ᠵᠠᠭ᠋ᠠᠨ ᠪᠣᠯ ᠡᠬᠡ ᠬᠠᠭᠤᠷᠠᠶ ᠳᠡᠭᠡᠷᠡ ᠠᠮᠢᠳᠤᠷᠠᠵᠤ ᠪᠠᠶ᠋ᠢᠭᠠ ᠬᠠᠮᠤᠭᠤᠨ ᠲᠣᠮᠣ ᠬᠥᠬᠥᠲᠡᠨ ᠠᠮᠢᠲᠠᠨ ᠪᠤᠯᠤᠨᠠ᠃
ᠵᠠᠭ᠋ᠠᠨᠤ ᠢᠳᠡᠬᠦ ᠬᠡᠮᠵᠢᠶᠡ ᠮᠠᠰᠢ ᠶᠡᠬᠡ᠂ ᠨᠠᠰᠤᠨᠳᠤ ᠬᠦᠷᠦᠭᠰᠡᠨ ᠵᠠᠭ᠋ᠠᠨ ᠡᠳᠦᠷᠲᠤ ᠪᠠᠷᠤᠭ 300 ᠺᠢᠯᠤᠭ᠌ᠷᠠᠮ ᠢᠳᠡᠳᠡᠭ᠃ ᠭᠣᠤᠯᠳᠠᠭᠤ ᠮᠣᠳᠣ᠂ ᠨᠠᠪᠴᠢ᠂ ᠵᠢᠮᠢᠰ᠂ ᠮᠣᠳᠣᠨ ᠰᠠᠯᠠᠭᠠ᠂ ᠬᠤᠯᠤᠰᠤ ᠵᠡᠷᠭᠡᠪᠠᠷ ᠭᠣᠤᠯ ᠢᠳᠡᠭᠡᠨ ᠪᠣᠯᠭ᠋ᠠᠨᠠ᠃
ᠵᠠᠭ᠋ᠠᠨ ᠮᠠᠰᠢ ᠶᠡᠬᠡ ᠬᠦᠴᠦᠲᠠᠢ᠂ ᠪᠦᠳᠦᠬᠦᠨ ᠤᠷᠭᠤᠭᠠ ᠮᠣᠳᠣ ᠵᠢ ᠴᠦ᠍ ᠠᠮᠠᠷᠬᠠᠨ ᠳᠦᠯᠬᠢᠨ ᠤᠨᠠᠭ᠋ᠠᠵᠤ ᠴᠢᠳᠠᠳᠠᠭ᠃ ᠵᠠᠷᠢᠮ ᠦᠶᠡᠰ ᠠᠷᠰᠯᠠᠨ ᠴᠤ᠌ ᠲᠡᠭᠦᠨᠠᠴᠠ ᠬᠡᠯᠮᠡᠭᠳᠡᠳᠡᠭ᠃
ᠠᠽᠢᠶᠠ ᠵᠢᠨ ᠵᠠᠭ᠋ᠠᠨ᠄ ᠳᠤᠮᠳᠠᠳᠤ ᠤᠯᠤᠰᠤᠨ ᠶᠦᠨᠨᠠᠨ ᠮᠤᠵᠢ ᠵᠢᠨ ᠡᠮᠦᠨᠡᠲᠦ ᠬᠡᠰᠡᠭᠲᠤ ᠲᠠᠷᠬᠠᠵᠤ ᠪᠠᠶ᠋ᠢᠨᠠ᠃ ᠭᠠᠳᠠᠭ᠋ᠠᠳᠤᠳᠤ ᠡᠮᠦᠨᠡᠲᠦ ᠠᠽᠢᠶᠠ ᠪᠠ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ ᠵᠢᠨ ᠭᠠᠵᠠᠷ ᠣᠷᠣᠨᠳᠤ ᠲᠠᠷᠬᠠᠵᠤ ᠪᠤᠶ᠃ ᠶᠡᠷᠦᠳᠡᠭᠡᠨ ᠪᠡᠶᠡ ᠵᠢᠨ ᠥᠨᠳᠥᠷᠨᠢ ᠪᠠᠷᠤᠭ 2.9 ᠮᠧᠲᠷ （ᠬᠠᠮᠤᠭᠤᠨ ᠥᠨᠳᠥᠷ ᠲᠡᠮᠳᠡᠭᠯᠡᠯᠨᠢ 3.3 ᠮᠧᠲᠷ） ᠪᠠᠶ᠋ᠢᠵᠤ᠂ ᠬᠦᠨᠳᠦᠨᠢ 6 ᠲᠣᠨᠳᠤ ᠬᠦᠷᠴᠦ ᠪᠠᠢ᠌ᠨᠠ᠃ ᠠᠽᠢᠶᠠ ᠵᠠᠭ᠋ᠠᠨ ᠪᠣᠯ 《ᠣᠯᠠᠨ ᠤᠯᠤᠰᠤᠨ ᠮᠥᠬᠥᠬᠦ ᠰᠢᠬᠠᠭᠰᠠᠨ ᠳᠦᠷᠰᠦ ᠵᠢᠨ ᠲᠦᠷᠦᠯᠤᠨ ᠠᠷᠠᠯᠵᠢᠶᠠᠨᠤ ᠨᠡᠶ᠋ᠢᠲᠡ ᠵᠢᠨ ᠭᠡᠷᠡ》 ᠵᠢᠨ ᠮᠥᠬᠥᠬᠦ ᠰᠢᠬᠠᠭᠰᠠᠨ ᠳᠦᠷᠰᠦ ᠵᠢᠨ ᠲᠦᠷᠦᠯᠤᠨ ᠨᠢᠭᠡᠨᠢ ᠪᠤᠯᠤᠨᠠ᠂ ᠪᠠᠰᠠ ᠴᠤ᠌ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠬᠡᠭᠡᠷᠡ ᠵᠢᠨ ᠬᠠᠮᠠᠭ᠋ᠠᠯᠠᠯᠲᠠ ᠵᠢᠨ ᠠᠮᠢᠲᠠᠨ ᠪᠣᠯᠤᠨᠠ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠢᠯᠢ ᠳᠣᠲᠣᠷᠠᠬᠢ ᠬᠡᠭᠡᠷᠡ ᠵᠢᠨ ᠵᠠᠭ᠋ᠠᠨ ᠣᠳᠣ ᠵᠥᠪᠬᠡᠨ 300 ᠭᠠᠷᠤᠶ ᠦᠯᠡᠳᠡᠵᠦ ᠪᠠᠶ᠋ᠢᠨᠠ᠃
ᠠᠽᠢᠶᠠ ᠵᠢᠨ ᠵᠠᠭ᠋ᠠᠨ （ᠪᠠᠰᠠ ᠵᠠᠭ᠋ᠠᠨ ᠭᠡᠳᠡᠭ）᠄ ᠬᠠᠯᠠᠭᠤᠨ ᠪᠦᠰᠡᠨᠤ ᠣᠶ ᠰᠢᠭᠤᠶ᠂ ᠪᠤᠲᠠᠯᠢᠭ ᠣᠶ ᠪᠤᠶᠤ ᠲᠠᠯᠠ ᠨᠤᠳᠤᠭ ᠵᠶ᠋ᠠᠷ ᠠᠮᠢᠳᠤᠷᠠᠳᠠᠭ᠃ ᠪᠦᠯᠦᠭᠯᠡᠨ ᠰᠠᠭᠤᠷᠢᠰᠢᠵᠤ᠂ ᠡᠮᠡ ᠵᠠᠭ᠋ᠠᠨ ᠬᠤᠰᠢᠭᠤᠴᠢᠯᠠᠳᠠᠭ᠂ ᠲᠣᠭᠲᠠᠮᠠᠯ ᠣᠷᠣᠰᠢᠨ ᠠᠮᠢᠳᠤᠷᠠᠳᠠᠭ ᠤᠷᠤᠨ ᠪᠠᠢ᠌ᠬᠤ ᠦᠭᠡᠢ᠃ ᠬᠠᠷᠠᠭ᠋ᠠᠨ ᠰᠡᠷᠡᠯ ᠠᠨᠠᠢ （ᠭᠣᠣᠯᠳᠠᠭᠤ ᠵᠠᠭ᠋ᠠᠨᠤ ᠰᠣᠷᠮᠤᠤᠰᠤ ᠤᠷᠲᠤ ᠤᠴᠢᠷᠠᠴᠠ ᠬᠠᠷᠠᠭᠠ ᠵᠢᠨᠢ ᠨᠦᠯᠦᠭᠡᠯᠡᠳᠡᠭ）᠂ ᠦᠨᠦᠷᠯᠡᠬᠦ᠂ ᠰᠣᠨᠣᠰᠬᠤ ᠰᠡᠷᠡᠯ ᠰᠣᠷᠭᠣᠭ᠂ ᠠᠭ᠋ᠠᠭᠢᠮᠠ ᠬᠠᠯᠠᠭᠤᠨ ᠴᠠᠭᠲᠤ ᠤᠰᠤᠨᠳᠤ ᠰᠡᠷᠢᠬᠦᠴᠡᠬᠦ ᠲᠤᠷᠠᠳᠠᠢ᠃ ᠬᠡᠭᠡᠷᠡ ᠵᠢᠨ ᠡᠪᠡᠰᠦ᠂ ᠮᠣᠳᠣᠨ ᠨᠠᠪᠴᠢ᠂ ᠬᠤᠯᠤᠰᠤᠨ ᠨᠠᠪᠴᠢ᠂ ᠬᠡᠭᠡᠷᠡ ᠵᠢᠨ ᠵᠢᠮᠢᠰ ᠵᠡᠷᠭᠡᠪᠠᠷ ᠢᠳᠡᠰᠢ ᠪᠣᠯᠭ᠋ᠠᠳᠠᠭ᠃
ᠠᠹᠷᠢᠺᠠ ᠵᠠᠭ᠋ᠠᠨ᠄ ᠠᠹᠷᠢᠺᠠ ᠲᠢᠪᠤᠨ ᠳᠤᠮᠳᠠ ᠬᠡᠰᠡᠭ᠂ ᠵᠡᠭᠦᠨ ᠬᠡᠰᠡᠭ ᠪᠠ ᠡᠮᠦᠨᠡᠲᠦ ᠬᠡᠰᠡᠭ ᠵᠶ᠋ᠠᠷ ᠲᠠᠷᠬᠠᠳᠠᠭ᠃
ᠠᠹᠷᠢᠺᠠ ᠵᠠᠭ᠋ᠠᠨ ᠳᠠᠯᠠᠶ ᠵᠢᠨ ᠲᠦᠪᠰᠢᠨᠠᠴᠠ 5000 ᠮᠧᠲᠷ ᠡᠷᠭᠦᠭᠳᠡᠭᠰᠡᠨ ᠬᠠᠯᠠᠭᠤᠨ ᠪᠦᠰᠡᠨᠤ ᠣᠶ ᠰᠢᠭᠤᠶ᠂ ᠪᠤᠲᠠᠯᠢᠭ ᠣᠶ ᠪᠠ ᠲᠠᠯᠠ ᠨᠤᠲᠤᠭᠲᠤ ᠠᠮᠢᠳᠤᠷᠠᠵᠤ᠂ ᠣᠳᠣ ᠪᠠᠶ᠋ᠢᠭᠠ ᠬᠠᠮᠤᠭᠤᠨ ᠲᠣᠮᠣ ᠡᠬᠡ ᠬᠠᠭᠤᠷᠠᠶ ᠵᠢᠨ ᠬᠥᠬᠥᠲᠡᠨ ᠠᠮᠢᠲᠠᠨ ᠪᠣᠯᠤᠨᠠ᠃ ᠪᠦᠯᠦᠭᠯᠡᠨ ᠰᠠᠭᠤᠷᠢᠰᠢᠵᠤ᠂ ᠡᠷᠡᠭᠴᠢᠨ ᠵᠠᠭ᠋ᠠᠨ ᠬᠤᠰᠢᠭᠤᠴᠢᠯᠠᠳᠠᠭ᠂ ᠲᠣᠭᠲᠠᠮᠠᠯ ᠣᠷᠣᠰᠢᠨ ᠠᠮᠢᠳᠤᠷᠠᠳᠠᠭ ᠤᠷᠤᠨ ᠪᠠᠢ᠌ᠬᠤ ᠦᠭᠡᠢ᠃ ᠡᠪᠡᠰᠦ᠂ ᠮᠣᠳᠣᠨ ᠨᠠᠪᠴᠢ᠂ ᠮᠣᠳᠣᠨᠤ ᠬᠠᠯᠢᠰᠤ᠂ ᠨᠢᠯᠬᠠ ᠮᠥᠴᠢᠷ ᠵᠡᠷᠭᠡᠪᠠᠷ ᠢᠳᠡᠰᠢ ᠪᠣᠯᠭ᠋ᠠᠳᠠᠭ᠃
