ᠮᠣᠩᠭᠤᠯ ᠠᠳᠤᠭᠤ ᠪᠤᠯ ᠮᠤᠩᠭᠤᠯᠴᠤᠳ ᠮᠣᠩᠭᠤᠯᠤᠨ ᠦᠨᠳᠦᠷᠯᠢᠭᠲᠤ ᠤᠯᠠᠨ ᠵᠢᠯᠤᠨ ᠲᠣᠷᠰᠢᠳᠠ ᠮᠠᠯᠵᠢᠨ ᠪᠣᠶ᠋ᠢᠵᠢᠭᠤᠯᠤᠭᠰᠠᠨ ᠣᠯᠠᠨ ᠬᠡᠷᠡᠭᠴᠡᠭᠡᠳᠦ ᠡᠷᠳᠡᠨᠤ ᠡᠭᠦᠯᠳᠡᠷᠤᠨ ᠠᠳᠤᠭᠤ ᠪᠤᠯᠤᠨᠠ᠃ ᠮᠣᠩᠭᠤᠯ ᠠᠳᠤᠭᠤᠨᠢ ᠵᠢᠯ ᠲᠣᠷᠰᠢ ᠪᠡᠯᠴᠢᠭᠡᠷᠤᠨ ᠮᠠᠯᠯᠠᠭᠠ ᠵᠢᠨ ᠨᠦᠬᠦᠴᠡᠯᠳᠤ ᠪᠣᠶ᠋ᠢᠵᠢᠭᠰᠠᠨ ᠪᠣᠯᠬᠤᠷ ᠪᠠᠶ᠋ᠢᠭ᠋ᠠᠯᠢ ᠣᠷᠴᠢᠨᠤ ᠡᠯᠳᠡᠪ ᠮᠠᠭᠤ ᠨᠦᠬᠦᠴᠡᠯ ᠪᠡ ᠠᠭᠤᠷ ᠠᠮᠢᠰᠬᠤᠯᠤᠨ ᠪᠠᠴᠢᠮᠠᠭ ᠲᠦᠷᠭᠡᠨ ᠬᠤᠪᠢᠷᠠᠯᠳᠠᠳᠤ ᠵᠣᠬᠢᠴᠠᠵᠦ ᠴᠢᠳᠠᠳᠠᠭ ᠵᠶ᠋ᠠᠷ ᠵᠶ᠋ᠠᠨ ᠳᠡᠯᠡᠬᠡᠢᠳᠤ ᠠᠯᠳᠠᠷᠰᠢᠵᠠᠢ᠃
ᠮᠣᠩᠭᠤᠯ ᠠᠳᠤᠭᠤᠨᠤ ᠪᠡᠶᠡᠨᠢ ᠪᠠᠭ᠋ᠠᠪᠳᠤᠷ᠂ ᠲᠣᠯᠤᠭ᠋ᠠᠢᠨᠢ ᠪᠦᠳᠦᠭᠦᠨ᠂ ᠮᠠᠩᠨᠠᠢᠨᠢ ᠦᠷᠭᠡᠨ᠂ ᠨᠢᠳᠦᠨ ᠤᠬᠤᠷᠬᠠᠢᠨᠢ ᠲᠦᠭᠦᠷᠢᠭ᠂ ᠬᠠᠮᠠᠷᠤᠨ ᠬᠡᠰᠡᠭᠨᠢ ᠰᠢᠯᠤᠭᠤᠨ᠂ ᠬᠠᠮᠠᠷᠤᠨ ᠨᠦᠬᠡᠨᠢ ᠲᠤᠮᠤ᠂ ᠵᠢᠵᠢᠭᠬᠡᠨ ᠴᠢᠬᠢᠲᠠᠢ᠂ ᠬᠦᠵᠦᠭᠦᠦᠨᠢ ᠤᠬᠤᠷ ᠮᠦᠷᠳᠡᠭᠡᠨ ᠮᠢᠬᠠᠯᠢᠭ᠂ ᠮᠣᠨᠳᠠᠭᠠ ᠨᠢ ᠨᠠᠮᠬᠠᠨ᠂ ᠴᠡᠭᠡᠵᠢᠨᠢ ᠦᠷᠭᠡᠨ ᠪᠦᠭᠡᠳ ᠭᠦᠨ᠂ ᠨᠢᠷᠤᠭᠤᠨᠢ ᠰᠢᠯᠤᠭᠤᠨ ᠮᠦᠷᠳᠡᠭᠡᠨ ᠦᠷᠭᠡᠪᠳᠦᠷ᠂ ᠤᠯᠠᠩᠬᠢ ᠨᠢ ᠤᠬᠤᠷᠬᠠᠨ ᠲᠠᠰᠢᠭᠤ ᠲᠠᠰᠢᠶᠠᠲᠠᠢ᠂ ᠬᠡᠪᠡᠯᠢᠨᠢ ᠲᠤᠮᠤ ᠰᠢᠭ᠋᠂ ᠳᠦᠷᠪᠡᠨ ᠬᠦᠯᠨᠢ ᠬᠠᠳᠠᠭᠤ ᠴᠢᠬᠢᠷᠠᠭ᠂ ᠭᠢᠰᠬᠢᠯᠳᠡᠨᠢ ᠬᠦᠴᠦᠳᠡᠢ ᠪᠦᠭᠡᠳ ᠲᠦᠪ᠂ ᠰᠤᠳᠠᠯ ᠰᠢᠷᠪᠤᠰᠦᠨᠢ ᠬᠦᠭᠵᠢᠯᠲᠠᠢ᠂ ᠲᠤᠭᠤᠷᠠᠢᠨᠢ ᠬᠠᠳᠠᠭᠤ ᠪᠠᠬᠢ᠂ ᠠᠷᠠᠰᠦᠨᠢ ᠵᠤᠵᠠᠭ᠋ᠠᠨ᠂ ᠪᠦᠷᠬᠦᠬᠦᠯ ᠦᠰᠦᠨᠢ ᠨᠢᠭᠳᠠ᠂ ᠳᠡᠯ ᠰᠡᠭᠦᠯ ᠰᠠᠭᠯᠠᠭᠠ ᠵᠢᠨ ᠦᠰᠦᠨᠢ ᠤᠷᠳᠤ ᠪᠦᠭᠡᠳ ᠵᠤᠵᠠᠭ᠋ᠠᠨ᠂ ᠵᠢᠰᠦᠮᠨᠢ ᠣᠯᠠᠨ᠃ ᠪᠡᠯᠴᠢᠭᠡᠷᠤᠨ ᠪᠦᠳᠦᠭᠦᠯᠢᠭ ᠲᠡᠵᠢᠭᠡᠯᠭᠡᠳᠤ ᠳᠠᠳᠴᠦ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠡᠯᠳᠡᠪ ᠨᠦᠬᠦᠴᠡᠯᠳᠤ ᠵᠣᠬᠢᠴᠠᠬᠤ ᠴᠢᠳᠠᠪᠤᠷᠢᠪᠠᠷ ᠮᠠᠰᠢ ᠰᠠᠶ᠋ᠢᠨ ᠵᠡᠷᠭᠡ ᠣᠨᠴᠠᠯᠢᠭᠲᠠᠢ᠃ ᠮᠣᠩᠭᠤᠯ ᠠᠳᠤᠭᠤᠨᠤ ᠪᠡᠶᠡ ᠵᠢᠨ ᠦᠨᠳᠦᠷᠨᠢ ᠶᠡᠷᠦᠩᠬᠡᠢᠳᠡᠭᠡᠨ 3.6 ~3.9 ᠲᠣᠬᠤᠢ （120 ~132 ᠰᠡᠨᠲ᠋ᠢᠮᠸᠲᠷ）᠂ ᠠᠮᠢᠳᠤ ᠵᠢᠨ ᠵᠢᠩᠨᠢ 520 ~740 ᠵᠢᠩ （260 ~370 ᠺᠢᠯᠤᠭ᠌ᠷᠠᠮ） ᠪᠠᠶ᠋ᠢᠳᠠᠭ᠃ ᠮᠣᠩᠭᠤᠯ ᠠᠳᠤᠭᠤ ᠵᠢ ᠤᠨᠤᠯᠭᠠ᠂ ᠬᠦᠯᠦᠰᠢ᠂ ᠠᠴᠢᠶᠠ ᠵᠡᠷᠭᠡ ᠵᠢᠨ ᠠᠯᠢᠨᠳᠤᠨᠢ ᠬᠡᠷᠡᠭᠯᠡᠭᠰᠡᠨ ᠴᠦ᠍ ᠪᠡᠶᠡ ᠪᠠᠭᠠ ᠬᠢᠷᠢᠨᠳᠡᠭᠡᠨ ᠬᠦᠮᠦᠨᠢ ᠰᠣᠴᠢᠭ᠋ᠠᠮᠠ ᠳᠠᠭ᠋ᠠᠭ᠋ᠠᠮᠠᠭ᠋ᠠᠢ ᠴᠢᠳᠠᠯ ᠪᠠ ᠲᠡᠰᠪᠦᠷᠢᠳᠤ ᠴᠢᠨᠠᠷᠲᠠᠢ ᠪᠠᠶ᠋ᠢᠳᠠᠭ᠃ ᠮᠣᠩᠭᠤᠯ ᠠᠳᠤᠭᠤᠨᠤ ᠤᠶ᠋ᠢᠷᠠ ᠬᠤᠷᠳᠤᠴᠠᠨᠢ 2 ᠭᠠᠵᠠᠷ （1 ᠺᠢᠯᠤᠮᠸᠲᠷ）ᠢ ᠨᠢᠭᠡ ᠮᠢᠨᠦ᠋ᠲ ᠬᠤᠶᠠᠷ ᠰᠧᠺᠦ᠋ᠨᠳ᠋᠂ 10 ᠭᠠᠵᠠᠷᠢ ᠵᠢᠷᠭᠤᠭ᠋ᠠᠨ ᠮᠢᠨᠦ᠋ᠲ ᠲᠠᠪᠢᠨ ᠨᠠᠢ᠍ᠮᠠᠨ ᠰᠧᠺᠦ᠋ᠨᠳ᠋᠂ 30 ᠭᠠᠵᠠᠷᠢ ᠬᠤᠷᠢᠨ ᠭᠤᠷᠪᠠᠨ ᠮᠢᠨᠦ᠋ᠲ ᠲᠠᠪᠢᠨ ᠳᠦᠷᠪᠡᠨ ᠰᠧᠺᠦ᠋ᠨᠳ᠋ ᠭᠦᠶᠦᠳᠡᠭ᠃ ᠬᠤᠯᠠ ᠵᠢᠨ ᠠᠶᠠᠨᠳᠤ ᠡᠳᠦᠷᠲᠤ 200 ~300 ᠭᠠᠵᠠᠷᠤᠨ ᠬᠤᠷᠳᠤᠴᠠᠪᠠᠷ 8 ~15 ᠡᠳᠦᠷ ᠦᠷᠬᠦᠯᠵᠢᠯᠡᠨ ᠶᠠᠪᠤᠬᠤᠳᠤ ᠰᠢᠨᠳᠠᠷᠠᠬᠤ ᠦᠭᠡᠢ ᠪᠠᠶ᠋ᠢᠳᠠᠭ᠃ ᠳᠦᠷᠪᠡ ᠬᠦᠯᠦᠭᠰᠡᠨ ᠮᠣᠷᠢᠨ ᠲᠡᠷᠭᠡᠨᠳᠤ 400 ~500 ᠵᠢᠩ ᠠᠴᠢᠶᠠ ᠲᠡᠭᠡᠭᠡᠴᠢᠭᠡᠭᠡᠳ ᠡᠳᠦᠷ ᠪᠦᠷᠢ 120 ᠭᠠᠵᠠᠷ ᠠᠶᠠᠯᠠᠵᠦ ᠪᠣᠯᠳᠠᠭ᠃ ᠮᠣᠩᠭᠤᠯ ᠠᠳᠤᠭᠤ ᠤᠨᠤᠯᠭᠠ᠂ ᠬᠦᠯᠦᠰᠢ᠂ ᠠᠴᠢᠶᠠ ᠵᠢᠨ ᠠᠯᠢᠨᠳᠤ ᠴᠦ᠍ ᠲᠣᠬᠢᠷᠠᠮᠵᠢᠳᠠᠢ ᠪᠣᠯᠪᠠᠴᠦ ᠭᠤᠣᠯᠨᠢ ᠤᠨᠤᠯᠭᠠᠳᠤ ᠰᠠᠶ᠋ᠢᠨ ᠪᠠᠶ᠋ᠢᠳᠠᠭ᠃
ᠮᠣᠩᠭᠤᠯ ᠠᠳᠤᠭᠤᠨᠤ ᠲᠠᠷᠬᠠᠯᠳᠠ
ᠮᠣᠩᠭᠤᠯ ᠠᠳᠤᠭᠤ ᠮᠠᠰᠢ ᠦᠷᠭᠡᠨ ᠬᠡᠪᠴᠢᠶᠡᠨᠳᠤ ᠲᠠᠷᠬᠠᠵᠦ᠂ ᠳᠡᠯᠡᠬᠡᠢ ᠵᠢᠨ ᠨᠡᠯᠢᠶᠡᠳ ᠣᠯᠠᠨ ᠠᠳᠤᠭᠤᠨᠤ ᠡᠭᠦᠯᠳᠡᠷᠤᠨ ᠪᠣᠢ ᠪᠤᠯᠬᠤᠳᠤ ᠶᠡᠭᠡᠬᠡᠨ ᠨᠦᠯᠦᠭᠡ ᠦᠵᠡᠭᠦᠯᠵᠠᠢ᠃ ᠮᠣᠩᠭᠤᠯ ᠠᠳᠤᠭᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠡᠭᠦᠨ ᠬᠤᠶ᠋ᠢᠳᠤ ᠣᠷᠤᠨ᠂ ᠣᠮᠠᠷᠠᠳᠤ ᠣᠷᠤᠨ᠂ ᠪᠠᠷᠠᠭᠤᠨ ᠬᠤᠶ᠋ᠢᠳᠤ ᠣᠷᠤᠨ ᠪᠣᠯᠤᠨ ᠮᠣᠩᠭᠤᠯ ᠤᠯᠤᠰ᠂ ᠤᠤᠯᠤᠨ ᠵᠦᠪᠯᠡᠯᠳᠤ ᠬᠤᠯᠪᠤᠭ᠋ᠠᠳᠤ ᠤᠯᠤᠰᠤᠨ ᠪᠠᠶ᠋ᠢᠭ᠋ᠠᠯ ᠨᠠᠭᠤᠷᠤᠨ ᠬᠠᠪᠢᠪᠠᠷ ᠦᠷᠭᠡᠨ ᠬᠡᠪᠴᠢᠶᠡᠨᠳᠤ ᠲᠠᠷᠬᠠᠵᠦ ᠪᠠᠶ᠋ᠢᠳᠠᠭ᠃ ᠮᠣᠩᠭᠤᠯ ᠠᠳᠤᠭᠤ ᠵᠢ ᠲᠡᠭᠦᠨᠤ ᠨᠤᠳᠤᠭᠰᠢᠭᠰᠠᠨ ᠭᠠᠵᠠᠷ ᠣᠷᠤᠨᠤ ᠬᠢᠨᠢ ᠣᠨᠴᠠᠯᠢᠭ ᠵᠶ᠋ᠠᠷᠨᠢ ᠲᠠᠯᠠ ᠨᠤᠳᠤᠭᠤᠨ ᠠᠳᠤᠭᠤ᠂ ᠰᠢᠭᠤᠶ᠋ᠢᠳᠤ ᠣᠷᠤᠨᠤ ᠠᠳᠤᠭᠤ᠂ ᠡᠯᠡᠰᠦᠷᠬᠡᠭ ᠣᠷᠤᠨᠤ ᠠᠳᠤᠭᠤ᠂ ᠠᠭᠤᠯᠠᠷᠬᠠᠭ ᠣᠷᠤᠨᠤ ᠠᠳᠤᠭᠤ ᠭᠡᠵᠦ ᠳᠦᠷᠪᠡᠨ ᠬᠡᠯᠪᠡᠷᠢᠳᠤ ᠠᠩᠭᠢᠯᠠᠳᠠᠭ᠃
ᠲᠠᠯᠠ ᠨᠣᠳᠤᠭᠤᠨ ᠠᠳᠤᠭᠤ᠄ ᠲᠠᠯᠠ ᠭᠠᠵᠠᠷ ᠨᠤᠳᠤᠭᠰᠢᠭᠰᠠᠨ ᠠᠳᠤᠭᠤ᠃ ᠪᠡᠶᠡᠨᠢ ᠪᠠᠭ᠋ᠠᠪᠳᠤᠷ ᠪᠣᠯᠪᠠᠴᠦ ᠴᠡᠭᠡᠵᠢᠨᠢ ᠦᠷᠭᠡᠨ ᠬᠦᠨ᠂ ᠭᠠᠳᠠᠷ ᠪᠠᠶ᠋ᠢᠳᠠᠯᠨᠢ ᠲᠡᠳᠦᠢ ᠯᠡ ᠭᠤᠪᠠᠢ ᠨᠠᠷᠢᠯᠢᠭ ᠪᠢᠰᠢ᠂ ᠦᠰᠦᠨᠢ ᠵᠤᠵᠠᠭ᠋ᠠᠨ ᠪᠦᠭᠡᠳ ᠤᠷᠳᠤ ᠰᠢᠭ᠋᠃ ᠪᠦᠳᠦᠴᠡᠨᠢ ᠨᠢᠭᠳᠠ᠂ ᠪᠡᠶᠡ ᠴᠣᠭᠴᠠᠨᠢ ᠪᠠᠬᠢᠯᠢᠭ᠌᠂ ᠳᠦᠷᠪᠡᠨ ᠮᠦᠴᠢᠨᠢ ᠰᠢᠨᠳᠠᠰᠦᠲᠠᠢ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠪᠡᠯᠴᠢᠭᠡᠷ ᠵᠡᠷᠭᠡ ᠪᠦᠳᠦᠭᠦᠯᠢᠭ ᠢᠳᠡᠰᠢᠨᠳᠤ ᠵᠣᠬᠢᠴᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠡᠶ᠋ᠢᠮᠦ ᠬᠡᠯᠪᠡᠷᠢ ᠵᠢᠨ ᠠᠳᠤᠭᠤ ᠪᠠᠷᠠᠭᠤᠨᠰᠢ ᠠᠯᠳᠠᠢ ᠠᠭᠤᠯᠠ᠂ ᠵᠡᠭᠦᠨᠰᠢ ᠬᠢᠩᠭ᠋ᠠᠨ ᠳᠠᠪᠠᠭᠠ᠂ ᠣᠮᠠᠷᠠᠰᠢ ᠪᠠᠶ᠋ᠢᠭ᠋ᠠᠯ ᠨᠠᠭᠤᠷ᠂ ᠡᠮᠦᠨᠡᠰᠢ ᠴᠠᠭ᠋ᠠᠨ ᠬᠡᠷᠡᠮ ᠬᠦᠷᠳᠡᠯᠡᠬᠢ ᠮᠣᠩᠭᠤᠯᠤᠨ ᠦᠨᠳᠦᠷᠯᠢᠭᠤᠨ ᠬᠡᠭᠡᠷᠡ ᠲᠠᠯᠠ ᠭᠠᠵᠠᠷ ᠨᠡᠶ᠋ᠢᠳᠡᠮ ᠲᠠᠷᠬᠠᠵᠦ ᠪᠠᠶ᠋ᠢᠳᠠᠭ᠃ ᠡᠭᠦᠨᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠦᠪᠦᠷ ᠮᠣᠩᠭᠤᠯᠤᠨ ᠰᠢᠯᠢ ᠵᠢᠨ ᠭᠤᠤᠯ᠂ ᠤᠯᠠᠭ᠋ᠠᠨᠴᠠᠪ᠂ ᠪᠠᠶᠠᠨᠨᠠᠭᠤᠷᠤᠨ ᠤᠷᠠᠳ᠂ ᠮᠣᠩᠭᠤᠯ ᠤᠯᠤᠰᠤᠨ ᠳᠤᠷᠤᠨᠠ᠂ ᠡᠮᠦᠨᠡ ᠭᠤᠪᠢ ᠵᠡᠷᠭᠡ ᠭᠠᠵᠠᠷ ᠣᠷᠤᠨᠤ ᠲᠠᠯᠠ ᠭᠠᠵᠠᠷᠲᠤ ᠢᠯᠡᠭᠦᠦ ᠲᠦᠪᠯᠡᠷᠡᠵᠦ ᠪᠠᠶ᠋ᠢᠳᠠᠭ᠃
ᠰᠢᠭᠤᠶ᠋ᠢᠳᠤ ᠤᠷᠤᠨᠤ ᠠᠳᠤᠭᠤ᠄ ᠣᠢ ᠰᠢᠭᠤᠶ᠋ᠢᠳᠤ ᠣᠷᠤᠨᠳᠤ ᠨᠤᠳᠤᠭᠰᠢᠭᠰᠠᠨ ᠠᠳᠤᠭᠤ᠃ ᠡᠨᠡ ᠠᠳᠤᠭᠤᠨᠢ ᠬᠦᠢ᠍ᠳᠡᠨ ᠪᠦᠭᠡᠳ ᠴᠢᠭᠢᠭ ᠶᠡᠬᠡᠳᠠᠢ ᠠᠭᠤᠷ ᠠᠮᠢᠰᠬᠤᠯᠳᠤ ᠵᠣᠬᠢᠴᠠᠵᠦ ᠰᠠᠬᠤᠯᠢᠭ ᠦᠨᠳᠦᠷ ᠡᠪᠡᠰᠦ ᠤᠷᠭᠤᠮᠠᠯᠤᠨ ᠰᠤᠷᠢ ᠢᠳᠡᠵᠦ ᠳᠠᠳᠤᠭᠰᠠᠨ ᠪᠠᠶ᠋ᠢᠳᠠᠭ᠃ ᠲᠠᠯᠠ ᠨᠤᠳᠤᠭᠤᠨ ᠠᠳᠤᠭᠤ ᠵᠢ ᠪᠤᠳᠤᠪᠠᠯ ᠬᠦᠨᠳᠤ ᠴᠢᠨᠠᠷᠤᠨ ᠠᠳᠤᠭᠤᠨᠳᠤ ᠲᠣᠭ᠋ᠠᠴᠠᠭᠳᠠᠨᠠ᠃ ᠪᠡᠶᠡ ᠴᠣᠭᠴᠠᠨᠢ ᠤᠷᠳᠤ ᠪᠦᠭᠡᠳ ᠦᠷᠭᠡᠨ᠂ ᠬᠦᠨᠳᠤ ᠪᠦᠳᠦᠭᠦᠯᠢᠭ᠂ ᠳᠡᠯ ᠰᠡᠭᠦᠯᠨᠢ ᠤᠷᠳᠤ ᠵᠤᠵᠠᠭ᠋ᠠᠨ᠂ ᠳᠦᠷᠪᠡᠨ ᠮᠦᠴᠢᠨᠢ ᠬᠦᠳᠡᠷᠯᠢᠭ᠂ ᠲᠤᠭᠤᠷᠠᠢᠨᠢ ᠲᠤᠮᠤ ᠪᠦᠭᠡᠳ ᠦᠷᠭᠡᠨ᠂ ᠤᠳᠠᠭ᠋ᠠᠪᠳᠤᠷ ᠬᠦᠳᠡᠯᠪᠤᠷᠢᠲᠠᠢ᠃ ᠡᠶ᠋ᠢᠮᠦ ᠬᠡᠯᠪᠡᠷᠢ ᠵᠢᠨ ᠠᠳᠤᠭᠤ ᠭᠤᠤᠯᠳᠠᠭᠤ ᠲᠦᠪ ᠠᠽᠢᠶᠠ ᠵᠢᠨ ᠰᠢᠪᠧᠷᠢᠶᠠ ᠵᠢᠨ ᠰᠢᠭᠤᠶ᠋ᠢᠳᠤ ᠣᠷᠤᠨ ᠵᠡᠷᠭᠡ ᠭᠠᠵᠠᠷᠳᠤ ᠲᠠᠷᠬᠠᠵᠦ ᠪᠠᠶ᠋ᠢᠳᠠᠭ᠃
ᠠᠭᠤᠯᠠᠷᠬᠠᠭ ᠣᠷᠤᠨᠤ ᠠᠳᠤᠭᠤ ᠄ ᠠᠭᠤᠯᠠᠷᠬᠠᠭ ᠣᠷᠤᠨᠳᠤ ᠨᠤᠳᠤᠭᠰᠢᠭᠰᠠᠨ ᠠᠳᠤᠭᠤ᠃ ᠪᠡᠶᠡᠨᠢ ᠪᠠᠭᠠ᠂ ᠴᠣᠭᠴᠠᠨᠢ ᠨᠠᠷᠢᠯᠢᠭ᠂ ᠳᠦᠷᠪᠡᠨ ᠮᠦᠴᠢᠨᠢ ᠰᠢᠯᠤᠭᠤᠨ ᠪᠦᠭᠡᠳ ᠴᠢᠬᠢᠷᠠᠭ᠂ ᠲᠤᠭᠤᠷᠠᠢᠨᠢ ᠴᠣᠮᠪᠤᠨ ᠪᠦᠭᠡᠳ ᠵᠤᠵᠠᠭ᠋ᠠᠨ ᠪᠠᠬᠢ᠂ ᠠᠯᠬᠤᠭᠠᠨᠢ ᠯᠠᠪᠳᠠᠭᠤᠨ ᠮᠦᠷᠳᠡᠭᠡᠨ ᠬᠦᠩᠭᠡᠨ ᠪᠣᠰᠢᠭᠤ᠂ ᠠᠭᠤᠯᠠᠨ ᠵᠠᠮᠳᠤ ᠮᠠᠰᠢ ᠰᠠᠶ᠋ᠢᠨ ᠵᠣᠬᠢᠴᠠᠭᠰᠠᠨ ᠣᠨᠴᠠᠯᠢᠭᠲᠠᠢ᠃ ᠡᠶ᠋ᠢᠮᠦ ᠬᠡᠯᠪᠡᠷᠢ ᠵᠢᠨ ᠠᠳᠤᠭᠤᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠦᠬᠡᠨᠠᠭᠤᠷ ᠲᠦᠪᠡᠳᠤᠨ ᠠᠭᠤᠯᠠᠷᠬᠠᠭ ᠣᠷᠤᠨ ᠵᠡᠷᠭᠡ ᠭᠠᠵᠠᠷ ᠣᠷᠤᠨ ᠵᠶ᠋ᠠᠷ ᠭᠤᠤᠯ ᠲᠠᠷᠬᠠᠵᠦ ᠪᠣᠢ᠃ ᠦᠪᠦᠷ ᠮᠣᠩᠭᠤᠯᠤᠨ ᠬᠡᠰᠢᠭᠳᠡᠨᠤ ᠪᠠᠶ᠋ᠢᠴᠠ ᠵᠢᠨ ᠭᠤᠣᠯ ᠵᠡᠷᠭᠡ ᠭᠠᠵᠠᠷᠤᠨ ᠠᠳᠤᠭᠤ ᠴᠦ᠍ ᠡᠭᠦᠨᠳᠤ ᠪᠠᠭᠳᠠᠨᠠ᠃
ᠡᠯᠡᠰᠦᠷᠬᠡᠭ ᠣᠷᠤᠨᠤ ᠠᠳᠤᠭᠤ᠄ ᠡᠯᠡᠰᠦᠷᠬᠡᠭ ᠣᠷᠤᠨᠳᠤ ᠨᠤᠳᠤᠭᠰᠢᠭᠰᠠᠨ ᠠᠳᠤᠭᠤ᠃ ᠭᠠᠩ ᠬᠠᠭᠤᠷᠠᠢ ᠠᠭᠤᠷ ᠠᠮᠢᠰᠬᠤᠯ᠂ ᠡᠪᠡᠰᠦ ᠤᠰᠤ ᠬᠠᠩᠭ᠋ᠠᠮᠵᠢ ᠮᠠᠭᠤᠳᠠᠢ ᠡᠯᠡᠰᠦ ᠮᠠᠩᠬᠠᠯᠢᠭ ᠭᠠᠵᠠᠷᠲᠤ ᠵᠣᠬᠢᠴᠠᠵᠠᠢ᠃ ᠡᠶ᠋ᠢᠮᠦ ᠠᠳᠤᠭᠤᠨᠤ ᠪᠡᠶᠡᠨᠢ ᠪᠠᠭᠠ᠂ ᠴᠡᠪᠡᠷ ᠴᠡᠮᠴᠡᠭᠡᠷ ᠪᠦᠭᠡᠳ ᠴᠣᠪᠤᠭᠤ ᠳᠡᠭᠵᠢᠨ ᠵᠠᠩᠲᠠᠢ᠂ ᠲᠡᠰᠪᠦᠷᠢ ᠳᠠᠭ᠋ᠠᠭ᠋ᠠᠮᠠᠭ᠋ᠠᠢ ᠪᠠᠶ᠋ᠢᠳᠠᠭ᠃ ᠲᠤᠭᠤᠷᠠᠢ ᠵᠢᠨ ᠲᠠᠪᠠᠭᠨᠢ ᠶᠡᠭᠡ ᠠᠯᠬᠤᠭᠠ ᠰᠠᠶ᠋ᠢᠪᠤᠷᠢᠲᠠᠢᠨᠢ ᠣᠯᠠᠨ᠃ ᠦᠪᠦᠷ ᠮᠣᠩᠭᠤᠯᠤᠨ ᠦᠦᠰᠢᠨ ᠵᠡᠷᠬᠡ ᠡᠯᠡᠰᠦᠷᠬᠡᠭ ᠭᠠᠵᠠᠷᠤᠨ ᠠᠳᠤᠭᠤ ᠡᠭᠦᠨᠳᠤ ᠪᠠᠭᠳᠠᠨᠠ᠃
《ᠮᠣᠩᠭᠤᠯ ᠵᠠᠩ ᠦᠢ᠍ᠯᠡ ᠵᠢᠨ ᠨᠡᠪᠳᠡᠷᠬᠡᠢ ᠲᠣᠯᠢ》 （ᠠᠵᠦ ᠠᠬᠤᠢ ᠵᠢᠨ ᠪᠣᠳᠢ）ᠠᠴᠠ ᠬᠠᠭᠤᠯᠠᠪᠦᠷᠢᠯᠡᠪᠡ᠃