ᠴᠦᠭᠦᠷᠰᠦ ᠵᠢᠨ ᠢᠵᠠᠭᠤᠷ
ᠮᠥᠩᠬᠡ ᠨᠣᠭᠣᠭ᠋ᠠᠨ ᠲᠤᠷᠤᠭ ᠮᠣᠳᠣ᠂ 30m ᠬᠢᠷᠢ ᠥᠨᠳᠥᠷ᠃ ᠬᠣᠯᠲᠣᠰᠣᠨᠢ ᠣᠯᠠᠪᠲᠤᠷ ᠬᠦᠷᠡᠩ ᠪᠥᠭᠡᠳ ᠭᠤᠯᠳᠤᠪᠠᠷ ᠬᠠᠭ᠋ᠠᠷᠠᠵᠤ ᠱᠠᠭ᠋ᠠᠷᠠᠵᠤ ᠤᠨᠠᠨᠠ᠃ ᠮᠥᠴᠢᠷᠨᠢ ᠨᠠᠷᠢᠬᠠᠨ ᠤᠷᠲᠤ ᠮᠥᠷᠲᠡᠭᠡᠨ ᠨᠠᠪᠲᠠᠢ᠌ᠵᠤ ᠤᠷᠭᠤᠨᠠ᠃ ᠨᠠᠪᠴᠢᠨᠢ ᠳᠥᠷᠪᠡᠨ ᠢᠷᠮᠡᠭᠲᠠᠢ᠂ ᠵᠡᠭᠦᠦ ᠰᠢᠭ ᠱᠣᠷᠣᠯᠵᠢᠨ ᠬᠡᠯᠪᠡᠷᠢᠲᠠᠢ᠂ 1_1.5cm ᠤᠷᠲᠤ᠂ ᠳᠣᠲᠣᠭᠰᠢᠪᠠᠨ ᠵᠢᠭ᠋ᠠᠬᠠᠨ ᠮᠤᠷᠤᠢ᠌ᠭᠰᠠᠨ ᠦᠵᠦᠭᠦᠷᠲᠠᠢ᠂ ᠳᠣᠭᠣᠭᠰᠢ ᠰᠤᠨᠤᠭᠰᠠᠨ ᠥᠷᠭᠡᠨ ᠤᠭᠲᠠᠢ᠂ ᠬᠣᠶᠠᠷ ᠲᠠᠯᠠᠳᠠᠭᠠᠨ ᠪᠦᠷ ᠬᠡᠢ ᠵᠢᠨ ᠠᠮᠠᠰᠠᠷᠤᠨ ᠴᠤᠪᠤᠭᠠᠲᠠᠢ᠂ ᠮᠥᠴᠢᠷ ᠳᠡᠭᠡᠷᠡᠪᠠᠨ ᠱᠤᠷᠠᠭᠯᠠᠨ ᠤᠷᠭᠤᠨᠠ᠃ ᠴᠡᠴᠡᠭᠨᠢ ᠭᠠᠭᠴᠠ ᠪᠡᠯᠭᠡᠲᠠᠢ᠃ ᠨᠢᠭᠡ ᠭᠡᠷᠲᠠᠢ᠃ ᠡᠷᠡ ᠪᠠᠭ ᠴᠡᠴᠡᠭᠨᠢ ᠮᠥᠴᠢᠷᠤᠨ ᠣᠷᠣᠢᠳᠠᠬᠢ ᠨᠠᠪᠴᠢᠨᠤ ᠥᠪᠥᠷᠲᠤ ᠭᠠᠭᠴᠠᠭ᠋ᠠᠷ ᠤᠷᠭᠤᠪᠠᠴᠤ ᠨᠡᠯᠢᠶᠡᠳ ᠬᠡᠳᠦᠪᠠᠷ ᠬᠠᠪᠢᠳᠠᠯᠴᠠᠨ ᠣᠬᠣᠷ ᠲᠦᠷᠦᠭᠦᠦ ᠬᠡᠯᠪᠡᠷᠢᠲᠠᠢ ᠪᠣᠯᠳᠠᠭ᠃ ᠡᠮᠡ ᠪᠠᠭ ᠴᠡᠴᠡᠭᠨᠢ ᠪᠥᠮᠪᠦᠭᠡᠨ ᠬᠡᠯᠪᠡᠷᠢᠲᠠᠢ᠂ ᠵᠢᠵᠢᠭ ᠮᠥᠴᠢᠷᠤᠨ ᠣᠷᠣᠢᠳᠤ ᠭᠠᠭᠴᠠᠭ᠋ᠠᠷ ᠤᠷᠭᠤᠨᠠ᠃ ᠦᠷᠡ ᠵᠢᠨ ᠬᠠᠢ᠌ᠷᠠᠰᠤ ᠪᠦᠷᠢᠨᠢ ᠶᠡᠷᠦᠳᠡᠭᠡᠨ ᠬᠣᠶᠠᠷ ᠦᠷᠡ ᠨᠠᠬᠢᠶᠠᠲᠠᠢ ᠪᠥᠭᠡᠳ ᠪᠠᠭᠯᠠᠭᠴᠢ ᠬᠠᠢ᠌ᠷᠠᠰᠤᠲᠠᠢᠪᠠᠨ ᠨᠡᠢ᠌ᠯᠡᠵᠦ ᠵᠥᠪᠬᠡᠨ ᠣᠷᠣᠢᠳᠠᠭᠠᠨ ᠰᠠᠯᠤᠩᠭᠢ ᠪᠠᠢ᠌ᠳᠠᠭ᠃ ᠪᠤᠭᠤᠷᠴᠠᠭᠨᠢ ᠪᠥᠮᠪᠦᠭᠡᠨ ᠬᠡᠯᠪᠡᠷᠢᠲᠠᠢ᠂ ᠳ᠋ᠢᠶᠠᠮᠧᠲᠷᠨᠢ 1.2_2cm᠂ ᠪᠠᠭᠠᠳᠠᠭᠠᠨ ᠨᠣᠭᠣᠭ᠋ᠠᠨ᠂ ᠪᠣᠯᠪᠠᠰᠤᠷᠠᠪᠠᠯ ᠬᠦᠷᠡᠩ ᠪᠣᠯᠤᠨᠠ᠃ ᠦᠷᠡ ᠵᠢᠨ ᠬᠠᠢ᠌ᠷᠠᠰᠤᠨᠢ ᠬᠣᠷᠢ ᠣᠷᠴᠢᠮ᠂ ᠰᠢᠭ᠋ᠠᠨᠲᠠᠭ ᠬᠡᠯᠪᠡᠷᠢᠲᠠᠢ᠂ ᠲᠤᠰ ᠪᠦᠷᠢ ᠬᠣᠶᠠᠷ ᠦᠷᠡᠲᠠᠢ᠂ ᠳᠡᠭᠡᠳᠦ ᠬᠥᠪᠡᠭᠡᠳᠡᠭᠡᠨ 5_6 ᠬᠤᠷᠴᠠ ᠬᠡᠷᠴᠢᠶᠡᠰᠦᠲᠠᠢ᠂ ᠠᠷᠤᠳᠤᠨᠢ ᠭᠠᠳᠠᠭᠰᠢ ᠱᠤᠪᠤᠢ᠌ᠵᠤ ᠭᠠᠷᠤᠭᠰᠠᠨ ᠷᠣᠮᠪ ᠬᠡᠯᠪᠡᠷᠢᠲᠦ ᠳᠣᠪᠣᠭᠣᠷᠲᠠᠢ᠃ ᠦᠷᠡᠨᠢ ᠪᠠᠬᠠᠨ ᠬᠠᠮᠰᠢᠭᠢᠷ᠂ ᠭᠤᠷᠪᠠᠯᠵᠢᠪᠲᠤᠷ ᠥᠨᠳᠡᠭᠡᠨ ᠬᠡᠯᠪᠡᠷᠢᠲᠡᠢ ᠪᠥᠭᠡᠳ ᠬᠠᠷᠠᠪᠲᠤᠷ ᠬᠦᠷᠡᠩ᠂ ᠬᠥᠪᠡᠭᠡᠪᠠᠷ ᠢᠪᠴᠤᠤᠬᠠᠨ ᠳᠠᠯᠠᠪᠴᠢᠲᠠᠢ᠃ ᠳᠤᠯᠠᠭ᠋ᠠᠨ ᠴᠢᠭᠢᠭᠲᠠᠢ ᠠᠭᠤᠷ ᠠᠮᠢᠰᠬᠤᠯᠲᠤ ᠭᠠᠵᠠᠷᠤᠨ ᠬᠦᠴᠢᠯᠯᠢᠭ ᠪᠥᠭᠡᠳ ᠡᠯᠡᠰᠦᠷᠬᠡᠭ ᠬᠥᠷᠥᠰᠥᠲᠦ ᠠᠭᠤᠯᠠ ᠵᠢᠨ ᠬᠠᠵᠠᠭᠤᠪᠠᠷ ᠰᠠᠢ᠌ᠨ ᠤᠷᠭᠤᠨᠠ᠃
ᠮᠠᠨᠤ ᠤᠯᠤᠰᠤᠨ ᠡᠮᠦᠨᠡᠲᠦ ᠣᠷᠣᠨᠤ ᠡᠯᠡ ᠮᠣᠵᠢᠪᠠᠷ ᠪᠦᠷ ᠤᠷᠭᠤᠳᠠᠭ᠃
ᠨᠠᠪᠴᠢ᠂ ᠮᠥᠴᠢᠷ ᠡᠰᠢ ᠬᠢᠭᠡᠳ ᠦᠨᠳᠦᠰᠦᠨᠳᠤᠨᠢ ᠪᠦᠷ ᠠᠩᠬᠢᠯᠤᠮᠠ ᠲᠣᠰᠣᠲᠠᠢ᠃ ᠬᠣᠯᠲᠣᠰᠣᠨᠢ ᠡᠯᠳᠡᠭᠦᠷᠤᠨ ᠲᠦᠭᠦᠬᠡᠢ ᠡᠳ᠋᠂ ᠮᠣᠳᠣᠪᠠᠷᠨᠢ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯ ᠬᠢᠨᠡ᠃ ᠴᠡᠴᠡᠷᠯᠢᠭᠲᠤ ᠲᠠᠷᠢᠵᠤ ᠦᠵᠡᠮᠵᠢ ᠵᠢᠨ ᠮᠣᠳᠣ ᠪᠣᠯᠭ᠋ᠠᠭᠰᠠᠨ ᠴᠦ᠍ ᠪᠣᠯᠤᠨᠠ᠃ ᠬᠣᠯᠲᠣᠰᠣᠨᠢ ᠡᠮᠳᠤ ᠣᠷᠣᠨᠠ᠃
ᠬᠢᠲᠠᠳ ᠨᠡᠷᠡ᠄ 柳杉
ᠠᠩᠭ᠍ᠯᠢ ᠨᠡᠷᠡ᠄ Cryptomeria fortunei Hooibrenk ex Otto et Dietr.
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠤᠶᠠᠭᠠ ᠬᠢᠨᠠᠭᠴᠢ᠄ ᠫᠤ ᠴᠠᠭ᠋ᠠᠨ