ᠨᠠᠮᠨᠠᠩ
ᠮᠡᠨᠳᠤᠴᠢᠯᠡᠭᠡ ᠪᠤᠯ ᠲᠦᠭᠡᠮᠡᠯ ᠪᠠᠶ᠋ᠢᠳᠠᠭ ᠵᠠᠩ ᠦᠢ᠍ᠯᠡ ᠵᠢᠨ ᠨᠢᠭᠡᠨ ᠵᠦᠢ᠍ᠯ ᠪᠤᠯᠬᠤ ᠶᠤᠮ᠃ ᠮᠡᠨᠳᠤᠴᠢᠯᠡᠳᠡᠭ ᠦᠭᠡᠢ ᠦᠨᠳᠤᠰᠤᠳᠡᠨ ᠭᠡᠵᠦ ᠪᠠᠶ᠋ᠢᠳᠠᠭ ᠦᠭᠡᠢ᠃ ᠮᠡᠨᠳᠤᠴᠢᠯᠡᠭᠡᠨᠤ ᠰᠤᠶᠤᠯ ᠪᠤᠯ ᠨᠢᠭᠡᠨ ᠦᠨᠳᠤᠰᠤᠳᠡᠨᠤ ᠤᠷᠤᠰᠢᠨ ᠠᠮᠢᠳᠤᠷᠠᠵᠦ ᠪᠠᠶ᠋ᠢᠭᠠ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠤᠷᠴᠢᠨ ᠠᠬᠤᠢ ᠪᠠ ᠠ᠋ᠨᠡᠬᠦ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠤᠷᠴᠢᠨ ᠠᠬᠤᠢᠳᠤ ᠵᠤᠬᠢᠴᠠᠭᠰᠠᠨ ᠠᠵᠦ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠪᠤᠯᠤᠨ ᠨᠡᠶ᠋ᠢᠭᠡᠮᠤᠨ ᠠᠮᠢᠳᠤᠷᠠᠯᠤᠨ ᠬᠡᠯᠪᠡᠷᠢᠠᠴᠠ ᠠ᠋ᠭᠦᠰᠴᠦ᠂ ᠮᠦᠨ ᠴᠦ᠍ ᠠ᠋ᠨᠡᠬᠦ ᠠᠵᠦ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠪᠤᠯᠤᠨ ᠨᠡᠶ᠋ᠢᠭᠡᠮᠤᠨ ᠠᠮᠢᠳᠤᠷᠠᠯᠤᠨ ᠬᠡᠯᠪᠡᠷᠢᠪᠠᠷ ᠠᠴᠢᠶᠠᠯᠠᠪᠦᠷᠢ ᠪᠤᠯᠭ᠋ᠠᠵᠦ ᠤᠷᠤᠰᠢᠳᠠᠭ ᠪᠢᠯᠡ᠃ ᠠ᠋ᠶ᠋ᠢᠮᠦ ᠤᠴᠢᠷᠠᠴᠠ ᠠᠵᠦ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠪᠤᠯᠤᠨ ᠠᠮᠢᠳᠤᠷᠠᠯᠤᠨ ᠬᠡᠯᠪᠡᠷᠢ ᠵᠢᠨ ᠬᠤᠪᠢᠷᠠᠭ᠍ᠤ ᠵᠢ ᠲᠠᠭ᠋ᠠᠯᠳᠤᠨ ᠮᠠᠨᠳᠤᠴᠢᠯᠡᠭᠡᠨ ᠴᠦ᠍ ᠬᠤᠪᠢᠷᠠᠵᠤ ᠪᠠᠶ᠋ᠢᠳᠠᠭ ᠶᠤᠮ᠃ ᠲᠤᠤᠷᠠ ᠣᠶ᠋ᠢᠷᠠᠶᠢᠨ 30～40 ᠵᠢᠯᠳᠤᠬᠢ ᠦᠪᠦᠷ ᠮᠣᠩᠭᠤᠯᠴᠤᠳᠤᠨ ᠠᠵᠦ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠵᠢᠨ ᠬᠤᠪᠢᠷᠠᠯᠳᠠ ᠪᠠ ᠠᠮᠢᠳᠤᠷᠠᠯᠤᠨ ᠠᠷᠭᠠ ᠬᠡᠯᠪᠡᠷᠢ ᠵᠢᠨ ᠬᠤᠪᠢᠷᠠᠯᠳᠠᠨᠢ ᠮᠡᠨᠳᠤᠴᠢᠯᠡᠭᠡᠨᠤ ᠬᠡᠯᠡ ᠬᠡᠯᠡᠯᠭᠡᠳᠤ ᠶᠠᠮᠠᠷ ᠬᠤᠪᠢᠷᠠᠯᠲᠠ ᠠᠪᠴᠢᠷᠠᠭᠰᠠᠨ ᠲᠤᠬᠠᠢ ᠲᠤᠷᠰᠢᠨ ᠦᠭᠦᠯᠡᠶᠡ᠃
ᠮᠡᠨᠳᠤᠴᠢᠯᠡᠭᠡᠨᠤ ᠦᠭᠡ ᠬᠡᠯᠡᠯᠭᠡᠨᠢ ᠶᠠᠮᠠᠷ ᠴᠦ᠍ ᠦᠨᠳᠤᠰᠤᠳᠡᠨ᠂ ᠶᠠᠮᠠᠷ ᠴᠦ᠍ ᠬᠡᠯᠡᠨᠳᠤ ᠪᠦᠷ ᠪᠠᠶ᠋ᠢᠳᠠᠭ᠃ ᠠ᠋ᠭᠦᠨᠢ ᠨᠡᠶ᠋ᠢᠳᠡᠮᠤᠨ ᠤᠨᠴᠠᠯᠢᠭ ᠭᠡᠵᠦ ᠣᠶ᠋ᠢᠯᠠᠭ᠋ᠠᠪᠠᠯ ᠵᠤᠬᠢᠨᠠ᠃ ᠭᠡᠪᠡᠴᠦ ᠦᠨᠳᠤᠰᠤᠳᠡᠨ ᠪᠦᠬᠦᠨᠤ ᠮᠡᠨᠳᠤᠴᠢᠯᠡᠭᠡᠨᠢ ᠠᠳᠠᠯᠢ ᠪᠤᠰᠤ ᠪᠠᠢ᠍ᠢ᠍ᠵᠤ᠂ ᠦᠪᠡᠷ ᠦᠪᠡᠷᠤᠨ ᠤᠨᠴᠠᠯᠢᠭ ᠰᠢᠨᠵᠢᠲᠠᠢ᠃ ᠮᠡᠨᠳᠤᠴᠢᠯᠡᠭᠡᠨᠤ ᠰᠤᠶᠤᠯᠤᠨ ᠤᠨᠴᠠᠯᠢᠭ ᠪᠠ ᠢᠯᠭ᠋ᠠᠭᠠ ᠵᠦᠷᠢᠶᠡᠨᠢ ᠭᠤᠤᠯᠳᠠᠭᠤ ᠲᠡᠭᠦᠨᠤ ᠬᠡᠷᠡᠭᠯᠡᠬᠦ ᠬᠡᠯᠡ ᠬᠡᠯᠡᠯᠭᠡ ᠲᠡᠭᠡᠷᠡ ᠢᠯᠡᠷᠡᠵᠦ ᠪᠠᠶ᠋ᠢᠳᠠᠭ᠃ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠪᠤᠯ ᠤᠷᠲᠦ ᠤᠳᠠᠭ᠋ᠠᠨ ᠭᠢᠯᠠᠯᠵᠠᠭᠰᠠᠨ ᠲᠡᠤᠬᠡ ᠰᠤᠶᠤᠯᠲᠠᠢ ᠦᠨᠳᠤᠰᠤᠳᠡᠨ ᠪᠤᠯᠬᠤᠷ ᠭᠡᠯᠡᠨᠢ ᠲᠦᠢ᠍ᠯᠤᠨ ᠪᠠᠶᠠᠯᠢᠬ ᠪᠠᠢ᠍ᠢ᠍ᠳᠠᠬ᠃
ᠮᠤᠩᠭᠤᠯ ᠦᠨᠳᠤᠰᠤᠳᠡᠨᠤ ᠮᠡᠨᠳᠤᠴᠢᠯᠡᠭᠡᠨᠤ ᠲᠦᠷᠦᠯ ᠵᠦᠢ᠍ᠯᠳᠤ ᠠ᠋ᠳᠦᠷ ᠲᠤᠳᠤᠮᠤᠨ ᠮᠡᠨᠳᠤᠴᠢᠯᠡᠭᠡ᠂ ᠣᠯᠠᠷᠢᠯᠤᠨ ᠮᠡᠨᠳᠤᠴᠢᠯᠡᠭᠡ᠂ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠦᠴᠢᠯᠡᠭᠡ᠂ ᠪᠠᠶᠠᠷ ᠶᠤᠰᠤᠯᠠᠯᠤᠨ ᠮᠡᠨᠳᠤᠴᠢᠯᠡᠭᠡ᠂ ᠢᠷᠦᠭᠡᠯᠲᠤ ᠮᠡᠨᠳᠤᠴᠢᠯᠡᠭᠡ ᠭᠡᠬᠦ ᠮᠡᠳᠤ ᠤᠯᠠᠨ ᠵᠦᠢ᠍ᠯ ᠪᠠᠶ᠋ᠢᠳᠠᠭ᠃
ᠨᠢᠭᠡ᠂ ᠠ᠋ᠳᠦᠷ ᠲᠤᠳᠤᠮᠤᠨ ᠮᠡᠨᠳᠦᠴᠢᠯᠡᠭᠡ
ᠬᠦᠮᠤᠰ ᠠᠯᠢᠪᠠ ᠬᠡᠯᠡ ᠵᠢ ᠰᠤᠷᠬᠤᠳᠤ ᠮᠡᠨᠳᠤᠴᠢᠯᠡᠭᠡᠠᠴᠠ ᠠ᠋ᠬᠢᠯᠡᠵᠦ ᠰᠤᠷᠳᠠᠭᠲᠠᠢ ᠠᠳᠠᠯᠢᠬᠠᠨ ᠠᠯᠢᠪᠠ ᠬᠡᠯᠡᠨᠢ ᠬᠢᠮᠤᠷᠠᠯᠳᠤ ᠤᠴᠠᠷᠠᠭ᠍ᠤᠳᠤᠪᠠᠨ ᠮᠡᠨᠳᠤᠴᠢᠯᠡᠭᠡᠨᠤ ᠦᠬᠡ ᠬᠡᠯᠡᠯᠬᠡᠠᠴᠠ ᠠ᠋ᠬᠢᠯᠡᠳᠡᠭ ᠪᠠᠶ᠋ᠢᠵᠦ ᠴᠦ᠍ ᠮᠠᠭ᠋ᠠᠳ ᠦᠭᠡᠢ᠃
ᠮᠣᠩᠭᠤᠯᠴᠤᠳ ᠠ᠋ᠬᠢᠯᠡᠵᠦ ᠮᠡᠨᠳᠤᠴᠢᠯᠡᠬᠦᠳᠤᠪᠠᠨ ᠠ᠋ᠳᠦᠷ ᠲᠤᠳᠤᠮᠤᠨ ᠮᠡᠨᠳᠤᠴᠢᠯᠡᠭᠡᠨᠠᠴᠠ ᠠ᠋ᠬᠢᠯᠡᠳᠡᠭ᠃ ᠦᠪᠦᠷ ᠮᠤᠩᠭᠤᠯᠤᠨ ᠤᠯᠠᠩᠬᠢ ᠭᠠᠵᠠᠷ ᠨᠤᠳᠤᠭᠲᠤ ᠨᠢᠭᠡ ᠬᠦᠮᠤᠨᠲᠠᠢ ᠠᠭᠤᠯᠵᠠᠭ᠍ᠤᠳᠤ᠄ 《ᠲᠠ ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ？》 ᠭᠡᠵᠦ ᠮᠡᠨᠳᠤᠴᠢᠯᠡᠭᠡᠳ᠂ ᠤᠯᠠᠨ ᠬᠦᠮᠤᠨᠲᠠᠢ ᠠᠭᠤᠯᠵᠠᠭ᠍ᠤᠳᠤᠪᠠᠨ᠄ 《ᠲᠠᠶᠠᠭ᠋ᠠᠷ ᠵᠶ᠋ᠠᠨ ᠰᠠᠶ᠋ᠢᠨ ᠪᠠᠶ᠋ᠢᠵᠠᠭ᠋ᠠᠨᠠ ᠤᠤ？》 ᠭᠡᠵᠦ ᠮᠡᠨᠳᠤᠴᠢᠯᠡᠳᠡᠭ᠃ ᠪᠤᠰᠤᠳᠤᠨ ᠮᠡᠨᠳᠤᠴᠢᠯᠡᠭᠡ ᠵᠢᠨ ᠬᠠᠷᠢᠭᠤᠳᠤ ᠭᠡᠯᠡᠭᠦ ᠮᠠᠨᠳᠤᠴᠢᠯᠡᠭᠡ ᠵᠢ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡ ᠭᠡᠨᠡ᠃ 《ᠲᠠ ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ？》᠂ 《ᠲᠠᠶᠠᠭ᠋ᠠᠷ ᠵᠶ᠋ᠠᠨ ᠰᠠᠶ᠋ᠢᠨ ᠪᠠᠶ᠋ᠢᠵᠠᠭ᠋ᠠᠨᠠ ᠤᠤ？》 ᠭᠡᠵᠦ ᠮᠡᠨᠳᠦᠴᠢᠯᠡᠬᠦᠳᠤ 《ᠰᠠᠶ᠋ᠢᠨ ᠰᠠᠶ᠋ᠢᠨ᠂ ᠲᠠ ᠰᠠᠶ᠋ᠢᠨ ᠤᠤ？》 ᠭᠡᠳᠡᠭᠨᠢ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡ ᠪᠤᠯᠬᠤ ᠶᠤᠮ᠃ ᠠ᠋ᠭᠦᠨᠳᠤ ᠮᠡᠨᠳᠤᠴᠢᠯᠡᠭᠡᠨᠨᠢ ᠵᠠᠪᠠᠯ 《ᠲᠠ》 ᠭᠡᠬᠦ ᠪᠤᠶᠤ 《ᠲᠠᠶᠠᠭ᠋ᠠᠷ》 ᠭᠡᠬᠦ ᠦᠭᠦᠯᠡᠪᠦᠷᠢ ᠵᠢᠨ ᠡᠵᠡᠨ ᠪᠡᠶᠡ ᠵᠢ ᠲᠤᠳᠤᠷᠬᠠᠢ ᠦᠭᠦᠯᠡᠳᠡᠭ ᠪᠠᠶ᠋ᠢᠬᠤ ᠶᠤᠰᠤᠳᠠᠢ ᠪᠤᠯ ᠤᠳᠤ ᠬᠠᠷᠢᠨ ᠠ᠋ᠨᠡᠬᠦ 《ᠲᠠ》 ᠪᠤᠶᠤ 《ᠲᠠᠶᠠᠭ᠋ᠠᠷ》 ᠭᠡᠬᠦ ᠦᠭᠡᠨᠢ ᠪᠦᠷᠢᠮᠦᠰᠦᠨ ᠬᠠᠶᠠᠭᠳᠠᠵᠤ ᠪᠠᠶ᠋ᠢᠨᠠ᠃ ᠤᠯᠠᠩᠬᠢ ᠬᠦᠮᠤᠰ ᠪᠦᠷ ᠯᠡ 《ᠰᠠᠶ᠋ᠢᠨ ᠤᠤ？》 ᠭᠡᠬᠦ ᠡᠵᠡᠨ ᠪᠡᠶᠡ ᠦᠭᠡᠢ ᠦᠭᠦᠯᠡᠪᠦᠷᠢᠪᠠᠷ ᠪᠠᠷᠠᠭ᠋ᠠᠴᠢᠬᠠᠳᠠᠭ ᠪᠠᠶ᠋ᠢᠨᠠ᠃ ᠢᠩᠬᠢᠵᠦ ᠬᠡᠨᠳᠤ ᠬᠡᠯᠡᠵᠦ ᠪᠠᠶ᠋ᠢᠭᠠᠨᠢ ᠲᠤᠳᠤᠷᠬᠠᠢ ᠦᠭᠡᠢ ᠬᠡᠷᠡᠭᠯᠡᠭᠳᠡᠬᠦ ᠪᠤᠯᠵᠠᠢ᠃ ᠨᠡᠩ ᠴᠦ᠍ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡᠳᠤ 《ᠰᠠᠶ᠋ᠢᠨ ᠰᠠᠶ᠋ᠢᠨ》 ᠭᠡᠬᠦ ᠬᠠᠷᠢᠭᠤᠯᠲᠠ ᠵᠢ ᠪᠦᠷᠢᠮᠦᠰᠤᠨ ᠮᠠᠷᠲᠠᠵᠦ ᠬᠡᠷᠡᠭᠯᠡᠬᠦᠪᠠᠨ ᠪᠤᠯᠢᠴᠢᠬᠠᠵᠠᠢ᠃ ᠵᠦᠪᠬᠡᠨ ᠬᠠᠷᠢᠯᠴᠠᠨ᠄ 《ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ？》 ᠭᠡᠵᠦ ᠮᠡᠨᠳᠤᠴᠢᠯᠡᠬᠦ ᠲᠡᠳᠦᠢ ᠪᠤᠯᠵᠦ ᠪᠠᠶ᠋ᠢᠨᠠ᠃ ᠤᠷᠤᠨ ᠨᠤᠳᠤᠭᠤᠨ ᠵᠦᠷᠢᠶᠡᠠᠴᠠ ᠪᠤᠯᠵᠦ ᠵᠠᠷᠢᠮ ᠨᠤᠳᠤᠭᠲᠤ᠄ 《ᠲᠠ ᠠᠮᠤᠷᠬᠠᠨ ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ？》᠂ 《ᠲᠠᠶᠠᠭ᠋ᠠᠷ ᠠᠮᠤᠷᠬᠠᠨ ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ？》 ᠭᠡᠵᠦ ᠮᠡᠨᠳᠣᠴᠢᠯᠡᠳᠡᠭ᠃ ᠪᠠᠰᠠ ᠵᠠᠷᠢᠮ ᠨᠤᠳᠤᠭᠲᠤ᠄ 《ᠲᠠᠨᠤ ᠠᠮᠤᠷᠢ ᠠ᠋ᠷᠢᠶᠡ！》᠂ 《ᠲᠠᠶᠠᠭ᠋ᠠᠷᠤᠨ ᠠᠮᠤᠷᠢ ᠠ᠋ᠷᠢᠶᠡ！》 ᠭᠡᠵᠦ ᠠᠳᠠᠯᠢ ᠪᠤᠰᠤ ᠮᠡᠨᠳᠤᠴᠢᠯᠡᠳᠡᠭ ᠪᠤᠯᠪᠠᠴᠦ ᠤᠳᠤ 《ᠲᠠ》 ᠪᠤᠶᠤ 《ᠲᠠᠶᠠᠭ᠋ᠠᠷ》ᠨᠢ ᠭᠡᠭᠡᠭᠳᠡᠭᠰᠡᠨ ᠵᠶ᠋ᠠᠷ ᠪᠠᠷᠠᠬᠤ ᠦᠭᠡᠢ᠂ 《ᠠᠮᠤᠷᠬᠠᠨ ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ？》᠂ 《ᠠᠮᠤᠷ ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ？》 ᠭᠡᠳᠡᠭᠤᠨ ᠬᠠᠷᠢᠭᠤ ᠮᠠᠨᠳᠤᠴᠢᠯᠡᠭᠡ 《ᠰᠠᠶ᠋ᠢᠨ ᠪᠠᠶ᠋ᠢᠨᠠ》᠂ 《ᠠᠮᠤᠷ ᠪᠠᠶ᠋ᠢᠨᠠ》 ᠭᠡᠳᠡᠭᠨᠢ ᠴᠦ᠍ ᠤᠮᠳᠤᠭ᠋ᠠᠶ᠋ᠢᠯᠠᠭᠳᠠᠵᠤ᠂ ᠵᠦᠪᠬᠡᠨ ᠬᠠᠷᠢᠯᠴᠠᠨ ᠬᠠᠷᠢᠭᠤ ᠦᠭᠡᠢ ᠮᠡᠨᠳᠤᠴᠢᠯᠡᠳᠡᠭ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃
ᠠ᠋ᠭᠦᠨᠠᠴᠠ ᠭᠠᠳᠠᠨᠠ ᠠᠬᠠᠮᠠᠳ ᠲᠤᠮᠤᠭ᠋ᠠᠲᠠᠳ ᠪᠤᠶᠤ ᠬᠤᠨᠤᠭᠤᠨ ᠭᠡᠶ᠋ᠢᠴᠢᠨᠳᠤᠪᠠᠨ ᠦᠷᠯᠦᠭᠡᠨᠢ᠄ 《ᠲᠠ ᠲᠠᠪᠠᠲᠠᠢ ᠨᠤᠶ᠋ᠢᠷᠰᠤᠪᠠ ᠤᠤ？》᠂ 《ᠲᠠ ᠰᠠᠶ᠋ᠢᠬᠠᠨ ᠠᠮᠠᠷᠠᠪᠠ ᠤᠤ？》᠂ 《ᠲᠠ ᠲᠠᠪᠠᠲᠠᠢ ᠠᠮᠠᠷᠠᠭᠰᠠᠨ ᠤᠤ？》᠂ 《ᠲᠠ ᠰᠠᠶ᠋ᠢᠬᠠᠨ ᠵᠡᠭᠦᠳᠦ ᠮᠠᠨᠠᠪᠠ ᠤᠤ？》 ᠭᠡᠬᠦ ᠮᠡᠳᠦᠴᠢᠯᠡᠨ ᠮᠡᠨᠳᠦᠴᠢᠯᠡᠵᠦ᠂ ᠠ᠋ᠳᠦᠷᠨᠢ᠄ 《ᠲᠠᠨᠳᠤ ᠠ᠋ᠳᠦᠷᠤᠨ ᠠᠮᠤᠭᠤᠯᠠᠩᠢ ᠠᠶ᠋ᠢᠯᠠᠳᠬᠠᠶᠠ》᠂ 《ᠲᠠ ᠲᠠᠪᠠᠲᠠᠢ ᠰᠠᠭ᠋ᠠᠳᠠᠵᠤ ᠪᠠᠶ᠋ᠢᠨᠠ ᠤᠤ？》᠂ ᠤᠷᠤᠢᠨᠢ᠄ 《ᠲᠠ ᠲᠠᠪᠠᠲᠠᠢ ᠠᠮᠠᠷᠠᠭ᠋ᠠᠷᠠᠢ》᠂ 《ᠲᠠ ᠰᠠᠶ᠋ᠢᠬᠠᠨ ᠨᠤᠶ᠋ᠢᠷᠰᠤᠭ᠋ᠠᠷᠠᠢ》᠂ 《ᠲᠠ ᠰᠠᠶ᠋ᠢᠬᠠᠨ ᠵᠡᠭᠦᠳᠦ ᠮᠠᠨᠠᠭ᠋ᠠᠷᠠᠢ》᠂ 《ᠲᠠᠨᠤ ᠦᠳᠡᠰᠢ ᠵᠢᠨ ᠠᠮᠤᠭᠤᠯᠠᠩᠢ ᠠᠶ᠋ᠢᠯᠠᠳᠬᠠᠶᠠ》 ᠭᠡᠬᠦ ᠮᠡᠳᠦᠴᠢᠯᠡᠨ ᠬᠡᠯᠡᠳᠡᠭ᠃ ᠤᠳᠤ ᠮᠤᠩᠭᠤᠯᠴᠤᠳᠤᠨ ᠠ᠋ᠳᠦᠷᠤᠨ ᠭᠤᠷᠪᠠᠨ ᠮᠡᠨᠳᠤᠴᠢᠯᠡᠭᠡᠨᠢ ᠪᠠᠷᠤᠭ ᠮᠠᠷᠳᠠᠭᠳᠠᠭ᠍ᠤ ᠰᠢᠬᠠᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠭᠦᠨᠤ ᠦᠨᠳᠤᠰᠤᠨ ᠰᠢᠯᠳᠠᠭ᠋ᠠᠨᠨᠢ ᠬᠢᠲᠠᠳ ᠬᠡᠯᠡᠨᠤ ᠮᠡᠨᠳᠤᠴᠢᠯᠡᠭᠡᠨᠤ ᠶᠤᠰᠤᠨᠤ ᠵᠠᠨᠭ᠌ᠰᠢᠯᠳᠤ ᠨᠦᠯᠦᠭᠡᠯᠡᠭᠳᠡᠭᠰᠡᠨᠲᠠᠢ ᠬᠤᠯᠪᠤᠭᠠᠲᠠᠢ ᠪᠠᠶ᠋ᠢᠵᠤ ᠮᠡᠳᠡᠨᠡ᠃ ᠤᠴᠢᠷᠨᠢ ᠬᠢᠲᠠᠳ ᠬᠡᠯᠡᠨᠤ ᠮᠡᠨᠳᠤᠴᠢᠯᠡᠭᠡᠨᠤ ᠦᠭᠡ ᠦᠭᠦᠯᠡᠪᠦᠷᠢ ᠪᠤᠯ ᠠᠩᠬᠠᠷᠤᠭᠤᠯᠬᠤ ᠦᠭᠦᠯᠡᠪᠦᠷᠢ ᠪᠠᠶ᠋ᠢᠵᠦ᠂ ᠬᠠᠷᠢᠭᠤᠯᠬᠤ ᠵᠢ ᠱᠠᠭ᠋ᠠᠷᠲᠠᠳᠠᠭ ᠦᠭᠡᠢ ᠶᠤᠮ᠃ ᠵᠢᠱ᠌ᠢᠶᠡᠨᠢ᠄ 《你好！》 ᠭᠡᠬᠦᠨᠢ ᠠᠩᠬᠠᠷᠤᠭᠤᠯᠬᠤ ᠦᠭᠦᠯᠡᠪᠦᠷᠢ ᠪᠠᠶ᠋ᠢᠵᠦ ᠶᠠᠮᠠᠷᠴᠦ ᠠᠰᠠᠭᠤᠯᠳᠠ ᠪᠢᠰᠢ ᠪᠠᠶ᠋ᠢᠳᠠᠭ ᠲᠤᠯᠠ ᠬᠠᠷᠢᠭᠤᠯᠬᠤ ᠴᠢᠬᠤᠯᠠ ᠦᠭᠡᠢ᠃ ᠬᠠᠷᠢᠭᠤᠳᠤᠨᠢ ᠪᠠᠰᠠ ᠯᠠ 《你好！》 ᠭᠡᠳᠡᠭ᠃ ᠬᠠᠷᠢᠨ ᠮᠤᠩᠭᠤᠯ ᠬᠡᠯᠡᠨᠤ ᠮᠡᠨᠳᠤᠴᠢᠯᠡᠭᠡᠨ ᠪᠤᠯ 《ᠲᠠ ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ ᠠᠰᠠᠭᠤᠬᠤ ᠰᠤᠯᠠ ᠦᠭᠡᠪᠠᠷ ᠲᠡᠭᠦᠰᠴᠦ ᠪᠠᠶ᠋ᠢᠳᠠᠭ ᠲᠤᠯᠠ ᠬᠠᠷᠢᠭᠤ ᠱᠠᠭ᠋ᠠᠷᠲᠠᠭᠳᠠᠨᠠ᠃
ᠬᠤᠶᠠᠷ᠂ ᠤᠯᠠᠷᠢᠯᠤᠨ ᠮᠡᠨᠳᠦᠴᠢᠯᠡᠭᠡ
ᠤᠯᠠᠷᠢᠯᠤᠨ ᠮᠡᠨᠳᠤᠴᠢᠯᠡᠭᠡ ᠪᠤᠯ ᠮᠤᠩᠭᠤᠯᠴᠤᠳᠤᠨ ᠨᠡᠯᠢᠶᠡᠳ ᠦᠪᠡᠷᠮᠢᠴᠡ ᠤᠨᠴᠠᠯᠢᠭᠲᠠᠢ ᠮᠡᠨᠳᠤᠴᠢᠯᠡᠭᠡ ᠪᠤᠯᠬᠤ ᠶᠤᠮ᠃ ᠠ᠋ᠨᠡᠨᠢ ᠮᠤᠩᠭᠤᠯᠴᠤᠳᠤᠨ ᠤᠯᠠᠮᠵᠢᠯᠠᠯᠳᠦ ᠨᠡᠭᠦᠳᠡᠯ ᠮᠠᠯ ᠠᠵᠦ ᠠᠬᠤᠢ ᠵᠢᠨ ᠤᠨᠴᠠᠯᠢᠭᠲᠠᠢ ᠬᠤᠯᠪᠤᠭᠳᠠᠨᠠ᠃ ᠮᠤᠩᠭᠤᠯᠴᠤᠳᠤᠨ ᠤᠯᠠᠮᠵᠢᠯᠠᠯᠳᠦ ᠨᠡᠭᠦᠳᠡᠯ ᠠᠵᠦ ᠠᠬᠤᠢᠨᠢ ᠵᠦᠪᠬᠡᠨ ᠤᠰᠤᠨᠤ ᠲᠤᠩᠭ᠋ᠠᠯᠠᠭ᠂ ᠡᠪᠡᠰᠦᠨᠤ ᠰᠤᠷᠭᠤᠭᠢ ᠠ᠋ᠷᠢᠨ ᠳᠤᠷᠠᠪᠠᠷ ᠵᠶ᠋ᠠᠨ ᠨᠡᠭᠦᠳᠡᠯᠯᠡᠳᠡᠭ ᠪᠢᠰᠢ᠂ ᠲᠡᠭᠦᠨᠳᠤ ᠨᠡᠭᠦᠵᠦ ᠪᠠᠭᠤᠬᠤ ᠵᠢᠨ ᠤᠯᠠᠷᠢᠯᠤᠨ ᠴᠢᠨᠠᠷᠲᠠᠢ ᠵᠠᠩ ᠵᠢᠷᠤᠮᠵᠢᠯ ᠪᠠ ᠵᠢᠮᠡ ᠶᠤᠰᠤᠲᠠᠢ ᠪᠠᠶ᠋ᠢᠳᠠᠭ᠃ ᠤᠯᠠᠷᠢᠯᠢ ᠲᠠᠭ᠋ᠠᠵᠦ ᠨᠡᠭᠦᠳᠡᠯᠯᠡᠳᠡᠭᠠᠴᠠ ᠪᠤᠯᠵᠦ ᠤᠷᠤᠨ ᠰᠠᠭᠤᠴᠠᠨᠢ ᠴᠦᠮ ᠠᠳᠠᠯᠢ ᠪᠤᠰᠤ ᠪᠠᠶ᠋ᠢᠳᠠᠭ᠃ ᠵᠤᠨ ᠤᠰᠤᠨᠤ ᠤᠷᠤᠰᠬᠠᠯ ᠭᠤᠤ ᠰᠤᠪᠠᠭᠠᠴᠠ ᠵᠤᠬᠢᠬᠤ ᠵᠠᠶ᠋ᠢᠳᠠᠭᠤ᠂ ᠰᠡᠷᠢᠭᠦᠭᠡᠨ ᠰᠠᠯᠬᠢ ᠨᠡᠪᠳᠡᠷᠡᠬᠦ ᠵᠠᠳᠠᠭ᠋ᠠᠢ ᠭᠠᠵᠠᠷᠢ ᠠ᠋ᠷᠢᠵᠦ ᠶᠠᠪᠤᠳᠠᠭ ᠪᠠ ᠡᠪᠦᠯ ᠪᠤᠯᠪᠠᠯ ᠲᠤᠯᠠᠭ᠋ᠠᠬᠠᠨ᠂ ᠨᠦᠮᠦᠷᠢ ᠶᠡᠬᠡᠳᠡᠢ᠂ ᠡᠪᠡᠰᠤ ᠰᠠᠬᠤᠯᠢᠬ ᠠᠮᠠᠷᠬᠠᠨ ᠴᠠᠰᠤᠨᠳᠤ ᠳᠠᠷᠤᠭᠳᠠᠭ᠍ᠤ ᠦᠭᠡᠢ ᠦᠨᠳᠤᠷ ᠰᠢᠭ ᠭᠠᠵᠠᠷ ᠪᠠᠶ᠋ᠢᠬᠤ ᠵᠢ ᠱᠠᠭ᠋ᠠᠷᠳᠠᠳᠠᠭ᠃ ᠬᠠᠪᠤᠷᠨᠢ ᠨᠦᠭᠡᠴᠡ ᠡᠪᠡᠰᠦ ᠰᠠᠢ᠍ᠢ᠍ᠳᠠᠢ ᠪᠠ ᠲᠥᠯ ᠲᠤᠰᠬᠤᠳᠤ ᠲᠤᠬᠢᠷᠠᠭᠰᠠᠨ ᠭᠠᠵᠠᠷᠢ ᠰᠤᠩᠭᠤᠳᠠᠭ᠃ ᠨᠠᠮᠤᠷ ᠪᠤᠯᠪᠠᠯ ᠡᠪᠦᠯ ᠬᠠᠪᠤᠷᠤᠨ ᠨᠤᠳᠤᠭ ᠵᠶ᠋ᠠᠨ ᠰᠤᠩᠭᠤᠨ ᠲᠤᠭᠳᠠᠭ᠋ᠠᠭᠰᠠᠨᠤ ᠳᠠᠷᠠᠭᠠ ᠵᠤᠬᠢᠬᠤ ᠬᠡᠮᠵᠢᠶᠡᠨᠤ ᠡᠪᠡᠰᠦᠨᠤ ᠨᠦᠭᠡᠴᠡ ᠠᠪᠴᠦ ᠪᠤᠯᠬᠤ ᠭᠠᠵᠠᠷᠢ ᠰᠤᠩᠭᠤᠬᠤ ᠬᠡᠷᠡᠭᠳᠡᠢ ᠪᠠᠶ᠋ᠢᠳᠠᠭ᠃ ᠠ᠋ᠭᠦᠨᠳᠤ ᠡᠪᠦᠯ ᠪᠤᠯ ᠤᠷᠤᠨ ᠰᠠᠭᠤᠴᠠ ᠬᠤᠷᠢᠶᠠ ᠬᠠᠰᠢᠶᠠ ᠡᠪᠯᠢᠭ᠂ ᠲᠤᠬᠢᠯᠢᠬ ᠲᠤᠯᠠᠭ᠋ᠠᠬᠠᠨ ᠪᠠᠶ᠋ᠢᠬᠤ ᠬᠡᠷᠡᠭᠳᠡᠢ᠃ ᠵᠤᠨ ᠪᠤᠯ ᠲᠦᠭᠦᠮ ᠠᠪᠰᠠᠷ ᠨᠡᠭᠦᠵᠦ ᠪᠠᠭᠤᠬᠤᠳᠤ ᠠᠮᠠᠷᠬᠠᠨ᠂ ᠠᠴᠢᠶᠠ ᠬᠦᠰᠭᠡ ᠪᠠᠭᠠ᠂ ᠬᠦᠳᠡᠯᠵᠦ ᠶᠠᠪᠤᠬᠤᠳᠤ ᠠᠰᠢᠭᠳᠠᠢ ᠪᠠᠶ᠋ᠢᠪᠠᠯ ᠪᠣᠯᠴᠢᠬᠠᠳᠠᠭ᠃ ᠵᠣᠨᠤ ᠤᠯᠠᠷᠢᠯᠳᠤ ᠲᠡᠶ᠋ᠢᠮᠦ ᠤᠯᠠᠨ ᠦᠢ᠍ᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠤᠨ ᠬᠡᠷᠡᠭᠰᠡᠯ ᠬᠡᠷᠡᠭᠰᠡᠬᠦ ᠦᠭᠡᠢ᠂ ᠬᠠᠷᠢᠨ ᠰᠦ ᠰᠠᠭ᠋ᠠᠯᠢ ᠵᠢᠨ ᠰᠠᠪᠠ ᠰᠠᠭᠤᠯᠭᠠ ᠨᠡᠯᠢᠶᠡᠳ ᠪᠦᠷᠢᠨ ᠪᠠᠶ᠋ᠢᠬᠤ ᠬᠡᠷᠡᠭᠳᠡᠢ᠃ ᠠ᠋ᠳᠡᠭᠡᠷ ᠠᠳᠠᠯᠢ ᠪᠤᠰᠤ ᠤᠨᠴᠠᠯᠢᠭᠠᠴᠠ ᠪᠤᠯᠵᠦ ᠬᠦᠮᠤᠰᠤᠨ ᠤᠯᠠᠷᠢᠯ ᠪᠤᠯᠭ᠋ᠠᠨᠳᠤ ᠰᠠᠭᠤᠬᠤ ᠤᠷᠤᠨ ᠰᠠᠭᠤᠴᠠ᠂ ᠬᠢᠬᠦ ᠠᠵᠢᠯ ᠲᠦᠷᠦᠯᠨᠢ ᠴᠦ᠍ ᠢᠯᠭ᠋ᠠᠭᠠ ᠵᠦᠷᠢᠶᠡᠲᠠᠢ ᠪᠠᠶ᠋ᠢᠳᠠᠭ᠃ ᠢᠨᠭᠬᠢᠭᠡᠳ ᠬᠠᠪᠤᠷᠵᠢᠶᠠ᠂ ᠵᠤᠰᠠᠯᠠᠩ᠂ ᠨᠠᠮᠤᠷᠵᠢᠶᠠ᠂ ᠡᠪᠦᠯᠵᠢᠶᠡ ᠭᠡᠬᠦ ᠮᠡᠳᠤᠴᠢᠯᠡᠨ ᠲᠤᠰᠬᠠᠢ ᠤᠨᠤᠭ᠋ᠠᠭᠰᠠᠨ ᠨᠡᠷᠡ ᠦᠭᠡ ᠭᠠᠷᠴᠤ ᠢᠷᠡᠵᠡᠢ᠃
ᠲᠡᠭᠡᠷᠡ ᠲᠤᠷᠠᠳᠤᠭᠰᠠᠨ ᠤᠨᠴᠠᠯᠢᠭᠠᠴᠠ ᠪᠤᠯᠵᠦ᠂ ᠤᠯᠠᠷᠢᠯ ᠪᠤᠯᠭ᠋ᠠᠨᠤ ᠮᠡᠨᠳᠤᠴᠢᠯᠡᠭᠡᠨᠢ ᠠᠳᠠᠯᠢ ᠪᠤᠰᠤ ᠪᠤᠯᠳᠠᠭ᠃ ᠠ᠋ᠭᠦᠨᠳᠤ ᠬᠠᠪᠤᠷ ᠮᠠᠯᠴᠢᠳᠲᠠᠢ᠄ 《ᠲᠠᠨᠤᠬᠢ ᠲᠠᠪᠠᠲᠠᠢ ᠰᠠᠶ᠋ᠢᠬᠠᠨ ᠬᠠᠪᠤᠷᠵᠢᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠲᠠᠷᠭᠤᠨ ᠰᠠᠶ᠋ᠢᠬᠠᠨ ᠬᠠᠪᠤᠷᠵᠢᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠮᠠᠯ ᠲᠦᠯ ᠮᠡᠨᠳᠦ ᠪᠤᠶ᠋ᠢᠵᠢᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠬᠤᠷᠠ ᠪᠤᠷᠤᠭᠠ ᠠ᠋ᠯᠪᠡᠭᠰᠢᠵᠦ᠂ ᠨᠤᠭᠤᠭᠠ ᠰᠠᠶ᠋ᠢᠨ ᠤᠷᠭᠤᠵᠤ᠂ ᠰᠦᠷᠦᠭ ᠲᠠᠷᠭᠤᠯᠠᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠲᠠᠨᠤᠬᠢ ᠰᠠᠶ᠋ᠢᠬᠠᠨ ᠬᠠᠪᠤᠷᠵᠢᠵᠦ ᠪᠠᠶ᠋ᠢᠨᠠ ᠤᠤ？》 ᠭᠡᠳᠡᠭ᠃ ᠵᠤᠨ ᠪᠤᠯ᠄ 《ᠲᠠᠪᠠᠲᠠᠢ ᠰᠠᠶ᠋ᠢᠬᠠᠨ ᠵᠤᠰᠠᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠰᠠᠶ᠋ᠢᠬᠠᠨ ᠵᠤᠨ ᠪᠤᠯᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠲᠠᠪᠠᠲᠠᠢ ᠵᠤᠰᠠᠵᠤ ᠮᠠᠯ ᠶᠡᠭᠡ ᠲᠠᠷᠭᠤ ᠠᠪᠴᠤ ᠪᠠᠶ᠋ᠢᠨᠠ ᠤᠤ？》᠂ 《ᠭᠠᠵᠠᠷᠤᠨ ᠭᠠᠷᠴᠠ᠂ ᠮᠠᠯᠤᠨ ᠲᠠᠷᠭᠤ ᠬᠦᠴᠦ ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ？》᠂ 《ᠬᠤᠷᠠ ᠪᠤᠷᠤᠭᠠ ᠠ᠋ᠯᠪᠡᠭᠰᠢᠵᠦ ᠪᠠᠶ᠋ᠢᠨᠠ ᠤᠤ？》 ᠭᠡᠵᠦ ᠮᠡᠨᠳᠦᠴᠢᠯᠡᠳᠡᠭ᠃ ᠨᠠᠮᠤᠷ ᠪᠤᠯ 《ᠲᠠᠪᠠᠲᠠᠢ ᠰᠠᠶ᠋ᠢᠬᠠᠨ ᠨᠠᠮᠤᠷᠵᠢᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠮᠠᠯᠤᠨ ᠲᠠᠷᠭᠤ ᠬᠦᠴᠦ ᠨᠠᠮᠡᠭᠳᠡᠵᠦ ᠪᠠᠶ᠋ᠢᠨᠠ ᠤᠤ？》᠂ 《ᠡᠪᠡᠰᠦ ᠬᠠᠳᠤᠯᠠᠩ ᠰᠢᠮᠡᠳᠦ ᠲᠡᠵᠢᠭᠡᠯ ᠶᠡᠭᠡ ᠪᠡᠯᠡᠳᠭᠡᠪᠡ ᠤᠤ？》 ᠭᠡᠵᠦ ᠮᠡᠨᠳᠦᠴᠢᠯᠡᠳᠡᠭ᠃ ᠡᠪᠦᠯ ᠪᠤᠯ 《ᠲᠠᠷᠭᠤᠨ ᠰᠠᠶ᠋ᠢᠬᠠᠨ ᠡᠪᠦᠯᠵᠢᠵᠦ ᠪᠠᠶ᠋ᠢᠨᠠ ᠤᠤ？》᠂ 《ᠦᠩᠲᠠᠢ ᠰᠠᠶ᠋ᠢᠬᠠᠨ ᠡᠪᠦᠯᠵᠢᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠡᠪᠦᠯᠵᠢᠶᠡ ᠪᠠᠭᠤᠴᠠ ᠲᠠᠪᠠᠲᠠᠢ᠂ ᠡᠪᠡᠰᠦ ᠲᠤᠭᠤᠰᠤ ᠠ᠋ᠯᠪᠡᠭ᠂ ᠲᠠᠷᠭᠤᠨ ᠰᠠᠶ᠋ᠢᠬᠠᠨ ᠡᠪᠦᠯᠵᠢᠵᠦ ᠪᠠᠶ᠋ᠢᠨᠠ ᠤᠤ？》 ᠭᠡᠵᠦ ᠮᠡᠨᠳᠦᠴᠢᠯᠡᠳᠡᠭ᠃ ᠵᠢᠱ᠌ᠢᠶᠡ᠄
— ᠲᠠ ᠰᠠᠶ᠋ᠢᠬᠠᠨ ᠵᠤᠰᠠᠵᠦ ᠪᠠᠶ᠋ᠢᠨᠠ ᠤᠤ？ （ᠮᠡᠨᠳᠦᠴᠢᠯᠡᠭᠡ）
— ᠰᠠᠶ᠋ᠢᠬᠠᠨ ᠵᠤᠰᠠᠵᠦ ᠪᠠᠶ᠋ᠢᠨᠠ᠃ ᠲᠠᠨᠤᠬᠢᠨ ᠰᠠᠶ᠋ᠢᠬᠠᠨ ᠵᠤᠰᠠᠵᠤ ᠪᠠᠶ᠋ᠢᠨᠠ ᠤᠤ？ （ᠬᠠᠷᠢᠭᠤ ᠮᠡᠨᠳᠦᠴᠢᠯᠡᠭᠡ）
— ᠲᠠ ᠰᠠᠶ᠋ᠢᠬᠠᠨ ᠨᠠᠮᠤᠷᠵᠢᠵᠦ ᠪᠠᠶ᠋ᠢᠨᠠ ᠤᠤ？ （ᠮᠡᠨᠳᠦᠴᠢᠯᠡᠭᠡ）
— ᠰᠠᠶ᠋ᠢᠬᠠᠨ ᠨᠠᠮᠤᠷᠵᠢᠵᠦ ᠪᠠᠶ᠋ᠢᠨᠠ᠃ ᠲᠠᠨᠤᠬᠢᠨ ᠰᠠᠶ᠋ᠢᠬᠠᠨ ᠨᠠᠮᠤᠷᠵᠢᠵᠦ ᠪᠠᠶ᠋ᠢᠨᠠ ᠤᠤ？ （ᠬᠠᠷᠢᠭᠤ ᠮᠡᠨᠳᠦᠴᠢᠯᠡᠭᠡ）
— ᠲᠠ ᠰᠠᠶ᠋ᠢᠬᠠᠨ ᠡᠪᠦᠯᠵᠢᠵᠦ ᠪᠠᠶ᠋ᠢᠨᠠ ᠤᠤ？ （ᠮᠡᠨᠳᠦᠴᠢᠯᠡᠭᠡ）
— ᠰᠠᠶ᠋ᠢᠬᠠᠨ ᠡᠪᠦᠯᠵᠢᠵᠦ ᠪᠠᠶ᠋ᠢᠨᠠ᠃ ᠲᠠᠨᠤᠬᠢᠨ ᠰᠠᠶ᠋ᠢᠬᠠᠨ ᠡᠪᠦᠯᠵᠢᠵᠦ ᠪᠠᠶ᠋ᠢᠨᠠ ᠤᠤ？ （ᠬᠠᠷᠢᠭᠤ ᠮᠡᠨᠳᠦᠴᠢᠯᠡᠭᠡ）
— ᠲᠠ ᠰᠠᠶ᠋ᠢᠬᠠᠨ ᠬᠠᠪᠤᠷᠵᠢᠵᠦ ᠪᠠᠶ᠋ᠢᠨᠠ ᠤᠤ？ （ᠮᠡᠨᠳᠦᠴᠢᠯᠡᠭᠡ）
— ᠰᠠᠶ᠋ᠢᠬᠠᠨ ᠬᠠᠪᠤᠷᠵᠢᠵᠦ ᠪᠠᠶ᠋ᠢᠨᠠ᠃ ᠲᠠᠨᠤᠬᠢᠨ ᠰᠠᠶ᠋ᠢᠬᠠᠨ ᠬᠠᠪᠤᠷᠵᠢᠵᠦ ᠪᠠᠶ᠋ᠢᠨᠠ ᠤᠤ？ （ᠬᠠᠷᠢᠭᠤ ᠮᠡᠨᠳᠦᠴᠢᠯᠡᠭᠡ） ᠭᠡᠬᠦᠪᠠᠷ ᠮᠡᠨᠳᠤᠴᠢᠯᠡᠭᠡ ᠪᠠ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡᠨᠢ ᠨᠡᠶ᠋ᠢᠳᠡᠮ ᠬᠡᠷᠡᠭᠯᠡᠭᠳᠡᠳᠡᠭ ᠪᠠᠶ᠋ᠢᠪᠠ᠃ ᠤᠳᠤ ᠬᠤᠳᠠᠴᠢᠯᠠᠯᠳᠠ ᠵᠢ ᠲᠠᠭ᠋ᠠᠯᠳᠤᠨ ᠬᠤᠲᠠ ᠵᠢᠨ ᠬᠦᠮᠤᠨ ᠠᠮᠠ ᠵᠢᠨ ᠡᠵᠡᠯᠡᠬᠦ ᠬᠠᠷᠢᠴᠠᠯ ᠠ᠋ᠳᠦᠷ ᠢᠷᠡᠭᠦᠶᠡ ᠨᠡᠮᠡᠭᠳᠡᠵᠦ ᠪᠠᠶ᠋ᠢᠨᠠ᠃ ᠬᠤᠳᠠ ᠵᠢᠨ ᠬᠦᠮᠤᠰᠤᠨ ᠠᠵᠢᠯ ᠠᠮᠢᠳᠤᠷᠠᠯᠨᠢ ᠵᠢᠯᠤᠨ ᠲᠦᠷᠪᠡᠨ ᠤᠯᠠᠷᠢᠯᠳᠤ ᠬᠤᠪᠢᠷᠠᠯᠳᠠ ᠭᠠᠷᠬᠤ ᠦᠭᠡᠢ᠂ ᠤᠯᠠᠷᠢᠯ ᠲᠠᠭ᠋ᠠᠵᠦ ᠰᠢᠯᠵᠢᠵᠦ ᠨᠡᠭᠦᠳᠡᠭ ᠦᠭᠡᠢ ᠪᠤᠯᠬᠤᠷ ᠤᠯᠠᠷᠢᠯᠤᠨ ᠮᠡᠨᠳᠦᠴᠢᠯᠡᠭᠡ ᠬᠡᠷᠡᠭᠯᠡᠬᠦ ᠨᠦᠬᠦᠴᠡᠯ ᠪᠤᠯᠤᠮᠵᠢ ᠠᠯᠳᠠᠭᠳᠠᠵᠤ᠂ ᠠ᠋ᠭᠦᠨᠢ ᠲᠠᠭ᠋ᠠᠯᠳᠤᠨ ᠤᠯᠠᠷᠢᠯᠤᠨ ᠮᠡᠨᠳᠤᠴᠢᠯᠡᠭᠡᠨᠤ ᠦᠭᠡ ᠬᠡᠯᠡᠯᠭᠡᠨᠢ ᠴᠦ᠍ ᠬᠡᠷᠡᠭᠯᠡᠭᠳᠡᠬᠦ ᠤᠷᠴᠢᠨ ᠠᠬᠤᠢᠪᠠᠨ ᠠᠯᠳᠠᠭᠰᠠᠨᠠᠴᠠ ᠠ᠋ᠭᠦᠨᠳᠤ ᠬᠤᠯᠪᠤᠭᠳᠠᠭᠰᠠᠨ ᠨᠢᠭᠡ ᠪᠦᠯᠦᠭ ᠲᠤᠰᠬᠠᠢ ᠬᠡᠷᠡᠭᠯᠡᠭᠡᠨᠤ ᠬᠡᠯᠡ ᠬᠡᠯᠡᠯᠭᠡ ᠪᠦᠷᠢᠮᠦᠰᠦᠨ ᠬᠠᠶᠠᠭᠳᠠᠵᠠᠢ᠃ ᠦᠭᠡᠷᠡᠪᠠᠷ ᠬᠡᠯᠡᠪᠡᠯ᠂ ᠬᠤᠳᠠᠴᠢᠯᠠᠯᠳᠠᠠᠴᠠ ᠪᠤᠯᠵᠦ ᠤᠯᠠᠷᠢᠯᠤᠨ ᠮᠡᠨᠳᠤᠴᠢᠯᠡᠭᠡᠨᠢ ᠬᠡᠷᠡᠭᠯᠡᠭᠳᠡᠬᠦ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠪᠠ ᠨᠡᠶ᠋ᠢᠭᠡᠮᠤᠨ ᠤᠷᠴᠢᠨ ᠵᠶ᠋ᠠᠨ ᠠᠯᠳᠠᠭᠰᠠᠨ ᠪᠠᠶ᠋ᠢᠨᠠ᠃
ᠠ᠋ᠭᠦᠨᠠᠴᠠ ᠭᠠᠳᠠᠨᠠ ᠬᠦᠳᠡᠭᠡ ᠲᠤᠰᠬᠤᠨ ᠮᠠᠯᠵᠢᠬᠤ ᠤᠷᠤᠨᠤ ᠬᠦᠮᠤᠰᠨᠢ ᠴᠦ᠍ ᠭᠠᠵᠠᠷ ᠨᠤᠳᠤᠭᠤᠨ ᠬᠤᠪᠢᠶᠠᠷᠢᠯᠠᠯᠳᠠᠠᠴᠠ ᠪᠤᠯᠵᠦ ᠦᠪᠡᠷ ᠦᠪᠡᠷᠤᠨ ᠲᠠᠭ᠋ᠠᠭ᠋ᠠᠴᠢᠯᠠᠭᠰᠠᠨ ᠭᠠᠵᠠᠷ ᠨᠤᠳᠤᠭᠢ ᠲᠤᠤᠷᠯᠠᠨ ᠬᠤᠪᠢᠶᠠᠵᠦ ᠨᠡᠭᠦᠵᠦ ᠪᠠᠭᠤᠬᠤ ᠪᠤᠯᠤᠮᠵᠢ ᠪᠠᠭ᠋ᠠᠰᠤᠭᠰᠠᠨᠠᠴᠠ ᠪᠠᠰᠠ ᠯᠠ ᠤᠯᠠᠷᠢᠯᠤᠨ ᠮᠡᠨᠳᠤᠴᠢᠯᠡᠭᠡ ᠵᠢᠨ ᠬᠡᠷᠡᠭᠯᠡᠵᠦ ᠪᠤᠯᠬᠤ ᠬᠡᠪᠴᠢᠶᠡ ᠵᠢ ᠶᠡᠬᠡᠪᠡᠷ ᠢᠪᠴᠤᠷᠠᠭᠤᠯᠵᠠᠢ᠃ ᠶᠡᠬᠡᠩᠬᠢ ᠭᠠᠵᠠᠷ 《ᠬᠠᠪᠤᠷᠵᠢᠶᠠ᠂ ᠵᠤᠰᠠᠯᠠᠩ᠂ ᠨᠠᠮᠤᠷᠵᠢᠶᠠ᠂ ᠡᠪᠦᠯᠵᠢᠶᠡ》ᠨᠢ ᠪᠤᠳᠠᠳᠠᠢ ᠤᠷᠤᠰᠢᠬᠤ ᠦᠭᠡᠢ ᠵᠦᠪᠬᠡᠨ ᠬᠡᠶ᠋ᠢᠰᠪᠦᠷᠢ ᠨᠡᠷᠡ ᠵᠢᠨ ᠲᠡᠳᠤᠢ ᠪᠤᠯᠵᠠᠢ᠃ ᠤᠳᠤ ᠴᠦᠭᠡᠪᠦᠷᠢ ᠲᠣᠭ᠋ᠠᠨᠤ ᠨᠠᠰᠤᠳᠠᠳ ᠲᠤᠮᠤᠭ᠋ᠠᠳᠠᠳ ᠯᠡ ᠤᠯᠠᠮᠵᠢᠯᠠᠯᠳᠦ ᠶᠤᠰᠤ ᠵᠠᠩ ᠲᠠᠳᠬᠠᠯᠢ ᠲᠡᠭᠡᠳᠦᠯᠡᠬᠦ ᠵᠢᠨ ᠠ᠋ᠭᠦᠳᠡᠨᠠᠴᠠ ᠤᠯᠠᠷᠢᠯᠤᠨ ᠮᠡᠨᠳᠤᠴᠢᠯᠡᠭᠡ ᠵᠢ ᠬᠡᠷᠡᠭᠯᠡᠵᠦ ᠪᠠᠶ᠋ᠢᠭᠠ ᠪᠤᠯᠪᠠᠴᠦ ᠲᠡᠷᠡᠨᠢ ᠶᠤᠰᠤᠨᠤ ᠲᠡᠳᠦᠢ ᠪᠠᠷᠢᠮᠳᠠᠯᠠᠵᠦ ᠪᠠᠶ᠋ᠢᠭᠠ ᠵᠦᠢ᠍ᠯ ᠪᠠᠶ᠋ᠢᠵᠦ᠂ ᠪᠠᠶ᠋ᠢᠪᠠᠰᠦ ᠵᠤᠬᠢᠬᠤ ᠠᠵᠦ ᠠᠬᠤᠢ ᠪᠠ ᠨᠡᠶ᠋ᠢᠭᠡᠮᠤᠨ ᠠᠮᠢᠳᠤᠷᠠᠯᠤᠨ ᠪᠤᠳᠠᠳᠤ ᠰᠠᠭᠤᠷᠢ ᠦᠭᠡᠢ ᠪᠤᠯᠤᠭᠰᠠᠨ ᠶᠤᠮ᠃ ᠤᠯᠠᠷᠢᠯᠤᠨ ᠮᠡᠨᠳᠤᠴᠢᠯᠡᠭᠡ ᠬᠡᠷᠡᠭᠯᠡᠭᠳᠡᠬᠦ ᠪᠤᠯᠤᠮᠵᠢ ᠦᠭᠡᠢ ᠪᠤᠯᠤᠭᠰᠠᠨ ᠤᠴᠢᠷᠠᠴᠠ ᠲᠡᠭᠦᠨᠤ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡ ᠴᠦ᠍ ᠲᠠᠭ᠋ᠠᠯᠳᠤᠨ ᠬᠡᠷᠡᠭᠯᠡᠭᠡᠨᠠᠴᠠ ᠭᠠᠷᠴᠦ ᠠ᠋ᠳᠦᠷᠤᠨ ᠤᠳᠤ ᠡᠪᠦᠯᠤᠨ ᠴᠡᠴᠡᠭ ᠰᠢᠭ ᠬᠠᠶᠠ ᠨᠢᠭᠡ ᠰᠤᠨᠤᠰᠳᠠᠭ᠍ᠤ ᠵᠦᠢ᠍ᠯ ᠪᠤᠯᠵᠠᠢ᠃
ᠭᠤᠷᠪᠠ᠂ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠦᠴᠢᠯᠡᠭᠡ
ᠮᠣᠩᠭᠤᠯᠴᠤᠳ ᠠ᠋ᠳᠦᠷ ᠲᠤᠳᠤᠮᠤᠨ ᠮᠡᠨᠳᠤᠴᠢᠯᠡᠭᠡᠨᠤ ᠲᠠᠷᠠᠭᠠ ᠤᠯᠠᠷᠢᠯᠤᠨ ᠮᠡᠨᠳᠤᠴᠢᠯᠡᠭᠡ ᠳᠡᠪᠰᠢᠭᠦᠯᠵᠦ᠂ ᠲᠡᠭᠦᠨᠤ ᠲᠠᠷᠠᠭᠠᠨᠢ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡ ᠲᠡᠪᠰᠢᠭᠦᠯᠳᠡᠭ ᠪᠠᠶ᠋ᠢᠵᠠᠢ᠃ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡ ᠭᠡᠳᠡᠭᠨᠢ ᠬᠦᠮᠤᠰᠤᠨ ᠠ᠋ᠷᠬᠢᠯᠡᠵᠦ ᠪᠠᠶ᠋ᠢᠭᠠ ᠲᠤᠰᠬᠠᠢ ᠠᠵᠢᠯ ᠲᠦᠷᠦᠯᠳᠤ ᠵᠤᠷᠢᠭᠤᠯᠤᠭᠳᠠᠵᠦ᠂ ᠨᠡᠯᠢᠶᠡᠳ ᠲᠤᠭᠳᠠᠪᠦᠷᠢᠵᠢᠭ᠍ᠰᠠᠨ ᠬᠡᠯᠡ ᠬᠡᠯᠡᠯᠭᠡᠲᠠᠢ ᠪᠠᠶ᠋ᠢᠵᠠᠢ᠃ ᠨᠡᠶ᠋ᠢᠭᠡᠮᠤᠨ ᠬᠤᠪᠢᠷᠠᠯᠲᠠ ᠵᠢ ᠲᠠᠭ᠋ᠠᠯᠳᠤᠨ ᠠᠵᠢᠯ ᠲᠦᠷᠦᠯᠤᠨ ᠬᠤᠪᠢᠶᠠᠷᠢᠯᠠᠯ ᠤᠯᠠᠮᠠᠴᠠ ᠤᠯᠠᠮ ᠨᠠᠷᠢᠰᠴᠦ ᠪᠠᠢ᠍ᠢ᠍ᠬᠤᠳᠤ ᠮᠤᠩᠭᠤᠯᠴᠤᠳᠤᠨ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡᠨᠢ ᠬᠠᠷᠢᠨ ᠮᠠᠷᠲᠠᠭᠳᠠᠵᠤ ᠬᠠᠶᠠᠭᠳᠠᠭ᠍ᠤ ᠪᠤᠶᠤ ᠪᠤᠷᠤᠭᠤ ᠬᠡᠷᠡᠭᠯᠡᠭᠳᠡᠬᠦ ᠪᠤᠯᠵᠠᠢ᠃
（1） ᠠᠳᠤᠭᠤᠴᠢᠨᠲᠠᠢ ᠮᠡᠨᠳᠤᠴᠢᠯᠡᠬᠦ
ᠠᠳᠤᠭᠤᠴᠢᠨ ᠭᠡᠬᠦ ᠠᠵᠢᠯ ᠲᠦᠷᠦᠯ ᠪᠤᠯ ᠮᠤᠩᠭᠤᠯᠴᠤᠳᠤᠨ ᠤᠯᠠᠮᠵᠢᠯᠠᠯᠳᠦ ᠠᠵᠢᠯ ᠲᠦᠷᠦᠯᠤᠨ ᠲᠤᠳᠤᠷᠠᠬᠢ ᠴᠢᠬᠤᠯᠠ ᠨᠢᠭᠡᠨ ᠵᠦᠢ᠍ᠯᠤᠨ ᠠᠵᠢᠯ ᠲᠦᠷᠦᠯ ᠮᠦᠨ᠃ ᠠᠳᠤᠭᠤᠴᠢᠨᠲᠠᠢ ᠠᠭᠤᠯᠵᠠᠭ᠍ᠤᠳᠤ᠄ 《ᠠᠳᠤᠭᠤ ᠮᠠᠯ ᠪᠦᠷᠢᠨ ᠤᠤ？》 ᠭᠡᠬᠦ ᠪᠤᠶᠤ ᠠᠳᠤᠭᠤᠨᠤ ᠮᠠᠨᠠᠭ᠋ᠠᠨᠠᠴᠠ ᠪᠤᠴᠠᠵᠦ ᠶᠠᠪᠤᠭᠠ ᠪᠠᠶ᠋ᠢᠳᠠᠯᠳᠤ ᠪᠤᠯ 《ᠰᠦᠷᠦᠭ ᠮᠡᠨᠳᠦ ᠰᠠᠶ᠋ᠢᠨ ᠬᠤᠨᠤᠪᠠ ᠤᠤ？》 ᠭᠡᠬᠦ ᠵᠡᠷᠭᠡᠪᠠᠷ ᠠᠰᠠᠭᠤᠨ ᠮᠠᠨᠳᠤᠴᠢᠯᠡᠳᠡᠭ᠃ ᠠ᠋ᠨᠡᠨᠢ ᠲᠤᠬᠠᠢ ᠵᠢᠨ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠤᠷᠴᠢᠨ᠂ ᠨᠡᠶ᠋ᠢᠭᠡᠮᠤᠨ ᠠᠮᠢᠳᠤᠷᠠᠯᠤᠨ ᠪᠤᠳᠠᠳᠦ ᠤᠷᠴᠢᠨ ᠵᠡᠷᠭᠡᠠᠴᠠ ᠪᠤᠢ ᠪᠤᠯᠤᠭᠰᠠᠨ ᠰᠠᠶ᠋ᠢᠬᠠᠨ ᠶᠤᠰᠤ ᠵᠠᠩᠰᠢᠯ ᠶᠤᠮ᠃
ᠶᠡᠷᠦᠨᠢ ᠠᠳᠤᠭᠤ ᠪᠤᠯ ᠬᠦᠯ ᠬᠤᠷᠳᠤᠨᠲᠠᠢ᠂ ᠡᠪᠡᠰᠦ ᠤᠰᠤᠨᠤ ᠰᠤᠷᠭᠤᠬᠢ ᠠ᠋ᠷᠢᠵᠦ ᠪᠡᠯᠴᠢᠭᠡᠷᠯᠡᠳᠡᠭ᠃ ᠠᠳᠤᠭᠤᠪᠠᠨ ᠠᠯᠳᠠᠯ ᠦᠭᠡᠢ ᠪᠠᠯᠴᠢᠭᠡᠷᠯᠡᠭᠦᠯᠭᠦᠨᠢ ᠠᠳᠤᠭᠤᠴᠢᠨ ᠭᠦᠮᠦᠨᠤ ᠬᠠᠷᠢᠭᠤᠴᠠᠯᠭᠠ ᠭᠡᠳᠡᠭ ᠴᠦ᠍ ᠠᠳᠤᠭᠤ ᠠᠯᠳᠠᠬᠤ ᠦᠵᠡᠭᠳᠡᠯ ᠪᠠᠢ᠍ᠢ᠍ᠨᠭ᠌ᠭᠤ ᠪᠠᠢ᠍ᠢ᠍ᠳᠠᠬ ᠤᠴᠢᠷᠠᠴᠠ 《ᠠᠳᠤᠭᠤ ᠮᠠᠯ ᠪᠦᠷᠢᠨ ᠤᠤ？》 ᠭᠡᠬᠦ ᠬᠡᠯᠡ ᠬᠡᠯᠡᠯᠭᠡ ᠪᠤᠢ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠪᠠᠰᠠ ᠴᠢᠨ᠋ᠸᠠ ᠬᠠᠶᠠ ᠨᠢᠭᠡ ᠬᠤᠶᠠᠷ ᠤᠨᠠᠭᠠ ᠲᠠᠭᠠ ᠲᠠᠳᠠᠴᠢᠬᠠᠳᠠᠭᠠᠴᠠ 《ᠰᠦᠷᠦᠭ ᠮᠡᠨᠳᠤ ᠬᠤᠨᠤᠪᠠ ᠤᠤ？》 ᠭᠡᠬᠦ ᠮᠡᠳᠤ ᠮᠡᠨᠳᠤᠴᠢᠯᠡᠭᠡ ᠪᠤᠢ ᠪᠤᠯᠪᠠ᠃
ᠠ᠋ᠳᠡᠭᠡᠷ ᠮᠡᠨᠳᠦᠴᠢᠯᠡᠭᠡᠨᠤ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡᠨᠢ 《ᠠᠳᠤᠭᠤ ᠮᠠᠯ ᠪᠦᠷᠢᠨ ᠰᠠᠶ᠋ᠢᠨ ᠪᠠᠶ᠋ᠢᠨᠠ》᠂ 《ᠲᠠᠶ᠋ᠢᠪᠦᠩ ᠰᠠᠶ᠋ᠢᠬᠠᠨ ᠪᠠᠶ᠋ᠢᠨᠠ》 ᠭᠡᠬᠦ ᠪᠤᠶᠤ ᠦᠨᠳᠤᠷ ᠨᠠᠰᠤᠳᠠᠢ ᠬᠦᠮᠤᠨᠤ ᠬᠠᠷᠢᠭᠤᠳᠤ ᠪᠤᠯ 《ᠲᠠᠨᠤ ᠪᠤᠶᠠᠨ ᠵᠶ᠋ᠠᠷ ᠠᠳᠤᠭᠤ ᠮᠠᠯ ᠪᠦᠷᠢᠨ ᠰᠠᠶ᠋ᠢᠬᠠᠨ ᠪᠠᠶ᠋ᠢᠨᠠ》 ᠭᠡᠬᠦ ᠮᠡᠳᠤᠪᠠᠷ ᠠ᠋ᠳᠦᠷ ᠲᠤᠳᠤᠮᠤᠨ ᠠᠮᠢᠳᠤᠷᠠᠯ ᠲᠤᠮᠳᠠ ᠠᠬᠠᠮᠠᠳ ᠲᠤᠮᠤᠭ᠋ᠠᠲᠠᠳᠤᠨ ᠲᠤᠷᠰᠢᠯᠭᠠ ᠰᠠᠨᠠᠭᠤᠯᠭᠠᠪᠠᠷ ᠮᠠᠯ ᠠᠵᠦ ᠠᠬᠤᠢ ᠵᠢᠨ ᠠᠵᠢᠯᠳᠤ ᠮᠡᠷᠭᠡᠰᠢᠵᠦ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠠᠮᠢᠳᠤᠷᠠᠵᠦ ᠪᠠᠶ᠋ᠢᠭᠠᠳᠤᠪᠠᠨ ᠲᠠᠯᠠᠷᠬᠠᠵᠤ ᠶᠠᠪᠤᠳᠠᠭ ᠭᠡᠳᠡᠭ ᠲᠠᠯᠠᠷᠬᠠᠯᠤᠨ ᠰᠠᠨᠠᠭᠠ ᠵᠢ ᠲᠤᠳᠤᠳᠬᠠᠨ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡ ᠲᠡᠪᠰᠢᠭᠦᠯᠳᠡᠭ ᠪᠠᠶ᠋ᠢᠨᠠ᠃ ᠤᠳᠤ ᠠ᠋ᠳᠡᠭᠡᠷ ᠮᠡᠨᠳᠤᠴᠢᠯᠡᠭᠡ ᠪᠠᠷᠤᠭ ᠯᠠ ᠬᠡᠷᠡᠭᠯᠡᠭᠳᠡᠬᠦ ᠦᠭᠡᠢ ᠪᠤᠯᠤᠭᠰᠠᠨᠠᠴᠠ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡᠨᠢ ᠪᠠᠰᠠ ᠲᠠᠭ᠋ᠠᠯᠳᠤᠭ᠋ᠠᠳ ᠬᠡᠷᠡᠭᠯᠡᠭᠳᠡᠬᠦ ᠦᠭᠡᠢ ᠪᠤᠯᠵᠦ ᠪᠠᠶ᠋ᠢᠨᠠ᠃
（2） ᠬᠤᠨᠢᠴᠢᠨᠲᠠᠢ ᠮᠡᠨᠳᠤᠴᠢᠯᠡᠬᠦ
ᠬᠤᠨᠢᠴᠢᠨᠲᠠᠢ ᠠᠭᠤᠯᠵᠠᠪᠠᠯ᠄ 《ᠬᠤᠨᠢᠨ ᠰᠦᠷᠦᠭ ᠲᠠᠪᠠᠳᠠᠢ ᠢᠳᠡᠰᠢᠯᠡᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠰᠦᠷᠦᠭ ᠪᠦᠷᠢᠨ ᠮᠡᠨᠳᠦ᠂ ᠬᠦᠴᠦ ᠲᠠᠷᠭᠤ ᠰᠠᠶ᠋ᠢᠲᠠᠢ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ ᠮᠡᠡᠳᠤᠴᠢᠯᠡᠨ ᠠᠰᠠᠭᠤᠳᠠᠬ᠃ ᠠ᠋ᠨᠡᠨᠢ ᠮᠦᠨ ᠠᠳᠤᠭᠤᠴᠢᠨᠲᠠᠢ ᠮᠡᠨᠳᠤᠴᠢᠯᠡᠬᠦᠲᠠᠢ ᠦᠨᠳᠤᠰᠤᠨᠳᠤᠪᠠᠨ ᠠᠳᠠᠯᠢᠬᠠᠨ ᠶᠤᠰᠤ ᠪᠢᠯᠡ᠃ ᠬᠤᠨᠢ ᠬᠠᠷᠢᠭᠤᠯᠬᠤᠳᠤ ᠴᠦ᠍ ᠪᠡᠯᠴᠢᠭᠡᠷ ᠰᠤᠩᠭᠤᠵᠤ ᠬᠠᠷᠢᠭᠤᠯᠬᠤ ᠪᠤᠯᠤᠮᠵᠢ ᠪᠠᠭ᠋ᠠᠰᠤᠭᠰᠠᠨᠠᠴᠠ ᠲᠤᠭᠳᠠᠭᠰᠠᠨ ᠬᠦᠷᠢᠶᠡ ᠬᠠᠰᠢᠶᠠᠨᠳᠤ ᠬᠤᠷᠢᠲᠠᠭ ᠪᠤᠯᠬᠤᠷ ᠲᠠᠪᠠᠳᠠᠢ ᠴᠤ᠌᠂ ᠲᠠᠪᠠ ᠦᠭᠡᠢ ᠴᠤ᠌ ᠬᠤᠷᠢᠭᠳᠠᠵᠤ ᠪᠠᠶ᠋ᠢᠬᠤᠠᠴᠠ ᠦᠭᠡᠷᠡ ᠪᠤᠯᠤᠮᠵᠢ ᠦᠭᠡᠢ᠃ ᠠ᠋ᠶ᠋ᠢᠮᠦᠠᠴᠠ ᠠ᠋ᠳᠡᠭᠡᠷ ᠮᠡᠨᠳᠤᠴᠢᠯᠡᠬᠦ ᠬᠡᠯᠪᠡᠷᠢ ᠵᠢᠨ ᠬᠡᠷᠡᠭᠯᠡᠭᠳᠡᠬᠦ ᠤᠷᠴᠢᠨ ᠢᠪᠴᠤᠤᠷᠠᠵᠤ ᠮᠠᠷᠲᠠᠭᠳᠠᠵᠤ ᠬᠠᠶᠠᠭᠳᠠᠵᠤ ᠠ᠋ᠬᠢᠯᠡᠪᠡ᠃ ᠴᠢᠨ᠋ᠸᠠ᠂ ᠦᠨᠡᠭᠡ᠂ ᠮᠢᠬᠠᠴᠢᠨ ᠰᠢᠪᠠᠭᠤ ᠢᠷᠡᠵᠤ ᠬᠤᠷᠠᠭᠠ ᠲᠦᠯᠦᠭᠡ ᠪᠠᠷᠢᠬᠤ ᠤᠴᠢᠷ ᠪᠠᠰᠠ ᠬᠤᠪᠤᠷ ᠪᠤᠯᠵᠠᠢ᠃ ᠢᠩᠬᠢᠭᠡᠳ 《ᠬᠤᠨᠢᠨ ᠰᠦᠷᠦᠭ ᠲᠠᠪᠠᠳᠠᠢ ᠢᠳᠡᠰᠢᠯᠡᠵᠦ ᠪᠠᠶ᠋ᠢᠨᠠ ᠤᠤ？》᠂ 《ᠰᠦᠷᠦᠭ ᠪᠦᠷᠢᠨ ᠮᠡᠨᠳᠦ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ ᠵᠡᠷᠭᠡ ᠬᠡᠯᠡᠯᠭᠡ ᠴᠤ᠌ ᠬᠠᠶᠠᠭᠳᠠᠵᠠᠢ᠃ ᠬᠠᠷᠢᠨ 《ᠮᠠᠯ ᠰᠦᠷᠦᠭ ᠰᠠᠶ᠋ᠢᠨ ᠤᠤ？》 《ᠬᠦᠴᠦ ᠲᠠᠷᠭᠤ ᠰᠠᠶ᠋ᠢᠲᠠᠢ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ ᠮᠡᠨᠳᠤᠴᠢᠯᠡᠭᠡ ᠪᠤᠯ ᠤᠳᠤ ᠪᠠᠰᠠ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠭᠠ ᠶᠤᠮ᠃ ᠬᠤᠨᠢᠴᠢᠨᠲᠠᠢ ᠮᠡᠨᠳᠦᠴᠢᠯᠡᠬᠦ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡᠨᠤ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡ ᠴᠦ᠍ ᠭᠡᠰᠡᠨ ᠲᠠᠭ᠋ᠠᠯᠳᠤᠭ᠋ᠠᠳ ᠬᠠᠶᠠᠭᠳᠠᠵᠤ ᠵᠦᠪᠬᠡᠨ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠭᠠ ᠵᠦᠢ᠍ᠯᠳᠤ ᠪᠤᠯ ᠲᠦᠭᠦᠮᠭᠡᠨ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡ ᠲᠡᠪᠰᠢᠭᠦᠯᠵᠤ ᠪᠠᠶ᠋ᠢᠭᠠᠨᠢ ᠰᠤᠨᠤᠰᠤᠭᠳᠠᠵᠤ ᠪᠠᠶ᠋ᠢᠨᠠ᠃
（3） ᠲᠠᠷᠢᠶᠠᠴᠢᠨᠲᠠᠢ ᠮᠡᠨᠳᠤᠴᠢᠯᠡᠬᠦ
ᠲᠠᠷᠢᠶᠠᠴᠢᠨ ᠬᠦᠮᠦᠨᠲᠠᠢ ᠠᠭᠤᠯᠵᠠᠪᠠᠯ ᠠ᠋ᠳᠤᠷ ᠲᠤᠳᠤᠮᠤᠨ ᠮᠡᠨᠳᠤᠴᠢᠯᠡᠭᠡ᠂ ᠣᠯᠠᠷᠢᠯᠤᠨ ᠮᠡᠨᠳᠤᠴᠢᠯᠡᠭᠡ ᠲᠡᠪᠰᠢᠭᠦᠯᠦᠭᠰᠡᠨᠤ ᠳᠠᠷᠠᠭᠠ ᠠᠰᠠᠭᠤᠬᠤ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡ ᠪᠤᠯ 《ᠲᠠᠷᠢᠶᠠ ᠲᠦᠮᠦᠰᠦ ᠠ᠋ᠯᠪᠡᠭ ᠤᠤ？》᠂ 《ᠬᠤᠷᠢᠶᠠᠯᠳᠠ ᠠ᠋ᠯᠪᠡᠭ ᠤᠤ？》 ᠭᠡᠬᠦ ᠮᠡᠳᠤᠪᠠᠷ ᠮᠡᠨᠳᠤᠴᠢᠯᠡᠳᠡᠭ᠃ ᠠ᠋ᠨᠡᠬᠦ ᠮᠡᠨᠳᠤᠴᠢᠯᠡᠭᠡ ᠵᠢᠨ ᠬᠡᠯᠡ ᠬᠡᠯᠡᠯᠭᠡᠨᠢ ᠦᠪᠦᠷ ᠮᠣᠩᠭᠤᠯ ᠤᠷᠤᠨᠳᠤ ᠲᠠᠷᠢᠶᠠᠯᠠᠭ᠍ᠤ ᠠᠵᠦ ᠠᠬᠤᠢ ᠠ᠋ᠷᠬᠢᠯᠡᠵᠦ ᠪᠠᠶ᠋ᠢᠭᠠ ᠭᠠᠵᠠᠷ ᠤᠷᠤᠨ ᠵᠶ᠋ᠠᠷ ᠬᠡᠷᠡᠭᠯᠡᠭᠳᠡᠳᠡᠭ ᠪᠠᠶ᠋ᠢᠵᠠᠢ᠃ ᠤᠳᠤ ᠵᠢᠨ ᠠᠬᠤᠢ ᠪᠠᠶ᠋ᠢᠳᠠᠯᠳᠤ ᠪᠦᠷᠢᠨ ᠪᠦᠳᠦᠨ ᠵᠶ᠋ᠠᠷ ᠵᠶ᠋ᠠᠨ ᠬᠠᠲᠠᠭ᠋ᠠᠯᠠᠭᠳᠠᠵᠤ ᠬᠡᠷᠡᠭᠯᠡᠭᠳᠡᠭᠦ ᠪᠤᠯᠤᠮᠵᠢ ᠪᠦᠷᠢᠨ ᠪᠠᠶ᠋ᠢᠨᠠ᠃ ᠭᠡᠪᠡᠴᠦ ᠪᠤᠳᠠᠳᠠᠢ ᠪᠠᠶ᠋ᠢᠳᠠᠯᠳᠤ ᠬᠡᠷᠡᠭᠯᠡᠭᠳᠡᠬᠦᠨᠢ ᠴᠦᠭᠡᠨ ᠪᠤᠯᠤᠭᠰᠠᠨ ᠪᠠᠶ᠋ᠢᠳᠠᠯᠲᠠᠢ᠃ ᠤᠯᠠᠮᠵᠢᠯᠠᠯᠳᠦ ᠵᠠᠩ ᠦᠢ᠍ᠯᠡ ᠮᠠᠷᠳᠠᠭᠳᠠᠵᠤ ᠪᠠᠶ᠋ᠢᠭᠠ ᠵᠡᠷᠭᠡ ᠰᠢᠯᠳᠠᠭ᠋ᠠᠨᠠᠴᠠ ᠪᠤᠯᠵᠤ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡ ᠵᠢᠨ ᠭᠡᠷᠡᠭᠯᠡᠭᠳᠡᠭᠦ ᠤᠷᠴᠢᠨ ᠢᠪᠴᠤᠤᠷᠠᠵᠤ ᠪᠠᠢ᠍ᠢ᠍ᠭᠠ ᠮᠠᠭ᠋ᠠᠳ᠃ ᠦᠭᠡᠷᠡ ᠵᠦᠢ᠍ᠯᠤᠨ ᠮᠡᠨᠳᠤᠴᠢᠯᠡᠭᠡ ᠵᠢ ᠪᠤᠳᠤᠪᠠᠯ ᠲᠠᠷᠢᠶᠠᠴᠢᠨᠲᠠᠢ ᠮᠡᠨᠳᠤᠴᠢᠯᠡᠬᠦ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡ ᠪᠠ ᠲᠡᠭᠦᠨᠤ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡ ᠵᠢ ᠵᠤᠷᠢᠯᠭᠠᠲᠠᠢᠪᠠᠷ ᠬᠠᠮᠠᠭ᠋ᠠᠯᠠᠵᠤ ᠬᠠᠳᠠᠭ᠋ᠠᠯᠠᠵᠦ ᠦᠪᠯᠡᠨ ᠤᠯᠠᠮᠵᠢᠯᠠᠵᠤ ᠶᠠᠪᠤᠪᠠᠯ ᠬᠠᠷᠢᠴᠠᠩᠭᠤᠢᠪᠠᠷ ᠤᠷᠳᠤ ᠤᠳᠠᠭ᠋ᠠᠨ ᠦᠷᠭᠦᠯᠵᠢᠯᠡᠬᠦ ᠪᠤᠯᠤᠮᠵᠢᠲᠠᠢ ᠭᠡᠵᠤ ᠦᠵᠡᠵᠦ ᠪᠠᠶ᠋ᠢᠨᠠ᠃
（4） ᠠᠩᠴᠢᠨᠲᠠᠢ ᠮᠡᠨᠳᠤᠴᠢᠯᠡᠬᠦ
ᠠᠩᠴᠢᠨ ᠬᠦᠮᠤᠨᠲᠠᠢ ᠠᠭᠤᠯᠵᠠᠵᠤ ᠮᠠᠨᠳᠤᠴᠢᠯᠡᠬᠦᠳᠤ ᠠ᠋ᠳᠦᠷ ᠲᠤᠳᠤᠮᠤᠨ ᠮᠡᠨᠳᠤᠴᠢᠯᠡᠭᠡ ᠲᠡᠪᠰᠢᠭᠦᠯᠵᠦ ᠪᠠᠷᠠᠭᠰᠠᠨᠤ ᠲᠠᠷᠠᠭᠠᠪᠠᠷᠨᠢ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡ ᠭᠢᠵᠦ 《ᠬᠠᠷᠠᠭᠠ ᠮᠡᠷᠭᠡᠨ᠂ ᠣᠯᠵᠠ ᠶᠡᠭᠡ ᠤᠤ？》᠂ 《ᠤᠨᠤᠭᠠ ᠮᠡᠷᠭᠡᠨ᠂ ᠭᠠᠨᠵᠤᠭᠠ ᠲᠦᠭᠦᠷᠡᠩ ᠤᠤ？》 ᠭᠡᠬᠦ ᠮᠡᠳᠤᠪᠠᠷ ᠠᠰᠠᠭᠤᠵᠤ ᠪᠠᠶ᠋ᠢᠵᠠᠢ᠃ ᠭᠡᠪᠡᠴᠦ ᠪᠠᠶ᠋ᠢᠭ᠋ᠠᠯᠢ ᠤᠷᠴᠢᠨ ᠮᠠᠭᠤᠳᠠᠵᠦ ᠠᠩ ᠠᠮᠢᠳᠠᠨ ᠴᠦᠭᠡᠬᠡᠷᠡᠭᠰᠡᠨ᠂ ᠠᠩ ᠬᠢᠬᠦ ᠵᠢ ᠠᠯᠪᠠᠨ ᠶᠤᠰᠤᠭ᠋ᠠᠷ ᠬᠤᠷᠢᠭᠯᠠᠵᠤ ᠪᠠᠶ᠋ᠢᠭᠠ ᠵᠡᠷᠭᠡ ᠤᠯᠠᠨ ᠲᠠᠯᠠ ᠵᠢᠨ ᠨᠦᠬᠦᠴᠡᠯ ᠰᠢᠯᠳᠠᠭ᠋ᠠᠨᠠᠴᠠ ᠪᠤᠯᠵᠦ ᠠᠩᠴᠢᠨ ᠭᠡᠬᠦ ᠠᠵᠢᠯ ᠲᠦᠷᠦᠯᠢ ᠲᠤᠰᠬᠠᠶ᠋ᠢᠵᠢᠭᠤᠯᠵᠦ ᠬᠢᠬᠦ ᠤᠴᠢᠷ ᠠᠯᠠᠭᠠ ᠪᠤᠯᠤᠭ᠋ᠠᠳ ᠶᠡᠭᠡ ᠤᠳᠠᠵᠤ ᠪᠠᠶ᠋ᠢᠨᠠ᠃ ᠠ᠋ᠨᠡ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡ ᠨᠢᠭᠡᠨᠳᠡ ᠬᠡᠷᠡᠭᠯᠡᠭᠳᠡᠬᠦ ᠦᠭᠡᠢ ᠪᠤᠯᠤᠭᠰᠠᠨ ᠪᠠ ᠬᠤᠵᠢᠮ ᠴᠦ᠍ ᠲᠠᠬᠢᠨ ᠰᠡᠷᠭᠦᠨ ᠬᠡᠷᠡᠭᠯᠡᠭᠳᠡᠬᠦ ᠪᠤᠯᠤᠮᠵᠢ ᠦᠭᠡᠢ ᠪᠤᠯᠤᠭᠰᠠᠨᠨᠢ ᠲᠤᠳᠤᠷᠬᠠᠢ ᠭᠡᠵᠦ ᠦᠵᠡᠵᠤ ᠪᠤᠯᠤᠨᠠ᠃ ᠠ᠋ᠳᠦᠭᠡ ᠵᠦᠪᠬᠡᠨ ᠨᠣᠮ ᠪᠢᠴᠢᠭᠤᠨ ᠲᠡᠮᠳᠡᠭᠯᠡᠯᠠᠴᠠ ᠦᠵᠡᠵᠤ ᠤᠶ᠋ᠢᠯᠠᠭ᠋ᠠᠬᠤᠠᠴᠠ ᠦᠭᠡᠷᠡ ᠪᠤᠯᠤᠮᠵᠢ ᠦᠭᠡᠢ ᠪᠤᠯᠪᠠ᠃ ᠠᠩᠴᠢᠨᠲᠠᠢ ᠮᠡᠨᠳᠤᠴᠢᠯᠡᠬᠦ ᠬᠡᠯᠡ ᠬᠡᠯᠡᠯᠭᠡ ᠵᠢ ᠨᠡᠩ ᠴᠦ᠍ ᠦᠭᠦᠯᠡᠬᠦ ᠠᠷᠭᠠ ᠦᠭᠡᠢ᠃ ᠠᠩᠴᠢᠨᠲᠠᠢ ᠮᠡᠨᠳᠤᠴᠢᠯᠡᠬᠦ ᠮᠡᠨᠳᠤᠴᠢᠯᠡᠭᠡᠨᠤ ᠬᠡᠯᠡ ᠬᠡᠯᠡᠯᠭᠡ ᠬᠡᠷᠡᠭᠯᠡᠭᠳᠡᠬᠦᠪᠠᠨ ᠪᠤᠯᠢᠭᠰᠠᠨᠠᠴᠠ ᠲᠡᠭᠦᠨᠤ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡᠨᠢ ᠶᠠᠭ᠋ᠠᠬᠢᠬᠤ ᠠᠷᠭᠠ ᠦᠭᠡᠢ ᠲᠠᠭ᠋ᠠᠯᠳᠤᠨ ᠠᠯᠠᠭᠠ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠮᠤᠩᠭᠤᠯ ᠰᠤᠶᠤᠯᠤᠨ ᠨᠢᠭᠡᠨ ᠬᠡᠰᠡᠭ ᠢᠩᠬᠢᠵᠦ ᠮᠠᠷᠲᠠᠭᠳᠠᠵᠤ ᠬᠠᠶᠠᠭᠳᠠᠵᠤ ᠪᠠᠶ᠋ᠢᠭᠠᠨᠢ ᠮᠠᠰᠢ ᠶᠡᠭᠡ ᠬᠠᠷᠠᠮᠰᠠᠯᠳᠠᠢ ᠤᠴᠢᠷ ᠶᠤᠮ᠃
（5） ᠤᠷᠠᠨ ᠲᠠᠷᠬᠠᠨᠲᠠᠢ ᠮᠡᠨᠳᠤᠴᠢᠯᠡᠬᠦ
ᠤᠷᠠᠨ ᠲᠠᠷᠬᠠ ᠬᠢᠳᠡᠭ ᠬᠦᠮᠤᠰᠢ ᠠᠵᠢᠯ ᠲᠦᠷᠦᠯᠤᠨ ᠬᠢᠨᠢ ᠲᠠᠭ᠋ᠠᠤᠳᠤ ᠮᠡᠨᠳᠤᠴᠢᠯᠡᠭᠡ ᠬᠢᠨᠡ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠮᠤᠳᠤᠨ ᠲᠠᠷᠬᠠᠨᠲᠠᠢ ᠠᠭᠤᠯᠵᠠᠪᠠᠯ᠄ 《ᠲᠠᠷᠬᠠ ᠤᠷᠠᠨ ᠪᠤᠯᠵᠦ ᠪᠠᠶ᠋ᠢᠨᠠ ᠤᠤ？》᠂ 《ᠲᠠᠷᠬᠠ ᠰᠠᠶ᠋ᠢᠨ ᠪᠤᠯᠵᠣ ᠪᠠᠶ᠋ᠢᠨᠠ ᠤᠤ？》 ᠭᠡᠵᠦ ᠮᠡᠨᠳᠤᠴᠢᠯᠡᠬᠦ ᠪᠤᠶᠤ ᠠᠯᠳᠠ ᠮᠦᠩᠭᠦ᠂ ᠲᠡᠮᠤᠷᠤᠨ ᠲᠠᠷᠬᠠᠨᠲᠠᠢ ᠠᠭᠤᠯᠵᠠᠪᠠᠯ᠄ 《ᠲᠠᠷᠬᠠ ᠤᠷᠠᠨ ᠪᠤᠯᠵᠦ ᠪᠠᠶ᠋ᠢᠨᠠ ᠤᠤ？》᠂ 《ᠲᠠᠷᠬᠠ ᠰᠠᠶ᠋ᠢᠨ ᠪᠤᠯᠵᠣ ᠪᠠᠶ᠋ᠢᠨᠠ ᠤᠤ？》᠂ 《ᠭᠠᠯ ᠢᠯᠴᠢᠲᠠᠢ᠂ ᠲᠠᠷᠬᠠ ᠨᠠᠷᠢᠨ ᠪᠤᠯᠵᠦ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ ᠮᠡᠳᠤᠴᠢᠯᠡᠨ ᠮᠡᠨᠳᠤᠴᠢᠯᠡᠳᠡᠭ ᠪᠠᠶ᠋ᠢᠨᠠ᠃ ᠠ᠋ᠭᠦᠨᠤ ᠬᠠᠷᠢᠭᠤᠳᠤ 《ᠠᠵᠢᠯ ᠤᠷᠤᠭᠰᠢᠳᠠᠢ ᠪᠠᠶ᠋ᠢᠨᠠ》 《ᠲᠠᠷᠬᠠ ᠲᠠᠪᠠᠳᠠᠢ ᠶᠠᠪᠤᠭᠳᠠᠵᠤ ᠪᠠᠶ᠋ᠢᠨᠠ》 ᠭᠡᠵᠦ ᠬᠠᠷᠢᠭᠤᠯᠳᠠᠭ ᠶᠤᠮ ᠪᠠᠶ᠋ᠢᠵᠠᠢ᠃ ᠤᠳᠤ ᠤᠷᠠᠨ ᠲᠠᠷᠬᠠ ᠬᠢᠭᠴᠢᠳᠲᠠᠢ ᠪᠤᠯ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠬᠢᠬᠦ ᠭᠡᠰᠡᠨ ᠵᠤᠷᠢᠯᠭᠠᠪᠠᠷ ᠯᠡ ᠠᠭᠤᠯᠵᠠᠵᠤ ᠪᠠᠶ᠋ᠢᠭᠠ ᠲᠡᠳᠦᠢ ᠪᠣᠯᠵᠤ᠂ ᠵᠦᠪᠬᠡᠨ ᠦᠨᠡ ᠬᠠᠩᠰᠢ ᠬᠦᠯᠦᠰᠦ ᠮᠦᠩᠭᠦ ᠵᠢ ᠠᠰᠠᠭᠤᠨ ᠯᠠᠪᠯᠠᠭ᠍ᠤᠠᠴᠠ ᠪᠢᠰᠢ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡ ᠵᠢ ᠲᠡᠪᠰᠢᠭᠦᠯᠬᠦ ᠦᠭᠡᠢ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠪᠠᠰᠠ ᠵᠠᠷᠢᠮ ᠬᠦᠮᠤᠰ ᠠ᠋ᠭᠦᠨᠢ 《ᠠᠷᠠᠯᠵᠢᠶᠠ ᠮᠠᠶ᠋ᠢᠮᠠᠢ ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ ᠦᠭᠡᠪᠠᠷ ᠣᠷᠣᠯᠠᠭᠤᠯᠤᠨ ᠮᠡᠨᠳᠤᠴᠢᠯᠡᠬᠦ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃
ᠲᠥᠷᠪᠡ᠂ ᠪᠠᠶᠠᠷ ᠶᠤᠰᠤᠯᠠᠯᠤᠨ ᠮᠡᠨᠳᠤᠴᠢᠯᠡᠭᠡ
ᠪᠠᠶᠠᠷ ᠶᠤᠰᠤᠯᠠᠯᠤᠨ ᠮᠡᠨᠳᠤᠴᠢᠯᠡᠭᠡ ᠪᠤᠯ ᠦᠨᠳᠤᠰᠤᠳᠡᠨ ᠪᠦᠬᠦᠨᠳᠤ ᠲᠦᠭᠡᠮᠡᠯ ᠪᠠᠶ᠋ᠢᠳᠠᠭ ᠮᠡᠨᠳᠤᠴᠢᠯᠡᠬᠦ ᠦᠢ᠍ᠯᠡ ᠠᠵᠢᠯᠯᠠᠭᠠ ᠶᠤᠮ᠃ ᠮᠤᠩᠭᠤᠯᠴᠤᠳ ᠴᠦ᠍ ᠭᠡᠰᠡᠨ ᠪᠠᠶᠠᠷ ᠶᠤᠰᠤᠯᠠᠯᠤᠨ ᠮᠡᠨᠳᠤᠴᠢᠯᠡᠭᠡᠨᠤ ᠬᠡᠯᠡ ᠬᠡᠯᠡᠯᠭᠡ ᠵᠢ ᠬᠡᠷᠡᠭᠯᠡᠭᠰᠡᠭᠡᠷ ᠢᠷᠡᠵᠠᠢ᠃ ᠠ᠋ᠨᠡ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡ ᠪᠤᠯ ᠵᠢᠯ ᠴᠠᠭ᠋ᠠᠨ ᠰᠠᠷᠠ ᠪᠤᠶᠤ ᠤᠯᠤᠰ ᠦᠨᠳᠤᠰᠤᠳᠡᠨᠤ ᠶᠠᠮᠠᠷᠪᠠ ᠨᠢᠭᠡᠨ ᠪᠠᠶᠠᠷ ᠶᠤᠰᠤᠯᠠᠯᠢ ᠲᠤᠬᠢᠶᠠᠯᠳᠤᠭᠤᠯᠤᠨ ᠬᠡᠷᠡᠭᠯᠡᠳᠡᠭ ᠮᠡᠨᠳᠤᠴᠢᠯᠡᠭᠡ ᠮᠦᠨ᠃
ᠮᠤᠩᠭᠤᠯᠴᠤᠳ ᠰᠢᠨᠡ ᠵᠢᠯ ᠴᠠᠭ᠋ᠠᠨ ᠰᠠᠷᠠᠪᠠᠷ 《ᠬᠠᠭᠤᠴᠢᠨ ᠵᠢᠯ ᠬᠠᠩᠬᠢᠷᠠᠵᠦ᠂ ᠰᠢᠨᠡ ᠵᠢᠯ ᠰᠢᠯᠵᠢᠷᠡᠵᠦ᠂ ᠬᠦᠭᠰᠢᠳ ᠬᠡᠤᠬᠡᠳ ᠬᠦᠷᠦᠰᠦᠳᠡᠢ᠂ ᠲᠦᠯᠦᠭᠡ ᠰᠡᠬᠦᠯᠳᠡᠢ᠂ ᠲᠠᠭᠠ ᠲᠠᠯᠠᠩᠳᠠᠢ᠂ ᠪᠢᠷᠠᠭᠤ ᠪᠤᠯᠴᠢᠩᠳᠠᠢ᠂ ᠦᠨᠢᠲᠡ ᠲᠠᠷᠭᠤᠨ᠂ ᠦᠶᠦᠭ ᠴᠠᠳᠬᠤᠯᠠᠩ᠂ ᠲᠠᠪᠠᠳᠠᠢ ᠰᠠᠶ᠋ᠢᠬᠠᠨ ᠰᠢᠨᠡᠯᠡᠵᠦ ᠪᠠᠶ᠋ᠢᠨᠠ ᠤᠤ？》᠂ 《ᠲᠠᠷᠭᠤᠨ ᠲᠠᠪᠠᠳᠠᠢ ᠰᠢᠨᠡᠯᠡᠵᠦ ᠪᠠᠶ᠋ᠢᠨᠠ ᠤᠤ？》᠂ 《ᠪᠤᠭᠤᠷᠤᠯ ᠵᠢᠯ ᠮᠤᠷᠢᠯᠠᠵᠦ᠂ ᠪᠤᠶᠠᠨᠳᠠᠢ ᠵᠢᠯ ᠢᠷᠡᠵᠦ᠂ ᠡᠪᠦᠭᠡᠨ ᠵᠢᠯ ᠮᠤᠷᠢᠯᠠᠵᠦ᠂ ᠦᠯᠵᠡᠶ᠋ᠢᠳᠡᠢ ᠵᠢᠯ ᠢᠷᠡᠵᠦ᠂ ᠪᠠᠶᠠᠰᠬᠤᠯᠠᠩᠲᠠᠢ ᠰᠢᠨᠡᠯᠡᠭᠰᠡᠨᠤ ᠪᠡᠯᠭᠡ ᠵᠢ ᠠᠶ᠋ᠢᠯᠠᠳᠬᠠᠶᠠ！》 ᠭᠡᠬᠦ ᠵᠡᠷᠭᠡᠪᠠᠷ ᠠᠮᠤᠷ ᠠᠶ᠋ᠢᠯᠠᠳᠬᠠᠵᠤ᠂ ᠪᠠᠶᠠᠯᠢᠭ ᠰᠠᠶ᠋ᠢᠬᠠᠨ ᠮᠡᠨᠳᠤᠴᠢᠯᠡᠭᠡᠨᠤ ᠬᠡᠯᠡ ᠰᠤᠶᠤᠯᠢ ᠪᠦᠳᠦᠭᠡᠵᠦ ᠬᠡᠷᠡᠭᠯᠡᠵᠦ ᠢᠷᠡᠵᠡᠢ᠃ ᠬᠠᠷᠢᠨ ᠤᠳᠤᠬᠠᠨᠤ ᠨᠡᠶ᠋ᠢᠳᠡᠮ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠭᠠ ᠰᠢᠨᠡ ᠵᠢᠯᠤᠨ ᠮᠡᠨᠳᠤᠴᠢᠯᠡᠭᠡᠨᠤ ᠬᠡᠯᠡ ᠬᠡᠯᠡᠯᠭᠡ ᠪᠤᠯ 《ᠲᠠ ᠰᠠᠶ᠋ᠢᠨ ᠰᠢᠨᠡᠯᠡᠪᠡ ᠤᠤ？》᠂ 《ᠭᠡᠷ ᠬᠤᠳᠠᠯᠠᠭ᠋ᠠᠷ ᠰᠠᠶ᠋ᠢᠨ ᠰᠢᠨᠡᠯᠡᠪᠡ ᠤᠤ？》 ᠭᠡᠬᠦ ᠲᠦᠭᠦᠮᠬᠡᠨ ᠭᠡᠯᠡᠯᠭᠡ ᠤᠯᠠᠨ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠬᠤ ᠪᠠ 《ᠮᠠᠨᠤ ᠭᠡᠷ ᠪᠦᠭᠦᠳᠡᠭᠡᠷ᠂ ᠲᠠᠨᠤ ᠭᠡᠷ ᠪᠦᠭᠦᠳᠡᠭᠡᠷᠲᠤ ᠰᠢᠨᠡ ᠵᠢᠨ ᠮᠡᠨᠳᠤᠴᠢᠯᠡᠭᠡ ᠲᠡᠪᠰᠢᠭᠦᠯᠵᠦ ᠪᠠᠶ᠋ᠢᠨᠠ！ ᠰᠠᠶ᠋ᠢᠨ ᠰᠢᠨᠡᠯᠡᠪᠡ ᠤᠤ？》 ᠭᠡᠬᠦ ᠤᠷᠴᠢᠭᠤᠯᠭᠠ ᠵᠢᠨ ᠮᠡᠨᠳᠤᠴᠢᠯᠡᠭᠡ ᠬᠡᠷᠡᠭᠯᠡᠭᠳᠡᠬᠦᠨᠢ ᠴᠦ᠍ ᠤᠯᠠᠰᠢᠷᠠᠵᠦ ᠢᠷᠡᠭᠰᠡᠨ ᠪᠠᠶ᠋ᠢᠨᠠ᠃ ᠤᠳᠤᠬᠠᠨᠳᠤ ᠵᠢᠯ ᠴᠠᠭ᠋ᠠᠨ ᠰᠠᠷᠠ ᠵᠢᠨ ᠮᠡᠨᠳᠤᠴᠢᠯᠡᠭᠡ ᠵᠢᠨ ᠬᠡᠯᠡ ᠬᠡᠯᠡᠯᠭᠡᠨᠢ ᠶᠠᠲᠠᠭᠤᠷᠠᠭᠰᠠᠨ᠂ ᠢᠯᠡᠳᠬᠡᠬᠦ ᠠᠷᠭᠠ ᠪᠠᠷᠢᠯᠤᠨ ᠲᠠᠯᠠᠪᠠᠷ ᠨᠡᠯᠢᠶᠡᠳ ᠬᠦᠰᠢᠭᠦᠨ ᠪᠤᠯᠤᠭᠰᠠᠨ ᠭᠡᠳᠡᠭ ᠪᠤᠯᠪᠠᠴᠦ ᠦᠪᠦᠷ ᠮᠤᠩᠭᠤᠯᠤᠨ ᠬᠠᠮᠢᠭᠠ ᠴᠦ᠍ ᠭᠡᠰᠡᠨ ᠬᠠᠲᠠᠭ᠋ᠠᠯᠠᠭᠳᠠᠵᠤ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠭᠠ ᠶᠤᠮ᠃ ᠬᠡᠳᠦᠶ᠋ᠢᠪᠡᠷ ᠭᠠᠵᠠᠷ ᠤᠷᠤᠨᠤ ᠵᠦᠷᠢᠶᠡ᠂ ᠨᠤᠳᠤᠭ ᠨᠤᠳᠤᠭᠤᠨ ᠢᠯᠭ᠋ᠠᠭᠠ ᠤᠷᠤᠰᠢᠵᠦ ᠪᠠᠶ᠋ᠢᠪᠠᠴᠦ᠂ ᠵᠢᠯ ᠴᠠᠭ᠋ᠠᠨ ᠰᠠᠷᠠ ᠵᠢ ᠪᠡᠯᠭᠡᠯᠡᠬᠦ ᠠᠵᠢᠯᠯᠠᠭᠠ ᠤᠷᠤᠰᠢᠵᠦ ᠯᠠ ᠪᠠᠶ᠋ᠢᠪᠠᠯ ᠦᠷᠭᠦᠯᠵᠢᠯᠠᠨ ᠬᠡᠷᠡᠭᠯᠡᠭᠳᠡᠭᠦᠨᠢ ᠠ᠋ᠷᠡᠭᠡᠯᠵᠡᠭᠡ ᠦᠭᠡᠢ᠃
ᠠ᠋ᠭᠦᠨᠠᠴᠠ ᠭᠠᠳᠠᠨᠠ ᠪᠤᠰᠤᠳ ᠵᠦᠢ᠍ᠯᠤᠨ ᠪᠠᠶᠠᠷ ᠶᠤᠰᠤᠯᠠᠯᠤᠨ ᠮᠡᠨᠳᠤᠴᠢᠯᠡᠭᠡ ᠪᠠᠰᠠ ᠪᠤᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠠ᠋ᠮᠡᠭᠳᠡᠶ᠋ᠢᠴᠥᠳᠤᠨ ᠪᠠᠶᠠᠷ᠂ ᠬᠡᠤᠬᠡᠳᠤᠨ ᠪᠠᠶᠠᠷ᠂ ᠵᠠᠯᠠᠭᠤᠴᠤᠳᠤᠨ ᠪᠠᠶᠠᠷ᠂ ᠨᠠᠰᠤᠨ ᠪᠠᠶᠠᠷ᠂ ᠭᠡᠤᠭᠡᠳᠤᠨ ᠣᠢ ᠵᠢᠨ ᠪᠠᠶᠠᠷ᠂ ᠬᠤᠷᠢᠮᠤᠨ ᠶᠤᠰᠤᠯᠠᠯᠤᠨ ᠪᠠᠶᠠᠷ᠂ ᠪᠠᠭᠰᠢ ᠵᠢᠨ ᠪᠠᠶᠠᠷ ᠵᠡᠷᠭᠡ ᠵᠢᠨ 《ᠲᠠᠨᠳᠤ ᠪᠠᠶᠠᠷᠤᠨ ᠠ᠋ᠳᠦᠷᠤᠨ ᠮᠡᠨᠳᠤᠴᠢᠯᠡᠭᠡ ᠳᠡᠪᠰᠢᠭᠦᠯᠦᠶᠡ》᠂ 《ᠪᠠᠶᠠᠷᠤᠨ ᠮᠡᠨᠳᠦ ᠠᠶ᠋ᠢᠯᠠᠳᠬᠠᠶᠠ》᠂ 《᠁ ᠪᠠᠶᠠᠷᠤᠨ ᠠ᠋ᠳᠦᠷᠢ ᠳᠤᠬᠢᠶᠠᠯᠳᠤᠭᠤᠯᠤᠨ ᠲᠠᠨᠳᠤ ᠪᠠᠶᠠᠷᠤᠨ ᠠ᠋ᠳᠦᠷᠤᠨ ᠮᠡᠨᠳᠤᠴᠢᠯᠡᠭᠡ ᠳᠡᠪᠰᠢᠭᠦᠯᠦᠶᠡ》 ᠵᠡᠷᠭᠡ ᠵᠢᠨ ᠮᠡᠨᠳᠤᠴᠢᠯᠡᠭᠡᠨᠳᠤ ᠬᠤᠯᠪᠤᠭᠳᠠᠭᠰᠠᠨ ᠬᠡᠯᠡ ᠬᠡᠯᠡᠯᠭᠡᠨᠢ ᠪᠠᠷᠤᠭ ᠯᠠ ᠬᠠᠶᠠᠭᠳᠠᠵᠤ ᠬᠡᠷᠡᠭᠯᠡᠭᠡᠨᠠᠴᠠ ᠭᠠᠷᠤᠭᠰᠠᠨ ᠪᠤᠶᠤ ᠵᠠᠷᠢᠮᠨᠢ ᠢᠷᠦᠭᠡᠯ ᠵᠶ᠋ᠠᠷ ᠤᠷᠤᠯᠠᠭᠤᠯᠤᠭᠳᠠᠨ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠨᠠ᠃ ᠪᠠᠷᠤᠭ ᠯᠠ 《᠁ ᠵᠢ ᠪᠠᠶᠠᠷᠯᠠᠨ ᠪᠡᠯᠭᠡᠯᠡᠶᠡ》᠂ 《᠁ᠳᠤ ᠪᠠᠶᠠᠷ ᠬᠦᠷᠭᠡᠶᠡ》 ᠭᠡᠬᠦ ᠦᠭᠦᠯᠡᠪᠦᠷᠢᠪᠠᠷ ᠲᠤᠪᠴᠢᠯᠠᠬᠤ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃
ᠲᠠᠪᠤ᠂ ᠢᠷᠤᠭᠡᠯᠲᠤ ᠮᠡᠨᠳᠤᠴᠢᠯᠡᠭᠡ
ᠢᠷᠤᠭᠡᠯᠲᠤ ᠮᠡᠨᠳᠤᠴᠢᠯᠡᠭᠡ ᠪᠤᠯ ᠪᠤᠰᠤᠳ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡᠠᠴᠠ ᠴᠠᠭᠤᠨ ᠲᠠᠯᠠᠪᠠᠷ ᠦᠭᠡᠷᠡ ᠪᠠᠶ᠋ᠢᠳᠠᠭ ᠤᠨᠴᠠᠯᠢᠭᠲᠠᠢ ᠶᠤᠮ᠃ ᠪᠤᠰᠤᠳ ᠮᠡᠨᠳᠤᠴᠢᠯᠡᠭᠡ ᠵᠢ ᠲᠡᠭᠦᠦᠨᠠᠷ ᠭᠦᠮᠦᠰ ᠤᠷᠢᠳᠴᠢᠯᠡᠨ ᠲᠡᠪᠰᠢᠭᠦᠯᠳᠡᠭ ᠪᠤᠯ ᠢᠷᠦᠭᠡᠯᠳᠤ ᠮᠡᠨᠳᠤᠴᠢᠯᠡᠭᠡᠨᠢ ᠠᠯᠢ ᠨᠢᠭᠡ ᠬᠦᠮᠤᠨᠨᠢ ᠴᠦ᠍ ᠤᠷᠢᠳᠠᠪᠡᠷ ᠲᠡᠪᠰᠢᠭᠦᠯᠵᠦ ᠪᠤᠯᠳᠠᠭ᠃ ᠠ᠋ᠨᠡᠬᠦ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡᠨᠢ ᠢᠷᠦᠭᠡᠨ ᠪᠡᠯᠭᠡᠰᠢᠶᠡᠵᠤ ᠬᠡᠯᠡᠬᠦ ᠪᠤᠶᠤ ᠬᠦᠰᠡᠨ ᠵᠦᠩᠨᠡᠬᠦ ᠬᠡᠯᠪᠡᠷᠢᠪᠠᠷ ᠲᠡᠪᠰᠢᠭᠦᠯᠳᠡᠭ ᠲᠤᠯᠠ ᠦᠪᠡᠷᠤᠨ ᠭᠡᠰᠡᠨ ᠤᠨᠴᠠᠯᠢᠭ ᠰᠢᠨᠵᠢᠲᠠᠢ ᠪᠠᠶ᠋ᠢᠳᠠᠭ᠃ ᠠ᠋ᠶ᠋ᠢᠮᠦ ᠤᠴᠢᠷᠠᠴᠠ ᠠ᠋ᠨᠡ ᠲᠦᠷᠦᠯᠤᠨ ᠮᠡᠨᠳᠦᠴᠢᠯᠡᠭᠡᠨᠢ ᠠᠰᠠᠭᠤᠬᠤ ᠦᠭᠦᠯᠡᠪᠦᠷᠢ ᠵᠢᠨ ᠬᠡᠯᠪᠡᠷᠢᠪᠠᠷ ᠲᠡᠭᠦᠰᠳᠡᠭ ᠦᠭᠡᠢ ᠶᠤᠮ᠃
ᠢᠷᠤᠭᠡᠯᠲᠤ ᠮᠡᠨᠳᠤᠴᠢᠯᠡᠭᠡ ᠵᠢ ᠵᠠᠷᠢᠮ ᠠ᠋ᠷᠳᠡᠮᠲᠡᠨᠠᠴᠠ᠄ 《ᠢᠷᠦᠭᠡᠯ ᠲᠠᠯᠠᠷᠬᠠᠯᠲᠤ ᠮᠡᠨᠳᠤᠴᠢᠯᠡᠭᠡ》 ᠭᠡᠬᠦ ᠪᠤᠶᠤ ᠪᠦᠷ ᠵᠠᠷᠢᠮᠨᠢ ᠠ᠋ᠭᠦᠨᠢ ᠮᠠᠨᠳᠦᠴᠢᠯᠡᠭᠡᠨᠤ ᠬᠦᠷᠢᠶᠡ ᠬᠡᠪᠴᠢᠶᠡᠨᠠᠴᠠ ᠠᠩᠭᠢᠲᠠ ᠪᠠᠶᠠ ᠳᠠᠭ᠋ᠠᠭ᠋ᠠᠭᠰᠠᠨ 《ᠢᠷᠦᠭᠡᠯ》ᠤᠨ ᠰᠤᠶᠤᠯ ᠭᠡᠵᠦ ᠰᠤᠳᠤᠯᠬᠤ ᠪᠤᠶᠤ 《ᠢᠷᠦᠭᠡᠯ ᠮᠠᠭᠲᠠᠭ᠋ᠠᠯ》ᠤᠨ ᠰᠤᠶᠤᠯ ᠭᠡᠵᠦ ᠰᠢᠨᠵᠢᠯᠡᠵᠤ ᠪᠠᠶ᠋ᠢᠭᠠ ᠴᠤ᠌ ᠪᠤᠢ᠃ ᠠ᠋ᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠬᠠᠷᠠᠯᠲᠠ ᠴᠢᠭᠯᠡᠯᠲᠡ ᠤᠨᠳᠤᠤ᠂ ᠰᠤᠳᠤᠯᠬᠤ ᠬᠦᠷᠢᠶᠡ ᠬᠡᠪᠴᠢᠶᠡ᠂ ᠠᠷᠭᠠ ᠠᠳᠠᠯᠢ ᠪᠤᠰᠤ ᠲᠤᠯᠠ ᠠᠯᠢ ᠨᠢᠭᠡ ᠵᠢᠨᠢ ᠵᠦᠪ ᠪᠤᠷᠤᠭᠤ ᠭᠡᠵᠦ ᠦᠭᠦᠯᠡᠬᠦ ᠵᠢᠨ ᠠᠷᠭᠠ ᠪᠠᠶ᠋ᠢᠬᠤ ᠦᠭᠡᠢ᠃
ᠮᠤᠩᠭᠤᠯᠴᠤᠳᠤᠨ ᠳᠤᠮᠳᠠ ᠢᠷᠤᠭᠡᠯᠲᠤ ᠮᠡᠨᠳᠤᠴᠢᠯᠡᠭᠡ ᠪᠦᠷᠢᠨ ᠰᠠᠶ᠋ᠢᠬᠠᠨ ᠬᠡᠷᠡᠭᠯᠡᠭᠳᠡᠵᠦ ᠢᠷᠡᠭᠰᠡᠨ ᠶᠤᠮ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠠᠳᠤᠭᠤ ᠮᠠᠯ ᠤᠰᠤᠯᠠᠵᠦ ᠪᠠᠶ᠋ᠢᠬᠤᠲᠠᠢ ᠲᠤᠬᠢᠶᠠᠯᠳᠤᠪᠠᠯ ᠠ᠋ᠳᠦᠷ ᠲᠤᠳᠤᠮᠤᠨ ᠮᠡᠨᠳᠤᠴᠢᠯᠡᠭᠡ ᠲᠡᠪᠰᠢᠭᠦᠯᠵᠦ᠂ ᠪᠠᠭᠠ ᠵᠡᠷᠭᠡ ᠬᠠᠮ ᠲᠡᠮ ᠪᠤᠯᠵᠦ ᠦᠭᠭᠦᠭᠰᠡᠨᠤ ᠲᠠᠷᠠᠭᠠ ᠰᠠᠯᠵᠦ ᠶᠠᠪᠤᠬᠤ ᠦᠶᠡᠳᠤᠪᠠᠨ᠄ 《ᠤᠰᠤ ᠴᠡᠩᠬᠡᠭ᠂ ᠤᠨᠳᠤᠷᠤᠭᠠ ᠠᠷᠪᠢᠨ ᠪᠤᠯᠤᠭ！》 ᠭᠡᠬᠦ ᠪᠠ ᠠᠳᠤᠭᠤ ᠤᠷᠭ᠋ᠠᠯᠠᠵᠤ ᠪᠠᠶ᠋ᠢᠬᠤᠲᠠᠢ ᠲᠤᠬᠢᠶᠠᠯᠳᠤᠪᠠᠯ᠄ 《ᠤᠨᠤᠭᠠᠨᠢ ᠮᠡᠷᠭᠡᠨ᠂ ᠰᠠᠭᠤᠳᠠᠯᠨᠢ ᠪᠠᠳᠥ ᠪᠠᠶ᠋ᠢᠭ！》 ᠭᠡᠬᠦ； ᠣᠳᠥᠷ ᠵᠶ᠋ᠠᠷ ᠶᠠᠪᠤᠵᠤ ᠪᠠᠶ᠋ᠢᠭᠠ ᠬᠦᠮᠤᠨᠳᠤ᠄ 《ᠪᠡᠯᠴᠢᠭᠡᠷ ᠠᠷᠪᠢᠨ᠂ ᠤᠰᠤ ᠤᠷᠭᠤᠮᠠᠯ ᠲᠡᠭᠰᠢ ᠪᠠᠶ᠋ᠢᠬᠤ ᠪᠤᠯᠳᠤᠭ᠋ᠠᠢ！》 ᠭᠡᠬᠦ； ᠮᠠᠯᠤᠨ ᠠ᠋ᠷᠢᠯᠳᠤ ᠶᠠᠪᠤᠵᠥ ᠪᠠᠶ᠋ᠢᠭᠠ ᠬᠦᠮᠤᠨᠳᠤ᠄ 《ᠠ᠋ᠷᠢᠯ ᠦᠯᠵᠡᠶ᠋ᠢᠳᠡᠢ ᠪᠤᠯᠤᠭ！》᠂ 《ᠠ᠋ᠷᠢᠯ ᠵᠶ᠋ᠠᠨ ᠣᠯᠬᠤ ᠪᠤᠯᠳᠤᠭ᠋ᠠᠢ！》᠂ 《ᠠ᠋ᠷᠢᠯ ᠤᠶ᠋ᠢᠷᠠ ᠪᠠᠶ᠋ᠢᠭ！》 ᠭᠡᠬᠦ； ᠠᠶ᠋ᠢᠷᠠᠭ ᠪᠦᠯᠢᠵᠦ ᠪᠠᠶ᠋ᠢᠭᠠ ᠬᠦᠮᠦᠨᠳᠤ᠄ 《ᠲᠤᠰᠥ ᠶᠡᠭᠡ ᠤᠨᠠᠭ᠍ᠤ ᠪᠤᠯᠳᠤᠭ᠋ᠠᠢ！》 ᠭᠡᠬᠦ； ᠠᠶ᠋ᠢᠷᠠᠭ ᠤᠤᠭᠤᠵᠤ ᠪᠤᠢ ᠬᠦᠮᠦᠨᠳᠤ᠄ 《ᠠᠶ᠋ᠢᠷᠠᠭ ᠰᠢᠩᠭᠡᠭᠡᠵᠢᠳᠡᠢ᠂ ᠰᠢᠮᠡᠳᠡᠢ ᠪᠤᠯᠤᠭ！》 ᠭᠡᠬᠦ； ᠲᠦᠷᠦᠭᠡ ᠲᠠᠷᠬᠠᠯᠠᠵᠦ᠂ ᠲᠦᠷᠦᠭᠡᠨ ᠰᠤᠷ ᠬᠢᠵᠦ ᠪᠠᠶ᠋ᠢᠬᠤ ᠬᠦᠮᠦᠨᠳᠤ᠄ 《ᠲᠦᠷᠦᠭᠡ ᠠ᠋ᠭᠡᠯᠢᠳᠡᠢ ᠪᠤᠯᠤᠭ！》᠂ 《ᠲᠦᠷᠦᠭᠡ ᠠᠷᠢᠭᠤᠨ ᠪᠤᠯᠤᠭ！》 ᠭᠡᠬᠦ； ᠠ᠋ᠮᠨᠢᠭ᠌ ᠰᠤᠷᠭ᠋ᠠᠵᠤ ᠪᠠᠶ᠋ᠢᠬᠤ ᠬᠦᠮᠦᠨᠳᠤ᠄ 《ᠠ᠋ᠮᠨᠢᠭ᠌ᠨᠢ ᠨᠤᠮᠤᠬᠠᠨ᠂ ᠡᠷᠡᠨᠢ ᠠᠪᠬᠠᠯᠵᠢᠳᠠᠢ ᠪᠤᠯᠤᠭ！》᠂ 《ᠠ᠋ᠮᠨᠢᠭ᠌ᠨᠢ ᠰᠢᠨᠳᠠᠰᠤᠳᠠᠢ᠂ ᠡᠷᠡᠨᠢ ᠠ᠋ᠷᠡᠲᠡᠢ ᠪᠤᠯᠤᠭ！》 ᠭᠡᠬᠦ； ᠮᠠᠯ ᠬᠦᠩᠭᠡᠯᠡᠵᠦ ᠪᠠᠶ᠋ᠢᠪᠠᠯ᠄ 《ᠦᠳᠦᠨᠠᠴᠠ ᠬᠦᠩᠭᠡᠨ᠂ ᠰᠤᠮᠤᠨᠠᠴᠠ ᠬᠤᠷᠳᠤᠨ ᠪᠤᠯᠤᠭ！》 ᠭᠡᠬᠦ； ᠲᠡᠮᠡᠭᠡ ᠨᠤᠤᠰᠤᠯᠠᠵᠦ ᠪᠠᠶ᠋ᠢᠬᠤ ᠬᠦᠮᠦᠨᠳᠤ᠄ 《ᠠᠪᠬᠤ ᠨᠤᠤᠰᠤᠨᠢ ᠠᠷᠪᠢᠨ᠂ ᠤᠷᠭᠤᠬᠤ ᠨᠤᠤᠰᠤᠨᠢ ᠤᠷᠳᠤ ᠪᠤᠯᠤᠭ！》 ᠭᠡᠬᠦ； ᠬᠤᠨᠢ ᠬᠠᠶ᠋ᠢᠴᠢᠯᠠᠵᠦ ᠪᠠᠶ᠋ᠢᠬᠤ ᠬᠦᠮᠦᠨᠳᠤ᠄ 《ᠬᠠᠶ᠋ᠢᠴᠢᠨᠢ ᠬᠤᠷᠴᠠ᠂ ᠬᠠᠶ᠋ᠢᠴᠢᠯᠠᠭᠰᠠᠨ ᠬᠤᠨᠢᠨᠢ ᠲᠦᠮᠡ ᠬᠦᠷᠦᠭ！》 ᠭᠡᠬᠦ ᠪᠤᠶᠤ 《ᠬᠠᠶ᠋ᠢᠴᠢᠨᠢ ᠬᠤᠷᠴᠠ᠂ ᠬᠠᠭᠳᠠ ᠤᠩᠭ᠋ᠠᠰᠤᠨᠢ ᠬᠦᠪᠰᠤᠭᠡᠷ ᠪᠤᠯᠤᠭ！》 ᠭᠡᠬᠦ； ᠲᠥᠯ ᠲᠤᠰᠴᠦ ᠪᠠᠶ᠋ᠢᠬᠤ ᠬᠦᠮᠦᠨᠳᠤ᠄ 《ᠮᠢᠩᠭ᠋ᠠᠨ ᠬᠤᠨᠢᠨᠤ ᠮᠠᠩᠯᠠᠢ᠂ ᠲᠦᠮᠡᠨ ᠬᠤᠨᠢᠨᠤ ᠲᠦᠷᠦᠭᠦᠤ ᠪᠤᠯᠤᠭ！》᠂ 《ᠲᠤᠭᠠᠨᠢ ᠪᠤᠮ ᠬᠦᠷᠴᠦ᠂ ᠲᠤᠭᠤᠰᠤᠨᠢ ᠤᠭᠳᠠᠷᠭᠤᠢ ᠬᠦᠷᠦᠭ！》 ᠭᠡᠬᠦ； ᠢᠰᠡᠬᠡᠢ ᠬᠢᠵᠦ ᠪᠠᠶ᠋ᠢᠬᠤ ᠬᠦᠮᠦᠨᠳᠤ᠄ 《ᠶᠠᠰᠤᠨᠠᠴᠠ ᠬᠠᠲᠠᠭᠤ᠂ ᠴᠠᠰᠤᠨᠠᠴᠠ ᠴᠠᠭ᠋ᠠᠨ ᠢᠰᠡᠬᠡᠢ ᠪᠤᠯᠤᠭ！》 ᠭᠡᠬᠦ； ᠦᠢ᠍ᠯᠡ ᠣᠶᠣᠳᠠᠯ ᠤᠶᠤᠵᠤ ᠪᠠᠶ᠋ᠢᠭᠠ ᠬᠦᠮᠤᠨᠳᠤ᠄ 《ᠦᠢ᠍ᠯᠡ ᠤᠷᠠᠨ ᠪᠤᠯᠤᠭ！》᠂ 《ᠤᠶᠤᠳᠠᠯ ᠨᠠᠷᠢᠨ ᠪᠤᠯᠤᠭ！》 ᠭᠡᠬᠦ； ᠨᠣᠮ ᠤᠩᠰᠢᠵᠦ ᠪᠠᠶ᠋ᠢᠬᠤ ᠬᠦᠮᠦᠨᠳᠤ᠄ 《ᠠ᠋ᠷᠲᠡᠮ ᠶᠡᠭᠡ ᠪᠤᠯᠤᠭ！》᠂ 《ᠪᠢᠯᠢᠭ ᠤᠶᠤᠨ ᠲᠡᠭᠦᠰ ᠪᠤᠯᠤᠭ！》᠂ 《ᠤᠩᠰᠢᠭᠰᠠᠨᠨᠢ ᠶᠡᠭᠡ ᠪᠤᠯᠤᠭ！》᠂ 《ᠨᠢᠳᠦ ᠬᠤᠷᠴᠠ ᠪᠤᠯᠤᠭ！》᠂ ᠪᠢᠴᠢᠭ ᠪᠢᠴᠢᠵᠤ ᠪᠠᠶ᠋ᠢᠭᠠ ᠬᠦᠮᠦᠨᠳᠤ᠄ 《ᠪᠢᠷ ᠬᠤᠷᠴᠠ ᠪᠤᠯᠤᠭ！》᠂ 《ᠪᠢᠴᠢᠭ ᠲᠦᠪᠰᠢᠨ ᠪᠤᠯᠤᠭ！》 ᠭᠡᠬᠦ； ᠪᠠᠶ᠋ᠢᠰᠢᠩ ᠪᠠᠷᠢᠵᠦ ᠪᠠᠶ᠋ᠢᠬᠤ ᠬᠦᠮᠦᠨᠳᠤ᠄ 《ᠰᠠᠭᠤᠷᠢ ᠪᠠᠳᠥ᠂ ᠪᠠᠷᠢᠯᠭᠠ ᠤᠷᠠᠨ ᠪᠤᠯᠤᠭ！》᠂ 《ᠨᠢᠷᠤᠭᠤ ᠪᠠᠲᠦ ᠪᠤᠯᠤᠭ！》 ᠭᠡᠬᠦ ᠵᠡᠷᠭᠡᠪᠠᠷ ᠠᠯᠢᠪᠠ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨᠢ ᠵᠦᠨᠭᠨᠡᠨ ᠪᠡᠯᠭᠡᠰᠢᠶᠡᠬᠦ ᠠ᠋ᠭᠦᠳᠡᠨᠠᠴᠠ ᠢᠷᠦᠭᠡᠵᠤ ᠮᠠᠭᠲᠠᠭ᠍ᠤ ᠠᠶᠠᠰᠲᠠᠢ ᠠᠩᠬᠠᠷᠤᠭᠤᠯᠬᠤ ᠦᠭᠡ ᠦᠭᠦᠯᠡᠪᠦᠷᠢ ᠬᠡᠷᠡᠭᠯᠡᠵᠤ ᠮᠡᠨᠳᠤᠴᠢᠯᠡᠵᠤ ᠢᠷᠡᠭᠰᠡᠨ ᠶᠤᠮ᠃ ᠢᠷᠤᠭᠡᠯᠲᠤ ᠮᠡᠨᠳᠤᠴᠢᠯᠡᠭᠡ ᠪᠤᠯ ᠮᠤᠩᠭᠤᠯᠴᠤᠳᠤᠨ ᠬᠠᠮᠤᠭᠤᠨ ᠦᠷᠭᠡᠨ ᠲᠡᠯᠭᠡᠷ ᠮᠦᠷᠲᠡᠭᠡᠨ ᠠ᠋ᠳᠤᠷ ᠲᠤᠳᠤᠮᠤᠨ ᠠᠮᠢᠳᠤᠷᠠᠯ ᠲᠤᠮᠳᠠ ᠬᠡᠷᠡᠭᠯᠡᠭᠳᠡᠳᠡᠭ᠂ ᠠᠭᠤᠯᠭᠠ ᠲᠦᠷᠦᠯ ᠵᠦᠢ᠍ᠯ ᠵᠶ᠋ᠠᠷ ᠬᠠᠮᠤᠭᠤᠨ ᠤᠯᠠᠨ᠂ ᠬᠡᠯᠡ ᠬᠡᠯᠡᠯᠭᠡ ᠬᠠᠮᠤᠭᠤᠨ ᠪᠠᠶᠠᠯᠢᠭ ᠮᠡᠨᠳᠤᠴᠢᠯᠡᠭᠡᠨᠤ ᠰᠤᠶᠤᠯ᠂ ᠵᠠᠩ ᠦᠢ᠍ᠯᠡ ᠵᠢᠨ ᠨᠢᠭᠡᠨ ᠵᠦᠢ᠍ᠯ ᠪᠤᠯᠬᠤ ᠶᠤᠮ᠃
ᠤᠳᠤ ᠴᠦᠬᠡᠨ ᠲᠣᠭ᠋ᠠᠨᠤ ᠠᠬᠠᠮᠠᠳ ᠨᠠᠰᠤᠳᠠᠳᠠᠴᠠ ᠪᠤᠰᠤᠳ ᠢᠳᠡᠷ ᠨᠠᠰᠤᠨᠤ ᠬᠦᠮᠤᠰᠢ ᠪᠠᠭᠳᠠᠭ᠋ᠠᠭᠰᠠᠨ ᠬᠤᠶ᠋ᠢᠴᠢ ᠦᠶᠡ ᠵᠢᠨᠬᠢᠨ ᠪᠠᠷᠤᠭ ᠯᠡ ᠬᠡᠷᠡᠭᠯᠡᠬᠦᠪᠠᠨ ᠪᠤᠯᠢᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠭᠦᠨᠳᠤ ᠵᠠᠷᠢᠮ ᠠᠵᠢᠯ ᠲᠦᠷᠦᠯᠨᠢ ᠪᠤᠳᠠᠳᠤ ᠠᠮᠢᠳᠤᠷᠠᠯᠳᠤ ᠲᠡᠮᠡᠢ ᠲᠤᠬᠢᠶᠠᠯᠳᠤᠬᠤ ᠦᠭᠡᠢ ᠪᠤᠯᠤᠭᠰᠠᠨ ᠰᠢᠯᠳᠠᠭ᠋ᠠᠨ ᠪᠤᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠠᠶ᠋ᠢᠷᠠᠭ ᠪᠦᠯᠢᠬᠦ᠂ ᠲᠦᠷᠦᠭᠡ ᠬᠢᠬᠦ᠂ ᠴᠢᠳᠤᠷ ᠵᠠᠩᠬᠢᠳᠬᠤ᠂ ᠢᠰᠡᠬᠡᠢ ᠬᠢᠬᠦ᠂ ᠦᠢ᠍ᠯᠡ ᠣᠶᠤᠳᠠᠯ ᠤᠶᠤᠬᠤ ᠵᠡᠷᠭᠡ᠃ ᠠ᠋ᠭᠦᠨᠠᠴᠠ ᠭᠠᠳᠠᠨᠠ ᠭᠡᠷ ᠪᠠᠷᠢᠬᠤ᠂ ᠭᠡᠷ ᠨᠡᠬᠦᠬᠦ ᠵᠡᠷᠭᠡ ᠠᠵᠢᠯ ᠲᠦᠷᠦᠯᠢ ᠦᠪᠡᠷᠰᠡᠳ ᠵᠶ᠋ᠠᠨ ᠬᠢᠬᠦ ᠪᠢᠰᠢ ᠲᠤᠰᠬᠠᠢ ᠬᠦᠮᠦᠰᠲᠤ ᠬᠦᠯᠦᠰᠦ ᠤᠯᠭᠤᠮᠵᠢ ᠦᠭᠭᠦᠨ ᠬᠢᠯᠭᠡᠳᠡᠭ ᠪᠤᠯᠤᠭᠰᠠᠨ ᠵᠡᠷᠭᠡᠲᠠᠢ ᠬᠤᠯᠪᠤᠭᠠᠲᠠᠢ ᠶᠤᠮ᠃ ᠪᠠᠰᠠ ᠨᠠᠰᠤᠳᠠᠶ᠋ᠢᠴᠤᠳ ᠪᠤᠶᠤ ᠠᠬᠠᠮᠠᠳ ᠬᠦᠮᠤᠰᠨᠢ ᠬᠡᠤᠬᠡᠳ ᠪᠠᠭ᠋ᠠᠴᠤᠳᠤᠨ ᠭᠠᠷᠠᠴᠠ ᠶᠠᠭᠤᠮᠠ ᠠᠪᠬᠤ ᠦᠶᠡᠳᠤᠪᠠᠨ᠄ 《ᠠᠭᠤᠯᠠᠠᠴᠠ ᠦᠨᠳᠤᠷ ᠪᠡᠶᠡᠲᠠᠢ᠂ ᠤᠰᠤᠨᠠᠴᠠ ᠭᠦᠨ ᠠ᠋ᠷᠲᠡᠮᠲᠠᠢ ᠪᠤᠯᠤᠭ᠋ᠠᠷᠠᠢ！》᠂ 《ᠵᠠᠭᠤ ᠨᠠᠰᠤᠯᠠ᠂ ᠵᠢᠷᠭᠤᠭ᠋ᠠᠳᠠᠢ ᠲᠠᠶᠠᠭ ᠲᠤᠯᠤᠭ！》᠂ 《ᠤᠷᠳᠤ ᠨᠠᠰᠤᠯᠠ᠂ ᠤᠳᠠᠭ᠋ᠠᠨ ᠵᠢᠷᠭᠠ！》᠂ 《ᠦᠨᠳᠤᠷ ᠬᠦᠤ ᠪᠤᠯᠤᠭ᠋ᠠᠷᠠᠢ！》 ᠭᠡᠬᠦ ᠮᠡᠳᠤ ᠢᠷᠤᠭᠡᠯᠲᠤ ᠮᠡᠨᠳᠤᠴᠢᠯᠡᠭᠡᠨᠤ ᠦᠭᠡ ᠬᠡᠯᠡᠳᠡᠭ ᠵᠠᠩ ᠵᠠᠩᠰᠢᠯᠲᠠᠢ ᠪᠠᠶ᠋ᠢᠵᠠᠢ᠃ ᠠ᠋ᠳᠦᠭᠡ ᠠ᠋ᠲᠡᠭᠡᠷ ᠢᠷᠤᠭᠡᠯᠲᠤ ᠮᠡᠨᠳᠤᠴᠢᠯᠡᠭᠡ ᠵᠢ ᠪᠤᠯ ᠡᠪᠦᠭᠡ ᠠ᠋ᠮᠡᠭᠡᠨᠢ ᠤᠮᠪᠤᠯᠤ ᠲᠤᠮᠪᠤᠯᠤ᠂ ᠦᠪᠡᠷᠤᠨ ᠦᠷᠡ ᠠᠴᠢ ᠨᠠᠷᠲᠤᠪᠠᠨ ᠬᠠᠶᠠ ᠨᠢᠭᠡ ᠬᠡᠷᠡᠭᠯᠡᠬᠦ ᠪᠤᠶᠤ ᠵᠢᠯ ᠴᠠᠭ᠋ᠠᠨ ᠰᠠᠷᠠ ᠪᠤᠯᠬᠤ᠂ ᠨᠠᠰᠤᠨ ᠪᠠᠶᠠᠷ᠂ ᠬᠤᠷᠢᠮ ᠨᠠᠶ᠋ᠢᠷ ᠵᠡᠷᠭᠡ ᠪᠠᠶᠠᠷ ᠶᠤᠰᠤᠯᠠᠯᠤᠨ ᠴᠢᠨᠠᠷᠲᠠᠢ ᠴᠠᠭ ᠮᠦᠴᠠ ᠪᠤᠶᠤ ᠭᠡᠷ ᠬᠤᠳᠠᠯᠠᠭ᠋ᠠᠷ ᠨᠠᠶ᠋ᠢᠷ ᠬᠦᠷ ᠪᠣᠯᠵᠤ ᠪᠠᠶ᠋ᠢᠭᠠ ᠨᠡᠯᠢᠶᠡᠳ ᠤᠨᠴᠠᠭ᠋ᠠᠢ ᠪᠠᠶ᠋ᠢᠳᠠᠯᠳᠤ ᠯᠡ ᠬᠡᠷᠡᠭᠯᠡᠵᠥ ᠪᠠᠶ᠋ᠢᠭᠠ ᠵᠢ ᠭᠠᠷᠭ᠋ᠠᠪᠠᠯ ᠦᠨᠳᠤᠰᠤᠨᠳᠤᠪᠠᠨ ᠬᠡᠷᠡᠭᠯᠡᠬᠦᠪᠠᠨ ᠪᠤᠯᠢᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠳᠡᠭᠡᠷ ᠢᠷᠤᠭᠡᠯᠲᠤ ᠮᠡᠨᠳᠤᠴᠢᠯᠡᠭᠡ ᠵᠢᠨ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡᠨᠢ ᠨᠡᠯᠢᠶᠡᠳ ᠬᠡᠪᠰᠢᠭᠰᠡᠨ ᠪᠠᠶ᠋ᠢᠳᠠᠭ᠃ ᠶᠡᠬᠡᠩᠬᠢᠳᠤᠪᠠᠨ 《ᠠᠮᠠᠨ ᠪᠡᠯᠭᠡᠠᠴᠠ ᠠᠰᠢᠳᠠ ᠵᠢᠨ ᠪᠡᠯᠭᠡ！》᠂ 《ᠢᠷᠦᠭᠡᠯ ᠪᠠᠳᠥ ᠤᠷᠤᠰᠢᠭ！》᠂ 《ᠢᠷᠦᠭᠡᠯ ᠲᠤᠭᠳᠠᠭ᠍ᠤ ᠪᠤᠯᠳᠤᠭ᠋ᠠᠢ！》᠂ 《ᠦᠯᠵᠡᠶ᠋ᠢᠳᠡᠢ ᠪᠤᠯᠳᠤᠭ᠋ᠠᠢ！》᠂ 《ᠦᠯᠵᠡᠢ ᠤᠷᠤᠰᠢᠭ！》᠂ 《ᠠᠮᠠᠨ ᠢᠷᠦᠭᠡᠯ ᠠᠰᠢᠳᠠ ᠵᠢᠨ ᠪᠡᠯᠭᠡ！》᠂ 《ᠠᠮᠠ ᠦᠯᠵᠡᠶ᠋ᠢᠳᠡᠢ ᠪᠤᠯᠤᠭ！》᠂ 《ᠢᠷᠦᠭᠡᠯ ᠵᠶ᠋ᠠᠷ ᠪᠤᠯᠤᠭ！》᠂ 《ᠠᠮᠠᠨ ᠪᠡᠯᠭᠡᠪᠠᠷ ᠪᠤᠯᠤᠭ！》᠂ 《ᠲᠡᠷᠡ ᠪᠡᠯᠭᠡ ᠤᠷᠤᠰᠢᠳᠤᠭ᠋ᠠᠢ！》᠂ 《ᠲᠠᠨᠤ ᠢᠷᠦᠭᠡᠯ ᠰᠢᠩᠭᠡᠬᠦ ᠪᠤᠯᠳᠤᠭ᠋ᠠᠢ！》᠂ 《ᠲᠠᠨᠤ ᠢᠷᠦᠭᠡᠯ ᠵᠶ᠋ᠠᠷ ᠪᠤᠯᠤᠭ！》᠂ 《ᠢᠷᠦᠭᠡᠯ ᠲᠤᠭᠳᠠᠭ᠍ᠤ ᠪᠤᠯᠳᠤᠭ᠋ᠠᠢ！》᠂ 《ᠢᠷᠦᠭᠡᠯ ᠲᠣᠭᠲᠠᠭ！》᠂ 《ᠲᠡᠶ᠋ᠢᠮᠦ ᠪᠤᠯᠳᠤᠭ᠋ᠠᠢ》 ᠬᠡᠭᠦᠴᠢᠯᠡᠨ ᠠᠯᠢ ᠨᠢᠭᠡᠨ ᠦᠭᠡ ᠪᠠᠶ᠋ᠢᠭᠰᠠᠨ ᠴᠦ᠍ ᠪᠤᠯᠬᠤ ᠶᠤᠮ᠃ ᠠ᠋ᠳᠡᠭᠡᠷ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡᠨᠢ ᠶᠡᠷᠦᠨᠭᠭᠡᠢᠳᠤᠪᠠᠨ ᠶᠤᠰᠤᠭ᠋ᠠᠷ ᠬᠡᠯᠡᠭᠳᠡᠵᠦ ᠪᠠᠶ᠋ᠢᠭᠠ ᠪᠤᠯᠪᠠᠴᠦ ᠬᠡᠯᠡᠨᠤ ᠢᠯᠡᠳᠬᠡᠬᠦ ᠠᠷᠭᠠ᠂ ᠦᠭᠡ ᠵᠢᠨ ᠪᠠᠶᠠᠯᠢᠭ ᠵᠡᠷᠭᠡ ᠲᠠᠯᠠᠪᠠᠷ ᠢᠯᠡᠳᠲᠠ ᠶᠠᠳᠠᠭᠤᠷᠠᠵᠦ ᠪᠠᠶ᠋ᠢᠭᠠᠨᠢ ᠮᠡᠳᠡᠷᠡᠭᠳᠡᠵᠦ ᠪᠠᠶ᠋ᠢᠨᠠ᠃ ᠨᠡᠩ ᠴᠦ᠍ ᠵᠠᠯᠠᠭᠤᠴᠤᠳ ᠪᠠᠭ᠋ᠠᠴᠤᠳ ᠦᠨᠳᠤᠰᠤᠨ ᠲᠡᠭᠡᠷᠡᠪᠠᠨ 《ᠲᠠᠨᠳᠤ ᠪᠠᠶᠠᠷᠯᠠᠯᠠ！》᠂ 《ᠲᠠᠨᠳᠤ ᠲᠠᠯᠠᠷᠬᠠᠯᠠ！》᠂ 《ᠲᠠᠨᠳᠤ ᠮᠠᠰᠢ ᠶᠡᠭᠡ ᠪᠠᠶᠠᠷᠯᠠᠯᠠ！》᠂ 《ᠲᠠᠨᠳᠤ ᠲᠤᠶ᠋ᠢᠯ ᠵᠶ᠋ᠠᠷ ᠪᠠᠶᠠᠷᠯᠠᠯᠠ！》 ᠭᠡᠬᠦ ᠮᠡᠳᠤᠴᠢᠯᠡᠨ ᠲᠦᠭᠦᠮᠴᠢᠯᠡᠭᠰᠡᠨ᠂ ᠦᠭᠡᠷᠡᠳᠡᠭᠦᠯᠦᠭᠰᠡᠨ ᠦᠭᠡ ᠬᠡᠯᠡᠯᠭᠡ ᠵᠢ ᠬᠡᠷᠡᠭᠯᠡᠵᠦ᠂ ᠬᠠᠷᠢᠭᠤ ᠮᠡᠨᠳᠤᠴᠢᠯᠡᠭᠡ ᠪᠤᠯᠭ᠋ᠠᠬᠤ ᠪᠠᠶ᠋ᠢᠳᠠᠯ ᠴᠦ᠍ ᠴᠦᠬᠡᠨ ᠪᠤᠰᠤ ᠲᠤᠬᠢᠶᠠᠯᠳᠤᠬᠤ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠢᠩᠬᠢᠵᠦ ᠦᠭᠡᠷᠡᠳᠦᠭᠦᠯᠵᠦ ᠪᠠᠶ᠋ᠢᠭᠠ ᠵᠢᠨ ᠰᠢᠯᠳᠠᠭ᠋ᠠᠨᠨᠢ ᠤᠯᠠᠮᠵᠢᠯᠠᠯᠳᠦ ᠮᠡᠨᠳᠤᠴᠢᠯᠡᠭᠡᠨᠤ ᠶᠤᠰᠤ ᠵᠠᠩᠰᠢᠯᠢ ᠰᠠᠶ᠋ᠢᠨ ᠮᠡᠳᠡᠬᠦ ᠦᠭᠡᠢ᠂ ᠵᠦᠪᠬᠡᠨ ᠬᠤᠪᠢ ᠬᠦᠮᠤᠨᠤ ᠪᠠᠶᠠᠷᠯᠠᠭᠰᠠᠨ ᠰᠡᠳᠬᠢᠯᠭᠡᠪᠠᠨ ᠢᠯᠡᠷᠬᠡᠶ᠋ᠢᠯᠡᠵᠤ ᠪᠠᠶ᠋ᠢᠭᠠᠲᠠᠢ ᠬᠤᠯᠪᠤᠭᠠᠲᠠᠢ ᠪᠠᠶ᠋ᠢᠵᠦ ᠮᠡᠳᠡᠨᠡ ᠭᠡᠵᠦ ᠦᠵᠡᠵᠦ ᠪᠠᠶ᠋ᠢᠨᠠ᠃ ᠠ᠋ᠨᠡᠨᠢ ᠪᠠᠰᠠ ᠢᠷᠤᠭᠡᠯᠲᠤ ᠮᠡᠨᠳᠤᠴᠢᠯᠡᠭᠡ ᠵᠢᠨ ᠮᠠᠷᠲᠠᠭᠳᠠᠵᠤ ᠬᠠᠶᠠᠭᠳᠠᠵᠤ ᠪᠠᠶ᠋ᠢᠭᠠ ᠪᠠ ᠪᠤᠷᠤᠭᠤᠪᠠᠷ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠭᠠ ᠦᠵᠡᠭᠳᠡᠯᠤᠳᠤᠨ ᠠᠩᠬᠠᠨᠤ ᠢᠯᠡᠷᠡᠯ ᠭᠡᠵᠦ ᠤᠶ᠋ᠢᠯᠠᠭ᠋ᠠᠵᠤ ᠪᠤᠯᠤᠨᠠ᠃
ᠵᠢᠷᠭᠤᠭᠠ᠂ ᠵᠠᠬᠢᠳᠠᠯᠤᠨ ᠮᠡᠨᠳᠤᠴᠢᠯᠡᠭᠡ
ᠵᠠᠬᠢᠳᠠᠯᠤᠨ ᠮᠡᠨᠳᠤᠴᠢᠯᠡᠭᠡ ᠪᠤᠯ ᠠᠮᠠᠨ ᠮᠡᠨᠳᠦᠴᠢᠯᠡᠭᠡᠠᠴᠠ ᠢᠯᠭ᠋ᠠᠭᠠᠲᠠᠢ᠃ ᠵᠠᠬᠢᠳᠠᠯᠤᠨ ᠮᠡᠨᠳᠦᠴᠢᠯᠡᠭᠡᠳᠤ ᠬᠦᠨᠳᠦᠳᠭᠡᠯᠤᠨ ᠦᠭᠡ ᠨᠡᠩ ᠤᠯᠠᠨ ᠬᠡᠷᠡᠭᠯᠡᠳᠡᠭ ᠵᠤᠷᠰᠢᠯᠲᠠᠢ᠃ ᠪᠤᠰᠤᠳ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡᠨᠳᠤ ᠰᠤᠨᠤᠰᠤᠭᠴᠢ ᠠ᠋ᠳᠡᠭᠡᠳᠢ ᠵᠦᠪᠬᠡᠨ 《ᠲᠠ》 ᠭᠡᠬᠦ ᠬᠤᠶᠠᠳᠤᠭ᠋ᠠᠷ ᠪᠡᠶᠡ ᠵᠢᠨ ᠲᠦᠯᠦᠭᠡᠨᠤ ᠦᠭᠡ ᠵᠢᠨ ᠬᠦᠨᠳᠤᠳᠬᠡᠯ ᠬᠡᠯᠪᠡᠷᠢᠪᠠᠷ ᠳᠠᠭᠤᠳᠠᠳᠠᠭ ᠪᠤᠯ ᠵᠠᠬᠢᠲᠠᠯᠳᠤ ᠬᠠᠷᠢᠨ ᠬᠦᠨᠳᠤᠳᠭᠡᠯ ᠦᠭᠡ ᠪᠠ ᠠᠪᠤᠭ᠋ᠠᠶ᠋ᠢᠯᠠᠭᠠ ᠦᠭᠡᠪᠠᠷ ᠲᠠᠭᠤᠳᠠᠳᠠᠭ᠃ ᠵᠢᠱ᠌ᠢᠶᠡᠨᠢ᠂ ᠪᠠᠭᠰᠢᠳᠤᠪᠠᠨ ᠵᠠᠬᠢᠲᠠᠯ ᠪᠢᠴᠢᠪᠡᠯ 《ᠠ᠋ᠷᠬᠢᠮ ᠬᠦᠨᠳᠤᠳᠤ ᠪᠠᠭᠰᠢ ᠲᠠᠨᠠ᠂ ᠠ᠋ᠳᠦᠭᠡ ᠪᠢ ᠠᠯᠤᠰ ᠭᠠᠵᠠᠷᠠᠴᠠ ᠲᠡᠷᠢᠭᠦᠨ ᠮᠡᠬᠦᠶ᠋ᠢᠨ ᠠ᠋ᠷᠬᠢᠮ ᠲᠠᠨᠤ ᠠ᠋ᠷᠲᠡᠮ ᠵᠢᠭ᠋ᠠᠭᠰᠠᠨ ᠭᠦᠨ ᠠᠴᠢᠳᠤ ᠲᠠᠯᠠᠷᠬᠠᠨ ᠠᠮᠤᠷ ᠠᠮᠤᠭᠤᠯᠠᠩᠢ ᠠᠶ᠋ᠢᠯᠠᠳᠬᠠᠨ ᠪᠠᠶ᠋ᠢᠨᠠ᠃ ᠲᠠ ᠠᠮᠤᠷᠬᠠᠨ ᠰᠠᠶ᠋ᠢᠨ ᠰᠠᠭ᠋ᠠᠳᠠᠵᠦ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ ᠮᠡᠳᠤᠪᠠᠷ ᠬᠡᠷᠡᠭᠯᠡᠳᠡᠭ ᠪᠠᠶ᠋ᠢᠨᠠ᠃
ᠵᠢᠱ᠌ᠢᠶᠡ ᠨᠢᠭᠡ᠄
1921 ᠤᠨᠤ ᠠ᠋ᠬᠢᠪᠠᠷ ᠳ᠋᠊ · ᠰᠦᠬᠡᠪᠠᠭ᠋ᠠᠳᠤᠷᠤᠨ ᠠᠬᠠ ᠨᠡᠮᠡᠨᠳᠡᠷᠲᠤᠪᠠᠨ ᠶᠠᠪᠤᠭᠤᠯᠤᠭᠰᠠᠨ ᠵᠠᠬᠢᠳᠠᠯ
《ᠦᠴᠦᠬᠡᠨ ᠳᠡᠭᠦᠤ ᠰᠦᠬᠡᠪᠠᠭ᠋ᠠᠳᠤᠷᠠᠴᠠ
ᠠ᠋ᠷᠲᠡᠨᠤ ᠰᠠᠶ᠋ᠢᠨ ᠢᠷᠦᠭᠡᠯᠤᠨ ᠬᠦᠴᠦᠨ ᠵᠶ᠋ᠠᠷ ᠠ᠋ᠨᠡ ᠨᠠᠰᠤᠨᠳᠤ ᠰᠠᠳᠤᠨ ᠪᠤᠯᠤᠨ ᠤᠴᠠᠷᠠᠭᠰᠠᠨ᠂ ᠠ᠋ᠷᠬᠢᠮ ᠠᠬᠠ ᠨᠡᠮᠡᠨᠳᠡᠷ ᠲᠠᠨᠤ ᠰᠠᠨᠠᠭᠰᠠᠨ ᠬᠡᠷᠡᠭ ᠪᠦᠳᠦᠵᠦ᠂ ᠰᠢᠨᠡ ᠵᠢᠯᠤᠨ ᠪᠠᠶᠠᠷ ᠪᠤᠯᠤᠭᠰᠠᠨ ᠲᠤᠯᠠ ᠮᠠᠰᠢᠲᠠ ᠶᠡᠭᠡ ᠪᠠᠶᠠᠷᠯᠠᠨ ᠲᠦᠮᠡᠨ ᠠᠮᠤᠭᠤᠯᠠᠩᠢ ᠠᠶ᠋ᠢᠯᠠᠳᠬᠠᠵᠤ᠂ ᠮᠡᠨᠳᠦ ᠰᠠᠶ᠋ᠢᠨᠢ ᠯᠠᠪᠯᠠᠨ᠂ ᠠᠷᠢᠭᠤᠨ ᠴᠠᠭ᠋ᠠᠨ ᠬᠠᠳᠠᠭ᠂ ᠦᠴᠦᠬᠡᠨ ᠵᠠᠬᠢᠳᠠᠯ ᠮᠡᠳᠦᠰᠢ ᠠ᠋ᠷᠭᠦᠨ ᠪᠠᠷᠢᠭᠤᠯᠪᠠ᠃
ᠵᠢᠴᠢ᠂ ᠲᠡᠭᠦᠨᠤ ᠮᠢᠨᠢ ᠲᠤᠰ ᠲᠤᠰᠤᠨ ᠭᠡᠷᠤᠨ ᠬᠤᠲᠠᠯᠠᠭ᠋ᠠᠷ ᠮᠡᠨᠳᠦ ᠰᠠᠶ᠋ᠢᠨᠢ ᠲᠡᠭᠦᠪᠡᠷ ᠯᠠᠪᠯᠠᠨ᠂ ᠮᠡᠨᠳᠦ ᠵᠢᠨ ᠬᠠᠷᠢᠭᠤ ᠢᠷᠡᠭᠦᠯᠬᠦ ᠠᠵᠢᠶᠠᠮᠤ ᠁》
ᠵᠢᠱ᠌ᠢᠶᠡ ᠬᠤᠶᠠᠷ᠄
ᠳ᠋᠊ · ᠰᠦᠬᠡᠪᠠᠭ᠋ᠠᠳᠤᠷᠤᠨ ᠵᠠᠯᠾᠭ᠌ᠵᠠ ᠬᠤᠳᠤᠭᠲᠤ ᠳᠠᠮᠳᠢᠨᠪᠠᠽᠠᠷᠲᠤ ᠶᠠᠪᠤᠭᠤᠯᠤᠭᠰᠠᠨ ᠵᠠᠬᠢᠳᠠᠯ
1921 ᠤᠨᠤ ᠳᠤᠯᠤᠳᠤᠭ᠋ᠠᠷ ᠰᠠᠷᠠ
《ᠮᠤᠩᠭᠤᠯ ᠠᠷᠠᠳᠤᠨ ᠪᠦᠬᠦ ᠴᠡᠷᠢᠭᠢ ᠶᠡᠷᠤᠩᠬᠡᠶ᠋ᠢᠯᠡᠨ ᠵᠠᠬᠢᠷᠬᠤ ᠵᠠᠩᠵᠤᠨ ᠬᠢᠴᠢᠶᠡᠩᠭᠦᠶ᠋ᠢᠯᠡᠨ᠄
ᠨᠤᠮᠤᠨ ᠠᠴᠢᠲᠤ ᠪᠠᠭᠰᠢ ᠲᠠᠨᠤ ᠠ᠋ᠷᠳᠡᠨᠢᠳᠦ ᠯᠠᠭᠱ᠌ᠠᠨ᠂ ᠲᠦᠮᠡᠨ ᠠᠮᠤᠭᠤᠯᠠᠩᠢ ᠠᠯᠤᠰ ᠬᠤᠯᠠ ᠦᠨᠳᠦᠷ ᠠᠭᠤᠯᠠ᠂ ᠦᠷᠭᠡᠨ ᠤᠰᠤᠨᠤ ᠳᠠᠯᠳᠠᠠᠴᠠ ᠮᠡᠬᠦᠶ᠋ᠢᠨ ᠬᠢᠴᠢᠶᠡᠩᠭᠦᠶ᠋ᠢᠯᠡᠨ ᠨᠠᠮᠠᠨᠴᠢᠯᠠᠨ ᠠᠶ᠋ᠢᠯᠠᠳᠬᠠᠬᠤᠠᠴᠠ ᠭᠠᠳᠠᠨᠠ ᠵᠠᠬᠢᠳᠠᠯ ᠠ᠋ᠷᠭᠦᠨ ᠰᠤᠩᠭ᠋ᠠᠬᠤ ᠤᠴᠢᠷ ᠁ ᠠ᠋ᠭᠦᠨᠤ ᠲᠤᠯᠠ ᠠᠯᠤᠰ ᠬᠤᠯᠠᠠᠴᠠ ᠨᠠᠮᠠᠨᠴᠢᠯᠠᠨ ᠠᠮᠤᠭᠤᠯᠠᠩᠢ ᠠᠶ᠋ᠢᠯᠠᠳᠬᠠᠵᠤ ᠳᠡᠮᠳᠡᠭ ᠳᠠᠷᠤᠭᠰᠠᠨ ᠵᠠᠬᠢᠳᠠᠯ ᠮᠡᠲᠤᠰᠢ ᠠ᠋ᠷᠭᠦᠪᠡ
ᠤᠯᠠᠨᠠ ᠠ᠋ᠷᠭᠦᠭᠳᠡᠭᠰᠡᠨᠤ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠤᠨ᠂ ᠲᠠᠪᠤᠨ ᠰᠠᠷᠠ ᠵᠢᠨ ᠭᠤᠴᠢᠨ》 ᠭᠡᠰᠡᠨ ᠪᠠᠶ᠋ᠢᠨᠠ᠃ ᠠ᠋ᠳᠡᠭᠡᠷ ᠪᠤᠳᠠᠳᠤ ᠵᠢᠱ᠌ᠢᠶᠡᠨᠠᠴᠠ ᠪᠢᠳᠡ ᠵᠠᠬᠢᠲᠠᠯᠤᠨ ᠮᠡᠨᠳᠤᠴᠢᠯᠡᠭᠡ ᠪᠤᠯ ᠠᠮᠠᠨ ᠮᠡᠨᠳᠤᠴᠢᠯᠡᠭᠡᠨᠠᠴᠠ ᠨᠡᠩ ᠶᠡᠭᠡ ᠬᠦᠨᠳᠤᠳᠬᠡᠯᠲᠠᠢ ᠪᠠᠶ᠋ᠢᠬᠤ ᠶᠤᠰᠤᠳᠠᠢ ᠭᠡᠳᠡᠭᠢ ᠤᠶ᠋ᠢᠯᠠᠭ᠋ᠠᠵᠦ ᠪᠤᠯᠤᠨᠠ᠃
ᠤᠳᠤ ᠬᠦᠮᠣᠰ ᠤᠲᠠᠰᠤᠪᠠᠷ ᠮᠡᠨᠳᠤᠴᠢᠯᠡᠬᠦ ᠪᠤᠶᠤ ᠢᠮᠸᠯ᠂ ᠤᠬᠤᠷ ᠴᠢᠮᠡᠭᠡ᠂ 《ᠪᠠᠶ᠋ᠢᠨᠠ ᠤᠤ》ᠪᠠᠷ ᠮᠡᠨᠳᠤᠴᠢᠯᠡᠬᠦᠨᠢ ᠠᠭᠤᠯᠵᠠᠵᠤ ᠮᠡᠨᠳᠤᠴᠢᠯᠡᠬᠦ᠂ ᠵᠠᠬᠢᠲᠠᠯ ᠪᠢᠴᠢᠬᠦᠠᠴᠠ ᠬᠠᠷᠢᠴᠠᠩᠭᠤᠢ ᠠᠷᠪᠢᠨ ᠪᠤᠯᠤᠭᠰᠠᠨ ᠲᠤᠯᠠ ᠵᠠᠬᠢᠳᠠᠯᠤᠨ ᠮᠡᠨᠳᠤᠴᠢᠯᠡᠭᠡ ᠬᠡᠷᠡᠭᠯᠡᠭᠳᠡᠬᠦᠨᠢ ᠢᠯᠡᠳᠲᠡ ᠴᠦᠭᠡᠬᠡᠷᠡᠭᠰᠡᠨ ᠪᠠᠶ᠋ᠢᠨᠠ᠃ ᠭᠡᠪᠡᠴᠦ ᠵᠠᠬᠢᠳᠠᠯ ᠪᠢᠴᠢᠬᠦ ᠦᠶᠡᠳᠤ ᠬᠠᠭᠤᠴᠢᠨ ᠤᠯᠠᠮᠵᠢᠯᠠᠯ ᠵᠶ᠋ᠠᠨ ᠨᠡᠯᠢᠶᠡᠳ ᠪᠦᠷᠢᠨ ᠭᠦᠢ᠍ᠴᠡᠳ ᠪᠠᠷᠢᠮᠳᠠᠯᠠᠵᠦ ᠪᠠᠶ᠋ᠢᠨᠠ᠃ ᠠ᠋ᠭᠦᠨᠳᠤ ᠦᠪᠦᠷ ᠮᠤᠩᠭᠤᠯ ᠤᠷᠤᠨᠳᠤ ᠵᠠᠬᠢᠳᠠᠯᠤᠨ ᠲᠡᠭᠦᠰᠬᠡᠯᠤᠨ ᠬᠡᠰᠡᠭᠤᠨ ᠢᠷᠦᠭᠡᠯ ᠮᠡᠨᠳᠤᠴᠢᠯᠡᠭᠡᠨᠢ ᠢᠯᠡᠷᠬᠡᠢ ᠴᠦᠬᠡᠨ ᠬᠡᠷᠡᠭᠯᠡᠭᠳᠡᠬᠦ ᠪᠤᠯᠵᠠᠢ᠃ ᠤᠬᠤᠷ ᠴᠢᠮᠡᠭᠡ᠂ 《ᠪᠠᠶ᠋ᠢᠨᠠ ᠤᠤ》᠂ ᠢᠮᠸᠯᠳᠤ ᠬᠡᠳᠦᠶ᠋ᠢᠪᠡᠷ ᠦᠰᠦᠭ ᠪᠢᠴᠢᠭᠤᠨ ᠬᠡᠯᠪᠡᠷᠢᠪᠠᠷ ᠪᠢᠴᠢᠳᠡᠭ ᠪᠤᠯᠪᠠᠴᠤ ᠬᠦᠨᠳᠦᠲᠠᠢ ᠬᠦᠮᠦᠨᠳᠤ ᠪᠢᠴᠢᠬᠦ ᠴᠢᠮᠡᠭᠡ ᠪᠢᠰᠢ ᠪᠤᠯ ᠬᠦᠮᠦᠰ ᠮᠡᠨᠳᠤᠴᠢᠯᠡᠭᠡ ᠵᠢ ᠲᠦᠭᠦᠮᠴᠢᠯᠡᠵᠦ ᠭᠠᠭᠴᠠ ᠦᠭᠦᠯᠡᠪᠦᠷᠢᠪᠠᠷ ᠲᠠᠭᠤᠰᠬᠠᠵᠦ ᠪᠠᠶ᠋ᠢᠨᠠ᠃ ᠤᠯᠠᠩᠬᠢᠳᠤᠪᠠᠨ ᠰᠢᠭᠤᠳ ᠯᠠ ᠤᠴᠢᠷ ᠵᠶ᠋ᠠᠨ ᠲᠤᠭ᠋ᠠᠴᠢᠳᠠᠭ ᠪᠠᠶ᠋ᠢᠳᠠᠯ ᠤᠯᠠᠨ ᠬᠠᠷᠠᠭᠳᠠᠵᠤ ᠪᠠᠶ᠋ᠢᠨᠠ᠃ ᠠ᠋ᠨᠡᠨᠢ ᠠᠵᠢᠯ ᠠᠮᠢᠳᠤᠷᠠᠯᠤᠨ ᠠᠶ᠋ᠢᠵᠠᠮ ᠬᠤᠷᠳᠤᠨ ᠪᠤᠯᠤᠭᠰᠠᠨ ᠪᠠ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯᠤᠨ ᠭᠡᠭᠡᠭᠳᠡᠵᠦ ᠪᠠᠶ᠋ᠢᠬᠤ ᠵᠡᠷᠭᠡ ᠰᠢᠯᠳᠠᠭ᠋ᠠᠨᠲᠠᠢ ᠬᠤᠯᠪᠤᠭ᠋ᠠᠳᠠᠢ ᠪᠠᠶ᠋ᠢᠨᠠ᠃
ᠳᠤᠯᠤᠭᠠ᠂ ᠮᠡᠨᠳᠦᠴᠢᠯᠡᠭᠡᠨᠤ ᠬᠡᠯᠡ ᠬᠡᠯᠡᠯᠭᠡ ᠵᠢᠨ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠭᠠ ᠪᠠᠶ᠋ᠢᠳᠠᠯ
ᠮᠡᠨᠳᠦᠴᠢᠯᠡᠭᠡ ᠪᠤᠯ ᠵᠢᠷᠤᠨ ᠠᠰᠠᠭᠤᠯᠲᠠ ᠲᠡᠳᠦᠢ ᠪᠢᠰᠢ᠂ ᠠᠰᠠᠭᠤᠯᠲᠠ ᠪᠦᠬᠦᠨ ᠮᠡᠨᠳᠦᠴᠢᠯᠡᠭᠡ ᠪᠢᠰᠢ᠃ ᠬᠠᠷᠢᠨ 《ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ》ᠢᠨᠢ ᠠᠰᠠᠭᠤᠳᠠᠭ ᠲᠤᠰᠬᠠᠢ ᠲᠦᠷᠦᠯᠤᠨ ᠠᠰᠠᠭᠤᠯᠲᠠ ᠮᠦᠨ᠃ ᠤᠳᠤ ᠨᠡᠶ᠋ᠢᠳᠡᠮᠤᠨ ᠴᠢᠨᠠᠷᠲᠠᠢ ᠭᠠᠷᠴᠤ ᠪᠠᠶ᠋ᠢᠭᠠ ᠠᠯᠳᠠᠭᠠ ᠪᠤᠯ ᠠ᠋ᠨᠡᠬᠦ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨᠢᠨᠢ ᠠᠰᠠᠭᠤᠳᠠᠭ ᠠᠰᠠᠭᠤᠯᠲᠠ ᠵᠢ ᠠ᠋ᠩᠤᠨ ᠠᠰᠠᠭᠤᠯᠲᠠᠪᠠᠷ ᠤᠷᠤᠯᠠᠭᠤᠯᠵᠤ ᠬᠡᠷᠡᠭᠯᠡᠵᠦ ᠪᠠᠶ᠋ᠢᠭᠠ ᠪᠠᠶ᠋ᠢᠳᠠᠯ ᠪᠤᠯᠤᠨᠠ᠃
ᠤᠶ᠋ᠢᠷᠠ ᠵᠢᠨ ᠵᠢᠯᠤᠳᠤᠨ ᠬᠤᠲᠠᠴᠢᠯᠠᠯᠲᠠ ᠪᠠ ᠬᠡᠤᠬᠡᠳ ᠵᠠᠯᠠᠭᠤᠴᠤᠳ ᠳᠡᠩᠳᠡᠭᠦᠤ ᠪᠠᠭᠠᠠᠴᠠᠪᠠᠨ ᠰᠤᠷᠭ᠋ᠠᠭᠤᠯᠢᠳᠤ ᠶᠠᠪᠤᠵᠤ᠂ ᠤᠳᠠᠭ᠋ᠠᠨ ᠵᠢᠯ ᠬᠤᠲᠠ ᠭᠠᠵᠠᠷᠲᠤ ᠪᠠᠢ᠍ᠢ᠍ᠭᠰᠠᠨ ᠵᠢᠴᠢ ᠶᠡᠭᠡ ᠳᠡᠭᠡᠳᠤ ᠰᠤᠷᠭ᠋ᠠᠭᠤᠯᠢ ᠪᠠ ᠰᠤᠳᠤᠯᠬᠤ ᠤᠶᠤᠲᠠᠳᠤᠨ ᠶᠠᠬᠡᠩᠬᠢᠨᠢ ᠬᠢᠲᠠᠳ ᠬᠡᠯᠡᠪᠠᠷ ᠪᠤᠶᠤ ᠭᠠᠳᠠᠭ᠋ᠠᠳᠤ ᠬᠡᠯᠡᠪᠠᠷ ᠬᠦᠮᠦᠵᠢᠯ ᠬᠦᠷᠲᠡᠵᠦ ᠪᠠᠶ᠋ᠢᠭᠠ ᠵᠡᠷᠭᠡ ᠰᠢᠯᠳᠠᠭ᠋ᠠᠨᠠᠴᠠ ᠪᠤᠯᠵᠤ ᠠ᠋ᠳᠦᠷ ᠲᠤᠲᠤᠮᠤᠨ ᠮᠡᠨᠳᠦᠴᠢᠯᠡᠭᠡ᠂ ᠤᠯᠠᠷᠢᠯᠤᠨ ᠮᠡᠨᠳᠤᠴᠢᠯᠡᠭᠡ᠂ ᠠᠵᠢᠯ ᠲᠦᠷᠦᠯᠤᠨ ᠮᠡᠨᠳᠤᠴᠢᠯᠡᠭᠡ᠂ ᠪᠠᠶᠠᠷ ᠶᠤᠰᠤᠯᠠᠯᠤᠨ ᠮᠡᠨᠳᠤᠴᠢᠯᠡᠭᠡ᠂ ᠢᠷᠤᠭᠡᠯᠲᠤ ᠮᠡᠨᠳᠤᠴᠢᠯᠡᠭᠡ᠂ ᠵᠠᠬᠢᠲᠠᠯᠤᠨ ᠮᠡᠨᠳᠤᠴᠢᠯᠡᠭᠡ ᠵᠡᠷᠭᠡ ᠵᠢ ᠵᠦᠪᠬᠡᠨ ᠨᠢᠳᠦᠨ ᠠ᠋ᠮᠦᠨᠡᠬᠢ ᠪᠠᠶ᠋ᠢᠳᠠᠯᠢ ᠠᠰᠠᠭᠤᠭᠰᠠᠨ ᠠ᠋ᠩᠤᠨ ᠠᠰᠠᠭᠤᠯᠲᠠᠪᠠᠷ ᠤᠷᠤᠯᠠᠭᠤᠯᠬᠤ ᠦᠵᠡᠭᠳᠡᠯ ᠭᠠᠵᠠᠷ ᠠᠪᠴᠤ ᠪᠠᠶ᠋ᠢᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠦᠷᠯᠦᠭᠡ ᠠ᠋ᠷᠲᠡ ᠲᠠᠮᠢᠷᠤᠨ ᠪᠤᠯᠪᠠᠰᠤᠷᠠᠯᠳᠤ ᠤᠷᠤᠯᠴᠠᠵᠤ ᠪᠠᠶ᠋ᠢᠭᠠ ᠬᠦᠮᠦᠨᠠᠴᠠ ᠲᠠᠮᠢᠷᠤᠨ ᠪᠤᠯᠪᠠᠰᠤᠷᠠᠯᠳᠤ ᠤᠷᠤᠯᠴᠠᠵᠤ ᠪᠠᠶ᠋ᠢᠭᠠ ᠵᠢᠨᠢ ᠦᠪᠠᠷ ᠵᠶ᠋ᠠᠨ ᠦᠵᠡᠵᠦ ᠬᠠᠷᠠᠵᠤ ᠪᠠᠶ᠋ᠢᠭ᠋ᠠᠳ᠄ 《ᠲᠠᠮᠢᠷ ᠬᠢᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠪᠡᠶᠡᠪᠠᠨ ᠪᠤᠯᠪᠠᠰᠤᠷᠠᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠠᠯᠬᠤᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠭᠦᠶᠦᠵᠦ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦᠴᠢᠯᠡᠨ ᠠᠰᠠᠭᠤᠳᠠᠭ᠃ ᠠᠵᠢᠯᠳᠤᠪᠠᠨ ᠭᠠᠷᠬᠤᠪᠠᠷ ᠶᠠᠪᠤᠵᠤ ᠪᠠᠶ᠋ᠢᠭᠠ ᠬᠦᠮᠦᠨᠲᠠᠢ ᠠᠭᠤᠯᠵᠠᠴᠢᠬᠠᠭ᠋ᠠᠳ᠄ 《ᠠᠵᠢᠯᠯᠠᠭ᠍ᠤᠪᠠᠷ ᠶᠠᠪᠤᠵᠤ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ； ᠰᠤᠷᠭ᠋ᠠᠭᠤᠯᠢᠳᠤᠪᠠᠨ ᠤᠴᠢᠬᠤ ᠭᠡᠵᠦ ᠪᠠᠶ᠋ᠢᠭᠠ ᠵᠢᠨᠢ ᠮᠡᠳᠡᠵᠤ ᠪᠠᠶ᠋ᠢᠭ᠋ᠠᠳ᠄ 《ᠰᠣᠷᠭ᠋ᠠᠭᠤᠯᠢᠳᠤᠪᠠᠨ ᠶᠠᠪᠤᠵᠦ ᠪᠠᠶ᠋ᠢᠨᠠ ᠤᠤ？》᠂ 《ᠬᠢᠴᠢᠶᠡᠯᠳᠤᠪᠠᠨ ᠶᠠᠪᠤᠵᠤ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ； ᠲᠡᠯᠭᠡᠭᠦᠷ ᠲᠤᠲᠤᠷᠠ ᠲᠠᠭ᠋ᠠᠷᠠᠴᠢᠬᠠᠭ᠋ᠠᠳ ᠳᠡᠯᠭᠡᠭᠦᠷ ᠲᠤᠭᠤᠷᠢᠵᠤ ᠪᠠᠶ᠋ᠢᠭᠠ ᠵᠢᠨᠢ ᠬᠠᠷᠠᠵᠤ ᠪᠠᠶ᠋ᠢᠭ᠋ᠠᠳ᠄ 《ᠳᠡᠯᠭᠡᠭᠦᠷ ᠲᠤᠭᠤᠷᠢᠵᠤ ᠪᠠᠶ᠋ᠢᠨᠠ ᠤᠤ？》᠂ 《ᠬᠤᠪᠴᠠᠰᠤ ᠠᠪᠬᠤ ᠭᠡᠵᠦ ᠪᠠᠶ᠋ᠢᠨᠠ ᠤᠤ？》᠂ 《ᠭᠠᠭᠴᠠᠭ᠋ᠠᠷ ᠵᠶ᠋ᠠᠨ ᠤᠤ？》᠂ 《ᠬᠤᠪᠴᠠᠰᠤ ᠦᠵᠡᠵᠦ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ᠂ ᠵᠡᠭᠡᠯᠢ ᠳᠡᠭᠡᠷᠡ ᠠᠭᠤᠯᠵᠠᠭᠰᠠᠨ ᠬᠦᠮᠦᠨᠠᠴᠠ᠄ 《ᠵᠡᠭᠡᠯᠢᠳᠤ ᠭᠠᠷᠤᠨᠠ ᠤᠤ？》᠂ 《ᠵᠡᠭᠡᠯᠢ ᠲᠤᠭᠤᠷᠢᠵᠤ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ； ᠬᠡᠤᠬᠡᠳᠢᠶᠠᠨ ᠰᠤᠷᠭ᠋ᠠᠭᠤᠯᠢᠳᠤᠨᠢ ᠬᠦᠷᠭᠡᠵᠦ ᠪᠠᠶ᠋ᠢᠭᠠ ᠪᠤᠶᠤ ᠰᠤᠷᠭ᠋ᠠᠭᠤᠯᠢᠠᠴᠠᠨᠢ ᠲᠤᠰᠤᠭ᠋ᠠᠳ ᠪᠤᠴᠠᠵᠤ ᠶᠠᠪᠤᠭᠠ ᠬᠦᠮᠤᠨᠲᠠᠢ ᠠᠭᠤᠯᠵᠠᠴᠢᠬᠠᠭ᠋ᠠᠳ᠄ 《ᠬᠡᠤᠬᠡᠳ ᠵᠶ᠋ᠠᠨ ᠬᠦᠷᠭᠡᠭᠰᠡᠨ ᠶᠤᠮ ᠤᠤ ？》᠂ 《ᠬᠡᠤᠬᠡᠳ ᠵᠶ᠋ᠠᠨ ᠲᠤᠰᠴᠤ ᠪᠠᠶ᠋ᠢᠨᠠ ᠤᠤ？》 ᠭᠡᠬᠦ； ᠠᠵᠢᠯᠤᠨ ᠭᠠᠵᠠᠷᠲᠤᠪᠠᠨ ᠠᠭᠤᠯᠵᠠᠴᠢᠬᠠᠭ᠋ᠠᠳ 《ᠶᠠᠭ᠋ᠠᠷᠠᠤ ᠪᠠᠶ᠋ᠢᠨᠠ ᠤᠤ？》᠂ 《ᠢᠷᠡᠴᠢᠬᠡᠪᠡ ᠤᠤ？》᠂ 《ᠠ᠋ᠷᠲᠡ ᠢᠷᠡᠵᠤ ᠰᠢᠳᠡ！》 ᠭᠡᠬᠦᠴᠢᠯᠡᠨ ᠠᠰᠠᠭᠤᠭᠰᠠᠨ ᠵᠶ᠋ᠠᠨ ᠮᠡᠨᠳᠦᠴᠢᠯᠡᠵᠦ ᠪᠠᠶ᠋ᠢᠭᠠᠳᠤ ᠲᠤᠭ᠋ᠠᠴᠢᠳᠠᠭ ᠪᠠᠶ᠋ᠢᠨᠠ᠃ ᠵᠠᠯᠠᠭᠤᠴᠤᠳ ᠪᠤᠯ᠄ 《ᠤᠷᠴᠢᠮ ᠶᠠᠭᠤ ᠬᠢᠵᠤ ᠪᠠᠶ᠋ᠢᠨᠠ？》᠂ 《ᠶᠠᠭᠤᠨᠳᠤ ᠶᠠᠭ᠋ᠠᠷᠠᠵᠤ ᠪᠠᠶ᠋ᠢᠨᠠ ᠪᠤᠢ？》 ᠭᠡᠵᠤ ᠨᠡᠩ ᠴᠠᠭ᠋ᠠᠰᠢᠯᠠᠪᠠᠯ᠄ 《ᠪᠠᠶ᠋ᠢᠳᠠᠯᠲᠠᠢ ᠤᠤ？》᠂ 《ᠶᠠᠮᠠᠷ ᠪᠠᠶ᠋ᠢᠳᠠᠯᠲᠠᠢ ᠪᠠᠶ᠋ᠢᠨᠠ？》 ᠭᠡᠵᠦ ᠠᠰᠠᠭᠤᠭᠰᠠᠨ ᠵᠶ᠋ᠠᠨ ᠮᠠᠨᠳᠤᠴᠢᠯᠡᠭᠰᠡᠨ ᠭᠡᠵᠦ ᠪᠤᠳᠤᠵᠤ ᠪᠤᠢ᠃ 《ᠪᠠᠰᠠ ᠴᠢ ᠠᠮᠢᠳᠤ ᠪᠠᠶ᠋ᠢᠭᠠ ᠶᠤᠮ ᠤᠤ？》᠂ 《ᠦᠬᠦᠭᠡ ᠦᠭᠡᠢ ᠶᠤᠮ ᠤᠤ？》 ᠭᠡᠵᠤ ᠬᠠᠷᠢᠶᠠᠯᠴᠠᠨ ᠠᠭᠤᠯᠵᠠᠭ᠍ᠤ ᠪᠠᠶ᠋ᠢᠳᠠᠯ ᠴᠤ᠌ ᠬᠠᠶᠠ ᠬᠠᠷᠠᠭᠳᠠᠳᠠᠭᠨᠢ ᠬᠠᠴᠢᠷᠬᠠᠯᠲᠠᠢ᠃ ᠠ᠋ᠨᠡᠨᠢ ᠠᠮᠢᠳᠤᠷᠠᠯᠤᠨ ᠠᠶ᠋ᠢᠵᠠᠮ ᠶᠠᠭ᠋ᠠᠷᠠᠤ᠂ ᠴᠠᠭ ᠠᠷᠪᠢᠯᠠᠵᠤ ᠪᠠᠶ᠋ᠢᠭᠠ ᠶᠤᠮ ᠰᠢᠭ ᠬᠠᠷᠠᠭᠳᠠᠪᠠᠴᠤ ᠦᠡᠨᠡᠳᠤᠪᠠᠨ ᠰᠤᠶᠤᠯ ᠵᠶ᠋ᠠᠨ ᠮᠠᠷᠲᠠᠵᠤ ᠪᠠᠶ᠋ᠢᠭᠠ ᠵᠢᠨ ᠢᠯᠡᠷᠡᠯ ᠮᠦᠨ᠃
ᠮᠤᠩᠭᠤᠯᠴᠤᠳᠤᠨ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠪᠤᠯ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠠᠵᠤ ᠠᠬᠤᠢᠪᠠᠷ ᠠᠴᠢᠶᠠᠯᠠᠪᠤᠷᠢ ᠪᠤᠯᠭ᠋ᠠᠵᠤ ᠪᠠᠶ᠋ᠢᠭᠰᠠᠨ ᠶᠤᠮ᠃ ᠤᠶ᠋ᠢᠷᠠ ᠵᠢᠨ ᠵᠢᠯᠳᠤ᠂ ᠶᠡᠭᠡᠪᠠᠷ ᠬᠤᠲᠠᠴᠢᠯᠠᠭ᠍ᠤ ᠶᠠᠪᠤᠴᠠᠳᠤ ᠬᠤᠲᠠ ᠰᠠᠭᠤᠷᠢᠨᠤ ᠠᠮᠢᠳᠤᠷᠠᠯᠳᠤ ᠵᠤᠬᠢᠴᠠᠭᠰᠠᠨ ᠰᠢᠨᠡ ᠬᠡᠯᠪᠡᠷᠢ ᠵᠢᠨ ᠮᠡᠨᠳᠦᠴᠢᠯᠡᠭᠡ ᠪᠤᠢ ᠪᠤᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠬᠠᠷᠢᠨ ᠪᠤᠰᠤᠳ ᠦᠨᠳᠦᠰᠦᠲᠡᠨᠤ ᠮᠡᠨᠳᠦᠴᠢᠯᠡᠭᠡ ᠵᠢᠨ ᠠᠷᠭᠠ ᠬᠡᠯᠪᠡᠷᠢ ᠵᠢ ᠪᠦᠳᠦᠭᠦᠯᠢᠭ ᠵᠶ᠋ᠠᠷ ᠤᠷᠴᠢᠭᠤᠯᠵᠤ ᠠᠪᠬᠤ᠂ ᠠ᠋ᠰᠡᠭᠦᠯᠡ ᠵᠢᠭᠡᠯᠡᠵᠦ ᠬᠡᠷᠡᠭᠯᠡᠬᠦ᠂ ᠬᠠᠷᠢ ᠬᠡᠯᠡᠪᠠᠷ ᠰᠡᠳᠬᠢᠵᠤ ᠦᠪᠡᠷᠤᠨ ᠬᠡᠯᠡᠨ ᠳᠡᠭᠡᠷᠡ ᠤᠷᠴᠢᠭᠤᠯᠵᠤ ᠬᠡᠷᠡᠭᠯᠡᠬᠦ᠂ ᠠ᠋ᠰᠡᠭᠦᠯᠡ ᠨᠠᠶ᠋ᠢᠵᠢ ᠬᠤᠭᠤᠷᠤᠨᠳᠤᠪᠠᠨ ᠯᠡ ᠬᠡᠷᠡᠭᠯᠡᠳᠡᠭ ᠵᠢᠵᠢᠭ ᠤᠷᠴᠢᠨᠤ ᠬᠡᠯᠡ ᠬᠡᠯᠡᠯᠭᠡ ᠤᠯᠠᠰᠢᠷᠠᠭᠰᠠᠨ ᠵᠡᠷᠭᠡ ᠰᠢᠯᠲᠠᠭ᠋ᠠᠨᠠᠴᠠ ᠪᠤᠯᠵᠤ ᠠ᠋ᠶ᠋ᠢᠮᠦᠷᠬᠦᠤ ᠮᠡᠨᠳᠦᠴᠢᠯᠡᠭᠡ ᠪᠢᠰᠢ ᠪᠦᠳᠦᠭᠦᠯᠢᠭ ᠮᠠᠶᠢᠭᠤᠨ ᠬᠠᠷᠢᠯᠴᠠᠭ᠍ᠤ ᠠᠷᠭᠠᠤᠳ ᠳᠡᠯᠭᠡᠷᠡᠵᠤ ᠠ᠋ᠬᠢᠯᠡᠭᠰᠡᠨ ᠪᠠᠶ᠋ᠢᠨᠠ᠃ ᠠ᠋ᠨᠡᠨᠢ ᠤᠯᠠᠮᠵᠢᠯᠠᠯᠳᠦ ᠰᠤᠶᠤᠯᠤᠨ ᠢᠷᠡᠭᠡᠳᠦᠢ ᠵᠢ ᠨᠦᠯᠦᠭᠡᠯᠡᠬᠦ ᠠᠶᠤᠯᠲᠠᠢ ᠪᠠᠶ᠋ᠢᠨᠠ᠃
ᠲᠡᠭᠡᠷᠡ ᠦᠭᠦᠯᠡᠭᠰᠡᠨ ᠪᠠᠶ᠋ᠢᠳᠠᠯᠤᠳᠨᠢ ᠬᠡᠳᠦᠶ᠋ᠢᠪᠡᠷ ᠪᠦᠷᠢᠨ ᠭᠦᠢ᠍ᠴᠡᠳ ᠰᠤᠳᠤᠯᠭᠠ ᠪᠤᠯᠵᠣ ᠴᠢᠳᠠᠭᠠ ᠦᠭᠡᠢ ᠭᠡᠳᠡᠭ ᠪᠤᠯᠪᠠᠴᠦ ᠮᠠᠨᠤ ᠦᠨᠳᠤᠰᠤᠲᠡᠨᠤ ᠤᠯᠠᠮᠵᠢᠯᠠᠯᠳᠦ ᠮᠡᠨᠳᠤᠴᠢᠯᠡᠭᠡᠨᠤ ᠬᠡᠯᠡ ᠬᠡᠯᠡᠯᠭᠡᠨᠢ ᠪᠤᠳᠠᠳᠦ ᠬᠡᠷᠡᠭᠯᠡᠭᠡᠨᠠᠴᠠ ᠬᠤᠯᠠᠳᠴᠤ ᠮᠠᠷᠲᠠᠭᠳᠠᠵᠤ ᠪᠠᠶ᠋ᠢᠭᠠ ᠪᠠ ᠪᠤᠷᠤᠭᠤ ᠬᠡᠷᠡᠭᠯᠡᠭᠳᠡᠬᠦᠨᠢ ᠤᠯᠠᠰᠢᠷᠠᠵᠤ ᠪᠠᠶ᠋ᠢᠭᠠ ᠪᠠᠶ᠋ᠢᠳᠠᠯᠢ ᠨᠢᠭᠡᠨ ᠬᠡᠮᠵᠢᠶᠡᠨᠳᠤ ᠬᠠᠷᠠᠭᠤᠯᠵᠤ ᠴᠢᠳᠠᠭ᠍ᠤ ᠶᠤᠮ᠃ ᠠ᠋ᠭᠦᠨᠠᠴᠠ ᠭᠠᠳᠠᠨᠠ ᠪᠠᠰᠠ ᠬᠢᠲᠠᠳ ᠬᠡᠯᠡᠨᠤ ᠬᠡᠷᠡᠭᠯᠡᠭᠡ ᠶᠡᠬᠡᠰᠦᠭᠰᠡᠨᠠᠴᠠ ᠬᠢᠲᠠᠳ ᠬᠡᠯᠡᠪᠠᠷ ᠮᠡᠨᠳᠤᠴᠢᠯᠡᠬᠦ ᠦᠵᠡᠭᠳᠡᠯ ᠴᠦ᠍ ᠨᠡᠯᠢᠶᠡᠳ ᠨᠡᠮᠡᠭᠳᠡᠵᠦ ᠪᠠᠶ᠋ᠢᠨᠠ ᠭᠡᠳᠡᠭᠢ ᠭᠡᠯᠡᠭᠦ ᠶᠤᠰᠤᠳᠠᠢ᠃ ᠠ᠋ᠨᠡ ᠦᠵᠡᠭᠳᠡᠯᠨᠢ ᠮᠤᠩᠭᠤᠯ ᠬᠡᠯᠡᠨᠤ ᠮᠡᠨᠳᠤᠴᠢᠯᠡᠭᠡᠨᠤ ᠬᠡᠯᠡ ᠬᠡᠯᠡᠯᠭᠡᠳᠤ ᠮᠠᠰᠢ ᠶᠡᠭᠡ ᠨᠦᠯᠦᠭᠡ ᠪᠤᠯᠵᠦ ᠪᠠᠶ᠋ᠢᠨᠠ᠃ ᠭᠡᠪᠡᠴᠦ ᠲᠤᠰ ᠦᠭᠦᠯᠡᠯ ᠪᠤᠯ ᠬᠠᠮᠤᠭᠤᠨ ᠠ᠋ᠩᠤᠨ ᠪᠦᠭᠡᠳ ᠨᠡᠯᠢᠶᠡᠳ ᠲᠦᠭᠡᠮᠡᠯ ᠴᠢᠨᠠᠷᠲᠠᠢ ᠬᠡᠷᠡᠭᠯᠡᠭᠳᠡᠬᠦ ᠬᠡᠯᠡ ᠬᠡᠯᠡᠯᠭᠡᠳᠤ ᠬᠢᠵᠠᠭ᠋ᠠᠷᠯᠠᠭᠳᠠᠭᠰᠠᠨ ᠰᠤᠳᠤᠯᠤᠯ ᠪᠤᠯᠬᠤᠷ ᠲᠡᠷᠡ ᠪᠦᠬᠦᠨᠢ ᠬᠠᠮᠤᠷᠴᠤ ᠴᠢᠳᠠᠭᠰᠠᠨ ᠦᠭᠡᠢ ᠭᠡᠳᠡᠭᠨᠢ ᠮᠡᠳᠡᠭᠡᠵᠢ᠃ ᠪᠤᠳᠠᠳᠤ ᠪᠠᠶ᠋ᠢᠳᠠᠯᠢ ᠨᠢᠭᠳᠠᠯᠠᠪᠠᠯ ᠡᠯᠡ ᠭᠠᠵᠠᠷᠤᠨ ᠬᠡᠷᠡᠭᠯᠡᠵᠦ ᠵᠠᠩᠰᠢᠭᠰᠠᠨ ᠬᠡᠯᠡᠯᠬᠡ᠂ ᠡᠯᠡ ᠠᠮᠠᠨ ᠠᠶᠠᠯᠭᠤᠨᠳᠤ ᠨᠡᠩ ᠢᠯᠡᠭᠦᠤ ᠬᠠᠶᠠᠭᠳᠠᠵᠤ ᠭᠡᠭᠡᠭᠳᠡᠭᠰᠡᠨ ᠵᠦᠢ᠍ᠯ ᠪᠠ ᠬᠤᠪᠢᠷᠠᠵᠤ ᠤᠨᠳᠤᠤᠰᠢᠵᠦ᠂ ᠪᠤᠷᠤᠭᠤᠳᠠᠵᠤ ᠪᠠᠶ᠋ᠢᠭᠠ ᠪᠠᠶ᠋ᠢᠳᠠᠯ ᠬᠦᠨᠳᠤ ᠨᠤᠴᠢᠳᠠᠢ ᠪᠣᠯᠵᠦ ᠪᠠᠶ᠋ᠢᠭᠠᠨᠢ ᠲᠠᠮᠵᠢᠭ ᠦᠭᠡᠢ ᠶᠤᠮ᠃ ᠵᠠᠯᠠᠭᠤ ᠨᠢᠭᠡ ᠦᠶᠡ ᠵᠢᠨᠬᠢᠨ ᠦᠨᠳᠦᠰᠦᠲᠡᠨᠤ ᠬᠠᠷᠢᠭᠤᠴᠠᠯᠭ᠋ᠠᠲᠤ ᠰᠡᠳᠬᠢᠯᠭᠡᠪᠠᠷ ᠮᠡᠨᠳᠦᠴᠢᠯᠡᠭᠡᠨᠤ ᠬᠡᠯᠡ ᠬᠡᠯᠡᠯᠭᠡᠪᠠᠨ ᠪᠦᠷᠢᠨ ᠪᠦᠲᠦᠨ ᠵᠦᠪ ᠰᠠᠶ᠋ᠢᠬᠠᠨ ᠦᠪᠯᠡᠵᠦ ᠬᠡᠷᠡᠭᠯᠡᠬᠦ ᠵᠠᠶ᠋ᠢᠯᠠᠰᠢ ᠦᠭᠡᠢ ᠠ᠋ᠭᠦᠷᠭᠡᠲᠠᠢ ᠭᠡᠳᠡᠭᠢ ᠰᠠᠨᠠᠵᠤ ᠶᠠᠪᠤᠶᠠ᠃
※ ᠲᠠᠭ᠋ᠠᠯᠳᠤᠭᠤᠯᠤᠯ
ᠰᠤᠷᠪᠤᠯᠵᠢᠯᠠᠭᠠ᠄
1. ᠠᠯᠠᠱ᠌ᠠ ᠠᠶ᠋ᠢᠮᠠᠭᠤᠨ ᠠᠯᠠᠱ᠌ᠠ ᠵᠡᠭᠦᠨ ᠬᠤᠰᠢᠭᠤᠨᠤ ᠤᠯᠠᠨᠪᠤᠯᠠᠭ ᠰᠤᠮᠤᠨᠤ ᠲᠦᠭᠦᠮ ᠭᠠᠴᠠᠭᠠ ᠵᠢᠨ ᠮᠠᠯᠴᠢᠨ ᠯᠢᠩᠬ᠍ᠸᠠ （ᠠ᠋ᠮᠡᠭᠲᠡᠢ）᠂ 72 ᠨᠠᠰᠤᠳᠠᠢ᠃
2. ᠠᠯᠠᠱ᠌ᠠ ᠠᠶ᠋ᠢᠮᠠᠭᠤᠨ ᠠᠯᠠᠱ᠌ᠠ ᠵᠡᠭᠦᠨ ᠬᠤᠰᠢᠭᠤᠨᠤ ᠤᠯᠠᠨᠪᠤᠯᠠᠭ ᠰᠤᠮᠤᠨᠤ ᠲᠦᠭᠦᠮ ᠭᠠᠴᠠᠭᠠ ᠵᠢᠨ ᠮᠠᠯᠴᠢᠨ ᠪᠠᠳᠥ （ᠠ᠋ᠷᠡᠭᠲᠡᠢ）᠂ 72 ᠨᠠᠰᠤᠳᠠᠢ᠃
3. ᠰᠢᠯᠢ ᠵᠢᠨ ᠭᠤᠤᠯ ᠠᠶ᠋ᠢᠮᠠᠭᠤᠨ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨᠤ ᠱᠠᠩᠳᠦ ᠵᠢᠨ ᠭᠤᠤᠯ ᠪᠠᠯᠭ᠋ᠠᠰᠤᠨᠤ ᠪᠠᠶᠠᠩᠭᠤᠤᠯ ᠭᠠᠴᠠᠭᠠ ᠵᠢᠨ ᠮᠠᠯᠴᠢᠨ ᠬᠦᠷᠡᠯᠡᠢ （ᠠ᠋ᠮᠡᠭᠲᠡᠢ）᠂ 74 ᠨᠠᠰᠤᠳᠠᠢ᠃
4. ᠰᠢᠯᠢ ᠵᠢᠨ ᠭᠤᠤᠯ ᠠᠶ᠋ᠢᠮᠠᠭᠤᠨ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨᠤ ᠰᠠᠩᠤᠨ ᠲᠠᠯᠠᠢ ᠪᠠᠯᠭ᠋ᠠᠰᠤᠨᠤ ᠮᠤᠩᠭᠤᠯ ᠦᠨᠳᠤᠰᠤᠳᠡᠨᠤ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠪᠠᠭᠰᠢ ᠦᠯᠵᠡᠶ᠋ᠢᠪᠡᠶᠠᠷ （ᠠ᠋ᠷᠡᠭᠲᠡᠢ）᠂ 46 ᠨᠠᠰᠤᠳᠠᠢ᠃
5. ᠰᠢᠯᠢ ᠵᠢᠨ ᠭᠤᠤᠯ ᠠᠶ᠋ᠢᠮᠠᠭᠤᠨ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨᠤ ᠮᠤᠩᠭᠤᠯ ᠦᠨᠳᠤᠰᠤᠳᠡᠨᠤ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠪᠠᠭᠰᠢ ᠤᠯᠠᠭ᠋ᠠᠨᠴᠡᠴᠡᠭ （ᠠ᠋ᠮᠡᠭᠲᠡᠢ）᠂ 46 ᠨᠠᠰᠤᠳᠠᠢ᠃
6. ᠠᠯᠠᠱ᠌ᠠ ᠠᠶ᠋ᠢᠮᠠᠭᠤᠨ 《ᠠᠭ᠋ᠠᠷᠤ》 ᠮᠤᠩᠭᠤᠯ ᠠ᠋ᠮᠨᠡᠯᠭᠡ ᠵᠢᠨ ᠬᠤᠷᠢᠶᠠ ᠵᠢᠨ ᠠ᠋ᠮᠴᠢ ᠳᠠᠯᠠᠨᠪᠠᠶᠠᠷ （ᠠ᠋ᠷᠡᠭᠲᠡᠢ）᠂ 49 ᠨᠠᠰᠤᠲᠠᠢ᠃
7. ᠠᠯᠠᠱ᠌ᠠ ᠠᠶ᠋ᠢᠮᠠᠭᠤᠨ ᠠᠯᠠᠱ᠌ᠠ ᠵᠡᠭᠦᠨ ᠬᠤᠰᠢᠭᠤᠨᠤ ᠴᠤᠭᠲᠤᠬᠦᠢ᠍ᠷᠢᠶᠡ ᠰᠤᠮᠤᠨᠤ ᠠ᠋ᠮᠨᠡᠯᠭᠡ ᠵᠢᠨ ᠬᠤᠷᠢᠶᠠ ᠵᠢᠨ ᠠ᠋ᠮᠴᠢ ᠬᠤᠸᠠᠷ （ᠠ᠋ᠮᠡᠭᠲᠡᠢ）᠂ 48 ᠨᠠᠰᠤᠲᠠᠢ᠃
ᠯᠠᠪᠯᠠᠯᠳᠠ ᠪᠤᠯᠭ᠋ᠠᠭᠰᠠᠨ ᠨᠣᠮ᠄
1. 《ᠮᠣᠩᠭᠤᠯ ᠠᠷᠠᠳᠤᠨ ᠬᠦᠨᠳᠤᠯᠡᠬᠦ᠂ ᠮᠡᠨᠳᠤᠯᠡᠬᠦ᠂ ᠲᠠᠯᠠᠷᠬᠠᠬᠤ ᠶᠤᠰᠤ》᠂ ᠮᠣᠩᠭᠤᠯ ᠤᠯᠣᠰ᠂ ᠽ᠊ · ᠤᠳᠪᠠᠭᠮᠠᠳ （ᠳ᠋᠊ · ᠳ᠋ᠠᠷᠵᠠ ᠵᠢᠨ ᠬᠦᠷᠪᠡᠭᠦᠯᠭᠡ）᠂ （ᠳ᠋᠊ · ᠰᠦᠬᠡᠪᠠᠭ᠋ᠠᠳᠤᠷᠤᠨ ᠦᠢ᠍ᠯᠡ ᠠᠮᠢᠳᠤᠷᠠᠯᠲᠠᠢ ᠬᠤᠯᠪᠤᠭᠳᠠᠭ᠍ᠤ ᠪᠠᠷᠢᠮᠲᠠᠲᠤ ᠮᠠᠲᠸᠷᠢᠶᠠᠯᠤᠨ ᠠ᠋ᠮᠬᠢᠳᠭᠡᠯ᠂ 1964 ᠤᠨ᠂ ᠭᠤᠴᠢᠨ ᠨᠠᠢ᠍ᠮᠠᠳᠤᠭ᠋ᠠᠷ ᠲᠠᠯᠠ）᠂ ᠦᠪᠦᠷ ᠮᠤᠩᠭᠤᠯᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 1986.7᠃
2. 《ᠬᠠᠮᠤᠭᠤᠨ ᠠ᠋ᠷᠬᠢᠮ ᠶᠤᠰᠤᠨ》᠂ ᠬ᠊ · ᠨᠢᠮᠪᠤᠤ᠂ ᠤᠯᠠᠭ᠋ᠠᠨᠪᠠᠭ᠋ᠠᠲᠤᠷ᠂ 1991 ᠤᠨ᠃
3. 《ᠮᠤᠩᠭᠤᠯ ᠬᠡᠯᠡᠨᠤ ᠬᠦᠨᠳᠦᠳᠭᠡᠯᠤᠨ ᠦᠭᠡ》᠂ ᠷ᠊ · ᠵᠠᠭᠪᠠᠷᠠᠯ᠂ ᠤᠯᠠᠭ᠋ᠠᠨᠪᠠᠭ᠋ᠠᠲᠤᠷ᠂ 1974 ᠤᠨ᠃
ᠬᠠᠶᠢᠬ᠄ ᠬᠦᠬᠡᠬᠤᠲᠠ ᠦᠨᠳᠦᠰᠦᠲᠡᠨᠤ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ
（ᠲᠤ᠋ · ᠦᠯᠵᠡᠢ᠍ᠢ᠍ᠰᠠᠩ ᠨᠠᠢ᠍ᠢ᠍ᠷᠠᠭᠤᠯᠪᠠ）
2019 ᠣᠨᠤ 4 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ