠤᠤᠯ ᠢᠶᠠᠷ ᠤᠪᠤᠭᠠ ᠵᠦᠭᠡᠷ ᠪᠠᠷᠢᠯᠳᠤᠵᠤ ᠪᠠᠶᠢᠭᠠ ︽ᠴᠠᠭᠠᠨᠵᠠᠭᠠᠨ︾ | ᠭᠡᠭᠴᠢ ᠨᠡᠷᠡ ᠲᠠᠢ ᠪᠦᠭᠡ ᠲᠠᠪᠤ ᠵᠢᠷᠭᠤᠭᠠ ᠭᠠᠷᠤᠭᠠᠳ ᠪᠠᠶᠢᠭᠠ ᠨᠢ ᠡᠭᠦᠨ ᠤ ᠭᠡᠷᠡᠴᠢ ᠭᠡᠯᠲᠡᠢ᠃ ᠮᠢ᠊ ᠰᠤᠶᠤᠯ ᠵᠡᠷᠭᠡ | ᠨᠡᠷᠡᠲᠦ ᠪᠦᠬᠡ ᠶᠢ ᠤᠯᠤᠰ ᠤᠨ ᠠᠵᠢᠯᠲᠠᠨ ᠤ ᠤᠷᠤᠨ ᠲᠤᠭᠠ ᠲᠠᠢ ᠪᠤᠯᠭᠠᠵᠤ ᠬᠤᠲᠠ ᠶᠢᠨ ᠡᠷᠦᠬᠡ ᠠᠮᠠ ᠶᠢᠨ | ᠳᠠᠩᠰᠠ ᠳᠤ ᠤᠷᠤᠭᠤᠯᠬᠤ ᠶᠠᠪᠤᠳᠠᠯ ᠤᠨ ᠭᠠᠷ ᠭᠦᠢᠴᠡᠳᠭᠡᠯ ᠢ ᠬᠢᠬᠦ ᠲᠡᠷᠡ ᠤᠳᠠᠭᠠ ᠴᠠᠭᠠᠨᠵᠠᠭᠠᠨ ᠲᠤᠲᠤᠭᠠᠳᠤ ᠶᠢ | ᠬᠠᠮᠠᠭᠠᠯᠠᠬᠤ ᠲᠤᠮᠢᠯᠠᠭᠰᠠᠠ ᠰᠠᠯᠪᠤᠷᠢ ᠠᠴᠠ ︽ᠴᠠᠭᠠᠨᠵᠠᠭᠠᠨ︾ ᠭᠡᠬᠦ ᠨᠡᠷᠡ ᠲᠠᠢ ᠬᠦᠮᠦᠨ ᠪᠠᠭᠠᠬᠠᠨ ᠪᠠᠶᠢᠭᠰᠠᠠ ᠢ | ᠤᠯᠵᠤ ᠬᠠᠷᠠᠭᠰᠠᠠ ᠭᠡᠳᠡᠭ ᠪᠢᠯᠡ᠃ | ᠪᠦᠬᠡ ᠶᠢᠨ ᠰᠤᠶᠤᠯ᠂ ᠪᠦᠬᠡ ᠶᠢᠨ ᠦᠢᠯᠡᠰ ᠬᠦᠭᠵᠢᠵᠤ ᠪᠠᠶᠢᠨᠠ᠂ ᠭᠡᠪᠡᠴᠤ ᠬᠡᠷᠬᠢᠨ ᠡᠷᠡᠭᠦᠯ ᠢᠶᠠᠷ ᠬᠦᠭᠵᠢᠬᠦ᠂ | ᠳᠦᠷᠢᠮᠵᠢᠯ ᠲᠠᠢ ᠬᠦᠭᠵᠢᠬᠦ ᠭᠡᠬᠦ ᠠᠰᠠᠭᠤᠳᠠᠯ ᠲᠤᠯᠭᠠᠷᠠᠵᠤ ᠪᠠᠶᠢᠨᠠ ᠭᠡᠵᠤ ᠴᠠᠭᠠᠨᠵᠠᠭᠠᠨ ᠶᠠᠷᠢᠨᠠ᠃ ᠰᠢᠯᠢ ᠶᠢᠨ | ᠭᠤᠤᠯ ᠠᠶᠢᠮᠠᠭ ᠤᠨ ᠪᠦᠬᠡ ᠶᠢᠨ ᠠᠩᠭᠢ ᠶᠢᠨ ᠳᠡᠳ᠋ ᠳᠠᠷᠤᠭᠠ᠂ ᠪᠦᠬᠡ ᠶᠢᠨ ᠨᠡᠶᠢᠭᠡᠮᠯᠢᠭ ᠤᠨ ᠳᠡᠳ᠋ ᠳᠠᠷᠤᠭᠠ ᠪᠤᠯᠵᠤ᠂ | ᠪᠦᠬᠡ ᠶᠢᠨ ᠰᠤᠷᠢᠭᠠ ᠪᠤᠯᠪᠠᠰᠤᠷᠠᠯ ᠢ ᠬᠠᠮᠢᠶᠠᠷᠤᠭᠰᠠᠠ ᠠᠴᠠ ᠨᠠᠰᠢ ᠲᠡᠷᠡ ᠡᠨᠡ ᠲᠤᠬᠠᠢ ᠠᠩᠬᠠᠷᠴᠤ ᠡᠬᠢᠯᠡᠵᠤ᠂ | ᠳᠦᠷᠢᠮᠵᠢᠭᠦᠯᠬᠦ ᠭᠡᠬᠦ ᠠᠰᠠᠭᠤᠳᠠᠯ ᠤᠨ ᠲᠤᠭᠤᠷᠢᠨ ᠳᠤ ᠤᠯᠠᠨ ᠤᠷᠤᠯᠳᠤᠯᠭᠠ ᠬᠢᠵᠤ ᠶᠡᠭᠡ ᠴᠢᠷᠮᠠᠶᠢᠯᠭᠠ ᠭᠠᠷᠭᠠᠭᠰᠠᠠ | ᠪᠠᠶᠢᠪᠠ᠃ ᠪᠦᠬᠡ ᠶᠢ ᠲᠠᠯᠠᠪᠠᠢ ᠳᠤ ᠤᠷᠤᠬᠤ ᠲᠠᠯᠠᠪᠠᠢ ᠠᠴᠠ ᠭᠠᠷᠬᠤ ᠳᠤ ᠪᠦᠷ ᠪᠦᠬᠡ ᠶᠢᠨ ᠬᠤᠪᠴᠠᠰᠦ ᠵᠠᠰᠠᠯ ᠢ ᠨᠢ | ᠡᠮᠦᠰᠦᠭᠦᠯᠬᠦ᠂ ᠪᠦᠬᠡ ᠶᠢᠨ ᠶᠤᠰᠦ ᠵᠢᠷᠤᠮ ᠢᠶᠠᠷ ᠭᠦᠢᠴᠡᠳᠭᠡᠬᠦ ᠶᠢ ᠱᠠᠭᠠᠷᠳᠠᠬᠤ ᠪᠤᠯᠵᠤ᠂ ᠳᠦᠷᠢᠮ ᠢ ᠡᠰᠡ ᠳᠠᠭᠠᠪᠠᠯ | ᠤᠷᠤᠯᠴᠠᠬᠤ ᠡᠷᠬᠡ ᠶᠢ ᠨᠢ ᠬᠠᠰᠤᠬᠤ ᠪᠤᠯᠭᠠᠭᠰᠠᠠ ᠭᠡᠳᠡᠭ᠃ ︽ᠮᠤᠩᠭᠤᠯ ᠪᠦᠬᠡ ᠭᠡᠳᠡᠭ ᠴᠢᠨᠢ ᠮᠤᠩᠭᠤᠯ | ᠰᠤᠶᠤᠯ ᠤᠨ ᠲᠦᠯᠦᠭᠡᠯᠡᠬᠦ ᠴᠢᠨᠠᠷᠲᠠᠢ ᠦᠪ ᠰᠤᠶᠤᠯ᠂ ᠮᠤᠩᠭᠤᠯ ᠬᠦᠮᠦᠨ ᠤ ᠴᠤᠭ ᠵᠢᠪᠬᠤᠭᠠ ᠶᠢ ᠪᠠᠲᠠᠷᠠᠭᠠᠬᠤ | ᠰᠤᠶᠤᠯ ᠪᠠᠶᠢᠭᠠ᠂ ᠪᠦᠬᠡ ᠶᠢᠨ ᠬᠤᠪᠴᠠᠰᠦ ᠵᠠᠰᠠᠯ᠂ ᠠᠷᠰᠯᠠᠨ ᠪᠠᠷᠰ ᠤᠨ ᠮᠠᠭᠰᠢᠯᠭᠠ ᠲᠡᠪᠢᠯᠭᠡ ᠪᠠᠷ ᠢᠶᠠᠨ ᠮᠤᠩᠭᠤᠯ | ᠪᠦᠬᠡ ᠶᠢᠨ ᠰᠦᠷ ᠰᠦᠯᠳᠡ ᠶᠢ ᠭᠠᠶᠢᠬᠠᠭᠤᠯᠳᠠᠭ ᠪᠢᠰᠢᠤ︕︾ ᠭᠡᠵᠤ ᠴᠠᠭᠠᠨᠵᠠᠭᠠᠨ ᠶᠠᠷᠢᠵᠤ ᠪᠠᠶᠢᠯᠠ᠃ | ᠪᠦᠬᠡ ᠶᠢᠨ ᠵᠤᠳᠤᠭ᠂ ᠦᠮᠦᠳᠦ᠂ ᠭᠤᠲᠤᠯ ᠨᠤᠲᠤᠭ ᠨᠤᠲᠤᠭ ᠤᠨ ᠢᠶᠠᠨ ᠤᠨᠴᠠᠯᠢᠭ ᠲᠠᠢ ᠨᠢ ᠮᠡᠳᠡᠭᠡᠵᠢ᠂ ᠭᠡᠬᠦ ᠳᠤ | ᠤᠳᠤ ᠴᠢᠨᠢ ᠵᠤᠳᠤᠭ ᠢ ᠦᠪᠡᠷ ᠢᠶᠠᠨ ᠬᠢᠬᠦ ᠪᠤᠯᠤᠭᠰᠠᠠ ᠪᠦᠭᠡᠳ ᠬᠠᠨᠴᠤᠢ ᠶᠢ ᠭᠠᠷ ᠤᠷᠤᠭᠤᠯᠬᠤ ᠵᠠᠢ ᠵᠠᠪᠰᠠᠷ | ᠦᠭᠡᠢ ᠪᠠᠷ᠂ ᠪᠦᠰᠡ ᠶᠢ ᠠᠳᠬᠤᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠠᠷ᠂ ᠰᠡᠡᠴᠢᠭ ᠢ ᠶᠡᠭᠡ ᠦᠷᠭᠡᠨ ᠢᠶᠠᠷ ᠬᠢᠵᠤ᠂ ᠪᠤᠯᠬᠤᠢᠢᠴᠠ | ᠨᠦᠬᠦᠭᠡ ᠡᠲᠡᠭᠡᠳ ᠳᠡᠭᠡᠨ ᠪᠠᠷᠢᠴᠠ ᠪᠠᠷᠢᠭᠤᠯᠬᠤ ᠦᠭᠡᠢ ᠭᠡᠮᠡᠨ ᠪᠠᠷᠢᠮᠵᠢᠶᠠ ᠪᠠᠷ ᠬᠢᠬᠦ ᠦᠭᠡᠢ ᠪᠤᠯᠵᠤ ᠪᠠᠶᠢᠨᠠ᠃ | ᠵᠤᠳᠤᠭ ᠢ ᠵᠠᠪᠠᠯ ᠪᠠᠷᠢᠮᠵᠢᠶᠠᠲᠦ ᠵᠤᠳᠤᠭ ᠬᠢᠬᠦ ᠬᠡᠷᠡᠭᠲᠡᠢ ᠪᠤᠯᠵᠤ ᠪᠠᠶᠢᠨᠠ᠃ ᠳᠠᠭᠢᠪᠠᠯ ᠭᠠᠵᠠᠷ ᠭᠠᠵᠠᠷ ᠤᠨ | ᠪᠦᠬᠡ ᠶᠢᠨ ᠠᠪᠲᠠᠯ ᠪᠠᠷᠢᠳᠠᠯ ᠤᠨᠳᠤᠤ᠂ ᠬᠦᠯᠦᠨ ᠪᠤᠶᠢᠷ ᠤᠨ ᠬᠢ ᠪᠠᠷ ᠠᠪᠤᠭᠠᠳ ᠬᠡᠯᠡᠬᠦ ᠳᠤ ᠰᠢᠭᠤᠳ ᠢᠰᠭᠦᠯᠳᠡᠭ᠂ | ᠢᠡᠭᠭᠢᠭᠡᠳ ᠨᠤᠲᠤᠭ ᠨᠤᠲᠤᠭ ᠤᠨ ᠬᠢ ᠬᠤᠭᠤᠷᠤᠨᠳᠦ ᠬᠡᠷᠡᠭᠦᠯ ᠪᠤᠯᠳᠠᠭ᠂ ᠡᠶᠢᠨᠬᠦ ᠢᠰᠭᠦᠯᠪᠡᠯ ᠲᠤᠷᠭᠠᠬᠤ ᠪᠠᠷ | ᠪᠤᠯᠵᠤ ᠳᠦᠷᠢᠮᠵᠢᠯ ᠲᠠᠢ ᠪᠠᠷ ᠪᠠᠷᠢᠯᠳᠤᠭᠤᠯᠬᠤ ᠪᠤᠯᠤᠭᠰᠠᠠ ᠭᠡᠵᠤ ᠴᠠᠭᠠᠨᠵᠠᠭᠠᠨ ᠪᠤᠲᠠᠲᠠᠢ ᠵᠢᠱᠢᠶᠡ ᠲᠠᠲᠠᠨ ᠶᠠᠷᠢᠪᠠ᠃ | ᠪᠦᠬᠡ ᠶᠢᠨ ᠤᠨᠤᠭᠠ ᠲᠠᠭᠠᠷᠠᠭᠤᠯᠬᠤ ᠭᠡᠵᠤ ᠭᠤᠤᠯᠴᠢ᠂ ᠡᠷᠬᠡ ᠲᠡᠭᠰᠢ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠶᠢᠬᠤ ᠡᠰᠡᠬᠦ ᠶᠢ | ᠰᠢᠯᠭᠠᠳᠠᠭ᠃ ᠤᠨᠤᠭᠠ ᠲᠠᠭᠠᠷᠠᠭᠤᠯᠬᠤ ᠳᠤ ᠤᠷᠤᠰᠢᠵᠤ ᠪᠠᠶᠢᠭᠠ ᠵᠤᠬᠢᠰ ᠦᠭᠡᠢ ᠲᠠᠯᠠ ᠶᠢ ᠦᠭᠡᠷᠡᠴᠢᠯᠡᠵᠤ | ᠬᠤᠪᠢᠷᠠᠭᠤᠯᠬᠤ ᠭᠡᠵᠤ ᠴᠠᠭᠠᠨᠵᠠᠭᠠᠨ ᠨᠠᠷ ᠪᠦᠭᠡ ᠶᠢᠨ ᠴᠤᠯᠠ ᠤᠯᠭᠤᠬᠤ ᠨᠠᠶᠢᠷ ᠢ ᠰᠡᠳᠦᠨ ᠬᠢᠵᠤ᠂ ᠳᠡᠭᠡᠳᠦ | ᠳᠡᠰ ᠤᠨ ᠪᠦᠬᠡ ᠶᠢ ᠲᠤᠤᠷᠠᠲᠦ ᠲᠡᠰ ᠤᠨ ᠪᠦᠬᠡ ᠲᠠᠢ ᠬᠠᠷᠭᠤᠭᠤᠯᠵᠤ᠂ ᠨᠤᠭᠤᠯᠤᠭᠠ ᠳᠠᠪᠠᠵᠤ ᠲᠡᠰ ᠲᠡᠪᠰᠢᠬᠦ | ᠦᠷᠢᠰᠦᠯᠳᠦᠭᠡᠨ ᠢ ᠡᠷᠬᠡ ᠲᠡᠭᠰᠢ ᠪᠤᠯᠭᠠᠭᠰᠠᠠ ᠭᠡᠳᠡᠭ᠃ | ᠴᠠᠭᠠᠨᠵᠠᠭᠠᠨ ᠤ ᠪᠠᠰᠠ ᠨᠢᠭᠡᠨ ᠤᠷᠤᠯᠳᠤᠯᠭᠠ ᠰᠦᠪᠡᠭᠴᠢᠯᠡᠯ ᠭᠡᠪᠡᠯ ᠮᠤᠩᠭᠤᠯ ᠪᠦᠬᠡ ᠶᠢ ᠵᠠᠬᠠ ᠳᠡᠯᠭᠡᠭᠦᠷ ᠲᠠᠢ | ᠤᠶᠠᠯᠳᠤᠭᠤᠯᠤᠨ ᠠᠵᠤ ᠦᠢᠯᠡᠰᠵᠢᠭᠦᠯᠦᠨ ᠬᠦᠭᠵᠢᠭᠦᠯᠬᠦ ᠠᠷᠭᠠ ᠵᠠᠮ ᠢ ᠬᠠᠶᠢᠨ ᠰᠤᠪᠢᠭᠰᠠᠠ ᠶᠠᠪᠤᠳᠠᠯ ᠪᠠᠶᠢᠯᠠ᠃ | 2001 ᠤᠨ ᠳᠤ ᠲᠡᠷᠡ ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠳᠤ ︽ᠴᠠᠭᠠᠨᠵᠠᠭᠠᠨ ᠬᠤᠨᠳᠠᠭᠠᠳᠦ︾ ᠮᠤᠩᠭᠤᠯ | ᠪᠦᠬᠡ ᠶᠢᠨ ᠱᠠᠩᠨᠠᠯᠲᠦ ᠤᠷᠤᠯᠳᠤᠭᠠᠨ ᠢ ᠰᠡᠳᠦᠵᠤ ᠬᠢᠭᠰᠡᠡ ᠪᠠᠶᠢᠪᠠ᠃ ᠡᠭᠦᠨ ᠤ ᠳᠠᠷᠠᠭᠠᠪᠠᠷ ᠮᠤᠩᠭᠤᠯ ᠪᠦᠬᠡ ᠶᠢᠨ | ᠴᠤᠯᠠ ᠤᠯᠭᠤᠬᠤ ᠤᠷᠤᠯᠳᠤᠭᠠᠨ᠂ ᠶᠡᠭᠡ ᠱᠠᠩᠨᠠᠯᠲᠦ ᠤᠷᠤᠯᠳᠤᠭᠠᠨ ᠭᠡᠭᠦᠴᠢᠯᠡᠨ ᠰᠡᠳᠦᠵᠤ ᠬᠢᠭᠰᠡᠡ ᠪᠤᠯᠪᠠᠴᠤ | ᠮᠦᠢᠩᠭᠦ ᠲᠦᠭᠦᠷᠢᠭ ᠬᠦᠷᠦᠯᠴᠡᠬᠦ ᠦᠭᠡᠢ ᠠᠴᠠ ᠵᠡᠭᠦᠨ ᠦᠵᠦᠮᠦᠴᠢᠨ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ᠂ ᠰᠤᠷᠭᠠᠭᠤᠯᠢ | ᠭᠡᠳ ᠲᠤᠰᠠᠯᠠᠮᠵᠢ ᠳᠡᠮᠵᠢᠯᠭᠡ ᠭᠤᠶᠤᠵᠤ ᠪᠠᠳᠢᠷᠯᠠᠨ ᠪᠠᠶᠢᠵᠤ ᠬᠢᠵᠤ᠂ ᠦᠢᠯᠡ ᠪᠠᠨ ᠪᠠᠷᠠᠵᠤ ᠦᠰᠦ ᠪᠠᠨ ᠲᠡᠭᠦᠵᠤ | ᠪᠠᠶᠢᠭᠠᠳ ᠬᠡᠳᠦᠨ ᠵᠢᠯ ᠤᠨ ᠡᠮᠦᠨᠡ ᠰᠠᠶ᠋ᠢ ᠵᠠᠷᠤᠳᠠᠯ ᠰᠦᠢᠳᠭᠡᠯ ᠤᠨ ᠲᠠᠯᠠ ᠪᠠᠷ ᠠᠶᠢᠮᠠᠭ ᠤᠨ ᠲᠤᠰᠬᠠᠢ | ᠲᠦᠯᠦᠪᠯᠡᠭᠡ ᠳᠤ ᠤᠯᠵᠤ ᠤᠷᠤᠭᠤᠯᠤᠭᠰᠠᠠ ᠠᠵᠢ᠃ ᠡᠳᠡᠭᠡᠷ ᠵᠢᠯ ᠳᠤ ᠨᠠᠶᠢᠷ ᠤᠯᠠᠰᠢᠷᠠᠵᠤ᠂ ᠨᠠᠶᠢᠷ ᠤᠨ ᠱᠠᠩ | ᠦᠨᠳᠦᠷ ᠪᠤᠯᠤᠭᠰᠠᠠ ᠳᠤ ᠵᠠᠷᠢᠮ ᠪᠦᠬᠡᠴᠢᠳ ᠱᠠᠩ ᠢ ᠬᠠᠷᠠᠬᠤ ᠪᠤᠯᠤᠭᠰᠠᠠ᠂ ᠱᠠᠩᠨᠠᠯ ᠤᠨ ᠵᠦᠷᠢᠶᠡ ᠬᠡᠳᠦ ᠶᠡᠭᠡ | ᠪᠤᠯᠤᠭᠰᠠᠠ ᠠᠴᠠ ᠬᠠᠷᠢᠯᠴᠠᠨ ︽ᠮᠠᠶᠢᠮᠠᠢ ᠬᠢᠵᠤ︾ ᠱᠠᠩ ᠢᠶᠠᠨ ᠬᠤᠪᠢᠶᠠᠯᠴᠠᠵᠤ ᠦᠵᠡᠭᠴᠢᠳ ᠢ ᠲᠤᠷᠠ | ᠦᠭᠡᠶᠢᠴᠡᠭᠦᠯᠬᠦ ᠨᠠᠵᠠᠭᠠᠢ ᠦᠵᠡᠭᠳᠡᠯ ᠢᠯᠡᠷᠡᠵᠤ ᠪᠠᠶᠢᠭᠠ ᠶᠢ ᠲᠡᠷᠡ ᠪᠠᠷ ᠨᠢᠭᠡᠨ ᠵᠡᠷᠭᠡ ᠰᠢᠭᠦᠮᠵᠢᠯᠡᠪᠡ᠃ ᠡᠨᠡ | ᠪᠦᠬᠦᠢ ᠦᠡᠭᠭᠡᠷᠡᠯᠲᠡ ᠤᠴᠠᠷᠠᠯ ᠠᠴᠠ ᠪᠠᠨ ᠲᠡᠷᠡ᠄ ︽ᠪᠦᠬᠡ ᠶᠢᠨ ᠰᠤᠶᠤᠯ ᠪᠦᠬᠡ ᠶᠢᠨ ᠦᠢᠯᠡᠰ ᠢ ᠡᠷᠡᠭᠦᠯ ᠢᠢᠡᠷ | ᠬᠦᠭᠵᠢᠭᠦᠯᠬᠦ ᠳᠤ᠂ ᠮᠠᠨ ᠤ ᠪᠦᠬᠡᠴᠢᠳ ᠪᠦᠬᠡ ᠶᠢᠨ ᠰᠤᠶᠤᠯ ᠢᠶᠠᠨ ᠬᠦᠨᠳᠦᠳᠭᠡᠬᠦ᠂ ᠠᠷᠠᠳ ᠲᠦᠮᠡᠨ ᠢᠶᠠᠨ | ᠬᠦᠨᠳᠦᠳᠭᠡᠬᠦ᠂ ᠦᠵᠡᠭᠴᠢ ᠲᠦᠮᠡᠨ ᠢᠶᠠᠨ ᠪᠠᠶᠠᠰᠬᠠᠬᠤ ᠡᠭᠦᠳᠡᠨ ᠠᠴᠠ ᠪᠠᠷᠢᠯᠳᠤᠬᠤ ᠬᠡᠷᠡᠭᠲᠡᠢ︔ ᠳᠦᠷᠢᠮᠵᠢᠯ ᠤᠨ | ᠬᠤᠪᠢ ᠳᠤ᠂ ᠪᠦᠬᠡ ᠶᠢᠨ ᠬᠠᠮᠢᠶᠠᠷᠤᠯᠲᠠ ᠶᠢ ᠴᠢᠩᠭᠠᠳᠬᠠᠵᠤ᠂ ᠪᠦᠬᠡ ᠶᠢᠨ ᠳᠦᠷᠢᠮ᠂ ᠬᠢᠨᠠᠭᠴᠢ ᠶᠢᠨ ᠳᠦᠷᠢᠮ᠂ | ᠤᠷᠤᠯᠳᠤᠭᠠᠨ ᠤ ᠳᠦᠷᠢᠮ᠂ ᠨᠠᠶᠢᠷ ᠤᠨ ᠳᠦᠷᠢᠮ ᠢ ᠪᠦᠷ ᠬᠠᠤᠯᠢ ᠶᠢᠨ ᠬᠦᠴᠦᠨ ᠲᠠᠢ ᠪᠤᠯᠭᠠᠵᠤ ᠬᠡᠷᠡᠭᠵᠢᠭᠦᠯᠬᠦ | ᠬᠡᠷᠡᠭᠲᠡᠢ ᠪᠠᠶᠢᠨᠠ︾ ᠭᠡᠵᠤ ᠦᠵᠡᠯᠲᠡ ᠪᠠᠨ ᠶᠠᠷᠢᠯᠠ᠃ | |