| ᠰᠤᠶᠤᠯ ᠤᠨ ᠭᠠᠶᠢᠬᠠᠮᠰᠢᠭ ᠢ ᠨᠠᠷᠭᠢᠭᠤᠯᠤᠭᠰᠠᠨ《 ᠨᠡᠶᠢᠭᠡᠮ》 ᠰᠡᠳᠬᠦᠯ ᠮᠢᠨᠢ | —《 ᠨᠡᠶᠢᠭᠡᠮ 》ᠰᠡᠳᠬᠦᠯ ᠤᠨ ᠭᠤᠴᠢᠨ ᠵᠢᠯ ᠤᠨ ᠤᠢ ᠳᠤ | ᠨᠠ᠊ · ᠵᠢᠷᠭᠠᠯ ᠵᠤᠬᠢᠶᠠᠪᠠ | | | | ᠤᠨ ᠴᠠᠭ ᠤᠷᠴᠢᠨ ᠨᠢᠳᠤ ᠢᠷᠮᠡᠬᠦ ᠵᠠᠭᠤᠷᠠ ᠭᠤᠴᠢᠨ ᠬᠠᠪᠤᠷ ᠨᠠᠮᠤᠷ ᠦᠩᠭᠡᠷᠡᠨ ᠣᠳᠬᠤ ᠳᠤ ᠬᠦᠮᠦᠨ | ᠨᠡᠶᠢᠭᠡᠮ ᠢ ᠲᠠᠨᠢᠭᠤᠯᠤᠨ ᠰᠤᠶᠤᠯ ᠤᠨ ᠭᠠᠶᠢᠬᠠᠮᠰᠢᠭ ᠢ ᠨᠠᠷᠭᠢᠭᠤᠯᠤᠭᠰᠠᠨ 《ᠨᠡᠶᠢᠭᠡᠮ 》ᠰᠡᠳᠬᠦᠯ ᠴᠤ ᠠᠭᠤᠤ | ᠶᠡᠭᠡ ᠡᠪ ᠬᠠᠮᠲᠤ ᠨᠠᠮ ᠤᠨ ᠮᠡᠨᠳᠦᠯᠡᠭᠰᠡᠨ ᠵᠠᠭᠤᠨ ᠵᠢᠯ ᠤᠨ ᠦᠪᠡᠳᠡᠭᠰᠢ ᠪᠠᠶᠠᠷ ᠤᠨ ᠬᠦᠭᠵᠢᠶᠡᠨ ᠨᠠᠷᠭᠢᠶᠠᠨ ᠤ | ᠬᠠᠮᠲᠤ ᠪᠠᠷ ᠭᠤᠴᠢᠨ ᠵᠢᠯ ᠤᠨ ᠤᠢ ᠪᠠᠨ ᠤᠭᠲᠤᠨ ᠠᠪᠴᠢᠷᠠᠯᠠ᠃ | ᠨᠤᠮ ᠤᠨ ᠬᠤᠷᠭᠤᠨ ᠳᠤ ᠬᠢ ᠤᠯᠠᠨ ᠭᠠᠵᠠᠷ ᠤᠨ ᠮᠤᠩᠭᠤᠯ ᠬᠢᠲᠠᠳ ᠰᠡᠳᠬᠦᠯ ᠢ ᠤᠷᠪᠠᠭᠤᠯᠤᠨ ᠦᠵᠡᠬᠦ ᠪᠦᠷᠢ | 《ᠨᠡᠶᠢᠭᠡᠮ》 ᠰᠡᠳᠬᠦᠯ ᠮᠠᠨᠢ ᠬᠠᠷᠠᠭᠠᠨ ᠳᠤ ᠤᠨᠴᠠᠭᠠᠢ ᠲᠤᠳᠤᠷᠠᠨ ᠰᠡᠳᠬᠢᠯ ᠤᠨ ᠳᠤᠲᠤᠷᠠ ᠪᠠᠶᠠᠷ ᠲᠠᠯᠠᠷᠬᠠᠯ ᠤᠨ | ᠦᠭᠡ ᠪᠠᠶᠢᠨ ᠪᠠᠶᠢᠨ ᠴᠣᠬᠤᠯᠵᠠᠭᠠᠳ ᠯᠡ ᠢᠷᠡᠳᠡᠭ᠃ | ᠨᠤᠮ ᠰᠡᠳᠬᠦᠯ ᠤᠨ ᠦᠩᠭᠡ ᠶᠢᠨ ᠴᠡᠴᠡᠭᠡᠰ ᠤᠨ ᠳᠤᠮᠳᠠ ᠦᠪᠡᠷ ᠤᠨ ᠭᠡᠬᠦ ᠦᠵᠡᠰᠭᠦᠯᠡᠩ ᠢᠶᠠᠷ ᠢᠶᠠᠨ ᠰᠤᠳᠤᠨ | ᠠᠭᠤᠯᠭᠠ᠂ ᠰᠣᠨᠢᠭᠤᠴᠢ ᠦᠯᠢᠭᠡᠷ᠂ ᠤᠷᠮᠠ ᠲᠠᠢ ᠪᠦᠲᠦᠭᠡᠯ ᠢᠶᠠᠷ ᠢᠶᠠᠨ ᠦᠩᠭᠡ ᠦᠵᠡᠮᠵᠢ ᠪᠠᠨ ᠱᠠᠭᠰᠢᠭᠤᠯᠤᠨ | ᠳᠠᠶᠠᠭᠠᠷ ᠤᠨ ᠰᠣᠨᠤᠷ ᠢ ᠮᠢᠯᠢᠶᠠᠨ ᠬᠠᠷᠠᠭᠠ ᠶᠢ ᠪᠣᠯᠢᠶᠠᠳᠠᠭ ᠨᠢ 《ᠨᠡᠶᠢᠭᠡᠮ》 ᠭᠡᠭᠴᠢ ᠡᠭᠡᠯ ᠵᠢᠷ ᠤᠨ ᠡᠷᠬᠢᠮ | ᠨᠢᠭᠡᠨ ᠮᠣᠩᠭᠤᠯ ᠰᠡᠳᠬᠦᠯ ᠪᠢᠯᠡ᠃ | 《ᠨᠡᠶᠢᠭᠡᠮ》 ᠰᠡᠳᠬᠦᠯ ᠭᠡᠭᠴᠢ ᠨᠡᠶᠢᠲᠡ ᠲᠦᠮᠡᠨ ᠳᠤ ᠣᠶᠤᠨ ᠤ ᠰᠢᠮᠡ ᠶᠢ ᠬᠦᠷᠲᠡᠭᠡᠵᠦ᠂ ᠲᠦᠷᠦ ᠵᠠᠰᠠᠭ ᠤᠨ | ᠳᠠᠭᠤᠨ ᠬᠤᠭᠤᠯᠠᠢ ᠪᠤᠯᠵᠤ᠂ ᠴᠠᠭ ᠡᠷᠢᠨ ᠤ ᠬᠦᠭ ᠠᠶᠢᠵᠠᠮ ᠲᠠᠢ ᠠᠯᠬᠤᠭᠠ ᠵᠤᠬᠢᠴᠠᠨ ᠠᠮᠢᠰᠬᠤᠭᠠ ᠨᠢᠭᠡᠳᠴᠦ᠂ | ᠦᠪᠡᠷ ᠤᠨ ᠡᠭᠦᠷᠭᠡ ᠪᠠᠨ ᠭᠢᠯᠠᠯᠵᠠᠲᠠᠯᠠ ᠰᠠᠶᠢᠬᠠᠨ ᠪᠡᠶᠡᠯᠡᠭᠦᠯᠵᠦ ᠶᠠᠪᠤᠭᠰᠠᠨ ᠢᠶᠠᠷ ᠢᠶᠠᠨ ᠣᠩᠰᠢᠭᠴᠢᠳ ᠤᠨ | ᠲᠠᠭᠠᠰᠢᠶᠠᠯ ᠢ ᠬᠦᠷᠲᠡᠵᠦ ᠣᠢ ᠣᠬᠠᠭᠠᠨ ᠳᠤ ᠨᠢ ᠭᠦᠨ ᠰᠠᠭᠤᠭᠳᠠᠯ ᠲᠠᠢ᠂ ᠲᠠᠷᠬᠠᠭᠠᠯᠲᠠ ᠶᠢᠨ ᠬᠡᠪᠴᠢᠶᠡ ᠨᠢ | ᠦᠷᠭᠡᠨ ᠪᠠᠶᠢᠳᠠᠭ᠃ | 《ᠨᠡᠶᠢᠭᠡᠮ》 ᠰᠡᠳᠬᠦᠯ ᠮᠠᠨᠢ ᠦᠷᠭᠡᠨ ᠤᠯᠠᠨ ᠣᠩᠰᠢᠭᠴᠢ ᠲᠠᠢ ᠪᠠᠨ ᠵᠣᠯᠭᠠᠭᠰᠠᠨ ᠲᠡᠷᠡ ᠴᠠᠭ ᠮᠦᠴᠡ ᠠᠴᠠ | ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠲᠠᠢ ᠣᠶᠢᠷᠠᠲᠤᠨ᠂ ᠬᠦᠮᠦᠰ ᠤᠨ ᠳᠤᠷᠠ ᠰᠣᠨᠢᠷᠬᠠᠯ ᠳᠤ ᠨᠡᠶᠢᠴᠡᠭᠰᠡᠨ ᠵᠤᠬᠢᠶᠠᠯ ᠪᠦᠲᠦᠭᠡᠯ ᠢ | ᠤᠳᠠᠭᠠ ᠳᠠᠷᠠᠭᠠᠯᠠᠨ ᠨᠡᠶᠢᠲᠡᠯᠡᠵᠦ᠂ ᠠᠩᠬᠠᠷᠤᠯ ᠢ ᠨᠢ ᠲᠠᠲᠠᠨ ᠮᠠᠰᠢ ᠰᠠᠶᠢᠨ ᠨᠦᠯᠦᠭᠡ ᠲᠤᠰᠬᠠᠯ ᠭᠠᠷᠭᠠᠵᠤ᠂ | 《ᠨᠡᠶᠢᠭᠡᠮ》 ᠰᠡᠳᠬᠦᠯ ᠢ ᠮᠡᠳᠡᠬᠦ ᠦᠭᠡᠢ ᠬᠦᠮᠦᠨ ᠴᠦᠬᠡᠨ ᠪᠣᠯᠤᠭᠰᠠᠨ ᠨᠢ ᠨᠢᠭᠡᠨ ᠭᠠᠶᠢᠬᠠᠮᠰᠢᠭ ᠶᠤᠮ᠃ | — 《ᠨᠡᠶᠢᠭᠡᠮ》 ᠰᠡᠳᠬᠦᠯ ᠢ ᠪᠠᠨ ᠤᠩᠰᠢᠶᠠ᠂ ᠤᠯᠠᠨ ᠤᠴᠢᠷ ᠢ ᠮᠡᠳᠡᠵᠦ ᠪᠣᠯᠤᠨᠠ᠂ ᠰᠠᠶᠢᠬᠠᠨ ᠰᠡᠳᠬᠦᠯ | ᠰᠢᠦ︕ ᠭᠡᠵᠦ ᠬᠦᠳᠡᠭᠡ ᠶᠢᠨ ᠬᠦᠮᠦᠰ ᠬᠠᠷᠢᠯᠴᠠᠨ ᠵᠤᠭᠤᠭᠳᠠᠵᠤ ᠰᠢᠤᠳᠠᠨ ᠤ ᠭᠠᠵᠠᠷ ᠢ ᠴᠢᠭᠯᠡᠬᠦ ᠨᠢ ᠪᠠᠶᠢᠩᠭᠤ | ᠬᠠᠷᠠᠭᠳᠠᠳᠠᠭ ᠨᠢ ᠦᠨᠡᠨ ᠃ | — ᠲᠡᠷᠡ ᠤᠳᠠᠭᠠ ᠶᠢᠨ ᠰᠡᠳᠬᠦᠯ ᠳᠤ ᠮᠠᠯᠴᠢᠨ ᠲᠦᠮᠡᠨ ᠤ ᠠᠮᠢᠳᠤᠷᠠᠯ ᠤᠨ ᠲᠤᠬᠠᠢ ᠤᠨᠤᠪᠴᠢᠲᠡᠢ | ᠰᠠᠶᠢᠬᠠᠨ ᠶᠠᠷᠢᠭᠰᠠᠨ ᠶᠤᠮ᠃ ᠮᠠᠨᠤᠰ ᠲᠤ ᠲᠤᠰᠠ ᠳᠦᠭᠦᠮ ᠪᠤᠯᠤᠭᠰᠠᠨ ᠳ᠋ᠠ︕ ᠭᠡᠵᠦ ᠬᠠᠶᠠ ᠨᠢᠭᠡ ᠨ᠊ ᠢ | ᠪᠤᠳᠤᠯ ᠢᠶᠠᠨ ᠳᠡᠯᠭᠡᠳᠡᠭ᠃ | ᠬᠦᠳᠡᠭᠡ ᠨᠤᠲᠤᠭ ᠤᠨ ᠬᠦᠮᠦᠰ ᠲᠤ《 ᠨᠡᠶᠢᠭᠡᠮ》 ᠰᠡᠳᠬᠦᠯ ᠨᠢ ᠤᠩᠰᠢᠬᠤ ᠶᠢᠨ ᠰᠤᠨᠢᠷᠬᠠᠯ᠂ ᠰᠤᠷᠬᠤ ᠶᠢᠨ | ᠪᠠᠭ᠋ᠠᠷᠬᠠᠯ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠢᠮᠡ ᠬᠦᠷᠲᠡᠭᠡᠯ᠂ ᠠᠮᠢᠳᠤᠷᠠᠯ ᠤᠨ ᠲᠤᠰᠠᠯᠠᠮᠵᠢ᠂ ᠦᠨᠡᠯᠡᠬᠦ ᠶᠢᠨ ᠰᠢᠵᠢᠮ | ᠪᠣᠯᠵᠤ ᠪᠠᠶᠢᠭᠰᠠᠨ ᠨᠢ ᠡᠷᠭᠢᠴᠡᠭᠦᠯᠦᠨ ᠪᠣᠳᠤᠬᠤ ᠳᠤ ᠢᠲᠡᠭᠡᠭᠳᠡᠰᠢ ᠦᠭᠡᠢ ᠭᠠᠶᠢᠬᠠᠮᠰᠢᠭ ᠭᠡᠪᠡᠯ ᠨᠢᠭᠡ ᠯᠡ ᠦᠭᠡ | ᠰᠠᠨ᠃ | ᠲᠤᠬᠠᠢ ᠶᠢᠨ ᠦᠶᠡᠰ ᠬᠦᠳᠡᠭᠡ ᠶᠠᠪᠤᠬᠤ ᠵᠠᠭᠤᠷᠠ ᠡᠭᠡᠯ ᠵᠢᠷ ᠤᠨ ᠮᠠᠯᠴᠢᠳ ᠴᠤ《 ᠨᠡᠶᠢᠭᠡᠮ》 ᠰᠡᠳᠬᠦᠯ ᠢ | ᠬᠤᠪᠢ ᠪᠠᠷ ᠢᠶᠠᠨ ᠵᠠᠬᠢᠶᠠᠯᠠᠨ ᠤᠩᠰᠢᠵᠤ᠂ ᠬᠢᠷᠢ ᠪᠠᠷᠤᠭ ᠤᠨ ᠪᠢᠴᠢᠭ ᠮᠡᠳᠡᠬᠦ ᠠᠶᠢᠯ ᠳᠤ ᠨᠢᠭᠡᠨ ᠬᠤᠪᠢ | ᠬᠠᠷᠠᠭᠳᠠᠵᠤ ᠪᠠᠶᠢᠵᠠᠢ ᠭᠡᠬᠦ ᠳᠤ ᠬᠡᠲᠦᠷᠡᠮᠡᠷ ᠤᠴᠢᠷ ᠦᠭᠡᠢ᠃ ᠬᠠᠮᠢᠭᠠ ᠭᠠᠵᠠᠷ ᠬᠦᠷᠦᠭᠰᠡᠨ ᠴᠤ ᠨᠣᠮ ᠰᠡᠳᠬᠦᠯ ᠤᠨ | ᠲᠤᠬᠠᠢ ᠵᠤᠭᠤᠭᠳᠠᠪᠠᠯ ᠬᠠᠮᠤᠭ ᠤᠨ ᠲᠦᠷᠦᠭᠦᠦ 《ᠨᠡᠶᠢᠭᠡᠮ》 ᠰᠡᠳᠬᠦᠯ ᠢ ᠪᠠᠭ᠋ᠠᠲᠠᠶᠢᠬᠠᠨ ᠬᠦᠤᠷᠨᠢᠯᠳᠦᠵᠦ᠂ ᠠᠯᠢ | ᠬᠤᠭᠤᠴᠠᠭᠠ ᠶᠢᠨ ᠶᠠᠮᠠᠷ ᠵᠤᠬᠢᠶᠠᠯ ᠨᠢ ᠤᠩᠰᠢᠬᠤ ᠳᠤ ᠰᠠᠶᠢᠬᠠᠨ᠂ ᠠᠯᠢ ᠬᠤᠭᠤᠴᠠᠭᠠ ᠶᠢᠨ ᠠᠯᠢ ᠨᠢᠭᠡᠨ ᠵᠤᠬᠢᠶᠠᠯ | ᠨᠢ ᠰᠣᠨᠢᠨ ᠰᠡᠪᠡᠭᠦᠨ ᠭᠡᠵᠦ ᠤᠷᠮᠠ ᠲᠠᠢ ᠶᠠᠷᠢᠯᠳᠤᠨ ᠪᠠᠭ᠋ᠠᠲᠠᠢ ᠳᠦᠷᠭᠢᠯᠳᠦᠬᠦ ᠨᠢ ᠨᠢᠭᠡᠨ ᠴᠠᠭ ᠤᠨ ᠤᠶᠤᠨ ᠤ | ᠲᠡᠵᠢᠭᠡᠯ ᠰᠡᠳᠬᠢᠯ ᠤᠨ ᠪᠠᠭ᠋ᠠᠷᠬᠠᠯ ᠪᠤᠯᠵᠤ ᠪᠠᠶᠢᠵᠠᠢ᠃ | — ᠡᠷᠡᠭᠦᠯ ᠬᠠᠮᠠᠭᠠᠯᠠᠯ᠂ ᠠᠮᠢᠳᠤᠷᠠᠯ ᠤᠨ ᠶᠡᠷᠦ ᠶᠢᠨ ᠮᠡᠳᠡᠯᠭᠡ ᠭᠡᠵᠦ ᠶᠡᠷᠦ ᠠᠴᠠ ᠤᠯᠵᠤ ᠮᠡᠳᠡᠭᠡᠳᠦᠢ ᠰᠢᠨᠡ | ᠤᠴᠢᠷ᠂ ᠶᠤᠰᠤᠲᠡᠢ ᠨᠢᠳᠤ ᠨᠡᠬᠡᠭᠡᠭᠳᠡᠯᠡ︕ ᠭᠡᠵᠦ ᠤᠩᠰᠢᠭᠴᠢᠳ ᠪᠤᠳᠤᠯ ᠤᠨ ᠦᠭᠡ ᠪᠠᠨ ᠬᠡᠯᠡᠳᠡᠭ ᠨᠢ ᠪᠠᠶᠢᠨ | ᠳᠠᠬᠢᠨ ᠰᠤᠨᠤᠷ ᠲᠤ ᠬᠠᠩᠭᠢᠨᠠᠭᠠᠳ ᠪᠠᠶᠢᠳᠠᠭ ᠨᠢ ᠬᠠᠴᠢᠨ ᠶᠤᠮ᠃ | ᠮᠢᠨᠤ ᠪᠡᠶᠡ ᠴᠤ ᠡᠭᠡᠯ ᠨᠢᠭᠡᠨ ᠤᠩᠰᠢᠭᠴᠢ᠂ ᠠᠵᠢᠯ ᠤᠨ ᠴᠢᠯᠦᠭᠡᠨ ᠤ ᠵᠤᠬᠢᠶᠠᠭᠴᠢ ᠶᠢᠨ ᠬᠤᠪᠢ ᠳᠤ | 《ᠨᠡᠶᠢᠭᠡᠮ》 ᠰᠡᠳᠬᠦᠯ ᠢ ᠪᠠᠨ ᠦᠷᠭᠦᠯᠵᠢ ᠠᠩᠬᠠᠷᠤᠨ ᠤᠩᠰᠢᠵᠤ᠂ ᠰᠤᠳᠤᠨ ᠰᠠᠶᠢᠬᠠᠨ ᠪᠦᠲᠦᠭᠡᠯ ᠢ ᠨᠢ | ᠰᠤᠨᠢᠷᠬᠠᠵᠤ᠂ ᠮᠡᠳᠡᠯᠭᠡ ᠶᠢᠨ ᠰᠠᠩ ᠠᠴᠠ ᠬᠢᠴᠢᠶᠡᠯ ᠰᠤᠷᠴᠤ᠂ ᠦᠭᠡᠰ ᠤᠨ ᠳᠠᠯᠠᠢ ᠠᠴᠠ ᠪᠢᠴᠢᠭ ᠡᠵᠡᠮᠰᠢᠵᠦ᠂ | ᠬᠦᠮᠦᠨ ᠵᠤᠨ ᠲᠠᠢ ᠪᠠᠨ ᠠᠳᠠᠯᠢᠬᠠᠨ ᠪᠠᠭ᠋ᠠᠷᠬᠠᠨ ᠬᠦᠤᠷᠨᠢᠯᠳᠦᠵᠦ᠂ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠪᠠᠭ᠋ᠠᠳᠤᠯ ᠵᠤᠷᠢᠭᠵᠢᠯ᠂ | ᠠᠴᠢ ᠲᠤᠰᠠ ᠶᠢ ᠨᠢ ᠬᠦᠷᠲᠡᠵᠦ ᠶᠠᠪᠤᠭᠰᠠᠨ ᠮᠢᠨᠢ ᠬᠡᠵᠢᠶᠡ ᠴᠤ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠪᠠᠯ ᠪᠤᠷᠠᠮ ᠰᠢᠭ᠋ ᠳᠤᠷᠠᠳᠬᠠᠯ | ᠪᠠᠶᠢᠨᠠᠮ᠃ | ᠭᠤᠴᠢᠨ ᠵᠢᠯ ᠤᠨ ᠬᠠᠪᠤᠷ ᠨᠠᠮᠤᠷ ᠢ ᠨᠢ ᠪᠠᠭ᠋ᠠᠳᠤᠨ ᠡᠷᠭᠢᠴᠡᠭᠦᠯᠬᠦ ᠳᠤ ᠣᠯᠳᠤᠢ ᠪᠦᠲᠦᠭᠡᠯ ᠮᠢᠨᠢ ᠤᠷᠤᠨ ᠵᠠᠢ | ᠪᠠᠨ ᠡᠵᠡᠯᠡᠵᠦ᠂ ᠳᠦᠷᠪᠡᠨ ᠵᠦᠭ ᠤᠨ ᠤᠩᠰᠢᠭᠴᠢ ᠶᠢᠨ ᠠᠯᠠᠭᠠᠨ ᠳᠤ ᠳᠤᠷᠠᠶᠢᠵᠤ᠂ ᠨᠢᠭᠡᠨ ᠴᠠᠭ ᠤᠨ ᠵᠤᠭᠠ | ᠴᠡᠩᠭᠡᠯ ᠪᠤᠯᠵᠤ ᠪᠠᠶᠢᠭᠰᠠᠨ ᠢ ᠬᠡᠯᠡᠬᠦ ᠳᠤ ᠪᠠᠭ᠋ᠠᠲᠠᠢ ᠪᠢᠯᠡ᠃ | ᠮᠢᠨᠤ ᠪᠢᠴᠢᠭᠰᠡᠨ 《ᠨᠤᠲᠤᠭ ᠤᠨ ᠰᠠᠶᠢᠬᠠᠨ》᠂ 《ᠰᠦᠨ ᠴᠡᠴᠡᠭ》᠂ 《ᠡᠬᠡ ᠬᠡᠯᠡᠨ ᠤ ᠢᠪᠡᠭᠡᠯ ᠳᠤ》 | ᠂ 《ᠬᠦᠳᠡᠭᠡ ᠪᠠᠭᠤᠭᠰᠠᠨ ᠲᠡᠮᠳᠡᠭᠯᠡᠯ》᠂ 《ᠨᠤᠲᠤᠭ ᠤᠨ ᠦᠳᠡᠰᠢ》᠂ 《ᠡᠪᠦᠯ ᠤᠨ ᠦᠳᠡ》᠂ | 《ᠨᠤᠲᠤᠭ ᠤᠨ ᠬᠡᠰᠢᠭ》᠂ 《ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤ》᠂ 《ᠤᠯᠠᠭᠠᠡᠮᠦ᠋ᠴᠢᠷ ᠢᠷᠡᠯᠡ》᠂ 《ᠭᠤᠷᠯᠤᠰ | ᠨᠤᠲᠤᠭ ᠲᠤ》 ᠵᠡᠷᠭᠡ ᠶᠢᠨ ᠭᠤᠴᠢᠭᠠᠳ ᠪᠦᠲᠦᠭᠡᠯ ᠮᠢᠨᠢ《 ᠨᠡᠶᠢᠭᠡᠮ 》ᠰᠡᠳᠬᠦᠯ ᠳᠤ ᠨᠡᠶᠢᠲᠡᠯᠡᠭᠳᠡᠵᠡᠢ᠃ ᠡᠨᠡ | ᠪᠦᠬᠦᠨ ᠪᠣᠯ ᠡᠷᠬᠢᠮ ᠰᠡᠳᠬᠦᠯ ᠤᠨ ᠮᠢᠨᠢ ᠦᠭᠭᠢᠶᠡᠮᠦᠷ ᠬᠠᠶᠢᠷᠠ᠂ ᠡᠷᠬᠢᠮ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠭᠰᠢ ᠨᠠᠷ ᠤᠨ | ᠨᠠᠨᠳᠢᠨ ᠬᠦᠳᠡᠯᠮᠦᠷᠢ᠂ ᠴᠠᠭ ᠦᠶᠡ ᠶᠢᠨ ᠦᠩᠭᠡ ᠵᠢᠷᠤᠭ ᠢ ᠪᠢᠴᠢᠭᠰᠡᠨ ᠲᠡᠮᠳᠡᠭᠯᠡᠯ ᠬᠡᠮᠡᠨ ᠪᠢ ᠴᠢᠩ ᠰᠡᠳᠬᠢᠯ ᠠᠴᠠ | ᠪᠠᠨ ᠲᠠᠯᠠᠷᠬᠠᠳᠠᠭ᠃ | 2011 ᠣᠨ ᠤ 11 ᠳ᠋ᠤᠭᠡᠷ ᠰᠠᠷᠠ ᠳᠤ ᠡᠬᠡ ᠤᠯᠤᠰ ᠤᠨ ᠪᠠᠷᠠᠭᠤᠨ ᠡᠮᠦᠨᠡᠲᠦ ᠬᠢᠵᠠᠭᠠᠷ ᠲᠤ ᠬᠢ ᠰᠧᠴᠤᠸᠠᠨ | ᠮᠤᠵᠢ ᠶᠢᠨ ᠰᠢᠴᠠᠩ ᠬᠤᠲᠠ ᠳᠤ ᠮᠤᠩᠭᠤᠯ ᠰᠡᠳᠬᠦᠯ ᠤᠨ ᠡᠭᠡᠯᠵᠢᠲᠦ ᠬᠤᠷᠠᠯ ᠳᠤ ᠤᠷᠢᠭᠳᠠᠨ ᠣᠷᠣᠯᠴᠠᠭᠰᠠᠨ ᠨᠢ | ᠡᠨᠡ ᠨᠠᠰᠤᠨ ᠤ ᠬᠠᠮᠤᠭ ᠤᠨ ᠶᠡᠭᠡ ᠤᠯᠵᠠᠭᠤᠷᠬᠠᠯ ᠶᠤᠮ᠃ ᠲᠡᠷᠡ ᠤᠳᠠᠭᠠᠨ ᠤ ᠠᠶᠠᠯᠠᠯ ᠢ ᠪᠠᠨ ᠡᠮᠬᠢᠯᠡᠨ | ᠪᠢᠴᠢᠭᠰᠡᠨ ︽ᠲᠦᠮᠡᠨ ᠭᠠᠵᠠᠷ ᠠᠶᠠᠯᠠᠨ ᠲᠦᠷᠦᠯ ᠤᠭᠰᠠᠭᠠ ᠪᠠᠨ ᠡᠷᠭᠢᠨ ᠦᠵᠡᠭᠰᠡᠨ ᠨᠢ︾ ᠭᠡᠬᠦ ᠵᠤᠬᠢᠶᠠᠯ ᠢ | ᠮᠢᠨᠢ 《ᠨᠡᠶᠢᠭᠡᠮ》 ᠰᠡᠳᠬᠦᠯ ᠮᠢᠨᠢ 2012 ᠣᠨ ᠤ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠ ᠠᠴᠠ ᠪᠠᠨ ᠡᠬᠢᠯᠡᠨ | ᠨᠡᠶᠢᠲᠡᠯᠡᠵᠦ᠂ ᠨᠡᠶᠢᠲᠡ ᠳᠤᠯᠤᠭᠠᠨ ᠬᠤᠭᠤᠴᠠᠭᠠ ᠦᠷᠭᠦᠯᠵᠢᠯᠡᠨ ᠨᠡᠶᠢᠲᠡᠯᠡᠭᠰᠡᠨ ᠨᠢ ᠤᠩᠰᠢᠭᠴᠢᠳ ᠤᠨ ᠳᠤᠮᠳᠠ | ᠭᠦᠨ ᠨᠦᠯᠦᠭᠡ ᠭᠠᠷᠴᠤ ᠲᠠᠭᠠᠰᠢᠶᠠᠯ ᠢ ᠨᠢ ᠬᠦᠷᠲᠡᠵᠦ᠂ ᠰᠡᠳᠬᠢᠯ ᠳᠤ ᠮᠢᠨᠢ ᠡᠷᠬᠢᠮ ᠨᠠᠨᠳᠢᠨ ᠳᠤᠷᠠᠰᠤᠯ ᠪᠤᠯᠤᠨ | ᠰᠡᠶᠢᠯᠦᠭᠳᠡᠭᠰᠡᠨ ᠢᠶᠠᠨ ᠡᠷᠭᠢᠴᠡᠭᠦᠯᠦᠨ ᠪᠤᠳᠤᠬᠤ ᠳᠤ ᠳᠤᠭᠳᠤᠯᠤᠨ ᠪᠠᠶᠠᠰᠳᠠᠭ᠃ ᠪᠢ ᠡᠳᠡᠭᠡᠷ ᠰᠡᠳᠬᠦᠯ ᠢ ᠪᠠᠨ | ᠲᠢᠭᠯᠡᠵᠦ᠂ ᠳᠠᠩᠰᠡ ᠡᠪᠬᠡᠮᠡᠯ ᠤᠨ ᠬᠦᠷᠢᠶᠡᠯᠡᠩ ᠳᠤ ᠬᠦᠷᠭᠡᠨ ᠦᠨᠢᠳᠡ ᠶᠢᠨ ᠦᠪ ᠪᠣᠯᠭᠠᠨ ᠬᠠᠳᠠᠭᠠᠯᠠᠭᠰᠠᠨ ᠶᠤᠮ᠃ | 《ᠨᠡᠶᠢᠭᠡᠮ 》ᠰᠡᠳᠬᠦᠯ ᠮᠢᠨᠢ ᠣᠩᠰᠢᠭᠴᠢ ᠲᠦᠮᠡᠨ ᠳᠤ ᠣᠶᠣᠨ ᠤ ᠬᠤᠷᠠ ᠱᠠᠭᠢᠭᠤᠯᠵᠤ᠂ ᠰᠡᠳᠬᠢᠯ ᠤᠨ | ᠷᠠᠰᠢᠶᠠᠨ ᠢ ᠰᠣᠶᠣᠷᠬᠠᠵᠤ᠂ ᠪᠠᠶᠠᠷ ᠪᠠᠭ᠋ᠠᠳᠤᠯ᠂ ᠬᠦᠰᠡᠯ ᠪᠤᠳᠤᠯ ᠤᠨ ᠬᠢᠨᠢ ᠲᠤᠷᠭᠠᠨ ᠰᠢᠵᠢᠮ ᠪᠣᠯᠤᠭᠰᠠᠭᠠᠷ ᠢᠷᠡᠵᠡᠢ | ᠃ 《ᠨᠡᠶᠢᠭᠡᠮ》 ᠰᠡᠳᠬᠦᠯ ᠠᠴᠠ ᠠᠷᠠᠳ ᠤᠨ ᠵᠠᠩ ᠦᠢᠯᠡ᠂ ᠰᠤᠶᠤᠯ᠂ ᠬᠡᠤᠬᠡᠳ ᠪᠠᠭᠠᠴᠤᠳ ᠢ ᠬᠦᠮᠦᠵᠢᠭᠦᠯᠬᠦ | ᠶᠤᠰᠤᠨ᠂ ᠡᠷᠲᠡ ᠡᠳᠦᠭᠡ ᠶᠢᠨ ᠲᠡᠤᠬᠡ ᠶᠢᠨ ᠲᠤᠬᠠᠢ ᠤᠯᠠᠨ ᠵᠤᠬᠢᠶᠠᠯ ᠢ ᠠᠮᠲᠠᠷᠬᠠᠨ ᠤᠩᠰᠢᠵᠤ᠂ ᠮᠡᠳᠡᠯᠭᠡ | ᠤᠶᠢᠯᠠᠭᠠᠯᠲᠠ ᠪᠠᠨ ᠨᠡᠮᠡᠭᠳᠡᠭᠦᠯᠦᠨ᠂ ᠦᠨᠡᠲᠦ ᠴᠤᠬᠠᠭ ᠬᠦᠮᠦᠵᠢᠯ ᠢ ᠬᠦᠷᠲᠡᠭᠰᠡᠨ ᠨᠢ ᠠᠵᠢᠯ ᠦᠢᠯᠡᠰ ᠲᠤ ᠮᠢᠨᠢ | ᠲᠤᠰᠠ ᠪᠣᠯᠵᠤ᠂ ᠵᠤᠬᠢᠶᠠᠨ ᠪᠢᠴᠢᠯᠭᠡ ᠳᠤ ᠮᠢᠨᠢ ᠳᠡᠮ ᠦᠵᠡᠭᠦᠯᠦᠭᠰᠡᠨ ᠦᠨᠡ ᠴᠡᠨᠡ ᠨᠢ ᠦᠨᠡᠯᠡᠬᠦ ᠶᠢᠨ ᠠᠷᠭᠠ | ᠦᠭᠡᠢ ᠶᠣᠮ᠃ | ᠴᠠᠭ ᠡᠷᠢᠨ ᠣᠷᠤᠭᠰᠢᠯᠠᠵᠤ᠂ ᠰᠤᠶᠤᠯ ᠮᠡᠷᠭᠡᠵᠢᠯ ᠨᠢᠰᠬᠦ ᠮᠡᠲᠦ ᠲᠦᠷᠭᠡᠨ ᠬᠦᠭᠵᠢᠵᠤ ᠪᠤᠢ᠃ 《ᠨᠡᠶᠢᠭᠡᠮ | 》ᠰᠡᠳᠬᠦᠯ ᠮᠢᠨᠢ ᠦᠩᠭᠡᠷᠡᠭᠰᠡᠨ ᠤ ᠠᠮᠵᠢᠯᠲᠠ ᠪᠠᠨ ᠨᠠᠨᠳᠢᠩᠨᠠᠵᠤ᠂ ᠦᠨᠦᠳᠦᠷ ᠤᠨ ᠪᠦᠲᠦᠮᠵᠢ ᠪᠠᠨ ᠡᠷᠬᠢᠮᠯᠡᠵᠦ᠂ | ᠢᠷᠡᠬᠦ ᠮᠠᠷᠭᠠᠰᠢ ᠶᠢᠨ ᠳᠦᠷᠦᠭᠡ ᠪᠠᠨ ᠴᠢᠩᠭᠠᠯᠠᠨ᠂ ᠤᠩᠰᠢᠭᠴᠢ ᠲᠦᠮᠡᠨ ᠳᠤ ᠪᠠᠨ ᠣᠶᠣᠨ ᠢ ᠰᠡᠬᠡᠭᠡᠷᠡᠭᠦᠯᠦᠨ | ᠪᠢᠯᠢᠭ ᠢ ᠬᠤᠷᠴᠠᠯᠠᠬᠤ ᠰᠤᠳᠤᠨ ᠪᠦᠲᠦᠭᠡᠯ ᠢᠶᠠᠨ ᠦᠷᠭᠦᠯᠵᠢ ᠬᠦᠷᠲᠡᠭᠡᠬᠦ ᠶᠢ ᠬᠦᠰᠡᠨ ᠵᠦᠩᠨᠡᠨᠡᠮ᠃ | 《 ᠨᠡᠶᠢᠭᠡᠮ》 ᠰᠡᠳᠬᠦᠯ ᠮᠢᠨᠢ ᠮᠤᠩᠭᠤᠯ ᠮᠣᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ ᠪᠠᠷ ᠦᠢᠯᠡᠰ ᠤᠨ ᠠᠶᠠᠨ ᠳᠤ ᠪᠠᠨ | ᠬᠤᠰᠢᠭᠤᠷᠠᠵᠤ᠂ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ ᠳᠠᠪᠰᠢᠯᠲᠠ ᠳᠤ ᠠᠷᠠᠯ ᠤᠨ ᠱᠠᠷ ᠮᠡᠲᠦ ᠵᠢᠳᠬᠦᠨ᠂ ᠠᠵᠢᠯ ᠦᠢᠯᠡᠰ | ᠤᠨ ᠢᠷᠠᠭᠤ ᠬᠠᠭᠤᠳᠠᠰᠤ ᠪᠠᠨ ᠳᠠᠬᠢᠨ ᠪᠢᠴᠢᠭᠯᠡᠬᠦ ᠪᠣᠯᠣᠭᠠᠰᠠᠢ᠃ | 《ᠨᠡᠶᠢᠭᠡᠮ》 ᠰᠡᠳᠬᠦᠯ ᠮᠢᠨᠢ ᠰᠤᠳᠤᠨ ᠬᠡᠪᠯᠡᠯ | ᠨᠡᠶᠢᠲᠡ ᠲᠦᠮᠡᠨ ᠤ ᠬᠠᠮᠲᠤ ᠶᠢᠨ ᠰᠡᠳᠬᠦᠯ | ᠨᠠᠷᠭᠢᠨ ᠪᠠᠶᠠᠰᠬᠤ ᠶᠢᠨ ᠠᠯᠲᠠᠨ ᠰᠢᠵᠢᠮ | ᠨᠠᠷᠠᠯᠠᠭ ᠬᠤᠷᠸᠠ ᠶᠢᠨ ᠤᠶᠤᠨ ᠤ ᠬᠤᠷᠠ ᠁ ᠭᠡᠵᠦ ᠭᠤᠴᠢᠨ ᠵᠢᠯ ᠤᠨ ᠠᠶᠠᠨ ᠤ ᠠᠮᠵᠢᠯᠲᠠ᠂ ᠬᠦᠰᠡᠯ ᠤᠨ | ᠰᠠᠶᠢᠬᠠᠨ ᠢᠷᠡᠭᠡᠳᠦᠢ ᠶᠢ ᠴᠢᠨᠢ ᠪᠢ ᠪᠠᠭ᠋ᠠᠷᠬᠠᠨ ᠳᠠᠭᠤᠯᠠᠨᠠᠮ᠃ | ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ : ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤ ᠶᠢᠨ ᠴᠢᠪᠠᠭᠠ ᠪᠠᠯᠭᠠᠰᠤ |