ᠠᠷᠴᠠ ᠵᠢᠨ ᠢᠵᠠᠭᠤᠷ
ᠮᠥᠩᠬᠡ ᠨᠣᠭᠣᠭ᠋ᠠᠨ ᠲᠤᠷᠤᠭ ᠮᠣᠳᠣ᠂ 20m ᠬᠢᠷᠢ ᠥᠨᠳᠥᠷ ᠪᠣᠯᠳᠠᠭ᠂ ᠭᠥᠯᠢᠭᠡᠷ ᠪᠥᠭᠡᠳ ᠴᠠᠢ᠌ᠪᠤᠷ ᠬᠦᠷᠡᠩ ᠬᠣᠯᠲᠣᠰᠣᠲᠠᠢ᠃ ᠮᠥᠴᠢᠷᠨᠢ ᠨᠠᠷᠢᠬᠠᠨ ᠤᠷᠲᠤ᠂ ᠤᠨᠵᠢᠢ᠍ᠵᠤ ᠤᠷᠭᠤᠨᠠ᠃ ᠨᠠᠪᠴᠢᠨᠢ ᠶᠡᠷᠦᠳᠡᠭᠡᠨ ᠬᠠᠢ᠌ᠷᠰᠤᠨ ᠢᠯᠲᠠᠰᠤ ᠰᠢᠭ᠋ ᠪᠥᠭᠡᠳ ᠥᠨᠳᠡᠭᠡᠯᠵᠢᠨ ᠪᠤᠶᠤ ᠭᠤᠷᠪᠠᠯᠵᠢᠨ᠂ ᠱᠣᠪᠬᠣ ᠦᠵᠦᠭᠦᠷᠲᠠᠢ᠂ ᠮᠥᠴᠢᠷ ᠳᠡᠭᠡᠷᠡᠪᠠᠨ ᠰᠣᠯᠪᠢᠴᠠᠵᠤ ᠴᠢᠭᠲᠠᠯᠠᠨ ᠤᠷᠭᠤᠨᠠ᠂ ᠭᠡᠪᠡᠴᠦ ᠨᠢᠯᠬᠠ ᠮᠣᠳᠣ ᠪᠤᠶᠤ ᠥᠲᠡᠯᠦᠭᠰᠡᠨ ᠮᠣᠳᠣᠨᠤ ᠪᠦᠳᠦᠭᠦᠨ ᠰᠠᠯᠠᠭᠠ ᠮᠥᠴᠢᠷ ᠳᠡᠭᠡᠷᠡ ᠪᠣᠯ ᠭᠤᠷᠪᠠ ᠳᠥᠷᠪᠡᠨ ᠪᠦᠰᠡ ᠬᠡᠯᠪᠡᠷᠢᠲᠦ ᠪᠤᠶᠤ ᠱᠣᠷᠣᠯᠵᠢᠨ ᠬᠡᠯᠪᠡᠷᠢᠲᠦ ᠨᠠᠪᠴᠢ ᠲᠤᠭᠤᠢ᠌ᠷᠠᠨ ᠤᠷᠭᠤᠳᠠᠭ᠃ ᠴᠡᠴᠡᠭᠨᠢ ᠵᠢᠵᠢᠭ᠂ ᠭᠠᠭᠴᠠ ᠪᠡᠯᠭᠡᠲᠠᠢ᠂ ᠨᠢᠭᠡ ᠭᠡᠷᠲᠠᠢ᠂ ᠪᠦᠷ ᠮᠥᠴᠢᠷᠤᠨ ᠣᠷᠣᠢᠳᠤ ᠤᠷᠭᠤᠨᠠ᠃ ᠡᠷᠡ ᠪᠠᠭ ᠴᠡᠴᠡᠭᠨᠢ ᠵᠤᠤᠪᠠᠩ᠂ ᠰᠢᠷᠠ᠂ ᠶᠡᠷᠦᠳᠡᠭᠡᠨ ᠨᠠᠢ᠍ᠮᠠᠨ ᠲᠣᠭᠣᠷᠴᠣᠭᠲᠠᠢ᠃ ᠡᠮᠡ ᠪᠠᠭ ᠴᠡᠴᠡᠭᠨᠢ ᠪᠥᠮᠪᠥᠭᠡᠯᠢᠭ᠃ ᠪᠣᠷᠭᠣᠴᠣᠭᠨᠢ ᠪᠥᠮᠪᠦᠭᠡᠨ ᠬᠡᠯᠪᠡᠷᠢᠲᠠᠢ ᠪᠥᠭᠡᠳ ᠬᠦᠷᠡᠩ᠂ ᠳ᠋ᠢᠶᠠᠮᠧᠲᠷᠨᠢ 8 — 12mm᠂ ᠳᠠᠷᠠᠭᠠ ᠵᠢᠯᠤᠨ ᠬᠢᠨᠢ ᠵᠤᠨ ᠪᠣᠯᠪᠠᠰᠤᠷᠠᠨᠠ᠂ ᠠᠮᠠᠯᠠᠨ ᠪᠠᠢ᠍ᠷᠢᠯᠠᠭᠰᠠᠨ ᠨᠠᠢ᠍ᠮᠠᠨ ᠪᠠᠮᠪᠠᠢ ᠬᠡᠯᠪᠡᠷᠢᠲᠦ ᠦᠷᠡ ᠵᠢᠨ ᠬᠠᠢ᠌ᠷᠰᠤᠲᠠᠢ᠃ ᠬᠥᠭᠵᠢᠯᠲᠠᠢ ᠬᠠᠢ᠌ᠷᠰᠤᠨᠢ 5 — 6 ᠦᠷᠡᠲᠠᠢ ᠪᠥᠭᠡᠳ ᠣᠷᠣᠢᠳᠠᠭᠠᠨ ᠣᠬᠣᠷᠬᠠᠨ ᠱᠤᠪᠤᠢ᠌ᠭᠰᠠᠨ ᠦᠵᠦᠭᠦᠷᠲᠠᠢ᠃ ᠦᠷᠡᠨᠢ ᠥᠨᠳᠡᠭᠡᠯᠵᠢᠨ᠂ 3mm ᠣᠷᠴᠢᠮ ᠤᠷᠲᠤ᠂ ᠵᠢᠭ᠋ᠠᠬᠠᠨ ᠳᠠᠯᠠᠪᠴᠢᠲᠠᠢ᠃ ᠳᠤᠯᠠᠭ᠋ᠠᠨ ᠴᠢᠭᠢᠭᠲᠡᠢ ᠠᠭᠤᠷ ᠠᠮᠢᠰᠬᠤᠯᠲᠤ ᠭᠠᠵᠠᠷᠤᠨ ᠺᠠᠯᠽᠲᠤ ᠬᠥᠷᠥᠰᠥᠨᠳᠤ ᠤᠷᠭᠤᠨᠠ᠂ ᠤᠯᠠᠭ᠋ᠠᠨ ᠴᠢᠯᠠᠭᠤᠲᠤ ᠭᠠᠵᠠᠷ ᠪᠣᠯᠤᠨ ᠴᠣᠬᠣᠢ ᠵᠢᠨ ᠴᠢᠯᠠᠭᠤᠲᠤ ᠭᠠᠵᠠᠷ ᠵᠶ᠋ᠠᠷ ᠨᠡᠩ ᠴᠦ᠍ ᠣᠯᠠᠨ ᠤᠷᠭᠤᠳᠠᠭ᠃ ᠣᠯᠠᠨ ᠠᠷᠠᠴᠢᠯᠠᠨ ᠵᠠᠢ᠌ᠯᠠᠵᠤ ᠪᠣᠢ᠃
ᠮᠠᠨᠤ ᠤᠯᠤᠰᠤᠨ ᠰᠧᠴᠤᠸᠠᠨ᠂ ᠬᠤᠪᠧᠢ ᠮᠣᠵᠢᠪᠠᠷ ᠪᠠᠢ᠌ᠭ᠋ᠠᠯᠢ ᠵᠢᠨ ᠣᠢ ᠪᠣᠯᠵᠤ ᠤᠷᠭᠤᠵᠤ ᠪᠣᠢ᠃ ᠵᠧᠵᠢᠶᠠᠩ᠂ ᠠᠨᠾᠥ᠋ᠢ᠂ ᠾᠧᠨᠠᠨ᠂ ᠱᠠᠨᠰᠢ᠂ ᠭᠠᠨᠰᠦ᠂ ᠭᠦᠢ᠍ᠵᠧᠦ᠂ ᠶᠦᠨᠨᠠᠨ᠂ ᠭᠣᠸᠠᠩᠳᠥ᠋ᠩ᠂ ᠭᠤᠸᠠᠩᠰᠢ᠂ ᠬᠤᠨᠠᠨ᠂ ᠵᠢᠶᠠᠩᠰᠢ᠂ ᠹᠦᠵᠢᠶᠠᠨ᠂ ᠲᠠᠢ᠌ᠸᠠᠨ ᠵᠡᠷᠭᠡ ᠮᠣᠵᠢᠪᠠᠷ ᠪᠦᠷ ᠤᠷᠭᠤᠳᠠᠭ᠃
ᠡᠰᠢ᠂ ᠦᠨᠳᠦᠰᠦ ᠬᠢᠭᠡᠳ ᠨᠠᠪᠴᠢᠠᠴᠠᠨᠢ ᠠᠩᠬᠢᠯᠤᠮᠠ ᠲᠣᠰᠣ ᠠᠪᠴᠤ ᠪᠣᠯᠤᠨᠠ᠃ ᠮᠣᠳᠣ ᠵᠢᠨᠢ ᠪᠠᠷᠢᠯᠭᠠ᠂ ᠣᠩᠭᠣᠴᠠ᠂ ᠭᠡᠷ ᠪᠤᠶᠤ ᠲᠠᠷᠢᠶᠠᠯᠠᠩᠤᠨ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯᠳᠤ ᠠᠰᠢᠭᠯᠠᠨᠠ᠃ ᠦᠵᠡᠮᠵᠢ ᠵᠢᠨ ᠮᠣᠳᠣ᠃ ᠪᠣᠷᠭᠣᠴᠣᠭ᠂ ᠦᠨᠳᠦᠰᠦ᠂ ᠨᠠᠪᠴᠢ ᠮᠥᠴᠢᠷᠨᠢ ᠪᠦᠷ ᠡᠮᠳᠤ ᠣᠷᠣᠨᠠ᠃
ᠬᠢᠲᠠᠳ ᠨᠡᠷᠡ᠄ 柏木
ᠠᠩᠭ᠍ᠯᠢ ᠨᠡᠷᠡ᠄ Cupressus Funebris Endl.
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ᠋᠊᠂ ᠡᠷᠬᠢᠮᠪᠠᠭ᠋ᠠᠲᠤᠷ
ᠬᠢᠨᠠᠭᠴᠢ᠄ ᠫᠤ · ᠴᠠᠭ᠋ᠠᠨ