ᠲᠤᠷᠵᠢ
ᠮᠤᠩᠭᠤᠯ ᠦᠨᠳᠦᠰᠦᠳᠠᠨᠤ ᠤᠤᠭ᠋ᠠᠯ ᠰᠤᠶᠤᠯ ᠪᠤᠯ ᠨᠡᠭᠦᠳᠡᠯ ᠰᠤᠶᠤᠯ ᠮᠦᠨ᠃ 《ᠮᠤᠩᠭᠤᠯ ᠦᠨᠳᠦᠰᠦᠳᠠᠨ ᠪᠤᠯ ᠨᠡᠭᠦᠳᠡᠯ ᠰᠤᠶᠤᠯᠤᠨ ᠲᠦᠯᠦᠭᠡᠯᠡᠭᠴᠢ》 ᠭᠡᠵᠦ ᠠ᠋ᠷᠳᠡᠮᠳᠡᠨ ᠪᠤᠷᠵᠢᠬᠢᠨ · ᠭᠡᠷᠡᠯᠳᠦ ᠬᠡᠯᠡᠵᠦ ᠪᠢᠯᠨ᠃ ᠨᠡᠭᠦᠳᠡᠯᠴᠢᠨ ᠦᠨᠳᠦᠰᠦᠳᠠᠨᠤ ᠲᠠᠪᠤᠨ ᠬᠤᠰᠢᠭᠤ ᠮᠠᠯ᠂ ᠠᠮᠢᠳᠤᠷᠠᠯᠤᠨ ᠵᠠᠩᠰᠢᠯ᠂ ᠠ᠋ᠳ᠋ᠯᠡᠯ ᠬᠡᠷᠡᠭᠯᠡᠭᠦᠷ᠂ ᠢᠳᠡᠭᠡᠨ ᠤᠮᠳᠠᠭ᠋ᠠᠨ᠂ ᠬᠤᠪᠴᠠᠰᠤ ᠵᠠᠰᠠᠯ᠂ ᠠᠮᠢᠳᠤᠷᠠᠯᠤᠨ ᠲᠤᠷᠰᠢᠯᠭᠠ᠂ ᠰᠡᠳᠬᠢᠬᠦᠢ ᠵᠢᠨ ᠬᠡᠯᠪᠡᠷᠢᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠰᠤᠶᠤᠯᠤᠨ ᠦᠵᠡᠭᠳᠡᠯᠢ 《ᠨᠡᠭᠦᠳᠡᠯ ᠰᠤᠶᠤᠯ》 ᠭᠡᠨᠡ᠃
ᠮᠤᠩᠭᠤᠯ ᠦᠨᠳᠦᠰᠦᠳᠠᠨᠤ ᠤᠤᠭ᠋ᠠᠯ ᠰᠤᠶᠤᠯᠨᠢ ᠨᠡᠶ᠋ᠢᠭᠡᠮᠤᠨ ᠬᠦᠭᠵᠢᠯᠳᠡ᠂ ᠠᠮᠢᠳᠤᠷᠠᠯ ᠠᠬᠤᠢ ᠵᠢᠨ ᠦᠭᠡᠷᠡᠴᠢᠯᠡᠯᠳᠡ᠂ ᠬᠡᠷᠡᠭᠯᠡᠭᠡᠨᠤ ᠢᠪᠴᠤᠷᠠᠯ᠂ ᠬᠡᠷᠡᠭᠴᠡᠭᠡᠨᠤ ᠪᠠᠭ᠋ᠠᠰᠤᠯᠢ ᠲᠠᠭ᠋ᠠᠯᠳᠤᠨ ᠠ᠋ᠳᠤᠷ ᠲᠤᠳᠤᠮᠤᠨ ᠠᠮᠢᠳᠤᠷᠠᠯ ᠰᠤᠷᠤᠯᠴᠠᠯᠭᠠᠠᠴᠠ ᠤᠯᠠᠮ ᠵᠶ᠋ᠠᠷ ᠵᠠᠶ᠋ᠢᠳᠠᠵᠤ ᠪᠠᠶ᠋ᠢᠭᠠ ᠶᠤᠮ᠂ ᠨᠡᠩ ᠢᠯᠠᠨᠭ᠌ᠭᠤᠶᠠ ᠦᠪᠡᠷ ᠵᠶ᠋ᠠᠨ ᠬᠦᠨᠳᠦᠳᠬᠡᠬᠦ ᠦᠭᠡᠢ᠂ ᠴᠢᠬᠤᠯᠠᠴᠢᠯᠠᠭ᠍ᠤ ᠦᠭᠡᠢ᠂ ᠦᠷᠡ ᠬᠤᠶ᠋ᠢᠴᠢᠰ ᠲᠤᠪᠠᠨ ᠤᠯᠠᠮᠵᠢᠯᠠᠵᠤ ᠵᠠᠯᠭ᠋ᠠᠮᠵᠢᠯᠠᠭ᠍ᠤ ᠦᠭᠡᠢ᠂ ᠲᠦᠭᠡᠮᠡᠯᠵᠢᠭᠦᠯᠵᠦ ᠲᠡᠯᠭᠡᠷᠡᠭᠦᠯᠬᠦ ᠦᠭᠡᠢᠠᠴᠠ ᠪᠤᠯᠤᠭ᠋ᠠᠳ ᠭᠡᠤᠭᠡᠳ ᠪᠠᠭ᠋ᠠᠴᠤᠳᠤᠨ ᠤᠤᠭ᠋ᠠᠯ ᠰᠤᠶᠤᠯᠠᠴᠠ ᠵᠠᠶ᠋ᠢᠳᠠᠭᠰᠠᠨ᠂ ᠤᠤᠭ᠋ᠠᠯ ᠰᠤᠶᠤᠯᠤᠨ ᠲᠤᠬᠠᠢ ᠮᠡᠳᠡᠷᠡᠮᠵᠢ ᠮᠠᠭᠤᠳᠠᠭᠰᠠᠨᠨᠢ ᠨᠡᠶ᠋ᠢᠳᠡᠮᠤᠨ ᠦᠵᠡᠭᠳᠡᠯ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠭᠡᠪᠡᠴᠦ ᠤᠢ᠍ᠢ᠍ᠷᠠ ᠵᠢᠨ ᠵᠢᠯᠤᠨ ᠰᠢᠨᠠᠪᠠᠷ ᠨᠠᠶ᠋ᠢᠷᠠᠭᠤᠯᠤᠭᠰᠠᠨ ᠬᠢᠴᠢᠶᠡᠯᠤᠨ ᠪᠢᠴᠢᠭᠲᠤ ᠤᠤᠭ᠋ᠠᠯ ᠰᠤᠶᠤᠯᠢ ᠤᠬᠠᠮᠰᠠᠷᠲᠠᠢ᠂ ᠰᠠᠨᠠᠭ᠋ᠠᠴᠢᠯᠠᠭᠠᠲᠠᠢ᠂ ᠲᠤᠳᠤᠷᠬᠠᠢ ᠵᠤᠷᠢᠯᠭᠠᠲᠠᠢᠪᠠᠷ ᠬᠢᠴᠢᠶᠡᠯᠤᠨ ᠪᠢᠴᠢᠭᠤᠨ ᠠᠭᠤᠯᠭᠠᠳᠤ ᠪᠠᠭᠳᠠᠭ᠋ᠠᠵᠤ᠂ ᠪᠠᠭᠰᠢ ᠰᠤᠷᠤᠭᠴᠢᠳᠤᠨ ᠤᠤᠭ᠋ᠠᠯ ᠰᠤᠶᠤᠯᠤᠨ ᠵᠶ᠋ᠠᠨ ᠲᠤᠬᠠᠢ ᠲᠠᠨᠢᠵᠤ ᠮᠡᠳᠡᠬᠦ᠂ ᠤᠯᠠᠮᠵᠢᠯᠠᠵᠤ ᠵᠠᠯᠭ᠋ᠠᠮᠵᠢᠯᠠᠭ᠍ᠤ᠂ ᠰᠡᠷᠡᠵᠦ ᠮᠡᠳᠡᠷᠡᠬᠦ᠂ ᠡᠵᠡᠮᠰᠢᠵᠤ ᠬᠤᠷᠠᠮᠳᠤᠭᠤᠯᠬᠤᠳᠤ ᠲᠤᠶ᠋ᠢᠯᠤᠨ ᠴᠢᠬᠤᠯᠨ ᠪᠤᠰᠤᠳᠴᠢ ᠮᠠᠲᠸᠷᠢᠶᠠᠯᠢ ᠬᠠᠩᠭ᠋ᠠᠭᠰᠠᠨ ᠤᠳᠬᠠ ᠠᠭᠤᠯᠭᠠᠲᠠᠢ ᠪᠤᠯᠤᠭᠰᠠᠨᠨᠢ ᠪᠠᠶᠠᠷᠯᠠᠭᠤᠰᠢᠳᠠᠢ᠃ ᠠ᠋ᠳᠡᠭᠡᠷ ᠮᠠᠲᠸᠷᠢᠶᠠᠯᠢ ᠠᠰᠢᠭᠯᠠᠵᠤ᠂ ᠤᠤᠭ᠋ᠠᠯ ᠰᠤᠶᠤᠯ ᠵᠶ᠋ᠠᠨ ᠲᠠᠨᠢᠨ᠂ ᠤᠤᠭ᠋ᠠᠯ ᠰᠤᠶᠤᠯ ᠵᠶ᠋ᠠᠨ ᠤᠯᠠᠮᠵᠢᠯᠠᠵᠤ ᠵᠠᠯᠭ᠋ᠠᠮᠵᠢᠯᠠᠭ᠍ᠤ ᠪᠤᠯ ᠪᠢᠳᠠᠨᠤ ᠲᠠᠷᠬᠠᠨ ᠠ᠋ᠭᠦᠷᠭᠡ ᠮᠦᠨ᠃
ᠨᠢᠭᠡ᠂ ᠵᠠᠩ ᠵᠠᠩᠰᠢᠯᠤᠨ ᠰᠤᠶᠤᠯᠤᠨ ᠲᠤᠬᠠᠢ
《ᠮᠤᠩᠭᠤᠯ ᠬᠡᠯᠨ》 ᠭᠡᠬᠦ ᠰᠢᠯᠦᠭᠤᠨ 《ᠰᠠᠶ᠋ᠢᠨ ᠤᠤ？ ᠭᠡᠵᠦ ᠲᠠᠨᠲᠠᠢ ᠮᠠᠨᠳᠤᠯᠠᠶᠠ᠂ ᠰᠠᠶ᠋ᠢᠨ ᠭᠡᠵᠦ ᠦᠴᠢᠬᠦ ᠵᠢ ᠴᠢᠨᠢ ᠰᠤᠨᠤᠰᠤᠶᠠ》 ᠭᠡᠬᠦ ᠪᠠᠳᠠᠭᠲᠤ ᠮᠤᠩᠭᠤᠯ ᠦᠨᠳᠦᠰᠦᠳᠠᠨᠤ ᠠᠭᠤᠯᠵᠠᠵᠤ ᠤᠴᠠᠷᠠᠮᠠᠭᠴᠠ 《ᠰᠠᠶ᠋ᠢᠨ ᠤᠤ？》 ᠭᠡᠵᠦ ᠠᠮᠤᠷ ᠮᠡᠨᠳᠤ ᠠᠰᠠᠭᠤᠵᠤ ᠠᠭᠤᠯᠵᠠᠵᠤ ᠤᠴᠠᠷᠠᠳᠠᠭ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠵᠠᠩ ᠵᠠᠩᠰᠢᠯᠢ ᠲᠤᠰᠬᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠮᠦᠨ ᠠ᠋ᠨ᠋ᠨ ᠰᠢᠯᠦᠭᠲᠤ 《ᠠᠮᠤᠷ！》 ᠭᠡᠵᠦ ᠮᠦᠷᠭᠦᠨ ᠵᠤᠯᠭ᠋ᠠᠳᠠᠭ ᠵᠠᠩᠰᠢᠯ ᠴᠤ᠌ ᠳᠤᠷᠠᠳᠤᠭᠳᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠮᠤᠩᠭᠤᠯ ᠦᠨᠳᠦᠰᠦᠳᠠᠨᠤᠪᠠᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠵᠠᠩᠰᠢᠯ ᠵᠶ᠋ᠠᠨ ᠤᠯᠠᠮᠵᠢᠯᠠᠵᠤ᠂ ᠦᠭᠡᠷᠡ ᠪᠤᠰᠤᠳᠠᠴᠠ ᠢᠯᠭ᠋ᠠᠭᠳᠠᠭ᠍ᠤ ᠦᠪᠡᠷᠮᠢᠴᠡ ᠤᠨᠴᠠᠯᠢᠭᠲᠠᠢ ᠠᠮᠢᠳᠤᠷᠠᠭ᠍ᠤ ᠪᠤᠯ ᠪᠢᠳᠠᠨᠤ ᠵᠠᠶ᠋ᠢᠯᠠᠭᠤᠯᠵᠤ ᠪᠤᠯᠤᠰᠢ ᠦᠬᠡᠢ ᠬᠠᠷᠢᠭᠤᠴᠠᠯᠭᠠ ᠮᠦᠨ᠃ ᠤᠷᠳᠤᠰ ᠨᠤᠳᠤᠭ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠠᠨᠤ ᠵᠠᠩ ᠵᠠᠩᠰᠢᠯᠢ ᠨᠡᠯᠢᠶᠡᠳ ᠪᠦᠷᠢᠨ ᠪᠦᠳᠦᠨ ᠬᠠᠳᠠᠭ᠋ᠠᠯᠠᠵᠤ ᠪᠠᠶ᠋ᠢᠭᠠ ᠭᠠᠵᠠᠷ ᠤᠷᠤᠨ ᠪᠤᠯᠤᠨᠠ᠃ ᠵᠦᠪᠬᠡᠨ 《ᠴᠠᠭ᠋ᠠᠨ ᠰᠠᠷᠠ ᠵᠢᠨ ᠵᠤᠯᠭ᠋ᠠᠯᠳᠠ ᠬᠢᠬᠦ ᠶᠤᠰᠤ》 （ᠴᠠᠭ᠋ᠠᠯᠠᠭ᠍ᠤ ᠶᠤᠰᠤ）ᠠᠴᠠ ᠦᠵᠡᠪᠡᠴᠦ ᠠᠬᠠᠮᠠᠳ ᠨᠠᠰᠤᠳᠠᠨᠳᠤ ᠴᠠᠭ᠋ᠠᠯᠠᠭ᠍ᠤᠪᠠᠷ ᠤᠴᠢᠪᠠᠯ ᠠᠭᠤᠯᠵᠠᠩᠭᠤᠳᠠ 《ᠠᠮᠤᠷ！》 ᠭᠡᠵᠦ ᠰᠦᠬᠦᠷᠡᠨ ᠮᠦᠷᠭᠦᠵᠦ᠂ ᠪᠡᠯᠭᠡ ᠲᠡᠮᠪᠡᠷᠢᠯᠲᠠᠢ ᠦᠭᠡ ᠬᠡᠯᠡᠭᠡᠳ᠂ ᠭᠡᠷᠲᠤ ᠤᠷᠤᠭᠰᠠᠨᠤ ᠬᠤᠶ᠋ᠢᠨᠠ ᠬᠠᠳᠠᠭ ᠲᠠᠳᠠᠵᠤ ᠬᠦᠬᠦᠷ ᠰᠤᠯᠢᠯᠴᠠᠭ᠋ᠠᠳ ᠶᠡᠬᠡᠴᠤᠳᠲᠤ ᠵᠠᠯᠪᠠᠷᠢᠵᠤ ᠮᠦᠷᠭᠦᠨ᠂ ᠬᠠᠨᠵᠤᠨᠳᠤ ᠰᠠᠭᠤᠭᠰᠠᠨᠤ ᠲᠠᠷᠠᠭᠠ 《ᠴᠠᠭ᠋ᠠᠨ ᠢᠳᠡᠭᠡ》 （ᠠᠶᠠᠭᠠ ᠪᠤᠶᠤ ᠴᠤᠮᠤ ᠠ᠋ᠰᠡᠬᠦᠯᠡ ᠬᠤᠨᠳᠠᠭ᠋ᠠᠨᠳᠤ ᠴᠠᠭ᠋ᠠᠨ ᠢᠳᠡᠭᠡ ᠬᠢᠭᠡᠳ ᠬᠤᠶᠠᠷ ᠴᠢᠪᠠᠭᠠ ᠲᠠᠯᠪᠢᠳᠠᠭ） ᠠᠮᠰᠠᠵᠤ᠂ ᠶᠠᠷᠢᠶᠠ ᠬᠦᠭᠡᠷᠦᠭᠡ ᠠ᠋ᠭᠦᠰᠭᠡᠨ᠂ ᠨᠢᠭᠡᠳᠡᠬᠢ ᠴᠠᠢ （ᠰᠢᠨᠡ ᠵᠢᠨ ᠴᠠᠢ ᠭᠡᠨᠡ）ᠪᠠᠨ ᠤᠤᠭᠤᠳᠠᠭ᠃ ᠰᠢᠨᠡ ᠵᠢᠨ ᠴᠠᠢ ᠤᠤᠭᠤᠭᠰᠠᠨᠤ ᠲᠠᠷᠠᠭᠠ ᠠᠶ᠋ᠢᠯᠴᠢᠯᠠᠭᠠᠪᠠᠨ ᠭᠦᠢ᠍ᠴᠡᠳᠬᠡᠵᠦ᠂ ᠬᠠᠨᠵᠤᠨᠳᠤ ᠲᠠᠬᠢᠨ ᠭᠠᠷᠴᠤ ᠬᠤᠶᠠᠳᠠᠬᠢ ᠴᠠᠢ （ᠨᠢᠭᠡᠳᠡᠬᠢ ᠴᠠᠢ ᠪᠤᠯ ᠠᠮᠰᠠᠳᠠᠭ ᠴᠠᠢ᠂ ᠬᠤᠶᠠᠳᠠᠬᠢ ᠴᠠᠢ ᠪᠤᠯ ᠢᠳᠡᠵᠤ ᠤᠤᠭᠤᠳᠠᠭ ᠴᠠᠢ）ᠪᠠᠨ ᠤᠤᠭᠤᠳᠠᠭ᠃ ᠲᠠᠷᠠᠭᠠᠨᠢ ᠭᠡᠷᠤᠨ ᠡᠵᠡᠨᠠᠴᠠ ᠰᠢᠨᠡ ᠵᠢᠨ ᠠᠷᠢᠬᠢ ᠪᠠᠷᠢᠵᠤ ᠵᠤᠭᠤᠭᠳᠠᠨ ᠰᠠᠭᠤᠳᠠᠭ᠃ ᠰᠢᠨᠡ ᠵᠢᠨ ᠠᠷᠢᠬᠢ ᠵᠢ ᠶᠤᠰᠤ ᠵᠢᠨ ᠲᠡᠳᠦᠢ ᠭᠦᠢ᠍ᠴᠡᠳᠬᠡᠵᠦ ᠶᠡᠬᠡᠪᠡᠷ ᠱᠠᠯᠠᠳᠠᠭ ᠦᠭᠡᠢ᠂ ᠶᠠᠷᠢᠯᠴᠠᠭ᠍ᠤᠪᠠᠷ ᠭᠤᠤᠯ ᠪᠤᠯᠭ᠋ᠠᠵᠤ ᠰᠠᠭᠤᠳᠠᠭ᠃ ᠲᠡᠮᠡᠢ ᠤᠳᠠᠯ ᠦᠭᠡᠢ ᠰᠢᠨᠡ ᠵᠢᠨ ᠪᠤᠳᠠᠭᠠ （ᠮᠢᠬᠠ ᠬᠦᠰᠭᠦᠯᠡᠭᠰᠡᠨ ᠰᠢᠩᠭᠡᠨ ᠪᠤᠳᠠᠭᠠᠪᠠᠷ ᠭᠤᠤᠯᠯᠠᠨᠠ） ᠠᠮᠰᠠᠵᠤ᠂ ᠮᠤᠷᠳᠠᠭ᠍ᠤ ᠴᠢᠬᠤᠯᠨᠲᠠᠢᠨᠢ ᠮᠤᠷᠳᠠᠵᠤ᠂ ᠦᠨᠵᠢᠵᠦ ᠬᠤᠨᠤᠬᠤ ᠪᠤᠶᠤ ᠶᠠᠭ᠋ᠠᠷᠠᠯ ᠦᠭᠡᠢᠳᠤᠨᠢ ᠰᠠᠶᠢ ᠲᠠᠬᠢᠨ ᠠᠷᠢᠬᠢ ᠬᠡᠮᠨᠡᠵᠦ ᠨᠠᠶ᠋ᠢᠷ ᠵᠶ᠋ᠠᠨ ᠠ᠋ᠬᠢᠯᠡᠳᠡᠭ᠃ ᠮᠤᠷᠳᠠᠵᠤ ᠶᠠᠪᠤᠬᠤᠳᠤᠨᠢ ᠲᠦᠷᠦᠭᠡ ᠴᠢᠩᠭ᠋ᠠᠷᠠᠭᠤᠯᠵᠤ ᠭᠠᠷ ᠬᠤᠭᠤᠰᠤᠨ ᠭᠠᠷᠭ᠋ᠠᠳᠠᠭ ᠦᠭᠡᠢ ᠁ ᠵᠠᠩ ᠵᠠᠩᠰᠢᠯ ᠵᠶ᠋ᠠᠨ ᠲᠤᠳᠤᠷᠬᠠᠢ ᠮᠡᠳᠡᠭᠦ ᠦᠭᠡᠢ ᠬᠦᠮᠦᠰ ᠯᠨ ᠠᠭᠤᠯᠵᠠᠩᠭᠤᠳᠠ 《ᠠᠪᠤ ᠡᠵᠢᠲᠠᠢᠪᠠᠨ ᠭᠠᠷ ᠠᠳᠬᠤᠬᠤ》᠂ 《ᠠᠬᠠᠮᠠᠳ ᠶᠠᠬᠡᠴᠦᠳᠲᠠᠢ ᠤᠴᠠᠷᠠᠪᠠᠴᠤ ᠭᠤᠷᠤᠶ᠋ᠢᠵᠤ ᠵᠤᠭᠰᠤᠬᠤ》᠂ 《ᠰᠢᠨᠡ ᠪᠡᠷᠢᠨᠢ ᠭᠠᠷ ᠵᠶ᠋ᠠᠨ ᠰᠤᠩᠭ᠋ᠠᠨ ᠬᠠᠳᠠᠮ ᠡᠴᠢᠭᠡᠲᠠᠢᠪᠠᠨ ᠭᠠᠷ ᠠᠳᠬᠤᠬᠤ》 ᠁ ᠵᠡᠷᠭᠡ ᠤᠴᠢᠷᠢ ᠬᠢᠳᠡᠭ᠃ ᠤᠤᠭ᠋ᠠᠯ ᠰᠤᠶᠤᠯᠳᠤᠬᠢ ᠵᠠᠩ ᠵᠠᠩᠰᠢᠯᠤᠨ ᠤᠬᠢ ᠰᠢᠯᠢᠳᠡᠭ ᠵᠤᠶ᠋ᠢᠯᠢ ᠤᠯᠠᠮᠵᠢᠯᠠᠵᠤ ᠵᠠᠯᠭ᠋ᠠᠮᠵᠢᠯᠠᠭ᠍ᠤᠨᠢ ᠠᠮᠢᠳᠤᠷᠠᠯᠤᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠲᠠᠳᠬᠠᠯᠢ ᠬᠦᠮᠦᠵᠢᠭᠦᠯᠵᠦ᠂ ᠦᠪᠡᠷᠮᠢᠴᠡ ᠵᠠᠩ ᠲᠠᠳᠬᠠᠯᠲᠠᠢ ᠪᠤᠯᠤᠨ᠂ ᠶᠤᠰᠤᠲᠠᠢ ᠨᠤᠮᠲᠠᠢ ᠬᠡᠤᠬᠡᠳ ᠪᠤᠯᠤᠨ ᠬᠦᠮᠦᠵᠢᠭᠳᠡᠬᠦᠳᠤᠨᠢ ᠠᠰᠢᠭᠲᠠᠢ ᠮᠦᠷᠳᠡᠭᠡᠨ ᠠ᠋ᠳᠡᠭᠡᠷᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠬᠡᠯᠨ ᠬᠡᠯᠡᠯᠭᠡ ᠵᠢᠨ ᠲᠤᠬᠠᠢ ᠮᠡᠳᠡᠷᠡᠮᠵᠢᠪᠠᠨ ᠨᠡᠮᠡᠭᠳᠡᠭᠦᠯᠦᠨ᠂ ᠦᠨᠳᠦᠰᠦᠳᠠᠨᠤ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠪᠦᠬᠦᠢ ᠵᠤᠬᠢᠶᠠᠯ ᠪᠦᠳᠦᠭᠡᠯᠢ ᠠᠮᠳᠠᠷᠬᠠᠨ ᠰᠤᠨᠢᠷᠬᠠᠬᠤ ᠶᠠᠪᠤᠴᠠᠳᠤᠬᠢ ᠬᠠᠷᠰᠢ ᠰᠠᠭ᠋ᠠᠳ ᠵᠶ᠋ᠠᠨ ᠠᠷᠢᠯᠭ᠋ᠠᠵᠤ ᠲᠡᠶ᠋ᠢᠯᠤᠨᠡ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠠ᠋ᠮᠦᠨᠡᠬᠢ ᠵᠢᠱ᠌ᠢᠶᠡᠨᠠᠴᠠ ᠦᠵᠡᠪᠡᠯ᠂ 《ᠰᠦᠬᠦᠷᠡᠨ ᠮᠦᠷᠬᠦᠬᠦ᠂ ᠵᠠᠯᠪᠠᠷᠢᠨ ᠮᠦᠷᠭᠦᠬᠦ᠂ ᠴᠠᠭ᠋ᠠᠨ ᠢᠳᠡᠭᠡ᠂ ᠴᠠᠢ ᠠᠮᠰᠠᠭ᠍ᠤ᠂ ᠬᠠᠳᠠᠭ ᠲᠠᠳᠠᠭ᠍ᠤ᠂ ᠬᠦᠭᠦᠷ ᠰᠤᠯᠢᠯᠴᠠᠭ᠍ᠤ᠂ ᠰᠢᠨᠡ ᠵᠢᠨ ᠪᠤᠳᠠᠭᠠ᠂ ᠲᠦᠷᠦᠭᠡ ᠴᠢᠩᠭ᠋ᠠᠷᠠᠭᠤᠯᠬᠤ᠂ ᠭᠠᠷ ᠬᠤᠭᠤᠰᠤᠨ》 ᠵᠡᠷᠭᠡ ᠦᠭᠡᠰᠨᠢ ᠶᠠᠮᠠᠷ ᠶᠠᠭᠤᠮᠠ ᠵᠢ ᠵᠢᠭ᠋ᠠᠵᠤ ᠪᠠᠶ᠋ᠢᠬᠤ᠂ ᠶᠠᠮᠠᠷ ᠦᠶᠡ ᠵᠢᠨ ᠤᠴᠢᠷ ᠦᠵᠡᠭᠳᠡᠯᠢ ᠵᠢᠭ᠋ᠠᠵᠤ ᠪᠠᠶ᠋ᠢᠬᠤ᠂ ᠶᠠᠮᠠᠷ ᠰᠠᠨᠠᠭᠠ ᠰᠡᠳᠬᠢᠯᠭᠡᠪᠠᠨ ᠢᠯᠡᠳᠭᠡᠵᠦ ᠪᠠᠶ᠋ᠢᠬᠤ ᠵᠢ ᠤᠶ᠋ᠢᠯᠠᠭ᠋ᠠᠵᠤ ᠰᠡᠷᠡᠵᠤ ᠮᠡᠳᠡᠵᠦ ᠪᠤᠯᠤᠨᠠ᠃
ᠬᠢᠴᠢᠶᠡᠯᠤᠨ ᠪᠢᠴᠢᠭᠲᠤᠬᠢ 《ᠤᠩᠭᠤᠨ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠢᠪᠡᠭᠡᠯ ᠬᠠᠶ᠋ᠢᠷᠠ — ᠠᠩᠨᠠᠯ ᠮᠠᠯᠵᠢᠯ》 ᠭᠡᠬᠦ ᠵᠤᠬᠢᠶᠠᠯᠳᠤ ᠮᠤᠩᠭᠤᠯᠴᠤᠳ 《ᠠ᠋ᠷᠳᠡ ᠦᠶᠡᠳᠤ ᠠᠷᠢᠶᠠᠳᠠᠨ ᠵᠢᠭᠦᠷᠳᠡᠨᠢ ᠤᠷᠬᠠ ᠲᠤᠤᠷ ᠵᠶ᠋ᠠᠷ ᠪᠠᠷᠢᠬᠤ᠂ ᠨᠤᠮᠤ ᠰᠤᠮᠤᠪᠠᠷ ᠬᠠᠷᠪᠤᠬᠤ ᠪᠤᠶᠤ ᠬᠠᠷᠴᠠᠭ᠋ᠠᠢ ᠱᠤᠩᠬᠤᠷ ᠵᠶ᠋ᠠᠷ ᠪᠠᠷᠢᠭᠤᠯᠬᠤ》 ᠮᠡᠳᠦ ᠵᠢᠨ ᠠᠷᠭᠠ ᠪᠠᠷᠢᠯᠢ ᠬᠡᠷᠡᠭᠯᠡᠵᠦ᠂ ᠠᠷᠢᠶᠠᠳᠠᠨ ᠠᠮᠢᠳᠠᠨᠢ ᠠᠩᠨᠠᠵᠤ ᠪᠠᠶ᠋ᠢᠭᠰᠠᠨ ᠴᠤ᠌ 《ᠲᠠᠭ᠋ᠠᠷᠠᠯᠳᠤᠭᠰᠠᠨ ᠪᠦᠬᠦᠨᠢ ᠲᠠᠭ᠋ᠠᠷᠢᠵᠤ᠂ ᠦᠵᠡᠭᠰᠡᠨ ᠠᠮᠢᠳᠠᠨᠢ ᠦᠨᠳᠦᠰᠦᠪᠠᠷᠨᠢ ᠠᠯᠠᠭ᠍ᠤ ᠪᠢᠰᠢ ᠪᠦᠭᠡᠳ ᠵᠢᠯᠤᠨ ᠲᠦᠷᠪᠡᠨ ᠤᠯᠠᠷᠢᠯᠳᠤ ᠠ᠋ᠳᠤᠷ ᠪᠤᠯᠭ᠋ᠠᠨ ᠠᠩ ᠭᠦᠷᠦᠭᠡ ᠬᠢᠵᠦ ᠠᠯᠠᠵᠤ ᠨᠢᠳᠤᠯᠳᠠᠭ ᠦᠭᠡᠢ》᠂ ᠲᠤᠭᠳᠠᠭᠰᠠᠨ ᠴᠠᠭ ᠤᠯᠠᠷᠢᠯᠲᠠᠢ ᠮᠦᠷᠳᠡᠭᠡᠨ 《ᠬᠡᠭᠡᠯᠲᠠᠢ ᠠᠮᠢᠳᠠᠨ᠂ ᠬᠦᠬᠦᠭᠦᠯ ᠠᠮᠢᠳᠠᠨ᠂ ᠨᠢᠯᠬᠠ ᠲᠦᠯᠢ ᠠᠯᠠᠭ᠍ᠤ ᠦᠭᠡᠢ ᠵᠠᠩᠰᠢᠯᠲᠠᠢ》 ᠭᠡᠵᠦ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠵᠦ ᠪᠠᠶ᠋ᠢᠬᠤ ᠮᠦᠷᠳᠡᠭᠡᠨ ᠠᠮᠢ ᠠᠬᠤᠢ ᠵᠢᠨ ᠬᠤᠪᠢᠳᠤ ᠪᠡᠯᠴᠢᠭᠡᠷ ᠡᠪᠡᠰᠦ ᠵᠢ ᠬᠠᠮᠠᠭ᠋ᠠᠯᠠᠭ᠍ᠤ ᠵᠢᠨ ᠲᠦᠯᠦᠭᠡ ᠮᠠᠯ ᠰᠦᠷᠦᠭᠤᠨ ᠢᠳᠡᠰᠢᠯᠡᠯᠳᠡ ᠪᠠ ᠨᠤᠳᠤᠭ ᠪᠡᠯᠴᠢᠭᠡᠷᠤᠨ ᠲᠠᠭ᠋ᠠᠭ᠋ᠠᠴᠠ ᠵᠢ ᠵᠦᠢ ᠵᠤᠬᠢᠰᠳᠠᠢ ᠲᠤᠬᠢᠷᠠᠭᠤᠯᠵᠤ᠂ ᠠᠰᠢᠭᠯᠠᠯᠳᠠ ᠵᠢ ᠵᠤᠬᠢᠴᠠᠩᠭᠤᠢ ᠪᠠᠶ᠋ᠢᠯᠭ᠋ᠠᠨ᠂ 《ᠬᠠᠪᠤᠷᠵᠢᠶᠠ᠂ ᠵᠤᠰᠠᠯᠠᠩ᠂ ᠨᠠᠮᠤᠷᠵᠢᠶᠠ᠂ ᠡᠪᠤᠯᠵᠢᠶᠡ》 ᠭᠡᠬᠦ ᠨᠡᠭᠦᠳᠡᠯᠢ ᠲᠤᠭᠳᠠᠭ᠋ᠠᠨ᠂ ᠤᠳᠤᠷᠯᠠᠭ᠍ᠤ ᠴᠠᠭ᠂ ᠪᠠᠶ᠋ᠢᠷᠢ ᠪᠠᠶ᠋ᠢᠴᠠᠪᠠᠨ ᠰᠤᠩᠭᠤᠨ ᠲᠤᠬᠢᠷᠠᠭᠤᠯᠳᠠᠭ； ᠬᠦᠷᠦᠰᠦ ᠦᠨᠳᠦᠰᠦ ᠵᠢ ᠬᠠᠮᠠᠭ᠋ᠠᠯᠠᠭ᠍ᠤ ᠵᠢᠨ ᠲᠦᠯᠦᠭᠡ 《ᠮᠤᠩᠭᠤᠯ ᠶᠤᠰᠤ ᠵᠠᠩᠰᠢᠯᠳᠤ ᠬᠠᠭᠳᠠ ᠨᠢᠳᠤᠯᠠᠵᠤ ᠬᠠᠩᠰᠢ ᠪᠤᠯᠬᠤᠠᠴᠠ ᠠ᠋ᠮᠦᠨᠡ ᠪᠤᠶᠤ ᠲᠡᠭᠷᠢ ᠲᠤᠤᠭ᠋ᠠᠷᠴᠤ ᠪᠤᠷᠤᠭ᠋ᠠᠨ ᠤᠷᠤᠬᠤᠠᠴᠠ ᠤᠷᠢᠳ ᠭᠠᠵᠠᠷ ᠬᠦᠨᠳᠡᠵᠦ᠂ ᠬᠦᠷᠦᠰᠦ ᠰᠢᠷᠤᠢ ᠤᠬᠤᠵᠤ ᠮᠠᠯᠳᠠᠭ᠍ᠤ ᠵᠢ ᠴᠡᠭᠡᠷᠯᠡᠳᠡᠭ᠃ ᠠᠶᠠᠨ ᠵᠢᠩ᠂ ᠤᠳᠤᠷ ᠨᠡᠭᠦᠳᠡᠯᠳᠤ ᠶᠠᠪᠤᠬᠤᠳᠤᠪᠠᠨ ᠠᠰᠢᠭᠯᠠᠵᠤ ᠮᠠᠯᠳᠠᠭᠰᠠᠨ ᠭᠠᠵᠠᠷ ᠵᠤᠤᠬᠠᠪᠠᠨ ᠪᠤᠯᠠᠵᠤ᠂ ᠬᠦᠷᠦᠰᠦ ᠵᠢᠨᠢ ᠲᠠᠷᠤᠵᠤ ᠲᠠᠯᠪᠢᠳᠠᠭ᠃ ᠨᠡᠭᠦᠳᠡᠯ ᠪᠠᠭᠤᠳᠠᠯ ᠬᠢᠬᠦᠳᠤᠪᠠᠨ ᠭᠡᠷᠤᠨ ᠪᠠᠭᠤᠷᠢᠪᠠᠨ ᠴᠡᠪᠡᠷᠯᠡᠵᠦ᠂ ᠵᠤᠤᠬᠠ ᠲᠤᠯᠭᠠ ᠵᠢᠨ ᠤᠷᠤᠮᠢ ᠰᠢᠷᠤᠢᠪᠠᠷ ᠲᠠᠷᠤᠳᠠᠭ᠃ ᠮᠤᠷᠢ ᠮᠠᠯᠤᠨ ᠤᠶᠠᠭᠠ ᠪᠤᠶᠤ ᠬᠤᠷᠢᠶᠠ ᠬᠠᠰᠢᠶᠠᠨᠤ ᠪᠤᠯᠠᠭ᠋ᠠᠷ ᠮᠤᠳᠤᠨᠤ ᠨᠦᠬᠡ ᠵᠢ ᠪᠤᠯᠠᠵᠤ ᠲᠡᠭᠰᠢᠯᠡᠳᠡᠭ》； ᠤᠰᠤᠨ ᠰᠤᠷᠪᠤᠯᠵᠢ ᠵᠢ ᠬᠠᠮᠠᠭ᠋ᠠᠯᠠᠭ᠍ᠤ ᠵᠢᠨ ᠲᠦᠯᠦᠭᠡ 《ᠤᠷᠤᠨ ᠰᠠᠭᠤᠴᠠᠪᠠᠨ ᠭᠤᠤᠯ ᠮᠦᠷᠡᠨ᠂ ᠪᠤᠯᠠᠭ ᠭᠤᠷᠤᠬᠠᠠᠴᠠ ᠵᠠᠶ᠋ᠢᠳᠠᠭᠤ ᠪᠠᠶ᠋ᠢᠷᠢᠰᠢᠭᠤᠯᠬᠤ᠂ ᠬᠤᠳᠳᠤᠭ ᠤᠰᠤᠨᠤ ᠤᠶ᠋ᠢᠷᠠᠯᠴᠠᠭᠠ ᠬᠤᠭ ᠨᠤᠪᠰᠢ ᠬᠠᠶᠠᠭ᠍ᠤ ᠵᠢ ᠴᠡᠭᠡᠷᠯᠡᠬᠦ᠂ ᠪᠤᠯᠠᠭ ᠭᠤᠷᠤᠬᠠ ᠵᠢᠨ ᠠ᠋ᠬᠢ ᠪᠤᠯᠤᠨ ᠭᠤᠤᠯ ᠮᠦᠷᠡᠨᠤ ᠠ᠋ᠷᠬᠢᠳᠤᠬᠢ ᠤᠷᠭᠤᠭᠠ ᠮᠤᠳᠤ ᠵᠢ ᠤᠭᠳᠤᠯᠬᠤ ᠵᠢ ᠬᠤᠷᠢᠭᠯᠠᠭ᠍ᠤ ᠁》 ᠵᠡᠷᠭᠡ ᠠᠷᠪᠢᠨ ᠴᠡᠭᠡᠷ ᠵᠠᠩᠰᠢᠯᠲᠠᠢ ᠪᠠᠶ᠋ᠢᠵᠠᠢ᠃ ᠠ᠋ᠨ᠋ᠨᠨᠢ ᠮᠤᠩᠭᠤᠯ ᠦᠨᠳᠦᠰᠦᠳᠠᠨᠤ ᠨᠡᠭᠦᠳᠡᠯ ᠠᠮᠢᠳᠤᠷᠠᠯᠲᠠᠢ ᠨᠢᠭᠳᠠ ᠬᠠᠷᠢᠴᠠᠭᠠᠲᠠᠢ ᠪᠠᠶ᠋ᠢᠭᠰᠠᠨ ᠪᠠ ᠮᠤᠩᠭᠤᠯᠴᠤᠳᠤᠨ ᠠ᠋ᠬᠡ ᠪᠠᠶ᠋ᠢᠭ᠋ᠠᠯᠢᠪᠠᠨ ᠬᠠᠶ᠋ᠢᠷᠠᠯᠠᠵᠤ ᠬᠠᠮᠠᠭ᠋ᠠᠯᠠᠭ᠍ᠤ ᠦᠵᠡᠯᠳᠡ ᠴᠢᠩᠭᠠ᠂ ᠤᠬᠠᠮᠰᠠᠷ ᠦᠨᠳᠦᠷ ᠪᠠᠶ᠋ᠢᠭᠰᠠᠨᠤ ᠨᠤᠳᠠᠳᠠᠢ ᠭᠡᠷᠡᠴᠢ ᠮᠦᠨ᠃ ᠮᠤᠩᠭᠤᠯᠴᠤᠳᠲᠤ ᠠ᠋ᠬᠡ ᠪᠠᠶ᠋ᠢᠭ᠋ᠠᠯᠢᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠴᠡᠭᠡᠷ ᠶᠤᠰᠤ ᠪᠠᠶ᠋ᠢᠬᠤᠠᠴᠠ ᠭᠠᠳᠠᠨᠠ ᠠᠮᠢᠳᠤᠷᠠᠯ ᠠᠬᠤᠢᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠴᠡᠭᠡᠷ ᠶᠤᠰᠤ ᠴᠤ᠌ ᠠᠷᠪᠢᠨ ᠪᠠᠶ᠋ᠢᠳᠠᠭ᠃ ᠲᠡᠭᠡᠷᠡᠬᠢ ᠵᠤᠬᠢᠶᠠᠯᠳᠤ ᠮᠤᠩᠭᠤᠯᠴᠤᠳᠤᠨ 《ᠬᠦᠮᠦᠨᠤ ᠨᠡᠷᠡ ᠵᠢ ᠴᠡᠭᠡᠷᠯᠡᠬᠦ》᠂ 《ᠠᠮᠢᠳᠠᠨᠤ ᠨᠡᠷᠡ ᠵᠢ ᠴᠡᠭᠡᠷᠯᠡᠬᠦ》᠂ 《ᠦᠬᠦᠵᠦ ᠲᠦᠷᠦᠬᠦᠲᠠᠢ ᠬᠤᠯᠪᠤᠭᠳᠠᠭ᠍ᠤ ᠦᠭᠡᠰᠢ ᠴᠡᠭᠡᠷᠯᠡᠬᠦ》᠂ 《ᠡᠪᠡᠳᠴᠢᠨᠤ ᠨᠡᠷᠡ ᠵᠢ ᠴᠡᠭᠡᠷᠯᠡᠬᠦ》 ᠲᠤᠬᠠᠢ ᠲᠤᠳᠤᠷᠬᠠᠢ ᠶᠠᠷᠢᠭᠰᠠᠨ ᠪᠠᠶ᠋ᠢᠳᠠᠭ᠃ 《ᠦᠶᠡᠷ》 ᠭᠡᠬᠦ ᠵᠤᠬᠢᠶᠠᠯᠳᠤ 《ᠠ᠋ᠮᠡᠭᠡᠨ ᠦᠶᠡᠷᠤᠨ ᠤᠰᠤᠨ ᠲᠤᠮᠳᠠᠭᠤᠷ ᠲᠤᠷᠤᠶ᠋ᠢᠨ ᠠᠯᠤᠰᠯᠠᠭ᠍ᠤ ᠵᠠᠪᠢ ᠵᠢᠨ ᠬᠤᠶ᠋ᠢᠨᠠᠠᠴᠠ ᠬᠠᠷᠠᠵᠤ ᠭᠡᠰᠡᠭ ᠵᠤᠭᠰᠤᠭᠰᠠᠨ ᠵᠶ᠋ᠠᠨ ᠭᠡᠨᠡᠳᠳᠡ ᠠ᠋ᠷᠭᠢᠵᠦ ᠮᠠᠶ᠋ᠢᠬᠠᠨᠳᠤᠪᠠᠨ ᠭᠦᠶᠦᠬᠦ ᠰᠢᠬᠠᠮ ᠤᠷᠤᠭ᠋ᠠᠳ ᠬᠤᠪᠢᠩᠲᠠᠢ ᠰᠦᠪᠠᠨ ᠠᠪᠴᠢᠷᠠᠨ 〈ᠰᠡᠯᠡᠩᠭᠡ ᠡᠵᠢ ᠮᠢᠨᠢ᠂ ᠵᠦᠳᠡᠷᠡᠭᠰᠡᠨ ᠬᠡᠤᠬᠡᠳᠤᠳᠢ᠂ ᠮᠠᠭᠤ ᠡᠪᠦᠭᠡᠨᠢ ᠮᠢᠨᠢ ᠠ᠋ᠰᠡᠨ ᠮᠡᠨᠳᠦ ᠭᠠᠳᠤᠯᠭ᠋ᠠᠵᠤ ᠬᠠᠶ᠋ᠢᠷᠠᠯᠨ〉 ᠭᠡᠵᠦ ᠠᠮᠠᠨᠳᠤᠪᠠᠨ ᠪᠦᠪᠦᠨᠡᠨ ᠰᠦ ᠰᠠᠴᠤᠨ ᠠ᠋ᠷᠭᠦᠭᠰᠡᠭᠡᠷ》 ᠭᠡᠬᠦ ᠤᠴᠢᠷᠲᠤ ᠮᠤᠩᠭᠤᠯᠴᠤᠳᠤᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠬᠦᠰᠡᠯ ᠲᠠᠭ᠋ᠠᠳᠬᠠᠯ᠂ ᠵᠦᠩᠨᠡᠯ ᠢᠷᠦᠭᠡᠯ ᠵᠶ᠋ᠠᠨ ᠲᠡᠪᠰᠢᠭᠦᠯᠬᠦ ᠵᠢᠨ ᠲᠦᠯᠦᠭᠡ ᠴᠠᠭ᠋ᠠᠨ ᠢᠳᠡᠭᠡᠨ ᠵᠶ᠋ᠠᠷ ᠲᠡᠭᠡᠳᠦ ᠲᠡᠭᠷᠢᠳᠤ ᠰᠠᠴᠤᠯᠢ ᠠ᠋ᠷᠭᠦᠳᠡᠭ ᠵᠠᠩᠰᠢᠯ ᠲᠤᠰᠬᠠᠭᠳᠠᠵᠤ᠂ 《ᠠ᠋ᠯᠪᠡᠭ ᠲᠠᠪᠡᠯ》 ᠭᠡᠬᠦ ᠵᠤᠬᠢᠶᠠᠯᠳᠤ 《ᠵᠨ ᠬᠦᠦ ᠮᠢᠨᠢ᠂ ᠰᠠᠶ᠋ᠢᠬᠠᠨ ᠲᠡᠪᠡᠯ ᠪᠤᠯᠵᠤ ᠳ᠋ᠨ᠃ ᠡᠵᠢᠨᠢ ᠮᠢᠯᠢᠶᠠᠵᠤ ᠦᠵᠡᠶᠡ》 ᠭᠡᠵᠦ ᠠ᠋ᠮᠡᠭᠡᠨ ᠠᠪᠳᠠᠷᠠ ᠤᠷᠤᠭᠤᠪᠠᠨ ᠠ᠋ᠷᠬᠢᠭ᠌ᠰᠡᠨ ᠲᠦᠷᠰᠦᠯᠡᠯᠳᠤ ᠮᠤᠩᠭᠤᠯᠴᠤᠳᠤᠨ ᠰᠢᠷᠠ ᠲᠤᠰᠤ᠂ ᠰᠦ ᠵᠡᠷᠭᠡᠪᠠᠷ ᠰᠢᠨᠡ ᠭᠡᠷ᠂ ᠰᠢᠨᠡ ᠪᠡᠷᠢ᠂ ᠰᠢᠨᠡ ᠠ᠋ᠳ᠋ᠯᠡᠯ ᠁ ᠵᠡᠷᠭᠡ ᠵᠢᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ᠂ ᠵᠤᠯ ᠵᠢᠷᠭ᠋ᠠᠯᠲᠠᠢ᠂ ᠪᠡᠳᠤ ᠪᠦᠬᠡ ᠪᠠᠶ᠋ᠢᠬᠤ ᠵᠢ ᠬᠦᠰᠡᠨ ᠵᠦᠩᠨᠡᠵᠦ ᠲᠦᠷᠬᠢᠵᠦ ᠮᠢᠯᠢᠶᠠᠳᠠᠭ ᠵᠠᠩ ᠵᠠᠩᠰᠢᠯᠢ ᠲᠤᠰᠬᠠᠭᠰᠠᠨ ᠪᠠᠢ᠍ᠢ᠍ᠳᠠᠬ᠃
《ᠡᠷᠡ ᠵᠢᠨ ᠭᠤᠷᠪᠠᠨ ᠨᠠᠭ᠋ᠠᠳᠤᠮ》 ᠪᠤᠯ ᠮᠤᠩᠭᠤᠯᠴᠤᠳᠤᠨ ᠲᠠᠶ᠋ᠢᠨ ᠲᠠᠵᠢᠨ᠂ ᠨᠠᠭ᠋ᠠᠳᠤᠮ ᠴᠡᠩᠬᠡᠯ᠂ ᠪᠡᠶᠡ ᠲᠠᠮᠢᠷᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠬᠠᠮᠤᠭᠤᠨ ᠴᠢᠬᠤᠯᠨ ᠪᠤᠯᠬᠤ ᠨᠠᠶ᠋ᠢᠷ ᠨᠠᠭ᠋ᠠᠳᠤᠮᠤᠨ ᠠᠭᠤᠯᠭᠠ ᠪᠤᠯᠤᠨᠠ᠃ ᠠ᠋ᠳᠡᠭᠡᠷ ᠵᠠᠩ ᠵᠠᠩᠰᠢᠯᠤᠨ ᠲᠤᠬᠠᠢ ᠤᠶ᠋ᠢᠯᠠᠭ᠋ᠠᠬᠤᠪᠠᠷ ᠪᠠᠷᠠᠭ᠍ᠤ ᠦᠭᠡᠢ ᠠ᠋ᠭᠦᠨᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠬᠡᠯᠨ ᠬᠡᠯᠡᠯᠭᠡ ᠵᠢᠨ ᠮᠡᠳᠡᠷᠡᠮᠵᠢᠲᠠᠢ ᠪᠤᠯᠬᠤ ᠵᠢ ᠤᠨᠴᠠ ᠠᠩᠬᠠᠷᠪᠠᠯ ᠵᠤᠬᠢᠨᠠ᠃ ᠪᠦᠬᠡ ᠪᠠᠷᠢᠯᠳᠤᠬᠤ ᠵᠢᠨ ᠬᠤᠪᠢᠠᠴᠠ ᠦᠵᠡᠪᠡᠯ᠂ ᠪᠦᠬᠡ ᠵᠢᠨ ᠠᠷᠭᠠᠳᠤ ᠲᠠᠰᠢᠬᠤ᠂ ᠲᠡᠭᠡᠯᠡᠬᠦ᠂ ᠠ᠋ᠭᠦᠷᠬᠦ᠂ ᠭᠤᠬᠠᠳᠠᠭ᠍ᠤ᠂ ᠰᠠᠵᠢᠬᠤ᠂ ᠰᠤᠭᠰᠤᠷᠬᠤ᠂ ᠬᠠᠪᠰᠤᠷᠬᠤ᠂ ᠠᠴᠢᠶᠠᠳᠠᠭ᠍ᠤ ᠁ ᠵᠡᠷᠭᠡ ᠪᠠᠢ᠍ᠢ᠍ᠵᠤ ᠪᠦᠬᠡ ᠵᠢᠨ ᠪᠠᠷᠢᠴᠠᠳᠤ ᠲᠡᠪᠡᠷᠢᠬᠦ᠂ ᠮᠦᠷᠦᠠᠴᠠᠨᠢ ᠪᠠᠷᠢᠬᠤ᠂ ᠰᠤᠯᠢᠪᠴᠠᠭᠤᠯᠵᠤ ᠪᠠᠷᠢᠬᠤ᠂ ᠬᠤᠷᠮᠤᠶ᠋ᠢᠳᠠᠭ᠍ᠤ᠂ ᠪᠦᠰᠡᠳᠡᠬᠦ ᠁ ᠵᠡᠷᠭᠡ ᠪᠠᠢ᠍ᠢ᠍ᠵᠤ ᠪᠦᠬᠡ ᠵᠢᠨ ᠠ᠋ᠮᠦᠰᠭᠡᠯ ᠵᠡᠭᠦᠳᠡᠯᠳᠤ ᠵᠤᠳᠤᠭ᠂ ᠲᠤᠬᠤᠤ᠂ ᠱᠤᠳᠤᠭ᠂ ᠯᠠᠪᠠᠷᠢ᠂ ᠵᠠᠩᠭᠢᠶᠠ ᠪᠠᠶ᠋ᠢᠵᠤ᠂ ᠪᠦᠬᠡ ᠪᠠᠷᠢᠯᠳᠤᠬᠤ ᠶᠤᠰᠤᠨᠳᠤ ᠲᠡᠷᠢᠭᠦᠯᠡᠭᠰᠡᠨ ᠬᠦᠮᠦᠨᠢ ᠦᠵᠦ ᠪᠦᠬᠡ᠂ ᠲᠡᠳ᠋ᠯᠡᠭᠰᠡᠨ ᠪᠦᠬᠡ ᠵᠢ ᠵᠠᠢ ᠪᠦᠬᠡ᠂ ᠨᠢᠭᠡ ᠴᠤ᠌ ᠲᠡᠶ᠋ᠢᠯᠦᠭᠰᠡᠨ ᠦᠭᠡᠢ ᠤᠨᠠᠭᠰᠠᠨ ᠪᠦᠬᠡ ᠵᠢ ᠰᠢᠷᠤᠢ ᠪᠦᠬᠡ᠂ ᠬᠤᠶᠠᠷ ᠪᠦᠬᠡ ᠪᠡᠶᠡ ᠪᠡᠶᠡᠪᠠᠨ ᠲᠡᠶ᠋ᠢᠯᠬᠦ ᠦᠭᠡᠢ ᠴᠠᠭ ᠤᠳᠠᠭ᠍ᠤ ᠵᠢ ᠪᠦᠬᠡ ᠤᠶᠠᠭ᠍ᠤ᠂ ᠬᠤᠶᠠᠷ ᠪᠦᠬᠡ ᠵᠡᠷᠭᠡᠳᠤᠪᠠᠨ ᠤᠨᠠᠭᠰᠠᠨᠢ ᠪᠦᠬᠡ ᠬᠠᠶ᠋ᠢᠨᠴᠢᠬᠤ᠂ ᠨᠦᠭᠦᠭᠡ ᠪᠦᠬᠡᠨᠢ ᠭᠠᠷᠴᠤ ᠢᠷᠡᠭᠰᠡᠨ ᠦᠭᠡᠢᠠᠴᠠ ᠭᠠᠷᠴᠤ ᠢᠷᠡᠭᠰᠡᠨ ᠪᠦᠬᠡ ᠵᠢ ᠲᠡᠶ᠋ᠢᠯᠦᠭᠰᠡᠨ ᠵᠶ᠋ᠠᠷ ᠪᠤᠳᠤᠬᠤ ᠵᠢ ᠪᠦᠬᠡ ᠬᠡᠢ ᠲᠡᠪᠢᠬᠦ᠂ ᠪᠦᠬᠡᠴᠤᠳᠢ ᠬᠠᠷᠢᠯᠴᠠᠨ ᠠᠭᠤᠯᠵᠠᠭᠤᠯᠵᠤ ᠲᠤᠬᠢᠷᠠᠭᠤᠯᠬᠤ ᠵᠢ ᠪᠦᠬᠡ ᠤᠨᠤᠭ᠋ᠠᠯᠠᠭ᠍ᠤ᠂ ᠪᠦᠬᠡᠴᠤᠳ ᠲᠠᠯᠠᠪᠠᠢᠳᠤ ᠤᠷᠤᠬᠤᠳᠤ ᠬᠤᠶᠠᠷ ᠭᠠᠷᠯᠠᠨ ᠵᠤᠭᠰᠤᠭ᠋ᠠᠵᠤ ᠠ᠋ᠭᠡᠰᠢᠭ ᠲᠠᠭᠤᠤ ᠠᠶᠠᠯᠠᠭᠤᠯᠬᠤ ᠵᠢ ᠪᠦᠬᠡ ᠵᠢᠨ ᠤᠷᠢᠶᠠ᠂ ᠪᠦᠬᠡᠴᠤᠳᠤᠨ ᠲᠠᠯᠠᠪᠠᠢᠳᠤ ᠤᠷᠤᠬᠤ ᠦᠶᠡ ᠵᠢᠨ ᠦᠰᠦᠷᠴᠤ ᠮᠠᠭᠰᠢᠬᠤ ᠬᠦᠳᠡᠯᠪᠦᠷᠢ ᠵᠢ ᠪᠦᠬᠡ ᠵᠢᠨ ᠲᠡᠪᠢᠯᠭᠡ ᠭᠡᠵᠦ ᠲᠤᠰ ᠲᠤᠰ ᠨᠡᠷᠡᠯᠡᠳᠡᠭ᠃
ᠬᠤᠶᠠᠷ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯᠤᠨ ᠲᠤᠬᠠᠢ
ᠮᠤᠩᠭᠤᠯ ᠦᠨᠳᠦᠰᠦᠳᠠᠨᠤ ᠤᠤᠭ᠋ᠠᠯ ᠰᠤᠶᠤᠯ ᠪᠤᠯ ᠲᠠᠪᠤᠨ ᠬᠤᠰᠢᠭᠤ ᠮᠠᠯᠲᠠᠢ ᠨᠢᠭᠳᠠ ᠬᠠᠷᠢᠴᠠᠭᠠᠲᠠᠢ ᠰᠤᠶᠤᠯ ᠮᠦᠨ᠃ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠠ᠋ᠳ᠋ᠯᠡᠳᠡᠭᠨᠢ ᠮᠤᠩᠭᠤᠯᠴᠤᠳᠤᠨ ᠠ᠋ᠬᠡ ᠪᠠᠶ᠋ᠢᠭ᠋ᠠᠯᠢᠪᠠᠨ ᠬᠡᠷᠬᠢᠨ ᠠᠰᠢᠭᠯᠠᠭ᠍ᠤ᠂ ᠠ᠋ᠬᠡ ᠪᠠᠶ᠋ᠢᠭ᠋ᠠᠯᠢᠲᠠᠢᠪᠠᠨ ᠬᠡᠷᠬᠢᠨ ᠵᠤᠬᠢᠴᠠᠭ᠍ᠤ᠂ ᠠᠳᠠᠯᠢ ᠪᠤᠰᠤ ᠮᠠᠯᠤᠨ ᠤᠨᠴᠠᠯᠢᠭᠢ ᠬᠡᠷᠬᠢᠨ ᠲᠤᠬᠢᠷᠠᠭᠤᠯᠬᠤ᠂ ᠠᠰᠢᠭ ᠰᠢᠮᠡ ᠵᠢᠨᠢ ᠬᠡᠷᠬᠢᠨ ᠨᠡᠮᠡᠭᠳᠡᠭᠦᠯᠭᠦ᠂ ᠤᠶ᠋ᠢᠯᠡᠳᠦᠯ ᠬᠡᠷᠡᠭᠴᠡᠭᠡ ᠵᠢᠨᠢ ᠬᠡᠷᠬᠢᠨ ᠪᠠᠳᠠᠷᠠᠭᠤᠯᠬᠤ᠂ ᠦᠭᠡᠷᠡᠪᠠᠷ ᠬᠡᠯᠡᠪᠡᠯ᠂ ᠠᠮᠢ ᠠᠬᠤᠢᠪᠠᠨ ᠬᠡᠷᠬᠢᠨ ᠵᠤᠬᠢᠴᠠᠩᠭᠤᠢ᠂ ᠲᠡᠩᠴᠡᠭᠦᠷᠢᠲᠠᠢ ᠪᠠᠶ᠋ᠢᠯᠭ᠋ᠠᠬᠤ ᠰᠡᠳᠬᠢᠴᠡ ᠪᠤᠳᠤᠯᠬᠢᠯᠡᠯᠲᠠᠢ ᠰᠢᠭᠤᠳ ᠬᠠᠷᠢᠴᠠᠭᠠᠲᠠᠢ᠃ ᠠ᠋ᠶ᠋ᠢᠮᠦᠠᠴᠠ ᠮᠤᠩᠭᠤᠯᠴᠤᠳᠢ 《ᠨᠡᠭᠦᠳᠡᠯ ᠰᠤᠶᠤᠯᠤᠨ ᠲᠦᠯᠦᠭᠡᠯᠡᠭᠴᠢ》 ᠭᠡᠬᠦ ᠮᠦᠷᠳᠡᠭᠡᠨ 《ᠠᠮᠢ ᠠᠬᠤᠢᠪᠠᠨ ᠬᠠᠮᠠᠭ᠋ᠠᠯᠠᠭ᠍ᠤ ᠤᠤᠭ᠋ᠠᠯ ᠤᠬᠠᠮᠰᠠᠷᠲᠠᠢ ᠬᠦᠮᠦᠰ》 ᠭᠡᠬᠦᠳᠤ ᠭᠡᠳᠤᠷᠡᠭᠦ ᠦᠭᠡᠢ᠃ ᠰᠤᠷᠤᠭᠴᠢᠳᠲᠤ ᠠᠪᠴᠤ ᠬᠡᠯᠡᠪᠡᠯ᠂ ᠨᠡᠭᠦᠳᠡᠯ ᠰᠤᠶᠤᠯᠤᠨ ᠠᠵᠤ ᠠᠬᠤᠢ ᠵᠢᠨ ᠰᠠᠭᠤᠷᠢ ᠪᠤᠯᠤᠭᠰᠠᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠵᠤᠶ᠋ᠢᠯᠢ ᠮᠡᠳᠡᠵᠦ᠂ ᠮᠡᠳᠡᠯᠭᠡᠪᠠᠨ ᠨᠡᠮᠡᠭᠳᠡᠭᠦᠯᠵᠤ ᠪᠤᠯᠤᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠲᠠᠪᠤᠨ ᠬᠤᠰᠢᠭᠤ ᠮᠠᠯᠤᠨ ᠨᠠᠰᠤ ᠵᠢᠯᠤᠨ ᠨᠡᠷᠡᠶ᠋ᠢᠳᠦᠯ （ᠤᠨᠠᠭᠠ᠂ ᠲᠤᠭᠤᠯ᠂ ᠲᠦᠯᠦᠭᠡ᠂ ᠢᠰᠢᠭᠡ᠂ ᠪᠤᠳᠤᠭᠤ ᠁）᠂ ᠴᠢᠨᠠᠷᠤᠨ ᠢᠯᠭ᠋ᠠᠯᠤᠨ ᠨᠡᠷᠡᠶ᠋ᠢᠳᠦᠯ （ᠪᠤᠤᠷᠠ᠂ ᠪᠤᠬᠠ᠂ ᠠᠵᠢᠷᠭᠠ᠂ ᠬᠤᠴᠠ᠂ ᠤᠬᠤᠨᠠ ᠁）᠂ ᠦᠩᠭᠡ ᠵᠢᠰᠦ ᠵᠢᠨ ᠨᠡᠷᠡᠶ᠋ᠢᠳᠦᠯ （ᠵᠡᠭᠡᠷᠳᠡ᠂ ᠰᠠᠭ᠋ᠠᠷᠠᠯ᠂ ᠬᠠᠯᠢᠭᠤᠨ᠂ ᠪᠤᠷᠤ᠂ ᠬᠠᠷᠠ᠂ ᠵᠡᠭᠡᠯ᠂ ᠲᠡᠷᠯᠡᠨ᠂ ᠠᠯᠠᠭ ᠁）᠂ ᠲᠠᠭᠤ ᠴᠢᠮᠡᠭᠡᠨᠤ ᠨᠡᠷᠡᠶ᠋ᠢᠳᠦᠯ （ᠪᠤᠤᠷᠯᠠᠭ᠍ᠤ᠂ ᠮᠦᠭᠡᠷᠬᠦ᠂ ᠢᠨᠴᠠᠭ᠋ᠠᠬᠤ᠂ ᠮᠠᠶ᠋ᠢᠯᠠᠭ᠍ᠤ ᠁）᠂ ᠦᠢ᠍ᠯᠨ ᠤᠴᠢᠷᠤᠨ ᠢᠯᠭ᠋ᠠᠭᠠ （ᠪᠤᠳᠤᠭᠤᠯᠠᠭ᠍ᠤ᠂ ᠲᠤᠭᠤᠯᠯᠠᠭ᠍ᠤ᠂ ᠤᠨᠠᠭ᠋ᠠᠯᠠᠭ᠍ᠤ᠂ ᠬᠤᠷᠠᠭ᠋ᠠᠯᠠᠭ᠍ᠤ᠂ ᠢᠰᠢᠭᠡᠯᠡᠬᠦ ᠁）᠂ ᠠ᠋ᠳ᠋ᠯᠡᠯ ᠬᠡᠷᠡᠭᠰᠡᠯᠤᠨ ᠨᠡᠷᠡᠶ᠋ᠢᠳᠦᠯ （ᠬᠤᠮ᠂ ᠲᠤᠬᠤᠮ᠂ ᠬᠠᠵᠠᠭ᠋ᠠᠷ᠂ ᠨᠤᠭᠳᠤ᠂ ᠪᠤᠷᠠᠨᠳᠠᠭ᠂ ᠠᠷᠭ᠋ᠠᠮᠵᠢᠶᠠ᠂ ᠴᠢᠳᠤᠷ᠂ ᠲᠤᠱ᠌ᠠ᠂ ᠦᠷᠦᠭᠡᠯ᠂ ᠵᠢᠷᠢᠮ᠂ ᠭᠠᠨᠵᠤᠭᠠ ᠁）᠂ ᠪᠡᠶᠡ ᠵᠢᠨ ᠠ᠋ᠷᠬᠡᠳᠡᠨᠤ ᠨᠡᠷᠡᠶ᠋ᠢᠳᠦᠯ （ᠬᠦᠵᠦᠭᠦᠦ᠂ ᠬᠠᠮᠠᠷ᠂ ᠠᠮᠨ᠂ ᠬᠠᠪᠢᠰᠤ᠂ ᠬᠠᠪᠢᠷᠭᠠ᠂ ᠭᠡᠳᠡᠰᠦ᠂ ᠭᠦᠵᠡᠭᠡ᠂ ᠬᠤᠰᠭᠢᠨᠠᠭ᠂ ᠰᠢᠭᠢᠷᠡ᠂ ᠲᠤᠯᠤᠭ᠋ᠠᠢ᠂ ᠰᠡᠭᠦᠯ᠂ ᠬᠠ᠂ ᠭᠤᠶᠠ ᠁）᠂ ᠠᠬᠠᠷ ᠨᠤᠤᠰᠤᠨᠤ ᠨᠡᠷᠡᠶ᠋ᠢᠳᠦᠯ （ᠠᠬᠠᠷ ᠨᠤᠤᠰᠤ᠂ ᠰᠤᠷ᠂ ᠲᠠᠯ᠂ ᠰᠡᠭᠦᠯ᠂ ᠰᠠᠩᠮᠠᠢ᠂ ᠮᠤᠨᠳᠠᠭᠠ᠂ ᠤᠩᠭ᠋ᠠᠰᠤ᠂ ᠦᠰᠦ ᠁） ᠭᠡᠭᠦ ᠮᠡᠳᠦ᠃
ᠭᠤᠷᠪᠠ᠂ ᠠ᠋ᠳ᠋ᠯᠡᠯ ᠬᠡᠷᠡᠭᠰᠡᠯᠤᠨ ᠲᠤᠬᠠᠢ
ᠮᠤᠩᠭᠤᠯᠴᠤᠳ ᠤᠷᠳᠤ ᠤᠳᠠᠭ᠋ᠠᠨ ᠨᠡᠭᠦᠳᠡᠯ ᠮᠠᠯᠵᠢᠯ ᠪᠠ ᠲᠠᠶ᠋ᠢᠨ ᠲᠤᠯᠤᠯᠳᠤᠭ᠋ᠠᠨᠤ ᠶᠠᠪᠤᠴᠠᠳᠤᠪᠠᠨ ᠭᠡᠷ ᠤᠷᠤᠨ᠂ ᠵᠡᠷ ᠵᠡᠪᠰᠡᠭ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠠᠮᠢᠳᠤᠷᠠᠯᠤᠨ ᠪᠤᠰᠤᠳ ᠬᠡᠷᠡᠭᠰᠡᠯᠢ ᠤᠯᠠᠨ ᠬᠡᠷᠡᠭᠯᠡᠵᠦ᠂ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠪᠦᠬᠦᠢ ᠤᠯᠠᠨ ᠨᠡᠷᠡᠶ᠋ᠢᠳᠤᠯᠲᠠᠢ᠂ ᠤᠯᠠᠨ ᠬᠡᠯᠪᠡᠷᠢᠲᠠᠢ᠂ ᠤᠯᠠᠨ ᠬᠡᠷᠡᠭᠴᠡᠭᠡᠲᠠᠢᠪᠠᠷ ᠬᠡᠷᠡᠭᠯᠡᠵᠦ ᠢᠷᠡᠵᠡᠢ᠃ ᠭᠡᠷ ᠤᠷᠤᠨᠤ ᠬᠤᠪᠢᠳᠤ᠄ ᠲᠤᠭᠤᠨᠤ᠂ ᠬᠠᠳᠠᠪᠴᠢ᠂ ᠲᠤᠳᠤᠭᠤ᠂ ᠪᠤᠱ᠌ᠤᠭᠠ᠂ ᠬᠠᠨᠠ᠂ ᠬᠦᠯᠳᠦᠷᠭᠡ᠂ ᠪᠦᠰᠡᠯᠡᠭᠦᠷ᠂ ᠠ᠋ᠷᠤᠬᠡ᠂ ᠲᠠᠭᠠ᠂ ᠴᠠᠭ᠋ᠠᠷᠢᠭ ᠁ ᠭᠡᠭᠦ ᠮᠡᠳᠦ； ᠬᠤᠪᠴᠠᠰᠤ ᠬᠤᠨᠠᠷᠤᠨ ᠬᠤᠪᠢᠳᠤ᠄ ᠵᠠᠭ᠋ᠠᠮᠠ᠂ ᠬᠠᠨᠴᠤᠢ᠂ ᠲᠡᠩᠬᠡᠮ᠂ ᠨᠢᠳᠤᠷᠭᠠ᠂ ᠲᠤᠪᠴᠢ᠂ ᠰᠤᠭᠤᠪᠴᠢ᠂ ᠬᠤᠷᠮᠤᠢ᠂ ᠠ᠋ᠩᠭᠡᠷ᠂ ᠠ᠋ᠮᠵᠢᠶᠡᠷᠢ᠂ ᠤᠨᠤᠭᠤ ᠁ ᠭᠡᠭᠦ ᠮᠡᠳᠤ； ᠠᠩ ᠠᠩᠨᠠᠯ ᠪᠠ ᠵᠠᠷ ᠵᠡᠪᠰᠡᠭᠲᠤ᠄ ᠨᠤᠮᠤ ᠰᠤᠮᠤ᠂ ᠰᠠᠭ᠋ᠠᠳᠠᠭ᠂ ᠵᠢᠳᠠ ᠰᠡᠷᠡᠭᠡ᠂ ᠫᠤᠤ ᠵᠡᠪᠰᠡᠭ᠂ ᠤᠷᠬᠠ ᠲᠤᠤᠷ᠂ ᠤᠨᠠᠭᠤᠯᠢ᠂ ᠬᠠᠪᠬᠠ᠂ ᠪᠢᠯᠠᠭᠤ ᠰᠢᠳᠠᠮ ᠁ ᠭᠡᠭᠦ ᠮᠡᠳᠦ； ᠪᠤᠰᠤᠳ ᠠ᠋ᠳ᠋ᠯᠡᠯ ᠬᠡᠷᠡᠭᠰᠡᠯᠳᠤ᠄ ᠬᠠᠳᠠᠭ ᠬᠦᠬᠦᠷ᠂ ᠲᠤᠯᠭᠠ ᠲᠤᠭᠤᠭᠠ᠂ ᠬᠦᠨᠦᠭ ᠴᠦᠭᠦᠴᠡ᠂ ᠪᠠᠭᠪᠤᠷ ᠠ᠋ᠷᠭᠢᠨᠡᠭ᠂ ᠰᠢᠨᠠᠭᠠ ᠬᠤᠰᠤᠭᠤᠷ᠂ ᠲᠡᠪᠰᠢ ᠫᠢᠯᠨ᠂ ᠵᠤᠳᠤᠭ ᠯᠠᠪᠠᠷᠢ ᠁ ᠭᠡᠭᠦ ᠮᠡᠳᠦ᠃ ᠠ᠋ᠳᠡᠭᠡᠷᠨᠢ ᠴᠦᠮ ᠠᠳᠠᠯᠢ ᠪᠤᠰᠤ ᠵᠢᠨ ᠬᠡᠯᠪᠡᠷᠢ ᠶᠠᠩᠵᠤᠲᠠᠢ᠂ ᠠᠳᠠᠯᠢ ᠪᠤᠰᠤ ᠵᠢᠨ ᠤᠶ᠋ᠢᠯᠡᠳᠦᠯ ᠬᠡᠷᠡᠭᠴᠡᠭᠡᠲᠠᠢ᠂ ᠠᠳᠠᠯᠢ ᠪᠤᠰᠤ ᠵᠢᠨ ᠤᠷᠤᠨ ᠪᠠᠶ᠋ᠢᠷᠢᠲᠠᠢ᠃ ᠠ᠋ᠳᠡᠭᠡᠷ ᠠᠷᠪᠢᠨᠢ ᠮᠡᠳᠡᠵᠦ ᠤᠶ᠋ᠢᠯᠠᠭ᠋ᠠᠪᠠᠯ᠂ ᠨᠢᠭᠡ ᠲᠠᠯᠠᠪᠠᠷ ᠲᠡᠭᠡᠳᠦᠰᠤᠨ ᠠ᠋ᠳ᠋ᠯᠡᠵᠦ ᠬᠡᠷᠡᠭᠯᠡᠵᠦ ᠪᠠᠶ᠋ᠢᠭᠰᠠᠨ ᠵᠤᠶ᠋ᠢᠯ᠂ ᠠᠵᠤ ᠠᠮᠢᠳᠤᠷᠠᠯᠤᠨ ᠪᠠᠶ᠋ᠢᠳᠠᠯᠢ ᠤᠶ᠋ᠢᠯᠠᠭ᠋ᠠᠵᠤ᠂ ᠨᠦᠭᠦᠭᠡ ᠲᠠᠯᠠᠪᠠᠷ ᠦᠭᠡᠰᠤᠨ ᠰᠠᠩ ᠵᠶ᠋ᠠᠨ ᠪᠠᠶᠠᠯᠢᠬ᠍ᠵᠢᠭᠤᠯᠤᠨ᠂ ᠮᠡᠳᠡᠯᠭᠡ ᠵᠢᠨ ᠬᠦᠷᠢᠶᠡ ᠬᠡᠪᠴᠢᠶᠡᠪᠠᠨ ᠦᠷᠭᠡᠳᠬᠡᠵᠦ ᠲᠡᠶ᠋ᠢᠯᠦᠨᠡ᠃
ᠳᠦᠷᠪᠡ᠂ ᠢᠳᠡᠭᠡᠨ ᠤᠮᠳᠠᠭ᠋ᠠᠨᠤ ᠰᠤᠶᠤᠯᠤᠨ ᠲᠤᠬᠠᠢ
ᠮᠤᠩᠭᠤᠯ ᠦᠨᠳᠦᠰᠦᠳᠠᠨᠤ ᠢᠳᠡᠭᠡᠨ ᠤᠮᠳᠠᠭ᠋ᠠᠨᠤ ᠰᠤᠶᠤᠯᠨᠢ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠠᠮᠢᠳᠤᠷᠠᠯᠲᠠᠢ ᠨᠢᠭᠳᠠ ᠬᠤᠯᠪᠤᠭᠠᠲᠠᠢ᠂ ᠮᠠᠯᠵᠢᠯ ᠦᠨᠳᠦᠰᠦᠳᠠᠨᠤ ᠦᠪᠡᠷᠮᠢᠴᠡ ᠤᠨᠴᠠᠯᠢᠭᠲᠠᠢ ᠰᠤᠶᠤᠯ ᠪᠤᠯᠤᠨᠠ᠃ ᠮᠤᠩᠭᠤᠯᠴᠤᠳ ᠢᠳᠡᠭᠡᠨ ᠤᠮᠳᠠᠭ᠋ᠠᠨ ᠵᠶ᠋ᠠᠨ ᠶᠡᠷᠦᠩᠬᠡᠢᠳᠤᠪᠠᠨ ᠴᠠᠭ᠋ᠠᠨ ᠢᠳᠡᠭᠡᠨ᠂ ᠤᠯᠠᠭ᠋ᠠᠨ ᠢᠳᠡᠭᠡᠨ᠂ ᠤᠮᠳᠠᠭ᠋ᠠᠨ ᠭᠡᠵᠦ ᠭᠤᠷᠪᠠᠨ ᠲᠦᠷᠦᠯᠳᠤ ᠬᠤᠪᠢᠶᠠᠳᠠᠭ᠃ ᠴᠠᠭ᠋ᠠᠨ ᠢᠳᠡᠭᠡᠨᠳᠤ ᠰᠦ᠂ ᠠᠶ᠋ᠢᠷᠠᠭ᠂ ᠦᠷᠦᠮᠡ᠂ ᠴᠦᠷᠮᠠ᠂ ᠱᠦᠭᠦᠮᠡᠯ᠂ ᠬᠤᠭᠤᠷᠮᠠᠭ᠂ ᠴᠠᠭᠠ᠂ ᠲᠠᠰᠢᠮᠠᠭ᠂ ᠴᠡᠭᠡ᠂ ᠠᠭ᠋ᠠᠷᠴᠠ ᠁ ᠭᠡᠬᠦ ᠮᠡᠳᠤ ᠵᠢᠨ ᠰᠦ ᠰᠠᠭ᠋ᠠᠯᠢᠲᠠᠢ ᠬᠤᠯᠪᠤᠭᠠᠲᠠᠢ ᠤᠯᠠᠨ ᠨᠡᠷᠡᠶ᠋ᠢᠳᠦᠯᠲᠠᠢ ᠮᠦᠷᠳᠡᠭᠡᠨ ᠬᠢᠬᠦ ᠠᠷᠭᠠ ᠪᠠᠷᠢᠯᠨᠢ ᠠᠳᠠᠯᠢ ᠪᠤᠰᠤ᠂ ᠪᠦᠳᠦᠴᠡ ᠪᠦᠷᠢᠯᠳᠦᠭᠦᠨᠨᠢ ᠠᠳᠠᠯᠢ ᠪᠤᠰᠤ᠂ ᠦᠨᠦᠷ ᠠᠮᠳᠠᠨᠢ ᠠᠳᠠᠯᠢ ᠪᠤᠰᠤ᠂ ᠤᠶ᠋ᠢᠯᠡᠳᠦᠯ ᠬᠡᠷᠡᠭᠴᠡᠭᠡᠨᠢ ᠠᠳᠠᠯᠢ ᠪᠤᠰᠤ᠂ ᠴᠠᠭ᠋ᠠᠰᠢᠯᠠᠪᠠᠯ ᠭᠠᠵᠠᠷ ᠭᠠᠵᠠᠷᠲᠤ ᠦᠪᠡᠷ ᠦᠪᠡᠷᠤᠨ ᠤᠨᠴᠠᠯᠢᠭ ᠪᠦᠬᠦᠢ ᠲᠠᠭᠤᠳᠠᠯᠭᠠ ᠨᠡᠷᠡᠶ᠋ᠢᠳᠦᠯ ᠴᠤ᠌ ᠠᠷᠪᠢᠨ ᠪᠠᠶ᠋ᠢᠳᠠᠭ᠃ ᠤᠯᠠᠭ᠋ᠠᠨ ᠢᠳᠡᠭᠡᠨᠳᠤ ᠦᠭᠡᠷ᠂ ᠬᠤᠨᠢ᠂ ᠲᠡᠮᠡᠭᠡ᠂ ᠢᠮᠠᠭᠠᠪᠠᠷ ᠭᠤᠤᠯᠯᠠᠭᠰᠠᠨ ᠮᠢᠬᠠᠨᠤ ᠲᠦᠷᠦᠯᠢ ᠵᠢᠭ᠋ᠠᠵᠤ᠂ ᠪᠤᠷᠴᠠᠯᠠᠭ᠍ᠤ᠂ ᠬᠠᠳᠠᠭ᠋ᠠᠬᠤ᠂ ᠱᠦᠯᠦᠰᠢᠭᠦᠯᠬᠦ᠂ ᠰᠢᠭᠦᠰᠦ ᠲᠠᠯᠪᠢᠬᠤ᠂ ᠶᠠᠰᠤ ᠴᠠᠭ᠋ᠠᠯᠠᠭ᠍ᠤ᠂ ᠶᠠᠰᠤ ᠮᠦᠯᠵᠢᠬᠦ ᠁ ᠵᠡᠷᠭᠡ ᠦᠭᠡᠰ ᠬᠤᠯᠪᠤᠭᠳᠠᠳᠠᠭ； ᠤᠮᠳᠠᠭ᠋ᠠᠨᠳᠤ ᠴᠠᠢ᠂ ᠠᠷᠢᠬᠢ᠂ ᠰᠠᠭ᠋ᠠᠯᠢ ᠵᠢᠨ ᠠᠷᠢᠬᠢ᠂ ᠤᠰᠤ ᠵᠡᠷᠭᠡ ᠵᠢ ᠪᠠᠭᠳᠠᠭ᠋ᠠᠳᠠᠭ᠃
ᠪᠢᠳᠠ ᠲᠡᠭᠡᠷᠡᠬᠢ ᠠᠭᠤᠯᠭᠠᠪᠠᠷ ᠭᠤᠤᠯ ᠪᠤᠯᠭ᠋ᠠᠵᠤ᠂ ᠤᠤᠭ᠋ᠠᠯ ᠰᠤᠶᠤᠯᠤᠨ ᠲᠤᠬᠠᠢ ᠬᠢᠴᠢᠶᠡᠯᠤᠨ ᠪᠢᠴᠢᠭᠲᠤᠬᠢ ᠰᠤᠷᠠᠭ ᠵᠠᠩᠬᠢ ᠵᠢ ᠲᠡᠯᠡᠨ ᠦᠷᠭᠡᠵᠢᠭᠦᠯᠬᠦ ᠪᠤᠶᠤ ᠠᠬᠠᠮᠠᠳ ᠨᠠᠰᠤᠳᠠᠨᠠᠴᠠ ᠠᠰᠠᠭᠤᠨ ᠰᠤᠷᠠᠭ᠍ᠤ᠂ ᠨᠤᠮ ᠲᠡᠪᠳᠡᠷᠠᠴᠠ ᠰᠢᠭᠰᠢᠨ ᠱᠦᠭᠦᠬᠦ ᠠ᠋ᠰᠡᠬᠦᠯᠡ ᠨᠠᠶ᠋ᠢᠷ ᠨᠠᠭ᠋ᠠᠳᠤᠮ᠂ ᠴᠠᠭ᠋ᠠᠨ ᠰᠠᠷᠠ᠂ ᠭᠠᠯ ᠲᠠᠬᠢᠯᠭᠠ᠂ ᠤᠪᠤᠭᠠ ᠲᠠᠬᠢᠯᠭᠠ᠂ ᠴᠢᠩᠬᠢᠰᠤᠨ ᠤᠩᠭᠤᠨᠤ ᠲᠠᠬᠢᠯᠭᠠ᠂ ᠵᠤᠭ᠋ᠠᠴᠠᠯᠤᠨ ᠭᠠᠵᠠᠷᠲᠤ ᠤᠴᠢᠬᠤ ᠁ ᠵᠡᠷᠭᠡ ᠵᠠᠪᠰᠢᠶᠠᠨ ᠲᠤᠬᠢᠶᠠᠯᠢ ᠠᠯᠳᠠᠯ ᠦᠭᠡᠢᠪᠠᠷ ᠨᠠᠷᠢᠨ ᠠᠵᠢᠭᠯᠠᠭ᠍ᠤ ᠪᠤᠶᠤ ᠪᠡᠶᠡᠳᠡᠨ ᠤᠷᠤᠯᠴᠠᠬᠤ ᠮᠡᠳᠤ ᠵᠢᠨ ᠤᠯᠠᠨ ᠬᠡᠯᠪᠡᠷᠢᠪᠠᠷ ᠤᠤᠭ᠋ᠠᠯ ᠰᠤᠶᠤᠯᠤᠨ ᠲᠤᠬᠠᠢ ᠮᠡᠳᠡᠯᠭᠡᠪᠠᠨ ᠨᠡᠮᠡᠭᠳᠡᠭᠦᠯᠵᠦ᠂ ᠤᠶ᠋ᠢᠯᠠᠭ᠋ᠠᠯᠳᠠᠪᠠᠨ ᠭᠦᠨᠵᠡᠭᠡᠶ᠋ᠢᠷᠡᠭᠦᠯᠭᠦ ᠴᠢᠬᠤᠯᠠ ᠲ᠋ᠠᠢ ᠪᠠᠢ᠍ᠢ᠍ᠨᠠ᠃
ᠬᠠᠶᠢᠬ᠄ ᠤᠷᠳᠤᠰ ᠬᠤᠳᠠ ᠵᠢᠨ ᠮᠤᠩᠭᠤᠯ ᠦᠨᠳᠦᠰᠦᠳᠠᠨᠤ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ
（ᠠ᠋ᠾᠤᠢ᠍ᠩ ᠮᠸᠢ ᠨᠠᠢ᠍ᠢ᠍ᠷᠠᠭᠤᠯᠪᠠ）
2019 ᠣᠨᠤ 2 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ