ᠴᠦᠭᠦᠷᠰᠦ ᠵᠢᠨ ᠢᠵᠠᠭᠤᠷ
ᠮᠥᠩᠬᠡ ᠨᠣᠭᠣᠭ᠋ᠠᠨ ᠲᠤᠷᠤᠭ ᠮᠣᠳᠣ᠂ 30m ᠬᠢᠷᠢ ᠥᠨᠳᠥᠷ᠂ ᠬᠦᠷᠡᠩ ᠬᠣᠯᠲᠣᠰᠣᠲᠠᠢ᠃ ᠮᠥᠴᠢᠷᠨᠢ ᠲᠤᠭᠤᠢ᠌ᠷᠠᠨ ᠰᠠᠷᠪᠠᠭ᠋ᠠᠷ ᠤᠷᠭᠤᠵᠤ ᠦᠵᠦᠭᠦᠷᠨᠢ ᠵᠢᠭ᠋ᠠᠬᠠᠨ ᠳᠣᠭᠣᠭᠰᠢ ᠤᠨᠵᠢᠭᠢᠷ ᠪᠠᠢ᠌ᠳᠠᠭ᠃ ᠨᠠᠪᠴᠢᠨᠢ ᠪᠦᠰᠡ ᠰᠢᠭ ᠬᠠᠪᠲᠠᠭ᠋ᠠᠢ ᠲᠡᠪᠡᠨᠡ ᠬᠡᠯᠪᠡᠷᠢᠲᠠᠢ᠂ ᠲᠤᠩ ᠬᠠᠲᠠᠭᠤ᠂ 3 — 6cm ᠤᠷᠲᠤ᠂ ᠨᠠᠷᠢᠨ ᠬᠢᠷᠥᠭᠡᠨ ᠰᠢᠳᠦ ᠰᠢᠭ ᠬᠥᠪᠡᠭᠡᠲᠠᠢ ᠪᠥᠭᠡᠳ ᠠᠷᠤᠳᠠᠭᠠᠨ ᠬᠣᠶᠠᠷ ᠵᠤᠷᠪᠤᠰ ᠴᠠᠭ᠋ᠠᠨ ᠥᠩᠭᠡᠲᠦ ᠬᠡᠢ ᠵᠢᠨ ᠠᠮᠠᠰᠠᠷᠤᠨ ᠴᠤᠪᠤᠭᠠᠲᠠᠢ᠂ ᠮᠥᠴᠢᠷ ᠳᠡᠭᠡᠷᠡᠪᠠᠨ ᠱᠣᠷᠬᠠᠯᠠᠭᠰᠠᠨ ᠰᠢᠭ᠋ ᠴᠤᠪᠤᠷᠠᠨ ᠤᠷᠭᠤᠬᠤ ᠪᠣᠯᠪᠠᠴᠤ ᠶᠡᠷᠦᠳᠡᠭᠡᠨ ᠤᠭᠨᠢ ᠮᠤᠷᠤᠢ᠌ᠵᠤ ᠬᠣᠶᠠᠷ ᠮᠥᠷᠯᠡᠨ ᠵᠡᠷᠭᠡᠴᠡᠨᠡ᠃ ᠴᠡᠴᠡᠭᠨᠢ ᠭᠠᠭᠴᠠ ᠪᠡᠯᠭᠡᠲᠠᠢ᠂ ᠨᠢᠭᠡ ᠭᠡᠷᠲᠠᠢ᠃ ᠡᠷᠡ ᠪᠠᠭ ᠴᠡᠴᠡᠭᠨᠢ ᠶᠡᠷᠦᠩᠬᠡᠢ ᠪᠠᠭᠯᠠᠭᠴᠢ ᠰᠢᠭ᠋ ᠬᠠᠢ᠌ᠷᠰᠤᠨ ᠢᠯᠲᠠᠰᠤᠲᠠᠢ ᠪᠥᠭᠡᠳ ᠮᠥᠴᠢᠷᠤᠨ ᠣᠷᠣᠢᠳᠤ ᠳᠥᠴᠢ ᠲᠠᠪᠢᠪᠠᠷ ᠪᠠᠭᠯᠠᠷᠠᠨ ᠤᠷᠭᠤᠳᠠᠭ᠃ ᠲᠣᠭᠣᠰᠣᠪᠴᠢᠨᠢ ᠭᠤᠷᠪᠠᠨ ᠲᠠᠰᠤᠭᠲᠠᠢ᠃ ᠡᠮᠡ ᠪᠠᠭ ᠴᠡᠴᠡᠭᠨᠢ ᠪᠥᠮᠪᠦᠭᠡᠨ ᠬᠡᠯᠪᠡᠷᠢᠲᠠᠢ᠂ ᠭᠦᠢ᠍ᠬᠡᠨ ᠬᠦᠷᠡᠩ ᠥᠩᠭᠡᠲᠡᠢ ᠪᠥᠭᠡᠳ ᠮᠥᠴᠢᠷᠤᠨ ᠣᠷᠣᠢᠳᠤ 1 — 3ᠪᠠᠷ ᠰᠢᠬᠠᠯᠳᠤᠨ ᠤᠷᠭᠤᠳᠠᠭ᠃ ᠪᠣᠷᠭᠣᠴᠣᠭᠨᠢ ᠥᠨᠳᠡᠭᠡᠯᠵᠢᠨ ᠪᠤᠶᠤ ᠪᠥᠮᠪᠥᠭᠡᠯᠢᠭ᠂ 2.5 — 5cm ᠤᠷᠲᠤ᠂ ᠪᠠᠭᠯᠠᠭᠴᠢ ᠬᠠᠢ᠌ᠷᠰᠤᠨᠢ ᠰᠠᠷᠢᠰᠤᠯᠢᠭ᠂ ᠭᠦᠢ᠍ᠬᠡᠨ ᠰᠢᠷᠠ ᠬᠦᠷᠡᠩ᠂ ᠨᠠᠷᠢᠨ ᠬᠢᠷᠥᠭᠡᠨ ᠰᠢᠳᠦᠲᠦ ᠬᠥᠪᠡᠭᠡᠲᠠᠢ᠂ ᠱᠣᠪᠬᠣ ᠣᠷᠣᠢᠲᠠᠢ᠃ ᠦᠷᠡ ᠵᠢᠨ ᠬᠠᠢ᠌ᠷᠰᠤᠨᠢ ᠵᠢᠵᠢᠭ᠂ ᠲᠤᠰ ᠪᠦᠷᠢ ᠵᠢᠨ ᠥᠪᠥᠷ ᠲᠠᠯᠠᠳᠤ ᠭᠤᠷᠪᠠᠨ ᠦᠷᠡ ᠪᠣᠢ᠃ ᠦᠷᠡᠨᠢ ᠬᠠᠪᠲᠠᠭ᠋ᠠᠢ᠂ 6 — 8mm ᠤᠷᠲᠤ᠂ ᠬᠦᠷᠡᠩ᠂ ᠬᠣᠶᠠᠷ ᠬᠥᠪᠡᠭᠡᠳᠤᠨᠢ ᠢᠪᠴᠤᠤ ᠳᠠᠯᠠᠪᠴᠢᠲᠠᠢ᠃
ᠳᠤᠯᠠᠭ᠋ᠠᠨ ᠪᠥᠭᠡᠳ ᠴᠢᠭᠢᠭᠲᠡᠢ ᠠᠭᠤᠷ ᠠᠮᠢᠰᠬᠤᠯᠲᠤ ᠭᠠᠵᠠᠷᠤᠨ ᠢᠯᠵᠠᠮᠠᠭ ᠶᠡᠬᠡᠲᠡᠢ ᠡᠯᠡᠰᠦᠷᠬᠡᠭ ᠬᠥᠷᠥᠰᠥᠨᠳᠤ ᠰᠠᠢ᠌ᠨ ᠤᠷᠭᠤᠨᠠ᠃
ᠮᠠᠨᠤ ᠤᠯᠤᠰᠤᠨ ᠣᠨᠴᠠ ᠭᠠᠷᠤᠯᠲᠠ ᠮᠥᠨ ᠪᠥᠭᠡᠳ ᠡᠮᠦᠨᠡᠲᠦ ᠬᠡᠰᠡᠭᠤᠨ ᠡᠯᠡ ᠮᠣᠵᠢ ᠣᠷᠣᠨᠳᠤ ᠪᠦᠷ ᠤᠷᠭᠤᠳᠠᠭ᠃ ᠮᠣᠳᠣ ᠵᠢᠨᠢ ᠭᠡᠷ ᠪᠠᠷᠢᠯᠭᠠ᠂ ᠬᠥᠭᠥᠷᠭᠡ᠂ ᠳᠡᠷᠡ ᠮᠣᠳᠣ᠂ ᠴᠠᠬᠢᠯᠭ᠋ᠠᠨ ᠤᠲᠠᠰᠤᠨᠤ ᠪᠠᠭ᠋ᠠᠨᠠ ᠵᠡᠷᠭᠡᠳᠤ ᠬᠡᠷᠡᠭᠯᠡᠨᠡ᠃ ᠦᠷᠡᠠᠴᠠᠨᠢ ᠲᠣᠰᠣ ᠠᠪᠴᠤ ᠪᠣᠯᠤᠨᠠ᠃ ᠡᠰᠢᠨᠤ ᠮᠣᠳᠣᠯᠢᠭ ᠬᠡᠰᠡᠭᠲᠤᠨᠢ ᠠᠩᠬᠢᠯᠤᠮᠠ ᠲᠣᠰᠣ ᠪᠣᠢ᠃ ᠦᠨᠳᠦᠰᠦ᠂ ᠨᠠᠪᠴᠢ ᠬᠢᠭᠡᠳ ᠬᠣᠯᠲᠣᠰᠣᠨᠢ ᠡᠮᠳᠤ ᠣᠷᠣᠨᠠ᠃
ᠬᠢᠲᠠᠳ ᠨᠡᠷᠡ᠄ 杉木 （杉）
ᠠᠩᠭ᠍ᠯᠢ ᠨᠡᠷᠡ᠄ Cunninghamia lanceolata （Lamb.） Hook.
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ᠋᠊᠂ ᠡᠷᠬᠢᠮᠪᠠᠭ᠋ᠠᠲᠤᠷ ᠬᠢᠨᠠᠭᠴᠢ᠄ ᠫᠤ · ᠴᠠᠭ᠋ᠠᠨ