ᠪᠠᠰᠠ ᠰᠠᠬᠠᠯᠲᠤ ᠲᠤᠭᠤᠳᠠᠭ ᠭᠡᠳᠡᠭ᠃ ᠲᠤᠭᠤᠷᠤᠤ ᠵᠢᠨ ᠪᠠᠭ᠂ ᠲᠤᠭᠤᠳᠠᠭᠤᠨ ᠢᠵᠠᠭᠤᠷ᠃ ᠬᠦᠵᠦᠬᠦᠨ ᠬᠡᠰᠡᠭᠤᠨ ᠦᠳᠦᠨᠢ ᠴᠠᠢ᠌ᠪᠤᠷ᠂ ᠨᠢᠷᠤᠭᠤᠨ ᠬᠡᠰᠡᠭᠨᠢ ᠰᠢᠷᠠᠪᠲᠤᠷ ᠪᠤᠷᠤ ᠪᠦᠭᠡᠳ ᠬᠠᠷᠠ ᠵᠢᠷᠤᠭ᠋ᠠᠰᠤ ᠮᠦᠨ᠃ ᠡᠯᠢᠭᠡᠨ ᠬᠡᠰᠡᠭᠨᠢ ᠴᠠᠢ᠌ᠪᠤᠷ ᠦᠩᠭᠡᠲᠠᠢ᠃ ᠬᠦᠯᠨᠢ ᠬᠦᠳᠡᠷ ᠴᠢᠬᠢᠷᠠᠭ ᠮᠦᠷᠲᠡᠭᠡᠨ ᠲᠡᠪᠬᠢᠨ ᠬᠦᠶᠦᠬᠦᠳᠤ ᠵᠤᠬᠢᠴᠠᠭᠰᠠᠨ ᠪᠠᠢ᠌ᠳᠠᠭ᠃ ᠡᠮᠡᠭᠴᠢᠨᠤ ᠬᠢᠨᠢ ᠪᠡᠶᠡᠨᠢ ᠪᠠᠭᠠ᠂ ᠰᠠᠬᠠᠯ ᠦᠭᠡᠢ᠂ ᠡᠷᠡᠭᠴᠢᠨ ᠲᠤᠭᠤᠳᠠᠭ ᠪᠡᠶᠡᠨᠢ ᠲᠤᠮᠤ᠂ ᠤᠷᠲᠤ ᠰᠠᠬᠠᠯᠲᠠᠢ᠂ ᠲᠤᠭᠤᠳᠠᠭᠤᠨ ᠦᠳᠦ ᠦᠷᠪᠡᠯᠭᠡ ᠵᠢᠨ ᠬᠡᠰᠡᠭᠨᠢ ᠶᠡᠬᠡ᠂ ᠨᠤᠯᠤᠤᠷᠨᠢ ᠬᠦᠢ᠍ᠴᠡᠳ᠂ ᠬᠡᠯᠪᠡᠷᠢ ᠳᠦᠷᠰᠦᠨᠢ ᠦᠪᠡᠷᠮᠢᠴᠡ ᠪᠠᠢ᠌ᠳᠠᠭ᠃ ᠲᠡᠭᠦᠨᠤ ᠮᠢᠬᠠᠨᠢ ᠰᠤᠷᠭᠤᠭ ᠠᠮᠳᠠᠳᠠᠢ᠃ ᠲᠤᠮᠤ ᠭᠡᠭᠴᠢ ᠲᠤᠭᠤᠳᠠᠭᠤᠨ ᠪᠡᠶᠡᠨᠢ 10—15 ᠺᠢᠯᠤᠭ᠌ᠷᠠᠮ ᠬᠦᠨᠳᠦ᠂ ᠪᠠᠭᠠᠨᠢ 5—10 ᠺᠢᠯᠤᠭ᠌ᠷᠠᠮ ᠬᠦᠨᠳᠦ ᠪᠠᠢ᠌ᠳᠠᠭ᠃ ᠲᠤᠭᠤᠳᠠᠭᠨᠢ ᠲᠤᠰ ᠬᠤᠰᠢᠭᠤᠨᠳᠤ ᠤᠷᠤᠰᠢᠨ ᠰᠠᠭᠤᠭᠴᠢ ᠰᠢᠪᠠᠭᠤᠳᠤᠨ ᠲᠤᠳᠤᠷᠠᠬᠢ ᠬᠠᠮᠤᠭᠤᠨ ᠲᠤᠮᠤ ᠰᠢᠪᠠᠭᠤ ᠪᠤᠯᠤᠨᠠ᠃ ᠲᠡᠭᠦᠨᠤ ᠦᠨᠳᠡᠭᠡᠨᠢ ᠴᠤ᠌ ᠬᠠᠮᠤᠭᠠᠴᠠ ᠶᠡᠬᠡ ᠮᠦᠷᠲᠡᠭᠡᠨ ᠰᠢᠮᠡ ᠲᠡᠵᠢᠭᠡᠯ ᠵᠶ᠋ᠡᠷ ᠡᠯᠪᠡᠭ ᠶᠤᠮ᠃ ᠮᠢᠬᠠᠨᠢ ᠴᠤ᠌ ᠨᠡᠷᠡ ᠠᠯᠳᠠᠷᠰᠢᠭᠰᠠᠨ ᠠᠩᠤᠨ ᠮᠢᠬᠠ ᠪᠦᠭᠡᠳ ᠶᠡᠷᠦᠠᠴᠠᠪᠠᠨ 《ᠲᠡᠭᠷᠢ ᠳᠡᠭᠡᠷᠡᠬᠢ ᠬᠤᠨ᠂ ᠭᠠᠵᠠᠷ ᠳᠡᠭᠡᠷᠡᠬᠢ ᠲᠤᠭᠤᠳᠠᠭ》 ᠭᠡᠳᠡᠭ ᠬᠡᠯᠡᠯᠭᠡᠲᠠᠢ ᠪᠢᠯᠡ᠃ ᠤᠯᠠᠷᠢᠯᠤᠨ ᠰᠢᠪᠠᠭᠤ᠃